رواية يارب تخليه وتبقيه لعنين ترجيه الفصل التاسع والأربعون 49 - بقلم 002

فواز: ايش فيك؟؟؟ رؤى ترى ما اقدر استحمل اكثر من كذا ... طيحتي قلبي .. اهلي فيهم شي؟؟؟
رؤى وهي تبكي: ابوي
فواز بخوف: ايش فيه؟؟؟
رؤى: امس راح مع عمتي حنان وخطبوا له
فواز: طيب
رؤى: شنو اللي طيب؟؟؟؟ اقولك راح خطب
فواز: يوه ... مو هذا اللي تبينه من زمان ... وذبحتي نفسك عشان تحققينه!!!!
رؤى: ايه ... وانا اتمنى له الخير ... بس اكيد انه بيتغير علي .. وما بيكون لي بروحي ... انا مالي غيره في هالدنيا ... اذا تركني اضيع
ونزلت راسها وهي تصيح بقوة
فواز بهمس: وانا وين رحت يارؤى؟؟؟
رؤى: انت ... انت كرهتني ولا عاد تحبني ... ولا بطايقني بعد ... ادري اني السبب ... واني انا اللي كرهتك فيني ... بس كنت عمية وغبية وما افهم ... ولما حسيت على دمي فات الاوان
رفع راسها فواز: انا ما كرهتك يا رؤى ... لا تقولين هالكلام!!!
رؤى: وايش تفسر تصرفاتك معي هاليومين؟؟؟
ضمها فواز لصدره وجلس يمسح على شعرها: عمري يا رؤى ما كرهتك ... ولا بكرهك .. انتي ما تعرفين ايش تعنين لي ... انتي دنيتي وحياتي وكل شي
رفعت راسها: تتكلم جد ... وما تتخلى عني؟؟؟
رجعها على صدره: ما تخليت عنك ولا بتخلى ... واذا تركتك فاعرفي يا رؤى اني مت ... واني مو على وجه الدنيا
رؤى مسكت فيه بقووووووة: لا تجيب طاري الموت ... بسم الله عليك ... ان شاء الله اللي يكرهونك
فواز: يعني اهمك؟؟؟
رؤى: اذا انت ما تهمني ... مين يهمني؟؟؟
شالها فواز بين يديه: من اليوم ... ما راح اتركك ابببببببببببببببببد
لفت رؤى يدينها حول رقبته وسندت راسها على كتفه ... ونزل فيها تحت ... وعلى غرفته على طول ... 

فتحت عينها الصبح ... شافت فواز بوجهها ... جلست تتأمله ... اول مرة تشوفه من قريب كذا ... اصلا دايما من قهرها عليه ما كانت تشوف فيه صفة حسنة ... الحمد لله ان ربي شال اللي مغطي عيني وقلبي قبل لا اضيعه من يدي ... الله لا يحرمني منه 

