تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
مريم.....
مرت الايام والاسابيع صرت اروح وياهم واكعد وي انمار امشي وكت حتى ماتجبرني البيكه
حياتي صارت عباره عن نوادي سهر ونوم ماكو اي شي
ابو غضب ولامر هاي الفتره كلها تعده الشهر
ولااكدر اتصل بي حذرني مااتصل بي
لشوكت راح ابقه وشلون
مرت6اشهر اي خبر عن ابو غضب مااعرف لمى تتصل يطلع مغلق
لحد ما عرفنه نسجنو
سمعت البيكه وهي تحجي بالموبايل
بيكه... ايييي وشلون هسه
احنه باقين هي الحكومه تعرف هذا المكان تابع للحجي
خوش لعد يعني ثابته عليهم التهم
ماشي
ماشي... لا لتشيل هم
وسدته
مريم... خير بيكه صاير شي
الحجي والولد بالسجن
مريم... شنو شتحجين شوكت
بيكه... من شهر بس هسه يله درينه لج عيني اتصل وماكو ميجاوبون
مريم... وشلون شحيسوون
بيكه... تهم ثابته عليهم ماعتقد يطلعون منها
يعني كلهم.... كلهم
جاوبت وهي تباوعلي بنظره حسستني انو اعرفج منو تقصدين بكلهم
ايييي واولهم ابو غضب
خابت كل امالي من جديد وكأنه الدنيا متخليني ارتاح بحياتي ابد
بهذه الفتره صارت صداقتي باأنمار قويه لكن ماتعديت حدود بعلاقتي
استسلمت للعيشه وللحياة الي هنا ورضيت بعد شسوي
بيوم جنه كاعدين اني ولمى
سألتها
مريم... اكلج منو يشبه من اولاده لضرغام لمن رحتي
لمى.. ابنه الجبير
مريم... اتمنى اشوفه من ريحته اكيد راح تردلي روحي
لمى.. ولله ليش منو جتال ابوهم
مريم... دنكت بألم وسكتت
جريت نفس بحسره وسكتت
يومين مرت واني حايره بزماني شسوي مابقه كدامي غير انمار ارتب ويا وضع واخلي يتزوجني واعيش بعد ماكو حل كدامي
حتى لو احبه لضرغام بس بالنهايه لازم استقر
يومين مرت جنت توني كاعده من النوم متريكه ودااشرب الجاي الكوب بيدي وعلى سريري كاعده
اجت لمى
عندي خبر الج بمثاقيل الدنيا كلها
مريم... وشنو هذا الخبر
لمى... شكد تنطيني عليه
مريم... ابو غضب طلع من السجن
لمى... لا اقوى
مريم... ميهمني بعد احد
لمى... متأكده
مريم... متأكده
لمى ... دهاج شوفي
باوعت فيديو بالموبايل جان التصوير شويه مو واضح الموبايل قديم مو لمس بس بي كاميرا
باوعت شفته هو طالع من بيت ويا ابنه صعده بالسياره يمه وهو صعد شغل السياره وراح
وكع الكوب مني بالكاع ولزمتني رجفه قويه لدرجه كمت مااكدر اسألها ولااحجي شي
ه ه ه ه ه
ه ا ا ا ا
ا ا ا
لمى... شبيج مريم على كيفج أهدأي
... ه ه هذا مو مو هو مستحيل مااصدك
لمى.. هو والتصوير هذا من يم بيته وهذا ابنه
مريم... ضرغام عايش
مااصدك.... انتي جذابه
... لا مو جذابه
... ضرغام مات هذا منوووووووو
لمى... ضرغااااام
لان مامات
.... اروحله.... لمى وديني عليه اريد اروحله
لمى... وين ترحين
مريم... اروحله اريد اشوفه
لمى... انتي كل عقلج ترحين انتي تدرين لو شافج شيسويلج
مريم... خل يقتلني اني قابله بس اشوفه
لمى... وشتكليله
مريم... ليش سوه بيه هيج ليش يعلقني بي ويروح
ليش كذب عليه
ليش ماكلي هو متزوج وعنده اولاد
