تحميل رواية زوج امي يطاردني بقلم مصطفى جابر pdf

ر

كويس انك جيتي بدري ليكي عندي خبر هيفرحك انا اتجوزت.

كارما بصدمة: إيييي؟ اتجوزتي إزاي يماما وازاي تتجوزي بعد العمر ده كله وخصوصا وانتي في السن ده؟

سناء ببرود: هو حرام يعني؟ انا ست وعندي مشاعر ولا هو ممنوع أعيش حياتي زي باقي الخلق .

كارما بغضب : حياتك اي ومشاعر اي ده بدل ما تقولي لنفسك انا عندي عروسة علي وش جواز وتجوزيها وتفرحي بيها الاقيكي تتجوزي انتي.

.. فجأة الباب بيتفتح بيدخل جوز سناء شاب صغير شكله قريب من سن كارما..

كارما باستغراب: إيه ده انت دخلت ازاي مين اداك المفتاح.

سناء ببرود: انا اللي عطتهوله... احب اقدم لك معتز جوزي.

كارما مصدومة: العيل ده جوزك يماما؟ مش ده اللي اتقدملي زمان وانا رفضته وطردته؟ ده قدي يا ماما... ماما قولي انك بتهزري.

معتز بابتسامة : مساء الخير يا كرملة .

كارما بقرف: كرملة اي غور اطلع برا مشوفش وشك هنا تاني.

سناء بغضب : كارما خدي بالك من كلامك ده جوزي و لازم تحترميه انا خلاص مش هسيب حد يتحكم في قراري حتى انتي.

كارما بدموع: هونت عليكي تجيبي راجل غريب وتدخليه بيتنا وتنيميه علي فرشةأبويا الله يرحمه اللي ضحي بعمره عشانك.

سناء بزعيق : أنا حرّة فاهمة انا حرّة وحياتي ملكي أنا وبس لا انتي ولا غيرك ليكم دعوة.

كارما بغضب: انا مش هسكت وهكلم خالي يتصرف معاكي ومع الواد اللي سحبهولي دا

كارما بتتصل علي خالها..

كارما بدموع : الو يا خالو تعال شوف أمي اتجوزت عيل قد بنتها وعاوزاه يعيش معانا تعال اتكلم معاها.

خالها ببرود : وانا مالي أنا مش طايقكم من الاساس اولعوا بعيد عني لا انتي ولا أمك تخصوني.

كارما بصدمة: يعني ايه ملكش دعوة دي أختك.

خالها بقرق : بقولك اي يا كارما انا لا فاضي ليكي ولا لأختك ولا لمشاكلكم دي اللي عايزه تعيش تعيش واللي عايزة تولع تولع .. قفل السكة في وشها..

.

سناء بسخرية : اهو شايفة كله مش فارق معاه اتقبلي بقى الحقيقة وعيشي معانا.

كارما بغضب : مش هقبلها يا ماما.

معتز بخبث وهو باصصلها : بصي يا حبيبتي اعتبريني أبوكي أو حتى أخوكي الكبير.

كارما بغضب : أبويا اشرف من واحد زيك يا عيل انت انا عارفة انك جاي هنا طمعان في أمي وفلوسها أنا مش عبيطة.

معتز بزعل تمثيلي : إيه الكلام ده يا كارما ازاي تقولي عليا كدا أنا بحب أمك بجد و عمري ما بصيت علي سن ولا شكل ده عارف انك مستغربة كلامي بس الحب ميعرفش سن .

كارما بزعيق: ميعرفش سن يا حرامي يا نصاب.

معتز بخبث : سناء انتي إزاي تسمحيلها انها تهني كدا قدامك.

سناء بزعيق ل كارما : بس كفاية قلة أدب وخشي اوضتك.

كارما بدموع : ماما اصحي ده بيلعب بيكي هيلعب عليكي شوية وبعدين يرميكي انا متاكدة.

سناء بعصبية : اخرسي قطع لسانك أنا عارفه أنا بعمل إيه ومش محتاجة دروس منك.

معتز بخبث : لو هي مش هتحترمني يا سناء يبقى أنا مش هقدر أعيش هنا وهمشي.

سناء بغيظ : لأ طبعا مش هتمشي ومحدش يقدر يهينك طول ما أنا موجودة.

كارما بقرف: لو انت راجل بجد امشي..

.. كف قوي بينزل علي وشها من امها...

سناء بصوت عالي: لمي نفسك أنا اخترت حياتي وخلاص لو مش عاجبك الباب يفوت جمل.

كارما حاطة إيدها على خدها بصدمة والدموع في عنيها: انتي ضربتيني عشان خاطره يا ماما انتي عمرك ما عملتيها.

سناء بقرف: عشان كنت فاكراكي متربية وهتحترمي كلامي لكنك بتقلي ادبك علي جوزي يبقا لازم اربيكي من الاول.

كارما بدموع : خلاص يا ماما انتي اللي اخترتي.

.. بليل..

معتز كان قاعد على السرير ماسك الموبايل بيكلم صاحبه بصوت واطي..

ممعتز بخبث: اسمع يا صاحبي أنا عملت الصح واتجوزت أمها.

صاحبه بصدمه: اي اتجوزت أمها هو انت اتجننت ولا إيه يا معتز هو علشان مقدرتش تتجوزها فا تروح تتجوز امها؟

معتز بخبث : يغبي افهم أنا عارف أنا بعمل إيه كويس كارما دي زمان رفضتني وعملت عليا دور البنت الشريفه لكن دلوقتي الوضع اتغير وهقدر اقرب منها غصب عنها.

صاحبه بخبث: يعني اتجوزت العجوزة دي عشان توصّل للبنت دا انت دماغك عالية.

معتز بمكر : اومال فاكر اي امها هي المفتاح طول ما أنا في البيت هعرف أقرب لبنتها وهخليها تحت عيني 24 ساعة .

صاحبه باستغراب : طب افرض امها عرفت هتولّع الدنيا وكل اللي عملته يقع في الارض.

معتز ببرود خبيث: امها مش هتصدقها دي ضربت بنتها النهارده علشاني سناء شايفة إني مظلوم وهتفضل تصدقني وانا عاملها غسيل مخ جامد .

صاحبه بضحكة شيطانية: يعني مأمن ظهرك كويس .

معتز بمكر : أيوه وأنا مش هسيبها هعمل المستحيل عشان أوصل لكارما وهتسلى بيها زي ما كان نفسي من زمان.

صاحبه بهدؤء : طب وامها ناوي ليها علي اي.

معتز ببرود : هافضل ألعب الدور قدامها العاشق المخلص الستات في السن دا بتحتاج احتواء ودلع وحب وطول ما هي شايفاني بعاملها كده هتثق فيا اكتر ومش هتشك فيا.

.. بعد المكالمة خلصت فجأة الباب اتفتح وكارما دخلت و عينيها مليانة غضب..

كارما بغضب : عرفتك على حقيقتك يا واطي كنت عايزني أنا من زمان ولما رفضتك رجعت اتجوزت أمي عشان تقرب مني.

معتز ببرود : وأهو عرفتي ها وبعدين هتعملي إيه.

كارما بغضب : هفضحك يا معتز و هقول لأمي علي كل اللي حصل وهخليها تشوف حقيقتك القذرة.

معتز بيولع سيجارة ويمثل الهدوء: روحي دلوقتي وقولي لها انتي فاكرة انها هتصدقك يعني يا غبيه دي ضربتك عشاني النهارده وعندها استعداد تطردك كمان لو معجبكيش الوضع .

كارما بجمود : لأ المرة دي هتصدقني هوريها حقيقتك بنفسي وهتندم إنها اختارتك.

معتز بيقرب منها بخبث: طب لو جدعه روحي دلوقتي صدقيني ممكن تطردك فيها ده بعد ما تضربك وتمسح بيكي الارض وانا هلبسلها وش المظلوم وهتصدقني وهقولك قدامها بطلي ظلم حرام عليكي ولو معاكي دليل أثبتي

كارما بقرف : جايز تكون مسيطر علي عقلها في الوقت الحالي لكن صدقني هييجي وقت وهفضحك فيه قدامها أنا مش هسيب حقي وهخلي أمي تشوف وشك التاني اللي بتحاول تخبيه.

