تحميل رواية «توبة» PDF

بارت1

قومي ياتوبة النهاردة ابن. عمك. جاي يتقدملك

صحيت من النوم: يوووه ياماما مايخطب واحدة من ال3 بلاوي الي خلفتيهم غيري اقولك شوفي مين صاحيه وخليها تتجوزه

دخلت تمارا اختي الصغيره قالت: ياريت بس هما بيقولو انتي احلى واحده فينا والكبيرة

ضخكت ماما وقالت: معلش ياتوبة دة شرط عمك عشان يدي ابوكي ميراثه بالارض والشركة بعد. ماحرمه وحرمنا سنين من حقه لان ابوكي الطيب كان. عامله توكيل باع لنفسه الي معندوش ضمير

دخلت تالا وتالية التوأم الوسطاني وقالت تالا.: هو يعني لازم توبة تتجوز ابنهم انا في حقوق وتالية بكلية الشرطة وتوبة بتشتغل بالنيابة يعني نقدر ندوخه بالمحاكم

بابا دخل بالكلام: انا عمري مااقف قدام أخويا بمحاكم مهما عمل انا اشتغلت وربنا كرمني بيكم بدون مساعدة من حد وسيبته ووكلت امري لربنا لحد. مابقيت صاحب اكبر محل قطع غيار سيارات

وهو لما تعب وحس باقتراب اجله بعتلي وطلب انه يرجعلي حقي واسامحه بس يجوز ابنه من توبة عشان يضمن زوجة محترمة لابنه رجل الاعمال البايظ

بس ياتوبة لو ىافضة مش هاجبرك وطز بالورث

قومت وبوست ايده: ياحاج طاهر انا كفاءة بعيلتك كلها بس اخواتي وجهازهم وتعليمهم وتمارا الي مصممة تكمل تعليمها برة والغلا الي هلا الطبقات تنزل لتحت وفوق دة كله حقك وحقنا وطالما انت رافض المحاكم يبقى هاريحك زي ماطول عمرك مريحنا دة اقل واجب اعمله تجاهك

امي حضنتنا كلنا وقالت: ربنا يخليكم ليا واشوفكم عرايس ويكملك بعقلك يارب ياتوبة

تالا: ياللا نفطر غشان. نلحق نجهز نفسنا

فطرنا ودخلت البس تالية قالتلي: ايه ياتوبة الكلام هاتضحي بنفسك ياحبيبتي

: عيب عليكي دة انا هاوافق مخصوص عشان اكفر سيئاتهم العيلة الي طول عمرهم بيتمتعو بفلوسنا وبيتعالو علينا لازم اخلص منهم وهاتشوفي دة عنده 4 شباب ولا واحد. منهم فالح الحمد لله اننا عمرنا ماشفناهم الا لما كانوا اطفال قبل مايسرق ابونا ويشتري عمارة عالبحر

تالية: انا عارفة برضه انك. مش موافقة الا لهدف بدماغك تعالي ازوقك ياقمر انت

لبست وكنت بابسط وصف مبهرة

كنت لابسة دريس اسود في دهبي ضيق يناسب طولي و قوامي الممشوق وبشعري البني الفاتح المفرود على ضهري وعنيا العسلي الفاتح لون عسل النحل وميكب رقيق

اول مااخواتي شافوني تمارا قالت: خسارة في امه بلونداية ملبن 😂

تالا وتالية: قمر الله اكبر

ضحكنا كلنا ماما دخلت قالت ياللا يابنات عشان تسلمو على عمكم ومراته واولاده حضنتني وبصتلي وقالت: بسم الله ماشاء الله ربنا يحفظك من عنيهم

خرجنا ورا بعض واحدة واحدة تسلم وتقعد لحد. ماجه دوري

بابا قال: بنتي توبة الكبيرة

تقدمت بشموخ واول ماخرجت.................

🤔🤔🤔🤔🤔

يتبع

توبة

بارت2

اول ماخرجت وشافوني

لقيتهم بيبصو ليا زي الكائن الفضائي واخواتي كاتمين الضحك على منظرهم وهما متنحين

بابا قدمني لعمي يشبهه كتير بس سنا اكبر وحالته الصحية واضح انه تعبان جدا

: عمك عثمان ودي بنتي الكبيرة توبة

ابتسم بود وحب و باس على راسي وقال: ماشاء الله نسخة من وردة امك وهي صغيرة

ابتسمت وقولتله: اهلا ياعمي نورتنا

وقدمتي لمرات عمي كانت الغيرة فضحاها ومالية عنيها من نظراتها ليا ولأمي ولاخواتي

بابا قالي: اميمة مرات عمك

مدت ايدها بكبرياء وقالت: اهلا

سلمت عليها ببرود وقولت: اهلا بيكي

بصتلي بتحدي بصتلها باحتقار واتجاهلتها

بابا قال وهو بيقدمني لشاب من الاربعة الموجودين: دة امير ابن. عمك الصغير بثانوية عامة زي تمارا

مد ايده وابتسم قولتله: ازيك ياامير اسفة مش باسلم على رجاله

ضحك وقال: كان لازم. اتعلم من غلطتي مع اخواتك بس انا اغبى اخواتي

ضحكنا كلنا واستطرد. قائلا: لا بس بصراحة ياعمي ويامرات عمي تسلمو على جودة الانتاج

ابوه قاله: اتلم ياولد

الكل ضحك على خفة دمه

بابا قدمني لتاني شاب وقالي: سامر تالتة كلية صيدلة

اتبادلنا التحية بابتسامة

ودة ياستي عدي محاسب بشركة عمك

اتبادلنا التحية بابتسامة بس قالي: دي لحظة محتاجة تتوثق بصراحة

بابا قاله: نصيبكم تتعرفو على كبر بقى

عمي قال: كان شيطان ياطاهر وراح لحاله

بابا قالي وهو بيقدمني لاخر ابن. عم وطبعا مش محتاجة ذكاء انه دة العريس

ودة بقى فارس ابن. عمك الكبير والعريس الي متقدملك عنده مطعم مشويات

اتبادلنا التحية كان شكله وسيم مش هانكر بس متكبر وباين جدا من نظراته وطريقة جلوسه

ابتسم بتكلف وقالي: وانتي بقى خريجة ايه

ردت تالية: اختي خريجة كلية الشرطة بتشتغل بالنيابة برتبة ظابط

ابتسم وقال: بصراحة انبهرت برافو عليكي

ردت امه: ندخل في الجد بقى

امي ضايفتهم بعصير وجاتوه وقالت: اتفضلو ياجماعة واجب الضيافة اولا

الكل اكل وشرب وعمي قال: اظن ياطاهر انت عارف احنا جايين ليه

بابا: طبعا

عمي طلع شيك. من. جيبه وقال: ودة حقك الي عندي عشان نحسم الامور انا عاوز بنتك توبة لابني الكبير فارس واديهم شافو بعض والكل موافق نقرا الفاتحة

بابا قاله:

🤔🤔🤔🤔

بارت 3

بابا قال: نقرا الفاتحة

كلنا احنا ال8 اخواتي وولاد. عمي بنبص لبعض باستغراب

عمي وبابا قالو: الفاتحة ياولاد

قرينا الفاتحة واحنا بحالة ذهول

عمي خرج خاتم من. جيبه وقالي: دة خاتم الفاتحة من عريسك لحد. مانحدد ميعاد الشبكة

لبسها الخاتم يافارس وانتي ماتقوليش ماباسلمش

الكل ضحك من السرعة ومن شخصية عمي الغريبة

فارس اخد الخاتم ومسك ايديا ولبسهولي وقال بهدوء: مبروك

قولتله بهدوء: مبروك

ماما زغردت وقالت: ربنا يتمم بخير

بابا قال: وياترى ناوي على ايه يااخويا بالشبكة والجواز

عمي قال: هاتكلم قدام الكل مفيش حد غريب

انا هعمل الشبكة وكتب الكتاب والفرح مع بعض الشهر الجاي العروسه تنزل تختار وفارس ينفذ

والشقة بعمارتي الي عالبحر

وطبعا مهرها وقايمتها ومؤخرها الي تقوله ياطاهر مش هنختلف

كنا كلنا بنبص لبعض بذهول

مرات عمي كان واضح انها زعلانة ومش قادرة تمثل الفرحه زي ماتكون. مجبرة

عمي قال: طبعا مستغربين من السربعة دي

انا ايامي بالدنيا معدودة عاوز اتطمن على ابني الكبير مع زوجة صالحة انا ضامنها وعارف اخلاقها عاوز افرح بيه قبل مااموت هو الي هايراعي اخواته بعدي

بابا اتأثر وقاله: بعد الشر عنك

كلنا قلناله العمر الطويل ليك وربنا يخليك

بابا قاله: تعالى نقعد سوا في المكتب بتاعي

وراحوا المكتب

بمجردماقامو مرات عمي قالت: وانتي عاملة ايه ياوردة تربية البنات صعبة عليكي طبعا

ردت امي: والله يااميمة زي ماانتي شايفة من سعدها زمانها جابت بناتها قبل صبيانها البنت بتنزل برزقها وانا مرتاحه وعندي أربع وردات لاعمري شيلت هم اكل ولا غسيل حتى الدراسة من الاوائل اصل الاستقرار في البيت مهم وانتي عارفة طاهر ملتزم ومتعاون لاعينه زايغة ولا متعب زي غيره😉

مرات عمي سكتت واتغصبت وبان عليها ان ها بتغير من ماما

رد سامر: عشان. كدة الي يشوفك يامرات عني يقول اختهم

ردت تاليا: امال دة احنا بناخدها الجيم معانا

ضحك الجميع ومرات عمي اتخرست

بدأ اخواتي وولاد. عمي يتبادلو الأحاديث

مرات عمي بتبصلي بغل قولتلها: ابقي تعالي معانا الجيم يامرات عمي هايفيدك اوي

امي ضحكت وقالت: سيبيها يابنتي مش هاتقدر اصل خدمة الصبيان صعبة

ردت مرات عمي: وانتي بقى وافقتي ليه بسرعة كدة على ابن. عمك

رد فارس: ماما احنا كلنا وافقنا عشان بابا وحالته

قولتله: قبل مااوافق عشان عمي وافقت عشان بابا ماقدرش اكسرله كلمة

خرج بابا وعمي بيضحكو ومبسوطين

واتفقوا تروح نتغدا اخر الاسبوع بمطعم فارس

وودعناهم

ماما قالت: كانت عزومة وخطوبة عجيبة

كلنا قولنا: فعلا

بابا قالها: المهم اننا اتصالحنا وبص في الشيك وكمل كلامه 5 مليون رجعلي الفلوس بالفوايد

تاليا: ياحاج ياجامد

تمارا: انا عاوزة عربية

تالين: كل واحدة عربية

ماما قالتلهم: قومي منك ليها لموا الكوبيات والاطباق

بابا ضحك وقال: ياللا يابنات عالنوم وراكم. شغل وجامعة

وبصلي وقالي تعالي عاوزك

دخلنا المكتب قالي: حبيبتي اوعي تفتكري اني ضحيت بيكي انتي متعرفيش عمك دة كان. غالي عليا ازاي ولما جه صالحني كانت حالته صعبة وكان بيتحايل عليا اقبل بابنه وصارحني بيني وبينه ان الولا بايظ وعاوزك تساعديه يتغير بس يابنتي لو دة صعب يغور كل دة واقطع الشيك واعتذرلهم

: بابا انا وافقت انا عاوزة اسعدك وبعدين قولتلك حقك عليا اني اردلك. جزء من تعبك وتربيتك وتعليمك لينا

باس دماغي وقالي حبيبتي الغالية ياللا عالنوم

مين ينام بعد الي حصل

كنت بافكر ياترى انا اتصرفت صح

🤔🤔🤔🤔🤔

يتبع

بارت4

تاني يوم رجعت من الشغل واخواتي من المدرسة والكلية وبابا بييجي يتغدا معانا ويرجع شغله

كالعادة حضرنا الغدا مع ماما

بابا طلبنا كلنا في اجتماع عائلي🤔

ماما قالتله: خير ياحاج طاهر قلقتنا

بابا: خير ياحاجة متقلقيش شوفوا يابنات اظن احنا ربنا فتحها علينا من وقت مش بعيد وانتو كنتوا كبار وفاهمين وواعيين للي بيحصل صح

كلنا اومأنا برأسنا دلالة على الموافقة

بابا: تمام

شوفو بقى انا عودتكم عالصراحة والوضوح انا طول عمري باجيب مكسبي واحطه قدامكم واسألكم عن متطلباتكم وكنت بافرح لما الاقيكم خايفين تبالغوا بطلباتكم وكل واحدة بترفض تطلب و بتبدي اختها على نفسها لما ربنا وسع عليا دة كان بسببكم

بسبب صبركم معايا عشان كدة انا امبارح مسكت في ايديا شيك ب5 مليون حقي ونصيبي وخيرت توبة لو مش عاوزة العريس مستعد اقطع الشيك واستعوض ربنا ويغور اي حد يجبرها على حاجة

توبة : بابا انا وافقت وقولتلك انا راضيه ومستعدة اكون سند ليك الفلوس دي حقك وحقنا وانت قصدتني اكون همزة وصل بينك وبين عمي وانا وافقت ومحدش اجبرني انا عمري ماهانسى وانت نازل بعز التلج وانت بتشنغل رغم تعبك عشان تدخلنا أحسن. مدارس وكليات تفتكر قليل عليك اتجوز ابن. عمي وحقك يرجعلك وعلاقتك باخوك الي كانت مأثرة عليك ترجع وتبقى احسن من زمان

ماما قالت: ربنا يكملك بعقلك

تالا: احنا بضهرها ياحاج متقلقش يوم مايفكر يضايقها هاجرجره بالمحاكم😁

بابا: ربنآ يعين المحاكم عليكي

ضحكنا كلنا بابا وكمل كلامه: دلوقتي بقى انا عملت ايداع بال5 مليون بحسابي تحبو نعمل ايه بيهم احب اسمع اقتراحاتكم بالترتيب اتفضلي ياام البنات

ماما: يتشالو لجهاز البنات كل بنت زي التانيه والباقي احج بيه انا وانت دة اولا ثانيا نجيب عربية اكبر من المحروسة بتاعتك دي ونشيل الباقي للزمن

بابا: وانتي ياتوبة رأيك ايه

توبة: من رأي ماما طبعا

تالا وتالية: واحنا كمان موافقين

بابا: وانتي يااخر العنقود

تمارا: اه معاكم طبعا انا مع الأغلبية

بابا: على بركة الله وانا ديمقراطيّ ومن بكرة هافتح لكل بنت فيكم حساب بالبنك بنصيبها والباقي هايكون ليا انا وامكم نجدد العربية ونحج باذن الله

ياللا كل بنت تجيب بوسة قبل ماارجع الشغل🤣

وبعد مابوسنا راسه وايده ومشي هيصنا وكنا فرحانين اوي😁

وكل واحده فضلت تتخيل هتعمل ايه

تمارا: دة انا هالغي الثانوية العامة بفلوسي ياكلاب🤣🤣🤣

تالا: اتوكسي كان غيرك اشطر

تالية: احنا نستثمرهم بالبورصة

فضلت اضحك عليهم

قولتلهم: انا هاتصل بابوكم يكنسل الليلة دي يامجانين دة انتوا هاتفرتكو الجرشينات قبل ماتتجوزو 😁

طلعو يجرو ورايا وماما بتضحك عليا

جريت. على اوضتي وقفلت الباب وانا باضحك من قلبي وباقولهم من ورا الباب: ماشي يامجانين بتعملو عليا انقلاب وماما كمان معاكم

🥺🙄

وقعدت على سريري وإنا بافكر

ياترى لما اتجوز هقدر اعيش من غيركم ازاي يامجانين

🥰🥺

عدت الأيام بسرعة ووصلنا لما قبل العزومة بيوم

والي هاتكون عزومة غير عادية وهاتحصل مفاجٱت لاحصر لها

👌🏻🤔🧐

يتبع

توبة

بارت 5

من.جهة تانية في بيت العم

اميمة: ياحاج عثمان دلوقتي انا عاوزاك بكلمتين

عثمان: خير

اميمة: انا مش قادرة اقبل اخوك وعيلته انك تديهم فلوس وتناسبهم. كمان ايه إلي جرالك انا طاوعتك انا وولادك بس مش فاهمة سبب التغيير

عثمان ضحك من قلبه: شوفي بقى انا متوقع كدة منك عشان سواد قلبك وغيرتك من وردة مرات اخويا من زمان وانتي سبب الخلاف مابيننا بس غلطتي اني هاودتك

وقام وقف وبعصبية: انتي تسمعي الكلام الي اقوله والا تغوري وولادك نفس الكلام سيبيني اكفر عن ذنبي

اه وقبل ماانسى لو فكرتي تضايقي بنت اخويا توبة لما تسكن معانا بالعمارة هنا والله لاطلقك

اميمة: دي اخرتها ياحاج

بنفس لحظةرجوع فارس من برة قالهم متسائلا: مالكم ياجماعة

عثمان زعق : حمد الله عالسلامة يابيه بايت من امبارح فين

فارس بضيق: جرا ايه هو انا بنت ياحاج

عثمان ضربه بالقلم: انت بتتعوج عليا ياكلب انت محتاج تتربى من الاول ياريتك. كنت بنت زي بنات عمك كدة استرجل انت هاتفتح بيت

فارس سابهم ودخل اوضته

اميمة: ليه كدة بس ياعثمان

عثمان: كله منك ومن دلعك

باقي الاخوات كانوا باوضتهم بيسمعوا الي بيحصل

امير قال: بس ااثراحة بنات عمكم موزز بجد والعروسة طلقة

ضحك اخواته عليه

وفجأة عثمان دخل عليهم قالهم: بكرة تشرفوني بالعزومة وانت ياعدي يامحاسب الغبرة فوق لشغلك ماروحتش الشركة ليه لحد. دلوقتي

قام عدي قاله: راحت عليا نومة هافوق كدة حالا ياحاج

عثمان بتعب: انا تعبت بجد عمري ماحرمتكم من حاجة عشان تتعبوني كدة

ومسك قلبه

سامر سند ابوه: اهدى بس ياحاج وان شاء الله هانعملك الي يريحك

عثمان: دخلوني اوضتي ارتاح

قام عدي سنده معاه ودخلوه اوضته يرتاح

امير جري قال لفارس ابوك تعب الحقه

فارس برغم خلافةه مع ابوه بس كان بيحبه جدا جري على ابوه وباس ايديه وقاله: حقك عليا ياحاج هاطلبلك الدكتور حالا

عثمان بتعب وولاده حواليه: مفيش داعي للدكتور يابني انا عاوزك راجل يعتمد عليه انت واخواتك وكفاية العملة الاخيرة بتاعة البت الي قالت انها حامل منك و خلصنا منها بالعافية وبالوسايط وطلعت شمال وكدابة

يابني سمعتك وسمعتنا واحد

فارس: خلاص ياحاج انا وافقت ببنت عمي عشان اثبتلك اني هاتغير انا كنت بايت في شغل صدقني وبكرة احلى عزومة هاشرفك والله

عثمان: ربنا يهديك ويهديكم كلكم

دخلت اميمة بخضة: في ايه سلامتك ياحاج انا كنت باتكلم مع اختي بالتليفون

عثمان: لسة فاكره سيبيني واطلعي برة كلكم برة عاوز ارتاح كتك الهم انتي والعقربة اختك وبناتها

اميمة: اللهه يسامحك ياحاج

طلعوا كلهم فارس قال لامه: دة وقت تنقلي لاختك اخبارنا ياماما بابا تعبان ارحمينا محدش فينا هايتجوز من بنات اختك

اميمة: امال ماانت لازم تخضع لابوك ماانت نسونجي شبهه زمان بشبابه ايش حال لو مكنتش انت سبب تعبه

فارس: لا انتي السبب من زمان انا ربنا هايهديني انما انتي ياماما رافضة تسمعي الا لاختك

سامر: بصراحة ياماما فارس عنده حق انتي كسفتينا لما روحنا عند. عمي

اميمة: بس منك ليه خلاص نسيتو اني باداري على عمايلكم السودا قدام ابوكم

وسابتهم ومشيت دخلت الصالون واتصلت باختها كالعادة حكيتلها التقرير اليومي

اختها قسمت: كبري دماغك المهم تنفذي الي هقولك عليه لازم تاكلي عقل عثمان اوعي تحسسيه برفضك لبنت اخوه ليحرمك من الورث

امينة: يعني اهاوده

قسمت: طبعا وطي للموجة

اميمة: حاضر ياختي متنسيش تيجي بكرة انتي وامل وهدير عزومة بكرة وكدة كدة ابنك باسم هايكون هناك لانه ماسك ادارة المطعم

قسمت: طبعا لازم اجي وابارك واقهرهم انا وبناتي

اميمة: اتفقنا يالا سلام

قسمت: سلام

تاني يوم الكل بيستعد للعزومة

وكل واحد بيشحذ سلاحه النابع من نواياه اما خير او شر

ياترى هايحصل ايه🧐🧐🤔🤔

يتبع

حبكم يااجمل فانز🥰💕🌹

توبة

البارت 6

توبة

وصلنا ليوم العزومة

في بيت طاهر البنات بتستعد ورافعين حالة الطواريء🤣

ابوهم قاعد في الصالة: يامسهل يارب نخلص النهاردة 😁

وردة: هعملك قهوة على مايخلصو ياحاج

طاهر: لأ خليكي جنبي اتملى من جمالك ايه الشياكة والطعامة دي 🥰

ضحكت وردة: ربنا مايحرمني منك ياغالي ويوعد بناتك بعرسان شبهك

طاهر: بصي بقى قبل ماالبنات تيجي العريس دة ابوه. حكالي عنه بيني وبينه والكلام دة ميخرجش،برة ياحاجة كلام يقلق انه نسوانجي عشان كدة عاوزك توصي توبة تتعب قلبه وتربيه عاوزها تعلمه الادب

وردة: بس ياطاهر دة كدة بنظلمها

طاهر: بالعكس بنتك في النيابة مسمينها الوحش من قوتها بالتعامل وسيطرتها يعني ميتخافش عليها ولاعلى واحدة من بناتنا

وردة: حاضر ياحاج هاوصيها بس لازم برضه نديها خلفية

طاهر: هي اكيد سألت وعرفت عنه كل حاجة

كنت واقفة ورا الباب وسمعت كل حاجة ومتفاجئتش لاني فعلا سألت جماعة حبايبي بالمباحث وعرفت كل دة واكتر كمان وكنت محتارة بس عشان بابا مستعدة اغامر بنفسي

رجعت لاوضتي قبل مايحسو بيا وكملت لبسي واخواتي خلصو واتجمعو وندهو عليا اول ماخرجت وشافوني

تمارا: بالذمة دة كلام انتي كل مرة بتغطي علينا

بجمالك

ماما: ماشاء الله ربنا يحفظك عروسة تفرح القلب

تالا وتالية: واحنا

ماما: قمرات ياناس بناتي ربنا يحميكم من شر العين

بابا: يالا ياحلوين هانتأخر كدة

عيلة عثمان وصلت الاول وفارس كان موصي العمال يجهزوا الدور العلوي للمناسبة دي

فارس استقبل عيلته هو وابن. خالته وسابهم قاعدين ونزل يشرف على المطبخ

وصلت عيلة طاهر وقبل مايطلعو فارس سمع العمال بيقولو في بنات زي القمر داخلين عالمطعم

فارس طلع لقى عمه وبناته بص للعمال بحدة وقال لباسم: وصل الجماعة فوق

وسلم على عمه: اهلا عمي

اتبادلو التحيه وفارس بصلي وانا طالعة وسرح بنظراته وانا متجاهلاه

واخواتي اخدو بالهم وفضلو يضحكو بخبث

ماما سكتتهم: بس يابنات عيب

تالية: اصله تنحلها اوي

عمي قام استقبلنا بحفاوة ومراته كمان مع استغرابنا من فرحتها الي باينة انها مصطنعة

وولاد. عمي قامو بكل ادب رحبوا بينا

وباسم ابن. خالتهم كان. محترم جدا ومجتهد. كلنا لاحظنا انه شخص مؤدب اوي

شوية وفارس انضملنا وطلبلنا الأكل

وعمي صمم انه يقعدني جنب فارس 🙄

شوية ولقينا ضحكة رقيعة واحدة ست كدة شكلها بيئة ومعاها بنتين ملهمش ملامح من كتر الميكب ولبس صعب جدا شبه عاري

ودخلو ىالاحضان على مرات عمي الي فرحت بيهم وقدمتهم لينا وقالت:

دي قسمت اختي الوحيدة وباسم ابنها الكبير

وشاورت على البنات: دي امل ودي هدير ودي العروسة ودول اخواتها ودي امها وابوها

ياللا سلموا يابنات على ولاد. خالتكم

وبمنتهى الجراءة دخلوا البنات بالبوس والاحضان على ولاد. عمي الي كانو محرجين اكتر من البنات

بس اول ماقربو على فارس بصلهم بصة رجعتهم لورا

وعمي كان هاينفجر من العصبية راح قايل: اقعدي منك ليها ايه الي بيحصل دة

وباسم وشه احمر وقال لعمي: عن اذنك ياعمي انا نازل قبل مااتهور

عمي قاله: حقك يابني

وراح بص لمراته وقالها: طبعا كان لازم افهم ان الحركة الرخيصة دي تطلع منك انتي واختك

قسمت ردت بدلع: كدة برضه ياحاج دايما تظلمنا احنا كنا معديين بالصدفة قولنا تيجي نتغدا

بابا قالها: تنوري وتشرفي طبعا

وقال لعمي: اهدا ياحاج محصلش حاجة

عمي قاله: ماانت متعرفش حاجه ياطاهر

الاكل وصل فارس قال وهو بيحاول يحافظ على كرامة امه : خلينا ناكل يابابا مفيش مشكله حصل خير

وبدأ الكل ياكل تالا قالتلي بهمس: الحقي الرقاصة الي اسمها هدير بتعمل ايه

بصيتلها لقيتها قامت وقفت جنب فارس وبتهمسله في ودنه وبتضحك اتجاهلت الموقف

فارس بص لقاني باتكلم. مع اختي وباضحك

ومتجاهلاهم

راح قالها: مش وقته ياهدير

قسمت قالت: اوعي تضايقي ياعروسة بناتي واخدين على ولاد خالتهم اوي

اتجاهلتها واكني ماسمعتهاش

كررت الكلمة تاتي

قولتلها: بتقولي حاجة

الكل ضحك عليها

تالية قالت: يافارس الاكل جميل بجد

الكل قال فعلا

رد فارس: انا باحب المهنة دي

عثمان: ورافض يشتغل معايا بييجي زي الضيف

تمارا: انت خريج ايه يافارس

فارس: انا خريج كلية ادارة أعمال

تالا غمزتني وقالت: وياترى امل وهدير خريجين ايه

قسمت: مكملوش اصل غاويين شغل امل خلصت ثانوي صنايع واشتغلت بكوافير

وهدير طلعت من الاعدادي وباشتغل مع اختها اصل انا كنت كوافيرة وهما ورثوها مني فتحتلهم شقة في بيتي كوافير

عمي قال باستهزاء: من غير ماتفتخري اوي ماهو باين عليكم

ولاد عمي كانو بيضحكو وانا واخواتي كاتمين الضحك من الاحراج وهما ومرات عمي اتحرجو

قسمت قالت لامي: وانتي ياوردة اخبارك ايه مشوفتكيش من زمان اوي

رديت انا بحدة: اسمها الست او الحاجة

هي مش عيلة قدامك

الست خافت وقالت: مقصدش انا باتكلم بعشم

عمي اتبسط وقال: معلش يابنتي حقك وحقكو عليا

ماما قالتلي : دول مش بيحسو اكنهم. جايين يفرضو نفسهم ويضايقونا

قولتلها: سيبك. منهم دول اتفه من كدة

خلصنا اكل وفارس طلب مشروبات للكبار

واستئذن من بابا كلنا انا واخواتي وهو واخواته ننزل نتمشى عالكورنيش وناكل ايس كريم

بابا قال: وماله بس خلو بالكم من بنات عمكم ياشباب

ردت قسمت خدو هدير وامل معاكم

وقبل ماتكمل الجملة كانو نطوا ونزلو براشوت 🤣

عمي نده فارس وقاله: ربنا يهديك ابعد بنات خالتك عن بنات عمك

فارس قاله: انا هاخد اخوهم واريح دماغي

وفعلا فارس نده على باسم وقاله: تعالى معانا

قسمنا نفسنا على عربيتين

انا واخواتي مع فارس وباسم بعربيته وولاد. عمي وبنات خالتهم متزنقين في عربية عدي واخوهم بصلهم بغيظ بس سكت وسابهم وركب جنب فارس

وانطلقنا لبحري

وبمجرد ماالعربية اتحركت فارس كان عمال يبصلي بالمراية والكل واخد باله باسم قال: انا اسف على تصرفات امي واخواتي انا سايبلهم البيت من زمان لاني تعبت وكنت مرة هاقتل واحدة منهم من تصرفاتهم الطايشة

تالية قالتله: بس انت كدة غلط برضه لما تسيبهم بدون راجل

قولتلها: اسكتي يامصيبة

رد باسم وقال: لا عندها حق بس انا لو رجعت هاقتلهم

فارس: ياجماعة للاسف خالتي سبب كل دة

تمارا: الام فعلا مدرسة

باسم اتحرج وقال: ربنا يلهمني الصبر لاني فعلا باسمع كلام جارح ولما باروح البيت امي بتحاول تزهقني لانها عارفة اني باحكم عليهم مفيش خروج ولاشغل

تالا: ربنا يهديهم ياباسم

الكل قال: يارب

وصلنا ونزلنا طلبنا كانت العربية التاتية وصلت

وبسبب تصرفات امل وهدير اتعاكسو من بعض الشباب وكانت هتحصل مشكلة لولا تدخلي طلعت الكارنيه وطلبت من الشباب يمشوا بهدوء

وسكتت ولاد. عمي فارس كان منبهر بتصرفي الغير متوقع

وبصيت لامل وهدير بحزم وقلتلهم: اظن كدة كفاية وعيب تصرفاتكم دي ممكن تتسبب بمشتكل وبلحظة يحصل جريمة

سكتوا واخوهم ضربهم بالقلم وهو بيصرخ فيهم عاجبكم الفضايح دي

وولاد. عمي سكتوه و صمموا نرجع عشان يهدا

ورجعنا للمطعم شوية وعمي وبابا حددوا الاسبوع الجاي عشان نشوف الشقة ونتغدا عند. عمي

خلص اليوم وودعنا بعض وروحنا كل عيلة على بيتهم

وبمجرد ماعمي دخل بيته قال:

🤔🤔🧐

يتبع

توبة

البارت 7

شوية ولقينا ضحكة رقيعة واحدة ست كدة شكلها بيئة ومعاها بنتين ملهمش ملامح من كتر الميكب ولبس صعب جدا شبه عاري

ودخلو ىالاحضان على مرات عمي الي فرحت بيهم وقدمتهم لينا وقالت:

دي قسمت اختي الوحيدة وباسم ابنها الكبير

وشاورت على البنات: دي امل ودي هدير ودي العروسة ودول اخواتها ودي امها وابوها

ياللا سلموا يابنات على ولاد. خالتكم

وبمنتهى الجراءة دخلوا البنات بالبوس والاحضان على ولاد. عمي الي كانو محرجين اكتر من البنات

بس اول ماقربو على فارس بصلهم بصة رجعتهم لورا

وعمي كان هاينفجر من العصبية راح قايل: اقعدي منك ليها ايه الي بيحصل دة

وباسم وشه احمر وقال لعمي: عن اذنك ياعمي انا نازل قبل مااتهور

عمي قاله: حقك يابني

وراح بص لمراته وقالها: طبعا كان لازم افهم ان الحركة الرخيصة دي تطلع منك انتي واختك

قسمت ردت بدلع: كدة برضه ياحاج دايما تظلمنا احنا كنا معديين بالصدفة قولنا تيجي نتغدا

بابا قالها: تنوري وتشرفي طبعا

وقال لعمي: اهدا ياحاج محصلش حاجة

عمي قاله: ماانت متعرفش حاجه ياطاهر

الاكل وصل فارس قال وهو بيحاول يحافظ على كرامة امه : خلينا ناكل يابابا مفيش مشكله حصل خير

وبدأ الكل ياكل تالا قالتلي بهمس: الحقي الرقاصة الي اسمها هدير بتعمل ايه

بصيتلها لقيتها قامت وقفت جنب فارس وبتهمسله في ودنه وبتضحك اتجاهلت الموقف

فارس بص لقاني باتكلم. مع اختي وباضحك

ومتجاهلاهم

راح قالها: مش وقته ياهدير

قسمت قالت: اوعي تضايقي ياعروسة بناتي واخدين على ولاد خالتهم اوي

اتجاهلتها واكني ماسمعتهاش

كررت الكلمة تاتي

قولتلها: بتقولي حاجة

الكل ضحك عليها

تالية قالت: يافارس الاكل جميل بجد

الكل قال فعلا

رد فارس: انا باحب المهنة دي

عثمان: ورافض يشتغل معايا بييجي زي الضيف

تمارا: انت خريج ايه يافارس

فارس: انا خريج كلية ادارة أعمال

تالا غمزتني وقالت: وياترى امل وهدير خريجين ايه

قسمت: مكملوش اصل غاويين شغل امل خلصت ثانوي صنايع واشتغلت بكوافير

وهدير طلعت من الاعدادي وباشتغل مع اختها اصل انا كنت كوافيرة وهما ورثوها مني فتحتلهم شقة في بيتي كوافير

عمي قال باستهزاء: من غير ماتفتخري اوي ماهو باين عليكم

ولاد عمي كانو بيضحكو وانا واخواتي كاتمين الضحك من الاحراج وهما ومرات عمي اتحرجو

قسمت قالت لامي: وانتي ياوردة اخبارك ايه مشوفتكيش من زمان اوي

رديت انا بحدة: اسمها الست او الحاجة

هي مش عيلة قدامك

الست خافت وقالت: مقصدش انا باتكلم بعشم

عمي اتبسط وقال: معلش يابنتي حقك وحقكو عليا

ماما قالتلي : دول مش بيحسو اكنهم. جايين يفرضو نفسهم ويضايقونا

قولتلها: سيبك. منهم دول اتفه من كدة

خلصنا اكل وفارس طلب مشروبات للكبار

واستئذن من بابا كلنا انا واخواتي وهو واخواته ننزل نتمشى عالكورنيش وناكل ايس كريم

بابا قال: وماله بس خلو بالكم من بنات عمكم ياشباب

ردت قسمت خدو هدير وامل معاكم

وقبل ماتكمل الجملة كانو نطوا ونزلو براشوت 🤣

عمي نده فارس وقاله: ربنا يهديك ابعد بنات خالتك عن بنات عمك

فارس قاله: انا هاخد اخوهم واريح دماغي

وفعلا فارس نده على باسم وقاله: تعالى معانا

قسمنا نفسنا على عربيتين

انا واخواتي مع فارس وباسم بعربيته وولاد. عمي وبنات خالتهم متزنقين في عربية عدي واخوهم بصلهم بغيظ بس سكت وسابهم وركب جنب فارس

وانطلقنا لبحري

وبمجرد ماالعربية اتحركت فارس كان عمال يبصلي بالمراية والكل واخد باله باسم قال: انا اسف على تصرفات امي واخواتي انا سايبلهم البيت من زمان لاني تعبت وكنت مرة هاقتل واحدة منهم من تصرفاتهم الطايشة

تالية قالتله: بس انت كدة غلط برضه لما تسيبهم بدون راجل

قولتلها: اسكتي يامصيبة

رد باسم وقال: لا عندها حق بس انا لو رجعت هاقتلهم

فارس: ياجماعة للاسف خالتي سبب كل دة

تمارا: الام فعلا مدرسة

باسم اتحرج وقال: ربنا يلهمني الصبر لاني فعلا باسمع كلام جارح ولما باروح البيت امي بتحاول تزهقني لانها عارفة اني باحكم عليهم مفيش خروج ولاشغل

تالا: ربنا يهديهم ياباسم

الكل قال: يارب

وصلنا ونزلنا طلبنا كانت العربية التاتية وصلت

وبسبب تصرفات امل وهدير اتعاكسو من بعض الشباب وكانت هتحصل مشكلة لولا تدخلي طلعت الكارنيه وطلبت من الشباب يمشوا بهدوء

وسكتت ولاد. عمي فارس كان منبهر بتصرفي الغير متوقع

وبصيت لامل وهدير بحزم وقلتلهم: اظن كدة كفاية وعيب تصرفاتكم دي ممكن تتسبب بمشتكل وبلحظة يحصل جريمة

سكتوا واخوهم ضربهم بالقلم وهو بيصرخ فيهم عاجبكم الفضايح دي

وولاد. عمي سكتوه و صمموا نرجع عشان يهدا

ورجعنا للمطعم شوية وعمي وبابا حددوا الاسبوع الجاي عشان نشوف الشقة ونتغدا عند. عمي

خلص اليوم وودعنا بعض وروحنا كل عيلة على بيتهم

وبمجرد ماعمي دخل بيته قال:

🤔🤔🧐

توبة

يتبع….

توبة

بارت8

عمي بص لمراته ومسكها من ايدها بعصبية وقال: قسما بالله لو اتكررت تاني وحشرتي اختك وبناتها في اي مناسبه ماتفضلي على ذمتي

وسابها ودخل اوضته وهي بتتألم من ايدها

فارس قالها: ياماما بابا معاه حق بنات اختك بهدلونا النهاردة

اميمة : هو انت مش كنت رافض بنت عمك وحوار الورث دة وقولتلي انك. معايا و بصفي ايه الي حصل

فارس: حتى لو انا فعلا كنت رافض الحوار دة بس ماينفعش بطريقتك دي انا ليا اسلوبي واقدر اخليها تكره حياتها بس اتفاجئت ان بابا رجع لعمي الفلوس اول مااتقابلنا وبصراحة عمي وبناته كويسين وانا مش مستعد. دلوقتي لصراعات عشان حالة بابا ونصيحتي ليكي تعملي زيي

وسابها ودخل اوضته

في بيت طاهر البنات فضلو يضحكو على الي حصل وعلى مرات عمهم وعمهم عمال يبصلها بغل

وردة: فعلا دة شكله ناويلها على نية

طاهر: ربنا يهديها

تالا: الله يعينك يااختي

تمارا: قصدك الله يعينهم هنا على توبة

الكل ضحك بس تالين قالت: انا فعلا قلقانة عليكي ياتوبة

طاهر: ايه ياتوبة مالك ساكتة ليه

كنت بسمعهم وساكتة قولتلهم: ياجماعة انا ولايشغلني كل دة انا شاغلني حاجة تانية اهم

طاهر: ايه ياحبيبتي

توبة: اني بعد شهر هاسيبكم واتجوز🥹

الكل بكى من التأثر

طاهر: سنة الحياة ياحبايبي

وردة ببكاء: بكرة كلكم تتجوزو ورا بعض وتسيبوني😓😭😭😭

البنات حضنو امهم وهما بيواسوها

طاهر خلاص بقى قفلو اىمسلسل الهندي دة 🤣 عاشقات النكد 😁

عدا الاسبوع بسرعة وروحنا لعمارة عمي يوم الاجازة

عمي استقبلنا وفارس معاه قالنا: هانتغدا في، شقتي الاول ياكتاكيت وبعدها نتفرج

طلعنا بالاسانسير قالنا: انا بقى واحد لكل ولد دور كامل بس في دورين فيهم 4 شقق سايبهم للصبف بيتأجروا

بابا: ربنا يزيدك ياعثمان

وصلنا لشقة عمي كانت مراته بتتكلم بالفون

اول ماشافتنا قفلت المكالمة ورحبت بينا

وندهت ولادها رحبوا بينا هما كمان

فارس قال: نورتونا ياجماعة وكان بيبصلي

تالا: كلنا نورنا ولاحد معين🤔

فارس اتحرج وقال: اه لا كلكم

عمي: متكسفيهوش ياشقية انتي

ضحكنا كلنا ومرات عمي حضرت الغدا وكان معاها ست بتساعدها

وبعد تناول الغدا عني قال: ياللا ياعروسة ياللا ياجماعة عشان تشوفوالشقة

طلعنا لاخر دور شقة فارس كانت اخر دور بالروف

عمي قال: الي انتي عاوزاه ياعروسة شاوري عليه

فارس قال: ايوة طبعاً هعملهالك على ذوقك

قلتله: بإذن الله

مرات عمي: الشقة زي الفل دة الي عامل الديكور واحد صاحبه مهندس ديكور

عمي برقلها خافت وسكتت

ماما: الي يريح العرسان يتفقو عليه سوا

وبعد. مااتفرجنا قعدنا على الروف كان في ورد وزرع مع منظر البحر كان فيو تحفة

فارس قعد جنبي وقالي: عجبتك الشقة

: حلوة

تحبي تغيري فيها حاجة

: اه

طب بعد اذنكم هاخد توبة توريني طلباتها في الشقة

بابا:مفيش مانع اتفضلو

دخلنا الشقة وبدأت اشاورله على الحيطة لون الدهان عاوزاه لون فانيلا لاتيه لان لونها الحالي غامق ومش حلو

خلاص بكرة هاجيبلك. كتالوج واختاري

: باذن الله

هو انا ممكن اسألك سؤال

: اتفضل

ايه رأيك فيا

: مش فاهمة

يعني شايفاني ازاي كانسان هتكملي معاه حياتك

: بصراحة

ياريت

: محتاجة اعرفك أكتر وللاسف الوقت ضيق

عندك حق

طب انتي مرتاحة نفسيا للفكرة ككل

: يعني

طب انا ممكن اقولك اني مبسوط. جدا من اجابتك انتي ذكية جدا

: بتختبرني يعني

لا والله بالعكس انا مش محضر اي كلام ولا اسئلة بس كلام بيجيب بعضه

ابتسمت لطريقته بالكلام

قالي: ابتسامتك حلوة

: شكرآ

رجعنا للروف عمي قال: ها يافارس عرفت طلبات خطيبتك

اه يابابا تمام

عمي: من بكرة تبدأ عشان هتخلص وتنزلو تختارو العفش

بابا: على بركة الله

وفعلا فارس خلص الي طلبته منه بالشقة وكان. كل يوم ييجي هو وعمي ياخدوني انا وماما وبابا نختار العفش معاهم وكل طلباتي كانو بيجيبوها بدون اعتراض

خلصنا اختيار العفش واخر اسبوع قبل الفرح كنت ارجع من شغلي انزل انا واخواتي نشتري اللوازم والجهاز بتاعي

وجه يوم فرش الشقة والعفش وصل الاول عند بيتنا بالعربيات في شارعنا وسط الحبايب والجيران

ولاد عمي وصحابهم عملو زفة كبيرة وبابا وعمي فضلو يرقصو من فرحتهم😁

خلصنا وانطلقنا لعمارة عمي ولاد عمي والعمال طلعوا العفش واحنا طلعنا وراهم عشان نفرش، الشقة

فارس ندهلي عشان انظم الاوض على ذوقي بعد ماالنجار والعمال خلصو

واخواتي وماما معايا وعمي وبابا وولاد عمي قاعدين بالفراندة بيرتاحو

ولسة باقوله: لا غير مكان الدولاب

دخلت مرات عمي وقالت

🤔🤔🤔🤔🧐🧐🧐🧐🧐

يتبع

توبة

توبة

بارت 9

فجأة انا وامي واخواتي اتفاجئنابمرات عمي بتقول: الدولاب كدة مكانه حلو نفس نظام اوضتي ومش هايتغير

فارس بصلها بصدمة وانا واخواتي وماما كنا متوقعين كدة ومتفقين. مهما عملت نتجاهلها

قلت لفارس واكني ماسمعتهاش: ياللا يافارس متضيعش، وقت لسة في شغل كتير

فارس مصدوم من رد فعلي قال: هانده سامر يساعدني

وراح يندهله

واخواتي بدأوا يضحكو ويطلعو الهدوم ويزغرطو وماما بتبص عالموقف بكل هدوؤ وساكتة

مراات عمي بغل : انتي بتتحديني انتي واخواتك

عديت من جنبها ولا بصيتلها ولاحد.من اخواتي بصلها وقلت: شغلي الاغاني ياتمارا

تمارا شغلت الفون وكانت جايبة صب شغلته

اميمة لما لقتنا متجاهلين وجودها وكلامها

قالت: انتو بتغيظوني مثلا يابنات وردة

بلخظة دخول فارس وسامر الاوضة راحت مندفعة ومسكت الصب ولسة هاترميه عالارض لحقت ايدها وخطفته منها قبل ماترميه

قالت: مش هجوزهولك يابنت وردة مش هيحصل ابدا يابنت ال..

قامت ماما قاطعتها زعقت وقالت: كفاية كدة ولاكلمة كمان ياللا بينا يابنات

خرجنا كلنا وندهنا لبابا وماما حكت الي حصل

بابا اتعصب وقال: ياللا بينا

فارس بيحاول يمنعنا بس مقدرش جري على والده واخواته بالفراندة

واحنا بدون مانتكلم مع اي حد وقفنا بانتظار الاسانسير

بدأ اصواتهم تعلى جوة وسامعين فارس بيحكي الي حصل بابا قالنا: حقكم عليا الظاهر لما وافقت اخويا عالجواز افتكروني بدون كرامة

الاسانسير وصل

ركبنا ونزلنا على ماوصلنا تحت كانو ولاد. عمي جريوا ورانا عالسلم وحصلونا وعمي وراهم بالاسانسير

فارس رفض يسيبنا نمشي قال: عمي حقك عليا

انا بعتذرلكم كلكم

سامر: عمي ارجوك بابا كدة هايتعب

بابارغم هدوئه بس لما بيزعل وحد يمسنا بيبقى وحش كاسرقالهم: ياولاد انا وابوكم اخوات الي بينا مش هايتغير بس الي يهين او يفكر يضايق بنت من بناتي اقتله ولكن دي ست وانا مش هخسر اخويا عشانها ولكن جواز لأ

عمي كان وصل قال: ومين قالك اني هاقبل اجوز بنتك لابني بعد الي حصل

انا لو ابني كان راجل كان عرف يسكت أمه مش يسيبها تتمادى

انت بنتك غالية ومحترمة ولاعاش ولاكان الي يهينها

فارس قال: والله انا اتصدمت من امي يابابا

عمي ضربه بالقلم وقاله: من اول كلمة كنت تنزلها تحت او تيجي تقولي

بابا قال: شوف ياعثمان مش معنى اني بقيت عالاخوة والدم ان بنتي رخيصة انا بنتي متقدملها من شهر وكيل نيابة زميلها ورفضته مش بتقبله

اوعى تفتكر الفلوس هي السبب بموافقتي دة حقي بكل الاحوال

انا اشتريتك انت وزي مااتربينا من ابونا نخاول نلم اللحم انما مراتك بتعيد القديم مش هسمحلها

عمي وشه اتغير وقال: حقك ياطاهر طب ممكن اطلب منك طلب واحد بس

طاهر: عنيا ياعثمان

عثمان: تطلعو معايا شوية تهدو وترتاحو كدة و نتكلم ولو معجبكش الحال الي يريحك. هعمله

فارس: بعد اذنك يابابا لو سمحت ياعمي ارجوك اطلع معانا

بابا بعد تفكير لحظي: موافق بس مراتك تعتذر لبناتي ومراتي الاول ساعتها اقبل اسمع منكم ونشوف

عمي استأذن و طلع دقايق ونزل ساحبها من شعرها وقالها: كلمة واحدة قدام ولادك وقدام اخويا واهله الي غلطتي في حقهم اعتذري

قالت وهي بتعيط: انا معملتش حاجة

فارس قالها: لو معتذرتيش ياامي هاتصغرينا

عمي بعصبية: قسما بالله لتكوني طالق مني بالتلاتة لو مااعتذرتي وهارميكي في الشارع

اميمة بعياط: انا اسفة

وانهارت عياط عدي فضل يطبطب على امه

عثمان: مرضي ياطاهر

طاهر: راضيين يابنات

الكل اومأ برأسه بالموافقة

الا توبة كانت واقفة رافعة رأسها ومش بتتكلم

عثمان: وانتي ياعروسة

توبةبصت لابوها الي كان بيقولها بعنيه الي تشوفيه وقالت: راضية اننا نتكلم اكراما ليك ياعمي ولكن في شروط جديدة لازم تتحط

عثمان باس راسها وقالها: الي تقولي عليه على راسي

وبص لمراته وقالها: على اوضتك ومتطلعيش منها

اميمة جريت على شقتها ومسحت دموعها واتصلت باختها وقالتلها: شوفتي الي حصل وحكت لاختها الي حصل وبالاخر قالتلها الظاهر ان مفيش حل تاني الا الي قولتيلي عليه لازم. ننفذه قبل الفرح

قسمت اتفقنا

قفلت المكالمة واميمة بتبسم بشر ياترة ناوية على ايه

ورجعنا للشقة تاني

بعد. ماقعدنا عمي مسك قلبه بتعب قال: دلوقتي انا عاوز اسمع توبة بعد اذنك ياطاهر

تعالي يابنتي اقعدي جنبي

طاهر: سلامتك يااخويااتفضلي ياتوبة واتكلمي وقولي الي انتي عاوزاه

عثمان: انا كويس متقلقش

توبة: انا ليا شرط عشان اتجوز فارس ياعمي بس قبل مااقوله لازم اتكلم. مع فارس لوحدنا

الكل بحالة ذهول وبعد موافقتهم

سابو توبة لوحدها مع فارس الي قالها: خير ياتوبة

توبة قالتله:.....

🤔🤔🤔🤔🤔🧐

يتبع

توبة

توبة

بارت10

قلت لفارس: انا عارفة ان الي بيحصل بسبب حكاية هدير

: 😳😳😳😳 م مالها ه هدير

انت فاهم وانا فاهمة😉

: مش فاهمك

تحب انده لعمي واتكلم قدامه

: لا ارجوكي

الحوار دة ينتهي وتفهم مامتك كدة ولاانت فاكرني معرفش مامتك بتعمل كدة ليه

: صدقيني انا معملتش حاجة

عارفة وعاوزة اطمنك انه مش ذنبك انت والبيبي الي هي حامل فيه مش ابنك

: ايييه توبة انتي عرفتي كل دة ازاي😳

بطريقتي

: يعني انا ماغلطتش معاها

لأ انت اتخدرت عشان تشيل الليلة 🙂

فارس قعد بانهيار وضرب ايده بالحيطة وقال: انا هاقتلها

فارس ركز انا اترددت اقولك بس تصرفات مامتك اجبرتني لاني فهمت انك ساكت بسبب كدة ومش هاستنى مامتك تستغل الحوار دة وتضغط عليك تساعدها بمضايقتي

: ورغم كدة مااتكلمتيش لما غلطت فيكي

اصل انا متربية كويس وماتعودتش افضح سر حد خصوصا انها مفكرة انها صح وهي للاسف بتساعد عالغلط

فارس بامتنان: توبة انتي انسانة جميلة وقوية قوليلي ارد. جميلك ازاي

مفيش جمايل ولاحاجة المهم متعرفش امك اني عرفت حاجة واتصرف بطريقتك معاها ومع هدير ودلوقتي الحل الوحيد اننا نسكن برة عشان. مامتك مش هتبطل مشاكل

فارس: خلاص نبلغهم بالكلام دة

ندهنا للعيلة فارس قالهم: انا وتوبة وموافقين عليه ومطلوب منكم توافقوا عشان الكل يرتاح

عمي: ايه هو الحل

فارس: هانسكن برة

عمي: ازاي بس انا عاوزكم حواليا وجنبي

بابا: ياعثمان دة حل ممتاز مش هنحط النار جتب الكبريت

توبة: لو في عند حضرتك حل ياعمي قوله احنا بنتناقش

عثمان بعد. تفكير: اه عندي حل هايريح كل الاطراف

طاهر: قول

عثمان: انا بقالي فترة متردد انفذ فكرة بدماغي بس الظاهر ان دة وقتها

العمارة دي زي مانت عارف ياطاهر كانت بيت ابونا الله يرحمه قبل مااشتري نصيبك زمان عافية واطلع بيها عمارة

طاهر: الي فات مات خلاص انا مسامح

عثمان: لا انا زمان بخستك حقك ولازم اعمل الصح انا هاديلك شقة في العماره هنا وكدة تبقى جنبي وجنب توبة وتطمن عليها وتبقى كلنا جنب بعض

وقبل ماترفض احنا هانتمن نصيبك زمان بكام والشقة حاليا بكام وانت تدفع الفرق يعني هاتبقى شاري بفلوسك

كلنا بصينا لبعض بذهول

بابا: ياطاهر انت فاجئتني

طاهر: اسمع مني وريحني

فارس: انا شايف ان دة حل ممتازوكلنا نبقى جنب بعض

بابا: طيب احنا هنروح دلوقتي ونرتاح وافكر كدة وربنا يسهل

وفجأة دخلت مرات عمي الي كانت واقفة برة بتسمع

وقالت لعمي: خلاص ياعثمان هاتبيعنا لاخوك هاتفرط بحق ولادك لطاهر

بابا قام وقال لعمي: انا همشي قبل ماافقد اعصابي ياعثمان وبكرة هاتصل بيك يااخويا ونتكلم

عمي قام وقال بعصبية: انتي مفيش فايدة فيكي وضربها بالقلم

ولاد عمي كلهم قامو وقفوا بين عمي ومراته عشان ميضربهاش تاني

اميمةاترمت عالارض وهي بتعيط وولادها قوموها وقعدوها

احنا خرجنا وطلبنا الاسانسير عمي خرج ورانا وقال لبابا قبل مانركب الاسانسير: طاهر حقك عليا

بابا: احنا فعلا لازم نمشي ربنا يعينك يااخويا

وحضنو بعض ومشينا

فارس قال لبابا: اسمحلي اوصلكم

بابا: لا يابني خليك. هنا ابوك وامك محتاجينلك

فارس بصلي وعنيه بتقولي شكرا

ورجع جوة لقى ابوه بيقول لامه: انا فاض بيا منك خلاص

قامت اميمة وقالت: الجواززة مش هاتتم والبيعة دي مش هاتتم ولا ايه انطق يافارس

فارس قال لأمه: شوفي بقى انا هاتجوز بنت عمي مهما عملتي

امه بذهول: فارس انت بتقول ايه

عثمان: ايه ماسمعتيش ابنك فاق لنفسه وانتو وشاور لاولاده احب اعرف رأيكم مع انه لاهايقدم ولا هايأخر

عدي: ياماما حرام. عليكي كسفتينا قدام الناس

سامر: فارس مش عيل ياامي ومش هيتجوز بنت اختك ارحمينا بقى

امير: الي تشوفه ياحاج المهم تجوزني تمارا 😂

اميمة بذهول: كلكم بقيتو ضدي انا بادور على مصلحتكم

عثمان بسخرية : شوفتي ياافعى ولادك دوري على مصلحتهم بدل ماتدوري على واحد يلم بنات اختك انا نازل شقتي حصلوني ياولاد الك.. لب وانتي ياحية اعنلي بلقمتك وانزلي حضري الاكل

بعد. ماعثمان نزل فارس طلب من اخواته ينزلو عشان عاوز مامته بكلمتين

بعد. ماالكل نزل

اميمة:كدة يافارس دي اخرتها بتاخد صف ابوك وانا الي ىساكتة علي مصيبتك مع هدير

فارس ابتسم بسخرية قال لامه: ازاي انتي امي وتقبلي عليا تورطيني ببنت اختك وانتي عارفة انها مش حامل مني

اميمة بخضة: انت بتقول ايه

فارس: تحبي اخدهاونحلل دي ان ايه ينفع وهي حامل على فكرة واثبتلك رسمي انه مش ابني هونت عليكي تعملي فيا كدة بس لولا انك امي كان زماني ولا بلاش كل الي هاقولهولك من دلوقتي منك لبابا لوحدك انا واخواتي برة اللعبة دي

وسابها ونزل وهي هتموت من الغيظ ان خطتها فشلت

في بيت طاهر بيتناقش مع بناته كالعادة بكل دفء وحب وبياخد رأيهم في الي حصل

وردة: مكنتش متوقعة ان طاهر ربناةيهديه ويرجعلك حقك لوحده انا خايفة على توبة ووجودنا جنبها وجنب عثمان حل كويس وقلبي هابكون مرتاح

تالا: انا كمان شايفة اننا نسكن عالبحر 😁

تالين: ايوة بقى ياحاج ونبقى جنب بعض انت وعمي وتوبة محدش فينا يقلق عليها

تالين: بصراحة عمي صعبان عليا مراته وحشة. بجد

تمارا: انا كمان عاوزة ابقى جنب توبة ونتمشى عالبحر و ناخد سيلفي بالفراندة زي الناس الهاي كلاس😁

توبة: انا عاوزاكم جنبي وعاوزاك تراعي عمي يابابا واحنا هنشتري بفلوس وعقد مش هنكون عالة على حد

بابا بيسمعنا وهو مبتسم وبيضحك وبالنهاية قال: سيبوني اسأل الشيخ صالح صديقي والي فيه الخير ربنا يقدمه

تاني يوم باباعملنا اجتماع وقال: بعد ماسألت واتطمنت من جهة الدين انا معنديش مشكلة عمكم جالي الشغل واخدنا سمسار محايد يتمن الشقة وبعد. مااتفقنا عالسعر هادفعله الفرق بكرة الصبح باذن الله هنروح الشهر العقاري ونعمل العقد وهاننقل في الشقة في اي وقت بعد.ماتوبة تتجوز نكون ظبطناامورنا ايه رأيكم😅

كلنا فرحنا بالقرار باباقال: توبة بكرة هاتروحو تكملو فرش الشقة واخر الاسبوع هاتنزلي مع فارس تختارو الفستان والبدلة و عمك هايجهز شقة فاضية عنده بالدور الارضي عاملها مخزن هايجيب ويدينج بلانر وهيعملكم الفرح فيها

ايه رئيك

: تمام يابابا ☺️

تاني يوم الصبح بابا وعمي عملو العقد الصبح بالشهر العقاري واصبح بابا يمتلك شقة بعمارة عمي واخر النهارروحنا فرشنا الشقة بكل هدوء لان. امه غضبانة عند. اختها 😒

واخر الاسبوع نزلنا انا واخواتي وفارس واخواته اخترنا الفساتين والبدل وسط جو من البهجة والسعادة

واجتمعنا مع الويدينج بلانر واخترنا كل حاجة

وتم. تحديد كتب الكتاب والفرح بعدها بأسبوع

عدا الاسبوع بسرعة بكل هدوء الخوف ليكون الهدوء الذي يسبق العاصفة🤔

لحد ماوصلنا ليوم الزفاف كنت انا واخواتي بمنتهى السعادة والميكب ارتست خلصت والكل بقى جاهز اول ماخرجت وشافوني بابا وماما عيطوا من السعادة وماما خايفة عليامن الحسد كنت حرفيا ملكة انا واخواتي🥰

فارس وصل باخواته وعمي وعملنا زفة بالعربيات وصلنا القاعة بزفة وتهنئة من المدعوين والمأذون وصل

وبدأ يكتب الكتاب ولكن فجأة............. 😳🙄

ازاي يعني متوقعين كتب الكتاب يعدي كدة بدون مفاجآت 😅😁

يتبع