رواية تقليدي بألف عشق الفصل الحادي والعشرون 21 - بقلم هاجر قاسم

مساء الخيرات عليكم حبايبي.....

#تقليدي_بالف_عشق

#الكاتبة_اطياف_ابراهيم

.....................

مـن شـآفوني آضـحگ بآلچذب
گآلوآ عليةة تعآفى
مـخفي آلحزن جوآآ آلگلب
هہمـزين مـحد شـآفةة
بچآآآة
ترآآ آلعآفوگ مـرتآحين
روح آرتآح روح آحلمـ
روح آگتب غزل ...
غني...
روح آسـمـع لفيروز
عشــرينگ حرآمـ يخلصـن بل
هہمـ ....

ياسمين.. قاطعته وشاورت السكرتيره كتلها فحص عذريه امر ضروري سمحيله

السكرتيره.. ااه العفو تفضل اخويه ان شالله خير

سيرين.. كعدنه اني وياسمين ع كراسي كدام الدكتوره وماجد واكف ومتجتف

اني بكلبي ابجي دم وكرهت اللحظه الانخطبت بيها واليوم الي رحت بي ويا رامي... اللي مكلف نفسه يخابر حتلو من ياسمين لان يعرف حسابها ع فيس صارلي ٥ ايام احارب وحدي موكف يمي او طبعا شيواجه وهو سكير ولا حسب حسابي شلون رجعت اوووف ربي ليش وكعتني بهل الحفرة وماكو درج او ايد تنمدلي بس اني وربي والكل ضدي

بدت ياسمين تشرح الحاله للدكتوره واكدت عليها ايتم الامر بسريه تامه ومنريد كلمه تجينه

شفت الدكتورة نزعت نظارتها وتمسح دمعات هيتوهم دينزلون
هناااا فتحت عيني بكل قوتي واحس احد داس ع جرحي كمت ابجي واباوع للدكتوره

هظميه يا ناس اخوان ميصدكون بيك لعد شخلي للغريب والشمات
....
اجت لزمتني من جتفي وكالت حبيبتي كومي ع سديه ونزعي البنطرون
رحت وجرت البرده وبدت تفحص

هنا كلبي مات اخويه بغرفه وحده واني يفحصوني من جوه كامت دموعي تنزل ودرت وجهي بالجهه العكس مااكدر اباوعله

فشله وحقد بنفس الوقت مااعرف شنو من شعور صعب انو مستحيه وكارهته

كامت الدكتوره وكالت بعدها بنيه اصلا يا دوب فحصتها اله شويه جان صار غلط مني وتفقد بكارتها

باوعت لماجد بعيونه فرحه تلمع بعديش بعد معرضتني لفضيحه واحراج كدام الكل
ليش مفرحت من كتلك مصار شي وحلفت لهل درجه مستهينين ومتصدكوني

طلعت... جان يكول ماجد حبيبتي سيرين شتحبين اجيبلج تحلايه

مجاوبته

ياسمين.. ع شنو تحلايه ع صخام الوجه رجعنه للبيت وتسلم مقصرت ابد

ماجد.. واحد يصير زين تاكلنه بكشوره مو شكول نعمه

سيرين.. دموعي تنزل ع وجهي كانو عدها سباق واحس اريد اصرخ صرخه عاليه هنا صارت ببلعومي وصدري خنكه ومااكدر حت اشهك اجاني صمت غريب اريد احجي انطق ماكو بس دموع

وصلنه للبيت لكينه عباس كاعد والكل مدنك واسمع صراخه وعياطه

فتت.. ركض عليه عباس حضني وكلي اني كلت اصيرلج اب وام بعد ابويه وامي بس شكلي موفيت بوعدي يحجي وخانكته العبرة

كال متبقين يمهم جنت متامل بسمير بس حت هذا خيب ضني

لمي غراضج بويه وتعالي يمي

سيرين.. رغم كلامه حنين وكله حب بس شنو الفايده اجه بالوقت المو مناسب كلبي صخر وينزف دم وخرت منه ورحت لغرفتي طلعت ملابس ابويه وامي وابجي

احجي بكلبي شوفو شصار من رحتو ليش عفتوني خرب بذيخ اللحظه الدزيتكم ع شهادتي عساني مداومت بحياتي

