رواية يارب تخليه وتبقيه لعنين ترجيه الفصل 109 - بقلم 002

نزل فواز ... وشاف البنات تحت ...
ليان: فواز وينها رؤى؟؟؟
فواز: نايمة
لينا: شلووووووون؟؟؟ متواعدين نطلع السوق مع بعض؟؟
فواز: تعبانة وقالت لي اقول لكم ما تقدر تنزل معكم للسوق
ليان: يووووووووووووه
فواز: لا تقعدين تقلبين لي اياها مناحة ... البنت تعبانة ونايمة وما تبي احد يزعجها ... حتى جوالها قفلته ... ما يصير؟؟
لينا: على راحتها يا فواز ... ماقلنا شي
ليان: لا هو قايل لك هالموال عشان ما تفكرين تقولين
فواز وهو يرميها بعلبة الكلينكس اللي جنبه: بلا كثرة حكي لا اذبحك

نزل نواف وسماعة الجوال على اذنه ...
فواز: وانت الثاني ... تركي حرق تلفوني اتصالات ... وحضرتك جالس تتغزل في زوجتك
نواف ولا كأنه سمع فواز: ايوه حبيبتي ... معك معك
اخذ منه الجوال بقوة: هلا هبة
هبة انصدمت من الصوت اللي سمعته: هلا
فواز: معك فواز
هبة: هلا فواز ... كيفك ؟؟؟ وكيف رؤى؟؟؟
فواز: بخير الحمد لله ... بس الله لا يهينك ... بناخذ منك نواف ساعة بالكثير ساعتين ... ممكن؟؟؟
هبة: ههههههههههههههههه
فواز: ادري والله انك تبين الفكة منه ... بس هذا نصيبك ايش تسوين
هبة: هههههه حرام عليك فواز
فواز: منك الصبر يا هبة ... الدنيا هذه مو كل شي ... ان شاء الله الجنة بيتك
اخذ منه نواف السماعة: ايش تقولين له؟؟؟
هبة: ههههههههههههههههههههههههههههه
نواف: وتضحكين بعد؟؟؟ ايش تشتكين منه؟؟؟
هبة: هههههههههههههه والله ما تكلمت ... من اخذ السماعة وانا اضحك بس ... ولا هو يكلم نفسه
نواف: تضحكين؟؟؟ يعني مبسوطة عالكلام اللي انقال!!!
هبة: امممممممممم شي زي كذا
نواف: طيب يا هبة ... اشوفك بس
دخل تركي عليهم: يا سلاااااااااااااااااااااااااااااااااااااااااام
التفتوا عليه نواف وفواز وهم يضحكون ....
تركي: والله ما ينلام ابوكم فيكم ... صار لي ساعة انتظركم في الشمس وحضرتكم جالسين هنا؟؟؟
فواز: صار لي ساعة نازل ... نواف اللي مأخرنا
نواف: انا صار لي ساعة جاهز فوق وانتظره ينزل
تركي: اصلا ما باخذ منكم حق ولا باطل ... قدامي اشوووووووووووف بسرررررررررعة
نواف وفواز: ههههههههههههههههههههههههههههههههههههههههه

ليان: ايش نسوي؟؟؟ نروح من غير لينا؟؟؟
لينا: اممممممم ما ادري ... بس مافي وقت
ليان: المشكلة حتى جوالها مقفل
لينا: انا اقول ننزل ونخلص اللي نقدر عليه ... واللي نحتاج فيه رؤى نخليه لبكرة
ليان: احسن ... ما نبي الشغل يتراكم على اخر يوم
لينا: قومي البسي عبايتك واتصلي في السواق

بعد ساعة ... خلصوا فواز ونواف من تركي ورجعهم للبيت ... اول ما وصل فواز البيت صعد للجناح على طول وهو متحلف في رؤى ... الحماااااااااااارة تكذب علي ... طييييييييييييب ... دخل الجناح وراح للغرفة ... لقى المفتاح مثل ما هو ... يعني ما طلعت ... بس النور مطفى ... غرييييييييييييبة ... يمكن نامت؟؟؟ يمكن!!! فتح الباب ودخل ...

