رواية تصفيه حساب -- لمريم السعدي الفصل السادس عشر 16 - بقلم مريم السعدي

شبيج كومي بدلي
ماريد
ليش
تنهدت حسين كلشي ماريد من هالشي اريدك بس الك ماريد غيري تاخذك
ههه منو غيرج حسنى اخت حسام
تعرف اسمها حاجي وياها قبل
لا والله بس انسانه بسيطه حيل خطيه حاجيلي عنها اخوها و وتوها شهر وزوجها كتلو كدام عينها
ياعيني روح تزوجها واسيها
هو اليتخبل مره يعيدها
وكفت حسين انت تريد تكسرني بيها
وليش دااكسرج عكدت حاجبي
لان اني كسرتك
ماعاش اليكسر ابو علاوي  شفتيني شسويت رفعت تك حاجب
يعني انت متحبها
حييييل وين رحتي حب حب مره وحده هو اليتخبل مره ويحب وياكل تبن بايده يرجع يعيدها
كافي عاد كعدت وخليت ايدي على وجهي كافي مو تعبت تاكل بكلبي كرهت روحي وندمت
قرفصت كدامها  شتريدين
ماريد شي بس انت كلشي ماريد اريد ترجع حسين اللي متذب السماعه من اذنك بس تحجي ويايه ىكل اسبوع تجيني متلهف علمود حضنه  تدري من تزوجتني ليهسه محاضنني محاسه بحنانك
- دمعت عيني كتلتي بايدج لزمت ايدها كتلتي حبج والله ليكولها وارجع احبج لج بابا اني بس توكع الدنيا بيه انتي تعوفيني متشوفيني وياج مسوي مانع ليش اورط طفل كمت ودرت وجهي رحت عالثلاجه مال فندق حسيت بيها  ورايه
ملك- تقربت حضنته من وره مااعرف منين جتي الجراءه  خليتي ايدي على صدره سمعت دكات كلبه بايدي جمد ونفسه تسارع
حسين- ملك شويه دفعتها وطلعت روحي وي مطلعت ايدها من جوه ايدي رحت تمددت جسمي يرجف بعدت عيني كوه عنها درت وجهي عالشباك اخاف ارجع اخاف من الحب من دكتها
ملك- طبيت للحمام لبست السيت الاسود وطلعت اليوم اني مدااعرف روحي من الجراءه بس لازم اثبتله حبي طلعت بالكوه وكفت كدامه منصيه
حسين- غمضت عيني راح اموت اشرت عالفراش تعاي هنا
- حلو عليه
- اي كلش حلو جريت نفس ترديني
- اي
- اني اقسي عليج
- ميخالف ابتسمت اقترب مني باسني اويلي روحي طارت صار كومه ممقترب وهو بارد ابد مقترب اكيد عده شي بس من باسني عاج وانكلب وحش رجع يخوفني كام ياذي بحركاته واني متحمله واتضاهر بالراحه لحد فعلا كمت ارتاح مطول هواي ووخر مرتاح اني كل الردته انام بحضنه نام بصفحته و ووجهه عليه
حسين- مااعرف شصار بيه من شفتها دتتاثر رغم كل اذيتي الها بس متجاوبه انهاريت واني صار شهر وفرحه النجاح وياها --- بقيت اباوعلها تقربت خلت راسها على ايدي وغمرت وجههي بصدري
ملك- احضني باوعتله بتوسل
حسين- ليش
ملك- محتاجه حنانك
حسين- علمودج هاي
ملك- ادري قربني اكثر لصدري عصرني بين ضلوعه مثل قبل هسه يله ارتاحيت باوع بعيني شافني ذايبه عظ شفته غفيت مثل الطفل بيده وهو هم غفه كعدنا ثاني يوم مقبل يرجع كال اليوم هم ابقى اني مقبلت كتله لا نرجع توسلت بي رجعنا للبيت وهو راح فتتح
هند- شنو البارحه وين بتتو
ملك- بالفندق
- ليش ترجعون شهر العسل
- مااعرف هو عجبه
حسن- يوم اريد احجي وياج وويه حسين بليل
- اي يمه شكو بيها
حسين- فكرت اتوضف بشهادتي بواسطه مالي خلك اكمل جامعه واعزل المحل وااجره اجاره يروح لمصروف البيت واني اجار البيت الي والوضيفه اعيش منها بقيت افر الفكره براسي خابرت حسام وكتله مللي اي ليش ماكو بالفلوس كلشي يصير اشوفلك حسنى بلكن تلكالك بوضيفتها لان هي واصله بالدائره مالتها والله لليل اجه وبقينا نسولف ونضحك ونصنف  حسام صارلي اقرب من حسن اخويه
