رواية يارب تخليه وتبقيه لعنين ترجيه الفصل السابع والأربعون 47 - بقلم 002

جلس فواز على الطاولة .. طبعا بعد ما فتح الدي في دي .. وجلس ياكل من غير ما يلف جهتها ... العادة يرفع ضغطها ... بس اليوم ما كلمها ولا كلمة ... حاولت تفتح معاه مواضيع ... وهو مطنشها على الآخر ..
خلص فطوره وقامت رؤى تلم الصحون ...
فواز: رؤى
رؤى: هلا
فواز: جهزي الاغراض ... انا بطلع احرك المركب
رؤى بقهر: طيييييييييييييييييييييييييييييييييييييييب
فعلا صعد فواز للسطح .. ودخلت رؤى للمطبخ وهي بتموت من القهر ... لما قربت منه الاخ زهق ويبي يرجع .. ايش هالحالة ؟؟؟
جلست تنظف الاغراض في المطبخ وهي حابسة دمعتها ... اذا ما كسرت الحاجز اللي بينا هنا مستحيييييييييييييل بقدر لما نرجع وبوسط الناس ... اوووووووووووووووف ... لازم اكلمه .. مايصير كذا ... حطت اللي بيدها وطلعت له للسطح ... قاعد على المركب وحاط راسه بين يدينه
قربت رؤى عنده وجلست على ركبها قدامه: فواز
رفع فواز راسه: نعم يا رؤى ... اللي فيني مكفيني مالي مزاج لك
رؤى: انت من اول ما دخلنا المركب وانت تامرني وانا انفذ .. بغض النظر اذا كان برضاي او غصب عني ... بس اليوم بطلب منك طلب ... لاتعتبره امر .. لا هو طلب لا اكثر ... وبتعتمد عليه حياتنا
فواز: ..................................
رؤى: فواز
فواز: ..................................
رؤى: ها ... اطلب ولا اضف وجهي؟؟؟
فواز من غير نفس: اطلبي
رؤى: تكفى خلنا نقعد بعد ثلاث ايام!!!
فواز: تبين تعطين ابوك فرصة انه يتزوج ... صح؟؟؟
رؤى فتحت عينها وما تكلمت من الصدمة ... ما توقعته يفسر تصرفها على هالاساس
وهو طبعا فسر سكوتها على انه صادها وكشفها وهي ما عندها أي تبرير
قام من مكانه وعطاها ظهره: المهم ... الجو مساعدك .. الجو هوا وريح .. ما اقدر احرك المركب ... يعني بنقعد لبكرة او بعده على ما تطيح الريح
رؤى:.............................................. ...
استغرب فواز انها ما تكلمت ولا علقت ... لف عليها توقع انها نزلت ... شافها على وضعها ومنزلة راسها ... وقف يطالعها فترة وهي على نفس الحال ... قرب منها ... لما شافت طرف رجوله ... رفعت راسها ... وانصدددددددددددم لما شاف عيونها
رؤى ووجهها مليان دموووووووووع: ما توقعت ان هذه نظرتك لي يا فواز ... انا لما كنت كارهتك ما خبيت عليك ... صارحتك ... ولما بديت اتقبلك ... تظن فيني هالظن ... الله يسامحك .. تركته وركضت تنزل تحت

فواز فاتح عيونه ومو مصدق: يا ترى ايش اللي حادها على اللي تسويه ؟؟؟
معقولة تكون فعلا بدت تتقبلني ؟؟؟ لا لا لا لا لا لا اصحى يا فواز ... ما فيك تنصدم مرة ثانية ... وهالمرة اذا تأملت فيها وصدمتك بتكون الصدمة القاضية

نزلت رؤى لغرفتها ورمت نفسها على السرير ... وكالعادة صيااااااااااااااااااااااااااااح
قعدت فترة على هالحال وهي تفكر بفواز ... وشلون تتصرف معاه
لا ... لازم ما اطفش ولا ازهق ... المسكين تحملني وتحمل طولة لساني من قبل الملكة حتى ... من يوم خطبة ابراهيم لي ... وما تعب ولا زعلني ... وانا من اول مرة اسمع منه كلام يغث ... وقلبتها مناحة وصياح ... لازم اضغط على نفسي شوي ... والحمدلله الريح رحمت حالي ... يعني عندي مجال يومين احاول اغير صورتي عند فواز ... قامت ودخلت الحمام تغسل وجهها وتعدل شكلها ... طلعت وسمعت صوت التلفزيون ... يعني رجع وجلس يتفرج مرة ثانية ... راحت للمطبخ وكملت تنظيف ... خلصت وراحت الغرفة تتأكد من شكلها ... والحمد لله كل شي اوكي ... تعطرت مرة ثانية ... وطلعت للصالة ... جلست جنب فواز
رؤى: فواز
فواز: ................
رؤى: فواااز
فواز: ..............
لفت رؤى وجهه تجاهها: فواز
فواز بعد يدها: ممكن تخليني اكمل الفيلم؟؟
رؤى: فواز ما يصير كذا ... صار لك اسبوع وانت من فيلم لفيلم ... ما زهقت؟؟؟
فواز: ....................................
رؤى: فواااااااااااااااااااااااااااااااااااااااااااااااا ااااز
فواز: .....................................
قامت رؤى ووقفت قدام الشاشة: احين بترد علي ولا شلون؟؟؟
فواز: بعدي خليني اشوف!!!!
رؤى بدلع: ماااااااااااااااااااااااااااااابي
فواز: رؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤى
رؤى: نعععععععععععععععععععععععععععععععععععععععععععععم
فواز: بعدي دام النفس عليك طيبة
رؤى: واذا ما بعدت ايش بتسوي؟؟؟؟
فواز: بقوم وانتف لك شعرك
رؤى: مع اني احب شعري ولا اقدر استغنى عنه ... بس يالله وريني شلون بتنتف شعري!؟!؟!؟!؟!؟!؟!؟!؟!؟
قام فواز ركض لها وهي ركككككككككككككككككككككككض وهو وراها ... راحت للمطبخ وهو يلحقها ... لفت على الطاولة الدائرية وكل واحد واقف بجهة... وهي تصرخ: ماتقدرررررررررررررررررررررررررررر تمسكني
فواز: مين اللي ما يقدر يمسكك؟؟؟
رؤى وهي تلعب بحواجبها له: انننننننننننننننننننننننننت
فواز: ان ما ذبحتك ما اكون فواز ... وركض صوبها
ركضت وطلعت ... ودخلت غرفته ... ولما انتبهت انها غلطت لانها دخلت بمكان يقدر يحكرها فيه ... عضت على شفتها السفلية وانتبه لها فواز ... وابتسم ابتسامة النصر
قرب جهتها وهي ترجع على ورا لان الغرفة صغيرة ما في مجال انها تلف ... وهي ترجع على ورا: تكفى فواز ... الا شعري احبه وما اقدر استغني عنه
فواز: بس انا ما ابي الا شعرك
رؤى: أي شي تبيه بسويه ... بس تكفى هد شعري
فواز: مين قال لك تتفلسفين وتتحديني؟؟؟؟
رؤى: اسفة .. آخر مرة .. آخر مرة يا فواز
فواز وهو يقلد صوتها: مااااااااااااااااااااااااااااااااااااااابي
رؤى: فواز ... ايييييييييييييييييييييييييييييي
صدمت بالجدار اللي ورها ... خلاص ما في مجال انها تتحرك ... الجدار وراها وفواز قدامها ... وما في مجال انها تمر من جنبه
قرب منها فواز ومسك شعرها وسحبها لناحيته بقوة ... لدرجة انها ضربت بصدره
: اييييييييييييييييييييييييييييييييييييييي
فواز ماسك شعرها من ورا ... يعني هو ما يشوف وجهها ... بس ظهرها متسند عليه
فواز وهو لسه ماسك شعرها: وبعدين معاك ... متى بتعقلين؟؟؟
رؤى: ايييييييييييييييييي .. فواز شعري
فواز: واذا قلت ماني تاركه لين انتفه لك
لفت عليه فواز وقابلته ومدت يدينها ولفتها حول رقبته وبدلع: واهون عليك؟؟؟
ترك شعرها وهي لسه على وضعيتها: رؤى
رؤى رفعت عينها وحطتها بعينه: ...........................
فواز: رؤى ... ممكن تتركيني؟؟؟
رؤى حطت راسها على صدره: واذا قلت اني مرتاحة كذا؟؟؟
شال يدها وبعدها عنها ولف وطلع من الغرفة واول ما وصل الباب: كفاية عذاب يا رؤى ... تركها وطلع يكمل الفيلم ... بس باله مو مع الفيلم ابببببببببببببببببببببببببببببد

جلست رؤى ساعة تفكر بكلامه .. يعني انا السبب في عذابه؟؟؟ ليش قال هالكلام؟؟؟ يبيني اتركه يعني ؟؟؟ بس حسيت بنظرته لي شي ثاني؟؟؟
طلعت من غرفته وراحت لغرفتها وصكت على نفسها الباب ... رمت نفسها على السرير ... وعقلها وبالها في مكان ثاني

ما حست بنفسها الا والدنيا ظلام ... فتحت عينها بسرعة ... يووووووووووووووه ... الظاهر راحت علي نومه ... وفاتتني الصلاة ... يا ربي حتى فواز .. شلون تغدى ... وليش ما صحاني؟؟؟
قامت بسرعة وشافت الساعة ... يووووووووووووه يا دوب الحق على صلاة المغرب واقضي الباقي ... بسرعة راحت للحمام وتوضت وصلت اللي عليها

