رواية تكفى لا تعلم إبوي ترى اللي فيه يكفيه الفصل الرابع والثلاثون 34 - بقلم MSCprincess

البارت الثاني والثلاثون ..
الدكتورة :تكسير دهون اهو شي يكسر الدهون بالجسم ..
بأسهل الطرق يعني يمكن بثلاث شهور توصلين لوزنك المثالي وبسهولة
طبعا تقدرين بدون حميه لكن اذا كنتي تبين تنزلين اكثر ..
اشربي سوائل كثيرة واتبعي حميه ويساعدك كثيير ...

تبشرت معالم وجهي وكأن احد مبشرني بالشهادة .. يالله وش قد كنت ابي هالطريقة ..
لأني لو بنزل 50 كيلو رح احتاج سنه وكم شهر ..
ياااربي ياحبيبي ساعدني .. :طيب وين ممكن اسويها وكم تكلف قيمتها ..
الدكتورة طلعت منشورات وقالت :تقدرين تسوينها بمستشفى ال... او بمركز ال......
ويكون سعرها 2200 او 3000 واهي تقريبا 7جلسات .. بس تساعد للي ماينزل وزنهم بسرعه ...
غسق وقفت ومديت يدي للدكتورة مودعه لها :مشكورة دكتورة بجد مشكورة ..
خذيت نظام التغذية اللي عطتني اياها وانا فيني حماس ابدأ من جديد ..
طلعت من عندها وقلت للسايق يروح مستشفى ال....
عشان احجز لي موعد من الحين هذا موعمليه اهو قال لاتسوين عمليه وصج مارح اعلم ولا حد
بتكسير الدهون اللي بسوية ولا حد ولاحد عشان مايلوموني ..
لأن هذا لي انا وانا عارفه مصلحتي وين ...

عند تولين ..
نزلت المستشفى ولا التفت عليهم حتى عندي بطاقتي الشخصية وحافظة رقم ملفي يعني ماله داعي حوسة
وهذي مستشفى خاصة يعني كل شي سهل التعامل فيه ..
دخلت ولاهتميت لوقوفها جنبي .. وجنبها ابوي اللي كان جالس يحجز لها موعد ..
طلبت اني ابغى اسوي فحص شامل لجسمي لأني احس بتعب .. واضح هالأيام ..
وعلى طول دخلت وبديت الفحوصات بعد التحاليل وقياس النظر والتحقق من اجهزة الجسم ..
ولما جاء وقت دكتور القلب عشان اتحقق من صحة قلبي ..
شفتهم يحوسون ويتهامسون ان الدكتور عبد الله او علي مدري شسمه موموجود واظطروا يدخلوني ..
عند دكتور الأطفال لأني ابغى اخلص بسرعه .. ودخلت عند الدكتور نيشان حب رشا الأول ..
خفق قلبي لما شفته خفقه عابره وهدأت :سلمت وجلست كنت متحجبة بس وفاتحه وجهي ..
ناظر ملفي ورفع راسه يناظرني وهو عاقد حواجبه :اختك اللي ..
قاطعته وهزيت راسي :ايه اهي .. اختي بس الحين تزوجت خلاص .. ابتسمت وكأني اضحك على نفسي ..
تخيل تزوجت الشخص اللي احبه ..
لقيت نفسي وبدون ماحس بديت اقول كل شي كأني علبة موية مثقوبة .. موقادر الشخص يتحكم في
الماي اللي يتساقط منهاا ..
ولما كنت باخذه بالغصب لقيت نفسي في دوامه من الكوابيس ..الغير متناهيه ..
صح اني غلطت لما كلمته لكني احبه ليه ابناء جنسكم مايفهمون ان البنت حتى لو غلطت
غلطه عن برائه المفروض يتفهمون شنو غلطها انا ماقلت بسوي اللي ربي مايرضاه لكن ..
اناا ابيه يفهمني بس اول لكن الحين ..
خلاص كل شي راااح وخذته رشا مني وبقيت انا بهالحال ..
نزلت راسي ودموعي على وشط السقوط ...

