رواية يارب تخليه وتبقيه لعنين ترجيه الفصل 114 - بقلم 002

على الساعة 12 اتصل خالد في لينا ...
لينا: هلا خالد
خالد: هلا لينا ... اقدر ادخل؟؟؟
لينا: تدخل وين؟؟؟ الوضع ما يسمح
خالد: ابي اشوف نواف
لينا: انت عرفت؟؟ من قال لك؟؟
خالد: اتصل فيني فواز وقال لي كل شي
لينا: صدمة يا خالد صح؟؟
خالد: هي صدمة ... بس انتوا مكبرين السالفة شوي ... شي صار وخلاص ... وولد سارة اخوكم ... ما فرقت يعني
لينا: في البداية ضاق صدري ... بس لما فكرت شفت ان الوضع ما بيتغير علينا ... انا متضايقة لنواف بس ... مسكين بيترك هبة
خالد: ماله نصيب فيها ... يالله انا عند الباب ... قولي للبنات
لينا: حياك
ولفت عالبنات: خالد بيدخل لنواف
ليان: اوكي ... رؤى تعالي نصعد غرفتي
رؤى: يالله
راحت لينا لخالد وفتحت له الباب ...
خالد: شلونك؟؟
لينا: الحمد لله
خالد: الهدوء قاتل
لينا: من الظهر وهذا حالنا
خالد: وين عمي وعمتي؟؟
لينا: في غرفتهم ... اصلا كل واحد في البيت داخل غرفته ومقفل على نفسه الباب وما يطلع منها
خالد: ونواف في غرفته؟؟؟
لينا: ما طلع منها من الظهر
خالد: الله يهديه بس ... اقدر اصعد له؟؟
لينا: حياك .. البنات في غرفة ليان

صعد خالد لنواف ... باب الغرفة مفتوح ... من طلع فواز ما قفل الباب ... ضرب الباب ودخل 
خالد: السلام عليكم
نواف نايم عالسرير ومغمض عينه ... فتح عينه ورجع غمضها ...
راح خالد لعنده وجلس عالسرير: خالد صل عالنبي
خالد: اللهم صلي وسلم عليه
نواف: صدقني الموضوع مو مستاهل اللي تسويه في نفسك
نواف: ايش مو مستاهل؟؟؟ انك تعيش طول عمرك وانت مخدوع شي ما يستاهل؟؟؟ انك تتزوج وحدة وتحبها وتتعلق فيها ... وفجأة يقولون لك طلقها لانها احتمال تكون خالتك ... وليته اكيد .. الا احتمال ... احتمال خالتك او خالة اخوك ... تعيش طول عمرك على اساس انك توأم اخوك ... وفجاة تكتشف مو بس انكم مو توأم ... ان كل واحد امه غير
خالد: معك حق في كل الكلام اللي تقوله ... بس هذا مو معناته نهاية العالم ... حتى لو كل واحد من ام ... ايش يعني؟؟؟ مو اخوان؟؟؟ ولا بتكرهون بعض على كبر؟؟ ولا اذا انضر واحد الثاني ما بيهتم؟؟؟
نواف بسرعة: بسم الله على فواز
خالد: هذا انت قلتها ... وفواز قال لي نفس الشي ... يمكن وضع فواز احسن منك شوي
نواف: انا اللي ذابحني هبة ... هبة يا خالد
خالد: ادري ان الوضع صعب ... بس مافي حل
نواف: من الصبح وهي تتصل علي وانا سافهها ... كاسرة خاطري ... ايش ذنبها هي بكل اللي صار؟؟؟
خالد: طيب خلنا نحاول في عمي .... يمكن ما تكون خالتك ... وتطلع خالة فواز
نواف: مو راضي يقول لنا ... وبغض النظر عن هبة .. انا وفواز نبي نعرف ... ما يصير نظل متعلقين كذا ... انادي امي وانا افكر اذا كانت امي او ام اخوي؟؟؟
خالد: انتظروا لبكرة ... عمي معصب اليوم وواصلة معه ... انتظروا لبكرة يمكن يهدى شوي ويقتنع انه يتكلم
نواف: ما اعتقد .. انت ما شفت شكله وهو يتكلم
خالد: الله كريم ... قوم معي
نواف: خالد مالي نفس اتحرك من مكاني
خالد: مو بكيفك ... قوم وانا عازمك عالعشا
نواف: مافيني يا خالد ... صدقني ... مو قادر اتحرك من الفراش
خالد: لا حول ولا قوة الا بالله ... بتركك على راحتك اليوم بس .... بكرة مو بكيفك
نواف: انت اتركني اليوم وبكرة يصير خير
خالد: افهم انها طردة؟؟
نواف: خلود والله مالي نفس شي
خالد: خلاص على راحتك

