رواية يروقني حبك مهما كان موجعا الفصل السادس 6 - بقلم غير معروف

الماضي........
بعد مرور يومين على وجود اهل علي عند اهل نور ..
علي : بابا شقررتو احنة باچر لازم نرجع ولحد الان ما فتحنا موضوع الخطوبة
ابو علي : ماشي بابا اليوم نفتح الموضوع وياهم
علي : يارب شكرا بابا حبيبي وقبل ايد ابو
ابو علي : يارب تتهنى حبيبي
نور واهلها مشغولين بتجهيز الغدة والاكل نزلت ام علي تساعدهم خلصو نور اتصلت بعلي حتى ينزلون يتغدون اتجمعو اهل نور واهل علي على الغدة ابو نور : يلة اتفضلو
ابو علي : لا احنة ما راح ناكل شي منكم
اهل نور ونور الكل مصدوم من الكلام😮😮😮😮
ابو نور : ليش يا ستار شصاير خوية ابو علي فهمني
ابو علي : اي ابو نور صاير واني وابني وزوجتي مناكل شي اذا متنطونة طلبنة
ابو نور بصدمة: بخدمتك بس شنو طلبك شتطلبنة
ابو علي : راح اگولك طلبي بس اريدك توعدني متسوي مشكلة وية اي شخص من عائلتك
ابو نور : قسم علية و وعد مني ما اسوي مشكلة بس احچي
ابو علي : طبعا احنة اكلنة من زادكم ونمنا ابيتكم واخذتو علينا واخذنا عليكم والمفروض صرنة اهل صح لو لا؟؟؟؟؟؟
ابو نور : على راسي والله واحسن من الاهل ان شاء الله
ابو علي : خوية ابو نور اني اجيت ارجع نور وياي لبيتي ك بنتي وزوجة لابني علي واحنة حابيها على حب الله ورسولة وما حبينا نحرجكم ونحرج نفسنا ونجيب ناس ويانة خاف تردونة ف اني هسا اطلب ايد نور لعلي ابني واتمنى والي كل الشرف بقبولكم

