تحميل رواية زين وحنين بقلم حنين عادل pdf

كنت راجعه مبسوطه من الفرح

_انتي يا ست هانم

..ايه يا زين في ايه

_ في ايه يعني مش عارفه في ايه

.. انا لاحظت انك كنت متضايق في الفرح وطول الطريق واحنا في العربيه كنت مبوز ممكن اعرف السبب

_السبب ماشوفتيش الزفت بتاعك على اللي ساب الفرح كله واجي رقص قدامك وكان بيبصلك

.. وانا ذنبي ايه طيب

_ دا حتي قبل ما نروح القاعه ووقف بالمكنه قدامك ويصلح

.. صدفه وانا مالي بده كله

_دا حتي امك لما لحظت أنه ساب الفرح كله واجي يرقص قدامك وقفت وقعدتك وراها

.. اولا امي عملت كده عشان انا قولتلها انك مش بتطيق علي ابن خالي مش عارفه ليه وهوا كان بيرقص زي اي شاب في الفرح

_ومالحظتيش لما مشيتي مشي وراكي واستناكي علي الطريق

..واللهي مالحظتش وبعدين علي ايه اللي تحطه في دماغك دا عيل بالنسبالك

_ما هوا العيل ده اللي بتخاف منه وبعدين انتي ناسيه أنه رن عليكي تاني يوم الفرح ..

..مش هنخلص من الحكايه دي بقا وبعدين اعمل ايه إن كنت حلوة يعني ماهو مش بإيدي واللهي

_الحلاوة حلاوة الروح

دي حياتي معاه كلها شك وتعب وتفكيره وحش جدا او يمكن عشان الفرق بينا 9 سنين تفكيرنا مختلف …

_كل اما اجي ماسكه التليفون

..حوش النادي اخد كل وقتي والخروجات والكوافير المفروض ما امسكوش صح يعم حرام عليك ما انا طول اليوم بنتك هداني دا غير البيت حرام بقا أما امسكه شويه وبعدين هوا كل اما نتشاكل تجيب سيرة التليفون انا تعبت بقا .

_الله وايه ده رساله من هاني الساعه 11 ليه أن شاء الله

..يا بني ده هاني ده ابن عمي يعني زي اخويا وعيل بالنسبالي وبالنسبالك ده 15 سنه يابني

_ لا مش عيل ويبعتلك رساله ليه وانا ملاحظ أنه هزاركم تقيل اوي مع بعض ويبعتلك رساله بتاع ايه

..دا رساله فيها ايموجي انا تعبت بقا

_ولو يبعتلك ليه

اتفه الأسباب بنعمل عليها مشاكل دي مش غيرة دا شك بالنسبالي انا تعبت من الطريقه دي جفا في كل حاجه مابينا مافيش مشاعر مفيش حضن بعد غيابه عني يوم طويل مفيش احساس بالأمان مفيش احساس انه باقي عليا طريقته معايا بتحسسني اني جايه من الشارع أو مش متربيه

.. اه ابطال الجمهوريه عدوا حدود العالميه عاملين فكره جهنميه

_ايه ده

.. بتشد التليفون مني ليه ده فيديو للشيمي

_وجبتيه منين

..من علي التيك توك

_مش قلتلك امسحيه انتي قليله الأدب

.. قليله الادب عشان بتفرج علي فيديو

_اشمعني الواد ده بالذات

..عشان دمه خفيف

_انتي مالكيش تشيلي تليفون من أصله

.. ليه أن شاء الله انا مش بعمل حاجه غلط

_واللهي الله اعلم بقا

..علي فكره لو بتشك فيا تبقي بتشك في نفسك عشان اللي معندوش ثقه في نفسه ماعندوش ثقه في حد

_وانا مثقش في نفسي ليه ها طاااخ

..انتي بتضربني بالقلم عشان بتفرج علي فيديو

_لا عشان قليله الادب

..علي فكرة لو بتعيب في تربيتي يبقي بتعيب في تربيه مامتك اللي هيا عمتي يبقي بتعيب في تربيتك من الاساس ولو انا مش محترمه يبقى تربيتي من تربيتها

_صوابعك مش زي بعضها

في اليوم ده فضلنا نتشاكل للفجر مهداش ومانمش رايح جاي علي اوضتي اه نسيت اقول انه بينام في اوضه لوحدة حياتنا بقيت جحيم انا حنين اللي بتموت في الضحك النغشه زي ما بيقولوا اللي ضحكتها مابتفرقهاش انا اللي بحب الهزار والضحك اللي اول ماتشوفني تحس انك تعرفني من زمان انطفيت مابقتش زي ما انا بقيت عصبيه بزيادة صوتي علي ما انت اللي بتطلع الوحش اللي جوا حد والحلو بمعاملتك تقدر

..بقولك ماتحلقش دقنك انا بحبها طويله عليك

_اه وقلتلي الكلمه دي لمين قبل كده

..مش فاهمة يابني قصدك أي

_قصدي علي مثلا أصله مربي دقنه اكيد انتي اللي قولتيله يسيبها

..انت الموضوع معاك مابقاش ليه حل بقي واحدة تقول

لجوزها سيب دقنك يقولها قولتي لمين قبل كده قبلتها علي نفسك كراجل تقولها لمراتك انت مش عارف ان احترامي من احترامك وأما بتقلل مني بتقلل من نفسك

_مالهاش علاقه

..ما الطيور علي أشكالها تقع

_قصدك ايه

..قصدي لما انتي شايفني كده وحشه أوي سايبني علي ذمتك ليه

_يعني عايزة ايه

..عايزة أطلق.

رواية زين وحنين الجزء الثاني 2 بقلم حنين عادل

زين وحنينرواية زين وحنين الحلقة الثانية

ولما انت شايفني وحشه اوي كده سايبني علي ذمتك ليه

_يعني عايزة ايه

..عايزة أطلق

_مش ملاحظه انك بقيتي بتقولي الكلمه دي كتير

..ماهي مابقيتش عيشه يا زين

_ايه شايفه شوفه تانيه ولا ايه

..هوا مفيش فايدة بجد انا تعبت

_علي العموم تروح واحدة تيجي عشرة..

يعني ايه مفيش حل انا تعبت اكيد دي مش غيرة دي عدتها بمراحل دا بيشك فيا بطريقه صعبه تروح واحدة تيجي عشرة هوا ده تمسكك بيا هيا دي عيشتي معاك خمس سنين ولسه كده

..زين لو سمحت فك التكشيرة دي شويه الكل ملاحظ لاحظ أن النهاردة خطوبه اختي يعني

_انا كويس اهو

..طيب

_بطلي بس انتي شغل الغازيه ده

..اولا مفيش حد الا اهلي ومبسوطلها

_اسمعي زي مابقولك

..طيب

_انت قولتيلي العريس منين

..مش عارفه المكان بالظبط

_انا عرفت من الناس اللي جايين معاه ولو كان ابوكي قالي علي اسمه كنت عرفتله عنه كل حاجه بس احنا بنعرف زي الغرب

..انت عارف من اول الموضوع خالص انت عارف قبل ما اخواتي يعرفوا

_الموضوع ده بقاله شهرين تلاته ولسه جايين تقوللي امبارح

..اولا بابا قال لأخته اللي هيا امك ومعتمدين أني قلتلك وبرده بابا كلمك عشان يأكد عليك يبقي بنعتبرك غريب ازاي

_سيبك يعني من امتي كان حد عملي اعتبار

لازم يا زين لازم اي لحظه حلوة تبوظها لازم اي مناسبه تطلع بمشاكل انا بخاف لما بلاقيك في مناسبه معايا بخاف اضحك تقول أنا بضحك لحد بخاف اي موقف اعمله تاخده بسوء نيه بقيت بخاف.

