رواية تزوجت حبيبي غصبن عني الفصل التاسع 9 - بقلم 3wash_almaz

كانت مضايقة كتير من يوم ما سافر وهي مش عارفة تنام اعتادت عليه يكون جنبها مش عارفة شو تعمل ومو قادرة تتحرك حسب ما حكى الدكتور رن تلفونها مسكتو بسرعة :الوو
ليان :هههههههههه مش ابراهيم انا
تولين :ليان كيفيك
ليان :منيحة حبيبتي وانتي
تولين :تمام كتير وابنك كيف
ليان :منيح والله نفسي اجي عليكي بس انتي عارفة كيف وضعي
تولين :مو مهم الله يقومك بالسلامة
ليان ماشي انا لازم اروح
تولين :ماشي حبيبتي ديري بالك على حالك وازا رجع فيصل بدري خليه يمر عليا
ليان :اوكي حبيبتي باي
************************************************** ***********************
كان عناد مقهور مش عارف شو يعمل خلص تعب مالو نصيب بالحب كان يبكي هاي العادة يلي لازمته من يوم موت سارة انو يبكي طول الوقت يبكي سمع دق على الباب مسح عيونه بسرعة وفتح
علاء :عناد شو مالك يا اخي
عناد :شو مالي ما في شي صدقني
علاء :يعني على اساس انو انا توامك مش ناوي تيجي على كتب كتابي
حس حاله راح يرجع يبكي لما سمع بكتب الكتاب
علاء :هيييييييي بحكي معك
عناد :اه اخي شو فيه ؟
علاء :انت يلي شو فيه انت احكيلي شو مالك
عناد :لا ما في شي متى كتب الكتاب ؟
علاء :بكرة
عناد بصدمة :بكررررررررررررررة
علاء :اها شو فيه
عناد :لا خلص مبروك اكيد راح اكون معك
علاء :تمام
************************************************** **************
عبد الله :سحر سحر
سحر :خير شو فيه
عبد الله :اقعدي بدي اياكي بشي ضروري
حست سحر بشي مو طبيعي قعدت
عبد الله :ما بعرف شو لازم احكي الموضوع ضروري
سحر :احكي شو فيه بخصوص شو
عبد الله :بخصوص اخوكي
سحر :سميير ؟؟؟
عبد الله :اها
سحر :شو مالو
عبد الله :طلع من السجن مبارح اسمعي بدي اياكي تديري بالك على حالك منيح يمكن يجيلك وانا مش موجود ماشي
هزت راسها موافقة
باسها وهو يقول :وكيف ابني
سحر :باحسن حال
قام عبد الله وهو يقول :ديري بالك عليه وعلى حالك
************************************************** ***********
كانت تولين مش عارفة تنام كانت مشتاقة لابراهيم ما كانت عارفة تنام وهذا حالها من يوم ما سافر كانت شبه غايبة عن الوعي تخيلت ابراهيم اجاها مدت ايدها الو وسندت راسها عليه وابتسمت رفعت راسها عشان تشوفه وانصدمت وبطلت عارفة شو تعمل شافت الابتسامة لئيمة من احقر شخص عرفته بحياتها
تولين :س..سمير
سمير :عيونه
بعدته تولين عنها وطلعت تصرخ ونسيت انو ممنوع تتحرك او تركض ما كانت عارفة شو تعمل ومن الصدمة ووقعت على الدرج
صحيو اهل البيت على صراخها وطلع ريان يركض مع عمها وامها
شاف تولين على الدرج كان راح ينزل بس شاف حدا كان ناوي يطلع من الشباك فات غرفتها وشاف سمير
ريان :انت يالكلب
وفار الدم في راسه وهجم عليه لغاية ما اجت الشرطة واخدته
اما تولين نقولها بسرعة على المستشفى ووصلو خبر لابراهيم يلي ترك كل شغله ورجع بسرعة
نزل من الطيارة وركض على المستشفى وصل على المستشفى وشاف ابوه وامه وريان وابو تولين واخوتها
ابراهيم :شو مالها شو صار
حكاله ريان كل شي وهو كان في حالة ذهول تام التفت بسرعة على الدكتور
ابراهيم :شو صار معها
الدكتور :هي حالتها مستقرة بس اضطرينا لاجهاض الجنين
كانت صدمة على الكل
ابو فيصل :الله يعوضنا خير
ابراهيم بهدوء :بقدر افوت عندها
الدكتور :مو هلقيت بس تصحى ونتاكد على سلامتها
الصبح
دخل ابراهيم عند تولين الساكتة
تولين :ابراهيم
ماعرفت تفسر ملامح وجهه كانت بارد كتيييييير وانصدمت من يلي سمعته منه
ابراهيم :لمسك ؟
رفعت راسها بصدمة وما حكت شي
ابراهيم بعصبية :سالتك سؤال جاوبيني لمسك
تولين ببكا :كنت بفكره انت بس لا ما لمسني
ولفت وجهها عنه
ابراهيم :توليين انا ..
