رواية تكفى لا تعلم إبوي ترى اللي فيه يكفيه الفصل التاسع والأربعون 49 - بقلم MSCprincess

  ابتسم بسخرية من الكلام اللي قالته الجده انا لأول مرة اشوف ام تتبرع بقلب ولدها بهالطريقه ..
الجده بصرامه من تصرفات وجهه :مثل ماقلت لك ولدي بدر سعد ال.... مابه امل انه يعيش ..
ومن سنه ونص داخل بغيبوبه وخلايا دماغه كلها ماتت حتى لما حاولنا نسوي له زراعة للخلايا الأعصاب
ماكان في امل لأنه ماكان فيه اي عصب يساعد على امله بالحياه .. لكن شرطي واحد وهذا اللي ابغيه منك بديل
وانا موجاية اخذ منك مال ولا جاه ولامنصب ولاغيره لأن الحمد الله ربي كافينا .. من كل شي ..
لكن مثل منت تدري ان اذا جات لحظة الموت واللي طاتبه ربي ولا حد يقدر يوقف مشيئة ربي ..

غسان بصدمه :بدر سعد ال..... وش صار فيه انا خبري انه اختفى فجأة من السوق ومن كل شي ..
وش اللي صار له كان صديق قديم يمول شركتي ببعض الأشياء المهمه ..

الجده تغيرت تعابير جهها للحزن :كان رايح لأيطاليا مع مرته اللي كانت حامل بشهرها الثاني ..
وكان في لعبة هناااك واصر انه يلعبها .. ولما لعبها ارتطم راسه بالسور الحديدي ..
ومن وقتها بقى بالمستشفى ولاطلع منها ودخل بالغيبوبه وماقدرو يوقفون ضمور اعصابه ..
والحين هو عايش على الأجهزه وبس ..

غسان ارتخت اعصابه ورق قلبه عليها مدامها تحبه لهدرجة هذي ليه تتجي بنفسها تتبرع بقلب ولدها لي وقف وقام يمشي قبالها وقال
بتردد واضح من مشيته .. :
اقدر لك جيتك وشجاعتك انك تتبرعين بقلب ولدك لي لكني موفاهم وش السبب اللي يخليك تسوين كذا
بأمكانك تخلينه عايش على الأجهزه مويكفي انك تشوفينه كل يوم .. وش المطلوب مني بالظبط ..

الجده :اللي يعجبني فيك انك ذكي وتفهمها على الطاير طلبي انك تكون ابو لحفيدي .. اللي هو ولد بدر ..
اللي الحين بيكمل بعد شهر بالظبط عمر السنه وهو ينطق بسم بابا ولا عمر شاف ابوه ..

غسان لف بصدمه :عفواا تبغيني اكون ابو بدر يعني ..اتزوج زوجته

الجده وقفت بعصبيه وضربت عصاتها الخشبيه الأرض :لا طبعا زوجة بدر تبقى زوجة بدر انت كل اللي بتسويه تزوره
مرتين بالأسبوع واذا كبر تسانده انت تدري ان بدر وحيدي من الأولاد وزوجته وحيده امها وابوها لا اخو ولا اخت ..
يعني بالنهايه مافيه رجال ممكن انه يعوض نواف ولد بدر بشي انت تدري ان الأولاد يحتاجون لرجال بجنبهم
اذا كبروا لكن نواف بيبقى وحيد لأن ابوه ميؤووس من حياته ..

غسان ناظرها بتساؤول اكثر :وش معنى انا من بين كل اصدقاء بدر ..

الجده ابتسمت بحنيه :لأن بدر كااان يعتبرك اخوه اللي امه ماقدرت تجيبه له ..
لأنه كان يعرف انك على برودك انسان طيب وحنون ..
وانا عرفت باللي فيك من اخوك فهد لما اتصل على مستشفى ايطاليا يدور متبرع .. وكنت موجوده وقتها وانصدمت بسمك وارد
بصفحات الأشخاص المحتاجين للتبرع .. بالأعضاء ..
وقتها عرفت ان ربي حط بطريقنا رحمة لنواف وامه ..
امه اللي يمكن يقلل خوفها على مستقبل ولدها .. بأمكانك تفكر بالموضوع .. وانا حاطه املي فيك بعد الله ..

