رواية تكفى لا تعلم إبوي ترى اللي فيه يكفيه الفصل الثاني عشر 12 - بقلم MSCprincess

البــــــــــــــــارت الثــاني عشر
انصدمت من حركة رشا مسكتني من ياقة قميصي وصرخت :فتحي الباب بسرعه ..
هزيت راسي بمعنى طيب وفتحت الباب وانتبهت ان عبايتها كانت عالقة في الباب ..
فتحت الباب وركضت لدورة المياه الله يكرمكم ...
استغربت .. لكني مااهتميت ورحت غيرت ملابسي وتوضيت وصليت الفجر وتوني
ابنبطح عشان انااام وكانت الصدمة برشا وهي تقول :يالخايسة ليه نايمه برى هاا
انتي ماتدرين شصار فيني في سبيل اني القاك ..
تولين عدلت جلستي عشان اقابلها :ليه انا قلت لك اطلعي تلقيني لا والله ماقلت لك
وش اسوي لذكائك الخارق اجل تطلعين تسكرين على عباتك ولاتاخذين كرت الفندق
رشا :هذا جزاتي تأخرتي وانتي تعرفين اذا سافرنا انا مااحب انام لحالي ..
تولين جلست اراوغ لأني ابغى اكمل نومتي :اووه ارسوو بياني >>>طيب اسفة
حطيت راسي على المخدة ونمت واهي قامت وخلصت صلاة وانبطحت جنبي
صراحة رحمتها حسيتها بتموت من التعب والنووم

عند غسان وغسق
كانت الخدامة تقدم له الأكل فجأة طلع صوت مثل المنبه ..
ورمى الملعقة من يده ورفع يده اليسار وكان يناظر ساعته ..
الخدامه خافت يوم شافته كذا :مسترغسان اجيب دواا
غسان عبس بوجهه واشر لها بيده :لا روحي
تقدمت صراحة خفت :وقلت فيك شي
خذى نفس عميق وتنهد لا وبشويش قل صوت المنبه وسكت
شرب كوب العصير وبس لف علي :كملي اكلك .. انا بقوم ارتاح ..
صـــعد وطنشني ياربي ولا كأني متزوجه وقسم يعاملني وكأني سكرتيرته اوووف
بدون مااهتم شفته ركب المصعد مادري حسيت فيه شي .. لكني مافكرت اسأله ليه ..
وجلست اكمل اكل وانا احس اني بموت جوووع ..
كنت جالسة اكل وبسرعه قبل لايجي احد ويشوفني فجأة انفتح الباب و ...

عند تولين ورشا
صحيت على صوت جوالي ورديت :الو ..
زياد :الو ارتبك من الصوت الأنثوي وقال :ممكن تعطيني محمد
تولين صحت فجأة وعدلت صوتها وقال :هلا والله
زياد :هلا فيك ليكون ازعجتك ..
تولين لفت تناظر الساعه شافتها 2ونص الظهر :لا عادي انا كنت بصحى ..
زياد :وش رايك نطلع ابغى ادور على شي تجي معي \
تولين :اوكي بس اغير ملابسي واصلي واجيك ..
زياد :طيب انا بنزل الكوفي تحت ابطلب لي شي تبغى اطلب لك معي ولا
تولين :امممم اوكي ابغى ميلك تشيك توفي اوكي
زياد :طيب
تولين بدون مااسمع رد سكرت الجوال ولفيت شفت رشا نايمه وشكلها تعبانه من جد ..
دخلت الحمام الله يكرمكم وتوضيت وفرشت اسناني وصليت الظهر والعصر لأن موأكيد اشوف مسجد
ولبست بنطلون جينز كحلي مع قميص بنفسجي غامق كان مرسوم عليه قيتار مع الات موسيقية
مع جكيت رمادي فاتح ورفعت شعري ولبست الباروكه ورتبتها .. تعطرت ولبست ساعة من شنل
لونها رمادي فيها خطوط بنفسجي وخذيت نظارتي الشمسية من gass وتأكدت ان كرت الفندق عندي
وجوالي وكل شي طلعت بعد ما كتبت ملاحظة بجوال رشا لاتنتظريني وسوي اللي تبين ولاتنسين كلي لك شي .. انيو >>>با ي

كان جالس على الكراسي اللي بالكافي كان لابس بنطلون كحلي مع قميص اخضر مثل لون علم المملكة الجميل
وعليه جاكيت رمادي الألوان حيل حلوة وشعره كان مرجعه لورى بطريقة حلوة ذكرني ب لي جون من m black ....>>يالبى قلبه

مشيت بخطوات واثقة وجلست :السلام عليكم
رفع راسة وناظرني وابتسم :هلا وعليكم السلام
خذيت الميلك تشيك حقي ومشيت معه عشان بنتمشى شوي .. وبنروح مجمع كله لماركات لاكوست

عنـــــــــــــــــــــــد غســــــــق

كنت داخله جو بالأكل ومن دون مااحس دخلت بنت صغيره كانت لابسة تنورة قصيرة
لونها فوشي مع قميص ابيض وعليه جكيت وردي من الفرو ورافعه شعرها بطريقة انيقة ولابسة نظارة شمسية
وشنطة كرستالية في يدها .. تقدمت مني وقالت :بون سوار >>>مساء الخير بالفرنسي
لفيت عليها وقلت ينقالي انجلش : what
هزت راسها وقالت بنعومة :ليكون انتي غسق
ناظرتها ومسحت فمي ينقالي ارقعها :ايه منو انتي
البنت جلست على الصوفا البيجية وقالت :انا رنيم بنت عمة زوجك
غسق :اهااا بس يعني اذا ممكن انتي كم عمرك ؟
رنيم خزتها :هالسؤال المفروض ماتسئلينه البنات لأنه اصعب سؤال يجاوبون عليه وين غسان
غسق استغربت شكلها بزرة لكنها فهيمة :صعد يرتااح
رنيم هزت راسها بمعنى اهاا طلعت مرايا صغيرة وجلست تناظر نفسها وحط قلوس وردي وتعطرت ووقفت
وصعدت فوق استغربت وذبحني الفضول اعرف منو هذي مسحت يديني وصعدت وراها
شفتها تطق الباب ودخلت وسكرت وراها الباب دخلت بسرعه غرفتي ورحت اناظرهم اول ماشافها
غسان ابتسم وضمها وجلس يقرص بخدودها ..
شفته رفع التلفون وجالس يتصل استغربت لم رن تلفون غرفتي رديت :الو
غسان :تعالي غرفتي وبلا لف ولا دوران
استغربت شفيه رحت لهم ..
غسان ببرود :هذي رنيم بنت عمتي خذيها معك واجلسي سولفي معها لأن رح تنام معنا اليوم وبكرة
غسق عقدت حواجبي وانا ااشر له بمعنى كم عمرها ؟؟
غسان :رنيم عمرها 5سنوات
شهقت :خمس بس شلون ت
قاطعني وقال :ابوها كان يدرس برى وولدوها هنااك وتراها تعرف اكثر منك يعني بالأخير عقلها اكبر من سنها
غسق بلمت وقلت :اهاا طيب
رنيم وقفت وقالت :نام وارتاح طيب ولاتشيل همي انا عارفة انتبه لنفسي
غسان :اوكي خذي راحتك ترى البيت بيتك

طلعت معها وانا مرتبكة على انها بزرة بس عقلها كبير واول ماجلسنا بدت تسلف عن فلانه يوم راحت زواجهم
وعن فلانه يوم شافت بيتهم ..

في كــــــــــــــــــــــــــــــوريا
كنا داخلين محل يبيع اكسسوارات وشنط شريت جازدان جلد لونه بنفسجي مدرج الى الفوشي
مع شنطة لرشا واهو شرى مثل اللي شريتهم لكنت على اللون البني ويتفتح للون الأورنج
ويوم كنا بنحاسب لف علي :اي صج بسألك تعرف فرقة اسمها .. سوبر سوبر ايش يربي نسيت
جاوبت على طول بوناسة :سوبر جونير
زياد :ايه ذي تعرفها
انا بدى صوتي يتغير من الحماس :ايه وش فيها
زياد :ابد بس ابغى اشوفهم ماتدري وين احتمال كبير نشوفهم فيه
لفيت عليه وبدى حماسي يزيد ونبرة صوتي تتغير:ياااي انا ابغى اشوفهم .. بس ماادري وين
فجأة فكرت انا شلون تكلمت كذا حمدت ربي انه كان يكلم المحاسبة ولا سمعني اخر شي ..
قلت بثقل :ايه انا رح اشوف متى يكون عندهم حفل توقيع واقولك ونروح سوى

