رواية تكفى لا تعلم إبوي ترى اللي فيه يكفيه الفصل الثامن عشر 18 - بقلم MSCprincess

  تكملة البارت السابع عشر والثامن عشر

غسق ..
خلصت الأخت زفتها مع النهاية الجميلة ..
ولهيت بالسوالف مع ناريز بدون مااحس بنفسي .. حسيت نفسي اكلم نوير لكن براحه اكبر ..
قربت مني وقالت :اوريك شي تنصدمين منه ..
ابتسمت :شنو
طلعت جوالها الأيفون وحطته على الصور وحطته على صورة بنت متينه متينه كانت اعرض مني وبيضا
وماكانت مرة جميلة ..
كشرت :منو هذي
ابتسمت وسكرة الجوا ل:خمني
عقدت حواجبي :اختك هذي لمى
كشرت :لا لا تبينها تموت لو شافت نفسها كذا
غسق جلست افكر :اجل منو هذي ..
ابتسمت :thatis me هههههههههه
غسق فتحت عيوني وانا اناظر الصورة واناظر شكلها وقفت وخذت دورة على نفسها
ليه لهدرجة تغير شكلي ..
انصدمت ماعرفت وش اقول ووش اخي جسمها صراحه يجنن ..
قلت وانا اهمس :معليش بس انتي كم كان وزنك
جلست تفكر :اناا اممم يمكن 130 او 129
غسق :احلفي والحين كم وزنك
ناريز :امممم اخر مره قسته الشهر اللي راح 57 اي تقريبا كذا
غسق ماكنت مستوعبه ابد :طيب وكم صار لك من سويتي الدايت وكم ظليتي
ناريز :انا كنت العب شوي فستمريت يمكن سنه وشوي بس حسيت بالتعب الكذا صرت مااكل الا قليل على اني اكون جوعانه بس مااكل
غسق :انتي مسوية عمليه ولا
ناريز :لا والله ماسويت ..
غسق :قلت داخلي ياربي ابغى اصير مثلها اهئ ..
ناريز امسكت يديني وحضنتهم بيدها :غسوق انا ماوريتك اياها عشان تجيك كأبه وطفش لا انا وريتك اياها
عشان اعطيك امل بس
ابتسمت لها :ادري عادي حياتي تعودت
ناريز :تر اعرف احساسك بس تجاهلي الكل ولاعليك من احد اهم شي ثقتك بنفسك ..
غسق :ابتسمت لها حسيتها انسانه طيبة ..

قطع علينا صوت الكرسي وحدة جلست وكان لبسها سبورت اكثر من الازم بس حيل حبيتها من نظرتي الأولى لها
ناظرتنا :ورفعت يدها :سلام
ناريز ابستمت ووقفت وراحت لها وضمتها من وراها :هلا بقمر الشرقية كلها ..
فجر :حطت يدها ورى رقبتها بأحراج :اهلين
ناريز :هههههههههههههههههه اشرت علي فجور شوفي هذي زوجة غسان ..
فجر عدلت جلستها وناظرتني وقالت بصدمه :صج انتي زوجة غسان .. وقفت ونطت عندي على طول ..
ياهلا ومرحبا ومسهلا ومية هلا وكل شي ...
استغربت اول مرة حد يرحب فيني كذا ابتسمت :هلا فيك
فجر :انا اصير بنت بنت خال زوجك المهم اقرب له .. وتصير هالأنسانه بنت خالتي ..
غسق :هزيت راسي :اهاا ..
فجر بدت تسولف براحة بس ماعجبني شي فيها طريقتها الصبيانيه بالكلام وكيف تدخل عرض وكيف تسكت ناريز

اهم شي اني قضيت وقت جميل بدل الكابة .. والقهر
بس سرعان ماتلاشى كل شي وكلهم تفرقوا فجر راحت عند اختها ..
وناريز راحت عند امها .. اللي كانت معصبة ..
وجلست بحالي واحس اني وحيدة .. ياربي اكره هالشعور لم يكون حولي
مئات الناس لكني انا لحالي جالسة ..
كنت ابتسم للي رايح واللي جاي .. وكأني انسانه غريبة .. او منبوذه من هالمكان ..
طلعت جوالي ورسلت لغسان : ((طفشت بنتأخر .. كثير وحطيت فيس جالس يتلفت يمين ويسار وكأنه وحيد ))
ماجاني منه اي رد .. ياربي صار الوضع اكثر احراج .. شفت الكل يقوم ويتوجه لقاعه ثانية والظاهر انها للأكل ..
ماحبيت اقوم واخذ لي شي للأكل لأني شكلي غلط ...