نيشان تفاجأت من ردة فعلها .. لهدرجة شايلها بنفسها ..
ساعات هذا اللي يغبن القلب ويشيل فيه ويألمه بعد .. لكن الحين وش دخلني انا بعالمها ..
مثلت الحزن لها وقلت :تعوذي من الشيطان الحين وعلميني وش يألمك بالظبط ..
كان جالس يقيس نبضات قلبي وانضباطها عن طريق معصم يدي ..
وكان يسجل بيانات بالورقة اللي قباله ..
رفع راسه وقال :يبغالك اختبار جهد وتخطيط قلب عشان نطمن على صحتك اكثر ..
تولين كنت اناظر معصمي اللي كان اصابعه تضغط عليه تتحسس مكان نبضي ..

بهاللحظة انفتح الباب وكنت اشوف ..
الأنسانه اللي مارتحت لها من اول مرة شفتها فيها . كانت
زوجة ابوي ويوم شافت كيف كنت منزله راسي وهو رافع راسه وعينه علي ..
صرخت بسرعه :لك اولي شو عم تعملو .. لك محمد محمد .. تعال هوون محمد .. لك الحاء على بنتك شوف شو عم بتعمل ..
دخل ابوي وراها وكأني جالسة اشوف كابوس .. اليم موحلو للأسف
فجأة يده شدت على يدي بدون احساس رفعت عيني واناظره بخوف وش تسوي ..
ناظرني برتباك فجأة ونفض يده من معصمي ووقف وقال :عفوا ليه تدخلين بدون ماتستأذنين ..
ابوي قرب مني فجأة وعيونه متوسعه ومنصدمه عطاني كف .. صحاني من كل شي
ابوي حنون صبور ابوي بيوم من الأيام رح يسألني ان كنت مرتاحه ولا متضايقه ..
نزلت راسي من قوة الكف نزلت راسي موهذا ابوي اللي اعشقه واحبه ..
ابوي هز راسه بقرف :ماتوقعتك بترخصين بنفسك لهدرجة ..
ماتوقعتك لهدرجة تبين تلحقين اختك .. موبهالطريقة ...
الدكتور نيشان وقف وقتها وقال بعصبية غير مفهومة :لو سمحت احنا بمكان محترم احنا بمستشفى وعيب يصير فيها الكلام
اللي انت تقوله .. كل اللي كان يصير كنت جالس اقيس نبضات قلبها .. بطريقة عادية ..
لكن للله يهديها فهمت الموضع غلط ..

زوجة ابوي اللي وكأنها ماصدقت على الله يصير كذا عشان تستغل الموقف .. :انت عم بتكزبني مهيك .. لك انا بعيوني
اللي بدون ياكلون الدود شفتك حاضنه وبس دخلت بعدت عنها ولك ابوها شافك بعيناتو وانت حاضن ايدها ..
شو يعني عم كزب .. لفت لأبوي اللي سحبني من كشتي بيطلعني برى
زوجة ابوي :لك المفروض مابتسكوت بتأدم بلاغ عليهم بيجو بياخدوهم بيزتوهم بسجن ..
لك الدنيا سايبه .. شو هاد .. ياعيب الشو هي وانتي مريضه بتساوي هيك وانتي صاحيه شو بدك تساوي ..
نيشان اكره شي بالحياه ينغصب على احد وقف وقال :لو انك مومصدق .. اني ماسويت شي وبتصدق حرمه ..
انا مستعد وعااادي عندي اتزوجها .. ..

تولين انصدمت لفيت ناظرته يعني كذا يكون القانون اختي تاخذ حبي وانا اخذ حبها الأول .. ليه طيب .
وقفت معترضة :بس انت ماسويت شي عن تتزوجني .. احنا ماسوينا شي ربي يغضب عليه انا مريضة وجاية اتعالج
اتوقع ان مافيها شي صح ...

