رواية تكفى لا تعلم إبوي ترى اللي فيه يكفيه الفصل الخامس والعشرون 25 - بقلم MSCprincess

  البارت الرابع والعشرون ..
انصدمت لم فتح عيونه وناظرني ..
ابتسمت بأحراج وقلت ارقعها :امممم سوري بس كنت ابعدل مخدتك وعدلتها ..
ورجعت مكانها ..
غسان ابتسم وهمس :صج توني اعرف ان مخدتي .. اهي على خدي واشر على المكان اللي بسته فيه ..

وافشيلتاه تقطع وجهي وانقص قلت وانا اخفي احراجي :الظاهر ان النوم مأثر عليك ..
غسان ابتسم بخبث :لا صج .. قرب مني وحاول يمسك يدي
وقفت بسرعه من الخوف وركضت بعيدة على الصوفا .. :فكر قبل لاتسوي اي شي ..
غسان رفعت حاجبي .. :انا قايل تفكيرك رايح فيها ابغيك تسكرين نور الأبجورة ..
غسق ارتحت :طيب انت استريح وانا اسكره الحين ..
غسان رجع وهو مغمض عيونه على فمه طيف ابتسامه :طيب بس عجلي ..
غسق ياربي شالحر الله يحره خلاني احتر على الفاضي استوعبت وش قلت :ويه اسم الله عليك وش فيك غسق ليكون تأثرتي فيه ..
لا مستحيل .. احم احم ريلاكس بلييييز برييه بريييه(تنفسي تنفسي ) وبديت ارفع وانزل من يديني اندمج مع شهيقي وزفيري
رحت ووقفت جنب جهاز التحكم في تدفئة الغرفة وكنت ابغى اقصر عليه واخليه يكون دفاه اقل .. بس
انصدمت اني ..








عند تولين .. ورشا
دخلنا المستشفى بعد ماعطيت ابوي جواله . وهو سايلنت صامت ..
دخلت على طول على قسم العظام .. وكان دكتور .. سعودي عارض دخول رشا .. بس اصريت انها تدخل ورضخ للأمر الواقع
الدكتور :ايوه ياتولين وش يألمك بالظبط ..
تولين ابتست بأحراج :طحت من على الدرج وظهري يألمني لدرجة اني مااقدر امشي حتى اكتافي ورقبتي ..
الدكتور اشر للممرضة تساعدني انبطح على سرير الفحص ...
انبطحت على بطني ومسك شي مثل اليد متفرقه عن بعضها وقال :المكان اللي بلمسه اذا حسيتي في الم ابغيك تتحركين اذا ماقدرتي
قولي لي .. حط الشي على بداية العمود الفقري تألمت شوي بس قدرت اتحرك ..
لكن لم نزل بالنص .. حسيت اني ابتقطع من الألم ..
الدكتور .. امر الممرضة تاخذني لغرفة الأشعه: لازم اتأكد ان عمودك الفقري مابه شي روحي غرفة الأشعه وارجعي بعد 10 دقايق

يدوب قدرت اوقف بعد ماساعدتني الممرضة ورشا معها .. كنت متكيه على كتف رشا ويد الممرضة تمسكني الخايس المني
لمس موقع الظربه بقوووة .. احححح ..





غسق
انا الأن اوقع شهادة لأؤؤكد اني غبيه ودبة وخايسة وغير كذا متسرعه اووف ..
خربته وطفت المدفأة وبدى الجو وبشكل سريع يتحول للثلج موطبيعي ..
كنت خايفة وموعارفة ايش اسوي ..
غسان كان نايم يمكن مانحس بالبرد ..
رحت للسرير واندسيت تحت البطانيه الكبيرة .. وتغطيت وانا احس برجفة برد .. اختفت الحرارة اللي من شوي
كلها .. يربييي.. اووف .. انشاء الله مايحس بالبرد واتوهق ..




تولين ..
حمدت ربي ان جات سليمه هالمرة وصف لي كريمات لموقع الأصابة مع اسبرين ومقوي ..
هميت امشي وحسيت بعيون معصبة تناظرني كانت رشا جاتني :متى ناوية تدخلين معي ..
تولين تذكرت اني وعدتها على نيشان حقها ياااربييييييييي المشكله مالي خلق سخافتها :ارسوو ارسو ..>>طيب طيب ..
رشا ورجعت حالتها طبيعية وقالت يلا .. مانتظرنا كثير وصرنا جالسين قبال الدكتور انا كنت متلثمة ورشا كانت هم متلثمه ..
جلس يناظر فينا مستغرب .. :مني المريضة ..
رشا رفعت يدها وكأنها بمدرسة :انا ..
نيشان صار على شفاهه طيف ابتسامه وقال :ممكن تقربين لوسمحتي ..
رشا قربت ...
نيشان وهو يناظر اوراقها :شوو تشكين منه هالمرة ..
رشا قلت بتلعثم :قلبي كالعاده احسه يألمني وكأنه موجود بموية باردة ..
نيشان مد للممرضة السماعه عشان تحطها على قلبها .. وناظر ساعته ..