وقفت بتعب :انا الحين ابتركك وهذا رقم جوال رعد مدير اعمال بدر ان حددت رايك واخترت اتصل عليه ونحدد موعد للعمليه ..


غسان ناظر طيفها وهي تمشي والكرت اللي تركته على المكتب بهاللحظة جات بباله غسق
ومع الهدوء المخيم بالغرفة وضربات قلبه المتتاليه جلس يفكر بعقلانيه تقريبا ممكن يسويها عشان انسانه تعيش بهاللحياه
تقريبا لوجودي او ترك الدنيا واضيعها








عند فجر .. وفهد
واخيرا قدرت تتخلص من حنة امها وابوها والزامهم عليها انها تتغدى معهم
جاملتهم بأنها كلت لها كم لقمه عشان تقوم وتكلم فهد ويجيها يغديها بالمطعم هذا كان كل اللي تفكر
فيه .. واخيرا وبعد عدت محاولات رد عليها فهد :هلا فهووود وينك مارح تجيني
فهد وشكله مومروق :لاحبيبتي نامي اليوم بيت هلك وبكرة اخذك ..
فجر بقهر وهي تناظر الساعه :والمطعم ؟؟!!
فهد ابتسم :ليه ماكلتي مع امك وابوك ز.
فجر وهي تصر اسنانها :الا بس ماكلت كثيير عشان المطعم ..
فهد وهو يوقف السيارة بالمكان اللي بيقابل فيه فيصل :طيب علميني وش تبين واخلي السواق يجيبه لك ..
فجر بتفكييير :اممم ابغى مايتي زنجر حار طبعا وابغى فييلر ... واممم ايييه ماكس وخله حااار
وابغى تسالي معه ..
فهد تنهد :متأكده انك بتاكلينهم كلهم ..
فجر بتأكيددد :ايييه طبعا ..
فهد تنهد :طيب بس اول مايجيب السواق الطلب البسي عباتك واطلعي خذيه اياني ايااك
تطلعين بدون عباية ..
فجر بفرح :طيب شيششي .. ...>>>شكرا ..
فهد ابتسم وهو واقف الحين قبال فيصل :ههههههه طيب .. بااي ..
وقفت وهي تتمغط بملل وتنتظر الوجبه بفارغ الصبر ..
راحت جنب جوود تحاول تغيظها بعد ماعلمت امها انها رح تنام اليوم عندهم


عند غسق ..
كانت جالسة تشرب شاي اخضر لأنها موقادرة تتحمل طعم التوفي المبالغ فيه .. بالأيسكريم ..
ناظرت للحوسة اللي صنعتها اهي ونارا .. من الأكل عشان تبين له انها كلت كل هذا ..
وقفت بتعب وقررت تنزل جنب خالتها شوي بعد ماتركت الأيسكريم بالبراد
وغيرت فستانها الأبيض لجينز بسيط وتيشيرت ابيض .. ورفعت شعرها ذيل حصان وخففت من مكياجها
الحين بتكون الحياة غييير بالنسبة لها وهذا اللي معطيها حافز شويه ..

عند ام غسان
بعد ثواني من ابتسامتهم المجامله وسوالفهم وبعد ماراحت نارا تنادي رهف لأن امها تبغيها ..
نارا تكتفت :اومي تقول بعدها معصبه ماتبغى تنزل ..
ام غسان بعصبيه :اوريها مقصوفة الرقبة اللي ماتستحي فشلتنا قدام الناس ..
بهاللحظة سمعو صوت فهد يتحمحم تحسبا اذ كانت غسق موجودة ..

اما غسق كان اقرب مكان لها المكتب توجهت له بعد مااستأذنت خالتها ...
وجلست على كرسيه الجلدي براحه ..


عند تولين ..
ابتسمت على شكل رنسا اللي كانت مندمجه بطباخها مع الخدم وهي تجهز الفطور وغير ان شكل ملابسها مايسمح
انها تندمج لهدرجة .. لأنها كانت لابسه شورت يدوب يغطي فخذينها وقميص بكم حاير .. .
تولين قالت بصوت فيه رنه غنائية :good monig ..بنفس الطريقة اللي يقولونها الكورريين ومعناها مفهوم صباح الخير ...
رنسا وهي تأشر للخدامه على االأوملييت اللي مسويته لايحترق.. :هلااا صباح النور مابغيتي تصحين ..