زوجة ابوي اللي كانت مصره على كلامها :لك عم بتكزبيني مهيييك ايي بطني ..
حطيت يدها على بطنها وكأن كل اللي بيصير فيها بسبتي ..
انفجرت وقتها وقلت :روحي ياعلك الماحي انتي ولي ببطنك ..
ربي يحرك ويحر اللي ببطنك ولا يهنيك فيه .. اجل تتبلين علي انا اليتيمه الي ماكلمتك ولا حتى
عاديتك .. انا عارفه انتي تبين اذا جاء ولدك يكون البيت فاضي عشان يكون كل شي ملكه بس حريمتك ..
يا ام كرشة .. اي والله .. صج سخيفه وسامجه وكل شي شين بالدنيا ..
ماكنت عارفه اخمد النار اللي بجوفي تلفت وشفت الدفتر اللي يكتب الدكتور فيه المواعيد ورميتها به ..
انمسكت يدي بشده من جنبي لفيت وناظرته لقيته يخزني ويقول :لو سمحتي احترمي المكان اللي انتي فيه ابوي ..
صرخ :انتي اسكتي لايجي لك شي مايعجبك
وانت يلا تفضل معي لأقرب محكمه تقلعها معك .. هذا اللي ناقصني .. انا .. وانتي يلا امشي قدامي
احتضن ذراعها واسندها يمشي معها ماكنت مستوعبه ابوي ايه للأسف هذا ابوي
المشكله اني كنت مريضة وكنت ارتجيه بعيوني يناظرني يدخل معي مثل ماكانت تسوي امي ..
لكنه كان يعطيني ظهره ويشمي وش تبغوني اسوي يعني .. اقطع عمري تحت رجلينه ارتجيه ..
بس اصدقو اللي قال .. امك ثم امك ثم امك ثم ثم ثم ثم ابيك ..

اه ياقلببي . ..
كان الوضع عنده طبيعي رفع جواله وقال :ابطلع ساعه وبرجع ..
وخذى جاكيت بدلته ورمى بالطو المستشفى وقال :تفضلي ياانسة تولين ..
قالها لي وكأنه يقولي ودعيها .. هذي اخر ساعه اخر مرة اخر لحظة بتنقالك هالكلمه ..

عند غسق ..
خذيت موعد ورح تبدأ معي الجلسة من بكرة ..
وحددت لي الوقت اللي اروح لها فيه وعلمتني عن اخطارها وعن ممكن وش يصير فيها من مضاعفات
والشي اللي حبطني شوي قالت لأن وزنك كبير كثير احتمال ان تنجح معك نسبتها قليله قليله كثير
لكن على حسب نوعيه الدهون اللي بالجسم يمكن .. يكون تفاعلها ايجابي ..

خليت الأمل فيني موجود طلعت من المستشفى وبعدها مريت لأمي ... اللي
ولأول مرة تحسسني انها فقدتني مرة احتظنتني وجلستني جنبها وجلست اسولف معها
كلها كم دقيقة واذن الظهر وصليت .. عندها وبقيت الى ان صارت الساعه 2
لزمت علي اتغدى عندها لكني اصريت بلا .. واني لازم اتغدى مع نارا
طلعت من عندها ومريت السوبر ماركت وخذيت لي كم شي عشان الحميه اللي بسويها
وتجهالت صرخات الأشياء المغرية اللي امر جنبها شيبسات والبوب كورن و
الكوكيز وباسكن المعلب .. كل شي لذيذ ..
بالموت قدرت اسحب عمري من هناك ورجعت للبيت وانا مطمنه اني ماخذت ولا شي من الأشياء اللي شفتها ..

دخلت البيت .. وكانت نارا جالسه على التلفزيون على مسلسل كويتي .. بس ماعرفت وش اسمه
وباين انها ملت وهي تناظره .. دخلت ووراي الخدامه اللي كانت بيدينها كل الأغراض اللي شريتهم ..
فتحت غطوتي وانا احاول اخلي الهواء يدخل في جوانب وجهي .. المحمر ..

وقفت وقالت :طولتي ..
قلت بتعب :ايه خلصت الأشياء المهمه ورجعت ..
نادت على الخدامه تحط الأكل لنا .. ومثل ماتوقعت كان اكلي عبارة عن صدر دجاجة وانا مااكل دجاج ..
مع سلطه .. بدون ملح .. يالله اكره هاللطعم .. اووف ..
اكتفيت بالسلطة ووقفت .. وانا اعلن عن انتهائي من الأكل ...
نارا وهي مارفعت عينها عن صحنها :وش رايك نطلع بعد شوي نسوي رياضة .. من زمان مامددت جسمي ..
غسق تشجعت :اوكي ولا يهمك ابصعد واغير ملابسي ونروح ..
نارا وقفت بحماس :اوكي يلا ..
غسق نهيتها :اجلسي كملي اكلك اول ..
نارا هزت راسها بمعنى ان الأكل موعاجبها .........
غسق هزت راسها بمعنى براحتك ...

