رواية عابث القبيلة الفصل الأول 1 - بقلم سولييه نصار

-لما… اطلعي من البحر يالا المغرب أذن .
قالتها ماما وهي على الشاطئ ابتسم وانا بهز رأسي فدخلت الشالية …كنا في شرم الشيخ في الشالية بتاعنا الخاص أنا وبابا وماما واختي التوأم رُقية …ماما دايما بترفض أننا نعوم بالليل بتقولي أن البحر ليه ملوكه ..
حقيقي كنت بضحك على كلامها …ضحكت فعلا وانا بعوم على ضهري..غمضت عينيا وانا مستمتعة بالهدوء اللي في البحر …. فجأة صر.خت بفز.ع وانا بحس بحد مسكني …فتحت عيني وانا بلاقي شاب أسمر بعيون زرقاء زي المحيط ليه غمازات …كان حرفيا شايلني على إيديه ..اتصدمت وانا ببص على منظره…كان من غير تيشرت …عضلاته كبيرة ….فضلت أبعده عني بس في عينيه حاجة غريبة كانت بتجذبني……
نزلني وقال بصوت عميق :
-أسف …
جسمي اترعش وانا بقول :
-أ..انت مين وازاي جيت هنا و…
-إسمي سلطان وقلبي هو اللي جابني هنا يا لما ….
رمشت بصدمة ولسه هسأله بس فجأة ماما زعقت من ورايا :
-لما أنا مش قولتلك تعالي !!!
بصيت عليها وروحت ابص على الشاب لقيته اختفى تماماً…رجعت ورا بصدمة وانا بقول :
-بسم الله الرحمن الرحيم …..
بسرعة طلعت من البحر وانا قلبي بيدق جامد وسامعة صوت ضحكة مكتومة ورايا ……
….
على العشا …
كنت قاعدة وانا ببص على الطبق بتاعي من غير ما اكل …كنت حاسة بقلبي بيدق جامد ….رفعت عيني فجأة ولقيته قدامي قاعد على الترابيزة …مش لابس الا شورت لحد ركبته بيبتسملي بحب ….
-آه ….
صرخت برعب وانا برجع ووقعت على الأرض ….
-لما …
قالتها رُقية اختي وهي بتجري عليا واهلي قاموا برعب …حضتنتي رُقية وانا بترعش وقالت:
-مالك.يا حبيبتي حصل ايه قوليلي !!
فضلت اترعش وانا حاضناها وغمضت عيني برُعب…
……..
بعد ما اهلوا هدوني روحت أنام…طبعا مرضتش اقولهم اي حاجة قولتلهم اني شوفت اتهيالي اني شوفت صرصار ..
…..
-بصراحة مش داخل دماغي انك شوفتي صرصار وصرختي …
قالتها رقية وهي بتدخل ومعاها كوبايتين بيبسي وادتني وقعدت جنبي على سريري…اتنهدت بتعب وقولت :
-فعلا مش ده اللي حصل …
بصتلي فبدأت احكي لها كل حاجة …
بعد ما خلصت قولت :
-أنا مش فاهمة ايه ده يا رقية ومش عارفة مين ده اصلا و….
تجمدت فجأة مكاني وانا سامعة رقية بتناديني من المطبخ اللي جنب أوضتنا وبتقول :
-لما …فيه بيبسي في التلاجة اجبلك معايا !
اتفزعت وانا ببص على رقية اللي جنبي على السرير واتصدمت أنه الشاب نفسه بس المرة دي عينيه كانت حمرا وكان بيبتسملي !!!
-يا مامااااااا