ملك- كمت اشك بيه عده شي وياها رحت عالباب المشترك بين الحديقه والمحل بقيت اتصنت على حجيهم عادي بس سوالف وضحك رجعت للغرفه بدلت ولبست سيتي الابيض بقيت انتضره ب12سمعته يحجي وي امه وحسن
حسن- حسين اني راح اطلع ااجر يم الجامعه
ام حسن- يمه وين تعوفنا ليش هيج
حسن- يمه احسن وحدي حسين انت تدبرها تعيش امي
حسين- اي شبيه لعد تنهدت الله وياك كلش فرحت بقراره
حسن- خوش على بركه الله بس البيت اصبغه واطلع واضل كل اسبوع امرلكم
حسين- هله بيك ارتاحيت طابوكه وانشالت من على كلبي دوخونه بمشاكلهم وسوالفه النغصه ويايه تعبت همزين حيطلع امي تاذت وبجت بس هالشي لصالحنا  واعدتني اخت حسام تشوغفلي باجر بالوضيفه لان عدهم نقص ابو بريد بلكن الله وتتسهل اذا مصارت اشوف ابو ملك بلكن يلكالي واذا مصارت نبقى على المحل كله نعمه وفضل وين جنت وين صرت لله الحمد  فتت للغرفه شفت ملك صدك ملك بقيت صافن مكياجها ولبسها تخبل طالعه نصيت اضحك
- شبيك تضحك موحلو
- لا حاو همست باوعتلها شدتفكرين تسوين
- ماسوي شي رجلي وداادلله
- تنهدت براحه خوش وكفت داانزع لزمت ايدي فتحت الدكم هي وعينها بعيني نزعت القميص ونزعت الفانيله تتصرف بهدوء ورقه  دمرتني
- يله روح اسبح
- فتت للحمام وطلعت لكيت محضره الجبس والببسي والنساتل
- ياه هذا الفلم حلو تعال اكعد
- جيت ضميت الضحكه شسوي الغيره صدك لو كالو اضرب مره بمره بقيت اتفرج للوحده طفيت باوعتلها نعست كلش
- اي كوم دننام طفيت التلفزيون والضوه بقيت التيبلام نزعت الروب يباوعلي متفاجا تقربت منه تحضنني مثل البارحه
- كل يوم
- اي كل يوم اكو مانع
- لا عادي اللي تردي  تقربت خلت راسها بصدري حضنتها نمت حسيت الفجر عالمنبه تسحبت منها وكمت للمحل كالعاده رشيت الشارع اباوع على سيارتي مبتسم  صار سنه هيج وكت كلشي مجان عدي غير هالمحل هسه بيت وسياره باوعت لبيت ام اكرم بيت حسام الله يوفقك حسام جيتني باب الفرج دزك الله والله هاي دعوه امي وام عباس العلويه تذكرت الرجال من وكع البيض وتكسر وكعدت اضحك ضحكت كللي الرجال بشاره واني خربان ضحك ملك هم مرزوقه رغم كلشي الرزق من دخلت دخل وياها الحمد لله كملت غسل الشارع والمحل رتبت البضايع غسلت السياره بالشارع صارت 2017هههه من النضافه  بقيت ابيع مشتاق لحس الفكاهه بس راح ميرد بعد مااعرف ليش لل10ودك رقم غريب عليه
الو
الو هلو حسين اني حسنى
هله هله بيج
اكولك قبل المدير عام باجر جيب اوراقك وتعال اول شي عقد وراها ملاك دائم واول راتب ينطوك 190وراها كل شهرين يزيد 50لحد ميوصل 600ويوكف واذا اخذت شهاده الجامعه تصعد درجتك والراتب هم
ها خوش حجي  الله يسهل ممنون منج وشكد انطي على هالشغله
هههه لا ولا فلس شنو الدنيا كلها فلوس عدك
ها شون يصير كلولي الا فلوس
لا اني الواسطه واني مو شويه بالدائره نص الشغل براسي
الله يوفقج مااعرف شون اجازيج
هههه جيبلي عريس هههه
خرب ببليسج جنج اخوج ههههه الله وياج حسنى ممنون مره 2
هلو عيني حسين الله وياك
