رواية يوم زفافي الفصل الخامس عشر 15 - بقلم ذكرى المندﻻوي

مساء الخير
قصص للكاتبه ذكرى المندلاوي

كاظم طار الغير عالم وهي خوش اشتغلتله هلمره وعرفت شلون ترجع طيرهة للعش بس الى وين رايحه هي نفسه متعرف

زوجه تحبه ومتتحمل تعوفه الى وحده اخرى راح تحاول المستحيل حته

تخلي يحبه وبهيجي حاله كل الوسائل مباحه حته الغيره الي شافته بعيونه

 

كاظم
اجاهه وكله لهغه جرهه الحضنه ٠٠٠٠٠
رهف

هاي شدسوي هناك العالم هي هاي وكتهه

كاظم وين منسجم وعايش احلامه وهي تهمسله على كيفك وهناك العالم

انعل ابو العالم جا شسويلهم اكل وحاط يمهم وحلويات اشكال والوان وكيك وشرابت خليهم يتسممون وكلمن يروح البييته بس شنو بصوت

رهف
متريد تصير لقمه سهله خل شويه يتلوع الحد ماينول مراده  هبجي هبه تعلمت من امهه وخالتهه من جانوا يسولفون ٠٠وهيه تتسمع من جوه جوه الهم 

رهف

عوفني الله يخليك كظومي مو وكته هسه تصعدلنه السعلوه وتفضحنه

هاي ياهي
مريتك عشتو صارت ضرتي

هههههه سعلوه وباوع بوجه وكال وين وذبيج الجوه وين انتي  بس ذيج عشره طفوله اتذكرني بطفولتي وحياتي  واول حب الي وياهة ووانتي لا  غير شكل

شلون غير شكل

يعني احس روحي ويه رويده مثل الماكلي باجه وامتخم

هههههه واني
انتي جني واحد مقدميله كيكه من هاي الابو كريم وياهة موطه باررده بيوم صيف
.رهف

اكلك كويظم

ها
مو جنك تتنسه على موطه  لو جوعان هل  جاي تتخيل  بالاكل

كمش بطنه وكال
هسه  تاكدت انتي حابتني لو ما حابتني جا ما  فطنتي وحسيتي بيه

وهسه انه هم حاسه جنك راح توكع ابمصيبه ماتطلع منهه  الليله
هااااا لويش هيجي

مو داكلك السعلوه وامه جوه وراح يرحون الجدك يكلوله

صحيح جدي هذا شلون نسيته
اخذله بوسه على السريع
من خدودهة
وكال
لتنامين جايج الليله نكمل

صار حبي

كاظم هااا مو تنزلين جوه ما طول هذا راضي موجود مااريج تشوفي ضفرج

صارحبي

هااا وهاي ملابسج اتنزعيه ومااريدج تلبسيه الا واني وياج وحدنه

صار حبي

ورد باسه من وجه مره لوخ وكام عدل  بشعره وبملابسه وطب للحمام غسل وجهة من اثر الحمره والدم الي بوجهة باوع صفن عليهة وهي كاعده جنه
ملاك
  متقصده تبتسم

نزع سترته وشمرهة بلكاع وصاح

خرب عشيرته اليعوفج هليوم وهي عرفت هو مستحيل يعوفهه اليوم لان طالعه كلش حلوه
حلوت بعينه وكل ممنوع مرغوب

لا كاظم الله يخليك لتسوينه مشكله تحجي وتتهزم منه

وكفت على الجربايه ودكمز يمعود جدك

هههههههه الحد ما طبت للحمام وسدت الباب عليه وخربانه ضحك على تصرفاته

كاظم طلع من غرفته وهو غادي بارود

****************************************

ام رويده

ولج مكموعه ايغير تشوفين رجلج وين صار شو جنج ما هامتله

تشوفي راح بشغله هسه يجي لتخافين عليه اني ضامنته

هه شوف هاي العوبه على شنو متاكده وذيج تحوم عليه مثل النسره

خليه تحوم هو اصلا مزوجه هي باسم غير واحد

ادري بس هذا ميمنع يباوعله شفتي اليوم شلون يباوع وهي تقدمله الشريت

لتذكريني بوجع الساني وكامت تلعب بلسانه

الام

ولج عدلي لسانج جنج خبله خزيتينه

اهوووو يمه انتي بكلشي تدخلين

شوف شوف السانه العوبه والله لو ما اني جان قبل جدج تتزوجي جان هساع عد ابن كريمه وتشبعج دكاك
لتذكريني هي هاي وكته