معتز بسخرية: امتي وفين والساعة كام عشان اعمل حسابي.

كارما خرجت بقرف..

معتز بسخرية: هنشوف مين فينا اللي هيفضح التاني..

.... تاني يوم...

معتز دخل اوضة كارما ببرود..

معتز بخبث: يلا قومي بقى يا حلوة الشمس طلعت.

كارما بخضة : إيه ده إنت دخلت أوضتي إزاي.

معتز ببرود وهو بيسند على الدولاب: إيه يعني لما ادخل البيت بيتي وجيت أصحيكي علشان تفطريني علشان امك لسه نايمه والنهاردة تعتبر صباحيتنا.

كارما بزعيق : غور اطلع برا يا سافل يا حقير اطلللع واياك تخش عليا الاوضه تاني

سناء دخلت باستغراب..

سناء باستغراب : في إيه صوتكم عالي اوي ليه.

كارما بغضب: تعالي يا ماما شوفي جوزك دخل عليا وأنا نايمة وبيقولي قومى حطيلي افطر علشان النهاردة صباحيتكم ه

سناء بهدوء : عادي يا بنتي ده زي اخوكي وحاليا هو جوز امك يعني في مقام ابوكي ولازم تسمعي كلامه ده مقامه من مقامي دلوقتي.

كارما بصدمة : إيه انتي بتشبهيه بأبويا.

سناء ببرود: أيوه اعتبريه مكانه واي حاجه محتاجاها هو هيجبهالك

كارما بحزن: ماشي يا ماما هكون خدامه عندك انتي وجوزك بس لو دخل اوضتي تاني انا هلم عليكم الناس.

معتز بخبث: مش هدخل ياختي متخفيش انا عيني ميملهاش غير مراتي حبيبتي نور عيني ولا اي يا سوسو.

سناء بدلع: صح يا قلب سوسو انزلي هاتي الفطار يلا متتاخريش..

... بعد شويه...

كارما نازلة لاقت جارتها واقفه لها بقرف: ازيك يا كارما امك عامله اي مع العريس الجديد سمعت انه من دور عيالها.

كارما بهدؤء: ملهوش لازمه الكلام دا يا ام فتحي.

ام فتحي بسخرية: انتي نسيتي لما جيت اطلب ايدك منها لأبني ورفضت عشان قال اي ابني لسه شاب صغير... اهي امك طلعت ميملاش غيرها غير الصغيرين الحمدلله ربنا نجدنا منكم.

كارما بغضب: انا مسمحلكيش تتكلمي عن امي ب نص كلمة و ابنك اترفض عشان سمعته اللي في الارض اللي بيبع مخدرات وقرف وامي مرضتيش تقول عشان مش عاوزين مشاكل وقرف منكم وسعي كدا.

ام فتحي بغل: قرف احنا قرف يا عيله متسواش.

كارما زقتها: اللي ميسواش هو انتي وابنك اللي قريب هتزوريه بعيش وحلاوة في السجن قولي يارب.

.. بعد يومين..في الصالون..

معتز بتمثيل : على فكرة أنا مش عارف أقولك ولا لأ.

سناء بقلق: تقول اي يا معتز في حاجه مزعلاك.

معتز بخبث : بنتك أنا مش مرتاح لتصرفاتها بقت بتعمل حاجات غريبة.

سناء بذهول: غريبة ازاي ما تنطق يا معتز انت هتنقطني بالكلام.

معتز بهدوء وخبث: هي كل يوم بالليل وانا سهران بسمع صوتها قاعدة في أوضتها بتتكلم وبتضحك في التليفون وتقعد تتمايص اوي ولما بتسمع حد مقرب من اوضتها تقفل علطول .

سناء بصدمة: إزاي يعني وهتكون بتتكلم مع مين.

معتز بمكر : مش عارف بس تركيزها في التليفون اوي يجنن وكمان طريقتها مش عاجباني شكلها ماشيه مع حد.

سناء بصدمة : لا مستحيل كارما متعملش كد عمرها ما تخون ثقتي فيها ابدا.

معتز بخبث وهو بيقرب منها: يا حبيبتي أنا جوزك وخايف عليكي اه والله خايف بنتك تجيبلك العار زي بنات الايام دي اسأليني انا لاني عارف طريقة تفكير الجيل دا اومال انا حبيتك لي تصدقي بالله دي من كتر ما تصرفاتها غريبه مبقتش بتكلمني وحش زي اول ما جيت هنا وشافتني

سناء بصدمة : لا لا يا معتز اكيد في سوء تفاهم مش معقول بنتي انا تكون ماشية بطال دا انا تعبت في تربيتها اووي .

معتز بخبث : التربية حاجة والسلوك حاجة تانية البت شكلها خرجت عن السيطرة ولازم تلحقيها قبل ما الفاس تقع في الراس يام كارما وبصراحة يا حبيبتي في حاجة أخطر من كدا.

سناء بخضة: أخطر إيه تاني.

معتز و عامل نفسه محرج وبيستفز سناء : بردو خايف تتخضي وتزعلي اكتر وانتي زعلك يهمني بس بردو لازم تعرفي.

سناء بعصبية: اتكلم ما تخلينيش أتجنن.

معتز بمكر : سمعتها وهي بتكلم صحبتها انها عاوزة توقعني في حبها بس قولت اطنش لكن مينفعش .

سناء واقفت بصدمة وغضب: إيه إنت بتقول إيه.

معتز بسرعة وبهدوء : أنا مش كداب يا حبيبتي أنا بحكيلك اللي بسمعه كل مرة تبصلي بعيون مش طبيعية وغمز وكل ما أطلب منها حاجة تعملها وهي مبسوطه أنا بدأت أخاف خايف تفتكري إني أنا اللي غلطان ولا اكون ببصلها وعيني منها..خايف تفكيرك يوصل لكده ومسير الايام تثبتلك كلامي وأنا والله العظيم بحبك إنتي وعمري ما أبص لغيرك بس هي شكلها عاوزة تخطفني منك.

سناء بغل : البت دي انا لازم اوديها ل اهل ابوها يربوها طالما عاوزة تخرب لي حياتي.

معتز بخضة: لا لا اوعي كده هيقعدوا يتكلموا عليكي انك معرفتيش تربي ورميتي بنتك ليهم وسلايفك القدام يقعدوا يتكلموا عنك كلام ميتقالش.

سناء بغيظ؛ عاوزاني اسيبها تضيع اكتر وتضيعني معاها.

معتز بخبث: سبيني انا اربيها ولا اقولك عشان متصعبش عليا لاني قلبي رهيف احبسيها في اوضتها وخدي تليفونها.

سناء بغيظ: انا هعمل كدا فعلا.

معتز ببرود شيطاني: اوعا تصعب عليكي بنتك مش بريئة زي ما انتي فاكرة أنا بقولك عشان تبقي واخدة بالك وتلحقيها.

في اوضة كارما..

كانت قاعدة على السرير ماسكة كتاب فجأة الباب يتفتح بعنف وسناء داخلت وعينيها كلها غضب..

سناء بغضب : قومي كدا يا روح امك.

كارما باستغراب: في اي يا ماما مالك متعصبه لي.

سناء بغضب: متعصبة انتي لسه شوفتي عصبيه هو إنتي فاكرة إني مش عارفة انك بتلعبي من ورايا يا بنت عتمان.

كارما بذهول : بلعب اي انا مش فاهمه حاجه.

سناء بغل: ما تستهبلّيش انا عرفت كل حاجة عرفت إنك بتسهرى مع واحد عالتليفون كل ليلة وكمان بتقعدي تضحكي وتتدلعِي على جوزي بقيتي مش كويسة للدرجة دي.

كارما بصدمة: إيه الكلام الفارغ ده انا معملتش كدا وانا أتدلع على جوزك ليه هو انا بطيقه اصلا.

سناء بتزعق أكتر: ما تكذبيش هو بنفسه قالي كده وقالي انه بيشوفك بتغمزيله وتبتسميله وسمعك وانتي بتكلمي صحبتك وانتي بتقوليلها انك هتوقعيه في حبك.