تولين وهي تحاول تجلس على التيبل اللي كان مرتفع بالنسبة لها ..
اقول وش رايك نطلع نتسوق اليوم .. ناقصني كم شي ..
رنسا بفرح قالت بحالميه :لاحبيبتي اليوم انا مني بحولك.. انا مشغوله اليوم مررة
تولين لوت فمها :ياحسرة بوش مشغولة ..
رنسا بحالمية :حمودي بيجي ..اليوم من دبي ..
تولين :اهااا طيب وجااء وش صار يعني ..
رنسا تخصرت :ياحبيبي قالت وش صار انتي حبيبك وبعلك كل يوم تشوفينه وانا مااشوفه الا مرة بالشهر اوبالشهرين
وتقول وش صار يعني لاحبيبتي صارت اشياء واجد يوما حبيبي ..حمودي
تولين تغبطها :عادي ابخلي نيشاني حبيبي يوديني محل mac وبغير مكياجي كامل ..
ودي اجدده .. واغير من الألوان تدرين فصل الشتاء تقريبا انتهى ..
رنسا بعد اهتمام :علميني وين بتروحين بعد عشان مانقرب جنب الأماكن اللي بتروحون فيها ..
مابغى اشوفك برى البيت يكفي انك عالتني بالبيت ..
تولين :حاصلك بس المكان ينور بوجودي ..
رنسا وهي تشيل بيدها جريدة ابوها مع دواه .. :يشيخه بسك ثقه لايجيك شي ..


عند غسق
غسق جلست على كرسية الجلدي الأسود وهي تدور بخفه وبشويش وفجأة
بدت تحس ان خاطرها تفتح الأدراج وبشكل بريئ فتحت الدرج وانصدمت بدفتر مذكراتها ..
فقدته لكنها توقعت انه بالبيت وش جابه عنده هنااا تصفحته .. لقيت الخيط
الكرستالي موجود عند صفحه معينه كان يوم الأربعاء تاريخ 1432/1/15
اعلم انها قد لاتثق بي وقد لاتحبني ايضا لكن اتمنى ان لااراها تبكي ..
مرة اخرى واتمنى انه حينما ارى الناس حولها تواسيها
وكأن لاوجود لي اتمنى ان لااكون معها واكون شيئا كالحقيبة لها مثلا ..
او كالوشاح الذي يحتظنها ليشعرها بالقليل من الدفئ ..
واتمنى ان لااكون تلك السمينة الحمقاء التي تسئم منها ..
حينماا تنظر الى من بعييييد

وماكملت كتابه ..

استغربت من اللي كاتبته حاولت استرجع مشاعري بهيك اللحظه اوذذكرى اللشي اللي صار وخلاني
اكتب هالكلام لكن ماكانت متذكره اي شي وكأني نسيته ..
حظنت كتابي وجات عيني للساعه بشكل لاارادي ..
تنهدت بتعب :مدري متى بيرجع الحين صارت الساعه 12 ..
اسندت نفسي على الكرسي واجبرت عيوني على النووم .. شوي يمكن ارتاح ..







عند فهد وام غسان ونارا ..
وصل البيت وانتبه لأمه اللي كانت معصبه هي تقول :قولي لها اني بعاقبها مثل البزران على اللي سوته اليوم
يكفي انها ماتمسك نفسها اذا كنا مسافرين كيف الحين وفيه بالبيت ضيووف ..
فهد يحاول يهديها :افا افا ام غسان علامك معصبه ...
ام غسان بكل تهور قالت :مدامها مهيب راضيه تعطي الدكتور وقت اخليها تعطيه وقتها كله يافهد
قل للدكتور فيصل انه يملك عليها ويخلص علاجه وبعد ماينتهي اهو اللي له الشور يبغى يكمل مع المجنونه هذي ولا
ينفصل عنها ..

فهد وهو منصدم من تخاطر الأفكار بينهم :يما اهو اليوم كلمني بنفس الموضوع ..