لمى... وترحين تلومي فوك ماقتلتي
مريم انتي من دنيا وهو من دنيا ثانيه
انتي مجرمه قتلتي حمزه وقتلتي اله هسه اذا شافج مستحيل يتركج راح ينتقم منج
مريم... قابله خل امووووت
بس بعد مااواجهه بعد مااطلع حرگة گلبي بي
حتى مااجه
لمى مادور عليه
شوفي
شوفي مو هامته اني
عافني ورجع لبيته وزوجته واولاده
زين واني
خلاني ااعيش بتأنيب الضمير
واتعذب
مابين نار حبه
مابين انصدم بحقيقته
مابين اعيش بتهمة هو مات
واني الي قتلته
لمى... عوفي وانسي خلص
انتي اذا رحتيله هسه مستحيل تلكي ضرغام الاول
قبل جان يحبج لان جنتي وسيله حتى يتستر بيج
حتى محد يشك بي
بس هسه كلشي نكشف
والاقنعه نشالت ونكشف المستور
هسه طلع وجه الثاني
وراح يتعامل وياج نقيب ومجرمه
مريم... اختنكت وكفت الدمعه بعيوني
ضرغام حنين عليه مستحيل يأذيني
گلبه مينطي
لمى... غلطانه... ضرغام بحياته ماحبج
وبحياته مارادج
استخدمج وسيله حتى يبين كدام الحجي واحد منه وبي
أسألج سؤال
هم جان يسألج شغلات عن الحجي
صفنت لكلامها
وجاوبتها بهدوء مصاحبته خذلان
اي جان داىما يسألني
لمى... شفتي جنتي من ضمن مهمته
صار قريب منج حتى يسحب معلومات منج
لو يحبج ولو حنين عليج مثل مدكولين
جان رجعج لااهلج
هو شغلته مخابرات واصل بالدوله متعصي عليه هيج امور
لو يحبج جان من رحتي للمزرعه مارجعج
لو يحبج جان قتل حسام الي اخذ شرفج
ليش قتل القبرص وعاف حسام
مريم... كلي راح اخليج بيدج تقتلي
لمى... كذاب... مو من ضمن مهمته حسام
ولاانتي تهمي
أسألج سؤال
لو مرته ام ولده الي معتدي عليها حسام جان ضرغام عافه
.... صفنت لكلامها وبجيت
لمى الله يخليج كاااافي
كاااافييييي تعبت لاتوجعيلي گلبي اكثر
لمى... دااسألج جاوبيييي
لو مرته الي اخذو شرفها يسكتتتتت
كعدت على ركبي وبجيت واسد بأذني مااريد اسمع
سكتيييي كافييييي
اصحي لنفسج ولاتبقين عايشه على وهم الضرغام
الضرغام خلص مهمته والي راده سواه
والله اعلم شكد استلم على هذه مهمته لو ترقه ل أي رتبه
وانتي هسه حشره متسوين عنده ولو شافج يشرب من دمج
... ( لزمت گلادتي) وهذه وهذه شنو لعد
لمى... عباله يكمل التمثيل بس خرب كلشي
صرت ابجي بحركه
احس روحي فقدت كلشي
ابو غضب بالسجن والضرغام كذب عليه وخدعني
صرخت شلوووون
لمى... سمعي ننهزم منا
مريم... شلون وين نروح
لمى... بقه مفتاح واحد بيدينه
مريم... شنو هو
لمى... انمار
انمار مو ميت عليج ويريد بس ينول رضاج
سمعي اليوم بالليل من نروح
تكليله اني موافقه اكعد بيتك فتره بس انت اريدك تشوفلي شغل غير هذا المكان وكليله ويايه صديقتي
سمعتنه دعاء... شنو شنو عيني شجاي تتفقون
لمى... اشششش لاتسمعج البيكه
دعاء.. احجي شكو
لمى الحجي بالسجن الحكومه جاي تقبض عليهم واحد واحد
وراح يجينه السره
لازم ننهزم
دعاء... اي اني جنت ناويه اكلكم
بس شلون وين نروح منين نصرف على نفسنه
لمى... نروح لبيت انمار حخلي مريم تكلم انمار
دعاء... اييييي خوش انمار صدك واني حايره
