رواية ☆ ذنـــــبٌ بـــلا ذنـــــب ☆ الفصل الثاني 2 - بقلم Hend_AlBoor

تمتزج اصوات العصافير و البلابل فتنتج سمفونية الطبيعة بانغام متناسقة في تلك القرية المظلمة التي لم يطل عليها شعاع النور رغم وضوح قرص الشمس ، يمسك الوالد ذلك المقص تحت ضوء تقاليدهم يحاول قص اجنحة ابنته بينما تحول بينها و بينه والدتها في حديث غير متوافق
في المطبخ حيث تستمع سري الابنة الوحيدة لعائلة ريفية تتكون من اب و ام و خمس ولد و ترجو ان تميل الكفة لامها

ابو سرّي : ام سلمان بنتج تطمح لشي مستحيل ماعدنا بنات يروحن معاهد بالولاية و يدرسن ( الولاية قبل تسمية اخرى للمدينة )

ام سرّي : خلي البنية طايره بنفسها حتى المدرسين يمدحون بيها و يگولون حرامات تگعد و اخوها يوديها للولاية

ابو سرّي : الناس اكلو وجهي من وراها كمت امشي و اتخفى منهم رايحه كل يوم و جاية انوب بالمدينة

ام سرّي : و شبيها بنتي حتى تتخفى من الناس قابل ناهبه شو مستورة و الحمد الك ربي ماتشيل العباية من راسها ، لا عيني ابو سلمان بنتي جبل

ابو سرّي : هاي بنيتي قطعة من روحي هي الي ادخل بيها الجنة و اريد استرها و ابن عمها مابي عيب و مابقى بي صبر اكثر عليها رايدها هاي اخر سنة الها و خصلت زين و خلص كلامي

ينام الاب تروح زوجته على بنتها للمطبخ
- سمعتي ابوج يمة هذا الي طلع بيدي و انتي تعرفين اهلج من يقفلون

سرّي : ما قصرتي يمة بعد امري لله هذا ابوية و ماكدر اكسر كلامه لو اعانده انوب مي وجهه يروح كدام اهل القرية

- الله يستر عليج

-بس ها هم راح يبقى عندي امل اكمل و احقق طموحي

يدخل الاخ الكبير سلمان
- تكملين ما تكملين اول وتالي لابن عمج هذا كل تعبج لا شي سرّي

ترتبك سرّي و تسكت
الام - ابني مو الا لابن عمها هواي بالقرية يتمنون سرّي مثقفه و بنية معدلة بالشغل

بانفعال - و شبي محمود يمة هذا ابن عمها حجزها من هي صغيرة و متروح لغيره مفهوم سرّي

- ما كلت شي عنه بس بعدني صغيرة و اني ماريد اتزوج هسه هذا مو حلمي

- ماتبقين صغيرة المرة تكبر قبل الرجال سرّي و كلمة ابن عمج تمشي عليج حتى قبل لا يتزوجج ، الظاهر دلال و حب ابوية الج كبر راسج

تباوع على امها و تسكت هي تعرف النقاش وياه عقيم

- سرّي لاتخلين القريتي بالكتب يأثر ع عقليتج تبقين بنت عرب و تقاليدنا فوگ كل ثقافه و كتاب

- عاداتنا حتى فوگ المصحف سلمان فوگ كلام الله؟

- هذا ماعليه انا حجيت و خلاص

الام في محاولة انهاء النقاش الحاد - يمة گومي نامي باجر ورانا حصاد

- على امرج يمة

تدخل غرفتها تگعد - انتهى كلشي طموحي ، مستقبلي ، ابواب الفرج نسدت

معقولة هاي الحياة هيج؟ منو الي جرد المرأة من ابسط حقوقها
حالنا حال الحيوان اكل و شغل و نكثر نسلهم

فجراً تغطي صينية الريوگ و تربطها تدخل الام
- ها يبعد عيني خلصتي كلشي

- اي يمة

سلمان ينادي من الخارج - ها جهزتن يلة تاخرنا

- اي يمة اي يوم كلشي جاهز
يلة بنيتي شيلي
ينقلن الغراض للسيارة الحمل

سلمان - يلة اصعدن

- يمة وين اخوتك ماننتظرهم؟

- جبار و مالك طلعوا يسرحون بالحلال

- و ابوك و وليد و سالم

- بس يفضون سالفة البيوت الزجاجية باجر عود يطلعون ويانة
يلة يا يمة يلة مو تاخرنا

تتلثم سرّي و تصعد ليورا يم تگعد الام يم ابنها تنطلق السيارة بنص البساتين ينزلون بحلالهم ينزلون الغراض و يبدون يجمعون العنب بعد ساعات يگعدون يتريكون و يرجعون للشغل يملون مجموعة من الصناديك للظهر سلمان يبدي ينقل بيهن للسيارة
توگف تيويته ينزل سالم منها الاخ الاوسط
سلمان

