رواية زوجة بالغصب وحبيبة بالقلب الفصل الثاني 2 - بقلم هويدا زغلول

رواية زوجة بالغصب وحبيبة بالقلب الفصل الثاني والاخير

وتاني يوم الصبح نزل سيف من فوق ولقى أمه قاعدة

سيف

صباح الخير ياما كيفك يا غاليه

سعاد

صباح النور يا ضنايا اني بخير انت عامل ايه دلوك

سيف

الحمد لله ياما بجولك ايه اني رايح الف في البلد هبابه أكده وراجع اصل البلد وارضها وحشوني جوي

سعاد

وماله يا ولدي اعمل كيف ما انت عايز واني بخلي الحريم يعملوا لك كل الوكل اللي انت بتحبه علي ما ترجع

سيف

ربنا يخليكي ليا ياما ويطول في عمرك

وبعدها خرج من السرايا وهو بيتمشى كل شويه يبص على مكان كان بيلعب فيه وهو صغير

وشهد واقفه قدام بيتهم ولما شافته ماشي في البلد فضلت تبص عليه وشافته داخل ناحية الأرض الزراعية وقعد تحت شجرة كبيرة

شهد

صباح الخير ياسيف بيه حمد الله علي سلامتك البلد كلاتها نورت بيك

سيف رفع راسه وبصلها واتخطف من جمالها

سيف

صباح الجمال انتي شهد مش اكده برضك شوفتي اني فاكرك كيف

شهد

طيب زين انك فاكرني يا سيف بيه مش احسن من ناس تانيه نسيتني واصل

سيف

جصدك مروان اخوي تعرفي ان هو خسر كاتير جوي لما سابك

شهد

اني معايزاش افتكر خلاص هو راح لحاله واني جاعده مستنيه النصيب الا جولي هو انت ممكن تعمل كيفه أكده يعني ممكن اهلك يغصبوا عليك انك تتجوز واحده انت مش رايدها

سيف

لاه طبعا اني عمري ما اعمل اللي هما يجولوا عليه اني طول عمري رأي من دماغي وبس

شهد

باين عليك راجل جوي وليك كلمتك يا سيف

سيف

لاه اده اني أعجبك جوي ومستغرب ان اخوي مروان يسيب الجمال ديه كله والله ملوش حج

شهد

اهو عملها وسابني وسمع كلام اهله

سيف

ملوش حج واصل يا شهد انه يعمل اكده عشان بصراحة يا شهد اللي يشوفك ويسيبك يبجا خسران كاتير جوي

شهد

بعني اني حلوه جوي اكده احلي من البنات اللي انت بتشوفهم في مصر ولا إيه

سيف

انتي احلي من اي حد ياشهد

شهد

واااه انت لساتك متكلم معاي دلوك وبتتكلم بجراءة اومال بجا لو خدنا علي بعضنا هتعمل ايه عاد

سيف

ماهو ده الحلو اللي فيكي اننا لسه متكلمين مع بعض دلوقتي وحاسس اني بعرفك من زمان جوي اصلك بصراحة تخشي علي الجلب بسرعه أكده

شهد

بجولك ايه يا سيف اني همشي بجا لحسن اني مجادرش علي كلامك الحلو ديه بالاذن

وسابته ومشيت بسرعة من قدامه وهو فضل يبص عليها بإعجاب وعند زينة كانت بتحضر هدوم مروان وقالها

مروان

هو اني مش جولت لك مليون مرة ملكيش صالح بالحاجة اللي تخصني انتي ايه مفيش فايدة فيكي واصل

زينة

ما اني جولتلك انك جوزي واني واجبي اشوف كل اللي يريحك واعمله

مروان

اللي اني عايزك تعمليه انك تغوري من جدامي ومعايزش اشوفك واصل

زينه دموعها نزلت وراحت قعدت مكانها وصعبت عليه وقالها

مروان

اني مجصدش حاجة متزعليش مني

زينة

اني مضطرة استحمل الإهانة وكل اللي تنت عايز تعمله معايا اعمله عشان اني واجبي اني افضل تحت رجليك مهما تعمل فيا

مروان

طيب ااا جومي هاتي لي العبايه خليني البس عشان اروح أشوف اشغالي

زينة ابتسمت وهي في عنيها الدموع

زينه

حاضر

وبعدها نزل وبعدها عدت الايام ومروان بدأ ان هو يعامل زينه كويس بس برضو قلبه مش عارف يحبها وامه قالت لها

سعاد

طمنيني يازينه مروان عامل معاكي إيه يابتي

زينه

الحمد لله ياما ادعي لنا ان ربنا يخليه يحبيني كيف مااني بحبه اصل ساعات بحس ان هو مش طايجني