طلعنا من المحل وكان فيه ناس متجمعه على صوت قيتار ياااي الرومنسية كان واحد جالس يعزف بالقيتار
لحبيبته ولم خلص طلع من جيبة خاتم وقال :mery me ples
هنا الكل بدى يصفق ..
عقد حواجبة وهو يضحك ومشى :جد مصخره ..
مشينا ومشينا بس فجأة ..

عند غســــــــــــــق
كانت رنيم تحوس بالغرفة وطلعت فستان لونه احمر قصير منفوش وفيه شيفون على شكل ورود اطرافها
بالذهبي .. قالت :وش رايك تقومين تلبسينه وخليني احط لك ميك اب عشان لصحى غسان
ناظرتها :ههههههه لاماله داعي حبيبتي ارتاحي اهم شي راحتك
ناظرتني :ايه بس انا ابغى اشوف الفستان عليك ولا منتي ناوية تغيرين الفستان اللي عليك ترى
احس شوي واكره لونه

فكرت بشي ينسيها هالأشياء وقلت لها :ايه رنوم حياتي مدامك تعرفين كل شي بالبيت وريني
شنو فيه وعرفيني على المرافق الي فيه لأني مااعرف شي ..

رنيم وقفت بحماس :اوكي وراي يلا
مشيت وراها ..
ودخلنا غرفة كانت كلها ابيض في ابيض وكأن صاحبها مهووس هوس مش طبيعي بهاللون
وكان فيه لوح كبير لونه سماااوي ومعلق عليه انواااع صور الممثلين اولهم snsd /super junir/m blak /U kiss
t-araa /kara /2pm الخ الخ الخ وكان مكتوب ملاحضات بس مافهمت الخطة لأنها بالأنجلش
وبعدها فيه سرير كبير على شكل دائري وكان غطاه من الفرو الأبيض ونازله عليه ستارة بيضة بسيطة من الشيفون بشكل جمالي
والكومدينه كان موجود عليها علبه صغيره وشكلها للأيبود وشاحن ايفون وبعدها جدار يفصل غرفة النوم
وفيه تسريحة كبيرة كان فيها اكثر شي مرطبات بشرة وكريمات وعطوروالمكياج ينعدون على الأصابع
وبعدها دولاب ملابس كبير باللون الأبيض الشفاق وباب صغير شكله الحمام .. اكثر شي جذبني
كانت الساعة اللي قبال السرير على شكل قيتار كبير لونه اسود
ناظرتها :هذي غرفة منو
رنيم وهي تجلس على الكرسي الموجود عند التسريحة :هذي غرفة نارا اخت غسان شخصيه هادئة بشكل موطبيعي او بالأحرى باردة
عمرها 16 سنة وهي بثاني ثنوي الحين ..
استغربت :كيف انا عمري 15 وبروح اولى
رنيم بلمت :جد انتي بتروحين اولى يلوت فمها اها مش باين العمر كله نار متقدمة سنة ..
كنت ابغى اجلس واقرب شي السرير وتووني بجلس صدمتني وهي تقول : stop
ناظرتها :شنو ؟
رنيم وقفت :من الأدب لم تكونين بغرفة اشخاص موموجودين ماتجلسين بمكان نومهم بعدم وجودهم
غسق انحرجت بس حسيت معاها حق شوي ..
وقلت :اهاا طيب

