رواية يا احلى نوبات جنوني الفصل الخامس 5 - بقلم مريم اماسي الليل

#يا_احلى_نوبات_جنوني
#اماسي_الليل
بقلمي ام مريم
#الجزء_الخامس
حقوق النشر محفوظه
رفل :ما اعرف شنو الي خلاني اتبرع بهالمهمه ......اكون صريحه ويا نفسي اريد اشوفه من باب الفضول اريد اشوف ردة فعله ورا ما رفضته
علاء:هالبنيه شفتها البارحه مدتطلع من راسي يعني اني اول تالي انزل روحي لاحد واسأل هالسؤال  خلي اثكل هم البنات اصلا ميحبون الرجال الي يرخص نفسه رتبت ويا نفسي شلون راح اقابلها باجر
ثاني يوم الصبح
لو مو انطيتهم خبر امر ولا امر من التعب فهودي من الدفرات مخلاني انام كمت بدلت وطلعت
نزلت دكيت الجرس  ....بابهم ناصيه طلعتلي رف قلبي  ويا كل خطوه بس ثگلت وجهي  گتلها صباح الخير جاوبتني صباح النور فتحت الباب گلتلي اتفضل اهلي كاعدين
جاوبتها بثكل لا شكرا عندي شغله......  طلعت المفتاح من جيبها
گلتلي اتفضل اخذته وجاوبتها يله اترخص ......ويا خطوتين 
مشيتها  منطيها ظهري  وگفت بدون ما اندار من گلتلي علاء السبب ما افكر بالزواج حاليا علمود دراستي مو انت السبب
جاوبتها براحتج  وكملت خطواتي الى ان وصلت لسيارتي ورجعت للبيت بوجهي للفراش .....قافل البنيه هاي خلص هالمره اشيلها من راسي .....من هذا اليوم ماشفت رفل بعد

الاورا  تقريبا ٦شهور بدون ترتيب....... بعرس ولد صاحبنا من المنطقه طبعا خلال هالاشهر  امي من عرفت رفل رفضتني
ما بقت يوميه جايبتلي عروس واگلها ما اريد اتزوج وترجع تفتح الموضوع ويايه وبقيت قافل  لكن حسيت اني ظالم نفسي.....قبل ما الناس تظلمني لذلك اتغيرت و خصصت وقت لنفسي ولونستي اطب واطلع ويا جماعتي اسهر احضر مناسبات اطلع سفرات
ووحده من هالمناسبات  مهند صديقنا اني ومنير من ايام الطفوله  جابلي دعوه عرس اخوه
بيوم الحفله لبست قاط وطلعت للقاعه دخلت شفت ولد جماعتنا من المنطقه رحت كعدت وياهم على نفس الميز
ورا شويه بدوا الولد يركصون بقيت كاعد على الميز  شفت وحده
تباوع عليه من انتبهت عليها ابتسمتلي  غلست
ورا شويه اظاهر نمير شافني لان اجى سلم وگلي تعال اكعد ويانا على الميز ليش كاعد وحدك
رحت وياه واني ما ادري رفل جايه وياهم من وصلت قريب على الميز شفتها
ما اوصفلكم الخربطه بمشاعري طول هالاشهر هي ما غابت عن تفكيري بس كدرت اضبط حد لمشاعري وياها
لكن من شفتها بالحفله طالعه كلش حلوه  رجعت المعاناة  سلمت وكعدت وياهم وبقيت اسولف ويا نمير ونتفرج على الولد من ديركصون
وراها اجتي نفس البنيه الي ابتسمتلي للميز سلمت على ريا وعلى نمير ورفل  شو هاي سلمت عليه  بميانه گلتلي شكلك معرفتني
وتضحك هي البنيه حلوه
جاوبتها لا والله معرفتج اعتذر
گلتلي اني ود اخت مهند الصغيره .......ضحكت كتلها شكد متغيره لو مو تعرفيني على نفسج والله ما اعرفج
