#ذنب طاهر الفصل الثاني وثلاثون 32 - بقلم سمو العراق

#ذنب طاهر...بقلمي..«سمو العراق»😚

البارت 29...

عشقي لها فاق الحدود وفلسفة المنطق الذي انتم به
تتشدقون
حبها كانفاسي التي تصعد وتنزل بصدري المتألم
اشتاق اليها وهي بين يدي وعلى صدري
حفظت صورتها تحت الجفون
علي عندما اغمض العين تكون ماثلة امامي
ياقاضي الغرام
العشق يقتل العاشق بسيفه الغادر
والعاشق بكل سعادة وحبور يقدم له النحر
ليغمد السيف بهدوء
تنزف دمائنا على قبور الفقد والبعاد
لم اسمع لكم صوتا او همسا بتجريمه
او انزال للقصاص

قرر ياخذها البيته ويخليها تترك المشتمل وبعدين ام علاء مو دائما عندها وكل الاوقات بالدوام شافها متضايقه والكل مطنكر بوجهه وامه رفضتها رفض تام وديانا متفاجئ من ورود وحاسه بكرة ناحيتها ومراد يغلي غليان ممتوقع ورود ام مصطفئ وهو الكاتل روحه عليها...

لحد الان هو بالمشتمل...كعد يدخن وهو متضايق من انفعالاتهم ومن عبير ومتضايق عليها لان تحس نفسها ثكيله...شافته يدخن بشراهه وترس المشتمل دخان حست اختنكت هي ومصطفئ....

سحبت الجكارة من بين شفايفه...كااافي ترة متنه حس شويه وبعدين التدخين يضر بصحه الحامل..

جلال ببتسامه....كوومي حضري نفسج بسرعه..

ورود بخووف...وين تريد توديني والله مسويت شئ لا تسلمني للجيش اني اروح العبير واعتذر منها..

جلال بضحكه...يالله تخبليني من تسبقين الاحداث شنو تعتذرين الها علئ شنوو تعتذرين

ورود براحه...الحمدلله بس وين تاخذنه؟؟

جلال بحب...نروح نتعشئ واليوم انام بالشقه منا لما تهدئ الامور...

ورود بمرح كامت فرحاانه...شووويه واكون جاهزة

جلال...ههههه يالله بسرعه..

لبست صايه سودة وشال اسود وحذاء بهاري وجنطه بهاريه ورشت عطر وشالت مصطفئ واجت عنده

كام وهو يزر ازرار قميصه واخذ مصطفئ منها ومد ايده الها لزمت ايده وهي تبتسم اله مشت طلعت هي وياه وشافهم مراد عند الباب...

مراد عض شفته بقهر...خررب بالحظ هذا عمي مدري منين جايبين حظه بكل شي محظوظ وهسه طك ثنين نسوان...

لا هو سلم علئ مراد ولا مراد سلم عليه راح ركب بسيارة وهي بصدر حط مصطفئ بحضنها وهي لزمته بحنيه وباسته وهو تتهرب من نضرات مراد الهم

جلال بحب...يا مطعم حابه تروحين؟؟

ورود ببتسامه...الي يسمعك يكول نهار كوله افتر بالمطاعم انت اختار مطعم بكيفك..

جلال ببتسامه ...تدللين راح اخذج المطعم جيران بزيونه كووولش راقي..

ورود ببتسامه...براحتك اذا تريد جيبلنه فلافل.

جلال ابتسم عليها عكس عبير تماما عبير متقبل الا بالمطاعم الراقيه والمكلفه ورود تدور فلافل «شجايهم علئ الفلافل😂»

فر السيارة بسرعه والمطعم قريب كوولش عليهم مسافه الطريق ووصل نزلوا للمطعم وهي مبهورة من شكله وجماله والنوادل كلهم من غير الجنسيه العراقيه كعدوا بقسم العوائل وطلبوا وجبه اكلت هي وضلت تسكت بمصطفئ الئ خبص الامه شنوو كدامه يجرة ضحك عليها جلال واخذه منها حطه بحضنه وخلاها تاكل براحتهاا....

