رواية ينبض بحبك فؤادي الفصل السابع عشر 17 - بقلم ام البنات

#ينبض_بحبك_فؤادي
بارت17بقلمي ام البنات
نور.....رجعت للبيت وللعصر منشوف ال كرم وامه بابنه دخلهم ابويه واني وره الباب اسمع حجيهم دخلت
بابا من رخصتك كرم اني ارجعلك بس مهري غالي متكدرله
كرم....اني رجال وملزوم اوفرلج الي تردين كولي الي تردي شنو واني قابل
نور.....مهري هيه امك لا ابويه
كرم.....خرب بلشتج من عنوديه وراس يابس لو تموتين ما اسويها طلبي اي شي
نور.....لو هذا الطلب لو روح ما ازوجك
كرم....باعي اني رايح بس والله حطي بالج ما اخليج تزوجين احد غيري والله اخليج معلكه عمرج كله
نور.....الي اجه يخطبني شاريني ويدري بوضعنه وجنت مخطوبه ويتمنه اوافق عليه باي شرط اشرطه لاتعتقد يخاف منك لو يبطل من وراك
كرم....وحق ربج الدنيا احركها عليج وعليه ما اخليج تزوجين ال واني ميت ....عفتهم وطلعت اباوع على امي مثل المكسوزه مقهوره حسيت بيها تحب ابوها شبت بيه نار .....رجعت للبيت بقيت افكر وكلبي محترك اريد ارتاح تعبت لا اني اكدر انسه نور ولا اني اكدر ارجعها ولا اني اكدراقبل بزواج امي وباقي معلك لا طايل سمه ولا كاع تعبت نفسيتي من التفكير خابرت عمي ورحتله ....عمي اقنع نور مو حجي هذا بسببكم ينهدم كلشي بينه بسببك
الاب...اني ما اقبل تنهدم حياتي بتي بسببي وحاول اقنعها بس انت تعرفها هيه عنودي وتريد الصدك اني اريد اخطب امك امك بعدها شابه ابوك مات وهيه صغيره وعافك الها هيه تحملت المسؤليه واني ازوجة صغير وراحت المرحومه ونحرمت من كلشي الخاطر بناتي وهسه كبرو البنات وصار لازم تعرف اني ما اتنازل عن امك واحنه مو صغار واعين ونفتهم بس منريد نسوي شي يزعلك منه او شي غصب عنك
كرم.....شنو غصب عني شنو شي يزعلني افتهم منك تكلي اخذ امك وازوجها غصب عنك
ابو شمس.....والله اذا استوجب الامر نسويها اني رجاب عمري 50سنه وامك عمرها 45 واعين لتصرفاتنه ومسؤلين عن نفسنه نكدر نزوج ومننتضر منك موافقه بس اذا تريد نور وافق حتى كلنه نرتاح
كرم....افتهم منك انت اول تالي تزوج امي واني اقبل بشرط نور حتى ما اخسرها .....عمي خلي بتك يمك وامي اريد واحد يوصلها والله احرك الدنيا حرك....عفته وكمت وعيوني تريد اطك
نور.....اجت نهاية السنه وكرم مسوي نفسه مداير بال الي بس اني ادري بي يراقبني
سرمد....تخرجت وخلصت من شوفت نور وسمعت بيها فصخت الخطوبه وي كرم كمت ابد ما اروح يمهم احاول ما اشوفها اخاف لا اضعف رحت على كرم ردت افتهم منه الموضوع كتله كرام رجعها انت متكدر بدونها وهيه تحبك
كرم....احبها واريدها بس طلبت مني طلب صعب كولش ولاتسألني شنو هذا الطلب لان مراح اكولك
سرمد...باع كرم اني مراح اسألك واكول شنو طلبها بس الي اريد اكوله الك شميكون طلبها اقبل بي ولا تخسرها وتضل طول عمرك ندمان هيه تحبك وانت تحبها واذا طلبها صدك صعب اذكر الايام الدراتك  بيها وانت مقعد والله اني رجال تطلع روحي لمن اشيلك واحطك وهيه جانت تضغط على نفسها علمودك هواي اذكر كل موقف وكل تعب وسهر علمودك اذكر كلشي سوته الك بلكي تكدراسويلها طلبها حتى متخسرها صدكني اذا عفتها راح تخسر نفسك
