تحميل رواية تذكرة الي قلبك بقلم عادل عبدالله pdf

رواية تذكرة الي قلبك من الفصل الاول للاخير

كانت عقارب الساعة تشير الي الثامنة مساءا حين أخذت حقيبة سفري وذهبت الي محطة القطارات بالقاهرة لأستقل القطار المسافر الي أقصي صعيد مصر في زيارة للأهل هناك .

قصدت ركوب هذا القطار تحديدا حيث أني من عشاق السفر ليلا بالقطار .

أخذت تذكرتي وذهبت للعربة الحادية عشر بالقطار حيث مقعدي المكتوب في التذكرة .

كانت التذكرة للمقعد المجاور للنافذة كما يروق لي .

بدأ القطار رحلته وأخرجت هاتفي الخلوي وبدأت في استكمال قراءة الرواية الأخيرة التي لم انتهي من قرائتها بعد .

مر وقت قصير وانا مستغرق في القراءة حتي توقف القطار في محطة الجيزة لدقائق واذا بي اسمع صوت ضجيج وثرثرة عالية !!!

ألتفت لأجد أمرأة تتشاجر مع احد عمال القطار ويعلو صوتهم كثيرا !!!

نهضت من مقعدي و حاولت التدخل لأفض النزاع بينهما .

وحينها تفهمت بأنها قد ركبت العربة الأولي للقطار عن طريق الخطأ وان العامل قد حمل حقائبها ليأتي بها الي مقعدها في تلك العربة حيث المقعد المجاور لي تماما !!!

للكاتب عادل عبد الله

كان النزاع بينهما بسبب اجرة حمله للحقائب ونقلها كل تلك المسافة .

وبالفعل تدخلت وأنهيت النزاع ببينهما وبدأت أساعدها في وضع حقائبها في المكان المخصص لذلك .

وبعد أن انتهينا جلست هذه المرأة بجواري بعد أن قدمت لي الشكر لمساعدتها .

لم أستطيع تحديد عمرها بدقة عبر صوتها العالي ، فهي ترتدي نقاب لا يظهر سوي عينيها !! ولكنها ربما تبدو في منتصف العمر .

أكمل القطار رحلته وجلست علي مقعدي وأمسكت بهاتفي لأستكمل القراءة .

كان الهواء لطيفا للغاية ، ويشعرك ببعض الأنتعاش و المتعة .

وبعد دقائق نهضت واتجهت للبوفية لأدخن سيجارة وأتناول فنجان قهوتي المفضلة .

" أعلم انها عادة سيئة ولكني احاول التخلص منها " .

وبعد اقل من ثلث الساعة عدت الي مقعدي ولكني فوجئت بها وقد نامت بعدما احتلت بجسدها جزءا من مقعدي !!!

انتظرت لفترة وجيزة كي تنتبه وتعتدل في جلستها ولكنها مازالت لم تنتبة !! لابد اذن من ايقاظها لتعتدل لأستطيع الجلوس في مكاني ، فمازالت المسافة طويلة !!!

حاولت تنبيهها بصوت هادئ عدة مرات حتي انتبهت أخيرا وأعتدلت .

: اسف قوي اني قلقتك .

: لا بالعكس ده انا اللي اسفة ، الظاهر اني مسببالك ازعاج !!

: لا أبدا .

: انا متشكرة قوي علي موقفك معايا .

: لا ابدا ، انا معملتش حاجة ، أنتي مسافرة لوحدك ؟؟

: اكيد ، انت شايف معايا حد ؟!

: لأ ، لكن مستغرب انك مسافرة بالليل ولوحدك !!!

انتظرت في صمت لثواني معدودة ثم قالت : معلش الظروف حكمت .

لم اريد ان أتطفل عليها أكثر من ذلك ، ولكنني شعرت بأنها مجهدة وتريد ان تنال قسطا من الراحة !!

: تحبي تيجي تقعدي مكاني جنب الشباك لو عايزة ترتاحي شوية ؟

: لا لا شكرا ، خليك حضرتك مرتاح في مكانك .

لاشك ان صوتها الهادي اجمل كثيرا وتبدو أنها مازالت شابة ، ولكني لازلت لا استطيع تحديد عمرها بدقة .

حسنا فعمرها لا يعنيني كثيرا سوي من باب الفضول !!

أخرجت هاتفي وبدأت أستكمل قراءة الرواية .

مرت فترة وجيزة يسودها الصمت التام ، شعرت هي خلالها بأنني مشغول تماما في هاتفي .

كانت الرواية شيقة جدا وكل احداثها مثيرة للغاية ، أذن لابد من تناول فنجان اخر من القهوة .

وقبل ان أطلب من عامل البوفية القهوة سألتها : انا هشرب قهوة ، تحبي اطلبلك حاجة تشربيها ؟؟

: ميرسي اوي .

طلبت القهوة وعدت لقراءة الرواية ووجدتها ممسكة بهاتفها ، ولكني لاحظت انها متوترة قليلا .

: حاسس انك قلقانة ومتوترة !! ممكن أساعدك في حاجة ؟؟

: لأ شكرا ، للاسف مش هينفع تساعدني .

: ليه ؟ خير فيه ايه ؟

: التليفون بيفصل شبكة كل شوية وكنت عايزة اتسلي ومش عارفة اضيع الوقت ده كله ازاي ؟؟

: طيب انا بقرأ رواية وقربت اخلصها ، بمجرد ما اخلصها ممكن تاخدي تليفوني وتتسلي شوية .

: لا لا شكرا انا مقصدش .

: عادي والله مفيهاش حاجة .

: لا شكرا .

: خلاص زي ما تحبي ، وعموما لو حبيتي موبايلي تحت امرك .

: ميرسي اوي ، رواية ايه اللي بتقراها ؟

: رواية اسمها غرام السلطان لكاتب اسمه عادل عبد الله .

: أيوه عارفاها .

: أنتي قراتيها ؟؟

: أيوه قرأتها .

: قرأتي الجزئين ؟

: ايوه قرأتها وعجبتني قوي .

: فعلا أنا قرأت الجزء الاول والتاني قربت اخلصه .

: انت بتحب القصص والروايات ؟؟

: بحبها جدااا .

: وأنا كمان .

وأستكملنا حوارنا عن قراءة القصص والروايات ثم قولت لها....

: الحقيقة انا لما شوفتك مش فكرت أنك ممكن تهتمي بقراءة القصص !!!

: لأ بالعكس انا بحب القصص والروايات جدا .

: غريبة !!!

: ليه ؟ ايه الغريب في كده ؟!

: كنت فاكرك مش هتهتمي الا بالقصص الدينية مثلا علشان لابسة نقاب .

: لأ أنا النقاب بالنسبالي عادة مش اكتر .

: أكيد باباكي فرضه عليكي .

: لا لا ، ده من ايام ما كنت متجوزة .

: واتعودتي عليه ؟

: أيوه ، اصل انا كنت متجوزة وجوزي لسه متوفي من ٥ شهور وكنت في الجيزة بخلص بعض الاوراق الخاصة بمكافاة نهاية الخدمة للمرحوم الله يرحمه .

: الله يرحمه ، وليه المرحوم فرض عليكي تلبسي النقاب ؟؟

ضحكت وقالت : اصله كان بيغير عليا وبيقول اني حلوة ومش عايز حد غيره يشوفني .

وفجأة وجدتها تضم يديها الي جسدها وكأنها تنتفض !!!

سألتها : مالك ؟؟ فيه حاجة ؟؟

: حسيت برعشة في جسمي .

: فعلا الجو بدأ يبرد شوية .

: الساعة كام دلوقتي ؟

: الساعة حوالي ١١ أحنا لسه في بني سويف ، أنتي هتنزلي فين ؟

: لسه بدري .

ثم اخرجت شال من حقيبتها ووضعته عليها .

سألتها : تحبي اطلبلك حاجة دافية تشربيها تدفيكي ؟؟

: ماشي ، بعد اذنك أشرب نسكافية .

ذهبت الي البوفيه وطلبت لها نسكافية وجلست هناك ادخن سيجارتين وانا اشرب قهوتي المفضلة .

ولا أعلم لماذا تركت الرواية وتعلق تفكيري بها وبصوتها الناعم الرقيق الدافئ الجذاب .

يبدو من صوتها انها انسانة تتمتع باللطف والرقة بعكس انطباعي الأول عنها !! وبدأت ارسم لها صورة في مخيلتي ، خاصة بعدما عرفت أنها جميلة كما قالت .

وبعد نصف ساعة عدت الي مقعدي لأجدها وقد نامت !!!

لم اعرف اسمها الي الان كي اناديها !!! حاولت ايقاظها بصوت هادئ عدة مرات ولكنها لم تنتبه !! اضطررت لاجذب طرف الشال حتي تنتبه !!

بالفعل انتبهت فقلت لها : انا اسف ، اني صحيتك .

: لا لا ابدا مفيش حاجة .

: انتي لسه مش شربتي النسكافية .

: ياااه ، ده فعلا النسكافية برد !!

: طيب انا هطلبلك غيره .

: لا لا خلاص .

وبالفعل طلبت لها اخر وحينما بدأت تتناوله رفعت النقاب عن فمها قليلا فرأيت شفتيها الورديتين وبياض وجنتيها حينها وجدت قلبي يدق بسرعة وأصبح لدي شغف كبير لأري كامل وجهها !!

قولت لها : انتي مش عارفة تشربي النسكافية براحتك ، انا هبعد بعيد علشان تشربي براحتك .

: لا لا خليك قاعد .

ثم كشفت عن وجهها وخلعت النقاب ،

سبحان الخالق !! كانت حقا جميلة جدا وعيونها ساحرة مملؤة بالبراءة والرومانسية بعكس الصورة التي رسمتها لها في مخيلتي في بادئ الامر !!!!!

بعدما انتهت من مشروبها قالت لي بعيون باسمة : ميرسي قوي .

ضحكت وقولت لها : ده انا اللي ميرسي قوي .

قالت بتعجب : علي ايه ؟!!!

: علي انك خلعتي النقاب .

ابتسمت في خجل وقالت : ليه ؟؟

: بصراحة انتي فعلا حلوة قوي ، المرحوم كان من حقه انه يغير عليكي .

: لا انت بتبالغ .

: انا بتكلم جد .

: أنا عادية جدا .

: بالعكس انتي حلوة جدا .

: اكيد مراتك حلوة زيي ويمكن اجمل .

: أنا مش متجوز .

: معقول ؟؟ وليه مش أتجوزت لحد دلوقتي ؟

: النصيب ، يمكن النصيب أتأخر شوية .

: نصيبك زي الفل ان شاء الله .

: أنتي عندك اولاد ؟

: للاسف لا .

: وليه للأسف ؟! يمكن ده يكون من حسن حظك علشان تبدئي حياتك من جديد .

: تصدق لو قولتلك اني مش هتجوز تاني ولغيت الفكرة دي من دماغي ؟

: مش معقول !! انتي لسه صغيرة وجميلة ازاي هتكملي حياتك وحيدة ؟؟

: انا كنت بحب المرحوم جدا ومش قادرة اتخيل اني اعيش مع رجل غيره .

: أكيد ده نوع من الوفاء للمرحوم لكن الحياة مش هتقف هنا وانتي حلوة ولسة صغيرة !! لازم تفكري تكملي حياتك مع انسان يحبك وتحبيه .

: تفتكر فعلا فيه حاجة اسمها حب ولا بنسمع عنه في القصص والروايات بس ؟

: اكيد فيه حب طبعا .

: وأنت حبيت قبل كده ؟

: كتييييير .

ضحكت ضحكة عالية جذبت انتباه بعض ركاب العربة : يبقي عمرك ما حبيت .

: صدقيني انا لما بحب بكون بحب من قلبي .

: يمكن .

ساد الصمت بعدها لفترة لا اعرف لماذا ، وبدأت استكمل قراءة الرواية ولكني كنت اراقبها بجانب بصري !!

كان يبدو عليها التوتر قليلا بين الحين والأخر !!

أنتهيت من الرواية ثم قولت لها : تحبي تاخدي الموبايل شوية تضيعي الوقت ؟

: لا لا مش عايزة .

: انتي اسمك ايه ؟

: ضروري يعني ؟

: لو مش يضايقك .

: طيب قولي انت اسمك ايه ؟

: انا اسمي علاء .

: اسمك حلو يا علاء ، عندك كام سنة ؟

: تديني كام سنة ؟

: قلبك قلب ١٨ سنة لكن ملامحك حاجة وتلاتين .

ضحكت وسألتها : ليه قلبي ١٨ ؟؟

: علشان رومانسي وحبيب .

ضحكت وسألتها : وعرفتي منين ؟؟

: باين قوي عليك .

: ودي حاجة حلوة ولا وحشة ؟؟

: حلوة لو حبك ده يكون في محله للانسانة المناسبة .

: عندك حق ، للأسف انا كتير لعبوا بقلبي ومشاعري .

: يعني انت كل ما تشوف واحدة حلوة وتعجبك بتحبها ؟؟!!

لم اتمالك نفسي من الضحك بصوت عالي وقولت لها : لأ طبعا مش للدرجادي .

ابتسمت وسألتني : و حبتني انا ولا لسه ؟؟

كانت ابتسامتها ملائكية وعيناها شديدة السحر و الجاذبية !!!!!

نظرت لها برفق وقولت لها : هاتي ايدك ادفيها بين ايديا ؟؟

ابتسمت وقالت : انت جرئ قوي !!!

: لا بالعكس .

: تبقي مندفع في عواطفك .

ثم نظرت لي وابتسمت وادارت وجهها خجلا !!!

: أنتي بتصدقي في الحب من اول نظرة ؟؟

: من اول نظرة ده بيكون اعجاب مش حب .

: ولو قولنا من اول لقاء ؟؟

: اول لقاء بردو بيكون اعجاب او ممكن نقول ان فيه كيميا او انسجام بين الاتنين .

: بس كده ؟؟

: عايز توصل لأيه يا علاء ؟؟

: عايز اقولك اني .....

: اوعي تقول بتحبني !!!

: أيوه ب.....

: بلاش استعجال ، لما تعرفني كويس الأول .

: مش لازم اعرف اكتر من كده .

: لأ لازم .

: وانتي عندك مانع تعرفيني بنفسك ؟؟

: لأ ، رغم اني عارفة انه ملوش لزوم ولكن هقولك .

: قولي كل حاجة عنك .

: اممممم ، اسمي ريم .

:اسمك حلو قوي .

ضحكت ثم اكملت : عندي ٢٤ سنة ، أرملة ومش عندي اولاد ، شكلي زي ما انت شايف ، خريجة معهد فني تجاري ، من أسرة علي قد حالها لكن جوزي الله يرحمه كان مبسوط لأنه كان مسافر الخليج وشغال هناك من زمان .

: كل ده جميل جدا .

: متستعجلش استني لما أكمل .

: كملي برحتك انا سامعك .

: انا اتجوزت جوزي الله يرحمه عن حب ، كنا بنحب بعض قبل ما يسافر ، وعلشان يوفرلي فلوس الجواز وحياة كريمة سافر واتغرب سنين كتير ، وللأسف مات في عز شبابه بعد جوازنا بفترة بسيطة ، لكن بعد ما كتبلي البيت باسمي ، حزنت عليه حزن السنين لأني فعلا كنت بحبه جدا ، بعد موته اتفاجئت بحماتي بتطلبني لأبنها التاني !!

: وانتي وافقتي ؟؟

: لأ مش وافقت وقولتلها اني مش بفكر في الجواز تاني .

: تمام ، وكمان مفيش اولاد يعني مفيش لزوم انها تجوزك اخوه !!

: لأ ، ماهي عملت كده علشان البيت اللي المرحوم كتبه باسمي !!! وقالت شرط علشان استلم البيت اني اتجوز ابنها التاني ، رغم انه متجوز .

: لكن ده مش من حقها !!!

: ايوه مش حقها لكن انت عارف الصعيد وعاداته ، مش هقدر اتصرف في البيت او اتجوز فيه او حتي ابيعه لو هي مش راضية .

: مش لازم تتجوزي في البيت ولا تبيعيه دلوقتي ، اتجوزي وعيشي حياتك وأجلي استغلالك للبيت لوقت تاني .

: المشكلة كمان ان اخو جوزي ده مش سهل ومش هيسيبني في حالي وانا اهلي غلابة ومش قد المشاكل !!

: وأنتي ناوية تعملي ايه ؟

: مش عارفة ، كلمني انت بقي عن نفسك .

وهنا كانت المشكلة لأني مش هقدر اقولها كل حاجة عني !!!!

↚

: المشكلة كمان ان اخو جوزي ده مش سهل ومش هيسيبني في حالي وانا اهلي غلابة ومش قد المشاكل !!

: وأنتي ناوية تعملي ايه ؟

: مش عارفة يا علاء ، كلمني انت بقي عن نفسك .

" وهنا كانت المشكلة لأني مش هقدر اقولها كل حاجة عني !!!! "

: انا اسمي علاء ٣٥ سنة ، مدرس لغة انجليزية ، اعزب ، عايش مع والدتي بعد وفاة والدي الله يرحمه وجواز اخواتي البنات ، نسيت اقولك اني ولد وحيد علي ٣ بنات انا اكبرهم ، رومانسي بدرجة كبيرة ، حبيت كتير لكن للأسف مفيش واحدة فيهم كانت تستاهل حبي ، شقتي جاهزة وفلوس جوازي كمان ، كل اللي ناقصني العروسة .

: أنت انسان طيب وابن حلال وألف واحدة تتمناك .

: مش عارف ليه لحد دلوقتي مش لاقي واحدة من الالف !!!

: دور كويس حواليك اكيد هتلاقي .

: مفيش حواليا غيرك !!

: انا ؟!!! انا اخر واحدة ممكن تفكر تتجوزها .

: ليه بتقولي كده ؟!

: زي ما قولتلك اخو المرحوم جوزي مش سهل ومصمم يتجوزني ، ولو فكرت اتجوز غيره مش هيسيبنا في حالنا !!!

: لو انا جنبك مش هيقدر يتعرضلك .

: بيتهيألك يا علاء ، ده مجرم و نابه ازرق .

: علي نفسه ، طول ما انا موجود مش هيقدر يمس منك شعرة .

: ربنا يخليك ليا .

: انتي عينيكي بدأت تنعس ، تحبي تنامي شوية ولا تحبي تشربي قهوة ؟؟

: لأ هات تليفونك اتسلي فيه شوية .

: خدي التليفون ، وانا هروح اشرب قهوة وسيجارة في البوفية .

: انت بتشرب قهوة وسجاير كتير قوي !!!

: علشان اقدر اكمل لغاية ما اوصل .

اعطيتها هاتفي و ذهبت للبوفية تناولت قهوتي وسيجارتين ثم عدت اليها لأجدها ممسكة بهاتفي في يدها وقد نامت مرة اخري !!! يبدو انها مرهقة للغاية .

جلست بجوارها واخذت من يدها هاتفي ولكنها لم تنتبه !!!

لم يمر وقتا طويلا وانا اتأمل ملامحها الرقيقة حتي غلبني النعاس انا الاخر !!

لم أشعر بنفسي الا وانا افتح عيناي لأجد مقعدها بجانبي خاويا !!!

انقبض قلبي ونهضت سريعا ابحث عنها ولكني لم اجدها !!

بحثت عن حقائبها فلم اجدها !!! نظرت في ساعتي لأجد انه قد مر وقتا طويلا اثناء نومي !!!

بالتأكيد لقد وصلت ريم الي محطتها ونزلت من القطار !!!

غادرت دون ان توقظني !! حتي لا تمنحني وسيلة للاتصال بها او حتي لتودعني !!! اذن لم اكن لها الا مجرد اداة للتسلية في ليلة سفر طويلة !!!!!

لا اعرف لماذا تحركت مشاعري تجاهها سريعا !! ولا اعرف لماذا انا حزين لهذه الدرجة !!!

شعرت بعجز بائس حزين استيقظ للتو من حلم جميل !!!

ماذا علي ان افعل الان ؟؟ لا شئ !!! وكأنها كانت حلم جميل استيقظت منه سريعا !!! او كأنها نسمة عابرة جاءت في ليلة رمضاء ثم رحلت في هدوء !!!

رجعت لاستعيد التفكير في حياتي المليئة بالاحزان !!!

في السادسة صباحا وصلت الي بلدتي وذهبت مباشرة الي دار عمي ناجح .

: حمدلله ع السلامة يا ولد اخوي .

: الله يسلمك يا عمي ، البقاء لله ، البجية في حياتك في الحاجة مرت عمي .

: حياتك الباجية يا ولد اخوي ، تعال جعمس اهني جاري .

جلست بجوار عمي الذي اظهر ود وترحيب كبير .

: جولي يا ولد اخوي كيفك وكيف اخواتك البنات وامك ؟؟

: الحمد لله بخير بحسك يا عمي ، بيبوسوا ايديك .

: لساك مناويش تتجوز وتجيب ذرية تشيل اسم اخوي عبد الرازق الله يرحمه ؟؟

: ما انت عارف يا عمي دلوجتي مش جادر اتجوز عشان اخواتي !!!

: اخواتك البنات لسه حظهم مايل يا ولد اخوي ؟؟

: النصيب يا عمي ، التلاتة اتطلقوا وقاعدين معانا في البيت !!!

: متزعلش يا ولد اخوي ، كان فيها ايه لو كانوا اتجوزوا ولاد اعمامهم ؟؟ كانوا زمانهم متستتين ومتهنيين هنا جارنا .

: النصيب يا عمي ، ما انت عارف اللي اتربي في مصر صعب ييجي يعيش هنا في الصعيد .

: بخاطرهم ، ربنا يصلح حالهم ، بس اني اتوحشتك جوي يا ولد اخوي ، انت هتجعد اهني سبوع متجيبش سيرة مرواح ، فاهم ؟؟

: كيف يا عمي ؟! والشغل ؟ والمدرسة ؟ انا لو عليا عايز اجعد معاك شهر مش سبوع لكن عشان الشغل .

في منزل ريم ...

وصلت ريم الي المنزل قبل اذان الفجر بساعتين !!!

صعدت الي شقتها ووضعت حقائبها وارتمت الي فراشها لتستريح من عناء يوم شاق .

انتبهت علي دقات عالية علي بابها !!!

نظرت في ساعتها لتجد الساعة الخامسة صباحا !!!

فتحت الباب لتجد حماتها !!

: صباح الخير يامه .

: صباح النور ، طلعت اطمن اشوفك رجعتي ميتة ؟؟

↚

: رجعت من ساعتين يامه .

: وكيف تعودي في وجت زي ده ؟!! الناس تجول علينا ايه ؟؟

: يامه علي ما خلصت اوراج مكافأة المرحوم ، وانتي جولتيلي متبيتيش في مصر وترجعي طوالي .

: مش لو كنتي سمعتي الكلام واتجوزتي منصور ولدي كان زمانه سافر مكانك وجعدتي معززة مكرمة بدل البهدلة دي ؟!

: يامه ده وجته ؟؟

: انا هصلي الفجر و انتي تعالي اعملي الفطور ونتحدت .

نزلت ريم واعدت الفطور وجلست مع حماتها ام منصور ...

ام منصور : عدت خمس شهور يا بنتي علي مو.ت جوزك وعدتك خلصت ، جوليلي ليه مش راضية تتجوزي ولدي منصور ؟؟

ريم : يامه مش هجولك ان ولدك منصور زي خوي والكلام ده ، لكن انا كنت بحب ولدك سليم الله يرحمه ومش هجدر يمس جسمي راجل تاني غيره !!

ام منصور : سليم الله يرحمه عند ربه ، وانتي يا بنتي مش هتعيشي عمرك كله عذبة !!! ومنصور ولدي اولي من الغريب ، علي الاجل هتلاجي فيه ريحة المرحوم .

ريم : يامه منصور متجوز وهدير مرته زي اختي !! ده غير انه كبير معدي الاربعين و اكبر مني ييجي بعشرين سنة !! وطباعنا غير بعضينا !! اتجوزه واعاشره كيف ؟؟؟

ام منصور : لو كان حداي ولد غيره صغير كنت جوزتك اياه !! انما ما باليد حيلة يا بنتي .

ريم : يامه انا من يوم ما دخلت داركم عداكي زي امي تمام ، ياريت يامه ماتكلمنيش في الموضوع ده تاني .

ام منصور : يا ريم يا بنتي وانا عداكي زي بنتي تمام ، هجولك كلمتين حطيهم حلجة في ودنك ، مادام دخلتي دارنا مش هتخرجي منه الا علي جبرك !!!

ريم : وانا يامه جولتلك جواز مش هتجوز واديني عايشة معاكي ممشيتش !!!!!

للكاتب عادل عبد الله

ام منصور : وكيف هتعيشي معاي وولدي منصور في نفس الدار و عينه منك ؟؟

ريم : هوه في حاله وانا في حالي يامه .

بعد يومين ...

: اشوف وشك بخير يا عمي .

: لساك مصمم تمشي يا ولدي ؟؟

: معلش يا عمي لولا الشغل كنت جعدت معاك لما تزهج مني .

: عمري ما ازهج منك يا ولدي ، يلا ربنا معاك ، ابجي سلملي علي اخواتك وامك .

في منزل علاء ...

ام علاء : حمدلله ع السلامة يا ابني .

علاء : الله يسلمك يا امي .

ام علاء : عمك وولاده عاملين ايه ؟

علاء : بخير يا امي ، كلهم بيسلموا عليكي وعلي اخواتي البنات ، هما فين صحيح مش باينين ؟

ام علاء : موجودين ، هيروحوا فين يعني !!! عمك عطاك ايجار الارض ؟؟

علاء : ايوه يا امي ، الفلوس اهي .

ام علاء : طيب هاتهم اشيلهوملك .

علاء : حاضر يا امي خديهم .

تأتي اخوات علاء ( علياء ٣٢ سنة وامينة ٣٠ سنة وسهير ٢٧ سنة ) ...

علياء : حمدلله ع السلامة يا علاء .

علاء : الله يسلمك .

سهير " بضحك " : جبتلنا ايه معاك ؟؟

علاء " يضحك " : بتاو و بامية وملوخية ناشفة وجبنة قديمة .

امينة : وعمك عطاك ايجار الارض ؟؟

علاء : ايوه ، مع امكم .