سعاد

ايه الكلام الماسخ دي يازينه طيب ده انتي زينة البنات هو يعني كان يطول يتجوزك يازينه أن شاء الله يابتي ربنا يحببه فيكي ويصلح حالكم ويرزكم بالزريه الصالحة عن جريب

وبعدها عدت أيام وفي مكان تاني سيف قاعد مع شهد

سيف

بصراحة اكده ياشهد اني مبجتش جادر علي بعادك وعايز اتجوزك النهاردة جبل بكرة

شهد

وهما يعني اهلك هيوافجوا ياسيف وبعدين اني كمان مبجتش جادرة يعدي عليا اليوم من غير ما اشوفك فيه

سيف

خلاص احنا نتجوز ونبجا مع بعض ومليش صالح بحد واصل

شهد

يعني انت مستعد تجف في وش اهلك ياسيف وتتجوزني انت ممكن تعمل اكده ومش هتخاف منيهم كيف ما عمل أخوك

سيف

اني مليش صالح بحد واصل اني هتجوزك وتبجي مرتي وكمان هتاجي معايا السرايا وتبجي ست الهوانم كمان

شهد بصت له بفرحه وخبث

خلاص يبجا تاجي تطلب يدي من ابوي وتجولو الكلام ديه

سيف

يلا بينا علي ابوكي اني مش هعدي اليوم النهارده من غير ما اتكلم معاه واطلب يدك

وفعلا راح لابوها اللي اسمه محروس وقاله

محروس

بس ياسيف بيه اني معايزش مشاكل مع تلكبير انت عارف هو ممكن يعمل فيا ايه

سيف

محدش هيجدر بمس شعره منيكم ياعم محروس طول ما اني موجود واني دلوك هكتب علي شهد علي سنه الله ورسوله ومحدش هيجدر يجول كلمه

محروس

خلاص ياولدي هات المأذون وتعالي نكتبوا الكتابوتاخد مرتك وتمشي علي داركم وربنا يجيب العواجب سليمه

وبعدها فعلا عمل كده وكتب كتابه علي شهد وخدها وراح السرايا وفي الوقت ده كان الكل متجمع علي السفرة ودخل سيف ومعاه شهد

سيف

سلام عليكم

الكل بصوا عليه واستغربوا وسعاد قالت

سعاد

وعليكم السلام ياولدي انت كنت وين ياسيف طول النهار والبت ديه جايه معاك اهنه تعمل ايه في السرايا

سيف

من فضلك ياما متجوليش عليها بت عشان شهد بجت مرتي

الكل بصوا لبعض باستغراب والجد أتكلم

الجد بيزعق

انت بتجول ابه ياسييف مرتك يعني ايه هو انت اتجوزت بت محروس من ورايا

سيف

ايوه ياجدي اتجوزت شهد بت محروس

فواز

انت اتجنيت باواد انت كيف تعمل اكده

سعاد

يامررري انت كيف تعمل فينا أكده ياسيف كيف تتجوز من البت ديه ومن ورانا كمان

سيف

عشان اني راجل وحر واعمل اللي اني عايزة ومحدش ليه كلمه عليا واتجوز اللي تعجبني مش استني لما انتو تجوزوني علي مزاجكم

مروان

اتكلم ويا ابوك وجدك وامك عدل ياسيف وبعدين انت ليه رحت تتجوز دبه بالزات

سيف

عشان عجبتني يامروان وبصراحة اكده دخلت دماغي وجولت والله ماسيبها واصل اصل انت كنت غلطان لما تسيب واحده كيف الجمر اكده وتسمع كلام جدك وابوك وتتجوز واحده غصب عنيك

زينه لما سمعت الكلام عيونها دمعت وسابتهم وطلعت فوج ومروان بص لسيف وقاله

مروان

ولما انت عارف اني سبتها متجوزتهاش ايه اللي يخليك تروح تتجوزها

وبص لشهد وكمل كلامه

وهي اصلا كيف تجبل علي نفسها انها تتجوز أخوي بعد اني ماتسبتها

سيف

بجولك ايه يامروان خليك في حالك وملكش صالح بيها واصل أني اللي اختارت اني اتجوزها وكيف ما جولت اكده اني حر

الجد

انت حر يبجا تاخد بت كلاف البهايم دي وتروحوا تعيشوا لحالكم

شهد بتمثيل

اني اتهانت في داركم ياسيف اني عايزة تمشي من اهنه

سيف

لاه انتي هتفضلي معايا اهنه في جلب السرايا وهتبجي واحده منيهم ومعايزش حد يجول لمرتي كلمه تجرحها مرة تانيه يلا تعالي نطلع علي فوج