ومرت 3 ساعات .. ياربي شكلهم مطولين مرة ... رجعت لي ناريز .. ومعها تشوكلت قدمت لي وحدة
ابتسمت لها :لا حبيبتي مشكوره ..
ناريز:حلفت عليك تاخذين ماامشي والله ماامشي ..
خذيت حبه وانا احس الكل يناظرني ..
ابتسمت وجلست جنبي :سوري اني رحت عنك بس امي الله يهديها اذا عصبت ماتعرف احد ..
وجلسنا نسولف ونسولف .. وفجأة ..
رن جوالي .. ابتسمت ناريز :ادري انه غسان ردي .. عليه عادي وقفت وابتعدت عني
رديت وكان صوت الأغاني كثير عاليه ..
رديت وانا حاطة يدي على اذني .. :هلا غسان
غسان :هلا حياتي
صدمه +صدمه :اااااااااا
سمعت صوت تصفيق وتصفير جنبه وكان شكله يضحك .وبعدها خف الصوت ..
غسان :اي حبيبتي وش فيك
غسق :ااا لاخلاص مافي شي .. باي
غسان ابتسمت :رح نمشي بعد شوي .. اصبري هالكم ساعه ..
غسق ماقلت ولا كلمه .. لأن سكر على طول بوجهي ..
يالله هالأنسان ساعات احسه حنون وساعات احسه جاف وبارد ..

ومرت نص ساعه وانا جالسة لحالي اكيد بتقولون ليه ماقمتي وتعرفتي على اهل زوجك
انا اللي شفته كان طبقة مغرورة ماتناظر اللي اقل من جمالها ومالها .. الكذا قلت اجلس بمكاني احسن ..

ملاحظة :

ياحلوين انتبهو لأنفسكم من الغبار الجميل اللي بيزورنا بهالأسبوع
ولبسوم عدل عن البرد وانتبهو لاتتنفسون غبار طيب ..

عند تولين ..

كنت منتظره ومنتظره كملت مسلسل الجاسوسة ذات الوجه الطفولي او شي زي كذا
والبطل الجميل الوسيم كيف كان كانغ وو بس الممثلة لأني من الأساس مااحبها الكذا ماحفظت اسمها ..
ياربي مليت .. ناظرت الساعه وكانت الساعه 9 كان الوقت تمام تقريبا توهم يروحون دواماتهم الكوريين
طلعت جوالي ودخلت الحمام الله يكرمكم وشغلت موية الدش والأستشوار واتصلت على الرقم حمدت ربي اني عندي شحن يكفي
كان صوت الرنه تختلف .. تخيلت ان بالصدفة يطلع اخوي دونغ هي من سوبر جونير او لا لا لي جون من ام بلاك ولا اقول
لا لا وربي اخر واحد اقوله لي مين هوو طيب معليه قابله بأونيو من شايني خخخخ ... وفجأة رد صوت
ببحة قوية جميلة :الووو
رديت :الو
تركي :اي منو معي
تولين :احم انا اختك تولين من السعودية >>>حسيت نفسي في مقابلة عربيه مع سوبر جونير
تركي :تولين ... ااآآه تولين اخبارك خيتو
تولين :انصدمت يعرفني وخيتو بعد ويسن الكلام المكسر اللي كانو يكلموني فيه في الحلم
جلست اسأله واهو يجاوب واهو يسألني وانا اجاوب .. وفي النهاية ..
تولين :انت موناوي تجينااا ترانا نبغى نشوفك
تركي :الحين مااتوقع لأن شغلي مايسمح لي في هالشهرين
تولين :ليه انت وش تشتغل
تخيلته يقول انه يشتغل في شركة سوبر جونير او لا لا راقص خلفي وراهم لا عاد مو حلو يعني ماله ام الداعي
تخيلته يكون مدير اعمال هيتشول لا اهو بالجيش وش ابغى فيه اي تشاسونغ من 2بي ام ..
بس كل احلامي تبخرت يوم قال :انا بادي افتح لي فندق .. وكذا ..
لويت فمي :اهاا ..
تركي :ههههههههههههههههههههههههههههههه ليكون انتي تبع جيل هوس الكوريين
تولين :ديييييه >>>ايييه
تركي :انا مااعرف اي احد فيهم .. للأسف ..
تولين :حساافة