_انت فضلتي قاعدة تعملي ايه للساعه 3 عالنت

..لا مش للساعه 3 دا للساعه 8

_اه اللي هوا ازاي يعني

..نسيت الداتا مفتوحه وطبعا كده هيبقي مفتوح والاشعارات هاتيجي

_واللهي طيب

..مش عارفه بتبصلي كده ليه هتعمل ايه يعني اقولك خد الباسورد والايميل بتاعي وافتحه عشان ترتاح

_مش كده انتي لو خايفه علي زعلي تقفلي الفيس من اساسه

..مش عارفه النت عاملك ايه

_مش عارف انت متمسكه بيه ليه

..عشان مش هفضل علطول اللي بضحي وبقل من راحتي عشانك

_واللهي وايه التضحيات اللي عملتيها بقا

..اني اتخلي عن حلمي كان نفسي ادخل جامعه وأكمل تعليمي وانت رفضت وانت عارف أنه كان حلم حياتي اني ابقي حاجه كبيرة

_وايه كمان

..انك تمنعي من لبس البنطايل مع اني لبسي محترم وجسمي يساعدني علي لبسها وكبرتني باللبس ده مع أن الاحترام عمره ماكان باللبس اختك اللي عندها 40 سنه بتلبسها انا اللي عندي 20 سنه مش بلبسها

_وايه كمان تضحياتك يا ست المضحيه

..اتريق ومن امتي بتاخد كلامي جد حتي الكتابه اللي بتطلعني من اللي انا فيه مع انك عمرك ما قريتلي روايه من اللي بكتبها عايزني أبطلها وبتتضايق لما بكتب

_عشان كلام فاضي

..الكلام الفاضي ده بيعجب الاف

_عشان فاضيين زيك

نفسي تشاركني اهتماماتي تقعد معايا تشوف رواياتي اللي بتعجب كتير الا انت تعرف فعلا اني كاتبه موهوبه وليا متابعين

_هندي ليل ونهار

..انت عارف اني بحب الهندي اتفرج بقا دا فيلم تحفه

_اه ما انت بتحبي تتفرجي عشان العضلات وعشان قله الأدب

..العضلات

_اه

..عشان الرومانسيه اللي بتطلعنا من الواقع اللي عايشينه ممكن تقولي يا زين امتي اخر مرة خرجتني بلاش دي امتي اخر مرة قولتلي كلمه حلوة بلاش دي كمان امتي اخر مرة بعد الشغل حكيتلي عن يومك

_مش بحب اشغل دماغك بمشاكل الشغل …

انا عارفه أن بيبقي في جفا في العلاقه بس مش كده انا اتجوزته وانا عندي 15 سنه كنت عيله بمشي وراه في كل حاجه حكم عليا اني ما اكملش المدرسه كنت طالعه من 3اعدادي واصريت اني اكمل وفعلا كان لسه ايام بسيطه عنها وروحت جبت هدوم المدرسه وقدمت في ثانوي تجاري وكل حاجه تمام لحد ما قبلها بكام يوم….

..يعني ايه مش هروح

_مش هتروحي وخلاص

..يا زين ماتهزرش بجد

_مش هتروحي

..مش احنا متفقين وجبت الهدوم وكل حاجه ايه اللي حصل بقا

_مش هتروحي روحي منازل

..بس انا سألت لازم اسقط سنه عشان المنازل

جبت بابا وقاله تروح يومين أو تلاته في الاسبوع ومفيش فايدة جبتله كل الناس ومفيش فايدة وطبعا عشان انا الست اللي لازم تسمع الكلام وتضحي ضحيت بسنه من عمري وسقط عشان اروح منازل..

..زين

_نعم

..انت عارف انت وحشتني.

_ماتشوفيش وحش

زين شخصيه غامضه انا عارفه كويس اوي انه مش بيحبني وانا لحد النهاردة مش عارفه ايه حقيقه مشاعري ناحيته بس لما انا بحب ضحكته اوي بحس أن الدنيا بتضحك لما بيضحك بحب عيونه العسلي ورموشه الطويله بحب شفايفه لما بيحركهم بطريقه عشان يضحكني اه اكيد احنا في لحظات حلوة بس بين كل 10 ايام زعل يوم كويس وبحس أنه عشان يشبع غريزته بس وبعدها برده بنتشاكل

..زين انا اتعاكست النهاردة

_كل البنات بتتعاكس

..دا قالي يا فرس وكلام وحش

_عادي الحلو بيتعاكس والوحش بيتعاكس

..ولا انت عارف كويس اوي وبشهادة الكل أني قمر عيون بني وبيضه وطويله وشفايفي بتعاكس عليها من البنات قبل الرجاله

_طبعا انا عارف…

انتي عارفه لما تبقي جميله وبتحاولي تبقي اجمل عشان تسمعي كلمه منه انتي زي القمر هتطيري من الفرحه بس لما تحسي انه مش فارق معاه اي حاجه مش بيحاول حتي يديكي ثقه في نفسك مش بيحاول يقولك كلمه حلوة الإنسان اكيد فيه عيوب ومميزات بس لما تبقي عيوبه اكتر من مميزاته يبقي بلاش منه

السؤال هنا التعامل مع شخصيه زين ازاي ؟؟؟!!هل في حل ؟؟؟!!!

…

رواية زين وحنين الجزء الثالث 3 بقلم حنين عادل

زين وحنينرواية زين وحنين الحلقة الثالثة

..ايه يا زين هتفضل كده علطول

_ كده ازاي يعني

.. نفسي نعيش مرتاحين شويه يا زين علطول نكد نكد انا زهقت نفسي حياتنا تبقي طبيعيه

_اما تسمعي الكلام وتعملي اللي يريحني

..اسمع الكلام في ايه

_في كل حاجه هوا انتي بتسمعي كلامي في حاجه

..زين ارجوك انا تعبت بقا انا بحاول اعمل كل حاجه ترضيك وفي الأخر ببقي برده وحشه ومش بسمع الكلام

_ اه مش بتسمعي كلامي

..يعني اي اللي يريحك يا زين انا قاطعت ولاد عمي وولاد خالي عشانك واللهي بقيت اخاف اقول اذيك تتفهم غلط منك

_ وهوا انا بكلم بنات عمي أو بنات خالي بعشم ذيك كده كل حاجه ليها ضوابط وأحكام ..

كل حاجه يا زين فيها مشكله كل تصرفاتي فيها مشكله بالنسبه ليك تفكيرك عمري ما هاقدر اغيره وفي نفس الوقت ماعدش عندي طاقه استحمل بس بستحمل عشان بنتنا عشان بيتنا بس لإمتي ..

ماسكه التليفون عادي

_كل ما ادخل ماسكه التليفون

..زين انا زهقت هوا كل شويه التليفون ما انا مخلصه كل اللي ورايا ولا ماعدش من حقي اعمل اي حاجه تريحني

_وهوا التليفون اللي هيريحك

..انا زهقت من كتر ما ببررلك

_انا ممكن امنعك من ام التليفون ده خالص

..طيب انا بعدي كتير يا زين وبحاول اريحك وباجي علي نفسي عشانك

_وايه بقي اللي بتيجي علي نفسك عشاني ايه التضحيات العظيمه بتاعتك

..واللهي

_اه اكيد انا بطلت لبس البنطايل قال هوا ايام الرسول كان في بناطيل ولا كليات اللي بيحصل فيها لبخ وكل واحد واخد واحدة وقاعد في جمب

..انا هاروح اتعلم واكيد انا مش هابقي زيهم وكل مكان في الحلو الوحش سواء مدرسه ابتدائيه او اعداديه أو ثانوي

_حصل عندك حق مش في المدارس بس دا بقي في الشوارع والبيوت والتليفونات الدنيا اتملت لبخ

..من سلك طريقا يلتمس فيه علما سهل الله له به طريقا الى الجنه

_انا قولت خلاص وكفايه علي كده كلام منتهي

لازم يا زين كلمتك اللي تمشي مافيش نقاش لازم تحسسني أني ولا حاجه انت اللي بتفهم انت اللي تقرر انت كل حاجه إنما أنا انا الخدامه وبس حتي مش هقول مراتك لأن انا مش اخده الحقوق دي فين المودة والرحمة اللي ما بينا

..كل حاجه مفيش غير رأيك اللي ماشي

_كان ايام الرسول كليه

..كان ايام الرسول من سلك طريقا يلتمس فيه علما سهل الله له به طريقا الى الجنه و العلماء ورثه الانبياء ومن تعلم لغه قوم أمن مكرهم

_انسي بقا كده كويس

..انا عارفه انت ليه مش راضي عشان مابقاش اعلي منك

_ههههههههههههههه انا مش في دماغي الموضوع ده اساسا

.. وكل ما تتكلم تقولي الرسول وايام الرسول طيب ماتتعلم منه حاجه بدل ما تتكلم وبس الرسول كان بيقول للسيدة عائشة واللهي اني انام وقلبي بحبك لا ينام

_………….

..ايه مش لاقي كلام

_ما انتي مانتيش السيدة عائشة

..يييييييييه

_اييبه

..طيب نسيب موضوع الكليه عارف اللي حصل للسيدة عائشة وان ربنا برأها

_وكان اي اللي حصل

..مش عارف امال عمال ليل ونهار تقولي الرسول والرسول انت عارف أنه حتي مسالهاش عشان ما يجرحش مشاعرها

ابقي أعرف من نفسك يمكن تتعلم منه حاجه

.

انا فعلا بطفي بقل راحتي عشانك بعمل اللي يريحك علي حساب نفسي بعمل كل حاجه اقدر عليها وانت بتقابلها بالسخريه وتضحياتك العظيمه التقدير والاحترام اهم من الحب فعلا اهم من الحب انك تقدر اللي بعمله عشانك وانك تهتم ومابقاش مصدر تسليه وسخريه ليك انا …….جبت اخري …بجد جبت اخري

_روحتي قلتي لامك يا هانم

..ايوه قلتلها يا زين الموضوع ذاد عن حده

_وطبعا قلبت الكلام وحورتي ولفيتي ودورتي

..انا ماتكلمتش في حاجه ولا طلعت سرك زي ما انت فاهم انا اتكلمت في نقطه واحدة انك بتشك فيا

_سر بيتي بره اي كلمه بقولها بره

..قولتلك ميه مره انا ماتكلمتش الا في نقطه واحدة انك بتشك فيا يا زين انت تقبلها علي اختك بجد تقبلها أن جوزها يشك فيها الموضوع ذاد عن حده وماعتش قادرة

ايوه يا زين لازم هتمشي وتسيبني وترزع الباب

قعدت اعيط ايوه بعيط ماعتش عندي طاقه اللي بيحصل فوق احتمالي وهاعمل ايه غير العياط ……انا تعبت

…

رواية زين وحنين الجزء الرابع 4 بقلم حنين عادل

زين وحنينرواية زين وحنين الحلقة الرابعة

انا هامشي يازين خلاص ماعتش ليه لزمه الكلام

_لا مفيش مشي

..لا انا ماشيه انا تعبت من كل اللي بيحصل ده تعبت من شكك فيا تعبت من طريقتك معايا تعبت من الجفا اللي بقي بينا

_لا هما اللي يجيوا هنا وتبقي تروحي معاهم

..لا هروح

_طب اعمليها وشوفي ايه اللي هيحصل

.. يعني هتعمل ايه هتقفل الباب عليا مثلا

_ايوه

..انا هامشي انا استحملتك كتير ومافيش فايدة

_انت استحملتي اي

..فعلا مهما تيجي علي نفسك وتعمل عشان حد مش هيفرق ولا يتحسب

_ههه وايه كمان يا ست الفيلسوفه

..اتريق ما انا اللي عملت في نفسي كده انا اللي كنت باجي علي نفسي وراحتي وبسيب حقي واسيبك تغلط واسكت لكن لو كنت وقفتلك ما كانش الموضوع ذاد عن حده