كارما بصدمة :

انا عرفت كل حاجة عرفت إنك بتسهرى مع واحد عالتليفون كل ليلة وكمان بتقعدي تضحكي وتتدلعِي على جوزي اللي عامله نفسك بتكرهيه قدامي لكن من ورايا بتعملي حجات تانيه للدرحادي بقيتي بالقذارة دي؟.

كارما بصدمة: ينهار اسود كلام اي ده.. إيه الكلام الفارغ اللي بتقوليه ده يا ماما انا معملتش كدا

سناء بزعيق: ما تكذبيش هو بنفسه قالي كده ومقدرش يخبي عليا وقالي انه بيشوفك بتغمزيله وتبتسميله وسمعك وانتي بتكلمي صحبتك وكنتي بتقوليلها انك هتجري رجله وهتوقعيه في حبك.

كارما بدموع: وانتي صدقتيه يا ماما؟ صدقتي الكداب اللي بيلعب بيكي وعاوز يوقع بينا.

سناء بغضب بتضربها بالقلم : إخرسي جوزي ضفره برقبتك فاهمه.

كارما حاطة إيدها على خدها ودموعها نازلة: انتي بتمدي ايدك عليا تاني علشانه يا ماما؟ انتي إزاي تصدقيه هو وتكدبيني ..

.. سناء بتمد إيدها وتاخد موبايل كارما من على السرير...

سناء بعصبية: من النهارده مفيش تليفون ومفيش خروج من البيت انا من النهاردة هحبسك هنا لحد ما تتحوزي وتغوري من هنا

كارما بانهيار : والله العظيم ما عملت حاجة والله انا بريئة ورحمة بابا صدقيني

كارما بجبروت : كفاية تمثيل أنا خلاص شوفتك على حقيقتك.

... معتز واقف عند الباب بيضحك في سره وهو بيتفرج على اللي بيحصل ببرود...

كارما بجمود : مامااا صدقيني انا تربيتك معقول اعمل كدا دا شيطان ووقع بينا متصدقهوش .

سناء بجمود: عيطي ومثلي مش هصدقك وبعد كدا هعاملك اقل من الخدامين علي الاقل هم احسن منك يارب تغوري واخلص من قرفك.

كارما بصت لها بصدمة ودموع...

خرجت سناء بقسوة وسابتها واقفه بتعيط...

بعد شويه..

دخل معتز بخطوات خبيثة..

معتز بتمثيل شفقة: إيه ده إنتي بتعيط؟ حرام والله شكلك صعبان عليا

كارما بغيظ: إنت خربت حياتي إنت اللي بتوقعني مع أمي بس والله العظيم ما هسكتلكم من النهاردة وهعرف افضحك قدامها.

معتز بسخرية: تاني لسه عايزه تعاندي علشان امك تكسرك قدامي تاني يا كارما هو انتي مش شايفه امك بتعاملك ازاي؟ لو عايزه الموضوع ده ينتهي يبقي بشرط نتجوز انا وانتي وهطلق امك... ولو رفضتي هخلي سمعتك في الطين.

كارما مصدومة: إيه إنت مجنون مينفعش القرف اللي بتقوله دا اصلا حراام

معتز بهوس: لا ينفع والقرار في ايدك و علي فكره سمعتك مش هتبقي في الطين هنا لا في الشوارع و الناس كلها تعرف.

كارما بقرف: انت اكدت لي انك مجنون فعلا بس لعلمك الناس عارفة حقيقتك القذرة.

معتز بنفس النبرة: غلطانه الناس ما بتصدق تلاقي حاجه تلهي بيها وقتها هتكوني لبانه يمضغوها وبكلمة مني هخلي امك ترميكي في الشارع

كارما ضربته بالكف : برا عمري ما هكون معاك الموت اهون لي اني اكون مع واحد زيك .

معتز بخبث : مقبول منك الكف ضرب الحبيب زي اكل الذبيب يا روحي هتشوفي يا كرملة ةكل ما تعاندي معايا اكتر كل ما هزود اللعبة عليكي.

كارما بغضب: حسبي الله ونعم الوكيل.

خرج وحدف ليها بوسه في الهوى وهي بصت له بقرف...

.. بليل..

الباب بيخبط وسناء بتفتح تلاقي بنت ما واقفه بدلع..

سناء باستغراب: إنتي مين يابنتي عاوزة حاجه.

البنت بابتسامة جريئة: هو جوزك هنا صح فين بقا أنا جاية أشوفه.

سناء بصدمة وغيرة : جوزي انا؟عايزاه ليه وتعرفيه منين إنتي .

البنت بخبث: ده حبيبي بقالنا فترة مع بعض وهنتجوز قريي هو مقلكيش ولا اي ؟.

سناء بصدمه: إيه الكلام ده إنتي بتخرفي تقولي اي يا مجنونه غوري من هنا روحي ارمي بلاكي علي حد غيرنا

البنت ببرود : مجنونة إيه وبلاي اي ده بيضحك عليكي ده بتاع بنات اسأليني انا وهو بيلعب بيكي مش اكتر.

... في اللحظة دي معتز بيطلع عالصوت ويتجمد مكانه .

معتز بتوتر: انتي انتي إيه اللي جابك هنا.

سناء بعصبية وهي بتشاور عليها: إنت تعرفها يا معتز؟ دي بتقول إنك حبيبها وهتتجوزو قريب!..

البنت بخبث: وحشتني يا معتز مبتردش عليا لي.

معتز بتوتر: حبيب مين انا اول مرة اشوف البنت دي اصلا.

البنت بدلع: اخص عليك يا زوزو بتتبري مني نسيت كل اللي بينا عشان العجوزه دي.

سناء بغضب: عجوزة في عينك قليلة الحيا قسما بالله لو ممشيتي من هنا حالا لتصل بالشرطة تيجي تاخدك

خرجت كارما بقرف: شوفتي حقيقته بعينك يا ماما علشان تصدقيني

معتز بخبث: اااه هو الموضوع كده بقي انا فهمت اللعبه يسعاد دي اكيد متفقة مع بنتك عاوزين يوقعوا بينا عشان عرفتك حقيقتها اه والله .

سناء بصت لكارما بعضب :

كارما بصدمه : محصلش والله اوعي تصدقيه الحقيقه قدام عينك اهي والبنت دي حبيبته وهو لما لاقي نفسه اتكشف قال يلبسهالي انا

معتز بيقرب من سعاد بخبث : والله العظيم أنا بريء بنتك مش عايزاني أعيش معاكي وعايزه تطفشني بأي طريقة وجابت البنت دي عشان يمثلو عليكي ويخربو حياتنا بتنتقم مني قدامك وانتي واقفه ساكته يا سعاد.

سناء بغضب: عندك حق اكيد بتوقع بينا ..بصت للبنت.. إخرجي من هنا يا قليلة الأدب مش ناقصة قرف..

البنت بقرف: براحتك انا اللي عندي قولته.

مشيت بقرف..

سناء ل كارما: موتي بغيظك مش هتوقعي بينا مهما عملتي

معتز بيمثل إنه بيعيط قدام مراته: شوفتي بقي إزاي بيحاولوا يوقعوا بينا أنا عمري ما خونتك ولا هفكر في غيرك.

سناء بحب: صادق يا روحي وانا واثقه فيك.

دخلت اوضتها..

كارما بذهول: للدرجة دي م شايفه قرفه ولا شايفه اللعبه اللي بتتلعب عليكي هو اي ساحرلك

... بليل...

كان عامل كوبية عصير حط فيها منوم ودخلها

دخل معتز اوضة كارما بخبث: كنت حاسس انك منمتيش .

كارما بخوف : طب اتفضل اطلع برا ميصحش اللي بتعمله دا.

معتز بصوت واطي وخبث: اي اللي ميصحش دا انا جاي أقعد معاكي شوي اهو نسلي بعضنا وما تقلقيش مامتك مش هتصحى خالص دلوقتي .

كارما باستغراب : إزاي يعني مش هتصحى دلوقتي انت عملت اي ل امي.

معتز بخبث: حاجة بسيطة خالص حطيتلها منوم في العصير دلوقتي البيت لينا لوحدينا و نعرف نتسلّى برحتنا.