وخدها وطلع فوق وفواز قال

فواز

الواد باينه اتجنن هو ديه يابوي اللي كنت عايزة يبجا الكبير من بعدك اهو حط راسنا في الطين

سعاد بتعيط

هي البت بت ديه بتعمل ايه لعيالي عشان واحد يسيبها التاني يتجوزها اااه يامرررك ياسعاد

الجد

خلاص ياسعاد اني معايزش نويح اهنه في الدار سيبه يعمل كيف ما بده بس يبجا يوريني هياخد ايه في الاخر

وفضلت شهد في السرايا وعملت نفسها واحده من الستات ونزلت تحت وسعاد وزينة كانو قاعدين

شهد

بجولك ايه ياحماتي اني عايزاكي تخلي البت اللي لتشتغل اهنه تجيب لي الفطار في أوضتي فوج

سعاد

وانتي متجولهاش ليه بنفسك اتشليتي ولا إيه

شهد

وااه جرا إيه ياحماتي هو اني مش مرت ولدك كيف إللي جاعده جنبك ديه

سعاد

اكتمي بابت انتي عايزة تجيبي ستك زينه ليكي يابت كلاف البهايم

شهد

انتي بتطولي لسانك عليا ياحماتي طيب اني مش هتكلم واصل وهخلي جوزي هو اللي يتكلم بالنيابة عني

وسابتها وطلعت فوق وزينه قالت

زينه

مكنتيش اتكلمتي معاها اكده ياما دلوك تطلع تشتكي لسيف ويعمل مشكله وياكي

سعاد

والله اجوم اديله علي دماغه هو وهي هو فاكر انه هيكبر عليا إياك

وفعلا بقت شهد تشتكي لسيف وهو يتخانق مع امه وشهد كانت بتقصد انها تضايق زينه وفي يوم قالت لسيف

شهد

اني زهجت من العيشه اهنه ياسيف كلاتهم بيعاملوني كيف الخدامه

سيف

ايه الكلام ديه ياشهد محدش اهنه يجدر يجدر يعاملك اكده وبعدبن انتي عارفه أني بوجفهم عند حدهم لما حد بيتكلم وياكي كلمه واحدة

شهد

بس اني عايزة بيت لحالي عايزة سرايا كيف ديه ياسيف عشان ابجي مرتاحه

سيف

حاضر ياشهد انتي تؤمرى ياجلبي بس شويه اكده اشوف الارض اللي اعمل عليها سرايا واعملك احلي سرايا في البلد

شهد

اني مباخدش منيك غير كلام وبس

سيف

كيف يعني ماني جولتلك اني هتصرف ياشهد خلاص بجا عاد

شهد

طيب وانت رايح علي وين أكده

سيف

رايح مصر عشان اشوف شهادة التخرج بتاعتي وهرجع علي بالليل أكده يلا سلام

وسابها ومشي وبالليل متاخر كان مروان قاعد في المكتب بتاعه بيخلص شغل ودخلت له شهد ومروان اتفاجئ وقام من مكانه

مروان

انتي بتعملي إيه اهنه في وجت زي ديه

شهد قفلت الباب وراها

شهد

مالك يامروان اتوترت ليه أكده

مروان

اتكلمي وسيبي الباب المفتوح وجولي عايزة إيه

شهد قربت منه

للدرجادي مبجتش طايج تبصلي

مروان

انتي بتجولي ايه انتي مرت أخوي ياشهد ووجودك اهنه غلط من الأساس

شهد

غلط ليه

مروان

عشان مينفعش تدخلي عليا أكده مكتبي ولحالك

شهد

بس اني حبيبتك يامروان

مروان

الموضوع ده انتهى من زمان وانتي دلوك مرت أخوي

شهد

بس انت لسه في جلبي

مروان

ديه مشكلتك مش مشكلتي

شهد

يعني عمرك ما فكرت فيا بعد ما سبتني

مروان

لاه

شهد

كداب

مروان

بجولك ايه اتلمي يا شهد

شهد

بس اني متأكدة إنك لسه بتحبني واني جواكولو انت نسيتني بجد بص في عيني وجولي إنك نسيتني

مروان شاور ناحية الباب

اطلعي بره ياشهد

شهد

لاه مش طالعة غير لما أعرف الحجيجة

مروان

الحجيجة إنك مرت أخوي ووجودك اهنه غلط وإني لا يمكن أبصلك نظرة واحده طول ما انتي على ذمته

شهد اتوترت

شهد

بس اني عارفة إنك لسه عايزني ونفسك ايجي معاك

مروان

اسمعي يابت الناس اللي كان بينا زمان انتهي وراح لحاله وخلاص ربنا كتبلي زينة وكتبك لسيف وانتهت الحكايه

