رواية تكفى لا تعلم إبوي ترى اللي فيه يكفيه الفصل الحادي والخمسون 51 - بقلم MSCprincess

  البارت التاسع والأربعون ..
عند غسان
اتصل على الرقم اللي بعد ماتردد اكثر من مرة يتصل عليه لكنه لما صلى استخاره واستخار فيه لقى نفسه مرتااااح
اتصل على رعد مدير اعمال بدر الله يساعده .. ويقومه بسلاامه ضحكت على نفسي باخذ قلبه واقول يقوم بسلامه ..
رعد بصوت يميل للنعومه :السلام عليكم ..
غسان تنهد :هلا وعليكم السلام شخبارك رعد ..
رعد ببحة تبان انها حزينه :الحمد الله بخير دامك بخير مين معي .. .؟
غسان بهدوء :معك غسان محمد ال.......

رعد وقف بشكل لاارادي :والنعم ياهلا فيك ..
غسان :ينعم بحالك امم انا كنت متصل عشان اقول لك تخبر ام بدر اني موافق على العمليه لكن عندي شرط يليت تخبرها ..

رعد بحزن اكبر :ابشر طال عمرك تامر على شي ثاني ..

غسان :رعد انا عارف ان بدر له مكان كبيير بقلبك .. بس عشان تفرح روحه ادعي له ..
واذكره بصلاتك وقيامك ..

رعد ابتسم بحزن :عارف طال عمرك .. والأستاذ بدر ماقصر معي ولا مع هلي .. الله يرحمه بواسع رحمته ..

سكرت منه وشعور موسعيد او حتى حزين مشاعر مختلطه بين الحزن والملل تأنيب الضمييير ..

تنهدت بتعب وانا اغمض عيوني .. واحاول اشيل من تعب عقلي وقلبي شوي ..






عند فجر
كانت تمشي معهم بوسط السوق لكن اللي تقريبا مستغربينه ان المول كان تقريبا فاضي ..
فجر بستغراب :شسالفه وين الناااس ..
جود بحالميه :تخيلي فجور الحين يطلع لك فهد بين الناس ويقول لك سوبرااايز وكذا والناس حوله تصفق ومدري ايش
فجر تجاهلتها عارفه ان جود تجيها حالات تخرفن فيها الكذا مارح تعطيها وجه ..
ناريز بعدم اهتمام :وش فيكم نسيتو ان اليوم مباراة الهلال ..
فجر وقفت فجأة وضربت على راسها بقووووة وبعصبيه :انا قايلة في شي ناسيته اليييوم وطلعت مباراة هلالي افا ياذا العلم
ماهقيتها منك يانفسي طلعت جوالها بسرعه واتصلت على فهد وكان يعطيها مشغول او مايرد عليها
كتبت له رساله ((انا بالمول وطحت وواحس انوو يدي انكسرت وش اسوي بتجيني ولا انتظر يجون الأسعااف ..))

كلها ثواني وفهد متصل وبخووف واضح من رنة صوته :وش فيك علميني ..
فجر مومصدقه لهدرجه خايف عليها اخفتت نبرة صوتها وقالت بألم :وربي يألم يافهد تكفى تعال بسرعه ..
فهد بخوف :اتصل على ابوك ..
فجر بسرعه :لا...تكفى لاتعلم ابوي ترى اللي فيه يكفيه ...
فهد برتباك وهو يزيد من سرعة سيارته :طيب انتي باي مجمع ..
فجر :بموول ال............ بسرعه تكفى تعاااال

ناريز تناظر بجود بصدمه :تراها خبيثه ..
جوود ابتسمت بسخرية :ام الخبث حبيبتي صباح الخير خلينا بس نكمل شوبينق ونترك المطفوقه هذي هنااا
ناريز :فجور حنااا مشينا باااي
فجر وهي تحوس بجوالها تتأكد من موعد بدأ المباراة بقى ثلث ساعه يارب يجي بسرعه بقى ربع ساعه وتصير
8وتبدأ المباراة ..






عند غسق ..
اشياء كثيرة تقدر تتخيلها انها يمكن تكون جميله لما تصيير لكن اذا جاء وقت الجد
تحسها عبئ مومثل اللي تخيلته تذكرت نفسي قبل ثلاث سنين تقريبا كنت دائما اتمنى اني اتزوج
على ان سني وشكلي ماكانو يأهلون للزواج لكن في اشياء ثانيه تجول بخاطري ..
يعني مثلا شخص يحسسك بأنك عظيمه في حياااته او انه لك معنى بالوجود ..
شخص لما تصحين الصباح يعطيك احلى كلمه ولما تنامين بالليل يطبطب على راسك ويقبلك قبلة النوووم ..
شخص يحتويك لما تكونين معصبه ويهدي غضبك بحظنه لما تبتسميين يبتسم معك ويفرح معك بعد ..
يوقف معك بكل آلاامك بكل حالاتك ولوصار وش ماصر يكون واقف معك على طووول انا مالقيت صديقه
ولا حتى اخت او امي تسوي لي كذاا ..
والحين لما تزوجت وتقريبا نص احلامي تحققت لقيت النص الثاني عبء كبييير مرض غسان
اهتمامات ثانيه وزني كلام الناس نظراتهم صار كل شي لازم اخليه تحت نظري ..

لكن الظاهر اني بكون بهالسن انسانه يطلق عليها ارمله بعمر 18 ..

لميت نفسي بيديني الى الحين موقادرة اتقبل فكرة رحيييلة يالله انك تلهمني الصبر على بلواك ..

ناظرت الساعه صارت 8 جلست على الصوفا المخملييية .. وعيني تترقب فتح الباب ودخووله






عند تولين

ياعيني على الروقاان يشيخه ..
اخترعت لكنها مابينت هالشي :احم انت للحين مانمت ..
نيشان ابتسم وجلس جنبها على الكرسي وهو يحط يده على كتفينها :امممممم لا ماهنتي علي تجلسين لحالك
تولين رفعت حاجبها :هههه من متى ؟؟
نيشان ابتسم وهمس بأذنها :ابوي قالي انك جالسه لحالك ولازم اجي اجلس معك لو شويات اسليك ..
تولين ابتسمت :اييه خلك صريح يابعد عمري ياعمي مايهون عليه اجلس لحالي ..
نيشان وهو يغمض عيوونه على كتفها :وين ودك تروحين
تولين بتفكييير :مدرس بس ودي بشي برى الرياض اممم وش رايك نروح البحرييين .. ابغى ادخل سنيما
نيشاان وهو مغمض عيونه :طيب وبعدها وين تبين تروحين ..
تولين وكأنه وصل لها عدوة النووم :امم بعدها نرجع البيت ونننام ..
نيشان ضحك :ههههههههههههههههههههههههه هذا اذا مانمتي بالسنيما ..
تولين بخموول فضيييع :تصدق مدري وش فيني من جييت جاني النوووم
نيشان وهو يستند ويسحبها تحط راسها على صدره :ههههههههههه وانا مدري وش فيني حاله هستريه احس جاتني ...
تولين بهمس :وش رايك ننوم
نيشاان ابتسم :طيب يلااا ..

تولين ابتعدت عن يده وانبطحت على الأرجوحه الكبيييره ومددت رجلينها .. وقالت بهمس :تشووتتا ... >>مرييح
نيشان ابتسم وجلس يهز الكرسي بشويش :طيييب ياتشوتا قومي ننام فوق لا يجي ابوي ويشوفك هناا ..
تولين براحه :مااابيي شوي بس ..
نيشاان بهمس :احملك .. ؟؟
تولييين عدلت جلستها بسرعه :لا طبعاا ..
نيشان :ههههههههههههههههههههههههههههههههههههههههههههههههه هههههههههههههههه







عند فجر
كانت تناظر الساعه يالله كلها خمس دقايق وتصير 8 اوووف طلبتك يافهوود تعال بسرعه ..
انصدمت بالسيارة اللي وقفت عرض ونزل منها شخص قلق وخاايف ..
خافت انه يعصب عليها لأنه جاااء مرتبك وخااايف عليها خلت يدها على ذراعها وهي تمسكها بألم :
آآي واخيييرا جييت ..
فهد وعيونه تدل على اكبر قلق بالكون كله .. :وش فيك كيف طحتي .. تقدرين تمشين ..
انربط اللساني من حنيييته :لا الحيين انا احسن شويه ..خلاص مايحتاج مستشفى حتى ..
فهد ركبني السيارة وتجاهل اتصالات صديقه وتجاهل حتى رسايل الوتساب اللي تنبهه ان مباراة الهلال بدأت ..

