سامي قفل الجوال ... وهو متضايق .. ...ناظر دريشة غرفته .. وهو يلف الشال على شعره ....ياربي وش اللي بلاني بها ..كنت مرتاح ...الله يسامحك يبه ..ليتك ماخطبتها لي ...أبتسم بخبث اخ بس مايقدر عاد يتخلى عن هالشرسه وهو يناظر مكان عضتها في يده اخخ حفرت يده حفر .. حشى ماهو سنون عليها ... طلع سيجارة .. ولعها ... وجلس مكانه المعتداد ..على التكه وهو يناظر ....
في بزران الحاره يلعبن كوره وقف وبسرعه أخذ شفطه من دخانته ورماها وقال بصوت عالي: بسرعه مع أي فريق يالله الللكنق بيلعب
كلهم ماردوا عليه قال بعربجه : افاااا ماهقيتها منكم يالربع وزود ... كلهن مااعطاوه وجههه قال بغيض منهن :
اقول قسم بالله لو مالعب احوسكم واحد واحد
شاف عدم الرضى على وجيههم قال بضحكه : طيب حارس ايش
رايكم
واحد تكلم منهن: ايه حلو أحرس نعالنا
سامي بسرعه تقرب منه وه معصب بس اخخ شرد
قال بعصبيه: قسم بالله اشوفك تلعب معاهن فرمتك يال******
مسك واحد من اللي يلعبون قال وهو يبي يخوفهم بس : شوف لو ماتخلي اصحابك يخلوني العب
احوسك بدل هذاك اللي غلط علي
قال بسرعه وهو خايف تكفون خلوه يلعب
سامي لما وافقوا ....يلعب قال بسرعه لما شاف عبد الرحمن جاي بالسيارة : معليش مالعب مع بزران
وهو يركض ناحية عبدالرحمن وركب معه
بيت ابو عصام
ريتاج
جالسه في غرفتها ماطلعت منها بالمره اسيل جت وصدعت راسها بدلعها طردتها ... وطلعت ....قامت بكسل من على السرير ...وهي متضايقه حيل ....طلعت برا غرفتها ونزلت تحت. ...انصدمت يوم شافت ابوها جالس يتابع الاخبار متى جاا ..تقربت منه ..وهي تسلم فوق راسه
ابو عصام : هلا هلا بحبيبة ابوها
امك قايله لي انك هنا بس نايمه وماحبيت اطلع أزعجك وناظرها بشك : تعبانه شيء
ريتاج ابتسمت بحب لابوها على زعلها منه بس والله تحبه احن من امها عليها : شوي تعبانه
ابو عصام :يعني جايه هنا نايمه ومخليه بيتك عشان تعبانه ولا فيه
شيء ثاني
ريتاج عرفت ان امها ماقالت له قالت بخوف : يبه مابي وليد
ابو عصام فجأة عصب:وشهوو
ريتاج برجى: يبه تكفى افهمني يبه خلاص مو ضروري اطلق منه انا راضيه أعيش كذا طول عمري بس مابي أرجع أعيش عنده
ابو عصام بحده:اقول وش هالكلام اللي مايدخل العقل في صاحيه تتطلب اللي تتطلبيه تعيش كذا لا متزوجه ولا مطلقه
ريتاج بحرقة قلب : يبه انت مفروض تفكر في مصلحتي وراحتي مو في عمي اللي فارض رأيه على الكل وي ليت أحد مرتاح
باللي يفرضه
ابو عصام بعصبيه: ريتاج
ريتاج بخوف من صرخته بس لازم تقوى شوي يمكن تقدر ترد عن نفسها شوي من ظلمهم لها : تكفى لا تعصب بس فكر فيني شوي وليد مايبيني يبي زوجته ويبي يتمم زواجه وانا بعيده عنه
ابو عصام : اقول قومي قدامي ارجعك بنفسي بيت رجلك قبل مايدق علي اخوي واتفشل منه
ريتاج بقهر : تتفشل وبقهر كملت هذا اللي همك أخوك طيب وانا وين موقعي من ذا كله يعني عادي بنتك تعيش مذلوله
ابو عصام : بلا كذب وافترى وليد رجال ومستحيل يضيمك