نمت ع كاع وابجي

فاتو بيان ومهدي حضنوني ويبجون ويايه مهدي رغم كبره بس كلبه حنين عكس اخواني الاكبر من كبرو يتخيلون انو الولد لارم يصير بس يصرخ وكلبه حجر ويضرب بس مهدي جان قطعه من الحنان والتفهم والثقه

مريت بحاله كأبه بس بجي وزني نزل كلش صوت عظم وجلد مشه ع سالفه اسبوع والكل مشت حياته الا اني توقفت ع هذه الحادثة البنات يحاولون اكل مهدي كل يوميه يعزل من مصرفه ٥٠٠ ويجيبلي نستله اسمها كرم جنت اتوسل يجيبها قبل جان اسواق بعيد عن البيت بس هسه كام يجيبها بله مااطلب ويتوسل اكلها جنت مااحجي بس ع اشاره اريد انطق مااكدر جان يلح اخذها واضمها بالمجر

بيان هم جانت تجيبلي وياها من المدرسه اني اخذت اجازه مرضيه اسبوعين مجنت اكدر اسوي شي بهل فتره غير الصمت والبجي

بعد كم يوم... جنت هستوني طالعه من الحمام والخاولي براسي جنت لابسه تراكسود اسود صاير شعرضه عليه اباوع ع وجهي صاير ضعيييف وباقيه بس عيون... صاحتني ياسمين
تحضري رامي بالاستقبال ويريدج

سيرين.. مرديت رحت ع جربايتي وبقيت مكنبصه وراسي بنص رجليه مدنكته

ياسمين.. كومي شوفي شيريد عيب صارله ربع ساعه

سيرين.. مرديت اي شي

لحت رادت طب ماجد هم كال يصيح شوفي الرجال شيريد مرديت

طلعو وشويه طب رامي للغرفه

طبعا وجهي اكيد حينصدم بي

كعد كدامي وبيده علاكه
الكل طلعو من الغرفه اول مطلعو تقرب بسرعه اني كشت روحي صارت عندي خوفه منه كعد بصفي

رامي.. لتخافين مني مراح اتقرب منج حقج تخافين بعد السويته بس ولله مجنت واعي وماادري ليش رحت وشربت وغلطت لو ما التصوير راجعت الكامرات مجان اتذكر اي شي
شوفي ماانكر اني جنت احب اجوان بس بيوم الانزفت الغيري طلعت من عيني وكلبي وماانكر انتي اخذتي روحي واحس كلبي يدك بيج وبدونج احس نفسي تايهه والهوه يصعب عليه ولله مخنوك عفتج كل هالفتره لان ردتج ترتاحين وتهدأين

اتمنى نبدي صفحه جديدة ولو شما يكون مستحيل ااذيج لو اخليج تطلعين بعد لحظه بدوني اني وياج ايدي بايدج طول عمري مستحيل اخليج تطلعين خايفه ابد والزمن كفيل اثبتلج

سيرين.. استفزني اكثر مما جنت مستفزه منه ونطقت لاول مرة بعد مرور ١٠ ايام

عفو منك مكلت شصار وياها من رجعت لاهلها بتكسي شصار من عدكم وحدة حية وصلت للحية اليمي احنه وحدنه شصار نيران ومروه بفضاك كدرو يدمرون حياتي شووهو صورتي كدامي اخواني واخواني شسوو موكفو بوجه الدنيا لا صارو همه والدنيا عليه اجرولي فحص لليتاكدون اني بنيه لو لا... بسبب اهلك التركوني وراحو وبسببك السكرت واجيتلي بالليل وتريد تغتصبتي وبسبب نيران الفتنت المروه واني صرت علج بحلك اليسوه والميسوه
شكلت لنفسسسسك بس شكلت من اجيت خطبتني حت تنسه براسي وحده.. شنو شلكيتني جهاز تشتري يونسك ويعوضك بشي فقدته تساوم بيه خاطر ترضي ذاتك وتملي الفراغ السببته حبيبتك... شلون رضيت الامك ومشيت هالخطوه مفكرت الزواج مو يوم ويومين عشره عمر ويجي يوم وتملني لان الكلب وما يهوى وراح ترجع تحن لحبيبتك وتكوم تطلع ظيم كلبك بيه واني ادفع ثمن ذنب ممسويته... وبعد شكلت لنفسك من عفتني ورحت شربت مكلت قبل لتشرب هالسم شلون ارجعها لبيتها واهلها اكدو وقت محدد وترجع شكلت لنفسك من عفتني وحدي بالبيت وها قبلها مديت ايدك عليه بكل عنف شلون كلبك انطاك... بس ها جنت دتطلع حركة كلبك السببتها اجوان من تزوجت هذا اول ذنب اكفر عنه ممسويته