طبعا البنيه هاي اخر مره شايفها عمره ١٣سنه جانت عزيزة مهند تجي تشكى كل شويه من اخوهم الي هو العريس لان جان يضربها
البنيه سحبت كرسي وكعدت ويانا  قريبه عليه گلتلي اخر شي اعرفه عنك خلصت هندسه اتذكر لان صارت مشكله بالبيت وابويه  انتقد مهند بسببك لان كسلان
علاء:لاهاي موخوش الحمد لله الحجي ما خلى مهند يحقد عليه
طبعا اني دا احجي ويا ود بس حواسي كلها يم رفل الي بقت بس متفرجه ولا نطقت بكلمه غير من ردتلي السلام
طبعا هي مصايره گبالي  كلش .....على نفس مستوى الكعده الميز دائري ريا ومنير بيناتنا وهسه ود بصفي  سألتها انت هسه وين گلتلي مقتديه بيك هم هندسه
جاوبتها بضحك يعني رزاله الحجي اثرت بيج مو بمهند گلتلي اف تورطت لتذكرني راح اموت الى ان اتخرج
سألتها شنو اختصاصج گلتلي معماري جاوبتها هو تقريبا اصعب شي بالهندسه  وراها گاموا العرسان ديركصون گالت امشو نوگف يمهم يله
اني اعتذرت گتلهم ما اكدر كلهم راحوا وياها بس رفل نظرتلي نظره مال وحده ضايجه   ورا دقايق رجعت وحدها شفتها من دترجع
وصلت للميز كعدت بمكانها انداريت عليها دا الطف الجو مو حلو  تكعد ويايه واتجاهلها
گتلها شلونج رفل
جاوبتني الحمد لله انت شلونك گتلها على حطت ايدج ماكو شي جديد
گلتلي اتوقع بعد اليوم راح يكون اكو شي جديد من هالمحادثه الطويله بينك وبين ود
بداخلي يا الله هاي غيره لو مجرد كلام طلع منها
جاوبتها مثل شنو شي جديد گلتلي اعتذر مو قصدي منتبهت على نفسي
ليش متكوم تروح ويا الولد جاوبتها  اتعب من الوگفه مده طويله
گلتلي امشي انروح سوا نتفرج ومن تتعب نرجع
وگفت مشت هي قبلي واني وراها من وصلنا يم العرسان والكل دتركص وياهم صايره هوسه وگفت على صفحه يم دنگه مستند عليها هي وگفت كدامي مطيتني ظهرها دتصفك وتتمايل متحملت من نزلت ايده لزمتها خليتها بأيدي اندارت عليه متفاجئه وخجلانه گتلها مراح تعوفيني بحالي  جاوبتني علاء لحد يشوفنا
گتلها خليني شويه الكل ملتهيه محدر يدري بالثاني ....والي خلاني استغل الفرصه الاضاءه على ضلام وبيها اضاءه ملونه مركزه على العرسان لان ديكصون الكيك هي من دتتفرج عليهم شبكت اصابعها بأصابعي
خلت قلبي يطلع من مكانه اتمنيت عمري يوگف عد هاللحظه احساس اول مره احس بي
بصوت ناصي گتلها وبعدين ...جاوبتني  مبتسمه انت الي جبته لنفسك  يله خلي نرجع اخاف تعبت ريا ومنير نسوا نفسهم
جاوبتها وياج ما احس بتعب گلتلي بس عوف ايدي لان راح تنفتح الاضاءه تركت ايدها  گلتلي ذبيتلي الطعم واختفيت
باوعت بعيونها مفتهمت يعني شنو
جاوبتني خليتني افكر بيك وبعدها اختفيت كل هالاشهر
گتلها من رفضتيني بعد متحملت افرض نفسي عليج اكثر
جاوبتني بس الي يحب ميكدر ينسى ويبتعد
گتلها اذا عنده امل بس انت مخليتي عندي اي أمل وبالاخص ويا اخر مره گلتيلي اريد اكمل دراسه ما افكر بالزواج
بهالاثناء اجتي ود گلتلي واخيرا كمت  جاوبتها مليت من الكعده