تولين بعالم اخر كانت تناظر في الدكتور وهي تجزم انها شايفته من قبل بس وييييين هذا السؤال اللي كان محيرها ..
لا تخيلي بس بيقول اكيد انك وحدة من مرضاي ..

بديت اتذكر واتذكر واتذكر بس مافيه امل اذكر وين بالظبط شفته يمكن بحلامي ..

احلامي اي لحظة حلمت فيه بس وين ..اووف الله ياخذها من ذاكره غبية .. يووه قاعده اقول الله ياخذها يعني ابصير فاقده الذاكره ..







غسق
صحيت على صوت ساعته المزعجه يالله ..اوووف وش فيها هالمرة يمكن المنبه ..
بس كان احساسي يقول ان مستحيل يكون المنبه لفيت عليه وانصدمت بشفايفه زرقا ووجهه مايل للأزرقه وكان يرتجف من قلب
فتحت عيوني بخوف :وش فيك غسان ..
غسان فتح عيونه بصعوبة وقال بهمس :الحبوب بدرج جيبية ..
وقفت بسرعه وجسمي ينتفض من البرد والخوف اللي سرى فيني فجأة ..
مديت له الحبوب مع علبة الموية .. وساعدته وهو ياخذ الحبة بأرشاداته ناظرني بشك :وش مسوية بالجهاز ..
تفاجأت وقلت ولا شي صدقني ولا شي .. بس الله يهديه مدري وش صار فيه ..
قال بسرعه :طيب تعالي انبطحي وانتي ساكته ..

انصعت الأوامرة وانبطحت .. وكنت ناوية اغمض عيوني بس انصدمت






تولين ورشا
رشا ماكنت ابغي امشي مدري ليه احس حبيته ..
نيشان ناظرني :خلاص تقدرين تمشين ..
رشا غمضت عيوني واستجمعت شجاعتي وقلت :احب احبك .. بسسس
تولين كنت سرحانه وانصدمت بالكلمات اللي قالتها الأخت نكزتها بذراعي بقوة ..
نيشان كان وجهه فاضي من التعبير بس فجأة :بس انا ادري ..
رشا برتباك :هااا تدري كييف .؟
نيشان ابتسمت وقربت منها :لأن كل المرضى اللي يجوني يقولون لي كذا تعبيرا عن شكرهم لمعالجتي لهم ..
رشا منصدمه :صج
نيشان رفع راسها لها :ايه صج لأن انتي اول حاله تجيني بالغة .. يعني طفله بالغة عمرها 21 .. بالعادة مايجوني الا
اشخاص عمرهم10 مايكثر عن 15 سنه ..
رشا بستغراب وكأنها فهمت يعني بتفهمني انك طبيب اطفال ..
نيشان ابتسم :عليك نور .. الكذا المرة الجاية لو جيتي رح تتحولين لدكتور هشام مو لي .
رشا وشوي وتصيح :يعني خلاص هذي اخر مرة اشوفك فيها ..
نيشان طلع ورقه ووقع فيها وكتب اتمنى انك تكونين بخير دوم الدوام .. وحط فوقها حلاوة ومدها لها ..
تفضلي .. ناظرت الورقة ..
قال ببتسامه مكر :لحظة لاتظنين انه شي خاص كل الأطفال اللي يجوني اسوي لهم كذا والحين مع السلامه ..
رشا :بس
نادى الممرضة :دخلي المريض اللي بعده بلييييز ...