تولين :ما بدي احكي هلقيت بشي خلص
طلع ابراهيم وهو مقهور من كل شي حياته مع تولين وشغله كل ما يجيي يخلصه ما بتزبط معه
هو ما سال تولين لانو بيشكك فيها كانت الغيرة قاتلاه ما كان مستحمل فكرة انو الحقير يلمسها بس شو بدو يعمل تولين فهمت الموضوع غلط
فيصل :ابراهيم
ابراهيم :اها
فيصل :كنت بدي احكيلك تولين مصرة تيجي تقعد عندنا
كان متوقع شي متل هادا من تولين
ابراهيم :ماشي
وطلع
*******************************************
مر اسبوع على الاحداث وابراهيم حس حاله مو قادر يعيش بدونها راح على بيتها حكا مع عمه ورجعها على بيته وطبعا هي مو راضية من اساس الدنيا على القصة كلها
دخلت بيتها وكانت بدها تطلع
ابراهيم :تولين
تولين :نعم
ابراهيم :تعالي ضروري نحكي
راحت تولين وقعدت قباله
ابراهيم :انا ماكان قصدي المرة يلي فات اني اشك فيكي
تولين :بعرف انا يلي غلطانة اساسا انا عاملة الك مشكلة كبيرة انا هيني للمرة التانية عطلتك عن شغلك وعاملة الك مشكلة بحياتك وو...
قاطعها ابراهيم :غلطانة لو بتعرفي انك انقذتيني
تولين :انا
ابراهيم :اها الشركة كانت عبارة عن جماعة نصب كانت ناوية تفلسني وانتي بمشاكلك ما خلتيني اوقع العقد
تولين :بجد ؟؟؟
ابراهيم :ااها بجد
ضحكت تولين وبعدين حكت :ابراهيم :انت زعلان عشان انا نزلت
ابراهيم :كان اهم شي عندي سلامتك وان شاء الله ربنا بيعوضنا خير
ضحكت تولين
تولين :وهلقيت ما بدك تعمل يلي كان نفسي فيه
ابراهيم :شو
تولين :بدنا نصالح بين ابوك وعبد الله
ابراهيم :اها كيف
تولين :انا بحكيلك كيف
وبدت تحكيلو
************************************************** **************
كانت قاعدة عند عمها
تولين :ابراهيم حبيبي لا تنسى بكرة تروح على جامعتي وتزبط المواضيع عشان ارجع اكمل دراسة
ابراهيم :لا بكرة مش فاضي بكرة
تولين :يالله منك لو كان عبد الله موجود لعملي اياهم بسرعة
ابو ابراهيم :خلص ما بدي اسمع هالاسم في بيتي
تولين وهي تنزل عند رجليه :ليش يا بابا مشكلتي هي السبب في كل شي انت طول عمرك تحب عبد الله شو صاير
ابو ابراهيم ما حكا شي وكان بدو يقوم
تولين :حتى لو حكتلك انو مرضان كتير
التفت الها بسرعة وهو يقول :ليش شو مالو
تولين :شفت مو بحكيلك بتحبه
ما حكا شي وقطع الصمت صوت الباب راح ابرهيم يفتح بسرعة ودخل ووراه عبد الله
عبد الله :يبا سامحني يبا
ابو ابراهيم :الله يرضى عليك يا بني
فاتت سحر
عبد الله :يبا هاي مرتي
دخلت سحر وباست ايد عمها وسلمت على تولين
سحر :سامحيني تولين انا السبب في كل يلي مريتي فيه
تولين :لا حبيبتي مالك دخل انتي يا عمري تعالي اعرفك على حماتك
ودخلت سحر مع تولين واصر ابو ابراهيم انهم يقضوا الليلة عندهم
فاتت سحر
سوزان :هلا والله تعالي بنتي تعالي
دخلت سحر وهي تسلم عليها
سوزان :كيف عبد الله معك يا بنتي ان شاء الله كل شي تمام وكيف حفيدي
تولين :انا هيك بغار
سحر وسوزان :هههههههههههه
سمعت تولين دق على الباب راحت فتحت
تولين :لياااااااااان حبيبتي
فيصل :وانا حبيبك
ضمت اخوها وهي تقول :انت حبيتي وعيوني وروحي كمان
ابراهيم :وانا شو ؟.