ود:رفل امشي دنركص وناخذ ويانا علاء
علاء:لا اعذريني ما ادبرها
رفل:شفت علاء انطاني اشاره ما اروح گتلها لا خليني هنا اتفرج
انت اخذي راحتج بس بداخلي دا اغلي
لان عرفت علاء هو حبيب المراهقه الي جانت ود اتسولف عليه قبل  صديق اخوها الحلو المشلول
وتأكدت من شفتها نظراتها اله بيها مشاعر وبقت تحجي وياه .@

اخر مره شفت علاء مثكل وجهه عليه بيوم الي اخذ المفتاح
انقهرت وكلت خلي الايام تصلح الموقف الي صار بيناتنا مرت الايام والاشهر وهو اختفى واني  صرت افكر بي  من زن خواتي وتندمت لان استعجلت ورفضته  وصرت اسأل ياسر عنه بصوره غير مباشره
واعر ف اخباره من الحديث عنه بالبيت
ويا كل مره تنجاب سيرته اتعلق بي اكثر حتى وهو بعيد ومره دگيت على تلفون بيتهم  ردت اسمع صوته واسده بس طلعلي صوت رجال چبير وسديته
مجان عندي اي شي يوصلني اله والصدك مكدرت انزل نفسي واتصل عليه او احاول اوصله
اليوم ادري بي راح يجي للحفله  من خلال حجي منير وريا
بقت عيني على باب القاعه  ......من دخل حسيت شكد جنت مشتاقه اشوفه شكله وترتيبه وشخصيته من دخل خلوني اتندم واحس نفسي شكد غبيه ضيعته من ايدي  بسبب المظاهر علمود  الناس وانتقاداتهم  وراها اني نبهت ريا گتلها علاء موجود وكاعد وحده
هي حجت لنمير شو ورا شويه اجى ويا نمير وعينه عليه  ارتاحيت بعدها نظرته نفسها
بقيت مرتاحه لان هو گبالي الى ان اجتي ود وجرت كرسي وكعدت كباله بقت تحجي وياه وهو هم اخذ راحته  .....كلش اتضايقت
بس الي   خفف غيرتي ..... نظراته الي وهو يحجي وياها معناها باله يمي
بعدها من طلبت ود انگوم  يم العرسان   رحت وياهم ورا دقايق رجعت للميز  لان بقى وحده ......من وصلت وكعدت  صار بيناتنا كلام مكدرت اسكت بسمرته
بس اتندمت اني غبيه انبهه على ود
ردت الطف الجو گتله خلي نروح يم العرسان وادري بي لخاطري اجى ويايه  من وكفنا قريبين ولزم ايدي
ارتاح قلبي بعده رايدني من شفت العرسان فرحانين وديگصون الكيك وواحد اكل الثاني .......اتخيلت نفسي ويا علاء بنفس الموقف
مكدرت ما اعبر عن مشاعري شبكت اصابعي بأصابعه حسيت بتيار يمشي بجسمي ايدي بأيد رجال ناضج وسيم وكله رجوله
وجذبني من اول مره شفته بيها  ضيعته مره مستحيل اخلي يضيع مني مره ثانيه  .......وبعد ما عرفت  صدي اله سبب انقطاعه كل هالفتره عني
بعدها رجعنا للميز صار وكت العشا
اجى مهند ومرته وود كعدوا ويانا على نفس الميز  بقوا الولد يسولفون سوا
بس ود كل شويه تنط تسأل علاء على شغله وگلتله لمهند اني شلون ناسيه علاء  من الاوائل يكدر يساعدني بشغلات الرياضيات  مهند كلش سبورتي گلها رجال عنده شغل مامتفرغلج
ود :لا جديات علاء تكدر اتساعدني عندي مشكله بكم موضوع
علاء:من يصير عندي مجال ان شاء الله انطي خبر لمهند واجيكم للبيت لو انتوا تجون  ادللي