ام غسان حاولت تهدي اعصابها :قله موافقه ولو يبي يملك بكرة يجي .. ماعندي مشكله ..

فهد :بس يما موضروري يكون غسان موجود ويعرف بهالموضوع ..
ام غسان :يجي ويعرف احنا ماملكنا الحين .. عشان تقول انه مارح يعرف.. بس ابكسر عناد اختك اللي مدري متى
بتخلص منه ...
فهد تنهد :طيب يما انا بعطيه العلم انك موافقه بس ترى الموضوع جدي يايوما
يعني ابعلمه ..موتقولين لي يما خلاص ان قلتها وقت عصبيه ..

امي وقفت :لا علمه ماامزح .. ولا برحع بكلامي ..
نارا كانت جالسه وتناظر فيهم وقالت بقليها :يعني من صجها بتزوج رهف بهالطريقه ربي لا يحطني بمكانها ..
ام غسان :الا وين مرتك ؟؟

فهد وهو يوقف بيمشي لغرفته :تركته تنام بيت اهلها .. عشان اختها ..

انتهى النقاش والكل راح يكمل انشغاله بدنيااااه ..




عند تولين ورنسا
رنسا بعجله :ترانا تأخرنا .. خلينا نروح بسرعه
تولين ابتسمت ومشت قبلها :انتي اللي بتأخرينهم عن دوماتهم ..
رنسا بتفكير وهي تمشي معها :الا صج تولين لييه ماتخلين اختك رشا تجي وتزورنا وربي خاطري اشوفها ..
على خبري فيها يوم رحت معك لزواجها ....
تولين بتفكير :اوكي ذكريني اكلمها ونشوفها ..

وربي من زمان عنها على انها اختي وربي لها وحشه ..
الله يهديني ويهديها حتى انها مافكرت تخبرني بحالها ..




عند غسق
فتحت عيونها لما حست ان الجو هدأ برى وقررت انها لازم تصعد لجناحهم ..
وتحاول تتصل وتطمن عليه ..





عند غسااان ..
كان منهك نفسه ببعض المعاملات للشركه بسويسرا ..
انتبه لصوت الساعه اللي تعلن وصولها للساعه 12 وبهالوقت تذكر
الحرمه اللي جات اليوم وكانت تبغى تتبرع بقلب ولدها له ..
وقف بتعب وقرر انه بيرجع للبيت وبهاللحظة جاه اتصال من غسق ..
وقرر انه يفكر اكثر بالموضوع قبل لايقدم على اللي في باله ..





عند غسق
غيرت ملابسها بعد ماتروشت لقميص بينكي طويل يوصل لفوق ركبتها مشطت شعرها وتركته مفتووح ..
وتعطرت بعطر جيفنشي .. وحطت لها مرطب احمر فااتح خفيف يعطيها شكل جذاب ..
وخذت الأيسكريم وشغلته على نفس الفيلم اللي ماكملته من شوي بعد ماسجلته عندها ..
جلست وهي تحاول تغصب نفسها تاكله تحس قلبها قام يعورها من كثر مااهو طعمه حلو اكثر من اللازم ..
اندمجت بالفيلم والأيسكريم موجود بحظنها وجلست تلتهم كم ملعقه منه بدون ماتشعر بطعمه وهي مندمجه بالفيلم
لازم يجي قبل لااضطر اني اخلصه كله .. جاتها فكره وقفت بين بقايا الشيبسات والبوب كورن اللي مرمي بالأرض
وتوجهت للزباله الله يكرمكم ورمت تقريبا نصف العلبة عشان يتهيأ له انها كلت كل هذا ..

وبهاللحظة وهي تجلس على الصوفا مرة ثانيه انفتح باب الجنااح ودخل غسان ..
عدلت قميصها اللي ارتفع شوي وكشف عن فخذينها وكملت اكلها وكأنها
ماانتبهت لدخوله وسوت نفسها مندمجه بالفيلم وكأنها في عالم
اخر ..

غسان منصدم من شكلها وهي تاكل والحوسة حولها وماكانت مهتمه ..

