تحميل رواية «ترويض ولد العشماوي» PDF

يا مري سراج العشماوي راجع الدار والعشا لسه مأذنتش؟ إيه اللي حصل في الدنيا يا ولدي؟ البندر خلصت نسوانه ولا الكباريهات قفلت بيبانها في وشك!

سراج ببرود وهو بيفك كرافتته: لا دي ولا دي يا بوي الحكاية وما فيها إن خلقي ضاق ومزاجي مش جايبني لسهر ولا لكلام فاضي

_ زين ما عملت يا ولدي أهو تريح جتتك وكمان علشان ابلغك اني قررت أجوزك والمرة دي الجوازة على كيفي أنا مش على كيف البندرية اللي كانت واكله عقلك

سراج بسخرية: تجوزني؟ أنت بتهزر يا بوي صح أنا لسه طالع من سجن هايدي مكملتش شهرين وعاوز ترميني في سجن تاني

شاكر بشماتة : هايدي قول الحرباية اللي غارت ونهبت فلوسك اللي كنت فاكرها ست الهوانم وطلعت صايعة ومشيها بطال وبتاعة فلوس والحمد لله إنك طلقتها قبل ما تجيب منها عيل يورث خيبتك..لكن المرة دي بقا هتتجوز ملك بت عمك بت الصعيد الجواني

سراج بغيظ : ملك مين يبوي وحد الله..ملك دي مشوفتاهاش من عشر سنين من وقت ما ابوها خدها وراحو عاشو في الفلاحين وزمانها بقت زيهم بتلبس جلاليب وطرحتها واكل نص وشها وريحتها خبيز وطبيخ وانت عارف ان النوع ده مبينفعش معايا.. أنا ذوقي بتوع مدينتي هايدي وروبي مش بنات الارياف اللي ميعرفوش يفكوا الخط

شاكر بزعيق وضرب الأرض بعصايته: اخرس يا قليل الرباية بنات الفلاحين اللي بتغلط فيهم دول هما اللي يستروا العرض ويصونوا الدار ويعرفو يخدمو جوزهم كويس مش الصايعين اللي كنت بتلمهم من الكباريهات وتصرف عليهم شقايا… أنت بتاع نسوان والنسوان هما اللي ضيعوا هيبتك وخلوا سيرتك على كل لسان

سراج بغل: يا بوي والنسوان دول هما اللي بيجروا ورايا وبعدين أنت بتعايرني إني طلقت أنا راجل والراجل ميتعيرش بطلاقه أنا ألف مين تتمنى إشارة من صباعي مش زي الست المطلقة اللي حياتها بتقف أنا سراج

شاكر بتريقة: ألف مين يتمناك على إيه يا حسرة على خيبتك ولا على شطارتك في النسوان أنت مطلق زيك زيها في شرع الناس والكل بيقول سراج فشل ولولا اسمي كان زمانك مرمي في أي خرابة هتتجوز ملك يعني هتتجوزها ورجلك فوق رقبتك

سراج بزعيق : مش هتتجوزها مش هجيب واحدة جاهلة تقعدني في البيت وتعد عليا أنفاسي أنا مش هكسر نفسي لبت عمي عشان أرضيك

شاكر ببرود : هتتجوزها وكتب الكتاب الخميس الجاي ولو مسمعتش الكلام انسى إنك ليك أب وانسى إن ليك مليم واحد في ورث العشماوي اشبع بقا بـ هايدي وأخواتها خليهم ينفعوك لما تجوع

سراج بزعيق: يعني خلاص يا بوي قفلتها في وشي عاوز تجوزني غصب عشان الفلوس والورث

شاكر بجمود : وعشان مصلحتك قبليهم واسمع يا سراج البت دي لو اخدت خبر إنك زعلتها بكلمة ولا كاسر بخاطرها هتشوف مني رد فعل ميعجبكش واصل والورث اللي خايف عليه ده هكتبه لجامع النجع كله

سراج بسخرية: يا مري ده أنت واصي عليها أكتر مني هي لحقت تسحرك ولا إيه وأنت مشفتهاش من سنين

فجأة دخلت نوجة وهي بتعدل طرحتها

نوجة بغل: لا يا حاج شاكر الجوازة دي مستحيل تتم واصل سراج مش هيتجوز ملك بت فتحية أبداً طول ما أنا عايشة على وش الدنيا

شاكر بص لها من فوق لتحت : وأيه اللي حرق دمك أنتي كمان يا نوجة ولا هي نار الغيرة من فتحية سلفتك في قلبك لسه قايدة خايفة بتها تاخد الدلع كله في البيت