- هاا شصاير وين ابوي

- يم ابو البيوت الزجاجية مجاي يحلها يكول انا متفق وية ابنكم الجبير

ينفعل - لحد هسه مافضت عمي ترا كبرتوها

- امشي امشينا نفضها و نرجع ما نطول

- و النسوان

- شكو عليهن ببستانه منو يتجرأ يجي هنا
تنادي من بعيد - يمة سالم هاي شصاير

- يوم ما نطول بس نفض السالفه و نجي زين
سلمان - انتن املن كم صندوك انا من اجي انقل الصناديك لا تشيلن شي

- ماشي يمة بس لا تتاخر يادوب نلحك للغدا

- الله كريم بس لا تطلعن من البستان لا تتحركن

- محفوظين عيوني
يدخلن بالجواو بنص عرايش العنب

- يمة انتي تعبتي روحي اگعدي بالفي ارتاحي

اي والله سري نهد حيلي مو مثل قبل راح الحيل بعد مابية اوگف

- اسم الله عليج يبعد روحي اني اكمل عنج

- الله يحفظج گليبي

تجمع العنب و تراقب الام الي غفت تحت الشجرة تددن الاغاني

حركة بين الاشجار تسكت و تلتفت على امها النايمة من الجهة الخ يقدم رجل امريكي يترنح يركض اتجاهها

- يمة مخبل

تركض باتجاه امها المسافة مو قريبة تنادي
- يمة ، يمة

تفز الام تشوف بنتها تركض وسط الزرع و خلفها رجال تصيح
- سري ، يمة شبيج
تگوم و تتوجه لبنتها

بين الزرع يهجم الامريكي عليها يوگعها و يصير فوگاها تقاوم و تصيح ريحة الخمر خنگتها تدفع بي لكن بدون جدوى بنيته الجسدية ضخمه يضرب يها و يصيح
- Shut up O Bastard

يلزم ايديها بيد و يشگگ هدومها بالايد الخ تبجي و تصرخ بجسد يرتجف و هي تنظر لعيونه الزرگ الواسعة
- عوفني ، يمة ، يمة الحگيني

تقاومه برجليها ينهال عليها بالضرب تفقد قوها ثم وعيها من الم الاغتصاب تتهجم الام علية يدفعها بقوة و يشمرها

- عوف بنتي الله يلعن
ترجع تگوم تدور على شي تضربه بي متلگي تركض عليه تجر بي عن بنتها يضربها بقوة
تصرخ - يا ناس الحگولي ، بنتي يا ناس يا عالم
لكن دون جدوى فالاراضي الزراعية خالية من اي بنايات سكنية
ينهض عن سري باتجاه الام يضربها دفرة بقوة تتلوى من الالم و يغادر
تزحف الام باتجاه سري و تبجي و تصرخ
- سري
توصللها تحاول تصحيها تشوف الدم تلطم وجهها و تخرمشه

- ولج حاجيني سري ، روحي و لا شرفج كون ماخذ روحي يمة

تحاول حملها بس ما تكدر تسحلها على مسافة و تتعب تغسل وجهها و تبجي
سرّي ولج اگعدي يمة سري بنيتي روحي

تصحى بحضن امها تتلوى من الالم تگعد تباوع مصدر الالم تشوف الدم تنهار بالبجي و ترجف

- شرفي يمة شرفي ، يمة يمةة
تلطم وجهها و تصيح تبجي امها لكن تعرف بعد البجي ماله جدوى بهذا الوقت تگوم و تشيلها من ايدها

- وين موديتني يمة عوفيني هناا ادفنيني هنا وين رايحة بية

ببكاء - اخوتج راح يجون

- خلي يجووون خلي ياخذون حقي

تصرخ - يذبحوج سري

تسكت مصدومة من كلام امها
- يذبحوني ، اي ما يرحموني يطهرون شرفهم بالدم
تبدي بالبجي - يمة شسوي يمة فدوة ساعديني

تجرها من ايدها و تسندها تمشيها و تحجي متهسترة - ما اخليهم يذبحون بنتي لا ، لا تخافين يمة ماخليهم