رواية ينبض بحبك فؤادي الفصل السادس 6 - بقلم ام البنات

#ينبض#بحبك_فؤادي
بارت6 بقلمي ام البنات
رسل...نور خلصتي خلي نروح للكافتريه
نور...ها لا ماريد اشوف سرمد
رسل....شعليج بي مو كلنه كلشي انتها
نور...صدك شعليه امشينه😏
دنمشي وصاح واحد على رسل انداريت هو نفسه الحلوه مال الشعبه وياه الولد الي رسل كاتله نفسها عليه
رسل....اوووف يمه كلبي راح يوكف لج باعي هذا يموت🤤
نور....نجبي فضحتينه سدي حلكج😐
كرم....رسل داريد منح تفهميني مسألت ترحين للكافتريه نكعد
رسل...اي احنه رايحين امشو ويانه
نور....لج شسويتي وين يجون ويانه
رسل...بربج لاتعترضين بلكي يحجي ويايه هذا الصاك
نور..رحنه كعدنه وكمنه نسولف وكرم يحجي وعينه عليه اني ادير وجهي منه
كرم ...راح اجيب كهوه شتشربون
رسل....اني ببسي
محمد...اني هم ببسي
نور...اني ما اشتهي
كرم....رحت جبت وجبت عصير برتقال لنور اذكر جانت تحبه
نور....شكراً بس اني موصيتك
كرم...بلعافيه بس اذا متحبينه ابدله
نور...لا اني ما اشرب بس عصير برتقال عاشت ايدك ...
شويه وطب سرمد وياه خطيبته شو هذا خزرني
سرمد...طلعت روحي من شفت نور كاعده وي ولد بقيت اراقبهم من بعيد واحد منهم مشال عينه عن نور....
نور....كمنه كل مره نطلع سوه ورسل بدت تتحسن علاقتها بمحمد واني علمودها ابقه احجي وياهم
رسل....نور تدرين احس كرم معجب بيج
نور...هم رجعنه كتلج مستحيل ما احب اتعرض لهذاك الموقف كوه نسيت
رسل....دكومي دنروح الخط دينتضر
نور.....رجعنه للبيت ومشت الايام وكل ما اكعد بمكان ويانه كرم انتبه يباوعلي وسرمد اشوفه من بعيد عينه علينه..
شمس...الو نوره ترحين للصالون مدام اليوم جمعه
نور....اريد اروح اعدل شعري ورسل هم رادت اسوي تنضيف بشره
شمس...لعد امر عليكم حسن يودينه
نور...اوكي بس خلي اشوف بابا خاف ماعده فلوس
شمس...لعد انتي مو رايحه ويايه حتى فشله اختج الجبيره
نور...ميخالف دروحي خلي اشوف بابا ورسل......بابا اريد فلوس داروح للصالون وين شمس
الاب....اخذي بابا من المحفظه
نور.....الو شموسه شوكت نروح
شمس....فد ساعه وامر الكم تحضرو....
نور ...ساعه واجي شمس جايبها حسن ورحنه للصالون كصيت شعري ورسل سوت تنضيف بشره وشمس خصلت شعرها
شمس....نور لو تسوين كم خصله بلاتيني يطلع يجنن عليج
نور....ها ما ادري
شمس...كعدي خلي تسويلج
نور.....خاف بابا ميقبل ولو هو ميدقق بهيج سوالف....سويته  والله طلعت كولش حلو لايكلي شسورت شعري
شمس...نوره اكولج شي بس لا اضوجين
نور...كولي
شمس....خابرني حسن سيارته عاطله وسرمد راح يجي ياخذنه
نور....وليش اضوج يوميه اشوفه بجامعه شتدرين باختج
شمس...ادري بيج قويه ومديرين بال بس كلت خاف اضوجين
نور....لا عادي .....اجه سرمد وصعدنه بقه يباوع عليه بلمرايه نزلنه يم بيتنه شمس بقت بسياره ونزلنه اني ورسل شو سرمد نزل ورانه
رسل....اني راح ادخل
سرمد....نور اريد احجي وياج
نور....اي تفضل صاير شي
سرمد.....نور منو هذا الي يمشي وياكم بجامعه
نور....هذا الشي ميخصك
سرمد....احنه نبقه اهل اكيد يخصني
نور....لا ميخصك انت حمه اختي مالك دخل بيه
سرمد....بس الولد مبين من عيونه مو راحه
نور....اني مو صغيره اعرف الصح من الغلط الي بينه انتها ليش ترجع تدخل بحياتي
سرمد....اني بعدني احبج
نور....انت واحد مريض مو صاحي بابا انت رجال خاطب وعدك مره وانت الي عفتني شنو جاي هسه احبج اذكرت
سرمد....ليش هو اني نسيت حتى اذكر
نور....لعد خلي اقوي ذاكرتك زين وخرت شعري طلعتله الحرك ....شوف هذا سبب تركك الي ....نزل عيونه ميباوع على الحرك
ارفع عينك باوع زين حتى بعد لاتفتح الموضوع ويايه اني مافيدك مو لان اني مشوها لا بس لان اني ميرهملي بس الانسان القوي وانت شخص سطحي وماعدك شخصيه تهمك المضاهر
سرمد....قدري وضعي اني نصدمت من شفتج متوقعت كل هاي الفتره عبالي كامله مابيج شي من شفت التشوه فزيت ونصدمت
نور،.....ومنو انت حتى تكول عني مو كامله منو سمحلك تقلل من شأني وشلون تكول عليه مشوهه
سرمد.....مو هذا قصدي اتمنه ثقتج متهتز بنفسج بس...
نور....شلون كدرت تفكر انو راح تهتز ثقتي بنفسي ...لا انت ولا اي واحد راح يهز ثقتي بنفسي انت اشوفني مشوها اني اشوف نفسي مميزه شوف الفرق بوجهت النضر
سرمد...اسفه الضاهر جرحي جان جبير
نور....صدكني جان خدش بسيط ....سرمد باوع بعيني
سرمد...كولي
نور....تعتقد الي تتحمل الم الحرك والتسلخ مال الجلد وهيه عمرها 8سنين راح تتاثر بحب فاشل
سرمد....من حجت نور استحقرت نفسي شكد اناني وسطحي مفكرت بس بشكلي كدام الناس وشلون راح اشوف شكلها يوميه وهيه محتركه
نور....روح الله وياك والله يسعدك بعيد عني بس حط بالك اني مو مشوها اني مميزه عن البقيه.....راح سرمد طبيت لكيت بابا واكف يم الشباك حظنته
الاب...ضوجج بلحجي
نور....لا تخاف تربات ايدك اخذ حقي لو جان بحلك الاسد
الاب....وهذا السبب الي خلاني ما اطلع