خلصوا وغسلوا حاسب وطلع ركبوا بالسيارة وراحو للشقه سبح وضل بنفس ملابسه اما هي جانت لابسه ثوب طويل وضيق ضلت تعزل بشقه وهو نايم علئ السرير ويلعب بمصطفئ ومصطفئ،يضحك ويحرك بااديه شافها تعزل شال مصطفئ ونومه بسريره القديم مااخذه منها..

تقرب منها وحضنها من خصرها سحبها للسرير وهي استجابت رفع ثوبها وخلاها تنزعه ضلت بس بالاتك الجوة الملابس حضنها وهي خجلانه منه حضنها بقوووة وهي تمسكت برقبته خايفه تكون الحقيقه حلم وتصحئ ومتلكه احد واكف بصفها باسته،بخده وعبالك انطته اشارة تقرب اكثر منها وهو يبوس بكتفها وخدها باسها بشفايفها وهي ترجف منه تمسكت بضهرة العاري وهي تبادله القبلات وتاهت وياه وراحوا بعالم العشق والرومانسية...

الاول مرة يحس بيها مرتاحه ويه وممتضايقه ومجبورة ومبادلته بعمق ضمها بااديه وهي ضاعت بحضنه جنها بزونه..

***********************************

يوم ثاني.....اتصلت عبير بجلال وطلبت منه يجي الخالته وهو راح اله

طلعت من الحمام لبست نفنوف قصير من خالته لونه برتقالي ولبست حذاء بيضه وشسورت شعرها وحطت مكياج ثقيل
باوعت الوجهه بالمرايه...للاسف هذا الجمال كووله ويتزوج عليه ونبي مدا اصدووك مااعرف هذي الغبيه شلون لعبت بعقله...بس والله لو اني لو هي

اتصلت برائد وجاوبها...هااا عبووورة شلونج؟:

عبير بدلع...مو منيحه...شوكت تجي رائد..؟؟

رائد بحقارة...حجزت علئ اقرب طيارة وان شاء اللة باجر يمكم بس اريد اخوذ رئيج اول مرة ابلغ لو انشر الصورة...::؟؟

عبير...لا بلغ مااريد اشوف وجهه الغثيث كبالي بس لا اول متجي تبلغ خليها اسبوع احسن حتئ محد يحس بس رائد مااريد احد يعروف انت بالعراق اوك

رائد...اوك عبوورة اكيد محد يعروف

خالتها...اجه جلال..

عبير...يالله باي اجه خلي اتفاهم وياه وبعدين اتصل بيك....قفلت الموبايل بدون متسمع رده..

دخل عليها شافها واكفه بكل اناقتها وجنها بعرس ولا كأنها البارحه الكلبت الدنيا اكيد وراها شئ..شافها دارت وجهه زعلانه ميعرف شلون يراضيها مو سهله مثل ورود وترضئ بكل شئ لكن هو خله الوقت هو الكفيل بينهم

عبير قطعت لحضات الصمت...بصراحه جلال كوولش قهرتني وطعنتني بصميم..

جلال كعد علئ السرير...عبير انتي الحرضتيني عليها اني مجنت رايد طفل وانتي تردين تتبنين وتردين من اختي كأن من حقي اخلف من شفت ورود مو عجبتني بس اتخذتها وسيله وصار مصطفئ،وبدل ميكون عندها صار عندج ودكولين طعنتج بصميم لعد ورود بشنوو طعنتها؟:

عبير بخبث...اوك مصار شئ هي بحالها واني بحالي،صووفي الي وابنها الجديد الها...

جلال برفض...لا راح اجمعكم بنفس البيت واصير ويه الحق وان شاء اللة مااضلمكم..

عبير بغرور...مستحيل اني ورود نسكون بيت واحد وبعدين اني بصراحه اكرها قبل لا تكون زوجتك ورافضه وجودها بحياتي لذالك مااريده بالبيت

جلال...بصراحه ماعجبني كلامج وهي ام اطفالي قابل جاريه وشامرها بدهاليز مضلمه حالها من حالج وكل من غرفتها بس حاولي تحبيها ترئ،يتيمه تكسبين بيه اجر...

عبير بقهر وعصبيه....تحبها؟؟

جلال بتنهيده...تردين اجذب عليج لو الصراحه..

عبير...اكيد الصراحه مااريدك تكذب..

