بالسياره
كآن مشغل الـ fm والجو هآدي وبآرد جدآ عشان التكييف
شوق : يآآآلله من زمان عن الطلعات أحس الهوآء يتجدد
فهد لف عليها ونزل نظارته بشويش: أمآ يتجدد عليك
شوق ضربته على يده بشوش:ما أنت حآس فيني ..بعدين طف الرآديو تعرفني مآ أحب اسمع أغاني
فهد احتدت ملامحه: ونجلس طفشانين طول الطريق
شوق: خلنا نسولف والا السوآلف صارت مآتعجبك
فهد يمد يده :خلاص اطفيه
شوق بعدت يده عن الزر وطفته بنفسها:مابي ذنوب تزيد..وتوب أنت عن هالأشياء حتى رب يرضى عليك ويرزقك
فهد: ويش دعوه ماله دآعي هالكلام
شوق تهز كتوفها: تتوقع ماله دآعي؟
فهد: ايه ماله دآعي
شوق بصوت بان فيه الزعل: يمكن ذنوبك غاليه عليك
فهد : ماتوصل لهذي الدرجه
شوق:الذنب ذنب مهمآ كآن ...استغفر الله العظيم
قآطعهم صوت جوال فهد ...طلعه من جيبه وأستغرب من المتصل
فهد بصدمه:أبوووي
شوق : رد عليه يمكن في شي ضروري
تردد قبل يرد على ابوه ..لكن قوى نفسه وبنبره جآفه : الـــو
ابو رياض:السلآم عليكم
فهد بنفس النبره:وعليكم السلام ورحمة الله وبركاته
ابو رياض بلين وحب: كيف حالك ياوليدي؟
فهد تملكه الأستغراب:الحمدلله بخير
ابو رياض:وزوجتك كيف حالها
فهد زآد أستغرابه:بخير
ابو رياض: يبه فهد أنا عازمك انت وزوجتك على العشاء عندنا جآمع خوآتك وأخوآنك ما ناقص غيرك ابيك تجي وتجيب شوق معك
فهد: بس انا مشغول ومآني فاضي
ابو رياض بأصرار: ماراح أقبل ولا عذر من أعذارك ..تجي يعني تجي
فهد: بــس..
ابورياض قاطعه:لا بس ولاشي ..تجي يعني تجي ..ننتظركم مع السلامه
قفل الخط وهو في قمة أستغرابه
شوق شكت من ملامحه: خير فهد ويش صاير؟
فهد:أبو متصل عزمنا الليله على العشاء قول لازم نجي
شوق : غريبه
فهد: انا مستغرب من نبرته واصراره عليه اني احضر مأكد علي
شوق: يمكن عرف انه ظلمك وندمآن على اللي صار ..مهما كان هذا أب وقلبه يحن على اولاده
فهد: ويش رايك نروح ؟
شوق بحيره: مايمدينا نرجع البيت انا ماني جاهزه
فهد طالع لبسه كان لابس بنطلون جنز وبلوزة رسميه كاروهات رمادي وأبيض:ولا أنآ
حول مسار السياره ورجعوآ لطريقهم
شوق:تبينا نرجع البيت ؟
شوق: ايه اشوى ان المسافه قصيره نتجهز ونروح نشوف ابوي ويش عنده
شوق : هم رجعوا بيتهم
فهد :على حسب الاخبار اللي وصلتني ايه رجعوا
شوق ضحكت: والله توقعي بمحله ابوك ندمان ويبي يكفر عن ذنبه
فهد:يمكن ماهي بعيده عليه ..المهم حاولي تخلصي بدري لأن الطريق قدآمنآ طول
شوق :ماراح اتأخر شعري ومزبطه بس ألبس واحط شوية ميك آب
فهد :تصدقين انتي على الطبيعه احلى من لما تحطين ميك اب احس يشوهك مرره لما تحطينه
شوق شهقت: يشوهني ؟!..هذا وانا بس احط ماسكار وروج وبلاشر تقول شوهني كيف لو أثقله
فهد:ما يليق على ملامحك ...لان ملامحك صغيره ماتعطي انك بأخر العشرين
شوق :يممممه منك حآسدني أني بأخر العشرين وماهو باين علي ...اعوذ بالله
فهد يضحك:من زينك أحسدك
شوق بحده:مزيونه غصب عنك رضيت وألا أنرضيت
فهد : طيب بشويش لاتموتين بيطق فيك عرق من القهر
شوق :شوف كلامك بالأول يالشايب
فهد يضحك:الحين صرت شايب ياشوآقتي ...على العموم الكل عرف ان الشايب احسن من الشباب من كل النواحي
شوق: وانا أشهد ..وأنت الدليل القاطع
فهد مآفهم تلميحهآ: ويش قصدك ؟
شوق تضحك: أخبرك ذكي وفطن تفهمهآ على طول ..بس الظآهر العمر له دور وانت بديت تخرف
فهد عقد حواجبه بحده وزآد السرعه يبي يخرشها: شكله كذآ
شوق خآفت ومسك يده بحركه لآ أرآديه: أمزح معك ..تكفى فهد خفف سرعتك لايصير فينا شي
فهد ضحك:ايوه خليك كذآ لآ ويصير شي مو طيب
شوق أنقهرت:بجد انك سخيف
يا إلَهي وشَّ بلا َهذا . . المسسِاء |
عيّا يعدّي
لاهو إللي محَّتويني وَلاني
اللي | محتويه.. !!
كل مافكرت أبفتح نافذه
. .. .. . للحْزن . . قَدّي )
امْتلا صَدري نُوافِذ وامتَلت
عينِي ( وجيه . . . . ) ~
دخلت البيت وسكرت الباب بقوه هزت الأركآن ...رمت شنطتها في الصاله ومانزلت عبايتها
ريم: ياساتر كل هذا حقد على الباب
هنادي بعصبيه: اوووف مليت ودي اموت وارتاح
سمر :افرحي بنروح لشهد الله غيري ملابسك بسرعه
هنادي جلست جنب ريم: جد بتروحون؟
ريم هزت راسها: وكمان بنتعشى عندها بعدين الساعه 10 بيلحقونا سحر ورغد بس بعد مايذاكرون ويخلصون
هنادي:اجل بروح أخذ شور دآفي والبس ونروح
ريم: بعد صلاة المغرب تكوني جاهزه لاتأخرينا اوكِ هنو
هنادي وقفت: اساسا كم بقى ؟
سمر تطالع ساعتها: ربع ساعه بالزبط
هنادي :خلاص بروح اخلص لا تأكلوني بقشوري ..مشت بأتجآه غرفتهم تجهز نفسهآ
ريم : ماحسيتي ان هنادي تعبانه
سمر: والله من الفرفره في بيوت صديقاتها غصب تتعب
ريم بنبرة زعل:حرام عليك
سمر تميل فمهآ: اجل اسكتي عشان لا اطلع حرتي
ريم تضحك: شكلك منقهره عشانها تطلع وانتي هنا لحالك
سمر: بقوووه ...اطفش لحالي بس لما جيتي ونستيني
ريم ترفع حواجبها: واليوم عند شهد يعني بتغيرين جو ان شاء الله
سمر: ان شاء الله ..بروح اطلع لبسي والبس مابقى شي عن المغرب
ريم تطالع بطنها البارزه شوي:سموره قبل تروحين تحسين طلعت لي كرشه
سمر : يعني مو مرره
ريم ابتسمت:اجل روح البسي
سمر تخمس بوجهها:صدق انك غبيه تتوقعين ماراح تطلع لك كرشه صدقيني بتصير بطنك عن بطنين
ريم بخوف: بسم الله علي ..قومي اقلبي وجهك البسي
سمر تضحك: حاضر
بعد صلآة المغرب جهزوآ البنات وأتجهوآ لبيت شهد
دق جوال هنآدي وهم بنص الطريق أرتبكت من أتصاله اللي مآكآن بوقته..وحتى ماتخل رم وسمر يشكّون فيها ردت: الــوو
بآسل: كسرت جوالك مآكنتِ تردين ..وين كنتِ؟
هنادي ضحكت مجامله: كنت أتروش بعدين صليت مآمدآني أرجع أدق عليكِ
بآسل عرف ان أحد جنبهآ:من عندك ؟
هنآدي: خواتي..رآيحين لبيت أختي
بآسل بأستغراب:هو عندك خوآت متزوجآت
هنادي تصرفه: لمآ أوصل بيتهآ اكلمكِ ما اعرف أتكلم بالسياره
بآسل: زين ياويلك مآتتصلين فهمتي
هنادي: أوكِ ..باي
قفلت الجوال وهي متنرفزه منه بس خبت كل عصبيتهآ وتوترها بدآخلها
ريم بفضول:أكيد وحده من صديقاتك
هنادي: ايوه روآن متصله تسولف معي
ريم تفتح الباب:يالله أنزلوآ ..سمر لآتنسي صينية الحلى اللي جبناهآ نزليهآ معك
سمر تشيليهآ:مآني ناسيتها بس تحركي يالله
دخلت ريم مدخل العمآره قبلهآ ولحقتهآ سمر
هنادي:جلآلي لآتنسى تروح المكتبه تجيب لي المذكره اللي كتبتهآ لك
جلالي:اوكِ الحين في روح جيب
هنادي: ثآآنكس جلجل ..نزلت وشآفت شخص كآدت تنسى ملامحه ملامح ذآبله وجسم نحيف جدآ
هنادي ( معقوله هذآ مآجد ؟!..ايش فيه صاير كذآ متغير مرره ) مشت بسرعه ودخلت بيت شهد
عند مآجد
أنصدم لمآ شآفهآ بالعبايه المخصره ...تغيرت عليه كثير جسمهآ بالعبايه صآير يجنن زآدت كيلوآت غيرت معالم جسمهآ
(الله عليك ياهنآدي ...تغيرتي كثير مرت وكأني مآ أعن لهآ شي "رد عليه صوت من أعمآقه"بعد الل سوته فيهآ تبهآ تجري ورآك ..هي مآيوم في حيآتهآ ترجتك ولآ ركضت ورآك أنت اللي كنت ترآقبها وحاط عينك عليهآ..الحين راحت من يدك والله وحده أعلم بحالهآ اللي أنت كآن لك يد فيه) دخل سيارتهآ وأنطلق فيهآ بسرعه جنونيه
ببيت شهد
شهد:حيا الله من لفانا
ريم :الله يحيك ويبقيك
سمر بلهفه:وين ميشو مشتآآآآآقه له مووت
شهد ضحكت:خليته في سريره لآ يزعجني
سمر شهقت بقوه وحطت يدهآ على صدرهآ:حرام عليك يامجرمه مخليته لحاله بسريره ..بروح اجيبه والعبه
شهد: بشويش عليه
هنادي نزلت عبايتهآ وجلست:وأخبارك شهوده ؟
شهد: الحمدلله بخير
ريم: ايش فيك وآقفه أنحولت ..يالله أجلسي
شهد ابتسمت: قبل أجلس بروح أجيب صينية القهوه عشآن تعدل مزآجنآ وتحلى السوالف
رم: حطي من الحلى لا تنسين ترى بذلت فيه مجهود
هنادي بسخريه:درينا انك سويتيه يعني لازم ترزين الفيس
شهد:هههههههههههههههههههههه
ريم قرصتها بقوه مع فخدهآ خلتهآ تصرخ:هين أردها لك
شهد:تسلم يدك على الحلى ..بس بأول لازم أذوقه عشان اعطيك رائيي فيه بصراحه
هنادي:جآت فلسفة منال العالم ..روحي سنعي القهوه وارجعي
شهد تكش عليها:تعالي ساعديني بدل مصخرتك علينا
هنادي تمدد رجولها:انا بنت تعبانه ولافيني حيل أشتغل
ريم: زوله
دخلت شهد المطبخ وجآت سمر شايله مشاري
ريم وعيونها عليه:فديته
هنادي:تكفين سمر هاتيه ببوسه من زمآن مآ قبلت وجنتآه
سمر انفجرت ضحك:اخص ياوجنتاه ..خذيه يالله
تربعت وحطت بحضنهآ بوست خدوده:ياقلبي أنآ ..صاير يشبه أمه مرره
ريم:اي والله مره زي شهد
سمر:حرام عليكم والله زي أبوه
شهد طلعت على كلمة سمر: فديت قلب ولدي يهبل سوآء زيي أو زي أبوه
هنادي: صبي قهوه وأنتي ساكته
ريم: اقول شهد مآكلمتي شوق ؟
شهد:لآوالله من زمان عنهآ ..هي صايره نادر ماتتصل وأنآ مآ أفضى
سمر :والله حنا قاطعينهآ مره ..المفروض كل يوم نكلمهآ
هنادي تنهدت:معكم حق
بالرياض
دخلوآ قصر أبو رياض
شوق بهمس: أحس أني متوتره وماني مرتاحه
فهد : أجل كيف أنا ...يالله بسلم على خالتي وبروح للرجال بالمجلس
شوق أنتبهت لندى اللي جات تهلي فيهم :هلآ فيك
ندى تسلم على فهد:يعني لو أبوي ماعزمك ومآ تجي لو بالغلط
فهد أبتسم: الدنيا مشاغل
ندى ضحكت:وآضح أن أم كرش مآخذه عقلك
شوق حطت يدها على خصرها:فهد شووف أختك تسبني عيني عينك
فهد مسك خد ندى وسحبه بشويش:ألا شوقه حآسبي تسبينها
ندى تغمض عيونها بقوه:فكني خدودي ماهي ناقصتك
شوق ترفع حاجبها:لا أسحبها بقوه وانتقم لي
فهد: أبشري
ندى: توبه ماعاد أتعرض لأم كرش
فهد يحط يده على راسها: افهمي ان اللي يتكلم على شوق كلمه اشرب من دمه
ندى بعدت عنهم: أهب ساحرته ..وركضت تنادي امها
شوق:هههههههههه خبله اختك
فهد لف عليها:مو أكثر منك
شوق بسخريه: ولآ أكثر منك ..انا بدخل جوآ
فهد: استعجلي خالتي خليها تجي بسلم عليها
شوق وقفت قبال المرايا تشيك على شكلهآ تعطرت ومشت بأتجآه صالة الأستقبال قبل تدخل طلعت ام رياض وام ليان وليان
أم رياض : ياهلا ببنتي
شوق بخجل: هلا فيك ياخاله "سلمت عليها بحراره" كيف الحال
ام رياض:بخير ..وينه فهد ؟
شوق:ينتظرك عند الباب
ام رياض: ليه مآدخل مافي أحد غريب
ام ليان وليان بعد مآ سلموآ على شوق ..أم ليان: تفضلي مآ في ألا هند وندى
شوق بأبتسآمه: بسبقكم أنآ ..دخلت وسلمت على هند
هند:كيفك ياشوق
شوق:بخير الحمدلله.. انت كيفك وكيف عيالك
هند:الحمدلله ..سآمحنا على القصور من تزوجتي مازرنآك
شوق: مسموحه ..والله مآتقصرين
ندى حطت رجل على رجل:يالله انك تحي حريم اخواني
شوق ضحكت: أيش عندك اليوم رآيقه وفايقه
ندى حمرت خدودهآ:ياخبر اليوم بفلوس بكره يبقى بلاش
هند :أقول ياندى وأخرب علك وألا أسكت
ليان دخلت: انا بقول...الوم جايين خطاب لندو الخبله
شوق بفرحه: صدق
ندى نزلت راسها تمثل الحياء وتفكر يدها ببعض: يقولونه
هند:ههههههههههههههه مو لايق عليك انك تستحين
ندى: ومن قال اني مستحيه ..ابي اتزوج واعيش حياتي بدل الطفش اللي انا فيه
شوق:ودراستك ؟
ندى طيرت عيونها بشوق بعد صمت ثواني كلهم أنفجروآ بالضحك
ليان: يوووه اشوق والله انك مغبره ..ندى تركت الجامعه من زمان تقول مافها تدرس
شوق : بجد ..والله انك فاشله لو كملتي دراستك
ندى ابتسمت: مود ماهو دراسه خلاص طفشت بالاخير ماراح استفيد أجلس بالبيت اشبع نوم وأطلع مع صحباتي اتمشى أحسن
هند تغير الموضوع:أقول شوق..كم باقيلك وتولدين ؟
شوق : ثلاث شهور أو اقل
ليان من قلب: الله يقومك بالسلامه يارررب وتجيبين لنا بنوته قمر زيك
شوق ضحكت: آآمين ..الا وين بنتك ماشفتها
ليان: نآيمه فوق
شوق: خساره كآن نفسي أشوفهآ
ندى: لما تصحى راح اجيبها لك
دخلت ام رياض وهلت فيهآ وبدت تقهويهآ
أم رياض: كيف أخوآتك يابنتي ؟
شوق: الحمدلله بخير
ليان :هذيك اختك الفرفوشه يالله نسيت أسمها
شوق ابتسمت: قصدك هنآدي ؟
ليان: ايوووه ..ويش اخبارها؟
شوق ابتسمت: بخير الحمدلله ..مبسوطه في حياتها ودراستها
ام رياض :ماشاء الله هي سنه كم ؟
شوق: بالجامعه ثاني سنه تخصصها انجليزي
ندى: ماشاء الله ..ياحياتي عليها..بالله سلميلي عليها
شوق: يوصل ( غريبه أهتمآمهم فيني ..صاير اكثر من أول يالله مصير الأيام تكشف كل شي)
دخلت رزآن وأمهآ وخوآت هند لصالة الأستقبال
ندى تهمس لشوق: أوف هذي الغثاء مدري ليه جايه
شوق تشآئمت من أول ماشافتهآ :اللهم طولك ياروح
أم رياض رحبت فيهم هي وأم ليان اللي مآجبت توآجد رزآن وأمهآ
سلمت على الكل وأقتربت من شوق اللي قامت بكل صعوبه وكلافهآ وهي تعاني من بدايات الألم ..صارت تطالعهآ بأستحقار من فوق لأخمص قدميهآ
كآنت لآبسه بنطول بني وآسع وبلوزه كت مخصره من أسفل الصدر بعدين وآسعه لبدآية أفخآذهآ ورديه متدآخل فيهآ اللون التركوآز بارزه كبر بطنهآ أكثر..مجعده شعرهآ ولآمته بعشوآئيه معطيتهآ طابع غربي ..وحآطه ميك أب خفيف مرره يكآد لآيذكر
رزآن سلمت عليها بدون نفس: كيفك
شوق بنفس نبرتهآ: الحمدلله ..سلمت على امهآ بنفس البرود ورجعت جلست جنب ندى
رزآن: يمه منهآ شوفي عيونها كيف
شوق:ماعلي منهآ مآهمتني أبدآ
بعد ماجلست جلسة رسميه مليئه بالغرور:مآعندي خبر انك حآمل حتى نقوم بالوآجب
شوق ابتسمت لهآ بمجامله:ماتقصرين ..هذآك عرفتي
رزآن: أكد فهد مآفرح زي فرحته الأولى
ندى تدخلت بسرعه: يوووه لو تشوفنه ألزم ماعليه راحته شوق ..لو بيديه يشيلهآ عن الارض شآلهآ حتى مآتتعب
أعطتهى أمهآ نظره سكتتهآ وغيرت السالفه: وأخباركم كلكم من زمآن مآ أجتمعنآ زي هذ الجمعه
ام رزآن:البركه بأبو رياض هو اللي يجمعنآ الله لآ يخلنا منه
ليان: جد حب يجمعنآ في بيته الله لآحرمنا منه
الكل : آآآمين
شوق وقفت وبلباقه: عن أذنكم "لفت على ندى" ندوش دلني على دورآت المياه
ندى وقفت بسرعه وأبتسمت لهآ بحب: تفضلي حبيبتي
مشوآ خارجين من الصاله الوآسعه وعيون رزآن تأكل شوق حسد وغيره منهآ
رزآن( أنآ لازم أحاول بفهد يرجعني أجل هذي بنت الفقر تعيش بالعز وتورثه ه وضنآهآ أنآ أولى منهآ ..بس عسى أبوي مايطلع ل مشروع زوآج ثاني ووآفق ارجع لفهد ونقدر نحتآل عليه)
عند دورآت المياه فتحت شنطتهآ وطلعت علبة دوآهآ وأخذت منه ..أسندت نفسهآ على الجدآر
والآلم يزيد عليهآ ..حست بدوخه مفآجئه وحراره سرت بجسمهآ ...نآدت ندى بصوت أقرب للهمس ..لكن مآقدرت تتمآلك نفسهآ وطآحت مغشي عليهآ
كآنت بالمطبخ تشيك على الضيافه مرت من جنب دورآت المياه
ندى: خلوني امر شوق نرجع مع بعض ..فتحت الباب الخشبي الفخم وأنصدمت لمآ شآفت شوق طآيحه على الأرض واللي حولهآ كله دم
صرخت بأعلى صوت مرعوبه:شــــــــــــــــووووووووق
جلست جنبهآ كآن وجههآ شاحب ومايل للأصفرآر حآولت تصحيهآ بس مآ لقت أي تجاوب منهآ رجعت للصاله بسرعه تصرخ وتبكي
ندى: يمه ...يييييمممممه ..شوق شوق مدري ويش فهآ
ام رياض وام ليان بصوت وآحد: علآمهآ ؟!..
ندى: مدري طآيحه على الآرض
كل اللي بالصاله رآحو جري لدورآت المياه وأنصدموآ من منظرهآ وهي جثه هآمده
ام ليان تدف ندى وليآن:بسرعه نآدوآ فهد ..بسررررعـــه
رزآن بخوف: غسلوآ وجههآ عشآن تصحى
جلست ام رياض وحطت راسهآ بحضنهآ مسحت عليه وقرأت المعوذآت وأية الكرسي
بدت تهمهم بكلمات غير معروفه ولكن أوضح كلمة نطقتهآ " أمــي"
ليان رجعت وضمت امهآ وهي تبكي: يمه ويش صار فيها
ام لان تشد ضمتها على بنتها ونزلت دموعها: مدري الله يقومها بالسلامه
جات ندى زي المقروص: ارجعوآ للصاله فهد وأبوي جايين بسرعه
الكل رجع عدآ ندى وأمهآ ولان وامهآ
دخل فهد وصدمه شكلها شالهآ بسرعه وهو يرتجف : يبه افتح لي السياره بسرعه
ام رياض: لحظة أجيبلك عبايتها
فهد بخوف: يااارب كون معهآ يآآآرب
طلعوآ بسرعه هو وأبوه على أقرب مستشفى ودخلوآ الطوآرئ ..انتظروآ فتره طويله بأستراحة الأنتظار ..متر الممر رايح جاي ..مره يضرب الجدار بقوه من شدة توتره ومره يدعي ربه أنه ينجيهآ ..بعد ساعتين طلع الدكتور
ابو رياض مشى له بسرعه: بشرنا يادكتور ..بنتنا ويش فيها
الدكتور :وين زوجها؟
فهد خآف من ملامح وجه الدكتور الجامده:انا
الدكتور: لآزم توقع على العمليه القيصريه حسب الفحوصات اللي وسينها زوجنك دخلت الشهر السابع وانت داري ان أستمرار الحمل فيه خطر على حياتها وبهذا الوقت مابيدنا الا اننا ننقذ الجنين وبعدهآ نستأصل رحمهآ
فهد بدون أي تردد: موآفق ..أهم شي زوجتي يادكتور مابي يصيبهآ شي
الدكتور:تفضل معي وقع على الأوراق حتى نبدأ بالعمليه حالا
ابو رياض كآن مصعوق من الكلام اللي سمعه ..ماهو قادر يستوعبه تركه فهد بالأنتظار وراح مع الدكتور ...بعد ربع ساعه رجع لابوه ومعالم الخوف والربكه عليه
ابوه: ويش اللي صار ليه توآفق على العمليه يابوك ..الله يهدك استعجلت
فهد شوي ويبكي:ويش اسوي يبه مافي غير هذا الحل ..احسن من انها تروح مني
ابوه:الله يصبرك ياولدي ..تعال قول السالفه انا مافهمت شي للحين
فهد بحزن قاتل وشعور بالذنب ..بدأ يحكي لابوه كل همه ويشكي له مُصآبه متنآسي كل الأحقآد بينهم
بالمدينه
حب فآجئ الكل بجته لهم فجأه ...دق الباب وفتحت له شهد
شهد شهقت : عمي "أرتمت بحضنه من الفرحه وسلمت عليه" ويش ذي المفاجئه
ابو مها يضحك: هآه أعرف اسوي سسبرير على قولتكم
هنادي فطست ضحك: قصدك سبرايز يبه
ابو مها: ويش يدرون وش يقولون عنها اليهود
رغد :هههههههههه حرام عليك بيه قلبت أبو الأنقليزي
ريم: تصدق يبه احلى مفاجئه انك جيت
شهد تتنحنح: عاد حظك يالغاليه طابخه من جمع الأصنآف بيديني الحلوه
ابو مها:الله الله اشوفك مقاطعتنا اثاريك ناقعه بالمطبخ
سمر :غريبه تطبخ اللي اعرفه طول وقتها مقابله مشاري
ابو مها: هاتيه مبطي عنه
شهد تعديه عليه: ويش رايك يبه كبر وألا لا؟
ابو مها بتفحصه: صاير عريس ..بس اخطبي له
هنادي تضحك:الأقربون اولى بالمعروف زوجيه رنيم بنت مها
شهد صرخت: وووووع
رغد بهجوم: وع بعينك ..ويش خلاتها رنومه صح سمره ..بس السماره امآره
شهد : تكفن يالسماره انتي ..لالا ولدي ابي له وحده ملكة جمال
ريم بسخريه:والله انتي اللي تتشرطن بتطحين لك بوحده شيييينننه
ابو مها: بس بس لا تصدعون فيني وترفعون الضغط علي بأصواتكم العاليه
هنادي: بليززز شت آب الا ابو مها الزم ماعلينا راحته
ريم: اقول يبه ويش رايك نخطب لك وتتزوج وتجدد شبابك
ابو مها ابتسم: بعد مآ أزوجكم كلكم افكر اتزوج " سكت شوي" اقول ابنات بقولكم على موضوع يخص هنادي
هنادي نزلت راسها ..بدت تتوتر لأنهآ عرفت الموضوع اللي ابوها بيكلمهم فيه
رغد : خير به تفضل المايك معك
سمر تدقها: تستهبلين
ابو مها بجديه:هنادي انخطبت وزواجها بعد شهر او أقل
أرتسمت ملامح الصدمه على وجيه الكل ..حتى هنآدي تفأجئت بكلام أبوها
شهد بشهقه:ايش قلت يبه ..شهر ؟!
ابو مها: الولد مستعجل وعايش لحاله عشان كذا ابي اختكم تتزوج وتشوف حياتها
رغد اللي مآ استوعبت كلام أبوها: من جدك يبه؟
ابو مها: بهذ الموآضيع في مجال للمزح؟
ريم: بس شهر قليل مايمدينا نجهزها واحنا نتجهز ...خله يأجل زوآجه شوي يعني شهرين معقوله
ابو مها: الرأي عند هنادي ..هاه يبه ويش قلتي ؟
هنآدي بدون تردد: موافقه
شهد عصبت: شلون توافقين يالمجنونه ..يبه هي صغيره خله يأجل شوي العجله ماهي زينه
سمر: في سؤال بسيط..مين اللي يبتزوج هنو؟
ابو مها ببرود وكره وهو ينطق اسمه: بآسل ..أخو فهد
الكل بصوت وآحد: أيـــــــــــــــش؟!!!
سحر اللي كآنت ملتزمه الصمت من اول النقاش ..كآنت صدمتهآ لآتقل عن صدمة خوآتهأ:بـــآسل مآغيره ؟
ابو مهآ: أيه ...ابو الولد وعمه جوآ لي وكلموني هنآدي وآفقت ليش مآ نعجل بالزوآج ..الرجال مستعجل ووحدآني خليه ياخذ زوجته ويرجع ديرته
رغد لفت على هنآدي اللي مآ نطقت بحرف وآحد وبدآخلهآ برآكين من القهر والحقد تكآد أن تنفجر وتفسد مآحولهآ:هنادي ايش رايك بهذآ الكلام
هنآدي بنفس الهدوء اللي هي عليه:موآفقه
ريم مآ أرتاحت للموضوع من البدآيه: مدر ليه مستعجل
شهد: يبه هو كبير بعمره؟
ابو مهآ: أيه اصغر من فهد بسنتين أو ثلآث
رغد شهقت: أيـــش؟...أجل هذآ دآخل بالثلاثين ..وهنآدي توهآ مخلصه في العشرين ..حرآم يبه فرق العمر بينهم مره كبير
ابو مهآ: العمر مآ هو مهم ..الأهم سعآدتهآ ورآحتهآ معه
هنادي( أي رآحه وبآسل هو زوجي.. يارب اجبرني في مصيبتي وأخلف لي خيرآ منهآ )
سحر:الله يقدم اللي فيه الخير
الكل: آمين
::
::
صباح اليوم التالي
مآغآدر مكآنه أبدآ ينتظر خآرج غرفة العمليآت ..أبوه وهزآع وريآض مآتركوه ثآنيه خوفآ من حآجته لهم ...مرت الساعات ثقيله جدآ كآلسنين وهو مآيدري عن الحآصل ورى هذه الجدرآن التي تفصله عن زوجته
جلس على الكرسي تعب من الوقفه نزل رآسه وخبى وجهه بين كفيه ..قرب من هزآع وحط يده على كتفه
هزآع بحنيه: خل إيمآنك بربك كبير ..الله معهآ
ابو رياض صدمة كلام فهد اللي قاله له مخليته متجمد في مكآنه مايقدر يخفف عنه لو بكلمه
رياض:خبري فيك يآفهد أنك أقوى من كذآ
فهد رفع رآسه: مآعدت أقوى أتحمل ...تعبت من الحيآه اللي أنآ عايشهآ
ابوه بحده: أستغفر ربك ..مايجوز اللي تقوله
فهد بأنكسآر تآم ..تنهد قبل ينطق أي جمله أنفتح باب غرفة العمليات وبحركه سريعه من الكل أجتمعوآ حول الممرضين اللي يدفون سرير زجآجي صغير
النيرس:مبروك
ابو رياض يتفحص الكتله الصغيره دآخل الزجآجه تقشر جسمه من شكله الصغر كونه لم يكمل شهره السآبع
فهد حط يده على الزجاجه بحنيه:رآكـــآن
رياض لف يده على كتف أخوه: الف مبروك ياخوي يتربى بعزك
الممرض: الحين لآزم نأخذه للعنايه ويبقى في المستشفى لآن منآعته ضعيفه
فهد بلهفه: كيف صحته
الممرض ابتسم له وهو يخف كلام الأستشاري دآخل غرفة العمليات:الحمدلله بصحه وعافيه
فهد بنبرة خوف:وأمــه
النيرس:الحين في يبدأ عمليه ثآنيه بعد خمس أو ست سآعآت يطلع دكتور
الممرض: زي ماقالت بعد ست ساعات تنتهي عمليتهآ..لآتنسونهآ من دعوآتكم
مشوآ بعيد عنهم كآن بيلحق لكن أوقفت يد هزآع ورياض اللي مسكوه وأجبروه يجلس على الكرسي ..لآن الآرهآق والتعب بآين عليه
ابو رياض:مبروك يبه عقبال مآ تقوم أمه بالسلامه
فهد بنبره طويله:أمــيـــن
رياض جلس جنبه:ماراح تتصل على أهلها تقول لهم
فهد نزل رآسه وهو يتذكر رفضهآ الشديد ان أهلها يدرون: هي رافضه أقولهم
ابو رياض:ولـيـه؟..مايصير لآزم تقول لهم هذول أهلهآ مهمآ كآن مانقدر نخبي عليهم موضوع كبير فيه حياة أو موت
هزآع بأصرار:لآزم تتصل عليهم مايصير اللي تسويه بعدين بيقولون أنت اللي ماقلت لهم
فهد يفكر:بفكر وأشوف
ابوه بنبرة حاده وصارمه:أذا ماتبي تقول لهم أنا بنفسي بتصل على عمهآ وأكلمه
فهد : لالا خلآص ..أنا بتصل بس خلني اتطمن عليها بالأول
بعد عدت ساعات
بآلمدينه
قآمت من النوم مفجوعه ..شافت الساعه 10 ونص صباحاً
هنادي:بسم الله الرحمن الرحيم ..ويش هذآ الكابوس الفظيع
قامت غسلت وجههآ وجلست في الصاله ..أخذت الريموت تقلب بالقنوآت بتملل ..أخذته افكاره عند باسل
{هـنـآدي}
بعد اربع أسابيع بكون معه ..يارب ألطف فيني ماعدت اتحمله ولآ أتخيل نفسي زوجه له وكل الناس يعرفون بهذآ الشي ..مالي حل الا أرضى بالأمر الواقع على قوله انا الخسرانه بالأول والأخير وألا هو مآعليه ..بس زين منه انه بيعلن زوآجنآ قدآم الكل
فكرت بروآن صديقتهآاللي أستحوذت على كل حياتها بغمضة عين
(معقوله يبعدني عنهآ بعد اللي صار ؟!مستحل اسمح له بهذا الشي هو فرض وجوده بحياتي غصب عني وبدون رآضي وأنآ راح أفرض عليه علاقتي مع روان سوآ رضآ أو مآرضى ماعلي منه ..لازم اخليه ينفذ كل اللي ابيه وأطلع حرتي فيه ..بس بأول ابي ألتفت لعبير ونبدأ التنفيذ أنآ وروآن)
دق جوالها اللي رمت على الارض جنبها ..اول ماشافت اسمهآ فرحت وردت عليها بلهفه:وحــشــتيـني
روآن :آآآآآآآآآآه مو قدي
هنادي:رونآ بقولك على موضوع مهم
روآن بجده: خير حبي تكلمي
هنادي:انا زوآج بعد شهر
روآن صرخت بصدمه:أيــش تقولي؟
هنادي بكره:اللي سمعتي ..زوآجي بعد شهر
روآن بنبره باكيه:وأنــآ..تخليني لمين ؟
هنادي: من قال أني بتركك او أتخلى عنك ..مستحيل يصير هالشي لو على موتي
روآن تطمنت شوي: هون عليك تبعدين عني ويسرق وآحد مني
هنادي ابتسمت:يخسى يسرقني منك
روآن: اوووف هذآ الخبر خرب لي مزاجي
هنادي: هذا بدل ماتنبسطي ان صديقتك بتودع العزوبيه
روان: اكيد فرحانه لك ...بس مقدر اتخيل يمر يومي بدونك
دق تلفون البيت
هنادي: رونا بشوف التلفون اكلمك بعدين ..باي
مشت للتلفون بسرعه وردت: الـــوو
فهد:السسلام عليكم
هنادي استغربت النبره الخشنه:وعليكم السلام
فهد:عمي موجود
هنادي: نآيم ..مين معي؟
فهد:انا فهد
هنادي فرحت: هلا فهد..كيفك ..ويش اخبارك
فهد: الحمدلله ..اكيد هنادي
هنادي: ايه هنادي...طمني على شوق ويش اخبارها
فهد طول سكوته بعدها قال:هنادي روحي صحي ابوكِ ابيه ضروري
هنادي خافت من نبرته وعرفت ان في شي صاير:فهد شوق ويش فيها؟
فهد: كل خير..انا ابي عمي ادق على جواله مغلق
هنادي:مقدر اصحيه ..بس قولي وانا اوصله اللي بتقوله
فهد بجديه واضحه بنبرته:هنادي شوق مريضه
هنادي شهقت:مريضه؟!..ويش فيها عسى حملها مو تاعبها
فهد: الفجر ولدت بعمليه قيصريه وجابت ولد
هنادي فرحت:مبروك ..وهي كيفها الحين ؟
فهد: ماأدري عنها لسى بالعمليات
هنادي تطالع الساعه بجوالها ماهي قادره تفهم على فهد:ايش قاعد تقول انت توك تقول الفجر ولدت ..كيف للحين بالعمليات؟
فهد: شوق مريضه بالسرطان
وقع الكلمه على أسمآعهآ كالصاعقه ...حست الأرض تميل فيها طولت ماردت عليه ارتكزت على الزاويه القريبه منها
هنادي بصوت اشبه ماكون للهمس:سرطآن ؟!
فهد :ايه وحالتها متقدمه جدآ ..ادعي لها هي بين الحياه والموت
نزلت دموعها بدون سابق أنذار سالت على خدها بهدوء وسلاسه قدرتها على التصديق تلاشت ..حست ان هالكلام زي الحلم ممكن تصحى منه بأي وقت
فهد:مع السلامه
رمت السماعه وطاحت على الأرض سبقتها دموعهآ التي تشبه السيل الجارف ...بكت بصمت ..مرت عليها دقآيق طويله جدآ ..وبدأ صوت بكآهآ يعلى وشهقآتها تلآحقه ...مآحست باللي حولها أبدآ عآيشه بدوآمه لآتعلم متى موعد خروجهآ منهآ
صوت شهقآتهآ مزعج جدآ صحت على حسه رغد التي كآنت تظن أن هذآ الصوت مجرد وهم عآبر او حلم رآسخ بالذاكره ...فتحت بابا غرفتهآ وأتضح لهآ الصوت أكثر حينهآ أيقنت أنه حقيقه لآمحآل ..ميزت مصدر الصوت ..خآفت لمآ شافت أختهآ وشقيقة روحهآ منطويه وضآمه رجوله لصدرها ودآفنه وجههآ وصوت بكآئهآ مرتفع جدآ
قربت بسرعه ولهفه والخوف يسبقهآ:هنآدي حبيبتي ويش فيك
رفعت رآسهآ وكآن وجههآ متورم ومحمر جدآ من البكآء ..حست روحهآ بتطلع من صدرها قبل تنطق باللي قاله فهد
رغد زآد خوفهآ لما شافت وجهها: بسم الله عليك ...ايش فيك ياحبي "مسكت يدهآ وحاولت تسآعدهآ تمشي لجهة الكنب" أعوذ بالله من الشيطآن الرجيم ..شكلك كنتِ تحلمين
هنادي بصوت متقطع:شــ...ــ..ــوو...ق
رغد جلستهآ على الكنبه وجلسته جنبهآ:خير ويش فيها شوق؟
هنآدي تحآول تأخذ أكبر قدر من الأوكسجين وبصعوبه نطقت:مريـــضـــه
رغد خآفت أكثر:هنآدي لاتطيحين قلبي ...أيش فيهآ شوق؟!