سديته وكلبي صاير شكبره اباوع عالمحل والله راح اشتاقله شون مااعزله اني هنا بديت حياتي شون اعزل وااجره افتريت باوعت الثلاجات ابتسمت شون اجتي بصعوبه وكوه لملمناها ولغوه حسن وسمه اليذبه كوه جمعنا واشتريناها باوعت عالميز هنا وزنت وهنا ضحكت عالجهال واللمع مال شباب لا ماراح اعزل روحي بالمحل وباب رزقي باوعت عالكرسي تذكرت ملك من تشخطت رجلها ووخدودها وكعدت عالكرسي اصنف عليها وتكولي رحيق احلى منك كل مكان بي ذكريات غسل الشارع الفجريه والريحه مال تراب المرطب والهوا الطيب الناس التعلمت هليهم ميشترون غير مني لا ماعزله كضيت احلى مراهقتي هنا باوعت عالباب الفاصله بين الحديقه وبين المحل تذكرت من بنيته والتعب التعبته لا مستحيل اعزل اجيب صانع الصبح لل3ومن 3اني استلم اكون مرتاحلي ساعتين خللي موهواي يجيب رزق بس متونس ومكاعد بالبيت ومن اريد اطلع عود اخلي الصانع يكعد باجر اضافي قررت هاهي اخذت السياره ورحت تسوكت الضعف مال يومين شفتلي صانع تتذكرون اللي راد كريم اولاي المفتح  اللي يمشي ويفر اي بالضبط هو هذا قبل يشتغل صانع  باليوم 10 وجاب بضاعه تجميليه كريمات مفتحه للبشره واقنعه المصيبه وين اني اول من استعمل الكريم المفتح  يابه ورايه وضيفه اروح مجلح  فتت للبيت لليل يله كملت اموراتي حجيت لامي كلشي كيفت وفرحت ملك وجهها كام يكلب الوان ابد ممرتاحه مسالتها شبيج ضلت مدلغمه  فتت نمت واسمع ضحك رحيق وعلي مر شهرين وهمه نفسدالحب يطلعون يفترون بالمنطقه  وعلي خطبه فتح جنبر كتله اوكف بمكاني بالمحل متقبلها طول عمره   عزيز نفس ورحيق تنوت عليه عقدو محكمه اليوم والخميس عقد السيد نمت وميت فكره ببالي عن طبيعه العمل شايل هم شكبره ماك نطتني ضهرها ونامت عبالي هم راح احضنها مكدرت انام تقربت منها شفتها غافيه حضنتها من وره بسته من كتفها اووف ياعطرج  اخ يابه  نمت وكعدت ب6 كمزت سبحت وتعطرت ولبست اندار اشوف ملك صافنه عليه هي وبالفراش --- صباح الخير شنو كعدتي
- اي تتريك لو عدك احد تتريك وياه
-شون شون هههه بطرانه نامي بابا نامي
- غطيت وجهي وبقيت ابجي متاكده اكو شي بيناتهم  حتى سوت شغلها وياه خسرته لحسين هاذ هوه خسرته اباوع على كشخته والعطور شدعوه كله علمودها مستحيل حسين ميصير لغيري
- طلعت بسيارتي ورحت للدوام وصلت الدائره خطيه جانت تنتضرني حسنى الضاهر المدير عام هواي رايد خاطرها  دلتني على المكتب مالتي اصلا كلش قليل اكعد بي نطوني سياره حكوميه فقط اثناء العمل البريد اوصله لدوائر الدوله الباقيه مطشره اكو بالعلاوي اكو بالرصافه اكو يم المطار حسب المصدر والمستلم هاي شغلتي الوكت الباقي اكضي كاعد حسنى كامت تطب وتطلع تسولف ويايه البنيه اكبر مني وماعدها شي ويايه المدير العام  عينه منها مبين عليه شعليه اني اقترحت عليه اكمل حامعه بدوام حزئي اخذ ورقه من الوضيفه على اني موضف مااكدر اكمل كل الدوام وبس بالامتخانات تقبلت الفكره وحبيتها بوكت فراغي اللي بالدائره اقره واروح امتحن وارجع مرت كم يوم ملك ابتعدت كلش عني واني مسطور بين المحل والوضيفه  عفت البورصه مااحتاجها بعد واساسا منقتنع بعمل ماتعب بي وينشك حلكي وتجيني منه فلوس مر اسبوع وملك مدلغمه سالفه الجامعه بعدها تنطبخ براسي حجيت لامي شجعتني قدمت على الجامعه بس وكت الامتحانات قبلو قطوني ب500مقدما لان اهلي وراح اجار اول شهر مال بيت للجامعه بس عدي جوه ايدي 2الحمد لله ملك كامت ابد متصرف انطيها سبوعيه تخليها عالميز متكومه الاسبوعيه متلعب بيها بس متدخلت كامت متنام  بحضني تعبان كلش احس روحي بربا الشاطر ميت شغله لازم باجر مهر رحيق كاعد بالمحل صافن ب9بليل شفت حسنى وام اكرم بيبيتها جتي لمحلي
