رواية ☆ ذنـــــبٌ بـــلا ذنـــــب ☆ الفصل الثلاثون 30 - بقلم Hend_AlBoor

توازني كله راح من حلاة روحها لفت ايديها حول ضهري خليت ايدي ورا راسها وگعنا رفعت راسي بوجهها - خما تأذيتي

ضهري نضرب الگاع بقوة قبض صدري اريد اسحب النفس اريد ارفع نفسي و اگعد ماگدر جلبت بي و اشهگ حضني و گعدني يحجي وياية مابية ارد اريد بس اتنفس گام ركض للسنك جاب مي و غسل وجهي و يگولي - شبيج احجي
- مابية  مابية بس اريد اتنفس
داوگف مابية جان يسخب ايديني و يوگفني سحبت اديه منه
- داگولك مابية شي

- تمام بس داسندج

اثرت بية الكلمة گعدت على الكرسي يم القاطع گال - ارتاحي والله لادفنه
و طلع عصبي

طلعت ركض من المطبخ جان ينهزم بالحديقة گام يضحك و يصيح - لك و النبي علمودك مجد
طرحته  و صرت فوگاه شبعته بوكسات
- لك مجد ،  حجي الحگلي
اجة ابو جمال جرني من عليه - عوفه ابني شبيكم
هو ميت ضحك فور اعصابي - جيب الكرك دادفنه
يضحك - دشوف نفسك عرگان بنص الشتا  من البوكسيات لو من الحضن

- خررب

- لا لا لك كافي

يصرخ - انت زمال جان ماتت البنية

- لك دكافي اهدا

يگعد گباله - حسبي الله عليك فهد

- هاي مجازاتي سويتلك خير ، هلگد حلو الحضن و صارت بيك كل هالقوة لك ورمتني

- فهد جان ماتت ما شفتها انت

- ما تموت بحضنك اطمن ادفعني هيج على سينا و انطيك وزنك ذهب زين

- اروح اشوفها فهد و الله اذا تعيدها ادفنك لك انت ما خفت يصير شي

- شخاف شفتك من لزمتها بحياتك مراح تحضنها هيج  بس انت ناكر جميل

يدخلون المطبخ يعتذر فهد منها ترد - مصار شي

- ترا شبعني كتل شوفي اگوله مادري و ميفيد

- لا متسوا مصار شي

استاذن و طلعوا گمت شربت مي و بديت افرغ بالثلاجة طب مجد - شدتسوين

- انظفها

- وين بيج طاقة قبل شوي بالموت اخذتي النفس

- مابية شي

- عوفي اني انظفها

انقل بالغراض على القاطع وگفت و باوعت عليه باستغراب گال - شبيج ،  شنو
و راح يطلع من الثلاجة و يجيب يمي ، گمت انقل وياه فرغناها
- هسة شنسوي

- نجلفها بمي و زاهي

- دسوي و انطينياه

باوعت عليه مابية حيل اتعاند وياه خلى روحه بعد انطيته له خلاهن بالگاع و لغف بجامته لركبته ، جتني الضحكة ابتسمت و دنگت راسي رفع راسه شافني باوع على رجلينه باستغراب اتجاهلني و بدا يجلف بيها من الداخل ،  نزل مي الزاهي بالگاع
- شوي شوي لا هيج

يطلع راسه من الثلاجة - شنو

وجهه و شعره كله وغف زاهي طيرت عيوني عنه و ضابطة نفسي
- شبيج

- مابية انطيني اني اكمل

- ليش شبي تنظيفي مو زين

- زين بس تعبت انت

- باعي انتي نظفي گشرها الخارجي جيبي مجلافة و تعالي

باستغراب - مجلافة

- هاي مجلافة  ،  جلافة ، اسفنجة اي شي

رحت طلعت وحده من المجر و اخذت منها طاسة المنظف لزمتها و گمنا نجلف بيها ما اوصل لسقفها لان الثلاجة عالية هو كمل و شافني احاول اوصل اخذها مني و جلف سقفها
مسحناها بمي و رجعنا غراضها نظفت الگاع و رحت لغرفتي غيرت هدومي و طلعت للحديقة

ثاني يوم

بدا دوام النصف الثاني و تخلص بمحاضرات ماهر كمت احس بغيرة مجد هدوءه يتحول بركان خلصت محاضرته بقيت كاعدة طلع  مجد و رجع ورا دقايق خلى گدامي كيكة و ببسي و گعد باستوله ياكل صفنت التفت علية
- اكلي

اهتمامه ضاف شي بحياتي مكان جان فارغ ماكو رجل بحياتي انطاني اهتمام اب ، اخ ،  عم ، خال ، كلهن اختصرهن مجد

يمشي فهد لكلية التربية يدخلها يشوف سينا گاعدة بالحديقة تاكل ترفع راسها و تشوفه من بعيد واگف تنزل راساها و تبتسم ترفع راسها ما تشوفه تتحول ملامحها لحزن و تگول - عادي هو لازم هيج حقه اذا ابتعد هم عنده كرامة شاف صد مني