غسق وهي تلتهم ملعقه كبير من التوفي والمكسرات :يممممممييي وربي لذيذ .. اوه غسان متى جيت وقفت
وكأنها توها تنتبه له اما اهو كان مستند على الجدار وكأنه مجسم منحوت قبالها ويناظر فيها ..
غسان قرب وعلى فمه ابتسامه جانبيه :هه مااذكر انك قطعتي رجيمك ..
غسق بقهر تحاول تكبته :اللي ضحيت عشانه وصرت رشيقه موراضي يضحي عشاني الكذا قررت اسحب عليه ..
وجلست تكمل اكلها بنهم صادق وتتخيل لحظة جنونها لما كانت سمينه اذا انفجرت بوجه الأكل ..
اما ..
غسان تجاهلها وتوجه لغرفة الملابس وغير ملابسه بعد ماخذذى شور ولبس بيجاما عااديه
وجلس على السرير وفكرة مشغول بالموضوع اللي صار اليوم ..
غسق قربت منه وهي ماسكه بيدها كوب موية ودواه اللي ياخذه ومدته له وقالت بحنان :وش فيك شكلك تعبان ..

غسان بعد ماشرب من كوب الموية شوي وقف وتوجه للمطبخ وهو ناوي ياكل له اي شي .. يحس بجووع
شوي لازم وجبه خفيفه ياكلها قبل لاينام ..
طاحت عينه بشكل لاارادي بالزباله الله يكرمكم وابتسم لما لقى الأيسكريم واللي لسى ماذاب كثييير موجود فيه

قال وهو يفتح الثلاجه :تبغين تاكلين معي ولا ..

غسق هزت راسها لأن الأيسكريم جالس بمعدتها وكأنه ينتقم :لا ماابغى .. عوافي مقدما ..


رتبت الحوسة اللي سوتها اهم شي بينت له انها رح تحاول ترجع لكنها عارفه انه مستحيل تسويها اخر جلسة
لتكسير الدهون رح تكون اسبوع الجاي وموعارفة كيف بتروح .. وتسويها بوجود غسان اللي لسى ماعرف عن الموضوع هذا
والله العالم لو عرف وش ممكن يسوي ..



عند فجر وجوود
فجر كانت جالسة على جوالها تحوس فيه بعد الملل هذا كله .. خاطرها تشوف فيلم لكن مين
اللي بيعطيها وجه وبيشوفه معها اما جود اللي كانت مندمجة بتكملة قراءة كتاب لعبة الجووع وحماسها واضح فيه ..
فجر تذكرت اسم فيلم بنفس اسم الرواية وقالت :اقوول ياجود وش رايك نشوف الفيلم احسن من عيونك اللي
بتنتفخ وانتي تقرين بهالرواية ..

جود بستغراب:لييه اهو في فيلم من نفس الرواية ...
فجر ابتسمت انها قدرت تاخذ اهتمامها :طبعا .. وش رايك نجلس نشوفه ..
جود بحماس :اوكي اجلسي حمليه وانا بكمل قراءة هالجزء بس واذا حمل اوقف واجي اشوفه معك ..

فجر ماعجبتها الفكرة بس تحملت هاليوم لازم تقضيه بشي تونس عمرها فيه ..
وجلست تحمل الفيييلم اللي اخيرا لقت موقع لساته الفيلم موجود وقابل للتحميل ...





عند رنسا
ابتسمت على شكل احمد خطيبها اللي كان مرتب سكسوكته ولابس الغتره وناسفها ..
وبيده وردة جوري حمراء وطبعا رنسا كانت شوي وتطير من الفرح لشوفتها له طبعا وهو حب الطفولة وزوجها المستقبلي ..
كانت لابسه ميني دريس احمر يوصل لركبتها تقريبا واكمامه من الأكتاف منفوخه بشكل جمييل ويرتسم على جسمها بشكل
مبالغ فيه من خصرها المنحوت .. اللي انا نفسي اموت واعرف كيف يكون جسمها عليه كذا .. وبشعرها
الأشقر اللي يوصل لنص رقبتها بقصة فكتوريا القديمه .. وروج احمر خفيف وكحله فرنسية انييقه ..

وبشكل عادي فتح يدينه لها وهي طبعا ركضت وحظنته ..
هذا احمد اللي وقف معها بكل ايام حياتها في فرحها وبكاها شي اكييد انها بتحظنه كذا خصوصا انه صار لها شهرين موشايفته ..

احمد بلكنه نسى يغيرها :شحالك رنسااا ..
رنسا ابتسمت :ههه بخير وانت شوحالك ..
احمد ابتسم وعلى طول غير لكنته :انا بخير دامك بخير .. وقرص خدها بشويش
رنسا كشرت :ارجع للأماراتي تكفى ..
احمد ابتعد عنها لما شاف نيشان ييرحب فيه :ياهلا ياهلا ارحبووو بأهل دبي ..

قرب منه وسلم عليه بخشمه سلام اهل الأمارات فديتهم ..هع


وبدووو يهذرون هذره طوييييله ورنسا ودها تاخذ نيشان وترميه
على تولين اللي واقفه بعبايتها ومتلثمه وواقفه بنهاية الحديقه تناظر فيهم ..






كانت جالسة وتراقبه من بعييد وهو جالس ياكل ببياض البيضه النص مطهي بدون صفارها ..
ونصف كوب حليب قليل الدسم بس تدرون وش احلى شي بالسالفه ..

تعرفون شعور لما تذوقون شي مشتاقين له وانتو جيعانين وتاكلونه فجأة صدقيني بيبدأ قلبك بيتسارع
من شوقك لهالشي .. وربي اني بهاللحظ سمعت صوت دقات قلبه وهي تتفاعل لما يشرب الحليب الدافي اللي معاه
قطعة سكر ونص ملعقة من العسل ...

كنت الاحظ كل حركة يسويها استخدامها للشوكه عشان يقطع اطراف البيضه ..
ومسحه لفمه بالمنديل بعد كل لقمه يلتهمها بفمه ..

ابتسمت لما شفته يوقف ويغسل صحنه مع الأدوات اللي استخدمها ويجففها ويرجعها لمكانها ..
بكل ترتيب وذووق يناسو الجميييل ..

غسان بعد ماجفف يدينه تقدم مني وقال :ابكلم فهد شوي وبطمن على امي ..
تجين معي (( كنت بعطيها الفرصة بهالوقت لو اختارت انها بتجي قررت اني اعلمها بالقرار اللي يمكن اتخذه
ولو ماكانت بتجي معي كنت بسوي القرار الثاني اللي خذته ))

غسق كانت تداعب خصلات شعرها اللي بدت تتمرد على الباقي وتطلع .. :لا مالي خلق شكلي بشوف نارا وبرجع ..

غسان ابتسمت :انتي اللي اتخذتي قرارك ترى اوكي براحتك ..

كنت ناوية صج اروح لنارا بس لما اتصلت عليها ماردت وهذا يدل انها اكيييد ناايمه كل اللي سويته جلست
ارتب اشياء بسيطه بالغرفة جلست امشط شعري اللي صار اشعث بشكل موطبيعي خصوصا لما
طول اكثر من قبل تمنيت اقصه واصبغه بعد لكن اخاف مايرضى واحرج عمري على الفاضي ..

قررت انه اول مايجي ابحاول اقنعه على الأقل اقصه لنص ظهري شعري بدى يتلف ..
وقفت وتوجهت للسرير وقررت انتظره ..




عند غسان وفهد
فتح باب الغرفة ومثل ماتوقع شافه جالس على الأوراق اللي رسلهم سالم له ..
وكان جالس يراجعهم .. قلت وانا اتحمحم .. :فهد .. احم

فهد رفع عينه ووقف وجاني :هلا اخوي هلا شخبارك

غسان برسميه :الحمد الله بخير وانت كيف حالك ؟؟

فهد هز راسه :الحمد الله ماشي حالي ..

غسان :دوم انشاء الله .. بغيت اكلمك بموضوع

فهد ناظرني بقلق واشر لي على الصوفات الموجودين بنص الغرفه : تفضل ياخوي علمني وش فيك ..

غسان وقاله السالفه كلها ..






عند فجر
ابتسمت لما سمعت صوت الجرس ردت بشويش لأن امها وابوها نايمين وقالت :مييين
السايق :بابا فهد جيب اكل ..
فجر :طيب طيب لحظة .. .
لبست عبايتها على السريع بس من طفاقتها ولهفتها للأكل نست تقلب العباية لكن طبعا هذا مايوقف بوجه
فجر .. وغير رجلها اللي ضربت بالباب وهي تحاول تفتحه لكن هم عادي كل شي ولا كنتاكي يروح منها ..

مدت يدها للسايق اللي عطاها الكيس الكبير لما طلت فيه حست قلبها بيطيح من الفرح
كان جميع الأكل موجود بالكيس غير الوجبتين الزياده اللي موجودين بكيس لحالهم ومكتوب بالأسود العريييض :هذا لجووووود

رفعت حاجبي :ايا الدب لوتموت نجيدو ماخذت اذا كلت وشبعت عطيتها الباقي رفعت حواجبي بخبث ..
ودخلت بسرعه للمطبخ اسخت اكلي شوي عشان اجلس اكله بللذه وكله كووووم ومعشوقتي تسالي كانت موجوده بنهاية الكيس ..

جهزت لسهرتي لحالي مع البيبسي والشيبسات وانا اتأمل للفيلم اللي تحمست له ..






عند رنسا ونيشان واحمد
رنسا وبدت تعصب اخوها مصخها صار له ربع ساعه واقف مع احمد بالحديقه وهو يسولف معه
عن اشياء الشغل ومدري اييش ..
قالت وهي تتخصر :اقوول موكأنك مصختها وانت ماخذ خطيبي رووح لمرتك احسن لك

احمد ابتسم وهو يناظرها :لأنه جد مصخها بالوقفه والهذره وهي طيب وش ذنبها ..
نيشان اطلق ضحكه تصم الأذان من ازعاجها لما شخص يتمصخر عليك :ههههههههههههههههههههههههههههههه
هههههههههههههههههههههههههههههههههههههههههههههههههه هههههه طيب حبيبتي الله يهنيكم استأذن منهم وقرب من تولين
اللي كانت واقفه وتراقب من بعيييد برتباك وتردد في انها تجي وتلقي السلام او لا ..

توجه لها وعلى فمه ابتسامه حنونه حست انه صج بيعوضها بالمستقبل عن كل شي ..







عند غساان وفهد ..
فهد بفرحة امل :ياخوي وربي انها خيره لك .. وانك تروح لولده بالعكس كأنك كافل يتيم لكن بالمشاعر
غسان بتردد :واذا كبر وسأل وين ابوه الللي مرتبط اسمه بأسمه .. وش ارد عليه اقول له خذت قلب ابوك
وصرت قباله .. حتى لو كنت بعامله مثل ولدي مااتوقع انه بيتقبلني اذا كبر ..

فهد بتفكير :طيب انت موتقول ان ابوه بغيبوبه خل يركبون لأبوه قلب صناعي ويعطونك قلبه ..
وبكذا ابوه يبقى بغيبوبه .. الى ان ربي يفرجها يوقوم من غيبوبته ..


غسان بدى يفكر بالموضوع صج كلامه :طيب لو بسويها ابغى شي واحد يتنفذذ للي ان غسق ماتدري
وتاخذ امل بقلبها وبعدها جسمي يمكن مايتقبل القلب وتتحطم الكذا خله يكون من وراها ..
وان نجحت العمليه وقتها تعرف ..

فهد بصدمه :حرام ياغسان ترى اللي تسويه لها مو لصالحها يكفي ان امي ماتدري بالموضع لكن
انت زوجتك هذي .. تدري كم مرة تعتبر ظلمتها لما تركتها 7شهور ولما خبيت عليها موضوع قلبك ولما سويت العمليه
بدون ماتدري ..


غسان تنهد ووقف :هذا اللشي الوحيد اللي ابغاه يصير لو بسوي العمليه لأني ماابغاها تاخذ امل بحياتي وبعدها ربي
يتوفاني .. اعذرني ياافهد ترك الغرفة وهو تارك فهد بحيره من امره ومن تقلب مزاجه .. :وش اسوي معك ياغسان

ابتسم لما شاف الأتصال من فجر ورد عليها لكنه







عند غسان
مر على غرفة امه لكنه مانتبه لنور غرفتها مشغل معناته انها نايمه الله يحفظك يالغالية ..
مر على غرفة رهف وتذكر موضوع فيصل معها لما فاتحه فيه من شوي فيصل وتنهد :لو بتتغيرين يارهف تغيرتي من وانتي
صغيره مو توك الحيييين ...