كارما بعصبية: إنت مجنون إطلع برا أوضتي فوراً عشان مصرخش والم الناس.

معتز بيقرب بخبث : ما تعمليش نفسك شريفه اوي أنا عارف إنك عاوزاني من زمان ودي فرصتك متضيعيهاش

كارما بترجع لورا بخوف: ابعد عني الحقوني حد يلحقنييي.

معتز بيحاول يقرب منها ويمسك إيدها: بلاش تعاندي مفيش حد هينقذك من تحت ايدي.

.. كارما مدت إيدها بسرعة ومسكت فازة كبيرة من الترابيزة جنبها و بترفعها بكل قوتها وتنزلها على دماغه...

وقع معتز علي الارض سايح في د'مو وهي طلعت تجري علي اوضة امها..

كارما بزعر: ماما اصحي يا ماما.

لارد.

جريت علي برا بخوف..

كارما بدموع: يا رب يا رب أنا ما كانش قصدي اخلص عليه والله يارب اروح فين دلوقتي ..

بعد شويه...

بتخبط علي بيت عمها بدموع..

صوت عمها من جوه: مين اللي بيخبط نص الليل كده في اي.

كارما بانهيار: يا عمي الحقني أرجوك ساعدني أنا ما عنديش حد غيرك..

عمها ببرود وقرف: إيه المنظر ده إيه اللي جابك هنا مش ابوكي مات وارتحنا منكم جايه لي.

كارما وهي بترتعش: ارجوك انا واقعه في عرضك جوز امي حاول انه يأذيني و أنا ضربته وهربت ومعرفش جرا له اي.

عمها بعصبية: ينهار أسود أنا قولت من الأول انتو هتجيبولي وجع دماغ امشي من هنا أنا مش ناقص فضايحكم انتي وامك.

كارما بدموع : والنبي ياعمي ما تسيبنيش أنا مش عارفة أروح فين.

.. مراته خرجت من جوه..: إيه اللي بيحصل في اي.

شوقي بعصبية: تعالي يا نادية شوفي المحروسة جيالي في نص الليل وعماله تقول حاجات مالهاش معنى.

نادية بتبص لكارما وتشوف دموعها وخوفها: يا راجل دي بنت ما ينفعش نرميها في الشارع دلوقتي خليها تبات في المطبخ وبكره الصبح تمشي عشان الناس متقولش عنك حاجه اسمها باتت عندك لحد الصبح بردو وبكرا تغور .

شوقي بقرف : حاضر بس أنا مليش دعوة الصبح تبقى تمشي من هنا.

كارما بصوت مكسور: حاضر اول ما يطلع النهار همشي شكراً يا مرات عمي.

نادية ببرود: العفو ياختي خشي علي المطبخ يلا في فرشه اتخمدي عليها و اه في مواعين يبقا كتر خيرك لو غسلتيها بالمرة.

كارما بحزن: حاضر يا مرات عمي.

.. دخلت المطبخ لاقت فرشه قديمه و مواعين كتير والمطبخ كله مكركب.. غسلت المواعين وروقته

عمالة تحاول تنام لكن الخوف مسيطر عليها..

في اوضة شوقي..

نادية بتفكير: بقولك اي بم انها هربت من بيت امها اي رايك نخليها تخدمنا اهو تريحني من شغل البيت و بالمره تشتغل و ناخد منها فلوس يبقا استفدنا من كل حتة.

شوقي ببرود: لا ياختي ملناش دعوه بيها ولو جت تتجوز انا اللي هكون في الواجهه واحط ايدي في ايد جوزها واجهزها ولما تعمل مصايب اشيلها انا لا طبعا.

نادية بخبث: بص لو علي جوازها منخلهاش تتجوز ما البنات اللي مش متجوزة كتيرة هي مش احسن منهم.

شوقي بهدؤء: تفتكري لو خليناها هنا هتنفعنا بس عيالك المتجوزين مش بيطقوها اصلا.

نادية بخبث: مانا هخلي مناخيرها تحت رجليهم وخدامه عندنا كمان.

شوقي بتفكير: لا يا نادية انا مش حابب الفكرة دي بكرا تغور البت دي بتاعت مشاكل.

نادية بغيظ: يوه بردو مصمم علي رايك.

شوقي بينام: اه ومش هغيره اتخمدي بقي عندي شغل بكره بدري.

بصت له بغضب وناموا...

تاني يوم..

بتدخل نادية ببرود. قومي يا حلوة وجهزي نفسك.

كارما بهدؤء: انا قايمه ماشيه اهو.

نادية ببرود: لا مانتي مش هتمشي بطولك.

كارما باستغراب : اومال همشي ازاي مش فاهمه ..

نادية بهدوء : أمك جاية دلوقتي تاخدك وكلمتني .

كارما بخوف : تاخدني ليه لا انا مش عاوزة اروح معاها انا هروح اي حتة .

نادية بتبص لها ببرود: مينفعش ياختي اه صح بتقول إنك حاولت تجري جوزها لأوضتك وإنه راجل محترم رفض يقرب منك وإنتي لما فشلتي انك تغريه حاولتِي تخلصي عليه .

كارما بصدمة:

أمك بتقول انك حاولتي تجري جوزها لأوضة نومك وإنه علشان محترم ومتربي رفض يقرب منك ويخون امك وإنتي لما فشلتي انك تغريه حاولتي تخلصي عليه .

كارما بصدمة : ينهار اسود اي التخاريف دي.. ده هو اللي دخل عليا بالليل وهو اللي حاول يقرب مني.

نادية ببرود : ده ميخصنيش ابقي قولي الكلام ده لامك لما تيجي

عند سناء..

سناء بقلق: عامل إي دلوقتي يا حبيبي لسه حاسس بوجع في راسك سلامتك الف سلامه.

معتز بغل : موجوووع اووي يا سناء..بس مش موجوع من الضربه انا موجوع ان ازاي بنتك تعمل فيا وفيكي كده .. دي حطتلك منوم ولما جيت افوقك لقيتك مش بتردي عليا لقيتها جايه ولابسه لبسوحش وكانت بتحاول توقعني في الحرام وأنا زعقتلها وعرفتها ان ده غلط ولما عطتها ضهري ولسه هخرج ممن الاوضه لقيتها هجمت عليا ومسكت الفازة وضربتني ولولا ربنا ستر كان زماني في عداد الموتى دلوقتي .

سناء بغل : ماشي يا كارما انا هوريكي ازاي تعملي في امك كدا يالله انا رايحالها دلوقتي

بعد شوية في بيت شوقي..

دخلت سناء بغضب.: قومي يا تربية قذرة إنتي فاكره انك هتهربي ومش هجيبك.

كارما بخوف: ماما اسمعيني بالله عليكي أنا ما عملتش حاجة هو اللي دخل عليا

سناء بزعيق بتضربها بالقلم: إخرسي لسه ليكي وش تتكلمي وتألفي قصص

كارما بدموع: إزاي تصدقيه وتكذبيني أنا بنتك كل مرة تصدقيه وانا لا.

سناء ببرود : عشان هو راجل محترم وإنتي بنت قليلة الأدب متربتيش ومن النهارده انتي مش بنتي وانا هعمل لك محضر علي اللي عملتيه في جوزي ده علشان تتربي..

كارما بصدمة : يعني إيه يعني هتسجنيني عشان خاطر جوزك.

سناء بعصبية: أيوه هسجنك ولو اطول اخلص عليكي بإيدي هعملها.

كارما بانهيار وتبكي بحرقة: ازاااي يهون عليكي تسجني بنتك.

سناء ببرود وهي تبص لها باحتقار: اللي تعمل اللي عملتيه ما تبقاش بنت اصلا .

كارما بدموع : حسبي الله ونعم الوكيل فيكي إنتي وفيه وفي كل اللي ظلمني منكم لله.

.. بتفتح الباب وتطلع تجري في الشارع ودموعها نازلة علي اخرها..

.. سناء واقفة قلبها متحجر..

شوقي ببرود : خلصتوا المسرحيه بتاعتكم؟ ممكن بقى تغوري من هنا انا مليش دعوة بالمهازل دي إنتي وجوزك ومن النهارده مشوفش حد يقرب من بيتي تاني يالله معاالسلامة.