هنآدي زآد أحتدآد صوتهآ بكآهآ أكثر:سـ..ســرررررطــ...آآآآ"ماقدرت تكمل كلمتهآ وضمت رغد اللي مآ أستوعبت كلمة هنآدي وبكت بحرقه "
رغد تجمدت في مكآنهآ مآصدرت منهآ أي كلمه سوآء دمعه تيمه سقطت على خدهآ ..صوت بكآء أختهآ شعرهآ أنها بغيبوبه لآتسطيع أن تنطق أو تتحرك من أثر صدمتهآ
هنادي تتعلق ببجآمه رغد وتسحبهآ بقوه: شووق بتموووت ..بتموووووت
رغد صرخت: لآآآآآآآآآآآآآ ....كــــذب .."ارتفع صوتهآ بالبيت"كـــذب ..شوق مافيهآ شي أكد مافيهآ شي
صحى ابو مهآ وطلع من غرفتهآ ولحقوه سمر وسحروريم اللي فزعتهم صرخت رغد
ابو مهآ ارتبك من شكل هنآدي المائل للزرقه ورغد اللي ضامتهآ وتشاركهآ البكاء :ويش فيكم يابنات؟
رغد تعلقت عيونهآ بأبوهآ وكأنه طوق النجآه لهم:شوووق يبه ..شوووق
ابو مها بخوف: خير ويش فيها شوق
هنادي من بين شهقاتها:اتصل فهد يقول أنهآ بغرفة العمليات
سحر بخوف:العمليات ليييييه؟!
هنادي تبكي:فيهآ سسـ..ـرطـ...ـآن
بأحد مستشفيات الرياض
قبل دخول صلآة الظهر ..طلعوآ مجموعه من الدكآتره والأستشاريين من دآخل الغرفه..فز لهم بسرعه هو وابوه واخوآنه
فهد بخوف باين على وجهه:بشروني ..زوجتي ويش صار عليها
الدكتور:الحمدلله العمليه نجحت ... وأعتقد هذ ثآنيه عمليه تسويهآ
فهد :ايوه قبل سوت عمليه بألمآنيا
الدكتور:أضطرينآ نستأصل الرحم بالكآمل ..وهذا الجزء الأول من العلاج والجزء الثاني ان شاء الله نبدأ فيه بعد مآتتعافى زوجتك
فهد: عني هي بخير الحين
الأستشاري: يآ استآذ زوجتك تأخرت بالعلاج وهذآ أثر سلباً على صحتهآ وأدى الى ولادة مبكره وحالتهآ متطوره جدآ ..مانقدر نقول ألا الله يكتب لها الخير وان شاء الله تسترجع صحتها وعافيتها
أبو ريآض: الله يسمع منك
هزآع: والحين ؟
الدكتور: بنخليها تحت الملاحظة كم يوم ألين يستقر وضعها بعد هذي العمليه ..والله يكتب اللي فيه الخير
هزآع يحاول سند فهد: خلنا نروح البيت جلستنا مامنها فايده
فهد بأصرار قاطع: لآ...اخاف تحتآجني وأنا ماني جنبها
ابورياض: يافهد اسمع الكلام ولآ تعآند
فهد: قلت لآ بجلس هنا يعني بجلس
هزاع يحآول يقنعه لكن فهد مصَّر على رائيه
بالمدينه
الكل منهآر ويبكي من الخبر اللي وصلهم ... حآولت رغد تصحي ريم اللي أغمى عليها بعد الصدمه
ريم بتعب:ويــن شووق؟!
ابو مها كان جالس جنبها وتجآعيد الحزن مقطبه بجبينه: الله معهآ يابنتي الله معهآ
رغد تمسح دموعها: ريمآ خليك قويه أكثر ..هذآ اللي ربي كآتبه لهآ
هنادي قآمت دخلت غرفتها رمت نفسها على السرير غمضت عيونها الحارقه مثل الجمر من كثرت بكآئهآ وذرفهآ للدموع ...صوتها أصبح مبحوح بسبب شهقاتها المتلاحقه ...ازعجتها نغمة جوالها ..سحبته بدون ماتشوف الرقم ...
هنادي ببحه:الــو
باسل: صباح الخير
هنادي بنفس النبره ودموعها مازالت مستمره في النزول:صباح النور
باسل خاف من نبرتها:ويش فيك حبيبتي ..ليش صوتك كذآ؟
هنادي بدت مره أخرى بنوبة النوآح ..حاول يهديها ويخلها تتكلم ..لكن ماكانت تستجيب له
بآسل:صلي على النبي
هنادي بصوت متقطع: اللهم صلي وسلم على نبينا محمد
باسل: خذي نفس طويل وقوليلي ويش صاير؟
هنادي: شوووق
باسل زآد خوفه:ويـش فيهآ ؟!
هنادي تبكي:انت ماتدري عن فهد واللي صاير معهم
باسل:لا والله ما ادري ..خوفتيني قولي ويش في؟
حكت له كل الكلام اللي قاله لها فهد الصباح
باسل بصدمه:مآني مصدق اللي قلتيه
هنادي تبكي:باسل الله يخلك كلم فهد وشوف ايش صار معهم ..خلنا نروح الرياض بموت من خوفي على شوق
باسل: طيب طيب ..بقفل الحين منك واتصل على فهد افهم كل شي منه ..وارجع اتصل عليكِ..مع السلامه
رمت جوالها جنبها بتعب والصدآع سآكنهآ ..فتحت درجها تدور على مسكن يخفف عليها الألم تذكرت شوق اللي كانت تعاني بصمت ...كرهت نفسها ورجعت لدوآمه بكآئهآ اللآمنقطع ..دخلت سمر اللي كانت اسوء منهآ حال وجلست جنب هنادي
مدت يدها وحضنت كفوفها:أدعي لها
سمر تبكي بحده: أكيد هذآ تفسير حلمي
هنادي تمسح دموعها وتعدلت بجلستها: استغفري ربك قومي صلي ركعتين وأدعيلهآ
سمر رمت نفسها بحضن هنادي:خآيفه افقدها زي مافقدت امي
هنادي شدتها أكثر لحضنهآ:لاتقولين كذآ لو كآنت شوق بيننا بتزعل على كلامك
سمر:بروح اقول لأبوي يودينا الرياض اكيد محتاجتنا
وقفت هنادي معهآ ورجعوآ للصاله لكن مآ لقوآ أبو مها متواجد
سمر :ابوي وينه
رغد نزلت كأس المويه من يدهآ:راح المطار
هنادي شهقت: ليييييييه ؟!
رغد:بيدور رحله اتصلنا على الخطوط والخط مشغول ماقدر ينتظر اكثر
سمر :بيأخذنآ معه ؟
رغد تهز كتوفهآ:مدري بس شكله لآ ..قال كل وحده تشوف دراستهآ احسن وهو بيسافر
سمر صارت تبكي:انا بروح لشوق ..مستحيل اتركها لحالها
:::
:::
..:أيـــش ؟!
..:هذآ اللي صار ياطويل العمر ..وفهد اليوم ترك كل أشغاله وجالس عند زوجته بالمستشفى
..:طيب حصل تغيير بالخطه ..ارجع لي عشان أفهمك ويش تسوي هذي الفرصه المفروض مانضيعهآ ابدآ
..:حآضر ..ساعه وأكون عندك
..:خل اللي معك يرآقبونه ومايغيب عن عيونهم
..:ابشر طال عمرك
بـعـد عِلم الجميع عن مرض شوق ..وولادتهآ التي جآئت مفاجئه للجميع
أي الشخصيات التي سيُكشف الستار عنهآ ؟!
رضآ ابو رياض عن فهد هل هو ندم ام اعتبار له لرد جميله ؟!
من الأغراب الذين محورهم الأساسي الوقوع بفهد ؟!..وأي سر يختفي خلفهم؟
بعد الموقف الصعب الذي دآر بين هنآدي وببآسل ..هل سيتم الزوآج أو يسلكون منحى أخر ؟!
والآهم ماهو سبب تفاعل هنآدي مع روآن ودفاعهآ عنها ...وأي غايه تريد ان تحققها؟
اكليل الجور لكم
شطوئـهـ ~!
تجميعي خلود الحب ^_^
البارت التاسع والاربعون
ابيك تحس بغيابي
..... عشان تشوف بعيونك
تعرف اني دوا لجرحك
.... وعلى همك انا عونك
تشوف المر في كاسي
.. ياقاااااسي ..
لاجل عينك تجرعته
ترا من طيب انا ساسي تحملتك
................... تحملتك
رمت جوالها وملايين الأفكار أزدحمت ببالها ...تجمد كل مافيها عدآ نبضات قلبها التي ازدآد خفقانها ذرفت دمعتها بصمت مؤلم واتبعها سيل من الدموع الحارقه التي تجآوبت معهآ جميع خلاياها وأنغمست بدوآمتهآ الباكيه ...مر عليها الوقت بدون ماتحس فيه وهي تعبر عن حزنها بالبكاء
صحى من النوم وانتبه لعدم وجودها بمكانها ..وقف وطلع لبرى الغرفه شآفها جالسه ومخبيه ومنزله راسها ومغطيته بكفوفها وصوت شهقاتها وآصله له بسبب قصر المسافه بينهم
يوسف قرب منها وبنبرة خوف ممزوجه بلهفه:شــهــد
رفعت راسها بسرعه والدموع متناثره على خدودها المحمره من شدة البكاء تعلقت عيونها بيوسف وكأنه حبل النجاه ..بصوت مبحوح:يــوســف لآتخليني
جلس جنبها ولف يديه على كتفها وقربها منه: بسم الله عليك ..من الصباح تبكين ؟
حطت راسها بحضنه وتمسكت فيه بقوه:شووق ..شوق بتموت
ارتعب من كلمتها وأنتفض كأن كهرباء سرت بجسمه:خير ويش فيها شوق
شهد : ولدت
يوسف بعدها عن حضنه وابتسم لها:ماشاء الله ولدت ..المفروض تفرحين وتباركين لها مو تسوين مناحه
شهد شهقت: أنت ماتعرف شي .."وقفت "قوم وديني بيت أهلي بروح عند أخوآتي
يوسف يطالع الساعه:الحين ؟!
شهد تبكي:رغد كلمتني كلهم منهارات قوم يالله
يوسف ماهو فاهم شي وقف :طيب بوديك بس فهميني السالفه
شهد تسحبه من يده: اقولك بالطريق
دخلت الغرفه وجهزت شنطة مشاري ولبست بسرعه ومشوآ لبيت أبو مهآ
بالرياض
من أول ماسمعت كلام أبوهآ ورياض دخلت غرفتهآ وأنعزلت عن الكل ساعات تبكي وساعات تدعي وساعات تحاول ان تهرب من هذآ الوآقع للاحلآم
دخلت عليها ليان:ندو حياتي مايصير اللي تسوينه قومي توضي وصلي وادعي لها
ندى تطالع ببنت ليان:مآني متخيله اللي صار ..قلبي يتقطع على فهد ماشاف يوم حلو بحياته كل ايام شقاء وتعب
ليان تواسيها: هذآ المكتوب له وان شاء الله ربي يقوم شوق بالسلامه ونرتاح كلنا
ندى:ان شاء الله "بعد صمت طويل"يالله ياليان لو عاش راكان يتيم فهد بيتعذب طول عمره
ليان بحده: استغفر الله ..لاتتفاولين على خالي حرام عليك
ندى: اللي فهمت من كلام ابوي ان حالتها صعبه لآنهآ من زمآن مريضه ومحد يدري
ليان ضيقت عيونها بحزن:من جد صبوره هالأدميه
ندى نزلت دموعها:صورتها وهي طايحه على الأرض مآتفارق خيالي
ليان وقفت: قومي نروح عند جدتي وامي كل وحده ساكته ومتضايقه خلينا نحاول نغير الجو
ندى:مانقدر والله مانقدر
ليان طلعت جوالها:أجل اتصل على فيصل يجي ياخذني احسن
ندى بصوت ساخر:ايه روحي لزوجك المنبطح لا شغله ولا مشغله معتمد على فلوس أبوكِ
ليان تضايق:ندى لاتقلبين علي المواجع كافي اللي فيني
ندى لفت على يمينها:انتي اللي جبتي لنفسك العنا
ليان أخذت منها وطلعت من غرفة ندى
في بيت ابو مها
فتحت الباب لشهد اللي حضنتها بقوه وأشتركوا البكاء بينهم
ريم بتعب:خلاص ياشهد انتي ورغد كافي اللي فينا
شهد نزلت طرحتها وحطت ولدها بحضن سمر:هذي شوق مو أي أحد
دخل أبو مهآ وبنبرة أستعجال: بسرعه جهزوآ لي شنطة ملابس يالله
رغد: بتسافر يبه ؟
ابو مها: أيه رحلتي بعد ساعتين يادوب ألحق يالله حطوآ لي اللي يكفيني أسبوع
هنادي شهقت: وبتخلينا هنا لحالنا ..تكفى يبه خذنا معك نبي نشوف شوق
سمر رجعت تبكي:ايه يبه تكفى خذنا ابي اتطمن على شوق
ابو مها: أذا تعافت برجع أوديكم تشوفونها بس بالأول انا اروح ..أنتم مابي منكم ألا أنكم تدعون ربي يقومها لنا ولولدها بالسلامه
شهد: يبه اتصل علينا طمنا اول ماتوصل
ابو مها ابتسم: ان شاء الله ..يبه رغد جهزي الشنطة
رغد تمسح دموعها: طيب ربع ساعه وتكون جاهزه
لفوآ على هنادي اللي ارتفعت نغمة جوالها بصوت عالي ..قامت من عندهم ودخلت الغرفه وقفلت على نفسها
هنادي: هلا باسل
باسل: بشريني كيف صرتي الحين
هنادي: ماني بخير وشوق تعبانه وما ادري عنها
باسل: تسافرين معي للرياض
هنادي انصدمت: أيش قلت ...انجنيت أنت ؟
باسل: لا ما انجنيت ..تراني اكلمك بجديه بتسافرين معي ؟
هنادي ردت عليه بحده: أكيد لا ..ابوي ماراح يرضى ..بعدين ويش بقول لأخواتي
باسل بخبث: عندي حل يرضي جميع الأطراف وأكيد ابوكِ بيوافق ..منها نرتاح ونكون مع بعض بصورة رسميه قدآم الكل ومنها تروحين معي تتطمنين على اختك
هنادي عصبت منه وأنفجرت باكيه من كثرت الظغوط اللي عليها:طول عمرك حقير وسآفل انا وين وانت تفكيرك وين ...بجد أنك عديم احساس
باسل بصوت حاد: أنا ماقلت هذا الكلآم الا عشانك ..ابي راحتك بأي ثمن ..بس انتي مستحيل تفهمين علي "سكر الجوال بوجهها وهو بقمة عصبيته منها "
رمت نفسها على سريرها خبت وجهها بوسادتها وعيناها تذرف الدموع الحارق ..حياتها اصبحت لا تطاق وقدرتها على الصبر بدأت تتلاشي ببطئ قاتل .. كل شي حولها يدعوها على الأختناق أبسط احلامها ذهبت أدراج الرياح ..اصبحت كالهشيم تذروه الرياح بأي صوب وأتجآه ..الجميع يتلاعب بها ..حتى الانسان الذي أرآد الأرتباط بها يصعب عليها التعايش معه كون أنه مجبرها على أختيارات كانت ترفضتها وتمقتها
أستفاقت من دوامة افكارها المتألمه على صوت سحر.. دقت الباب مره ومرتين لكن استغربت عدم وجود أي رد منها
سحر: هنادي ..افتحي الباب
هنادي تغطي نفسها وكأنهآ تهرب من واقعها: خليني لحالي
سحر:لا ماراح اخليك افتحي الباب وتعالي عندنا
هنادي صرخت بقوه: قلت خليني بحالي مابي أشوف احد فيكم ..مـــآبي
استغربت ردة فعلها العنيفه رجعت للصاله ولقت خواتها كلهم مجتمعين والصمت هو اللغه السائدة بينهم
شهد كانت ترضع مشاري وبالها بعيد عن حاضرها اللي تتنفس جزيئات اوكسجيناته
ريم وقفت:بروح اسوي لكم أكل
شهد بصوت مبحوح: انا مالي نفس
سمر: ولا انا
رغد اخذت نفس طويل: وانا بعد
سحر احتد صوتها: مايصير اللي تسوونه هذا اعتراض على حكم الله ..لو شوق كانت موجود هزئتكم على اللي تسوونه
سمر:سحر ترى ماني ناقصتك اللي فينا كافينا
سحر:بروح اكلم جلالي يجيب لنا اكل وبتأكلون غصب عنكم ..ابوي وسافر وشوق تحت رحمة الله هو أرئف وأحن عليها منًّا كلنا
شهد أقتنعت بكلام سحر: خلاص روحي كلمي جلالي
رغد وقفت: بروح ارتاح رآسي بينفجر من الصدآع "قبل تتحرك خطوة " وين المسكن بأخذ حبه وانام
شهد بأعتراض: مايصير تأخذينه وانتي ما أكلتي شي
رغد: لا يصير ..راحت للغرفه بدون ماتسمع كلام شهد
ريم بتأفف: بنتعب مع رغد وهنادي ..هم من أول نفسيتهم تعبانه والحين زآدت الطين بله
سمر حطت راسها على كتف شهد حتى تحس ببعض الأمان اللي فاقدته: مآني متخيله حياتي بدون شوق
شهد ضمتها: لآتقولين هآلكلام ..انتي بكل صلآة أدعي لها
سمر غمضت عيونها :عماتي لسى مآعرفوآ بالخبر ..وانا ماني قادره أتصل عليهم واقولهم عن اللي صار
سحر:العصر بكلم عمتي ام هديل وأقولها
بعد صلاة المغرب
وقف عند الحضآنه المتوآجد فيهآ فلذة كبده الذي يقطن زجآجه تكآد تكبُره ببعض السانتيمترات ...عينآه يصعب عليها ان تفارق تفاصيله الصغيره التي لم يتضح منها شي ..أحمرار بشرته ,صغر أنفه وأعضائه تشعره بأحساس غريب لأول مره يجتآحه ..مرر يده على الزجاجه الدافئه ببطئ ...ردد بينه وبين نفسه
( اللهم أحفظه لي من كل سوء وبلغني به وأجعله بار لي وبوآلدته )
كآن يفتقد هذا الشعور من سنوآت وسنوآت وأيقن بأن الأبنآء هم زينه الحياه الدنيا ...قطعه من قلب متمثله أمامه قد يُكتب لها الحياه أو تذهب الى خالقهآ بسلآم ...دعى ربه ألاف المرات ان يَّتم عليه نعمته ولآيحرمه منها ...كآن أبوه وآقف ورآه يتأمل من بعيد له قرآبة النصف ساعه لم يتحرك خطوة من مكانه
ابو رياض:خلص وقت الزياره خلنا نروح البيت
فهد يطالع ساعته مر الوقت بسرعه بدون مآيحس:انا بروح أكلم الدكتور اتطمن على شوق
ابو رياض: ياولدي هلكت الدكتور بأسئلتك ..زوجتك تحت رحمة رب العالمين ..خلنا نرجع تأكل لك شي يسند من البارح مادخل بطنك شي
فهد :ومن له نفس يأكل
ابو رياض بقلة حيله:لاحول ولاقوة الله الا بالله ..الله يصبرك ياولدي ويكتب اللي فيه الخير
فهد:راح رياض وهزآع يستقبلون ابو مها
ابوه: ايه وهم رايحين للبيت معه ..خلنا نسبقهم
فهد تنهد :طيب يالله مشينا
بعد ما ركبوآ السياره اتصل عليه باسل
فهد: هلا باسل
باسل: كيفك اليوم
فهد: ماشي حالي
بآسل: وزوجتك ..كيف حالها ؟
فهد بصوت حزين :على حالها ماتغير شي
بآسل:ان شاء الله الفجر اكون عندك بالرياض
فهد: لاتتعب نفسك خلك بشغلك اذا احتجتك كلمتك
باسل بأصرار:لا تحاول انت محتاجني أكثر من أول بجي يعني بجي أن شاء الله
فهد ابتسم على كلام شقيقه: طيب استناك الفجر
باسل: يالله اشوفك على خير ..مع السلامه
فهد:مع السلامه
لف عليه ابوه:اليوم تنام عندنا مافي روحه لمزرعتك
فهد بأعتراض:لا يبه أنا مآ أرتاح الا ببيتي وبأخذ معي عمي ابو مها وباسل بيجي
ابو رياض: البيت يكفيكم كلكم وقسم الضيوف كله تحت أمركم
فهد أبتسم: مآتقصر يبه ..بس خلني على راحتي صعب أجبر عمي على بيت ماهو بيتي
ابو رياض بأستسلام: اللي تشوف
صباح اليوم التالي
صحت على صوت جوالها المزعج ...كل أعضاء جسمها توجعها من طريقة نومها المتمايله فتحت عيونها ببطئ وتفاجئت وجودها بغرفة مها وشوق بعد ليلة طويله صدآهآ لم يغادر احساسها المتألم
هنادي( ويش جابني هنا ..وكيف نمت بدون مآ أحس بنفسي) تذكرت جوالها اللي مازال يدق ..ردت بتكاسل :الووو
روان بخوف: هنآدي ..وينك كسرت جوالك ماتردي علي ؟
هنادي بتعب:سوري رونا ما حسيت بالجوال كنت نايمه
روان ما أرتاحت لنبرة صوتها المبحوحه:حبيبتي ايش فيه صوتك؟
مرت ذكريات الليله الماضيه بسرعة البرق امام ناظرها ..منظر اخواتها وهم يبكون ..خوف ابوها اللي يخفيه بستار الصبر : أختي تعبانه
روان : خير ايش فيها؟ ..
هنادي بدت تبكي بصوت حاد: مريضه بتموت وهي بعيده عنا
روان: اكيد تكذبي علي
هنادي بدت تحكي لها اللي صار مع شوق وبين كل كلمه وكلمه تحارب شهقاتها المتسلسه
بغرفة ثانيه من البيت
حضنت مشاري لحضنها اكثر وهي ترضعه بحنيه وعينها على رغد اللي نايمه بهدوء
شهد( ياربي ايش اللي بيصير بولد شوق ...اكيد ماراح يهتموآ فيه بالحضانه زي أهتمام امه فيه "تذكرت هدوء شوق وتهربها من موضوع الحمل"الحين فهمت كل شي هذا السبب اللي يخليها تغيير الموضوع لما نفتحه معها ..الله يهديك ياشوق ويقومك لنا بألف سلآمه )
ابتسمت لميشو اللي يلعب بشعرها ويطلع اصوات عاليه: اووش لانزعج خالتو
رغد بصوت ناعس: أزعجتوني وصحيت
شهد ابتسمت لها:صباح الخير
رغد جلست وهي تمسح وجهها الناعس: اليوم ماراح أدآوم مالي خلق
شهد:لا يارغد روحي لاتخلي اللي صار يأثر على دراستك
رغد ردت بدون نفس:والله مافيني أروح ماني قادره أفكر واعرف نفسي مستحيل استوعب شي ..بزياده ان دكتور وليد ماراح يتركني بحالي
شهد بتضجر:هذا لسى ورآكِ مآيمل
رغد: هو ماهو وراي بس يقهرني يحب يستفزني بأي شي
شهد رفعت حاجبه:يستفزك وألا يعجبك ومآتبين تبيني شي
رغد اقترنت حواجبها بطريقه عصبيه:خيييير ..أيش قلتي ؟!..بجد أنتي وحده رايقه وفايقه أنا وين وهالكلام وين ..اساسا بعد عبدالله بـ.."أنقطع كلامها وتعلقت عيونها بشهد اللي اعطتها نظره حاده"
شهد تعدل بجامتها بعد ماخلصت من رضاعة مشاري:لسى تفكرين فيه؟..يعني مانسيته
رغد عصبت: نسيته ونسيت كل شي كان بيننا اصلا مايستاهل افكر فيه هو اللي تركني بسهوله ومصيره بيندم هذآ أذا ماشبع ندم للحين ..اذا جات علي لاهمني هو ولا عشرة من اشكاله قلبي ماعاد يطيق سيرته
شهد خافت من ردة فعلها العصبيه:طيب روقي انا ماقلت شي
رغد ردت بحده: الا قلتي وفاهمه قصدك زين ..يعني انا معجبه بذاك الدكتور الحقير صح؟
سكتت شهد ماقدرت ترد عليها
رغد:اكيد هذا اللي جاء ببالك ..بس افهمي اني ما اهتميت فيه مثله مثل غيره العيال كلهم واحد
شهد وقفت بتتهرب من رغد اللي عصبت وتغيرت ملامحها : بروح أجهز فطور تبين اسويلك شي معين
رغد صرخت عليها: لآآآآ
طلعت من عندها بسرعه ...توضت وصلت واتجهت الى المطبخ تجهز فطور لخواتها قبل يروحون لدواماتهم
كيفك انت !
صآحي مثلي ولا نمت !
الوله سهر جفوني
وجيت آشكي لك عليك !
ماقدرت اغفى بدونك
وجيت بسهر ، ماقدرت
قلي انت ، كيف وضعك ؟
سهرت اطيآفي بجفونك !
هو صحيح انك بدوني
طآوعك قلبك ونمت..؟!
أرهقه التفكير والهم ..طول الليل سهران لحاله يتأمل مكآنهآ الخالي وبحلقه ألف غصه ..بعد ما صلى الفجر دعى ربه ونزل لغرفة الأكل يقرأ الجرايد وينتظر أبو مها يصحى ..بعد مرور ساعه دخل بآسل اللي توه وصل
بآسل: صباح الخير يابو راكآن
لف للخلف وأبتسم:صباح النور
باسل قرب منه وسلم عليه وباس راسه: الف مبروك يتربى بعزكم
فهد من كل قلبه:أمين
باسل سحب كرسي وجلس:وعقبال ماتقوم أمه بالسلامه
فهد: الله يسمع منك
باسل: بشرني كيفك اليوم
فهد : زي ماتشوف ماشي الحال
باسل حز بخاطرة حزن فهد:ماعرفناك ضعيف كذا يابو راكان
فهد: الصخر وهو صخر تجيه لحظة ضعف فما بالك بأنسان مثلي
باسل :أصبري ياخوي أزمه وتعدي بأذن الله
فهد يطالع الساعه: تأخروآ بالفطور لآزم أحلق المستشفى بدري
باسل حط يده على كتف فهد: وأنا بروح معاك
فهد بأعتراض:لآ أنت افطر وروح نام توك جآي من سفر وتعبان
باسل جلس بطريقه تضحك وكتف يديه:الحين سفر بالطياره تسميه سفر ..ياعم روح
فهد ضحك: أجل بكيفك أنا أطول بالمستشفى
باسل عقد حواجبه: وشغلك ؟..ويش بيصير فيه ؟
فهد ابتسم:دآمك جيت يالله ورني شطارتك
باسل :يومين مو أكثر أوكِ
دخل ابو مهآ: أصبحنا واصبح الملك لله ... صباح الخير
فهد: صباح النور ..حياك عمي تفضل
وقف بآسل وقرب من أبو مها بهدوء وثقه كآنت قناع أرتدآه للحظات حتى يخفي أرتباكه وخوفه منه
باسل: صبحك الله بالخير عمي
ابو مها بصوت متهدج: صباح النور
سلم عليه وقبل رآسه ويده: تقبل الله
ابو مها : منا ومنك صالح الأعمال "جلس على كرسي ووجه كلامه لفهد" متى بنروح المستشفى
فهد: بس نفطر بعدها نتوكل على الله
ابو مها:إن شاء الله .. أيه ياولدي نسيت أبارك لك بولدك أمس ماني دآري ويش اسوي ...الله يبلغكم فيه
فهد ابتسم: تعيش وتربيه ياعمي
أبو مها نزل راسه: آآمين
بالمدينه
أجتمعوآ على سفرة فطورهم ...ست بنآت كل وحده تبحر بعالم بعيد عن تفكير وعالم الأخرى
كانت تتأملهم الكل شارد ..والأكل ما نقص منه شي
ريم بتضجر: ويش فيكم ما تفطرون
هنادي وقفت : بالعافيه عليكم
ريم شهقت: بعدك مآ أكلتي شي .تكفين هنادي لا تطفشيني اجلسي افطري
هنادي اللي كان وجهها متورم ومحمر:الحمدلله شبعت
سحر : يعني مايصير أروح للجامعه ألا وأنا متضايقه ..تكفين هنو اجلسي افطري
هنادي :قلت شبعت خلوني على راحتي
شهد :خلاص خلوها على راحتها اذا جاعت المطبخ موجود ..و هي ماراح تداوم اليوم
رغد: مين بيداوم
سحر :شكله بس انا
ريم: ايه اكيد بس انتي سمر من البارح تقول بتغيب
سمر : مين له نفس يداوم ..الحمدلله ان اليوم الأربعاء
رغد: يالله سحر لا تتاخرين
سمر : دقوا على ابوي أسئلوه راح لشوق وإلا لا
شهد: هبله انتي موعد الزياره لسى ما جاء .. بعدين الظهر نتصل عليه يكون عنده على الاقل خبر لو بسيط
بالغرفه
ترددت تتصل على باسل او ماتتصل ..خايفه تتصل عليه ويعصب عليها وتنهي المكالمه بعد حرب أعصاب وقيل وقال ... انهت أفكارها بأتصالها على روان
هنادي: شنو تسوين
روان: أتجهز للكليه
هنادي ترمي نفسها على مخدتها:آآآآآآآآآآه
روآن: سلآمتك من الآلآلآه
هنادي: أحس اني مخنوقه وتعبانه ..كل شي في البيت يخنقني
روآن: ياحياتي عليك...اليوم دوآمي لين 10 ..على طول حجيك
هنادي: أوك انتظرك لآتتأخرين علي
روآن: قلبي معاك ياحياتي
هنادي ابتسمت على كلامها: فديتك ..يالله اخليك تتجهزين ..باي
روآن: باي
بالرياض
دخلوا المستشفى
ابو مها: متى يطلعونها من العنايه ؟
فهد: بعد ماتصحى من تخدير العمليه ..لأنه كان تخدير كامل
ابو مها: لا حول ولاقوة ألا بالله
باسل:أجل انا بروح أشوف ركون ..بس دلني على مكان الحضانه بالاول
فهد: الدور الخامس وعليك تدور
باسل بذوق: أستئذن
فهد& أبو مها : تفضل
بعد ربع ساعه وصل باسل للحضانه وطلب انه يشوف رآكان ...وقف قباله وكآن بينهبل على صغر حجمه وملامح المختفيه ورى احمراره
باسل( يالله من زمان ماشفت طفل صغير ...اكثر من 15 سنه ياحليله يهبل الله يحفظه )
كان يراقب حركاته العشوائيه بأنسجام ولوقت طويل..على طول طلع جواله وصار يصوره عشرات الصور ..اختار احلى لقطه أخذها ..وادرجها برسالة وسآئط وأرسلها
رجع لقسم العنايه المركزه وجلس في الأنتظار يستنى خروج ابو مها وفهد
دآخل العنايه ...وبعد مرحلز التعقيم لهم ..دخلو عندهآ وكانت غامرتهم الفرحه بعد الخبر اللي وصلهم من الدكتور المشرف على حاله شوق بأستيقاظها قبل صلاة الفجر من التخدير ونجاح عمليتها ... فتحوا الباب الزجاجي وخطواتهم تقرب المسافه بينهم وبينها ...كانت نايمه بعمق لتهرب من الالم الذي لا يخف الا بعد المسكنات
صُدم من شكلها والمنظر الذي يراه ... مصفره وشاحبه تكاد تخلو من معالم الحياه ..هي أشباه لأنثى كان يعرفها
همس بأذنها بنبره باكيه : شـــــوووق
لم يصله أي تجاوب او رد منها ..لمس كفها البارده وزاد قبضته عليها بخفه: شوووق
فتحت عيونها ونظرات التعب تحويها ماقدرت تميزهم وصارت تهذي بأسم أمه وأبوها
ابو مها ماقدر يتحمل شكلها المُبكي :ردي علي يابنتي
ضغطت على يد عمها بأقصى قوه تملكها ونزلت دمعه من عينها وبصوت متقطع: عــمــي
فهد بلهفه: نآدتك ياعم
ابو مها بفرح:ياعيون عمك ..أمريني
شوق بهمس:أبي مويه ..عطشانه
فهد : الحين اروح أجيب لك مويه ...تكفى عمي انتبه لها بروح أنادي الدكتور وأجي
ابو مها : لاتوصيني على روحي
طلع من العنايه وشآف باسل جالس على الكراسي يلعب بعكازه
باسل: بشر كيف صارت زوجتك
فهد بفرحه: الحمدلله صحت ..صارت تتكلم بروح أكلم الدكتور
باسل ابتسم على شكل اخوه الفرحان:اوكِ أنا استناكم هنا
أخذت جوالها بكسل لما سمعت نغمة الرسائل المعتاده ..وفتحت الرساله عقدت حواجبها بأستنكار ..تجمدت مكانها من الصوره اللي تشوفها
هنادي بأستغراب: أيش هذآ ؟..ناقصني يرسل وسائط ماهي واضحه
على طول اتصلت عليه وجاها رده ببرود:نــعـم
هنادي بحده: ويش اللي مرسله لي شكلك كنت نايم وانت ترسل
باسل رفع حاجبه بسخريه: ماتوقعت انك بطيئة استيعاب وحوله
هنادي شهقت: حوله ؟..مالت عليك
باسل ضحك: ماعرفتي اللي بالصوره
هنادي بنفس نبرته الساخره: لو عرفت ما اتصلت عليك ..يالله ماني فاضيه قولي ويش اللي مرسله
باسل يفكر:طيب ويش تعطيني اذا قلت لك
هنادي:يؤؤؤ لهدرجه غاليه عليك الصوره
باسل : وعليك بعد ..بس بالأول قوليلي ويش تعطيني جزاء اني فكرت فيك ومانسيتك
هنادي بتأفف: يؤؤؤؤؤ ..بحياتي ماشفت بكاش مثلك
باسل بتحطم:وانا بحياتي ماشفت وحده جافه وبارده مثلك
هنادي بدت تعصب من كلامه: بتقول والا اقفل الخط
باسل بدون نفسك:بقولك بس ترى ماسويت هالشي الا عشان ترتاحين وتطمنين على أختك
هنادي انجنت من كلامه اللي كان بالنسبه لها مجرد ألغاز × ألغاز:يوووه باسل خلاص اعطيك اللي تبي بس خلصني وربي ماصارت أشحدك تتكلم
باسل: خلاص هونت مابي منك شي .. واللي بالصوره ولد أختك شوق ..رآكآن
جمد كل شي فيها بعد شهقه قويه وبنبرة مصدومه: رآكـــآن ؟
باسل: لاتقولين انك ماتدرين بعد عن اسمه
هنادي شوي وتبكي: والله مادرينا
باسل ببرود: الحين دريتي مافرقت ... يالله مع السلامه
هنادي :لحــظـه لاتقفل
باسل بجفاف:ويش تبين ؟..عندك شي ماقلتيه
هنادي: بسئلك عن شوق ..كيف حالها الحين ..ابوي مادق علينا
باسل: الحمدلله بخير ..صحت من التخدير وتتكلم ..قبل شوي طلع فهد وقال لي
هنادي بدت تبكي وبصوت مترجي: تكفى باسل الله يخليك ..طمني عنها والله لو بيدي ما افارقها
باسل حن عليها من صوتها الباكي وترجيها له: خلاص ابشري بتصل عليك اذا أستجد أي شي
هنادي بدون ماتحس بنفسها: الله لايحرمني من طيبتك .." قفلت الخط على طول ورمت جوالها جنبها"
أما هو .. كلمتها كان لها وقع كبير على نفسه وأحساسه .. حس بقلبه يتجاوب معها وأطرافه ..زادت قبضته على عصاه وغمض عيونه بقوه محاول تجاهل أي مشاعر تراوده هذي اللحظة
{بــاســل}
آآآآه منك ياهنادي ..قلبتي حياتي من أول يوم شفتك فيه ...من عرفتك والشقاء مايفارقني ..ليه ماتحسين فيني تعامليني كأني أبغض أعدآئك ...مدري ويش أسوي عشان تحبيني وتعرفين اللي بقلبي وتعذريني على كل اللي سويته فيك ...آآآه منهآ هي سبب شقاء دنيتي
عند شوق
بعد الفحوصات الحيويه لها ..بدت تستوعب وتعرف اللي حولها
شوق بتعب:فهد ..وين ولدي؟!
فهد ابتسم لها: موجود حبيبتي ..المهم الحين انتي
شوق نزلت دموعها:أبي اشوفه ..تكفون جيبوه لي
الدكتور:الحين انتي ماتقدرين تتحركين من العمليه بكره إن شاء الله تكونين احسن ونجيبه لك
شوق صارت تبكي:لا ابيه ألحين ابي اضمه لصدري ..محد حس باللي مريت فيه
ابو مها يحاول يقنعها: يابنتي الدكتور ادرى منك اسمعي كلامه وبكره زي اليوم
شوق احتد صوت بكاها: أبي ولدي ..جيبوه لي
فهد تقطع قلبه على شكلها: تكفى دكتور خلنا نجيبه لايزيد تعبها
الدكتور: مانقدر يا أستاذ فهد
شوق أنهارت:أطلع برى مابي أشوفك ..أطــلــع برررآ
ابو مها مسك يدها:يبه اهدي ..مايصير اللي تسوينه
شوق تصرخه: طلعوه ..مابي أشوفه
طلع الدكتور بسرعه وطلب من فهد انه يهديها ويجاريها بالكلام حتى لا تنتكس حالتها ..لكن امومتها أقوى منهم كانت تبكي تبي تشوف ولدها وهم يهدونها ضلت على هذا الحال ساعه ونص ..بالاخير جات النيرس وأعطتها مهدئ ...غطت بعد بنوم عميق
ابو مها مسح على شعرها المتشعثر بكل ناحيه والمتداخل ببعضه ويرقيها ببعض الأيات القرأنيه والأدعيه ..تنقلت نظراته عليها تألم على شكل فهد اللي ماسك يدها وسرحان بملامحها الباهته والحزن والخوف تنبعث من نظراته
ابو مها: يالله ياولدي ماله داعي نبقى اكثر خلها تنام نرجع لها بالزياره الثانيه
فهد أخذ نفس عميق كل شي حوله يخنقه :خلنا نطلع
:::
:::
:::
بعد يومين
في بيت أبو مها ... الكل متضايق على شوق وعماتهم اجتمعوا عندهم
هديل بحزن: ياحياتي على شوق ..وربي ماني مصدقه اللي صار احسه حلم
ريم: هذا اللي ربي كاتبه لها
مها : كلمت ابوي قبل شوي يقول الحمدلله صارت احسن من اول
شهد : تكفون غيروا السالفه وربي اكتئبت كم يوم واحنا نبكي احس قلبي بينفجر
ام خلود: اقول ريم متى بترجعين لبيتك ؟
ريم: بالليل إن شاء الله .. سيف من الو بيجي يأخذني بس بسب اللي صار خلاني عند اخواتي
ام هديل: عسى الحمل ماهو متعبك ؟
ريم ابتسمت:لا الحمدلله
ام خلود بتحذير: انتبهي لنفسك لايصير فيك زي اللي صار بشوق لاتهملي مراجعاتك
ريم خافت: أيه أكيد
رغد تفكر: مو معفوله شوق جاها المرض فجأه ..انا متأكده وراها سالفه
مها بتردد: كــانت .."سكتت ماتبي تفتح على نفسها باب من الأسئله والأستفسارات"
كلهم بصوت وآحد: كــمــلي
مها بتهرب: خلاص أنسوا الي قلته
ام هديل: والله ازعل عليك اذا ماتكلمتي
شهد بخوف: اجل رغد معها حق ..كان في سالفه واحنا ماندري
مها :هي كانت من اول مريضه وانا كشفتها بالصدفه ..ومره سافروا برى المملكه سوت عمليه بدون محد يدري ..طبعا بعد ماضغطت عليها اعترفت لي ..كنت انصحها بس هي عنيده تعرفونها ..من زمان مقررين عليها أستصال بس هي رافضه واكتفت بالادويه حتى فهد حاول معها بس ماقدر عليها
رغد شهقت: كل هذا صار واحنا ماندري
ام خلود بصدمه:لآحول ولاقوة الا بالله
مها:راحت أكثر من دكتور بالمدينه والرياض وكلهم اتفقوا على العمليه
شهد نزلت دموعها: ياحياتي عليها كانت تعاني بس ساكته ماتبي نعرف
مها تبرر لهم:تقول ماتبيك تخافون عليها خصوصا انها بعيده عنا
سمر تبكي بحده:ليييه تسوي فينا كذا ...ليييه ؟
سحر ضمت سمر لصدرها وهي تحاول تكبت دموعها وتمنعها عن الانذارف: خلاص ياروحي اهدي
هديل تمسح دموعها:الله يسامحها على اللي سوته
رغد: الحين فهمت كانت تبي تحمل ..حتى لو فيه خطر على حياتها "صرخت" مجنووونه
دخلت هنادي ورمت عبايتها على الكنبه ..سلمت على عماتها وهديل وخلود
هنادي: اطلع وارجع وانتم على نفس الحال ..بس تبكون ..خلاص كافي بكاء
شهد:ماتوقعتك عديمة احساس
هنادي تكت على الجدار وجلست بميلان: مو انتي اللي تحكمين علي ..بعدين هذا اللي ربي كاتبه علينا ماراح نغير شي ..لازم نرضى باللي صار
رغد وقفت وراحت غرفتها بدون ماتتكلم وباين عليها الأنزعاج..هنادي: هذي ويش فيها بعد؟
ريم: متضايقه ..والله يحق لها
مها وقفت: بروح أجدد القهوه
ام هديل وقفت مع مها:بجي معك ..في موضوع بكلمك فيه
هديل همست لهنادي بصوت واطي:هنادي معك ريحة دخان ..كنتِ مع مين؟
هنادي بأرتباك: بجد؟
هديل:والله..يالله اعترفي كنتِ مع مين
هنادي: مع صديقاتي ..تكفين هدوله لاتلمحين لهذا الشي والله ما افتك من خواتي انتي ادرى فيهم
هديل رفعت حاجبها وميلت فمها باتسامه هاديه:احلفي انه ماهو انتي ولك مني مايطلع هالكلام
هنادي :قسم بالله اني ما ادخن ولا حتى جربته
هديل: من حلف بالله فصدقوه ..وانا بصدقك لأنك حلفتي
هنادي ابتسمت: كثر الله خيرك " وقفت" بروح اغير ملابسي لا أحد يشك مثلك وابتلش
هديل وقفت وراحت معها للغرفه تبي تسحبها بالكلام ..لانها تعرف هنادي كثير وتفهمها على طول ..ومن تصرفاتها حكمت عليها وعرفت أن وراها موآويل ولازم تعرفها
بعد مالبست بجامه مريحه
هديل ييتفحصها: يووه صاير بطه
هنادي وقفت قبال المرايا وصارت تلف: بجد هدوله صايره بطه
هديل تضحك: مره زآد وزنك ..اعطيني السر يمكن يزيد حلاي مثلك
هنادي حمرت خدودها: وه بس بشوف نفسي بعد هذا الأطراء من جنابك
هديل: اقول لاتصدقين نفسك ..المهم اعطيني السر
هنادي: مافي سر ...تزوجي وتنتفخين مثلي
هديل فتحت عيونها: ويش قصدك ؟
هنادي ضحكت: ماقصدي شي ياغبيه ..اللي اقصده لا تتعبين نفسك جسمك كذا حلو ..لاحقه على السمنه من الحين ميته على الكرش والزوايد اللي مالها داعي
هديل بنظره خبيثه: والله فهمت شي ثاني
هنادي حطت اصباعها على راسها: صفي النيه
هديل بشك: والله أحسك ورآك بلوى ..بس يالله الأيام راح تكشفها لنا
هنادي توترت من كلامها: لاحول ولاقوة الا بالله ..والله ماعندي بلوى ولاهم يحزنون
هديل ضمت هنادي فجأه:نسيت اقولك ..مبروك على الخطوبه
هنادي ضحكت:مرره بدري صراحه ..احسن لو ماباركتي
هديل تدفها بدفاشه: تجي متأخره احسن ماتجي مره وحده
هنادي:عقبالك يالدفشه
هديل من قلب: آآآآميييين ..ويكون ولد عز زيك ومطنوخ يبرد كبدي
هنادي ماتت ضحك على طريقة كلامها المشفوحه:خساره لو كان عنده اخ غير فهد زوجتك أياه
هديل تتخصر: عاد لاتنسيني من صالح تشبياتك يعني يمكن تلاقين من نفس الطبقه تذكري بنت عمتك اللي تحبك
هنادي: ههههههههه لو تبين باسل مايغلى عليك
هديل : وع انا اخذ حقك يالله بس ..بس عاد تصدقين انتي وشوق شحطوا مرره عيال عز ودلال
هنادي تكش عليها: اعوذ بالله من عينك ..بسم الله عليهم الله يحفظهم لنا
هديل: بجد ياهنو دنيا حظوظ ..وألا انتي تاخذين بسيل اخو فهيدان
هنادي ابتسمت:ويش ناقصني حبيبتي كامله والكامل الله
هديل :صادقه بس بعد عشرات الكيلوات صايره تخققين
هنادي تلفها بأتجآه الباب: تدلين ذاك الشي ..طسي معه بسنع شعري وأحلقك
هديل تهز كتوفها وعلى وجهها تعبيسه:طول عمرك دفشه ماراح تعرفين النعومه ابد ..الله يعين زوجك بيجاهد في سبيل الله ..بيدخل الجنه بسببك
هنادي تضحك:فيني الخير والله
هديل: مالت عليك ...كدي شوشتك والحقينا
هنادي فطست ضحك:ياهووو ويش ذي الكلمه الجديده
هديل تقلب عيونها: ويش دراك انتي بالمصطلحات ..خليك بعالمك الشبابي
هنادي: من متى نزلت عليك الأنوثه ..والله ماهي لايقه عليك ابد والا ذي الكلمه اثبت لي دفاشتك
هديل مدت لسانها وسكرت الباب وراها
بالرياض
وتحديدا بالمستشفى
بعد يومين من الأنتظآر الحارق لها ..شآفت أبنهآ الذي أنتظرته طويلا
فهد يقرب لها الزجاجه: ويش رايك فيه
شوق بحب:يهبل
ابو مها يضحك:لآتحكمون عليه من ألحين الولد سبيعي لسى مآ أكتمل نموه
شوق: متأكده انه يهبل يكفي رآئيي فيه
فهد ابتسم:شفت ياعمي مايهمها أحد
ابومها: والله زي الفار صغيرون مره
شوق عبست وبصوت محتد: عمييي
فهد وأبو مهآ: ههههههههههههه
شوق ميلت فمها: خلوني لحالي مع ولدي
فهد يرفع حاجبه بخبث: تبين تنفردين فيه لحالك ..منآك يصير هالشي
شوق تطالعه بحنيه:ياحياتي عليه نآيم مو حاس بشي " لفت على فهد " فهد خلهم يطلعونه ابي احضنه
ابو مها: لا ..لسى صغير ماعنده مناعه
شوق بترجي: تكفى فهد الله يخليك روح كلمهم يطلعونه لي ..وربي قلبي بتفطر على ما احطه بحضني
فهد استجاب لكلمات بسهوله:غالي والطلب رخيص ..الحين احاول معهم
ابو مها بحده:ياولد علامك انت ..ماسمعت دكتور الأطفال ويش قالك اضن انك نسيت او تناسيت
شوق ابتسمت:عمي خله على راحته
ابو مها: والله انتي وهو منهبلين
فهد ركز نظراته على شوق اللي عيونها مافارقت راكان:اذا مالبيت طلبات شوق ..ألبي لمين
شوق نزلت راسها بحياء ..أبتسم ابو مها على كلام فهد ..ومشوآ لقسم الأطفال حتى يقابلون الدكتور
بعد نص ساعه رجعوآ لشوق وشآفوها نايمه وهي جالسه وماسكه الزجاجه اللي متواجد فيها رآكآن
ابو مها بحزن:الله لايحرمني شوفتها هي وضناها
فهد من كل قلبه: آمــيــن
ابو مها بحيره:الحين لو سحبناه بتصحى وتعصب وتقلب الليله مناحه
فهد:انا بحاول أسحبه بشويش وبجلس عندهآ الليله
ابو مها:لا وانا عمك روح معي للبيت ونام شوف وجهك كيف صاير من الأرق والتعب ماترتاح ابد
فهد: كيف أرتاح وشوقو وولدي بعيدين عني ..انا مآ يهدى لي بال ألين اشوفهم عندي بالبيت
ابو مها :يالله خلنا نأخذ الولد ونرجعه للحضانه ونروح للبيت
فهد بأستسلام: يالله
بعد ما وصلوا رآكآن للحاضنه وقفوآ عند المصعد ..وتفاجئوا بوصول أبو رياض ورياض
بعد السلام
أبو رياض: كيف صارت زوجتك؟
فهد: الحمدلله أحسن من أول
رياض: والولد ..عسآه طيب
فهد:كلهم بخير ..بس يمكن يطولون هنا
ابو رياض: الله كريم ياولدي ..مالك ألا الصبر
رياض: الظاهر عطلناكم عن مشواركم
ابومها: لا والله كنا بنرجع للبيت بس الصدفه زين اللي خلتنا نشوفكم
أبو رياض: ويش رايكم ترحون معنا للبيت نتعشى مع بعض
فهد: العذر والسموحه منك يبه ..باسل ينتظرنا بالمزرعه
رياض: اتصل عليه خله يجي عندنا
ابو مها:اذا علي ماعندي مانع
فهد ابتسم: أجل الليله عشانا عندك يابورياض
ابوه ضحك: الله يحيكم ..أتصل على أخوك خله يجينا
فهد:الحين أتصل عليه ..بس خلونا ننزل طولنا وآقفين عند المصعد
ببيت أبو مهآ
لمت أغراضهآ بالشنطه وجهزت أغراض بنتها
مها: أنتبهوا لنفسكم ..إن شاء الله اذا قدرت يوم الثلاثاء اجي
رغد: على خير إن شاء الله
شهد: طمنينا عليكم أذا وصلتوا
مها تشيل بنتها: كلها ساعه ونكون بالقريه ...أشوفكم على خير
سلمت عليهم كلهم ونزلت
سحر: وانتي شهد متى بترجعين بيتك ؟
شهد: يمكن الفجر بعد مايخلص يوسف من شغله
سمر بحزن: فضى البيت ..مها سافرت وريم رجعت بيتها وشوق ماحد يدري عنها ..بنرجع لحياة الملل والزهق في هذا البيت
شهد لفت يدها على كتف سمر ومشت معها للصاله:ازعل عليك اذا سمعتك تتكلمين كذا مره ثانيه ..كلنا موجودين اذا طفشتي خلي جلالي يجيبك عندي ..حتى لو تبين تنامين عندي ماعندي مانع
سمر ردت عليها بضيقه:ماحب اضايق احد
هنادي :تعالوا أشربوا شاي معي
رغد جلست جنبها: الله يرزقني بعض من روقانك
هنادي: كلمني ابوي يقول كل شي تمام وشوق والصغنون بخير
شهد: الحمدلله
دق جوال هنادي وقامت بسرعه للمجلس حتى تتكلم فيه بهدوء
هنادي: هلا رونا ..بشري ويش صار
روان ضحكة: جهزت لك طلبك خليت علياء تجيبه بمعرفتها
هنادي بفرحه:يآآآسلآم عليك رونتي يآ غلا دنيتي انتي ..تسلمين نردها لك بالأفراح
روان :هنادي انتي ماقلتي ايش تبي فيها ؟
هنادي: انتي عليك وفرتي اللي أبي والباقي لاتحاولين تعرفينه لآنه شي خآص فيني
روآن بشك: قلبي ناغزني عليك احس أنك تفكرين بحاجه بتوديك في دآهيه
هنادي تضحك:أنتي تتكلمين عن الدوآهي ...خلنا ساكتين أحسن
روآن ضحكت: أنا خلاص مافيني رجاء بس من جد خآيفه عليك بعدك ماتعرفي شي
هنادي: أنتي الخير والبركه ..منك نتعلم
روآن: طيب ياللي تتعلمي بكره بعد الدوآم نمر البيت واعطيك طلبك
هنادي: كم التكلفه ؟
روان تضحك: تخيلي بس
هنادي توترت: رونا مو وقت مصخرتك ..يالله كم كلفة
روان: 15 ألف
هنادي:لأنصدمت: أيـــش ؟..من جدك أنتي ؟
روان ابتسمت:وربي حتى أسئلي علياء
هنادي خافت: لالا ..روان انتبهي انا قلت لك مابي أحد يدري ألا أنتي أصحك تحس علينا علياء فهمتي
روآن: لآتوصي حريص ..أنا ماخذه أحتياطاتي ولما سئلتني علياء كذبت عليها
هنادي: خلاص أجل بكره موعدنا بعد الدوام ..باي
رواآن:لآتنسي الفلوس ترى علياء اهم شي عندها المبلغ
هنادي: يصير خير ..باي
بعد ماقفلت الخط ..بدت تفكر بالمبلغ وكيف توفره
هنادي( من وين بجيب 15 ألف ؟!.. شكلي بتميلح عند باسل وأسحب منه على كيف كيفي ..أجل زوجي على الفاضي ..والله وطلعت بتفيدني ياباسل وتقضي عني غرض )
تذكرت بطاقة الصراف اللي أعطآهآ باسل ورمتها بدرجها بدون أهتمآم ...ركضت للغرفه وقفلت الباب عليها ..طلعت الدرج وفتشته قطعه قطعه ...بعد ساعه حصلتها بشنطتها القديمه وضحكت
هنادي: لازم أروح أقرب صرافه واستعلم عن الرصيد
لبست عبايتها بسرعه وأخذت شنطتها والجوال ..قبل تنزل قابلتها شهد ورغد
رغد عقدت حواجبها بأستغراب طلت بالساعه: وين رايحه الحين الساعه 11 ألا ربع
هنادي : محتاجه فلوس وبرح أصرف من الصرافه
شهد :الله يعز المكأفئه اللي تفك أزمه
هنادي ضحكت بسخريه: أي والله ..يالله مستعجله ربع ساعه بالكثير وأجي
رغد: أقولك أستني اعطيك صرافتي اسحبي اللي باقي
هنادي:خلاص أنا اعطيك من فلوسي ما سحبت منها شي ..سيوو
أختفت عنهم بلمح البصر وأستغربوآ سرعتها
شهد لفت على رغد: يالله نامي وراك دوام طويل
رغد كشرت: والله أنتي تبين تفتكين مني
شهد تغمز لها: لازم تنامين وتشبعين نوم في ناس بينجنون عليك لآنك الأربعاء مادآومتي
رغد عصبت وقالت بحده: أوووف منك
صرخ مشاري من حدة صوت رغد وصار يبكي ..شهد: حرام عليك خوفتيه
رغد :مادريت انه رقيق على طول يبكي
شهد :يؤؤؤ عصبتي
رغد تميل فمها بقهر: يحق لي ما تشوفين كلامك اللي يقهر
شهد: ماقلت شي انتي الثانيه ...يالله عاد عن الدلع الماصخ وخلينا نجلس نسولف
رغد: ماعندي سوالف ..أروح أقرأ لي كم كلمه قبل أنام أزين
شهد بتأفف: مآ الوم سمر يوم تطفش ..انتي وسحر وجودكم زي عدمه
رغد: متى نزلت عليك هذي الحنيه على سمور
شهد بزعل: ويش دخلك
رغد بضحكه: يوووه زعلتي
شهد: ويش رايك ؟
رغد: المفروض أنا أزعل مو أنتي
شهد تجاريها: أي باين
رجعت من عند الصرآفه مصدومه ..مليون مره رآجعت الورقه حتى تتأكد ..عدت الأصفار ألأف المرات
هنادي(أكيد أحلم ..والله ماني مصدقه اللي اقراه ..معقوله كل هذي المده ولآ خطر على بالي يكون شي وقدره ..بجد أني عبيطه ولآ افهم ..حلو ياباسل بديت أرضى عليك بعد كل الكفوف الي أكلتها من يدك ماراح أكون نآكرة جميل وأنتقم منك ..انت بتفيدني بحياتي كثير)
ضحكت على مخططآتهآ بشر ودخلت الغرفه ..رمت نفسها على سريرها وقبل تنام ارسلت له مسج ...سكرت جواله وحطته بالشاحن وسمت بالله قبل تغوص بعالم الأحلآم
بالرياض
رجعوآ من بيت أبو رياض بعد مآ انبسطوآ بالجلسه معهم وغيروآ جوهم وروتينهم اللي عايشينه
باسل يهمس لفهد:يالله تكلم
فهد :عمي بتكلم معك في موضوع عارف اني بفتحه بوقت غير مناسب
ابو مها:تفضل ياولدي أنا أسمعك
فهد طالع باسل وابتسم ورجع ركز بنظراته وبصوت يتجلى فيه الأهتمام: باسل مستعجل الزواج من بنتك هنآدي ..يعني أنا أقول بلى مانسوي زوآج وبهلله على الفاضي ..يملك عليها ويأخذها لبيته
ابو مها طالع بباسل بنظره ارعبته وخلته يفقد القدره على تمالك أعصابه:أممم والله يابو راكان انا لازم أكلم هنادي وأسئلها اخاف يكون رائيها غير رايه
فهد: هذآ حقها ياعم اسئلها وخلها تأخذ وقتها بالتفكير ...ومتى ما أعطتك رد كلمني عشان نتمم الموضوع بأسرع وقت ..أنت تعرف انه وحيد ماعنده أحد بجده
ابو مها: بس أنا عندي شرط لازم ينفذه قبل يأخذ البنت لبيته
باسل : أنا حاضر باللي تأمر فيه
ابو مهآ: تجيب لبنتي بيت في المدينه وتكتبه بأسمهآ
باسل بسرعه بدون ما يفكر بكلامه: ابشر ياعمي بشتري لهآ بيت وأكتبه بأسمهآ
ابو مها ابتسم على تهوره وهو مقصده الوحيد أنه يحس بقرب هنادي منه لانه مايرتاح لباسل مثل راحته لفهد:أجل بكره اذا رجعت للمدينه كلمتها ورديت عليكم
باسل: ايه مو لازم حفله وما ابيها تتجهز هي تجي لي بهدومها انا راضي فيها
فهد انفجر بالضحك: والله طلعت ماتلعب يابسيل ..مستعجل بالحيييل
باسل: طفشت من العزوبيه ..وتذكروآ أني رجال مكسور أحتاج احد يهتم فيني
ابو مها: الله يكتب اللي فيه الخير
باسل بترجي: حاول معها توآفق ياعم ..وانا حاضر بأي طلب تطلبه
ابو مها يضحك: يافهد خل اخوك يركد
فهد: عيب عليك ..لا تصير مخفه صير مثلي ثقيل وعاقل
باسل: روقنا ياشيخ ..
بعد أسبوع
بآلجآمعه
هنادي شآفت عبير تمشي بأتجآههآ: عن اذنكم شوي وراجعه
روان كشرت: لآ تتأخري
هنادي تغمز لها: مقدر أوعدك ..يالله اشوفكم بعدين
أية: يالطيف على عيون روآن من ألحين بدت تطلع من محلها ..انتبهي ياهنو لا تموت علينا
هنادي: برفق عليها ..سيآآآ
مشت لعبير وسلمت عليها
عبير:كيفك ؟
هنادي: بخير ..وانتي شخبارك؟
عبير: الحمدلله ..تعالي معي للمطعم بشتري عصير
هنادي تضحك: زي عصير أمس
عبير :أيوه ..عندهم عصير جوافه مافي أطعم منه بالجامعه كلها
هنادي : جربته قبل كم يوم ..حسيت طعمه عادي جدا
عبير: يمكن لأني احب الجوافه
هنادي تهز كتوفها: يمكن ليش لا ...يالله خلينا نروح نفطر مع بعض
بعد مآ جلسوآ على الطاوله وطلبوا لهم أكل
عبير: اقول هنادي ..صح بتتزوجين ؟
هنادي هزت راسها: ايه توك تدرين ؟
عبير :والله مادريت الا امس لما قالت لي امي ..وبعد انصدمت انها بس حفله عائليه وفي بيتكم
هنادي: احسن ياشيخه مالي ومال عوار الراس ... حفلة صغيره تأدي الغرض ولاتنسي عشان شوق وصحتها ماحبينا نسوي زواج كبير
عبير: الله يقومها بالسلامه ..كيف صارت الحين ؟
هنادي: احسن من أول تقدر تتحرك ..بس بعد اسبوع بيبدون معها جلسات الاشعاع مدري ايش شي مالنا فيه
عبير: وانتي متى بتسوون حفلتك ؟
هنادي:يوم الخميس
عبير شهقت:اللي بعد يومين ؟
هنادي :ايه ويش فيك منفجعه كذا ..ترى بتزوج ماقلت بهرب والا بأنتحر
عبير: يالله الله يوفقك ويسعدك
هنادي تميل فمها:ما أضن ..بس ربك كريم
عبير : لاتقولين كذا .. ماتدرين وين سعادتك ..ومع مين
هنادي وقفت: بروح اجيب الطلب وراجعه لك
عبير: أوك أستناك
بالرياض
كانت تسفرغ من الليل ما ارتاحت بنومها بسبب الغثيان والألم المصاحب له ... قامت صلت ركعتين الضحى ودعت ربها ..وقفت بترجع لسريرها لكن انخفظ الضغط عندها ودآخت ..حاولت تستند بأي شي قريب منها ..لكن المسافه كانت وآسعه قربت بسرعه من الجدار واستندت عليه ... دخل عليها وبيده باقة ورد انيقه جدا وعلى وجهه ابتسامه سرعان ما تحولت الى تعبيسه من منظرها رمى اللي بيده وركض لها بأقصى سرعه ضمها لصدره وشالها
فهد: شوووق ..تسمعيني
رمشت له بعيونها بتعب ..ساعدها تنسدح بمكانها وبعد شعرها عن وجهها
فهد: ويش اللي صار لك ؟
ماقدرت ترد عليها .. تلاشت قدرتها على النطق والألم يزيد عليها بين ثانيه وأخرى ..مرر يده على خدها حس بحرارتها ..طلع بسرعه يطلب من النيرس تتصل بالدكتور
رجع لها وجلس جنبها : شوق حبيبتي قوليلي ويش تحسين فيه
كانت تقلب عيونها ومتضحه عليها علامات قُرب الأغماء ... مسح وجهها بمنديل مبلل بماء بارد ... دخلوآ مجموعه من الممرضين وطلبوا منه ينتظرهم برى
بعد ساعتين كامله ..طلعوآ من عندهآ
فهد: ويش صار لها ؟
الممرض: كل خير ..الحين نامت ياليت تخليها ترتاح
فهد: طيب ابي اعرف سر التعب اللي جاء فجأه
الممرض:عادي جدا هذي من الأعراض الجانبيه للعمليه وان شاء الله بتتعدى هذي المرحله
فهد تنهد: الله كريم
الممرض:ياليت لما نبدأ جلسات الكيماوي معها تبتعد عنها نهائيا لانها مضره حتى لك
فهد استغرب: كيف مضره لي؟
الممرض: لآزم أشرحلك
فهد : امر عليك في مكتبك بس ادخل على زوجتي اتطمن عليها
الممرض: بانتظارك
بالمدينه
ابو مها: هنادي خلصتي من اغراضك
هنادي هزت راسها: جهزت اللي اقدر عليه باقي الفستان يطلع اليوم بالليل
ابو مها: الله يوفقك يابنتي ويكتبلك الخير .. انتي خلاص بتصيرين زوجته قدام كل الناس وماحد له كلام عليك ..وابيك يابنتي تحافظين على نفسك وبيتك
هنادي: إن شاء الله يبه
ابو مها: واهم شي ابيك تسوينه تنسين اللي صار وتسامحين باسل الولد شاريك
هنادي رفعت راسها وطلت بابوها بأستغراب: انت يبه تقول هذا الكلام
ابو مها: والله من اللي شفته الولد لو عنده نية شينه كان ماجاء وترجاني ابكر بموعد الحفله وأنتي ادرى بالظروف اللي نمر فيها
هنادي تنهدت: يبه انا خايفه ..يمكن اول كنت اضن انه بيطلقني بس الحين احس مالي مهرب منه
ابو مها:ماتدرين وين الخيره ..انتي توكلي على رابك وادعي الله انه يحببك فيه ويسخره لك ومايصير الا اللي يرضيك إن شاء الله
هنآدي : إن شاء الله
دخلت سمر: سلام
الكل: وعليكم السلام
سمر: كيف حال عروستنا
هنادي ابتسمت: الحمدلله
سمر تطالع الساعه: ترى مابقى شي عن صلاة العصر بعدين بنروح نجيب الفستان
هنادي: ماشاء الله كأنك أنتي اللي بتتزوجين
سمر:ابي افرح ابي اغير مود الحزن اللي فيني
ابو مها: الله يديم السعاده علينا
بالمستشفى
كآنت واقفه عند البوابه تنتظر وصول جلالي .. سمعت صوت وراها
وليد: مساء الخير
لفت بسرعه لمصدر الصوت اللي تبغضه: مساء النور
وليد: ممكن أسئلك ؟
رغد : تفضل
وليد: أبي اعرف سبب غيابك الأسبوع اللي فات
رغد: كأنك متأخر بسؤال ..أشوف ماله داعي ارد عليك
وليد: حآب اعرف ..ممكن تسمينه فضول
رغد شآفت السياره: وانا أحتفظ بالأجابه لنفسي
::
::
صفاء:كل هذآ يصير بدون ماتقولي
فهد: مالقيت فرصه أقولك ..صفاء انا معتمد على الله ثم عليك بهذا الموضوع
صفاء: كنت مقرره هذا الأسبوع اقدم أستقالتي بس انت قلبت كل موآزيني
فهد : أخدميني بذآ الشي
صفاء: بحاول قد مآ أقدر
فهد : كل الأوراق اللي تحتاجينه برسلها لكِ وأنتِ عليك الباقي
صفاء: أوكي بكلم المدير وأشوف ايش يقول بخصوص أجازتك اللي وقتها بالمره غلط
فهد: يالله صفاء مضطر اقفل الحين ..باقرب فرصه راح أكلمك
صفاء: صور رآكآن وأرسلي الصوره
فهد يضحك: أن شاء الله بس يكمل التسع شهور
صفاء :قلبي معاك
فهد: تسلمين ..توصين شي
صفاء: أنتبه لزوجتك هذا الوقت محتآجتك .. وان شاء الله اذا جيت الرياض ازوكم
فهد : الله يحيك
صفاء: مع السلامه
فهد: مع السلامه
^^^
^^
^
رجعة صفاء للرياض ..ماذا ستحمل معها حين عودتها؟..وماهي العلاقه التي تجمعها بفهد ؟
شوق ..وازدياد حالة سوء ..هل سيكون للقدر حُكم اخر؟
هنادي ماهو الهدف الذي تسعى لتحقيقه ؟..وكيف سيكون تعايشها مع حياتها الجديد التي فرضت عليها ؟
باسل.هل سيضع لعلاقات هنادي حدود أم مآذا ؟
رغد ..أي مفاجئات تنتظرها ؟..والأهم هل سيعود عبدالله لأحدآثنا ؟
شخصيه كانت معنا في البدايه لها عوده قويه ولكن ..من هي ؟!
سامحوني على القصور ..البارت قصير بس هذا اللي قدرت اكتبه لهذا الاسبوع
اوعدكم ببارت قادم يكشف لكم كل الغموض هنا
حبي ومودتي لكم
شطوئه ~!
البارت الخمسون
يآ أوّل قَلب .. يبكِيني .. وَ
تبكيني .. مَواثيقَه
أنَا طبَآعِي مَاهي زينه و لكِن
هَذِي أطبآعي ..‘
تغربني قوافي الموت ....!آ
و أقُول العُمْر تَشريقه
أعيش ب شِبْه غيبوبه
وَ أعرف أن الزمن وآعِي
دخلت البيت معصبه رمت شنطتها وعبايتها في الصاله ودخلت لغرفتها
سمر باستغراب: ويش فيها معصبه كذا
هنادي ميلت فمها : مدري يمكن زعلانه من شي
سمر: مو يمكن ألا اكيد شفتي وجهها كيف احمر
هنادي تأكل من الحلى اللي بيدها:يالله اذا جات سألنآها ويش فيها
سمر بنبرة خبيثه: ويش رايك نقول لأبوي هو يروح يشوف ويش فيها
هنادي تضحك: يالئيمه
ابو مها كان توه لابس ومتكشخ لخرجته اوقفه كلام سمر وبنبره فيها حده:ويش بتقولين ياسمر
سمر لفت زي المقروصه وراها: هآآآآآهـ.. لا ولاشي
ابو مها :قولي والا بزعل عليك
هنادي بتختصر الطريق: جات رغد معصبه رمت قرمبعها هنا وخشت غرفتها بدون ماتتكلم وتقول انها تبيك تشوفه انت
ابو مها عدل شماغه ومشى باتجاه غرفة رغد ...دق الباب وانتظر ردها
رغد: مين ؟!
ابو مها: افتحي يابنتي
بسرعه فتحت الباب وابتسمت:هلا يبه
ابو مها يتفحص ملامحها: يقولون انك متضايقه وزعلانه ..خير يابنتي صاير معك شي مضايقك ؟
رغد ضحكت: مشاكل بالمستشفى كدرتني ...لا تشيل هم يبه مافيني الا كل خير
ابو مها :الله يوفقك وافرح فيك انت وخواتك
رغد من قلبها:آآميييين
بعد أختفى ابوها عن أنظآرهآ وسمعت صوت باب الشقه تقفل طلعت لصاله ...وقفت قدامهم والشر بعيونها
رغد بتخصر: من فيكم قالت لأبوي اني متضايقه
سمر خافت منها: محد
رغد صرخت بوجههم: لا بالله ..يعني الجني قاله انا ويش فيني ..محد كان موجود غيركم يعني بالعربي وحده فيكم
هنادي بحده: انا قلت له عندك اعتراض
رغد بتهديد:المره الثانيه لو تشوفيني ميته قدامك ماتفتحين فمك ..فهمتي ؟
هنادي بسخريه:لا والله دكتوره رغد مافهمت عيدي كلامك مره ثانيه
رغد عصبت: غبببيه ..رجعت غرفتها وسكرت الباب بقووه هزت أركان البيت
::
::
في بيت يوسف
رجع من صلاة العصر مستعجل
يوسف: شهد..شهد ..شهوووده
شهد : انا بالمطبخ
دخل المطبخ وشافها جالسه تقرأ بكتاب طبخ ..حط يده على اكتافها وباسها على خدها
شهد :تقبل الله حبيبي
يوسف: منا ومنكم ..اقولك حياتي جهزي القهوه
شهد شهقت: لييييه ؟
يوسف ابتسم :بيجوني ضيوف
شهد كشرت: ليش ماقلت لي من بدري كان على الاقل جهزت شي مع القهوه
يوسف: والله توي مقفل الجوال من عبدالله بيجي العصر عندي
شهد :الحين اجهزلك احسن قهوه بالمدينه كلها ..ماعندي اغلى منك ومن ضيوفك
يوسف ضمها بقوه:بموووت وانتي السبب
شهد ضحكت: بعيد الشر عنك ياقلب شهودتك
يوسف :ايه ابيك تكشخين مشاري ابرزه بصدر المجلس بعلمه الرجوله من الحين
شهد: هههههههههههه اوكِ
جهزت القهوه وبخرت البيت بأجود أنوآع العود ..ودخلت الغرفه تبدل لمشاري وتزينه ..دق جوالها
شهد:هلآ هنادي
هنادي:كيفك
شهد: بخير الحمدلله
هنادي: كيف مشاري
شهد طلت فيه وبدأ يبكي:ماعليه ابي شي يسكته
هنادي تضحك: انا اسكته لك ..بس تروحين معي
شهد بنبرة استغراب:اروح معك وين ؟
هنادي: محل الفساتين اطلع فستاني واشتري لي اكسسوارات ليوم الخميس واحجز عند الكوافيره
شهد بحنيه: والله ودي اروح معك بس حظك اليوم جايين ضيوف يوسف
هنادي بتحطم: ياربي ويش ذا الحظ ..قهررر
شهد شهقت: عندي حل
هنادي:ألحقيني فيه
شهد:روحي انتي اعتمدي على نفسك وزبطي امورك ومريني اشوف الفستان وكمالياته
هنادي:اصلا ناقص اشياء كثيره ماقضيت منها ...باخذ سمر معي تساعدني واذا خلصنا وماتعبت نمر عليك
شهد:اقولك اتركي الكوافيره علي انا اتصل عليهم الحين احجز لك
هنادي :تسوين خير ماعندي وقت اصلا
شهد: يالله الحقي من الحين روحي
هنادي: اوك يالله باي
بأحد الغرف
ماقدرت تنام بالرغم من أنهآ بذلت اليوم كجهود كبير بالتدريب وتعويض مافاتها ...تذكرت الموقف اللي صار بينهم
د وليد: حآب اعرف ..ممكن تسمينه فضول
رغد شآفت السياره: وانا أحتفظ بالأجابه لنفسي .."لفت بتمشي للسياره لكن يده كانت اسرع للمسها"
تقشعرت من لمسته مع العلم أن العبايه وملابسها تفصل بين يدها ويده ..حست بأشمئزآز منه تلاقت عيونها بعيونه وتضاربت مشاعرها من نظرته اللي أسرتهآ لعالم ثاني ..بعد ماحست على نفسها سحبت يدها بقوه منه
وبنبره حاده وجارحه: أنت تعديت حدودك ..أنتبه لتصرفات حتى ماتندم
د وليد:أنا أسف بس غرضي شريف
رغد صرخت بوجه:شريف وألا حليم مايخصني ...لآتفكر تقرب مني او تتعدى حدودك معي أنت دكتور وانا طالبه عندك..والامور ماتعدت هذا الشي الا اذا انت ناوي على شي انا مآ أدري عنه
د وليد:أنتي ليش كذا ...أسلوبك جدا سخيف المفروض انك ناضجه وفاهمه انا ما طلبت منك شي الا اعرف سبب غيابك واظن من حقي لاني دكتورك
رغد من بين أسنانه: لا مالك حق تسال عن خصوصياتي ..وتأكد أني ما أقارن بسخافتك أنت وألا في دكتور طول بعرض يجري ورى طالبته بكل مكآن
د وليد تحولت ملامحه للعصبيه نزل نظراته الشمسيه وبنبره ترعب: مين أنتِ حتى أجري ورآكِ؟
طلعوآ مجموعه طلاب من نفس قاعتها وكانت عيونهم على رغد اللي متغطيه ود وليد اللي واقف بجنبها
رغد قبل تمشي: أسئل نفسك ليه تجري وراي "مشت وتركته وآقف بمحله "
قبل تركب السياره سمعت صوت من ورآهآ
..:توي عرفتها على حقيقتها بنت ...
..: تلاعب بذيلها هالبنت ..تعرف تصيد
..:وأنت الصادق تتميلح عنده .."إن كيدهن عظيم"
ركبت السياره بسرعه وهي تبكي ومعصبه من د وليد وملاحقته لها اللي خلت الكل يتكلم عليها خاصة بعد ماصارت معه بنفس القروب ..كرهت اليوم اللي كملت فيه دراستها
أخذت نفس طويل ودموعها تسيل على خدهآ ..غمضت عيونها بألم وحسره
{ رغد }
بعد مآ خلصت من عبدالله والهم اللي كآن سآكن فيني وأتأقلمت مع حياتي يجي هذآ وينغص علي من أول وجديد ..لآزم أوقفه عند حده حتى لو توصل أني أترك الدرآسه بس أثبت له اني ماني رخيصه
سحبت منديل من على الكمودينه ومسحت دموعها
:::
:::
:::
بالرياض
قفل مكتبه الخاص فيه ببيته وأتجه للمستشفى حتى يتطمن على شوق وولده ...دخل عليها ولقاها شبه مدركه لما حولها .. .قرب منها ومسك يدها
فهد: شوق ..تسمعيني ؟
شوق: ايوه
فهد ابتسم: كيفك اليوم
شوق:الحمدلله بس ابي اشوف راكان
فهد: ما اقدر اجيبه ياقلبي بكره اخر مره تشوفينه فها
شوق توسعت عيونها وبصوت قريب للبكاء:لييييه ؟ ابي ولدي اخاف افقده
ضم كفوفه على وجهها وبهمس حار:ان شاء الله بتتعالجين وتربينه وماتنحرمين منه
شوق نزلت دمعتها: فهد اذا صار لي شي وصيتي لك راكان وخواتي حطهم بعيونك
فهد رد عليها بصوت ممتلئ ألم: ان شاء الله ..على فكره هنادي بيملك عليها باسل يوم الخميس ويروحون بيتهم
شوق تذكرت هنادي والكلام اللي قالته لها تنهدت براحه: الله يوفقها مع باسل ويبعد عنهم كل حزن وهم
فهد: الله يسمع منك
شوق مسكت يده بقوه وهمست:خلك جنبي اليوم
فهد: أنا جنبك ماراح أخليك
أندق الباب قام بسرعه وطلع للدكتور اللي يبي ياخذ توقيعه على بعض الاوراق قبل يرجع عند شوق اتصلت عليه صفاء
فهد: هلا صفاء
صفاء: كيفك
فهد: ماشي الحال ..كيفك أنتي؟
صفاء:بخير ...وصلتني اليوم الاوراق
فهد: ويش رايك فيها ؟
صفاء ضحكت: نفس رأيك ..انتبه لنفسك
فهد عقد حواجبه بأستغراب:ليش ..صاير شي وانا مدري ؟!
صفاء ضحكت: لا أبدآ بس انا ماني مرتاحه لهذي الشغله
فهد: هذي اصعب مهمه استلمتها وشكلي مقدر اكملها
صفاء: اللي بديته لازم تنهيه
فهد تنهد: هذي المشكله ..عشان كذا استعنت فيك
صفاء:قريب جايه للرياض قبل زواجي بوقت حتى انهي كل هذي الأشغال وأرتاح
فهد يضحك: كل هذا عشان بتتزوجين ..مايسوى عليك والله
صفاء: ابغى اشوف حياتي يكفي عمري اللي راح
فهد: بأنتظر جيتك وان شاء الله تنحل الأمور
صفاء بنبرة شك: ما أظن لكن ربنا كريم
فهد: لا تخليني أقلق يكفي اللي فيني
صفاء:في اشياء كثيره تستناك يافهد ولازم تكون قوي حتى تتحملها مرض زوجتك وولدك وشغلك والشركه واخوك واهلك ..امور كثيره تضغط عليك وامور جايه الله يستر منها
فهد شك بكلامها:ويش تقصدين ..وضحي كلامك اكثر
صفاء بتهرب:ما اقصد شي غير اللي ذكرته ..اسيبك الحين مع زوجتك ..مع السلامه
فهد جلس على الكرسي فأستراحة الأنتظار:مع السلامه
كلام صفاء أدخله في متاهات من التفكير العقيم مجهول الطريق ..كل شي غامض بالنسبه له ومقصدها كان يهدف لمقصد يجهله ..تشابكت الأمور بحياته حدث كل شي بلمح البصر وأرآده ألهيه بحتا ...استغفر ربه من الأفكار التي تراوده وتسكن دوآخله
خلصوآ من السوق بدري وأنتهوآ من أغلب التحضيرآت بمسآعدة روآن اللي شاركتهم بالروحه
هنادي: بليزر وآن روحي معي بيت شهد بتنبسط لجيتك
روان ابتسمت: ما أقدر والله تعبت من المشي وشكلي مرآ بايخ خليها بكره أجي عندك وأبات لو تبي
سمر: البيت بيتك تجين بأي وقت
روآن: أوكِ حكون جنبك بأحلى أيامك هنودتي " باستهآ على خدودهآ" أشوفك بالجآمعه بيننآ فون حبي
هنادي تغمز لهآ: أكيد بآآي
كل وحده دخلت سيارتهآ وأتجهت للمكآن اللي تبي
سمر بحيره:ألحين سحر ليش ماتحب روان البنت عسل وطيوبه وزي السكر ماهو زي ماتكلمت عليها
هنادي: سحر ماتعرف تميز بين الطيب والخبيث خليها بنفسهآ وحياتها حتى زوجها ماعمرها جابت له سيره كل وقتها عيونها بالكتب ولاتكلف نفسها تجي تسولف معنا
سمر بنبرة حنيه:حرام ترى دراستها هي ورغد مره صعبه
هنادي :الله يكون معهم ويوفقهم " دق جوالهآ وابتسمت" هذي رغد عمرها طويل
رغد: وينكم ؟
هنادي :قولي سلام ..مساء الخير ..على طول وينكم ؟
رغد ضحكت: سوري ..يالله قولي وينكم؟
هنادي بعد آآآهـ مُتعبه وطويله: رايحين بيت شهد بتشوف أغراضي اللي شريتها
رغد شهقت: يالنذلات ولا تقولون تتصلون علي عشان الحقكم ..قولي لجلالي أول مايوصلكم يجيني طفشانه وبجي عندكم
هنادي :اوكِ اجل بقول لشهد عشانا عندها
رغد: لا فشله يمكن نكلف عليها هي وزوجها
هنادي : والله غير اتعشى عندهم حيوني والا طردوني
رغد : بالله انتي شكلك شكل وحده زواجها الخميس ..يالله استنى جلالي
هنادي: الحين اقوله باي "بعد ماقفلت الجوال" جلالي روح بعدين جيب رغد عندنا
جلالي: زين هنادي بس متىيرجع يأخذكم
سمر: احنا نتصل عليك اذا خلصنا
جلالي بتهديد: انا ساعه 11 ونص في نوم لازم يتصل قبل زين بنات
هنادي ماتت ضحك:خلاص على 11 بالضبط تعال
جلالي: اوكِ
سمر:حركات جلالوه صاير يتشرط علينا ... والله صرت تتامر بعد
جلالي: هذا بنت لازم سوي عين حمراء
هنادي وسمر انفجروا ضحك:هههههههههههههههههههه
سمر: اما عين حمراء ..خلاص اللي تبيه يصير
وصلوآ بيت أهل يوسف وبمسآعدة جلالي نزلوآ عشرآت الأكياس
هنادي بحذر: تكفين سمر الا الفستان هذا اللي بنزف فيه لا يطيح على الأرض
سمر بهمس: قصري صوتك شوفي هذا اللي واقف يسمعنا
هنادي تتلفت: وينه " لفت وراها وطاحت عينها عليه..بسرعه لمت بعض الاكياس ودخلت بسرعه لبيت شهد ولحقتها سمر وجلالي بالبقيه
دآخل الشقه
شهد بصدمه : كل هذا جبتيه اليوم؟
هنادي ترمي نفسها بتعب:ايييه ..تكفين جيبي شي نشربه وربي تعبت واحتريت وقرفانه على الأخير
سمر تنزل عبايتها:اقول هنادي اللي شفناه برى اخو يوسف كأنه يشبه له
هنادي توترت اعصابها وبدت تحس بالحقد عليه لما تذكرت كل اللي صار: ويش يدريني اكيد اخوه هذي العماره محد ساكنها غيرهم
سمر كشرت:طيب لاتنفخين
هنادي اقترنت حواجبها ببعض: ما نفخت واهجدي ترى بديت اعصب
سمر: خلينا نذكرك بالخير
هنادي بصوت حاد: سمر مالي خلقك اسكتي
دخلت شهد وبيدها صينية عصير ليمون:يؤؤو ماتتركون حركاتكم
سمر: سالتها عن واحد برى عصبت علي
شهد: يووه قصروا حسكم يوسف عنده ضيوف مانبي يوصل لهم صوتنا
هنادي: على فكره رغد جايه بالطريق
شهد فرحت: من جدك ..بتجي؟!
هنادي وسمر بصوت واحد: ايووه
شهد: اخيرا خليها تغير جو عن البيت والدارسه تأخذ فتره راحه
هنادي تفتح بعض الاكياس:على بال توصل خلينا نتفرج واعطيني رايك بكل صراحه
شهد قربت منها وبشغف: اكيد ... يالله وريني
بمكآن أخر بالمدينه
علياء بشك: ابي افهم ليه طلبتي انتي عمرك ماطلبتي هذا الشي
روان بتأفف: قلت لك لغايه خاصه مابي احد يعرفها ..انتي عليك توصلك فلوسك بالهلله
علياء تحط عينها بعين روان:لاتتهربين اعترفي ويش ناويه عليه
روان عصبت: عليا وبعدين معاك خلاص قولت لك شي خاص
علياء: غريبه هنادي ماجات معاك بالعاده ماتتفارقون
روآن تبعد الشيشه عنها: البنت زواجها بعد يومين ماهي فاضيه للمقاهي والطلعات
علياء ابتسمت بخبث:الحين عرفت سر تغيير مزاجك
روان تغمض عيونها وترجع على ورى: وأيش السر بنظرك ؟
علياء: أن الحلوه بتتزوج ..والغيره بتموتك
روان ميلت فمها وابتسمت:المصيبه فاهمتني
علياء تسحب لي الشيشه لفمها: باين عليك مهما حاولتي تخبين..انتي بعدتي عنا بعد ماعرفتي هنادي واستغربت انك عقلتي شوي عن حركاتك وطلعاتك
روان تبسمت:ماشاء الله لذي الدرجه تغيرت
علياء: متى اخر مره رحتي معنا بارتي ؟..او طلعنا مع باقي الشله
روان بتبرير:كلنا بجامعه وحده بس الكل مشغول بحياته ونفسه محد فاضي لأحد
علياء:وأنتي؟! بأيش منشغله
روان: اساعد هنادي بتحضيراتها واجهز نفسي مرة وحده لزواج بنت عمي ..تعرفين لازم اسافر لجده عشان زواجها
علياء:الله يرزقك
روان غمضت عيونها: تتوقعين أحنآ بتتزوج ونتأقلم مع هذيك الحياه؟
علياء:عن نفسي لو أحد خطبني ابوي بيغصبني بس من حسن الحظ نصيبي وآقف وعاجبتني حياتي كذا ..أنآ مآ ينفع أتزوج نهآئيا يآ أخرب زوجي يازوجي يعقلني مافي حل ثالث
روان ضحكت: هههههههههه حلو اعترافك
علياء:انا انتي فيك أمل تتزوجين وتتركين حركات النص كم
روان: يمكن ليش لا
علياء تضحك: والله التغيير صار من الداخل مو بس من الخارج
روان تضحك: بس ما أسيب طبعي
علياء: تعلميني فيك تستغلين كل لحظة وكأنك تسحرين اللي معك
:::
:::
:::
نزلت من السياره وبيدهآ كيس هدآيآ صغير فيه ألعاب لمشآري ..ابتسمت بنفسهآ لأنهآ مشتاقه له ولخفة روحه ..دخلت مدخل العماره وطلعت الدرجات الأولى حتى توصل لشقة يوسف قربت من الباب وقبل تمد يدهآ للجرس أنفتح وشهقت بخوف من فتحت الباب القويه ..تجمد كل شي فيهآ من شوفته اللي مآكآنت متوقعتهآ آبدآ ...برود قآتل سكن بآلطرفين وحرآرة أنفاس بدأت تتعالي تعلقت عيونهآ فيه وهو أيضآ كآن لآ يقل صدمه في هذآ الموقف الذي بدأ ينبش المآضي برمته
يوسف توترت اعصابه بسبب الموقف البارد: حياك رغد تفضلي
رغد تطالع بعبدالله: كيف ادخل وانتم وآقفين بطريقي
يوسف يدف عبدالله عن الباب: آسفين مآ انتبهنا ..حياك ادخلي
رغد تنتظر عبدالله يبعد لكنه وآقف بمكآنه ماتحرك رغد محاولات يوسف معه: ممكن اتعدى والا لا
عبدالله مانزل عينه عنها: بكيفك ؟
رغد بدت تعصب: ماتشوف انك وآقف بطريقي ..لو سمحت بّعد
عبدالله يأشر على مكان ضيق:كل هذا ماهو عاجبك
رغد بحده: مآتفهم انت ..قلت لك وخر عني
عبدالله عصب: لاتنافخين علي ..اعرفي حدودك زين
يوسف : عبدالله خلنا نطلع تأخرنا على المشوار
رغد لفت على يوسف ومدت له الكيس: وصل هذا لشهد ..مع السلامه
قبل تلف وقفها صوته: رغد .. أنآ اسف اذا تضايقتي من شي
رغد تقدمت خطوتين للباب وقبل تدخل قالت: أذا تضايقت من شي اعرف انك انت السبب فيه
دخلت وسكرت الباب بقوه واستندت عليه واحساسها بالكتمان بدأ ينفذ يومها كان مليء بالمشاحنات والضغط النفسي حاولت تتمالك نفسها وتحارب دموعها عن النزول ..اخذت نفس طويل ودخلت للصاله
يوسف مشى وبصوت معصب: عاجبك اللي سويته ؟..احيان احس اني ما اعرفك
عبدالله:والله مو بيدي من شفتها مدري ويش صار لي
يوسف بتهديد:خلاص انساها البنت ماهي من نصيبك انت عايش حياتك ومبسوط مع زوجتك لا تكون أناني وتخرب عليها حياتهآ
عبدالله :والله ماني قادر انساها من يوم بعدت عني ماشفت يوم حلو بدنيتي
يوسف :أنت اللي ضيعتهآ من يدك كله من عنادك وطيشك خليتهآ تتوهم أنك ميت بعدين تزوجت غيرهآ ويش تنتظر منهآ بعد ترضى عليك وتقول أبيك
عبدالله فتح باب السياره وقبل يدخل: رغد تحبني وتموت فيني زي مآ أنآ أحبهآ لكنهآ تكآبر ومصيري أثبت لك هالشيء
يوسف: انت تتوهم هالشي لاتفكر انهآ بتكون لك بعد كل اللي صار ..انت ماعرفتهآ زين شوف اللي صار بينكم وجفافهآ معاك
عبدالله:أعرف اجيبهآ بطريقتي رغد لي أنآ وبس
يوسف دخل وسكر الباب بقوه:أنــآنـــي والله أنك أنآني
عند البنات
كانت تتفرج معهم على تحضيرات هنآدي البسيطه جسد بلا روح حيث قلبهآ وعقلهآ بمكآن ثاني
هنادي : حلو سرحآن ؟
سمر تطالع برغد وتضحك:والله مآهي داريه عنك
شهد حست برغد وحزنهآ ..لمست كفهآ بهدوء: رغد وين وصلتي ؟
رغد أرتعشت من لمستهآ:هآآه..معكم
هنادي: باين انك معنآ
رغد: أقول هنادي بلاش نزفك زين ..تعرفين ظروفنا ماتساعد
هنادي :بالله كيف بأنزف في بيتنآ؟..كله كم غرفه بأخذ قشي وأروح مع زوجي على طول
سمر بحالميه:متى يجي زوجي ويأخذني على حصان أبيض
شهد :أجلي أحلآمك لوقت ثاني
رغد: ماقالت مها متى يجون؟
هنادي: ارسلت لي مسج ..تقول بكره بالليل بالكثير يكونوآ بالمدينه تعرفين قريتهم قريبه كلها ساعتين وهم واصلين
رغد تنهدت: يوصلون بالسلامه
سمر تطالع الساعه: يؤؤ جلالي يقول قبل 11 تتصلون علي الحين 11 وربع
رغد: انا بكره ماراح آدآوم بجلس عند شهد
شهد شهقت:شنو ..ماراح تدآومين؟! كثرت غياباتك يارغد مايصير اللي تسوينه
رغد:شكلي بترك الدراسه أو أحول ماني قادره استحمل اكثر
هنادي بصدمه:ويش قاعده تقولين أنتي ...الحين يوم مابقى لك ألا سنه أو سنتين قمتي تقولين كذآ ..بجد أنك خبله
رغد نزلت دموعه وصارت تشهق:خلاص بموت من الضغط تعبت مالي نفس ادآوم أو اذاكر ماعدت استحمل
شهد ضمتها لحضنهآ:خلآص ياحبي مايصير الا اللي تبين بس أنتي ارتاحي وطلعي اللي بقلبك حتى ماتتضايقين
رغد تتمسك بشهد اكثر: تعبانه ياشهد ودي أموت وأرتاح
سمر:بسم الله عليك من الموت ..انتي محتاجه ترتاحين اللي فيك أرهاق وتعب
هنادي: بتصل على جلالي يجينآ ..وانتي اذا بتجلسين خليه يجيبك الفجر قبل يوديهم الدوآم
شهد تمسح على شعرها بحنيه: لالا بتنآم عندي الليله وبكره من العصر نكون عندكم
سمر: على خير ان شاء الله
في الرياض
كآن جآلس بمكتبه يرآجع بعض الأوراق الخاصه بممتلكآته ومنغمس بأشغاله المتأخره بسبب ظروفه القاهر يحاول قدر الأمكآن أن يعود بأقبال على عمله ... أنتهى من كل أشغاله بعد فتره طويله من الأنحنآء عليهآ ..تذكر شوق اللي مآغآبت عن باله دقيقه ..أخذ جواله من على المكتب وأتصل يتطمن عليهآ
فهد: المريضه شوق القايد
النيرس: الحين بخير أعطينآهآ مسكن ونآمت
فهد:أذا أستجد شي رقمي عندكم كلموني على طول
النيرس: أن شاء الله ..بس هي قبل الصباح ماراح تصحى من تأثير المسكن
فهد تنهد:طيب ..مع السلامه
قفل الخط وهو يحس بأرهآق وتعب يسري بجسده الذي لم يتذوق طعم الرآحه ..طلع لغرفته وبدل ملابسه ولبس بجآمه خفيفه رمى نفسه على السرير بكل قوته مدد يديه على عرض السرير وغمض عيونه حتى يهدى ألتهآبها ...سحب أكبر كميه من الأوكسجينات المحيطه به حتى يتجدد معهآ أحساسه ويبتعد تعبه وأرهاقه ويستكين تفكيره المتوآصله بكل ماحوله من أمور متصله به أتصال كلي ...صرخ بصوت عالي علا وعسى أن يفرغ ولو جزء بسيط ممآ فيه
يـــــــــــــــــآآآآآآآآآررررررب
ركز نظره على السقف الخشبي الفخم لفتره ليست بالبسيطه ..ألى أن أبحر بعالم أخرى ينتشله من مرآرة وصعوبة وآقعه الأليم
عند شهد ورغد
بعد مآ رجعوآ سمر وهنادي للبيت
شهد بحقد: بجد أنه حقير
رغد تبكي:كرهت حياتي منهم مدري ويش الذنب اللي سويته حتى تكون هذي عواقبه
شهد تهديها: استغفر الله لاتتسخطين
رغد:قوليلي ويش أسوي انا خلاص بترك الدراسه وارتاح
شهد بعصبيه: مجنونه أنتي هذا الشي شيليه من راسك
رغد تمسح دموعها:مافي حل ثاني ..الكل صار يتكلم والله ياشهد أني ابتعد عنه ودايم اتهاوش معه عشان كذا حاقد علي
شهد: ياربي هذا من وين طلع لك ماحنا ناقصينه
رغد نزلت راسها: انا كل تفكيري بشوق ومرضها شايله همهآ أكيد تعبانه لان الأدويه اللي يعطونها قويه مره وراح تزيد تعبها وهذا الأخ كل يوم يزيد علي
شهد: طنشيه
رغد:تعبت وأنا أطنشه هذا لزقه وربي لزقه مدري متى بيمل قرب الترم ينتهي وهو وراي
شهد تضحك: احسك حاقده عليه
رغد بنبرة حاقده جدا: لو بيدي كان قتلته
شهد: شوفي يارغد الرجال اهتمامه فيك غريب على كثر هواشك له مايمل اكيد براسه موآل
رغد تتخصر: زي ويش ؟
شهد تهز كتوفها: الله أعلم
رغد تهز راسها بعصبيه وتصرخ: أوووف اووف كرهت عمري
شهد:يابنت الناس روقي بعدين تراك مزودتها حبتين ماتسوى انك تعصبين
رغد بكره: هذا اليوم تعيس بكل شي ..ماكان ناقص الا عبدالله
شهد تضحك: ويش السر اللي مخليهم كلهم متيمين بحبك
رغد فتحت عيونها على الاخير وبحده :ويـــش قلتي؟!
شهد بقوة عين:أنا صادقه باين يحبونك
رغد: حبهم قرد أحوول قولي آمين
شهد انفجرت ضحك:يمممه قرد مره وحده "صارت تضحك بصوت عالي"
رغد تقلب عيونها: اكرهم هذول الاثنين أتعسوا حياتي كل ما فرحت نكدوا علي
شهد:قولي لا أله ألا الله وانسي كل اللي صار ترى محد بيتعب ألا أنتي ..فكري بالحفله وايش بتلبسين حتى تضيعيين تفكيرك فيهم
رغد تذكرت: يووه ماشريت فستآن
شهد: ولآ أنا بلبس حق شبكة سحر
رغد :وأنا مثلك مالي خلق اسوي شي اصلا الحفله مالها داعي كآن أخذها محد له نفس لشي
شهد ضربتها بخفه: خلينا نغير جو الحزن ..ياربي منك تحبين الحزن
صباح اليوم التالي
صحت على صوت جوالها المزعج ...قطع أحلى أحلامهآ لفت على الجهه الثانيه متجاهله رنينه المزعج وكملت نومتها بسلام ..رجع يدق مره ثانيه بكل تثاقل ردت
هنادي بصوت كله نوم: نعمم
روان تضحك:صباح الخير
هنادي: الله لا يصبح عليك
روان:قومي يالله غسلي وألبسي بمرك
هنادي تغمض عيونها بقوه وبصوت ناعس: أبي انام ماني فاضيه لك بعدين تعالي
روان صرخت بأذنها:قووووومي يالله بنمرك احنا والبنات
هنادي فتحت عيونها بتكاسل:أووف ابوي مايسمح لي
روان بسخريه: من متى ياعروس ...قومي بسك اعتذار لاحقه على النوم
هنادي بعصبيه جلست: وين بتروحون؟
روان: مايخصك انتي قومي الحين والبسي عشر دقايق ونوصل سيوو
رمت جوالها واخذت منشفتها ودخلت الحمام تغسل وجهها عشان تصحصح ..رجعت صلت صلاة الفجر ولبست بنطلون جينز سكيني وتيشرت تركوآز سحبت شنطتها وجوالها وعبايتها ولبست دخلت المطبخ فتحت الثلاجه أخذت لها كوب عصير ونزلت
أول مادخلت السياره انرعبت من صرختهم: صباااااااااح الخير
هنادي بدون نفس: صباح النور
أية: لآآآآ..عروستنا زعلانه
هنادي: ايه زعلانه ..شايفين اني عروس تنكدون علي نومي ليه
جاتها ضربه بكل دفاشه من علياء:مالت عليك هذا جزآتنا اللي بنروح نفطر كلنا مع بعض قلنا نمرك
منال:كله من روان قلنا لها مانبيك تروحين
هنادي لفت عليها وتخصرت: خيييير ليه ماتمروني ؟
روان نزلت طرحتها:شفتي قلبي مايرضى ينبسط بدونك
هنادي: فديتك انتي مو مثلهم دفشين
علياء بتمد يدها وتضربها مسكت يدها بحركه سريعه: انتي يالدفشه احد قالك يدك ثقيله
علياء:ههههههههه أجل اسكتي لا يجيك اللي اقوى منه
أيه: ماقلتي هنو كيف تحضيراتك لبكره
هنادي ببرود: عاديه حفله مختصره وانتهينا
منال:الله يوفقكم
روآن :راح نفقدك
هنادي تضحك:لآتخافين كل يوم مسنتره عندك
علياء فتحت شنطتها وطلعت بكت الدخان: لاتخلين الرجال يتحكم فيك يقولون الولد على ماربيتيه والرجال على ماعودتيه
منال تضحك بهستريا:شوفوا مين ينصح ..عليان خليك ساكت الله يرحم لي والدينك
روان تسحب سيجاره من علياء:وين نروح نفطر
هنادي صرخت: هيه جايبني وانتم مآ أتفقتوآ ..رجعوني اكمل نومي
أية: اول مره اشوف أنسانه تموت على النوم مثلك تراكِ بتودعين العزوبيه بكره
منال همست لأيه ..وانطلقت ضحكآتهم بالسياره
علياء تنفذ الدخان من فمها:ضحكونا معكم يالعربجيات
هنادي بتطالعهم بنص عين:انا فاهمتهم بس هين بترجع لكم
روان تضم هنادي لحضنها: ماعليك منهم حبيبتي
منال تغمض عيونها بكفوفها:تكفون لا تقلبونها فلم هندي نبي نفطر بدون مقبلات
أيه تدقها: خليهم يعيشون الجو
علياء قرصت أيه:انطمي
هنادي حطت راسها على صدر روان خمست بوجههم: مالت عليكم ...بكمل نومتي لا وصلنا المطعم قولولي
منال تطالع بعلياء وأيه:عجبهآ المكآن الآخت
روان بأنزعآج: منال اسكتي ادوشتي راسي "طلت على هنادي" احبك ياهنودتي
هنادي تغمز لها: مي تو بيبي
وصلوآ للمطعم وكآن شكلهم ملفت للأنتباه خآصه ان علياء وروآن كآشفين وجههم
بعد صلاة العصر
اجتمعوآ الكل ببيت ابو مهآ
{ مها وبنتها – شهد ومشاري – ريم- رغد – سحر-سمر-روآن-هنادي }
مها: واخباركم جميعآ
الكل:الحمدلله
شهد:انتي كيفك ؟
مها تلف : زي مآتشوفين بألف خير
هنادي بكسل: يالله رتبوآ شنطتي أنا عروس مايصير أشتغل
روآن تضحك: متأكده أنك عروس
هنادي تهز كتوفهآ: يقولون وأنا لآ أعلم
ريم وقفت: سحر خلينا نكسب فيها خير ونرتب شنطتهآ والله لو نعتمد عليها ماتسوي شي
هنادي تأشر لهم بيدها:اصلا اغراضي قليله ماراح تتعبكم ساعه بالكثير وانتم مخلصين منها
روان بنذاله: خلوها هي تسوي حاجاتها بنفسها
هنادي تطالعها بحقد: رونا اسكتي انتي هم يبون يكسبون خير
سحر تضحك: بنروح نرتب لك مع انك ماتستاهلين
مها : ويش دعوه تستاهل هنوده كل خير ...من قدهآ بتأخذ أطخم
روان تهمس:ايش قصدهآ ؟
هنادي تضحك: يعني بأخذ وآحد مُزه
روان صارت تضحك على نفسها: آهآ يعني زوجك حلوو يمكن احط عيني عليه
هنادي تتخصر: بس اشوفك توطوطين جنبه بحشلك رجلك
روان كشرت: يؤؤ انا يكفيني أنتي مالي وماله يموت احسن
هنادي تطالعها بنص عين وميلت فمها بابتسامه:ايه يموت ولا تقربين منه
روان تقرصهآ:حقيره المفروض تفرحين اني بشاركك فيه
رغد: لا تقربين منهآ ياروآن هذي شرسه
روآن ابتسمت: توي اكتشفتها على حقيقتها
مها :اقول رغد ليش مآدآومتي اليوم
رغد: مالي خلق ابي اتجهز نفسيا لبكره
روآن: كأنك مره قلتي أنو وليد ولد عمي يدرسك
رغد تعلقت عيونها فيها: ايه قلت
روان تضحك: ياحياتي عليه وليد حبوب ودمه زي العسل
رغد تميل فمهآ( ألا ثقيل طينه ويجلط الواحد ...مالت عليه):بالعكس شديد مره ومتوحش عن نفسي أكرهه ولا أحبه بس حظي الأقشر رمآني عنده
روان عبست:يمكن عشان طبيعة شغله وألا شخصيته طيب وحنون مره مافي احد بالعايله يكرهه الكل يحبونه
رغد عبست ومدت فمهآ:يمكن
روان: مع الأيام بتعرفينه كويس وتعرفي طيبة قلبه
رغد:كرهت الدراسه بسببه يعني لو ينقل من المستشفى برتاح نفسيا
شهد تدقها بخفه ابتسمت لروان: تعرفين الطلاب يكرهون دكاترتهم عشان يشدون عليهم بالدراسه
روان: اكيد ...الله يكون بعونك حبيبتي ويوفقك
رغد :سوري انفعلت شوي بس بجد حاقده على ولد عمك
روان تضحك وتغمز لها: حوصله كلامك
رغد بلا مبالاه:ايه وصليه توفرين علي التعب
شهد ترقع لها: تمزح معك هالايام صايره عصبيه
هنادي موع اجبها كلام رغد: ايييه محد كلم فهد يسأله عن شوق واخبارها
مها: كلمته واحنا بالطريق..يقول نايمه ماصحت للحين
رغد بتألم: ياحياتي عليهآ ...يعطونهآ مسكنآت قويه عشان العمليه
مها: اكثر شي يحس علي ولدهآ رآكآن والله بالحضانه محد يهتم فيه ولا يلتفتون فيه لو يبكي او يجوع
شهد بأنفعال: حسبي الله عليهم ..المفروض فهد يطلعه على مسؤوليته
رغد: مجنونه انتي لازم يحطونه بزجاجه دآفئه على حسب درجة حراره رحم الأم عشان يكتمل نومه ..خاصه انه انولد ببدآية السابع ما أكتملت حواسه
روآن بصدمه: يالله كل هذا عشان جآء بالسابع ..يالطيف
شهد تطالع بميشو وتبوسه بقوه:شوفي المزيون هذآ مآكمل التاسع ببطني وطالع يخقق ربي يخليه لي
رغد عصبت: يالله عليك ياشهد مليت وانا أفهم فيك
مها بترفع ضغطهآ قالت بسخريه: غبيه ويش ترجين منها
شهد شهقت: شنوو؟..مالغبي غيرك
هنادي: اووف خلاص اتركوا المناقرات عنكم
سمر دخلت: احلى قهوه لاحلى صبايا
روان: من يد ما نعدمها
سمر حمرت خدودها :تسلمين ..حياك تفضلي " مدت لها فنجان قهوه"
روان: يعطيك العافيه
هنادي:اقول روان خلاص اليوم تنامين عندنا
روان استحت: مابي اضايقكم
مها: افا عليك ..البيت بيتك
هنادي بأصرار: بتنامين عندنا يعني بتنامين عشان بكره تساعديني
روان: أوك بس اتصل على بابا اقوله
هنادي:اوك
بالرياض
وصلت العصر للرياض اتصلت عليه
صفاء: لازم اشوفك باقرب وقت الموضوع ما يتأجل
فهد: اوك ..حددي مكان نتقابل فيه
صفاء: فندق الـ...
فهد: ربع ساعه واكون عندك
صفاء: انتظرك لا تتأخر لان حتى المدير بيجي
فهد: زين خلاص ..يالله شوي واجي ..ترك كل اللي بيده وطلع من مكتبه الخاص بالشركه
فهد: سلطان عندي مشوار ضروري أي موعد كنسله
سلطان: حاضر ...بس توقيعك للـ..
فهد يقاطعه: ماني فاضي لأي شي أجل كل شي لبعدين..مع السلامه
سلطان :مع السلامه
نزل بأقصى سرعته انتبه لبعض الموظفين اللي تفرقوا اول ماشافوه عدآ الموضوع لأستعجاله ركب سيارته ومشى بسرعه جنونيه كادت تودي بحياته ...وصل للفندق بوقت قياسي .. طلع للمطعم الخاص بالفندق في الدور الخامس
فهد: وينك ؟
صفاء لفت بعيونها تدوره: شوفتك خلاص
فهد: وينك ما اشوفك
رفعت يدها تاشر له لمحها على طول وقرب من الطاوله المتواجد عليها صفاء ومشعل
فهد يسلم على مشعل: كيف حالك استاذ مشعل ؟
مشعل: بخير ..انت كيفك مبروك الولد ولو انها متاخره
فهد:الله يابرك فيك ...صافح صفاء وابتسم..الحمدلله على سلامتك
صفاء: الله يسلمك .خلونا ندخل بالشغل على طول لان رحلتي بعد ساعتين
مشعل: يالله ..هاتي جديدك
صفاء طلعت اوراق من شنطتها اللي من افخم الماركات العالميه:تفضل هذي معلومات عن الشخص المسئول عن العمليه بالرياض قدرت اتوصل لها بطريقتي
مشعل يتأمل الأسم: هذا الأسم تكرر علي كثير لكن دائما يكون بعيد عن الأنظار
فهد بفضول:ممكن اقرأ الورقه
مشعل يمدها له:تفضل ...عليك الباقي
صفاء:انا تكفلت بالمعلومات يافهد وتاخرت بأستقالتي عشانك بس الحين الدور كله عليك لاني قررت اقدمها اليوم لأستاذ مشعل
فهد مصدوم من الأسم اللي مكتوب على الأوراق:صفاء انتي متأكده من الاسم؟
صفاء: ز يماني متاكده من شوفتك قدامي
فهد حط يده على راسه :آآآآآآآآآخ بس من وين تتحذف علي هالمصايب
مشعل حط يده على كتف فهد:اذا ماتقدر على هذي المهمه ..نكلف احد غيرك فيها
فهد:لا ان شاء الله اكون قدها (والله وطحت بيدي يا أحمد نهايتك بتكون على يدي بأذن الله)
بمكآن ثاني بالرياض
فتحت عيونها ببطئ كانت رؤيتها مشوشه وغير واضحه بتاتا ..لمحت احد بجانبها همست بصوت هآلكه التعب :فــهـــد
بدأ هذا الظل بالأبتعاد عنها دب الخوف فيها حاولت تجلس لكن الألم كان اقوى من ان تتحمله نادت بصوت مسموع: فهد ارجع لاتتركني "اصبحت رؤيتها تتضح شيء فشيء مدت يدها لهذا الطيف البعيد عنها"فهد ..فهد أرجع "تهدج صوتها بالبكاء وزآدت نبرة صوتها حده"أبــيــك ..محتآجتك صرخت بصوت عالي: فــــــهـــــــد .. صارت تبكي وتصرخ بصوت عالي وشبة هستري
دخلوا عليها ممرضتين يحاولون يهدونها
شوق تبعدهم عنها بشراسه: بعدوا عني ..توه كان هنا ..انا شفته
الممرضه: ماكان في احد
شوق تصرخ: انا شفته بعيوني ..ليه يتركني
الممرضه:مافي احد ..اكيد يتهيأ لك
شوق تبكي:لا انا شفته والله شفته ..ليش تركني ومارد عليه
الممرضه بهمس:خلينا نتصل على زوجها
شوق تصرخ عليهم: بعدوآ عني ... بعدوآآآآ
الممرضه تحاول تمسكها وتهديها:انتي اهدي الحين نتصل على زوجك
شوق عصبت واحتد صوتها: برآآآآآ ...برآآآآ خلوني لحالي مابي اشوف احد
طلعوا بسرعه وكلموآ فهد
فهد وقف: طيب طيب ..الحين جاي
صفاء بخوف: ايش صاير
فهد:زوجتي تعبانه ...مضطر اروح اذا باقي كلام ماقلتيه قوليه لأستاذ مشعل
مشعل وقف: اعتمد علي ..وانت روح لزوجتك هي بحاجتك اكثر منا
فهد اعطآه الأوراق: اشوفكم على خير ..ماقصرتي صفاء تعبتك معي
صفاء ابتسمت: تعبك راحه يافهد
فهد: مع السلامه ..نزل وكل تفكيره بشوق اول ماوصل المستشفى طلع لقسم العنايه المركزه
فهد: خير ويش اللي صار
الممرضه: ما ادري الدكتور دخل على زوجتك صارت تبكي وتصرخ تقول تركني ..شفته وكلام ماهو مفهوم
فهد ارتعشت كل خلاياه من احساسه بالخوف:طيب ويش السبب
الممرضه: فجاه صارت تصرخ وتبكي ...الحين يطلع الدكتور واستفسر منه
فهد وقف على جنب ينتظر خروج الدكتور بفارغ الصبر لكن طال انتظاره وخوفه يزداد بمرور الوقت عليه
بعد فتره طلع الدكتور مشى له بسرعه ولهفه:طمني يادكتور
الدكتور: حالته ما تطمن بدت تتوهم اشياء وتتخيلها
فهد: يعني ايش ؟!..بيكون له ضرر عليها
الدكتور:هي فاقده اهلها تحس بالفراغ واغلب وقتها تقضيه بالنوم بعد المسكنات وهذا له تأثيره السلبي ...اتمنى تون جنبها وماتتركها اقل شي تتحسن نفسيتها لان علاجها يعتمد على النفسيه اولا واخيرا
فهد تنهد بتعب: إن شاء الله ..الحين اقدر اشوفها
الدكتور: تفضل وحاول تهديها
فهد: اوك ..فتح الباب بشويش ولمحها مستلقيه كالجثه بدون أي حراك كانت هاديه جدا عكس ماكانت عليه قبل لحظات اقتربت خطواته منها اكثر
فهد بهمس:شووووق
دارت عيونها على مصدر الصوت:ويش تبي جاي ؟
فهد وقف قبالها: جاي اتطمن عليك حبيبتي
شوق نزلت دموعها: ليش تركتني كنت اناديك وأبيك
فهدعرف انها كانت تتوهم مسك يدها بحنيه:حبيبتي انا توي جيت اكيد كنتي تحلمين
شوق عصبت:ماكنت احلم انا شفتك هنا ..والله العظيم شفتك
ابتسم لها بتألم:مصدقك ياحياتي
شوق تمسكت فيه اكثر: لاتخليني لحالي
فهد: ان شاء الله ما أخليك
شوق نزلت دموعها بغزاره:خلهم يطلعوني تعبت من جلستي عندهم
فهد: حبيبتي لازم تظلين وقت هنا مايصير تطلعين وانتي ما اخذي كل العلاج
شوق:مابي العملي هوسويتها خلاص صرت زينه
فهد: والكيماوي ؟..لازم تاخذينه
ارتجفت من كلمته: مآآبي ..ماابي منهم شي ابي ارجع بيتي
فهد يمسح على شعرها:مايصير ياشوق ..كل اللي انتي فيه بسبب عنادك هالمره مستحيل اطاوعك انتي لازم تاخذين الكيماوي عشان تتشافين
شوق دفته وكلها فتور وتعب: مابي ..رجعني للبيت مابي اجلس هنا
فهد يحاول معها: شوق الله يرضي عليك افهميني خلي العناد
شوق تصرخ عليه:مآآآبي ...اصلا انت معهم حتى ولدي حرمتني من شوفته
فهد تنهد:شوق افميني اللي نسويه كله عشانك
شوق تحط يديه على انها:كذاااب مابي اسمع منك شي ..أطلع برآآ برآآآ
فهد يحاول معها:كيف طلع وانتي بهذي الحاله ..اذا هديتي بجيب لك راكان
شوق لفت عليه :صدق بتجيبه لي
فهد هز راسه وعلى شفاته ابتسامه شاحبه :ايه بجيبه بس اهدي "مسح دموعها باطراف اصباعه وباسها على خدها " يالله حبي ابتسمي وخلي الدموع عنك
شوق ضمته: لاتروح بعيد عني
فهد: لا تخافين أنا جنبك
شوق ركزت بعيونه المليانه حزن: أبي أكلم أهلي
فهد: من عيوني غالي والطلب رخيص ...أتصل الحين عليهم
هزت راسها بالأيجاب ..طلع جواله واتصل على رقم بيت أبو مهآ من ثاني رنه وصله صوت سمر
سمر:الووو
أعطى الجهاز شوق اللي ردت بلهف: سلام
سمر أستنكرت الصوت المبحوح:وعليكم السلام
شوق بنبره تعب ممزوجه ببحه من البكاء:مشتاقه لك سمورتي
سمر صرخت بصوت عالي: شـــــــــــــوووق
شوق: ياعيون شوق ..كيفك وكيف خواتي
سمر تبكي: بخير ..انت كيفك بموت على مآ أشوفك
شوق نزلت دموعها وصارت تشاركها البكاء:الحمدلله عايشه
سمر تبكي:كيفك الحين وكيف عمليتك
شوق:الحمدلله زينه
جات مها وشافت سمر تبكي:خير ويش فيك تبكين
سمر بلهفه وأشتياق:اكلم شوق
مها شهقت وركضت للتلفون وسحبت السماعه من سمر:شوووق حياتي وحشتيني
شوق:وانتي اكثر حبيبتي
مها: ويش فيه صوتك كأنك تعبانه
شوق:تعبانه كثير يامها
مها : سلامتك من التعب ..خليك قويه وادعي ربك ليل ونهار
شوق: إن شاء الله ..وين البنات ابي اكلمهم
مها: يساعدون هنادي بتحضيراتها
شوق: ياقلبي عليها...مها انتبهي لها الله يخليك ترى هنادي تعاني بس انتم ماتدرون عنها فهميها كل شي قبل تروح عنكم لبيت زوجها
مها:لاتوصيني عليها هذي بنتي قبل تكون اختي
شوق:حسسوها بالفرحه حتى ماتحس بالنقص
مها: يصير خير حبيبتي انتبهي لنفسك ولصحتك
شوق:لا تهتمون لي .. سلمي على الكل
مها بحزن: يوصل شواقه
شوق: مع السلامه
مدت الجوال لفهد اللي كان سرحان بملامحها المصفره والباهته لمت شعرها المتبعثر بجميع الجهات وطاحت خصلات بيدها
شوق: هذي البدايه والله يعلم وين النهايه
فهد مسك يدها ورمى شعراتها على الارض:بطلي تشاؤم وخلي ايمانك قوي بالله
شوق: والنعم بالله
فهد: يالله نامي اليوم باين عليك التعب
حضنته بقوه ودفنت راسها بصدره ملاذها الوحيد ...لمها لنفسه بقوه وانفاسه الحارقه تدفي اطرافها البارده
صباح اليوم التالي
كانت نايمه هي وروان بغرفه مها وشوق .. ومها نامت عند بقية اخواتها..طول الليل مانامت تفكيرها بمتاهات مالها أخر ..خوفها من القادم بدأ يزداد
هنادي(ويش سويت بنفسك ياهنادي..وين هنادي الأولى معقوله تغيرك الحياه وهذي الظروف "رد صوت بداخلها" كيف ارتاح وانا مآ انتقمت لنفسي ..انا طحت وانكسرت ماتت احلامي بغمضه عين اليوم ببدأ حياه جديده وجديه معه كل اللي كان بيننا بيتغير ..كيف بكون معه طول العمر وتحت سقف واحد ..بقابله طول الوقت واتحمله عشان كذا لازم انتقم لنفسي حتى تبرد ناري ) لفت على يمينها وشافت روان نايمه بأنغماس ..قامت اخذت منشفتها ودخلت تأخذ شور ينشطهآ ويخفف شوي من توترها
صحت على صوت بكاء مشاري اللي ازعجها
رغد بتأفف وصوت ناعس:شهد سكتي بزرك هذا ابي انام
شهد:قومي اصحي يالله صرنا قريب الظهر
رغد تغطي نفسها بالبطانيه:خذي ولدك واطلعي ابي انام
شهد: اوف منك تزعجين الواحد ...امري لله باخذ ميشو ونروح برى لا نزعجك
طلعت من الغرفه وسكرت الباب شافت هنادي طالعه من الحمام ولافه منشفتها على شعرها
شهد: صباح الخير ياعروس
هنادي: صباح النور
شهد تغمز لها: ويش عندك صاحيه بدري
هنادي:شبعت نوم وقمت عشان اتجهز من بدري
شهد: ياعيني ياعيني ..يالله تعالي ساعديني بالفطور
هنادي: اوك حطي كل اللي بالمطبخ حتى روان تفطر زين
شهد ترفع حاجبها :ماشاء الله روانا هم منا
هنادي: هي ضيفتنا يالله عاد اسبقيني انا بصحي الكل والحقك
راحت للغرفه تصحي مها وريم والبقيه ..رجعت لغرفة مها وصحت روان
روان: صباح الخير
هنادي تضحك:قصدك ظهر الخير ..يالله قومي غسلي وجهك وتوضي وصلي ..بروح اساعد شهد بالمطبخ
سبقتها روان وطلعت قبل تروح للمطبخ دق جوالها .. شافت الرقم ورتددت قبل ترد عليه لكن قوة نفسها وردت
هنادي: اهلييين
باسل: وحشتيني
هنادي سكتت ماعرفت كيف ترد عليه
كمل كلامه بنبره عاديه:كيف استعدادك الليله
هنادي:زين الحمدلله ..وأنت ؟!
باسل: جاهز من كله وابوي بيوصل العصر مع اعمامي
هنادي :عمري ماشفت ابوك ..ولا قادره اتخيل شكله
باسل يضحك:جنتل مان
هنادي:يالله مصيري اشوفه وأحكم بنفسي
باسل:اخليك الحين بنام لي شوي قبل اروح استقبل ابوي واعمامي
هنادي:اوك..مع السلامه
رمت جوالها بدرج الكمودينه وتنهدت:ليش كل هالبرود ياهنادي ليييه ؟
قامت وطلعت للمطبخ
شهد: يالله بسرعه كلمتني الكوآفيره تقول بعدصلاة العصر أو قبلها بنص ساعه تجي
هنادي بتأفف:مالي خلق عوآر الراس
دخلت رغد على كلمتهآ:تحملي هذي الليله
شهد تمد الصينيه:يالله حطيهآ بالصاله وانا بجيب الثانيه
رغد ابتسمت: فطور يفتح النفس
هنادي: عماتي متى يجون؟
شهد: اكيد المغرب لاتنسين ان خالتي ام يوسف وغدير بيجون
هنادي شهقت: ويش؟!..ماقلنا مختصره وعائليه
شهد فتحت عيونها: خير تراهم منا وفينآ وألا ماتبينهم يحضرون
هنادي: ماقلت كذآ
رغد:بعدين ترآهآ كأنهآ ملكه عاديه خلينا نعزم البيت كبير وبيشيل ان شاء الله
هنادي تتخصر: ماشاء الله والرجال وين بيحطونهم
رغد ترفع يدها للسقف:ماتسمعين الرجه اللي فوق ..ابوي وجلالي يرتبون الملحق وباسل أستأجر اضائه ويركبونها برى
هنادي شهقت:بذمتك؟
رغد تضحك:روحي افتحي الشباك وشوفي بنفسك اللي يركبون
هنادي تحط يدها على راسها:يوووه يعني في معازيم
شهد ابتسمت: ويش يهمك أنتي اصلا ابوي عزم جيراننا وعماتي واحنا واهل سيف ووطبعا اهل حبيبي ونور عيني ..يعني في ناس ايش على بالك انتي لازم الكل يعرف هذا زواج مو لعب
هنادي انصدمت مآكآنت تعرف باللي يصير من ورآهآ كآنت بارده بتحضيرتها ولا سألت أبوهآ عن شي :طيب بروح اودي الصينيه واستعجلوآ أنتم
أجتمعوآ كلهم على الفطور وكآنت الجلسه كلهآ حول هنآدي
روآن: سرحآآآنه البنت ماهي معانا
هنادي تميل فمهآ: لآ حبيبتي معكم بس مطنشه كلامك السخيف
ريم:هههههههه مطنشه وألا خايفه
هنادي توترت:أوووف خلاص "وقفت بتروح الغرفه"
شهد: اجلسي كملي فطورك بعدين محد فاضي يسويلك أكل
هنادي: الحمدلله شبعت ..مهآوي اذا خلصتي احلقيني ابيك ضروري
رغد ترفع صوتهآ: بدينآ الأستشارات من الحين
روآن تضحك:عشنآ وشفنآ ياهنو
هنادي مدت لسانها لهم ورآحت للغرفه ..قبل تفتح الباب سمعت صوت جواله بسرعه دخلت وقبل تقرب منه أنقطع الخط ..اخذته وشآفت 7 مكالمآت
هنادي بتأفف:ياربي منه ويش يبي بعد "ارتفع صوت نغمتها وردت"..هلا
باسل:وينك كسرت جوالك
هنادي:كنت افطر ..خير ويش تبي؟
باسل:ترى عمال الكوشه بعد نص ساعه بيجون
هنادي بأستغراب:أي كوشه؟
باسل يضحك:بعد أي كوشه ..كوشتك والا ماتبين كوشه
هنادي:بس انا قلت لآخواتي مابي زفه
باسل:عاد حجزتها قبل يومين وعليك تجهزين المكآن اللي بتحطينهآ فيه والا عاجبك ادخل لغرفتك يعني
هنادي بقهر:بس أنا مآجهزت شي للزفه واضن الظروف ماتسمح
باسل:اجل لو قلت لك أن في دي جي بعد
هنادي عصبت: تتمسخر علي انت والا مخليني زي الأطرش بالزفه
باسل يضحك على عصبيتها:خلاص كل شي بوصل لحد بيتكم وقبل صلاة العصر بيكون كل شي جاهز ..باااي
هنادي: أنقلع "قفلت الخط بوجهه وصرخت بوصت عالي"..مـــهـــآ
رجعت لهم بالصاله وهي معصبه
مها:خير ويش فيك تنادين
هنادي تتخصر: حاجزين كوشه ودي جي ...ماكان هذا اتفاقنا
شهد :حلوو ..ويش اللي مخليك معصبه كذا
هنادي:ليش محد قالي
مها: تونا درينا مثلك ...ياله هذي فرحه
هنادي تشد شعرها:بجد سخافه
روان:هنو بدل ماتفرحين تعصبين ..خلينا ننبسط وألا ماتبي تكونين عروس
هنادي: أي عروس الله يسلمك هذا بس حفل مصغر عشان الناس يقولون تزوجت بنت محمد القايد
ريم:خلاص هنادي ماله داعي تعصبين
تركتهم ورجعت الغرفه معصبه وتتحلطم بداخلها ..سمعت الباب انفتح وكآنت مها
مها قفلت الباب وقربت منها بحنيه:قلتي تبيني ضروري
هنادي نزلت راسها:كنت بسئلك عن شي بس خلاص تراجعت
مها جلست جنبها وابتسمت: أسئلي باللي بخاطرك
هنادي حمرت خدودهآ وقالت بحياء:كيف أعرف .....
::
::
::
صحى من النوم بسبب ألم ظهره لآنه نايم بوضعيه غير مريحه ..ماحس بنفسه لمآ نآم من كثر تعبه وأرهاقه
فهد:يؤؤؤؤ كيف راحت علي نومه
وقف بعد ماعدل الشرشف وغطآهآ فيه زين وطلع بشويش حتى مايزعجها ...غسل وجهه وأتجه لقسم الحضانه وأحساس الابوه يقوده الى أبنه الوحيد ..طلب من الدكتور انه يشوفه وبعد محاولات من الأقناع قدر أنه يدخل
قرب من ولده وهو يتأمله بدأ يكبر شوي ويخف أحمرآره ..لكن لآحظ عليه التورم بأجزآء جسمه العاريه ووجهه
فهد:ليش متورم كذآ ؟
الدكتور:طبيعي يتورم واحنا متابعينه بالتحاليل بس يأسفني اني اقولك
فهد لف عليه زي المقروص وبصوت حآد:ويش فيه ؟
الدكتور:لاتخاف لاتخاف هو مجرد شك وأن شاء الله يختفي ويكون بخير
فهد بخوف:خوفتني ولدي فيه شي؟
الدكتور: ممكن يكون معه سكري لآن التحاليل نسبة سكر الدم مرتفعه
فهد:يعني في أمل يختفي منه
الدكتور:أن شاء الله كل شي بأرآدة رب العالمين
فهد: دكتور هل مرض أمه يأثر عليه؟
الدكتور:هذآ علمه عند الله اللي اتضح لنا انه سليم ونموه طبيعي جدآ وان شاء الله يكون متعافي بأذن الله
فهد:دكتور اذا ماله علآج هنآ اوديه برى المملكه بس يتشآفى
الدكتور ابتسم: مايحتاج تسافر امكانيات مستشفياتنا متطوره والحمدلله لكن اذا كان مريض من الصغر بالسكري مافي أي مستشفى بالعالم تعطيه علاج لان هذا يكون خلال بافرآز هرمون الأنسولين
فهد تنهد بخوف وحزن وهو يتأمل ملامح رآكآن الصغيره :لاحول ولاقوة الا بالله
الدكتور يوآسيه:أن الله مع الصابرين احتسب أجرك عند الله
فهد: والنعم بالله ..انا حكون على أتصال معك بأذن الله
الدكتور: على خير ان شاء الله
رجع لغرفه شوق وكآسيه الحزن ..قلبه بيتفطر على زوجته وأبنه بنفس الوقت ألالاف الأوهآم أستحوذت على تفكيره حاول يخفي كل شي عنهآ حتى لآيحسسهآ بشي يضآيقهآ ويتعبهآ أكثر
فتح الباب وهو يتصنع الابتسامه والفرح ..شافها صاحيه وماسكه جواله بيدها
فهد: يسعد لي اوقاتك
شوق ابتسمت:وأوقاتك حبيبي
فهد: بشريني ان شاء الله أحسن
شوق هزت راسها بالأيجآب
فهد جلس جنبها وحضنهآ: دوم يارررب
شوق:نادهم خلهم ينزلون المغذي تعبت منه
فهد: أنتي ماتأكلين لازم يستحملين
شوق: نفسي مسدوده عن كل شي خاصة الأكل
فهد أبتسم لها:خليك قويه مآ اخبرك ضعيفه ..لاتنسين ان اليوم بتكون أول جلسه للكيمآوي
شوق غمضت عيونها:انا صرت احسن يعني لازم أخذه
فهد:أيه لازم ..وجهزي نفسك بروح اكلم دكتورك وارجع
شوق: لآ هذاك الدكتور اكرهه ناد الأستشاري أحسن منه
فهد يأشر على عيونه: تأمرين أمر ..عسى بس يكون موجود
بعد المغرب
الكل كآن جآهز لبسوآ وأنتهوآ حتىيستقبلون ضيوفهم ...كآنت أخره جآهزيه ادركت للحظة أنهآ اوشكت على النهآيه
روآن :هنوده شوفي هذآ الميك مرره حلو
هنادي تأخذ المجله منهآ:لا وع ثقيل مره انا ابي شي نآعم وهآدي مو أووفر
رغد بأعتراض:مايصير خليهآ تثقله لك
هنادي بأصرار:تعرفين أني أكره الميك آب ولآ اطيقه زين مني بحط "لفت على الكوآفيره" ابيك تسوين لي شي هآدي مايشوهني ولآ يغير ملآمحي كأني جآيه من المريخ
الكوآفيره تضحك عليهآ:بسوي لك على زوئي
هنادي :لآلآ اعرف ذوقكم ثقيل وخط طالع ولون نازل
روآن تسكتهآ: طنشيهآ لاتسمعين كلامها هذي هبله سوي لها حآجه حلوه وتبينهآ عروسه
الكوآفيره:ولا يهمك بعمل اللي بدك أيآه
هنادي بحده:لاتتدخلون فيني خلوني على راحتي
شهد:مو بكيفك حبيبتي يالله عآد اختاري تسريحة لشعرك
هنادي:أبي شي رايق وذوق وبنفس الوقت ناعم
رغد عصبت عليها جننتهآ باعتراضاتهآ وتشرطآتهآ اللي ماتنهي:محد تعبنا غيرك "سحبت المجله من يدهآ "انا اللي بختار لك ولا أبي اسمع صوتك
هنادي تتخصر:بالله طالعوآ اشكالكم بالمرايا تخرع
الكوافيره:يالله تأخرنا ماعنآ وقت
رغد فتحت على صوره :سوي لهآ زي هذي التسريحه والميك آب حلوين
هنادي استلسمت:أمري لله خلينآ نبدأ
طلعوآ شهد ورغد لبرى يساعدون البقيه في الترتيبات أمآ روان جلست عندها تسليها
هنادي تفرك اصابعها ببعض وتكشر لان الكوافير تشد شعرها
روان تفتح العلبه الخشبيه: ويش تبين لون ؟
هنادي تركزت عيونها على روان: لون ايش؟
روان تربعت على السرير وحطت علبه المنايكير قدامها:بسويلك بنفسي منايكير "سحبت لون توتي لامع " هذا بيطلع جنان مع الفتسان الابيض
الكوافير تدخلت وابدت برائيها:هيدآ اللون مرغوب كتير
هنادي أبتسمت:موآفقه يالله تعالي حطي
روان قامت وسحبت كرسي التسريحه وجلست قبال هنادي :أول شي وين اللوشن
هنادي تأشر على الدولاب:بالدولاب فوق
أخذته ورجعت لهنادي وبدت تحط لها المنايكير بأخلآص
هنادي:لوونه مره حلو ..بجد سحر غبيه ماقالت لي عليه
روان رفعت حاجبها:بتقنعيني انك تحبين المنايكير
ضحكة بصوت عالي ضحكة رنانه:تبين الصدق ما احبه
روان كشرت ومسكت اصابعها بقوه:لآ تتحركين وجع
هنادي:يالله أستعجلوآ علي
الكوآفيره:اوك ان شاء الله ساعه ونص وبنخلص
بالرياض
وصلته راسله على الجوآل افقدته صوآبه
(وين الشنطه يآفهــد ؟) ...رد على الرقم اللي كآن يجهل صاحبه ( أي شنطه اللي تتكلم عنهآ)
دقآيق ورن جوالهآ بالرقم نفسه ...ردت بصوته الخشن الممزوج ببحه خفيفه
فهد:نعم
..:وين الشنطه ؟
فهد:قلت لك أي شنطه؟
..:أنت تدري عن أي شنطة أتكلم ...اسمع معك يومين بس عشان تقول مكآن الشنطه
فهد:قلت لك مآ ادري عن أي شي تتكلم
..:أوراقك كلهآ مكشوفه لي ...يومين مو أكثر ..ألا الثمن بيدفعونه زوجتك وولدك
فهد بحده:ايش تقول؟ أسمع لحد هنآ وبس أن فكرت تقرب من زوجتي وألا ولدي راح يكون أخر يوم بعمرك
..:ههههههههههه زوجتك اللي على فرآش الموت ؟وألا ولدك اللي مايندرى يعيش وألا يموت
فهد بحقد:صدق أنك وآطي وحقير وسافل
..:يومين وتكون الشنطه عندي ..ألا بتنفضح قدآم أهلك وزوجتك ..والباقي بخليه مفاجئه لك
فهد بعصبيه حآده:جرب تقرب منهم وشوف ويش اللي بسويه
..:يمكن ماعرفت تتكلم مع مين ؟..ترآني قول وفعل
فهد بنفس نبرته: وأنت مآعرفت فهد زين
..:أنتهى كلامي ..موعدنآ بعد يومين وفكر بزوجتك وولدك أذا هم غالين عليك
انقطع الخط والخوف سكنه على شوق ورآكآن مجهولين المصير ...ارتبك بشكل غير طبيعي مايدري أين التصرف السليم ..كسته الأفكار والأوهآم وقلبه مقبوض على أغلى أثنين بحياته
على طول اتصل على الأستاذ مشعل
فهد:استاذ مشعل ضروري اقابلك الحيييين
مشعل: خلاص تعال عندي البيت انتظرك
فهد: زين ربع ساعه وأكون عندك ...مع السلامه
الساعه 9 ببيت أبو مهآ
إنْ كتٌبْتُي بْ " دفٌترْكُ " .. عنُيْ سٌطوْرُ!
اكتٌبْي .. انٌيْ عقٌبْ " زٌولْكُ " مُا هوْ وْ وْ يتٌ !
وْإٌنُ خذٌاكْ " جمٌاْلًكُ " الاْ .. حٌد الغٌروْرُ !
جُانْيٌ | احٌلىْ | منٌكْ لٌكْنٌ " مْا بغٌيتْ !
دخلوآ عليها سحر ورغد
رغد:وآآآآآو ياهنوده الكوشه تجنن وجايبين اضائه روعه وكآميرآ فيديو
كآنت توهآ مخلصه الكوآفيره منهآ..شهقت:أيش فيديو؟
سحر أنجنت على منظر العمآره من برى مدت لها الجوال:شوفي هديل ايش صورت وهم جايين
هنآدي طالعت الجوال:روووعــه ..ويش ذآ ؟
رغد تغمز لها: عمارتنا من برى طالعه عروس العمآره ناقصها العريس
هنادي : والله طالع شكلها جنان
سحر: ماشفتي المجلس وألا بنتهبلين ..والملحق وباقي السطوح بجد اول مره ادري الأضاءه لها دور
الكوآفيره: محتاجه شي قبل اروح
هنادي تلف على خواتها:كيف شكلي بالله؟
رغد: تهبلين بسم الله عليك ..يالله بنطلع ونخليك تلبسين وتخلصين
هنآدي ابتسمت:نآدوآ روآن تساعدني
سحر رفعت حاجبها: أنا أساعدك خليها تستقبل صحباتكم باقي الشله
هنادي بأصرار:ابيها بموضوع بنفس الوقت
رغد تسحب سحر: الحين انآديهآ لك هي لبست بغرفتنا وخلصت من نفسها
الكوافيره: مبروك ياعروس ..تتهني
هنادي بحياء:الله يبارك فيك
الكوافيره: مع السلامه ..طلعت وخلت هنآدي بالغرفه تجهز فستانهآ وصندلهآ وأنتم بكرامه وباقي كمالياتهآ
دقت الباب قبل تدخل:عآدي ادخل ؟
هنادي تضحك:أكيد وقفلي الباب ورآكِ
دخلت وقفلته زي ماقالت لهآ وقفت جنبهآ : يجنن فستآنك الأبيض
هنآدي ترفعه:بجد حلو ...أحسه عآدي؟
روآن تبوسهآ: حتى لو عآدي عليك بيطلع يجنن
هنادي ابتسمت :طيب ابي ألبسه
روآن:أنا بطلع عشان تلبسين
هنادي: لاتبعدين عشآن تقفلي السحآب يتعب تقفيله
روان: من عيوني يالله بسرعه معك خمس دقايق
طلعت وتركتهآ تلبس فستآنهآ ..شافتهآ سمر طالعه برى
سمر: ليش وآقفه هنآ؟
روآن: أستنى هنآدي تلبس
سمر تمد لها صينيه صغيره: خليهآ تأكل أكيد جآعت
روآن ابتسمت على حنيتهم:الله يخليكم لبعض بجد مآعمري شفت أخوآت زيكم
سمر استحت:يووه ترى استحي
روآن:باين مرره ..يالله روحي وهاتي الصينيه "سمعت هنآدي تنآديهآ ودخلت" جآيه الحين
دقايق وكآنت عندهآ بالغرفه
هنادي:ويش هذآ ؟
روان: أكل زي ماتشوفين لازم تأكلين
هنادي: ماني مشتهيه بس أعطيني العصير بشربه
روآن قربت منهآ :بالأول نقفل الفستآن ونخلص منك وتجلسين تشربين
هنادي تضحك:امري لله يالله سكريه
عند البقيه ..كآنوآ يستقبلون المعآزيم من جيرانهم وأقاربهم وريحة العود والبخور طآغيه على المكآن والزغآريط بين فتره وفتره تلعن عن بدآية الحفل الصغير
مهآ: عمه روحي قولي لسحر تضيفهم
ام هديل: هديل قومي تحركي خليك سنعه
هديل تتخصر: جايبين مضيفات والله مآ أتحرك
مها تدفها: اقل شي وجهيهم وجع يالله
هديل تكشر:اوووف ..طيب لاتأكلوني
رغد أستقبلت شلة هنادي وروآن وكآنت تتفحصهم لآنهم مآ دخلوآ مزآجهآ وباين عليهم كول وفري
رغد:حياكم الله تو مآنور المكآن
أيه كآنت لآبسه فستآن لنص الفخذ وتوب لونه ليموني طالع على بشرتهآ البيضاء يجنن ومسويه شعرهآ كيرلي وكآن شكلهآ ملفت للانتباه وحآطه حلق بشفتهآ السفلى :بوجودك حبيبتي ..الف مبروك لهنوده
رغد :الله يبارك فيك
علياء كآنت لآبسه بنطلون أسود لآمع وبلوزه رسميه أبيض مفتوحه لحد الصدر وحآطه قلوس لآمع وشعرهآ بوي :على البركه
رغد تقززت من شكلهآ:آآمين..حياك
منآل كآن ستايلهآ نفس أيه لكن فستآنهآ طويل وظهرهآ كله برى ولونه أسود وشعرهآ ستريت:وين روآن مآ نشوفهآ
رغد:دقايق أنآديهآ لكم ...مشت من عندهم للغرفه مهآ اللي موجوده فيهآ هنآدي
دخلت عليهم وشافت هنادي
رغد:ماشاء الله طالعه قمر
هنادي كآن باين عليها التوتر:سكري الباب مابي اشوف أحد
روان تضحك: من قبل شوي اهدي فيها فجأه توترت
رغد تضحك:يالله صحباتك جوا برى
روان وقفت :بروح اشوفهم
هنادي:طيب روحوا عندهم انا بجلس هنآ
رغد:بنخليك تختلين بروحك عشآن بعدين ندخلك بعدين عند زوجك
هنادي تسايرها: طيب طيب يصير خير
بالمجلس الكل جالسين وبدأ يشتغل الدي جي ..تحمسوا البنات وبدأ يرقصون
هديل تصفر: عآشووآآ "قرصتهآ امهآ وبنبرة تهديد" لآتفصحينا يالمخفوفه
هديل بزعل: يمممه ويش ذا ابي أستانس
مها تضحك:خليها على راحتها ياعمتي
بجآنب أخر من البيت كآن صوت الأغاني مرتفع مره
شهد:ويش ذي الأشكال اللي تعرفهم هنآدي
رغد: مدري عنهآ ..خلينا نقوم بوآجبهم مهمآ كآن هذول ضيوفنآ
دخلت فاتن ومعهآ ولدهآ شهقت شهد اللي طاحت عينهآ عليهآ لما رفعت الغطآء عن وجههآ
شهد بصدمه:فآآآآآآآتن
لفت رغد على المكان اللي عليه عيون شهد ونقزت لفاتن وضمتهآ بقوه
فاتن: بشويش علي وعلى بنتي
رغد شالت بنتهآ: ياناس تهبل زي أمهآ
جآت شهد وضمتها بقوه: وحشتيني يالدبه
فاتن: زعلانه عليكم ليش مآزرتوني
رغد: والله صارت لنا ظروف بعدين نقولهآ لكم
فاتن:حتى عزيمه مآعزمتوني جيت من نفسي أنا وزوجي
شهد بفشيله:وربي جآت فجأه ..اهم شي انك جيتي ..حياك تفضلي
فاتن تعطيهآ عبايتهآ:مشتاقه لكم حيييل
رغد:تعالي نجلس ونسولف
عند الرجال
ابو باسل: ألف مبروك ياولدي منك المال ومنهآ العيال
باسل: الله يبارك فيك يبه ..عقبال العزآبيه اللي عندك
اخوه: يبه زوجني باسل ماهو أحسن مني
ابوه يضحك:خلاص ابشر نرجع الرياض ونخطب لك
عم باسل:مبروووك الف مبروك
باسل :الله يبارك بأيامك
ابو مهآ: تفضلوآ حياكم
ابو باسل:الله يحيك ويبقيك يابو مهآ
اخو باسل: وين فهد
باسل ابتسم له: بالرياض مايقدر يحضر
اخوه: عسى مآشر ..ويش فيه ؟
باسل:زوجته تعبانه وماقدر يتركهآ ويجي
اخوه: أجل ليش يقولون أنك متزوج اختهآ؟
باسل يضحك:هم صادقين متزوج أختهآ
اخوه بأستغراب: والله مآعرفنالك
يوسف يقهويهم:تفضلوآ
باسل: زآد فضلك ..نردهآ لك بالأفراح
يوسف يغمز له:لاتزوجت الثانيه
ابو مهآ يضحك:يعني النيه موجوده
يوسف :لا والله ماتستاهل ام مشاري اتزوج عليهآ
باسل: يمدحون الخوف
بعد ساعتين حآن موعد زفتهآ
زآد ارتباكهآ وخوفهآ اكثر ...لحظات بسيطه وتنهي حياتهآ بهذآ المكآن وتنتقل لمكآن أخر
علياء تبوسهآ: مبروك يالغلا ..الله يوفقكم
هنادي: تسلمين
أيه بعد مآسلمت عليهآ مدت لهآ كيس فخم: قدرك أغلى حبيبتي
هنادي: ليش كلفتي على نفسك حضورك يكفيني
منآل دفتها بدفاشه :وأنا ماتبين تسلمين علي "ضمتهآ وباستها على خدهآ" الف مبروك هنوده عقابل مانشوفك أم
هنادي تضحك:بدري مرره علي
منال تحط هديتهآ على السرير: لآقريب أن شاء الله
علياء تدقها: خفي على البنت ماتشوفينهآ متوتره وخايفه
هنادي ترتجف:احس اني بمووت من الخوف
روآن تهديهآ:يالله تشجعي الحين بنزفك
هنادي بترجي:لاتخلوني والله خايفه
منال ترفع حوآجبهآ:غصب عنآ بنخليك زوجك ينتظر برى يالله عآد
لبسوآ كل الحآضرين عبايتهم بالأضافه لأخوآتهآ وصديقاتهآ
سبقوهآ الكل اللي دخلت المجلس تنتظر الزفه واللي بالممر تنتظر خروجهآ
سمت بالله وفتحت الباب ...كآن فستآنهآ ابيض بتطريز ذهبي والصدر توب ..مخصر على جسمهآ ..منزله شعرهآ على أكتفاهآ وحآطه تآج صغير نآزل منه سلاسل بسيطه ..ميك آبهآ كآن درجآت الفوشي بارز ملامحهآ اكثر ..وقفت بالممر
هنآدي:أنا جآهزه
رغد تلثمت:اصبري أنآدي باسل
دخل وكآن يعرج بشكل وآضح بسبب الحآدث ..كآن كآشخ على الأخير طوله الفارع وكشخته بالبشت الأسود والشمآغ الأحمر ...أنبهر وهو يشوفهآ قدآمه مو مصدق عيونه
بآسل(لالا يتهي لي اكيد ماهي هنادي ) قرب منه :مبروك
هنادي رفعت وجههآ وكانت دمعتها متعلقه برموشهآ:الله يبارك فيك
قرب اكثر منها وباسها على جبنيها وضمها ..أزدآت ربكتها اكثر
رغد تنحنحت: احم احم ..الزفه ياهووو
هنادي: خلاص خليهم يبدون احنا جاهزين
رغد أشرت لشهد اللي بدورهآ شغلت الاغاني على اعلى صوت... وبدت الزفه
:::
:::
:::
دخل عليهآ وشآفهآ تبكي وتستفرغ ...ركض لهآ ومسكهآ
فهد بخوف: شوق ويش فيك ؟
كآنت حرارتهآ مرتفعه مرره وجههآ أحمر من شدة الحراره
شوق تشهق: بموووت ..آآآه بــ.."رجعت تستفرغ وأنتم بكرامه"
فهد طلع برى وصار يصرخ زي المجنون ينآدي الممرضين اللي ارعبهم صرآخه ...رجع لهآ ومعه الدكتور ...شآفها طايحه على الأرض مغمي عليهآ
صرخ بصوت عالي: شــــووووق
بهذي اللحظة في المدينه
جلسوآ على الكوشه والكل مبسوط وفرحآن وعيونهم تتأمل هنآدي وبآسل
باسل بهمس: ويش فيك هنادي ابتسمي
هنادي نزلت راسهآ ومسحت دمعتهآ اللي حاولت تخفيهآ عن الجميع بنفس الهمس:مآبي أسمع صوتك
سكت وقدر مشآعرهآ بالرغم من أنهآ كل مآ اقترب منهآ وحاول يتودد لهآ تجرحه بكلمآتهآ اللي تسمه وتعذبه أكثر
قربت منها مها:حبيبتي ويش فيك
رفعت راسهآ وعلى شفايفهآ ابتسامه:ولاشي اشوف الفستآن
جآو عماتهآ سلموا عليهآ وعلى باسل وباركوا لهم
هديل:حط هنوده بعيونك تراها غاليه علينا حيييل
باسل يضحك:بدون ماتوصين هي بعيوني
قربت علياء اللي كآنت كآشفه وجههآ وملامحهآ العاديه جدآ:مبروك يالعرسان
هنادي:الله يبارك فيك
باسل نزل راسه وحس بالأحراج لآنه أنتبه لصديقات هنآدي كلهم كآشفات عن وجههم ألا منال متلثمه ووآقفه جنب رغد وشهد
فاتن تهمس لشهد:بجد وقحآت الرجال موجود شلون مايتغطون
شهد:ادري عنهم ويش ترجين منهم الله يسامح هنادي اللي متعرفه على هذول الأشكال
رغد تدقها وبصوت واطي:اوووش تراهم جنبي
روآن قربت من هنادي وباستهآ على جبينهآ:الله يهنيكم ياقلبي "طلت بباسل"الف مبروك
باسل: الله يبارك فيك
مهآ: خلونآ نطلع للغرفه الثانيه ونخليهم على راحتهم
طلعوآ الكل مابقى ألا الثنآئي
باسل :ويش فيك كأنك زعلآنه ...اللي تبينه صار
هنادي طلت فيه:من قال اني زعلآنه ...بالعكس بموت من الفرحه
باسل ميل فمه: تتمسخرين علي
هنادي:كنت اتمنى هاليوم زي أي بنت بس تأتي الرياح بمالا تشتهي السُفن
قبل يرد على كلامهآ اتصل ابوه:هلا يبه ...لا لحالنا ..طيب حياك حنا بالمجلس
هنادي فتحت عيونها على الأخير:مييين ؟
باسل :ابوي بيسلم عليك ويبارك لك
هنادي:لا مابي أستحي "نزلت عيونها لفستانهآ" يشوفني بهذآ الشكل ويش يقول عني
باسل يضحك:مافيهآ شي انتي زي بنته وزوجة ولده
أندق الباب وقفت بأرتابك وطلت بباسل اللي وقف جنبهآ ..ثوآني ودخل أبو مهآ ومعه ابو باسل
ابو مها: مبروك يابنتي الله يوفقكم ..قرب منها وسلم عليها
هنادي كانت تحارب دموعهآ حست أنهآ بتودع ابوها.. بعد عنها ابوها واشر على ابو بباسل:سلمي على عمك
هنادي رفعت عيونها وشافته ماتوقعت انه مستنسخ من باسل..مدت يدها :هلا عمي
ابو باسل :ماشاء الله تبارك الله ..مبروك يابنتي
ويش بيصير بين هنآدي وبآسل في أول مشوآرهم تحت مسمى الزوج والزوجه؟
فهد هل يعقل ان يتجرع مرارة الفقد ؟!..والأهم من هذآ مآذآ سيكون الثمن؟
رغد بعد الكلام اللي سمعته والصدف كيف ستكون بالأيام القادمه ؟
هنادي وحياتهآ الجديده هل ستتأقلم معهآ؟!
شوق ...أي صدمه ستتلقآهآ ؟
صفاء وعملهآ الذي توقفت عنه ...ستعود حآمله أمآنه ..لكن مآهي هذه الأمآنه ؟
أتمنى ان يترقي هذآ البارت لذآئقتكم الروآئيه
بأنتظآر تقييمكم وتوقعآتكم للبارت القادم
لآتنسوني من صالح دعآئكم احبتي
البارت الواحد والخمسون
آبعِدالهًمٍ!
وحِط رآٍسَكْ فِووًقْ صٍدريً
منٍ عذآ آٍ بكْ ضآإٍيقهّ فينيً الِوسيَعهْ!
وآلله يعلِمْ " همِيً همِكْ "
وانتْ تدِريٍ!
لكْ عرِوقيْ ولكِ اناِ قلَبيّ آبييييعه
ولآ تأأألمٍ. .مِدمْعكِ هِدِ فِينيْ الصبرٍ= (
ومٍنْ انيِنكْ استِوتفيِنيَ الوٍجيييييعِه
نآمٍ وآحلِمَ . . وٍالمِوآجعِ خلهآِ تسرِي فيْ " عظِآآآآآمِيْ "
وكلٍ اِوصَآلِيْ جَميعِه
فتح لها الباب وأشر لهآ تدخل ...سمت بالله ودخلت نفس المكان والأشخاص لكن حرب المشاعر والاعصاب لها نصيب اكبر حتى تفقد هذه الليله جماليتها
نزلت عبايتها وزبطت شعرها قرب منها وهو يتفحص شكلهآ اللي أبهره وماشفهآ فيه من قبل
باسل: مبروك علينا بعض
هنادي(ياررررربي بدينا):قصدك مبروك عليك أنا
باسل جلس بمسافه قريبه منها:فعلا مبروك علي أنتي وكمان مبروك عليك أنآ
هنادي طلت فيه بنص عين... وماردت عليه فضلت السكوت على الكلام العقيم معه
باسل:ويش فيك انتي اليوم منتي طبيعيه أبدآ
هنادي ترمش بعيونها ببرود وعدم اهتمام: تعبانه ومانمت
باسل:سلامات ماتشوفين شر
هنادي وقفت:الله يسلمك..بروح الغرفه ابدل ملابسي
باسل ينزل المشلح والعقال:طيب لاتتأخرين علي
هنادي أبتسمت بمجامله:ماراح أتاخر عليك
دخلت الغرفه وسكرت الباب شافت شنطتهآ الكبيره على جنب ..فتحتهآ وأختارت بجآمه ساتان فوشي ...نزلت اكسسواراتهآ وكل زينتهآ حتى الميك آب مسحته لمت شعرها بشباصه قبل تنآم غسلت وجههآ وحطت من اللوشن وأنسدحت متجاهله باسل اللي ينتظرها
أمآ هو حس بتأخرهآ قام من مكآنه ودخل الغرفه أنصدم لما شافها مشغله الاضاءه الخافته ومنسدحه ...ولع من القهر وكبت أعصابه حتى لا يشوه جمال هذه الليله بالنسبه له ..فتح الدولاب بقوه طلع له بنطلون قطني برمودا ..رمى عكازه بقوه على الأرض ودخل الحمام التابع للغرفه حتى يبدل ملابسه
هنادي كشرت( مسوي نفسه زعل ..والله لو يكسر البيت كله ماقام عندي ولا قاعد ) سمعت صوت الباب انفتح غمضت عيونها تهربا منه ..جاء وانسدح جنبها واعطآهآ ظهره
باسل تنهد بداخله( شكلك ياباسل بتعاني معها كثير ..هي عنيده وراسها يابس وتصرفاتها غريبه بس بتحملها واكون لها بالمرصاد) لف على جهتها وحط يده على ذراعها ..بحركه سريعه مقشعره بعدت عنه
باسلانزعج من حركتها : حتى يدك ماتبين المسها ؟
هنادي بنبره هامسه: يدك بارده
باسل قرب منه اكثر وصار قريب من اذنها:بس عشان يدي بارده والا في سبب ثاني ؟
هنادي تبرر له حتى يقتنع ويبتعد عنها :قلت لك تعبانه ولي يومين مانمت
باسل: بس من هالليله بنبدأ صفحه جديده في حياتنا
هنادي: طيب لو سمحت أبي انام ممكن؟
باسل جلس بوضعيه مريحه وفتح الأضاءه:بدري على النوم خلينا نسولف
لفت على جهته وتعدلت بجلستها وكتفت نفسها:ويش نسولف فيه ؟
باسل:اللي ودك فيه
هنادي:ودي انام الحين لاني ماني قادره افتح عيوني من النعاس
باسل ابتسم:اسمح لك بس بشرط
ردت بسرعه:ويش هو؟
باسل: تنامين بحضني
سحبت الخداديه اللي بينهم ورمتها عليها :تحلم انت ...يالله عاد بنام ولاتزعجني لاني عروس
باسل يبعد الخداديه عنه: اول مره اشوف عروس تنام وتتركت زوجها
هنادي انسدحت وتحلفت: انت مصدق اننآ عرسان ؟
باسل: ايييه
هنادي: اجل بالاول ويش كنا ؟
باسل:اول غير والحين غير
هنادي: يعني ويش اللي اختلف؟
باسل ابتسم: انك بتكونين معي طول اليوم
هنادي تغطي نفسها زين: نام الله يصلحك ...تصبح على خير
فقد الأمل فيها استسلم للنعاس ونام وهو يتمنى أن يتغير حال الغد ألى الاحسن
:::
:::
:::
صباح اليوم التالي
بعد ما صلى صلاة الفجر أتجهه للمستشفى بأقصى سرعته ..جفاه النوم ليلة البارح وأنشغل بقلقه وخوفه على روح أغلى شخصين في حياته ...دخل عليهآ الغرفه وكآنت الممرضه عندهآ تقيس ضغطهآ ومعدلاتها الحيويه
فهد:صباح الخير
شوق&الممرضه:صباح النور
فهد: كيفك بعد أمس
الممرضه ابتسمت لها: لا إن شاء الله احسن بس لو تأكل شوي
فهد: شوق حبيبتي لازم تأكلين
شوق تغمض عيونها بتألم: مآلي نفس خلقه الغثيان ذآبحني
الممرضه: لآنك مآ تأكلين وكذآ جسمك بيضعف اكثر وأكثر
شوق: بقى فيني شي مآ ضعف
فهد:جآلك الدكتور ؟
شوق: لا
الممرضه: الا جاء بس شافها نايمه وطلع لان البارح كانت تعبانه مره
فهد : موجود بمكتبه الحين
الممرضه:ايوه موجود
فهد: بروح اكلمه ورآجع
شوق:فهد تكفى ابي اشوف رآكآن
فهد : صدقيني مآ أقدر انتي تعبانه وهو بالحضانه بس بمر اتطمن عليه
شوق لفت على الجهه الاخرى وسحبت يدها من الممرضه اللي انتهت من عملها
طلع للدكتور وهو بطريقه حس بوخزآت مؤلمه بصدره ..تمالك نفسه وكمل طريقه متجاهل ألمه
ببيت أبو مها
صحت من اليوم على أثر حرارة جسمهآ التي ارهقتهآ ...ماقدرت تتحرك من سريرها وصدرهآ يؤلمهآ بشده
ريم بهمس: سحر ...سحر قومي
سحر اللي تنغصت نومتها: ويش تبين ؟
ريم بصوت مرهق:آآحس بألم ببطني وحراره
سحر بعدت البطانيه بسرعه عنها ونقزت لها لمست جبينها: حرارتك مرتفعه
ريم ضغطت على شفايفهآ:بطني يعورني بمووت من الألم
سحر ارتبكت:بروح أنادي رغد
ركضت لغرفه رغد اللي ارتعبت من دخلتها عليها بعد مآ أنهت صلاتهآ وجالسه بمصلاها
رغد: بسم الله ويش فيك انتي ؟
سحر بتوتر: ريم مدري ويش فيها حرارتها مرتفعه وعرقانه مره ..تقول بطنها يوجعها
رغد نزلت جلالها ورمت على السرير:خير يارب
سحر بشك: ان شاء الله احساسي مايخيب
رغد طلت فيها:ويش تقصدين ؟
سحر مسكت يدها وسحبتها: روحي شوفيها بعدين نتكلم
مشوا بسرعه للغرفه ..اول مادخلوا انرعبوا لما شافوها تبكي
سحر :ريم ويش فيك ؟
ريم:دقوآ على سيف يوديني المستشفى
رغد مسكت بطنهآ:يوووه تنزيف يالمجنونه ..قومي البسي الحين نوديك المستشفى
سحر: بروح اصحي ابوي يروح معنا
ريم بحده: لالا..ابي سيف ابوي لا يدري
رغد: سحر ساعديها بدق على جلالي والبس عبايتي
بظرف دقايق كانوآ جآهزين ومشوآ للمستشفى
ريم تبكي:رغد تتوقعين الجنين مآت ؟
رغد ضمتهآ: لآ إن شاء الله بس ماقلتي لي من متى كنتِ تحسين بالم
ريم: من امس بس سكت عشان هنادي مابي اخرب عليها
رغد عصبت: خبله انتي ..هذي الأشياء مافيها لعب بتضرين نفسك وانتي مانتي داريه
ريم دمعت عيونها :الله يخليك لا تزيدين علي كافي اللي فيني
رغد: الله يكتب اللي فيه الخير
أخيرا وصلوآ المستشفى بعد مشوار طويل لقوآ سيف ينتظرهم عن بوآبة المستشفى
سيف:عسى مآشر
رغد: خير باذن الله بس انت دخلها جوآ هم بيعرفون شغلهم
ريم تتمسك فيها: رغد خليك معي
رغد: لاتخافين بس بيكشفون عليك
ريم تبكي: لالا ادخلي معي
سيف بتوتر واضح: ادخلي معها خلينا نخلص
رغد مسكت يدها: يالله ندخل
بعد ساعه طلعت لسيف
سيف: بشريني
رغد: الله يعوضك بأحسن منه أضطروآ ينزلونه لانه ميت وبيضر جسمها
سيف: لاحول ولاقوة الا بالله
رغد: عن أذنك بروح اجلس تعبت من الوقفه
سيف: تفضلي ..تعبناك معنآ
رغد: لا عادي هذي اختي اغلى من روحي ...تركته ومشت للكراسي جلسة بتعب غمضت عيونها وحرارة الدمع تسكنها
سمعت صوت ورآهآ : رغد ؟!
لفت بسرعه وكرهت نفسها لشوفته ..كآن مخلص دوآمه ومتجهه للبيت: نعم
د وليد: خير ايش فيك جآيه للمستشفى ؟
رغد: لا الحمدلله مافيني الا العافيه
د وليد:اجل أيش جايبك الفجر
رغد: اختي تعبانه وجايه معها
د وليد:آآهآآ..قدامهآ العافيه ماتشوف شر
د وليد: مع السلامه
ماردت عليها وراقبته بعيونها لين أختفى عن نظرها سمعت اصوات الممرضات اللي يمشون وراه
..:مشاء الله هذا الدكتور شخصيه يعجبني
..: كله كوم وجاذبية كوم ثاني
..:يابخت اللي يشرف عليهم طول الوقت مقابلين وجهه اللي يرد الروح
رغد( مالت عليكم ويش عاجبكم فيه يرفع الضغط هو وتصرفاته الغبيه ..ماغير يلاحقني درب يسد مايرد)
صحى من نومه قبلها أخذ له دش ينشطه بعد مالبس وتكشخ التفت على السرير وشافها نايمه ولا هي حاسه بازعاجه
باسل: والله غريبه ويش فيها هذي ؟
مشى لها وتردد قبل يصحيها طالع ساعته وشاف انها تأخرت بالنوم:هنادي ...هنادي
كانت منغمسه بأحلآمهآ ..كل تعب الايام اللي راحت بان عليها الليله الماضيه
باسل بعد شعرها عن وجهها ومرر يده على خدها بشويش ...ارتسمت على جبينها علامات الأنزعاج:هنوده قومي يالله الساعه صارت 9
هنادي تبعد يده: خلني أنام
باسل: والفطور ؟!..انا جيعان
هنادي فتحت عيونها بكل صعوبه:تدل المطبخ "غطت نفسها بالشرشف" لاتزعجني اذا شبعت نوم قمت من حالي
تركها وطلع للصاله جلس على الكنبه وشغل الـ tv حتى يضيع طفشه بعد ساعه من جلسته ماقدر يتحمل الجوع اكثر ..وقف وراح للمطبخ فتح الثلاجه وطلع له لبنى واخذ قطعة توست ودهن فيها رجع للصاله يأكل وهو يفكر بهنآدي اللي ماكلفت نفسها تقوم وتجلس معه على الأقل ..سمع باب الغرفه أنفتح
أمآ هنآدي ماقدرت تنام بعد مآ صحآهآ قامت تروشت وغيرت ملابسها وتعطرت بعطر هادي ..شافته متمدد على الكنبه ورامي عكازه على الأرض
هنادي: افطرت وألا لا ؟
باسل: توك تذكرين
هنادي بتأفف: يعني مآ أفطرت ؟
باسل بنفس نبرتها: يهمك افطرت وألا مآ افطرت ؟
هنادي :ويش فيك انت ؟
باسل: ألا ويش فيك أنتي ؟من أمس منتي طبيعيه
هنادي :سلامتك مافيني شي
طنشته ودخلت المطبخ تسوي لهآ فطور ... جهزت لها صينيه تفتح النفس وريحة الكآبتشينو ماليه البيت ..اخذت الصينيه وطلعت عنده ..وقفت عند الكنبه اللي جالس عليها
هنادي: شيل رجولك ابي اجلس
باسل: على وسع البيت ضاقت عليك الا تجلسين هنا؟
هنادي ميلت فمها: بتبعد وألا شلون
نزل رجوله وهي قربت الطاوله منهآ وحطت الصينيه عليها ..جلست وسمت بالله وبدأت تأكل
مد يده على كوب الكابتشينو وأخذه
هنادي: طيب أستئذن على الأقل
باسل ببرود: من قالك ما تسوين لي والا ناسيه اني زوجك
هنادي كملت اكلهآ بهدوء والجو بينهم متكهرب والصمت هو سيد الموقف ...طاحت عينها على رجله وتقشعر جسمها
هنادي: لاعاد تلبس شورت وألا برمودآ مآحب اشوف عمليتك
باسل مد رجله على طولهآ: لآزم تتعودين عليهآ
هنادي : انت شايف كيف رجلك مشوهه
باسل:ويش اسوي هذي هي العمليه
هنادي:طيب شيل رجلك مابي اشوفها
باسل: ياكثر تذمرك وطلباتك
سحبت الكوب من يده:ماقد طلبت منك شي الا انك تشيل رجلك هذي
باسل يستهبل عليهآ:تبيني اقصها مثلا ؟
هنادي: ويش دخلني فيك اهم شي ما اشوف هالغرز الطويله عاد رجلك ماشاء الله تقول عامود كهرب من طولها
باسل انفجر بالضحك:عيدي اللي قلتيه
هنادي رفعت حواجبها بتعجب: ياباسط ويش قلت عشان تضحك هالضحك كله ؟
باسل:عجبني تشبيهك البليغ
::
::
في الرياض
كآنوآ مجتمعين على الفطور
ندى: يمه بروح معكم تكفون
أمهآ: لا يمه خليك هنآ
ندى بأصرار:رايحه يعني رايحه لا تعارضون
ابو فهد:خليها تروح يام رياض تشوف اخوه وزوجته بدل ماتزعجنا
ندى: أسمعي الراي الزين
هزآع: اوووف منك ياندى ماتشبعين من الزن
ندى تقلب عيونها: كيفي ويش دخلك انت
هزاع لف على ابوه: عاقبها يبه ولاتاخذونها معكم
ابو رياض ابتسم:هذي الغاليه عندي طلباتها اوآمر
ندى ضحكت عليه: هههههههه لقط خشتك الحين ..محد ينافسني بالغلا
ام رياض: كلموآ فطوركم وخلوآ السوالف لا تلهيكم
ندى: يمه تكفين خلينا بعد نمر ولد فهد ميته على مآ أشوفه بالصور ماهو وآضح
هزاع دخل عرض: ويش تشوفين صغير مره ما تميزين منه شي
ندى: ياحول انت كل شوي ناط لي خلني اكلم امي على راحتي
أبو رياض:يابنتي مو على أي حال نشوفه يمكن الزياره ممنوعه عنه
ندى بتحدي: مالي شغل والله لاخلي فهد يدخلني واشوفه
هزاع: تحسبين الدنيا على كيفك ..اقول روقينا نبي نفطر
ام رياض بعصبيه:خلآص اسكتوا
بعد دقايق اتصل فهد على هزآع
هزآع: هلآ ابو راكآن عمرك طويل
فهد يضحك: اجل تتكلمون عني
هزاع: أي والله ندى ازعجتنا تبي تزور زوجتك وولدك مع امي
فهد: زين ..انا قريب من البيت بجي افطر عندكم واخذهم معي اذا رجعت
هزاع: الله يحيك بس اسرع شوي ترانا على فطورنا
فهد: غمض عين وفتح عين تلقاني قدامك ..مع السلامه
ام رياض: ويش فيه اخوك
هزاع:قريب من البيت بيجي يفطر عندنا
ام رياض: يالله هالولد ماشاف يوم حلو بحياته ..اكيد ماله نفس يجلس ببيته لحاله بدون زوجته
ندى: يكسر خاطري والله لآ أم تهتم فيه وزوجته تعبانه
ابو رياض:هو رجال ويش كبر يعرف يصرف نفسه واذا احتاج شي ماراح نقصر معه حتى لو بيجي يعيش عندنا هو الداخل وحنا الطالعين
ثوآني وألتفت لمصدر الصوت
فهد: ماتقصر يابوي ...السلام عليكم
الكل : وعليكم السلام
ام رياض:ياحي الله من جانا ..حياك يايمه
سلم على ابوه وبآس راسه قرب من خالته وباس وجه كفهآ وراسها:كيفك حالك ياخالتي
ام رياض:بخير دامك بخير ...بشرني عنك وعن مرتك
فهد سحب كرسي جنب هزاع وجلس:والله حالتها صعبه كل يوم تنتكس اكثر
ندى شهقت: ياقلبي عليها
أبو رياض: امس بديتوا الكيماوي زي ماقلت لي؟
فهد: أي والله وهذا اللي زآد تعبهآ اكثر
ام رياض:الله يقومها لك بالسلامه
فهد:آمييين الله يسمع منك ياخالتي
ندى: فهد ليش ماتسفرها برى اكيد علاجهم احسن
فهد ابتسم:كلهم نفس الشي هنا والا برى بيعطونها نفس العلاج ونفس العلميه نسويها هنا احسن
هزاع: الله يكون بعونك ...وولدك شخباره ؟
فهد ابتسم:الحمدلله بخير كبر شوي عنه اول
ندى بحماس: تكفى ودني له ميته على ما اشوفه
فهد :شوفي اعلمك من الحين نرحب بالمدح ولا نقبل بالنقد
ندى ترفع حاجبه: اجل ولدك ماهو حلو صح اعترف
فهد يضحك: بعيوني هو ازين طفل بالدنيا ...بس بعيونكم مدري
ندى:خلاص انا أبت لك في الأمر
ابو رياض: ههههههههههه ياويل راكان منك
ندى: شدعوى يبه شوفني ويش زيني بس اكيد ركوني يهبل اذا ابوه فهيدان وامه شوآقه ربي يشفيهآ
ابو رياض:وأنا أشهد
أم رياض: يمه فهد مد يدك وأفطر شوف وجهك كيف صاير أصفر
فهد أبتسم : والله اني ميت جوع
ندى: أجل كل والا تبي تتصور مع الاكل
هزآع ضربها على ظهرها بشويش: ياثقل دمك
ندى: مآهو أثقل منك
ببيت أبو مهآ
أتصلت على سحر تطمنهآ
سحر: طيب بصحي مهآ وأقولها
رغد:احتمآل نطلع مانجلس بالمستشفى
سحر: طيب يصير خير
رغد: مع السلامه
بعد مآقفلت من رغد مشت لغرفة مها وصحتها
مها: خليني اكمل نومتي
سحر: قومي ريم بالمستشفى
بعدت يدها عن عيونها وبصوت خايف: ويش فيها ؟
سحر:تعبانه ومآت اللي ببطنها
مها جلست بسرعه مآهي مصدقه اللي تسمعه:ويش قاعده تقولين ...أكيد تكذبين
سحر جلست على السرير المقابل لمها: والله مآ أكذب من بعد الفجر راحوا للمستشفى بس ماحبيت اصحيك واخرب نومتك
مها تدور جوالها: مين راح معهآ ؟
سحر: رغد وسيف معهآ ..تقول احتمال يطلعون
مها: ياحياتي عليها امس ماكان فيهآ شي أكيد عين وصابتهآ
سحر كشرت: استغفر الله ويش الخرافات هذي ..هذي حكمة رب العالمين بعدين ماتذكرين انتي اول صار معك نفس الشي
مها غمضت عيونها وهي تتذكر اسوء ايام حياتها: أستغفر الله العلي العظيم
سحر: بتقومين والا شلون ؟
مها تطالع الساعه: سديتي نفسي من على الصبح "نذكرت هنادي "ودي اتصل على هنادي خايفه عليها
سحر ابتسمت: لا تخافين عليها هنادي كبيره وتعرف تتصرف وتدبر أمورهآ
مها بحزن: لا والله اكثر وحده فينا ضايعه وماتعرف تتصرف هي هنادي بس مافي احد فينا فاهمها الا شوق الله يقومها بالسلامه
سحر: ياربي بنسوي مناحه الحين
مها طلعت جوالها: بتصل عليها واتطمن بعدين اكلم رغد
سحر تهز كتوفها بسلبيه: أتصلي خلينا نشوف اخبارها ولو بنزعجها من بدري
مها ضحكت واتصلت عليها وبعد رنين مطول وصلها رد هنادي
هنادي: صباح الخير
مها حطت سبيكر : صباح النور والسرور ...الف الف الف مبروك
هنادي: الله يبارك فيك
مها: بشريني عنك ويش مسويه في صبحيتك ؟
هنادي ببرود: عادي زي كل يوم
مها تضحك: معقوله زي كل يوم ؟
هنادي: ايه معقوله ونص .. المهم كيف بعد امس عسى ماتعبتوا ؟
مها: والله نص ونص بس عماتي وبناتهم ساعدونا فيهم الخير
هنادي: اخواتي كيفهم ؟
مها: كلهم بخير
هنادي: احتمال اجيكم اليوم
مها طلت بسحر اللي تاشر لها عشان تصرفها: لا حبيبتي ويش تبين فينا انبسطي مع زوجك واتمشوآ لآحقه على زياراتك لنا
هنادي بشك: تصرفين هآه؟
مها:لا مو قصدي بس انتي عروسه اركدي شوي واسمعي كلام زوجك مو من اول يوم ودني عند اهلي ويش بيقول عنك
هنادي: يخسي يقول شي انتم عزوتي والا هو بحريقه
مها: يؤؤؤ لايسمعك الحين ..خلاص بقفل قبل تجيبين لنفسك مشكله
هنادي تضحك:هههههههههههه يالخوآفه
مها:يالله انتبهي لنفسك والله الله بالسنع والزين
هنادي تسايرها: ايه هين
مها: والله اني غاسله يدي منك بس ويش اقول غير الله يهديك ..باي
هنادي تضحك:باي وسلمي على البقيه
مها: يوصل .."قفلت الخط وطالعت سحر
سحر: احس هنادي ماتبي باسل
مها عقدت حوآجبهآ بأستغراب من كلام سحر:ليش تقولين هالكلام؟
سحر: اممم حسيت من كلامها وتصرفاتها حتى لما كانت تروح للسوق بالعافيه تروح ولاهي مهتمه بالزواج من اساسه
مها: جاهله وصغيره بالعمر على هذي المسؤليه الزواج مو سهل زي ماتتخيلين
سحر:ادري انه مسؤليه بس تلميحات هنادي غريبه والدليل كلامها قبل شوي يأكد لي انها تكرهه وماتبيه
مها ميلت فمها: خلاص تزوجت وراحت بيت زوجها الله يسعدها وويوفقها معه
سحر: آآآمين
مها تغمز لها: الا انتي ويش اخبارك مع قيسك
سحر حمرت خدودها وردت بحياء: الحمدلله لي مده ماكلمته انشغلت بدراستي والامتحانات بعدين زواج هنادي
مها:الله يوفقكم ..انا ما أرتاح الا لما اشوف كل وحده فيكم مبسوطه وسعيده في حياتها
سحر رفعت عيونها لفوق: ياترى ويش ينتظرنا بالمستقبل ؟
مها وقفت: قومي قومي خشي المطبخ سوي فطور وانا بصلي واصحي رنومه واجيك
سحرضربت راسها: يوووه ماسويت قهوة ابوي
طلعت بسرعه وراحت للمطبخ تجهزت فطور لهم وقهوة ابو مها المعتاده
بعد مآ أنهت مكالمتهآ طلعت من الغرفه ..أندق باب الشقه
لف عليها: مين اللي جاي الحين ؟
هنادي: مدري قوم شوف ..تركته ورجعت للغرفه تدور شآحن لجوآلهآ ..سمعت صوت باسل يناديها طلعت للصاله وشآفت بيده باقة ورد كبيره وفخمه وألوآنهآ تأسر العين
هنادي بأعجآب: وآآآآآو تهبببل
باسل فتح الكرت وقرأ اللي فيه بصوت عالي: الف مبروك ..جمع الله بينكما على خير "روان"
هنادي قربت منه وسخبت ورده وشمتها: ياحياتي عليها
باسل سلمها الكرت والباقه:ذوقهآ رفيع
هنادي: ايه ذويقه فديتها
باسل: حطيها على الطاوله وتعالي جنبي
هنادي تتخصر: ليش ويش في؟
بآسل جلس ومد رجليه على الكنبه ورجع يديه ورى رقبته: وين تبين نسآفر ؟
هنادي :ماتفرق معي سافرنا وألا ماسافرنا
باسل ابتسم: معقوله ؟
هنادي بعدت رجوله وجلست: معقولتين بعد ..انا بودي بس ازور شوق واتطمن عليها
باسل : ابشري راح اوديك لها بس بعد مانرجع من السفر
هنادي:وانا مابي اسافر مايهمني السفر كثر ماتهمني راحتي وسعادتي بحياتي
باسل طالعها بنظرة تعجب: كلام حلو وعين العقل
هنادي :توك تدري اني عاقله ؟
باسل: والله تصرفاتك تشككني بعقلانيتك
هنادي كشرت: مخليه العقل لك يابو عقل ..المهم ترى أنآ ابيك توديني لشوق
باسل: طيب بوديك بس كمان ابي نسافر نتمشى مع بعض
هنادي تهز كتفها:انا عندي دراسه
باسل ابتسم بخبث: ومن قالك بتكملين هنا ...بأخذ أوراقك وتروحين معي لجده
هنادي فتحت عيونها على الأخير: من جدك تتكلم ؟
باسل يضحك:هو اصلا كم بقى على أجازة الصيف كم اسبوع بعد الأختبارات بتسحبين اوراقك وتحولين لجآمعه جده
هنادي بأعتراض: مستحيل انا ابي هنا جامعتي مريحتني
باسل طالعها بنظره غريبه: بالله مريحتك ؟
هنادي بقوه: ايه ومعي صديقاتي انت بتوديني لمكآن مآ اعرف به أحد لآصديقات ولا أهل
باسل: انا شغلي هنآك وبيتي قصر ويش كبره وألا عاجبتك هذي الشقه
هنادي بسخريه:يوووه نسيت انك ولد عز منت متعود على هذي العيشه
باسل:ايه مآني متعود وانتي لازم تتعودين على حياتي أنا
هنادي:مآهي هنآدي اللي تتغير عشآنك
بآسل أبتسم:حـــلــــو "احتد صوته" كلآمي هو اللي بيمشي رضيتي وألا مآرضيتي
هنادي:انا ماراح أترك المدينه واهلي اذا والله مصّر اننا نكمل مع بعض أمآ أذا انت ماتبي خلاص احسن حل الأنفصال
صرخ عليها بصوت حآد:تونآآآ ..بدري من أولهآ أنفصآل ؟ أجل ليش وآفقتي من ألاساس
هنادي تتخصر:أسئل نفسك لآ تسألني ..شوف ياباسل أذا تبيني تنفذ اللي ابيه
باسل مسكهآ بقوه مع ذرآعه:مآعآشت اللي تمشيني على كيفهآ ..بتروحين ورجلك فوق رقبتك ولاتخليني امنعك من دراستك
هنادي تألمت من مسكتهآ:أترك يدي أتركهآ
باسل: ياتتعدلين معي وألا بتشوفين شي ماعمرك شفتيه
هنادي سحبت بدهآ بقوه ونفخت عليه: ويش بشوف
بآسل: أنآ أوريك اللي بتشوفينه بس لآ تستعجلين "بنبرة أمر منتهيه " ومن اليوم جآمعه هنآ تحلمين فيهآ لو تموتين مآتكملين هنآ
هنادي انقهرت: نشوف مين اللي يضحك بالأخير
باسل بسخريه:نشوف ياهنآديووه
قآمت معصبه وسكرت باب الغرفه بقوه هزت أركآن البيت وصرخت بأعلى صوتهآ" الله يأخذك يآ حقققيير"
عصب من كلامهآ قآم وهو يعرج بشكل وآضح ونسى عكآزه طآيح ..فتح الباب بقوه شآفها جالسه على السرير تبكي
هنادي: ويش تبي في كلام نسيت تقوله ؟
بآسل تنهد حاول يتمالك نفسه حتى مآيعصب: انتي ويش يرضيك ترى جننتيني
هنادي: اللي ابيه انك تنقلع عن وجهي وتفكني هاللحظة
بآسل بنظرة أحتقار: عاجبك هذا الأسلوب اللي تكلميني فيه
هنادي بحقد: ويكثر عليك بعد
بآسل جلس على كرسي التسريحه :شوفي يابنت النآس من أولهآ بقولك تبين عزك وكرآمتك مآتنهآن تبلعين لسآنك هذآ اللي يبي له قص وألا بتشوفين أشكآل وألوآن الأهآنه ..ثاني شي حركآت الأطفال تبطلينهآ ترآك بالغه وبالعشرين يعني مآيحتآج افهمك ويش تسوين
هنادي تمسح دموعها: وويش بعد ؟
باسل:تحسسيني انك زوجه مو عدد زآد بحياتي بدون فايده
هنادي :وصل مسجك تقدر تتفضل برى ابي اكون لحالي
باسل قام وخلاها لحالها والف فكره تطري بباله
:::
:::
:::
وصلوآ المستشفى بعد زحمة الشوآرع يوم الجمعه
قربوآ من المكآن الذي تقطن فيه حآليا ..زآدت قبضتهآ على كف فهد
لف علي يدها وابتسم:ويش فيك ؟
ندى:خآيفه اني مآ أتحمل منظرها
ام رياض بتأفف:بتقلبينهآ بكآء خليك برى احسن
فهد: اذا بتدخلين لآزم تتحملين ومآ تبكين قدآمهآ ترى تتأثر بسرعه
ندى أخذت نفس طوويل وزفرته بحراره:خلاص بمسك نفسي
أم رياض: يالله ندخل ...سبقهآ فهد وأمهآ أمآ هي قربت بتردد لآخر لحظة
سمعت صوت فهد :لآ الحمدلله صايره أحسن وجهك منور
أم رياض:الحمدلله على سلامتك يابنتي قدآمك العافيه
شوق بصوت قريب للهمس:الله يسلمك
ام رياض جلست على الكرسي: طمنيني عنك عسآك أحسن
شوق هزت رآسهآ: زي ماتشوفين
فهد مسح على شعرهآ:وجهك يبشر بخير
شوق ابتسمت:الحمدلله
ام رياض تتلفت بالغرفه:وين ندى مآجآت
فهد رفع راسه وشآفه وآقفه عند الباب بدون ماتتحرك :ادخلي ويش فيك وآقفه
ندى أنصدمت من شكل شوق الشاحب الخالي من أي حيآه متمثله بجسد تفارقه الروح ..مشت بخطوات متثاقله وقربت من السرير تحآول تمنع دموعهآ ابتسمت بحبح ومدت يدها تصافحهآ
ندى: ماتشوفين شر"باستها على جبينهآ وبدآخلها تتألم على شكلهآ نحفت بشكل وآضح عظآمهآ يتحلفه الجلد الهزيل "
شوق بتعب وآضح عليهآ: مايجيك الشر
ندى: مبروك ركوني يتربي بأحضآنكم
شوق وفهد بصوت وآحد:آآميين
ام رياض:يمه شوق فهد يقول أنك مآ تأكلين
شوق: مالي نفس
فهد: هآوشيهآ ياخاله عجزت وانا احاول فيهآ شوفي كيف نحفانه
ندى تتأمل شكل شوق ونظرآت فهد الكسيره اللي ماتفارقهآ( يالله ماتخيلتهآ كذآ اسبوع وصارت بهالشكل ..يارب شآفهآ وعآفهآ)
ام رياض: لا يابنتي لازم تأكلين حتى الادويه يكون لها مفعول والا ماتبين تشفين ؟
شوق: ما أقدر أكل أي شي أحطه بفمي أرجعه قرفت عمري
فهد: مشكلتك عنيده
ام رياض: بتأكلين يعني بتأكلين أذا مو عشآننآ عشان ولدك اللي محتآجك
شوق نزلت دمعتهآ: إن شاء الله
فهد: ليه الدموع الحين
طلعت شهقه من صدرهآ ماقدرت تكبتهآ وتحآربهآ اكثر طلعت من عندهم بسرعه وعيونهم متعلقه فيها
فهد بعد عن شوق:بشوفهآ ورآجع لكم
شوق مسحت دمعتهآ وتبسمت: تبكي على حالتي ؟
أم رياض اللي تتحكم بنفسهآ لأبعد حد: لا يمه بس ندى دمعتها قريبه
شوق: ياحليلهآ ابيها ترجع عشان أسولف معها وتتأكد أني بخير
ام رياض: يرجعها فهد الحين
برى الغرفه
فهد: ويش قلنا قبل ندخل ؟
ندى تبكي وبصوت متقطع:ماتوقعتها كذا ..لودريت ماجيت
فهد جط يده على كتفها: هذآ أللي ربي كاتبه يالله مسحي دموعك وتعالي داخل
ندى :لا ماراح ارجع
فهد:وبعدين ؟!
ندى:خلني اشوف راكان بالأول وبعدين نرجع
فهد ابتسم لها: يالله طيب نروح نشوفه
ندى عدلت طرحتها ومشت مع فهد وهي ماتدل أي مكآن بالمستشفى بعد مآوصلوآ للحضآنه وقربوآ من رآكآن
ندى : ياناس عليه يجنن طالع على ابوه
فهد يضحك:بالله طالع علي؟
ندى: اممم تبي الصدق ماهي باينه ملامحه
فهد يقرصها بشويش:اجل لا تنصبين علي
:::
:::
:::
بعد العصر
رجعوآ لبيت أبو مهآ ..كآنت تعبانه جدآ ونفسيتهآ مُتعب أكثر
سيف:لاأوصيكم عليها أي شي تحتآجه كلموني
رغد: إن شاء الله
دلخت أغراض ريم ولحقتهم للغرفه ..لقت سحر تلحفهآ وتشربهآ مويه
سحر:لاتزعلين ريومتي خيره لكم
ريم:كنت متعلقه بحملي كثير
رغد: ربي يعوضكم بأحسن منه لاتحزنين
سمر تقفل كتابها: يالله عاد ريومه ابتسمي ماتسوى علينا نزعل ربنا كريم وبيرزقكم درزن عيال ودرزن بنات توك صغيره بتحملين وتولدين لين تقولين بس
رغد تضحك:ههههههههه خذوآ الحكمه من افوآه السفهآء
سمر كشرت :انا من السفهاء يالشينه
رغد: لا حشآك ..يالله سحر انتي ومها اهتموآ بريومه انا ميته تعب بكره وراي كرف ماهو طبيعي بنام عشان اصحى اذاكر واشوف ويش ينتظرني
سحر: خلاص اعتمدي علينا
سمر وقفت:انا بتصل على شهد أقولها عن اللي صار
سحر: بدري..كلمتهآ يمكن تجي المغرب
سمر رجعت جلست: الله يريحك كنت بأخذ لي مشوار على الفاضي
دخل ابو مهآ الغرفه بعد ما تنحنح
مهآ:حياك يبه تفضل
ابو مهآ:زآد فضلك يابنتي ..بشريني عنك ياريم
ريم وملامح الأرهاق والتعب مرتسمه على وجهها البريئ:الحمدلله بخير
ابو مهآ:يالله شدي حيلك هذا اللي ربي كاتبه لك
ريم:الحمدلله على كل حال
مها: على قول سمر العمر قدآمك
سحر وقفت وابتسمت: انا وسمر بنروح المطبخ عشان نجهز العشاء بدري
مهآ: خذوآ حسآب شهد معنآ
سمر: أنا بتصل عليهآ عشآن اتأكد أذا بتجي وألا لا ؟
أبو مها: يكون أحسن
بعد مآطلعوآ سمر وسحر بقى لحاله مع مها وريم
ابو مهآ:ما كلمتوا هنادي ؟
مهآ ابتسمت: الا كلمنآهآ مبسوطه مع باسل الله يتمم عليهم
ابو مهآ:إن شاء الله ...الا وين رغد ؟
ريم بصوت مُتعب:راحت تنام تعبت معي اليوم
ابو مها يطالع الساعه: يمديهآ نآمت وألا باقي ؟
مها: والله مدري يبه تبي اروح اشوفها اذا صآحيه؟
ابو مهآ وقف: لالا انا بروح اشوفهآ ..تركهم وأتجه لغرفة رغد
مهآ بشك: تتوقعين أبوي ويش عنده ؟..وجهه ماهو عاجبني احس ورآه سالفه
ريم تنهدت بتعب:كل خير بس انتي اتركي اللقافه عنك
مهآ ترفع حآجبهآ:والله غريبه ..اقول بروح اتصل على زوجي سفهته من يوم جيتكم وبكره بغييب عن الدوام بسبتك
ريم ابتسمت لها:أخلي سيف يجيب لك أجآزه ؟
دق باب غرفتهآ ووصله ردهآ
رغد:تفضل
فتح الباب وعلى شفايفه ابتسامه حنونه وبعيونه نظرة أبوه ...نزلت نظارتهآ وقفلت الكتآب بعد ماعدلت جلستهآ
رغد:نورت الغرفه يالغالي
أتسعت بسمته: الله لايحرمني منك يابنتي
رغد:تفضل يبه أجلس
ابو مهآ جلس ونظره جديه:رغد يبه انا بكلمك بموضوع المفروض أكلمك فيه من مده بس أنتي أدرى بالظروف اللي صارت لنآ
رغد استغربت نبرة ابوهآ ونظراته الجديه لها:خير يبه ويش هذآ الموضوع ؟
ابو مها: انتي أنخطبتي
رغد أنصدمت وشهقت بصوت عالي:شنوووووو؟!
ابو مهآ:أسمعي اللي بقوله زين وأنتي حره بالأختيار انا مآغصبت خوآتك اللي قبلك ولا راح أغصبك المهم عندي رضآك وموآفقتك
رغد بتنهي الموضوع :يبه انا رافضه الحين همي الوحيده دراستي ؟
ابو مها: يابنتي خليني أكمل كلامي الولد كلمني بنفسه وكلمتني أمه وحتى يوسف توسط له عندي
رغد فتحت عيونهآ على الأخير ماهي مستوعبه كلام أبوهآ: ويش دخل يوسف ؟
ابو مهآ:لأن هذآ صديقه وأسمه عبدالله ولد نآس وطيب بس عيبه أنه متزوج أرملة صديقه عشآن يربي عياله بعد مآوصآه عليهم
رغد بلعت ريقهآ وتمالكت نفسهآ ..حست بقوه تسري بجسمهآ أستغربت مبنعهآ:يبه أنـــآ رآفضه لايتعب نفسه وينتظر ردي ..وهذآ أنت قلتهآ متزوج ويش يبي فيني أنآ
ابو مها: الولد شاريك وامه كلمتني يبونك وزمآن خطبوك بس صارت لهم ظروف ومآتمت الخطبه
رغد:زمآآآن مآهو الحين ...انا مستحيل أتزوجه لآسباب أولهآ انه متزوج ثانيهآ انا صغيره وإن شاء الله بيجيني اللي أحسن منه (وثالثهآ سآمحني يابوي مآ أقدر أقوله )
ابو مهآ يحآول يقنعهآ: استخيري يمكن يتغير رآيك ماتدرين الخيره وين
رغد بحده: هذا الموضوع بالذات ماراح أستخير فيه مآبيه ولا أبي اتزوج بالمره عاجبتني حياتي هنآ
ابو مهآ بدأ يفقد الأمل: يعني خلآص هذآ الرد النهآئي ؟
رغد غمضت عيونهآ وأخذت نفس طويل:ايووه هذا ردي النهآئي
ابو مهآ وقف: الله يكتب لك اللي فيه الخير ويرزقك بأبن الحلال
رغد ابتسمت لأبوهآ: آآآمين يالغالي آآآميييين
طلع من عندهآ وتركهآ تسرح بعالم آخر من الأفكآر والأوهآم
{ رغد }
متى تتركني بحالي ياعبدالله وربي اني كرهتك ومليت منك كل هالسنين مآقدرت تنسيك اللي كآن ...مستحيل انسى اللي كآن بيننآ أبدآ ولآ رآح أنسى كذبك وخيآنتك لي ..بكل جراءه جاي تتكلم مع أبوي كأني الظالم وأنت المظلوم ..انت اخر شخص ممكن افكر فيه تبت من حبك حتى لو بقى في داخلي منه أثر أكتويت بألف نآر ونار بسببك
رجعت لكتابها متجاهله كل اللي صار بينها وبين ابوها ..بالرغم من كبت قلبها واحاسيسهآ الميته
:::
:::
:::
عند الثنائي المختلف
{ هنآدي & باسل }
رمت العطر من يدها وقفت تتأمل شكلها بالمرايا ..من صغرها ماتحب أي أضافات جماليه عليها مكتفيه بطبيعتها وملامحه الطفوليه التي تزيدها جمال ..يزيد ضيقها تقمصها لشخصيه تغايرها تماما
هنادي بتأفف:ياربي اكره هذي الخرايط اللي بوجهي "لفت عن يمينهآ ولاحظت قصر التنوره" أوووف يعني مايصير البس بجآمه أريح وأستر وأحسن بعد
دق جوآلهآ وفرحت لما شافت الرقم:هلا رونتي
روآن بنبرة وله:وحشششتيني مووووووت
هنادي ضحكة من قلب:وأنتي أكثر
روآن:كيف بعد الزوآج
هنآدي:طففففش
روآن:هههههههههه بدري على هذا الكلام
هنادي:ماني متعوده اكون لحالي دايم البيت مليان الحين ماغير راسي وراسه
روآن:بتتعودي مع الأيآم
هنآدي تذكرت: ثآنكس على الورد ياحلوو
روآن:عجبك؟
هنآدي: مررررره يكفي ألوآنه ترد الروح
روآن: انا متصله أتطمن عليك أخليك تشوفين زوجك لآيقول عني مآ أستحي
هنادي:ههههههه اوك أذا لقيت وقت أتصلت عليك
روآن:أوكِ لاتقطعيني
هنآدي:افا عليك قولي غير هذا الكلام
روآن:يالله باي حبي
هنآدي:بآآآي ..قفلت جوالهآ والقت النظره الأخيره على شكلهآ وطلعت من الغرفه ...شآفته متمدد على الكنبه بعشوآئيه ونآيم ..شكله هآدي ومنغمس تمآمآ بأحلآمه ,,جذبتهآ ملامحه السمرآويه قربت منه بشويش وحاولت مآتطلع أي صوت يزعجه ويصحيه
هنآدي( ياربي هذا له كم وجه كل يوم أشوف له شكل ..الظآهر من الكحل والبلاوي اللي علموني خواتي عليهآ خربت النظر عندي قمت أشوف اشكال والوآن ..أممم طيب الحين هذآ كيف أصحيه ؟!..وألا أخليه نآيم أحسن لآيغثني بكلامه )
أخذت الريموت تقلب بالقنوآت لكن حست بالملل لفت على جهته واستغربت هدوئه بالنوم باين عليه التعب ..وقفت قبال ولمسته مع كتفه وهزته بشويش
هنآدي:بآآسل ..بآآآسل قوووووم
ماحصلت رد منه زآدت بهزه وبدأ نبضهآ يزيد:بآآآآآآآســـل ...بآآآآآآســــــــــــــــل
لمست جبينه حرارته عآديه جلست جبنه وبخوف :بااسل ويش فيك ..رد علي
بآسل ببرود كآد يقتلها:ويش تبين ؟
هنادي بعدت شعره عن وجهه: أنت حي مآ مت ؟
باسل فتح عيونه يطالعهآ:لو كنت ميت تتوقعين أرد عليك ؟
هنادي عضت شفايفهآ بقهر كانت بتموت من الخوف وهو لآ يبالي حرك يده:كأنك مضيقه المكآن علي ؟
هنادي انقهرت وحطت يدهآ على خصرهآ:ويش قصدك ؟
بآسل ابتسم:ماقصدي شي بس شوفي المسآحه صغيره مره
هنآدي عناد فيه مآ بعدت وقلبت بعيونها:بالعكس وسيعه بس كل وآحد يحدد اللي ينآسب حجمه
باسل يرفع رجله: لو سمحتي بعدي عشان رجلي بمدها زين
هنادي تتكي وتتمدد بعناد: ماعليش عندك السرير روح تمدد وتبطح فيه على كيفك
باسل:طيب الحين جايه مصحيتني ليه ؟
هنادي كشرت: طفشت لحالي
باسل:انتي سبب طفشنا الاثنين
هنادي :يارربي نلف وندور ونرجع للمهاوشات انت ليش تحب نتهاوش
باسل فتح عيونه على الاخير: انا ؟
هنادي تطالع وراه:لا اللي وراك
باسل لف بتلقائيه مصدق ان في أحد ورآه: وينه
هنادي انفجرت ضحك :ههههههههههههآآآآآآآآي
باسل ميل فمه: اشوى اخيرا شفنا اسنانك
هنادي:هههههههههههه حلوه الحركه
باسل: ماقلتي ليه مصحيتني من احلى نومه
هنادي تحولت ملامحها للتعبيس:قلت طفشانه ماتفهم ؟
باسل: طيب ويش تبين اسويلك اذا طفشانه ؟
هنادي:أووووف قوم ونسني يالله اللي اعرف العرسان مايجلسون بالبيت
باسل ابتسم:قلت لك بنسافر وانتي رفضتي يالله عاد تحملي الطفش هنا
هنادي بترجي: لا ويش ذا حرام عليك ظلم ...انا بموت من الطفش
باسل: وين نروح طيب مافي الا هالبيت خلينا فيه لين نروح جده
هنادي: عندي حل ..ويش رايك توديني بيت اهلي اشوف خواتي
باسل ضحك:وانا اتسربت بالشوارع ؟
هنادي بتأفف:اجل اقترح علي شي يونسني
باسل اخذ الريموت :الحين اوريك شي يونسك ويعجبك "حط على قنآة رياضيه " في شي أحلى من المبارايات؟
هنادي كانت بتصارخ لكن مسكت نفسها عند اخر لحظة وحطت رجل على رجل:امم ايه فيه دور لنا فلم والا برنامج
باسل :أقولك بقوم ألبس نطلع نغير جو أصلا
هنادي ابتسمت بدآخلهآ( أخيرا بغير جو عن كئابة هذا البيت اللي تسد الرزق ) وقفت ولحقته للغرفه تجهز شنطتهآ وعبايتهآ
باسل: ويش رايك ألبس ثوب وألا جينز ؟
هنادي شهقت بقوه:جيييينز ؟ لاحبيبي ثوب وشمآغ قال جينز قال
باسل ارتسمت على جبينه ملامح استغراب:ويش فيه الجينز
هنادي تصرفه:لالا مافيه شي حلو ويزيد حلاه اذا لبسته بس احسن البس ثوب انا أحب الثوب
بآسل هز كتفه بسلبيه: نلبس ثوب ليش لا
بعد ربع ساعه ركبوآ السياره ..مدت يدهآ على المسجل وشغلت السيدي
هنادي: وين بنروح ؟
بآسل يفكر:أممممم مدري بصراحه ما اعرف امآكن حلوه هنآ
هنادي :ويش رايك نروح منتزه بري نتونس ونتفرج على الناس
باسل:أذا تعرفين الطريق نروح
هنآدي : ايه اعرفه
بآسل : أجل توكلنا على الله
::
::
بعد المغرب
ببيت ابو مها
شهد: الف سلامه عليك حبيبتي
ريم بتعب:الله يسلمك
مهآ: ويش رايك تنآمين مانمتي من الصبح وباين عليك التعب
رغد:أي والله خلونآ نروح للصاله وهي تنام
شهد علقت عبايتهآ:أوك يالله سمور قلبي شيلي ميشو
سمر تركض له: ياهلا بأطلق واحد بالبيت كله
مهآ:انا بروح أشوف سحر ويش سوت مع العشاء
رغد انتظرت لما الكل طلع وبقت هي وشهد سكروآ الآضاءه والباب
رغد بهمس: عندي سالفه ضروريه لازم تعرفينهآ
شهد فتحت عيونها على الأخير:جد والله ...يالله على غرفتك بس بروح اقول لسمر تنتبه لميشو واجيك
رغد: أنتظرك لا تتاخرين والا تروح عليك
شهد: افا عليك غمضي عين وفتحي عين وأنا قدآمك
بسرعه راحت لسمر ومرت بطريقها على مهآ بالمطبخ ورجعت لرغد اللي حكت لهآ اللي صار بينهآ وبين أبوهآ
شهد ميلت فمهآ: انتي مقتنعه بقرارك ؟
رغد عقدت حوآجبهآ باستغراب وركزت نظراتها على شهد:ايه مقتنعه
شهد بجديه:شوفي رغد الرجال جاء وكلم عمي وانتي رفضتي لا تجين بعدين وتتندمين وتقولين ياليت اللي جرى ماكان
رغد عصبت:انتي تضنين اني للحين احبه انا عفته تفهمين ويش معنى عفته بعدين حطي براسك شي واحد انا مستحيل أخذ فضلة غيري حتى لو كان اغلى انسان بحياتي
شهد: دآمك مقتنعه بقرارك انتي حره صرتي راشده تعرفين تمييزين اللي تبين
رغد ميلت فمهآ بكره :انتي قلتيها صرت راشده والعقل اللي من ورى عبدالله مابيه
شهد بأستغراب:يالله ماتوقعتك بتكرهين كل هذا الكره وتحقدين عليه
رغد ابتسمت بذبول: لو ذقتي اللي ذقته راح تدعين عليه بالموت ولاتنسين اني لو تزوجته بيظل يذكرني بالماضي اللي تبت عنه وتندمت عليه
شهد لمست كفها بقوه: تغيرتي كثير يارغد
رغد: الدنيا دروس وتجارب والشاطر اللي يتعلم من اغلاطه وتجاربه
شهد بتغيير الموضوع كشرت : بقولك على شي راح يصدمك
رغد :خير؟
شهد احتدت ملامحها: بجد مدري كيف بقولك
رغد عصبت: قووولي
شهد نزلت راسها : أنا حآآمل
رغد شهقت وبنفس الوقت صرخت:ويــــش حآآآآمل ؟
شهد هزت راسها وهي تشوف معالم الصدمه على وجه رغد: ايه
رغد: حرام عليكم كل يوم وحده جايه وقايله انا حامل
شهد ترفع يدها: عسى ربي يبلاك واشوفك كل سنه حامل
رغد: بسم الله عليا ..بعدين كلهم يحملون الا انتي خبله انهبلتي صار لعقلك شي ميشو توه صغير لسى ماصار له ست شهور
شهد بتضجر: صار اللي صار والحين حامل ماني اول ولا اخر وحده تحمل
رغد : الله يرفع عنك ياشيخه
شهد كشرت: يعني مافي مبروك وانا اللي قلت اكثر وحده بتفرح لي رغد
رغد بخبث: باركنا لك اول مره تكفي بعدين لو طولتي شوي افكر ابارك لك مره ثانيه
شهد : وربي انك لئيمه اروح لمهاوي هي اللي تحس فيني مو انتي مالت عليك
رغد ترفع يدها: يارب يارب يارب تهزئها وتلعن خيرها
شهد: اعوذ بالله منك
دخلت مها على كلمتهآ وبلقافتها المعتاده:ويش فيكم تتناقرون انتي وهي ؟
رغد بسخريه: تعالي شوفي القطوه هذي
شهد قرصتها:قطوه بعينك يالخفاش
مها ابتسمت وجلست قبالهم: عن السخافه انتي وهي ويش عندكم
رغد تمد لسانها لشهد:باركي لها الاخت حــــــآآآآآمـــل " مدت بدلع"
مها فتحت عيونها :شنو "لمست اذنها" ماسمعت ويش قلتي عيدي بالله
شهد بزعل: ياويلي لهذي الدرجه صرت عجوز
مها بصدمه: أكيد تمزحين احلفي انك مانتي حامل
شهد: للأسف حامل مس مهآوي
مها :بجد انك مجنونه "سكتت شوي " يالله جالسه بالبيت لادراسه ولا شغل ويش وراك غير الحمل والكنس والتنظيف لك مستقبل باهر لو تفتحين حضانه
شهد شوي وتبكي: مالت عليك وانا اللي اقول مهاوي بتحس فيني
مها: لا والله غلطتي يوم حستي
رغد ماتت ضحك على شكل شهد اللي تغير: خلاص لاتزعلين يانآآآسووو على المكشر
شهد:ماقول ألا ربي يخليني يوسف حبيبي مو أنتم
مهآ:ترى ازعجتينا بيوسف كأن مآحد متزوج بذا البيت الا انتي حتى أنا ياناسوو على بندورتي وصلعته ويش زينه
رغد:هههههههههههههههههههه آآآه يابطني تكفين مهآ لاتتغزلين بزوجك يوم أشوفه استغرب التوافق بينكم
مهآ تغمض عيونهآ: سِبع والسبآع قليلون
شهد:أفلقيني ان كآن سبع هو وصلعته اللي لو يخططهآ يكسب
مهآ تتخصر: الآ زوجي لو سمحتي
رغد:هههههههههآآآآآآآآآآي ..تكفون بطني أوووه ههههههههههههه
شهد: أخص لايكون توم كروز وانا مدري
مها بصوت رومنسي:والله أنه بعيني أطلق من مليون توم
شهد: مسكينه تحلم حلم لايمكن يتحقق
رغد تمسح دموعها من الضحك :خلاص ابي عمري
عند شوق وفهد
رجع لها بعد مآوصل ام رياض وندى للبيت لقاها نايمه وعلى صدرهآ كُتيب أذكار وادعيه فتحت عيونها بعد مآحست بحركته وبدأ ألمهآ بأزديآد
همست:فـــهــــد
فهد: ياعيونه آآمريني
شوق : بدأ الألم يرجع حآسه أني بأستفرغ
فهد قرب منها:تبين أوصلك دورة المياه ؟
شوق هزت راسهآ وبصوت شبه مسموع:ياليت
ساعدهآ بالوقوف ولف يده على خصرهآ تفاجئ بخفتهآ ونقصان وزنهآ المتضح على جسمهآ
مسك يدهآ وتأمل شكلهآ مثل الطفل الصغير بين أحضآنه بصغر حجمهآ وضعفهآ بالنسبه لجسمه الضخم وطوله وعضلاته المشدوده
فهد: خف الألم لما تحركتي ؟
شوق تتشبث فيه اكثر :بديت أدووخ
ثبت مسكته لها :لآتخافين ماسكك زين بس امشي انتي
قربت من دورة المياه ودفته بعيد عنهآ وصارت تستفرغ وأنتم بكرآمه ...تمسكت بالجدآر القريب منهآ وتكت عليه وصارت تكح من كثر مآ أختنقت
فهد بخوف: أنآدي الممرضه أو الدكتور
شوق بتعب وصوت مبحوح: لآ ...أعطني مناديل
بسرعه جآب لهآ مناديل وعلبه مويه ...ساعدهآ بشرب المويه ورجعهآ لمكآنهآ وهو يشوف شحوبهآ يزيد كل لحظة
فهد: خليني اناديهم
شوق بحده وصوت قريب للبكاء: لالالا
مرر يده على خدها بهدوء:طيب اللي تشوفينه ..بعد شعرها عن وجهها حتى يتمكن من رؤية وجهها بوضوح
شوق:ابي مويه
بعد ماشربها للمره الثانيه: بشري ارتحتي الحين
شوق : الحمدلله ..ماقلت لي عن راكان كيفه الحين ؟
فهد: بخير بخير انتي لاتفكرين كثير راح تتعبين فكري بس بنفسك ترى علاجك بالمستشفى قريب ننتهي منه
شوق ابتسمت: الله كريم انا اللي يهمني راكان وبس
فهد لمس خدها بحنان غريب عليه وبنبره غريبه لم يسبق ان سمعتها منه: وأبو رآكآن مايهمك ؟
فتحت عيونها مصدومه من كلمته بلعت ريقهآ ..خانتهآ الحروف وماقدرت ترد عليه بأي كلمه
فهد ابتسم:ليش ساكته قولي اللي بخاطرك ؟
شوق حطت يدها على يده الملامسه لخدها: تهمني كثير
فهد :متأكده..وألا تجآمليني ؟
شوق: لو أجآملك مآكنت وصلت معك لهذا اليوم..فهد انت الوحيد اللي كنت معي من البدايه بشقاي وهناي محد شاركني همومي وتعبي وفرحي الا انت.. انت ماتخليت عني حتى لما عرفت بمرضي وساعدتني وسعيت بعلاجي.. غصب عني حبيتك انت الي خليتني اتعلق فيك واحبك "باست يده بهدوء وانسكبت دمعه من عينها "
فهد: محد يستاهل إني أعيش عشانه إلا أنتي
شوق : تحبني ؟
فهد:مآ أتخيل حياتي بدونك
شوق بحزن:رغم كل اللي كان بيننا
فهد: ماضي وراح مانقدر نعيده
شوق:سامحني اذا غلطت بحقك
فهد نزل راسه ومسك يدها بقوه: انتي اللي سامحيني انا اللي دمرت لك حياتك بلحظة طيش وجهل
شوق:مسموح يابو راكان
فهد: تستاهلين روحي وماتغلى عليك
::
::
آبي مرٍه آحسّ آن?ْ تِبآدِلِني آلِغلآ وَتِغيرٍ ..
آبي مرٍه تِبدِيني عّلِى نفسّ?ْ آوَ آحبآب?ْ
يمرٍ آلِوَقتِ وَآنتِ آنتِ وَلآ في حآلِتِ?ْ تِغييرٍ
خلآص آنسّآني بآلِمرٍه وَ?ْملِ رٍحلِة غيآب?ْ
رٍحلِة غيآب?ْ
رٍحلِة غيآب?ْ
رٍحلِة غيآب?ْ
بطريق رجعتهم بعد مآ بدلوآ جوهم وأستآنسوآ مع بعض
بآسل: اول مره ادري انك سوآقه
ضحكت بخجل ممزوج بجرآءه:ايه اعرف أسوق
باسل: والله طلعت عندك مواهب وانا ماني دراي
هنادي: مع الأيام بتعرف
بآسل يهز كتفه: نشوف ويش بيصير مع الأيام "طلع بكت دخآنه وصار يدخن " وين نتعشى ؟
هنادي رجعت راسها على ورى: بكيفك انا جوعانه ومستعده أكل أي شي
بآسل:أوك
بعد فتره صمت طويله سألته: متى بنروح للرياض ؟
بآسل ابتسم: بكره
هنادي شهقت: ويــــش ؟..بكره وتوك تقول ؟
باسل ببرود: كنت بقولك لما نرجع قبل شوي أتصلت على الخطوط وحجزت
هنادي :ايه ويش عليهم اهم شي اشوف شوق
بآسل طالعهآ:ويش رايك أخلي فهد يسلمني طيارته ونروح مآليزيا
هنادي :لالا
بآسل: أجل بنروح جده هنآ مآني قادر أخذ راحتي
هنآدي بتأفف:طيب طيب بس بعد مآ نتعشى توديني بيت أهلي اشوفهم قبل نسافر بكره
بآسل رفع حاجبه وبنبرة تهديد: سآعه مآ تزيدين عليهآ ..أوك؟
هنادي ميلت فمهآ وطلعت جوالهآ: طيب نص ساعه لو تبي بعد المهم اشوفهم
باسل : زين
دقت على سحر ثوآني وردت عليهآ: هلا سحر كيفك
سحر: بخير أنتي شخبارك وربي لك فقده
هنادي ضحكت: اكيد الغرفه ماهي حلوه بغيابي صح ؟
سحر تضحك:نص ونص بس البيت هآجد فاقدين رجتك وأزعآجك
هنادي : أهب عليك اعترفي أني نور البيت
سحر تمشي لهآ: ايه كثري منهآ
هنادي:أقول ترى بعدين بجيكم الله الله بالأستقابل الزين
سحر سكتت: ماله دآعي تجين
هنادي بشك: في شي ماتبوني اعرفه ؟
سحر: لا ابد كل شي على حطت يدك
هنادي: انا بجي اسلم عليكم وأخذ بقية أغراضي لآني بكره مسافره مع زوجي
بلحظة نطقآنهآ لهذي الكلمه لف عليهآ لآ أرآديآ كآن لهآ بدآخله أثر أخر سرح بكلامهآ ونسى الطريق وكله أحآسيسه وحوآسه متعلقه فيهآ وبنبرتهآ اللي يعشقهآ حد الثمآله ...من اول مره شآفهآ هآم قلبه بحبهآ وسعى للحصول على قلبهآ بأشنع الطرق لكن قد أنه يكفر عن غلطته حتى لو كآنت ترفضه وأخر أهتمآمها به بأحآسيسه لهآ ولآ تدرك حبه وجنونه بهآ ... صحى على مسكت يدهآ ليده وصرختهآ اللي فوقته من سرحآنه الطويل
بــــآآآآآآآســــــــــل الــســـيــآآآآآآررررره
بنفس التوقيت في الرياض
..: الــووو
فهد: نــعــم ويش تبي ؟
..: فكرت باللي قلته لك
فهد: ايه فكرت
..: ويش ردك ؟
فهد:اللي قلته لك من قبل ..الشنطه مآ أدري عنهآ شي
..:هههههههه طيب يافهد منى عينك تشوف ولدك
فهد فتح عيونه على الأخير: أسمع لو قربت من ولدي ترحم على روحك
..:قد هالكلام يابو راكان؟
فهد بصوت حآد:قده ونص يا وآطي
..:هههههههه طيب روح للحضآنه موعدنآ هنآك
قفل جواله وكآن بيطلع لكن أستوقفه صوت شوق الحآد ...فتحت عيونهآ: فــهـــد
لف بسرعه : هلآ
شوق تبكي: احس بنآر بجوفي تحرقني
فهد بخوف: ويش تقولين انتي ؟
شوق زآدت نبرة بكآهآ حده : آآآه احس روحي بتطلع
فهد مسك يدهآ وكآنت حرارتها مرتفعه ارتبك مآ عرف كيف يتصرف قطعه من قلبه تستنجد فيهآ والقطعه الأخرى يمكله الخوف عليهآ :بروح انادي الدكتور
شوق مسكت يده بقوه وصارت تهذي بكلام ماهو مفهوم
فهد: شوووق ....شوووق
ما وصله منها جواب وطلع زي المجنون ينادي الممرضين والدكتور ووقف ينتظرهم برى بألم وحرقه قلب ناسي المكالمه التي كانت قبل دقائق
**
*
ويش بيصير بـ فهد ؟..والأهم التهديد اللي جآه من مين وليش أختآر الحضآنه بالذآت ؟
هنآدي & بآسل ..وين مصيرهم ؟..هل بنفقد أحد ابطآلنآ ؟
عبدالله وخطبته لرغد كيف بيتلقى الخبر ..معقول يتصرف بشكل غير متوقع؟
ريم بعد فقدآنه لطفلهآ كيف بتكون ؟
شوق ..هل ستعود أم تودعنآ هنآ؟!
أبو فهد سيكون له بصمه بالبارت القادم ولكن كيف ؟
هل ستعود رياح المآضي لتبعثر استقرار الحآضر ~|
الى هنآ ينتهي لقآئي بكم موعدنآ الخميس القادم بأذن الله
اترك المسآحه لتعلقآتكم وتقييمكم
دعوآتكم لي بتيسر أصعب امتحآنآتي :(
بحفظ المولى حبايبي
البارت الثاني والخمسون
في عيونك أنا شفت كل ( الرياض ) !!
ليه أحسّ إن - الرياض -
. . أحيان ; كن مابه أحد ؟
وليه أحسْ إنك إنت صرت / كل أحد ؟!
الشوارع ، المباني ، والبشر
حتى [ الـهـوا ]
المسا والصبح . . وأكثر !
. . بّ إختصار : إنت الرياض !
ما للرياض أحباب , إلا أنت | وعيونك
وقف مصدوم وهو يتأمل مكآنه والتفاصيل الخاليه مرت عليه الدقايق بدون مايستوعب اللي يشوفه
رآآآكـــآن
رآآآآآآآكـــــآآآآآآآن
تلفت يمكن يلمحه حتى لو من بعيد طلع يهاوش بصوت مخيف وثاير لأبعد حد
مسك الممرضه: ويــن رآآكـآن ولدي وييينــه ؟
الممرضه بخوف وآضح: كان بمحله ما أحد اخذه
فهد ارعبها بصرخه: مآهو في ..وين رآآح
الممرضه شوي وتبكي: والله مدري ..مدري
طلع بسرعه لرئيس القسم وكأنه مجنون ..حآولوآ الكل يهدونه لكنه كآن في أبشع حالات هيجآنه
فهد: لو يصير لولدي شي بحملكم المسؤوليه على أهمآلكم
المدير: تعوذ من الشيطان يا استاذ فهد ..ان شاء الله بنلقاه " لف على حارس الامن" فتشوا المستشفى لا تبقون ولا مكان الا تفتشونه
فهد صرخ على الحارس: ويش تنتظر شوف وين رآآآكــآن
المدير: تفضل معي للمكتب تفاهم
فهد بعد عنه وبعصبيه: مابي منكم شي الا ولدي ..ولـــــدي وبس
تركهم ورجع للكراسي وانفاسه تضيق بصدره ونبضاته متسارعه استند على الجدار وتنهد بألم وحسره ..انتبه لجواله يدق ..رد بدون مايشوف الرقم
فهد:نعم
..:ويش اخبار راكان
فهد بحده: ياحقير ..انت اللي اخذته
..:ههههه يعجبني ذكائك وفطنتك ..تبي ولد سليم مايمسه شي تجيب لي الشنطه اللي مبلغها ماياسوي ظفر ولدك
فهد بعصبيه: اكيد انجنيت انت والا صار بعقلك شي
..:ايه صار بعقلي شي لما اخليك تأخذ صفقه تساوي 25 مليون على المستريح
فهد بحقد: طيب وبعدين ؟
..: تبي ولدك يرجع لك تجيب الشنطه زي ماقلت لك والا بتترحم على ولدك وماتشوفه طول عمرك
فهد بنبره حاقده جدا: تساومني على ولدي ياقليل الشرف
..:هههههههههههه اللي عندي وقلته اذا رجعت لعقلك وقررت تاخذ ولدك اتصل علي
قفل الجوال ورجوله ماهي قادره تسنده اكثر .. ماحس بنفسه الا وهو قدام غرفة شوق كان الدكتور والممرضات طالعين من عندها
الدكتور: نامت الحين بعد المهدي وأن شاء الله الصباح تكون بخير
فهد أومئ براسه بهدوء وراقبهم لين اختفوآ عن عيونه جلس على الكرسي وتكى بيديه وخبى وجهه بين كفوفه صبره انتهى لكن لما توصل لأبنه ضيء عيونه الذي انتظره بعد عمر طويل ومعآنآة امه لا يعود له قدره على التحمل اكثر ...نزلت دموعه بصمت وألم يحرق جوفه حس بيد على تربت على كتفه
..:ويش فيك يبه ؟
رفع رآسه ودموعه مرتسمه على خده وبصوت مبحوح : يــبــه
ابو ريآض أنصدم من شكله وزآد خوفه دموعه اللي أول مره يشوفهآ تنذرف من عيونه
سأله بنبره مرعويه: خير ياولدي ويش اللي صاير معك؟
فهد اخذ نفس وقال بصوت متقطع:رآآ...كـ...ـآآن
ابو رياض شهق:ويش فيه رآكآن؟
فهد: رآح مني ..رآآآآح
ابو رياض بتوتر متضح عليه وخوف:ويش اللي صار يافهد ..علمني يابوك لا تخوفني
فهد مسح دموعه بعشوآئيه مشآبهه للأطفال:أخذوآ ولدي
فتح عيونه بأستغراب مآهو فاهم شي:مين اللي أخذوه؟
فهد: هــم أخذوه ياليتهم أخذوآ روحي ولآ أخذوآ ولدي
ابو رياض عصب: تكلم زي الناس وقولي مين اللي اخذوآ رآكآن وليه أخذوه
فهد ابتسم بألم: لأني أبوه أخذوه
ابو رياض بعصبيه: فهد لآتجنني قولي كل اللي صار
فهد بحزن: بقولك يايبه بس تكفى ساعدني ماني عارف كيف اتصرف
ابورياض:قوم قوم معي
فهد يطالع بباب الغرفه: وشوق
ابو رياض:الله معهآ يالله يابوك قوم معي خلنا نروح مكآن هادي وتقول لي اللي صار
وقف بمساعده ابوه ومشوآ بأتجآه المصعد حتى يطلعون من المستشفى بكبره
:::
:::
:::
بهذا الوقت بالمدينه
غمضت عيونهآ وأنفاسها تتسارع بصدرها ...تذكرت الموقف اللي نجوآ من موت محتم بقدرة الله
بآسل بهمس خآيف:هنااادي انتي بخير
هزت راسها وكل اطرافها ترتجف وتحس ببروده سكنت جسمها:انتم تأكده ماصار لنا شي
باسل: الحمدلله ربي رحمنا " فتح الباب وطلع يشوف السياره بوسط الظلام "
هنادي: ياربي لك الحمد " مآحست بنفسهآ ألا ودموعها على خدهآ وتشهق بالبكاء "
رجع بيطمنهآ سمع صوت شهقاتها:هنادي فيك شي؟
هنادي تبكي: لا
أخذت علبة المويه حقته ومشى لها فتح بابها ونزلها غسل وجههآ وشربهآ من المويه بعد مآ سمى عليها : كيف الحين
هنادي تمسكت بيده: الحمدلله ..خلنا نرجع بيتنا
باسل: ماتبين نتعشى
هنادي بتلقائيه: لاآآآ ..بلا عشاء بلا هم ابي ارجع البيت وبس
باسل:وخواتك ماراح تروحين لهم؟
هنادي: لا بكره مو لازم الليله رجولي ماهي شايلتني من الخرعه
باسل: طيب يالله اركبي نرجع للبيت
اول ماركبت السياره سمعت جوالها يدق ..ماتدري وينه اخر شي تذكره انها كلمت سحر انتبهت لضوه تحت رجولها وسحبته بسرعه وردت
سحر بلهفه: ويش اللي صار لكم ؟
هنادي:ولاشي بس جات سياره مسرعه وكنا بنصدم والحمدلله مافينا شي
سحر: طيحتي قلبي على بالي صار فيكم شي
هنادي: لا الحمدلله تطمني مافينا شي
سحر:بتجين؟
هنادي : لا بعد اللي شفته انسدت نفسي عن الجيه
سحر بشك:بالله مافيكم شي
هنادي: والله مافينا شي تبين تكلمين باسل تتاكدين
سحر : اكيد لا انخبلتي انتي ..الحمدلله على سلامتكم وانتبهوا لطريقكم
هنادي: ان شاء الله
سحر:مع السلامه
هنادي: مع السلامه
قفت جوالها وتكت على الكرسي: باسل انتبه للخط زين
باسل: وانا ايش اسوي برائيك
هنادي:ادري عنك قبل شوي بغيت تخلينا بعداد الاموات
باسل: يؤؤؤ شكلك تبين تعمرين بالدنيا
هنادي: مو كذا بس مابي اموت وانا ماتهنيت بعمري وامس مسوين حفله عرسنا اللي مدري كيف جاء ابي استانس شوي
باسل يضحك: ايه وويش بعد
هنادي خافت من ملامح وجهه اللي مركزه معها: لالا طالع طريقك لا رجعنا البيت نكمل سوالف المره هذي سليمه المره الجايه اللي يعلم ويش يصير
ببيت أبو مهآ
رغد: ليش ماراح تجي خساره
سحر: مدري اهم شي ماجاهم شي لما سمعت صرختها قلت اكيد ماتوا
مها تضم بنتها:بسم الله عليهم
شهد : سمر هاتي ميشو
سمر: خليه يعلب معي شوفي كيف مستانس
رغد تطالعها بنص عين: خير تبين تشيلينه ؟
شهد كشرت: ايه ويش عندك ؟
مها تضحك: سلآمتك بس خايفه على أخوه
شهد صرخت: مهآآآآآوي
رغد انفجرت ضحك: ماقالت شي يحتاج الصراخ هذا كله
شهد تميل فمهآ: ايه ماقالت شي خلاص سكروا على الموضوع
سحر بلقافه: بالله ويش في قولولي
مها: موضوع خاص
سحر تتخصر: الحين صار خاص ..شهد تكفين قولي ويش صاير؟
شهد تطالع رغد ومها بقهر: سلامتك ولاشي
رغد بترفع ضغط شهد قالت بنبره مياعه: الأخت حآآآمل "وضحكت"
سحر فتحت عيونها: ويــــش ؟..حآآآآآمل
شهد: يمه منكم كل وحده تخزني بعيونها يوم تدري ..ايه حامل فيهآ شي
سحر خافت من شهد: لا مافيهآ شي ..الله يتمم لك على خير
مها تدق سحر وهمست: ياشين الخوف
سحر: تبينها تعيفني الكلام خليني ساكته ابرك
سمر :عاد ياشهوده كل الناس يحملون ويولدون وألآ ماصارت بالمملكه كثافه سكانيه ..عقابل ما ترصين 12 وتكملين الدرزن
شهد: لا عاد ويش 12 هو وآحد وطلع عيوني
مها ترفع حآجبهآ: أشوفك ماتبتي على طول الثاني
شهد حطت يدها على خصرها: خير انتي ليش متقعده لي
مها تضحك:شوفي كلامك المتناقض
رغد:شوفي ياشهد إن شاء الله اذا جبتي ولد ترآه بيكون خطيب لبنتي رضيتي والا مارضيتي
شهد: تزوجي بالاول بعدها يصير خير
سحرتميل فمهآ:ياربي من الحين خايفه على بناتها من العنوسه
مها تقرص خدود بنتها:شوفوآ القمر هذآ ياناس عليه يززنن
سمر كشرت: هم صادقين القرد بعين امه غزال
مها عصبت: هيه انتي لايكون رنومتي ماهي عاجبتك
سمر: لالا عاجبتني بس ارحميني من الغزل اللي مدري من وين جاي
شهد: ياربي منكم طول الوقت تتهاوشون اسكتوا
سحر وقفت: بروح اشوف ريمآ لايكون محتاجه شي
رغد:ايه تكفين شوفيهآ
بالرياض
أخذ كأس المآء حتى يروي عطشه بعد سآعتين من الكلام المتوآصل مع أبوه
ابو رياض بصمت خآنق( كل هذآ انت سويته وأنآ اللي ضنيت فيك الشينه يآولدي): الله يكتب اللي فيه الخير
فهد تنهد: أي خير يبه ولدي الله يعلم بحاله
ابو رياض:لآزم نرجعه بأي طريقه
فهد غمض عيونه:لو تدري شوق مدري ويشب يصير فيهآ
ابو رياض: أنتبه تقولهآ مرتك مآهي نآقصه وجع
فهد: أدري يبه أدري ...وقلبي أنا كيف يتحمل أوجآعه
حط يده على كتف فهد وبنبره جآمده: أصبر أن الله مع الصابرين
فهد: والنعم بالله... مابي من الدنيا الا يرجع لي ولدي وتتشافي زوجتي ونعيش مرتاحين
تأمله بنظرات حزينه على حالته المتدهوره: الله كريم ياولدي الله كريم
وقف فهد: اسف يبه لازم ارجع المستشفى اشوف شوق لايصير فيها شي
ابوه: الله معك ..انتبه لطريقك ونفسك
فهد: أن شاء الله ..اخذ جواله ومفاتيح من على الطاوله ومشى بخطوات سريعه وهو يسابق الثواني حتى يصل لشوق
بعد عشر دقايق وصل للمستشفى وبسرعه طلع لغرفتهآ فتح الباب بشويش ..وشآفها هآديه وسآكنه في مكآنهآ ..قرب منهآ وعيونه تتفحص كل جزء فيها ..يدهآ المتبقعه بألوآن من أثآر الأبر والمسكنآت ..والهآلات تحت عيونهآ من البكآء والسهر ..أصفرآرهآ وذبولهآ
فهد(آآآآه ياقلبي ويــش بتكون النهآيه )
فتحت عيونهآ ببطئ لمحت ظله ورؤيتهآ مشوشه ..همست بأسمه ورجعت لغيبوبتها المؤقته
مسك يدهآ بحنيه:ارجعيلي ياشوق والله تعبت ماعدت أتحمل أكثر أحسآسي بالذنب يقتلني ..والله يقتلني "حط رآسه على يدهآ وبعد سآعه من جلوسه جنبهآ غفى بعالم يسرقه عن وآقعه لسآعآت
الساعه 11 بالليل
بعد ماأخذت شور سريع ولبست قميص ابيض طويل ..رفعت شعرهآ شينون وتعطرت
هنادي غمضت عيونهآ بعد مآخطت بالكحل خط خفيف ...لفت عليه وهو جالس يقرأ جريدة اليوم
هنادي: ماتبي تنآم؟!
باسل ترك الجريده من يده وطالع ساعته:ليييش بتنآمين ؟
هنادي تقلب عيونها: تتوقع أنام بعد اللي شفته اليوم
باسل ابتسم:صار كل خير
هنادي ارتعشت وتغيرت نبرتهآ للخوف: تخيل لو مآ شفت انا السياره ونبهتك يمكن ماعشانا للحين
باسل فتح عيونه على الاخير: لاتتفاولين علينآ
هنادي عقدت حوآجبها وارتسمت ملامح التعبيس على وجهها:كل مآ أتذكر الموقف يمغصني بطني
باسل بتأفف:هنوده غيري السالفه بالله عليك
هنادي وقفت ومشت لهآ وابتسمت بغنج:اممممم ..طيب بسولي بويش كنت تفكر فيه يوم سرحت
باسل طالعها بنظره مستغرب تغنجها:ماكنت افكر بشي
لفت يدهآ على رقبته بنعومه وباسته على خده:بسولي لاتلف وتدور علي قول انك سرحت فيني
باسل ميل فمه:وآثقه من نفسك بزياده
بعدت عنه وهزت كتوفهآ:عيونك فاضحتك سهل اعرف اللي تفكر فيه
باسل:تقرين الأفكار غلط
لفت على وجهه وحطت عينهآ بعينه وبنبره جامده:بـــجـــد؟
باسل وقف:جديين بعد ( مو بس انتي تعرفين تتغلين ..بخليك تركضين ورآي يابنت محمد) مشى بأتجآه الباب استوقفه صوتها
هنادي:باسل وين رايح؟
باسل: طفشآآآن بروح اتفرج على التلفزيون
هنادي عصبت قالت بصوت يميل للعصبيه شوي: الحين أنا أكلمك تتركني وتطلع؟
باسل لف بأتجآهها:مآ أضن تكلمتي بشي يستاهل ...طنشهآ وطلع للصاله
وقفت مقهوره منه ولحقته بسرعه وقفت جنب الباب وحطت يدهآ على خصرهآ ووقفت بميلآن :ترى بكره ورانا سفر أذا انت ناسي
باسل:لا ماني ناسي تطمني
هنادي بحقد :يعني بتجلس هنا ؟
باسل جلس على الكنبه وتمدد برآحه:ايه
مشت من عنده للمطبخ شربت مويه وسكرت باب الثلاجه بقوه وطلعت من المطبخ:تصبح على خير
باسل ببرود: تلاقين الخير
هنآدي شوي وتنجن من بروده(هذا ليه يسوي فيني كذا؟..كل هذا عشان سالته اصلا الحق علي اتكشح له مالت عليه )
باسل طالع فيهآ وهي سرحانه فيه وعيونها بتطلع من محلها:مضيعه شي بوجهي؟
هنادي كشرت: لآآآآآ
باسل:مو قلتي بتنامين
هنادي : غيرت رائي بسهر معك
باسل فرح بدآخله وحب يزيده:بس انتي قلتي بتنامين ؟
هنادي بتأفف: بسهر مع زوجي لايكون حرام
باسل بيتشقق من الفرحه اللي يبيه صار:من قال حرام ؟..حياك تفرجي معي
هنادي جلست جنبه واخذت نفس طويل:حط على فلم
باسل مد الريموت كنترول لها:قلبي بالقنوات واختاري اللي يعجبك؟
هنادي قلبت بالقنوات من بين هالقنوأت قنآه غنائيه عجبتهآ الأغنيه :وآآآآو رهيبه
باسل بيقهرها:والله عليهم رقص خطير
هنادي حطت رجل على رجل :كلنا نعرف نرقص موبس هم
باسل طالعها وابتسم:وريني رقصك؟
هنادي طلعت عيونها وشهقت:شننوووو؟
باسل يرفع حاجبه بخبث:مو قلتي تعرفين يالله بشوف رقصك عشان اغير رأئي برقصهم
هنادي توردت خدودهآ:لالا كنت اقصد في بنات رقصهم احلى بس مو انا
باسل مسك يدهآ:اقولك وريني
قامت وبعدت:قلتلك ما أعرف تصبح على خير ..ومشت بسرعه للغرفه وانسدحت على السرير اخذت نفس طويل وسمعت صوت الباب انفتح ..غمضت عيونهآ تهربا منه ومن أحرآجآته لهآ
باسل:لاتسوين نفسك نايمه
هنادي: ماني نايمه
باسل انسدح جنبهآ:اممم ويش بعد؟
هنادي:ويش رايك تنام تراك صاحي من بدري
باسل:توك تقولين تبين تسهرين معي
هنادي:يووووه خلاص غيرت رائي برقد
باسل يسحب شعرها :انتي كل دقيقه بقرار "ماردت عليه "لفي علي بسولف معك
هنادي:أنعس
باسل بتهديد:بتلفين وألا كيف
هنادي :خلاص بلف ...ببطئ لفت فتحت عيونها ..ويش تبي؟
باسل:أتمقل بوجهك وعيونك وشفايف وخدودك ورموشك وكل شي فيك
هنادي :لو اختصرتها على نفسك وقلت اتمقل فيك بدال المشوره هذي
باسل:يعني تبين كل شي مختصر
هنادي:أي احسن
ابتسم لهآ عرفت قصده تحركت بسرعه تبي تغطي وجههآ لكن كآن أسرع منهآ وطبع بوسه على شفايفها وضمهآ لصدره بقوه
صباح يوم السبت
يتكرر الروتين عند الجميع ...الكل اتجه لعمله أو لدراسته لبيدأ يوم جديد في اسبوع مليء بالمفاجئات
طلعت جوآلها تشوف الساعه تنهدت قبل تدخل بوآبة المستشفى: الحمدلله جيت قبل خمس دقايق يمديني أطلع لفوق
رجعت جوالها ووقفت عند المصعد تنتظره يفتح سمعت أصوآت وازعآج خلفهآ لفت وشآفت الأنسآن الذي لآ تتمنى رؤيته ... شآيل بين يديه طفل بعمر الزهور مٌحمر من الحراره وخلفه أم صوت بكآئهآ يملئ القسم تنقلت عيونهآ في بين المسآحآت الشاسعه مآ تشوف إلآ عمآل النظافه
..: ولدي بيموووت ..بيمووت الله يخليكم الحقونآ
..:وينهم
مشت بسرعه لهم حطت يدهآ على جبين الطفل وشهقت: حرآم عليكم من متى مرتفعه حرآرته
...:من بالليل
حطت أغراضهآ على الكرسي وأشرت له:تعالوآ من هنآ
..:بسرعه ياعبدالله بسرعه
عبدالله يمشي وهو يرجف وعيونه على رغد اللي تسبقه وتنادي: وين النيرس؟
فتحت ستاره صغيره خلفهآ سرير وبعدت الشرشف:حطه هنآ
جآت ممرضه:شنو صار؟
رغد: بسرعه قيسي حرآرته وضغطه باين انهآ حمى
..:الله يخليك ولدي
رغد تدفهم: ماعليش أستنوآ برى ..أنتبهت لدكتور وليد
رغد : دكتور ...دكتور
لف د وليد: نعم
رغد: ماعليش دكتور محتاجينك شوي
جاء ووقف قبال السرير لف على عبدالله: استنوآ برى شوي
مسك عبدالله زوجته ومشوآ بعيد عنهم
رغد:شكلهآ حمى
د وليد:كم حرارتها
الممرضه: 41 وضغطه منخفض
د وليد: أعطيه خآفض حراره وتابعيه بالكمآدآت البارده ..وحولوه على تنويم الأطفال
رغد تطالعه لمسته بخفه وطلعت لبرى
..:طمنيني يادكتوره
رغد: المفروض لما شفتي حرارته مرتفعه جبتوآ هنآ على طول
..:ابوه كآن بالعمل
رغد طلت بعبدالله:قدامه العافيه إن شاء الله
تركتهم لما سمعت صوت الدكتور وليد متجه لهم أخذت اغراضهآ وطلعت للدور الثالث حتى تبدأ بالتدريب اللي أهملت فيه بعض الأيام
شآفتها أروى من بعيد وجات ركض لها ..حضنتها بقوه: وربي وحشتيني
رغد تضحك:بجد ؟
اروى تقرصهآ: ويش رائيك ..من زمآن عنك وعن سوالفك من اول ماغيرتي القروب
رغد بطفش:تصدقين مالي خلق اجي بالعافيه أحضر
اروى شهقت: خير أنجنيتي ؟..شدي حيلك
رغد بتأفف: والله مالي خلق
أروى سحبت لكرسي قريب: قبل نبدأ تعالي قوليلي أخبارك
رغد: لا جديد
اروى: شنو صار بزواج اختك
رغد: عادي ترى زعلت لانك ماحضرتي
اروى: وربي على اختبار ماقدرت
رغد شهقت:ذكرتيني الحمدلله ذاكرت والا بجيب عاليها واطيها اليوم
شافت الدكتور وليد يمشي ووقفت وهمست: وصل النكبه باي
اروى كتمت ضحكتها: باااااااااي
انتظرته يمشي لكن لاحظة انه يبطئ بخطواته ...مشت من جنبه وقالت:صباح الخير دكتور
لف عليها مستغرب منها: صباح النور
رغد: كيفك بعد الخميس والجمعه ؟
وليد :الحمدلله (ياقو عينك تسبني عند بنت عمي والحين كانها ماسوت شي )انتي كيفك
رغد: ماشي الحال
وليد أبتسم: اممممم تبين شي ؟
رغد هزت كتفها: نو قلت اصبح عليك دامني اول من وصل
وليد ضحك:ماهي بالعاده
رغد مشت وماردت على كلمتها الا بـ: عن أذنك
دخلت القاعه المصغره وجلست على الكرسي تنهدت واخذت نفس طويل فتحت كتابها حتى تهرب من أي افكار يمكن تطغى على بالها طلعت جوالها بدون ماتحس صارت تقلب بالارقام حتى تضيع وقتها لين يحضر البعض وتأنس بهم أخذت جوالها وطلعت من القاعه تمشي بدون أي شعور منها وقفت بزاويه بعيده عن الكل والشباك الزجاجي كبير يطل على المدينه كلها تكت على الجدار وسرحت بعالمها لبعيد
{رغــد}
شنو اللي صار فيني معقوله كل ماقلت كرهته ونسيته اكون أكذب على نفسي واتوهم بشي ماهو صحيح ..ليه قلبي كان يرتجف بقربه عيونه تناديني وكل شي فيني يتسجيب له حتى نبضي ما يزيد الا له ...آآآآخ يا أنـآ ويش السوآه بحالتي أمس يخطبني وأرفضه واليوم اكتشف اني مآ أعيش في بعده ..أبي اعرف ليه ابيه ليه ماعفته ؟..ليه كلامي ما ينطبق على فعلي ؟..أكيد ضعف ضعف كبير ماهو هين ...الله يسامحك ياعبدالله لو ترجع سنيني مآ أخلي لك أثر بكوني ودنيتي
حطت يدهآ على الزجاج تتأمل الفراغات بين أصابعها الخمس غمضت عيونها ونطقت بدون وعي: آآآآه
صحت على لمسه أرجفتهآ بعدت بحركة لآ أراديه وهي متفاجئه : أنــت
عبدالله: أيـه أنا
رغد تتلفت حولها زي المقروص: ويش جابك هنآ روح لاحد يشوفنا
عبدالله برفع حاجبه: ويش فيك ؟..مآ أخبرك تخافين أحد يشوفنا مع بعض
رغد بحده: عبدالله مو وقته روح بعيد
عبدالله بعنآد وصوت يماثل حدتهآ:ابي أتكلم معك
رغد من بين أسنآنهآ: مشغوله ماني فاضيه
عبدالله : أذا قلت لك ضروري ؟
رغد شافت طلاب من نفس قروبهآ يمشون من جنبهآ:طيب طيب روح أنا ألحقك
عبدالله :لا تسحبين علي عشان لا اتهور
رغد بعصبيه: رووووح
انتظرته لمآ ابتعد ..ولحقته بسرعه ونزلوآ لمكآن بعيد عن الكل
عبدالله: يناسبك عنآ؟
رغد :ايه بس اخلص علي بسرعه
عبدالله: ليش رفضتي ؟
رغد فتحت عيونها على الاخر:وتسأل ليييه ؟يابرودك
عبدالله: مآ صدقت لما قال لي أبوك ...اكيد هو اللي رفض
رغد ضحكة بسخريه: لسى باقي عندك أمل ؟..متى بتصحى ياعبدالله رغد اللي حبتك مآتت
عبدالله رفع حاجبه:واللي أشوفها قدآمي ؟
رغد:وحده ثانيه مآتعرفك ولآ تعرفهآ ..أنت أخر شخص ممكن افكر فيه بدنيتي
عبدالله بصوت كله تهديد: راح أسوي كل اللي اقدر عليه عشآن تكونين لي
رغد بحده: لو تجيب لي الدنيا كلهآ مآ رضيت ..أنآ أكرهك كل ذرة حب تحولت لكره انت أبغض الناس عندي
عبدالله: مايهمني انا بالنسب هلك ويش ..المهم أنتي ويش بقلبي
رغد بسخريه: ناكر جميل وماهو غريب عليك ..ويش ذنب المسكينه اللي فوق حتى تجرحهآ
عبدالله: ذنبهآ أني ما حبيتهآ
رغد: وذنبك أنت أنك متعلق بوحده مآتشوفك شي انت أحقر من أني أشوفك
عبدالله تفاجئ من كلامهآ وحدة نبرتهآ:أنـــآ
رغد بنظرة أحتقار: أجل أنا ؟..لأخر مره اقولك ابتعد عني " قبل تخطي خطوتهآ بالأتبعآد مسكهآ بقوه مع يدهآ
عبدالله: شوفي يارغد ان مآرحتي لأبوك وغيرتي رآيك بقوله على اللي كآن بيننآ
تعلقت عيونهآ فيه من الصدمه وارتجفت شفايفهآ من خلف نقآبهآ بسبب كلمته التي أخترقت قلبهآ كالرصاصه القاتله ...تجمد كل شي فيهآ مآ قدرت ترمش إلآ بدمعه يتيمه بللت طرحتها
رغد بصوت متألم: الله يقويك تدل البيت كنت متوقعه كل شي منك ألا هالشي
عبدالله بندم: أنتي اللي جبرتيني انآ أبيك ابي اكمل حياتي معك
رغد صرخت عليه: بس أنآ مآ أبيك غصب هو
مشت عنه وتركته لحاله طلعت بدون أي احساس منها وقفت عند القاعه وعدلت غطاتها حتى تخبي عيونها الدامعه خلفها دخلت بهدوء وجلست جسد بدون روح
بمكان غير مدينتي
صحى على حركتها الخفيفه فتح عيونه بتثاقل واستوعب المكان المتواجد فيه وقف بسرعه وقرب منها ..تاكد انها منغمسه بنومها طلع من عندها ودخل دورة المياه غسل وجهه واتجه لمكتب الدكتور يسأله عن حالتهآ قبل يطلع بعد ساعه طلع من المستشفى واتجه للبآركنج قبل يدخل سيارته رن جواله وكان رقم غريب اول مره يتصل عليه
فهد قرصه قلبه ورد: الو "سمع صوت بكاء حآآد قدر يميزه انه صوت رآكآن "
فهد بهلفه:ألـــوووو..ألـــوو..بعد دقايق وصله صوت شخص ماقدر يميزه زين
..: تبي ولدك ؟
فهد بحده: ولدي فيه شي ..ليه يبكي ؟..مين انت وليش أخذتوووه
..:ليه أخذنآه عندك الاجابه عطيناك مده بس انت تهاونت والنتيجه يجنيها ولدك يتحمل ذنب تهاونك معنا
فهد ضرب السياره بقوه: ويش تبي انت ؟
..: الف مره قلت لك الشنطه ؟
فهد بنبره حاقده: يعني أنت أحمد ؟
..: آآآيه
فهد انفعل: يالوآطي يالنذل
احمد: فهد هالمره كآنت بولدك المره الثانيه بزوجتك
فهد بحده: تخسي تقرب من زوجتي انت لو فيك خير مآ تأخذ ولدي
احمد يضحك بسخريه:يمكن ولدك ماهو غالي عندك عشان تفديه بشنطه قيمتها بالملايين
فهد: ويش يخصك اذا غالي عندي والا لا؟
احمد: يعني مايهمك لو يوصلك رآسه
فهد انرعب وشهق: ويش تقول ؟..انهبلت انت ؟
احمد بنبرة امر منتهيه: ولدك ماراح تشوفه الا بعد تجيب لي الشنطه
فهد: حاضرين تبيهآ بتكون عندك
احمد: لاتفكر تلعب بذيلك الرؤوس الكبيره اللي تلعب معها ماتفيدك
فهد يضحك:هههههههههه بتقنعني ان اللي وراك بينفعونك ؟
احمد بسخريه:ويش يهمك فيه ؟
فهد: زي اللي يهمك
رجع صوت راكآن يعتلي وأحتد صوت فهد:أسمع ياأحمد الكلب لو يصير بولدي شي رآح اقتلك
أحمد بحده: تبي ولدك عجل بجيبة الشنطه
أنقطع الخط بينهم ..بدأت انفاسه تزدآد طالع جواله الساكن ودخله بجيبه ..فتح باب السياره ومشى بسرعه وصوت الأحتكآك لفت أنتباه الجميع
اخذ جواله بدون أي احسآس منه وأتصل على رقم حآفظه عن ظهر قلب
فهد: هلآ استآذ مشعل ..ابي اشوفك الحين
مشعل:خير يافهد صاير شي
فهد: لما اشوفك اقولك
مشعل: أنتظرك بالمكتب
فهد بزفره أرعبت مشعل: انا قريب منك ..مع السلامه
::
::
أنفاس صبحك، تعلق قلبي بقلبك
وأنفاس صبحي تعلق قلبك بقلبي
أشتاقلك...وأزرع عيوني على دربك
وأقول شف كيف هذا الشوق يلعب بي
صحى قبلهآ ..أخذ شور زآد نشآطه أكثر جمع أغراضه اللي يحتآجها بسفرته التفت على جهة السرير كآنت هآديه ونآيمه بسلآم ..طالع ساعته وأبتسم على تأخرهآ بالنوم قرب منها وهو يتأمل ملامحهآ الطفوليه البريئه ترآجع قبل يصحيهآ لكن الوقت يعدي وبتأخرون على موعد طيآرتهم ..لمس خدهآ بشويش
بآسل :هنوده ..هنوده "ضمة نفسهآ اكثر وارتسمت على جبينهآ علآمة الآنزعاج " هنآدي أصحي يالله
فتحت عيونها بتعب: خلني أنام
باسل: مايصير حبيبتي يالله قومي تأخرنآ ورآنآ سافر
هنادي استوعبت وفتحت عيونها زين :أيي صح
باسل باسهآ على خدهآ بشويش: صباح الخير
ابتسمت بحيآء وارتبكت:صباح النور
باسل وقف ومد يده:يالله قلبي قومي بنتأخر كذآ
هنادي:خلاص استنآني بالصاله بس اتروش والبس بسرعه
باسل يأشر بسبابته:لآتتأخرين
هنآدي ضحكة:والله ما أتاخر بس روح أنت
بعد مآطلع وسكر الباب وقفت واتجهت للدولاب أخذت بنطلون أسود وتي شرت أحمر سآده
هنادي( عيب والله كل يوم يصحى قبلي وانا خآمده مدري انا الزوجه والا هو غصب يخليني استحي من نفسي وتصرفاتي معه ) دخلت الحمآم وانتم بكرآمه وبظرف ربع ساعه خلصت وجهزت نفسهآ ..وقفت قبال المرايا تكحلت ووحطت روج لمت شعرهآ بعشوآئيه وطلعت
هنادي: باسل شنطتي جاهزه تعال خذهآ
باسل فتح عيونه:قبل نفطر ؟
هنادي كشرت: بالمطار نفطر
باسل وهو يقلب بالقنوات: مقدر أسوق وانا جوعان سوي لنا شي خفيف نسد فيه جوعنا
هنادي مشت للمطبخ وهي تهز راسها بتأفف: زين بسوي توست بلبنه وعصير غيره لاتحلم
باسل: ياربي اعرف الحريم يتفننون بالطبخ انتي ليه غير عنهم ؟
هنادي فتحت الثلاجه ورفعت صوتها عشان يوصله صوتها اكثر:انت قلت غير عنهم لو سمحت جيب شغاله تطبخ لنا لاني ما اعرف اطبخ
باسل بتحطم: شكل هذا اللي بيصير طلعة روحي من اكل المطاعم
ثواني وجابت الصينيه وجلست جنبه قبل تبدأ بأكلها: ايه نسيت أنا عروسه المفروض مآ أطبخ شهر او شهرين
غص بأكله تركت اللي بيدهآ وضربته بخفه على ظهره:صحه يالمشفوح
باسل لف عليها وشهق:شهر أو شهرين؟..تبين تعيشيني برجيم قاسي؟
هنادي تقلب عيونها:ياسلام والناس كلهم احسن مني بويش؟
باسل يطالع ساعته: كُلي الحين بعدين نتكلم بهذا الموضوع بدري عليه
هنادي :الشاهد من هالكلام كله ماعاد بخش المطبخ
باسل يضحك: يصير خير
بعد ماخلصت من الأكل وقفت تلم الصينيه وترجعهآ للمطبخ دق جوالهآ ركضت لشنطتهآ ترد
هنادي: هلا والله
روآن: صبااحووو
هنادي ابتسمت: صباح النور
روان:ازيك يابنت ؟..فينك ما تتصلي
هنادي :هههههه تو مكلمتك
علياء تصرخ: والا تزوجتي وسحبتي علينا أخــــص ياعيب الشوم بس
هنادي: اوووف ترى قبل امس متزوجه أمدآكم تشتاقون لي
روآن: مررره فاقدينك
ايه تسحب الجوال: ياحبيبي من أولها تسوي كذا ياهنوده ما تسألي ولا ترسلي على الأقل مسجآت
هنادي دخلت الغرفه :والله مآفضيت
ارتفع صوت ضحك أيه: وآآضح مايحتآج تقولين
هنادي: مالت عليكم
روآن: خليك منهآ هذي تبي تتشمت بيجي اليوم اللي نتشمت فيهآ ..المهم انتي كيفك أيش اخبارك بجد وحشتيني
هنادي:ياحياتي وربي حتى أنتي لك وحشتيني
علياء: غريبه صاحيه هالوقت ليش مانمتي ؟
هنادي: اوف كلكم قاطين بالجوال
علياء: حاطين سبيكر يالهبله
هنادي ضحكة:ههههههههه ماتتركم حركآتكم ..بعدين مزعجيني ليش وراي سفر
روآن شهقت: بتسآآفرررين ..ويـــن ؟
منال :بس لايطق فيك عرق
هنادي: بروح الرياض بعدين مدري وين؟
منال: ماشاء الله ماتدرين وين بتسافرين عفيه على الزوجه الشاطره
الكل:ههههههههههههههههههههههه
هنادي بتأفف:هيه عاد لاتتمصخرون علي
دخل باسل ورفع صوته :هنآآآآآآآآآآآآآآآآآدي تأخرنآآآ
هنادي نزلت الجوال من يدهآ: أوك حبيبي جآآيه
باسل يطالعهآ مصدوم من كلآمهآ: انتظرك
هنادي: أوك ..رجعت للبنات وسمعت صوت ضحكهم ..مالت عليكم يالله باي
علياء: أرحمينآ ياحبيبي يجي يجي
هنادي تضحك:يعني ويش أقول ..يالله عاد تأخرت عليه باي
روآن: كلميني اوكِ
هنادي: من عيوني باي
قفلت ولبست عبايتهآ بسرعه وطلعت للصاله
كآن وآقف جنب شنطتهآ ينتظرهآ:اخيرا مابغينا
هنادي:سوري بس صحباتي متصلين يسلمون علي
باسل: ماشاء الله يعرفون الذوق زين في أحد يتصل هذا الوقت
هنادي تضايقت:عادي مافيهآ شي
طلعوآ وسكروآ الباب رد عليهآ :ومين صحباتك ؟
هنادي: اللي كانوآ بحفلتنآ
باسل:أهآ اللي كآشفين عن وجههم ؟
هنادي أعطته نظره قويه: خيييير ؟
باسل : ماقلت شي انا صادق كآنوا كاشفات
هنادي تسايره: ايه ايه هم
باسل :أهــآ ..زين اركبي بحط الشنط ورى
فتحت الباب ودخلت وأعصابهآ واصله حدهآ منه سكرت الباب بقوه وأنتظرته لمآ دخل
باسل: ماتبين نمر أهلك تسلمين عليهم ؟
هنادي: مافي احد برسل لهم مسج اقولهم اني مسافره
باسل حرك السياره: براحتك
طلعت جوالها حتى تنشغل فيه وتهدي نفسها وتفكر بالشعور الغريب اللي رآودها
أما هو مد يده وشغل المسجل على اغنيه اجنبيه كلاسكيه وهو مستغرب تغير مزاجها فجأه
وصلوآ المطار وانتظروا موعد اقلاع طيارتهم للعآصمه السعوديه
:::
:::
:::
طلعت من القاعه وبيدهآ جوالهآ انتهت من رسالتهآ ( توصلون بالسلامه ..سلمي على شواقه ) رفعت عيونها بتكمل طريقها لأقرب كوفي حتى تأخذ لها كوفي دافي علا وعسى يدفى برد مشاعرهآ المتألمه ..تجمدت بعد ماشافته جالس ينتظر خروجها لفت بترجع للقاعه لكن صوته استوقفها
عبدالله:رغد دقيقه بس
ماردت عليه وظلت بمكانها بدون ماتلف له كمل كلامه:تعالي ابيك شوي
رغد: ويش باقي ماقلته ؟
عبدالله : مو زين نتكلم هنا خلينا نبعد شوي
مشت لزاويه ووقفت: ويش تبي خلصني
عبدالله:أنا أسف على الكلام اللي قلته
رغد بنظره قاسيه: ماهمني اللي قلته واللي تبي تسويه سوه ماحركت فيني شي بس افهم شي واحد ياعبدالله مستحيل اكون لك شيلني من بالك
عبدالله ميل فمه بحزن: هذا اخر ماعندك ؟
رغد: ايه روح للي تنتظرك حرام تخونها ماتستاهل اللي تسويه من وراها
عبدالله أبتسم: فعلا ماتستاهل وانتي بعد ماتستـ..
قاطعته بحده وبنبرة جافه: ماركضت وراك انت اللي تركض وراي وانتبه تغلط علي
عبدالله بنظرآت ودآعيه: اخر مره تشوفيني بحياتك
رغد: ابرك الأوقات والله
عبدالله: مع السلامه
رغد تأملته لأخر مره وهو يصد عنها ضغطت على نفسها ماقدرت ترد بحرف وآحد لفت بسرعه ومشت بطريق غير طريقه ..دخلت اقرب استراحه وجلست فيها أخذت نفس طووويل
على طول أتصلت على شهد
ردت عليها بصوت نآعس:هلا رغد
رغد: صباح الخير
شهد: صباح النور
رغد: اووه شكلي صحيتك من النوم
شهد:اممممم أي
رغد تنهدت:توقعتك صاحيه
عدلت نفسهآ وبعدت الشرشف عن صدرهآ:غدو فيك شي؟
رغد: لاحبي مافيني ألا العافيه ..بس كنت بقولك عن ريم تجيني العصر عندهآ تعرفين انا مشغوله بدراستي
شهد تطالع يوسف: طيب اذا صحى يوسف بقوله
رغد ابتسمت: فديتك اخليك تكملين نومك
شهد مآ أرتاحت لصوت رغد اللي أدخل الشك لنفسها: لآ ماراح أنام ..انتي فيك شي ؟
رغد: قلت لك لآ مافي شي ..يالله مع السلامه
شهد تضايقت:مع السلامه"حطت جوالها على الكمودينه اسندت راسها على المخده "آآآآهـ
مسك يدها بحنيه :سلآمتك من الأآآآهـ
شهد مالت على جهته: ياربي من رغد مادري ليه ماتتكلم وتقول اللي فيها
يوسف : ليش فيها شي؟
شهد:ايه بس ماهي راضيه تقول ايش فيها احس اني أتضايق اذا ماقالت لي
يوسف ضمهآ لصدره: هي طبعها كذا خليهآ على راحتها واهتمي بنفسك أبي ولدي وألا بنتي يكون مرتاح ببطنك ومايوسوس معك
شهد ابتسمت:حآضر ياعيوني أي أوآمر ثانيه ؟
يوسف: المره الثانيه حطي جوالك سايلنت قطع علي احلى نومه
شهد ضحكة: احلى نومه ؟؟...ليه ويش كنت تتحلم
يوسف صار شبه جالس غمض عيونه:اشوف وحده شقرآ تقول يآ يوووووسف آد أيش بحبك
أتعب وأنا أقول حلوه
شهد خنقته: هذآ كآبوس مو حلم
يوسف يضحك:بعدي يدك عني
شهد خنقته أكثر:أعترف شقرآء وألا فحمه ؟
يوسف:هههه أمزح امزح بس بشوف أنتي تغارين وألا لا
شهد بعدت عنه وكشرت: ويش شايف أنت؟ أنا أغأر من نفسي عليك أغار من الكون كله بعد
يوسف ابتسم: يآآ ويلي أنا دخت
شهد تقرصه مع خده: أحسن دووخ ولاتقوم
يوسف: بعدين ما أشوفك
شهد تضحك:بعد احسن اهم شي تسمع صوتي
يوسف:ههههههههه يمه منك ...امم ويش رايك تقومين تسوين فطور ؟
شهد غمزت له: على شرط تساعدني
يوسف نقز لسرير مشاري: دآم هالنتفه نآيم وبنكون لحالنآ بطب الجمر لو تبين
شهد تطالع مشاري بحب: حرآم عليك شوف ويش زينه
يوسف يسحبهآ: أوووش لايصحى ويخرب صبحنآ المجنون
شهد بحياء: مجنون بعد الله يستر
يوسف :بتمشين وألا شلون ؟
شهد تقلب عيونهآ:قلبي مآيطآوعني اخلي ميشو
قرب منهآ وشالهآ: بيطآوعك غصب عنك
شهد تتمسك فيه: هههههههههه زين بس لاترميني ترى في روح معي
::
::
السآعه الرابعه عصراً
أرتآحوا بعد وصولهم عند فهد اللي أستقبلهم وأصّر عليهم يجلسون في بيته لـ وقت رجعتهم
بعد مآ تغدوآ
باسل: اكيد بتروح لها
فهد: أسئلها عشان اتصل اشوف صحت وألا لا
باسل : يابن الحلال هي جايه عشان اختها
فهد : طيب طيب
باسل :فهد ويش فيك منت طبيعي ؟..صاير معك شي؟
فهد ابتسم له: ابد ماصار الا كل خير بس مانمت زين
باسل: لايكون ضايقناك بجيتنا
فهد طالعه بنظره جامده:أفآآآ بالعكس فرحت بجيتكم
باسل يضحك: والا تبي تجلس بالبيت لحالك ؟
فهد ابتسم: والله من يوم مادخلت شوق المستشفى ماجي هنا الا نادر
باسل بخوف: اجل وين تنام ؟
فهد: اغلب الاحيان عند شوق واحيان عند ابوي
باسل يوآسيه: إن شاء الله بتقوم بالسلامه وتعيشون بهنآء مع ركون
فهد تنهد بعمق وقال بنبره متألمه خآرجه من أعمآق قلبه:آآآآآمييين
باسل وقف: بشوف هنآدي اذا بتروح ألحين
فهد : أنا بقرأ الجرآيد على بال تجي
باسل ضحك: اوك شوف الصفحه الرياضيه
فهد :بشووفهآ بس روح لزوجتك
طلع الدرج وهو يعرج دخل الغرفه وشافه منسدحه تلعب بشعرها وحاضنه الخدآديه وتتأمل السقف بعيون دآمعه ...التفت لجهته أو مآحست بدخوله جلست بسرعه
هنادي: أخيرآ جيت
بآسل جلس على طرف السرير: تبين شي؟
هنادي زمت فمهآ: لا بس طفشت لحالي وانت من جلست مع اخوك نستني
بآسل ميل فمه بضحكه:أخوي أكيد بجلس معه وأنسى الدنيا كلهآ "نطت من مكآنه وقربت منه وجلست بقوه "..بشويش على السرير
هنادي قربت منه وبترجي: متى بروح لشوق؟
باسل بملامح جامده: فهد يقول ممنوع الزياره
هنادي فتحت عيونها على الاخير :لآآآآ
باسل: نحتري يومين أو ثلاث عسى يسمحون لنا
هنادي دمعة عيونها:بآآسل تكفى حآآول والله مآ أتحمل اصبر اكثر
باسل هز أكتافه: بحاول وأشوف
هنادي مسكت يده وبترجي: الله يخليك باسل عشاني سوآ كل اللي تقدر عليه الله يخليك
باسل ببرود أكثر: قلت بحاول والله يكتب اللي فيه الخير
شهقت بهمس وأعقبتهآ دموع سالت على وجنتآهآ مسحت دموعهآ
باسل ابتسمت: يالله كل هذآ عشان قلت بحاول ؟
هنادي زآد بكآهآ:ابي اشوفهآ مشتاقه لهآ
بآسل: طيب بوديك والحين لو تبين
لفت عليه زي المقروص وصرخت: أحلف
باسل ضحك:كنت أمزح عليك طلعتي تحبينهآ أكثر مني
نقزت عليه وضمته بقوووه أختل توآزنه وطآح على السرير من قوة ضمتهآ
هنادي : مجنووووون
بآسل يضحك ويكح بنفس الوقت: كتمتيني يا هنو
هنادي باسته على خده: قوم ويش تنتظر
باسل :آآآآه ..عيديهآ مره ثانيه
هنادي:قوووووم يالله
باسل بعنآد: عيديهآ وأقوم
نزلت رآسهآ بحيآ وتوردت خدودهآ..وبنبره خجوله: بسوول لا تعاند لارجعنا يصير خير
باسل جلس : وعـد ؟!!
هنادي وقفت: وعد بس قووم تكفى وربي بمووت
باسل: أوكِ بنزل اقول لفهد البسي والحقيني تحت
هنادي:دقايق انا عندكم
طلع من الغرفه يضحك عليهآ وعلى برائتها وتقلب مزاجها بين ثآنيه وأخرى شافه فهد وهو مبتسم
فهد: ويش عندك تضحك
باسل: اقول قوم المدام تبي تروح لأختهآ
فهد: سواق عندكم انت وهي ؟
باسل كشر : هيه لا تكسر خاطر زوجتي يالله بس عن الكلام الفاضي السياره لو سمحت
فهد يضحك: على خشمي أي اوامر ثانيه ؟
باسل: لا مشكور بس روح للسياره
فهد وقف: لا تتاخرون والا بروح عنكم
كآنت توهآ نآزله وسمعت كلام فهد : مايحتاج انا جاهزه
فهد ابتسم: حياك
هنادي: ماتبون نمشي
باسل يدف فهد: يالله خلنا نمشي
طلعوآ من البيت متجهين للمستشفى .. وهم بالطريق
باسل يفتش بالدروج:وين السيديات يافهيدان معك عرسان لازم تهيء لنا الجو
فهد ابتسم: والله ماصرت اشغلها وحطيتها باللكزس
باسل كشر: ويش صاير انت ماتشغل سيديات ؟
فهد: شوق الله يقومها باسلامه ماتحب تسمع أغاني
باسل بتعجب: حركااااات
هنادي: من يومها شوق ما تسمع اغاني الا نادراً
فهد ابتسمت: شكلكم زيهآ
هنادي: لا والله مافي احد زيها بالبيت
باسل لف على فهد: متى بنوصل ؟
فهد: خلاص بس نعدي الزحمه نوصل
باسل بتأفف: اكره الزحمه
فهد يضحك: لا ياشيخه لاتقول جده ماهي زحمه
باسل: مو هذا القصد
فهد: ابشرك وصلنآ
دقايق ونزلوآ من السياره وطلعوآ لغرفه شوق ..قبل تدخل
فهد: هنادي ياليت ماتبكين قدآمهآ
هنادي استغربت كلامه : اكيد ماراح أبكي
فهد :انتظري انا بدخل قبل
هنادي وقفت بحيره : طيب انتظرك "بعد مادخل لفت على باسل"ويش فيه أخوك؟
باسل: مدري بس يمكن بيمهد لها ؟
هنادي بشك: ليش يقول لاتبكين
باسل: عشان نفسيتهآ حبيبتي تعرفين هي تعبانه كثير
هنادي مسكت يد باسل بقوه: اخآف ما اتحمل
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!