رواية ☆ ذنـــــبٌ بـــلا ذنـــــب ☆ الفصل الثامن والعشرون 28 - بقلم Hend_AlBoor

- احبج

گلبي گام يوجعني كلما يحجي اكثر كلما يزيد الالم ، الم غريب لميت حيلي و رفعت ايدي اريد ادفعه لزمت صدره نبضاته ماتفرق شي عن سرعة و قوة نبضاتي احسهن يدگن بيدي مو بصدره اخذن حيلي ردت افقد وعيي حرك راسه و مسح خده بخدي خشونة لحيته و اني احاول اسيطر على توازني همس باذني - اموت بيج
دموعي بعيوني ، هدمني سمع صوت ابو
- وينه مجد وينه ابني
جامدة بمكاني انتظره يتحرك رفع راسه يباوع بعيوني و طلع گمت اشهك بالنفس نزلت وية الحايط مابية حيل اشيل جسمي خليت ايدي على حلگي ابجي و ارجف

طلعت دايخ سلمت عليهم حضنت ابوية و بوسته گعدنا اباوع عليه و اشوف عيونها هلگد ما باوعت بيهن مداتحمل عيوني بدونها هسة ، ينهد حيلي كلما اتذكر صارحتها و اريد ارجع اتطمن عليها ، تملكني قلق و توتر
- شبيك ابني

ابتسامة مصطنعة - شبية يابة

- مو على بعضك

- لود الامتحانات و قراية تعبان

- الله يوفقك ابني

طبت رونق ركضت على امها حضنتها و بوستها و بوست ابوية

- شلونك عمو الحمدلله على السلامة

- الحمدلله بنيتي مادام انتو بخير اني بخير

ساهرة - اجة السيد الجبير و مرته اروح اشوفهم اخاف يحتاجون شي

سرّي - وينها بنتي مو بلغتيها اني هنا

- اي و اكيد اجتي

- اگوم اشوفها بالغرفة
تدخل تشوف جنة تبجي تركض عليها - يمة جنة

حضنت امي و ابجي اريد اهدا و اسكت مادري شديصير بية و هي تعتذرلي لان عافتني و تمسح على راسي

- لا تبجين يمة اسفة لان رجعت لو علية لو علية انام وحدي بالشوارع و ماهتم بس انتي يمة ماريد ابهذلج صح اني ارتاحيت بهذا البيت ناسه طيبين و الولد ما شفت منه شر و رونق يا يمة بعدها طفلة ما ازعل منها و ابهذل روحي و ابهذلج وياية كافي اهدي روحي ربج كريم يمة جنة ما تضل هيج تفرج

ساهرة - اهلا و سهلا بيكم نورتوا البيت

- اهلا اهلا ساهرة شلونكم ام شريف شلون صارت

- الحمدلله جوا رحمة الله

رونق - نحتاج طباخة جديدة

ام رونق - ليش ماما مو ام جنة موجودة

- طردتها

ابوية و امها باوعوا علية - محد نطرد

بانفعال - نعم

- شصاير ابني

توگف رونق - اتجاوزت علية هي و بنتها

مجد - رونق
- شنو ، انت مجنت موجود و متعرف شسون بية

ابو مجد - ليش شكبرها بنتها ما شايفها

تبجي رونق تگوم امها تحضنها - حبيبي ما اقبل احد يتجاوز على بنتي بهذا البيت

ابو مجد - لا تبجين اهدي بنتي خلي نفتهم

ام رونق - البنية دتگولك اتجاوزت عليها

- ماما و ضربتني بنتها

بدهشة - شنو ، محمد ما تحجي شي

ابو مجد - مجد شديصير انت شجايب للبيت

- ماكو شي رونق كبرت الامور

ساهرة - سيد محمد البنية دافعت لامها لان ست رونق يعني شوي قللت احترام وية امها

ام رونق - لا اكيد غلطانة ساهرة بنتي محترمه و مترباية زين

رونق تصرخ - رشت علية المي و ماخلت كلمة ما گالتها

ساهرة - انتي گتيلها بنت شوارع و هنتي على امها گدامها

رونق - انتي اشششش لا تتدخلين

ابو مجد - خلااص ، ساهرة صيحي المرة

تدخل للغرفة تشوف جنة بحضن امها
- شبيها

- تعبانة شوي

- البيگ الجبير رايدج

گعدت على حيلي - و شيردون من امي

- علمود عزيمة اليوم يسووها بمناسبة رجوعهم

- جنة يمة انتي ارتاحي اگوم اشوف شغلي

تدخل سرّي للصالون بخجل من الي صار توگف
- شصاير ام جنة ممكن اسمع منج

- اعتذر الغلط مني

- التجاوز الصار من بنتج

- بعدها صغيرة سيد محمد اعذروها

- شگد عمرها

- بعمرهم الله يحفظهم

- جبيرة يا سرّي ابدال هذا الاعتذار ربيها التربية ماعليها بالفقير و الغني و الاخلاق ما تحتاج فلوس ما يصير تتجاوز على دكتورة