صاحت على البنات الي ديركصن

كافي دخت يلالله ولو عفيه بنات بس يعلفن ويدبجن ميزي عاد كلمن يروح البيته

الام
.هاااهااا ولج خزيتينه شدكول الوادم علينه  انطرد بخطارنه هاي فوك ما جايين يشاركوج  فرحتج وج يمعزايه حته النسوان الكبار اخذنهن على ارواحهن

خلي ياخذن هو اني شحصلت منهن ولا وحده جايبه وياهة هديه بيدهة ميستحن  شو وكعن عل الاكل دك ادكول مفجوعات

الام
ولج كافي يااا عزه العزايه خزيتينه

اهووووو وكامت وتركت  امه تاكل ابروحه من قهر بته وتصرفاته الرعنه الا اصوليه وهاي كلها من وره دلاله اله خلاهة تصير انسانه انانيه وطماعه

رويده خابرت على كاظم

الوووهاي وينك شو ما جيت

.كاظم طاكه روحه من تصرفات رهف وياه
شتردين

شنو شتردين ليش عفتني

مو جيت وحنيتج شتردين بعد

هااا شو هاي نبره جديده اسمعه منك 

.هه شلون تردين احجي وياج واني ابويه مسموط
.لويش حبي هو بس هليله وباجر اني بحضنك

كاظم ويه روحه

شوف بالله هاي شحجي وياهة

رويده هااا وينك بعدك ضايج
كاظم

روحي بابا روحي عوفيني بحالي
..كامت تدلع  وتضحك ههههههه

.كاظم
سد الموبايل وهو حالف اليوم مينام واله  رهف بحضنه وخلي الي يصير يصير

***************************************

الجد

راضي لتروح اليوم بات عدنه الليله عندي حجي وياك

.اي جدي خيرك اسمع

روح اتعشه واسبح وارتاح وتعالي اريدك بموضوع مهم

بهل الاثناء كاظم اجه وسمع جده  وهو يوصي راضي يريده بموضوع

عرف جدهة وبشنو يفكر جن جنونه لان هو السبب بلي راح يصير برهف

هو الي فتح المجال الجده يلعب بي وبيه سواهم بيادق بيده يحركهم وين ميريد لعبه   شطرنج كش

حته يوصل للملك ويكول كش مللك

وعليه ينقذ رهف من مخططات جده بس شلون وهو اليوم دينفذ الخطه ج بلعبه وهو بيده الحصان بعد ما صار الوزير والجندي بحوزته بقت بس القلعه يدخللهة وياخذهة حته يكش الملك

وهذا الحصان هو راضي بس مستحيل يخلي جدهة يوصل الرهف مستحيل
....

وبليل الساعه 12 صاح الجد على راضي وطبوا للمكتب حاول يسمع كلامهم مكدر

ياترى الجد شخطط هو وراضي وهل راضي وافق وليش....

*****************************************

رهف عرفت بكاظم راح يعيد الكره الليله ويرد يرجع اني احبه صحيح بس مااريد يحصلني بسهوله وراح احاول اغير اسلوبي حسب الخطه الي رسمته ابالي وانشاءالله ارجع الاهلي مرفوعه راس ورجلي وياي وهذا عجوز البين ياكل حصو من القهر لكن هل تمشي السفن بما تشتهي الرياح ام العكس

دك الباب كاظم وجانت رهف قافله الباب
رهف

منوو 

كاظم
.دفتحي يعني تعرفيني اني اله تسمعين البيت كله

هه وشتريد جاي اخر الليل

ولج صدك تحجين غير مرتي (بهمس)

اني تعبانه مالي خلك اليوم فوت عليه باجر
.
ولج  شنو باجر تفتحين لا اسمط جدج بهليل

مازال سبيت جدي ماافتحلك الباب

هااا يابه من انسمط جدي همين وياه ارتاحيتي

ههههه لا جدي مينسمط ويه جدك ميحبه خلي ينسمط وحده جدك
.
قصه للكاتبه ذكرى المندلاوي

ههههههه يله مقبوله منج بس حني عليه وخليني انام يمج الليله

فتحت الباب وهي لازمه حلكه من الضحك
كاظم
.

هاي الي ترديهة تسويني مضحكه
.

هاااا هسه صوججي فتحتللك الباب برطمت بطريقه طفوليه وهي شلابسه محضرهة نفسه تعرفه راح يرجع

كاظم

هنوب شاعلته شعل  اليوم لا اسمطهم كلهم عشيرتج وعشيرتي

قصه للكاتبه ذكرى المندلاوي