رواية يا قاتلي هل لي بكلمة الفصل الرابع عشر 14 - بقلم HaboOoshy

يوم حفل الملكة ~



من قال ان الحب في لحظه يضيعـ
من قال ان الورد يذبل في الربيعـ
دام الامل باقي برغبه واقتناعـ
ماجفت اوراقي ولا اهتز الشراعـ




اليوم يوم ملكتي كنت أبيها عائلية بس بابا يبي يفرح فيني يلا ما علينا اهم شي املك واخلص فايزة لو ودها ماتزوجت بس الحمدلله مو بايدها أبوي كان فرحان كثير لأن اللي فهمته مؤخراً إن أبو ناصر يصير صديق أبووي و يشتغل معه بعد ، دخلت علي رهف
: أنتِ قاعده للحين قومي وريني طولك سوي أي شي
ياسمين : طيب بقوم لا تنفخين
رهف : متى الكوافيرة توصل مو كأنها تأخرت
ياسمين : لا هي قالت بتتأخر شوي بتجي الساعة 6
رهف : الساعة 6 ليه وقتها تلقين حتى المعازيم مخلصين قبلنا
ياسمين : يمدي إن شاء الله إلا صديقاتك متى بيجون ؟
رهف : مدري بس انا لازم اخلص بسرعة عشان استقبل الخلق
ياسمين : طيب وش فيك مطفوقة كذا اركدي
رهف : اختي بتعرس كم مرة تصير في الحياة بشعه مآحبك
ياسمين : أفا ليه ؟
رهف : متى جيتي حتى تبين تروحين ماتهنيت فيك
ياسمين : ولا يهمك بزوجك اخوه الصغير و نصير قراب كثير
رهف راحت لعالم الأحلام : الله فديتك سوسو متى بس
ياسمين : مو بصاحية ابد الله يخلف عليك
طلعت من عندي يوم سمعت امها تناديها ودخل علي متعب
: كيف العرووس
ابتسمت له : بخير
متعب : مستعده
نزلت راسي أفكر مو متحمسة كثير على إني اموت في فؤاد
متعب : وين رحتي انا هنا
ياسمين : متعب من بيحضر الملكة
متعب بتفكير: اممممم عمي فهد و عمي ناصر وعمتي منيرة و المعارف واصدقاء العائلة و صديقاتك يعني فيه حضور لا تخافين
ياسمين : طيب
متعب : ليش قاعده متى بتجهزين صح اني ما افهمم في اموركم بس مو المفروض تخلصين بدري
ابتسمت وقلت : لسى الكوافيرة ماجت تسبحت و انتظرها ورؤى بتجي بعد شوي و بعد البنات
متعب : لا اوصيك أبي قمر وغمز لي
ضحكت : مو صاحي
قام بيطلع : بمر اشوفك وبتصور معك يعني لازم تكشخين سمعتي
طلع و دخلت شذى ، وش عندها العائلة بالدور
: مبرووك يا عروس
ياسمين : يبارك فيك وعقبالك
حركت شعرها بغرور : ياحظه اللي بيآخذني
ما علقت عليها
شذى : اقول ياسمين
ياسمين : هلا
شذى : المفروض تكونين تتجهزين الحين وين الكوافيرة عنك
ياسمين : بتجي بس اعتذرت صار لها ظرف
شذى وقفت : طيب انا بروح اجهز لازم اطلع شي مو حيالله شي
ياسمين تناظرها بغرابة وش عندها تنازلت وتلطفت معي !!

***

اليوم بروح مع شرووق لملكة صديقتها اللي شفتها بالسوق حبيتها حسيتها طيوبة نزلت الصالة قعدت اطالع برنامج عن الصحة العامة دخل فارس و وليد
: السلام عليكم
هنادي : وعليكم السلام
وليد : وين شروق
فارس : بس شرووق
ضحك ضحكة خفيفة : وين الباقيين ولا تزعل
هنادي : مدري بس شروق اتوقع تجهز اليوم ملكة صديقتها
وليد : ما بتروحين معها
هنادي : الا شفناها بالسوق ومن بعدها لزمت على شروق اني ارووح معها
فارس : زين ابيك تشوفين لي وحده على ذوقك
هنادي : عزمت خلاص
وليد : على البركة من ورانا
فارس ابتسم : مجرد فكرة بس لو لقيتي ما نقوول لا
هنادي : لا ان شاء الله اليوم مو طالعه من هناك الا ومعي وحده لك
فارس : فديت اختي والله
وليد : يعني بصير عم
كان بيرد فارس بس دخول معاذ بحالته سكتته
: وش فيك
معاذ سكت فترة ثم ببرود : مافيني
قرب منه وليد : معاذ احكي
معاذ بصراخ : قلت ما فيني شي خلوني بحالي
فارس يناظر في وليد متعجب رجع نظره لمعاذ وبحده : معاذ
ما رد عليه معاذ وطلع الدرج يركض حتى صقع في دانية ولا اهتم
دانية : آآآآي معاذووه عورتني
استغربت يوم ما علق ولا قال حتى كلمة احسن
نزلت تناظر وليد : وش صار
وليد : علمي علمك
كان فارس معطيهم ظهرهم و كان واضح ان اللي في معاذ اشغله ~