ام رونق - محمد اعتذارها كافي البنات صغار و اثنينهم غلطانات

- و ليش تصوجيني ماما

- لان انطيتي و اخذتي بالحجي و كبرتيها

- هي تجاوزت

- و انتي سكتي يا ماما ؟

مجد - رونق كبرتها خالة

- ما كبرتها و ماريدها بالبيت

-المفروض الاعتذار من بنتج مو منج بنتج وين ..؟

مجد - يابة

- مجد خلي احلها اذا اعوفها عليكم ما تفض

ساهرة وين البنية

- دقيقة و اصيحها

ام رونق - مالها داعي محمد ..

يأشر لساهرة تروح ، تشوفها واگفة بالمطبخ

- اعتقد سمعتي

اذاني كلامه لامي حاله حال غيره حكم على الظاهر - جاية

رحت وياها امي واگفة و منزلة راسها وجعت گلبي باوعت عليهم گاعدين وجوده بنصهم يربكني

ابو مجد يصفن على شكلها و جرأتها ما سلمت - الي سمعته صح

- ما يهمني شنو سمعت الي همني حكمك على الظاهر

سرّي - جنة

يرفع ايده - اتركيها ، اريد اسمع ، حكمي بخصوص شنو

- الاخلاق ما تنشري بفلوس لهذا السبب نشوف الفقراء يتقدمون على الاغنياء درجات بنقاوة الروح نملت جيوبنا اخلاق و مبادئ و احلام ، ما عدها عدها شي اقل من هذا تنطي الي
مثل المي بكوب الذهب مي و بكوب الفضة مي يبقى الجوهر صافي
اما الي سمعته اذا احد هان امي گدامي اردله بالمثل بس مو باخلاقه باخلاقي
ومن انت ذميت اخلاقي و بنيت حكمك على فقري و حالة امي ما سألت وين اخلاق بنت من الحسب و النسب و هي تهين مرة بسن امها

رونق بانفعال - احترمي نفسج

ابو مجد - رونق

باوعت عليه من سكتها و كملت
- المنازل و القدر هذا الـ تسگوا لاولادكم
و الشهادة حتى تعلي مقامه مو حتى ترتقي

يبتسم - كلامج اكبر من سنج

ام رونق -بكل الاحوال ما يصير تخلن مقارنة بيناتجن و تخلقن مشاكل

- اخر شي افكر بي اقارن نفسي باحد

رونق بسخرية - شو نسيتي نفسج ترة انتي هنا خدامة

جنة : هنا بس برا هذا البيت طبيبة

يستغرب ابو مجد و يباوع ع مجد و زوجته

- العلم ما احتكار للذوات

زاد حبي الها اكثر صرت ادوخ بشخصيتها اسلوبها و عقلها الجبير - جنة زميلتي بتفس القاعة

يوگف ابو مجد - اعتذر منج و مو لان دكتورة هذا كفاحج ما يخصني ، بس الي يفكر مثلج يوزن الحرف قبل لا ينطقه مستحيل يسيء

اما الفقر فاني من اخذت شهادة الهندسة جنت اشتغل عامل و بفضل الله و تعبي صنعت الغنى هذا
يدير على زوجته - رونق

- بلي

- اعتقد اني ناهي المقامات و كلمة خدامة بهذا البيت

تسكت بتعالي تردها امها - اعتذري

تتركهم و تمشي توگف يم جنة تباوع عليها و تروح

الام - اعتذر نيابة عنها

ابو مجد - الموضوع نقفل و ام جنة مسؤولية بقائها من عدمه بيد الي عينج هو سيد البيت

ينسحب الجميع واحد تلو الاخر

گعدت بالغرفة اعتذاره برد اعصابي خليت راسي على المخدة افكر بالي صار صوته بعده يتردد باذني و هو ينطقها لزمت گلبي بعده ينبض بسرعه