طلعنا ودخلنا غرفة ثاني صراحة الغرفة الثانية كانت من الوانه كأنها ملاهي
كان جدار طويل مخطط باللون الأصفر والأورنج والفوشي والأبيض والجدران الثانية كان كل جدار
بلون من الوان الخطوط والسرير كان بالوسط كبير وكان مليان خداديات على شكل قلوب والنجوم وورود
وبعدها باب عريض زجاجي سحبتني رنيم ودخلنا فيه :صراحه غرفة ملابسها كثير نايس تعشق شي اسمه شوبينق
رهف she is vary crizy shoping
كانت الغرفة تظهر ان صاحبتها صارفة ملايين فيها كانت كبيرة كثير كانت تقريبا 300 متر في 400
وكانت الأرفف فيها مصفوفين ورى بعض والفساتين على حسب درجات الألوان وتفتيحهم وتغميقهم
وادراج زجاجية كبيرة كلها اكسسوارات وبروشات عجيبة غريبة وفي نهاية الغرفة تلاقين طاولة على شكل مستطيل طويييل وفي نهايتها مغسلة
وفيها مرايا كبيرة والمكياج موجود فيها وكأن في غرفة العاب موبشر
وتدرون شنو اكثر شي جذبني الأرفف الطويل القريبة عند باب الغرفة كانت الجزم فيها صفوف وكأن حنا
بمحل عالم الجزم والملابس من جد هالأنسانة موطبيعية .: واااو ابغى اشوفهم مافي صور لهم هنا
رنيم :اممممم الا كأن في طلعنا ودخلنا غرفة كان كل شي فيها باللون الأورنج ماعدا الأرضية اللي كانت بيضة وفيها لمعة باللون الأورنج
كانت من جد كلاسك والسرير كان على شكل صوفااا طويلة وعريضة باللون الأبيض والخداديات
فيها باللون الأورنج وريحتها عطر رجولي قوي لكنها حلوة وكان فيها دولاب عريض باللون الأبيض وداخل عليه اللون الأورنج بشكل انيق
وباب في نهاية الغرفة واتوقعه انه الحمام ((الله يكرمكم )) وقبال السرير كان فيه شاشة بلازما كبيرة مومرة
يعني وسط تقريبا وتسريحة بسيطة قبال الدولاب حسيت ان صاحب الغرفة طبيعي مئة بالمئة عكس اللي بالبيت كلهم
ركضت ريناد للصندوق مخطط باللون الأورنج والأبيض فتحته وطلعت البوم كبير وقالت :يلا تعالي نطلع
قلت لها قبل لاتطلع :لحظة ماقلتي لي هذي غرفة منو
رنيم :هذي غرفة فهد بس ماينام فيها الا نادرا لأن اهو عنده شقة مستقله له لحالة
استغربت وقلت بلقافة :ليييه

قاطعني صوت :موب شغلك ليه وماليه
رنيم لفت :غسان وين بتروح بكل هالأناقة
غسان ابتسم لها :ابد في اشخاص مهمين جايين للشركه وابروح لهم
رنيم :اها اوكي الله معك
غسق لويت فمي :شدعوه حتى ماقالي شي شاطر يسكتني وبس
طلع غسان في طريقة وانا جلست مع رنيم نشوف الصور
كانت رهف جميلة جميلة يكفي رشاقتها ولياقتها
ونارا حسيتها منعزلة عن العالم الخارجي على حسب علمي من اللي قالته رنيم انها باردة كثير
بس كانت جميلة جميلة بالحيل اجمل من رهف خصوصا ان ملامحها ناعمة وبريئة ..
لفيت على رنيم شفتها المسكينه دخلت جو وناااامت بدون ماتحس غطيتها ودخلت انا انااام

وفجأة شفت سامي اخوي مع مجموعة اولاد ومعاهم بنت وحدة خفت ينتبه علي واروح فيها
ساعتها ركضت لناحية محل نسائي ومانتبهت محل شنوو جلس زياد يناديني لكن
مافي امل لأني خفت انكشف ساعتها وقسم مايردني غير بيتنا .. وابوي ذابحني
لفيت على صوت المضيفة بالمحل :شيلا ميدا هوكشي >>>اعذرني هل من الممكن
حسيت وجها انصبغ احمر منحرجة تفكرني صج ولد يوم تلفت يالله شالأحراج
شفت زياد معقد حواجبة ويناظرني من بعيد وشكله مستغرب
لفيت للمضيفه وقلت :اني اموقوتا انيو >>>لا لاشي
وطلعت بسرعه من المحل ياالله وجهي صار صغير ...

انصدمت بزياد يقول .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