علياء : العيال عايزين كسوة يامه .

ام علاء : حاضر .

سهير : وانا عايزة اشتري عباية جديدة .

ام علاء : حاضر ، هشتريلكم كل واحدة عباية جديدة يمكن ربنا يعدلهالكم وتلاقوا ولاد الحلال .

علياء : ومين هيبص لثلاثة متطلقين ؟!!

ام علاء : ربنا يرزقكم بولاد الحلال .

علاء : بمناسبة ولاد الحلال يا امي ، انا شوفت واحدة في السفرية دي بنت حلال وحلوة قوي كان نفسي تكون من نصيبي لكن للأسف اختفت فجأة كأنها كانت حلم جميل وانتهي !! لو كنت عرفت رقم تليفونها ولا عنوانها كنت قولتلك تجوزهالي .

ام علاء : اجوزهالك ؟؟؟

علاء : ايوه يا امي ، بصراحة حبيتها من اول نظرة ، لكن للأسف !!!!!

ام علاء : عملت خير انها ضاعت .

علاء : ليه كده يا امي ؟!!!

ام علاء : يا بني جواز ايه وهم ايه ؟؟ يعني اللي اتجوزوا عملوا ايه ؟!!! ما اخواتك التلاتة اتجوزوا ورجعولي كل واحدة بعيالها !!! وانت اتجوزت قبل سابق وطلقت !!!

علاء : يمكن حظي المرادي يكون احسن ؟

ام علاء : يعني هتتجوز يا ابني واخواتك التلاتة قاعدين ؟؟!!

علاء " بغضب " : لا يا امي هقعدلك انا كمان جنبكم !!!

ام علاء : دور علي مصلحتك اهم ، يلا ارتاحلك ساعتين علشان تشوف الولاد اللي بتعطيهم الدروس .

علاء : لأ يا امي انا النهاردة هرتاح من السفر و انا مواعد الطلبة علي مواعيد الدروس بكره .

ام علاء : وتضيع اليوم في النوم ؟؟

علاء : يعني بلاش ارتاح يوم يا امي ؟!!

ام علاء : ارتاح يا حبيبي .

في شقة علياء في الدور التالت ...

علياء : شوفتوا اخوكم وهو بيقول انه عايز يتجوز ؟؟

امينة : اه ، قال عايز يتجوز قال !!!!

سهير : ماهو لازم يتجوز ، اخوكم كبر !!

علياء : يتجوز ؟!!! عارفة جواز اخوكي معناه ايه ؟؟

امينة : معناه ان كل الخير اللي بيجيبه من الدروس الخصوصية هيكون للعروسة اللي هيتجوزها !!! واحنا نعيش كلنا علي الالفين جنية معاش ابوكم !!!

سهير : ده احنا كده مش هنلاقي ناكل !!!

علياء : ايوه ، علشان كده لازم اخوكم ميشوفش جواز الا لما نتجوز احنا الاول او نرجع لاجوازنا ، بعدها يتجوز زي ما يحب !!!

↚

امينة : معناه ان كل الخير اللي بيجيبه من الدروس الخصوصية هيكون للعروسة اللي هيتجوزها !!! واحنا نعيش كلنا علي الالفين جنية معاش ابوكم !!!

سهير : ده احنا كده مش هنلاقي ناكل !!!

علياء : ايوه ، علشان كده لازم اخوكم ميشوفش جواز الا لما نتجوز احنا الاول او نرجع لاجوازنا ، بعدها يتجوز زي ما يحب !!!

امينة : انا عن نفسي جوزي مستحيل يفكر يرجعني بعد اللي حصل .

سهير : طبعا من عمايلك السودا .

امينة : يعني انتي اللي جوزك بيتمني رجوعك ؟!! ده ما صدق طلقك وراح اتجوز !! وسمعت انه مبسوط في جوازته !!!

سهير " بغضب " : ربنا ياخده هو وهي ، حلة واتلمت علي غطاها !! هما الاتنين شبه بعض ، والنعمة انا خسارة فيه !! هو هيلاقي واحدة في جمالي وحلاوتي فين ؟!!!

علياء " بسخط " : خلاص يا ست الحسن والجمال منك ليها ، خلونا في المهم .

امينة " بسخرية " : ايه هو المهم يا ابلة علياء ؟؟

علياء : المهم طبعا ان علاء ميتجوزش لغاية ما نتجوز احنا التلاتة الاول .

في منزل ريم ...

تنزل ريم لشراء بعض متطلبات المنزل وتجد منصور يقف عند درج المنزل " وكأنه في انتظارها " !!!

ريم : لو سمحت بعد عن الطريج خليني ادله !!

منصور : ادلي ، حدا حاشك ؟؟

ريم : ادله كيف وانت واجف اكده ؟!!

منصور : اديني بعدت عاد ، يلا ادلي .

ريم : انا مش هدله طول ما انت واجف اكده !!!

منصور :جوليلي الاول ، كنتي فين الليلة اللي فاتت ؟؟

ريم : حماتي عارفة زين اني كنت في مصر بخلص اوراج المرحوم .

منصور : عجباكي البهدلة اكدة ؟!! بكلمة واحدة من خشمك اللي عمينجط عسل ترتاحي وتبجي ست الستات !!

ريم : كلمة ايه ؟؟

للكاتب عادل عبد الله

منصور : انتي خابرة زين اني رايدك ، جولي موافجة وانا اخليكي ست الدار .

ريم : لا يا منصور ، انا جولت جبل سابج اني مش هتجوز بعد المرحوم !!

منصور : يا بت الناس ده المثل بيجول الحي ابجي من الميت ، وانا رايدك بالحلال .

ريم : وانا ماريداشي اتجوز يا منصور !! خوك الله يرحمه كان مش بس جوزي !! كان حبيبي !! و كيف رايد تتجوزني عاد و مرتك صحبتي ؟!!!

منصور : هخليكي ست ستها !!!

ريم : انا مش هتجوز يا منصور ، هعيش عذبة اكده ، يلا بعد عن طريجي خليني افوت .

منصور : هبعد يا ريم ، و خليكي واعية زين انك في يوم من الايام هتكوني مرتي .

نظرت له ريم بسخط ثم مرت وخرجت من المنزل .

دخل منصور شقته فوجد زوجته حنان تسأله : كنت بتتحدت مع مين ؟

منصور : كنت بتحدت في المحمول .

حنان " بسخرية " : وكيف بتتحدت في المحمول والمحمول اهني عاد ؟؟؟

منصور " بصوت عال " : خلاص خلصنا !! هتحججي معاي ولا ايه ؟؟

في المساء ...

خرج منصور وجلس مع اصدقاؤه كعادته يوميا ، بينما صعدت زوجته حنان الي شقة ريم !!!

ريم : تعالي يا حنان اتفضلي .

حنان : يزيد فضلك .

ثم تجلس حنان وببدو عليها التوتر !!!

ريم : مالك يا حنان ؟؟ شكلك متضايقة ؟؟

حنان : منصور كان بيقولك ايه علي السلم الصبح ؟؟

ريم " تضحك " : قوليلي الاول انتي بتغيري لهجتك وبتكلميني مصراوي ليه ؟

حنان : ما انتي عارفة اني متربية في مصر واللهجة الصعيدية متعودتش عليها الا لما اتجوزت هنا ، بحب اتكلم معاكي مصراوي علشان انتي كمان متعودة عليها .

ريم : ايوه ما انا عيشت مع ابويا عشر سنين في مصر لما كان بيشتغل هناك .

حنان : متغيريش الموضوع وقوليلي يا ريم ، منصور كان بيقولك ايه الصبح علي السلم ؟

ريم : ما انتي عارفة يا حنان !! كان بيكلمني في موضوع الجواز تاني !!

حنان : يا بووووي !! لساته مصمم ؟!!

ريم : الحقيقة يا حنان انا مش عارفة اعمل معاه ايه ؟؟

حنان : وقولتيله ايه ؟؟

ريم : قولتله اني رافضة و مش هتجوز .

حنان : مادام هو وحماتي في دماغهم الموضوع ده مش هيسكتوا الا لما يتجوزك .

ريم : متخافيش يا حنان ، مش هتجوزه يعني مش هتجوزه ، ده اخر كلام عندي ، وانا عمري ما اكسر قلبك وازعلك ابدا .

حنان : تعيشي يا حبيبتي ، انا والله عداكي اختي مش سلفتي ولا حتي صاحبتي ، انتي اختي واكتر من اختي .

ريم : وانا كمان بحبك زي اختي تمام .

حنان : لولا العيال كنت اتطلقت منه ، لكن اعمل ايه في ست عيال اكبرهم عنده ١٧ وسنة واصغرهم بنت عمرها سنتين ؟!!!!! لو اتطلقت منه العيال هيضيعوا !!!

ريم : لا يا حنان ، حافظي علي بيتك ومتخافيش انا عمري مش هوافق علي جوازي من جوزك ابدا .

حنان : عارفة يا ريم انا مش مقصرة مع منصور ابدا لكن هوه اللي عينه زايغة !!

ريم : يا حبيبتي هو عينه من البيت مش مني انا .

↚

حنان " بدموع " : لا يا ريم ، مش البيت وبس ، هو عينه منك ، ده حتي سواعات بيغلط في اسمي وبيناديني باسمك !!!

ريم : متزعليش يا حنان ، لما ييأس مني مش هيكون في دماغه وقلبه وتفكيره غيرك .

حنان : عارفة يا حنان الشئ الوحيد اللي يبعد تفكير منصور عنك انك تتجوزي !!

ريم : اتجوز !!!!! بعد المرحوم صعب قوي يا حنان !!!

حنان : مش صعب ولا حاجة ، انتي مسيرك هتتجوزي خصوصا انتي ولا مربوطة ب عيل ولا تيل .

ريم : مش عارفة !! الفكرة نفسها صعبة عليا ، رغم اني هقولك سر .

حنان : قولي يا حبيبتي .

ريم : بس اياكي تقولي لحد !! انتي عارفة ممكن يعملوا فيا ايه !!!!!

حنان : متخافيش يا ريم سرك في بير .

ريم : انا قابلت واحد في القطر وانا راجعة من مصر وحسيت اني ارتاحت له و قلبي دق .

حنان : عنجد ؟؟ ثم ضحكت وقالت : بجد يا ريم ؟؟

ريم " تبتسم " : ايوه بجد ، بس خلاص راح لحاله !!

حنان : ليه ؟

ريم : ليه قلبي دق له ولا ليه راح لحاله ؟؟

حنان : الاتنين .

ريم : قلبي دق له ليه معرفش !! معرفش ليه حسيت انه شبه المرحوم رغم ان شكله مختلف خالص !! لكن حسيت وهو قاعد جنبي بنفس الاحساس اللي كنت بحسه وانا جنب المرحوم !!!

حنان : وبعدين ؟ اتكلمتوا ؟؟ اخد رقم تليفونك ؟؟ قوليلي ايه اللي حصل ؟؟

ريم : اتكلمنا كلام عادي بحكم طول الوقت اللي قعدناه في القطر ، وبعدها نزلت من القطر وهو نايم .

حنان : نزلتي بدون ما ياخد منك رقم تليفونك او اي وسيلة يكلمك بيها ؟!!!

ريم : ايوه .

حنان : غلطانة يا ريم ، كان لازم تسيبي له باب يوصلك منه مادام ارتحتي له !!!

ريم " تضحك " : لو عايز يوصلي بجد ومن قلبه هيعرف يوصلي .

حنان : كيف ؟؟؟

ريم " تضحك " : دي شطارة اختك ريم بقي .

حنان : قوليلي علشان خاطري هيوصلك ازاي ؟؟

ريم : لو فعلا كان مهتم بيا هيوصلي وهتعرفي وقتها ، انما لو مش مهتم مش هيعرف يوصلي ، و ساعتها مش هتفرق !!!

في القاهرة

في المدرسة

يجلس علاء مهموما شارد الذهن !!!

يأتي زميله عمر ويلاحظ عليه هذه الحالة ...

عمر : مالك يا لولو ؟؟ مين مزعلك ؟؟

علاء : لا ابدا مفيش حاجة .

عمر : مفيش ايه يا راجل !!! ده انا واقف جنبك من ربع ساعة مأخدتش بالك مني !!!

علاء : معلش كنت مشغول بحاجة .

عمر : عارف يا علاء لما تتجوز زيي كده مش هتلاقي وقت تسرح فيه زي دلوقتي!!! مش هتلحق تبص حواليك من المسئوليات اللي هتكون علي كتافك .

علاء : يا عم بس انا اتجوز وساعتها يقوينا ربنا .

عمر : ولما انت عايز تتجوز ايه اللي مانعك ؟!! ده انت حتي قايل انك جاهز من كله !!!

علاء : اللي منعني يا عمر اخواتي البنات وامي بتقولي هتتجوز ازاي واخواتك كلهم بعد ما اتطلقوا واحدة ورا التانية قاعدين في البيت !!!

عمر : يا عم ما اتشوفلهم عرسان ؟

علاء : انت عب.يط يا ابني ؟!! هروح لواحد واقوله تعالي اتجوز اختي ؟!!!!

عمر : و افرض قابلت بنت الحلال هتعمل ايه ؟ هتضيعها من ايدك علشان مستني اخواتك ؟!!

علاء : ما انا قابلتها فعلا لكن للأسف .

عمر : استني استني يا لولو ، قولي بسرعة هي مين ؟؟ مس ميرفت ولا مس نادين ؟؟

علاء : يا عم دول في وشي كل يوم وكمان مينفعوش ، اللي انا قابلتها حاجة تانية خالص .

عمر : طيب احكي يا عم هي مين وقابلتها فين وايه اللي حصل ؟؟

علاء : قابلتها في القطر وانا مسافر لعمي في الصعيد .

عمر : وبعدين ؟

علاء : اعجبت بيها جدا واتكلمنا مع بعض وحسيت ان قلبي فعلا دق وقولت هي دي صاحبة النصيب اللي ربنا هيعوضني بيها ، لكن للأسف !!!

عمر : للأسف ليه ؟؟

علاء : نزلت من القطر وانا نايم قبل ما اخد رقم تليفونها او اعرف اي وسيلة اتصال بيها !!!

عمر : ده انت غبي !! متزعلش مني ، ازاي يجيلك نوم في الوقت ده ؟!!!

علاء : هي كانت تعبانه ونامت وانا نمت بعدها ولما صحيت كانت نزلت !!

عمر : انساها يا لولو .

علاء : ليه ؟؟ حرام عليك ده انا مش عايز انسي كل لحظة عدت عليا في اليوم ده .

عمر : البنت دي لو كانت اعجبت بيك او اهتمت بيك كانت سابتلك رقم تليفونها او اخدت رقم تليفونك علي الاقل قبل ما تنزل !!

علاء : ماهو ده اللي هيجنني !!!

عمر : انسي يا صحبي ، يلا علشان تروح الحصة بتاعتك .

علاء : اللهي يسد نفسك زي ما سديت نفسي يا بعيد .

عمر " يضحك " : استني يا علاء نسيت اقولك حاجة مهمة .

علاء : قول .

عمر : استاذ رؤوف موجه اول اللغة الانجليزية في الادارة والدته توفيت والمفروض تعزيه .

علاء : هي امه كانت لسه عايشة ؟!!

عمر : يا عم الاعمار بيد الله ، المهم اوعي تنسي تعزيه ليحطك في البلاك ليست !!

علاء : انا هتصل اعزيه دلوقتي لانسي وتبقي مشكلة !!!

اخرج علاء هاتفهه و ظل يبحث في الاسماء ..... ر ر ر ر ر ... ريم !!!!!!!

كاد يفقد وعيه حين نظر الاسم امامه في هاتفهه !!!

هو لا يعلم من لها نفس الاسم غيرها !!!!

ولكن هل حقا هو رقم هاتفهها ؟؟؟

و كيف وصل رقم هاتفهها الي هاتفهه ؟!!!!

↚

اخرج علاء هاتفهه و ظل يبحث في الاسماء ..... ر ر ر ر ر ... ريم !!!!!!!

كاد يفقد وعيه حين نظر الاسم امامه في هاتفهه !!!

هو لا يعلم من لها نفس الاسم غيرها !!!!

ولكن هل حقا هو رقم هاتفهها ؟؟؟

و كيف وصل رقم هاتفهها الي هاتفهه ؟!!!!

يجلس علاء مكانه يحاول ان يستوعب الموقف جيدا ، ربما يكون ذلك الاسم لشخص اخر لا يتذكره !!! ولكنه تأكد انه لا يعرف مطلقا من تسمي بنفس الاسم !!! اذن هي ريم فتاة القطار !!!

يضغط علاء علي زر الاتصال ...

في منزل ريم ...

تجد ريم اتصال من رقم غريب !!!

تبتسم ريم وتنظر في تردد ثم تجيب : ألو ، مين ؟

للكاتب عادل عبد الله

صوت علاء : انا مش عارف اقولك ايه علي المفاجأة الحلوة دي !!!

ريم " تبتسم " : مفاجأة ايه ؟! انت مين ؟؟

علاء : انا علاء اللي كنت قاعد جنبك في القطر .

ريم : اااه ، انت شوفت رقمي ازاي عندك ؟ شوفته بالصدفة ولا انت دورت بنفسك ؟

علاء : انا دورت عليكي في القطر لما صحيت وكنت هتجنن لما عرفت انك مشيتي و دلوقتي شوفت اسمك بالصدفة علي تليفوني ومكنتش مصدق نفسي !!!

ريم : عارف لو كنت قولتلي انك دورت علي رقمي في تليفونك كنت قولت عليك كداب لأن مستحيل الفكرة دي كانت تخطر علي بالك !!!

علاء : فعلا عندك حق ، المهم انتي وحشتيني قوي بجد .

ريم : ايه اللي بتقوله ده يا علاء ؟!! عيب كده !!

علاء : لأ مش عيب ، ايوه وحشتيني قوي كمان .

ريم " تضحك " : انت كده هتخليني اندم اني كتبتلك رقم تليفوني !!

علاء : وليه مش قولتيلي انك كتبتي الرقم بدل الحيرة اللي كنت عايشها الايام اللي فاتت ؟!!

ريم : لأ ، انا سجلت رقم تليفوني علي موبايلك وقولت لو لنا نصيب نتكلم تاني هتوصل للرقم بسرعة وهتفتكر وتكلمني ولو مفيش نصيب مش هتشوف الرقم ولا هتكلمني .

علاء : الحمد لله لنا نصيب نتكلم ونتقابل تاني .

ريم : نتقابل !!!!!

علاء : ايوه يا ريم ، احنا لازم نتكلم ونتقابل ، انا حاسس انك نصيبي اللي كنت بدور عليه .

ريم : تاني ؟!!! ما انا قولتلك مش هينفع !!

علاء : انا عندي حصة دلوقتي ، ينفع نتكلم بالليل ؟؟

ريم : اممممم ، مش عارفة .

علاء : يبقي نتكلم بالليل علي الساعة عشرة .

بعد انتهاء اليوم الدراسي ...

يعود علاء من المدرسة ويتناول غذاؤه فيجد والدته كعادتها تطلب منه بعض الاموال لسداد بعض الفواتير !!

علاء : عايزة فلوس ليه يا امي ؟ ما انتي معاكي فلوس ايجار الارض !!

الام : فلوس ابجار الارض شايلاها لكسوة اخواتك البنات وولادهم .

علاء : حاضر يامه ، عايزة كام ؟؟

يغادر علاء المنزل ويستمر في اعطاء الطلبة الدروس الخصوصية حتي التاسعة مساء !!

يعود علاء مرهقا منتظرا للساعة العاشرة بشغف وسعادة !!!

الساعة العاشرة ...

يتصل علاء وترد عليه ريم : ايه ده ؟ الساعة عشرة بالدقيقة !!!

علاء : انا قاعد بعد الدقايق والثواني من الضهر لحد دلوقتي .

ريم : ياااه !! للدرجادي !!!

علاء : واكتر يا ريم ، انتي مش متخيلة من ساعة ما شوفتك حصلي ايه !!

ريم : حصلك ايه ؟؟

علاء : حبيتك .

ريم : قولتلك يا علاء انت متسرع ومندفع قوي في عواطفك !!!

علاء : لأ مش متسرع ، لكن مش عايزك تضيعي من ايدي .

ريم : انا مش في ايدك يا علاء علشان تخاف اضيع منك !! انا هكلمك بصراحة ، انا كمان ارتحتلك ، لكن ممكن نكون اصدقاء ، نطمن علي بعض ، انما جواز مش هينفع .

علاء : ليه ؟ هتقوليلي علشان اخو المرحوم ؟؟

ريم : ايوه ، ده لسه هو وامه كانوا بيكلموني في موضوع الجواز تاني البارح وقولتلهم اني مش هفكر اتجوز تاني ، ازاي عايزهم اني هتجوز واحد تاني وكمان غريب عننا !!!

علاء : وانتي عاملة حسابهم ليه ؟ مادام مفيش اولاد يبقي مفيش بينك وبينهم الا البيت ، و بالنسبة للبيت انسيه دلوقتي خالص و بعد جوازنا لما الامور تهدا ممكن تبيعيه ، انا الحمد لله ماديا ممكن اعيشك في مستوي كويس ومش هنحتاج البيت ده في حاجة .

ربم : هسألك سؤال يا علاء وتجاوبني بصراحة ؟

وفجأة تسمع ريم صوت دقات علي الباب !!!

فتقول له : اقفل دلوقتي اشوف مين ع الباب !!

تذهب ريم في قلق لتنظر فلا تري احدا خلف الباب !!!!!!

تقف ريم وتتعجب لثواني ثم تفتح الباب وتنظر علي درج المنزل فلا تري احدا !!!

قالت في خاطرها " اذن ربما كانت وهم او ربما قطة ارتطم جسدها بالباب ثم ذهبت " .

عادت الي غرفتها واتصلت بعلاء .....

علاء : مين اللي كان علي الباب في الوقت ده ؟!!

ريم : مفيش حد .

علاء : يعني ايه ؟؟ انتي بتخبي عني ؟؟

ريم : لا بجد انا فتحت الباب ملقتش اي حد !!!

علاء : ده ازاي يعني ؟؟

ريم : معرفش يمكن كان بيتهيألي او يمكن قطة خبطت في الباب وجريت .

علاء : انتي متعودة يحصل كده ؟؟

ريم : لأ ، دي اول مرة !!!

علاء " يضحك " : انتي شكلك بتخافي علشان قاعدة لوحدك ودي تهيؤات .

ريم " تضحك " : انا ؟؟؟ لاااا مبخافش ، بقولك دي اول مرررة .

↚

علاء " يضحك " : عارفة لو اتجوزنا مستحيل يحصل كده .

ريم " تضحك " : يا عم محصلش حاجة اصلا ، بقولك تهيؤات .

علاء : خلاص مصدقك ، قولي بقي سؤالك اللي كنتي هتسأليه .

ريم " تبتسم " : قولي بقي لو افترضنا اني اتجوزت اخو جوزي ، هتزعل ؟؟

علاء : انا هتصد.م وممكن يحصلي حاجة ، و هزعل طبعا لكن مش من النصيب ، هزعل منك انتي !!!

ريم : و تزعل مني ليه ؟ الجواز نصيب .

علاء : هزعل منك علشان عارفة اني بحبك و اتجوزتي غيري .

ريم : علاء احنا منعرفش بعض الا ايام !! ومفيش بينا ذكريات ومواقف كتير علشان يكون بينا ارتباط قوي بالشكل ده !!

علاء : ريم ، انا من اول نظرة حسيت كأني اعرفك من زمان ، مش هكدب عليكي واقولك ان حبك بدأ في قلبي مع اول نظرة ، لكن هقولك ان حبك كان في قلبي من قبل ما اشوفك او اعرفك وبمجرد ما شوفتك حبك صحي في قلبي ورجعتله الحياة .

فجأة تسمع ريم صوت دقات مرة اخري علي الباب !!!!!

ريم : الباب خبط تاني !!!

علاء : متأكدة ولا بيتهيألك ؟؟

ريم : خليك معايا علي التليفون لما اشوف فيه ايه ؟؟

جريت ريم الي الباب وفتحته فجأة فأذا بحماتها ام منصور أمامها !!!

ارتبكت ريم وابتسمت : اتفضلي يا حماتي .

ام منصور : عمتتحدتي مع مين دلوجيتي ؟؟

ريم " بارتباك " : دي ماما كنت بكلمها ، تاخدي تسلمي عليها ؟؟

ثم اعطتها الهاتف !!!!

سمع صوتها علاء فاغلق المكالمة علي الفور .

ام منصور : الوووو ، الوووو .

اخذت ريم الهاتف منها : دي الشبكة جطعت ، من اول المكالمة الشبكة راح تجطع !!! ، جوليلي يامه انتي طلعتي عم سابج من شوي ؟؟

ام منصور : لا يا بنتي ، اني لساتي طالعة .

ريم : طيب ادخلي يامه .

ام منصور : لع ، اني ريداكي باكر تتدلي معاي نروحو نفرق الرحمة علي جبر ولدي .

ريم : حاضر يامه ، تعيشي وتفتكري .

ام منصور : تعيشي يا بنتي ، واحنا هنوكه راح استأذن منه تتزوجي اخوه .

ريم : تاني يامه ؟!!!

ام منصور : تاني وتالت ولا يهدالي بال الا لما اشوفك علي فرشة ولدي منصور .

ظل علاء متوترا نظرا لذلك الموقف وظل يفكر هل علمت تلك المرأة ان ريم كانت تتحدث مع رجل غربب !!! لو علمت ذلك ستكون ريم في موقف محرج وربما خطر !!! وقبل ان ينام ترك لريم رسالة يسألها عما حدث .

في اليوم التالي

استيقظ علاء وبمجرد ان فتحت عيناه امسك بهاتفهه الملقي بجانبه ليري رسالتين !!!

فتح اولهما وكانت من ريم " الحمد لله حماتي مش عرفت اننا كنا بنتكلم ، المهم متتصلش بيا النهاردة لأني هكون معاها في مشوار ، ولما ارجع انا هكلمك " .

اخذ علاء نفسا عميقا يدل علي الراحة والطمأنينة .