سناء بغيظ : فوق لنفسك إنت بتكلم اختك الكبيره كده يا شوقي؟ .

شوقي ببرود : أيوه ويلا إنتي وهو غورو من هنا

.

طلعو وشوقي قفل الباب بغضب وراها

عند كارما كانت بتجري ومركزتش في الطريق فجأة عربية طالعة بسرعة وخبطتها..

العربية وقف بخضة.. الناس اتلمت ونزل شاب من العربيه

يزن بصدمة: قسما بالله هيا اللي عدت الطريق مره واحده وكانت بصه عالاتجاه التاني

شاب كان واقف: حصل انا شوفت الحادثه والسواق مش غلطان

الناس بتنقلها علي جمب وبيحاولو يفوقوها

يزن بخوف: يا أنسه..يا انسه فوقي

لارد..

شخص ما: خدها بسرعه علي اقرب مستشفى دي هتموت.

يزن بغيظ: هو انا اللي قولت لها تمشي وهيا نايمه كده اطلبولها الاسعاف وهيا تيجي تاخدها

الشخص بغضب: يعم دا وقت مين غلطان ومش غلطان اعتبرها اختك وخدها يابني ده عبال ما الاسعاف توصل هتكون ماتت.

شالها يزن وركبها العربيه ومشي بسرعه..

بعد شويه في المستشفى

التمريض جه وشالها ودخل بيها علي جوا وهو معاهم

: فين الدكاتره اللي هنا حد ييجي ياخدها علي العمليات بسرعة البنت بتنزف من شوية اي حد دكتور ولا ممرضة حتي.

الأمن ببرود : تعالي اتفضل معانا هنعمل شوية إجراءات الاول.

يزن بغضب : إجراءات إيه دلوقتي وهي بتموت إنتوا مجانين

الأمن بتوتر: يا فندم دي تعليمات الإدارة..

يزن بغضب : أنا محامي وبكرة الصبح هرفع قضية وأقفلكم المستشفى دي لو البنت دي جرالها حاجة بسببكم فاهم ولا لا.

الدكاترة جم بسرعة بعد صوته العالي ودخلو عالبنت يعملولها اسعافات اوليه

الدكتور : نزيف في الرأس انقلوها علي غرفة العمليات بسرعة .

بعد شوية..

الدكتور خرج بأبتسامة : الحمد لله قدرنا نوقف النزيف وشويه وهتفوق من البنج وبعد شويه تقدر تدخلها

يزن بهدؤء: تمام شكرا..

بعد شويه دخل لاقاها زعلانه.

يزن بهدؤء: حمد لله على سلامتك خوفتيني عليكي اسف علي اللي حصل.

كارما بحزن: ياريتك كنت سبتني اموت.

يزن باستغراب: لي هو انتي كنتي عاوزة تنتحري ورميتي نفسك قدام عربيتي؟

كارما بحزن: لا للأسف بس ياريتني مت.

يزن بحنان: ليه بتقولي كده طيب

كارما بسخرية : محدش هيصدقني لو حكيت .

يزن قعد بابتسامة : طب ما تجربي تحكيلي كده يمكن أصدقك.. اينعم انتي متعرفنيش بس ممكن اساعدك .

كارما بحزن :واحد اتقدملي ولما رفضته فضل يحوم حوالين امي لحد ما اتجوزها وهو اصغر من امي بكتير اووي من سني كده وطلع وحش وحاول يأذيني ويعتدي عليا بعد ما حط منوم لأمي وأنا ضربته وهربت بس هو اول ما امي فاقت قال لأمي كلام تاني قال إني أنا اللي حاولت اغريه واستدرجه لاوضتي وأمي صدقته وضربتني وقالتلي إنها هتعملي محضر وتسجني عشان انا ضربته وو..سكتت ودموعها نزلت ....

يزن بهدوء: يعني إنتي دلوقتي لو رجعتي بيتكم ممكن يسجنوكي.

كارما بحزن : أيوه وأنا مليش حد خالي طردني وأمي طردتني ووقفت ضدي.

يزن بهدؤء : طيب لما تقومي بالسلامه النهاردة بإذن الله كده تعالي معايا بيتي وقبل ما تتكلمي امي ست الكل عايشه في البيت وهتقعدي معاها لحد ما نشوف حل للموضوع ده.

كارما بإحراج: مينفعش اجي وانا كد...

يزن مقاطعا: انا مش هسيبك تترمي في الشارع وانتي حالتك كده وبصراحه كده انتي جيتيلي من السما حاسس ان ربنا اللي بعتك ليا علشان انا هحتاجك في حاجه كفيله انها تغير

كارما بأستغراب: حاجة اي؟

يزن بأبتسامة: لما نتطلع بالسلامه هبقي اقولك

..

بليل في شقة ما بتدخل هيا ويزن

امه بأستغراب: اهلا يبني حمدالله عالسلامه.. مين اللي معاك دي واي اللي عمل فيها كده

زين بأبتسامة: دي كارما يا ماما وبالنسبه لحكايتها فا هيا حكايتها طويله هحكيلك عليها بعدين.. بس دلوقتي هيا ضيفتي هنا

امه بأبتسامة: وضيفتك هيا ضيفتي يغالي تعالي ارتاحي جوا وهعملكم العشا

يزين: ياريت يا ماما علشان انا ميت من الجوع.. اعملي الاكل لحد ما اعمل مكالمه

بعد شويه كان قاعد هو وامه وكارما بيتعشو والباب بيخبط

بيروح يزن يفتح

: بتتجوز علي بنتي يا يزن هي دي اخرتها واخرة ثقتنا فيك.

يزن بهدؤء: هي لحقت بلغتك بس عادي ده حقي وشرع ربنا وانا مغلطتش في حاجه.

ابو حورية بغضب: حقك اييي جتك كسر حقك دي مين دي وبنت مين علشان تتجوزها علي بنتي

يزن ببرود: دي حاجه لا تخصك انت ولا بنتك اللي واقفه جمبك دي..انا قررت اتجوز اللي قلبي حبها وارتاحلها

حورية واقفه بتسمع بغضب..

عزيز بغضب: احترم نفسك وطلق البت دي وارميها مكان ما جيبتها وانا هنسي اللي حصل وهعتبر ان اللي انت عملته ده عناد بسبب مشاكلك انت وحوريه معا بعض

يزن بأبتسامة : مش هطلقها وبنتك عندك اهي لو عاجبها الوضع علي كده تمام لو مش عاجبها هطلقها عادي

حورية بغيظ: للدرجة دي مش باقي عليا.

يزن ببرود: اه... اللي تهين جوزها وتكسر كلامه وتخلي كلمتها قصاد كلمتها وتعلي صوته عليه يبقي تستاهل الطلاق وتستاهل اني اتجوز بنت ناس متربيه وعارفه الاصول

حورية بجمود: وانا مش عاوزة اطلق وهعيش معاك وهتغير بس البت دي تعيش في مكان تاني غير هنا

يزن بسخرية: مسمهاش بت اسمها كارما هانم مرات يزن المحمدي

عزيز بغضب :

اللي تهين جوزها وتكسر كلامه وتخلي كلمتها قصاد كلمته وتعلي صوته عليه ده غير البلاوي التانيه اللي انا عارفها يبقي تستاهل الطلاق وتستاهل اني اتجوز واحده تانيه بنت ناس متربيه وعارفه الاصول وتقدر تصون جوزها في غيابه

حورية بدموع: وانا معملتش اي حاجه من اللي في دماغك دي يا يزن انت اللي غيور وشكاك وانا مستحمله كل ده علشان بحبك وممكن اعمل اي حاجه في سبيل اني ابقي معاك ولو انا مزعلاك صدقني هتغير وبخصوص جوازك من البت دي انا معنديش مشكله انها تفضل علي زمتك بس دي تعيش في مكان تاني غير هنا

يزن بسخرية: مسمهاش بت اسمها كارما هانم مرات يزن المحمدي وهتعيش معانا في نفس البيت ولو مش عاجبك الوضع امشي معا ابوكي

عزيز بصدمة: انت اتجننت يا يزن انا مش هسكت علي كسرتك لبنتي دي وهاخد حقها منك وهخليك تندم صدقني.