،
عند فهد وامه
فهد كان جالس يشرب كوب الاتيه جنب امه وهو يقرى اخر اخبار الرياضة بجواله ..
ام غسان بتردد عدلت جلستها وقالت :فهد
فهد بدون مايرفع راسه :هلا يما
ام غسان :ممكن تترك جوالك شوي وتسمعني ..
فهد ترك جواله ورجعه بجيبة :امريني ..
ام غسان بحنان حطت يدها على كتفه :تصدق وش خاطري به ..
فهد بهتمام :وش قولي ابنفذه ان قدرت عليه ..
ام غسان ابتسمت :ياعساك سالم .. بس انا تطمنت على اخوك غسان انه تزوج وبقيت انت وهالمرة البنت اللي ابيها
خاطري تكون بنتي .. تكون عندي بالبيت زوجه لولدي ..
فهد بسرعه :لا يما لاتتسرعين مسكين غسان متهني مع زوجته خليه ليه تبين تزوجينه عليها وتراها طيبه ماعليها كلام
ام غسان بستغراب :هوو وانا متى قلت ابزوجه عليها ..
فهد بعدم فهم :اجل من تبغين تزوجنه هالبنت ..
ام غسان ابتسمت :ليه وانت منت ولدي ..
فهد غمض عيونه على غبائة :ااها . ..
ام غسان :وتدري من بخطبها لك ...
فهد بحماس يخفيه :منهي ..
ام غسان بمدح مبالغ فيه :زينت بنات الديرة .. وجمالهم .. اخلاق وجمال وادب كامه والكامل وجهه .. ومتعلمه بعد
فهد يستهبل :لاجد متعلمه ..
ام غسان ضربته بشويش على كتفه :ايه متعلمه ..
فهد :طيب منهي ..
ام غسان :فجر ..
فهد بستغراب :اي فجر ..
ام غسان :فجر بنت
فهد يقاطعها :عساها اخت ريان الهبله الرجه .. اسمحي لي يمه ..
ام غسان :افا وش تقول هبله منو لاعب عليك ..
فهد بعصبية يمسك نفسه :يمااا ليه تسوين لي كذا قلت لك مابيها ولاتخليني افضح البنت ..
ام غسان ونزلت راسها :انا خاطبتها لك من سنين .. والحين قررت ان الوقت المناسب تتزوج
فهد بصدمه :بعد من سنين ..
ام غسان :ايه .. ولو ماتحقق لي مناي يولدي .. بزعل منك ..
فهد تنهد :يما الزواج مهوب غصيبه
ام غسان ودمعتها بعيونها:ابغى اموت واشوفك انت وخوك مع حريمكم .. اقدر آمنكم على خواتكم
انت شفت ابوك كيف راح بغمضة عين .. وماكان فيه شي وشفت كيف مات اخاف يصير فيني .شي ولا افرح فيك وانت ولدي المدلل
فهد مسكتيني من يدي اللي تعورني ليه دايم تجيبين طاريه ليه :طيب يما بس لو ماعجبتني لاتلوميني لو تزوجت عليها ..
ام غسان وهي عارفة انه مايقدر .:وانا موافقه يولدي ..
فهد وقف :طيب ..
ام غسان :خلاص ابحدد معهم وقت وتنزل تملك عليها وتجيبها معك .. وبعدها اسوي لك حفلتك مع اخوك .
فهد بدون اي كلمه طلع من الغرفة..
ام غسان :ابتسمت وهي تدعي ربها وتحمده
نارا طلعت وركضت لأمها تحظنها :موقلت لك ..
ام غسان بفرح :هاتي الجوال ابكلم ام ريان ..
نارا :طيب ..



غسق
انصدمت من اليدين اللي صارت على خصري او بمعنى ادق بطني والصدر اللي لصق فيني ..
تفاجأت وشهقت فجأة ..
غسان بهمس وانا بديت احس بدفا :تحملي مسؤلية اعمالك اذا سكتت ساعتي وقتها اتركيني ..
غسق حسيت بالحرارة فجأة وودي ابعد البطانيه عني .. اوووف شالحر ..
تفاجأت بهمسه لما قال :ظهرك صار بارد واختفى الدفى منه ممكن تلفين للجهه الثانية ..
كنت منصدمه وش يبغي هذا خير :قلت لا موممكن ..
غسان وحط راسه عند اذني وقال :ولأول مرة اترجاك تكفين بس توقف ساعتي ..
غسق لقيت نفسي انصاع والف واضمه .. ياربي انا ليه خبلة فوق هذا كله كنت حرانه بشكل موطبيعي ..
واهو متغطي .. وانا احس اني ابنفجر من الحر .. وودي لو اطلع بالثلج برى ابرد على نفسي







تولين ..
ياربي وش هالحر .. الله ياخذني على هالفكرة الغبية
رشا كانت تروح وتجي وهي تتأفف وتدعي ليكون صار في ابوي شي .. لقينا الأخ نيشان طالع
وكان شايل في يده جاكيته مع كم ورقة ..
ورشا كانت تناظر سيارته البي ام دبليو البيضاء وهي تقول لي ببلاهه :نروح له يوصلنا ..
ناظرتها منفجعه :تستهبلين .. لاثولي انك تستهبلين
رشا بجدية :لا طبعا مااستهبل ..
تولين خذيتها ورميتها قريب وسط الشارع :روحي له يالخبلة ..
رشا جاتني :يالخايسة ليه تسوين لي كذا .. اووف .. مالت عليك ..
كان بصيص الأمل جاي لم شافو ابوهم جاي .. وهو مروق اخر ترويقه ..