اتفاجئ من اللي شافه ...

النور طافي ... والغرفة كلها شموع ... وريحة العطر مالية المكان ... انبهر فواز من اللي يشوفه ... جلس يدور بعينه عليها ... بس ما شافها ...
حس باحد يقفل عينه من وراه ... مسك يدها بيده ... ونزل يدها وسحبها لصدره ... التقت عينهم ببعض ... واقفة بقميص النوم الناعم ... اللي من النوادر اللي شافها فواز بمثل هاللبس ...
فواز: ليش يا رؤى؟؟؟
رؤى وهي تحط يدها على فمه: اشششششششششششش ... ممكن ننسى؟؟؟
فواز: ننسى؟؟
رؤى: ايوه ... ننسى ... عاندنا بعض بما فيه الكفاية ... واظن من حقنا نعيش ونفرح 
حضنها فواز لصدره بقوة ... وتعلقت هي فيه ... ثواني وحملها فواز بين يده ... وتوجه فيها للسرير ... وبينه وبين نفسه ... من اليوم ورايح ما بيضيق صدرها اببببببببببد ... ويعيشها عيشة ما حلمت فيها اببببببببببببد

ملكة وزواج تركي وشهد ...
الكل فرحان ومبسوط ... سواء اهل تركي ... او اهل شهد ... عبدالعزيز طلب من تركي انه يبات اخر ليلة قبل زواجه في بيته ومع عياله ... وما يطلع لزوجته الا من بيته ... وتركي وافق وما رفض ... بالعكس ... كل ماله ويحب اخوه اكثر واكثر ... ويحس انه مستحييييييييل يطلع من جزاه ...
الصبح الكل عالفطور ... والكل فرحان وينكت ...
نواف: والله ما قلتوا لي امر على هبة؟؟؟
عبدالعزيز وهو فاتح عينه: وليش تمر عليها؟؟؟
نواف: كلنا مجتمعين ... وكل واحد جنب زوجته الا انا ... لييييييييييييش؟؟؟
عبدالعزيز: استغفر الله العظيم ... والله ان يوسف انهبل يوم رضى فيك زوج لبنته
الكل: هههههههههههههههههههههههههههههههههههههههههههههههههه هههههههه
فواز: صادق يبه ... ما ادري وين كان عقله عمي يوسف يوم وافق!!!
عبدالعزيز: مكان عقل عمك احمد يوم رضى فيك
الكل: هههههههههههههههههههههههههههههههههههههههههههههههههه هههههههه
فواز: حرام عليك يبه ... فشلتني ... انا فواز ... ترضى علي؟؟؟
ابتسم عبدالعزيز ونزل راسه : ...........................
فواز: يبه!! ليه الحكي عندك بالقطارة؟؟؟
هنا انفجرت رؤى ضحك : هههههههههههههههههههههههه
فواز وهو يدوس على رجلها: انبسطتي اشوفك؟؟؟
رؤى: اييييييييييي
عبدالعزيز رفع راسه: ايش فيك ؟؟؟
رؤى: عمي شوف فواز ... يدوس رجلي!!!
وطالعت في فواز بنص عين ....
عبدالعزيز: فوازو ... ليش تضرب البنت؟؟؟
رؤى: شفت يا عمي ... دومه كذا
فواز: انااااااااااااااااااااااااااا
رؤى: ايه ... ومن اتكلم او اعترض يقول لي بلا كثرة حكي
فواز طلعت عيونه: رؤؤؤؤؤؤؤؤؤؤؤؤؤؤؤؤؤى
عبدالعزيز: فوازو ... ايش هالكلام؟؟؟
فواز: يبه تصدق فيني؟؟؟
عبدالعزيز: والله انت واخوك ما استبعد عليكم شي