فجر قلت بخووف :فهد انا بخير يدي خففت تكفى خلنا نشوف المباراة ..

فهد سحب بريييك فجأة وقال بشك :ليكون انتي مخرفنتني لهناا وتكذبين بسالفة انك طحتي ويدك انكسرت بس عشان
تشوفين المباراة ..

فجر ماقدرت تكذب وقالت على طول :آآسفه وربي موقصدي بس شسوي انت موراضي ترد ..

فهد تنهد وانصدم لما لمح بالوتس رساله من صديقه يقول فيها ان الهلال جابو ركلة جزاااء وطبعا اللي جابها محمد شلهووب

فجر لمحت الكلام المكتوب وصرخت من الوناسه :واااااااااااااااااااااااااااااااااااااااااااا حضنته فجأة وقالت برجااء :تكفى
خلنا نشوفها تكفى وبعدها بقبل بالعقاب اللي بتعطيني اياااه تكففففى ..

فهد تنهد اهو نفسه تحمس وانصدم من الرساله الثانيه لما كان مكتوب فيها ان النصر هم جاب هددف ..

فجر لاحت عليه علبة المنديييل :اسررع شوي بس شوووووي يلااااا

فهد غمض عيوونه وعنادا لها قال :اووكي حبيبتي .. وقف على جنب الطريييق وفتح الباب وسحب جوالها وقال لو اشوفك
فاتحة الباب ونازلة والله وهذاني حلفت اني لأعاقبك عقققاااب انتي نفسك ماتحليمن به ..

وقفت وشغل جواله على القناة اللي محملها يشووف فيها المباراة ..
.. اما فجر منصدمه من غبائها جلست ورى الباب اللي مستند عليه وحطت اذانها بأنصات مع المعلق على المباراة ..





عند غساااان
وقف بعد ماجاته رساله من رعد يقول له ان ام بدر تبغى تشوفه الحين وانه لازم يروح لها البيت ..
سحب شمااغه وجاء بباله يصعد يغير ثوبه لكنه موحاب يشوفها الحين ..
ركب سيارته البي ام دبلييو بعد ماقال لأمه انه بيطلع شووي ..





عند نارا
وقفت بملل بعد ماجلست تصمم قرابة الساعه لكن التصميم موجاي يضبط معها ..
خذت شوي من تصميم فساتين شنييل 2013 لكنها موقادرة تظبطهم ..رمت القلم بملل
وجلست تمغط جسمها شوي بعد الجلسة الطويله جات ببالها غسق .. طلعت من غرفتها و
طرقت الباب على غسق اللي ملت من الأنتظااار :ادخلي ..
نارا ابتسمت وهي تشوف غسق توقف بتأفف وهي تظن ان اللي جات الخدامه وتأشر على دورة المياه الله يكرمكم وتقول لها :
موجودة هناااك خذيها ..

نارا ابتسمت وقال :وش اللي موجود هناااك ..
غسق ابتسمت وهي تحتظنها بشويش :النوري وينك طول اليوم وانا اتوقعك تجين وتنزلين لكن ماشفتك ..
نارا تنهدت بتعب :كنت اصمم ونسيت نفسي .. وش رايك تبين نشووف مباراة الهلال اليييوم ..
غسق عقدت حواجبها :امممممم لا وش نشوف فيها تراني مااحب اشوف مبارياات وكذا تدرين وش خبري به اخر مباراة شفتها
نارا بفضول :وش هيي
غسق تتذكر :يوم كنت بثاني متوسط مباراة السعودية مع قطر .. مدري عمان حتى ان السعوديه خسرت وقتها حرمت
مااشوف مباراة بعد هذاك اليوم بعد ماكنت تعبااانه وانا اشووف فيها وبقيت تقريبا ثلاث سااعات وانا جالسه اطالع فيها
وضاع وقتي يششيييخه وربي اني ندمت ..
نارا فتحت عيونها بصدمه :اللله شخباري انتي قديييمه حتى انا مااحبها بس فجر كانت تغصبني اشوف معها وتقريبا
تعودت وكيذا ..
غسق بملل :طيب خلينا نجرب ..