_موضوع ايه اخوكي يرضيه اللي حصل ده ما انا هاجبلك اخوكي

..لأ هات بابا

_لأ اخوكي هيفهم لكن ابوكي هيجي في صفك زي كل مره

عايز يجبلي اخويا عشان حصل مشكله مرة وماسمعليش وسمعله بس وطبعا زي اي راجل هيحاول يخليني وحشه جدا وهوا اللي مستحمل وانا اللي غلطانه وصل اخويا لضربي بسبه لحد دلوقتي مش قادرة انساها ليه أو انسي لزين ده انا من النوعيه اللي مش بتنسي ايوه مش بنسي مش بنسي الحلو ولا بنسي الوحش كل حاجه بتعملها معايا محفوظه لو ايه الحلو اللي عملته فاكراه والوحش فاكراه بس كله بيطلع في الوقت المناسب ممكن تكون نسيت بس انا لأ انا مش اي حد يدخل قلبي انا عشان احبك لازم تكون بتحبني وتبينلي ده وتحسسني بيه بس انت كل اللي بتعمله بتكرهني فيك اكتر واكتر لأمتي هستحمل عشانك يا بنتي؟!…..

زي اي يوم رجعت في كلامي عشان مش عايزه انكد علي امي لأنها ياعيني فيها اللي مكفيها مش عايزة اضايقها مش عايزاها تشيل همي وهيا شايله كتير احنا ماشاء الله علينا 3 بنات متجوزين ماخترناش ايوه ماخترناش وكنا هنختار ازاي احنا كنا عيال 🤨 انا بحب بابا جدا جدا هوا حنين وطيب بس دي الحاجه الوحيدة اللي مش مسامحاه عليها مش مسامحاه انا مااخترتش زين انا كان عندي 13 سنه لما اتخطبتله 😂 و15 لما اتجوزته 15 سنه يا بابا تكسر احلامي انا كان نفسي اطلع حاجه تخليك تفتخر بيا تعرف انك ربيت تحملني مسؤولية وبيت وراجل يتحكم فيا ويطلع عليا كل عقده دا حتي جسمي مايستحملش لسه مااكتملش انت اكيد طيب وحنين وانا عارفه انك ندمان بس مش مسامحاك بجد مش مسامحاك….

..زين هوا اي الحل في الراجل اللي بيشك في مراته 🤨

_تعمل اللي يريحه وتحاول تغير مفهوم أنه بيشك فيها

..ازاي

_يعني لو التليفون مضايقه ماتشيلوش وماتتمسكش بيه عشان مايشكش

..هوا لازم الست تخسر كل راحتها عشان الراجل يا زين لازم تخسر كل أحلامها وما يكونش عندها شخصية لازم ماتشيلش تليفون حتي اتفه حقوقها عشان راحه الراجل ويحس أنه سي السيد وكلامه ماشي

_…………….

..زين انا ماعتش قادرة اجي علي نفسي اكتر من كده نفسى ما تستاهلش كده مني

_يعني قصدك ايه

..قصدي اني لو معايا منك عشر عيال مش بت واحدة هاسيبك لو فضلت كده وساعتها هتعرف قيمتي ما فعلا مش هتعرف قيمتي غير لما امشي بس اعرف اني لو بعت هابيع ومش هابقي علي حاجه

_ هما قالولك كده قالولك هددي يابت عشان يكش ويخاف

..ولا حياة لمن تنادي

اسلوبك وحش تفكيرك وحش انت بتشك فيا بجد يا زين انت ماتستاهلنيش ما تستاهلش غير واحدة تضحك عليك وتفهمك أنها محترمه كويسه وبتسمع الكلام وتقرطسك وماتشكش فيها وتبقي فاكرها ملاك

انا بقيت اخاف احكيلك حاجه عن اهلي تاخدها ضدي أو توقعنا في بعض بسببها بخاف اي تصرف بحسن نيه مني تاخده بسوء نيه وتطلعني غلطانه بمعني اصح مش حاسه معاك بالأمان يا زين مش حاسه ..

فاض بيا لقيتني بلم هدومي وباخد بنتي وبلبس خلاص قررت مش هاجي علي نفسي نفسيتي مش مستحمله افعالك مش مستحمله الجفا مش مستحمله الشك كل يوم معاك بموت فيه انا فعلا مش عايشه

وانا في الطريق لقيته بيرن

_الو

..ايوه

_اي الصوت ده

..انا ماشيه في الطريق

_ماشيه فين

..راحه بيت بابا

_واللهي طيب….

…