يزن بجمود: طب اتفضل من غير مطرود يا حمايا وانتي يا حوريه هتخشي ولا هتحصلي ابوكي

حورية بتبص له بغل وبتدخل جوه اوضتها..

عزيز بيمشي وهو بيبصله بغضب

كارما بجمود: هو اي اللي حصل ده؟ازاي تقولهم انك متجوزني؟ .

يزن بحنان: غصب عني والله وهقعد معاكي وهفهمك الموضوع كله من البدايه لحد دلوقتي.. بس المهم انتي ارتاحي وانا هنزل دلوقتي اشتريلك هدوم جديدة بدل اللبس اللي اتبهدل ده وفي طلب تاني هطلبه منك.. انا هنام معاكي في نفس الاوضه وقبل ما تفكيرك يروح بعيد الاوضه بتاعتي فيها حمام هدخل انام فيه وانتي اقفلي الباب بالمفتاح عليا علشان تطمني.. وسامحيني علشان ورطتك الورطة السودة دي حقك عليا بس انتي ربنا بعتك ليا .

في اوضة حورية..

حورية بدلع: وانت وحشتني اوي يا حبيبي بس انا دلوقتي في مصيبه جوزي اتجوز بت جابها من الشارع

الشاب ببرود: قولتلك ده ملهوش امان خليكي بس حاطه هدف انك تاخدي منه كل فلوسه وتخليه يشحت علشان يعرف قيمتك .

حورية بتوتر: طب دلوقتي اقوله علي خبر حملي ولا نعمل اي انا خايفه يشك فيا اكتر.

الشاب بصدمة: لا يا حورية اللي في بطنك لازم تنزليه يزن مش سهل ولو شك انه مش ابنه هيقلب الدنيا فوق دماغنا.

حورية بخوف: انت صح بس انا خايفه دا كان عاوز يطلقني ويتخلى عني بسهولة.

الشاب بهدؤء: عشان كدا لازم تستحمليه وتفضلي جمبه مهما حصل وتجاهلي مراته دي وملكيش دعوه بيها .

حورية بخبث: هعمل كدا مش هركز علي مراته هركز عليه هو.

الشاب بابتسامة خبيثة: جدعة يا حياتي هقفل انا دلوقتي قبل ما البومه مراتي تصحي وتشك فيا.

حورية بسخرية: تشك اي دنت غست ليها مخها يا معتز لدرجة انها طردت بنتها علشانك.

معتز بخبث: عارفه انا قالب الدنيا علي الزفته بنتها لازم القيها بأي طريقه.

حورية ببرود: هتلاقيها ياخويا هيا شكلها عامل ازاي.

معتز بجمود: هو طولها متوسط كده وعندها شامه في خدها الشمال وعيونها عسلي كده

حورية بشك: طب معاك صوره ليها؟؟ لو معاك ابعتهالي دلوقتي عالواتس كده ويارب متطلعش اللي في بالي

معتز بهدؤء: طيب هبعتهالك حالا خليكي معايا... ها وصلتك الصوره.

حورية بتشوف الصورة بصدمة: ينهار اسود دي ضرتي يا معتز دي هيا دي اللي يزن اتجوزها

معتز بصدمة: نعمم ياختي يعني كارما اللي انا عامل كل دا عشان اتجوزها الاقيها متجوزه جوزك؟ طب ازاي وعرفته ازاي وفين واتجوزو امتي دي هربت امبارح

حورية بغيظ: معرفش يا معتز انا دماغي وقفت يعني دي بنت مراتك طب اي الحل دلوقتي.

معتز بغل: لا كدا كل حاجه هتتغير خالص يا حورية.

حورية باستغراب: يعني اي مش فاهمه.

معتز بغضب: حطي لي كاميرا في اوضة حورية عاوز اصورها وعيني تكون عليها.

حورية بصدمة: اييي انت اتجننت هعمل كده ازاي ويزن طردني وحتي لو فكرت ارجعله وهو وافق وانا حطيت الكاميرات في أوضة البت دي زي منتا قولت لو يزن وقتعا عرف هيطلقني فيها وهيبقي لا طولت فلوسه ولا انت اتجوزت كارما

معتز بغيظ: اومال نهبب اي دخول كارما بوظ كل حاجه بقا بعد حبي ليها تتجوز بس لازم نتصرف لازم نبعدهم عن بعض البت دي لو يزن حبها هيرميكي انتي بنفسك بتقولي انك مكنتيش فارقه معاه لما روحتيله معا ابوكي.

حورية بغل: مش هيحبها ومش هيطولها لانه هخلص عليها.

معتز بزعر: اياااكي تيجي جنبها يا حورية هزعلك وهخليكي تحصليها والله العظيم.

حوية بغضب: خايف عليها؟ انا دلوقتي متأكده انك بتلعب عليا.. بليل هسمعك خبرها يا حلو.

... قفلت في وشه...

معتز بصدمة: يا بنت المجنونه دي هتبوظ لي كل اللي بخططله انا لازم اتصرف.

سناء بتصحي من النوم: في اي صوتك عالي كده ليه يا معتز.

معتز بغيظ: اخيرا صحيتي..تعالي شوفي بنتك المحروسه اللي حطت راسك في الطين وراحت اتجوزت عشيقها من وراكي وطلع راجل محامي كبير.

سناء بصدمة: ينهار اسود بنتي اتجوزت .

معتز بغيظ: لازم تروحي لجوزها وتخليه يطلقها وتجيبي بنتك هنا.

سناء ببرود: لا خليها معاه انا مالي علشان ابقي خلصت منها ومن حوارتها ومشاكلها ونعيش في هدوء انا وانت

معتز بغيظ: انتي بتخرفي بتقولي اي معقول هتسبيها كدا الناس هتاكل وشك.

سناء ببرود: عادي ميخصنيش غيرك يا حبيبي.

... معتز بص لها بغضب وسابها وخرج...

.. تاني يوم..

حورية مستنيه كارما تخرج من اوضتها اول ما شافتها راحت عليها بخبث: ازيك يا كارما اخبار جوز امك اي اللي كنتي مقضيها معاه.

كارما بصدمة: انتي بتقولي اي يحقيرة انتي انا مش هرد عليكي عشان انتي قليلة الادب.

حورية باستفزاز اكتر: انا قليلة الادب يا خطافة الرجالة انا هربيكي.

مسكت كارما بغضب من شعرها كارما زقتها حورية وقفت علي طرف السلم: اييي دا عاوزة تزوقيني من علي السلم يا كارما لييي حرام عليكي دا انا لسه عارفة اني حامل الحقوني يا ناااس.

وقعت نفسها من علي السلم...

كارما بخضة: حورية الحقني يا يزن.

يزن خرج جري من جوا: في ايه اي دا حورية

حورية بتعب: كارما زقتني من علي السلم ااه وانا حامل.

كارما بصدمة: والله العظيم ما حصل انا مجتش جنبها يا يزن.

يزن شالها بخوف: لازم اوديها المستشفى هاتي المحفظة من فوق وتعالي ورايا بسرعه.

دخلت جابت المحفظة ونزلت جري....

... بعد شوي في المستشفى...

الدكتوره بحزن: للاسف حصل اجهاض نتيجة الواقعه.

يزن بجمود: هي كانت حامل بجد؟ .

الدكتورة بهدؤء: اه وهيا حاليا فاقت لكن طلبت البوليس.

كارما بخوف: طلبت البوليس لي.

الدكتورة بهدؤء: بتقول انك كنتي بتضربيها و عاوزة تخلصي عليها و مش هتسيب حق ابنها.

كارما بخوف ل يزن: والله العظيم ما حصل انا اول ما خرجت هي اللي مسكت فيا.

يزن بحنان: اهدي يا كارما انا مصدقك تعالي مش هيحصل حاجه.

.. دخل ل حورية بجمود...

حورية بغل ودموع: منك لله خلصتي علي ابني انا مش هسيبك وبلغت عنك البوليس هيجيب لي حقي منك.

يزن بجمود: اول ما البوليس يجي تلغي البلاغ.

حورية بغل: بلاغ اي اللي الغيه دي زقتني وابنك راح بسببها ما تحس شويه دا ابنك.

