رواية يارب تخليه وتبقيه لعنين ترجيه الفصل 105 - بقلم 002

فواز: ههههههههههههههههه اشتقتي لي بهالسرعة؟؟؟
رؤى: فواز ... وينك؟؟؟
فواز: ويني يعني؟؟ اكيد في المجلس مع الرجال
رؤى: فواز ... انتبه لنفسك
فواز: رؤى ... فيك شي؟؟؟
رؤى: فواز ... انتبه لنفسك
لهجة رؤى في الكلام ما كانت طبيعية ابببد ... وهذا اللي خلى فواز يشك ...
فواز: ايش صاير يا رؤى؟؟؟
رؤى: قلت لك ما صار شي ... بس ربي لا يحرمني منك
رؤى كل مالها وتنفعل بالكلام ... فواز حب يهدي الوضع لين ترجع البيت ويفهم منها
فواز: ولا منك يا رؤى ... خلاص لا تفكرين ولا تشيلين هم
رؤى: لا تترك خالد ابد ... واذا طلع نواف خلك جنبه على طول
فواز: طيب يا رؤى ... اوامر ثانية؟؟؟
رؤى بهمس: سلامتك
فواز: الله يسلمك

في المجلس الداخلي ... نواف وهبة ...

نواف: سمعتي المصورة ايش تقول؟؟؟ تقول فواز ورؤى مطيعين اكثر منا
هبة: نواااااااااااااااااااف
وفي خاطرها: تقارن المتزوجين من 6 شهور فينا اللي بس اسبوع من ملكنا
نواف: عيونه
هبة: بطل حركاتك
نواف: ههههه والله المصورة هي اللي تطلب مو انا اللي اقول لها
هبة: تبي تفهمني ان الوضع مو عاجبك؟؟؟
نواف: بصراحة عاجبني ونص ... ايش اسم المصورة هذه ؟؟؟ 
هبة باستغراب: ايش تبي في اسمها؟؟؟
نواف: ابي اطلبها في زواجنا ... عجبتني حركاتها ... احسن من مصورتنا يوم الملكة
هبة: نواااااااااااااااااف
ولفت على المصورة: that's enough … thanks
نواف: وليش خليتيها تطلع؟؟؟
هبة وهي تلبس عبايتها: لاني بطلع وراها ... ماتنعطى وجه اببببببببببببد
نواف: ههههههههههههههههههههههه
لبست عبايتها وجت بتطلع ... بس مسكها نواف ...
هبة: نواف .... اتركني!!!
نواف: تدرين ان شكلك حلو وانتي معصبة؟؟؟
هبة: يا سلاااااااااااااااااااااام ... يعني افهم اني طول حياتي بكون معصبة؟؟؟ دام عجبك شكلي!!!
نواف: هههههههههههههههههههههههههه 
سحبها لجهته حتى ضربت بصدره: زعلتي؟؟؟
نزلت هبة راسها ... ووجها احمر من قرب نواف منها ...
نواف رفع راسها بيده: تدرين؟؟؟ عمري ما تخيلت ان في انسانة بتلخبط كياني كذا ... طول عمري اقول مستحيل اتزوج ... حتى لما قررت الزواج ... قررته لاني حسيت بفراغ وملل بعد زواج فواز ... صح فواز ما كان يتركني ... بس كمان ... الزواج اخذه مني شوي ... قررت اتزوج حتى املي هالفراغ بس ... اببببببببببد ما توقعت ان الانسانة اللي برتبط فيها بتكون حياتي كلها وبعدها عني هو الفراغ
سكتت هبة فترة وهي ضايعة في عيونه وطريقة كلامه ...
قطع عليهم الصمت ... صوت باب المجلس ...
بعدت هبة بسرعة عنه ونواف مييييييييييييت ضحك عليها
نواف وهو يضحك: تفضل
ليان: وااااااااااااااااااااااااااااااااااااااااااااااااي ... ذبحتوني
نواف: ايش عندك؟؟؟
ليان: خلصتوا؟؟؟ ما ادري ايش بتسوون في يوم زواجكم؟؟؟ كل هذا صورة في زواج تركي؟؟؟
نواف وهو يغمز لهبة: ما بنقول لك ايش بنسوي ... هذا سر بيني وبين هبة ... صح؟؟؟
هبة: تعرف انك قليل ادب وما تستحي
ليان: والله ما جبتي شي جديد ... عارفين من زمان ... الله يعينك عليه بس
هبة: والله ما قلتي لي وعلمتيني قبل لا اوافق ... خلاص توهقت فيه
ليان: منك الصبر حبيبتي ... من كالصبر
نواف: ياسلاااااااااااااااااام ... اشوفكم متفقين؟؟؟
هبة: ويزعلك اذا كنا انا وخواتك متفقين؟؟؟
نواف: طبعا لا ... بس مو علي؟؟؟
ليان: المهم اخلصوا ... بيدخل عمي تركي وشهد
نواف: حياهم ... ما في احد غريب
سحبته ليان وطلعته برا بالقوة وهو يضحك ...
لفت على هبة: اطلعي وصليه لبرا .. .اتوقع يلف ويرجع ... ماعنده مانع
هبة: هههههههههههههههههههههه ان شاء الله ...

تركي وشهد ..
قاموا من الكوشة متوجهين للمجلس للتصوير ... وهم ماشين انتبه تركي لخواته اللي ما كلفوا على انفسهم وسلموا وباركوا له ... وقف ووقفت شهد معه عند خواته ...
تركي وهو يمد يده: ما بتباركين يا حصة؟؟؟
حصة ولا مدت يدها: على ايش ابارك ياحسرة؟؟؟
مدت يدها فوزية وقامت باسته: لازم تباركين ياختي على المطلقة اللي طايحة في كبد اهلها وقبلها زوجها متوهق فيها
سحب تركي يده بسرعة: انتوا مو وجه احد يحترمكم او يحشمكم ... انا الغلطان اللي عازمكم من اساس
مسك يد شهد اللي دموعها تجمعت في عينها ... بس ما بينت شي قدام الناس اللي ما سمعت الحوار السخيف اللي دار بينهم ...
تركي: يالله حبيبتي؟؟؟
شهد نزلت راسها ومشت معه للمجلس ...
اول ما وصلوا للمجلس تركت يده وغطت وجهها تبكي ...
اشر تركي للبنات انهم ما يدخلون ... وطلب من المصورة تنتظرهم برا شوي ...
قرب منها ومسك يدها ورفعها عن وجهها: ليش البكي؟؟؟
شهد ساكتة ودموعها على خدها .......
تركي: ليش البكي؟؟؟ ادري كلامهم سخيف وماله داعي ... بس انا رديت عليهم ولا ما برد خاطرك؟؟؟
شهد: ليش رديت عليهم؟؟؟ ليش زعلتهم؟؟؟
تركي بتعجب: وتدافعين عنهم؟؟؟
شهد: الكلام اللي قالوه صحيح ... مو خطأ عشان تعصب عليهم
تركي وهو يتكتف: بالله وين الصح؟؟؟ انتي كنتي طايحة في كبد اهلك؟؟؟
شهد: .............................
تركي: اكلمك انا ... ردي علي؟؟؟
هزت شهد راسها بلا ....
تركي: طايحة في كبد زوجك اللي ما يتسمى؟؟؟ ولا هو كان طايح في كبدك ومستحملة مصايبه؟؟؟
شهد: بس الناس ...
قاطعها تركي: مين اللي يهمك؟؟؟ انا ولا الناس؟؟؟
شهد: طبعا انت
تركي بابتسامة: خلاص ... بطلي هالدموع ولا ابي اشوفها مرة ثانية ... وخواتي استحمليهم ما اقدر اسوي شي ... خواتي ولا اقدر اتبرى منهم
شهد: وانا ما طلبت هالشي
تركي: اعرفك ... بنت ناس وتستحملين أي شي عشان زوجك حبيبك ... صح؟؟؟
شهد بابتسامة: صح
تركي بمكر: طيب الصح على الجملة كلها ... ولا على زوجك حبيبك؟؟؟
شهد وجهها حمر ونزلت راسها: ممكن تنادي المصورة؟؟؟
تركي: ههههههههههههههههههههه امرك

طلعوا تركي وشهد متوجهين للفندق ... وطلعوا البنات معهم ... ناويين يوصلونهم للفندق ويطفشون تركي في عيشته ...
ركبت رؤى مع فواز ... ولينا مع خالد ... وربى مع سلطان ... ولما انتظرت مع امها لانها بترجع البيت ... وقفت ليان في الشارع ..
ليان: والله اشوف كل وحدة ركبت مع زوجها ... وانا؟؟؟
فواز يكلمها من الشباك: الحقينا بتاكسي
الشباب: ههههههههههههههههههههههههههههههههههههههههه
طلع خالد من شباك سيارته: وخذي هالاغنية اهداء ... وشغل المسجل على اغنية التاكسي
يالتاكسي يا التكسي
خذني لها يا التكسي
وبسكتك خلنا نمر ناخذ عطر رومانسي
مشتاقه
حبيبتي مشـتاقه
خذني لها بسرعه لا اسوي شي في نفسي ...

الاغنية شغالة والشباب يغنون معها ... وليان ضرب عندها الامبير من القهر ...

سيارة شهد وتركي ...
شهد: حرام عليهم ... ليش يسوون فيهم كذا؟؟؟
تركي: يعني ما تعرفين فواز ونواف؟؟؟
شهد: لا حرام ... ركبها معنا
تركي: نععععععععععععععععععععععم ... خليتي كل هالسيارات وبتركبينها في سيارتنا؟؟؟
شهد: حرام عليك تركي .. ايش بتسوي يعني؟؟؟
تركي: انا اصلا مو موافق ان هالجمعة تجي معنا للفندق ... تبيني اركبها في السيارة؟؟؟
شهد: طيب ركبها في أي سيارة ... حرام عليك
تركي: من عيوني

طلع من الشباك: بسسسسسسسسسس انت وياه ... يكفي
نواف من سيارته: خلاص شباب ... خلاص ... عصب المعرس علينا
الكل: هههههههههههههههههههههههههههه
تركي: تتمصخر حضرتك؟؟؟
نواف: سلامتك طال عمرك
تركي: ليان حبيبتي ... اركبي في أي سيارة تبينها ... وما عليك منهم
فواز: خخخخخخخخخ حتى لو سيارتك؟؟؟
تركي: حتى لو سيارتي ... كم ليان عندي؟؟
ليان تركض وتبوس عمها: شكررررررررررا يا احلى عم في الدنيا ... بعد اذنك شهودة حبيت زوجك
شهد: افا عليك عادي

نواف يصارخ من سيارته: ليانوووووووووووووو
ليان: نعم؟؟؟
نواف: تعالي اركبي معي دام اني عزابي
ليان: ايه كلها كم شهر وترميني مثل الباقي
نواف: خلك في الشهر هذا بعدين فكري بالاشهر الجاية ... تعالي اركبي بسررررررعة

بدت السيارات تتحرك متوجهة للفندق ...

سيارة فواز ...
رؤى من ركبت السيارة وهي ساكتة ولا تكلمت ... اصلا من طلع فواز وهي هادية وتفكر ...