رواية ☆ ذنـــــبٌ بـــلا ذنـــــب ☆ الفصل الثالث والعشرون 23 - بقلم Hend_AlBoor

تنصدم و يوگع الماعون من ايدها تهمس - كتبي ، خواطري
درت عليها مبتسم بوجهي گعدت الم الگزاز اجة عليه
- لا تنجرحين
تجاهلته لان ماعرفه شنو و بشنو يفكر طبت ساهرة
- انگضى الشر ، اوگفي لا بيدج يبو

طلعت و اجتي بيدها مكناسة و مكرافة جمعته ذبتهن بالزبالة
- مجد

- ها

- شنو دتخدر جاي

- اي

تضحك - ادري من شوكت انت اصلا ما نشوفك بالبيت لو بغرفتك لو برا البيت و بعدين اكو طباخه و الف خادم ليش تسويه بنفسك

- اتاشرلي بعيونها ع جنة فتحت عيوني و اشرتلها تسكت باوعت على جنة تغسل المواعين اخذت گلاص الجاي و طلعت

- شگد طيب على امه الله يرحمها
جنة

- ها

- انت طب اسنان و مجد هم معقولة مشايفته

- هواي طلاب بالقاعة ماعرفهم كلهم

- ها

خلصت المواعين و رجعت لغرفتي گعدت

- شلون مصيبة هاي جنطتي و كتبي يمه ، شجابني بهذا البيت ربي فدوة خالقني و تعرفني مابية طاقه

يدخل فهد و ساهرة للبيت
- هسة اصيحلك سيد مجد

- لا يابة شتصحين هذا اقتحمه لغرفته بدون اذن من شوكت اني انتظره بالصاله

يركض على الدرج تصير رونق گدامه
- اهلا و سهلا

- هلا بيج دكتورة

- عاش من شافك ليش ماكو

- والله جامعة و انتي ادرﻯ بالدراسة

- حقك

- اترخص

يمشي للباب يدفرها و يصيح - لك ها ضلعي

يكمز مجد - الله ، يصرخ - فهد دمرت اعصابي انت اشوكت تعقل فهمني

- جيت نقرا سوا مليت وحدي و عمي اربع و عشرين ساعه يصيح على نموري راح يخبل ابنه و النبي

- انت المخبل

- شفت رونق

- اي و

- عادي فترة و عدت و ارتاح گلبي

- مرة لخ اختار صح و لتاذي گلبك

- لو الحب اختيار جان محد تعذب

ثاني يوم

سينا - انتظريني اباب الجامعه زين مو تروحين لكليتج اني هسه اوصل دقايق

- يلة اني وصلت

دخلت جوا انتظرها قريب من البوابة شفت مجد اجه نزلت راسي ارتبك و اتوتر منه اجتي سينا
- خما تأخرت عليج

- لا ، شبيج قلقتيني

- مابية حبي اشتاقيتلج

- فدوة لگلبج

- امشي نگعد بمكان ندردش

فهد - صباح الخير

جنة - صباح النور

تلتفت سينا تشوفه ترجع تدير وجهها على جنة فاتحة عيونها

- ترا جنة زميلتي محد سلم على الملكة ديانا

يعوفهن و يمشي تتعصب سينا - اريد اخنگة جنة بيدي هاي و اخلص منه

- شبي وياج من وين تعرفي

بانفعال - انسان متعجرف استفزازي شلون طايق نفسه

باستغراب - فهد

- اسمه فهد گولي صخام قرد مو فهد

- امشي امشي نگعد مبين اكو هواي سوالف مادري بيها

مشينا گعدنا بحديقة گعدت منفعلة - حسبي الله عكر مزاجي من صباحيات الله

- شلون التقيتو شصاير بيناتكم

- بالشارع من جنا نبيع و ركضو ورانا الولد

بدهشة - شنو ، و يعرف يعني يدري انتي

- اي و خايفة جنة لا يلزمها لزمة

- شلون عرفج مرت اكثر من سنة و جنتي ملثمة

- سهلة مو لزمني و جر الربطة

- اي

- و من داومنا مرة اجيت داشوفج شافني و لحگني لكليتي جنة شابعة قهر وجهه يخنگني احسه يشوفني غير عن الكل لان

- لان يعرف انو انتي بنت شوارع

- جنة شعور يوجع و هو انسان استفزازي

- عادي

- عادي على بختج
اگولج اخاف لان شافني واگفه يمج يشك بيج ماريد اجيب الشبهه عليج

تضحك - عيب تحجين هالحجي

- والله لهذا السبب من يوم عرفني لليوم اني ماجي لكليتج

- بربج قابل اني استعير منج لو افشل خلي يعرف و يعني

- لا جنة وحده من عدنا و لا اثنينا الاذية هاي انتي محاسة بيها متعرفين شنو بشر يعرف انتي انسانه مجدية بنت شارع و تداومين بنص هالناس الي ماشافت ضيم الشوارع و الذل

- ماعرف شعور شنو توگفين كبال انسان جنتي من تمرين من يمه بفخر و قوة و رافعة راسج و انتي ضامه بداخلج الم سنين الفكر و الشوارع و فجاءة تلگين نفسج گباله خدامة كلشي نهدم بهاي الحظة كياني و شخصيتي و قوتي حتى الشهادة

