رواية ☆ ذنـــــبٌ بـــلا ذنـــــب ☆ الفصل الخامس والعشرون 25 - بقلم Hend_AlBoor

- گلت جنة ما گلت انتي

- بنتي ما تخدم و لا من ضمن الخدم اني بس الي انفذ اوامر

- مجد ما گال هيج گال جبت خدامتين بدال ام شريف

- لا خالة بس اني

بنتر - اعتقد احنا نخلي النظام و الاوامر مو الخدم

- انقهرت على نفسي و على امي اخذت الگلاص من ايدها
- عادي يمة

يمةة .. عادي

بانفعال - لا جنة اني هذا جان شرطي قبل لا اجي هنا ست رونق

ببرود - اي عيني الباب يوسع جمل

حجت باستهزاء و طلعت ما وگف بعينها سن امي
- يمة ليش هيج هو گلاص مي و نتجفى شرها بدل هالسم الي حجته

- جنة وية هيج ناس لا تقيسين الكرامة بالكلام ما تسقط بحجيهم ، تسقط بالفعل و ابد متنفذين امر لا الها و لا للسيد الصغير مفهوم

انطتني صينية غدا ام شريف اخذتها طبت ساهرة گالت - والله نهد حيلج شتصيرين شغل و امتحانات

سرّي - و انتي ليش گمتي من فراشج

- لا الحمدلله تحسنت

- امشي امشي ارجعي لفراشج بعده وجهج اصفر

- اني مو جنة و بعدين طگت روحي من النوم و انتي هلكتي بالشغل
تهمس - شبيها الحية وياج سمعتها و اني جاية

- رونق

- اكو غيرها

- بعدها طفلة ساهرة

بسخرية - طفلة حقج بعدج متعرفيها

تضحك - شبيج وية البنية ساهرة

- ام جنة اذا تجين للصدگ هي حالها حالنا لوما ابو مجد تزوج امها جان هسه هن بالشوارع

- استغفر الله

- و داعتج ، الله يزيدهن مداحسد لا واللت بس سبحانه رزقهن و كرمهن و عززهن مو معناها تستنقص غيرها و تجرح بالحجي

- شبيدي عليها

تتأفأف - هين خلي تصبرلي اني اعرف شاتصرف

- دروحي صيحيهم الغدا جاهز

ام شريف - هواي جان متعلق بامه من ماتت لليوم هو منطوي على نفسه بروده و هدوءه سببه وفاتها ربيته على ايدي اني امه الثانية

جنة - الله يرحمها

بعد الكلام الـ سمعته من رونق .. ارتاحيت اشوي يم ام شريف .. يمكن لان حالها مثلنا من الخدم او لان كامت تسولفلي ع حياتها قبل .. اندمجت وياها و نسيت القهر الـ اني بي

تدك الباب و تدخل ساهرة - بعدك تقرا ارحم عيونك

- والله امتحانات و لود

- الغدا جاهز

- يلة دقايق و نازل

- مريت على ام شريف

- لا ورا العشا

- اني اگول هسة احسن

- مادام الاكل ننصب وراه ساهرة

- سيد مجد انزل هسة لا بعدها تندم

يضحك - ليش اسم الله

- بلغت بعد معلية يلة اروح اعزم ست الحسن و الجمال

رحت لغرفة خالتي دگيت الباب و دخلت شفت جنة گاعدة

ام شريف - هلة يمة تعال

بستها - شلونج اليوم

- الحمدلله بشوفتك

من طب وگفت روحي طلعت اختنكت منه
- يلة خالة اني اروح محتاجة شي

- وين خليج شوفتج ترد الروح

جنة : تسلميلي بس امي تنتظرني بالمطبخ

- اخذي راحتج گليبي

بعد ما تطلع تبتسم ام شريف- شلون بنية يربي ملاك ظاهرا و باطنا

- دتاخذين الادوية يمة ماريد تهاون منج

- كله بوقته خلف الله على جنة ما تتركني وحدي حافظة مواعيد الدوا بالدقيقة

- الحمدلله

جنة - كملتي يمة

- اي يمة دارتاح شوية

- الله يعينج دتتعبين بس تخلص الامتحانات اعوضج

- ما قصرتي يمة

تدخل ساهرة - سرّي نظفتي الغرف

- لا والله گلت ورا الغدا

- لا عمري اني راح اصعد انظفهن

- ساهرة اگعدي بعدج ممتعافيه زين

- لا تخافين على الذيبة هي بس دوخه و تروح

تصعد لغرفة مجد تشوفها نظيفها تفردش كل هدومة و كتبه بالگاع و تنزل ركض لغرفة جنة - جنو

- عيوني

- تگدرين تساعديني بالتنظيف

- اي عادي

- فدوة لگلبج

صعدنا بالطابق الثاني من الـﭬـيلة اول مرة اصعد هنا تصميمه فخم
طبينا بالغرفة بدت ترتبها رحت يم ميز دالم الاوراق انتبهت هاي ملخصات مادة امتحاننا
درت عليها
- غرفة مجد

- اي

- اكو غير غرفه اساعدج بيها

- غرفه رونق و ما تدخليها تولي

مشيت - لا عادي انتي نظفي هاي و اني هذيج

تركض عليها تلزمها - خرب تعالي امج تگلب الدنيا اذا سمعت استري علية اني انظفهن اثنينهن

- لمي الي تگدرين عليه لما اجيب ادوات التنظيف و روحي اقري

- تمام

بقيت الم هدومه بكل مكان الغرفة جبيرة تعبت گعدت الم بيهن نفتحت الباب عبالي
- ها اجيتي
شفت رجلي يمي وگفت گلبي صار باليمنى
- احجي من تدخل للغرفة