ثم فتح الرسالة الثانية وكانت من رقم غريب مرسلة في الثالثة فجرا " ازيك يا علاء عامل ايه ، انا مي مراتك قصدي طليقتك ، كنت بفكر فيك ومش عارفة انام وكان نفسي تكون صاحي وترد عليا ، علاء ده رقمي الجديد ، عايزة اتكلم معاك ضروري قوي ، عايزين نبدأ من جديد ، انا موافقة نرجع لبعض زي ما كنت بتقولي ، لكن ليا طلب واحد بس ، ناخد شقة في اي مكان نعيش فيها بهدوء بعيد عن مامتك واخواتك " فكر يا علاء ورد عليا ، ولا اقولك صوتك وحشني قوي ونفسي اسمعه ، اتصل عليا اسمع صوتك ونفكر مع بعض " !!!!!!

علاء يضع هاتفهه جانبا ويذهب لصنع فنجان من القهوة ويفكر .....

جاية تظهري تاني في حياتي ليه يا مي ؟؟ واشمعني دلوقتي تظهري ؟؟ ده انا ياما اترجيتك قبل الطلاق واتتي اللي كنتي مصممة بحجة امي واخواتي !!! دلوقتي راجعة وتقولي نبدأ من جديد ؟؟!!! وعايزاني كمان ابعد عن امي واخواتي البنات ؟؟ طيب ازاي وانا راجلهم الوحيد ؟!!!

للكاتب عادل عبد الله

ثم بدأ شريط ذكرياته مع مي يمر امام عينيه !!!

في المدرسة

وقبل انتهاء اليوم الدراسي جاؤه اتصال من ريم ...

علاء : اخيرا !!!

ريم " تضحك " : ايه ؟ مالك ؟؟

علاء : وحشتيني قوي وكنت همو.ت واكلمك .

ريم : ياااه !! للدرجادي !!!

علاء : قوليلي كنتي فين من الصبح ؟؟

ريم : نزلت مع حماتي كنا بنزور المرحوم .

علاء : الله يرحمه ، عرفت انك كنتي بتكلميني البارح ؟؟

ريم : لأ الحمد لله ، بس عايزة اقولك حاجة .

علاء : خير يا ريم ؟

ريم : احنا مش هنفضل نتكلم كده كل يوم صبح وليل .

علاء : ليه ؟؟ ايه اللي حصل ؟؟

ريم : علشان تشوف شغلك وانا كمان كتر التليفونات دي هتخلي اللي حواليا ممكن يشكوا فيا !!

علاء : يبقي علي الاقل نتكلم بالليل لما تكوني في شقتك لوحدك .

ريم : ما انت شوفت البارح كنت لوحدي وكنت هتقفش !!!

علاء : احنا مبنعملش حاجة غلط علشان نخاف !!

ريم : خليها بظروفها .

علاء : يعني مش هنتكلم بالليل ؟؟

ريم : قولتلك خليها بظروفها ، هقفل دلوقتي علشان هنزل اعمل لحماتي الغدا .

بعد انصرافه واثناء عودته الي المنزل ...

يجد اتصال من رقم غريب !!!

يدقق النظر في الرقم فاذا هو رقم طليقته مي !!!

يتردد علاء في الرد عليها حتي ينتهي الاتصال !!! ثم تعاود الاتصال مرة اخري فيرد عليها .....

علاء : الووو .

مي : وحشني صوتك قوي يا علاء ، لو مكنتش رديت كنت اتصلت بيك ألف مرة لغاية ما ترد .

علاء : وايه اللي فكرك بيا ؟؟

مي : ومين قالك اني نسيتك ؟ انت علطول في بالي ليل ونهار .

علاء : بأمارة ما كنت بترجاكي تراجعي نفسك قبل الطلاق وانتي اللي صممتي ؟!!

مي : لحظة شيطان يا لولو ، خلاص ننسي اللي فات ونبدأ من جديد .

علاء : وتفتكري بعد اللي حصل ببنا واللي اهلك عملوه معايا ممكن نبدأ تاني من جديد ؟!!

مي : حتي لو قلولنا لسه فيها غبار من اللي حصل علشان مؤمن ابننا ممكن ننسي اللي حصل ونبدأ من جديد !!!

↚

مي : حتي لو قلوبنا لسه فيها غبار من اللي حصل ، علشان مؤمن ابننا ممكن ننسي كل اللي حصل ونبدأ من جديد !!!

علاء : وكنتي ناسية مصلحة مؤمن لما طلبتي الطلاق ؟؟!!! وفضلت اترجاكي علشان مصلحة ابننا واصريتي علي الطلاق !!!

مي : انا وصلت لكده نتيجة افعال امك واخواتك معايا ، لو عيشنا لوحدنا يا علاء كنا هنعيش ونربي ابننا .

علاء : بعد ايه ؟!! خلاص .

مي : انت ليه مش عايز تدينا فرصة تانية ؟ لو مش علشاني علشان ابننا !!

علاء : وانتي تفتكري اني ممكن ارجعلك بعد بهدلتي علي ايد اهلك ؟!!

مي : معلش يا علاء دول اهلي وكانوا زعلانين علشاني .

علاء : ولما دخلتيني اقسام الشرطة والمحاكم !!!

مي : ياااه انت شايل في نفسك مني كتير قوي !!!

علاء : ولما اتخطبتي وكنتي هتتجوزي واحد تاني !!! بعد كل ده وعايزة ترجعي تاني !!!

في منزل علاء

عاد علاء الي المنزل وجلس يتناول الطعام و شرد بذهنه بينما لاحظته اخته سهير !! فسألته : مالك يا علاء ؟

علاء : تخيلي يا سوسو مين كلمني النهاردة ؟؟

سهير : معرفش ، هيكون مين ؟؟

علاء : مي طليقتي .

سهير : ودي عايزة ايه دي ؟!! لها عين تكلمك بعد اللي حصل ؟!!

ام علاء : دي بنت .... ، انت مش بتبعتلها نفقة الولد كل اول شهر ؟!! عايزة منك ايه تاني ؟؟

علاء : بتقولي عايزانا نرجع لبعض علشان مؤمن !!

ام علاء : وانت عايز ترجعها ؟؟

علاء : انتي رأيك ايه يا امي ؟

سهير : و دي محتاجة رأي يا علاء !!! معقول ترجعها بعد اللي حصل منها ومن اهلها !!! وغير كل ده انت متعرفش انها اتخطبت وكانت هتتجوز راجل تاني ؟!

علاء : عارف طبعا .

سهير : ورغم كده لسه بتفكر ترجعها ؟؟

علاء : لأ انا كنت واخد قراري لكن كنت عايز اعرف رأيكم ؟؟

للكاتب عادل عبد الله

ام علاء : مش محتاج تاخد رأينا في حاجة زي كده !!! مستحيل طبعا .

في منزل ريم

ام منصور : ولدي سليم جالي في المنام ليلة البارح .

ريم : الله يرحمه .

ام منصور : و كان مبتسم ووافق علي جوازك من اخوه منصور .

ريم : يامه ريحي نفسك انا مش هتجوز منصور ، لو المرحوم وافق او لأ .

ام منصور : ليه ؟؟ منصور يتعيب ؟!! ولدي منصور راجل وسيد الرجالة .

ريم : يامه ولدك منصور راجل وسيد الرجالة لكن متجوز يامه ، وانا مش عايزة اتجوز علي ضرة .

ام منصور : عايزة ولدي منصور يطلق مرته ؟؟

ريم : لا يامه ، وانا عمري ما ابني بيتي علي خراب بيت تاني .

ام منصور : حيرتيني معاكي يا بنتي !! اومال انتي رايدة ايه ؟؟

ريم : انا مش رايدة اتجوز منصور .

ام منصور : اياكي عينك من راجل غيره ؟؟

ريم : لا يامه ، انا مش رايدة اتجوز تاني ، ولا منصور ولا غيره .

ام منصور : وانتي ميصحش تقعدي عذبة من غير راجل ، ده الناس كانت تمسك سيرتنا !!!

ريم : انا اللي يجيب سيرتي اقطع لسانه ، وبصراحة انا نفسيتي تعبت وعايزة اروح اقعد عند اهلي يومين .

ام منصور : روحي اقعدي يومين تلاتة لكن متخرجيش ولا تروحي هنا ولا هناك الا لما تكلميني وتعرفيني الاول .

ريم " بتعجب " : ليه ؟؟

ام منصور : علشان انتي في ذمتي طول ما انتي عذبة اكده ، لما تتجوزي وتبقي علي ذمة راجل ابقي سوي ما بدالك .

ريم : مادام جوزي مات ابقي علي ذمة ابويا .

ام منصور : علي ذمة ابوكي لما تكوني عايشة في داره ، ومادام عايشة معانا في دارنا تبقي علي ذمتي اني لغاية ما تتجوزي ولدي منصور وتبقي في رقبته .

في منزل عائلة ريم

اسرة ريم مكونة من أب كبير بالسن وأم كبيرة واربعة اخوات من البنات .

ريم : انا تعبت يامه من حماتي وابنها !!

الام : مالهم ؟؟ ايه اللي حصل ؟؟

ريم : حماتي بتزن علي دماغي كل يوم صبح وليل علشان اتجوز ابنها منصور وهو كمان مستلمني في الطالعة والنازلة بيضايقني !!

الام : اوعي يا بت يلمسك الا في الحلال !!

ريم : ولا حلال ولا حرام !! انا مش بطيق اسمع سيرته !!

الام : ليه يا بنتي ؟ مادام هيسترك بالحلال وامه ومراته موافقين ليه معترضة ؟؟

ريم : يامه انا بقولك مش بطيقه !! هتجوزه ازااي ؟!!

الام : لو اتجوزتي حد غيره هياخدوا منك الدار اللي سبهولك جوزك !!

ريم : ليه ؟؟ الدار بالقانون ملكي .

يعود والد ريم من الخارج ...

الاب : ازيك يا بنتي ؟ عاملة ايه

ريم : بخير يابا طول ما انت بخير .

الاب : عدتك خلصت يا بنتي ، ناوية علي ايه ؟

↚

ريم : مناوياش يابا .

الاب : منصور كلمني من يومين فاتوا عايز يتجوزك .

ريم : يادي منصور اللي مش سيبني في حالي !! مش هتجوز يابا ، قوله بنتي ريم مش هتتجوز .

الاب : ليه يا بنتي ؟؟ هو اولي من الغريب .

ريم : لا يابا مش عايزة اتجوزه ، مش بطيق اشوفه اتجوزه ازاااي ؟؟؟

الاب : بلاش عناد يا ريم !! منصور رايدك وحطك في دماغه ، وده مش سهل !! ده لسه متعارك مع صاحب القهوة اللي بيقعد عليها وكسرها هو ورجالته !!

ريم : وانا مبخافيش يابا .

الاب : يا بنتي وليه كده ؟!! الطيب احسن ، انا راجل كبرت ومش حمل مشاكل !! وانتي لسه صغار و محتاجة راجل تتجوزيه بعد المرحوم ، مش هتكملي حياتك عذبة !!

ريم : الجواز مش بالعافية يابا ، ومنصور ده انا مش عايزة اتجوزه .

الام : و ناوية تعملي ايه ؟ الاصول بتقول انك المفروض ترجعي تعيشي هنا .

ريم : يامه واسيب داري ؟!! الدار داري وحماتي وابنها ومراته اللي جم يعيشوا معايا ، معرفش ليه ؟!!

الاب : علشان ده شقي ابنهم .

ريم : و ابنهم كتبوا باسمي وانا مش هسيبه .

في المساء ...

ارسل لها علاء رسالة اخري ...

علاء : لسه مش عارفة تكلميني ؟؟

نظرت ريم الي رسالته وظلت تفكر ....

علاء : شوفتي رسالتي ومش عايزة تتكلمي ؟! ولا فيه حد جنبك ؟؟

ريم : لأ مفيش حد جنبي ، لكن .....

علاء : يعني انتي اللي مش عايزة تكلميني ؟؟؟

ريم : انا اعصابي تعبانة .

علاء : ليه ؟؟

ريم : انا كل اللي حواليا بيقنعوني اتجوز منصور اخو المرحوم .

علاء : واهلك موقفهم ايه ؟

ريم : هما كمان بيقنعوني اتجوزه !!

علاء : انتي عايزة تقولي ايه ؟؟ عايزة تقولي انك هتوافقي تتجوزيه ؟؟

ريم : انا رافضة وبقاوم لكن مش عارفة هقدر اقاوم لحد امتي ؟!

علاء : ريم تتجوزبني ؟؟

ريم : بطل هزار يا علاء .

علاء : انا مش بهزر يا ريم ، وانتي عارفة اني من اول يوم شوفتك فيه وانا عايز اتجوزك .

ريم : وانا قولتلك انك مندفع في عواطفك .

علاء : مندفع علشان حبيتك ؟!!

ريم : طيب فكر معايا يا علاء بصوت عالي ، انا لو اتجوزت منصور صحيح هكون مش سعيدة لكن حياتي هتكون مستقرة وهعيش في امان واهلي كمان هيعيشوا في استقرار ، انما لو وافقتك واتجوزنا هتتفتح عليا وعلي اهلي ابواب جهنم وحتي بيتي مش هقدر ادخله ولا حتي اقدر ابيعه !!! لو انت مكاني يا علاء تعمل ايه ؟؟؟

علاء : وانا قولتلك مفيش حد يقدر يتعرضلك انتي او اهلك وانا موجود .

ريم : ممكن هتقف جنبنا في موقف او اتنين ، لكن مش هتقدر تحرس اهلي كمان !!! قولي بقي لو مكاني هتعمل ايه يا علاء ؟؟

علاء : مادام بتفكري بالطريقة دي ...

ريم : هو ده التفكير السليم .

علاء : يبقي الاحسن ليكي اكيد انك تتجوزي اخو جوزك .

ريم : شوفت انت بنفسك اللي اخترت كده !!! لكن انا مش هقدر اتجوزه ولا هقدر افتح علي نفسي ابواب جهنم !!! علشان كده قررت متجوزش خالص او علي الاقل أجل فكرة الجواز دلوقتي لغاية ما الظروف تتغير .

علاء : وده معناه انك تبعدني عني و لو حتي نتكلم كأصدقاء ؟؟

ريم : مش هنضحك علي نفسنا يا علاء ، لو اتكلمنا الموضوع هتطور اكتر من كده .

علاء : وقرارك دلوقتي ايه ؟؟

ريم : هنبعد فترة لغاية ما نتعود اننا نتكلم كأصدقاء بس نطمن علي بعض كل فترة او .....

علاء : او ننسي بعض خالص !! صح ؟؟

ريم : ممكن .

علاء : وانا يا ريم هحترم رأيك ومش هضغط عليكي اكتر من كده .

صباح اليوم التالي

عادت ريم الي منزلها وهي مازالت حزينة علي تلك القصة التي انتهت قبل ان تبدأ !!! هي تعلم جيدا ان فيض الحب لدي علاء قد يسقي مشاعرها العطشي ولكنها تعلم ايضا انه لن يدوم طويلا !!

صعدت شقتها وجلست واستراحت ثم نزلت لشقة حماتها ام منصور ...

ريم : ازيك يامه ؟ اتوحشتك .

ام منصور : كيفك يا بنتي امك وخواتك ؟؟

ريم : بخير يامه ، اطلعي من المطبخ وانا هعملك الاكل .

ام منصور : تعرفي يا بنتي ان نفسك في الاكل زين قوي وبحب اكل من يدك .

ريم : المرحوم كان دايما يقولي كده .

ام منصور : الله يرحمه ، علفكرة منصور ولدي كلم ابوكي في جوازكم .

ريم : ياريتك يامه يقولي لولدك ينسي الموضوع ده لأني مش رايده اتجوز .

ام منصور : لساكي معاندة يا ريم ؟!!!

ريم : مش عند يامه ، لكن انا مش رايده اتجوز ، هتجوزوني غصب ؟!!!

ام منصور : يا بنتي ولدي منصور زين الرجال ، صحيح هو عصبي لكن حنين .

في المساء

تترك ريم حماتها ام منصور بعد كلام كثير ومحاولات عديدة لاقناعها وصعد لشقتها .

تفتح ريم شقتها وتخلع حجابها وترميه بعيدا وتدخل غرفة نومها لتجد منصور يجلس علي فراشها !!!

تصاب ريم بالصد.مة وتقول : انت ايه اللي دخلك هنا ؟؟ ودخلت هنا كيف ؟!!

منصور : قولتلك اني رايدك يا ريم .

ريم : وانا قولتلك مريداشي ، يلا امشي من هنا .

ينهض منصور ويقترب منها ويحاوطها بذراعيه !!!!!

ريم : سيبني وامشي احسن اصر.خ وألم عليك الناس !!!!!!

منصور : مش هنزل من هنا الا وانتي مرتي !!!

ريم : انت اتجن.نت !!! هصر.خ وأمك ومرتك هيسمعوا !!!

للكاتب عادل عبد الله

يضع يده علي فمها ويك.ممها ثم يقول : مادام معاندة اللي مش رايداني اخده بالحلال هاخده دلوقتي بالحر.ام !!!!

↚

منصور : مش هنزل من هنا الا وانتي مرتي !!!

ريم : انت اتجن.نت !!! هصر.خ وأمك ومرتك هيسمعوا !!!

يضع يده علي فمها ويك.ممها ثم يقول : مادام معاندة ، اللي مش رايداني اخده بالحلال هاخده دلوقتي بالحر.ام !!!!

تحاول ريم مقاومته ولكنه كان اقوي منها وكاد يتمكن منها الا أنها استطاعت ان تعض يده باسنانها بقوة حتي تمكنت من الافلات منه .

هرولت ريم الي شقة حماتها وهي تبكي ...

ريم " ببكاء " : ألحقيني يامه ألحقيني .

ام منصور : مالك يا بنتي ؟ فيكي ايه ؟؟؟

ريم : غيتيني يامه من ولدك منصور .

ام منصور : منصور ولدي !!! ماله ؟؟

ريم : طلعت شقتي لقيته قاعد لي في اوضة النوم واتهجم عليا وكان عايز ...

ام منصور : منصور !!! لا لا ، منصور ولدي ميعملش كده ابدا .

ريم : يامه مسكني وكان عايز ياخدني بالقوة لولا عضيته في يده وفلت منه .

ام منصور : طيب بطلي بكاء و اطلعي شقتك دلوقتي لما اشوف ايه اللي جري .

ريم : لا ، انا اخاف اطلع وهو فوق .

ام منصور : طيب اقعدي هنا ومتخافيش وانا اطلع اشوفه .

صعدت ام منصور علي درج المنزل فوجدت ولدها منصور ينزل ويمسك يده محاولا كتمان الدما.ء التي تنزف منها .

ام منصور : ايه اللي انت عملته ده ؟؟

منصور : مفيش يامه ، ده انا لسه بقولها تعالي اقعدي نتكلم قامت مسكت يدي وعضيتها !!!

ام منصور : كداب ، كلامك كدب ، تعمل كده يا ولدي ؟؟ وتتهجم علي الحرمة في دارها !!!!! والله عيب عليك !!! بدل ما تحاجي عليها وتدافع عنها !!!

منصور : انا قولت اني رايدها بالحلال بدل المرة مرات كتير ياما وهي اللي معاندة !!!

ام منصور : تقوم تعمل كده ؟؟! انزل شقتك ومتعاودش تعمل كده تاني ، وحسابي معاك بعدين .

دخل منصور شقته وذهبت امه الي ريم وقالت لها : هو نزل شقته دلوقتي وقالي انه رايدك بالحلال ، قولتي ايه ؟؟

ريم : سبيني يامه دلوقتي انا مش عارفة اتلم علي اعصابي .

ام منصور : طيب اطلعي ريحي في شقتك .

صعدت ريم الي شقتها ودخلتها بحذر خوفا من ان يكون قد عاد مرة اخري !!

وبعدما اطمئنت تماما اغلقت شقتها بالمفتاح وجلست تفكر ، بينما اعصابها مازالت مضطربة !!!

في شقة منصور ...

تري حنان زوجته اثر اسنان ريم في لحم يده !!!

حنان : مين عضك في يدك اكده ؟؟

منصور : كلب عضني .

حنان " بسخرية " : كلب ولا كلبة ؟؟

منصور : مكشفتش عليه ، انا جعان روحي هاتي الوكل .

حنان : العيال كلاتهم مش هنا ، هتاكل وحدك ؟؟

منصور : ايوه مستعجل علشان رايح مشوار .

حنان " بسخرية " : مشوار فين ؟؟ رايح تاني للكلبة ؟؟

منصور : لا رايح مشوار في شغلانة لو مشيت زين هنغتني ونبقي من الاعيان .

حنان : روح ربنا يرزقك ... ثم تخفض صوتها "" بمصيبة تاخدك "" .

منصور : بتقولي حاجة ؟؟

حنان : بقول ربنا يوسع رزقك .

منصور : طيب يلا فين الوكل ؟؟

حنان تدخل المطبخ وتخاطب نفسها " انا خابرة زين ، والله هي مش كلبه ده انت اللي كلب وتستاهل قطع يدك ورقبتك " .

علي القهوة ...

يجلس منصور مع اصدقاؤه ويتكلمون بصوت منخفض ...

منصور : انت متوكد يا حمدان ان تحت البيت عندك مقبرة ؟؟ ولا نروح ونحفر ونجيب الرجالة وفي الاخر ما ينوبنا الا ضياع الفلوس والتعب ع الفاضي ؟!!!

حمدان : متوكد يا منصور ، انا جالي بوي في المنام وقالي ، وانت عارف رؤية الميت حق .

منصور : وانت عايزني اخد الرجالة ونحفر تحت البيت حداك علشان شوفت ابوك في الحلم ؟!!

عبد الرحيم : صدقه يا منصور ، وعلي العموم قبل ما نأجر راجل واحد خد شيخ وروحوا دار حمدان وأتوكدوا قبل ما تصرف جنية واحد .

منصور : لو البيت طلع مفيش تحتيه مقابر انت اللي هتدفع للشيخ يا حمدان .

حمدان : موافق .

في شقة ريم ...

تجلس ريم ومازالت خائفة !!! يبدو ان منصور لن يتركها حتي ينال مراده !! ماذا عليها ان تفعل الان ؟ الان ليس لها مكان في هذا البيت الا بعد الاختيار بين خيارين لا ثالث لهما ، اما ان توافق و تتزوج منصور واما ان ترحل عن هذا البيت وفورا !!!

في تلك اللحظة تأتيها رسالة من علاء ... " اسف لو ضايقتك برسالتي ، انا حبيت اطمن عليكي بس مش اكتر " .

امسكت ريم بهاتفهها واتصلت به !!!

تعجب علاء حينما رأي اتصالها !!!

علاء : انا مش مصدق نفسي !! انا كنت بحلم اطمن عليكي بس فأسمع صوتك كمان !! ده اكيد امي بتدعيلي

ريم : ازيك يا علاء عامل ايه ؟

علاء : دلوقتي فرحان وسعيد جدا ، مش شوية كنت حزين ومكتئب .

ريم : انت بجد عايز تتجوزني يا علاء ؟

علاء : طبعا ونفسي وبحلم اتجوزك رغم اني عارف ان الحلم ده صعب يتحقق .

ريم : ولو اتجوزنا هتقدر تحميني من اخو جوزي لو عرف مكانا ؟؟

علاء : احميكي من الدنيا كلها .

ريم : توعدني بكده ؟؟

↚

علاء : اوعدك .

ريم : لو هتوعدني فعلا حلمك ممكن يبقي حقيقة بكره الصبح .

علاء : بتتكلمي بجد ؟؟

ريم : ايوه ، مش انت قولت ان عندك شقتك وجاهز وممكن تتجوز في اي وقت ؟؟

علاء : ايوه ، مالك يا ريم ؟؟ انتي فيه حاجة مخبياها ؟؟

ريم : انا هسافر بكره واجيلك ، لكن عندي شرط واحد .

علاء : ايه هو يا قلبي ؟؟

ريم : نكتب الكتاب بكره قبل ما ادخل بيتك !!

علاء : موافق طبعا ده حقك .

ريم " تضحك " : متفقين يا حبيبي ، واضح فعلا اننا من نصيب بعض .

علاء : من اول نظرة وانا حبيتك وحسيت انك من نصيبي .

ريم : فاكر لما قولتلك ان نصيبك زي الفل بأذن الله ؟؟

علاء : ده طلع زي العسل .

ريم : رتب امورك وانا هكلمك اول ما اركب القطر .

في منزل علاء

علاء : باركيلي يا امي .

الام : الف مبروك با ابني ، مبروك علي ايه ؟؟

علاء " يضحك " : هتجوز بكره .

الام : تتجوز !!! بكره !!! انت اتجننت ولا جاي بتضحك عليا يا واد ؟؟

علاء " يضحك " : ماعاش اللي يضحك عليكي يا امي ، انا بتكلم جد .

الام : اوعي تكون ناوي ترجع لمي طليقتك ؟؟

علاء : لا يا امي ، العروسة واحدة تانية غير مي .

الام : ومين العروسة ؟ وعرفتها فين وازاي ؟ وكنت مخبي عني ليه ؟

علاء : هحكيلك يا امي كل حاجة .

بعد ساعة ينصرف علاء من المنزل وتنادي أمه علي اخوته .

الام : عندي خبر مفاجأة انا نفسي مش مصدقة لغاية دلوقتي .

سهير : مفاجأة ايه يا ماما ؟

الام : اخوكم علاء هبتجوز .

علياء : يتجوز !!! هيرجع لمي تاني ؟؟

الام : لأ ، دي واحدة قابلها في القطر لما كان مسافر عند عمكم في البلد حبها وحبته وهيتجوزها بكره .

امينة : ايه التهريج ده ؟!!! ازاي يعني يتجوز واحدة ميعرفش عنها حاجة الا انها ركبت معاه القطر ؟!! ابنك ده مراهق ولا ايه ؟؟

الام : متقوليش علي اخوكي الكبير كده !!

علياء : هو ابنك خلا فيها كبير ولا صغير !!! امينة عندها حق !! ازاي يتجوز واحدة ميعرفهاش ولا احنا نعرفها ؟!!!

الام : النصيب لما بييجي مفيش حاجة تقدر توقفه .

سهير : وازاي فجأة كده يقول انه هيتجوز بكره ؟؟! وهيتجوز فين ؟؟

الام : هيتجوز في شقته اللي فوق .

علياء : انتي بتتكلمي بجد يا ماما ولا بتهزري ؟؟

الام : بتكلم بجد ، ولما يرجع اخوكم اسألوه .

امينة : واحنا زي الطرش في الزفة ؟؟ علي رأي انعام سالوسة " اهلا وسهلا والف الف مبروك " .

تضحك كلا من علياء وسهير بصوت عال .

علياء : طيب يا ماما ، وانتي موافقة ؟؟

الام : اخوكم فاجئني ولا اداني فرصة اوافق او ارفض .

تضحك سهير : يبقي اهلا وسهلا والف الف مبروك يا لولو .

في غرفة علياء

علياء : الواد علاء ده هيفضل طول عمره عب.يط !!

امينة : لأ ده مش عب.يط بس ، ده كمان مغف.ل وبينضحك عليه !!

سهير : واحنا هنسيبه كده لأي واحدة تضحك عليه ؟!!!

علياء : لا طبعا .

امينة : لما تيجي ونعرف شخصيتها ايه ؟

سهير : شخصية ايه ؟؟ دي واحدة اتجوزت واحد معرفة من القطر !! دي تلاقيها ملهاش اهل .

علياء : كله هيبان .

سهير : دي بقي تسيبوهالي لما تيجي .

بعد العصر

في شقة ريم

ام منصور : بصي يا ريم يا بنتي اللي حصل النهاردة ده ملوش غير معني واحد .

ريم : ايوه ان ولدك منصور مش ناوي يجيبها لبر !! انا لولا اكلت عيش وملح عندكم وحافظة للي كان بيني وبين سليم الله يرحمه كنت بلغت فيه في المركز .

ام منصور : وليه متقوليش انه بيحبك !!

ريم : عنده مرته حنان يحبها برحته .

ام منصور : ويحبك انتي كمان ، وافقي يا ريم يا بنتي ، انا كبيرة وعندي خبرة في الدنيا وبقولك الصالح هو جوازك من منصور ولدي .

ريم : انتي شايفة كده يامه ؟؟

ام منصور : ايوه .

ريم : طيب عطيني يومين افكر وارد عليكي .

ام منصور : ربنا يكملك بعقلك يا ريم ، انا عارفة انك لما تفكري صح هتوافقي .

ريم : هفكر يامه بس بشرط مش يتعرض ليا لغاية ما افكر وارد عليكي .

ام منصور : معاكي حق .

ريم : بالمناسبة افتكرت اقولك الشركة اللي كان بيشتغل فيها سليم الله يرحمه كلموني النهاردة بيقولوا ان المرحوم لسه له فلوس عندهم وطلبوا اروح اخدها بكره .

ام منصور : ما انتي كنتي حداهم قريب ؟؟

ريم : لأ دي مكافأة صندوق الزمالة ، ومبلغ كويس ينفعنا .

ام منصور : هتسافري امتي ؟

ريم : هركب القطر الليلة هوصل بكره الصبح اخلص كل حاجة وارجع بكره بالليل .

ام منصور : طيب انا هسافر معاكي .

↚

ام منصور : هتسافري امتي ؟

ريم : هركب القطر الليلة هوصل بكره الصبح اخلص كل حاجة وارجع بكره بالليل .

ام منصور : اجلي السفر لبكره علشان انا هسافر معاكي .

ريم : لأ يامه متتعبيش نفسك .

ام منصور : لا انا كنت هقولك تسافري معاي يوم الجمعة الجاية لمصر علشان ازور ال البيت واولياء الله الصالحين ، ومادام رايحة خديني معاكي .

ريم : انا خايفة اتأخر عليهم يرفضوا يعطوني الفلوس !!!

ام منصور : متخافيش ، هنتأخر يوم واحد بس ، ومادام اتصلوا بيكي تاني ، يبقوا مش هياكلوا الفلوس عليكي وهيعطوكي حقك ولو حتي اتأخرتي عليهم شهر .

في اليوم التالي

في السابعة صباحا تصل ام منصور مع ريم القاهرة .

للكاتب عادل عبد الله

ام منصور : هنروح نجيب الفلوس الاول ولا نزور الاول .

ريم : لأ يامه نروح الاول نزور علي ما الشركة تفتح ، لسه بدري .

ام منصور : اللي تشوفيه ، المهم نخلص كل حاجتنا النهاردة علشان نعاود النهاردة .

الساعة ١١ ظهرا

ريم : انا هسيبك هنا يامه واروح اخلص واجيب الفلوس من الشركة وارجعلك .

ام منصور : روحي ومتتأخريش عليا .

ريم : خدي يامه الفلوس دي خليها معاكي .

ام منصور : ولزمتها ايه الفلوس دي ؟!!

ريم : خليها معاكي للظروف .

ثم اعطتها ريم مبلغ من المال وانصرفت !!!

بمجرد انصرافها اتصلت بعلاء ...

ريم : صباح الخير يا علاء .

علاء : صباح الورد ، انتي فين دلوقتي ؟

ريم : انا في مصر .

علاء : قوليلي مكانك فين بالظبط وبعد نص ساعة هكون عندك .

تقف ريم وفي يدها حقيبتها بجوار محطة للاتوبيس في انتظار علاء .

طالت وقفتها حتي جاء علاء بعد نصف ساعة وبمجرد ان رأها ابتسم وكأنه قد وجد ضالته !!

علاء : انا مش مصدق نفسي ، مصر نورت بيكي يا ريم .

ريم : بنورك ، يلا بقي من هنا علشان لولا النقاب اللي لابساه كنت اتعاكست .

علاء : يلا بينا هتيجي معايا اعرفك علي ماما واخواتي واخر النهار ننزل عند المأذون نكتب الكتاب .

ريم : انا قولتلك مش هدخل بيتك الا واحنا متجوزين .

علاء : احنا لسه الصبح واكيد مش هنلاقي مأذون في مكتبه دلوقتي !!

ريم : يبقي نروح نقعد في اي كافيتريا او مطعم لحد العصر وبعدها نروح نكتب الكتاب .

علاء : انتي خايفة مني يا ريم ؟

ريم : لأ طبعا ، انا لما عرفتك عرفت انك انسان محترم وابن حلال وعلشان كده هربط مصيري بمصيرك ، لكن الاصول بتقول مدخلش بيت راجل غريب .

علاء : معاكي حق ، طيب يلا بينا نقعد في اي مكان ناكل لقمة ونتكلم .

ريم : ياريت نشتري خط تليفون جديد لأني هرمي الخط القديم ده لأنهم اكيد هيتصلوا عليا .

علاء : صح معاكي حق .

الرابعة عصرا ...

يتصل علاء بامه واخواته البنات ويذهبوا جميعا ومعه ريم الي مكتب المأذون الشرعي و يتم عقد قرانهما في سعادة كبيرة لعلاء و سعادة ممزوجة بخوف لريم وحذر وترقب من اخوات علاء وامه !!!

ينصرفوا جميعا متجهين الي منزل علاء .

في شقة ام علاء

ام علاء : نورتي البيت يا عروسة ، احنا اهو في البيت ، مش هتورينا وشك بردو ؟؟

تكشف ريم النقاب عن وجهها فينبهروا جميعا بجمالها الفتان !!!

ام علاء : بسم الله ما شاء الله ، ده انتي حلوة قوي يا ريم !!!

ريم : ربنا يخليكي يا ماما .

سهير : ايه ده ؟ ده انتي موزة موزة !!!

ريم " تضحك " : انتي اجمل يا حبيبتي .

علياء : انتي فعلا جميلة قوي .

امينة : وهتفضلي لابسة النقاب هنا ؟؟

↚

ريم : انا هعمل اللي علاء يقول عليه .

ام علاء : ربنا يكملك بعقلك يا بنتي ، الست الشاطرة اللي تسمع كلام جوزها .

سهير : المهم تفضل كده علطول .

تنزعج ريم من كلمات سهير ويبدو عليها التوتر !!

علاء : ريم بنت حلال ونعمة ربنا كرمني بيها .

ام علاء : باين عليها يا بني ، ربنا يعوضك بيها عن اللي فات .

" تنظر ريم بدهشة ولا تفهم معني الكلمة !! ولكنها جذبت انتباهها " .

علاء : نستأذن احنا بقي نطلع شقتنا .

ام علاء : اطلعوا يا حبيبي ربنا يسعدكم .

في احد المساجد الكبري

تجلس ام منصور وقد طال انتظارها لريم التي لم تعود بعد وقد قارب النهار علي الانتهاء !!!

ام منصور وجدت شابة امامها فقالت لها : والنبي يا بنتي طلعي اسم ريم من التليفون ده واتصلي عليها ، مش عارفة عوقت ليه ؟؟

الشابة : حاضر .

الفتاة : تليفونها مقفول !!

ام منصور : جربي تاني يا بنتي .

الفتاة بعد عدة محاولات : تليفونها مقفول يا حجة !!

ام منصور : طيب طلعي اسم ولدي منصور واتصلي عليه .

تتصل الفتاة علي منصور فيرد عليها فتعطي ام منصور التليفون وتنصرف .

منصور : ايوه يامه ، عاودتي ولساكي في مصر ؟؟

ام منصور : انا لسه في مصر يا ولدي ، وريم سابتني ومش لقياها !!!

منصور : كيف يامه ؟ وسابتك متي وراحت فين ؟؟

ام منصور : سابتني من الضهر وراحت تجيب فلوس من الشركة اللي كان سليم اخوك بيشتغل فيها ومن وقتها معاودتشي وتليفونها مقفول !!!

منصور : خليكي عندك يامه وانا جايلك مسافة السكة .

ظلت ام منصور في المسجد حتي جائها ابنها منصور بعد عدة ساعات .

منصور : ريم فين يامه ؟؟

ام منصور : ياابني قالتلي هتروح تجيب فلوس اخوك من الشركة وبعدها مرجعتش وتليفونها مقفول !!

منصور : تبقي ماتت او هربت !!

ام منصور : هربت !!! لا ابني هتهرب كيف ؟ وهتروح فين ؟؟

منصور : انا مش هعاود البلد يامه الا وهي في يدي سواء ماتت او هربت !!

ام منصور : كيف يا ابني ؟؟

منصور : انا هركبك القطر تعاودي انتي وانا هبقي هنا لغاية ما ارجع بيها اما مرتي او جته ندفنوها .

في شقة علاء

فتح علاء باب شقته وقال لها : ادخلي يا عروسة برجلك اليمين .

دخلت ريم الشقة وخلفها مباشرة علاء ، وبمجرد ان دخلا اغلق علاء الباب واقترب منها فقالت له ريم : هي مماتك كانت تقصد ايه لما قالت اني اعوضك عن اللي فات ؟؟

علاء : كان قصدها انك تعوضيني عن جوازتي الاولي .

ريم : انت كنت متجوز قبل كده ؟!!!!

علاء : ايوه .

ريم : لكن انت مقولتش انك كنت متجوز قبل كده ؟؟

علاء : انا مش فاكر اذا كنت قولتلك او لأ ، لأني مش بحب افتكر جوازتي الاولي ، وبالنسبالك بيتهيألي مش هتفرق معاكي اذا كنت متجوز قبل كده ولا دي اول جوازة .

ريم : انا اللي يفرق معايا اني اعرف او لأ .

علاء : صدقيني مش فاكر قولتلك او لأ لأن الموضوع ده مش مهم .

ريم : وبا تري طلقتها ولا ماتت ؟؟

علاء : طلقتها .

ربم : كنتوا بتحبوا بعض يا علاء ؟

علاء : مش كل اتنين اتجوزوا لازم يكونوا بيحبوا بعض ، وبعدين دي ماضي انتي شاغلة نفسك به ليه ؟!! ما انتي قولتيلي انك كنتي بتحبي جوزي الاول وانا تقبلت ده عادي !!

ريم : ايوه علشان اللي كنت متجوزاه مات ، انما طليقتك دي لسه عايشة !!

علاء : انا كمان اعتبرتها ماتت ، يا ريم انا بجد بجد عمري ما حبيت زي ما حبيتك يا قلبي .

ريم : ويا تري خلفت منها ولا لأ ؟؟

علاء : ولد واحد اسمه مؤمن .

ريم : كمااااااان !!!!!

ياتري شايفين ريم هتتصرف ازاي في الموقف اللي هي فيه دلوقتي بعد ما عرفت ان علاء كان متجوز قبلها وعنده ولد من طليقته ؟؟؟

↚

علاء : انا كمان اعتبرتها ماتت ، يا ريم انا بجد بجد عمري ما حبيت زي ما حبيتك يا قلبي .

ريم : ويا تري خلفت منها ولا لأ ؟؟

علاء : ولد واحد اسمه مؤمن .

ريم : كمااااااان !!!!! يعني كمان عندك ولد ؟؟

علاء : ايوه .

ريم : وليه داريت عني ؟

للكاتب عادل عبد الله

علاء : انا مش قصدت اني اداري لكن مجتش مناسبة علشان اقول .

ريم : انا حكيتلك كل حاجة عني تقريبا ، انما لا !!! ويا تري خبيت ايه كمان ؟؟

علاء : انا مش بخبي حاجة عنك يا ريم علشان مفيش حاجة تستدعي اني اخبيها او اداريها .

ريم : اومال يعني ايه اتفاجئ انك كنت متجوز ومطلق وعندك ولد ؟؟ كنت عاملها مفاجأة مثلا ؟!!!

علاء : قولتلك مجتش فرصة اقولك .

ريم : الحمد لله اني عرفت في الوقت المناسب .

علاء : يعني ايه ؟ تقصدي ايه ؟؟

ريم : قصدي ان ابنك اولي بيك ، ارجع لمراتك وربي ابنك وانا ارجع بلدي .

علاء : لأ مستحيل !! اولا اني عمري ما هرجع لطليقتي ابدا لأن اللي عملته معايا مستحيل يخليني افكر ارجعها ، ثانيا مستحيل اسمح انك ترجعي عند حماتك وابنها ، ثالثا وده الاهم انا بحب يا ريم ومستحيل بعد ما ربنا حقق امنيتي واتجوزنا افرط فيكي .

ريم : ارجع لام ابنك علشان ابنك بتربي بينكم تربية سليمة .

علاء " بعصبية " : قولتلك مستحيل ارجعلها سواء انتي موجودة في حياتي او لأ .

ريم : انت حر ، لكن انت لازم تطلفني دلوقتي .

علاء : مستحيل يا ريم ، انا بحبك .

ريم : لو حبتني مكنتش تخبي عني حاجة زي دي !!!

علاء : وحياة حبي ليكي يا ريم مكنتش اقصد ، وحياتك عندي انا بحبم وبمو.ت فيكي ومقدرش استغني عنك .

تصمت ريم لثواني ثم تقول : فيه ايه تاني مخبيه عني يا علاء ؟؟

علاء : مفيش حاجة مخبيها ، اسأليني عن اي حاجة وانا هجاوبك بمنتهي الصراحة .

ريم : طيب قولي انت طلفتها ليه ؟؟

علاء : هي اللي طلبت الطلاق .

ريم : يعني انت كنت عايز تستمر وهي اللي رفضت وطلبت الطلاق !!!

علاء : لغاية قبل ما اطلقها كنت متمسك بها علشان ابني لكن بعد الطلاق حصل منها ومن اهلها حاجات مستحيل ارجع اعيش معها تاني .

ريم : وهي طلبت الطلاق ليه ؟

علاء : بسبب مشاكل بينها وبين امي واخواتي .

ريم : هما اخواتك عايشين معاكم و لسه مش اتجوزوا ؟؟

علاء : اتجوزوا واطلقوا التلاتة .

ريم : اااه ، يعني اخواتك ووالدتك زهقوها لحد ما طلبت الطلاق !!!

علاء : ريم ، ارجوكي بلاش تستعجلي وتحكمي علي حاجة قبل ما تعشيها !!

ريم : عايزني اعيش معاك ومع اهلك وبعد كام شهر الاقي نفسي في الشارع ، حتي اهلي مش اعرف ارجعلهم !!

علاء : مستحيل اللي بتقوليه ده يحصل ، انا مستحيل اسمح ان ده يحصل .

ريم : وافرض حصلت مشاكل بيني وبين اهلك !! تقدر تقولي هيبقي مصيري ايه ؟؟

علاء : حتي لو مش ارتحتي مع اهلي هعمل كل اللي انتي عايزاه ، المهم عندي راحتك واننا نعيش احنا الاتنين مع بعض في سعادة .

ريم : هديلك فرصة يا علاء تثبت كلامك ده .

يبتسم علاء و يقترب منها مبتسما : كنت متأكد ان قلبك الطيب هيكون ده اختيارك .

ريم : لكن ليا شرطين .

علاء : بلاش شروط يا ريم

ريم : لأ يا علاء ، ليا شرط ولو مش هتوافق عليه يبقي كل واحد يروح لحاله من دلوقتي .

علاء : قولي يا ريم !!

ريم : شرطي انك مش هتلمسني لغاية لما اتأكد انك مش مخبي عني حاجة تانية .

علاء : يعني ايه ؟؟ يعني تبقي مراتي حلالي وفي بيتي ومقدرش ألمسك ؟!!

ريم : ايوه ده شرطي .

علاء : لكن كده حرام عليكي !!! المفروض تدي جوزك حقه لو طلبه !!

ريم : ده وضع مؤقت لحد ما اتأكد منك ، بعد كده هكون مراتك في الوقت اللي تحبه .

علاء : انتي كده هتعذ.بيني ؟!!

ريم : معلش صدمتي النهاردة كبيرة ولازم اثق فيك علشان نعيش حياتنا بشكل طبيعي .

علاء : واهون عليكي ؟؟

ريم : زي ما هونت عليك تخدعني .

علاء : انا مش خدعتك !!

ريم : خلي الايام والافعال هي اللي تثبت ده .

علاء : وهنقعد كده قد ايه ؟؟

ريم : مش كتير ، شطارتك انك تثبتلي انك تستحق ثقتي وحبي ليك .

في غرفة سهير

سهير : شوفتي يا امينة البت ريم دي طلعت حلوة اوي .

امينة : وايه يعني الحلوين كتير .

سهير تقف امام المراة وتنظر لجسدها الممشوق ولوجهها المبتسم الجميل وتقول : طيب قوليلي بصراحة هي اجمل ولا أنا ؟؟

علياء : انتي اتهبلتي يا بت !!

سهير : قصدك انها احلي مني ؟؟؟

علياء : احلي منك بكتير اوي .

سهير : علشان بيضا يعني ؟!! وايه يعني بس انا جسمي احلي منها .

امينة : بت يا سهير انتي عايزانا نكدب عليكي ونقولك انك احلي منها ؟!! الصراحة هي احلي بكتير اوي !!

سهير : حتي لو هي احلي لكن انا د.مي خفيف .

امينة : لسه منعرفش اذا كان د.مها خفيف ولا لأ .

↚

علياء : والنعمة انتي وهي ا.هبل من بعض .

امينة : ليه ؟؟

علياء : بتفكروا في مين احلي ومين مش احلي و ناسيين الاهم .

سهير " بسخرية " : وايه هو الاهم يا ست الناظرة ؟؟

علياء : ان العروسة والعريس دلوقتي مبسوطين فوق واحنا قاعدين هنا وكل واحدة فينا مطلقة وقاعدة جنب اختها تشكي همها !!!

سهير : عندك حق !! انا تعبت وعايزة اتنيل اتجوز !! مش هفضل قاعدة كده وكل الي بيطلقوا بيتجوزوا حواليا !!

امينة : مين اللي اتطلق واتجوز ؟! ما انا واختك قاعدين جنبك اهو !!

سهير : طليقي اللي اشوفه والع اتجوز ، واخوكي كمان اتجوز .

امينة : عارفين انا نفسي في ايه دلوقتي ؟؟

علياء : انا عارفة .

امينة : لأ ، مش اللي في دماغك .

علياء : اومال نفسك في ايه ؟

امينة : نفسي سقف الاوضة دي يقع بيهم .

علياء : ايوه اللي فوق الاوضة دي اوضة نومهم .

سهير " تضحك " : ايه رأيكم اطلع اضايقهم شوية ؟؟؟

علياء : بجد ؟؟

امينة : اخوكي مش هيسكت وهيبهد.ل الدنيا !!

سهير : مش مهم ، هطلع اضحك عليهم شوية .

تصعد سهير وتدق جرس الباب !!!

يفتح علاء الباب ومازال بملابسه !!

علاء : فيه ايه يا سوسو ؟؟

سهير : طالعة اشوفك عايز حاجة يا عريس ؟؟

علاء : لا شكرا .

سهير : طيب استني لما اشوف التلاجة ناقصها حاجة ؟؟

وتدخل سهير سريعا وسط دهشة علاء !!! وتفتح باب الثلاجة وتتصنع النظر بها ثم تقول : لا تمام كل حاجة موجودة .

علاء : ما انا قولتلك مش عايز حاجة

سهير : طيب لو احتجتوا اي حاجة نادي عليها اجيبهالك .

علاء : متشكرين يا ستي يلا اتفضلي بقي من غير مطرود .

سهير : هي العروسة فين ؟؟

علاء : وانتي مالك ؟!!! انتي مش حاسة نفسك حشرية قوي زيادة عن اللزوم ؟؟!!!

سهير : يعني انا غلطانة ؟؟!! ماشي يا عريس انا نازلة .

علاء " يضحك " : انزلي ومطلعيش تاني .

سهير " تضحك " : ليه ؟؟

علاء : انتي هتستعبطي يا بت ؟!! يلا انزلي قبل ما اقفل الباب في وشك !!

سهير : بقي كده ؟!! طيب يا لولو انا زعلانة منك .

علاء " يضحك " : احسن ، يلا بقي امشي .

نزلت سهير الي اخوتيها تضحك !!!

علياء : بتضحكي ليه يا بت ؟؟

امينة : احكي واخلصي وبطلي ضحك .

سهير : دخلت الشقة غصب عنه .

علياء : وشوفتي ايه ؟؟

سهير : اخوكي باين عليه متضايق وكان لسه لابس هدومه !!!

امينة : بجد ؟؟؟

علياء : ده معني كده انهم لسه مدخلوش !!!

سهير : دول طالعين من اكتر من ساعتين !!!

امينة : يا تري ايه اللي حصل ؟؟

علياء : معقول بقالهم ساعتين قاعدين بيتكلموا ؟!!!

في منزل ام منصور

تعود ام منصور الي منزلها وتبدو عليها علامات الحزن ظاهرة بشدة !!

حنان : ايه اللي حصل يامه ؟؟ منصور فين و ريم فين ؟؟

ام منصور : منصور في مصر بيدور عليها !!

حنان : وهي راحت فين ؟!

ام منصور : معرفاشي راحت فين ، اسكتي بقي .

حنان : ايه اللي حصل يامه ؟؟ ومنصور هيعاود امتي ؟؟

ام منصور : ريم سابتني واختفت ولغاية دلوقتي مرجعتش !!

حنان : هتكون راحت فين ؟؟

ام منصور : مش محتاجة ذكاوة ، اما ماتت في حادثة او طفشت !!

حنان : طفشت !!

ام منصور : هنعرف اللي حصل لما جوزك يعاود .

في القاهرة

يجوب منصور اقسام الاستقبال في المستشفيات الكبري بحثا عن ريم دون اي جدوي !! ثم يذهب الي احد اقسام الشرطة ويقدم بلاغ بتغيب ريم !!!

في شقة علاء

ريم داخل غرفة النوم مغلقة الباب !! وعلاء يجلس في غرفة اخري شارد الذهن حزين !!!

افكار كثيرة تطارده ...

معقول في اللحظة اللي حسيت فيها اني حققت حلمي يضيع منها في لحظتها !!!

يعني المفروض دلوقتي اني افضل عايش كده عازب لغاية ما اثبتلها اني مش مخبي عنها حاجة !!!

واضح كده ان ريم مش حبتني زي ما انا حبتها !!! طيب وبعدين ؟!!!

يعني انا المفروض انام هنا لوحدي بردو !!!

لاااا انا لازم اخد موقف !! دي مراتي وحلالي !! اومال انا اتجوزتها ليه ؟!!

ينهض علاء من مكانه ويذهب الي غرفة النوم فيجد الباب مغلق !!!

علاء : افتحي يا ريم نتكلم .

ريم : انا هنام ، نبقي نتكلم الصبح .

علاء : يعني انتي عايزة تنامي علي السرير وانا انام علي الارض ؟!!!

↚

علاء : افتحي يا ريم نتكلم .

ريم : انا هنام ، نبقي نتكلم الصبح .

علاء : يعني انتي عايزة تنامي علي السرير وانا انام علي الارض ؟!!!

ريم : انت تعمل حسابك في مكان تاني تنام فيه .

علاء : لكن انا عايز انام علي سريري !!

ريم : لو عايز تنام هنا يبقي انا اللي هنام في الاوضة التانية !!

علاء : خلاص يا ريم ، خليكي فاكرة الموقف ده !!!

ريم : وانت كمان خليك فاكر انك خبيت عني انك عندك ولد وكنت متجوز .

في شقة سهير

امينة : انتي هتفضلي صاحية تفركي كده طول الليل !!!

سهير : مش عارفة انام .

امينة : بطلي فرك ونامي يا بنتي ، مش هنفضل صاحيين طول الليل .

سهير : انا مش هفضل قاعدة كده !!

امينة : صح ، يلا بقي نامي احسن .

سهير : لأ انا قصدي مش هفضل قاعدة من غير جواز كده !!!

امينة : خلاص اول واحدة يتقدملك وافقي واتجوزيه .

سهير : اللي بيتقدملي اما متجوز وعايز ست تانية لزوم الفرفشة واما كبير في السن وعلي المعاش وعايز ست بعد المرحومة !!

امينة " تضحك " : وانا عرفاكي بتحبي الفرفشة يبقي تتجوزي اللي عايز الفرفشة .

سهير : يا حبيبتي ده بيكون عايز يتجوز كام شهر كده علي ما يزهق منها ويطلقها !! وانا هربط نفسي بواحد زي كده ليه عنده ست واولاد ؟!!

امينة : كفاية حرام عليكي عايزة انام .

سهير : نامي يا ختي .

امينة : لو اتكلمتي هروح انام جنب علياء واسيبك .