عند غسان
دخل المجلس في البيت الكبييير المبااالغ فيه والترف واضح منه ابتسمت وانا اتذكر ابوي الله يرحمه اللي
كان يبغى يصمم البيت على نفس التصميم تقريبا لكن امي مارضت بالموت قبلت بالبيت الللي حناا فيه على قولتها
كلنا سواسية ماله داعي نترفع عن النااس

دخلت الخدامه بالشاي والقهوه ودخل شاب يتوسط العشرين وبشرته حنطييه ولابس ثوب وغتره بسيطه وابتسم
مجامله لما شافني وهو يرحب فيني :هلا طال عمرك ..
غسان ابتسم وسلم عليه :هلا فيك يارعد ..
رعد نزل راسه احتراما لي ... :وقال تفضلي ياعمه ..
دخلت الجده الكبيييرة بوقاار والخدامه تمشي وراها وهي شايلة معها بزر على طول عرفت انه ولد بدر
كانت المصاصه بفهمه ويناظر بعيون برييئة ماتحملتها ..
الجده اشرت للخدامه تعطيني اياااه وجات الخدامه ومدته لي وهو على طول تمسك في ياقة ثوبي ..
ارتعشت اطرافي منها انا ماتعودت امسك بزران حتى عيال عمتي وهو بزارين ماامسكهم لكنهم اذا اكبروا
خذتهم عندي ..
ام بدر ابتسمت بفرح قليل :مشكور ياغسان وربي انك بتسوي خير بهاليتييم ..
غسان باسه على جبينه ورجعه للخدامه ..
غسان تنهد من الذنب اللي يحس فيه :لكن عندي شرطيين ..
ام بدربصرامه :وش هي شروطك ياغسان
غسان ببرود :بدر ينزرع مكان قلبه قلب صناعي على الأقل يمكن يكون ربي كاتب له الحياه بعد كم شهر ..
ام بدر وكأنها اقتنعت :بس كذا الأمر بيصعب على زوجته .. وعلي انا ..
غسان :مارح نخسر شي بالحالتين ..
ام بدر :طيب والشرط الثاني ..
غسان :محد يدري عن الجراحه غير فهد اخوي ..
ام بدر وقفت :تتم وانا موافقه متى تبيها الجراحه ..
غسان تنهد بتعب من قلبه اللي بدت تسوء حالته بشكل ملحووظ .. :نشووف الدكتور وش يرسي عليه
ام بدر :طيب
غسان وقف :فمان الله يخاله ..
ام بدر :فمان الكريم ورى ماتتعشى معنا ..
غسان بأحراج :تسلمين خيرك سابق مع السلامه ..


مشى ويحس بقلق مايدري وش سببه .. لكن اللي ربي كاتبه بيصير ومحد يعترض علييه





عند فجر .
صرخت من الوناااسة قووووووووووووووووووووووووووووووووووووووووووووول الهلال جاااب قوووووووووووووووووول
واخييييييييييييييييييييييييييييييييييير اححح تألمت من رجلينها اللي تخدرتت صار لها ساعتين وهي جالسه تتسمع ونست رجلها اللي
تطلب الرحمه فتح الباب من صوته العالي وطاحت على الأرض لأنها مستنده على الباب :آآآآآآآآآآه قووول .. جابو قووول ..
فهد كان بهزأها بس لأنه حتى اهو فرحان الهلال جابو قووول رفعها من على الأرض ودار فيها وهو يضحك :ههههههههههه
للأسف ياالنصراويين الهلال جابوو قوووووووووووووووووووووووووووووووووول

فجر نست نفسها وصارت تصارخ معه الشي اللي كان راحمهم انهم بطريق البر يعني مابه منهو يركز عليهم ..