رفل :من سمعته هيج حجى گمت من الميز گتلها لريا راح اروح للحمامات 
رحت للحمامات وراها  رجعت لگيته بالممر  الي يم باب القاعه ديدخن استغربت الي ادري بي لا يشرب ولا يدخن
من شافني اشرلي اطلع للحديقه  طلعت واجى ورايه 
گلي اريد اطلع بس مكدرت اطلع قبل ما اشوفج .....رفل لتأمليني وتالي هم تصديني من هسه اريد افتهم اذا اتقدملج مره ثانيه راح توافقين لو اوفر على نفسي المحاوله
رفل :لا اوافق بس مو هسه بس اخلص هالكم شهر كليتي حتى أأمن ميصير شي يخليني اترك دراستي
علاء:زين مجرد خطوبه نلبس حلقات
رفل :علاء خلي ارجع افاتح امي واردلك خبر ما اكدر اجاوبك وما اعرف اهلي يوافقون لو لا .....بس سؤال اني الادري  بيك متشرب ولا ادخن هسه شفتك ادخن
جاوبني من وراج كمت ادخن صار كم شهر تعلمت
گتله اخاف اكتشف تشرب وهم تگلي من وراج 
جاوبني لا ما اشرب امني .....بس ادخن من يشغل بالي موضوع
رفل :راح ارجع للقاعه اتأخرت
علاء:دقيقه تعرفين رقم البيت
رفل :اي اعرفه موجود بدفتر التلفونات
علاء:انتظرج بليل نحجي
رفل :احاول لان مرات ياسر يبقى يدرس يمي وبغرفتنا ماكو تلفون
علاء:رفل لتخليني اني ادك انتظرج  اني بالعشره  بالبيت يوميا
رفل :ماشي احاول انت مراح تدخل للقاعه
علاء:لا سلمت وطلعت بس بقيت انتظرج ....يله اني اروح ....لحظه
رفل ابقي كاعده على الميز الى ان تطلعون
رفل :ابتسمتله ليش تتوقع وراك راح استخف انت شكاك صح
علاء:لا مو شكاك بس اغار عليج 
رفل :اطمئن اني وراك مثل ما عرفتني ....اذا شغلت غيره اتقبل  اما اذا شك ما اتقبله اهم شي الثقه بين اي اثنين يفكرون بالارتباط
علاء:لا غيره مو شك يله روحي لتفكرين بالموضوع
طلعت لشغلتي وكملتها تسعه ونص اني بالبيت اول ما دخلت امي حست عليه فرحان
عرفتها شكت من سألتني شلونه العرس
جاوبتها حلو غيرت جو گلتلي ما عجبتك وحده من الموجودات
ابتسمتلها گتلها يوم انت حافظتني وتعرفين لگيت .......ودتسألين واني راح اجاوبج اي اكو وحده حتى ترتاحين وتعتقيني 
ابتسمت گلتلي ان شاء الله يسعد قلبك وليدي وينطيك على كد نيتك وبرك بينا
بوستها گتلها ماطول تريدين سعادتي  من ورا ساعه عشره لتخلين احد يستخدم التلفون
ضحكت گلتلي ليش شعندك  ويا التلفون جاوبتها  بضحك يمه اريد ارجع اراهق
گلتلي وهي مبتسمه يا ويله الي يشيل السماعه يله حبيبي روح ارتاح وغير ملابسك
دخلت لغرفتي بدلت ملابسي صحت على عيسى  گتله التلفون الي بالهول املصه  وجيبلياه اربطه بغرفتي
بقى صافن گلي خو ماكو شي
جاوبته لا عندي شغله ويا جماعه ودا انتظر مكالمه واريد اتمدد تعبان مابيه حيل اروح للهول
خطيه نفذ بدون ميحجي بس حسيته مستغرب هاي اول مره بحياتي ادخل تلفون بغرفتي ......كلهم جانوا ينامون عليه وحتى يتعاركون مرات من ورا التلفون كل واحد يريد يحجي ويا الحب مالته 
الا اني ما جان عندي حب ولا الي شغله بتلفون 