واخيرا توجه لغرفته ووقف عند الباب وغمض عيونه وتوقفت يده على قلبه اللي كان ينبض بشوق لشوفتها من جديد
الحب يظلم الأنسان لأنه مايخلي القلب اهو اللي يختار الشخص المناسب لأنك تحبه له الحب هو اللي يختار لقلبك
ساعات يكون شخص غير مناسب ..
فتح باب الجناااح لقى الأنوار تقريبا مطفيه بس انوار الأبجوره الصفرا والستاند لحوض السمك الطويل الموجود بجانب
شاشة البلازما ..

قرب وكأنه يتبع صوت دقات قلبه الى وين يقووده وابتسم على شعرها المنثور بجنبها وجسمها النصف مغطى وقميصها
اللي تمرد وبالغ بأرتفاااعه عن جسمها .. وفتحت فمها الصغيييره اللي من اول يوم نممت معها فيه وهي مستحيل تنام وفمها مسكر

بشعور مخدر يصعب على اي شخص مايكون عاشق يفهمه قربت من السرير وكأنها فرصه اعبر فيها عن مشاعري وهي
نايمه لأني ماابغى اعلقها فييني اكثر من كذا ..
اندسيت تحت الغطااااء جنببها بشويش عشان ماتصحى ونزلت قميصها المتمرد وغطيتها وجلست اداعب وجهها بأطراف
اصابعي وكأنها صوره اتأملها على كيفي لقيت نفسي استسلم لرغبتي واطبع قبله على خدها المتورد من اثر المخده ..

ويدها اللي احتظنتها بيدي وانا اطبع قبله عليها بين فتره وفتره قلت بهمس :عارف اني ماابغى فرقاك ومتأكد من هالشي
ولأنك خبله صدقتي كذبتي لما قلت لك اني ماابغيك لوبقيتي سمينه لكني قلت لك كذا لمصلحتك اسف على اللي يمكن
اسوية ويضرك .. واتمنى لو صار فيني شي تنسيني بهدوووووء وكأني حلم بنومك وصحيتي منه ..
ارتمى براسه بجانب مخدتها وهو يتأمل في كل حركه تسويها وهي نايمه ويراقب ترتيب انفاسها ..
المضطرب منه ..





عند فجر وجوود
كانت تلتهم البطاطس المقلي بللذه مومعقوله تحاول تغري جووود ..
وهي تغمسه بالكتشب مع البرجر :ياااشيييخه وش هاللذذه اتوقع انهم يتعمدون يسوونه لذيذ كذا وربي
جود تناظرها بنص عين :يالفييله بتاكلين كل هذا هب عليك ..
فجر وهي تخبي الأكياس جنبها :ايووه فيله وش تبين محد قالك لاتعرسين وتخلين زوجك يجيب لك يمااا فدييييت فهوودي
عسااني ابلغ فيه وازففه معرس ..

جود :ههههههههههههههههههههههههههههههههههههههههههههههههه ههههههههههه
بتزفين رجلك على مين ..

فجر ترقعها :طبعا على نفسي هع هع ..

جود تفكر :منتي ناوية تتصلين وتشكرينه ..

فجر وهي تلتهم قطعه كبير من البرجر وتمسك جوالها وتتصل عليه والأكل مالي فمها قالت :فهووودي ..
حبيبي مشكوووور ..


طبعا فهد مافهم تقريبا ولا كلمه من صوتها المخنوق بالأكل :وجعووه يافجر كلي وبعدها كلميني ..

فجر خافت تنحرج جنب اختها :هههه الله يعافيك حبيبي انا بخلص اكل وبرجع اكلمك اوكيي باااي

سكرت بوجهه بدون ماتسمع جوابه حتى ...


جووود ؟؟؟؟؟؟؟؟؟؟؟؟؟؟؟؟؟