الكل: هههههههههههههههههههههههههه
نواف: يبه مو كأنك زايد في التحطيم؟؟؟
عبدالعزيز: والله من حركاتكم الزايدة
تركي ساكت طول الوقت ... واذا ضحكوا يبتسم بس ... انتبه عليه عبدالعزيز
عبدالعزيز وهو يمسك يد تركي الجالس جنبه: ايش فيك يا تركي ؟؟؟ 
تركي: ها معكم
عبدالعزيز: ابد ما انت معنا ... اكيد نواف وفواز صدعوا راسك امس وما خلوك تنام
نواف: يببببببببببببببه ... لو فريقين كرة لعبوا وواحد خسر احنا السبب صح؟؟؟
عبدالعزيز وهو يضحك: طبببببببببببببببببعا
عبدالعزيز: ها يا تركي ... ايش فيك
تركي وهو يبتسم: افكر
عبدالعزيز: في ايش؟؟؟
تركي: في البيت اللي عشت فيه حياتي ... والناس اللي ربوني وما قصروا معي بشي!!!
عبدالعزيز وهو يضربه على كفه: كم مرة قايل لك لا تقول هالحكي!!! 
تركي مسك يد اخوه بسرعة قبل لا يرفعها وضغط عليها بقوة ... ودمعت عيونه ....
عبدالعزيز باستغراب: تركي؟؟؟ من جدك؟؟؟
تركي وهو ضاغط على يد اخوه وعيونه مليانة دموع: كيف اجازيك؟؟؟
عبدالعزيز: ترررررررررررررركي
تركي وهو يضغط اكثر: كيف اجازيك؟؟؟
عبدالعزيز ونزلت دموعه خلاص: تركي ... ان سمعتك تعيد هالكلام مرة ثانية اذببببببحك
تركي كمل ولا كأنه سمعه: من وفاة امي وحياتي تغيرت ... خذتني وربيتني احسن تربية ... ما قصرت علي بشي ... بحياة امي وابوي ما عشت عالعيشة ... ربيتني وكبرتني حالي حال عيالك ... يمكن اكثر شوي ... حتى امي منيرة ... عمرها ما قصرت بحقي ولا ضايقتني بكلمة حتى ... كبرت وحسيت اني ثقلت عليكم ... وقررت اني اطلع من البيت ... وقفتوا بوجهي ... وما خليتوني اطلع ... والله يعلم اليوم هذا شلون صعب علي ... ما نمت في شقتي ... جلست طول الليل ابكي ... فارقت امي وابوي ... ايه ... انت ابوي وامي منيرة امي ... انتم احق الناس بالكلمة هذه ... ما في احد يستاهلها كثركم ... ولما كبرت وقررت اتزوج ... تكفلت بكل شي ... وانا مو ناقصني شي ... بس زوجتني مثل ما زوجت عيالك ... وتقول لي لا تعيد هالكلام؟؟؟؟ انا لو ايش سويت مستحيل اجازيك او اوفيك حقك ... قولي لي ايش اسوي؟؟ امرني؟؟؟
عبدالعزيز ودموعه نزلت خلاص: قلت لك ما ابي اسمع هالحكي ... واللي ابيه انك تعيش بسعادة وتهني بنت الناس ... وتجيب عيال بسرعة واربيهم مثل ما ربيتك
تركي ما استحمل اكثر ... قام من مكانه وجلس عند رجل اخوه ... باس يد اخوه ورمى نفسه في حضنه وهو يبكي ...
الطاولة كلها قامت تبكي ... ما في احد استحمل الموقف هذا ...
عبدالعزيز وهو يمسح على ظهر تركي: تركي ... تركي
تركي رفع راسه: لبيه
عبدالعزيز وهو يبتسم: بتفشلنا قدام الناس وتبكي اليوم؟؟؟
ضحك تركي من بين دموعه: الله لا يحرمني منك ياخوي