في المستشفى ...
فواز قافلة معه ... هو ماله نفس شي ... والزحمة مضيقة صدره اكثر ... صح مع الشغل ينسى شوي ... بس بعد ... كل ما يتذكر السالفة يحس الدنيا تظلم في وجهه ...
صار نص الليل ... خلص الحالات اللي عنده ... حط راسه على طاولة مكتبه وهو يفكر ... يا ترى انا ولد سارة؟؟؟ ولا نواف ؟؟؟ معقولة امي منيرة ما تكون امي؟؟؟
قطع عليه تفكيره صوت جواله ... رفعه وشاف المتصل رؤى ... ماله مزاج يرد عليها ... حط الجوال عالصامت ورجع حط راسه عالمكتب ...
وصل مسج ... فتحه ( فواز طمني عليك ... رؤى)
( بخير)
( اكلت لك شي؟؟)
(مو مشتهي)
( فواز مايصير كذا ... مو قادرة انام وانا افكر فيك)
( لا تفكرين وحطي راسك ونامي ... عندك جامعة بكرة)
( تولي الجامعة ... انت اهم شي في حياتي)
(وانتي كل حياتي)
دخلت عليه الممرضة: دكتور فواز
فواز: هلا
الممرضة: في حالة طارئة مستعجلة
وقف فواز: يالله طالع معك

بيت عبدالعزيز ...
عبدالعزيز ومنيرة على السرير ... كل واحد نايم على طرف ومعطي ظهره للثاني ... ولا واحد كلم الثاني ... وكل واحد يحط اللوم على الثاني ...
بس وين يجيهم النوم؟؟؟ وهم عارفين ان عيالهم متعذبين ومعلقين ...
عالساعة 2 رن جوال عبدالعزيز ... فز عبدالعزيز وركض عالجوال ... شاف رقم المستشفى ... اللهم اجعله خير ...
عبدالعزيز: الو
الموظف المناوب: دكتور عبدالعزيز؟؟
عبدالعزيز: خير عيسى ... في شي؟؟
عيسى: دكتور فواز متمشكل مع ناس هنا ... وشكلهم مو ناوين يجيبونها لبر ... وطلب مني اكلمك
عبدالعزيز: مسافة الطريق وانا عندكم 
منيرة بخوف: عيالي فيهم شي؟؟؟
عبدالعزيز بنظرة: ارتاحي مافيهم شي 
غير ملابسه وطلع وتوجه للمستشفى ...

المستشفى ...