طلعت للصالة ... شافته قاعد ويتفرج: اهليين
لف فواز عليها: هلا
رؤى: ليش ما صحيتني؟؟؟
فواز: ماله داعي ... اكيد تعبانة ولا ماكنتي نمتي
رؤى: طيب تغديت؟؟؟
فواز: دبرت عمري
رؤى: آسفة فواز ... ما ادري شلون غلبني النوم وما حسيت بنفسي الا قبل شوي
فواز من غير ما يطالعها: عادي
قامت من عنده وراحت للغرفة وبدلت ملابسها: لبست فستان ناعم ... كوكتيل وقصير ... لونه بنفسجي رايق ... حطت لها مكياج خفيف ... وتعطرت على خفيف لان فواز ما يستحمل العطر القوي وطلعت
راحت للمطبخ ... شافته نظيف ... يعني ايش اكل؟؟؟ شافت الزبالة ولقت فيها علبة اندومي ... يا عمري عليه ... اكل اندومي ... والظاهر انه غسل الصحن بعد
لازم اعوضه واسوي له عشا محترم ... جلست في المطبخ وتفننت بالطبخ .. لاول مرة تحس بفرحة انها تطبخ لفواز .. العادة تحس انها مجبورة على هالشي ... بس اليوم احساسها مختلف تماما ... الله لا يحرمني منه ولا من طيبته يا رب
خلصت العشا ... وجهزته على الطاولة ... وراحت عنده
رؤى: فواز
فواز لف عليها: ....................
رؤى: العشا جاهز ... حياك
قام فواز من غير ما يكلمها ... وقعد على الطاولة
خذت رؤى صحنه وبدت تغرف له
طالع فيها فواز: ايش هالرضى اليوم؟؟؟
رؤى: عقبال ما بعض الناس يرضون علي
اخذ فواز صحنه من غير ما يتكلم
العشا ممل لاقصى درجة ... فواز ما يتكلم واذا تكلمت رؤى يرد عليها بنص اجابات ... كانه يقول لها اسكتي احسن لك ... خلصوا وقامت رؤى تنظف وتشيل الاغراض

خلصت من التنظيف ورجعت لغرفتها كالعادة ... مسكت جوالها بس رمته ... اليوم مالها خلق الجوال او أي شي ثاني ... تبي تغير الروتين ... ودها تقرب من فواز وتقعد معاه ... بس هو مو معطيها فرصة ... طيب خليني اجرب واروح اقعد عنده

طلعت وراحت له ... جالس يتفرج عالفيلم ... راحت وقعدت جنبه على الكنبة ...
رؤى: فواز؟؟؟
فواز: ..................
رؤى: فوااااااااااااااااااااااااااااااااااااااااااااااز
فواز بنص عين: نعم؟؟؟
رؤى: زهقانة
فواز: ايش تبيني اسوي؟؟؟ استحملي كلها يوم يومين ونرجع
رؤى: لا عاد انا ما قلت نرجع ... بس ابي اسوي شي!!!
فواز: عندك المطبخ ... تسلي فيه
رؤى: زهقت من المطبخ من اول ما جينا وانا احوس فيه
رجع يكمل الفيلم ولا كأنها تكلمه
رؤى: فواااااااااااااااااااااااااز
فواز: اووووووووووووووووف ... ايش تبين؟؟؟
رؤى وهي زعلانة: خلاص ما بي شي ... كمل الفيلم
فواز: ومن قال اني بقطعه؟؟؟؟
جلست رؤى تتأمل فواز فترة ومرة وحدة نطت له: فواااااااااااااااااااز
فواز: اللهم طولك يا روح ... خير ايش عندك؟؟؟
رؤى: انت ليش ما تشبه نواف مع انكم توأم؟؟؟
طالعها فواز بنص عين ووده يقوم يكفخها: يعني اول مرة تلاحظين؟؟؟ صج انك سخيفة
حزت الكلمة في خاطر رؤى بس مشتها: لا ... بس لما دققت اكثر ما في ولا شي يبين انكم توائم!!!
فواز لف عليها: ومتى دققتي في نواف ان شاء الله؟؟؟؟
رؤى: لا مو عن دققت ... بس اول مرة افكر
فواز باهتمام: ايش اللي خلاك تفكرين اليوم؟؟؟
رؤى وهي تبتسم: لان الموضوع ما كان يهمني من قبل ... لما همني فكرت فيه
فواز وهو يبتسم: يعني الموضوع همك؟؟؟؟
رؤى وهي تقرب من فواز وتمسك كتفه: طبببببببببببببببعا ... أي شي يخص زوجي فهو يهمني
فواز: يعنــــــ......
قطع عليه صوت جواله ... طلعه وشاف اسم نواف
فواز: هذا نواف اتصل ... خليني اشوفه ... تركها وصعد
رؤى: اووووووووووووووووووووووووووووووف ... ويلوموني لما اكره نواف ... يالله حصلت موضوع اتكلم فيه وعطاني وجه .... اتصل وخرب علي ... اووووووووووووووووووووووووووووووووووووووووووووووووو ووووووووف