رواية زواج من أجل المال الفصل الأول 1 - بقلم سولييه نصار

أنت جاي تقول هتتجوز عليا ومفروض اسكت يا طاهر ؟؟
قولتها وانا بحاول اكتم دموعي …كان صعب عليا بس سنين العشرة دي كلها أن جوزي يجي ويقولي هيتجوز عليا ومفروض اتقبل ده واتقبل اللي بيقوله…عشر سنين جواز وطفلين ومتحملة كل حاجة …وقفت جنبه ..بنينا بيتنا سوا …اشتلغت في الشركة اللي هو شغال به .شركة خدمة عملاء كان هو موظف وعشان أنا مكملتش تعليمي كنت شغالة تبع كافتيريا الشركة ….والدنيا كانت ماشية …بس بعدها لاحظت قُرب غريب بين طاهر ورانيا المديرة بتاعته …واحدة مش من توبنا….غنية اووي وكبيرة اووي….أكبر منه بعشر سنين تقريباً …فمحطتش في بالي ….رغم أن الكل بدأ يتكلم عنهم …حتى زمايلي اللي شغالين معايا نبهوني عشان جوزي ….بس انا كنت واثقة فيه …مستحيل يعمل فيا كده بعد كل اللي مرينا بيه …مستحيل !!!..
بس المستحيل حصل وهو واقف قدامي بكل برود بيقولي هتجوزها ….
-طلقني لو عايز تتجوز أنا مش هشارك في القر.ف ده !
قولتها بقوة ….
مسك دراعي وقال ؛
-افهمي يا غبـ.ية…الست غنية خالص وهتعيشني عيشة مرتاحة ….وانا بعمل كده عشانكم. عشانك يا شيماء وعشان مريم وسيف …
-أنت بتعمل كده عشان نفسك …حرام عليك يا طاهر عايز تتجوز عشان الحريم تصرف عليك …انت عارف انت في نظري بقيت ايه دلوقتي !أنت واحد ر.خيص ملكش عازة … آه….
صر خت بصدمة لما ضر.بني بالقلم ….
-طاهر …
قولتها بخو.ف وانا خايفة اولادي يصحوا يطلعوا من الاوضة على الصوت ….
بس هو كان متعـ.صب اووي …مسكني من شعري وبدأ يضر.ب فيا ….حاولت مصرخش وقعدت ابكي وانا مش مصدقة أن اللي حبيته عمل كده فيا …..
-بابا …سيبها ….
قالها سيف الصغير وهو بيحاول يبعده عني ….ومريم كنت شايفاها بتعيط ….
بعد عني اخيرا وهو بينهت….كان شعري متقـ.طع في ايديه….وشفايفي بتنزل د.م ….
-متخافوش يا حبايبي …
حاول يقرب من مريم وسيف بس بعدوا بخو.ف ….نفـ.خ بضيق وطلع من البيت ….قربوا اولادي مني وهما بيعيطوا وحضنتهم وانا بقول وانا بحاول اتماسك ؛
-انا كويسة …كويسة يا حبايبي