اتأكدت من الحراره شكرته وطلع ......اتمددت بقيت انتظر صارت ب ١١ ورفل ماكو  ما اجاني صبر بعد ......دگيت  طلعتلي  الو
علاء:الو ها رفل شو مخابرتي
رفل :هلو رند شلونج  (گتله رند حتى يفهم اكو احد يمي ما اكدر احجي ويروح )
علاء:من سمعت بيها رند  عرفت يمها احد داهرتها گتلها واني اضحك اي رند منو يمج
رفل :بعدني دا ادرس بس بنو ملهيتني هي وامها
رشا:سلميلي على رند
علاء:رشا وبنان يمج  ليش متكدرين تحجين كدام رشا ويايه
رفل :لا امها  تسلم عليج ومتقبل اجيبها ويايه
علاء:ترى مو بيدي مدا اكدر اسد الخط يعني عادي احجي كدام رشا تدري اني متقدملج مو دا اللعب وياج
رفل :جاوبته علاء ما اكدر احجي فدوه رشا طلعت تغسل ايد بنو روح هسه ترجع
علاء:راح اروح من تبقين وحدج اتصلي حتى لو  فايت وكت 
رفل : اتفقنا  ......ورا نص ساعه صعدت رشا لان بنان نامت واني بقيت ما اعرف اقرا بالي يم علاء
اتصلت عليه شال السماعه سمعته يگول سدوا السماعه الثانيه  المكالمه الي لحد يشيلها
گلي الو
جاوبته الو اكو احد ديسمعنا جاوبني لا بس ميدرون اكو تلفون بغرفتي شالوا السماعه
گلي حجيتي ويا امج جاوبته لا مو قبل ما نحجي اني وياك ونتفق
گلي على شنو نتفق الي تريدي يجرالج ......جاوبته تخليني اشتغل ورا الزواج حتى اساعد اهلي
گلي انت  تبقين بالبيت معززه واني انطيج راتب  اعتبري نفسج موظفه  عندي
گتله علاء اني اريد اتوظف بعد هالتعب وهالسنين اريد احس  تعب اهلي ما راح  ......جاوبني ماعندي مانع  تتعينين
بعد شنو بالج لحظه
دكت امي عليه الباب جايبتلي فواكه  گتلها عاشت ايدج حبيبتي  وطلعت
اول مره اشوف امي فرحانه والضحكه ماليه وجها حسيت اني شكد تعبت امي وكل لمحة حزن بعينها جانت بسبب حالتي واضرابي عن الزواج .
رجعت لرفل گتلها كملي  سألتني منو هاي حبيبتك
جاوبتها هاي اول حب بحياتي ووقلبي كله الها والباقي الج
رفل:ابتسمت عرفتها خاله گتله شلونها خاله
گلي خالتج دتنتظر أ تزوجني وتخلص مني حتى مرتي تحير بيه
جاوبته علاء انت طبعك صعب لو هادىء
جاوبني حسب الوضع ما اكذب عليج واگلج مو عصبي وحساس
لا عصبي نار واذا ازعل على احد اقفل
رفل :امممم هاي مو خوش لان اني هم عصبيه نار وما اتحمل احد يدوسلي على طرف وهم حساسه
علاء:رفل انت خايفه من الارتباط بيه لو عندج سبب متخوفه منه
رفل :اذا تقصد عندي سبب يخصك انت غلطان السبب اني جبانه لان اعرف اطباعي اخاف منتوالم
علاء:احبج وكل اطباعج على قلبي مثل العسل
رفل :علاء راح اروح اتأخر الوقت
علاء:براحتج بس عندج  رقم الورشه  حتى اترديلي خبر باجر من تحجين ويا  خاله 
رفل : لا بس اتصور كاتبه ياسر لاهلي بالدفتر
علاء :رديتلها التلفون گتلها اكتبي هسه يمج حتى متنسي
يله حبيبتي تصبحين على خير
رفل :وانت من اهل الخير
قراءه ممتعه ام مريم
انتظروا بقيه القصه  غدا ساعه  عشره
تصبحون على ما تتمنون