باستغراب - جنة لا تگولين ، تخلي ايدها ع حلگها - خوما

- و اذا عرفوا سينا راح انطرد مثلا لو اموت هو بس ذل و احنا رضعنا الذل من صغرنا و اتنفسناه شنو الي تغير هسه حتى ننقهر و نهتم

بانفعال - ايا نذل هذا الاستاذ الفاسد فضحج ولج ليش متحجيلي ليش تضمين كل هذا بگلبج

- لا مو استاذ ماهر

- لعد هو منو يعرف غيره
تخلي ايدها على حلگها و تشهك - فهد يبو اكيد اي هوو من اجيت سألت عنج علمود كتبج هو وصديقه سالوني عنج اي منها عرف اني صديقتج و سأل علية و عرف انو انتي هم

- منو سأل عني

- فهد و واحد وياه

- شلونه

- عيونه خضر

- مجد

- ماعرف

- شرادوا

- هذاك الهادئ وجهه بارد هو برد اعصابي بوقتها گال علمود ورشات مدري شنو

- ها

- هذا النذل شلون يحجي هيج و يفضحنا ليش هيج احنا بشنو اذيناه والله لاطيح حظه من اشوفه

- مو هو اصلا فهد ميدري بية شنو اني

بانفعال - انتي عاد فضيني منو فهميني دمرتي اعصابي بس بقى ابلي امي بالتهمة

- البيت الي انتقلنا بي

- بيت ابو مجد شبي
تفتح عيونها - ابو مجد بسلا هو نفسه الولد

- اي

- جنة و شصار

تبتسم باستهزاء - و لا شي هياني استمريت و لا كانو صاير شي لازم انعاني حتى انعيش لازم ندفع ثمن كرامتنا مقابل الهوا و اذا فكرنا نستسلم ننداس بالزايد و نضيع بالدنيا اكثر

- تعتقدين اكو اسوء من الي عشناه لحد هسة

- مستحيل

- لهذا السبب قويات ماكو شي يوگفنا جنة احنا عشنا اسوء عيشه و استمرينا و هسة من وصلنا لهنا موقف لو موقفين ترجعنا

- اكيد لا

- لا تهتمين و استمري مراح تغير شي اي ردة فعل من عدنا

- الحمدلله

گمنا مشينا رحت لكليتي دامشي صار وراية ماهر سلم فززني التفتت رديتله

- شلونج

- الحمدلله

- شو ماكو بقى بالي يمج

- ضروف استاذ

يباوع على اصابيعها - ها ، ان شاء الله خير

- ان شاء الله
انعطفت لممراتنا رحت للقاعة وصلت يم استولي دعمتني بنية و نترت بية - انتبهي

گعدت لميت كتبي و وگفت - انتي رجعتي علية

- و انتي شكو واگفة بالطريق

- العفو بس هذا استولي اريد اگعد و انتي واكفه بالطريق .

باوعتلي بنظرة استهزاء و تجاهلتني حجت وية مجد - شنو مجد اشو انتو هنا مثل الابتدائية ما تغيرون مقاعدكم

مجد - كل واحد و نظامه رونق

گعدت هذا اشوكت ناوي يرجعلي كتبي و جنطتي دامشي بالجامعه بدون هوية لو ميفكر

تروح رونق فهد يهمس لمجد - شنو گايللها بالك يم جنة

- المن

- رونق

- لا

فهد : لعد شبيها الغيرة تنفر من عيونها

- و ليش تغار رونق مثل اختي

- نايم و رجلك بالشمس ، لعد الظاهر غارت من الجمال

- وين الغيرة موقف صار عادي

- ياعمي حتى اني اغار انت شايف عيونهاا

بانفعال - هاا فهد

يضحك - اسف بس تدري اذا تزوجتوا شتجيبون انتاج خنفشاري

- و تالي

- يابة داتغزل بجمالك يعني عيون خضر و عيون زرك انتظر بنتك حاجزها الي

- بروف عوني يسلم

- شلون العمل بالورشات ان شاء الله مرتاحين

- الحمدلله

- نهاية كل اسبوع ارفعولي تقارير بشغلكم
جنة يا هلا بنتي وينج ماكو مكانج خالي بالمحاضرة

- تسلم استاذ شوي ضروف

- الطالب المتفوق يترك وراه فراغ الله يسهل ضروفج

داخلي يفرح بوجود البروف احسه ابوية مو استاذي وجهه سمح و متواضع و اسلوبه مرن

- افتحوا كتبكم شوفولي النموذج رقم خمسة

هسه اذا سألني على كتابي شأكوله نسيته والله عيب ارتبكت من كلهم فتحوا الكتب و اني افرك بديه ، مدلي كتابه باوعت عليه و درت عنه خلاه على مقعدي باوعت عليه فتح كتابي گدامه اعرفه مميزته بلون وردي صفنت على تصرفه شال عينه بعيني و رفع حاجبه درت عنه ورقت الكتاب ، انتهت المحاضرة على اعصابي بقيت گاعدة انتظر كتابي ، هو طلع
تضحك باستهزاء - شنو هذا يريد اروحله والله لو تطلع نخلة براسك
خلص الدوام تجاهلته و يعني مينطي رجعت للبيت دامشي بالطريق الداخلي صاير بين حديقتين كلهن ورد جوري البلابل بكل مكان اخذت نفس عميق و امشي على كيف صارت سيارة وگفت و التفتت نزلت هاي البنية منها و جتي علية منفعلة

رونق بنتر - انتي شتسوين هنا