سمعت صوت رشا وهي تضرب الباب :ياااه بسرعه تراك طولتي
تولين :اوكي اوبا انا مشغوله الحين اكلمك بعدين
تركي :طيب يلا باي
تولين :اووه انييقي سايو
تركي :اووه انيوو

خبيت جوالي بجيبي وفتحت الباب :تفضلي اشبعي بالحمام الحين ..
لكن الصدمه انها نايمه وغرقانه بالنومه طبعا هذي حاله نفسية في رشا تقوووم وتجلسني من النوم تقولي اني خايفة
ومجرد اني افتح عنوني عدل ترجع تنام .. سبحان الله .. ىتنهدت ..
وانبطحت ونمت على طول وانا كلي امل ان حلمي يصير حقيقة خخخخخخخخخخخ

غسق
ش\فت الكل بدى يتغطى والبنات محتاسين .. ومدري ايش والحوسة قايمة ..
تغطيت مثلي مثلهم .. على اني مادري وش السالفة بس خفت انه بيدخل رجال او شي ..
وصج مثل ماكنت اظن دخل كم هائل من الرجال ومن ظمنهم .. غسان اللي كان يمشي اخر شي وكان يسحبه رجال
باين انه ماكان يبغى ... طبعا الرجال جلسو يرقصون يرقصون وكأن اول مره بحياتهم يرقصون .. كان غسان بين مرة ومرة
يتلفت الظاهر انه يدورني .. لكن للأسف كان ظني خطأ شفته يضم وحدة ويبارك لها .. عرفت انها عمته ...
ناريز جلست جنبي وهي بعيايتها الكتف المزخرفة بزخارف بسيطة ومتحجبة ومتلثمه جلست جنبي
ياحياتي بشويش على عيونك لاتطيح ..
خخخخخخخخخخخخخخخ ضحكت لأن كان وضعي حيل فاضحني ..
ابتسمت لها :ياربي انتي وش فيك حرام اذا ناظرت الأوادم
ناريز وهي تضحك :لا ابد منو قال انو حرام ..

فجأة قل عدد الرجال بالحفلة وبقى غسان وثلاث غيره ... طلع غسان جوالة واتصل علي ..
رديت وانا اناظره :نعم
غسان لقيته يبتسم :الله ينعم بحالك غسق خانم اطلعي يلا بنمشي
غسق :الحين
غسان بخبث :ليه تبغين تجلسين
غسق :لا لا لا يرحم امك يلا خل نمشي ..
غسان :انا برى انتظرك ..
وقفت بسرعه وسلمت على ناريز بعد ماخذت رقمي .. ووعدتني انها رح تزورني قريبا ...
مشيت بسرعه وصرت امشي جنب غسان اللي كل مابغى يمشي جات عنده وحدة تسلم عليه ...
واخيرا وقفت قبالنا لمى :hi
غسان :وعليكم السلام اخبارك لمى
لمى كانت تناظرني بحتقار :iam fain >>انا بخير
غسان :لمى حبيبتي بلا هالنظرات اللي مالها داعي هااا انا فاهم قصدك ...
مسك يدي وسحبني قريبة منه وحط يده على كتفي :تراها زوجتي لاتنسين هالشي ..
طلعنا وانا احس بربكة .. ياربي شالأحساس السخيف اوووف

مليتو صح .. الحين لم نوصل البيت ابقولكم وش صار طيب ..

جود وفجر
جود وهي تمسح الميك اب :منو البنت اللي جلستي جنبها اليوم
فجر وهي تنبطح على بطنها وتتصفح مجلة عن الموضة :توقعي منو هذي
جود :منو قولي ترى مالي خلقك ابد
فجر وهي تبغى تجنن جود اكثر :اوكي اجل لا صار خلقك لي ناديني
جود :ياربي فجير زوجة غسان
فجر :بينقو ..
جود فتحت عيونها من الصدمة :صج ..
فجر :يب يب
جود :حسافة .. كان ودي اسلم عليها صج انك خايسة .. ليه ماناديتيني ..
فجر :مالخايس الا وجهك .. انقلعي بس ..
جود :يووه فجير بلا شخصية ينقالك الحين
فجر اهو اساسا انا اللي مالي خلقها طلعت ورحت لغرفتي .. اسلي نفسي بلبلاي ستيشن
جود :مالت احسن توفرين مكان

غسق غسان
وصلنا البيت وشفته ينزل بسرعه ولاح المفتاح على السايق .. وركض لداخل البيت ...
خفت وركضت وراه بسرعه وبغت تنلوي رجلي لأني مومتعودة اركض ..
وقمت بصعوبة .. ورحت اركض وراه ..
بس ماشفته ظنيت انه في غرفته فصعدت بالأصنصير اسهل مو متحمله قلبي قام يعورني
صعدت وهم ماشفته في غرفته ...
استغربت وين رح يكون يعني ..
نزلت لمكتبه لكني شفته مقفل .. ياربي هالأنسان وربي غامض ليه مايعلمني وش فيه ..
حسيت نفسي شخص غير مرغوب فيه ..
فصعدت لغرفتي افضل لي .. تذكرت كلامه لي بالسيارة حسيته خايف علي لما كان يقول
انتبهي مو اي احد تكلمينه حتى لو كان من اهلي خصوصا لمى ابتعدي عنها ابتعدي عنها ولا كأنك تعرفينها ابدا
غير السلام عليكم لاتقولين لها .. استغربت ويوم سألته ليه قال : بس احب احتفظ بأ
كملتها عنه :تحب تحتفظ بأسبابك لنفسك .. اوكي عرفتها وحفظتها هالكلمه
غسان ابتسم وهو مركز على سواقته ..
طيب وناااريز ..
غسان ابتسم فجأة بشكل مريح وقال :لا مدامه ناريز خذي راحتك معها ..
يكون في علمك ان حنا كنا مخطوبين لبعض .. بس اناكنت اعتبرها مثل اختي واهي كانت تعتبرني مثل اخوها لا اكثر
وفي النهاية وبالموت قدرنا نفك علة اهلنا .. ان كنتي مصادقتها انا ماعندي اي مانع بالعكس شي جميل ..

غيرت ملابسي .. ورفعت شعري ومسحت مكياجي ... ونمت .. على الصوفا الغير مريحة ..

غسان
اليوم اجهدت نفسي في الزواج ... شميت عطور وكل شي سويته حسيت بقلبي ينقبض بقوة اكثر من مرة
تذكرت اني ماخذيت دواي الكذا نزلت بسرعه وقفلت على نفسي في المكتب لأني مااقدر اتنفس بعد مذا كويس
تصير حالتي يرثى لها ماكنت ابغيها تشوف حالي كذا

صباح يوم جديد في بيت غسان وغسق
صحيت الصباح وفتحت النوافذ في الغرفة ناظرت البوابة اللي فيها يسوي غسان الرياضه كان توه داخل
وكان يكلم جوال .. جى على بالي اسوي رياضة لو يوميين نص ساعه يمكن ينزل وزني شوي

غيرت ملابسي ولبست الشورت الأسود تبع غسان مع قميصه الأسود ورفعت شعري ذيل حصان
بالعكس بتشجع مدامه معي

لبست شوز ابيض في خطوط بنفسجية .. كان للرياضة موجود تبع الجزم الله يكرمكم ..
تعطرت ونزلت .. شفت الخدم يشيلون الفطور ماهتميت شربت كوب عصير بسرعه وطلعت
وصلت عند الباب ونفسي انقطع على اني امشي بشكل طبيعي .. وقفت وخذيت نفس وظوقفت الى ان تعدل
نفسي والنتظم .. دخلت شفته كان يمشي ... وبسرعه معينة واول مافتحت الباب جلس يناظرني ...
ياربي وش هالأحراج اهو لابس ملابس تنفع للرياضة وانا مدري لابسه ملابسه ..
كان لابس بدلة رياضة بنطلون لونه اسود والقميص لونه اسود لكنه مش لابسه لابس قميص حفر ابيض
مخصر جسمه .. يالله شالأحراج صج اني غبية
تراجعت بطلع لكن وقفني صوته ..:غسق ادخلي وسكري الباب بسرعه ..
دخلت وجلست اناظره وانا احس باحراج خلاص الحين يمكن يحرجني او شي انا اللي جبته لنفسي ..
قال وهو يوقف مشي وينزل ويتجه قبال :ادخلي مافي داعي انك تنحرجين انتي ماسويتي شي غلط
مسك يدي وسحبني اتجاه جهاز المشي وخلاني اصعد فوقة ..
توه بيشغله انتبه لجزمتي المفتوحه خيوطها ... انصدمت يوم انحنى على ركبته وجلس يربطهم انحنيت ..
بسرعه ابغى امنعه .. لكنه ربطهم بسرعه ويوم كان بيوقف .. حسيت بقبلة على خدي اليسارحست اني خست من الحر فجأة
يالله ليه سوى كذا ...

غسان ابتسمت وشغلت جهاز المشي حسيتها موقادره تطالعني لأني نفسي صدمتها
انا ماكنت مستوعب ليه سويتها يمكن من الفرح لأنها حست شوي .. انها لازم تقلل وزنها شوي
وجات عندي امال الدنيا كلها .. وتخيلت شكلها واهي رشيقة كل شي جى ببالي في لحظة ..

بس فجأة .................................................. .................................................. ..............
.................................................؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟

تولين وزياد
كنت جالسه اكلمه على الوتساب .. كان يبغى يقنعني اطلعه معه .. ياربي صج جبتها لنفسي ..
على ان روح المغامرة عندي بعدها قويه وبالحيل خاطري اطلع بس كيف وابوي جالس بالبيت ..
اقنعت رشا اللي بدت تعطيني محاضرات واحاديث واداب ..
بالنهاية اقتنعت الأخت رشا ..
صعدت غرفتي بسرعه ولبست جينز واسع عشان مايخصر جسمي مع قميص رمادي مكتوب عليه رقم 62 بالفضي
ورفعت شعري كله شفت الباروكه اللي كانت لرشا بس الشعر طويل مره بس كانت نفس لون شعري خذيت وبدون
احساس مسكت المقص وقصيت وقصيت قصيت فيها الى ان طلعت لي قصه ختيييييييييييييييييييييييره
لبستها بعد ماحطيت مشد الشعر .. ولبستها وصار شكلي طبيعي مية بالمية .. حطيت جوالي بجيبي ..
ونزلت بسرعه بعد ماتصل علي زياد ..
ابوي كانت تسولف معاه رشا عشان يتجاهل خروجة ..
طلعت بسرعه ولبست جزمة سبورت لونها اصفر فاقع كنت طالبتها الأسبوع اللي فات من الأنترنت
من موقع يبيع اشياء لدراما الجاسوسة ذات الوجه الطفولي ..
طلعت ويوم كنت بفتح البوابة الرئيسية لبيتنا ... كانت الصاعقه ان ابوي طلع وكان توه بيطلع ..
ركضت بسرعه وتخبيت عند بوابة المجلس ...
ولأن كان ظلمة فمو باين شي .. طلع ابوي وسمعته يسلم على رجال والمصيبة ان الرجال زياد
يالله هالأنسان لازم يسوي نفسه مثالي يعني لازم ..
وقف قلبي يوم ابوي سأله :صديقك هذا من اي عيلة ووين بيتهم ؟؟
زياد :اسمه محمد ال ... بيتهم الظاهر هناك .. في هذيك الجهه بس وينه الله يهديه تأخر ..
ابوي :محمد ال ... يولدي متأكد احنا ماعندنا هالعيلة هنا بالمنطقه ..
زياد :اي ياعم انا اللي اذكره انه من هالعيله