سهير : لا لا خلاص ، ما انتي عارفة بخاف انام لوحدي .

صباح اليوم التالي

ام علاء واخوته يصعدون شقة علاء وريم ومعهم بعض الهدايا ...

يدق جرس الباب وعلاء مازال نائما !!

تستيقظ ريم سريعا وتنهض وتذهب الي علاء في الغرفة الاخري وتوقظه .

يستيقظ علاء ويقوم ليفتح باب شقته .

تدخل ام علاء بابتسامة عريضة وتحت.ضن ابنها ...

ام علاء : ااف الف مبروك يا حبببي .

علاء " مبتسما يفرك عينيه " : الله يبارك فيكي يا ماما ، اتفضلوا .

علياء : الف مبروك يا عريس .

علاء : الله يبارك فيكي ، عقبالك .

سهير : الف مبروك يا لولو .

علاء : الله يبارك فيكي يا سوسو .

سهير : اومال فين العروسة .

علاء : نايمة جوه .

سهير : هدخل اصبح عليها .

امينة : انت كنت نايم بهدومك ولا ايه ؟!!

علاء : اييه !! لا لا ، ده انا لبست البطلون اللي كان جنبي .

ام علاء : مالك يا علاء ؟ شكلك كده ...

علاء " مقاطعا " : شكلي ايه ؟

ام علاء : شكلك مكنتش نايم في سريرك !!!!!

علاء : لا ، كنت نايم في سريري .

علياء " تضحك " : شكلك كنت نايم علي الكنبة .

علاء : ايه اللي بتقوليه ده ؟!!

ام علاء : ايه اللي حصل يا واد ليلة البارح ؟؟

علاء " يضحك " : ايه يا ماما الكلام ده ؟!! هو انا لسه اول مرة اتجوز ؟!!!!

ام علاء : شكلك مش مبسوط وباين عليكي نمت ع الكنبة زي البت ما قالت !!

علاء : ما انتي عارفة يا امي مفيش خطوبة و لسه مش اخدنا علي بعض .

ام علاء : تبقي المضروبة نيمتك ع الكنبة يا شملول !!! انا داخلالها ....

علاء : استني يا ماما .

نهضت ام علاء ودخلت مع علياء وامينة الي غرفة النوم بالرغم من محاولته منعهم !!!

في غرفة النوم

تدخل ام علاء وتقول لها : ايه يا عروسة ، اقول صباحية مباركة ولا اقول فرصة تانية ؟؟

ريم : مش فاهمة !!!

ام علاء : اخرجي يا بت انتي وهي علشان افهم العروسة .

خرجت اخوات علاء يضحكون ويتلمزون بينما علاء في منتهي الاحراج !!

ام علاء : بصي يا بقي يا بنتي ، زي ما انتي شايفة علاء ده ابني الوحيد علي البنات يعني لازم اشوفه مبسوط وسعيد .

ريم : ربنا يخلهولك يا ماما وتشوفيه اسعد حد في الدنيا .

ام علاء : ومادام انتي بقيتي مراته تبقي انتي هتكوني سبب سعادته او سبب لاقدر الله تعاسته .

ريم : ربنا يقدرني واقدر اسعده .

ام علاء : وهتسعديه ازاي لما تنيميه ليلة دخلته علي الكنبة ؟!!!

ريم : مين اللي قالك كده ؟! هو ؟؟؟

ام علاء : لا يا حبيبتي ، دي مش محتاجة حد يقول ، شعري الشايب ده مش من فراغ !! انا ابص في عين اللي قدامي افهم اوله واخره ايه .

ريم : قصدك ايه ؟؟

ام علاء : قصدي انتي عارفاه ، و هقولك كلمتين يكونوا حلقة في ودنك ، الست اللي متسعدش جوزها متستاهلش تدوق شقاه .

↚

ريم : و حضرتك شايفة ان ابنك ينفع يخبي عني انه كان متجوز ومخلف ومعرفش الا بعد الكتاب وبالصدفة ؟؟

ام علاء : مش عيب انه اتجوز وطلق ، حتي لو طلق الف مرة ، هو راجل ومفيش حاجة تعيبه .

للكاتب عادل عبد الله

ريم : طيب بصي يا حماتي .

ام علاء : حماتي !!!

ريم : ايوه ، انا كمان مش صغيرة وعارفة حقوقي وواجباتي كويس ، وزي ما علاء له عليا حقوق انا كمان ليا عليه حقوق .

ام علاء : لما حاجة تنقصك في بيتك تبقي تتكلمي كده .

ريم : واضح ان بدايتها كده مش هيكون بينا تفاهم ، يبقي نخرج بالمعروف احسن .

ام علاء : يعني ايه ؟؟

ريم : يعني نجيب المأذون دلوقتي وكل واحد يروح لحاله .

يفتح علاء الباب ويدخل .....

علاء : فيه ايه يا ماما ؟ فيه ايه يا ريم ؟؟ استهدوا بالله يا جماعة .

ام علاء : شكلك مش مالي عين عروستك يا حبيبي !!!!!

علاء : ايه اللي بتقوليه ده يا ماما ؟!!

ريم : واضح كده ان مش هنعرف نعيش مع بعض ، ياريت تجيب المأذون دلوقتي وكل واحد يروح لحاله .

علاء : ماما بعد اذنك ، حضرتك جيتي تباركلنا الله يبارك فيكي ، ارجوكي سبينا مع بعض احنا نشوف ونحدد شكل حياتتا .

ام علاء : اباركلك علي ايه يا عين امك يا .....

علاء : ماما ارجوكي كفاية .

ام علاء : انا هسيبكم و اطلع ، يا خسارة الرجالة !!!!!

تنصرف ام علاء واخواته

علاء : ينفع كده يا ريم ؟!!! تخلي شكلي بالمنظر ده قدام اهلي !!!!!

ريم : وانت عجبك كلام امك ؟!!

علاء : كل ده بسبب عنادك .

ريم : لأ ، كل ده بسبب انت كدبت و داريت عليا انك مطلق وعندك ابن .

علاء : تاني يا ريم ؟!!! انتي هتمسكهالي ذلة بقي ؟!!!

ريم : وهو انا كدبت ولا دي الحقيقة ؟؟

علاء : ثم تعالي قوليلي ايه كلمة الطلاق اللي كل شوية تقوليها دي ؟؟ انتي مش بتحبيني ؟؟؟

تصمت ريم وتنظر في الاتجاه الاخر .

علاء : ردي عليا بتحبيني ولا لأ ؟؟

ريم : ايوه .

علاء : يبقي ننسي اي حاجة ممكن تزعلنا من بعض ونبدأ حياتنا يا حبيبتي .

ريم : احاول .

يجلس علاء بجوارها علي الفراش ويقترب منها !!!

ريم : عايز ايه ؟؟

علاء : انتي عارفة يا قلبي .

ريم : ااااه ، عايز .....علشان منظرك قدام اهلك !!!

علاء : لأ طبعا ، انا اهلي عارفين اني راجل وسيد الرجالة ، انتي نسيتي اني كنت متجوز ومخلف ولا ايه ؟؟

ريم : شوفت بقي !!! انت اللي بتقول اهو !!!

علاء : خلاص خلاص ، يلا بقي يا حبيبتي .

ريم : طيب مش دلوقتي .

علاء : اومال امتي بس ؟؟؟؟؟

ريم : اديني فرصة يا علاء .

يعود منصور الي بلدته

ام منصور : عملت ايه يا ولدي ؟؟

منصور : مفيش حس ولا خبر عنها يامه !!

ام منصور : يعني ايه يا ولدي ؟؟

منصور : يعني ريم ما.تت يامه .

ام منصور : ما.تت !! انت عرفت انها ما.تت ؟

منصور : لأ معرفتش ، هي سواء لساتها عايشة او ميتة ما.تت .

ام منصور : يعني ايه ؟؟

منصور : يعني حتي لو لساتها حية لازم تمو.ت .

ثم ينهض منصور و يخرج من الدار مهرولا الي دار اهل ريم !!!

يقف امام الدار وينادي علي ابو ريم ...

منصور : يا عبد الرازق ، يا عبد الرازق ..

يخرج ابو ريم ومها من باب الدار ...

ابو ريم : فيه ايه يا منصور ؟؟

منصور : بنتك هربت يا عبد الرازق .

ابو ريم : هربت !! هربت كيف ؟؟

منصور : كانت مع امي في مصر وتركتها وهربت .

ابو ريم : لا متقولش اكده .

منصور : لأ اقول ، انا روحت مصر بنفسي وعرفت انها هربت ومش هتعاود !!!

يقف ابو ريم في خجل ثم يقول : وهربت ليه ؟

منصور : هربت علشان مش عايزاني اتجوزها واستر عليها !! الظاهر انها شافتلها شوفة هناك او ....

ابو ريم : يا منصور يا ولدي عيب اللي بتقوله ده !!!

منصور : العيب اللي بنتك عملته ، ودلوقتي قدامك حل من اتنين قدام اهل البلد كلاتهم ، اما انك تقول بلسانك ان بنتك ريم ما.تت واما تاخد مرتك وعيالك وترحل من هنا .

ابو ريم : ولو ...

منصور : ولو مش عملت كده تبقي حكمت علي نفسك واهل بيتك بالمو.ت !!

يري ابو ريم اهل القرية تتعالي همساتهم !!! ويشعر بالخزي !!!

ابو ريم : انت متوكد انها هربت ؟؟؟

منصور : ايوه ، اومال جاي اتبلي عليها اياك ؟؟؟

ابو ريم : تبقي ما.تت ، ريم بنتي ما.تت .

منصور : سمعتوا يا اهل البلد ؟ ابوها قال انها ما.تت ، اللي يشوفها قبل مني يخل.ص منها ،وانا لو شوفتها هجيلكم ورا.سها في يدي !!!

↚

ابو ريم : تبقي ما.تت ، ريم بنتي ما.تت .

منصور : سمعتوا يا اهل البلد ؟ ابوها قال انها ما.تت ، اللي يشوفها قبل مني يخل.ص منها ، وانا لو شوفتها هجيلكم ورا.سها في يدي !!!

تفف ام منصور وزوجته حنان يسمعان ما يحدث وسط اهل القرية ، ثم يعودوا جميعا الي الدار .

ام منصور : ليه استعجلت يا ولدي كده ؟؟ يمكن تكون حصلها حادثة ولا اتخط.فت ؟؟

منصور : لأ يامه ، البت دي هربت .

حنان : وانت لو شوفتها يا منصور هتقت.لها صح ؟؟

منصور : ايوه ، بعد عملتها السودة لازم ريم تمو.ت .

تقف زوجته حنان وتتذكر حوارها مع ريم .....

فلااااااش باااااك

ريم : بس اياكي تقولي لحد !! انتي عارفة ممكن يعملوا فيا ايه !!!!!

حنان : متخافيش يا ريم سرك في بير .

ريم : انا قابلت واحد في القطر وانا راجعة من مصر وحسيت اني ارتاحت له و قلبي دق .

حنان : عنجد ؟؟ ثم ضحكت وقالت : بجد يا ريم ؟؟

ريم " تبتسم " : ايوه بجد ، بس خلاص راح لحاله !!

حنان : ليه ؟

ريم : ليه قلبي دق له ولا ليه راح لحاله ؟؟

حنان : الاتنين .

بااااك

حنان في داخلها يارب تكوني يا ريم قابلتيه و يارب منصور مش يلاقيكي ابدا .

في شقة علاء

علاء : وبعدين يا ريم هنفضل كده كتير ؟!!

ريم : مالنا !! احنا كويسين اهو !!

علاء : يعني نعيش في بيت واحد كده ومتجوزين مع ايقاف التنفيذ ؟!!

ريم : تاني هنتكلم في الموضوع ده ؟

علاء : الاجازة قربت تخلص واحنا زي ما احنا !!!

ريم : وفيها ايه ؟!!!

علاء : طيب برحتك يا ريم ، لكن اعملي حسابك انا مش هفضل صابر عليكي كتير كده.

ريم : انا عايزة اشتري لبس ، الهدوم اللي معايا مش هتكفيني .

علاء : خدي اربع الاف جنية اهم انزلي اشتري اللي انتي عايزاه .

ريم : مش هيكفوا !!

علاء : اشتري بيهم وهبقي اديلك فلوس تانية بعدين تكملي لبسك .

ريم : وهشتري هدوم منين ؟ انا معرفش حاجة هنا !!!

علاء " يبتسم " : انزل انا معاكي ؟

ريم : لأ ، مش هينفع فيه هدوم مش هينفع تكون معايا وانا بشتريها .

علاء : ملابس داخلية ؟؟

ريم " تضحك " : عييييب .

علاء : اوووف !! خدي واحدة من اخواتي معاكي .

ريم : قول لسهير اختك تيجي معايا .

علاء : حاضر .

ريم وسهير اثناء رجوعهم بعد شراء بعض الملابس ...

سهير : مالك يا ريم انتي بتتكسفي كده ليه ؟؟

ريم : معرفش لكن ده طبع فيا .

سهير : عارفة لو كنتي اشتريتي الحاجات اللي قولتلك عليها !!

ريم : لالالالالا !!! اتكسف .

سهير : تتكسفي ليه ؟ انتي هتلبسيها لجوزك !!

ريم : لا بردو اتكسف ، انتي باين عليكي كنتي جريئة اوي مع جوزك !!

سهير : جريئة بس !! ده انا كنت مجنناه .

ريم : اكيد كنتوا بتحبوا بعض .

سهير : كنا .

ريم : اومال اتطلقتوا ليه ؟

سهير : علشان كان ابن امه ، كل حاجة بيحكيهالها !!

ريم : لو ده عيبه الوحيد كنتي ممكن تفضلي وراه لما يتغير وتكملوا حياتكم .

سهير : حاولت ومعرفتش ، ولما امي عرفت واخواتي زنوا علي دماغي لحد ما اتطلقت !!!

ريم : واضح من كلامك انك لسه بتحبيه !!

سهير : حتي لو لسه بحبه خلاص معدش ينفع .

ريم : ليه ؟ ما تحاولوا ترجعوا لبعض وتبدأوا من جديد .

سهير : بقولك مش هينفع ، البيه خلاص راح اتجوز .

ريم : اتجوز !!! يبقي مكنش بيحبك يا سهير .

سهير : خلاص انا مش عايزة افتكره تاني ، انا عايزة اشوف حياتي واتجوز واحد تاني يكون بيحبني بجد .

ريم : ربنا يرزقك بيه عن قريب .

سهير : يارب يا ريم ، قوليلي بقي انتي وعلاء لسه ....

ريم : اسفة يا سهير مبحبش اتكلم عن حياتي الخاصة .

سهير : خلاص زي ما تحبي ، انا كنت عايزة اطمن عليكوا .

ريم : انتي باين عليكي طيبة يا سوسو وحبوبة .

سهير : ربنا يخليكي انتي احسن .

ريم : متزعليش مني ، اول ما شوفتك انتي واخواتك خوفت منكم !!

تضحك سهير بصوت عال فتجذب انظار المارة اليهم !!!

ريم : يخربيتك عيب كده هتلمي علينا الناس !!!

للكاتب عادل عبد الله

سهير " تضحك " : معلش غصب عني .

ريم : طيب خلاص بطلي ضحك بقي الشباب بدأوا يعاكسونا .

سهير : علفكرة اخواتي علياء وامينة كمان طيبين قوي ولو قربتي منهم هتحبيهم .

في المنزل ...

علاء : تعالي يا حبيبتي وريني اشتريتوا ايه ؟

ريم : دي شوية هدوم للبيت .

علاء " يضحك " : طيب وريني ، انا كده كده هشوفها .

ريم : لا خليها مفاجأة لما البسها احسن .

علاء : طيب ادخلي غيري وفرجيني .

ريم : طيب مش دلوقتي ، انا راجعة جعانة اوي نتغدا الاول .

في شقة سهير

علياء : حمدلله ع السلامة يا سوسو ، تعالي قوليلنا عملتي ايه مع المضروبة ؟

سهير : اسكتوا ، دي طلعت طيبة اوي .

امينة : طيبة !! ده انتي اللي طيبة يا سوسو !! هي لو طيبة كانت قدرت تهرب من اهلها وتتجوز واحد متعرفوش ؟؟؟

علياء : اللي تعمل كده واحدة جامدة وقادرة .

سهير : حرام عليكوا ، دي طيبة بجد ، ظروفها اللي خلتها تعمل كده .

علياء : ظروفها !!! دي باين عليها عرفت تاكل بعقلك حلاوة .

سهير : لا لا ، دي طلعت طيبة بجد وبتتكسف كمان .

امينة : بتتكسف !!! دي عينيها بجحة .

↚

علياء : هنشوفك هتفضلي تقولي عليها كده لما الفلوس اللي معانا تخلص ونطلب من اخوكي ويرفض يدينا ولا هتغيري رأيك ؟؟

بعد الغداء

تدخل ريم غرفتها وترتدي بعض الملابس الجديدة وتخرج .

علاء " يطلق صافرة " : واااو ، حلوة اوي البيجامة دي عليكي .

ريم : بجد ؟؟

علاء : تحفة .

ريم : ميرسي اوي ، اروح اعملك الشاي .

تذهب ريم لعمل الشاي فيأتي علاء من خلفها ...

ريم : انت جاي ليه ؟؟

علاء : اساعدك .

ريم " تضحك " : شكرا ، يلا روح وانا جاية وراك .

علاء : استني بقي انا كده خلاص مش قادر .

ريم : علاء انت كده هتغير اتفاقنا .

علاء : تعالي دلوقتي ونبقي نتفق تاني بعدين .

ريم : علاء كده مش هينفع !! ابعد بقي .

علاء : بقولك مش قادر خلاااص .

ريم : ابعد بقي ، لو مبعدتش انا هنزل اقعد عند مامتك تحت !!!

علاء : بقي كده ؟؟؟ طيب يا ريم برحتك ، انا خلاص مش هكلمك في الموضوع ده تاني ، اعملي حسابك انا بكره رايح الشغل .

في المدرسة

عمر : اهلااااااا ، حمدلله ع السلامة يا علاء ، ايه يا راجل أنت اتجوزت بجد ولا ايه ؟؟

علاء : ايوه يا سيدي اتجوزت ، عقبالك ، قولي انت عرفت منين ؟؟

عمر : احنا كنا سامعين اشاعة بتقول انك اتجوزت ، ومن تلات ايام طليقتك جات سألت عليك وسألت اذا كنت فعلا اتجوزت ولا لأ !!!

علاء : وهي مالها اتجوز ولا متجوزش !!

عمر " يضحك " : الف مبروك يا عريس ، يا تري رفعت راسنا بقي ولا ايه ؟

علاء : اييه .

عمر : ايه ده ؟!! مرفعتش راسنا ؟؟

علاء : لا لا مش قصدي .

عمر : مش قصدك ايه بس !! ده باين عليك اوي ، احكيلي احكيلي انت اتجوزت مين وازاي وايه اللي حصل يا ابو السباع .

علاء : بطل تريقة !!!

عمر : اسف مش قصدي ، احكي بقي .

علاء : ما انت كنت عمال تشجعني اني اتجوز من فترة ، وبتقولي انت مطلق من فترة طويلة ولازم تتجوز .

عمر : ايوه فعلا كنت بتحايل عليك وانت اللي كنت رافض !!

علاء : فاكر الست اللي حكيتلك عليها اللي قابلتها في القطر ؟؟

عمر : ايوه فاكر ، وفاكرك لما قولت انها نزلت من القطر من غير ما تاخد رقمها ، وكنت زعلان .

علاء : ايوه فعلا ، لكن بعد كده عرفت انها سجلت رقمها علي تليفوني فاتصلت بيها والحمد لله اتجوزنا .

عمر : الف مبروك يا لولو ، كل ده كلام جميل ، لكن شكلك بيقول انك مش مبسوط في الجواز !!!

علاء : والله يا عمر انا يوم ما اتجوزتها كنت فاكر اني دخلت الجنة لكن للأسف وقفت علي بابها بس ومدخلتهاش !!

عمر : يا عم اتكلم من غير الغاز .

علاء : بأختصار انا كنت نسيت اقولها اني كنت متجوز قبل كده وعندي ولد .

عمر : اكيد طبعا عرفت وزعلت .

علاء : بالظبط كده .

عمر : المهم كنتوا دخلتوا ولا لسه ؟؟

علاء : للأسف هي عرفت واحنا طالعين شقتنا قبل ما ندخل .

عمر : اوووف !! و رد فعلها كان ايه ؟؟

علاء : طبعا زعلت وكانت عايزة تطلق وترجع بلدها .

عمر : وبعدين ؟

علاء : حاولت اقنعها انه مكنش قصدي اخبي عليها لحد ما صدقت لكن قالتلي نأجل الدخلة علي ما تتأكد اذا كنت مخبي عليها حاجة تاتية ولا لأ .

عمر : يعني انت طول اسبوع الاجازة ده كنتوا بتتفرجوا علي بعض ؟!!!

علاء : متفكرنيش بقي ، ده انا همو.ت من الغيظ .

عمر : لأ طبعا انت غلطان .

علاء : ليه بقي ؟؟

عمر : دي مراتك يا خايب !! لازم تاخد حقك الشرعي سواء وافقت او لأ .

علاء : مش عايز اعمل كده علشان متكرهنيش .

عمر " يضحك " : دي هتكرهك لو معملتش كده .

علاء : بجد ؟؟

عمر : ايوه طبعا ، بطل خيابة ولما تروح اعمل اللي بقولك عليه .

في المنزل

سهير : انتي هتفضلي قاعدة لوحدك كده ؟؟

ريم : يعني اعمل ايه ؟؟

سهير : تعالي اقعدي وسطنا ، ده احنا قاعدتنا كلها ضحك وهزار .

ريم : لكن انا حسيت من كلام اخواتك اول مرة انهم مش طايقيني !!

سهير : بيتهيألك ، انا هنزل وابقي انزلي ورايا .

ريم : لأ استني ننزل مع بعض .

نزلت ريم مع سهير فوجدت علياء وامينة تجلسان تتحدثان وتعلو ضحكاتهم !!

سهير : مش قولتلك مش بنبطل ضحك وهزار !!

دخلت ريم فصمتوا جميعا ، ثم قالت علياء : حلوة اوي البيجامة اللي انتي لابساها دي !!

ريم : اتفضلي يا حبيبتي .

علياء : لا دي مش مقاسي ، انتي مليانه من تحت و نحيفة من فوق ، وانا العكس .

ريم : لو عجباكي اروح اشتري اختها ليكي علي مقاسك .

علياء " تشتريلي " : هو انتي معاكي فلوس تشتريلي منها ولا من فلوس اخويا ؟؟

ريم : يا حبيبتي مش هتفرق ، فلوسي وفلوس جوزي واحد ، وعموما انا معايا فلوس و هشتري من فلوسي .

علياء : واحد !!!

امينة : البيجامة دي بقي علي مقاسي انا .

ريم : اتفضليها يا حبيبتي .

امينة : ماشي ، يلا اقلعي .

ريم : استني اطلع فوق واغيرها واجبهالك .

امينة : انتي هتتكسفي تقلعي قدامتا ؟!! ده احنا ستات زي بعض !!

ريم : لأ بردو مينفعش .

امينة : ولا انتي جسمك فيه حاجة و خايفة نشوفها ؟!!!

ريم : لا يا حبيبتي اطمني ، انا طالعة اجيب بيجامة تانية وهنزل اقلعهالك هنا قدامك علشان تطمني !!!

بعد دقائق جاءت ريم ومعها بيجامة اخري جديدة .

علياء : ايه ده !! كل دي هدوم جديدة جبتيها ؟؟

ريم : وفيها ايه ؟ مش انا عروسة ولا ايه ؟!!!

علياء : طيب بالراحة يا حبيبتي علي فلوس الراجل شوية ، ده علاء بيتعب اوي في الفلوس دي مش بتيجي بالساهل .

امينة : انتي رجعتي في كلامك ولا ايه يا ريم ؟؟ مش هتقلعي اليجامة ؟!!

ريم : لا يا حبيبتي هقلعها ، بس اقفلي الشباك .

ثم خلعت ريم ملابسها امامهم....

و بمجرد ان خلعت ملابسها سبتوا جميعا منبهرين بجمالها الاخاذ ولم يتكلموا !!!

ثم ارتدت الاخري فقالت سهير : انتي حلوة اوي يخربيتك حظك يا علاء !!!

ريم : اطمنتي يا امينة ؟؟ جسمي مفيهوش حاجة ؟؟

امينة : شمع ابيض يا حبيبتي !!

كادت علياء ان تأكلها بنظرات الحقد والغيرة منها !!!

ريم : بصراحة يا امينة انا كمان عجباني الجلابية اللي انتي لبساها اوي .

امينة : للأسف مش هقولك اتفضليها علشان مبحبش اشوف هدومي علي حد تاني غيري !!!

كادت نيران السخط والغضب ان تأكل ريم ولم تنتظر طويلا حتي عادت الي شقتها .

عاد علاء من المدرسة بعد منتصف اليوم وهو يفكر في كلام عمر الذي بدأ يقتنع به ويريد ان ينفذه !!!

↚

عاد علاء من المدرسة بعد منتصف اليوم وهو يفكر في كلام عمر الذي بدأ يقتنع به ويريد ان ينفذه !!!

وجد ريم يبدو عليها الغضب !!

علاء : مالك يا ريم ؟؟

ريم : اخواتك علياء وامينة .

علاء : مالهم ؟؟

ريم : كلامهم زي السم !!

علاء : ما انا قولتلك خليكي في حالك بعيد عنهم !!

ريم : سهير قالتلي انزلي اقعدي معانا فنزلت معاها .

علاء : خلاص متنزليش تقعدي معاهم تاني .

ريم : تصدق اختك اخدت البيجامة الجديدة ؟!! وبتقولي دي بفلوس اخويا .

علاء : اعذريهم ، هما من ساعة طلاقهم ونفسيتهم مش مظبوطة .

ريم : حاضر ، لكن انا مش هنزل تاني عندهم .

علاء : يكون افضل ، يلا بقي حضرلنا الاكل بايديكي الحلوين .

للكاتب عادل عبد الله

ريم : حاضر .

تناول علاء وريم الطعام بينما كل تفكير علاء في كلام صديقه عمر ويفكر كيف ينزع الحاجز الذي تضعه ريم بينه وبينها .