- ليش اني من دون الناس كلها

رونق تبجي - يمة اكرهها جتي هجمت حياتي اكرههاا

- ليش تخلين خيبتج بيها من الاول گتلج اكسبي گلبه

- حاولت بكل الطرق بس ما يشوف

- ليش مقهورة ماما مو نصيبج

- ليش مو نصيبي هواي علية

- رونق لا تجازفين بشغلتين اذية الغير و فرض الحب
حاولتي بس الله ما راد و ما يصير تفرضين حبج عليه لان حتى اذا تزوجج حياتج تصير جحيم وياه ، اخذي انسان يحبج و لا تجازفين بانسان تحبي من طرف

ثاني يوم فهد بكلية التربية يفتر تطلع سينا تشوفه تمشي سريع و تتجاهله يروح وراها

- سينا

- عوفني ما تفهم

- ماعوفج ، تتركه و تمشي - داحجي اوگفي

يمشي وراها - راح اجرج من ايدج گدام كل زملائج

- تفضل

- شبيج

- گلت الي اتريده و رفضت ماكو قسمة بعد على شنو جاي

- عليج

- داتفهمني

- اعرف الي خلاج تصرين على الرفض سينا و اذا بنت فقراء

- ما يخصك حياتي ما تخصك

- يخصني گلبي بيدج بنت ميعاد

بدهشة - انت شلون

- اعرف كلشي من الاول و احبج ما يهمني شنو و منو و اريدج ما يخصني رفضج اخذج غصب

- نعم

- اگوللهم كلهم اني رايدج

- انت ناوي تفضحني ياخي ابتعد

- ليش حرام لو عيب فهميني

تعوفه بعصبية و تمشي توصل لبوابة البناية يصيح - احبج

توگف بدهشة بدون ما تلتفت تكمل طريقها

روتيني اليومي نفسه ماكو تغير بحياتي عدا المشاكل و طموحي الي ديكبر بداخلي كلما اخلي راسي بالكتاب اتذكره لا اگدر اركز و لا دانساه طلعت بالحديقة اقرا گعدت بالشمس دخلت سيارة ما انطيت اهتمام رجعت اقرا سمعت صوت فهد يمي گال
- مرحبا
رفعت راسي من الصدمة نخرست حيلي نهد

- شلونج

بتوتر - الحمدلله

طلعت بالبالكون شفت فهد يم جنة نزلت ركض
ساهرة تنظف بالدرج - خية شجاك اليوم

- ها فهد وينك دانتظرك

يدور عليه بابتسامة واصله لاذاناته - لك ها شلونك
يهمس - شكو وجهك ميبشر بخير

- امشي لا ادفنك
يدور على جنة - عن اذنج

ياخذه و يروحون للغرفة بانفعال - لك هاي شنو

- شنو

- عبالي فقير و مغمض و گاعد اعلمك تصارح و تصخم هيج مرة وحدة ابيتك الگيها

- بالك راح بعيد

- لك لعد شتسوي ببيتك فهمني

- فهد بس امانة

فهد : اخيك بير ، متزوجين عرفي

- لا تحلل بكيفك اسمعني

- گول

- جنة بنت الطباخة مالتنا

بدهشة - لا يالله

- والله

يهمس وية نفسه - سينا صاحبتها ، يعني ..

- شنو

- و لا شي ، عادي بعدها بعيني جبيرة و كبرت اكثر رغم ضروفها دتدرس

گمت الم بكتبي و اوراقي اروح اطب جوا و احترم نفسي من القهر راح انجلط لشوكت اتحمل هيج مواقف

ثاني يوم
طلعت من الامتحان رحت اشوف درجات السعي بلوحة الاعلانات جانت بيان واگفة
گمت اسجل درجاتي انتبهت استاذ ماهر حاطلي سعي قليل كلش

- هاي مو درجتي

بيان - اني هم تعجبت انتي شاطرة يمكن غلطان بيها عادي تصير

رحت لغرفته دگيت الباب و سلمت گام وگف

- هلة نورتي الغرفة

- استاذ درجتي غلطان بيها

- دقيقة اشوف السجل ، هاي درجاتج الشهرية و هذا السعي شوفيها

ما ءامن بي اخذت السجل من ايده بقيت واگفة داباوع على الدرجات وگف بصفي و مد ايده على خصري

رحت لاستاذ ماهر اودي تقاريرنا اني و فهد وصلت الباب مفتوح شفت الاستاذ و جنة بوضع ، انصدمت منه