كرم.....اثر بيه حجي سرمد طلع وبقيت افكر بي هيه تحبني وامي صدك وحدها تبقه وضحت بنفسها حقها تزوج وتعيش بس اني ما اكدر اتقبل امي اصير لرجال غير ابويه ....داومت ثاني يوم واحس نفسي مشتاق النور كمت ادور عليها لكيتها واكف وي هذا الولد الزكه الي رايد يخطبها اباوع عليه حجه وياها حجايه وراح وهو فرحان خفت لا اطته مو افقه وشبت الغيره بيه اشتعلت نار شكالتله خلته هيج فرحان مشيت بسرعه وعصبيه وجريتها اكو مكان منبين منه بين الاقسام
نور....اووي وخر شبيك هدني تخبلت تره اصيح والمهم عليك
كرم....يالله صيحي لا عبالج اخاف....بعدين شعدج واكفه وي هذا تحجين
نور....وانت شكو شعليك بيه بصفتك شنو تسألني وتحاسبني
كرم....باعي لج دمي لاتفورينه لا والله اموتج هنا
نور.....تموتني
كرم......اي اموتج ومتصيرين لغيري
نور....انت اطيت مجال لغيرك يدخل حياتي
كرم.....لج احبج والله احبج ليش متفهمين
نور....اني هم احبك واموت بيك بس لازم تفهم احنه بهاي الدنيا مو وحدنه اكو غيرنه عايش ناس تحب وتنحب وتعيش  حياتها بغض النضر عن العمر الحب ماله علاقه بلعمر مو احنه حبينه من الصغر وهسه كبرنه وكبر حبنه لازم تتفهم طلبي حتى الكل يرتاح
كرم.....طلبج صعب اطلبي اي شي ال امي
نور........مع الاسف عبالي اقتنعت وغيرت فكرك
كرم.....لاتحاولين تستغلين حبي الج لا اضغين عليه وج كافي متعبتي راح يصير النه سنه شنو انتي متحسين ممشتاقتلي
نور....تعرفني كولش زين مو استغلاليه بس حقانيه وما احب الغلط ....عمومن هذا الحجي ميفيد بعد احنه قررنه موعد خطوبتي سبوع الجاي
كرم....باعي نور وحق الي خلقج اكلبه فاتحه مو عرس اذا رحتي لغيري سمعتي لو لا حطيها ترجيه باذنج متصيرين لغيري واذا تخافين على الولد لا تقبلين اكتله والله
نور.....انت صاير لاترحم ولاتخلي رحمة الله تنزل ....عافني وراح كرم وعيونه تجدح نااار خفت منه خابرت لخاله ايمان كتلها من يجي تكولي ....وره ساعه خابرتني اجه وصاير نار وساد على روحه الغرفه
كرم....اريد الزم نور واشبعها كتل بدي اموتها ولا اخليها اصير لغيري شسوي تعبت من التفكير ونمت ثاني يوم مداومت للجامعه روحي طافره
وره 3 ايام
الجمعه الصبح نزلت وسمعت امي تحجي وي نور تكلها الله يسعدج ويوفقج بس عذريني ما اكدر اجي كرم كلبه مكسور وهو ابني ما اكدر اخذت السويج وطلعت بالبجامه ورحت لبيت نور واخذت ويايه مسدس نزلت وعيوني نار تطلع منها
نور...اليوم جمعه خطوبتي وعبالك جنازتي روحي طالعه احس كلشي يخنك خابرت خاله ايمان تجي ماعدي احد بس شمس ورسل وعمتي سعاد سافرت مقبلت شويه واشوف كرم دفر الباب ودخل وبيده مسدس ابويه جان طالعه  رايح للجامع يصلي صلاة الجمعه
كرم...وينج
رسل...يمه كرم شبيك تخبلت
كرم،...وينها خلي تجي تعاي طلعيلي
نور....شتريد مكافي فضايح كدام الناس
كرم....حطيت المسدس براسي وكتله نور كولي موافقه على هذا الولد وتحبينه وصدكي اختفي من حياتج
نور...لا كرم عزه بعيني شدسوي وخر المسدس مو لعب هذا
كرم.....من شوكت اني العب اني احبج وما اكدر اشوفج وي غيري وكتلج متصيرين لغيري اله واني ميت وهسه كولي اذا تردينه وتحبينه هسه اختفي من حياتج