رواية زواج تحت سلطة العائلة — الفصل 15 — بقلم يارا محمد
رواية زواج تحت سلطة العائلة الجزء الخامس عشر 15 بقلم يارا محمد
زواج تحت سلطة العائلةرواية زواج تحت سلطة العائلة الحلقة الخامسة عشر
الخبر اللي مستنيه مهران وصل ليه و ضحك بجنون و بص ل جلال .
اغدر باللي هيستلموا مش عايز الفلوس توصل ليهم البضاعة و الفلوس يبقوا معاك هستناك ف العربية .
جلال نفذ كلام أبوه و اخد السلاح و المخدرات و شنطة الفلوس و مشي أما في فيلا الشرقاوي الخبر وصل ل ريان و وجيه .
ريان بصدمة
ازاي ده حصل كده كتير جدك باين عليه اتجنن هو اكيد اللي عمل كده فيهم مراتك فين .
وجيه
معرفش مش شفتها من اول الصبح و بتصل بيها محدش بيرد يا ابويا .
ريان
وجيه سيب العيلة دي يا ابني انا اللي بقولك سيب كل حاجة وراك و خد مراتك و امشوا خايف عليك من مهران ل شره يطولك اااه.
وجيه
مالك انت كويس حاسس ب أية .
ريان بألم
مش عارف ف أية حاسس اني جنبي بيتالم بشدة و كمان في أثر لحقنة مابقتش فاهم حاجة فين يوسف .
وجيه
حابس نفسه من ساعة جنازة هادي انت عارف كانوا صحاب ازاي .
وهما بيتكلموا البوليس دخل و ريان و وجيه قاموا ليهم باستغراب .
وجيه
خير يا حضرة الظابط ف حاجة و لا أية .
الظابط
مهران بيه متهم بـ التجارة ف السلاح و المخدرات و كنا محتاجينه.
وجيه
بس جدي مش بيتاجر ف الحاجات احنا ناس شغلها مظبوط مين اللي بلغك بكده .
الظابط
اللي بلغنا ب تكون ليلي الغول حفيدة سليمان اللي بيته اتحرق بعياله النهاردة .
وجيه بصدمة منها .
هي بتكذب حضرتك هو في مشاكل فعلا بينا لكن مش توصل ل تهمة زي كده احنا اسفين بس جدي شغله مستقيم .
الظابط مشي و وجيه اتعصب منها و توعد ليها لما تظهر ف المخزن اللي مخطوفة في ليلي مهران دخل ليها وهي مش حاسة بحد وقف قدامها و رفع وشها ليه بقسوة .
مهران
كنتي عايزة تبلغي عني يا ليلي اديكي بتدفعي التمن انا بشتغل الشغل ده من سنين محدش قدر يمسكني ولا حد هيعرف و كنتي عايزة تبلغي ريان ب الحقيقة ده انا اقتلك قبل ما تنطقي حرف .
ليلي بوجع
انت مجنون مش طبيعي ابدا ده ابن بنتك ليه حرمته من الحق ده طول السنين دي لي بتعامله بــ انانية و قسوة .
مهران بصراخ
لاني كل ما بشوفه افتكر أن واخد ملامح جواد عمك و أن بنتي عصتني و اتجوزت من عيلة الغول تعرفي مين اللي دلني ع طريقها ف يوما عمك جواد ابوكي و عمك .
ليلي بصدمة
مستحيل ابويا يعمل ف اخوه كده انت واحد كداب و مريض نفسي عايز تتعالج .
مهران بضحك
قولي اللي انتي عايزاه انا النهاردة قضيت ع الكل الباقي من عيلتك ماتوا حرقت القصر بيهم بعد ما ضربتهم بالرصاص مش بقي ف عيلتك غيرك .
ليلي كانت بتصرخ بهيستيرية شديدة و كانت بتشد ف الحبل اللي مربوطة بيه لكن تألمت و هددت مهران بقتله أما هو ضربها بالقلم خلاها وقعت بالكرسي ل ورا بقوة و تألمت .
مهران
عن اذنك بقي زمان مفعول السم بيبدا ع ريان هخليه مشلول .
مشي و هي حاولت تفك نفسها لغاية ما نجحت مسكت عصابة كبيرة و خرجت ل برة ضربت الحراس كلهم و خرجت من المخزن و فضلت تجري .
اما مهران رجع البيت و شاف ريان كان بيتالم و قرب منه ببرود .
مهران
خير انت كويس ؟!
ريان بألم شديد
لا انا بتوجع اوي هروح اخد مسكن .
ريان كان هيمشي لكن حس أن أعصابه خانته ووقع ع الأرض .
يوسف و وجيه نزلوا و شافو ابوهم واقع و مهران واقف من غير حركة .
…