تقليدي بألف عشق الفصل الثالث والعشرون 23 - بقلم هاجر قاسم

#تقليدي_بالف_عشق

#الكاتبة_اطياف_ابراهيم

تصويت حبايبي
.........................................

سيرين.. يمكن ممكتوبلي الفرحه كل عمري فتنه وتلكتنه مروه بعياطها هجمتي بيت المرة الله يهجم حياتج بس ولو شيهجم حظ كح... هليفررون بيها ودياحه ع سوايتها الكشره الله لا ينطيج ولا يشوفج راحه يسيرين مثل مخليتي عبدالله يهجج نيران بليله ظلمه وطالعه َوتتونسين وماشيه حياتج

ردت اجاوبها جان يهد بيها سمير

سمير.. كاااافي لتخيلني اسبج صوتج لا اكسر راسج واعلمج شلون تفشرين وتتجاوزين حدودج ويا اختي كدامي وهاي صخمان مدري منو يطبها مرض تستاهل مو كببت بيت راسا على عقب ولله كيدجن عظيم تسوون المصيبه ومن تتعاعقبن تذبن بلاجن ع غيرجن ولي من وجهي يللا

مروه.. عشتو ولله مبقه عليه غيرك هههههه دشوف اختك وتعال احجي عليه

سمير.. ياكلبه يا عديمه التربيه وصفكتها راشدي

سيرين.. اباوع سمير تهيجت اعصابه ودمارات بوجهه ضربها راشدي فر وجهه فر بس مسكتت كامت تزيد وتغلط وتعد وتصف وصعدت لغرفتها.. اباوع ع سمير طارت الراحه الجان بيها قبل شويه من هالمسمومه ووجهه صار دم ومن غير شي شكله تعبان هالايام ومديحجي شبي

فتت الغرفتي بدلت طلعت العلاكه شنو بيها طلع رامي جايب موبايل جديد جان هم ايفون بس ارقه جان الفايف وبعد بالعلاكه دبدوب صغير وورد وعلبه ككو

طلعت الموبايل داافعله لكيته مفعل كلشي بس كنكت وخليت باسورد صار بي نت طلعت حساب فرات قررت اروح اعيش يمهم بس بقيت افكر بمهدي وبيان منو الهم بالرغم هم كبرو بس احسهم اصغار بعيني كلت اخذ بيان ومهدي ونروح كلهم بعدين كلت عليش احنه اهل البيت نتهجول بالبيوت ومروه الدخيله هي الكاعده ومتشخصه
بقيت افكر افكر توصلت لحل نفس اول تفكير اروح وحدي استقر وافكر بكل وضعي بعيدا عن مروه هلكت نفسيتي وتعبتني حياتها عباره عن مخططات وخبث

راسلت فرات ومصدكت كلش فرحت
ثاني يوم العصر مر عليه عباس اخذني جانو بمنطقه قريبه ع منطقتنه ف اتفق ويا صديقه يسويلي خط للمدرسه
اخذت ملابس وكتب

قبل لا اطلع وصيت ياسمين ع مهدي وبيان كتلها تدير بالها عليهم وخاصه بيان لان مهدي كل وقته بشارع وكون تعشيهم وتحميهم من مكر مروه
جان جواب ياسمين كله امان وطمأنينه كالت بعيني بله متوصين وفعلا هي اكثر انسانه توكف ويايه حت ضد سمير اذا الحق ويايه

وصلنه لبيت عباس وفرات وجهالهم نور وسعاد كلها تكمز وتصيح اجتنننننه سيرين وفرحانين

طبيت للمطبخ كفختني ريحه الحلويات

لكيتها مسويه كيكه وبسبوسه وجايبه عصير وكرزات ومحضره كلشي

عباس.. هاي هيج دلال للفصعونه واني محد يدللني

فرات.. يا نسيت قابل حبيبي كل اسبوع هيج اسويلك لان مو زين حلا يوميه عليك

سيرين.. لكم جوعوتني شهل منظر بس اليه اليمد ايده يا وليه

عباس.. هني ومري باباتي

سيرين.. جان عباس يعاملني ك طفلته الصغيره المدلله شكد احبه ربي يديمه النه

كعدنه سوالف وضحك وشقه حياتي ببيت عباس عباره عن اروح للمدرسه ارجع انام تكعدني فرات المغرب اسبح واكل واحضر واجباتي

اكمل فد ب ٩ بالليل اكولها عوفي العشه عليه

اروح للمطبخ وهي تروح تسبح وترتب نفسها وتلبس شلوحي لان وحدنه وتمكيج خفيف كلش تحب تهتم بنفسها كدام عباس هم مثل العصافير واحد يحب الثاني رغم شكد مر ع زواجهم فوك العشر سنين بس هم عبالك عرسان واحد يحترم الثاني وواحد يقدم للثاني ك ترتيب وعنايه وكلمه طيبه كلش احب علاقتهم

جنت ابقه بالمطبخ ونور وسعاد يمي اصخرهن بالشغلات البسيطه كمت ابدع الهم يوم اسويلهم فطاير يوم بيتزا يوم كباب عروك

وهم يتعجبون ع اكلاتي لان جنت اضبط العجينه بفضل والدتي المرحومه معلمتني ع عجن وخبز من سنين

مرت ع كعدتي يمهم اسبوع

جنت ابد ماادز لرامي بس اشوفه متصل وينزل منشورات كانو تقصدني مال اشتياق وندم واسف

جنت يوميه اخابر بيان اخذ الاحداثيات كلها
وجانو بخير وكالعاده نتراسل اني وياسمين هي مثل اختي وكلب واحد وفرات كذلك الله دزهم اليه نعمه

بيوم كعدت الصبح متاخره باوعت ب ٨ الا ربع وعندي امتحان مهم لكيت موبايلي الخط مخابر كومه اكيد عباله ماداوم

كمت ابجي شسوي عباس يطلع لشغله ب ٦ ونص

رحت لفرات كعدتها كالت بدلي وحاجي رامي بعتبار هو زوجج ويحاجي المديره وتدخلج اكيد
اني عباس ابد ميرضه اطلع ولله لو شميصير واخاف اكسر كلمته

جنت بحاله مستعجله مو مال افكر كبل اتصلت عليه

جاوبني وصدمني.

رامي.. يعني توسلتج وحت بجيت معبرتيني هسه جيتي بوقت مصلحتج

سيرين.. شكد استحقرت روحي من انذليتله لعد ومنشوراته شنو بس كلاوات بدلت ع سريع وجنت ادردم بيني وبين نفسي شخلاني انزل كرامتي اله مو خصمت الموضوع وحنفسخ اووووف.. كلت هسه اروح بتكسي للمدرسه عادي

شويه وكلي اني بالباب طلعي

سيرين.. كلت هي خربت خل اطلع طلعت مسلمت كعدت واخذت نفس ومتثاقله الوضع كله

وصلنه نزل ويايه المديره كامت تركصلها بجفيه متاخره وجايتني ب ٨ ونص ويا خطيبج امشي طلعي برا وجيبي ولي امرج جايه بكل عين وقحه

هذا يانوم ل ٨ ونص غبيه طلعي يلا

بقيت ابجي خفت وانقهرت

رامي.. ست اتجاوزتي حدودج نحترمج مديره ع عينه وراسنه بس مال تتهمين بمرتي كدامي وتهينيني كدامه لعد مو اني ولي امرها
وانتو تعرفون اهلها متوفين
المديره.. اقصد اخوانها شنو يثبتلي انت صدك خطيبها

رامي.. يابه خطيبها شلون اقنعج ست... ترا راح وقت الامتحان وهاي اعتذار مال تاخير

سيرين.. اباوع طلع ورقه وانطاهه الهه.. اباوع اله كبل تغييرت وظلت تبتسم وتتلوك انصدمت بهل بشر يبيع روحه ع الفلوس جان تكولي فوتي ماما لامتحانج

ست منتهى ووووينج ست

اجتي معاونته ست منتهى طبت باوعتلي شعدج هنا ماما صفج دخلو

المديره.. مريضه ست وهذا زوجها جابها كتبيلها ورقه دخول

انطتني وفتت نهايه درس الأول طبيت دقايق وبدا الامتحان بالدرس الثاني علمود الفرصه ويا امتحنت وكملت جاوبت زين

رجعت للبيت مااعرف ادز لرامي لو اغلس
جنت ضايجه من رزالته ومن تصرفه يرشي بالعالم

عفته ورحت نمت

جان يخابرني فتحت

رامي.. اول مره اشوفج بصدريه تخبلين طالعه ملكه

سيرين.. رامي شتريد مني تره اضطريت وطلبت منك
لتنسه بعدني بقراري وننفصل

رامي.. شلون بالحلوة الزعلانه... شوفي حياتي مااعوغج لو مو مترضين

سيرين.. ليش يمه

رامي.. اني من احب اكون سادي

سيرين.. عليك الله متكعد سي سيد

رامي.. مشتاقلج حياتي شوكت اشوفج

سيرين.. شو انته مدري شلونك اكوله ننفصل يكول نتشاوف

رامي.. اشششش

سيرين.. شكو... جان يعييط بعلو صوته ااااااااااحححححببببججججج.... اااخ اذاني انطرشت يمعود شبيك جتك الحاله

رامي.. ااه مو صوجج ولج امي من فوك تصيح حبتك حيه ابوك ديصلي وانتي معاجبج

سيرين.. هههههه خبال

رامي.. هاي عليمن

سيرين.. واحد

رامي.. انجبي لج منو هالواحد

سيرين.. ببالي

رامي.. اذا بالج يجي بي غيري الزمه واحركه... بالج الي وبس انتي ملكي وملكتي

سيرين.. حسيت نفسي نسيت كل الصار.. الانثى شكد رقيقة وكائن حساس بحيث تمشي ورا الاحاسيس... بده كلبي يدك ويا كلامه وجان كل كلمه يحجيها يبنيلي احلام وحياة ورديه يحسسني بنته مو بس حبيبته

رجعت لبعضنه بعد مكالمه طولت للفجر بهل المكالمه كلش تقربنه لبعض بحيث حجالي كلشي عنه واني كذلك حت حجالي عن علاقته باجوان شلون بلشت لان بررلي ليش انفعل لان تزوجت واني فضولي قاتل لحيتاله يحجي

...............

قبل سنتين

من راح بعرس اخو اجوان وجان يكرهها ويتناكرون ع كلاصات المي هو يودي للولد وهي تحضرله جان يكولها يله يالفاهيه استعجلي جانت تصيح وتكول مو فاهيه ف هو يتخبل من بنيه تعلي صوتها ضاربها كف وهي منهاره بس رغم هذا مغلطه وراحت بالحديقه الورا البيت

يكول اني اول شي عفتها وكلت طبها مرض شوي وتمل وترجع مااروح اراضيها فد منو عفته ورحت للولد بالشارع انكمشت من البرد لان جانت شته وتمطر نث... كامو كلما يحتاجون مي لو شي كمت كلما اجي ع مي تنطيني جنتهم لو بنات خالي البقيه هي ماكو

سالت عليها محديدري وينها

بس اني جنت اعرف بالحديقه بس متصورت بعدها

دزيت اختها الصغيره تدورها جووه مردت اروح اكبر راسها رغم جان مو شاك متاكد هي بالحديقه بس كبريائي ميسمحلي اروحلها

اجتي اختها الصغيره سمينه ومدحدحه كالت ماكو وتنهث فحطانه... انقهرت ع هالخبله واكول هو راشدي قابل طلقه وهلكد مقهوره ولله تتفيك

الحديقه جان اول شي نمشي ممر ضيق يلا نلكها صايره بضهر البيت بس من الكراج نروحلها

وصلت باوعت من بعيد لكيتها كاعده ع مرجوحه وتبجي

اجيت وكفت ع راسها

كومي لتتمرضين

مااكوم وخرررررررررر

صوتج وعله الطاحت بضلوعج

بضلوعك ان شالله

هاي عليييمن انهديت ردت اضربها جان تكوم تبجي لتضررربني يا مكروه يا حقير يا لوكي ياابو حلك

هااااي عليمن هالغلط كله... كبر اي ولله لسان دلاله مو صوجج صوجي جيت اصالحج دولي ولي

ولت روحك

تقدمت عليها بقوتي جريتها من ثوبها جان مدلع كلش اول معتيتها انفتك وطلع صدرها كوله اول شي صفنت ع بياض الجهنمي وكله شامات يمكن تلث شامات بعدين نزلت عيني ووخرت ايدي كتلها كافي طبي راح تتمرضين وطالعتلي بهذا المشلتح يا ساعه يطب واحد من ولد عمج تفضحينه تردين

معليك بيه وخر وشكيت فستاني انت شكد مااحبك

ضحكت ع كلمتها كتلها عساس اني احبك

اجوان.. لا عايزه اتحبني حت انتحر

رامي.. هسه كومي عاد كعدت بالمرجوحه بصفها

اجوان.. اله تعتذر

رامي.. استغفرالله.. عمي اسف... هي فرحت وحست بالانتصار بس اني لو مابارده واجت تتمرض ولا اعتذرلها هالطفله كامت دتروح جان تعثر بالكعب ووكعت بنص حضني ع رجلي اني بقيت صافن بعيونها اول مره اشوفهم من قريب وانفاسها قريبه مني احس دفيت رغم البرد وهي مصطكه بمكانها محسيت بنفسي قربت شفتي وبست شفتها لاول مره ابوس بنيه محسيت ع نفسي لحد مدفعتني

حقيرررررر

راحت تركض

صفنت شسويت اني كمت اضحك عليها طلعت بوخه بس السان جبانه... خلصت الحنه

بتت يمهم اخوها عمران مقرب مني كلش ولح ابقه بحتاجني بشغلات الصعبه تمددت داانام وتذكرت الموقف
ابتسمت وتذكرت طعم شفايفها جانو مثل العسل والدفو عبالك اول مرلجامه

لعب نفسي من العرس وعود هو يسوك بسياره العريس وباله بس ويايه زين شهل ميانه والتدخل ماااعرف

خلص العرس والهوسه مالته بالليل هستوني غفيت

دك موبايلي

حقيرررررة ليش تعانديني!!!!!!... يتبع

بس كم شخص متفاعلين سوولي. واهس تفاعلو مع القصه مع اجواءها صوتو 😒
عبالك اكتب بس لروحي😓😒