***

يوم لـ فرحتي




الكوافيرة خلصتني قبل طلعت جمالي كنت الف في نفسي على المرايا و هـ يا ناس أجنن <> كانت لآبسه فستان لنص الساق لونه أحمر فاتح جميل جدا معطي جسمها لون وردي حلو بالنص ورده كبيرة نوعا ما لونها اسود على الرغم من ان فيها سمنة الا ان جسمها حلو يتعبر بس طبعا محتاجة تنزل شوي ولابسة جوارب سودا طويلة مفرغة بكل دوائر صغيرة وشبشب واطي بس راقي شعرها الاسود مثل ما صبغته فااتحته مسترسل موخرة قصتها على جنب نازل على جبينها وحاطه طوق اسود بورده حمراء كبيرة فيها فصوص ملونة طالعة تهبل على عمرها <>
طلعت رحت الف اشوف التجهيزات وكل شي تمام ماما مشرفه عليه مو لعيون ياسمين بس عشان الناس ما تحكي عليها .. غريبة صراحة !

طلعت لغرفة العرووس وكانت الكوافيرة تحط لها لمسات اخيرة من الميكآب و معها صديقاتها رؤى وهند المقربات جداً
هند <> لابسة فستان طويل لونه ازرق ومدخله عليه فضي من عند الصدر و من فتحات الجنب موديله عادي و هادي جداً نعووم كثير ولابسه كعب مرتفع شوي بس لانها طويله تقريبا رافعه شعرها بنعومة ولابسه طقم أزرق مع فضي رايق التعليقة وبعد الحلق و الخاتم والاسورة <>
رؤى <> لابسه فستان اسود منفوش شوي تحت الركبة قاصة شعرها البني لتحت رقبتها بشوي خلته مفتوح كامل بس رجعته لورى بطوق مزخرف مثل الزخرفة اللي عند خصرها في الفستان مع كعب عالي راقي كله خيوط مرتفع لنص ساقها مع اكسسوراتها الناعمة لابسه مثل طقم هند بالضبط بس مافيه لون ازرق طالعة اصغر من عمرها بهاللوك وبعد احلوت البنت <>

رؤى : سوسه يا بشعة بتطلقي العزووبية بعد شوي
ابتسمت ياسمين بتوتر : عقبالك
رؤى من قلب : آمييييييين
هند : استحي فيه صغار هنا
رؤى ضحكت باحراج : مو طفلة لو تزوجت تقدر تجيب ولد
رهف قلب وجهها وتلوون تصرف نفسها : اسم الله علي بقعد امرح ببيت ابوي لاحقة على الشقا
ياسمين : فوفا روحي تكفين شوفي شروق واختها و البنات لو جايين طلعيهم لي
رهف : من عيوني يا جميييييييييييل على اني كنت جايه اساعدك تلبسين
هند : ماعليه حنا نساعدها روحي انت استقبلي الضيوف
رهف : طيب ماتقصروون ، باست اختها وطلعت
هند : سوس قومي يلا نلبسك الفستان
وقفت ياسمين وهي متوترة اصلا لفت عليهم على طوول صفرت رؤى باعجاب
: واااو ما شاء الله وش الجمال ذا
هند : اسم الله عليك الله يحرسك راحت تقرا عليها و تحصنها يوم خلصت ضمتها
ياسمين ما مسكت نفسها نزلت دمعتها
هند : لا لا ما اتفقنا على كذا تبين فؤاد يقتلني في مكاني
رؤى : ايه يقول وش مسويات في زوجتي
ابتسمت ياسمين وهي تمسح دموعها : الله لايحرمني منكم بنات بجد لقيت فيكم الام و الاخت و الصديقة
رؤى تلطف الجو : يلا عاد صح عندي ام بس تراي اسوي كذا عشان توقفين معي يوم زواجي
هند تساعدها : عاد انا مثلك ماعندي ام بتصيرين امي يوم زواجي مالي شغل
ياسمين بفرحة : الله يبلغي فيكم يا رب
رؤى تضحك : والله و عاشت الدور ذي السوسه
هند تضحك من قلبها ماتبي هالطاري يكدر عليها : هههههههههههههههه الله لا يفرقنا
الكل : آمين 

لآزالت .. طفلة !


وصلت البنات ابرار و سعاد مع زوجة اخوها مريم و شروق و هنادي و دانية كانوا عند المرايات يضبطون وضعهم بينما ابرار ونجد و سعاد و مريم سابقينهم جالسين على الطاولة
دقت شروق على سعاد : وينكم يا خايسات لنا ساعة عند المرايا
سعاد : ههههههه يلا جاية لكم قفلت وقامت : بروح اجيب البنات
مريم : اي بنات ؟
سعاد : صديقتي شروق و اخواتها
ابرار : لاتبطون ولا تخلصون السوالف هناك اذبحكم ترى
سعاد : هههههههه ماعليك
طلعت راحت للبنات شافتهم وسلمت عليهم وحده وحده
شروق : شفتوا العروس ؟
سعاد : لا لسى ننتظركم
شروق : وين باقي البنات معكم
سعاد : لا رؤى وهند فوق عندها
هنادي : يلا بنات بسرعة ابي اشوفها
دانية : هنودي لاحقة عليها لسى ما زفوها
هنادي : مالي شغل نطلع لها كلنا " هنادي رغم انها الكبيرة بس احيان تطلع منها حركات طفولية وعفوية بس حلوة منها ^_^ "
دانية تهمس لهنادي : هنودي البنت تضحك عليك
انتبهت هنادي و ابتسمت باحراج : يلا بنات ندخل
دخلوا للبنات يسلمون و قعدوا شوي على الطاولة ، لمحتهم رهف و مشت باتجاههم

***

غريبة ..

جآتني فايزة بعدما بدلت لبسي وكنت قاعده مع البنات يهدوني بالدفتر عشان اوقع
<> لابسة فستان أخضر داخل معه اصفر على ذهبي فيه لمعه كثير مغطي صدرها و ظهرها منفوش بطريقة حلوة من تحت وشكله حيل رايق بدون اي اكسسوار لانها بتلبس شبكة من فؤاد رافعه شعرها بتسريحة متكلفة عبارة عن ظفاير ملفوفة بشكل اسطواني غريب فوق راسها ومزين بشباصات خضراء وصفرا لامعة شوزها كان عالي كثير ولونه متناسق مع فستانها شكلها كان يجنن كثير طالعة قمر <>

فايزة حطت الكتاب قدامها بدون نفس : وقعي
اخذت القلم متوترة وكأنها تفكر طولت شوي على هالحال
هند : اذكري الله سوسو وقعي
رؤى : يلا سوسه وقعي
تشجعت وقعت مدري وش خبصت حطيت القلم نطت علي رؤى تسلم وبعدها هند شفتها ناظرتني شالت الدفتر طالعه والبنات يدخلووون
: مبرووك يا عرووووس
كل وحده فيهم جات تسلم عليها
شروق حاضنتها : مبروك حبيبتي مبروووك
ياسمين تبكي : عقبالك ياعمري
هند : وبعدين معك يا بنت انت وهي بتخربون الميكآب
رؤى : اقول يلا برا خلاص سلمتوا باقي ورانا زفة و تصوير كل الكشخة بترووح الحين
سعاد : مالت عليك تطردنا عيني عينك
ابرار : الله لنا
هند : لا مو قصدها و لفت على رؤى : عيب رؤى وش تحسين
رؤىبلا مبالاة : تعرفيني ما اجامل
هند : الله يعين الحظ قسم بينجلط
هنادي كانت طول الوقت تناظر في هند و كأنها اعجبتها
لفت تكلم رؤى : ما بعد تزوجت ؟ < تقصد هند
رؤى : انا متزوجة وتلقيني معكم .. هزلت
شروق : طول عمرها كذا متى بتعقلين رورو
رؤى ترمش بغرور : يوم يجيني فارسي على حصانه الابيض و يخطفني
هنادي بعفوية بريئة : بس فارس ما عنده حصان ابيض
لحظة سكووت و بعد ما تأملوا بعض انطلقت الضحكات على هنادي اللي مو فاهمة السالفة
: وش فيكم بنات ضحكوني معكم قلت شي غلط
دانية : هنادي يلا ننزل ترى بترووح طاولتنا علينا
ياسمين : ماعليكم انا حاجزتها لكم صديقاتي موصية رهف عليكم
رؤى : يا حبك للهذره خلاص بيرحون يقعدون اصلا متى شفتي صديقات العروس بغرفتها
ياسمين : مايخصك
رؤى : الليلة لك ولا كنت تفاهمت معك
ياسمين : الحمد لله
هند ساكته لانها تحس بالنظرات الغريبة عليها بس مخبية في نفسها انزعاجها
هنادي : يلا بنات ننزل طردتنا ذي المقرودة الملسوونة
رؤى : احمدي ربك انا كاشخه كنت مسحتك هنا
هنادي كأنها خافت : يا ماما
هند قامت : تسويها ذي يلا ننزل بنات
هنادي يلا وراحت مسكت يد هند ونزلتها معهم لطاولتهم
بعدما راحوا رؤى : هين شغلكم عندي يا شلة السعادة
ياسمين تضحك عليها و كأن حدة توترها خفت

***

فوز كانت عندي بالبيت سولفنا ولا حسينا بالوقت لين دقت امها تنبهها للوقت كانت الساعة حول 12 يا عمري عليها قطعت قلبي و هي تبكي محد حاس فيها ولد خالتها اللي تحبه ملكته اليوم خالتها ما كانت رافضتها بس هي ماتبي زواج الاقارب ولاحد يقدر يلومها بعد
لين بطبيعتها الدلوعه : خلاص يا عمري و الله البكا ما بيفيدك بس تتعبين ولا هو بيحس فيك
فوز بقهر: أنا اللي معذبني اكثر انه يدري اني احبه و بين لي حبه و اهتمامه فيني ليش سوا فيني كذا ليش خلاني احبه زود ليش ما صدني و جافاني
لين : خلاص اللي باعك بيعيه لاتندمين عليه هذا ولد عمك يزيد يموت فيك و انت مو معبرته
فوز : ماقدر يا لين ماقدر قلبي مو له لغيره
لين : طيب اهدي الحين صيري طبيعية عشان مامتك ما تلاحظ شي
فوز تمسح دموعها : طيب
قامت وقفت تلبس عبايتها : معليش حبيبتي اذيتك مـ ..
لين تقاطعها : ازعل عليك لو تقولين هالكلام حنا خوات و اكثر ما بيدي شي اسويه لك على الاقل اسمعك لك
ضمتها بحب : الله لايحرمني منك
: ومنك .. عدلت غطاها و نزلت بترجع بيتهم
لين : ما في احد مرتاح .. وحشني بابا !

***

صار وقت الزفة بتزف على زفة ألف بسم الله ... انطفت كل الانوار باقي النور المسلط على الدرج مكان ما تنزل العروس ابتدت الزفه الهادية وكانت ياسمين تنزل لحالها وماشية لين وصلت نص المسار توترت من الأنظار اللي عليها وقفت كأنها دآيخه رهف بتنقذ اختها دخلت بحركة حلوه دخلت معها وهي تلف وترمي عليها الورد كملت معها الزفة على ايقاع سريع وصاخب نوعا ما طلعت على الكوشه وقعدت وصارت صديقاتها يسلمون عليه ويرقصون هنادي نشبت لهند ترقصها !
شروق : هنودي اتركي البنت ذبحتيها
هنادي : ابعدي نبي نخلص الرقصة
هند وهي مخنوقه : لا عادي
سعاد تضحك على شكل هند و هنادي ...
سعاد : خطيرة حركتكم سوس انت واختك في الزفه
رهف تضحك : هذي مو من الخطه بس حسيتها بتطيح قطيت معها
دانية : يالداهية لو انا ببلم ولاعرف اتحرك
رهف : أفا عليك انا سريعه بديهه و منه بعد آخذ بروفه على انظار الناس لو جا وقتي
دانية : جد لازم نآخذها ماتشوفين كيف كشختي ماما تقول عيب ليش كل المكياج
رهف : يووووه ماما كانت تبيني ألبس على ذوقها وبدون ميكآب بعد بس محسوبتك وطقت صدرها : مو هينة شوفيني كيف
دانية : كفو والله تعجبيني
رهف : أفااا عليك ولسى ما شفتي شي
دانية : ايه حنا مو صغار و ابصم لك على ذي الكشخة العجز يدورون على امهاتنا وميلت فمها بحزن : بس مامتي انا بالبيت
شروق تضحك : مو صاحيات

* فؤاد ما راح يدخل بناء على رغبته اللي احترمها الكل وانه يكفي دخوله يوم الزواج لذلك امه ام ناصر هي اللي راح تلبسها الشبكة
كانت فرحانه جدا بعروس ولدها جمال و اخلاق والكل يمدح فيها
ام ناصر بعدما لبستها : الله يسعدك يا يمه مبرروك
ياسمين بحيا : الله يبارك فيك خالتي
ام ناصر : ماشاء الله تبارك الرحمن قمر
باستها على خدها و نزلت من الكوشه و البنات فرحانين لياسمين الله عوضها عن امها اللي فقدتها

انتهى الحفل و الكل توجه للبوفيه عشان العشاء .. وطلعت ياسمين تتعشى مع زوجها ^_^

انتهت الليله على خير .. راسمه ليلة من احلى ليالي ياسمين و فؤاد تمهد لما بعدها من حياة ولا يندرى وش مخبى لهم ...