شهد

وهي زينة دي أحسن مني في إيه

مروان

أحسن منك في حاجات كتير جوي في أخلاقها واحترامها وفي أصلها وانها بتصوني مهما اعمل فيها مش واحده كيفك

شهد اتصدمت

يعني دي بجت صورتك عني يامروان كل ده عشان لسه بحبك ودخلت البيت اهنه عشان وكمان عشان اجرب منك

مروان

اطلعي بره جبل ما أفجد واعصابي واوريكي وش عمرك ماشوفتيه في حياتك

شهد

لاه مش خارجه واني اهنه وهبجا معاك دلوك كمان

وراح مروان ضربها بالقلم وجرجرها علي برة وهو بيضرب فيها وهي بتسرخ ودخل سيف من الباب وقال

سيف

انت بتعمل ابه يامروان انت كيف تمد يدك علي مرتي أكده

مروان

عشان مرتك واحده رخيصة والحمد لله ان ربنا نجاني منيها وانت لازم تطلجها دلوك

شهد بتعيط

متصدجهوش ياسيف ده هو اللي جابني اهنه ولما رفضته ضربني

سعاد

اخرسي ياجليلة الربايه ده انتي اللي دخلتي لولدي وهو جاعد لحاله وعرضتي نفسك عليه اني سمعاكي من اول لما دخلتي وولدي هو اللي ضربك لما جالك انتي مرت أخوي

الجد

هي حصلت أنه يحصل اكده في درانا

سيف

يظهر اني كنت غلطان لما اتجوزت واحده زيك انتي طالج اطلعي برة يابت المحروج يلا غورى

ومشيت شهد وسيف بص لهم كلهم وقال

سيف

حجكم عليا يابوي انت وامي وجدي وانت يامروان سامحني ياخوي

مروان

الانسان لازم يحصله مواجف عفشه في حياته عشان يتعلم منيها ياسيف

وبعدها طلع اوضته ولاقي زينه قاعده بتعيط ودخل وقفل الباب وراه

زينة رفعت عينيها وبصت له وهو قعد قدامها وقال

مروان

حجك عليا يا زينة

زينة سكتت ومردتش ومروان كمل كلامه

مروان

حجك عليا في كل دمعة نزلت من عينك بسببي وحجك عليا في كل مرة كلمتك فيها كلمة وحشة وحجك عليا اني كنت شايف الوفا اللي فيكي ومش راضي اعترف بيه

زينة

خلاص يا مروان اللي فات مات

مروان

لاه يا زينة اللي فات مش سهل لانك استحملتي مني كتير جوي وانتي مكانش لازم تستحملي كل ديه

زينة

اني كنت مستحملة عشان بحبك

مروان سرح في ملامحها شوية

مروان

واني كنت أعمى ومش شايف الحب ديه كلاته

زينة نزلت عينيها من كسوفها ومروان مد إيده ومسح دموعها براحه

مروان

من النهارده معايزش اشوف دموعك ديه مرة تانيه

زينة

ربنا يديمك ليا يا مروان

مروان ابتسم

وانتي كمان يا زينة ربنا يخليكي ليا

وسكتوا شوية وكل واحد فيهم باصص للتاني وبعدين مروان قال وهو بيضحك

مروان

بجولك ايه هو احنا هنفضل كيف الاخوات اكده كتير ولا ايه

زينة وشها احمر بسرعة

ااا يعني ايه يامروان

مروان ابتسم

يعني انتي مرتي يا زينة واني جوزك والمفروض اننا نتجوز مش اكده برضك

زينة بصت في الأرض من الكسوف

احم ااا اللي تشوفه يا مروان

مروان

تعرفي انك أجمل واحدة شافتها عينا والله ولو كنت عرفت جيمتك من زمان كنت وفرت على نفسي وعليكي كل الهم والزعل

زينة ابتسمت

المهم انك عرفت دلوك

مروان

وعرفت كمان ان ربنا رزجني بنعمة كبيرة واني كنت غافل عنيها ربنا يخليكي ليا يااجمل زوجه في الدنيا بحالها

زينة حسيت بقلبها بيدق بسرعة وبعدين مروان شلها وهي اتخضت وقالت

زينه

واااه انت بتعمل ايه يامروان

مروان

هكون يعني ايه يعني هعمل كيف ما كل واحد بيعمل مع مرته

زينه

وهما بيعملوا إيه بجااا

مروان ضحك

نطفوا النور الاول وبعدين اجولك

وبعدها مروان وزينه عاشوا في سعادة مع بعض وبعد فترة زينه بقت حامل منه والكل بقا فرحان بيها ومروان كان حاسس انه ملك الدنيا ومافيها