مريم... دقيقه... دقيقه انتو شتحجوووون
انتو تقررون بكيفكم واني عليه انفذ
تردون تخلوني طعم لاأنمار وانتو تشوفون حياتكم
لمى... ليش انتي محتشوفين حياتججج
هاااا
ابقي هنا
ابقي هنا لحد مايجيج ضرغام ساعتها حيطلع بروحج
دعاء... بتعجب... ليش ضرغاااام عاااايششششش
لمى... ايييييي والست متفهمممم
كلهم كرفهم بالسجن
والست عايشتلي بالحب وتنتظر يجيها
خاف حسبالج انتي الاميره الي عايشه بالقصر يم الوحش وحيجيها الامير راكب حصانه الابيض ينقذها
اصحيييييي عمرييييييي
تره جنتي اله نزوه
وسجل يسحب منه كل تحركات وماضي الحجييي
هسه بححححح
كلشي انتهىــــــــــــــى
ونكشف المستور
شتترجين منه بعددددد
خليت ايدي ثنينها على وجهي وصرت ابجيييي بحركه
اصرخ ضرغاااام لاااااا
اجت دعاء تريد تسكتني
شششش سكتي لاتحس عليج البيكه سكتيييي
عوفيني
صرت ادفع بيها عوفينييييييي
دعاء... افهمي شغله مريم
الي مثلي ومثلج لاتحلم ولاتروح بعيد بأحلامهاااا
لان الي يجيها يجيها وقت ويروح مايدورها عمرررر
بالنهايه ياخذون الي يردوها اهلهم والي تماشي مصالحهم
لمى... شفتي شلون شايل ابنه ومصعده بالسياره
ولج الي يحب طفله يحب امه معناها
تردين تقنعيني ميحب ام جهاله
ولج كل عقلج مره قايمه بي وبيته وتخلفله
ميحبها
ويحبح انتيييي
عقلللللج ويييييين
سمعي مريييييم
انتي لازم تنتقمين منه
على كل اذيه اذاج بيها
خلاج تحبي
وتتعلقين بي بالنهايه ينفذ مهمته براسج
مريم... كليلي شسوي
لمى... انمار عندج لازم تستغلي
صفنت لكلامها والدمعه بعيوني هزيت براسي بمعنى اي
همست بحقد
اليوم اروحله والليله ابات بيته
لمى... عفيه
لليل تحضرت ولبست وطلعت وياهم
واول ماشفت انمار
ابتسمت اله وكعدت يمه
شلونك
انمار... اني زين انتي شلونج
مريم... زينه... متعزمني على شي
انمار... صاح للكابتن كله عصير برتقال
مباشرة جاوبت لااا خليها مشروب
انمار... شنو مشروب انتي مو مـ
مريم... من اليوم اي
انمار... صاير وياج شي
مريم... لا. بس على شنو احرم نفسي
انمار.... عفيه بيج
نزل مشروب وشربت كاس
وتكلمت
اني موافقه اروح وياك للبيت
بس مو وحدي
انمار... لعد منو وياج
مريم... صديقاتي ثنين
احنه قررنه نترك الشغل من هذا المكان واريدك تشوفلي شغل بغير مكان اني وصديقاتي
واليوم نريد نجي يمك
... اي ليش لا تعالن
تدبرلنه شغل
... شغلتجن ماكو اسهل منها
... اي زين لعد
نطيت اشاره لمى واني وانمار طلعنه بره
ماشفت الا لمى ودعاء اجو يم سيارته
انمار... خيرجن عبالك مسويات مصيبه
لمى... لا مصيبتيش بس ابو الشغل فكر مينطي فلوس ياكل حقنه
احنه نتعب ونشتغل وتالي هو ياكل حقنه
انمار... زين تسون لعد
مريم... بديت احس بدوخه خفيفه
بس تماسكت نفسي وصلنه لبيته
اول مادخلنه كال
اني عزابي اخذن راحتجن
فتنه جانت اكو غرفتين سألته لمى
ياهي غرفتك
هذه
اني ومريم بهاي الغرفه وانتن بهاي الغرفه
مريم... اني وياك شكو عينيييي
انمار... لعد شنو