وها بالنسبه للتصوير من شفته وشفت تصرفك القذر من ردت تعتدي عليه ومن كسرت موبايلي ومن طلعت من البيت من وعيت وتشوف بيهن مستحيت من نفسك مستحقرت روحك مخجلت وجاي بعين صلفه وناسي عملتك المتتسولف وتريد ابدي وياك من جديد

بسببك خضعت لاختبار شرف... نزلت بعين اخواني واني بريئة مستحيل ابقه ع ذمتك

هنا نزلت دمعه جانت حارة وبلعت ريكي اخذت نفس وكتله اتمنى تجيب شيخ اريد ارتاح مكافي الظيم العشته مااكدر اكثر طاقتي خلصت

رامي... راسي حينفجر معقوووووووله هيج صار اجيت اكثر من مرة لاخوانجن اتعذر حت ضربوني واخذت ابويه ورحنه لعباس وابويه اعتذر وتعهد بس مجابو سيرة الفحص وعباس جان مراضي لان اشرب وتعهدنه اخر مره واذا انعادت نفسخ وننهي كلشي والانسان ممعصوم عن الخطا وخطات وبعد مااعيدها والميغلط ميتعلم وتعلمت من غلطتي مااكدر اذيج واتركج اخوانج كالو الكلمه لسيرين بس هم مراضين عني بس كالو منوكف بطريقها اذا رادتك ارجوج لتنطين للكل فرصه يبعدوني عنج ولله احبج ولله

سيرين.. لزم ايدي سحبتها بقوه كام يبجي وكلي لتعوفيني ولله مااكدر بدونج حت اجوان جنت متخيله حب البينه قبل بس لا كله هيج انتي حبي وحياتي مااكدر بدونج رجع جر ايد ويبوس براحه ايدي واشوف دموعه تنزل ع ايدي وجرني حضني حيل وكلي سامحيني وبعد مااذيج وداعه عيونج وديري بالج ع نفسج

باس راسي وكلي جبتلج تلفون حبيبتي راسليني... اكلي زين وانسي كل شي

سيرين.. جنت مثل الميت مالي اي رده فعل.. واكول بكلبي ليش اصدكه اذا القبلي حبيبته سنتين ومكدر يترك الشرب وباعها لخاطر الشرب هسه يريد يخدعني بدمعتين وكلام معسول لا مستحيل يكفي الشفته الله شوفني حقيقته من البداية حت مااتورط

فاتو ياسمين وبيان.. يعيطون ويهوسون

بيان.. ييييييي واخيرررا نطق ابو الهول بس شو صوتج صاير حلو بربج كل فتره هيج تخورسي حت نخلص من نكج وهوستج

ياسمين.. غير بعد هذا ابو الجهال الحب احنه بيش الكيلو

ورا شويه فات مهدي.. لج يلا ذني دين النساتل مال فوك الاسبوع عمي واكعاتلج الفوك بس الاسبوع يلا جيبيهن فلوسهن

سيرين.. صدك ولك واكول غزر بي التعب و ديجازي

مهدي.. متكعد راحه حبوبتي تسواهن يا تعب ها...وبعدين لا بالله ردت احجيج عليج بالعافيه واخيرا حجت ابو الهول

سيرين.. اجه باس خدي وكلي صايرة بس الفجوج ايجوز الولد راح يذب نفسه بالشط ع هالخلقه الزفره هههههههه

كتله هههههه اصلا كلشي راح يتنهي قريبا

بيان.. صاير تخوفين ولله هو هذا الصمت المرعب

سيرين.. كلبي من الجروح البيه صار قوي والصدمات ربتلي كلب زين

ياسمين.. حضنتها حبيبتي استقري واهدئي وقرري يلاا تعاي كعدي ويايه بالصاله مسوين كيك وجاي وطالعه مسلسل حلوة وباجر داومي كافي غياب

سيرين.. بديت افك شويه بعد مفرغت قهرتي برامي وقراري ثابت ابتعد مااعرف شضامتلي هالعائله ف اعبر النهر دامه ضيك

كعدنه ودناكل ويضحكوني كلساعه فات للصاله سمير انتبهت لوجهه اصفر حيل وتعبان من شفته درت وجهي بعدين نكثت الكيك اللي ع بجامتي وكمت جان يصيحني

سمير.. سيرين تعالي احجي وياج

سيرين.. بله مالتفت جاوبته مبقه حجي بينه اصلا من ذاك اليوم

سمير.. ممكن تنجبين انتي بنتي مو بس اختي وطفلتنه الصغيره وخايفين عليج... بعمري مجذبتج بس بهل موضوع فكرت اتجذبين خاف نوصل للذبح او هو مهددج... وحت من وديتج ادري بيج شنو وبكل وقت اخوانج بين عيونج ومتسوين غلط... تعالي حبيبتي تعال مشتاق احضنج يا قردة

سيرين.. لتغلط ولله ماارضه سميررررر

سمير.. يعني افهم تراضينه.. صافيه ي لبن

سيرين.. لا حليب ولا قشطه وخررررر... ركض هجم عليه يدغدغني واني خربانه ضحك والتمو عليه ويا ويدغدغون كتلهم وخررررو انحصرت

سمير.. ولج شو صايره ام بو... كلساع مغركتنه شسالفتج

سيرين.. يي غير دتغدغوني قابل اتحمل عشيره كلها

سمير.. بمناسبة بو...ج اتحضرو عازمكم كلكم بالمنصور

سيرين.. بس وخرو كسرتو ضلوعي... وخرو سمير باس راسي كلي يلا تحضري بويه باعي وجهي مسلول من القهر عليج يلا بويه انتظركم

سامحته رغم كلشي بس يبقه الكلب يسامح بلحظة الندم يحن

رحت بدلت جان هاليوم حلو شويه فكيت وراح القهر من بعد ايام جانت مرة وكلها الم

بيان ومهدي متحضرين وياسمين وجهالها كلهم...

ودانه لمطعم نزلنه اشكال والوان سمير كام يجيب وينزل رغم راتبه قليل بس نفسه كريمه وكلبه طيب والانسان ممعصوم عن الغلط وغلط بحقي من قبل ع ماجد بسالفه الفحص

تونسنه حيل وسوالف وضحك وبعدها كال خل نتمشه بالرواد تمشينه وكفنه وكال كعدو اشربو عصير هنا كعدنه شربنه عصير طبيعي

وراها كال اريد اراضي ام راس يابس مشينه لمحل طبينه كلي اختاري اليعجبج

جان محل البسه كمت اقره بالاسعار كلها غاليه ب ٤٩.٧٥٠ و٥٠.٧٥٠ كتله بصوت ناصي مااريد سمير كلشي غالي وعود يرخصون ينزلون ربع وهن قميص لو تنوره لو بنطرون

سمير.. اكسر رجلج اذا طلعتي بدون متختارين بكيفج متريدين انطي فلوسج لمروه حبيبتج

سيرين.. لا فدوه ولله كافي العزيمه.. خزرني وكلي اختاري كمت اباوع افتر ادور الاقل سعر ماكو محتاره من ٥٠ وصاعد لل١٠٠ اخر شي وكعت عيني ع قمصله ماروني كاتبين تخفيض نهايه موسم ب ٣٩.٧٥٠ كلش حلوه كتله اريد هايه اخذناها وشكرت سمير ع كولشي

فرحت حيل بسمير بس لان عبر عن ندمه واعتذرلي اكثر شي فرحني

وصلنه للبيت وكلعاده مشاكل الست مروه متخلص...

مروه.. ولج انتي شنو من حية ارتاحيتي من هجمتي بيت البنيه المسكينه يا ام المصايب... يتبع

اتمنى لكم قراءة ممتعة.... لتنسون التصويت القصة ١٨ الف مشاهدة 🧐والتصويت بس الف وشويه🙀

ترا اذا يبقه هذا وضع القصة اوقفها

للعلم التصويت مراح يفيدني بشي ولله لعبالكم اربح منه بس مجرد تقدير لتعبي وتصعد القصة بالوات

🤷🏻‍♀️🧐