..
نور بصدمة تباوع لعلي علي يباوعلها والضحكة بعيونة نور نزلن دموعها بس دموع فرح وشوگ
.
..
.
ابو نور : والله يا خوية اني اتشرف وعلى راسي والحقيقة فاجأتني بطلبك بس انت تعرف نور مطلقة وعدها اطفال و..
يقاطعة ابو علي : كلشي نعرف لان بناتي صديقاتها ويحبنها ويتمنن يكملن حياتهن وياها ولهالسبب جينة نخطبها لاخوهن.
ابو علي گال هالكلام حتى اهل نور ما يفكرون انو بنتهم خانتهم وحبت علي
ابو نور : والله خوية علي خوش ولد وينحط على الراس بس ما اعرف نور شنو قرارها نور بوية شنو ردچ؟؟؟؟
نور : ساكتة متگدر تحچي
ابو علي : لتحرجها هسا خلي والدتها تعرف ردها شنو
طلعت نور وطلعت ننة وراها وخواتها راحو للمطبخ نور تباوعلهم بصدمة نور : والله العظيم ما عندي خبر ولا لمحلي اصلا
ننة : مو هذا الي جنتي منتظرتة يصير!؟
اختها الصغيرة: لچ نونو صار الي ابالچ مو گتلچ يحبچ يحبچ مبروووووووك😘😘😘😘
اختها الوسطى : مبرووووك حبي والله تستاهلين ينسيچ الضيم والعذاب الي عشتي
نور : وجهالي شلون اكيد ابوهم مستحيل ينطينياهم بعد
ننة : بنتي هو من البداية يعاند بيچ واحنة ما راح نعلن زواجچ منا لمن تتخرجين الله يفرجها راح نخليهم يمنا وانتي بالعطل تعالي هنا والله يفرجها
نور : ما اعرف والله اخاف ياخذهم ويحرمني فد نوب منهم
اختها الصغيرة : نور انتي ما شايفتهم شلون يردون ابوهم لان يرغب بيهم ويكرهم بيچ وشنو تسويلهم همة يردون ابوهم لان يضحك عليهم ويدرس بيهم
نور : ياربي دخيلك عليك اتوكلت وانت ارحم الراحمين يارب
ننة : يعني موافقة كلللللللوووووووووووش
نور : يا يا سكتو شبيكم فشلة
علي سمع الهلاهل گلبة راد يوگف من الفرح ابو نور: مبروك عمو مبروك
گامو سلمو على بعض وهلهلو ورجعت نور سلمت عليهم وقرو الفاتحة واتغدو وبعد الغدة بدو يتفقون على التجهيزات وعلى وضع اطفال نور
ف اتفقو انو الزواج يصير بعد امتحانات المرحلة الثانية وانو نور كل فترة تنزل لاهلها تشوف اولادها وتطمن عليهم وتسكن يم اهل علي واتفقو ثاني يوم يكتبون كتاب نور وعلي قبل ما علي يرجع لبيتهم بدو يجهزون ويتحضرون لكتب الكتاب
.........
كتبو كتابهم هلاهل وفرح ودموع نور ما وگفو وعلي طاير من الفرح ام علي : خلي نتركهم شوية يسولفون وحدهم
ننة : يلة اتفضلو برة خلوهم وحدهم
طلعو الكل بقت نور وعلي بس
نور حرارتها ارتفعت گلبها ينبض بصورة سريعة وعلي ميت من الفرح.لزم ايد نور قبلها
علي : نور شيلي راسچ باوعيلي
نور : ترجف ومترد
علي : امممم شو متسمعين كلام زوجچ
نور : عيونها بالارض ردت على علي بصوت هادىء: نعم
علي : ولچ باوعيلي لا اكلج هسا
نور باوعتلة بعيون تدمع ومستحية وفرحانة حضنها علي حيل وهمسلها....
علي : كلش فرحان احس نفسي اسعد شخص بالكون
نور : ليش ما گلتلي ليش خليتني احبك وحدي
علي : ما ردت اخسرچ قبل ما تصيرين حلالي
نور : علي اني بحلم ؟؟؟؟
علي يضربها كف خفيف على وجنتها ويضحك : لا مو حلم تريدين ابوسچ حتى تتأكدين😂😂😂
نور : لا لا اتأكدت😊😊😊
بقو يسولفون ويضحكون وفرحانين الكل
ثاني يوم رجعو اهل علي لبيتهم ونور بقت تخلص العطلة يم اهلها واطفالها واستمرت تتواصل وية علي ليل نهار لحد ما خلصت العطلة ورجعت للجامعة وبدت فصل دراسي جديد وعلي نفس ما چان يروح ويطلع ويتغدة وياها وصارت بصورة اكثر بس بقو حافظين حدودهم الى ان يوم من الايام......
....
..
..
....
الحاضر ........
منتصف الليل :...... نور : حبيبي يلة انام؟؟
علي : يلة حبيبي اني نعسان هواي اريد ڤاليومي😘😘
يتقرب لنور يحضنها ويرفعها ياخذها للسرير ينام قربها ويحضنها حيل ويقبل بيها ونور تضحك وتبعدة لكن علي محاوطها بكل قوتة..علي : حبيبي يلة احچي خلي انام
نور : ماشي حبيبي يلة نام گلبي وقبلتة من وجنتة😘
علي : لك اوووووي قلبي فديتك😘😘😘
نور بخجل مجنون وبدت تسولفلة لحد ما نام وهي قبلتة ونامت
...
..
..
...
..
....
الماضي : قبل انتهاء الفصل الدراسي لنور بأسبوع نور تتغدة يم بيت اهل علي وعلي جالس يمها ويشوفها صور بتلفونة وهي تقلب بالصور فجأة توصل رسالة لعلي من شخص...
الشخص : علي اني مشتاقتلك هواي ما اتصورت راح ترتبط وتنساني اني راح انفصل عن زوجي واخذ كلشي ونتزوج رد علية ضروري لتتزوجها ارجوك
نور بصدمة تباوع لعلي وعلي يباوعلها لان اثنينهم قرو الرسالة نور تتجمع الدموع بعيونها بس تحاول تتحكم بنفسها حتى اهل علي ما ينتبهون تبتعد من علي علي يلزم ايدها تبعد ايدة بهدوء وتروح للمطبخ
نور : عمة اني صار لازم ارجع للسكن
ام علي : حبيبتي انتي على راحتچ بس ديري بالچ باچر نطلع نجهز للزواج
نور : بغصة ان شاء الله عمة يلة اشوفكم على خير مع السلامة
ام علي والبنات : مع السلامة
تروح نور لعلي تشوفة يكتب بالموبايل وابو واخوانة يمة نور : عمو اني صار لازم ارجع للسكن بعد اذنك
علي ينتبه لنور يسد التلفون ويطلع للسيارة قبلها
ابو نور : في امان الله بنتي
ودعتهم نور وطلعت صعدت بالسيارة علي حرك السيارة واتوجه للسكن طول الطريق الصمت سيد الموقف نور منتظرة علي يسولف وعلي ميت قهر لان حبيبتة السابقة هيچ سوت وقهرت نور بس ميبين على نفسة وصلو للسكن نور: باچر العصر اكون جاهزة حتى نطلع نجهز للزواج واذا تراجعت عن قرارك وديلي مسج على واتساب مع السلامة
علي : نور انتظري شنو تتراجع عن قرارك
نور : ما اريد اسمع حچي وقصص عندك شي عكس كلامي اثبتة الي
تتركة وتدخل للسكن علي يشتعل غضب ويفتح التلفون ويكتب رسالة لحبيبتة السابقة
الرسالة::( استحي وانسيني لان اني رجال متزوج واذا تجاوزتي حدودچ اني اروح لاهلچ اسولفلهم )
علي صدوگ ما يحبها لان هو حب نور حب حقيقي مو حب مراهقة.......

انتهى البارت السادس ياريت يعجبكم😊😊😊