مريم.... بنتره... شوووووف اني كتلك اجي وياك حتى تدبرلي شغل مو الي بالك
انمار... وشكو بيها
مريم... لاعيني شوفلك غيري
انمار... اريدج انتي
مريم... شوفلي شغل وعود نتفاهم
انمار... هم بيها صبر
ماشي اشوفلج عيني
رحنه بغرفه نمنه بليلتها
قبل لا نام
تكلمت دعاء.... شنو حيصير من يشوفونه تلاثتنه ماكو
لمى... شيصير خل يصير المهم احنه
مريم.. شراح نسوي
لمى... نرجع لنفس شغلنه بس لغير اوادم
دعاء.. وانمار
لمى.... هذا عوفيييي مرتبتله خوش ترتيب
سولفنه لحد مانعسو ونامو
هدوء صار وليل باوع الغرفه ضلمه تذكرت الضرغام
اساسا اني ماانساه علمود اتذكره لكن اتذكره بشكل اقرب وكأنه كان يمي
عاتبته بيني وبين نفسي
ليش تألمني
ليش تسوي بيه هيج
كله جذب....... ليش اني مأذيتك ولاسويتلك شي
صرت ابجي بحركه لكن جوه بطانيتي
هواي عاتبته بيني وبين نفسي
قررت اعتمد على نفسي ومالي علاقه بأحد
نمت وللصبح كعدنه جان انمار طالع
لليل اجه
هلو بنات
لمى هلا... شسويت
... شنو بيوم وليله الكه الجن شغل
ماعندي هيج فراغ
لمى...نشوف تاليتها وياك ياانمار
انمار... لو الله يهديها للحلوه مالتجن جان هسه انتن بلا شغل دوخة راس
مريم... انت مو كتلي بالبدايه ابقه وياك حتى لو بدون مقابل هسه بقيت بس دبرلي شغل
انمار... اي حتى تطفرين انتي والشله مالتج واني كلشي مااحصل
دعاء ... لتخاف لتخاف باقين يمك احنه
لبيكه متعوفنه والشرطه متعوف مريم
لمى.. قصدج ضرغااااااام ههههههه
مريم... انتي شلون عرفتي بي عايش
لمى... مصادري حبيبتييييييي
انمار.... شنو الموضوع
مريم... ماعليك لاتهتم
انمار... شون مااهتم منو هذا ضرغام
دعاء... جانت ماشيه نقيب الاخت
انمار... هه وذبت ثكل يمي لو هذاك نقيب يعجبج
مريم... كمت بنتره تكلمت
كافيييييييي
كل شويه اسمع كلمه كافييييييي
باوعت عليه واشرت بالسبابه
وانت
انت
بيه ماعليك افتهمتتتت
انمار... كليلنه من الاول نقيب
مريم... وانت شعليك اذا حتحملني منية كاعده بيتك هاي اني طالعه
مشيت حتى اطلع استوقفني
هيييي وين رايحه كعدي
بنتره مالك علاقه انت
كعدي داكلج خلص اني مجنت اعرف
لاتتصورين اني واحد همجي وحرگتج هاي دليل على انه انتي تحبي اعتذر
مريم... هدأت شويه وتكلمت بخيبه
حبيته بس هسه خلص
كلشي انتهى
انمار.... الفتره الاولى من النسيان تصير صعب اني اقدر هالشي
لمى... لازم عاشك وولهان سابقا
انمار... ماكو شخص مامر عليه انسان ترك اثر بداخله
لمى... مو شرط هياتني اني ولاحبيت احد
دعاء... وابو غضب مو موتي نفسج عليه
لمى... اي حبيته بس متخبلت مثل هااااي
انمار... واضح تحبه هواي
مريم... هسه ماعلينه تدبرلنه شغل لو نطلع
انمار... ادبرللجن شغل بس كون ناس ثقه
خوش
.... اخذتنه السوالف بليلتها كعدنه كلنه ملتمين وكل شخص صار يحجي الي بداخله
اوقاااات شكد ماننسى او نتناسى تجينه لحضات نكون ضعاف بيها نحتاج من نفتحله قلبنا ونحجي
نتكلم واجنا متطمنين انو هالانسان مراح يحجي عنك لو مهما صار
سديم....
ادم.... بصراحه اني ارتاحيتلج وبديت افكر بغير شي
سديم... من سمعته هيج تخبلت بس مااكدر احجي ومو من حقي احجي
بقه يحجي وياها وراها ثاح عليه وين صرتي
جبتله الجاي واجيت يمه جانت خلصانه المكالمه الي بينهم
تكلم بشكل طبيعي ولاكأنه جان يخابر ويحرك بدمي
ادم... ملابسج هاي مو مال وحده حامل يراد تشترين ملابس اكبر يعني علمود بطنج
سديم.... سكتت مارديتله
ادم... شوكت تكدرين تطلعين حتى اخذج ونروح
سديم... مااكدر عندي امتحانات
بعدين اشو انت تريد تبهذلني من هسه بعدها بطني صغيره
ادم... فدوه لحبيب بابا نازك ابني شفتي ولا حتى زاعجج ومخلي بطنج تكبر
سديم.. باوعتله هم مارديت
وراها هو كام وراح لغرفته واني بقيت الوب شلون ويا شسوي
خابرت سميره...
سديم... شلونج سمسم
سميره.. هلو حبيبتي سديم انتي شلونج
سديم... زينه اني سميره فدوه شسوي وي ادم
شبي ادم
سديم... تعبها لنفسيتي اتفقنه ننفصل بعد مااولد الطفل بس مو معناها يكوم يخوني عينك عينك مدااتحمل
سميره... هو طبعه هذا تركي الله يهدي
سديم... متفهميني هذا ليش هيج مهوووس بالنسوان اهله وين عنه امه مربته ماعلمته
سميره.. ادم يتيم بالصغر امه متوفيه سديم وهو جت الصغير ومدلل ابوه
سديم.... اخوته هم مثله
سميره... لا بالعكس اخوته جدا محترمين بس هو حاله نادره
شوفي سديم
ادم جان احسن واحد بخوته مطيع وحباب وفقير وهادىء بس مرات تصير امور بحياتنه تخلينه نتحول من شخص الى اخر
سديم... مفهمتج وضحي اكثر
سميره... سديم حاولي تصبرين ويا واذا مكدرتي عذرج وياج اني حروح هسه لان عندي زبائن بالصالون
سديته منها للخط وحرت شسوي ويا
بقيت بغرفتي كاعده وقررت انفصل منه من اول يوم اولده للطفل وحتى قبل لااشوفه حتى مايرف قلبي واتراجع
سمعت صوت الباب الخارجي عرفته طلع
هالمره لليل تأخر مااجه
الوقت تأخر كلش قرابة الثالثه الفجر يله اجه
نمت وكعدت على صوت حركته بره
كمت من فراشي دااشوفه واسأله وين صار
باوعته مشيته مو منتظمه
سديم... هاي وين جنت ليش تأخرت
ادم... ضحك من شافني برهاوة ايده مسك خدي
هلو حبيبتبييييي هاي شنو انتي هنا وضحك اكثر
سديم... وفوكاها شارب ادم شاررربببب
ادم... ( يضحك) اششش عيب
سديم... والله ولااكعد دقيقه وياك بعد
ادم... دنيا ليل هسه هسه تركض وراج الكلاب وضحك اكثر
سديم....بنتره... يصير خير ادم يصير خيييييير
ادم.... تعاليييييي مشتاقلج والله
سديم... ابتعد عني انت ماتعرف الله لاتحلف بي
ادم... تعالي واتكأ بيه
سديم.. لك حامل انت ثكيل ابتعد عني
وخرت عنه وفتت وجوه بالغرفه
لميت اغراضي وملابسي وماصدكت يطلع الصبح واروح لبيت خالي
للصبح هو جان نايم بالصاله طلعت بهدوء بدون مايحس عليه
واخذت سياره وصلتني بيت خالي
طبيتلهم ابجي جانت مرت خالي على كرسي المعوقين
حضنتها وصرت ابجي
تكلمت رغم كلامها نوعا ما مابنفهم
شبيج
... اني بعد ماارجعله مليت منه ومن علاقاته ومن اطباعه مليييييت
هزت براسها بمعنى اي
توته... هلو سديم شبيج تبجين
... اكو غير ادم
توته... والله لو منج ولاارجعله ومعليج بكلام امي
سديم... لا ابد ماارجعله بعد خلللص
بقيت بيت خالي للعصر اتصل بيه
... وينج
... تطلكني افتهمت مالي عيشه وياك بعد
ادم... احنه شتفقنه سديم شبيج انتي كل يوم مسويتلنه حفله
سديم... تاليتها ترجعلي نص الليل سكران ادم هذا اتفاقنه
ادم... مو اتفقنه اني حر وبراحتي
سديم.. يااخي احترم وجودي مره وياك وبعدني على ذمتك
ادم... اني اسف
سديم.. اسفك هذا بمحله مااريدك ولاارجعلك بعد
ادم... براحتج ويطبج مرض وطلاك مااطلك واذا وصلتي محكمه رجلج اكسرها
وسده للخط وراح
خليته على الحظر مباشرة وعاهدت نفسي مستحيل ارجعله
مر كم يوم ولحسن الحظ طلعت فلوسنه واستلمنا مبلغ جيد
اول فقره فكرت بيها ارجعله فلوسه
ولايبقه مستقلني
اخذت ال 15 مليون ورحت لاادم لشركته
اول ماشافني اتفاجأ
ادم.. سديم
سديم... ليش تفاجأت..... اجيت اصفي حساب
ادم... ياحساب
سديم... الي بينه منتهي منتهي
فخلينه ننهي من هسه افضل
ادم... انتي حامل بطفلي
سديم... والطفل الك اولده تاخذه
ادم... محكمه متطلك وانتي حامل لاشرع ولاقانون يحكم بالطلاق وانتي حامل
سديم.... تنهيني من حياتك والي بينا اعتبره منتهي
ادم... كتلج منتهي بس تولدي للطفل
سديم.... راح ابقه بيت خالي منا لحد مايجي الطفل
ادم... ولد خالج شباب وياج بالبيت وبطنج تكبر مستحيل
سديم... ولد خالي ربيت وياهم اخواني هذولي
ادم... مااقبل مستحيل
سديم... بيه ميخصك شي تكبر بطني اطلع وياهم اروح ارجع مالك علاقه انت مثل ماانت ماخذ راحتك
وتروح وتجي وتنطي لنفسك اعذار اني هم حقي
ادم... انتي تقارنين نفسج بيه
سديم... حق مثل ماتنطي لنفسك حق اني هم حقي
اولد للطفل تاخذه وانت ربي
طلعت الفلوس
هاي ال 15 مليون الي ذليتني بيها
ادم... شيليهن
سديم... حقك هذا اني بيوم احتاجيت وانت نطيتني واليوم جايه اردها
ادم... شوفي اكلج شغله سديم
اذا عبالج ذالج علمود ال 15 مليون ف أنتي غلطانه
جانت حجه
سديم... ليش حجه وعلى شنو
ادم... سكت لدقائق ويباوعلي احسه يريد يتكلم بس متردد
بعدها تكلم
اني مااريد انفصل منج ورايدج العمر كله
سديم... لاتضحكني ومااريد اضحك
لسانك المعسول هذا خلي بتوالي الليل للي تعرفهم
ادم... ماشي
سديم.. اخذ فلوسك
ادم... رجعيهن ماريدهن كتلج مو شغلة فلوس
سديم لعد شنووو
طلكني لعددد
ادم... هز براسه بتعب كال اطلكج
اذا هذي رغبتج اطلكج
فلوسج اخذيهن سديم
سديم... مااريدها
ادم... ثقي اذا عفتيهن احركهن
اخذت الفلوس وطلعت رجعت لبيت خالي
رتبنه حالنه اكثر بالفلوس الي اجت
فكرنه نشتري بيت
ومحسن صار يدورلنه على بيت جديد
وخالتي كالت نخطبله لحسن ولازم نشوفله مره
ومرت اياااام واسابيع
اجه علي خطيب توته وفاتح خاله خلود بزواجهم
... خاله احنه نوينا نتزوج كملنه كلشي بعد ليش الانتضار
وليدي حسن دايشوفلنه بيت ان شاء الله واليوم يرحون البنات يشوفو اذا رهم او مارهم تتزوجون بس انطينه مهلة شهرين او اقل
علي.. هاهيه خاله
... توته بنتي شتكلين
.... يمه انتي منو عندج
علي.. تجي يمنه امي كالت
توته... زحمه على خالتي
علي... لازحمه ولاابد هي اختها وانتي بنتها
سديم... اني يمها شنو حايرين بيها اني وادم خلص راح ننفصل
واني يم خالتي
توته... ولو مااتمنالج هيج حياة بس الي مثل ادم ميستاهل وحده مثلج
سديم... خلص كلشي انتهى
بدو بتحضيرات العرس
حسن شافلنه البيت
جانت توته خايفه على امها وقلقه
توته... اذا علمود امي حتنفصلين اني مااقبلها سديم
سديم... لا ادم ميحترم الانسانه الي عايشه بيته وحامل بطفله ليش ابقه ويا
توته... عجيب هل ادم يعني شنو الي يريده بعد
عنده وحده كمر مثلج ليش يخووووون
سديم.... الله يهدي
جانت حسره بداخلي طول الوكت ترافقني
انقهر مرات واكول ليش ياربي
ليش لاحضيت باأهل
ولا بزوج صالح
رغم التعويض الي اجاني بسبب اهلي كان من المفترض ان يغير حياتي
لكن حيكدر يغير شعوري
السعاده او الحزن
مصيري حيغيره
ادم حيعدله
فوضت امري لله وتركت الايام تحلها لان اني تعبت
رحنه شفنه البيت وعجبنه واشتريناه وبعدها انتقلنه للبيت الجديد واثثناه جديد خالتي كلش فرحت
من بعد سنين عجاف اخيرا تكعد بيت حلو
استقرينه بالبيت نوعا ما وبدينه نحضر لعرس تبارك باأخر اسبوعين
مرت هالاسبوعين بتحضيرات كامله وعرس توته
بعدها...
الحنه جانت مميزه جدا
كل الاقرباء ملتمين وتوته بفستان الحنه الوردي
وشعرها الي تزينه تسريحة العرايس الي اشتغلته سميره اني ولارحت للصالون بقيت بالبيت نفسي ماله من كلشي
كانت فرحانه كلش خصوصا وان زوجها كان يحبها
وكان رجل زينة الشباب عقل وشخصيه ودين
دعيت ربي يسعدها ويهنيها
تم يوم الحنه بأكمل وجه
وبليلتها نمنه كلنه سويه ضحك وسوالف بنات متخلص
والي يسألني عن علاقتي ب أدم مااحجي الي امر بي
داىما ابين اني سعيده
وادم يحبني ومدللني
رغم كمية الحزن الي بداخلي بس احاول ماابين شي
ثاني يوم زفافها وكانت مثل اميرات الاحلام
تتألق بفستانها الابيض
مثل فراشه تدور حول حقل زهور
لكن لما اجاها زوجها حتى ياخذها بجت لما رادت تروح
وسلمت على خالتي وقبلتها من ايديها وراحت
خالتي دعتلها تنسعد بحياتها ويكون زوجها من الصالحين
زفينه تبارك لزوجها وراحت وبقيت اني وخالتي ولدها
كعدنه اني وياها نسولف سوالفها حلوه رغم تتعب بالكلام
شويه وسمعنه صياح بره طلعنه لكينه حسن ومحسن يتعاركون
خالتي خفت عليها لا تتأذه مو زين عليها القهر واي مشكله تروح بيها
سكتووووو كافييييييي
ميردون واحد لازم الثاني ويتضاربون
حاولت افكهم
وكفت بينهم اهدأهم لكن جانو بحالة غضب وبنتره دفعوني وكعت على ظهري بقوه.....
لاأعلم مالذي ينتظرنا
مالذي يكمن وراء كل مايحدث
لااعلم لماذا
لاأعلم بشيء
ماأعرفه فقط هو أننا نتألم....
كنت معكم انا رغد الموالي في امان الله ♥
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!