ببرود يرفع حاجب - غرفتي

خليت هدومه على سريره و مشيت اجه سد طريقي بيده وية الكنتور نشف دمي مثل تصرف اوس
بانفعال - ممكن

- بدر مني تصرف ساءلج حتى ماتبقين بالمكان الي اتواجد بي

- ممكن طريق

- داحجي وياج

سكتت باوعت عليه دفعت ايده و مشيت للباب دافتحه طبگها حيل بيده مبقت براسي افكار نرعبت عطت - الباب

- عوفيها ردي علية ليش تتهربين مني

تصعد رونق دتدخل غرفتها و تسمع الاصوات

جنة - مابية و ايدك عن الباب

- شبيج خايفة جنة

بصوت يرجف - الله يخليك الباب
وخر ايده فتحتها و طلعت ركض لاگيت ساهرة على الدرج صاحتني تجاهلتها لان منهارة

رونق بغرفتها - شديصير و ليش هيج يحجي وياها هوو شعلي بيها يطبها مرض ليش يسالها شبيج

گعدت بالغرفه ابجي اني داجيب الهم و المشاكل لامي ليش شكلي سبب معاناتي صار يا مكان اتوجهله يجيبلي الشر ،  خلصت الامتحانات و مرت العطلة بهدوء لان عزلت نفسي بالغرفة حتى لام شريف اروحلها من اتاكد مجد ماكو ، اخذ راحتي بس من سافروا لابو شهرين استعاديت قوتي و طاقتي و بدت السنة الثانية بنفس الهم

سينا منعزلة باحد حدائق كليتها تبجي و تشكي تباوع على البنات
- هواي علية اعيش حياة بسيطة مثلهن ،  اضحك ،  احب انحب اطب لبيت بي اسرة ،  ما ادخل الجامعة بسر يهد جبال ربي ردت بس اعيش بكرامة هم كافي سنين الذل لو ما تنتهي

فهد واگف جانبها يمد ايده بكلينكس ترفع راسها
- فهد

- تعرفين اسمي

تنزل راسها يگعد يمها - اذا ما تاخذي بيدي امسح دموعج
تفتح عيونها و تمسح دموعها بيدها بانفعال
- گعدتك هاي راح تشوه سمعتي بكليتي هسة شيگولون علية

يسحب الملزمة من حضنها و يورقها
- هسة محد يحجي ،  دتقريني

باستغراب - شتسوي جاي هنا

- عليج

- ابتعد عني

- و اذا مابتعدت

تباوع عليه بعصبية - انت شتريد فهمني

- اريدج ،  احبج ، احـــبـــج قابل داحجي هندي

تسكت بدهشة من كلامه تنزل راسها

- اني مو من الولد الي يلعبون و يدورون سوالف تعبانة مستعد من العصر ادز اهلي عليكم

تصيح - لا

- ليش شبيج رافضة لهاي الدرجة شبية اني

- ما اريدك ليش ما تفهم

ينهض بعصبية - خليج بهذا عنادج

يتركها و يمشي يندب حظه

تبجي و هي تشوفه رايح - مو ناقصتك بحياتي انت منين طلعت

بورشة العمل
بيان - كمامات و كفوف

فهد - عشتي ،  عاد اليوم بمنو راح نتعلم،  نشلع سن منو

تضحك بيان - بالنموذج

- كون يوگع جوا ايدي مجد

- خير

- اشلع حتى رحاتك

بيان - عزاا عود صاحبه

- شمحصل منك لعد 

دائما هادئة بالمحاضرات بورشات العمل 

استاذ جهاد معيد يفتر على الكروبات و يوجههم للعمل

- كل كروب يقسم نفسه زوجين كل زوج طبيب و مساعده و اتبادلو الادوار

فهد - اني و بيان نشتغل بهذا و انتو بهذا

بيان - مو تطبق و انت ساكت علمني

- يلة هسه گايل لا

لبست الجفوف و الكمامات هو بدا يطبق و يشرح

- اول شي نخدر موضع السن الزمي المحقنة

- تمام
بكل تطبيق عملي و ورشة تجي ببالي امي شوكت اتخرج و اوگف هاي الوگفة و اكسب من شغلي شوكت اشيل الثقل عنها

مجد - المقبض

حجيت وياها ما نفذت رفعت راسي شفتها صافنة على النموذج  - جنة

- نعم

رفعت عينها بعيني سلبن عقلي و الكمامات بلونهن

صفنت بعيونه حسيت باحساس غريب خوف و امان ،  نزلتهن توترت

استاذ جهاد - هاا بشروا وين وصلتوا بالشغل

مجد - طبقت الخطوات الي شرحتها استاذ

- ممتاز بادلها دورك

خلصت محاضرة الورش رحت للقاعة حسيت بالغلط من باوعت عليه كانو فتحت عليه نار مو گدها نفسيتي تعبت اريد اتصل بسينا بس مابية حيلي مهدود من القهر و القلق

- رحت جبت جاي و طبيت للقاعة گعدت اليوم اخس بالانتعاش ماريد افوت لحظة بدون ماشوفه لو اشم عطرها دخلت رونق جتي عليه
- هلو مجد

جنت ادون ملاحظات من حجت رفعت راسي شفتها روحي نقبضت تباوعلي بنظرة استحقاو و مبتسمة المح الطلاب بالقاعة و انتظر الفضيحة حتى اختم المصايب الي عشتها بحياتي

ينهض فهد - اروح اجيب جاي تريد؟

مجد - يا ليت

تگعد رونق - و ليش انت تجيب؟

فهد - ما فهمت

- يعني اكو ناس هنا اختصاصها هالشي