رواية يوم زفافي الفصل السادس 6 - بقلم ذكرى المندﻻوي

مساء الخير
قصه كوميديه
بعنوان
يوم زفافي
للكاتبه
(ذكرى المندﻻوي)
رهف
على كيفك مو راح انجلط عليمن انت مستعجل هاا عليمن على عريس الغفله تالي وكت اتذكرني الحظ وياه٠٠٠٠
ااااا خخخ هو منين الكيهة من اهلي لو من حظي النحس ام الدايه
(وغمت روحه )
كاظم يباوعلهة ويرجع يسوق عينه مره عليهة ومره على الطريق ومنصدم بهاي المخلوقه العجيبه الي كل شويه باسلوب شكل
رهف
شمالك انت وين صافن مستعجل على موتي لتخاف ما اموت
العار ميموت
كاظم ؟؟؟؟
اي لتصفن
(شوف الله حته وهو يصفن يخبل )
رهف
ماهذا المخلوق العجيب يارهف؟؟؟؟
اهئ٠٠اهئ
وما ادراني٠٠
خرب حظي اني يمكن اتخبلت حته كمت احاجي روحي هنوب فصحى وغمت روحه مره الوخ
كاظم
مو كافي غم بوجهج شنو ذنبه ينغم كل ساع هذا الحلو (ويغمزالهة) ويبتسم
رهف ويه روحه
شابه نار
شوف يالله شوف يصجمني فوكاهة هو اني ناقصه هو بس نظره من عيونه كافي توديني الجزر المالديف
كاظم
هنيالك يكاطوط على حرمتك هه هذا لو يشوف هل العيون هه يمكن ينسى الوراء والي كدامه حتى نسوانه فخريه وكمريه يزتهن بلساكيه ياحلو انت ياكميل (ويغمزلهة)
رهف
منو هذا كاطوط ومنهن فخريه وكمريه صويحباتك لو بنات عمك
هااا (يحجي بخبث )
ماتعرفين زلمتج يالله جا شلون حرمه ماتعرف اسم زلمته
رهف والصدمه ناهيه عليه نهي هو كاظم خﻻلهة مفكه صدمه وره صدمه
رهف
ﻻ عليك الله تحجي صدك لو تشاقه كاطوط وشنو هذا جهره وزفره ورضينه هنوب كاطوط ﻻ والله هزولت بعد لهنا وبس وكف وكف ٠٠٠٠
اني بشاربك
خل اشمر روحي باي ساكيه واطم روحي ولج سجوده ولججج
تعالي شوفي بتج وين جت قسمته وحد من حدرت

اكللك ٠٠٠٠هو انتوا ماخذيني فصليه اي لظل فاك حلكك لطب بيه ذبانه سدهة وجاوبني خاف ماخذيني فصليه وانه ما ادري
كاظم بخبث
تؤ تؤ
يهز براسه ﻻ ما اعتقد انتي مشفتي الزفه الجبيره الي سووهة ولو ما عملتج الخايسه جا شفتي الرمي على اصوله
رهف
هاااا يارمي اتصدك وتامن بالله ٠٠٠٠
شفته وعلى اصوله حتة تاير سيارتنه طك واله شويه اموت بيه الله لو اموتني ولا هل العيشه
كاطوط؟؟؟؟ المعزه والمصخم ؟؟؟
كاظم
ما اسمحلج تغلطين على اخويه
رهف
تبجي وبحركه
مسحت دموعه الي اختلطن بخشمهه بطرف ردانهه
وكالت
اخخخ
ربي انه اسويت بدنياي حتى اتجازه هيج مجازه ؟؟
انا اسويت من غلط شو جايه بطريقي وراده بطريقي
كافيه خيري شري اشعملت حته تذبني هل الذبه كاطوط؟؟؟؟
بنحيب
٠٠٠٠٠
ماطوط مدري شاطوط من شط شطه بحلكك واشتعلت بيه كول امين
كاظم
هههههه
اي انت اشعليك كاعد ومانق عبالك كاعد بعرسك خايب من ام الداني اي والله ام الداني

شحط كاظم ال
السياره وكف امام مزرعه كلش جبيره
داير مداير البيت جبير وحوالينه هم بيوت صغار كلش منظر حلو ريحه الزرع تدوخ والمنظر بعد وﻻ با اﻻحﻻم وكان باستقبالهم
زلم هواي كل واحد وسلاحه
ظلوا يرمون بس شافوا سياره كاظم
كاظم
انزلي
رهف منظر البيت نساهة للحظات همهة وظلت صافنه ومبهوره
كاظم
هله وميت هله بحرمة خيي كاطوط اليوم نسوانه شراح يخلصج منهم
رهف٠٠٠
وسعت عيونه بعد ما رجعت الوعيه
كأنه جانت مقطوعه عن العالم او فقدت الذاكره للحظات
قصص ذكرى المندلاوي