صعدت غرفتها وغيرت ملابسها ولبست ماسك اسود وتيشيرت اسود مرسوم عليه برج ايفل بالبينك ..
رفعت شعرها كله وهي تفكر انها اول ماتضعف رح تقصه اكييد بدون ماتشاور اي احد ..
ورح اسوي فيه كل اللي ابغاه ... بدون مااشاور حد فتحت جوالي
وحطيته على صورته واحنا بالقطب الجنوبي .. كان مغمض عيونه ونايم .. ومكتف يدينه
بدون شعور احتضنت الجوال وطبعت قبله عليه وقلت ابصير الأنسانه اللي انت تبيها والأهم اللي انا ابيها ..
طلعت وخذت الأم بي 3 الموجود في غرفته كنت ابي اعرف وش انواع الموسيقى اللي يحب يسمع لها ..

عند تولين
موقادرة اصدق الحين انا صرت زوجة نيشان .. ابوي كيف دعاه قلبه يسوي
كذا وبكل برود قالي اركبي معه مالك مكان بسيارتي ..
ركبت بسيارته البي ام دبليو بلون الموكا ..
وكنت ارتجف موحاسة بالأمان ابد ... يالله طلعت الصبح وانا مغبونه وقلبي يعورني والحين
احس مافيني شي بس ارتجف من الخوف وش اللي ممكن يصير حمدت ربي ان جوالي معي ..
اتصلت على الشخص اللي ارتاح له خالتي ..
صوتي بدى يبان عليه اني ابكي :هلا خالتي ..
خالتي بخوف :وش فيك تولين ..
تولين صحت وجلست اشاهق كأني بزرة من الخوف ومن كثر القهر اللي بداخلي :خالتي ابوي زوجني ..
خالتي بصدمه :متى ولمين ..زوجك وليه ماخذى راينا ..
تولين تكمل صياحها وهي تسحب المنديل من العلبة اللي انمدت لها :تخيلي خالتي انا رايحه المستشفى لأني مريضة
ودخلت زوجتة ابوي الخايسة الله لايوفقها وشافت الدكتور ماسك يدي يقيس نبضات قلبي .. وفهمت غلط وعلى طول
نادت ابوي وابوي اصر يزوجني خالتي وش اسوي اهئ اهئ ..

نيشان ماقدر يتحمل الأزعاج الصادر منها سحب الجوال منها وتكلم بأدب :السلام عليكم .. هلا ياخالتها
تطمني مارح يصير فيها شي وتراها محفوظه واليوم اجيبها لك تزورك وتتطمنين عليها .. مع السلامه
سكر بدون مايسمع اي رد من الخاله ورمى عليها جوالها وقال وهو يخفض حواجبه وكأن الوضع موعاجبه :
رجاء لاجيتي تكلمين احد بشويش اذني مومستغني عنها .. لوسمحتي ..
وموناقصني صداع ..

تولين قلت بخوف وانا مومهتمه بالتراهات اللي يقولها :وين رايح ..
نيشان لوى فمه :الحين تشوفين ..
تولين اه بتشقيني تشينتشا .. ..>>> ابنجن من جد بنجن ..
نيشان وقف السيارة بطريقة سريعه وانيقه ونزل قبال فيلا كبيرة ..
تدل على رقي وتواضع اهل البيت هذا .. نزل وفتح لي الباب وانتظرني انزل وانا كنت مترددة ابكلم رشا
لكن اكيد اهي وزياد بالعسل الحين ولا يدرون عن هوى بالي ياربي رجيتك مالي غيرك احفظني وكون معي ..
نزلت على ضربة اطراف اصابعه على النافذه ..