مدت يدها وجلست تلعب باصبعها على خده ... فتح عينه ... شافها وابتسم ...
رؤى: صباح الخير
فواز: احلى صباح مر علي في حياتي
رؤى وهي منحرجة: فواااااااااااااااااااااااااااااااز
فواز: عيونه 
رؤى: قوم افطر احسن لك
فواز: طيب ايش رايك نرجع ننام مرة ثانية .. وغمز لها بعينه
رؤى ووجهها احمر: تعرف انك ما تنعطى وجه
فواز: ههههههههههههههههههههههههههههههههههه حرام عليك ... بعد شهر ومتمننة علي بعد ... الله يعيني عليك بس ... وسحب خشمها بيده
رؤى: يالله قوم ... نبي نفطر
فواز: من الصبح ماسكة علي ... قوم افطر وقوم افطر ... وانتي نايمة هنا ولا تحركتي من مكانك ... ايش بناكل بالله عليك
رؤى: طيب انت مو مخليني اقوم!!!!
فواز: انا ... ايش سويت لك بالله؟؟؟
رؤى: تتكلم وما تسكت
فواز: والله لا اطلع حرة الشهر كله ... وما بسكت لين يبرد خاطري
رؤى: ههههههههههههههههههههه
قامت رؤى ... وعدلت شعرها بيدها ... ولفت حول السرير بتروح الحمام ... بس وصلت عند فواز ... سحبها من يدها وطاحت على السرير على صدره ولف يده عليها وباسها 
رؤى وهي تحاول تفك يده: فوااااااااااااااااااااااااااااااز
فواز: عيووووووووووووووووووووووووووونه
رؤى: يالله عن الدلع ... اتركني بروح اتحمم
فواز: الصراحة مو هاين علي ... لاني لسه مو مصدق ... حاس اني بحلم
رؤى: لا بعلم حبيبي مو حلم
فواز: ايش ايش ايش ايش ؟؟؟
رؤى: شنو ايش؟؟؟
فواز: ايش قلتي؟؟؟ ما سمعت؟؟؟
رؤى: قلت انك بعلم مو حلم
فواز: لا لا لا لا لا لا ... اللي قبلها؟؟؟
رؤى وهي تفكر: ما قلت شي؟؟؟
تركها فواز وعفس حواجبه ... يعني انه زعلان: يعني مو طالعة من قلبك؟؟
رؤى: ايييييييييييييييييش؟؟؟
فواز: وهو معطيها ظهره: حبيبي
رؤى: هههههههههههههههههههههههههههههههههههههههههههههههههه
فواز: اعتقد ما قلت شي يضحك؟؟؟
رؤى: فواز ... من جدك زعلان؟؟؟؟
فواز بزعل: وانتي شايفة انه شي عادي؟؟؟
رؤى وهي تلعب باصبعها على صدره: شوف فواز ... امك اللي هي خالتي حبيبتي اللي واحشتني موت ... دايم تقول لنا .. ان الكلام اللي يقوله الانسان وهو مو حاس فيه هو الكلام اللي بداخله ويمثله
فواز وهو يبتسم: يعني كلمة حبيبي كانت بداخلك؟؟
رؤى: مو الكلمة ... حبيبي بكبره متربع في قلبي
سحبها فواز وطيحها مرة ثانية على السرير 

دخلت المطبخ بتجهز الفطور ... وفواز معاها ... يقول يبي يساعدها ... بس طلع عينها من الاذية والمشاكل اللي سواها ... الفطور جهز بساعة ونص بدل من ربع ساعة 
رؤى: فواااااااااااااااااااااااااااااااااااااااااااز
فواز: عيوووووووووووووووووووونه
رؤى: خلاص ... اطلع برا وانا بسوي كل شي ... عفست الدنيا وقلبتها فوق تحت
فواز: طيب بساعدك
رؤى: شكرا ... مابي هالمساعدة اذا بتعفسني كذا
فواز: ما عرفنا لكم يالحريم ... اذا ما ساعدناكم ... انواع الحش في المجالس ... زوجي ما يساعد ... بس جالس ويتأمر ... ولا يخلو من الزيادة اللي من راسكم وعلى كيفكم ... واذا ساعدنا تطردونا من المطبخ ... شفتي ان احنا مظلومين معاكم ... ودايـــــ...
رؤى: فواااااااااااااااااااااااااااااااااااااااااااااااا اااااااااز
فواز وهو يضحك: قلبه
رؤى: اطلع برا ... بعد حوستك وعفستك مجلسني اسمع خطبتك هذه؟؟؟
فواز: طيب بجلس واتفرج بس ... مابسوي شي ... بس ما اطلع تكفين
رؤى: لا ... ما في ... اطلع اتفرج على الدي في دي على ما اخلص 
فواز: بس ...
سحبته رؤى وطلعته برا وهو يضحك عليها ... كملت شغلها وجلست تصلح اللي عفسه عليها فواز ...