علاء : ايه رأيك نتفرج مع بعض علي فيلم رومانسي ؟؟

ريم " تضحك " : انت بتحب الافلام الرومانسية ؟

علاء : اكيد .

ريم : طيب تمام نتفرج .

واثناء مشاهد الفيلم وفي لحظة مشاهدة قبلا.ت حارة بين البطلين نظر لها علاء وابتسم فاصطنعت ريم عدم ملاحظتها له .

فاقترب علاء ليجلس بجوارها !!

فأبتعدت عنه : مالك ؟ فيه ايه ؟؟

علاء : ايه رأيك عايزين نعمل زيهم ؟

ريم : اااه ، انت مشغل الفيلم علشان كده ؟؟ انا داخلة انام احسن .

علاء : لأ استني ، الفيلم لسه في اوله .

ريم : لأ انا رايحة انام واتفرج انت عليه .

دخلت ريم غرفة النوم بينما ظل علاء يجلس في غضب و تردد لفترة !!

شرد بذهنه قليلا وابتسم ثم نهض و ذهب الي غرفة النوم وفتح الباب ودخل فوجدها نائمة فظل ينظر لها في تردد .

شعرت ريم به حين دخل وجلس علي حرف الفراش لدقائق ثم نادي عليها .

تظاهرت بأنغماسها في النوم و كأنها لم تسمعه .

استلقي علاء علي الفراش بجوارها بينما كانت تفصله عنها مسافة .

بينما كانت هي مازالت تتظاهر بالنوم ولكن كل حواسها كانت في اقصي درجات الانتباة .

شعرت به يقترب منها ويتلمسها فتظاهرت باستغراقها في النوم وعدم الاحساس به حتي اخذها بين ذراعيه فاستدارت له وعا.نقته .

بعد مرور بعض الوقت

علاء يمسك يدها ويقب.لها في حب : ربنا يخليكي ليا يا قلبي .

ريم : ويخليك ليا يا حبيبي ، بتحبني بجد يا علاء ؟؟

علاء : اكتر مما تتخيلي ، وعمري ما حبيت ولا عرفت الحب بالشكل ده الا معاكي .

ريم تمسك يده وتحت.ضنها : ربنا يخليك ليا با حبيبي ويبعد عنا اي حاجة وحشة .

علاء : يارب ، احنا القدر اللي جمعنا علشان كده مفيش اي حد يقدر يبعدنا عن بعض ابدا .

ريم : وانا نفسي افضل جنبك طول عمري ومبعدش عنك ابدا ، انا هاقوم اخد شاور .

علاء : استني اجي معاكي .

ريم " تضحك " : عييييب انا اتكسف .

علاء : خلاص بقي مفيش بينا كسوف ، يلا بينا ، ثم يمسكها علاء ...

ريم " تضحك " : علفكرة انت قليل الادب !!

علاء " يضحك " : قليل الادب بس ؟!! وسا.فل ومجر.م ... تعالي بقي اوريكي قلة ادبي .....

بعد مرور بعض الوقت

علاء يمسك يدها ويقب.لها في حب : ربنا يخليكي ليا يا قلبي .

تضحك ريم : انت كل مرة هتبو.س ايدي كده ؟!!

علاء : طبعا ، علشان بحبك .

ريم " تضحك " : كده انا اطمنت انك هتبو.س ايدي كتييير .

بعدها اتصل علاء بمديرة شئون العاملين بالمدرسة وطلب منها اسبوع اجازة مرة اخري .

في اليوم الثاني

صعدت سهير لريم وظلت تدق جرس الباب كثيرا دون رد !!!

ظنت سهير انها قد خرجت من المنزل .

وحين همت بالنزول فتح لها علاء الباب.

سهير : علاء !!! انت مروحتش المدرسة ؟!!

علاء : لأ تعبان مش هروح .

تنظر له سهير تتفحصه ثم ضحك : ايوه فعلا باين عليك .

علاء : ايه اللي باين عليا ؟؟

↚

سهير " تضحك" : لا لا مفيش ،الف مبروك يا علاء .

علاء : الله يبارك فيكي ، علي ايه ؟؟

سهير " تضحك " : علي اللي في وشك ده !!! ابقي قولها فيه انواع حلوة مش بتطلع كده .

يمسح علاء وجهه بيده فيلاحظ بعض بقايا مستحضرات التجميل الخاصة بريم !!!

يضحك علاء : طيب يلا انزلي ومش عايز ازعاج ، فاهمة ؟ مش عايز حد يطلعلي علشان هفضل نايم طول النهار .

سهير " تضحك " : ايوه من حقك ، ما انت تعبان اوي .

بعد الظهر

صعدت امينة ودقت جرس الباب

علاء : ايوه يا امينة ، ما انا قولت لأختك اني هفضل نايم طول اليوم .

امينة : العيال اللي بتديهم درس جم تحت في الشقة اللي في الدور الاول !!

علاء : اوووه ، ده انا كنت ناسي !!!

امينة : يلا يا علاء علشان الوقت ، و فيه مجموعة تانية هيجوا كمان ساعتين .

علاء : لأ ، قوليلهم اني اجلت الدروس الاسبوع ده كله للاسبوع الجاي .

امينة : ازااااي يا علاء ؟؟ مش كفاية الاسبوع اللي فات ؟؟

علاء : عادي يا امينة مجتش من اسبوع !!

امينة : يا علاء متناس ان عندنا مصاريف كتير .

علاء : مش مهم اسبوع .

امينة : طيب هات قسط مصاريف مدرسة بناتي .

علاء : الاسبوع الجاي .

امينة : لأ مديرة المدرسة عندهم قالت اخر ميعاد لقسط المصاريف يوم الخميس .

علاء : حاضر يا امينة ، بكره الصبح اكون اتصرفت في الفلوس ، كان هيجري ايه لو كنتي دخلتيهم المدرسة عندي بدل المدرسة الخاصة ؟؟

امينة : تاني يا علاء ؟؟ بطل بخل بقي !!!

علاء : حاضر يا امينة ، يلا انزلي علشان عايز ادخل انام .

امينة " تضحك " : متخافش يا علاء النوم مش هيخلص .

علاء : طيب انزلي يا لمضة .

امينة : ايه رأيك يا علاء انزل انا اديهم الحصة ؟

علاء : بلاش يا امينة .

امينة : يا علاء احنا اولي بفلوس الدروس الاسبوع ده !! سبني ادي الطلبة الدروس الاسبوع ده ونقسم الفلوس بالنص .

علاء : ماشي يا امينة .

ريم : مين اللي كان ع الباب يا لولو ؟

علاء : دي امينة اختي .

ريم : يييييه افتكرلنا حاجة حلوة .

علاء : انتي لسه زعلانة منها ؟؟ خلاص بقي قلبك ابيض .

ريم : طيب قولي كانت عايزة ايه ؟؟

علاء : كانت بتقولي ان الاولاد اللي بديهم الدروس تحت في اول دور ، علشان انزل للاولاد .

ريم : وانت هتنزل للاولاد وتسيبني ؟

علاء : لا يا قلبي ، انا اقدر ابعد عنك لحظة واحدة !!

بعد مرور شهر .....

في المدرسة

علاء : انا عايز اعرف الولاد اللي خرجوا من الدرس عندي خرجوا ليه ؟؟

الطلبة في الفصل صامتون !!!

علاء : هو انا بكلم نفسي ؟؟ طيب اعملوا حسابكم كل اللي خرج من الدرس الشهر ده مفيش اعمال سنة ، مفهوم ؟؟

بعد الحصة

عمر : مالك يا علاء ؟

علاء : العيال يا عمر نصهم خرجوا من الدرس الشهر ده !!

عمر : ممكن علشان اجازة الجواز .

علاء : يعني لما امي تقولي هات الشهرية اقولها الولاد خرجوا من الدرس علشان اجازة الجواز ؟؟!!

عمر : طيب متزعلش نفسك كده يا علاء ، لما ترجع تلتزم في الدروس تاني كلهم هيرجعوا .

علاء : انا قولتلهم كل اللي خرجوا من الدرس مفيش اعمال سنة .

عمر : يا علاء حرام عليك كده !! مش كل الطلبة قادرين يدفعوا تمن الدروس .

علاء : مادام كانوا قادرين يدفعوا قبل كده يدفعوا دلوقتي لو عايزين ولادهم ينجحوا .

عمر : معلش يا علاء احنا اصحاب من فترة طويلة وبقولك كده حرام عليك وربنا مش هيباركلك .

علاء : يا عمر الحمد لله ربنا مبارك وكل حاجة تمام وزي الفل .

عمر : ولو واحدة مش قادرة تدفع لابنها ودعيت عليك دعوة ، هتعمل ايه ساعتها ؟؟

علاء : قل لن يصيبنا الا ما كتب الله لنا .

عمر : انا قولتلك رأيي وانت حر يا صحبي .

في المنزل

بعد عودته من المدرسة

يتناول علاء الطعام سريعا !!!

ريم : مالك يا علاء مستعجل ليه كده ؟

علاء : باقي عشر دقايق علي ميعاد الحصة .

ريم : وهتخلص دروس النهاردة امتي ؟

علاء : النهاردة هخلص بدري ، اخر حصة هتخلص الساعة ١١ بالليل .

ريم : اووووف !!!

علاء : مالك يا قلبي ؟؟

ريم : زهقت .

علاء : من ايه يا حبي ؟

ريم : كل يوم بتنزل من سبعة الصبح وترجع تفضل في الدروس وتطلع علي النوم !! دي مش عيشة يا علاء !!!

علاء : يا قلبي علشان نأمن مستقبلنا ، ده غير مصاريف امي واخواتي .

ريم : يعني علشان نأمن مستقبلنا نضيع حاضرنا اللي عايشينه ؟!!!

↚

ريم : كل يوم بتنزل من سبعة الصبح وترجع تفضل في الدروس وتطلع علي النوم !! دي مش عيشة يا علاء !!!

علاء : يا قلبي علشان نأمن مستقبلنا ، ده غير مصاريف امي واخواتي .

ريم : يعني علشان نأمن مستقبلنا نضيع حاضرنا اللي عايشينه دلوقتي ؟!!!

علاء : لا يا حبيبتي ، عندنا يوم الاجازة نقضيه كله مع بعض .

ريم : وباقي الايام اعمل ايه ؟؟ افضل بين اربع جدران اكلم نفسي ؟!!!

علاء : ايه رأيك تنزلي عند ماما واخواتي ؟؟

ريم : تااااني يا علاء ؟!! ما انت عارف ان اخواتك مش بيطقوني .

علاء " بعصبية " : وانا المطلوب مني اعمل ايه ؟؟ اقعد جنبك !!!

ريم : خلاص يا علاء .

انتهت المناقشة بينما كانت ريم تشعر بسخط جم .

في المدرسة

يفاجئ علاء بأمرأة ترتدي ملابس الحداد السوداء تطلب لقاؤه !!!

علاء : ايوه يا فندم انا مستر علاء ، اؤمريني .

المرأة : معلش انا جاية لحضرتك في طلب لكن محرجة اوي .

علاء : اتفضلي تحت امرك .

المرأة : انا ابني في الدرس عند حضرتك من اول السنة ، والحقيقة والده لسه متوفي من اسبوعين ومش هنقدر ندفع لحضرتك اجرة الدرس الفترة الجاية .

علاء : يعني عايزاني اعفيه من اجرة الدرس ؟!

المرأة : ياريت ، لو مفيش عند حضرتك مانع .

علاء : للاسف انا مش هقدر اعفيه من مصاريف الدرس لأن عدد اللي بساعدهم مجانا كامل دلوقتي .

المرأة : لو اخدت ابني معاهم ربنا هييباركلك ، مش هيفرق معاك ولد واحد .

علاء : كل اللي بيجيلي بيقولي مش هتفرق من واحد !!! انا يا ست الكل بصرف علي امي وثلاث اخوات بنات ايتام وعيالهم ده غير مراتي ، وغير اللي بساعدهم .

المرأة : يعني هتكسر بخاطري ؟؟ ده انا زي والدتك او اختك الكبيرة !!

علاء : اسف مش هقدر اساعدك ، معلش انا عندي حصة دلوقتي .

سارت المرأة ودموعها تنساب علي وجهها ، بينما جري خلفها زميله عمر ثم وقف معها ووعدها بمساعدة ابنها مجانا .

عاد عمر قائلا : حرام عليك يا علاء كسرت بخاطر الست !!

علاء : كفاية انت روحت جبرت بخاطرها .

عمر : ايوه ، الست كانت ماشية ودموعها في عينيها .

علاء : والنبي يا عمر جو الصعبنيات ده انا مليش فيه ، انا لو هعمل زيك كده مش هلاقي اكل .

عمر : انت حر يا علاء ، خلي بالك انا سمعت الست كانت بتدعي عليك !!!!

علاء " يضحك " : مش بقولك بطل جو الصعبانيات ده !! خلي دعواتها تنفعها .

ثم يأتيه اتصال علي هاتفهه ...

علاء : ايوه يا ماما ، صباح الخير .

ام علاء : صباح الفل يا حبيبي .

علاء : خير يا ماما ؟ فيه حاجة ؟

الام : كنت عايزة افكرك بالجمعية اللي عملنها لجهاز اخواتك ، ميعادها النهاردة .

علاء : انا هبعتلك الفين جنية النهاردة وانتي حطي ال الالف الباقيين من الفلوس اللي معاكي .

ام علاء : انا يا حبيبي مش معايا فلوس .

علاء : طيب انا مش معايا الا الفين دلوقتي !!!

ام علاء : وفين فلوسك يا علاء ؟!!

علاء : انتي ناسية يا ماما اني فاتح بيت ومراتي لها طلبات ومصاريف ؟!!!

في المنزل

تقوم ريم بالاعمال المنزلية ولكنها مازال الملل يقت.لها !!

تنزل ريم لشراء بعض طلبات المنزل فتقابل سهير علي درج المنزل ...

سهير : رايحة فين يا ريم ؟

ريم : صباح الخير يا سهير ، رايحة اشتري طلبات للبيت .

سهير : مالك شكلك متضايقة ليه ؟؟

↚

ريم : انا زهقت كل يوم اقعد لوحدي بين اربع حيطان لحد نص الليل لما يرجع اخوكي ياكل وينام !!

سهير : معلش اعذريه ، هو شغله كده ، واغلب شغله بيكون تحت في الدور الاول بعني مش بعيد .

ريم : ايوه مش بعيد لكن انا بردو قاعدة لوحدي !! زهقت .

سهير : ما انا قولتلك تعالي اقعدي معانا وانتي اللي مش بتوافقي .

ريم : اخواتك مش بيحبوني وبيقولوا كلام معلش يعني زي السم .

سهير : علشان مش واخدين عليكي ، عارفة لما تاخدوا علي بعض هتلاقيهم لطاف جدا .

ريم : نتجمع في شقة حماتي احسن ، علشان في شقتك بخاف منهم .

سهير : زي ما تحبي يا حبيبتي .

تجتمع ريم مع اخوات علاء عند حماتها ...

الام : ايوه كده يا بنتي ، انا نفسي تنزلي تقعدي معايا .

ربم : وليه مش قولتيلي ؟

الام : خوفت لتفتكريني عايزاكي تعمليلي حاجة في البيت ، انا الحمد لله بصحتي و جنبي بدل البنت تلاتة بيعملولي كل طلبات البيت .

ريم : وماله يا ماما لما اعملك طلباتك !! طيب ايه رأيك النهاردة هتأكلي من ايدي .

الام : بجد ؟؟

ريم : ايوه .

وبدأت ريم تعد لهم الطعام و بعد ان انتهت جلسوا يتناولون الطعام .

و لعدة ايام بدأت ريم تنخرط معهم وبدأ الملل يغادر حياتها ولو مؤقتا .

علاء : عاملة ايه مع ماما واخواتي ؟

ريم : الحمد لله كويسين احسن من الاول .

علاء : ما انا قولت علي ما تاخدوا علي بعض وبعد كده هتلاقي الدنيا تمام .

ريم : ولو عايزني اساعدك في الدروس كمان .

علاء : لا بلاش ، خليكي احسن مع ماما واخواتي .

في شقة والدته

علاء : ازيك يا ماما ؟ ريم عاملة معاكوا ايه ؟

الام : انا مش عارفة انت بتاكل من ايدها ازاي !!! دي مبتعرفش تطبخ !!!

علاء : بالعكس يا ماما دي ريم اكلها لذيذ وجميل اوي .

الام : مادام عاجبك انت حر .

علياء : ايوه يا علاء فعلا اكلها مش حلو زي اكل ماما .

امينة : وكمان لما نزلت معها السوق نشتري خضار وطلبات البيت كانت بتصرف وكأنها مش هممها الفلوس !! ما هيه مش تعبانة فيها !! حاول تخليها تمسك ايديها شوية في المصاريف .

في المساء

في شقة علاء

علاء : باقي معاكي فلوس قد الايه من مصروف البيت ؟؟

ريم : كويس انك فكرتني ، الفلوس قربت تخلص .

علاء : ليه ؟؟ انتي بتصرفي من غير حساب ؟!! هو انتي مش عارفة انا بتعب ازاي في الفلوس دي !!!

ريم : عارفة يا حبببي لكن الحاجة غالية .

علاء : غالية ايه !! انتي لازم تمسكي ايدك شوية في المصاريف .

ريم : انت هتخوفني منك ليه ؟!! انت باين عليك بخيل ولا ايه ؟!!

علاء : لا يا حبيبتي مش بخيل ، لكن انا بتعب في الفلوس دي ، ياريت علشان خاطري احس انك محافظة علي فلوسي .

ريم : المفروض ان فلوسي وفلوسك حاجة واحدة ، صح ؟

علاء : ايوه اكيد .

ريم : يبقي الكلام اللي بتقوله ده ملوش لزوم .

بعد ايام ...

في شقة ام علاء

ام علاء : هتعملي الاكل يا ريم ؟

ريم : ايوه با ماما ، تحبي تاكلي ايه النهاردة ؟

ام علاء : طلعي فرخة من التلاجة واطبخي اي حاجة .

ريم : حاضر يا ماما .

وبعد انشغال ريم في المطبخ تماما ...

ام علاء : انا نازلة رايحة عند اختي علشان تعبانة واتصلت بيا .

ريم : تحبي اروح معاكي ؟

ام علاء : لا يا حبيبتي انا رايحة انا والبنات وخليكي انتي كملي الطبيخ .

ريم : طيب انا هاخد الحاجة واطبخها فوق .

ام علاء : ليه يا حبيبتي ؟؟

ريم : هتنزلوا كلكوا وتسبوني لوحدي !! ميصحش اقعد هنا وانتوا مش موجودين .

ام علاء : عيب لما تقولي كده يا ريم ، انتي خلاص بقيتي واحدة مننا و زي بنتي بالظبط ، احنا هننزل ومش هنتأخر وخليكي هنا البيت بيتك .

ريم : حاضر يا ماما زي ما تحبي .

بعد ساعتين عاد علاء فوجد زوجته في شقة والدته !!!

علاء : بتعملي ايه يا حبيبتي هنا ؟ وماما واخواتي فين ؟

ريم : بطبخ زي ما انت شايف و مامتك واخواتك نزلوا من بدري راحوا لخالتك علشان تعبانه .

علاء " يبتسم " : تعرفي انك وحشتيني اوي .

ريم " تضحك " : طيب ما انا معاك كل يوم فوق !!

علاء : ايوه بس انتي واحشاني اوي دلوقتي .

ريم : طيب انا قربت اخلص ونطلع شقتنا .

علاء : لأ تعالي ندخل نريح شوية في اوضة ماما .

ريم : لا لا مش هينفع .

علاء : علشان خاطري .

ريم : يا حبيبي مينفعش ولو جم وشافونا هيبقي شكلنا وحش اوي !!

علاء : يا حبيبتي احنا متجوزين ، يلا .

ريم : يا علاء !!!

علاء : علشان خاطري .

↚

ريم : يا حبيبي مينفعش ولو جم وشافونا هيبقي شكلنا وحش اوي !!

علاء : يا حبيبتي احنا متجوزين ، يلا .

ريم : يا علاء !!!

علاء : علشان خاطري .

بعد بعض الوقت صعد علاء وربم الي شقتهم .

عادت ام علاء واخوته ونادت علي ريم ، فنزلت اليها ...

ريم : حمدلله ع السلامة .

ام علاء : الله يسلمك ، اتأخرنا عليكي يا حبيبتي ؟

ريم : اتأخرتوا اوي .

علياء : خلصتي الاكل ؟؟

ريم : ايوه خلصت ، وطلعت علشان علاء رجع من المدرسة .

سهير : كويس انك خلصتي الاكل ، انا همو.ت من الجوع .

ريم : الف هنا يا سوسو ، انا طالعه لعلاء .

في شقة علاء

علاء يستحم ويسمع صوت باب الشقة !!

علاء : كنتي فين يا حبيبتي ؟؟

ريم : مامتك واخواتك رجعوا وكنت بكلمهم ، انت لسه بتستحمي ؟؟

علاء : ايوه ، ما تيجي ؟؟

ريم : لأ ، خلص واخرج ، انا هجهز الاكل علي ما تخرج علشان جعانه اوي .

خرج علاء وجلس يتناول الطعام مع ريم التي تضحك وتقول : انت مجنون يا علاء !! كان لزمته ايه اللي عملته تحت ده ؟؟

علاء " يضحك " : كنتي وحشاني اوي .

ريم : كان هيجري ايه لو استنيت لما نطلع شقتنا ؟!!

علاء : مقدرتش استني .

ثم يسمعا صوت طرقات قوية وسريعة علي باب الشقة !!!!!!

ريم : يا ساتر يارب ، فيه ايه ؟؟

نهض علاء سريعا وفتح الباب ليجد والدته وخلفها اخوته !!!

علاء : خير يا ماما فيه ايه ؟؟

الام : هي فين الحرامية اللي عندك ؟؟

علاء : حرامية !!!!!!

ابعدته امه عن طريقها ودخلت ومعها اخوته ...

ام علاء : تعالي هنا يا حراميه .

ريم " بدهشة " : انتي بتكلمي مين يا حماتي ؟؟

ام علاء : بكلمك انتي ، هو فيه حرامية في البيت هنا غيرك !!!

ريم : حرامية !!! ايه اللي بتقوليه ده ؟!!! انتي عارفة بتقولي ايه ؟؟

علياء : بطلي يا بت الحركات دي .

ريم : حركات ايه ؟؟ انتوا بتقولوا ايه ؟ انا مش فاهمة حاجة !!!

ام علاء : طلعي السلسلة الذهب يا حرامية .

ريم : انتي بتكلميني انا ؟!!! انتي ايه اللي بتقوليه ده !!!

ام علاء : بقولك طلعي السلسلة اللي سرقتيها يا حرامية .

علاء : ايه اللي بتقوليه ده يا ماما ؟؟

علياء : ماما كانت سايبة سلسلة دهب في الدولاب ولما رجعنا كانت اوضة نومها مفتوحة والدولاب مفتوح والسلسلة مش موجودة !!! ومراتك كانت لوحدها في الشقة !! يكون مين اللي اخدها غيرها ؟! اكيد مراتك اللي سرقتها .

ريم : اخرسي قطع لسانك .

ام علاء : يعني حرامية وقليلة الادب !!!

علاء : بسسسسس خلاص اسكتوا كلكوا ، انزلي يا ماما بعد اذنك وخديهم معاكي دلوقتي .

ام علاء : والسلسلة ....

علاء " بغضب " : انزلوا يا ماما بعد اذنك .

نزلت ام علاء واخوته بينما جلست ريم تبكي بشدة .

علاء : خلاص بطلي عياط علشان نتكلم

ريم : شوفت امك واخواتك بيقولولي يا حرامية !!! انا حرامية يا علاء ؟!!

علاء : انتي فعلا مشوفتيش السلسلة اللي ماما بتقول عليها ؟؟

ريم : انت كمان ؟!!! انا لازم امشي مش هقعد في البيت ده تاني .

علاء : انا مش قصدي ، انا بسألك مش اكتر .

ريم : انت لما جيت كانت اوضة امك مقفولة ، صح ؟؟

علاء : ايوه فعلا .

ريم : مش انت يا علاء اللي دخلت الاوضة قبلي وناديت عليا ؟؟

علاء : ايوه حصل .

ريم : لما طلعت كان الدولاب مفتوح ؟؟

علاء : لأ .

ريم : امك واخواتك قصدوا يمشوا ويلبسوني التهمة دي علشان يفرقوا بينا و تطلقني يا علاء .

علاء : طيب خلاص متزعليش ، انا هتصرف .

ريم : هتعمل ايه ؟

علاء : انا هتصرف يا ريم .

نزل علاء عند والدته واخوته ...

ام علاء : ينفع اللي مراتك عملته ده يا علاء ؟؟

نظر علاء لها ولأخوته نظرة حادة ثم قال لها : انا اللي اخدت السلسلة .

ام علاء " بدهشة " : ايييييه ؟؟!!!

علاء : بقولك انا اللي اخدت السلسلة .

شعرت ام علاء بالحرج والحيرة ثم قالت " بارتباك " : ااانت بتقوول كده علشان تبرأ مراتك .

علاء : لأ ، انا اللي اخدتها .

امينة : اخدتها ؟؟؟؟؟

علاء : ايوه .

امينة " بتحدي " : طيب هي فين السلسلة ؟؟

علاء : اتصرفت فيها ، كنت محتاجها ، وعلي العموم هجيبلك غيرها يا ماما لما يكون معايا فلوس .

انصرف علاء من شقة والدته شارد الذهن يفكر في تلك المكيدة التي صنعتها والدته واخوته لزوجته !!! و شكل العلاقة بينهم فيما بعد !!!

عاد علاء الي زوجته التي بمجرد دخوله الشقة سألته : عملت ايه يا علاء ؟

↚

علاء : خلاص انا خلصت الموضوع .

ريم : ازاي ؟؟

علاء : قولتلهم ان انا اللي اخدت السلسلة .

ريم : وليه تقولهم كده ؟؟!! وانت عارف انهم بيكدبوا !!!

علاء : انا عارف ، لكن قولت كده علشان اخلص الموضوع .

ريم : وبعدين يا علاء ؟؟ اهلك مش هيسبوني في حالي !!! احنا لازم نسيب البيت ده ونشوف شقة لنا بعيد عنهم .

علاء : مش هينفع اسيبهم من غير راجل !! ومادام هما عملوا كده انتي تبعدني عنهم خالص بعد كده ، خليكي في حالك وهما في حالهم .

مرت اسابيع عدة و علاء مازال مشغولا تماما في عمله ، بينما ريم اصبح روتين يومها اكثر مللا كل يوم عن سابقه .

يغادر علاء المنزل صباحا كل يوم بينما لا تنشغل باعمال المنزل اكثر من ساعتين ثم تبدأ رحلتها مع الملل ما بين هاتفها و التلفاز !!!

ذات يوم ذهبت ريم الي السوق لشراء بعض متطلبات المنزل وظلت تسير بين الشوارع والطرقات تشاهد فتارين العرض للمحلات حتي شعرت بارهاق قدميها فجلست للأستراحة في احد الكافيهات و تناولت عصير ليمون .

حين شعرت بالراحة قامت و عادت الي المنزل .

شعرت في ذلك اليوم بكسر لحالة الملل المسيطرة عليها وان الحياة بدأت تدب في اوصالها من جديد .

احبت تلك النزهة الصباحية و اصبحت عادتها كل يوم استهلاك وقت كبير ما بين مشاهدة فتارين المحلات وبين الجلوس في الكافية وحدها !!!

في الكافية

جلست ريم علي احدي الطاولات وامامها عصير الليمون المنعش و بدأت تقرأ روايات علي هاتفها كعادتها !!

علي الجانب الاخر كان يجلس رجل اربعيني يرمقها بنظراته ويحاول جذب انتباهها !!

لم تنتبه له ريم فنادي علي عامل الكافيه وسأله عنها ، فاجابه انه لا يعرف عنها الا انها منذ عدة ايام تأتي كل يوم صباحا في نفس التوقيت وتجلس وحيدة لساعة او اثنتين ثم ترحل .

فوجئت ريم بعامل الكافيه يقدم لها احدي المشروبات المثلجة مرة اخري !!!

ريم : ايه ده ؟ انا مطلبتش حاجة تاني !!

العامل : الاستاذ تامر اللي طلبه لحضرتك .

ريم : مين تامر ده ؟؟ وليه يطلبلي حاجة ؟!!

العامل : استاذ تامر اللي قاعد هناك ده .

ريم : رجعله المشروب ده انا مش باخد حاجة من حد معرفوش .

انصرف العامل ونظرت ريم تجاه الرجل فوجدت رجل اربعيني انيق ووسيم يبتسم لها في ثقة !!!

نفخت في غضب و استدارت ريم حتي لا يكون ذلك الرجل في مواجهة نظرها ، ففوجئت به يأتي ليجلس علي طاولتها !!!

ريم : انت مين وايه اللي بتعمله ده ؟!!

الرجل " بابتسامة " : انا اسمي تامر وشوفتك قاعدة لوحدك وانا لوحدي قولت نقعد مع بعض احسن !!

ريم " بصوت عال وغضب " : انت مجنون اكيد !! انت ازاي تيجي تقعد وتفرض نفسك عليا بالشكل ده ؟!!!

ارتفع صوت ريم عاليا فحاول الرجل تهدئة الموقف الا انها انصرفت سريعا !!

تامر : حلوة اوي اوي ..

العامل : حضرتك خسرتنا زبونة يا استاذ تامر !!!

تامر : هتيجي تاني .

العامل : بيتهيألي مش هتيجي هنا تاني .

تامر : لو قدرت تقنعها تقعد معايا و تفهمها اني مكنش قصدي اضايقها هيكون لك عندي مكافأة حلوة اوي .

العامل : لو جات تاني احاول اقنعها .

تامر : اكيد هتيجي تاني .

خرجت ريم غاضبة من ذلك الموقف و عزمت علي الا تعود مرة اخري الي هذا المكان .

عادت ريم الي المنزل وكلما تذكرت ذلك الموقف اصابها الغضب !!

في المساء

عاد علاء الي المنزل ولاحظ بعض علامات الغضب عليها !!!

علاء : مالك يا حبيبتي ؟

ريم : مفيش .

علاء : شكلك زعلانة ومتضايقة !! فيه حد زعلك او ضايقك ؟؟

ريم " بتعجب " : حد زي مين ؟؟

علاء : ماما او علياء او اي واحدة من اخواتي .

ريم : لا لا مفيش حاجة .

علاء : لكن شكلك زعلانة !!!

ريم : اصل كنت بقرأ رواية واندمجت معها شوية ممكن ده اللي أثر فيا .

علاء : بلاش تندمجي اوي كده مع الروايات ، دي كلها قصص خيالية .

ريم : لكن بتكون فيها من الواقع ، وبعدين دي الحاجة الوحيدة اللي بتسليني في غيابك طول اليوم .

علاء : اقرأي برحتك يا حبيبتي لكن بلاش تندمجي معها اوي بالشكل ده .

في اليوم التالي

خرجت ريم كعادتها وحينما وصلت الي الكافيه تذكرت موقف الامس السخيف الذي حدث من هذا الرجل ، فتراجعت وعادت الي المنزل .

مر عليها اليوم بشعور كبير بالملل فقررت ان تذهب للكافيه في اليوم التالي .

في اليوم التالي ذهبت ريم الي الكافيه و كانا تخشي ان يتعرض لها هذا الرجل ( تامر ) مرة اخري !! و بمجرد دخولها كانت عيناها تترقبان وجوده في المكان ولكنها لم تراه فأطمأنت و نادت عامل الكافيه و طلبت مشروبها .

بعد قليل دخل تامر من الباب وبمجرد ان رأته بدأت تتوتر ، ولكنه ابتسم واقترب من طاولتها وسألها : تسمحيلي اقعد ؟؟

ريم : أنت تاني ؟؟ علفكرة كده قلة ذوق اوي .

تامر سحب الكرسي وجلس قائلا : علفكرة حضرتك مكبره الموضوع زيادة عن اللزوم ، انا ....

ريم : انا مش عايزة اسمع منك حاجة ، وياريت تقوم قبل ما اعمل حاجة تخلي شكلنا وحش اوي قدام الناس .

تامر " بابتسامة " : حاضر انا هقوم ومش هسببلك ازعاج تاني ، لكن عايزك تفهمي كويس انك فاهماني غلط ولو فهمتيني صح هتعرفي انك غلطانه .

ريم : طيب اتفضل وانا مش عايزة افهم حاجة .

انتقل تامر الي طاولة اخري بعبدا عنها واخرج هاتفهه وظل يتحدث فيه ويبتسم !!!

ظلت ريم جالسة لبعض الوقت حتي جائها اتصال من زوجها .....

ريم : الو ... ايوه يا علاء .

علاء : انتي فين ؟؟

ريم : انا في السوق بشتري طلبات للبيت .

علاء : متأكدة ؟؟

ريم : ايوه وبتمشي شوية ، فيه ايه ؟ اول مرة تسألني انتي فين !!!

علاء : طيب روحي علشان انا راجع البيت دلوقتي .

ريم : فيه ايه يا علاء ؟!!

علاء : لما ارجع البيت نتكلم .

↚

ريم : انا في السوق بشتري طلبات للبيت .

علاء : متأكدة ؟؟

ريم : ايوه وبتمشي شوية ، فيه ايه ؟ اول مرة تسألني انتي فين !!!

علاء : طيب روحي علشان انا راجع البيت دلوقتي .

ريم : فيه ايه يا علاء ؟!!

علاء : لما ارجع البيت نتكلم .

انصرفت ريم من الكافيه وعادت الي المنزل وبعدها بدقائق دخل علاء الي المنزل فسألته ريم : مالك يا علاء فيه ايه ؟

اخرج علاء هاتفهه وفتح الصور ثم امسك يدها بقوة وسألها : مين اللي كنتي قاعدة معاه ده ؟؟

فزعت ريم حين رأت صورتها تجلس في الكافيه وبجوارها ذلك الرجل !!! وقالت : ده واحد كان بيضايقني وكنت .....

فوجئت بعلاء ينهال عليها ضر.با وهي تحاول ان تدافع عن نفسها دون جدوي قائلة : اسمعني يا علاء ....... والله ده واحد كان ........بيضايقني .

علاء " ضا.ربا لها " : انتي كدابة !!! ايه اللي وداكي المكان ده ؟؟ ومين ده ؟؟ اتكلمي والا هقت.لك !!!

ريم : والله يا علاء ..... انا معرفوش .... كفاية حرام عليك .

علاء : متعرفوش ازاي وانتي قاعدة معاه يا ..... بتستغفليني ؟؟ انا همو.تك .

ريم " تبكي " : والله انت ظا.لمني .

علاء : ايه اللي وداكي المكان ده يا ....

ريم " تبكي " : انا قولتلك قبل كده اني بزهق من قعدتي لوحدي .

علاء : وعلشان بتزهقي تروحي تتعرفي علي رجالة يا .....

ريم " باكية " : اخرس قطع لسانك .

يزداد علاء ضر..با لها : اومال كنتي بتعملي ايه ؟؟ انطقي .

ريم : انا كنت بشتري طلبات البيت واروح اقعد لوحدي اغير ملل قاعدة البيت .

علاء : ومين اللي قاعد معاكي ده ؟؟

ريم : والله معرفوش يا علاء ، ده واحد جه يضايقني وانا وقفته عند حده .

علاء : انتي كدابة ، لو وشه كان باين في الصورة كنت عرفته وقت.لته .

ريم " تبكي " : يا علاء متوديش نفسك في دا.هية بدون سبب .

علاء : عايزه واحد يدوس علي شرفي وتقوليلي من غير سبب !!! ده انا هعرف هو مين وامو.تكم انتوا الاتنين .

ريم : حرام عليك ، والله انت ظالمني .

علاء : انا مش هسيبك الا لما تقولي ده مين وعرفتيه ازاي ومن امتي .

ريم : وانا كلمتك بصراحة وقولتلك كل الحقيقة .

علاء : هاتي تليفونك .

اخذ منها علاء هاتفها وظل يشااهد كل الرسائل الموجودة فيه ، ولم يشاهد اي رسائل مريبة !!! وظل يبحث في مكالمات الهاتف فلم يجد مكالمات مع ارقام غريبة !!!

ريم : صدقتني ان مفيش حاجة ؟؟

علاء :اكيد كنتي بتمسحي المكالمات والرسائل .

ريم : والله مش مسحت حاجة صدقني يا علاء .

علاء : انتي كدابة ، اعملي حسابك من دلوقتي لغاية ما تقولي كل حاجة مش هتخرجي من البيت لحد ما اعرف كل حاجة .

ينصرف علاء من المنزل بعد ان اخذ هاتفهها وحبسها واغلق عليها المنزل !!!

ظلت ريم تبكي ظلمه لها وتريد ان تظهر برائتها ولكن كيف ؟!!!

نزل علاء من المنزل والشرر يتطاير من عينيه حتي وجد اخوته يقفون ويسألونه : مالك يا علاء ؟ كان صوتك عالي ليه ؟؟

علاء : مفيش حاجة .

علياء : احنا سمعنا كل حاجة .

علاء : مش عايز اتكلم في حاجة دلوقتي .

علياء : احسن حاجة يا علاء يا اخويا طلقها وداري الفضيحة .

علاء : فضيحة ؟!!!

علياء : طبعا فضيحة ، لما مراتك تعرف راجل غريب تبقي فضيحة !!

يسكت علاء بينما يزداد غيظا .

علياء : والله اعلم كانوا بيعملوا ايه تاني !!!

يصعد مرة اخري علاء لشقته ويفتحها ويدخل ينهال علي ريم ضر.با .

تسمع اخوته صوت صراخه وبكائها ويضحكن !!!

سهير : حرام عليكوا ، ده ممكن يمو.تها !!

امينة : احسن .

تأتي الام من خارج المنزل وتسمع الصوت العالي فتسألهن : فيه ايه عند اخوكوا فوق ؟؟

↚

علياء : اسكتي يا ماما ، علاء عرف ان مراته بتروح تقابل راجل غريب في كافيه .

الام : بتقولي ايه يا بت ؟!!! ريم مرات اخوكي ؟!!!!

علياء : ايوه ، زفته .

هرولت الام صعودا و قالت له : كفاية ضر.ب فيها ، هتمو.ت في ايدك .

علاء : مش هسيبها الا لما اعرف مين اللي كان معها .

الام : يا بني يمكن تكون ظالمها ؟

ريم : والله انا مظلومة .

علاء : كدابة ، صورتها معاه قاعدين اهي معايا .

وعاد علاء لضر.بها مرة اخري .

الام : كفاية ضر.ب فيها هتودي نفسك في دا.هية علشان واحدة زي دي !!!

علاء : جوايا نار مش هتتطفي الا لما اعرف كل حاجة .

الام : طلقها تروح لحال سبيلها .

علاء : لما اعرف هو مين وعمل معاها ايه الاول .

ريم : اخرص قطع لسانك .

علاء : كمان ليكي عين يا .....

ريم : طلقني ، انا مش عايزة اعيش معاك .

علاء : عايزاني اطلقك علشان تروحي تتجوزيه ؟؟ ده بعينك .

تدخل اخواته وتقول علياء : طلقها يا علاء ومتضيعش نفسك .

علاء : لازم اعرف كل حاجة قبل ما اطلقها .

وفجأة تصمت ريم ثم تمسح دموعها وتقول له : عايز تعرف كل حاجة ؟

علاء : ايوه .

ريم : روح الكافيه و شوف الكاميرات هتعرف كل حاجة .

هنا يصمت الجميع ثم يقول لها علاء : صح ، هيبان من الكاميرات هو مين و كنتي قاعدة معاه ولا كان بيضايقك .

ريم : وانا هروح معاك .

علاء : لأ ، مش عايزين نفرج الناس علينا .

ينصرف علاء الي الكافيه بينما تنسحب علياء وامينة وسهير الي شقتهم .

علياء : انا كنت ناسية خالص الكاميرات !!

امينة : مش عارفة ازاي تاهت عن بالنا !!

سهير : والله كفاية العلقة اللي اخدتها .

علياء : بيتهيألي واحدة غيرها بعد ظهور برائتها لو عندها كرامة لازم تطلب الطلاق .

سهير : انا لو مكانها مستحيل اعيش معاه يوم واحد تاني .

علياء : ده لو عندها كرامة .

امينة : اخوكي علاء بيحبها ومش هيطلقها .

تدخل عليهم الام وتسألهم فتقول علياء : بنتكلم لو علاء عرف انها بريئة البنت دي هتكمل معاه ولا هتطلب الطلاق .

الام : لو عرف انها بريئة مش هيطلقها حتي لو هي طلبت الطلاق .

علياء : حتي لو هي اصرت ؟؟

الام : ايوه ، ده بيحبها اوي ، انتوا ناسيين لما قال انه اخد السلسلة علشان يبرأها قدامنا ؟؟!!

سهير : صح يا ماما بيحبها اوي ، يا بختها ، يا ريتني انا كنت لقيت حد يحبني كده .

في الكافيه

علاء : عايز اقابل صاحب الكافيه .

العامل : خير يا استاذ ؟

علاء : لأ انا عايزه هو نفسه .

العامل : هو اللي قاعد هناك ده .

ذهب علاء اليه وطلب منه مشاهدة تسجيل الكاميرات وقت وجود زوجته ريم .

صاحب الكافيه : حضرتك معاك اذن نيابة ؟؟

علاء : لأ .

صاحب الكافيه : انا اسف .

علاء : يا استاذ الموضوع فيه خراب بيوت ، كل اللي عايز اشوفه اذا كان الرجل ده كان قاعد معاها ولا كان بيحاول يضايقها ، والكافيه بتاعك بعيد عن اي مشكلة تحصل .

صاحب الكافيه : اذا كان كده ماشي .

يعود علاء الي المنزل بعدما تأكد من براءة ريم .

علاء : انا اسف يا حبيبتي .

ريم : اسف !!! اعمل ايه بأسفك ده ؟؟

علاء : معلش حقك عليا .

ريم : انت لازم تطلقني حالا .

علاء : معلش سامحيني .

ريم : اسامحك علي ايه ولا ايه ؟!! انت بهدلتني !!!

علاء : معلش ، انا كنت مش في وعيي .

ريم : انا بس كنت عايزاك تعرف اني بريئة ، لكن احنا خلاص مش هينفع نكمل مع بعض .

علاء : اعذريني يا حبيبتي انا كنت هتجنن علشان بحبك .

ريم : واللي يحب حد يشك فيه للدرجة دي ؟!!

علاء : خلاص يا ريم علشان خاطر حبنا .

ريم : انت معملتش حاجة علشان حبنا ده ، انت لازم تطلقني دلوقتي لو سمحت .

↚

ريم : واللي يحب حد يشك فيه للدرجة دي ؟!!

علاء : خلاص يا ريم علشان خاطر حبنا .

ريم : انت معملتش حاجة علشان حبنا ده ، انت لازم تطلقني دلوقتي لو سمحت .

علاء : اسف حبيبتي ، لولا اني بحبك مكنتش عملت كده .

ريم : خلاص انا مش عايزة الحب اللي يخليك تمد ايدك عليا وتضر.بني .

علاء : اول واخر مرة يا حبيبتي ، وحياة حبي ليكي عمرها ما هتحصل تاني .

ريم : ولو حصلت تاني ؟؟

علاء : ساعتها يكون ليكي الحق تعملي كل اللي نفسك فيه .

ريم : انا لازم اعرف مين اللي سلط الرجل ده يعمل كده وصورني وبعتلك الصور .

علاء : مش عارف انا رقم التليفونون اللي بعتلي الصورة والرسالة مش متسجل عندي ، واتصلت علي الرقم مغلق علطول !!

ريم : شوف حد يعرف يجيبلك اسم صاحب الخط .

علاء : معؤفش حد .

ريم : انا كان ليا واحدة صحبتي في البلد تقدر تعرف .

علاء : بلاش تتصلي بحد من هناك .

ريم : لأ دي صحبتي مفيش من ناحيتها خوف .

تتصل ريم بصديقتها ...

ريم : الو .. ازيك .

صديقتها : مين معايا ؟

ريم : انا ريم .

صديقتها : حبيبتي وحشتيني قوي ، انتي فين ؟

ريم : انا كويسة الحمد لله .

صديقتها : اهلك واهل جوزك قلبوا الدنيا عليكي !!!

ريم : انا اتجوزت وعايشة بعيد مستقرة والحمد لله ، المهم كنت عايزة منك خدمة .

صديقتها : اؤمريني يا ريم .

ريم : فيه رقم تليفون كنت عايزة اعرف باسم مين ؟؟

صديقتها : ضروري ؟؟ انتي عارفة ان غلط لما اخرج بيانات عميل .

ريم : معلش ضروري الموضوع فيه خراب بيوت .

صديقتها : يا ساتر يارب ، طيب يا حبيبتي .

في اليوم التالي ...

ريم تتصل بعلاء بمجرد علمها باسم صاحب التليفون .

ريم : شوفت يا علاء ، خط التليفون طلع باسم اختك علياء .

علاء : علياء ؟!!!

ريم : ايوه ، ولسه شارية الخط جديد علشان عايزة تخرب علينا .

علاء : وعلياء تعمل كده ليه ؟!!!

ربم : معرفش يا علاء ، اسألها !!!

علاء : طيب خلاص انا هتصرف .

ريم : انا مش هينفع اعيش في البيت ده تاني يا علاء .

علاء : لما ارجع البيت واشوف هي عملت كده ليه .

عاد علاء الي المنزل

و جمع كلا من امه واخوته ثم سألهم : ليه تعملوا فيا كده ؟؟

" ارتبكت البنات الثلاثة "

وسألته الام " بتعجب " : عملنا فيك ايه با ابني ؟!!

علاء : عايزين تخربوا بيتي ليه ؟؟

الام : واحنا عملنا ايه علشان تقول كده ؟!!

علاء : اسألي بنتك علياء .

علياء : انا !!!! انا عملت ايه ؟؟

علاء : مش ده رقم تليفونك ؟؟ ليه تعملي كده ؟؟ كنتي عايزاني اطلق مراتي ولا اقت.لها واروح في دا.هية ؟؟

علياء : انا معرفش حاجة عن اللي بتقوله ده .

↚

علاء : كدابة ، رقم التليفون اللي بعتلي الصورة باسمك !!

تصمت علياء وتضع رأسها في الارض .

الام : ليه كده يا علياء ؟؟

علاء : مش علياء بس يا امي ، امينة وسهير كمان عارفين ، والله اعلم اذا كنتي انتي كمان تعرفي ولا لأ

الام : انا !!! انا معرفش حاجة يا ابني .

علاء : اذا كنتي متعرفيش حاجة عن الصورة فانتي اللي دبرتي موضوع السلسلة .

الام : السلسلة !!! مالها السلسلة ؟؟

علاء : انتي وهما اللي دبرتوا انكم تطلعوا ريم حرامية وسرقت السلسلة رغم ان مفيش حاجة اتسرقت منك .

الام : اناااا ....

علاء : خلاص يا امي ، هتقولي ايه !!! اللي انا عايز اعرفه انتوا ليه بتعملوا معايا ومع مراتي كده ؟؟!!

الام : علشان البنت دي دخلت حياتنا فجأة ومكنتش عايزاك تتجوزها .

علاء : ليه يا امي ؟؟ ريم عملتلك ايه علشان تاخدي منها الموقف ده ؟!!

الام : انا كنت عايز اختارلك عروستك بنفسي .

علاء : ربنا يسامحكم ، مش هقدر اقول غير كده ، لكن انا خلاص مش هينفع نعيش معاكم هنا تاني .

الام : يعني ايه ؟؟

علاء : يعني انا هشوف شقة وهنقل اعيش فيها مع مراتي .

في القرية ....

منصور : من تلت شهور يا حمدان واحنا بنحفر ولسه مفيش اي نتيجة !!

حمدان : وانت زعلان ليه ؟!! مصاريف الرجالة كلها انا بدفعها .

منصور : واحنا هنفضل نحفر كده لحد امتي ؟؟

حمدان : بعد اسبوع جاي شيخ مغربي يشوف الحفر علشان يطلع لنا الكنز .

منصور : يعني الشيخ ده هو اللي هيطلع الكنز ؟؟

حمدان : ايوه .

منصور : لما نشوف اخرتها معاك ايه .

في شقة علاء

علاء : خلاص يا حبيبتي كلها كام يوم وننقل لبيتنا الجديد .

ريم : الحمدلله ، وكويس انه بردو في نفس الحي علشان تطمن علي امك واخواتك من وقت للتاني .

علاء : انتي اللي بتقولي كده !!! فعلا يا ريم انتي ملاك .

ريم : بغض النظر عن الخلاف اللي بينا او انهم بيكرهوني وكانوا عايزين يهربوا بيتي لكن برضو هما اهلك وواجب عليك تكون جنبهم من وقت للتاني .

يمسك علاء رأسه بكلتا يديه !!!!

تسأله ريم : مالك يا علاء ؟

علاء : صداع هيد.مر دماغي !!

ريم : قولتلك اكتر من مرة لازم تروح تكشف .

علاء : معنديش وقت يا ريم ، ما انتي عارفة اني مشغول علطول .

ريم : لازم تروح تكشف ، مفيش حاجة اهم من صحتك .

علاء : ااااه ، مش قادر ، الصداع هيمو.تني !!!

ريم : لأ انت كده لازم تكشف النهاردة .

في عيادة الطبيب

الطبيب : انت لازم تعمل اشعة مقطعية علي المخ واشعة رنين مغناطيسي .

علاء : ليه يا دكتور ؟ الموضوع خطير للدرجادي ؟؟

الطبيب : الاشعة هتوضح كل حاجة .

ريم : انت كده قلقتنا يا دكتور .

الطبيب : مش هقدر اقول اذا كانت الحالة تستدعي الخوف والقلق ولا لأ الا بعد الاشعة .

علاء : انا كده قلقت بالفعل يا دكتور !!

↚

الطبيب : مش هقدر اقول اذا كانت الحالة تستدعي الخوف والقلق ولا لأ الا بعد الاشعة .

علاء : انا كده قلقت بالفعل يا دكتور !!

الطبيب : نتمني من ربنا ان ميكونش فيه قلق ، المهم تعمل الاشعة دي في اقرب وقت .

بعد ايام ...

الطبيب : للأسف هو ده اللي كنت خايف منه .

علاء " بخوف " : فيه ايه يا دكتور ؟؟

الطبيب : مش هخبي عليك ، انت عندك ورم في المخ .

ريم : اييييييه !!!

علاء : يعني ايه ؟؟ هموت ؟؟

الطبيب : الطب دلوقتي اتقدم وممكن بالعلاج ...

علاء : انت بتقول كده علشان تطمني يا دكتور .

الطبيب يري الخوف في عيون علاء ودموع ريم تنهمر امامه !!! فيقول : لأ طبعا ، انا بتكلم معاك بمنتهي الصراحة ، حالتك ممكن تتعالج ولو العلاج مجبش نتيجة ممكن تدخل جراحي واستئصال للورم .

ريم " ببكاء " : والجراحة دي نتيجتها أكيدة ؟؟

الطبيب : كل شئ بأمر الله .

علاء : يعني انا ممكن اعيش اد ايه يا دكتور ؟؟

الطبيب : الاعمار بيد الله ، دي حاجات بتاعت ربنا وكل شئ بأمره ، و عشمنا انك تخف .

عاد علاء وريم الي المنزل وعلي وجههم حزن كبير وصمت تام .

علاء : وبعدين يا ريم هنعمل ايه ؟

ريم : هتتعالج طبعا لغاية ما تخف بأذن الله .

علاء : مش قصدي ، انا اقصد انتي هتعملي ايه من بعدي ؟؟

ريم : اسكتتت ، بعيد الشر عليك متقولش كده .

للكاتب عادل عبد الله

علاء : واضح من كلام الدكتور ان موتي مسألة وقت مش اكتر .

ريم : لأ الدكتور قال فيه علاج وممكن كمان تدخل جراحي ، ان شاء الله تخف .

علاء : ده كلام دكاترة علشان يخفف الصدمة .

ريم : ليه التشاؤم ده ؟!! خلي عندك امل في الله .