سكتت وهي خجلانة واخدت ليان عند سحر
*********************
راحت تولين تنام في غرفتها وفاتت وشافت ابراهيم بيشتغل
تولين :عليك شغل
ابراهيم :لا شو فيه
تولين :كنت بفكر يعني ازا بينفع نروح نسافر انت وعدتني الله يخليلك
ترك ابراهيم جهازه وراح عندها وهو ياشر على عينيه ويقول :من عيوني
************************************************** ******************
كان مخنوق كتير مالك نصيب بالحب يا عناد اترك اخوك الله يهنييه مسك شنطته وهو ناوي يسافر ويبعد عن كل شي بهالدنيا فتح الباب وشاف علاء في وجهه
علاء :احكيلي هلقيت شو مالك
عناد بتوتر :ولا شي بس بدي اسافر اغير جو
علاء :وكتب كتابي ؟؟؟
عناد |:معلش سامحني يا اخي بعوضها بالعرس
وتركه وراح
علاء بصوت عالي :ليش ما تحكي انك بتحبها
التفت لاخوه بصدمة وهو يقول :شوووووو شو بتحكي انت وانا شو بدي بخطيبتك احبها
علاء :ومين حكالك اني كنت احكي عن خطيبتي اه مين حكالك شفت انت بتفكر فيها انت بتحبها
عناد :لا يا اخي مبرووووووك عليك انا مالي نصيب بالحب
علاء:لا والله على فكرة انا تعبت معك وخلود ما اعتقد راح تستنى اكتر
عناد:خلووود وشو دخلها
علاء :انا خطبت خلود بس حسيت انك تحب بنت عمي فقلت اخليك تغار يمكن تحكي لا بدي اياها بس انت ما في فايدة منك
عناد وهو يضحك :ما خطبتها
علاء يهز راسو بالنفي :لا بس كتب كتابي بكرة على خلود
عناد مسكه يضربه وهو يقول :انت مجنون
*******************************
بعد سنة
تولين :يلا ابراهيم راح اتاخر
ابراهيم :يلا هيني قمت
تولين :يلا مو مصدقة عناد راح يتزوج يالله
ابراهيم وهو يمسكها :وانا ما كنت متوقع انك تحبيني وتسامحيني
تولين بدلع :ومين حكا اني سامحتك
كان ابراهيم بدو يحكي بس سمع صوت بكا
ابراهيم :بنتك هاي ما بتسك يالله طول الليل تعيط
تولين :طلعالك
وراحت لبنتها ملاك حملتها
تولين :خلص يماما هو بابا ما بحبنا خلص واحنا كمان ما بنحبه
ضمها ابراهيم وهويقول :ها مين راح احب انا
تولين وهي تبعد عنه بسرعة :يلا راح اتاخر
************************************************** *********
كان نايم وسمع صوت بكا
فيصل :ليان شوفي محمد ليش بيعط
ليان بضحكة :نور يلي بتبكي حبيبي
قام بسرعة وهو يقول :حبيبة قلب ابوها ليش تبكي
نور :ماما ما بدها تاخدني على عرس عمو عناد
فيصل بعتب :ليش يا ماما
ليان :لانو ما بتسمع الكلمة حكتلها تروح تلبس الفستان الجديد بدها تلبس الفستان يلي جابه بابا
وبعد مفاوضات بين نور وفيصل اقنعها انو تلبس فستانها الجديد
ليان :ضلك دلع فيها انت
ضمها فيصل وهو يقول :طيب تتدلع متل امها شو الجديد

************************************************
كان عرس عناد رووووعة ومر تمام التمام اما العروسة كانت فوق الخيال بفستانها الابيض
مر العرس وناد اخد عروسته على بيته
عناد :طالعة حلوة
امل سكتت والخجل مبين على وجهها
عناد :في شي لازم تعرفيه اممم انا كنت بدي احكيلك انو انا بعرف اهلك
شاف ملامح الصدمة على وجه امل
عناد :والك تؤام
امل :انا الي تؤام ؟؟؟
حكالها كل شي بما فيها سارة وعلاقته فيها
امل :ليش تخلى عني ليش
وصارت تبكي
عناد :لأ حبيبتي لا ما بدي اياها هاي الدموع
امل :وانت تزوجتني عشان بشبه اختي
عناد :لا اوعك تحكي هيك انتي ما بتعرفي شو عملتي فيا دوختيني
امل :عناد انا ما بدي اشوفه انا مالي اهل ما بدي اعرف شي عنه حتى لما انت حكتله انكبتعرفني ما طلب شوفتي ما بدي اياه
ضمهاا عناد وهو يقول :براحتك
************************************************** *****************
بعد خمس سنين
تولين وابراهيم رغم التعب والحقد والكره من اشخاص رفضوا محبتهم لبعض الا انهم حافظوا على حبهم ولديهم ملاك وخالد
ليان وفيصل ما زال حبه لمرته بيزيد وما تخلى عنها رغم ظروفها الصحية وعايش مع بنته نور وابنه محمد
عناد وامل رغم كل الصعوبة يلي واجهها الاتنين الا انهم قدروا يكملو مع بعض وعندهم بنت سموها سارة
عبدالله وسحر مع اخ مهمل الا انه هاذا ما اثر عليها او على حب زوجها الها وعندها بنتين سلمى وعلا
**********************************
تمت
يلا شو رايكم
الاسبوع الجاي رواية جديدة بتمنى المتابعة