يزن بسخرية: لا والله ابني هو انا عبيط يا حورية ومش عارف بقرفك انا سايبك لحد اما اعرف مين هو ووعد انتي و هو هخليكم في تلاجه المستشفى دي.

حورية بتوتر: انا مخونتكش انت لي مصمم اني ست خاينه يا يزن.

يزن بسخرية: هو انتي فاكره نفسك بتعرفي تمثلي يا حورية عياطك دا باين انه كله تمثيل في تمثيل .

حورية بتوتر: تمثيل اي يا يزن والله العظيم بحبك ومفيش في حياتي غيرك انت و عمري ما خنتك صدقني انا مليش غيرك لو قلبي هيحب غيرك يبقا احسن له يموت .

يزن بسخرية: الله على الكلام الكبير دا أنا لو مش عارف حقيقتك كنت صدقت بس للاسف وشك بيكشفك قبل لسانك.

... فجأة ظباط البوليس وصلو...

الظابط بجمود : حضرتك ممدام حوريه .

حورية بدموع تمثيل : ايوه انا..وهيا دي يا بيه اللي زقتني من على السلم وضربتني بالعافية وأنا كنت حامل واللي في بطني مات بسببها.

كارما بصدمة: إييييه حورية إنتي بتقولي إيه إزاي تعملي كدا وتظلميني انا عملت لك اي.

حورية بابتسامة خبيثة : عملتي اي اتجوزتي جوزي و عاوزة تخلصي مني و ابني اللي راح فيها لكن حق ابني مش هيروح يا كارما حتى لو فضلت طول عمري احارب عشان اخده حقه منك .

يزن ببرود وهو واقف بيتفرج: واي تاني يا حورية حابب اسمع المسلسل الجديد بتاعك.

حورية بغيظ: اقبض عليها يا باشا دي كانت عاوزة تخلص عليا.

الظابط بهدؤء : يا أستاذة حورية الكلام دا خطير عندك شهود علي كلامك.

حورية بدموع تمثيل: أيوه يا بيه أنا وقعت من السلم وهي واقفة فوقي وكانت بتشدني من شعري وزقتني من عالسلم.

الظابط باستغراب: بقولك عندك شهود مش تشرحي.

حورية بتوتر: لا مكنش في حد وانا شهادتي كاملة.

كارما بصدمة: حرااام عليكي والله العظيم ما حصل أنا حتى كنت لسه خارجة من الأوضة وهي اللي جت صدقوني.

الظابط بجمود: احنا هناخد أقوالك في القسم اتفضلي .

يزن بضحكة ساخرة: قسم إيه يا حضرة الظابط مع احترامي ليك حضرتك الهانم بتمثل عشان غيرانه.

الظابط باستغراب: تمثل ازاي دي ابنها مات.

يزن ببرود: أيوه دي طول عمرها كدا تعمل مصايب الدنيا ولما تتكشف ممكن تعمل اي حاجه علشان تبين أنها مظلومة والكل يصدقها

حورية بتوتر: انت بتقول إيه يا يزن انا مراتك أنا اللي ضيعت عمري معاك عايز تطلعني مجنونه علشان تنقذ مراتك دي

يزن بسخرية: عمرك ضاع في إي؟ في الخيانة ولا في الكدب خليني ساكتت احسن.

... حورية بدأت تتوتر وتنهار...

الظابط بجدية: يا أستاذ يزن الكلام اللي بتقوله خطير برضه.

يزن بهدوء: والله يفندم الخطير إنك تصدق واحدة رمت نفسها من على السلم علشان تلفق تهمة لوحدة غلبانة زي دي.

كارما بدموع: الحمد لله إنك مصدقني يا يزن.

يزن وهو باصص في عيون حورية بجمود: مصدقك وحوريه انا عارف الاعابها كويس مش عاوزك تزعلي ولا تخافي و علشان حضرتك تتأكد اكتر يفندم هراجع الكاميرات وهتشوف مين اللي بيقول الحقيقه ممكن حضرتك تتفضل معايا وتشوف بنفسك

حورية بصدمة: كاااميرات اي.

يزن بابتسامة : البيت كله مليان كاميرات من أول يوم دخلتيه بس دا سر ميعرفوش غيري..انا راجل محامي كبير وليا اعداء ويمكن حد يدخل يسرق مستندات من شقتي عشان كده حطيت كاميرات

حورية بصدمة:

انا عارف الاعيب حوريه كويس يا كارما وانا مصدقك ومش عاوزك تزعلي ولا تخافي وعلشان حضرتك تتأكد اكتر يفندم هاخدك بنفسي تراجع الكاميرات وهتشوف مين اللي بيقول الحقيقه ومبن الكداب ممكن حضرتك تتفضل معايا وتشوف بنفسك

حورية بصدمة: كاااميرات اي يا معتز!

يزن بابتسامة : البيت كله مليان كاميرات من أول يوم دخلتيه بس دا سر ميعرفوش غيري..انا راجل محامي كبير وليا اعداء ويمكن حد يدخل يسرق مستندات من شقتي عشان كده حطيت كاميرات.

حورية اتوترت وبصت حواليها بقلق

يزن بسخرية: إيه يا حورية متوتره ليه مش انتي متاكدة من كلامك وان كارما هيا اللي عملت فيكي كده

الظابط باهتمام: تمام هاجي معاك نراجع الكاميرات ونشوف.

حورية بسرعة وبصوت متوتر: لا لا خلاص يا حضرة الظابط أنا أنا هسحب بلاغي

كارما بصدمة: إيه اتراجعتي ليه مش إنتي لسه حالاً بتقولي هتاخدي حقك وحق ابنك رجعتي في كلامك لي.

يزن بسخرية: شوفت يا حضرة الظابط

بنفسك هي جبانة وكذابة أول ما عرفت إن في كاميرات لسانها اتعقد

... الظابط بص لحورية بجمود وهي وقفة متلخبطة مش عارفة ترد...

يزن بهدوء للظابط: آسف يا حضرة الظابط إني عطلتك الموضوع حوريه دي دماغها تعبانه شويه وبتتخيل حجات كتير فا حقك علينا اننا ازعجناك و شكراً لوجودك.

الظابط بجمود: تمام يا أستاذ يزن هستأذن انا بس لو حصل أي جديد بلغنا.

يزن بابتسامة بااردة: حاضر يا فندم.

... خرجوا الظباط من الاوضة ..

يزن فجأة اتغير وشه وبص لحورية بعيون مولعة:

إنتي فاكرة نفسك اييي أنتي بقيتي عار كل يوم فضايح كل يوم مصايب والله هخليكي تتمني الموت وما تلاقيهوش يا حوريه.

مسك ايد كارما وخرجو

......

.. في الشقه...

كارما بهدؤء: هو طالما انت متاكد من خيانتها ليك ما تسيبها تمشي.

يزن بجمود: وشرفي اللي هي مرمطته في الارض دا ملهوش تمن.

كارما بهدؤء: مش هتستفيد حاجه غير الوجع اسال مجرب ابعد عن الشر وغنيله.

يزن بابتسامة: سيبك منها دلوقتي... المهم عايز اتكلم معاكي في موضوعين...الموضوع الاول اني جبتلك سجل معتز جوز امك ده من يوم ما اتولد لحد دلوقتي ولو انتي حابه تنتقمي منه انا اقدر اوديهولك ورا الشمس بتليفون واحد

كارما بفرحة: ده بجد يا يزن طب واي الخبر التاني

يزن بأبتسامة: الخبر التاني بما انك خلاص سيبتي اهلك وملكيش مكان تعيشي فيه اي رأيك تعيشي معايا انا ووالدتي هنا

كارما اتفاجئت وقامت وقفت

يزن بأبتسامة: مالك اتوتري كده ليه.. انا عايز اتجوزك يا كارما... انا قلبي ارتاحلك وصدقيني هتعيشي مبسوطه معايا... وعلي فكره لو رفضتي مش هزعل انا بس...

فجأة الباب خبط جامد

يزن بأستغراب: ده مين اللي بيهبد عالباب اووي كده

يزن راح فتح

هييي فييين اللي هربت واتجوزت من ورانا فيين كارما.

كارما بخوف جرت وقفت ورا يزن: يزن دا جوز امي اللي حكيتلك عنه متخليهوش ياخدني والنبي.

يزن بجمود: يا اهلا يا اهلا دنا كنت شايل هم اجيبك ازاي..جي بقي عايز اي.

معتز بغيرة: تعالي هنا يا كارما انا جي اخدك واوديكي لأمك

يزن بسخرية: الله دا انت مش خايف بقا انت عارف اني ممكن اسجنك بتهمة التعدي علي بيتي.

معتز بغيظ: وانا اسجنك انك خطفت بنتنا واتجوزتها غصب.

كارما بغضب: اتجوزته بمزاجي لكن انت اللي عاوز تخطفني.

يزن بهدؤء؛ امشي من هنا بدل ما اوديك في داهيه.

معتز بغضب: مش همشي من هنا غير و كارما معايا امها تعبانه اوي وعاوزة تشوفها.

كارما بخوف: ماما اي اللي جرا لها.

معتز بخبث: اول ما عرفت اللي انتي عملتيه انهارت و جت لها جلطة ونايمه علي السرير لا بتنطق ولا تتحرك حتي.

كارما بخوف: طب انا عاوزة اشوفها.

معتز بخبث: تعالي معايا يا حبيبتي يلا.

يزن بهدؤء: حبك برص كارما مش هتروح معاك ولا انت هتتحرك من هنا.

معتز بصدمة: نعم يعني ايه ان شاءلله.

كارما بحزن: عاوزة اشوف امي يا يزن.

يزن بحنان: هتشوفيها يا حبيبتي...يزن بيطلع تليفونه ويتصل علي الحراس تحت ويطلعوله

بيجي جوز حراس: تحت امرك يا باشا..

يزن ببرود: خدوه اربطوا جوا في الصاله وهاتو منه تليفونه وخليكم واقفين عينكم عليه لحد اما ارجعلكم .

معتز بتوتر: لو حد فيكم قرب مني هوديكم في داهيه وهبلغ انك خطفتني ..

يزن ببرود: خلصت كلامك؟ عاوزاكم تعملوا معاه الواجب تمم.

الحراس بخبث: تحت امرك يا يزن بيه.

كارما بخوف: طب وماما انا عاوزة اشوفها.

يزن بحنان: تعالي انا هوديكي لانه الواد دا مليون في المئة كداب وكان عاوز ياخدك معاه باي طريقه.

كارما بخوف: لا منظش طب بص تعالي يلا وهنتاكد.

يزن بحنان: اهدي متخفيش انا جنبك ومش هخلي اي حد يقرب منك.

... بعد شويه في بيت ام كارما...

كارما بتخبط بخوف: ماما افتحي انتي كويسه انا جيت.

سناء فتحت ببرود: اي اللي جابك يا بت انتي.

كارما بصدمة: انتي كويسه فعلا ده طلع كداب فعلا يا يزن .

سناء بتبص علي يزن بجمود: وانت بقا الحلو اللي هي هربت واتجوزته .

يزن ببرود: لا انا اللي خبطها بالعربيه واتجوزتها وانا بردو اللي عارف ان جوزك عليه سوابق واحكام وجالي وكان عاوز ياخد كارما وقالها انك مجلوطه ونايمه في السرير.

سناء بغضب: اخرس خالص بعد الشر عليا... انت كداب سبحان الله ما جمع الا اما وفق انتو الاتنين نسخة من يعض كدابين وعايزين تطلعو جوزي وحش

يزن طلع فلاشه: الملف دا عليه سوابق الحلو جوزك وكل اعماله عاوزة تتفرجي براحتك مش عاوزة انتي حرة.

سناء بصت لهم بقرف...

كارما بدموع: ماما انا والله ما عملت حاجه وحشه و...

سناء قفلت في وشها الباب..

يزن بغضب : اهدي يا كارما.. امك في غفله وبكرة تفوق من اللي هيا فيه ده

كارما بحزن: تعبت مش قادره استحمل.

يزن خدها ومشي...

.. بعد شويه..

حورية رجعت من المستشفى واول ما بتطلع الشقه بتلاقي جوز حراس

حوريه بأستغراب : انتو وقفين عندكم هما بتعملو اي؟؟

الحارس بهدؤء: الباشا رابط حد جوا وأمرنا اننا نفضل هنا ونخليه تحت عنينا.

حورية بجمود : طب انا عايزه ادخل شقتي اعمل اي؟وبعدين ده مين الحد ده

الحارس بهدوء: عيل كده اسمه معتز البيه مخليه هنا لحد ما يرجع هو والمدام التانيه

حوريه بتوتر: طب افتحلي الباب بسرعه عايزه ادخل اشوفه

الحارس: لي يا هانم احنا معندناش اوامر ان حد يدخل يشوفه.

حورية بزعيق: هو اي اللي معنديش اوامر انا داخله شقتي ولو وقفت قدامي هخفيك من علي وش الارض مفهووم

الحارس بهدؤء: بعتذر ليكي يا فندم اتفضلي.

دخلت لاقت معتز مربوط ومضروب علي اخره..

قفلت الباب وجريت عليه بلهفة: معتز حبيبي انت كويس انت جيت هنا لي.

معتز بدموع: خرجيني من هنا جوزك حبسني عشان جيت خد كارما اوديها لأمها

وقفت بغل: يعني جاي عشان السنيورة ماشي انا بقا مش هخرجك يا معتز وهسيبك ليزن ورجالته لما يرجع

معتز بغضب: لو مخرجتنيش هقول علي كل حاجه اني عشيقك وانك كنتي حامل في ابني و انا اللي خطط تتجوزي يزن عشان تسرقي فلوسه وملفات القضايا اللي عنده.

حورية ببرود: محدش هيصدق واحد زيك و هقولهم علي حقيقتك انك اتجوزت سناء عشان توصل ل كارما وقعدت تتبلي علي كارما عشان تسؤء سمعتها.

معتز بغضب: فكيني وخرجيني من هنا يا حوريه ونتفاهم بعدين .

حورية بغل: لا مش هفكك وعلي فكرة انا بدئت خطتي... النهارده هسم كارما و يزن وهورثه و كل حاجه هتبقا ملكي وانت هأمر الحراس ب انهم يخلصوا عليك.

معتز بصدمة وزعيق: اياكي تقربي منها فاهمه.

حورية ضحكت بشر وجت تخرج الحارس منعها ..

حور باستغراب: انت واقف كده ليه وسع خليني اخرج

الحارس بجمود: مفيش خروج ده أمر من يزن بيه

حوريه بتطلع تليفونها وبترن علي يزن : اي يا يزن اللي انت عاملو ده.. مين الواد اللي انت مكتفو جوا ده وليه أمر الحراس انهم يمنعوني من الخروج

يزن بجمود: انا نفسي تفهمي انك متجوزه محامي ومجامي كبير بيعرف النمله مخبيه عيالها فين وبالنسبه للواد اللي عندك ده ازاي مش عارفاه مش ده ابو اللي في بطنك

حوريه بصدمه: اييي بتقول اي يا يزن انت تاني رجعت تشك فيا نفسي اعرف انت مش مصدقني لييه

يزن بضحك: علشان ببساطه انا خدت تليفون الواد اللي عندك ده ولقيت رقمك متسجل عنده ده غير الشات السافل اللي بينك وبينه واتفاقه معاكي انك تسرقيني

حورية بخوف : يزن الكلام ده مش حقيقي واكيد دي لعبه من كارما والواد ده علشان يخلصو مني صدقني انا بحبك وعمري ما خونتك

يزن بجمود: طيب يبقي خليكي هنا معاه لحد ما الشرطه ما توصل وتاخدكم انتو الاتنين وهيا بقي اللي تحقق في الموضوع ده انا اتصلت بيهم وزمانهم جايين

الحارس بيشد التليفون من ايدها: ايوه يا يزن بيه تحت امرك

يزن ببرود: الشرطه زمانها جايه اوعي تخليهم يخرجو لحد ما الشرطه تاخدهم وانا مستنيهم في القسم وده يبقي جزاء كل خاين وخاينه

انتهت احداث الرواية نتمني أن تكون نالت اعجابكم وبانتظار آراءكم في التعليقات