يور من وراها يقطف وردة من الحديقة و يگمز من فوك المقعد يگعد يمها يمدلها الوردة
تفز و تصفن عليه
- و لو ماكو ورد ينهدي لورد بس ما لگيت غيرها

- ليش اجيت

-  مليون مرة تسأليني هالسؤال و الجواب نفسه  ، عليج ،  دخذي الوردة عاد هسه يشوفها فلاحكم و يطيح حظي

تسكت و تبتسم يگوللها - و تالي وياج
تاخذها منه
يبتسم - ماكو شكرا حبيبي
تباوع عليه و تفتح عيونها
- لا تفتحيهن هيج هن منا واسعات ناعلات عمي
- شكرا على الوردة

- ولو ، فكرتي

- و رديتلك الجواب

- غير افتهم ليش ، بية شي ، اكو واحد لاخ

- لا

- يعني عناد و بس

- ماتزوج هسة

فهد : ليش ، لا تگولين صغيرة

- اريد اتخرج اول

- انتظرج بس خلي اخطبج حتى احجزج

- و منين تخطبني من امي و بيا بيت لو انت متفكر

- ادز امي على امج

- و امك تگول للناس الي دنخدم عدهم  ممكن اخطب بنت خدامتكم لابني تفتهم شنو يعني مو بيتنا هذا

يسكت و يمسح راسه بيديه
- ارحمني و ابتعد ،  الجامعة مليانة بنات

بانفعال- انتي تفتهمين شنو يعني احبج خرب بيهن الباقيات ليش تعصبيني

بألم - ماكو نهاية

- اكو لا تقفليها لازم اكو حل بس وعديني ما تروحين لغيري كلشي ماريد 

- اذا الك دارفضك ليش حتى اقرب غيرك

يبتسم - تحبيني

تخجل و تنزل راسها

- فدوة للخجلان مالتي

- راح تبدي المحاضرة

-ماشي اني هم يادوب الحگ اروح لكليتي  ديري بالج على نفسج

رامي - جنة استاذ ماهر طالبج

توترت التفتت على مجد - شيريد مني

- خليج هنا

رحتله للغرفة بدون ما ادگ الباب - رايد جنة

- گلتها بنفسك رايد جنة حضرتك ليش جاي

- و شتريد منها

يوگف و ينتر - استاذها و هالشي بيني و بين طالبتي

رحت عليه جربته من ياخته  - احترام ماحترمك بعد الشفته منك و جنة ما تجيك مفهوم ، طالبتك شيلها من بالك

بانفعال - هد لك ناقصني زعطوط يتأمر

هديته - اذا لازم عليها خدامة جرب تحجي و شوف شكوى الفساد و التحرش على ميز العميد

عفته و طلعت

يعدل قميصه بانفعال - الساقطة دزت جلبها اني اعلمج سندج على اساس يا مگطمة

رجع و رجع دمي يجري بجسمي گعد بدون ما يحجي درت عليه

فهد - وين جنت احيت ما لگيتك

- بالعمادة

التفتت عليها عيونها يذبحن و وجهها ما يتفسر من الخوف
- خفتي علية

عقدت حواجبي و درت وجهي على السبورة  اني بيا حال و هو شديفكر

فهد بهمس - شديصير

- ماهر مديجوز منها

- گوم برا فهمني

يطلعون برا القاعة
- شبي استاذ ماهر 

- شتعرفه عنه

-  نسونجي يتحرش بالبنات من جوا ليجوة

- و وحدة بجمال جنة تفوته

- بسلااا

- اي

- نعلعلا والديه ، شلون عرفت

- رحت علمود التقارير و شفته يضايقها

بانفعال - و اكسر راسه شبيك انعل جد جده

مجد : مقصرت بي بس مهما يكون اني بحرم جامعي مستحيل العمادة تنصفني ضد استاذ اذا ضربته