ملك- كمت اطب واطلع اتسمع وره الباب خالتي لو نايمه لو تتفرج لو عالسجاده ورحيق تحجي وي علي واني رابطت يم باب المحل الداخلي اتسمع كلسا منو طب يمه ومنو طلع هناك سمعت صوت بنيه كالت هلاووو شكد مايعه ياالله
- حسين- هلو حسنى هله حجيه شونج اشترو كم غرض
حسنى- اكولك اليوم استلمت رانب كامل
حسين- لا منطوني لاكامل ولا نص
- اي مو بعدك شفتها لهاي الجديده شون تتمضحك رزلها عماد المدير
- اي شفتها خطيه منقصه حنان هههه علي ابو الطابعه كابلها وكعد
- اي هو هذا هم منقص ههههه
ملك- اسمع واتكرضم  هناك صارت صنطه شنو راحت حتى مكالت باي
حسين- اخذت الغراض وحاسبت اشرتلي باي وراحت سديت باب المحل وكعدت شوي واعزل بعد تعبان واريد احضر لمهر رحيق صافن
ملك- بقيت انقرب اريد اسمع ماكو خاف ديشاورها بالغلط لزمت الثلاجه وردن ايدي مبلله واتكهرب واعيط عيطه
حسين- سمعت عيطه بالباب المشترك كمزت عرفت احد تكهرب الحمد لله تصرفت بوعي ركض طفيت الثلاجه ورحت عالباب --- مللك!!!دتسوين ملك مترد وكعت بالكع ملك ملك يمعوده اهزها ماكو ملللك انخمط كلبي
ملك- من فشلتي استحي افتح عيني بقيت مسويه روحي مغمى عليه
حسين- شلتها فوتتها خليت اذني على كلبه ديدك مثل الحرص ليش متصحى همست ملك عفيه لتخوفيني اذا دتسمعيني كعدي
ملك- برطمت  فشله وغيره
حسين- تنهدت مرتاح عفتها تكهربتي
ملك- اي
حسين- وين بايدج باوعتها بقلق
ملك- هزيت راسي
حسين- فركت ايدها شجابج هناك صفنت رفعت حاجبي تذكرت اخت حسام
ضحكت هديت ايدها تخوصرت تراقبيني
- ماه ضربته على رجله
- ههه والله ياالله رجعت للمحل شغلت الثلاجه وعزلت ورجعت اشوف هاي شنو سالفتها  طبيت للغرفه شفتها متمدده تمددت يمها --- ملك
ها
شون صرتي
زينه
انداري داحاجيج
نعم انداريت عليه
شجنتي تسوين
نصيت عيني رجعت برطمت
احجي همست
اراقبك
ليش
لان حسنى جتك
واذا
اخاف تخبها وتحبك وبينكم علاقه
واذا
ماه اتطلك  مااكدر مااتحمل انت بس مالتي كمت ابجي كمت من يمه
جريتها من ايدها قوي حضنتها جنت ميت خوف عليها من تكهربت هدات بحضني واني هم ارتاحيت من الهوسه الواكع بيها --- تحبيني
اموت عليك شهكت الجي
تاذيني بعد
لا اتمنى ترجع فقير واتمنى معايفتك مثل رحيق وعلي
ميخالف بعدتها باوعت بعينها بعدت خصلات شعرها عن وجهها ماكو واحد ميغلط
انت علطت وياها
ويامن عزه بعينج
ويا حسنى
لا لج عزه البنيه شعدي وياها استغفر الله واني هيج مسقط اخت حسام
يعني انت ماعدك غيري
انتي وتورطت اجي اورط روحي اكثر
اني ورطه برطمت
احلى ورطه تنهدت ليش مدتاخذين فلوسج مال اسبوعيه
اكره الفلوس كمت ابجي واشهك
جريتها لحضني احسدبضعف من تبجين لتبجين انتي عيونج دكم وتبجين تختفي
ماه عيوني احلى من عيونها
عيونمن اويلي عالعباس لج بابا ماعدي غيرج بستها من راسها باجر اخذج ونطلع نشتري فستان لمهر رحيق الج والها
ماريد اني
ليش
عديً
منيلج
ماما جابتلي
ترجعيدلماما هذا ماريد
اوك هزيت راسي انت متحبني مثل قبل
دلليني ملك رجعيني احس مثل قبل مشتاق لنفسي القديمه
هزيت راسي اح اعوضك حضنته قوي راح ادللك بس لتروح لغيري ولتاخذك الفلوس مني جرني للجربايه باسني برقه الجنت محتاجتها رقه الخطوبه طريقه اللي يشم بيها جسمها نام ويايه برقه وباوج حالات الونسه صاح احبج ملك ذبت وارتاحيت حضنته قوي وحضنني نمنا والصبح كعدت ويا ريكته ورجع الضهر طلعنا اشترينا فساتين للمهر ورجعنا للبيت جاب الاكل والغراض مال مهر هو وحسن وحضرو كلشي لبست الفستان طلعت اخبل بقيت شعري مفلول ومكياج هاديء ورحيق هم طلعت تجنن والحفله حلوه صارت علي طاير بيها
حسين- صادف مهر رحيق وي عيد ميلادها لملك واكفه بالباب مال هول والنسوان وخالتي تصفك وتهلهل جريتها للغرفه اتفرج على اللي خلقه الله ابتسمت بستها من راسها فتحت المجر طلعت الهديه كل عام وانتي بخيرً
- اليوم عيد ميلادي كمت اكمز فتحت الهديه بلهفه يباوعلي مبتسم مخلي ايده بجيبه فتحتها لكيتها الساعه اللي نطوها اله هديه مال صندوك الجباسه لبسها الي باوعتله ادمعت عيني حسيت نسمه من فتره حبنا هببت وحسيت من هداها الي يكولي رجع حبي
حسين- عرفتي هاي منين الساعه
ملك- شون انسى حضنته احبك احبك حسين
- تنهدت اعشقج ---------- كملت قصتنا واني تخرجت من الكليه وارتفعت درجتي ومكدرت عالمحل خليت علي يوكف بي ويدفع اجار ومن اضوج اكعد يمه هو النهار كله يمه علي طوره خله بي مكينه موطه وازبري مكينه شاميه ابدع بيها علاوي بس مغير اسم المحل الملك حسين طلعت امي عمره ورجعت ملك تغيرت حيل لزمت ايدها اقتصاديه بشكل فكري النوبه صارت راتبي وصل المليون والبيت اللي اجرته كعدت بي نازحين بلاش خطيه هالفتره لحد ميرجعون رممت بيتنا وجددت الاثاث مال هول وصبغته وبيوم من الايام طالعين نفتر واشوف عبون ملك على المصور عارض صوره عرسان بالواجهه مال محل بحركه كلش حلوه مسويها صفنت احنا ماعدنا صور عرس بيوم عيد زواجنا ال6 اجرت فستان مال عرس والي قاط واخذتها للصالون متعرف شكو ولا تدري بالفستان  بصف الصالون مصوره وبي كادر نسائي لبست البدله وطكينا صوره وخربانين ضحك احلى صور صارت كبرت 2  وعلكتهن بالغرفه  ها شنو رايج
تخبل حبيبي
احلى ثنين مو بله
لا احلى 3
ههه المصوره مو بس شون بطله
ايي حسين اني مو قصدي عالمصوره قصدي على علاوي
شنو علاوي باوعت عالصوره انداريت اشرتلي على بطنها تضحك
لا يا الله حامل لج غير تحجين انتضرت 6سنين يله صار الطفل ابد محسستها بس جنت خايف من كالت صدك فرحت بجيت وحضنتها رجعت حسين البس يضحك ويضحك الهوا وهي هم مثلي رحيق معافتنا يوميه تجي وي علي وترجع ويا  عفت البورصه شلع والفكريه مالتي دتجمع وترجع ليوره واخيرا كلت لامي على موضوع البيت فرحت حيل المفاجاه وين حسن طلك هند دمرتله حياته ورجع للبيت مكسور وبس يتصفن وامي قررت تخطبله المن خطبت تتوقعون ???
قصتنا كملت اليوم عبرتها واضحه حال الشباب اليوم يقهر لازم نصبر وياهم تعب بتعب هالبلد والشاب بيهم تحسه شايب من الهم والقهر شبابنا مو فاشلين للاسف بلدنا ميساعد الشباب وميشجع انشاء الله يكون مستقبلنا والايام التجي احسن اتمنى تكونون استمتعتو بقصتنا اليوم
مريم السعدي

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]