رواية ينبض بحبك فؤادي الفصل الثاني عشر 12 - بقلم ام البنات

#ينبض_بحبك_فؤادي
بارت12 بقلمي ام البنات
نور...داومت يومين قبل المتحانات علمود المحاضرات الفايتتني كرم جان ياخذ محاضراته من رسل بس اني بقيت داومت يومين ومن ارجع الكي بابا وكرم يسولفون وخاله ايمان فدوه لعينها صارت النه ام شايله البيت شيل وين جنت من الليل اطبخ الغده هسه اطب الكي الاكل حاضر والبيت نضيف .....بدت المتحانات والليل كله نقره اني وكرم وبنهار يجي سرمد علينه اول يوم داومنه كرم حيل ضاج ومقهر من وضعه حتى من طلع كال ممجاوب زين
كرم....نقهرت حسيت نفسي عاجز وثكل على غيري حسيت شوطه بكلبي حاولت اداري قهري بس ما اكدر اضمه عن امي ونور
نور....باي طريقه جنت لازم اضحك كرم لان احس بي وكلنه انتبهن نفسيته بدت تتعب يوم عن يوم ....بيوم دنقره بليل
كرم....نور تعبت
نور....شبيك حبيبي
كرم....تعبت من وضعي وحالي انقهر من اشوف العطف بعيون الكل
نور....لعد اني شلون تحملت واني وضعي اصعب منك متصيرلي جاره على الاقل انت عدك امل
كرم.....يوم عن يوم يقل الامل عدي
نور....لا وره المتحانات نبدي جلسات علاج طبيعي بس انت لازم تتحمل لان راح تتعب اكثر وتتاذ الدكتور يكول حتى اكلك كله يتبدل يرادلك طاقه حتى تتحمل الوجع .....بست كرم من خده ما اعرف ردت اواسي او اقوي واني محتاجه اتقرب اله بس حسيت نفسي لازم اتقرب وبسته
كرم.....هاي شنو😳عيديها بداعتي😋
نور.....هاي شنو طلعت عينك
كرم.....بدينج عيديها حبابه 😘تعاي صعدي يمي على الجربايه
نور....لا خاف بابا يكعد ميصير
كرم....وج هو ابوج يدري بنفسه من ينام....تعاي بداعتي
نور...ما اخاف تتهور
كرم...شتهور وهو اني مشلول وكاعد
نور....لا عفيه لاتحجي هيج اسم الله عليك من الشلل ....كمت كعدت يمه
كرم....كعدي بحضني اول تالي ما احس برجليه
نور😳عزه تخبلت
كرم....تعاي فدوه لعينج شكد تلغين قبل مجنتي هيج.....لزمتها وبستها بلهفه وطولن كوه جريت نفسي منها
نور.....وره ما وخر مني كرم....اكولك دا احس اني الي صرت مشلوله
كرم......صار شكد مخطوبين ليش حارمتني منج وانتي مرتي
نور.....وين غير جنه ملتهين....يالله حكوم انام
كرم....حضنه قبل النوم بداعتي .....
نور....احبك انت احله شي صار بحياتي
كرم...وانتي هم احله شي بحياتي وخايف لا ابتعد عنج اذا ما اكدرت امشي
نور...ليش تبتعد عن
كرم....نوره ماريد اظلمج اني مشلول يعني عاجز عن كلشي
نور....انت مو مشلول وراح اطيب اذا تحبني راح طيب وتوكف على حيلك وكافي حجي خلي انام باجر ورانه امتحان.....نمت واني ميته قهر احس بنار كرم احس نفسي متاذيه اكثر منه .....كملنه امتحانات واحنه رايحين جايين وسرمد ولا عافنه ويانه هو وحسن اي شي نحتاجه وخاله ايمان ممقصره ويانه بالبيت الاكل حاضر والبيت نضيف بس انتبهت لابويه شلون متونس وياها ويفرح من تكعد يمنه اباوع عليهم ثنينهم نحرمو من شبابهم وضحو علمودنه شيصير لو الله يجمعهم ....اباوع عليهم كاعدين بلحديقه ومن نتعشه شلون يسولفون ويضحكون حسيت عبالك عائله كامله اباوع على ابويه عيونه تلمع ونفسيتها مرتاحه من اجوي يمنه كام يضحك ويشاقه اشوف بعيونه حب ....حياتي كلها مشايفه ابويه هيج فرحان
اكولج شمس دشوفين ابويه 😉
شمس....كول ما اجيكم اريد اكولج واسكت اكول متوهمه😅طلع الوالد عاشك
نور....😂😂😂ابوج طلع مو راحه.....عوفي الشقه شكو بيها ابويه هم تعب ويانه وضيع عمره علينه
شمس....شكو بيها اول تالي انتي تزوجين وهوه يبقه وحده...هم يريدله سالف ضحكه يتمرض يراد احد يداريه ....نشوف خاله ايمان بلكي تقتنع
نور....خاله ايمان مو مشكله الخايفه منه هو كرم ما اعرف ردت فعله
شمس....حقه...تخيلي نكوله مبروك عرس امك😂😂😂
نور...عاااا والله فشله😂
شمس.....لا والكارثه اذا ازوجو قبلكم😂
نور .....حتى صدك كرم ينتحر🤦🏻‍♀️😂......
بدينه علاج كرم وبدت المعانات
نور.....يا الله حبيبي اجه المعالج
كرم...اوف ربي شيخلصها
نور....كول يالله
المعالج.....كرم لازم تتحمل الفتره هاي يزيد الوجع
كرم....اتحمل بس غير اكو نتيجه
نور....بدينه بتمارين ومرات هواي اطلع ما اتحمل صياحه يتاذه حيييل ابقه بره نبجي اني وخاله
المعالج....ست نور اريد مي حار نكعده بي اكو بانيو
نور...اي اكو هسه اترسه ماي حار
المعالج ....كون الحراره تنجرع حتى يتحمل.....اني راح اطلع بره اشرب جكاره بين متحضرينه ونزعي هدومه لبسي شورت ....
نور....اوكي.....يالله حبيبي خلي انزعك
كرم.....اني معاجبني هذا المعالج
نور....شبي شغله حلو ويطول خلك وياك
كرم...ما بي بس معجبني وانتي ليش مطلعين من يجي هوه شعدج كاعده يمنه
نور....شبيك كرم شلون اعوفك وحدك كلشي تحتاج وهوه ميكدر وحده
كرم....معجبتني نضراته حسيته يبصبص😠
نور...انت بيا حال شلون انتبهت عليه😒
كرم....انتبهت بس يباوع ماريده باجر نجيب بنيه
نور....لا والله😡بنيه واسويلك جسمك فدو الله .....ماكو نبقه على هذا واذا صدك يباوع اني اعرف شلون اخلي ميباوع
كرم....معليه ماريده .....
نور...باوع شراح اسوي....شديت شعري عالي بين الحرك البيه كتله شوف حتى اذا اله نيه بعد ميسويها
كرم....حيل نقهرت من سوت هيج نور.....لا حبيبي ماريدج اسوين شي مرايدته فتحي شعرج ونزلي اشاقه الولد ميباوع بس اني اغار
نور....لا عادي لازم اشيله لان ما اكدر راح اسبحك وهاي حخلي شال خفيف على ركبتي ....تدري بيها ما اسوي شي مجبوره عليه
كمت انزع كرم متت من المستحه كعدت يمه ونزعته تيشرته وبعدين الفانيله جسم وصدره شكله يجنن هو حس بيه
كرم....شبيج نوره
نور.....ها لا مابيه حطلع اصيح خاله تبدلك
كرم....تعاي تره استحي من امي تبدلي انتي مرتي حلالي يعني بس انتي تكدرين اساعديني
نور.....مو بس اساعدك اصيرلك ايد ورجل خلاني اشيل المستحه كملتله تبديل بقه بشورت
المعالج....يالله ندخله .....انتبهت على البنيه شايله شعرها مشوها من جه خطيه تشوه قوي عدها نقهرت عليها هيه حلوه
نور....يالله حبي .....اخذنه كرم وكعدناه بلماي وبدينه وياه علاج وهو بده صياح
المعالج....ست نور لازم تتعلمين على علاجه هسه احنه مرحله مهمه راح يتاذه هواي وانتي راح اتعبين بس لازم تتعلمين لان الي راح اسوي هسه شكد متكررين العمليه تفيده
نور....لا تعبه راحه اي شي اسوي علموده.....
المعالج....ضغطي هنا وحاولي تحركين رجله
كرم....اااااخ ااااخ لا لا لا ما اكدر
نور.....كمت ابجي وخرت منه
المعالج،....لا تعاي ماكو انتي مو كلتي اتحمل معليج لازم تتحملين وتبقين اضغطي على نفسج
نور....رجعت اسويله وكرم يصيح ولو ماعيب جان بجه كمت اسويله وابجي ومن يعيط قوي ارخي الحركه
كرم....حبيبي معليج بيه سوي الي يكلج عليه اني اتحمل ولزمت راسها لاتخافين عليه
نور.....كمت ادوس على نفسي واتحمل وجعه صرت اقوه وتبعت كل التمارين  كمت اعرفها واسويها اله