- و الحل

- حذرته و راح اخليها جوا عيني اخاف ياذيها

- استغفر الله ، ادري استاذ و مراهق شنو ما تستحي

يصيح مقداد يجي - عندك جكارة

مقداد - اي

يجي عليهم رامي - شفتو بلة

مقداد - ماشفنا شوفنا

-  جنة

- شبيها

- طلعت بنت شاكر سعيد دهش

فهد - ندري مكتوب بلوحة الاعلانات اسم ابوها شجبت من عندك

- اقصد تعرفوا منو

فهد يباوع على مجد - منو

- عميد كلية القانون و اكبر ملاج

مقداد - ما شايفها تروح هناك

- الكلية تبعد عنك نص ساعة مشي صايرة بالطرف الثاني منا اكيد ما تشوفها تروح

انصدمت من كلامه اكيد متوهم ابوها ميت  هذا الي كالته ساهرة
- انت متأكد

فهد - يمكن تشابه اسماء رامي

- بشاكر اي بسعيد اي بس بدهش ماعتقد تشابه

مقداد - مبين عليها بنت ناس البنية خوما تگعد هنا و هنا و تگول ابوية فلان

فهد - و انت شوداك لكلية القانون

- مارحت البارحة داحجي وية صديق اخوها و عرفت

مجد باستغراب - اخوها

رامي - اسمه بكر مرحلة اولى صيدلة شكله حلو مثلها

مقداد - امشوا بروف عوني اجة

فهد - شديصير مجد

- علمي علمك

المحاضرة كله افكر بكلام رامي ماكو ذكر لابوها ما تحجي بي لا هي و لا امها ساهرة من گلتلي لگيت طباخة جديدة ارملة راسي تعب من التفكير  و لا اگدر اسألها خلص الدوام و رجعت للبيت رحت للمطبخ - ساهرة

- عيوني

- تعالي للغرفة
تروح وياه يدخلون الغرفة - بخصوص زوج سرّي انتي متاكدة ميت

- اي هي گالت مات قبل ولادة جنة ،  ليش

- هيج بس فضول

- لعد غير هدومك و تعال اتغدا

- وين ابوية

- اخذ ام رونق و طلعوا يتغدون برا

بكر - يابة

شاكر - ها

- جنت متزوج قبل امي الله يرحمها

- الله يرحمها ، لا قبلها و لا بعدها ، ليش

- شو اليوم طلاب من طب الاسنان گالوا شعجب ما تجي على اختك لقاعتها

باستغراب -  اختك منو اخاف غلطانين بكر

-  هم عبالي غلطانين بس صار عندي فضول و رحت لكليتهم

-  اي

- قريت اسم البنية على لوحة علاناتهم

- تشابه اسماء يمكن ابني الف شاكر سعيد اكو

- اي مو جنة شاكر سعيد دهش

يسكت الاب يتذكر سرّي باسم جنة - شفتها

- لا

بكر يكمل غدا و يگوم - من تكمل اكل صيحني حتى  اغسل المواعين

- تمام

يروح ابنه  ،  الاب يحجي وية نفسه - يمكن تزوجت هنا ،  بس ليش الطفلة باسمي
يصفن و يرد على سؤاله بدهشة - المحفظة

ثاني يوم

فهد - سألتها لو لا .

- شيخلصني ما تعرف عقلها شيفكر اكيد تفكيرها يروح بعيد انو دينبش ورا الماضي مالتي و شاك باخلاقي و اصلي

- شراح تسوي 

- اروح على اخوها

-  دخلي اجيب جايات و نروح سوا

- ماشي لا تتأخر

تدخل سينا لبناية طب الاسنان  - الو وينج

- بالحديقة انتي وين

- عزا طبيت للبناية وج يا حديقة منهم

- بجانب البناية

- مو گتلج انتي تعالي هسة اذا شافني فهد شيگول

- اگول رحم الله والديج جنة

تلتفت وراها - اجيت على جنة زين

يضحك - ادري لوما هي ما اشوفج هنا
يهمس - ضويتي الكلية حبيبتي ،  تعالي اوديج عليها

-  لا ماريد شكرا

- هو بكيفج 

جتي سينا وياها فهد وصلها يمي و گال
- هاي الامانة وصلت

تبتسم - شكرا

- ديري بالج عليها روحي بيها ترة

اباوع على سينا صارت دم من الخجل راح هو - اگعدي شبيج

بتوتر - شفتي ، شسوي هسة جنة

- ليش متوترة الولد يعرف كلشي و بعده متمسك بيج معناها يحبج

- اعرف يحبني و يريد يتقدم بس شلون يتقدم و احنا خدم

- هسة معليج بكل هذا ، انتي تحبي

تسكت ثواني و ترد بالم - مادري فجاءة لگيتني افكر بي طول اليوم كلامه عيونه تصرفاته خباله صرت اشتاقله و احسه سند الي ،  فهد الشي الوحيد حلو صار بحياتي
كأنو الله عوضني بي عن كل الراح و الضيم

تحجي و اجا ابالي مجد نفس الاحساس وياه
- مرات الرحمة تجي بهيئة بشر

-  بالضبط

تبتسم - لك فدوة للي بدت تحب 

- بس خايفة

- من شنو

- اخاف ما يصير الي ، اني وين و هو وين

- مادام تحبون بعض و بصدق اتركيها لله ترا الله ميفرق اثنين و يعرف بيهم خير لبعض 

- و نعم بالله

فهد - انت خوما تروح تسأله مباشرة

- لا

- لعد

- مادري عقلي مديفكر فهد هسه بس خلي اشوفه والله كريم

يطلع بكر من كليته صيدلة يدخل طب الاسنان يمشي بممراتهم

كملنا سوالف و دتروح وصلتها للممر الرئيسي داحجي وياها حجى وياية ولد - العفو اختي
التفتت عليه

سينا - يلة عمري اني اروح

- الله وياج گلبي
تفضل

- داسال على بنية بمرحله ثانية هنا

- شسمها

- جنة شاكر