نوجة بتوتر : غيرة إيه وكلام فارغ إيه أنا بس أنا بس شايفة إن البت دي مش لايقة على ولدي دي بيئة تانية وعيشة تانية وسراج ميتعودش على كده

شاكر بزعيق : اكتموا أنتوا الاتنين الكلمة كلمتي والقرار قراري سراج هيتجوزها والخميس الجاي الدخلة والبيت ده هينضف من ريحة البندر وعمايلهم السودة خلص الكلام

شاكر سابهم وخرج وسراج فضل واقف ينفخ لف لأمه وزعق فيها بغل

سراج: شوفتي يا نوجة أبويا هيضيع مستقبلي مع واحدة جاهلة عشان يربيني

نوجة بلهفة: اهدى يا قلب نوجة أنت عارف إنك نور عيني وعلى جثتي الجوازة دي تتم أنا هقلب الدنيا ومش هخلي البت دي ما تخطيش عتبة الدار نام أنت وارتاح ومتشيلش هم

سراج ببرود : تتم ولا متمش أنا خلاص قرفت بس أنتي متخيلة المنظر يا نوجة البت دي أكيد شعرها عامل زي سلك المواعين من كتر الشمس ووقفتها قدام الافران وعينها واسعة ومجحوظة زي الجاموسة في الزريبة وأكيد سنانها صفراء وبتتكلم بصوت يشرخ الودن

نوجة بضحكة: يا مري على وصفك يا ولدي ده أنت خلتني أتخيل غول مش بنية

سراج بسخرية: و تلاقيها كمان ايديها خشنة زي ورق الصنفرة من كتر غسيل المواعين في الترعة ورجليها بتخبط في بعضها وهي ماشية بالقبقاب دي لو دخلت أوضتي هتموتني مخنوق من ريحة البصل اللي طالعة منها أنا سراج العشماوي يتجوز دي ده أنا انتحر أكرملي

امه ضحكت وهو طلع اوضته

عند ملك

كانت ملك قاعدة قدام المراية شعرها الأصفر نازل على ضهرها وعينيها اللي واخدة زرقة وجمال موج البحر

فتحية بحنان : وه يا بوي علي البنية والله يا بتي الجمال ده خسارة تتجوز في مصر.. انتي المفروض تتجوزي من بلاد برا اللي هياخدك هياخد حتة من الجنة

ملك بكسوف : تسلمي لي يا أما الجمال جمال الروح وأني كفاية عليا رضاكي أنتي وأبوي مش عايزة أكتر من إني أفضل خدامة تحت رجليكم

فتحية بفرحة : الخدمة ليكي يا ست البنات علي فكرة جالك عريس النهاردة وابوكي وافق والظاهر إن نصيبك جه يملك وهفرح بيكي

ملك بهدوء : اللي يشوفه الحج أنا موافقة عليه كلمة أبوي سيف على رقبتي وهو أكيد عارف مصلحتي وينقي لي اللي يصوني

فتحية بتوتر وهي بتبلع ريقها: بس العريس يبقى سراج… سراج ابن عمك شاكر… الحج شاكر جه وقعد معا ابوكي وطلبك لولده سراج

ملك بصدمه: سراج؟ سراج النسوجي اللي سمعته الوحشه مالية الصعيد واخباره واصله لحد هنا ده حتي طلق مراته بعد شهر من جوازهم أنتي بتهزري يا أما صح ده راجل ميعرفش ربنا وعاوزني أتجوزه بفضايحه دي؟

فتحية بهدوء: يا بتي ده واد عمك وأولى بيكي من الغريب والحج شاكر راجل محترم جدا وقايد صوابعه العشرة شمع ليكي وقال إنك أنتي اللي هتعقلي ولده وتغيريه وتخليه راجل بجد

ملك بعصبيه: أعقله هو عيل صغير؟ أني لا يمكن أقبل بواحد زيه اللي زيه يدور على اللي شبهه في الكباريهات أني نازلة لأبوي أقوله قراري ولأول مره اعصاه

نزلت ملك جري للمندرة لقت أبوها قاعد بيشرب شاي

ملك بدموع : يا بوي يرضيك بتك تترمي الرمية دي يرضيك أروح لواحد شايف بنات الفلاحين خيش وهو سيد الرجالة سراج مش هيدخل داري

ولا هكون ليه زوجة لو السما انطبقت على الأرض

فتحي بكل حب وحنان وهو بياخدها في حضنه: حقك عليا يا نور عيني أني وافقت لما الحج شاكر ضغط عليا بس دمعتك دي غالية والدار اللي متبقيش فيها ملكة متمشيش ليها سراج مش نصيبك وأني هكلم شاكر الليلة وأقوله البت مش موافقة وكل شيء قسمة ونصيب

ملك بابتسامة : كنت عارفة إنك مش هتكسر بخاطري يا بوي خليه يشوف له واحدة من بتوع البندر اللي بيحبهم لكن هنا في بلدي فيه رجالة بجد مش خيالات مأته شبهو

فتحي بضحكة: روحي يا بتي ارتاحي والخبر هيوصلهم قبل الصبح واللهم اجعله خير

تاني يوم

شاكر راح بيت اخوه ومعاه سراج

في المندرة

سراج بهمس وغيظ: يا بوي عيب اللي بنعمله ده إحنا رايحين للي رفضتنا برجلينا؟ بقا اني اترفض من بت زي دي ؟ دي إهانة لاسم العشماوي

شاكر بزعيق مكتوم وهو بيخبطه في كتفه: اكتم يا واكل ناسك أنت اللي صغرتنا بعمايلك لغاية ما الناس خافت على بناتها منك اعدل وشك ده وإلا والله أهينك قدام عمك

دخل فتحي بإبتسامة

شاكر: ها يا فتحي يا خوي قولت إيه في اللي اتكلمنا فيه الواد جه أهو عشان يطلب يد بته بلسانه

فتحي بجمود وبص لسراج بقرف: والله يا شاكر يا خوي البنت صلت استخارة وقالت مفيش نصيب وأني بنتي مبجبرهاش على حاجه هي مش عاوزاها فا كل شيء قسمة ونصيب يا ابن أخوي

سراج بغيظ : هي مين دي اللي ترفض سراج العشماوي أنت واعي للي بتقوله يا عمي دي اللي زيها تحلم تلمح طيفي بس في السكة أكيد هي فاهمة الجواز غلط ولا فاكرة إني هاخدها الغيط معايا زي ما بيحصل هنا

فتحي بزعيق: الزم حدودك يا سراج بتي ست البنات وألف مين يتمناها وهي تاج على راسك لأنها بتدور على راجل يصونها مش خمورجي لو نطقت كلمة تانية في حقها هطردك من داري

سراج بغيظ: حقك عليا يا عمي مقصدتش بس أني مصمم على الجوازة دي أني مش هطلع من هنا غير وأني كاتب كتابي على ملك

شاكر باستغراب: إيه اللي غير حالك يا مقصوف الرقبة مش كنت بتقول عليها فلاحه

سراج بيوطي صوته بغضب : أني مفيش ست ترفضني يا بوي والرفض ده خلاني أعند.

سراج بيوجه كلامه لعمه: يا عمي أني بوعدك هتغير خالص وهغيى حياتي وهبقي ملتزم وهخليها ملكة وهبني لها قصر بس وافقوا خلوني أثبت لها إني راجل بجد مش زي ما هي فاكرة

فتحي بجمود : الكلام خلص يا سراج البت قالت لا

فجأة سمعوا صوت خطوات نازلة من السلم الكل لف وبص ملك نازلة ولابسة خمار أسود مخبي وشها كله مش باين منه حاجة

ملك بهدؤء: أني وافقت يا بوي أني موافقة أتجوز سراج أبن عمي

فتحي بصدمة :

بنتي ست البنات وألف مين يتمناها وهي تاج على راسك يا سراج لأنها بتدور على راجل يصونها مش خمورجي بتاع نسوان ولو نطقت كلمة تانية في حقها هطردك من داري

سراج بغيظ: حقك عليا يا عمي مقصدتش بس أني مصمم على الجوازة دي أني مش هطلع من هنا غير وأني كاتب كتابي على ملك

شاكر باستغراب: إيه اللي غير حالك يا مقصوف الرقبة مش كنت بتقول عليها فلاحه

سراج بيوطي صوته بغضب : أني مفيش ست ترفضني يا بوي والرفض ده خلاني أعند.

سراج بيوجه كلامه لعمه: يا عمي أني بوعدك هتغير خالص وهغيى حياتي وهبقي ملتزم وهخليها ملكة وهبني لها قصر بس وافقوا خلوني أثبت لها إني راجل بجد مش زي ما هي فاكرة

فتحي بجمود : الكلام خلص يا سراج البت قالت لا

فجأة سمعوا صوت خطوات نازلة من السلم الكل لف وبص ملك نازلة ولابسة خمار أسود مخبي وشها كله مش باين منه حاجة

ملك بهدؤء: أني وافقت يا بوي أني موافقة أتجوز سراج أبن عمي

فتحي بصدمة : يا بتي أنتي لسه من كام ساعة كنتي بتبكي وبتقولي مستحيل إيه اللي غير رايك

ملك بصت لناحية سراج ببرود من ورا الشال: وافقت عشان عمي شاكر وعشان سبب يخصني وكمان أثبت للي فاكر بنات الأرياف وحشين إننا نقدر نربي أي حد ونعرفه مقامه الحقيقي فين أني موافقة والمأذون يجي الليلة لو تحبوا

سراج بيهمس لنفسه : ماشي يا شيخ الغفر وافقتي عشان تتربي على إيدي ورا الشال ده أكيد مصيبة بس والله لهدم لك غرورك ده حتة حتة

شاكر بفرحة: عفارم عليكي يا بتي هو ده العقل مبروك يا سراج مبروك يا فتحي الليلة نكتب الكتاب

بليل

دخل سراج الجناح ورزع الباب وراه بغل وبص لملك اللي كانت واقفة في نص الأوضة بشالها فك زراير قميصه ببرود ورمى الجاكت على الأرض

سراج بسخرية : نورتي سجنك يا بت عمي فاكرة بكلمتين الرفض اللي قولتيهم إنك بقيتي ست يعني ده أنا اتجوزتك مخصوص عشان أكسر عينك وأعرفك إن سراج العشماوي مفيش ست تقوله لأ أنتي هنا خدامة يومين وهرميكي في النجع تاني وأنتي مطلقة عشان الكل يعرف مقامك

ملك فضلت ساكتة وده جننه أكتر قرب منها بخطوات سريعة ومسك دراعها بقوة وهو بيجز على سنانه

سراج بزعيق: ما تنطقي يا جاموسة النجع هو القطة أكلت لسانك ولا خايفة توري وشك اللي أكيد يسد النفس وريني المصيبة اللي تحت الشال دي

لسه بيمد إيده يرفع الشال كف نزل علي وشه رن سراج اتصدم وفي لحظة ملك شدت الشال من على وشها ورمته في الأرض

سراج وقف مكانه ولسانه اتعقد

ملك بقرف: الجاموسة دي هي اللي عطتك كف هيعلم على وشك العمر كله يا ابن شاكر فاكر نفسك راجل عشان بتعلي صوتك الراجل اللي بجد ميمدش إيده على ولية ولا يتجوز واحدة غصب عشان يكسرها أنت اللي تسد النفس بمنظرك ده وتفكيرك اللي زيك

سراج بصدمة : أنتي أنتي ملك؟ مش ممكن الجمال ده كله في النجع أنتي إزاي مخبية كل ده

ملك بتريقة: مخبياه للراجل اللي يستاهله مش لواحد زيك مقضي حياته في الكباريهات ومطلق وصيته سابقاه أنت بالنسبالي صفر على الشمال يا سراج واوعى تفتكر إن جمالي ده ليك ده حسرة في قلبك طول ما أنت في وشي

سراج حاول يفوق من صدمته وجمالها خلاه ينسى القلم مد إيده بذهول وكان لسه هيلمس وشها وهو مشدوه

سراج بهمس: أنا أكيد بحلم معقول فيه بشر كدة

قبل ما صوابعه تلمس بشرتها نزلت بكف تاني أقوى من الأول على الخد التاني صوته سمع في الممر برا

ملك بغل: قولتلك م تلمسنيش إيدك دي لو اتمدت عليا تاني هقطعها لك سراج العشماوي النهاردة عرف مقامه الحقيقي مقامك تحت رجلي يا دنجوان البندر اتفضل بقا برا الأوضة دي مش عاوزة أشوف وشك الليلة

سراج ملامحه اتغيرت في ثانية كان لافف دراعها ورا ضهرها بقوة وحبسها بينه وبين الحيطة

سراج بغيظ : الكف التاني ده تمنه غالي جوي يا بت عمي أنتي شكلك نسيتي أني مين ومفكرة إن جمالك ده هيحوشني عنك ده أنا سراج والقطة اللي تخربشني بقطع رقبتها

ملك بألم ووشها أحمر: سيب دراعي يا همجي والله لألم عليك الدار كلها وأقول العريس نازل في مراته ضرب من أول ليلة سيبني بقولك

سراج كتم بوقها بإيده التانية بقوة وقرب من ودنها وهو بيبص لملامحها بانبهار مش قادر يخبيه وبدأ يتأمل تفاصيل وشها اللي خطفت قلبه

سراج بهمس : أكتمي واصل مكنتش متخيل إن شيخ الغفر يطلع قمر منور كدة ده أنتي اللي يشوف عينيكي دي ينسى اسمه خفي علينا شوية يا جطة ده أنتي طلعتي واكلة قشطة وعسل بجد

ملك بتوتر ورعشة في جسمها من قربه زقته بكل قوتها: ابعد عني يا قليل الحيا كلامك ده تضحك بيه على بنات البندر اللي كنت ماشي معاهم أما أنا فـ بت عمك وصعيدية والكلمة دي متهزش شعرة مني ابعد

سراج بعد وهو بيضحك بسخرية ملك جريت على السرير واتغطت وهي بتترعش من الغيظ والتوتر سراج فك زراير قميصه ببرود وراح نام جنبها على السرير

ملك بغل: أنت بتعمل إيه قسماً بالله لو قربت مني لأكون مخلص عليك بالسكينة اللي تحت المخدة دي

سراج ببرود : ده سريري وأوضتي وأنتي مراتي على سنة الله ورسوله يعني هنام هنا ورجلي فوق رقبتك

ملك بجمود : أني قادرة أخليك تنام على البلاط الليلة دي وأرميك برا الأوضة كمان بس عشان أنا بنت أصول ومتربية وعارفة إن الراجل مقامه السرير والست جنبه مش هصغرك قدام أهلك نام وأنت ساكت وبيننا وبين بعض مسافه لو عديتها هتشوف مني اللي ميعجبكش

سراج بتريقة: يا ساتر بنت أصول وأدب كمان ماشي يا ست الأصول نامي ووريني هتعملي إيه

ملك ادتله ضهرها ونامت و سراج فضل باصص ليها وجمالها مش راضي يفارق خياله

سراج بسرحان في نفسه : يا مري دي طلعت حريقة وجمالها يوقع بلد معقولة دي اللي كنت بهرب منها ده أنا اللي شكلي هتربى على إيدها بجد نام يا سراج ليلتك لسه في أولها

تاني يوم الصبح

الباب اتفتح و دخلت نوجة وهي بتبرطم وأول ما عينها جت على ملك وهي نايمة وشها قلب ألوان وبدأت تزعق

نوجة بزعيق : قومي يا ست الحسن فزّي من نومك واعرفي إنك في داري مش في دار أبوكي الشمس كلت وشك وأنتي لسه متسطحة زي الهوانم قومي شوفي اللي وراكي يا ست الغفر

ملك بفزع : في إيه حد يدخل على اتنين متجوزين في أوضتهم بالمنظر ده أنتي إزاي تدخلي كدة

يا طنط من غير إذن

نوجة بضحكة مستفزة: طنط؟ طنط في عينك يا بت فتحية اسمي ستك وتتعلمي تقولي لي يا هانم ولا يا ست الكل وبعدين أوضة ولدي وأنا حرة فيها أدخل وأخرج وقت ما يعجبني أنتي هنا مجرد ضيفة تقيلة لحد ما ولدي يزهق ويرميكي

ملك قامت وقفت بحدة : الضيفة دي هي اللي شايلة اسم العشماوي دلوقتي ودخولك ده قلة احترام ليا ولابنك الدار ليها أصول وأنا متربية على إن الأوض دي ليها حرمة ولا أنتي البندر نسّاكي الأصول

نوجة بذهول ورفعت إيدها: أنتي بتعلميني الأصول يا فِلاحة ده أنتي لسانك طال ووعر وجاية تفردي سيطرتك من أول يوم طب وحق اللي خلقك لهعلمك الأدب اللي أبوكي معرفش يعلمهولك

نوجة رفعت إيدها وبكل قوتها كانت هتنزل بكف على وش ملك لكن فجأة باب الحمام اتفتح وخرج سراج وهو بينشف شعره بالفوطة

سراج بجمود : يدك يا أما يدك م تلمسش مراتي واصل فهمتي

نوجة بصدمة: سراج أنت بتزعقلي يا سراج عشان دي؟ دي بتقل أدبها عليا وبتقولي معندكيش أصول

سراج ببرود : اللي يربي مراتي هو أنا واللي يزعلها يزعلني اطلعي برا يا أماي دلوقتي ولما نحب ننزل هننزل مفيش حد يدخل الجناح ده تاني من غير إذن حتى لو كنتِ أنتي

نوجة بغيظ : ماشي يا سراج بتبعني عشان بت فتحي والله ما هسكت والبيت ده مش هيلمني أنا وهي في مكان واحد

نوجة خرجت وهي بترزع الباب

سراج بتريقة: ها لسه شايفة إني صفر على الشمال ولا الكفين بتوع امبارح خلوكي تنسي إن ليكي راجل يحميكي حتى من أمه

ملك ببرود : محدش طلب منك تحميني أنا كنت هعرف أرد لها الكف كفين بس كويس إنك لسه فاكر إنك راجل في البيت ده

سراج بغضب: