تحميل رواية ياقوت القاسم بقلم جيجي pdf

 يعنى ايه مش هتروح ده شغل والشركة قبلتو يا قاسم وانت لازم تروح

ما هروحش اقعد هناك خصوصا عند حرمه

المدير... انت روحت قبل كدا شغل فى الصعيد وقعدت عند العمده ودلوقت كمان هتقعد عند عمدة بس ست انت مطلوب بالاسم.. انت مش بتنقى اوطه

قاسم.. طب فين كرامتى اما اروح اقعد عند حرمه

المدير.. عديها يا قاسم ده شغل مين جيه جمب كرامتك يلا بقى اى مهندس هنا يتمنى يروح بس هما طالبينك بالاسم

قاسم بغضب... ماشى ماشى ماشى

وطلع من المكتب وهو بيقول.. اوف اطلع من خلقاتى يا ناس

وبعد شويه كان فى العربيه هو بنت عشرينيه دى سما زميلتو من القاهره... نزلو من العربيه وقال....

ايه المكان النتن ده... ده كلو جبال

سما... احنا مش هنقيم هنا هنخلص الشغل ونمشى

بس شافو بنت فى العشرين لابسه عبايه سوده وفوقها عبايه رجالى وطرحه طويله مسنوده على شعرها وفوقها عمامه رجالى وماسكه عصايه وبتتحدى لشاب باين عليه الغضب وبتقول...

تلعب

قال.. العب

ومسك عصايته بضيق يقابل عصايتها اللى ضربتها بكل قوتها شدد على عصايته اكتر وبقى يلعب معاها بس هى ما كانتش هدفها لعب ابدا

قال... بتعملى ايه عاوزه توقعى عصايته وتبهدلينى قدام الكفر من عقلك فاكره هتقدرى انا عمرى ما خسرت فيها انا ما تغلبش

قالت.. جابك قلبك وطاوعك تنازلنى استنى النتيجه

وبقو يضربو العصا جامد بس وقعت عصايته وضحكت بصوت عالى وقالت..

وانا بغلب اللى ما يتغلبش..

وغمزتلو بعينها وضحكت

الرجاله بقو يصفرو ويسقفو.. هو كان بيبصلها بغضب لا يوصف.. وقفت جمبها ست فى الخمسين دى عمتها وقالت بهمس

ايه اللى هببتيه ده يا يا قوت انتى اتجنيتى عاوزه تفضحيه وسط الخلق قاصده توقعى عصايته ليه كده بس

ياقوت بصوت عالى وهى بتبصلو.. اه اللى تقع عصايته كيف اللى وقعت كرامته.... شوف بقى لو اللى وقعتها حرمه ما هتتنسيش واصل

عمتها... انتى هبله هيقتلك بيدو

ياقوت.. هو وافق يلعب عارفين ليه لانو استهان بيها وانا اللى يستهين بيا.. افرج عليه الخلق يا عنيا...

عمتها.. ده هيطلع عينك

ياقوت.... ولا يهمنى... لم كرامتك اللى اتبحترت وغور من هنه ولو جيت تانى ابقى جيب حد معاك عشان يلمك انت وهى..

قال بغضب.. ماشى بس انا ما هسكتش

ياقوت.. امال ايه هتهوهو طب روح هوهو بعيد احنا مصدعين

بصلها بتوعد ومشى وهى ابتسمت وقالت..

يلا يا رجال بلدنا كلو على شغلنا

ولسه هتمشى بس قالسم قرب منها وقال...

بس انتى يا حرمه

ياقوت التفتتلو وقالت.. حرمه

قاسم.. امال اقولك ايه مش حرمه برضك

ياقوت بضيق.. ياقوت الجبالى... ده اسمى...

ي

....ياقوت بضيق.. ياقوت الجبالى... ده اسمى... خير مين انت

قاسم... قاسم الحسينى

ياقوت.. يا مية مرحبا اتفضلو اتفضلو دى سما

سما.. اه انا

ياقوت.. تعالو اتفضلو

ودخلو البيت وقاسم قال..

احنا ما هنطولوش هنا هنخلص المستشفى بسرعه ونمشى يا ريت تكون الحجات جاهزه عشان نبدا على طول

ياقوت.. ان شاء الله جاهزه.. يلا تعالو اغسلو عشان نتغدى سوا وتطلعو تريحو

قاسم... طلع فلوس وحطها على التربيزه وقال... انا ما بحبش اخد حاجه من غير ما ادفع تمنها

ياقوت قعدت وقالت... وانت خدت ايه عاد

قاسم.. قعاد واكل

ياقوت... ههه وانت حد قالك انها لونكدا اياك.. دى سرايا الحاج مهران الجبالى وضيوفها ع الراس حق الضيافه ما بناخدوش يا اخ شيل حجاتك

وسابتهم مشيت..

قاسم.. لا اله الا الله

سما.. وبعدين معاك سيبك منها ده من شغلنا الاكل والشرب والمكان اى الجديد ولا عشان ست

قاسم.. بالضبط ست وست تنكه وشايفه روحها مش عارف على ايه

سما.. ايش ماحدش قالك اتجوزها وما حدش طلب رايك فيها اصلا نقعد هنا كام يوم نخلص ونتكل

قاسم.. اكيد بس انها تجيب اكل واكل ونام واقعد عندها تقيله انا لما قبلت الشغل ما كنتش اعرف انها مره

بس سمع صوت ياقوت بتقول... ومالها المره مش مشكلتك فانك هتقعد عند ناس غرب تاكل وتشرب وتضيق عليهم المكان وتحتل حرمت البيوت وكل مشكلتك ان صاحبت المكان مره

سما بسرعه.. هو ما يقصدش حضرتك

قاسم.. نحتل حرمة البيوت ونضيق عليكم لا و على ايه احنا نمشي احسن

سما بهمس لقاسم.. نروح فين بس والشغل اللى اتفقنا عليه اهدا بقى

وبصت لياقوت وقالت.. هى فين الاوض اللي احنا هنقعد فيها

ياقوت.. انتى هتقعدى معايا في اوضتي اهو نتونس سوا وهو هيقعد في الاوضه دي متنضفه زين

طلعو اوضهم وسما قلعت الجاكت بتاعها

وقالت..

هو حزن ومغلي مغلي في كنكه وانا هطفحوطفح انا عارفه

بس لقت شاب بيقول... سيربرايس

شهقت بخضه ولبست الجاكت بتاعها وقالت...

انت مين انت وازاى تدخل كدا

قال.. انا اسف انا فكرتها اوضة اختي ياقوت

سما.. ايوه هي صح دى اوضه ياقوت بس

بس قال... يعني انا مش غلطان

سما... انت متعرفش غلطان في بيتكم ولا لا

قال بمعاكسه.. والله انا كنت مركز لحد ما شفت العيون دي ماعدتش مركز في اي حاجه خالص بعدها.. هو انتى مين وبتعملي ايه هنا

سما.. انزل اسال اختك على الموضوع ده هى تقولك انا مين انا ما بتكلمش معايا ماشى

قال.. ليه بس كده ده احنا بناخد وندي

سما.. انا لا باخد ولا بدي معاملتى ميري

قال... طب ما فيش دبله في الايدين.. شكلنا مش مرتبطين

سما... وانت مال امك لا مؤاخذه..

قال.. لا و لزمتها ايه... مؤخدتك معاكى..

وطلع من الاوضه وهو بيقول... احدفي دبش بكيفك احدفى.... حكم القلب في عيونك حفي..

قفلت الباب بضيق وقالت... استغفر الله العظيم مجنون مين دا انا ناقصه مش كفايه قاسم وياقوت

نزل تحت وقال.. بت يا ياقوت مين الحته اللي فوق دى ا

جات من فين دي يا بنت اللذينا

قاسم كان قاعد معاها قال بحده..

هو يقصد سما بالكلام ده

ياقوت بتوتر... لا هو يقصد قطعه تحفه يعنى انا كنت جبتها من بازار

قاسم... بس هو نازل من الاوضه هو ايه اللي طلعو الاوضه بتاعت سما واصلا شكلو بيعاكس

الشاب مال على ياقوت وقال بهمس..

صح انا شفت مزه فوق وبعاكس فعلا بس انا ما اعرفش انها تقربلو

ياقوت.. اه جايه معاه ماعرفش بقى اختو خطيبتو انت لو راجل قول اه انا كنت بعاكس

بص لقاسم وقال... اه انا بتكلم عن تحفه شفتها على الكمود وانا نازل من اوضتى انا جمب اوضة ياقوت... انا مراد اخو ياقوت

قاسم.. استنى ابلع اختك الاول وابقى اتعرف عليك بعدين

ياقوت بسخريه .. ابو الرجوله يا اخويا منور جيت ميتى ايه جابك من مصر انت مش كنت قاعد هناك مع امك

مراد.. في ايه انا جيت اشوفك وحشتيني

ياقوت... ما تشوفش وحش

مراد.... كده ماشي على فكره البدايه مش لطيفه بس مش ناويه تاجى عندنا

نزلت سما وقالت.. كلمت العمال ووصلو الموقع ومستنينا

قاسم... تمام

ياقوت بصت لمراد وقالت..

انت امك عارفه انك هنا

قاسم... ايه السؤال ده وانا هخاف منها اكيد عارفه طبعا قلتلها ماما انا رايح عند ياقوت.. قالتلى خلاص يا حبيبي براحتك

وبص لسما وكمل... اصل انا شجاع.. شجاع قوي

بس رن الفون بتاعه قال بسرعه..

نهار اسود امى امى

وجرى من على الكرسى ورد بتوتر وقال..

ايوه يا ست الكل... اه وصلنا وصلنا بقالنا ٣ ساعات والجو تحفه... مين اه معايا منتصر وجلال والشله كلها بس هما فى الاستقبال علشان في مشكله لما يحلوها هخليهم يكلموكى... اى لا صور ايه يا ماما هو انا لحقت اوصل عشان اتصور... حاضر ان شاء الله هتصور وهصورلك المكان كلو حاضر بس مش دلوقتي يلا سلام علشان في مشكله في الريسبشن..

وقفل وقال.... نهار اسود عليا

ياقوت... كدبت تاني يا مراد ما امك هتعرف اكيد

مراد بحزن... عايز اشوفك مش كفايه انتى ما بتجيش عندنا

ياقوت.. هو انا عقلي خف عشان اجي عندكم..

وبصت لقاسم وقالت... ما بتاكلوش ليه يا جماعه يلا بسم الله

مراد.. ممكن الاكل مش عاجبهم طيب اعمليلهم اكل تاني

سما... لا بالعكس الاكل جميل انا تمام

مراد... انا طالع فوق

ياقوت.. طب ما تاكل الاول

مراد.. لا اصلي عايز الحق ابعتلهم رسايل علشان لما ماما تكلمهم ما يعكوش اشوفك على العشا بقى

سما.. وانا طالعه اوضتى عشان ابعت مسج اتابع بيها العمال

وطلعت فوق... ياقوت قالت...

حقك علينا لو ضايقناك

قاسم بسخريه... لو.. لا مضايقتينيش اصلا انتى ما تقدريش تضايقيني لان انا ما اتخلقتش الى يضايقنى

ياقوت... طيب يا سيدي هات حق اكلك عشان واضح ان راسك ناشفه وما هتاكلش لحد ما تمشى.. هنا مافيش مطاعم.. ولو قعدت من غير وكل اسبوعين يمكن تموت مننا...

طلع فلوس وادهالها وقال... ادى ليا ولا سما

ياقوت غمزت وقالت.. الحتة بتاعتك دى..

قاسم.. ههه لا والله زميله بس من زمان يعنى من ايام الثانويه والجامعه وكدا..

ياقوت.. تمام...

قاسم.. صح هو اخوكى ده امان مش كده

ياقوت.. من ناحيه زميلتك يعني لا ما تقلقش انا ضيوفي محدش يقدر يوصلهم... مش دفعت انت كل بقى

قاسم.. لا هستنى العشا اما تكونى جبتى الخضار بالفلوس بتاعتى

ياقوت... هههه ماشي يا سيد عندى

قاسم بصلها وطلع فوق وبالليل كانوا بيتعشوا سوا.. ومراد قال...

ايه يا بنت اللذينه ده انا سمعت ان انت خربتيها وانك وقعتى العصايه بتاعت صابر... بس هو ليه الناس كانت بتتكلم كتير عن الموضوع ده يعنى انك وقعت العصايه انا مش فاهم منه حاجه

ياقوت... اصل عندنا لما واحده توقع عصايه الواحد يبقى حاجه عيب يعني بقي مسخره الحته

سما.. بس انتى كنتى ماسكه العصايه ماسكه محترمه كده يعني زى مسكة قاسم مسكة حريفه

ياقوت... هو قاسم بيلعب عصايا

سما.. اهوهو دا احسن واحد يلعب عصايا وخيل حاجات كتيره بيعرف يعملها

ياقوت بصت لقاسم وقالت... طب لو فى نصيب قبل ماتمشى ناخده جوله بالعصايه ونشوف مين يكسب علشان حمستني قوى زميلتك اغلب اكتر واحد بيعرف يلعب

قاسم... ما بلاعبش حد اقل منى ما بحسش بمنافسه بس انتى تمام الاعبك بس اما اخلص عشان لما تخسرى قدامي تبكي بعد ما امشي اهو تبكى براحتك بدل ما تبقى فى وشى بعد الهزيمه

ياقوت ضحكت جامد ومراد قال... طب ابقوا نادوني اتفرج على النزال

سما.. انت بتعرف تلعب خيل او عصايا

مراد.. لا ولا بعرف امسك العصايه ولا بعرف اركب خيل ولا بعرف الحاجات دي كلها انا كبيره قوي اركب المكنه بتاعتي

سما.. تمام شجع اختك بقى هتحتاج تشجيع قسوم مش اى منافس

مراد.. خطيبك

قاسم.. ما شاء الله عليك عنيك حلوه بس بتروح وتاجي كده في المكان مش مستقره في حته معينه هو في حاجه مرض ده ليتقلعو من وشك لاسامح الله

مراد بتوتر.. ها اه هو مرض فعلا بتلاقي عيني سرحت كده مع نفسها

سما كتمت ضحكتها وقاسم قال... تحب اشوفلك دوا ليها

مراد... لا لا هي خفت خلاص

ياقوت غيرت الموضوع وقالت... كلمت امك تاني

مراد.. اه كلمت ناصر عشان يظبط شويه صور كده ويبعتهالي على اساس يعني ان احنا في الغردقه وكده وهي تمام الحمد لله عجبتها وصدقت يعني الفوتوشوب بس هي يعني مش هتعرف هى ملهاش في الجو ده

ياقوت.... طب تمام الحمد لله اهو تقعد براحتك بقى

وخلصو عشا وطلعو كل واحد على اوضتو.. باليل سما كانت قاعده في الجنينه بتشم هوا جيه مراد وقال...

اضايق لو قعدت شويه

سما.. لا عادى انا كدا كدا مش شيفاك

مراد قعد وقال.. طب كويس لقيتى حد تحسى كانك قاعده مع روحك قدامو والله شرف ليا عقبالى ما الاقى روحى انا كمان... انا حابب اتكلم معاكي

سما... ما فيش حاجه نتكلم فيها على فكره

مراد... عادي يعني دردشه نتعرف

سما... هو انت كدبت على امك ليه

مراد.. مالقتيش. غير الموضوع دا نتكلم فيه

سما.. لو مش عايز عادى

مراد.. تؤ عادى..ووو

ي

سما.. لو مش عايز عادى

مراد.. تؤ عادى.. هو زمان ماما وبابا انفصلو بابا فضل هنا وماما كانت هترجع القاهره بلدها.. وكنا فى حضانتها وقتها بابا اعترض كان عايزني افضل انا هنا عشان انا ولد يعني اخد البيت والعموديه والورث.. ماما قالت انها محتاجاني معاها في مصر لانها عايشه لوحدها وكده محتاجه حد يسند معاها مش يكون عبئ عليها واخدتنى ومشيت... بس ياقوت فضلت هنا وبتحاول تثبت وجودها للكل وانها لا تقل عنى.. بضطر اكدب على ماما عشان اجى

سما.. طب وهم انفصلوا ليه

مراد.. علشان ماما ما استحملتش العيشه هنا قالت المكان مختلف تماما عن هناك وبابا كان معقد ما تطلعش وتلبسش كذا وما تعملش كذا ما تفقوش خالص

سما.. والسبب ده مستاهل انه يفرقوا اخوات عن بعض علشانو...

مراد.. العند يعمل اكتر من كدا..

سما... طب امك ما بتستقبلش اختك ليه يعنى يا قوت عندها حق تكرهها بس امك ليه مش دى بنتها

مراد.. بنتها اه بس ياقوت اخدت صف بابا وعاشت مع بابا يعني بقيت زيه وبتقول ان ماما كان ممكن تستحمل عشانها.. وماما متضايقه منها لان هى ما بتجيش تزورها وبتقول انها ما عزرتهاش ولا فهمتها.. ياقوت عملت كل ده علشان تثبتلها ان هى احسن من اي راجل في الدنيا

سما... عامه انا شكلي نكدت عليك

مراد... لا هو الموضوع اساسا اوريدي منكد علينا بس احنا الحمد لله فضلنا بنقابل بعض غصبا عن الكل

سما... لا هى غصب عن الكل دي لما بتخزق عينها كده تقولها انا رايح عندي ياقوت انما دى اسمها بنقبل بعض من وراها.. احم انا اسفه هي طلعت كده

مراد.. عادي يا ستي ولا يهمك هو بس الفكره انها امى وما قدرش ازعلها

سما.. صح الام ام وبرضو كل واحد ليه ظروفو مانحكمش عليها

مراد.. طب بجد انتى مخطوبه

سما.. ليه شاغل نفسك بالخطوبه انت

مراد... عادى تعارف بس مش اكتر انا مش مرتبط اصلى ف بسال

سما.. تؤ لسه

مراد.. فى حد

سما.. كمان لا

مراد بمعاكسة.. يا رب في العزوبيه تتبتي.. لحد ما اخلص جامعتي

سما بصتلو بغيظ ومشيت مراد قال..

طب استني طيب يا بت هقولك.. كسفتها الله يخرب بيتك يا ميرو.. بس عسل.. وربنا عسل..

وطلع هو كمان اوضته فى صباح يوم جديد كانت ياقوت قاعده بتشرب الشاي.. ونزل قاسم من فوق شاورتلو وقالت....

تعال اشرب الشاي وياي نازل ليه على ريقك.. ان شاء الله تكون نمت كويس

قعد جمبها وقال... اه الحمد لله حلوه... صح كنت عايز اسال سؤال هو مين اللي كنتى بتتخانقي معاه بره ده

ياقوت.. دا مسكين صعبان عليا.. عايز يترشح قصادى فاكر ممكن يكسب هه غلبان

قاسم.. واثقه فى نفسك انتى.. وايه اللى مخليكى متاكده كده ان الناس مش ممكن تختاره

ياقوت.. يعني الناس حباني

قاسم اه الناس حباكى.. لدرجة يسيبو الراجل ويختارو حرمه

ياقوت.. لما تبقى الحرمه هتوفرلهم الراحه اللي رجاله بشنبات ما قدرتش توفرها هيختاروها.. مش يتبهدلو عشان حرمه.. انت مثلا لو عامل ومعاك ابوك واخوك اللي في الجيش وامك العيانه واختك اللى عايزه جهاز هتتمرمط وعمدتك راجل.. ولا تلاقى شغل وفلوس وعلاج والحاجه اللي جايه من بره هتوصلها لكم وتزود عليها.. وتبقى عمدتك ست عشان حرمه دى قديمه

قاسم بغض النظر عن العيلة اللى كسحتيها دى بس فى رجاله بشنبات عادى بتوفر الحجات دى

ياقوت.. على حسب اللى كان ماسك قبل ابوى الله يرحمو كان مخلى الناس عرضهم فايح.. وشيهم رايح.. اتاوه وشغل ببلاش ووسايط والغلبان رايح فى الرجلين.. كان ابو اللى اتشكلت معاه ده بس ابويا خدها منو.. وانا لما بوى مات اترشحت انا وهو الناس اخترتنى انا.. هو عايز يعيدها..

قاسم.. وانتى بتقدري توفقى بين شغلك وشغل البيت

مثلا غسيل وطبيخ وده وده

ياقوت.. انا عندي خدم بيعملوا كل حاجه انا عايزاها

قاسم.. طب ولبسك ده وشكلك ما جربتيش يعني تلبسى وتبقي كيف البنات اللي بتلبس وتحط مكياج تلبس ذهب وحاجات كده ما نفسكيش تهملى العصايه. ما تعبتيش من عيشه مش عيشتك.. مش نفسك تتلبسى وتتدلعى تتجوزى كيف الحريم.. مرتاحه فى عيشتك دى يعنى

ياقوت... عشان اثبت لكل اللي اتريق وقال بت ما لهاش عازه

قاسم باعجاب وقال.. عشان تثبتى للناس تهملى عيشتك وسنك وحياتك خساره.. بس رحمة للحريم كده لولا ماعملتى كده لولا ما عايشين لو كنتى لبستى كيفهم كنتى هتبقى بوته عسل ماكنش فى حد هيبصلهم كنتى هتبقى ستهم كلهم واحتمال كانو قتلو روحهم

ياقوت توترت من كلامو ونظراتو وقالت.....

اللي جواه جرح عايز يطيبه مهما كان التمن وده تمن شفا الجرح اللي جوايا

قاسم بحرج احم.. ربنا يقويكى سلام انا بقى الحق العمال

وسابها وطلع من البيت.. طلعت اوضتها بقيت تفكر في كلام قاسم شالت العمامه من على شعرها وحطيتها جنبها على السري وفردت شعرها وقلعت العبايه الرجالى اللي كانت لابساها وطلعت فستان من الدولاب ولبسته وسدلت شعرها على كتفها وكانت بتبص للمرايه بحزن على حالتها بس دخل قاسم وهو بيقول بغضب..

بكل بجاحه اصحيكى تقولى قومت ما روحتيش المو

بس قطع جملتو لما شافها هى بصتلو بكسوف وقالت...

ان انت ك كيف تو تودخل كده

قاسم.. انا كنت جاي لسما اصلها قالت رايحه ومارحتش

ياقوت... اطلع بره

قاسم طلع بس رجع بصلها وقال.. على فكره كده احلى. بكتير وطالما بتعملي كده علشان تثبتي للكل وجودك انا من رايي خليكي بوجودك ما تلبسيش توب للرجال طالما عايزه تثبتى وجود المراه البسى توب المرا.. بس البسى حاجه اوسع من كده لجل اما تطلعى تتكلمى الرجاله تركز في الكلام ما تنساهوش وتركز فيكى اصل لو اى واحد شافك كده لا هيركز بتعملى اى ولا بتقولى اي واصل هيفضل متنح كيف تتنيحتى كده

وسابها وطلع.. جريت قفلت الباب بكسوف وقالت..

يا مري يا مرى ايه اللي انا هببته ده

عند سما كانت فى المطبخ وبتقول لمراد بضيق..

قولتلك عدينى عايزه اروح الموقع اشوف العمال عاملين ايه ليعكو الدنيا

شدها قعدها جمبو على الارض وقال...

شوفينى انا الاول

سما.. هو انت من بقيت عيلتى اشوفك ليه بعد بقى عايزه امشى سيب ايدى

مراد.. لا مش هسيبك ابدا ما تقلقيش. عارفه انا نفسي انجح في الجامعه وابقى مهندس كباره زيك كدا انتى عارفه ان انا بقالي ٣ سنين فيها فى السنه الاخيره بس.. تقريبا كده مستقصدينى اه والله انا كل سنه بشجع نفسى واقول هنجح هنجح بس لا بسقط ليه مش بنجح مش عارف ده اخر حل وصلتله

سما.. لا طبعا اكيد مش مستقصدينك.. بس ازاي بتذاكر طول السنه وتيجي في الاخر ما تفهمش حاجه.. المشاريع بتبقى ساهل لو طبقت اللى فهمته انت مش بتفهم من الدكتور

مراد.. لا بفهم بس بيقولى مشروع التخرج ناقص اصلى مش براجع لا من الداتا ولا المذكرت ف بنسى هو انا مخى دفتر

سما.. ايه الهبل ده تنسى اى دا انت لو عملت عماره توقع على سكنها اساسا لازم تفهم مش حفظ وخلاص بس كنت راجعت مش بتراجع فيهم امال فى اى

مراد.. فى الاوضه

سما.. اوضتك ايه بس طب ناوى تكمل السنه دى ولا هتوفر على مامتك كحك العيد

مراد.. لا انا ناوى والنيه لله السنه دى اتخرج عشان احقق حلمى

سما بسخريه.. حلم ايه انت عندك طموح اصلا

مراد.. اه مش قولتلك.. يا رب في العزوبيه تتبتى.. لحد ما اخلص جامعتي.. ما فهمتيش حاجه خالص من الجمله دى

سما.. لا فهمت فهمت انك واحد متحرش وبتعاكس اكيد انت مش بتتكلم صح

مراد.. ما تكلمش صح ليه ما تشبهيش ولا انا اللي ما شبهش

سما.. لا ما تشبهش ازاى بس دا انت تشبه بلد.. بس انا ما اخدكش انت لو بورت وعنست.. وجمب امى قعدت..

مراد.. ليه كده بس.

سما.. عشان انت هزوء وساقط ٣ سنين

مراد.. على فكره فى تاخير كبير من فريقى طلبه فاشلين

سما طلعت وه بتقول.. اه مصدقه طبعا الطيور على اشكلها تقع.. مش هيحطوك مع المميزين عشان تشدهم لتحت

ولقت قاسم وطلعو سوا على الموقع وبقو يشتغلو سوا لحد الليل جات ياقوت تشوفهم وكانو كلهم مشيو بس قاسم لسه بيلف فى المكان وكان لابس منطلون وقميص قربت وقالت..

ي

...جات ياقوت تشوفهم وكانو كلهم مشيو بس قاسم لسه بيلف فى المكان وكان لابس منطلون وقميص قربت وقالت..

شكلك غير بالقميص والمنطلون...

قاسم.. احلى كدا ولا بالجلابيه

ياقوت... هو فى الاتنين يعنى بس انا حبيت الجلابيه هيبه كدا دلوك تشبه شباب البندر...

قاسم غمز وقال... وانتى بالفستان كنتى احلى من بنات البندر بكتير

بصتلو بكسوف وقالت... على فكره انا كنت يعني باقيس الفستان بس يعني ما كنتش بعمل حاجه

قاسم.. وانا مالى

ياقوت بتوتر.... يعني احسن تفكر يعني انك لما قلت الكلام اللي انت قلته انا اهتميت ورحت البست وكده

قاسم... طب انتى كنتى بتقيسي ليه بقى هو انتى بتلبسي الحاجات دي اصلا

ياقوت بتوتر... يعني بالبسهم ساعات

قاسم ضحك على كسوفها وقال... تعرفى انى الحيا زينة البت.. وانتى الحيا محليكى اكتر واكتر... على فكره كانوا حلوين عليكى قوى كنتى جميله كنتى طالعه كيف الملكات جميله قوي ما شاء الله

ياقوت تاهت فى عيونو بس قالت بحزن.. هى عمتى بتقولي يعني انى شبه الصبيان اصل انا كنت مخطوبه قبل اما ابقى كدا ولما ابوى توفى ومسكة مطرحو سابنى عمتى كانت دايما تقولي ان انا ما حدش هيتمنى يكون عنده مراه زي

قاسم.. ليه

ياقوت.. قالت ما فيش راجل هيجي يتقدم لواحده زيك يعني هو مش هيبقى شغال عندك في الارض لازم الراجل ياخذ الست اقل منو عشان يفرد جناحه عليها ويحس انو راجل وعشان ما يحسش انه هي اللي بتصرف عليه.. وعشان اخد واحد مثلا عمده من بلد تانيه وكده فانا هتضطر اسيبي البلد دي وانا صعبه عليا انا ما اسيبش بلدي عشان اي حاجه فى الدنيا... ما قدرش بعد ما خلونى كدا وطنشو كلام الناس اقوم اسيبهم وامشى واخذلهم مستحيل..

قاسم... لا هو ما سابكش عشان انتى اكبر منو هو سابك لانو محبكش الراجل لما يحب بيسيب اى حاجه فى الدنيا لجل حبيبتو...

ياقوت... مين يحب واحده زى

قاسم.. اى راجل فى الدنيا.. يتمناكى فى حياتو كل ست فى حيات حبيبها بتكون نقطة ضعف ليه... بس انتى هتكونى نقطة قوة لجوزك... وسند ليه بعد ربو.. اى راجل هتكونى فى حياتو هيبقى يا بختو ودعوة من امو ليه فى وش الكعبه اللى جابتك ليه...

ياقوت بصتلو بتوتر من كلامو ومشيت على البيت بسرعه واول ما بعدت خطوات منو جريت على بيتها.. وقاسم بص لطيفها ببتسامه وكمل طريقه.. تانى يوم كانت سما واقفه قدام الاوضه وبتكلم مامتها وبتقول..

يا امى والله ما هتاخر على طول اول ما اخلص هاجى وانا قاسم معايا ما تخافيش عليا

مراد قرب منها ومد عليها ورده وقال بصوت عالى قاصد يسمع والدتها...

كل يوم وانتى قصادى.. ربنا يسهل وطنط تبقى حماتى

والدتها.. امين يا رب

سما... ماما هكلمك بعدين انا باى

وقفلت منها وقالت.. انت ازاى تقول قدام ماما انك عايز تتجوزنى اهبل انت

مراد.. عجبانى طيب هموت واتجوزك

سما.. انت تعرفنى اصلا عشان تتجوزنى

مراد.. مش ضرورى اعرفك.. اصل هو كدا الحب.. فجأه فى القلب يطب..

سما.. يادى النيله ياجدع انت هتحل عنى امتى..

مراد.. هحل عنك وارواح انام.. بس اما تبقى المدام..

سما.. نهايتو

مراد.. دبلتين وماذون

سما بغضب.. لا ده انت مجنون

مراد.. انتى بس قولى اه وانا هعمل خطوبة جميله لينا.. وفكرى براحتك طول فترة الخطوبه واما اجيب الشهاده. اجيلك ان شاء الله واعملك احلى فرح فى الدنيا.. ها تدينى التمام.. وتبقى ليا المدام..

سما.. طيب هفكر

مراد... انا عايزك تثقى فيا وما تشيليش اى هم طول ما انا معاكى

سما.. اوكى هجرب.. بس لم روحك ها شغل المحيك ده ما بيجيش معايا سكه.. اما تنجح وتشتغل تجى تطلبنى من بابا ولو وافق عليك.. ابقى حلال عليك

ورتبت على كتفه وسابته ومشيت.. وتانى يوم كانو كلهم بيفطرو وجات ياقوت وكانت لابسه عبايه بيتى وحاطه الطرحه على شعرها وكانت جايبه طبق عملتو باديها وحطت الطبق على الطاولة وقعدت وقالت ..

احم صباح الخير يا شباب

قاسم... صباح النور ايه ده انتى طبختى بايدك مش قولتى انك ما بتطبخيش والخدم هما بيعملو كل حاجه .

ياقوت بتوتر... احم اه ما انا قولت اعمل انا الفطار النهارده مره كدا يعنى.. دوق الاكل وقولى رايك

قاسم.. ودى محتاجه سؤال... اكيد حلو مدام انتى عملتيه باديكى..

ياقوت ابتسمت ومراد قال...

هو ايه اللى انا شايفه ده انتى لابسه بنوته ليه النهاردة امال جعفر اخونا راح فين

ياقوت.. بس يلا بلاش غلاسة.. احم هو فى حد قالى ان ليه لما انا بنت وحابه اثبت وجودى ك بت... البس لبس راجل عشان احكم.. ما لبس ك بنت عادى واحكم ك بنت عادى بلبسى وشكلى...

مراد.. والله ايا كان الشخص دا... الله يباركلو رحمنا من جعفور حبيب اخوه ولا وانو هيوحشنى.. ما باركتليش مش انا هخطب

ياقوت.. ايه تخطب.. مين عديمة الحظ دى.. مين عاقة الوالدين اللى قالولها روحى ربنا يوقعك فى شر اعمالك

مراد.. بس يخربيت البكبورت دا اكتمى. قاعده جمبك

ويقولو الاخوات سند... ده سند نفسو داعى عليكى صبح وليل

ياقوت بصت جمبها بغباء وقالت..

مين جمبى ما فيش حد هنا غير سما وقاسم وانا وانت ايه هتاخد حد من الخدم مين ليلى اه يا نسونجى امال اما قفشتك معاها قولتلى بنرتب الهدوم ليه

وغمزت وقالت.. اقلب يا عم.. يومينك

مراد ضرب على وشو بضيق وقال.. خلاص اظن فركشنا اصلا والبركة فيكى

ياقوت بنفس الغباء... ليه يا عم وانا مالى

سما.. لا ما هو كان يقصدنى انا

ياقوت برقت بصدمه وقالت بتوتر..

احم انا بهزر طبعا دا ما يقدرش يلعب معاكى وهيبقى على قد ايدك ... الاغنية بتقول..

احطك برمشى يا سيدى... واكحل عليك.. ويوم ما تخونى يا غالى اترحم عليك.. معروفه

ي

احم انا بهزر طبعا دا ما يقدرش يلعب معاكى وهيبقى على قد ايدك ... الاغنية بتقول..

احطك برمشى يا سيدى... واكحل عليك.. ويوم ما تخونى يا غالى اترحم عليك.. معروفه

مراد.. لا ما كنتش كدا

سما قالت بتحذير.. لا هى كدا عجبتنى كدا اكتر وهى معاها حق اصلا

مراد.. المهم ما تفقسيش للفكره

سما.. تؤ لسه هفكر..

قاسم ميل على ياقوت وقال... عجبنى التهديد..

وبص لسما وقال.. مبروك يا بشبوشتى الصغيره بينا على الموقع

سما بينا..

وطلعو وبعد فتره كانو خلصو الشغل وعاملين حفلة افتتاح للمستشفى والناس فرحانه لان المكان جهز  وجات ياقوت وقالت لقاسم...

خلصت هترجعوا بلدكم

قاسم.. اه خلاص عاد

ياقوت..  طيب كان في حاجه  كنا هنعملوها قبل ما تمشو

قاسم.. العصايه قصدك هنا قدام الناس بس عصايه اية بالحلاوه دي ده انتى المفروض تطلعي في السيما

ياقوت.. عايزه العب معاك قبل ما تروح

قاسم.. من عينى

وجابو العصا وبقو يلعبو  سوا وياقوت ضربت على العصايه وقعتها منو على الارض والناس  بقت تصفر وتسقف هو ضحك شدته من الساحه وطلعت بيه وقالت..

كانك رميت العصايه بيدك ليه عملت كده

قاسم ابتسم وقال..  مش انا قلتلك ان الحبيب يسيب اي حاجه عشان حبيبته

ياقوت.. حبيبته

قاسم... اه حبيبتو تتجوزيني يا ياقوت..

ياقوت...  بس انا ورايا ناس و....

قاسم.. هاجى انا اعيش معاكى هنا بس هبنى بيتى وتقعد معاكي فيه واروح لاهلى كل فتره واشتغل هنا عادى

ياقوت..  هتهمل بلدك وناسك عشانى

قاسم..  واهمل روحى كمان لخاطرك

ياقوت.. وانا موافقه

قاسم.. ربنا يقدرنى واكون عوضك يا بت قلبى يا ست البنات...