علاء : ونعم بالله ، المهم من دلوقتي لازم تهيأي نفسك اني ممكن اموت في اي لحظة ولازم تشوفي هتعملي ايه في حياتك من بعدي .

ريم " بدموع " : متقولش كده انا مقدرش اتخيل حياتي من غيرك .

علاء : سيبك من الكلام ده دلوقتي المهم نشوف هتعملي ايه في حياتك من بعدي ؟؟

ريم : مش هعيش يوم واحد من بعدك الا وانت مش معايا .

بعد ايام ...

تنتقل ريم مع علاء الي منزلهم الجديد ، واثناء نقل امتعتهم ومنقولاتهم تقول له والدته : بردو يا علاء مصمم تمشي انت ومراتك ؟؟

علاء : مفيش حل تاني يا امي ، كده احسن لنا وليكم .

ام علاء : لكن انا يا حبيبي دلوقتي مش هكون مطمنة عليك خصوصا في ظروف مرضك دي .

علاء : انا كويس يا امي ، وكل يومين هجي اطمن عليكم وامشي .

ام علاء : لكن انا مش هكون مطمنة عليك !!

علاء : اطمني لو تعبت اواحتاجتك تكوني جنبي هتصل بيكي .

في الشقة الجديدة...

علاء وريم ينتهيا من ترتيب منقولاتهما في بيتهم الجديد ...

ريم : الحمد لله ، خلصنا ترتيب البيت ،ان شاء الله يكون وش السعد علينا .

يستنشق علاء نفسا طويلا ثم يخرجه ببطئ : وش السعد عليكي انتي يا حبيبتي .

ريم : وعليك انت كمان ، انا وانت واحد يا علاء وبأذن الله هتخف وتكون كويس .

علاء : بالمناسبة صحيح انا كلمت الدكتور النهاردة الصبح وقالي اني هبدأ جلسات العلاج الكيماوي بكره .

ريم : بالشفا ان شاء الله يا حبيبي وانا لازم اكون معاك .

في بيت ام علاء

ام علاء : انا خايفة اوي علي اخوكم .

سهير : وانا كمان يامه خايفة عليه .

↚

علياء : خايفين عليه ولا علي فلوسه ؟؟

سهير : و علاء ايه وفلوسه ايه !! خايفة عليه وعلي فلوسه طبعا لتاخدهم السنيورة الجديدة .

امينة : بالنسبالي انا طبعا خايفة علي علاء اخويا لكن فعلا اللي مر.عوبة منه ان المحروسة مراته تستفرد بيه وتستغله وتخليه يكتبلها كل حاجة .

ام علاء : يانهار اسود ، يعني البت دي تدخل بيتنا شهرين تلاته تاخد شقي عمر ابني وتمشي !!! ده انا كنت اخدت روحها .

امينة : وهنعمل ايه يامه بعد اللي حصل ومشيوا من البيت هي اقرب حد لعلاء دلوقتي وخصوصا لما علاء عرف باللي احنا عملناه قبل كده .

ام علاء : احنا مهما نعمل او نقول مستحيل يصدق مننا حاجة عنها تاني ابدا .

علياء : ايوه لكن انا عندي فكرة تخلي علاء يطلقها او علي الاقل عمره ما يثق فيها وترجع تقته فينا اكبر من الاول .

سهير : البت علياء دي طول عمرها سوسه ولئيمة ، قولي يا علياء .

علياء : احترمي نفسك يا بت ، انا اختك الكبيرة .

ام علاء : ما تحترمي نفسك يا مقصوفة الرقبة .

سهير : خلااااص انا اسفه ليكم كلكم اتفضلي يا علياء هانم اتكلمي .

علياء : احنا اي حد يسألنا عن سبب ان علاء ومراته تركوا البيت وعاشوا لوحدهم نقول ان السبب ان مراته ايديها طويلة وبتسرق وعملاله عمل وده السبب انه بيصدقها وبيكدبنا وماشي وراها .

امينة : يخربيتك يا علياء ، ده انتي شيطا.نة !!! برافو عليكي ، فكرة شيا.طين فعلا .

علياء : لكن المهم ان الكلام ده لازم يوصله علشان يفقد الثقة فيها ويرجعلنا .

بعد ايام ...

اصبح حديث جميع الجيران عن علاء وزوجته واصبح الجميع يتجنب التعامل مع علاء وزوجته !!!

خرجت ريم لشراء بعض متطلبات المنزل و بدأت بألقاء التحية اعلي جارتها ، ولكن جارتها غضت الطرف عنها ولم تجيبها !!!

اندهشت ريم من تصرف جارتها العجيب !!!

في السوبر ماركت دخلت ريم لشراء بعض ومتطلباتها فوجد عامل البيع يتنقل بجوارها وكأنه يراقبها !!!

ريم : انا عايزة اعرف انت ماشي ورايا كده ليه ؟؟

عامل : بشوف حضرتك لو عايزة تسألي عن حاجة انا تحت امرك .

ريم : واشمعني انا اللي بتعمل معايا كده ؟!! ما كل الزباين في المكان بيتنقلوا براحتهم !! اشمعني انا ؟!!!!

عامل : دي تعليمات الادارة .

ريم : مادام كده انا مش هشتري من هنا حاجة تاني .

وانصرفت ريم وهي منزعجة وفي نفس الوقت تتعجب من هذا التصرف الغريب !!!

العامل : شوفت يا فندم ، الزبونة زعلت ومشيت !!!

المدير : انت لسه بدري عليك علي ما تفهم .

العامل : مش فاهم حضرتك تقصد ايه ؟؟

المدير : دي لما حست انتا بنراقبها ومش هتعرف تسرق مشيت .

العامل : كويس يا فندم انها قالت انها مش هتيجي هنا تاتي .

كلما دخلت ريم احد المحلات وجدت ريم موقفا مشابه !!!

بالكاد اشترت ريم طلبات المنزل ثم عادت تملؤها الدهشة واثناء صعودها المنزل قابلت في طريقها ابنة احدي جاراتها وحينما اقتربت منها وجدتها جرت وابتعدت عنها علي الفور !!!

في المساء

عاد علاء من العمل ووجد علامات الحزن والدهشة عليها جلية !!!

علاء : مساء الخير .

ريم : مساء النور يا علاء ، انت عامل ايه النهاردة ؟

علاء : انا بخير ، قوليلي انتي عاملة ايه ومالك شكلك متغير ليه ؟!!

ريم : مفيش حاجة انا كويسة .

علاء : لأ انتي واضح عليكي ان فيه حاجة مضايقاكي !!!

ريم " تبكي " : النهاردة حصلت حاجات غريبة اوي .

علاء : ازاي ؟؟

ريم : النهاردة حاسة ان كل الناس خايفين مني مش عارفة ليه ؟!!!

علاء " يضحك " : خايفين منك !!!

ريم " تبكي " : ايوه يا علاء .

علاء " يضحك " : معقول حد يخاف من القمر ده ؟!!!

ثم بدأت ريم تحكي له تفاصيل ما حدث معها طوال اليوم .

علاء : بالنسبة لجارتك ممكن تكون مش بتحب الاختلاط .

ريم : لكن انا اتكلمت معها اول ما سكنا هنا وكانت بشوشة وبتضحك معايا .

علاء : ممكن تكون كانت بترحب بيكي بس في اول مرة مش اكتر .

ريم : طيب والبنت الصغيرة ؟؟

علاء : ممكن تكون مامتها بتنبه عليها مش تكلم حد بره البيت علشان بتخاف عليها ، وده طبعا من حقها .

ريم : والبياعين كمان بيخافوا ولسه صغيرين ؟؟

علاء : بصراحة هو ده الموقف الغريب اللي مش قادر افسره .

ريم : المهم جلسة الكيماوي بتاعتك امتي ؟

علاء : بكره يا ريم .

ريم : بالشفا يا حبيبي ، كلها كام جلسة ونروح للدكتور ويقولنا انك خفيت بأذن الله .

علاء " بدموع " : شايفة شعري بيقع ازاي !!!!!

ريم : معلشي يا حبيبي ، محنة وتعدي .

علاء : انا مش حاسس اني هعدي منها .

↚

علاء " بدموع " : شايفة شعري بيقع ازاي !!!!!

ريم : معلشي يا حبيبي ، محنة وتعدي .

علاء : انا مش حاسس اني هعدي منها .

ريم : ان شاء الله هتعدي بس انت طلع صدقات بنية ان ربنا يشفيك .

علاء : انا حاسس ان اللي انا فيه ده بسبب دعوة الست عليا .

ريم : مين الست دي اللي دعت عليك ؟

علاء : ولي امر تلميذ عندي في الفصل جات تقولي ان جوزها توفي وكانت عايزاني اعفي ابنها من فلوس الدرس ولما رفضت سمعتها بتدعي عليا .

ريم : حرام عليك يا علاء ، وليه تعمل كده ؟؟!!

علاء : اللي حصل بقي .

ريم : حاول تروحلها و تجبر بخاطرها ، ده جبر الخواطر علي الله .

علاء : ونعم بالله .

ريم : ويمكن لما تجبر بخاطرها ربنا يرفع عنك المرض .

علاء : حاضر .

في القرية ...

حمدان : تعالي يا منصور الشيخ صابر المغري لسه واصل .

منصور : ونزل الحفر ولا لسه ؟

حمدان : لسه يا منصور ، انا قولت اتصل بيك اقولك قبل ما نعمل اي حاجة .

منصور : انا جاي حالا .

يرتدي منصور جلبابه ويهم بالخروج ...

زوجته حنان : علي فين يا منصور ؟

منصور : ومن امتي بتسأليني رايح فين وجاي منين ؟!!

حنان : شوفتك جالك تليفون وبتهم علشان تخرج !!!

منصور : رايح مشوار يا حنان لو قضي علي خير حياتنا هتتغير وهغرقك في الدهب والالماظ .

حنان : هتلاقي كنز علي بابا ؟؟

منصور : حاجة زي كده .

في منزل حمدان

منصور : يا مرحب يا شيخنا .

الشيخ صابر : مرحب بيك يا منصور .

منصور : وه !!! انت تعرف اسمي ؟!!

الشيخ صابر : واعرف كل حاجة عنك .

يضحك منصور مبديا شيئا من السخرية .

الشيخ صابر : كان لازم تقول لزوجتك انك رايح مشوار هترجع منه بدهب والماظ ؟؟؟؟

منصور : وه !!! وعرفت دي كمان ؟!! باين عليك واصل زي ما بيقولوا .

الشيخ صابر : خلينا في المهم ، عايز انزل الحفر .

حمدان : اتفضل يا شيخ .

نزل حمدان ومنصور ومعهم الشيخ صابر في الحفر ومعهم مصباح للأضاءة .

الشيخ صابر : المكان ده فيه خير كتير .

منصور : همتك معانا يا شيخ صابر واهو الخير يتقسم علي الكل .

الشيخ صابر : مين صاحب المكان ؟؟

حمدان : انا يا شيخ .

الشيخ صابر : انا هاخد التلت وانت واللي معاك التلتين .

حمدان : كتير التلت يا شيخ .

منصور : اسكت انت يا حمدان ، موافقين يا شيخ .

الشيخ صابر : اسمع من صاحب المكان انه موافق واقولكم علي اقرب طريق للوصول للكنز ، وخلال يوم او اتنين بالكتير هيكون الكنز في ايدينا .

حمدان : موافقيا شيخ .

الشيخ صابر : نادي علي الرجالة اللي هتحفر واقولهم الطريق .

تذهب ريم مع زوجها علاء الي المستشفي ويقوم بعمل جلسة علاج كيميائي يخرج بعدها متعب ومنهك القوي .

ريم : بالشفا يا حبيبي ان شاء الله ، كلها كام جلسة ونخلص كورس العلاج .

علاء : انا تعبت يا ريم من العلاج .

↚

ريم : معلش هانت يا حبيبي .

علاء : انتي بنت حلال يا ريم وعايزك تسمعي كلامي .

ريم : كلام ايه يا علاء ؟

علاء : انا هحطلك مبلغ في البنك علشان لو حصلي حاجة تاخديه وتتجوزي وتكملي حياتك .

ريم : بسسسس ، متقولش كده .

علاء : اسمعي اللي بقولك عليه ، ودلوقتي عايزين نروح الماركت اللي العامل كان بيضايقك فيه .

ريم : لا خلاص ، ملوش لزوم انا كده كده مش هروح هناك تاني .

علاء : لأ انا عايز اروح اشوف كان بيعمل كده ليه ، المهم لما نروح هناك عايزك تدخلي كأنك لوحدك وانا هدخل بعدك وافهم ايه الحكاية بالظبط .

في الماركت

دخلت ريم الي الماركت وبدأت في مشاهدة المنتجات والبضائع كعادتها ودخل بعدها علاء وكأنه لا يعرفها حتي لاحظ ان احد العمال يقف ويتنقل بجوارها كلما تنقلت بين البضائع !!!

وتأكد علاء من صدق كلامها فسأل احد العمال عما يحدث فلم يجيبه !! فذهب الي مدير الماركت وسأله : بعد اذنك ممكن اعرف العامل اللي هناك ده واقف وبيتنقل جنب المدام اللي هناك دي ليه ؟

المدير : انا اسف ، وده يضايق حضرتك في ايه ؟

علاء : المدام دي مراتي وجات هنا البارح واشتكت لي من نفس الموقف !!

المدير : انا اسف اوي يا فندم ، لكن ...

علاء : لكن ايه اتكلم .

المدير : الحقيقة ان فيه ناس حذرتنا منها وقالوا سوري يعني ان ايدها طويلة .

علاء : اخرس !!! مين اللي قال كده ؟؟

المدير : ناس يا فندم مصدر ثقة بالنسبالنا .

علاء : الست دي اشرف من الشرف وعينها مليانه وعمرها ما تمد ايدها علي حاجة مش لها ، ولو هي عايزة تشتري المحل بتاعك باللي شغالين فيه بفلوسها هتشتريكوا .

ثم نادي عليها : يلا يا ريم احنا هنمشي من هنا ، ويكون في علمك انا هقدر فيكم شكوي في حماية المستهلك .

المدير : طيب احنا متأسفين جدا يا فندم ، احنا تحت امرك في الترضية اللي حضرتك تقبلها .

علاء : الترضية الوحيدة اللي ممكن اقبلها انك تحمع كل عمال الماركت واقفوا كلكم تعتذرولها .

المدير : حاضر يا فندم .

بعد دقائق كانت ريم تخرج من الماركت تشبك يدها في يد علاء في منتهي الفرح والسعادة والفخر .

في القرية

بعد ساعات طويلة من الحفر ...

الشيخ صابر : استني يا ولد انت وهو ، ثم يجد حجر كبير اشبه بالباب !!!

يقف الشيخ صابر امام الحجر ويطلب منهم اطفاء المصابيح واظلام المكان بالكامل ، ثم يبدأ في تلاوة بعض الطلاسم بصوت عال وبشكل متكرر ويشعر منصور وحمدان وباقي الرجال بالخوف ، وفجأة يتحرك الحجر من تلقاء نفسه وكأنه باب يفتح !!!!!

الشيخ صابر : ممكن تشغلوا مصابيح النور دلوقتي .

ثم يدخل الشيخ صابر ومعه منصور وحمدان وباقي الرجال .

تكاد عقولهم ان تطير من هول ما يروه !!!

بهو فرعوني كبير مليئ بالتماثيل الذهبية الضخمة !!!

كلهم في ذات اللحظة : وه وه وه يا بوووووي .

الشيخ صابر : لأ استنوا ،اهدوا كده واحده واحده خير ربنا كتير .

منصور : خير ايه يا بوي !! ده كنز ما له اخر ولا نهاية .

الشيخ صابر : هنقعد ونعد كل حاجة واخد نصيبي وامشي وانتوا اتفقوا وقسموا بعد كده براحتكم .

منصور : حقك يا شيخنا ، لكن قبل ما تمشي من هنا كنت عايز منك خدمة .

الشيخ صابر : خدمة ايه اكتر من الكنز ده !!!

منصور : انا فيه انسان ضايع مني وعايز اعرف طريقه وانت الوحيد اللي هتعرف تدلني عليه .

الشيخ صابر : مين ؟

منصور : ريم ارملة اخويا ، كنت عايز اوصلها واعرف طريقها .

الشيخ صابر : قولي اسمها واسم امها .

ثم يتلوا الشيخ صابر طلاسم بصوت عال و يصمت قليلا ثم يقول : انت عايز تعرف مكانها في خير ولا شر ؟؟

منصور : في خير يا شيخنا .

الشيخ صابر : كداب ، انت عايزها في شر .

منصور : اوعدك مش هأذيها .

الشيخ صابر : هي مش هنا ، هي في القاهرة ، اتجوزت راجل غريب عنكم اسمه اوله حرف العين وبيشتغل مدرس .

منصور : اوصلها ازاي يا شيخ ؟؟

الشيخ صابر : هعطيك حجر تمسكه في ايدك وتركب قطر القاهرة ولما تنزل هنا هتلاقي رجلك بتوصلك لمكانها بدون ما تحس .

منصور : مش عارف اقولك ايه يا شيخ صابر .

الشيخ صابر : متقولش حاجة ، يلا نقسم الحاجة واخد حقي وامشي .

وفجأة ..........

↚

منصور : مش عارف اقولك ايه يا شيخ صابر .

الشيخ صابر : متقولش حاجة ، يلا نقسم الحاجة واخد حقي وامشي .

وفجأة ينهدم جدار الاتربة والحفر ليدفنون جميعا في مكانهم !!!

في المدرسة

يتصل علاء بوالدة التلميذ ...

علاء : الو ... انا مستر علاء .

والدة التلميذ : اهلا وسهلا يا مستر .

علاء : انا متأسف اوي اني بتصل بحضرتك .

والدة التلميذ : لا ابدا مفيش حاجة .

علاء : انا كنت عايز اعتذر لحضرتك علي الاسلوب اللي كلمتك به ، سامحيني كانت اعصابي مضغوطة .

والدة التلميذ : لا ابدا ، خلاص الموضوع انتهي .

علاء : كنت عايز اقولك ياريت لو تقبلي اني ادي ابنك الدرس واعفيه من اجرة الدرس زي ما انتي طلبتي .

والدة التلميذ : ممتشكرة جدا ، لكن خلاص مستر عمر زميل حضرتك دلوقتي بيدرس له مجانا وهو اللي اصر انه يتولي امره في الدروس .

علاء : كتر خيره والله مستر عمر ممتاز جدا ، لكن انا كنت عايز اساعد ابنك .

والدة التلميذ : معلش جات متأخرة شوية .

علاء : طيب ممكن اساعد حضرتك بأي طريقة ؟؟

والدة التلميذ : متشكرة جدا .

علاء : طيب يا ريت تسامحيني وابنك يسامحني و اعتبريني زي اخوكي اكون تحت امرك في اي وقت لو احتاجتيني .

والدة التلميذ : متشكرة جدا يا مستر علاء .

في المنزل

يعود علاء الي المنزل ويقول لزوجته : علفكرة انا اتصلت النهاردة بالست اللي كانت عايزة ادي ابنها درس وعرفت ان ابنها اخد درس مع زميلي عمر ، لكن استسمحتها تسامحني والحمد لله سامحتني .

ريم : كويس جدا ، اكيد الست دي قلبها هيهدا من ناحيتك .

علاء : انا مش عايز حد يكون زعلان مني خصوصا الايام دي .

ريم : ياريت كمان لو تعمل مجموعة او اتنين من التلاميذ اللي عندك غير المقتدرين تديلهم الدرس مجانا ، اكيد دعواتهم ودعوات اهاليهم هتفرق معاك كتير ..

علاء : فعلا انا بدأت اعمل كده وعملت مجموعتين هديلهم الدرس مجانا .

ريم : ربنا يجازيك خير بأذن الله .

بعد ايام

يأتي اتصال لريم من صديقتها في القرية ...

ريم : ازيك يا حبيبتي وحشتيني اوي .

صديقتها : انتي اكتر يا ريم وحشتيني اكتر .

ريم : انتي عامله ايه و اخبارك ايه ؟

صديقتها : انا تمام بخير ، وعندي خبر ليكي بمليون جنية .

ريم : ياااه ، للدرجادي !!! قولي يا ستي

صديقتها : منصور .

ريم " بقلق " : ماله ؟؟

صديقتها : مات .

ريم : ابييه !!! انتي متأكدة ؟

صديقتها : ايوه .

ريم : مات ازاي ؟؟

صديقتها : كان بيحفر هو و اصحابه في بيت حمدان بيدورا علي اثار و الردم وقع عليهم وماتوا كلهم تحت .

ريم : حاجة صعبة اوي !! امتي حصل كده ؟؟

صديقتها : من اسبوع ، ومن يومها امه غايبة عن الدنيا شكلها هتموت هي كمان ، ياريت ترجعي يا ريم .

ريم : ارجع ؟؟

صديقتها : ايوه ارجعي لامك وابوكي ولبيتك ، دلوقوتي خلاص مفيش حد تخافي منه .

ريم : يا ريت ارجع ، والله انا نفسي ارجع ، البلد وحشتني اوي .

صديقتها : يبقي لازم ترجعي .

↚

ريم : هرجع ازاي وجوزي اعمل فيه ايه ؟

صديقتها : هاتي جوزك معاكي ويعيش معاكي هنا .

ريم : انا جوزي عيان اوي ، ربنا يشفيه وياخد بيده .

صديقتها : ربنا يشفيه يارب ، خلاص اول ما تطمني علي جوزك ويخف كلميه علشان ترجعي وتعيشوا هنا .

يعود علاء من عمله فيجد ريم وعلي وجهها مظاهر السعادة .

علاء : يارب دايما اشوفك مبسوطة كده .

ريم " تبتسم " : عرفت ازاي ؟

علاء : واضح عليكي اوي .

ريم : انا فعلا النهاردة سعيدة جدا .

علاء : طيب فرحيني معاكي ولا مليش نفس افرح قبل ما اموت ؟!

ريم : بعيد الشر عنك يا حبيبي ، ليه كده ؟!!

علاء : بعيد ولا قريب مش فارق معايا .

ريم : بلاش الاحباط ده ، ان شاء الله هتخف وتبقي كويس ، استبشر خير .

علاء : طيب فرحيني معاكي ، خير فيه ايه ؟

ريم : منصور مات وامه تعبت وعلي وشك هي كمان .

علاء : كويس جدا ، انتي كده ممكن ترجعي بلدك تاني في اي وقت .

ريم : ايوه طبعا ، انا بابا وماما وحشوني اوي .

علاء : عايزة ترجعي دلوقتي ولا بعد ما امو.ت ؟

ريم : لأ عايزة ارجع البلد وانت معايا ونعيش هناك .

بعد اسبوعين

يذهب علاء وريم الي الطبيب ويفاجئوا بما يخبرهم به الطبيب ...

الطبيب : الف مبروك يا استاذ علاء .

علاء : حضرتك تقصد اني ...

الطبيب : ايوه يا استاذ علاء انت خفيت والحمد لله سيطرنا علي الورم وكل الخلايا السرطانية ماتت .

علاء : بتتكلم بجد يا دكتور ؟؟

الطبيب : ابوه طبعا ، الف مبروك .

تقوم ريم وتقبل رأس زوجها وتقول : الف مبروك يا حبيبي ، مش انا قولت استبشر خير .

علاء : الف حمد وشكر لك يارب .

بعد ايام

ريم : ايه رأيك يا علاء انا فعلا عايزة ارجع البلد وانت معايا ونعيش هناك .

علاء : انا كمان ، انا تعبت من هنا وعايز حياة هادية واظن عندكم ممكن ارتاح .

ريم : ومامتك واخواتك ؟؟

علاء : امي واخواتي بيضروني اكتر ما بينفعوني ، و لو حد غيري بعد كل اللي عملوه كان قاطعهم ، لكن انا هفضل علي اتصال بيهم ، ولو احتاجوني في حاجة مهمة هبقي اروحلهم .

ريم : وشغلك ؟؟

علاء : هقدم علي نقل لأي مدرسة هناك ، علي الاقل هناك هتلاقي كتير محتاجين حد يقف جنبهم ويعلمهم ، و أي حد محتاج درس تقوية هيكون بأجر رمزي ولو اهله علي قد حالهم هيكون مجاني .

ريم : بتتكلم بجد يا علاء ؟؟

علاء : ايوه .

ريم : انت اتغيرت كتير اوي .

علاء : لما مرضت وكنت قريب من المو.ت عرفت ان اللي هيفضل للانسان هو عمل الخير اللي بيعمله ولا فلوس ولا شقق ولا عمارات .

بعد ايام

تعود ريم ومعها زوجها علاء الي القرية ، ويتعجب كل من يراها ويسألوها عن ماهية علاء فتجيبهم بأنه زوجها حتي تصل الي منزل والدها .

تستقبلها والدتها بدموع الفرح وكذلك والدها الذي يقول لها : هروبك يا ريم صغر رقبتي بين الناس وخلاني امشي موطي راسي في الارض .

ريم : ما عاش ولا كان يا بابا اللي يخليك توطي راسك في الارض .

ثم يخرج والدها ممسكا بيدها وبيد زوجها وينادي بصوت عال علي اهل القرية .....

والد ريم : يا اهل البلد ، يا اهل البلد .

فيتجمع حولهم اهل البلد شيئا فشئ فيقول : انا كنت قولتلكم ان بنتي ريم ماتت وان اللي يشوفها يمو.تها وده علشان مكنتش فاهم اللي حصل ، لكن دلوقتي بعد مو.ت منصور انكشفت الحقيقة وعرفت انه كان بيتعرض لبنتي وعلشان بنتي تهرب منه ومن ظلمه مشيت من البلد وراحت اتجوزت علي سنة الله ورسوله ، وبعد موته اهي ريم بنتي رجعت ومعها جوزها علشان يعيشوا وسطنا .

للكاتب عادل عبد الله

يرحب كل اهل القرية بهما .

ثم يقول علاء : وانا عايز اكون واحد منكم ، انا بشتغل مدرس لغة انجليزية ومن النهاردة اي حد عايز مساعدة هتلاقوني واقف جنبكم لحد ما كل اولاد البلد يتعلموا ويطلع جيل تتفاخروا به بين كل العالم .

تمت بحمدلله