ياربي يلعن غبائي اذا سألني بيتأكد اليوم ابقوله ان عيلتنا نفس عيلة من عوايل بيت جيرانا بس انا مااعرف ولاعيله ..
حست ان مافي امل لو بطلع بعد مايدخل ابوي يمكن يشك الكذا احسن شي اني رح اصعد فوق السور ورح اركب السيارة عشان ينصدم
اذا شافني .. خذيت السلم الطويل اللي كانو العمال يستخدمونه عشان يصبغون الجدار العلوي من بيتنا ..
وصعد فوق السلم وانا بنص السلم ذكرت اني لازم ارسل رساله لرشا تشوف في المفكره اللي ابوي كاتب فيها
اسماء جيرانا وعوايلهم خل تجيب لي اي عيله ..
رسلت لها رساله .. وصعدت بسرعه بسرعه ماكنت مهتمه اناظر تحت س كنت خايفه اطيح
ووقتها ابوي يذبحني ..
وصلت بسلام للعلية والحمد الله ان جارنا العزيز مادري وش اسمه حاط سيارته فيوم نطيت على طول على سيارته ..
اهو اساسا سور بيتنا مش عالي مره ...
نزلت بس يدي المتني لأني مشيتها على الجدار بقوة وطلع دم بسيط ..
تجاهلته .. ونظفت ملابسي ونزلت عن السيارة .. بس الطامه الكبرى ان عيال جيرانا كانو واقفين ويناظروني
واحد منهم قال :وااااااو شنو هذا ...
قال الثاني :قلت لكم ان سبيدر مان حقيقة مو خيال
قال الثالث :لا هذا باتمان انت شوف وش لابس
قال الرابع واللي وقف قلبي يوم قال :بروح انادي ابوي في واحد وقف على سيالتنا الجديدة ..
ركضت بسرعه وقلت :تعالو حبايبي من يبغى فلوس يشتري من البقاله
ركضو كلهم عندي ...
عطيت كل واحد منهم ريال ريال ريال اساسا ماعندي الا بطاقة الفيزا مع عشرين ريال
قال واحد منهم :تلعبين علينا بهالزمن مافي شي يشترونا بريال
يالله تلفت بسرعه وطلعت العشره ريال وقلت :روحو اشترو بها اللي تبغون ..
وركضت بسرعه .. ورحت للسيارته وحمدت ربي انه بعده يكلم ابوي ركبت السيارة ..
وانا اتنهد من الخوف ... واخيرا النجااااااااااااااااااااااااااه ..

ركب زياد السيارة وناظرني واهو منصدم :متى جيت
تولين :من شوي مالقيتك قلت انتظرك
زياد :اهااا طيب
تولين فجأة جاتني رساله من رشا فتحتها وكتبت لي اسماء عوايل كثيييير
سألني فجأة :اقول محمد ذكرني بعيلتك
تولين لأني كنت مخترعه وفاجأني :قلت له اول عيله لقيتها بوجهي
زياد :موكأنك قلت لي ان عيلتك ال ....
تولين :لا هذا اسم جدي الله يهديك وش فيك قلبت الدنيا ...
زياد :اهااا عذرا بس انا ساعات كذا ..
تولين :لا عادي ماصار شي
فجأة جى شي على بالي وخلاني اسأله :منو كنت تكلم ..
زياد :هذا عمي ...
تولين :عمك عمك
زياد :لا يصير لأمي من بعيد بس احتراما له اقوله يعمي
تولين :ليكو هذا اللي تبغى تتزوج بنته
زياد :اتزوج بنته .. ؟؟؟
تولين :ايه علينا قول عاد لاتستحي
زياد :لا بعدين انا متى قلت اني ابغى اتزوج وحدة ..
تولين :لا بس حبيت ارفع ضغطك شوي
ابتسم وكمل طريقة ؟.....