جلال ابتسم بجانبيه وهدوء...احبها

عبير زمت شفايفها بغضب وبقلبها..كلام رائد صحيح لازم اتخلص منها لازم البعيد عن العين بعيد عن القلب لازم ابعده عنه وكرة بيها لازم

عبير بقهر وحقد...اوك جيبها قابل وحده تأكل الثانيه بس كولها خلي تكون بعيده عني ترة والله افترسها..

جلال بعصبيه...شنوو تفترسيها تايه هي كل من تحترم نفسها ومااريد مشاكل مفهووم

عبير بقهر...مفهووم

جلال اخذ عبير وراح اخذها البيتهم وراح يجيب ورود بعد رفض من امه لكن هو مااهتم راح يجيبها وهي رفضت تروح لكن هو اصر جابها واجه دخلت للبيت وحست نفسها راح تسقط من الخوف وبطنها لوتها دخلت برجلها اليمين وهي تقرة ايات وتسمي شافتهن كاعدات سلمت ومحد رد عليها السلام وجلال رد عليها تنهدت بحزن عبير صعدت فوك بعصبيه...

ام جلال...تحترمين نفسج ومااريد مشاكل ويه عبير مفهوووم؟؟

جلال بعصبيه...شنوو يوم شكوو ورود اني اضمنها واعرفها كل زين محترمه نفسها ومتئذي النمله بس انتو شويه حبوها احترموها

ام جلال بقهر...اي عفيه جلال خبلها علينه...

جلال بجمود...روحي ورود اكعدي بالاستقبال بين مااشوفلج غرفه..

شالت مصطفئ بخووف وضمته الصدرها...حاضر

ام جلال صاحت عليه...جيبي مصطفئ وروحي

تقربت منها وانطتها مصطفئ وهي خايفه منها وحست راح تبجي بس قوت نفسها شويه وراحت

جلال كعد عند امه واخذ مصطفئ منها...يمه ليش ماترحموها خطيه ترئ

ام جلال..شبيها خطيه شبيها اشوو اخذتلها رجال طول بعرض ومنصب ومخلفه منه بعد شتريد؟؟

جلال...يمه هذا سر ماحاجي الاي شخص يمه ورود مسكينه ومتهمه باطل وكل هذا اني استغليتها الصالحي وخلفت منه واخذت ابنها ومن عصبيتي حبلت بطفل ثاني ولا زعلت عليه ولا اشتكت خطيه امها ماتت وعائلتها تشتت رحموها فاما اليتيم فلا تقهر مو تصلين وتصومين هي يتميه الله موصي بيها

ام جلال...الله كريم

صاح علئ ورود واجت بسرعه جلال...يالله بوسي راس امي

ورود دنكت عليها وباست راسها...بيبي اني اعتذر منج والله ماحبيت اكون دخيله بينكم بس بعد هيج ربي كاتبلي..

ام جلال بجمود...الله كريم بس ابتعدي عن عبير منريد مشاكل وحتئ اذا تحاجيج لا تردين عليها منا لما تهدئ الامور

ورود ببتسامه...ان شاء اللة لا والله مااحتك بيها عليه بس بااطفالي مالي،شغل بيها

حضنها كدام امه وهي استحت...يمه لا تخافين ورود عااقله اكيد متحتك بعبير

ام جلال ببتسامه....الله يحفضكم روح اخذها الغرفتها..

اخذها الغرفتها كانت شويه مو نضيفه لان متروكه وبيها اثاث ايضا مو نضيف دخلت للحمام وكعدت تنضف بيها وهو اخذ مصطفئ ونزل جوة وخلاها براحتها....

************************************
بعد مرور اسبوع كامل علئ الاحداث يوم حنه حسين

اخواته مشغلات الديجي ويركصن ولاعبات لعب وجهال تركص

مشغلات اغنيه محمد سالم«حسون شيل النون »

نزل حسين من فوك وهو مزين لابس بجامه رصاصي وبدي ابيض بارز عضلاته وكاعد من النوم وام كرمش كعدت بسبعه تركص شافته نزل وركضت عليه وهي تهز شعرها...
ام كرمش تركص...حسون شيل النون تحس بيه دخيلك حس كلللللللللوش باسته بخده حيييل وهو مسحه مزعوج

ام مؤمل تصفك...حسوني وماكعد راحه اخذله خوش تفاحه...كلووووووووش

ام حسين تضحك...لا ولج حسوني وماكعد راحه اخذله خووش نواااصه كللللللوش

حسين بضحكه...لا ولجن موهيج هيج...حوسوني وماكعود راحه اخوذله خووش نواصه ههههه

كرمش بتساؤل...تني طواطه؟:

ام كرمش...كللللللللوش جبناها مكمله هي وشهادتها

حسين...ياشهادته همه جهالج يخلون شهاده اكيد يشككوها هو اني من هسه ماكل هم نعالها

ام كرمش...هي ديانا تخبل نعالها شلوونه بس والله بس تجي اخمطه

حسين...هااا همزين اعترفتي وشهد شاهد من اهلها يعني اذا ضاع النعال نلكاه عندج

ام حسين...شني شمالنه نبوك نعال النواصه ماعدنه نعالات ههه وهسه تتعلم تلبس نعالك مثل نسوان اخوك ههههه

حسين...هههههه لا اله الا الله رحمه الله بس اول اسبوع خلوو النعال عدنه ورة شهر العسل اخمطوا

ضلن يركص ويهلهلن وغلسن منه عرفهن مالهن جارة يخمطنه يخمطنه لان غلسن بس هو دواهن شوف شيسوي ويحافظ علئ دنوو ونعالها...

************************************

كانوا كاعدين كلهم علئ الطاوله وهمه يتغدون وهو كاعد بمقدمه الطاوله وعبير من اليسار ورود من اليمن وامه مقابيله جانوا ياكلون سمك مسكووف ومقبلات وتمن ولبن وخير من الله

جانت حاطه صوفي بحضنها وتأكل وضايقه وهي تستحي كامت متعرف تأكل

جلال بهدوء...كومي نومي بسريرة وتعالي كملي اكل ضايقج...

جانت نضرات عبير الها جحيميه ورود اخذت مصطفئ وصعدت فوك ونومته ونزلت كعدت تاكل السمج باايده وشئ طبيعي عكس عبير وجلال وامه ياكلونه بخاشوكه وعبير زايده عليهم تاكله بجطل

عبير بقرف...اوووع هاي شنوو لويش دا تاكلين السمج بااديج::؟؟

ورود بفشله...مااعرف احنه هيج نأكله

جلال بغضب...عبير عوفيها تأكل براحتها كلمن وطريقته موسئ بدينه وعيسئ بدينه

شمرت الجطل وراحت زعلانه الدلوعه...

جلال اتبعها بنظراته وهو متعصب شمر الخاشوكه وراد يكووم الها لكن ورود لزمته من ايده ودمرت قميصه سمج...عوفها ميخالف ضايجه

جلال ببتسامه...خرب يومج دمرتيني

ام جلال بضحكه...عااادي رووح اسبح

جلال...اي هسه اسبح وانتوا حضروا نفسكم حتئ اخذكم الحنه ديانا كل شويه تخابرني تريدكم

ورود بحب...اوك هسه نحظر

جلال بحنيه...فرحانه يكلبي؟؟

ورود بحب...كووولش لو ما امك هنا جان بستك

جلال بحب...لعد اصعدي النه فووك

ورود...ههههه جوعانه مااكلت شئ

همس الها بحب...اكلي يروحي بالعافيه

ابتسمت خجلانه من كلامه وكملت باقي اكلها...

************************************

كانت قاعده بغرفتها وهي لابسه برموده ستريج اسود وبدي طويل ليموني وفاتحه شعرها وهي مقهوورة من جلال ومن ورود اتمنت تركعها بصحن السمج وتموتها لكن هي تريد تمشي خطتها اتصل موبايلها وشافته رائد فتحت خط وهي مبتسمه بخبث واجاها صوته الغثيث

رائد...الووو ابشرج اني بمطار بغداد ويايه الولد الراح يبلغ بس نرتاح فد ساعتين 3 وزوجة زوجج بيباي الئ قعر السجون ان شاء اللة

عبير بفرحه....ههههههههههه فديييييييييتك بسرعه اخويه الغالي

رائد...اله اخليهم يجرونها جر هل كلبه انتظري بس انتظري اله ادمرهم

نهايه البارت...يتبع...

لحد دكول قصير هذا ثاني بارت اليوم...