عند فجر ..
تفاجأت فيه وهو يدخل ولفيت على خالتي وعطيته ظهري وقف وراي وصار ظهري قريب من صدرة وانا اتأفف ابي ابعد عنه
مدري ليه احسه ساعات لزقه اععع ...
عمتي بعد ماسلم عليها فهد وعاتبته شوي .. لأنه خلاني اجي لحالي .. وبعدها لفت تكلم غسان ..
اللي كان يرشد العامله وهي تنظف الزجاج من الأرض ..
همس في اذني وههو مستغرب من الكحل اللي بعيوني والمكياج :منو اللي اقنعك وخلاك تعطين لك كحل ..
فجر لفت وهي تتأفف :مالك دخل ..
فهد ينحني بوجهه اكثر وياخذ نفس ويبتسم بعجاب :وعطر بعد تطورنا ..
فجر ابتسمت بمجامله لأنها انتبهت لنظرات عمتها لهم :ههههه طيب بعدين نتفاهم ترى امك تناظرنا ...
فهد عقد حواجبه وبعدها قال :صح لي مومتغطيه .. ضربها على راسها تغطي ولا مسحي اللي بوجهك ..
فجر خذت اقرب منديل لها ومسحت وجهها فيه وبعدت عنه متضايقه :اوووف .. يالله وش هالحاله ..

فهد قرب من اذنها وهو يطالع امه اللي تطالعهم بعيونها وتقوله اعتذر لها لو كنت مزعلها :آآسف ياانثى ..
فجر لفت وناظرته ولوت فمها بطريقة تنرفز الواحد :يصير خير لو عدتها مره ثانيه وربي مااعترف فيك بعدها ..
ترى كلنا بشر ..
فهد ابتسم :طيب فرجيني ضحكتك يلا .. ياحلوة ..
فجر ضحكت بسخرية ::ههههه
ام غسان ابتسمت عليهم :اقول فهد وش رايك تخلي فجر تروح عند اختك ومرة اخوك تجلس عندهم هناك
وانتو تبقون معي ومع رهف ..

طلعت رهف وباين عليها انها غاسله وجهها بالصابون االلي مخلي بشرتها بيضا ومحمره بشكل جميييل بدون مكياج ..
:وليه دايم اللي انا ابقى تراني انسانه مثلهم ابغى ارجع الرياض مليت من هناا ..
غسان لف عليها وبحزم :اذا ماقللتي من عصبيتك اللي مالها داعي مافي طلعه لك من المستشفى بكبرها ..
فأمسكي نفسك عن هالعصبية اللي لاتجيب ولا توديك الا بدواهي ..
رهف شدت على يدينها بغيض :حتى عصبيتي بتتحكمون فيها واذا قلت لك اني ابطلع من المستشفى ومارح اتحكم بعصبيتي
ولا رح اتحكم بأي شي .. يامعقد خلك عند مرتك الفيل ولاتقرب مني ..
غسان ابتسم بسخريه :ناظري مين يتكلم .. نسينا اياام زمان ياحلوة ..ولا اذكرك بااFigure who briefed on the balance
رهف بعصبية ضربت رجلها الأرض بقوة :انا قايله انت مايأمنونك المفروض على شي .. لأنك خاين

غسان قرب منها وقال بحده :للأسف ماني خاين لكن الشخص اللي كان فيه عيب المفروض يتعض من عيبه
وما يعيب على خلقة غيره .. لكن انتي ماتتعضين ولا شي ..
ماكنت حاب فكرة انها تقول عنها هالكلام لأني عارف ان غسق مالها يد باللي اهي فيه ..
كل شي غصب عنها موبيدها .. نقص الحنان اللي فيها .. احتياجها لناس معها ..
اهو الي تسبب لها بكل هذا ..
لكن رهف عمرها ماحمدت ربها على النعمه اللي اهي فيها ..
بعدين اهي كيف اعرفت ان غسق دبدوبة ..

