فتحت عيوني بعد وقت مش عارفه ادد ايه لقيته نايم غصب عني صرخت قومت بفزع
في اي مالك بتصرخي ليه
كنت مرعوبه منه دا لسه مقطع ش…خص قدامي بكل برودة اعصاب
اتكلمت وانا حرفياً بخرج الكلام بالعافيه كدا انت قت…لته
هو مين دا
هو اللي كان تحت
تحت فين حبيبتي انتي بخير
انا شوفتك وانت بتق…تله
انتي اكيد كنتي بتحلمي
لا ما كانش حلم انت قت…لته
الظاهر أن كان كابوس مزعج شويه ولازم ترتاحي ولسه بيقرب اتكلمت بصراخ وقولت ابعد عني انت قا…تل
نفخ بضيق وقال هعملك قهوه عشان تفوقي شكلك مش مركزه في أي حاجه غير الكابوس دا وسابني وخرج
لا أنا متأكده دا ماكانش مجرد حلم أنا شوفت كل حاجه
بعيني
يومين وانا عايشه في حاله من الرعب اول مره اخاف منه كنت كل ما بسمع صوته اي حاجه في ايدي كانت بتقع مفيش نوم حتي الأكل كإن فيه د…م
ومع كل دقيقه تمر كان بيحاول يقنعني أن دا مجرد حلم أو كابوس
استسلمت وقررت انسي يمكن كان كابوس فعلاً وانا بالغت شويه لكن عقلي رافض الفكره مستحيل المنظر متصور قدامي وفظيع مفيش حد يقدر يتحمله
قررت اخرج برا شويه فتحت الباب ورجعت قفلته تاني نفسياً قافله من اي حاجه وجسدياً مش قادره اتحرك أصلاً
دخلت المطبخ عملت قهوه معدتي فعلاً تعبتني من كتر القهوة أنا ما اكلتش اي حاجه من يومين حتي القهوه مشروبي المفضل بقي مالوش طعم خالص
فتحت الTv يمكن اشوف حاجه تخرجني من اللي انا فيه دا
كان عبدالله رجع
عامله اي دلوقتي
خلاص لازم امحي اي افكار سلبية من رأسي
الحمد لله
فتح اللاب توب عشان يشتغل كعادته وفي نفس الوقت اللي ظهر فيه علي الشاشه أنهم عثروا على جثما…ن عارف متقطع … لأجزاء
قومت بفزع من قدامه أنا ما كنتش بحلم يعني دي حقيقه يعني اللي شوفته دا كان حقيقي
لكن هو كانت ملامحه هاديه جدا
قولت وانا دموعي بتنزل انت
بص ليا وقال أنا اي
انت اللي عملت كدا أنا متأكدة
اتكلم بصوت عالي وعصبيه لأول مره من وقت ما قابلته يرفع صوته أو يتعصب بالشكل دا
سيلييين روحي نامي انتي اعصابك تعبانه يلاااااا
اتخضيت من صوته وجريت من قدامه دخلت اوضتنا وقفلتها علي نفسي عيوني جت على صورة زفافنا غمضت عيوني وقعدت على الأرض وانا جوايا ألف سؤال مش لاقيه ليهم اجابه واحده حتي
نمت من كتر التفكير وصحيت علي صوت الباب وهو بيخبط
فتحت كان خرج مشي وساب البيت
استمريت علي الحال دا اسبوع وهو كان بيحاول يهديني وارجع لطبيعتي سافرنا بعدنا عن البلد وبردوا مفيش حاجه اتغيرت كإنه اتغير وبقي حد تاني
وكل ما بحاول انسي الموقف بيظهر قدامي اتعب اكتر
لحد ما رجعنا مصر
وتاني يوم من رجوعنا كان سهران بيشتغل عادي وانا دخلت انام
هتنامي
ايوه هاخد منوم وانام بقالي فتره ما نمتش كويس
اوك تصبحي على خير
الساعه كانت 2 بالليل
صحيت لقيتني لوحدي وكإنه ما دخلش اوضتنا خالص
خرجت بسرعه اكيد بينفذ جر …يمه تانيه
بس لقيته نايم برا
دخلت المطبخ ولسه هفتح الثلاجه لمحت خياله واول ما إلتفت كان في ايديه بخاخ ومجرد ما كام نقطه من البخاخ دي جيت علي وشي أغمي عليا لتاني يوم وبردوا أنكر دا
بقيت كإني في دوامه مش عارفه أخرها اي أو اي اللي ممكن يحصل معايا مستحيل عبدالله يكون كدا وفي نفس الوقت اكيد عيوني مش هتكذب يعني
بقيت في صراع كبير بين قلبي وعقلي قلبي اللي رافض يصدق فكرة أن عبدالله ممكن يكون قا…تل دا عبدالله حبيبي وروحي وبين عقلي اللي مصدق كل حاجه شافتها عيوني
الوقت بيمر وعبدالله طبيعي جداً
انا خارجه
فين
هخرج مع صحابي
هترجعي امتي
اتنهدت يومين
مش شايفه أن اليومين كتير اوي
عبدالله أنا محتاجه ابعد فتره كدا
ليه اي اللي حصل لكل دا من يوم عيد زواجنا وانتي اتغيرتي وطريقتك بقيت غريبه جداً معايا
عشان خاطري سيبني علي راحتي ارجوك
لحد امتي بقي
اوعدك ان لما ارجع هكون زي ما انت عايز و زي الأول وأحسن كمان
اتمني كدا
جهزت نفسي ومشيت من البيت وأنا عندي أمل أن أنا اتغير ونفسيتي تتحسن حكيت ل ميرڤي صاحبتي عن تغييري المفاجئ مع عبدالله وما حكيتش اكتر من كدا أو دخلت في أي تفاصيل
رديت عليا وقالت اكيد اتحسدتم يابنتي عبدالله دا مختلف جداً عن اي حد اول مره اشوف حد كدا وكملت بضحك مش عارفه بيخاف منك ولا انتي مسيطره علي عقله زي ما انتي مسيطره علي قلبه
ضحكنا شويه وهديت كمان
ممكن اطلب منك طلب
اؤموري يا سيدتي
عايزه اعمل ليه مفاجأة تفتكري اعمل اي وخصوصاً أن الفتره اللي فاتت كنت متغيره معاه اوي
انتي هترجعي البيت بعد ما تشتري هديه حلوه كدا وتفاجئيه بوجودك ولما يسألك رجعتي ليه قولي أن انتي مش حابه تفضلي بعيد اكتر من كدا
حسيتها فكره حلوه وبدايه جديده وقدرت اقنع عقلي ان هو برئ من اي حاجه حصلت وان دي مجرد أوهام
وبالفعل رجعت دخلت البيت ما كانش موجود دخلت أوضتنا في حاجه غريبه اوي فيها اي دا دا لبس لبنت غيري
دموعي نزلت الأفكار بدأت تقتحم عقلي معقول عبدالله بيخوني لا لا مستحيل كنت بدور عليه في كل مكان لحد ما وصلت للباب اللي نزل منه وهو رايح يقت…ل عارف الباب دا ورا مكتبه في الحيط
كانت المكتبه دي مفتوحه كإنه متطمن اني مش موجوده
دخلت منها
شوفت تاني ابشع منظر في حياتي
بنت في أوائل العشرينات كدا ومعاها شخص كبير حدود 55 سنه كدا مربوطين زي عارف بالضبط وبيتعرض عليهم فيديو لعبد الله مع البنت دي في علا…قه قذره
مستحيل اللي انا شيفاه دا
ها تحب بقي ابدأ بمين فيكم انت ولا زوجتك المصون
كان الشخص دا نظراته كلها احتقار ليه
والله لأندمك انت وهي يا كلا…ب
مش لو خرجت من هنا اوعدك لو خرجت علي رجليك هسلم أنا ليك نفسي وندمني زي ما انت عايز
بس الظاهر كدا يا رأفت بيه انت من اللي بيقولوا بس لكن مفيش فعل
اه يا حيو …ان فكني بقولك
هههه افكك علي عيني يا رأفت بيه بس زي ما تقول كدا ساعتك …. جيت
هقت…لك يا حيو…ان
عبدالله بص ليه واخد مسدس فيه كاتم للصوت ووجهه لرأفت وفجأة أتوجه لزوجة رأفت وضر…ب رصاصه اخترقت … رأسها
اما عن رأفت فإتصدم وما ظهرش منه اي رد فعل فتح عبدالله نفس الدرج اللي خرج منه السك…ينه اللي قت…ل بيها عارف ورفعها قدام عيون رأفت
فاكر الحركة دي اللي عملتها من 25 سنه فاكرها صح
اهي لفيت الأيام واترفعت قدامك بس مش عشان تقت…ل بيها دي عشان تتق…تل انت بيها وطعنه اول طع…نه في رجليه كان بيصرخ من شدة الألم وعبدالله مكمل ما قدرتش اتحمل صرخت أنا كمان
وظهرت قدامه عبداللللللله
رفع عيونه ليا اتفاجئ بوجودي كان بيحرك رأسه بطريقه غريبه ونظراته مخيفه اوي رفع السك …ينه اللي كلها د…م وطع…ن رأفت بيها عدة طع…نات ومع كل مره كانت نظراته ثابته تجاهي ومكمل ولما اتأكد أن رأفت ما…ت اتقدم بخطواته عندي جريت منه وقبل ما افتح الباب لقيته مسكني من شعري وحط السك…ينه علي رقبتي و و و و و