يوم جديد لكن موصباح لا مساء يوم الأثنين
بهالليوم عدت اشياء بتصير وابرزها ان رشا بتزور تولين .. وتولين طبعا صاحيه من الصباح تنظف وترتب مع الخدم
عشان اختها لفت انتباهها علب الأدوية المتكومين على جنب بحمام جناحهم عقدت حواجبها لما شافت علب لونها ازرق فاتح وفيها اصفر
كانت تقريبا ثلاثة ومكتوب عليها clearblue ..
ولأني لأول مرة اشوف الجهاز هذا ماجاني الفضول اعرف ايش هووو الكذا تركته على المنضدة الرخاميه بدون مااهتم بأني اخبيه
تبع الأدوية .. واخييييرا الوقت المحدد لشوفة رشا ..




عند غسق
استغربت انه طول اليوم كان ساكت واتصلات كثييرة تجيه لكنه يرد عليها برى الغرفة
وغير كذا ماكلمها وش فيه صاير كذا ماتدري ..
غسق تغير الجو :غسان وش رايك نطلع
غسان كان جالس يقرى بكتاب :رفع عينه بشويش وقال :مالي مزاج
غسق بتفكيير :طيب اممم وش رايك اطبخ لك شي تاكله ..
غسان وهو يقلب صفحة الكتاب :موجايع ..
غسق بيأس :طيب نسهر على فيلم ..
غسان رفع راسه وقال بضجر :وش فيك صايره هذاره الييوم ..
غسق ومتمسكه بأخر امل انه مايردها :طيب خلنا ننزل للحديقة برى ..
غسان وقف ورمى الكتاب بشويش وقال :بسافر بعد بكرة لأيطاليا .. في كم فحص لازم اسوية ...
تبقين هناا ولاتبغين تروحين بيت هلك ..

غسق بصدمه :لا والله اسمح لي هالمره لازم اجي معك هالمره بس ..
غسان رفع عينه لها بنظرة بارده عديمة المشاعر ...





عند تولين
حضنت اختها بشوووق ودموعها نزلت معها :ماهقيتك نسيتيني بهالسرعه هذي ..
رشا وهي تحضنها اكثر :وربي مانسيتك بس انشغلت شوي .. خلينا نجلس واقولك كل شي ..
ابتسمت لرنسا اللي كانت سرحانه ووجها مصفر من عدم اكلها وسهرها وخوفها :من ردة فعل ابوها واخوها لو عرفوا بالموضوع
لأن احمد صار مايرد عليها ..
سلمت عليها بسطحيه :هلا حبيبتي كيفك عساك طيبه وابتعدت عنها ..
توليين سحبتها :خلينا نصعد غرفتي فووق احسن اخاف عمي يجي وينحرج ..
رشا ابتسمت :طيب يلا ..
صعدت معها غرفتها وجلست اول شي توريها الغرفة والمكان وتقول لها انها مرتاحه مع نيشان والحمد الله

رشا توجهت للمنضده الرخاميه :تصدقين كنت مفكرة اشتري لكن انحرجت اقول لزياد ..
تولين بفهاوه :وشهو تبين تشترين ؟؟!!
رشا بستغراب :جهاز كشف الحمل ..
تولين تغيرت ملامح وجهها :هااااااااااااااااا وش دخل .. انتي متأكده يمكن مشبهه
رشا بستغراب اكبر:وشو له شاريته مدامك موعارفه وش هذا ..
تولين بأحراج :مدري اشياء جايبها نيشااان واستغربت منها ..ولا عرفت وش هي ..
رشا ببتسامه :اكشششخ الظاهر انه صج يبغى عييال ..
تولين انحرجت وقالت تغير السالفه :طيب جربي انتي يمكن تطلعين حامل ..
رشا وكأن الفكره اعجبتها :طيب اصبري ثواني

دخلت دورة المياه الله يكرمكم .. وهي تاركه تولين بأحراجها من موقف نيشان

رشااا صرخت بفررح :توللييييييييييييين صج انا حاااااااامل ..