غسق ونارا
كانت نارا جالسه تمشي على جهاز المشي بسرعه 80 كانت تمشي بسرعه وبلياقه باين عليها
وانا كنت امشي بسرعه 40 وموقادر اتحكم بحركة جسمي ..
سألتها وعلى امل الأجابة :ممكن اسألك اسئلة انا فضوليه بها ..
نارا خففت سرعة جهازها :تفضلي ..
غسق :ليه غسان بارد وانتي مثله عكس فهد اللي احسه شخص طبيعي ..
نارا وقفت الجهاز وجلست تمدد جسمها بطريقة خلتني اشهق بها كان جسمها مرن بشكل مؤلم .. :لأن غسان قبل مايتوفى ابوي الله يرحمه
كان انسان عصبي لكن عصبيته ودته لدواهي ومنها جابت له مرض القلب ..
غسق تفاجأت رفعت راسي منصدمه غسان فيه مرض القلب وقفت الجهاز فجأة وجلست اناظرها ..
نارا تكمل :ايه غسان فيه مرض القلب ليه انتي ماشفتي الندبة الموجوده على صدره ..
غسق جلست اتذكر الا اذكر شفتها مرة بس ماتوقعت من مرض القلب يعني توقعتها عادي شي
صار له وهو صغير ..
نارا وقفت حركة واسندت ذقنها على يدها :لكن امي ورهف مايدرون ان فيه القلب اللي يدري بمرضة انا وفهد وبس والحين انتي
غسق ماكنت مستوعبه الكذا كان يطلب مني اكون ضعيفه وعلى قولته يكفي ان الأبو مريض ..
وميض ساعته اللي في شدته دايم يشتغل انذارها ماحسيت فيه ..
لميت يديني على نفسي وجلست قبالها ابغيها تكمل :وانتي
نارا ابتسمت بسخرية :انا خذت درس من اللي صار له وحرمت على نفسي مثل مااهو حرم على نفسه العصبية لأسباب تافهه
وصرت اتصنع البرود الى ان صار حالي وحاله واحد ...
ضغوطات العمل دايم تسبب له ازمات .. لدرجة ان قلبه قريب يتلف تعرفين كيف قريب يتلف يعني
تدرين انه اكثر من مرة حطو له دعامه في القلب تفتح الشرايين المتسكرة ..
تدرين كم مرة كان يروح المستشفى اذا اكل شي في كلسترول زايد ..
كانت حالته يرثى لها كنت اصيح ايام وليالي صرحه الأنسان اللي عوضني عن حرماني من ابوي وانا بسن صغيره ..
اهو غسان عكس فهد اللي ماكان يهتم لي ولا يعبرني عكس امي الحنونه اللي ماكانت تقدر تقول شي قدام عصبية
رهف .. الكذا سلمت امري لربي .. وصرت وكأني عديمة الأحساس لكني من داخلي كتلة احاسيس ..

غسق وش هالكلام ..
لحدرجة في ناس تذوق شوي من اللي اذوقه يعني فيه مو انا لحالي بهالدنيا لللي يصير لي
حبيبي وزوجي في القلب وانا مادري قبضني قلبي بخوف اني افقده واكون وحيدة بهالدنيا بدونه
مومتخيله اقعد بيوم ومااقدر اشوفه ..
ياربي احفظه لي ياربي فجأة ماكنت حابه اسمع اي شي ابي اسمع صوته وبس
ابيه يحظني مثل قبل احس بشتات وربي ..
ابيك ...

تركتها وانا مرتبكه وصعدت لغرفتي بسرعه وانا اركض ولأول مرة
عشان هالسبب .. خذيت جوالي واتصلت عليه ومثل ماكنت اتوقع ..
ان الهاتف المطلوب لايمكن الأتصال به الأن .. فضلا اعد الأتصال في وقتً اخر ..
يالله ابي اسمع صوته حسيت برجفه بخوف يمكن يكون لحاله وجات له ازمه
ولا تسارع صوت جرس انذار ساعته ويحتاج من يكون جنبه وانا مو عنده
ياربي تذكرت رقم جواله الدولي اللي كان يتصل فيه واحنا بروسيا اتصلت فيه بسرعه
وحمدت ربي اني سمعت صوته النايم اللي اعشقه بكل صبح ..

آلوو .. آلووو ..
غسق بلعت غصتي اللي وقف لي فجأة ومسحت دمعتي الخايفه وقلت :مافيك شي ..
غسان عدل جلسته وشغل نور الأبجورة :وش بيكون فيني يعني ..
ماقدرت اتحكم بصوتي وقلت :اشتقت لك مارح تجيني ..
غسان غمض عيونه بيده وقال :وش فيك تبكين ياحلوة ..
قلت حلوة لأني تقريبا نسيت اسمها من البكة دوم كذا لاصحيت من النوم ..
غسق انفجرت من البكا :انا موحلوة لاتكذب انا ابيك ترجع الحين انت تفكر اني مرتاحه والله مومرتاحه
ابيك تجيني ابي تحظني مثل قبل ..
عادي مارح اقولك ابعد عني ولا اقول سولي تصريح وانا اجيك الحين ..

للأسف كل اللي قلته مانسمع لأن ..........؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟ظ