السلام عليكم
نهاية رواية طوفان رجل
نورا ناصر
“أتصالحُ مع خياراتي العجولة، وأتقبلُ تبعاتُ إخفاقي، وأعطفُ على الندبة في روحي ، وأفهمُ كيف يستغرق الوصول أحياناً بضعة فخاخٍ ومنعطفاتٍ خاطئة، وأعيشُ بفكرةِ أن كل ما مر بي هيأني لقادمٍ مُختلف.”
ماتت الروح الي بيه بقيت رماد ضعيفه كولش ووجهي اصفر وماكل وبديت اتقيا
كال لازم نسافر نسوي العملية
اني رفضت كتله اريد امووت وفعلا تمسكت برفضي
اخر شي اجا هو من المكتب الي يم الحديقه شافني كاعده وفاتحه الشباك يمكن الساعه بالوحده بوكتها دخل عليه وركع يم رجليه على ركبه كال ماااكولج سامحيني بس اكولج لخاطر الجهال يضيعون بعدج واني وياج عشنا طول عمرنا بلا ام ونعرف المعاناة لاتتخلين عنهم عمري ماتتوسلت باحد بس انتي غير الدنيا كلها مااريد منج بس اشوفح عايشه وظل يبجي.
كمت نمت وعفته ووراها زادت حالتي سوء
وكمت اخر شي اذب دم ووكعت
ركض يوسف خابر ابوه واجوا مفزوعين حولوني مستشفى وهناك عايشه على المغذيات وتالي فتحت عيوني لكيت نفسي بفندق بالمانيا.
واكفة كدام الشباك واباوع على الغربان السود شكلها جان مرعب والسما لونها رمادي ترعد ومخيفة
بالضبط مثل حياتي الي ماشفت نور بيها
احجي ويانفسي شجابني هنا وبيه صرخة بكد الكون تطلع كل الكبت والقهر والظلم الي مار عليه
اتذكرت جدي وايامه غمضت عيوني نزلت دموعي ضغطت على اسناني واحجي وينك جدي وينك جدي هم حاس بيه ؟ هم توصلك اخباري؟
لوانت ارتاحيت وعفتني من امنتني بيد الظلام ...
جنت تكول صيري مثل النسر من مايجرأ الغراب ينگره
الطريقة الوحيدة الي يكدر بيها على النسر
هي من يصعد على ظهره ويعضه من ركبته
النسر لايندار ولايشوفه بس يصعد للسما عالي حيل والغراب يدوخ ويوكع لان مامتعلم يطير فوك
فهمتي يادره لاتلتفين وراه ابد اصعدي بويه اصعدي ولا تلتفتين
اااااااااااااه ياجدي ااه
دك التليفون عبالك صحاني على وضعي الي اني بي لزمت جهة من راسي وكلت ااااااخ ...
جاوبت جان يوسف فاتح كاميرا وضحكته ردت عافيتي
كال شونج دره شنو هالجمال انتي ماتكبرين
دمعت عيوني
وغطيت صفحة شعري الواكعة
هو كال سهلة سهلة ماردت اعوفج وحدج ماعندي اغلى منج وجان مدمع
كتله لااني اريدك يم الجهال ما امن احد يمهم غيرك
صاح ادم ايهم تعالوا
اجا قبلهم كرم يركض اخذ الموبايل وشرد وهمه يركضون وراه
كتلهم عوفوا خلي يحجي
خله حلكه على الكاميرا ، حلكه احمر ، افيش يايمه كال ماما ادهم ضربني ومايخلوني وياهم بالغرفة
كتله ادهم لحد يحاجي كرم مااقبل اني تره
ادهم وادم كالوا مايحترم ويتعارك ويانا على البلي
اباوع على كرم يعيب بلسانه ويمده عليهم وخاتل ورا يوسف وهم يسووله بسيطة بعدها رجعوا للبلي يلعبون
يوسف كال لاتفكرين بيهم اني شغلتي حاجوز
كتله هم رحتوا للبيت الجبير ؟
كال لا بقينا هنا مسيطر عليهم اني
سألني فيصل وين ؟ و شونه وياج
باوعت كتله كولش زينه ومداريني
كال الحمدلله رجعيلنا بسرعه
كتله ان شاء الله كرم يكولي شونج ماما صايره مو حلوه كبل صاكه وبابا يزوج عليه هسه شلون
اني ظليت اضحك سمعه فيصل كاله الله يطيح حظك خل ارجع للعراق لو تحجي حجايه بهي خير لو تسكت
صاح ايهم قابل مجذب هو صدك يتزوج هواي
كتله لاماما حجيك صحيح شسوي خل يزوج تعلمت بعد
رجع باوع عليه يعني بعد مايهمج ازوج عليج كمت أضحك كتله ايهم جاي يشاقه وياك ويغمزلي شحدك بعد ماتكدر اني وولدي نحجر عليك هههههه
كال هااا صارت هيج
كتله تكدر بعد؟
كال مااريد شي من الدنيا بس تتعافين ودموعه
تنزل والولد هم يبجون واني وياهم
طول الفتره الي بيها اني وياه بالفندق مايحجي بس يحضن بيه ويبچي واني جنت محتاجه هذا الحضن
ماقاومت ولاحجيت كلت خل اعيش هالايام بهدوء وراحه جان يطلعني للاماكن وونسني هوايه ويفتر بيه ولازم ايدي
شكد يلح عليه اشتري واكوله خل اطلع من العمليه ياله هو يكول ان شاء الله ابيع الدنيا واشتريج درة مااكدر اعيش بدونج
وتحدد موعد العمليه وشصار بيه من عرفت لازم يزينون شعري واني من يذكر جمالي الوصف بشعري ثخين واسود وسرح مي وطويل انهاريت هو جان يمي
كتله اني بشعري وانت شمسوي بيه ماخليت صنف ما جربته شون اذا
ماخلاني اكمل خله ايده على حلكي كال اني حبيت روحج اكثر من جمالج ونزلت دمعه من عينه كالي احبج تعرفين شنو احبج وهاي اول مره يكولها الي بعد سنين
وظليت اباوع بعيونه وابجي كتله انت تحبني شون وهذا الي سويته بيه كله شنوو
كال كافي انت خليتيني هيج اسوي اني اعشقج حد الموت من تطلعين نحجي وراج عمليه بس تعاي بحضني
حضني واني متمسكه بي كتله فيصل لاتخليني اموت وحدي عفيه اخاف
اني ابجي وهو يهتز يبجي واصلا خايف اكثر مني بس مايبين
كالي لا وياج هسه تطلعين وتصيرين زينه وان شاء الله تنذكر ماتنعاد
وظليت بحضنه للصبح مانمنا
الصبح بدلنا وطلعنا وراح حجا وياالدكتور ورجع كلي مايزنون شعرج كله كد فتحة العمليه وظليت لاخر لحظه لازم ايدي وحظني.
كتله امانتك الجهال
كلي ترجعين انتظرج ونربيهم سوئ
فقت ثاني يوم العمليه مستمره 3 ساعات واني ظاله بالعناية المركزه لثاني يوم فقت لكيته يمي ويبجي ويضحك بنفس الوقت
الحمد لله الحمدلله والشكر عافني وراح ورجع متوضي وصله ركعتين شكر
ورجع عليه كال شسويتي بيه جان المفروض تفيقن ورا العمليه بساعتين وانتي طولتي واني كوه اجر النفس
الحمدلله زرعوا الورم ورا اسبوع يطلع وفيصل مداريني ماقبل بممرضة تكومني وتكعدني وهو يوكلني ويغسلني حتى الحمام ويايه واليل انامه بحضنه
جان القلق بعيونه وخايف حييل.
والحمد لله طلع الزرع حميد والفرحه ماسايعتنا بس انطونا علاج ورا سته اشهر نرجع هذه الاحداث سنة 2017
كال مانرجع تبقى فد شهر نطمن على عمليتج ياله
جان فيصل الابتسامة مافارقت وجهه وخابرهم بشرهم والجهال تكمز من الفرح للكل خابر حتى عمامي وعمو حسن اجاني لهناك وظل يومين يمي.
بس الجو متوتر بين عمو حسن وفيصل لان كم مره خابره وكله عوفها خل تجي يمي وجان يريد يسحبني يمه
بس هم لخاطري تحملوا بعض بعدها راح عمو
وبقينا فترة نقاهه هناك وكعد يفضح اسراره
كال من اجيتي على قبول للنهرين وشفتج دخلتي مزاجي مااعرف شنو لجذبني واني جنت متزوج تذكرين من تقربتي يمي واني اتوضا بيومها وتحجين ويايه وماجاوبتج ورجعتي تقربتي كولش ونفس مالتج ضربني من ساعتها واني افكربيج
من كتلج وخري خل اعيد ووضوء استغفر ربي وكلت ويانفسي شبيك يايمعود هي كد بنتك ابوها جان صاحبك وحتى رحت كلت لجدج على الحجاب لان من دنكتي عليه وشعرج نزل مااعرف شنو الصار واني شايف نسوان ومتزوج كومه ماكو وحده دققت هيج بيها
وطلعتوا من عدنا واني بس افكر بيج ماطلعتي من راسي اسبوع اتعوذ من الشيطان واشيلج من بالي ماكو ابد ورحت لجدج وطلبتج منه وماقبل كاله انت مابيك قصور بس درة محد الها بهالدنيا بس اني ازوجها لرجال طول العمر وياها وانت مو هذا طبعك والبنيه متعوبه بحياتها هنا اريدها ترتاح وانت تشلع قلبها وهي رغبتها تكمل واني ماارفض لها طلب وهي هم شاطره وتشوفها ياريت فيصل هذا الكلام بينا ومحد يعرف وماتزعل مني درة النفس اليصعد وينزل ويايه
كتله عندي استعداد لاياي ضمان ماتزوج عليها كلي
فيصل مو بيدي
صدك طلعت ودبرت الج موافقه لجامعة صدام ومن اجيتي لبيتنا جنت منتظر جيتكم واحجي ويا نفسي شبيك فيصل تحجي صدك النسوان تبدلها مثل ملابسك شنو هاي الطفلة وتاثر بيك.
انوب انتي من انطيتج القبول وبستيني شعلتيني شعل وهذا النفس مالتج شنو يسوي بيه ورجعتي عدتيها عناد بزوجتي شصار بيه.
طبعا كل كلمه يكولها اني مااصدك وهو يحلف بالجهال واكوله كمل
وبعدها ضليت متابع حتى بالكليه مخلي واحد يراقبج وياويله الي يتقرب منج ويوميه تقرير كامل عنج
وعجبنيني اكثر اخلاقج وتربيتج ماجان عندج اختلاط بالشباب ابد ومرات اجي اوكف باب للكليه اشوفج من اطلعين وبلاحجاب والقصير ونص ردن والبناطير اوووف نفسي الزمج واموتج
مااعرف حظي لو حظج خلاج بطريقي مااعرف اني وين وانتي وين
ومن جدج خابرني على سالفة عدي بالحبانيه
كتله لاتخاف ابو سلام حلها يمي خليها تداوم ولاتقلقون وفعلا اطمنتي
بس كلت اجاني الفرج ورا كم يوم اتفقت ويا ضابط يروح للكليه يسال عليج ودزيت واحد يتفق ويا صديقتج تبلغج وتخوفج والناس كولشي تسوي بالفلوس وصار الي ردته
اني تجننت كتله ليش هيج سويت بيه ليش لاانت انعدلت ويايه وخليت حياتي حلوه مثل الناس ولا انت عفتني اشوف طريقي وارتاح ليش كلي مو حرام عليك كل هاي السنين الي عشتها وياك من قهر لقهر واخر شي مرضي شكول عليك شكول وكمت ابجي
ظل يسكت بيه كال شتكولين حقج واني اذيتج هوايه بس قسما بالله من رجعت ورا زعلتج مني صدك اني ناوي اعيش وياج واعوضج ومن ولدت التوم حسيت ملكت الدنيا انتي سويتي عائله الي غصبا عليه لكيت كل راحتي وسعادتي وياكم بس طلب خالي هو الي غير حياتي
حاولت اقنعه وشكد كتله اني اجيب موظف عندي يزوجها وانطي فلوس بس هو قفل عليه يكول حتى يخاف بعد وتتوب وماترجع لارشد.
كتله كلها تفكر براحه احبابها الاانت مافكرت بيه
كال شلون والله من كلت الي مره عن احلامج البسيطه متت قهر اني مااحقق شي الج جنت اظن من اصرف عليج ببذخ واميزج عنهم عبالي تفرحين او احسسج بقيمتج عندي لان كل النسوان الي عاشرتهم همهم الفلوس والمتعه وخدم جوه رجليهم
بس انتي هم جنتي جامده ويايه ماحاولتي تكسبيني تدرين من جبتي يوسف قبل لا ادخل وسمعتج تكولين لجدج بدون ماتدرين بيه واكف تكوليله ماابقى وياه مااريده هو مايريدنا كلت خل احفظ كرامتي وادري جدج يرجعج دخلت وكتلج روحي وياه
اما فتره زعلج شكد اجيت وخابرت وانتي ماقبلتي ترجعين
كتله وزواجك من هديل ليش لان صرت حامل
كال لا بس اني شفت نفسي مهووس بيج واريد اكسر هذا الشي لا وانوب طفل منج وحسيتج نقطة ضعف بالنسبه الي واذا تلاحظين لو شنو تسوين ماازعل منج صح اتعب مرات بس انسى بسرعه وحسيت كل الحولي حاسين بهذا الشي اكثر من هروبج مني انت والجهال.
نسواني حدهم جنس وفلوس اي شي ثاني مالهم لايدخلون بحياتي نهائيا وشحدها الي تحجي وعبالج هديل وراج اجرمت بيها جرم واذيتها وطلقتها.
انسي هسه اني كدامج صفحه بيضه وماد ايدي كافي تعب خلينا نعيش ويا جهالنه براحه وحضني كملت العلاج ورجعت للعراق وهناك الذبايح والهلاهل وكرم يرقص ويهوس هو و عمه احمد
فيصل تبدل هوايه حتى علاجي يشربه بايده والاكل حتى بايده يوكلني السفر صرت اروح وياه والبوشيه ذبيتها كمنا نطلع كعائله للمطاعم مصايف رحنا هواي ماخليت بلد ماشفته لحد عليه اروح اشوف امي ماقبلت يعرف عنوانها عندها مصنع البسه رفضت مااعرف خفت ومااريد اذي نفسي قررت اريح نفسي نهائي واشتري راحة بالي.
فيصل يوميه من انام على ايده يكول الحمدلله والشكر اني هسه لو متزوج وين جان هسه وحيد لاعائله لااستقرار انتي حتى سديتي نفسي من النسوان كسحتيهم كلهم وتربعتي
الولد صاير وين مايطلع ياخذهم وهما ماشاءالله طوال علمهم كولشي للصيد الخيل الصراحه هو كولش مددللهم من البدايه بس يوسف اول سنتين من زعلتي كرم تلكي دائما صاف يم ابوه ويشاوره الله ليعلم وابوه يخرب ضحك ومن اسالهم يكولولي اسرار بابا اسرار
حياتي استقرت واخيرا الحمد لله وماكو راحه بصوره عامه بس الحمدلله صرت كل ست اشهر اروح اسوي بيت اسكان وجيك عام وهو ويايه.
طبعا فيصل حسيته مرتاح وسعيد ويسولف ويسال قبل جان عايش بلاشارات يتخبل على الولد من يتاخرون مع العلم همه ماعدهم شي حدهم عشره احمد لحد هسه ماتزوج يكول مالكيت الي تعجبني وطبعا هو عدنه عايش ويطربك ويا الولد واذا هووكرم صنفوا على واحد يبووه ومايخلوا تصنيفهم على فيصل وزوجاته واني اطبك وياهم
اكولهم لاهو شهريار ولاهو متولي ماادري شنو هو
ظل يضحك ويشرب جكاير يكولهم ماخليت بنفسي صنف من النساء ماجربته واخر شي حبيت وتزوجت ولحكت اخلف وهمه يصوفرون
قبل سنه تقريبا راد يسافر للبنان لخاله حجى كدام ولدي كرم كال روحي ماما رايحة لبنان سوي نيو لوك
فيصل كال لا ماكو داعي اروح وحدي
اني سكتت ورا العشا راح للمكتب واني رحت اسوي قهوه اله واواديها طلعت انتبهت الولد ماكو
سمعت صوتهم بمكتب ابوهم ظليت اسمع شيحجون بدون مايدرون
اسمع كرم يكله بابا ليش ماتاخذ ماما وياك
كله عندي شغل وراح تظل وحدها
كله يوسف بابا اذا هالمره صارت تخسر اربعه مو وحده ماما احنه وياها
لزم يوسف من ياخة تي شيرت كله تهددني
كرم كله كلنا ويا يوسف
سمعته يصيح تخبلتوا انتواااا
اني مااسويها ابد بس مااقبل تحاسبوني لاتنسون نفسكم قنادر ادوسكم برجلي
ادم طلع من صمته كال بابا ماما تعبت هواي وخسرت هوايه كافي الي عشناه بابا احنا هسه ياله حسيت اني
حياتنا حلووه وماعدنا استعداد نخسر ماما بعد
صاح كافي صرتوا زلم براسي
كرم كاله اي بابا زلم احنا
سمعته ضرب كرم راشدي ودخلت اني تخبلت
كتلهم شكو انتو شنو تحاسبون ابوكم هو بكيفه اذا جان هيج يفكر بعده اني ماابقى ولاانتو ماكو داعي تحجون وتكولون هيج.
تخبل كال منين تجيبون هذا الحجي ومابالي هذا الموضوع نهائيا رايح شغل سريع ومهم وارجع اني شون اسويها والله لطف بينا وتعالجتي
هيج متبطر واخرب عائلتي بس اني اتعصبت شون يحاسبون ويهددون صاروا زلم براسي هذا ماضي وراح وانتوا بره الموضوع اني وامكم نتصافى
كله يوسف لا بابا ماما جانت وحدها وتحملت هواي لخاطرنا وصبرت علمودنا من صرنا زلم تتوقع مانوكف وياها
الكلام بوقتها وقع صعب على فيصل الولد مخلي ويذكرون بالماضي لان ابد ماباله يصير بهيج موقف والجهال يتفدوني بروحهم
هو صح صيح عليهم وظهر قوته بس هو هزه موقف الولد كولش واتفاجا حتى كرم هو اليحجي ضده
كال وبالله شنو تسون اذا تزوجت ورحتوا وياامكم تعيشكم هيج عيشه
هي بس كاع عدها تكدر تعيشكم مثل هسه ملوك زمانكم
يوسف رفع نظره هو و يكولي ها درة احجي
اشرت براسي اي
اني ماحجيت بس فرحانه بجهالي بشكل وجنت حابه شنو يفكرون وحبيت من حصروا ابوهم بزاويه وماكدر يردهم
وفيصل غمزلي بمعنى خل نشوف شيفكرون
بس هو اتفاجا من رد يوسف وانصدم هم
كله يوسف بابا ماما عدها املاك هوايه انت ماتعرف عنها غير الكاع وبالمصرف مبلغ كولش جبير فوك ماتصور واني جنت اروح وياك للمصنع وعرفت كولشي بي وواكدر اسوي مثله على صغير واخواني ويايه وحتى كرم علمته ويايه وادم جان كله بالحاسبه وايهم هم.
ظل مصدوم كاله يعني شنو مخطط تعوفوني
كاله كرم لا بابا احنه بظهرك وياك بس هذا للزمن
كالهم شنو مامنين بيه؟
دنكوا الولد
كالهم لاتخلون بالكم هيج افكار ابد انتو عائلتي واغلى مااملك مستحيل بعد اتخلى عنكم هو يحجي بس بداخله غصه وحصره جبيره
عرفت اتاذى من عرف الولد هيج يفكرون ومن عرف جهالي يعرفون املاكي وهو لا وخاف من تفكير ولده ومهيئين نفسهم لفقدانه وجان الموضوع كله يدافعون عني مو عن فقدان ابوهم بحياتهم
وسكت وكال ولدي سباع مااخاف عليهم اطمنوا بابا مايصير هذا الشي بعد امكم مااضيعها بعد ومااضحي بيكم اطمنوا وحتى ترتاحون ولا السفره كلها تعب اخذ ادم ويايه حتى يوثق الشغل تصبحون على خير
باسوا الولد واعتذروا وطلعوا
كتله تنام كال لا بعد عندي شغل
ليلتين فيصل مانام من كلامهم والولد حاولوا يطلعوا من الجو الي بي يشاقوا ويحجون وبدا شويه شويه يفك
وسافر واخذ ادم وياه ورجع ومشت الحياه والحمد لله والشكر كانوا ولدي مصدر قوتي بعد وفاه جدي جنت قويه بيهم كدام فيصل واني قويه بفيصل كدام المجتمع
ويوسف هذا العوض بمكان جدي
والتاريخ يعيد نفسه لكن بطريقة مختلفة ، بنت وليد الي سماهه علئ اسمي كبرت وصارت سادس اعدادي حلوة ولطيفة وجنها كورية واشوف يوسف ونظراته تلاحقها ويلاطفها بالكلام ويشاقيهه.
بس بعدهم صغار يوسف عشرين سنة وهي 18 سنة
يوسف يحبهم حيل ويموت علئ وليد وعائلته.
حاليا يوسف على خلاف دائمًا ويا ابوه وحتى كاعد بالمشتمل بس علمود يكون قريب مني وهو دخل كليه عسكريه مايريد من ابوه كولشي وفيصل متخبل
شكد فيصل يجيبله سيارات ويتوسل حتى يرجع للبيت الجبير مايقبل وفيصل يكول الله عاقبني بيوسف
يكول ليوسف شون تريد اضمن اللك بعد مااذي امك اني احبها اكثر منكم شنو الي يرضيك يوسف
يوسف يكوله يابه بس اسعد امي ولاتاذيها مااريد منك شي.
شوكة اغلب اوقاتها يمنا والولد يحبوها كلش ويضحكوها ويكولولها راح نخطبج لابونا وهي تتونس.
جنا كاعدين نتعشا انفتح موضوع زواج احمد
اني رشحتله رسل بت عمي فلاح كولش حبابه وفقيره وتخرجت دكتوره وجاي داوم وياهشام وزوجته
كال فيصل فكر العمر جاي يمشي لوتدري لذة البزر مابعدها لذه ويوميه اصلي ركعتين شكر لله على عائلتي من اشوف ولدي بالمصانع ويوسف من يجي من دوامه
يحسب ويحاسب واكوله اكعد يكولي لابابا اخلص شغلي
فرحتي ماتكفي الدنيا وحتى كرم من يحاول يسخت ويوسف يجره كوه واشوف يسمع كلامه ابتسم وادم وايهم يدونون الاسعار والبضاعة وهو يمهم بالحاسبه
واني بس اباوع اكول ربي احرسهم الي واحميهم تعرف شنو هذا الشعور مايعوضه شي بالدنيا وياحلاته
احمد مكتف اديه ومرجع ظهره علئ الكرسي يكول مو وكتها
وبعد الحاح قبل يخطب رسل وهي وافقت وفرحنالهم هوايه.
ولهنا وانتهت قصتي ...
انتهت.
ماعندي اي تعليق عالنهاية
كل وحدة تخلي نفسها مكان درة وتكول شنو راح تتصرف لو كانت يتيمة ومتزوجة شخص ذو نفوذ وسلطة شنو ممكن تتصرف.
صح هواي تفاصيل ناقصتني خاصة هروبها كالتلي اكثر من مرة انهزمت ولكاهه.
درة لهسئ ماكو ماتواصلت وياي بعد من جنه ننشر القصة كالت تاخذ علاج بالاسبوع مرة وحيل يتعبها وطبعا ماعرف هذا العلاج شنو حتئ كالت انو يخليهه يوم كامل نايمة
واذا رجعت تواصلت وياي اطمنكم عنها
استودعكم الله الذي لا تضيع ودائعه
نورا ناصر ❤️🌻
3 فبراير 2023
البصرة 🇮🇶
ساعة 12:38
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!