وصل عبدالعزيز المستشفى ... ومن دخل من الباب يسمع صوت صراخ وصجة في المستشفى ...
رككككككككض لجهة الصوت ... شاف الناس مجتمعة حول باب غرفة الدكتور المناوب ... يحاولون يمنعون شخصين معصبين ويصارخون باعلى صوتهم من الدخول للغرفة ...
عبدالعزيز : ايش صاير؟؟
دكتورة لبنى: دكتور عبدالعزيز ... جيت بوقتك ... ادخل لدكتور فواز وهو يشرح لك كل شي ... بس لا تقول انك ابوه ...
عبدالعزيز: الله يستر بس 
تجاوز الناس الواقفة ... وهو يأشر لهم انهم يسكتون وما يبينون للشخصين هو مين ..
دخل المكتب ... شاف فواز يمشي في الغرفة طول بعرض ... واول ما شاف ابوه ... ركض صوبه
فواز: يبه ... زين انك ما تأخرت
عبدالعزيز: ايش الفوضى هذه؟؟؟ ايش صاير؟؟
فواز: قبل ساعة وصلت حالة طارئة ... ولد عمره 7 سنوات
عبدالعزيز: لا تجلس تقطع الكلام ... قول لي اللي صار كله وبسرعة
فواز: قالوا ان الولد انكسرت فيه طاولة من الزجاج ... رحت اشوف الحالة ... دخلت عليه ... فعلا الولد متعور ... بس الحالة بعيدة كل البعد عن طاولة مكسورة ومتأذي منها
عبدالعزيز: شاك في شي؟؟؟
فواز: مو شاك ... الا متاكد ... انت لو تشوف الولد تعرف ان اللي صار فعل فاعل ... مو حادث
عبدالعزيز: وبعدين؟؟؟
فواز: سألت الولد ... بالبداية انكر ... بس ضغطت عليه شوي وقال لي السالفة
عبدالعزيز: وايش السالفة؟؟؟
فواز: الولد هذا مو ولدهم ... سارقينه من فترة ... ومن المنطقة اساسا ... عصابة كبيرة يسرقون العيال وينقلونهم من منطقة لثانية ... ما يعرفون فيها شي ... ويرسلونهم في الشوارع يسرقون من الناس ... وطبعا الدخل كله لهم
عبدالعزيز: اوووووووووووووووووووووووف 
فواز: ايه ... ولما يقل الدخل في يوم ... يشكون ان الولد ياخذ الفلوس له وما يعطيهم اياه كله ... يضربونهم ومو ضرب عادي ... انواع التعذيب
عبدالعزيز: لا تقول لي ان الولد هذا معذبينه؟؟؟
فواز: بقارورة البيبسي ... بعد ما شربها ... كسرها واخذ طرف الزجاجة وغرسها في صدره
عبدالعزيز: اخخخخخخخخخخخخخخخخخخخخخخخخخخخخخ
فواز: طبعا انا ماسكت ... اتصلت في الشرطة من الغرفة ومن قبل لا اطلع
عبدالعزيز: عين العقل
فواز: طلعت من غرفة الولد ... بعد ما طلبت مجموعة من الامن ووقفتهم عند باب الغرفة ... والشخصين اللي برا من شافوا الامن يتجمع عند الباب وهم عرفوا اني عرفت وبلغت الشرطة ... ركضوا بيطلعون من المستشفى ... بس انا حذرت الامن اللي عند الباب وما خليتهم يطلعون
عبدالعزيز: شكلك طيحت نفسك بمشكلة يا فواز
فواز بعصبية: مشكلة ايش ؟؟؟ انت ما شفت الولد؟؟ ما اصدق انه الناس في قلوبهم رحمة؟؟؟
عبدالعزيز: لو في قلبه رحمة ما سرق العيال من اهاليهم
فواز: وتبيني اسكت؟؟؟ مستحيييييييييييييل ... وقفتهم ومنعتهم انهم يطلعون من الممر هذا ... طلع معاهم سكاكين وشي زي كذا ... ربطوا يدهم
عبدالعزيز بانفعال: سكاكييييييييييييييييييييييين؟؟؟
فواز: ايه نعم ... تأذى واحد من الامن ... بس قدروا يمسكونهم ويربطونهم
عبدالعزيز: تأذى؟؟؟ ايش صار عليه؟؟؟
فواز: جرح بسيط في يده ... لا تخاف ... هو بخير
عبدالعزيز: يا ولدي قمت اخاف ... شكلهم عصابة ومو بس هالشخصين اللي برا
فواز: عارف ... بس ما هموني ... اللي يغلط بحق ديرتي اوقف بوجهه
عبدالعزيز: والنعم فيك ياولدي ... بس ليش موقفهم عند باب غرفتك؟؟
فواز: وين اوديهم؟؟؟ قلبوا المستشفى بصراخهم ... قلت اخليهم عند الباب بعيد عن زحمة المرضى
دخل الممرض: دكتور فواز
فواز: هلا
الممرض: الشرطة وصلت

خلصوا الشرطة تحقيقاتهم ... وطلبوا بنقل الشخصين لمركز الشرطة ... وطلبوا حراسة للولد الصغير الى ان تتحسن حالته 
الشرطي وهو طالع من المستشفى: شكررررررررررا دكتور فواز ... الله يكثر من امثالك
فواز: ما سويت غير واجبي ... شلون اسكت عن شي زي هذا؟؟؟
الشرطي: المشكلة انهم عصابات كثر ما نمسك فيهم لسه موجودين
فواز: الشر موجود في كل مكان ... بس الحمد لله ربي مسخركم لحمايتنا
الشرطي: شكررررررا ... ما قصرت ... بس ابي انبهك لشي!!!
فواز: هلا
الشرطي: لا تفكر انهم بس هالشخصين ... تراهم مجموعات ... فاحتمال يجيك تهديدات او شي من هالقبيل ... أي احد يتصل فيك تدق علينا وتبلغنا
فواز: ما اخاف الا من اللي خلقني
الشرطي: الحذر واجب
فواز: ان شاء الله