جهزت كل شي على الطاولة ورتبته 
رؤى:حبيب قلبي ... الفطور جاهز
فواز: .................................
رؤى: حبيبي ... حبيبي
فواز: .................................
رؤى: يوه ... فواااااااااااااز ... حياتي الفطووووووووووووووور
فواز: .................................
رؤى: فوااااااااااااااز ... مو معقولة كل هذا اندماج
فواز:...................................
راحت عنده وهو متمدد ولا رفع راسه لها ... قربت منه ... ومسكت كتفه: فواز
فواز: ..................................
رؤى وهي تهز كتفه: حبيبي ... ايش فيك ؟؟؟ ليش ما ترد علي؟؟؟
فواز: .................................
رؤى: فوااااااااااااااز .... لا تكون زعلت مني مرة ثانية؟؟؟
فواز وهو عافس حواجبه: يعني هامك ؟؟؟
رؤى وهي متعجبة من تغيره المفاجئ: اكيد تهمني!!! انت زعلان؟؟؟
فواز من غير نفس: ايه
رؤى والدمعة بعينها: طيب انا ايش سويت ... غلطت بحقك؟؟؟ قلت كلمة ضايقتك؟؟؟
فواز: ..................................
رؤى: تكفى فواز ... طيحت قلبي ... رد علي؟؟؟
فواز: ليش تطرديني من المطبخ؟؟؟؟
رؤى حست ان الروح ردت لها ... من غير شعور طاحت على ركبها وحطت راسها على رجل فواز: الله يسامحك فواز ... خوفتني ... فواز ... لا تسوي فيني هالحركات ... ما استحمل فكرة انك تزعل مني وما تكلمني
فواز: شوف هذه ... انا من جدي زعلان!!!!
رفعت راسها بابتسامة: وانا مستعدة اراضيك باللي تبي ... انت تامر
فواز: الصراحة ما اعرف ايش يرضيني!!!
رؤى: اممممممممممممممممممممممممممممممممممممممم 
طيب براضيك بطريقتي ... ايش رايك؟؟؟؟
فواز بابتسامة: وانا راضي ... وريني شطارتك
رؤى: بس مو احين .... بعد الفطور ... لان الاكل بيبرد
فواز: امممممممممممممممممممممممممممممممممممممممممم
بشرط ... تاكليني بيدك
رؤى: يا ربي على الدللللللللللللللللللللللللللع
فواز: ايش عندك ؟؟؟ دلعيني ... بعدين ابي اجرب طعم الاكل من يدك ... انتي لما تطبخينه يطلع عجيب ... شلون اذا اكلتيني بنفسك؟؟؟
رؤى وهي تطالع فيه وحاطة يدها على خدها: تصدق ... اكتشفت انك ما تنعطى وجه
يا حبك لكثرة الكلام ... قوووووووووووووووووووم الاكل برد!!!
فواز: هههههههههههههههههههههههههههههههههههههههههههههههههه ههههههههه
بقوم ... بس مو ناسي رضوتي ... ابيها
تسحبه رؤى وتقومه: خلص اكل بالاول بعدين ... الله يعيني على ولدي الشايب
جلس فواز على السفرة وفتح فمه ... ورؤى ما انتبهت له وراحت تجيب العصير ... رجعت وهو لسه فاتح فمه
رؤى: ههههههههههههههههههههههههههههههههه فواز ... شنو هذا؟؟؟
فواز يتكلم وهو فاتح فمه: يالله بسرعة اكليني
رؤى: ههههههههههههههههههههه ... فواز من جدك؟؟؟
فواز وهو على نفس الوضعية: بسررررررررررررررررعة
قامت رؤى وحطت الاكل في فمه وهي ميتة من الضحك على شكله
اول ما بلع ... على طول فتح فمه مرة ثانية ... رؤى شافته وضحكت مرة ثانية
رؤى: فوااااااااااااااااااااااااااااااااااز
فواز: بسرررررررررررررررررررررررررررررعة
رؤى وهي تحط الاكل بفمه: ههههههههههههههههههههههههههههه فواز ... والله لو تشوف شكلك ... ولا البزران
بلع وفتح فمه: خليك في شغلك وانتي ساكتة
رؤى: هههههههههههههههههههه