عند نيشان ..ورنسة
كانت رنسة جالسها بفستانها الأورنجي الميني المايل للوردي .. وشعرها المصبوغ بالأشقر الفاتح والروج الأحمر الصارخ الذي زين شفاها
والكعب الأنيق الملتف على ساقيها .. وكانت تكلم بالجوال بهمس :ايه وانا بعد مابي اقولها ...
نيشان دخل البيت وجذبه صوتها بالصاله .. وتوجه لها بخطوات خفيفه يسمع كلامها ..
رنسه وبدون شعور بدت تلعب بخصلات شعرها الأشقر :اخاف اقولها ويدخل نيشان وقتها فكني منه .. يوو
نيشان ابتسم على سخافة اخته ..دايم تسوي كذا .. :احبك زين لاتييني مابي ايلس وياك
نيشان ضحك على لغة اخته اللي تقريبا مرقعه ..هبالها اهي مع حمدان مارح يتغير ..
قربت من اذنها الثانية ونفخت فيها :نقزت من الخوف .. وقالت تبتسم :هاااي
نيشان جلس بتعب على الصوفا وقال :اهلين .. وش فيك مع حمدان هالمرة ..
رنسة بخوف انه سمعها لما قالت احبك :مافي شي ليه ليكون سمعت شي هنا هناك ..
نيشان يقلدها :اخاف اقولها ويدخل نيشان وقتها وش يفكني منه .. احبك .. زين لاتييني مابي ايلس وياك ..
رنسا بأحراج .:هوووول >>>تدل على ياربي او اوف منك ..
نيشان ضحك بتعب :هههههههههههههههههههههههههه طيب ياهول تعالي ..
رنسا طلعت لسانها ببزاره :مييرونغ ماحبك ..
نيشان ضحك :مالوم حمد لا طلع روحك من بزارتك ...



رنساا :اطيب مخلوقه بالكون كله .. افعالها دايم هبال لكن وقت الجد تكون جدية ..
تعشق حمد بجنون .. ومن كثر ماتحب الهبال دايم تطلع لها شي جديد بشكلها مرة صبغة مرة قصه صار الكل مايستبعد عنها شي ..
مخلصه دراستها وتخصصها تصميم ازياء بس مالها خلق تكمل ..
وتموت على الشوبينق والموضى .. وتعشق المكياج خصوصا اذا كانت ماركتهم من شنل وديور ..
ومستحيل تحط لها عطر نسائي دائما رجالي تحسه يبرز شخصيتها .. just





عند غسق ..
كنت جالسة اتأمل ملامحه .. واحس بدقات قلبي السريعة صارت تزعجني من كثر ماهي صريحة ..
اووف واحس بالحر واطرافي باردة موعارفة وش اسوي سمعته قال :بتصير حفرة بوجهي من كثر ماتأملتي فيني ..
قلت وانا ابلع غصتي :ممم محد قالك احظني كذا وين اودي وجهي بالظبط ..
تفاجأت لم فتح عيونه وناظرني .. وعلى فمه ابتسامه بسيطة :وانا قلت لاتتأملينه بس خفي علي شوي .. 

حسيت بيدينه شدىت علي اكثر وضمتني .. 

قلت بخوف وارتباك :غس غسان ..
غسان حسيت بصوتها الخوف ورجفتها فتحت عيوني وناظرت بعيونها العسليه اللي اول مرة انتبه للونهم :وش فيك
غسق تبلعمت وانا اناظر بعيونه وبقيت ساكته ..
غسان حسيت بحرارتها اللي ارتفعت فجأة ابتسمت
غسق ناظرتها برتباك وقلت :السساعه السسساعه وقفت خلاص ..
ماكان يجيني اي رد وكان بس يناظرني .. شد علي وقال :اعوذ بالله من الشيطان الرجيم اعوذ بالله من الشيطان الرجيم غمض عيونه وحاول ينام ..


غسان كنت اناظر فيها حسيت اني بأي لحظه يمكن اتهور واسوي شي مو متوقع ..
مهما كان انا رجال .. ولي لحظات طيش .. ههههههه .. لم الواحد يقرب منها يحس ببرائتها وجمالها
تعوذت من الشيطان وغمضت عيوني وحاولت انام ..










عند تولين ..
كنت جالسة وانا اناظر قبالي في الفراغ وموعارفة وش اسوي بالمصيبة اللي بتطيح فوق راسي
دايم انا كذا اتهور واسوي الأشياء اللي اشوفها بالمسلسلات ولا اخاف ..
تنهدت :هــ
سمعت صوت رنة جوال ابوي وجى على بالي زياد .. نطيت بسرعه ورحت وخذيت الجوال ..
وماخاب ظني كان اهو المتصل .. كان اقرب مكان اقدر اكلم فيه دورة المياه الله يكرمكم دخلت وشغلت موية الدش ورديت :
زياد :الو السلام عليكم عمي عمي ..
بلعت غصتي اللي جاتني فجأة وقلت :زياد ..
زياد عقدت حواجبي :منو ؟
تولين بخوف :انا تولين
زياد بعصبية :تولين ولك عين تكلميني بعد ..
تولين دموعي بدت تتلألأ بعيوني :ززياد اسمعني اول .. اسمعني ..
زياد :تولين انتي تدري ان اللي سويتيه غلط واكبر غلط بعد وبكذا تعتبرين خنتي ابوك .. باللي سويتيه ..
تولين ودموعي طاحت :انت افهمني اول
زياد بعصبية اكثر من قبل وصوته بدى يعلى :وش افهم بالظبط افهم اني طاوعتك بالغلط وصدقتك وخذيتك للقهوة وخليت رجال يشوفونك
والله اني كنت مغفل وانتي مستغفلتني صج ..
تولين وانا احاول اهدي نفسي واتكلم :انا فاقده حن....
سكر الخط بوجهي .. جلست اصيح واصيح وعرفت ان مافي امل انه يكون لي ..





ام غسان ونارا ..
ام غسان :ايه يام ريان خلاص الحين جى الوقت اللي تكون فجر لفهد
ام ريان :والله ياام غسان احنا ماقلنا لا بس كيف وانتي بالمستشفى
ام غسان بحنية :مثل ماسوينا لغسان نسوي لهم اول شي يملك عليها ويجيبها عندي تونسني شوي انتي تدرين الحين قربت نارا
تبدأ مدرستها ولازم ترجع ومرت غسان هم مابعد تخلص دراسة خلي فجر تجي تونس رهيف بعد ..
ام ريان :ابشري اشاور ابوها وارد عليك خبر ..
ام غسان :طيب وانا احتريك تعطيني راي ابوها وراي لبنية ..
ام ريان :تامرين امر يام غسان ..
ام غسان :مايامر عليك ظالم .. مع السلامه ..
ام ريان :الله يسلمك سلمي لي على البنات
ام غسان :يوصل انشاء الله .. وانتي سلمي لي على بوريان ..
ام ريان :يوصل .. فمان الله
ام غسان :بمان الكريم ..







صباح جديد عند غسق وغسان في الأرض القطبية
فتحت عيوني ولقيته قبال وجهي كان شكله جمييييييييييييل وسيييييييييييم سكسوكته وطول خشمه ورموشه الكثيفة ..
ابتسمت وبدون شعور مررت يدي على خشمه .. الطويل وجلست المس رموشة وانا احسده عليهم ..
سمعت صوته وهو يقول :خلاص اقدر افتح عيوني الحين ..
اخترعت ورجعت غمضت عيوني وسويت نفسي نايمه ..
غسان فتحت عيوني وقلت :عارف انك صاحية ..
غسق سويت نفسي توني صاحيه :ايه توني وش فيك ..
غسان جلست اناظرها :مو ناوية تقومين .. عشان نطلع
غسق استغربت وقلت بأحراج :انت موراضي تتركني ..
غسان ابتسم بسخرية :واللهي .. رفع يدينه وقال :انا من زمان تاركك
غسق لعنت نفسي مليون مرة على غبائي اووف ..
يوم هميت اقوم انصدمت ب....









عند فجر
وقفت وانا مومستوعبة :يما من صجك ممداني قلت كلمتي جوني خطاب ليكون انتي متعمدة ..
ام ريان بعصبية :استحي على وجهك في ام تتعمد تتخلص من بناتها خلاص انا بكلم الناس وبقولهم انك رافضة ..
فجر بسرعه وقفت وقلت :لا لا خلاص قولي لهم موافقه ..
ام ريان بفرح :صصج مبروك حبيبتي حظنتني وباستني على خدي .. والله انه عين الصح ..
فجر حطيت رجل على رجل بطريقة عربجية وقلت :الله يبارك فيك وقولي لهم خير البر عاجلة ..
ام ريان ناظرتني منصدمه وطقتني على كتفي :الله ياخذ بليسك على هالجرأة اللي فيك ..
فجر حطيت يدي مكان الظربة :ااااه عادي انا وش قلت ..
ام ريان :صيري ثقيلة مو قولي لهم خير البر عاجلة ..
فجر ضحكت :هههههههههههههههههههههه عادي يمه قولي لهم يجون يملكون بكرة وانا وقشي جاهزين
ام ريا بصدمه :يعني ماتبين تكشخين وعرس وكذا ولا ملكة مثل الأوادم
فجر بملل :لا يما ويني ووين هالسوالف تكفين مالي خلق ..
ام ريان وقفت وبعصبية :لااا صج استخفيتي تروحين لرجلك بهالحال.
فجر وقفت قبال المرايا :ايه وش فيني اهبل بسم الله علي ..
ام ريان مشت وهي تتحلطم ومستغربة من بنتها ..








زياد
رميت جوالي على جنب يالله في بنات يسوون كذا هالأيام ولا هالسالفة جاتها بلحظة طيش وسوتها ..
لا حول ولا قوة الا بالله دخلت لوتس وهي شايلة بيدها ميلك تشك توفي من باسكن وجالسة تشرب رفعة راسي وناظرتها
لوتس وهي جالسه تشرب في الملك تشيك وتناظره بستغراب :وش فيك تناظرني كذا
زياد ابتسم بسخرية :ابد حبيبتي سلامتك بس كأنك من سنين موشاربة شي ..
لوتس وهي تجلس جنبه :ايه والله من زمان ماشربت شي بارد .. وحلو ..
زياد بتفكير :موكأن توك من ثلاث ايام او يومين .. يوم كنا نشتري اغراض للمزرعه شاربة ايس شوكلت
لوتس وهي تحط رجل على رجل :اوووه من زمان ..
زياد ابتسم وقال بتساؤل :الا صج منهي اللي خطبتوها لي ..؟؟
لوتس فجأة نطت وجلست قبال اخوها وقالت :توقع توقع توقع مني
زياد يقلدها :مني مني مني اتوقع
لوتس تجاهلت مسخرته وقالت :.تولين ..
زياد لف منصدم :عفوا تولين اي تولين .. ؟؟
لوتس اخترعت :بسم الله وش فيك اي تولين وش فيها ..
زياد وقف معصب على صوت امه اللي قالت :بنت زينت البنات كل المواصفات اللي قلتها فيها ..
زياد :هونت ماابغى نفس المواصفات اللي قلتها ..
ام زياد بخوف :ليه وش شايف على البنت ..
زياد بنرفزة من الوضع اللي بدى مايعجبة :يما قلت لك ماابغيها اخطبي لي وحدة غيرها
ام زياد بتساؤل وهي تقرب منه :ليكون صار بينكم شي يوم كانت بغرفتك
زياد بصدمه :لا يما تعوذي من الشيطان موانا اللي اسوي شي مايرضي ربي .. بس البنت ماابغاها كذا من مزاجي
ام زياد بشك :طيب واختها ..
زياد عرف ان مافي امل انه يطلع من المشكله وقلت بتهور :طيب اختها عادي ..
ام زياد بشك :وش معنى اختها ايه وتولين لا ..
زياد :يماااا .. خلاص انتهينا ..
ام زياد بيأس :لاحول ولا قوة الا بالله طيب اا بكلم خالتها اليوم ونشووف ..
زياد وقف :اللي فيه الخير بيصير ...








عند غسق
تفاجأت بالأرض اللي كانت حولها رذاذ ثلج من كل جهه غير الصورة اللي تكون عليها ثلج خفيف بعثر الوانها ..
كان في بالي سؤال واحد وبس كيف ماحسيت بالجو اللي حولي لهدرجة كنت حرانه بقربة بحظنه يالله .. ليكون حبيته
مستحيييل مستحيييل انا حاسة ان هالزواج مارح يدوم كثير كيف انا عارفة قلبي .. مايترك احد بسرعه
وجهاااد ؟؟؟ جهااااد منو ؟؟ لحظة للحين احبه ولا تغير كل شي كنت ابي اتأكد من شي واحد بس تجاهلت الجو
البارد تجاهلت نظراته الامبالية .. وتوجهت لجوالي وفتحت الأستديو ورحت للصور وتوجهت لصورته اللي كانت
ابتسامته ترن بقلبي تتعبه تخليني في شتات غير مفهوم تمنعني عن النفس بشكل مريع ..
على انه مايصير فيني كل هذا اذا شفته قبالي وجهها لوجه يمكن لأني ماااشوفة وهو يبتسم او يضحك
حطيت ايدي على قلبي .. لكن كل اللي كنت اسمعه دقات متسارعه بسيطه تدل على الخوف وبس
فجاة بطني مغصني يدوب قدرت اوجه نفسي للسرير خذيت البطانية اللي سرعان ماتحولت من شي دافي لمت اجساد
دافيه لشيئ بارد من دون اي دفااا..
غطيت اذني وبعدها خشمي وبعدها وجهي كله ..
يالله ياربي ان كنت احبه ورح يصير لنا اللي ببالي ابعد قلبي عنه ياربي برحمتك ياارحم الراحمين ..
اووووف لميت يدي على شكل قبضة صغيرة وجلست اضرب بضربات متتالية لقلبي اللي خاني وبشكل غير متوقع
رفعت راسي وناظرت لمكان غسان لكني مالقيته .. حمدت ربي عشان لايشمت فيني .








تولين ..
كنت منبطحة على الصوفا المخملية بالصالة .. وجالسة افكر باللي سويته وباللي بيصير بالمستقبل ..
حناني اه ياحناني .. وينك ..
ياربي تكفى تكفى لاتخليه يعلم ابوي .. ياربي نسيه خله يفقد الذاكرة ايه يفقد الذاكرة احسن ..
عشان انخطب له ويوافق بدون مايحس .. ويتذكر ..
اه على قلبي .. المسكين ..
سمعت صوت التلفون يرن ويرن ويرن ازعجني ورديت بكلمتي المعتاده :يوبوسيو .. >>>مثل الو كذا
خالتي :هلا حبيبتي شخبارك
تولين بخوف :هلا خالتي الحمد الله انتي وش لونك ؟؟
خالتي :الحمد الله حبيبتي ..
تولين :دوم انشاء الله
خالتي :اقول تولين
تولين :هلا خالتي ..
خالتي :من شوي كلمتني ام زياد
تولين دقات قلبي صارت سريعه وكأني كنت ابي اسمع شي معين ..
خالتي :قالت تبغى تخطب وحدة منكم ..
تولين برتباك :وحدة منو يعني بالظبط ..
خالتي :اتوقع انها تبغى رشا ..
تولين بصدمه حاولت ابلعت غصتي :يعني اهي قالت تبغى تولين
خالتي :لا ماحددت انتي كلمي ابوك وقولي له اذا وصل يكلمني عشان اتفاهم معاه ويحدد يوم اقوله للجماعه عشان يجونكم .. طيب
تولين بطني مغصني والدنيا بدت تدور فيني مدري كيف قدرت اقول :طيب ..


معقولة اختي توأمي تتزوج حبيبي .. معقولة ..
تخيلت شكلها على الكوشة معه مع ان اشكالنا ماتفرق عن بعضها .. انا ورشا ..
يالله حسيت دمعتي بتطيح وصعدت بسرعه لرشا ..
اللي كانت جالسة الفاضية ترسم ..
قربت منها وقلت :رشروش ..
رشا وهي مندمجة تكمل تصميم الفستان للبنت اللي راسمتها :همممم ..
تولين وصوتي يرجف مارح ابكي والله مارح ابكي بس اخاف تتهور وتقول .. اللي خاطرها فيه من دون ماتحسب الف حساب
جلست قبالها على الكرسي وقلت :لو خطبك
رفعت راسها وهي مفتحه عيونها :انخطبت .. ؟؟
تولين غمضت عيوني وهزيت راسي :انيااا >>>لا
خليني اكمل كلامي .. لو اخطبك شخص انا احبه بتوافقين ؟؟ بلعت غصتي وقلت :هااا
رشا قالت بمزح :امممممممم شوفي على حسب ..ان كان على قولتهم خققق وبوشتا على قولتك ..>>>يعني وسيم
تولين مسكت يدها وقلت برجفه :بلا استهبال رشا انا اتكلم من جدي
رشا ناظرت في عيونها وحسيت من جدها تتكلم .. قربتها مني وقلت :لا تولين مستحيل ولا افكر حتى جعلني اموت قبل لايجي هاليوم
نسيتي على خناقنا وعلى هبالنا .. مستحيل اخونك بيوم .. ومن الحين اقولك لا ..
تولين دموعي تجمعت بعيوني مدري هو من رد اختي ولا من فرحه بداخلي . حظنتها وحمدت ربي من داخلي
ياربي والله ابيه والله ابيه مااقدر اتخيل اني رح اكون بالحياة بدونه ..




فجر ..
فتحت الاب توب وجلست احوس مليت المسلسلات احسها صارت بايخه اووف ..
جلست اطالع مباريات الهلال القديمة .. احسن لي من هالملل وعلى الأقل اكسب خبرة شوي هع ..
انفتح الباب ودخلت جووود بكل دفاشة ولأول مرة :فجور بتعرسين
فجر لويت فمي :ايه عندك مانع
جود بفرح ضمتني :لا طبعا
فجر ابعدتها عني وقلت وانا اعدل ياقة قميصي العنابي :ايه احم من اليوم ورايح لاعاد اسوفتس مارتن جنبي فاهمه
جود ضحكت بسخرية :ليه انا خبري انك بتعرسين مو بتصيرين مليونيرة
فجر اسندت نفسي وقلت :المهم بلا هرج ماله داعي وقفت وقفلت الباب وصرت جالسه قبالها قولي لي امي ماقالت لك
متى بملك .. يعني بعد ماكلمت اهل المعرس وكذا ..
جود رفعت حاجبها :اشوفك مستعجله
فجر ضربتها على راسها :وانتي وش عليك روحي واسألي امي .. وتعالي ولا ترى وقسم مكياجك اللي تركتيه بالصاله
امس مايرجع والله ..
جود فتحت عيونها :يالخيانه انتي الي سارقته حرام عليك توني طالبتهم من برى ..
فجر حركت حواجبها بغيض :المهم حبيبت البي سوي شو مابدك مارح يرجعون لك الا اذا سألتي امي اي يوم رح تصير الملكة ..
وكم باقي عليها وبعدها ابشري بعزك لا وابشتري لك مجموعة وش يسمونها ذي كلين فيس مدري وش اسمها اللي من وجووه
بغيتيها وامي قالت لا مالها داعي ..
جود نطت بسرعه :صججج ثواني وانا عندك
فجر ابتسمت ايه بنات مايجون الا بالعين الحمرا ..






غسق
طبعا مابقينا بمكاننا ولا دقيقة على الجو الخايس .. اللي كان cold+cold
ونقلنا للفندق اللي من الأساس حنا فيه .. طبعا كان الجناح اللي مختاره جناح عرسان هع
تحمست اشوفه احسه راقي واحلى من هذا الخايس .
كنا راكبين سيارة ليموزين راقيه .. باللون الأبيض ببياض الثلج وكان في شخص فاتح باب السيارة والمسكين
الظاهر انه تجمد من البرد .. طلعنا بعد مالمينا اغراضنا على السريع ..
ومشينا للفندق ..الي من دخلنا من بدايته وانا قلبي انشرح له من جماله ولا كأنك من الأساس في القطب الجنوبي ..
لفيت لغسان اللي كان ملثم وجهه ومكتف يدينه من شدة البرد ناظرت ساعته لكن لحسن الحظ انها
كانت ماتشتغل اي بدون صووت .. كانت الأرقام فيها من بداية 80الى 90 ..
وكان يدور حولها مثل الظلال ولونها ازرق ...
حسيت بخيبة امل ابغى يكون لونها احمر ويشتغل صوتها المزعج ويظطر انه يحظني .. يارربي على تفكيري وقسم رايح فيها
لفيت عند النافذه .. وضربت راسي بدون قصد بالنافذه .. حطيت يدي بسرعه من الألم ..
احححححح ايي ... كتمت صوتي لايصحى .. ويبجأ بفلسفته ..
قال وهو مغمض عيونه :لهدرجة خايب املك من ساعتي ..
ارتبكت ولفيت عليه امثل الصدمه :عفوا ..
غسان لقيت عيونه تقوست وهو مغمض يعني جالس يبتسم .. لويت فمي .. وقللت :والله طلع موتفكيري اللي رايح فيها انت
اللي تفكيرك ابد .. رايح بخبر كان ..
غسان فتح عيونه وناظرني .وابتسم ابتسامه جانبية وقرب مني وابتعدت لنهاية باب السيارة وقرب مني غمضت عيوني
ولميت جسمي بيديني من الخوف ..