ريتاج : يبه ماعلي رجال مو رجال لا انا له ولا هو لي وبعدين صدقني هوو مايبيني
ابو عصام بحده : بسرعه انقلعي جيبي عباتك وبسرعه انتظرك
في السياره والحجه ماهي عليك على امك اللي ماقالت لي
ريتاج بغصه: يبه
ابو عصام بعصبيه: امشي قدامي والله ماتخربي على اخوك خطبته ولا تسوي مشكله بيني وبين اخوي عشان ايش مو قادره تتحمليه هذا كله دلع بنات خلاص افهمي بندر مات فاهمه ايش مات
رتياج قلت بحزن: ادري أنه مات و عصام وشوق مالهن دخل ليه
أخرب عليهن
ابو عصام بصرخه : يعني انتي مو عارفه اخوي والله لايشبك سالفتك مع وليد في سالفة عصام وشوق
وبعدين انا مو حاب رجعتك للبيت وانتي مطلقه ولا جالسه كذا مثل البيت الواقف
ريتاج وقفت وهي تناظر ابوها بصدمه كلامه كبيرر حيل وش فيه.. ابوهامتغير كذا عليها : صدقني يبه لوو رجعتني له بهالطريقه راح احس بذل طول عمري
ابو عصام بحده : ذل عند زوجك امشي بس ي كثرر هذرتك
ام عصام طلعت من المطبخ على صوتهم: بسم الله وش فيه
ريتاج : يمه مابي ارجع
ام عصام بهدوء: اسمعي كلام ابوك
ريتاج بقهر : أكيد م راح تقولي ان ابوي غلطان دوم تمشي ورا قرارته حتى لو كان ضدنا
ابو عصام بعصبيه أعطاها كف قوي خلى وجها يلف منه وبصرخه : غصب عنك تسمع كلامي ومدام هذا كلامك والله ماتجلسي في بيتي دقيقه واحلمي عاد تجي تبيتي هنا مالك بيات غيرر بيت رجلك تعالي زياره حياك غيره مافي
والله ماهو آخر الزمان عيال يفرقن بينا انا وأخوي وتصرفاتي اللي ماهي عاجبتك تنفذيها من فوق خشمك
ريتاح ماسكه على خدها هذي ثاني مره يمد يده عليها بسبة وليد
قالت بنفس مكسورة بعد ماسمعت كلامه : دقائق اجيب عباتي
ام عصام بحزن: لااليوم اجلسي هنا وبكرة روحي
ريتاج وهي ماسكه نفسها ماتبي تبكي قدام ابوها : لا مدام مالي مكان في هالبيت صرت وشهوله اجلس
ابو عصام
بشفقه عليها بس.... مهما كان لازم يكون حازم معاها ولا ..
بتجلس مع ذكرياتها مع بندر الله يرحمه و ماضغط عليها كذا ....إلا يبي مصلحتها ويبي يشوف عيالها ...وهي مبسوطه في بيتها ماهوو تجلس هنا في غرفتها وماتطلع منها هذا حالها من وفاته الله يرحمه .. واكيد االعيب من بنته ماهي متقبله وأحد غير بندر إلا وليد أكيد مايقصر معاها ....قال بجمود وهو يناظر زوجته اللي الضيق في وجهااا: صدقيني لمصلحتها
ام عصام بحيره: وانا والله مدري وين عاد فيه مصلحتها صح انا وافقت على الزواج وشديت عليها بس عشان تتطلع من اللي
هي فيه بس بشرط مايكون ظلم لبنتي ولا ولد اخوك يغلط عليها
ترى لو ادري انه بس ماد يده عليها قسم بالله احوسه هو وابوه ولا افكرر تدري فيني كله ولا عيالي .....
ابو عصام وهو يناظر فوق : خلاص اسكتي لا تسمعك ذي وتستقوي ...
ومثل ماقلت لك وليد مستحيل يظلمها طول عمره عاقل
ريتااج نزلت وهي لابسه العبايه تقربت منه .. وقالت بهدوء عكس الي جواها: صدقني يبه لو يذيحني معاد رجعت لك وانت كذا مرجعني رخيصه له
ابو عصام يحس قلبه يوجعه عليها بس قال غصب عنه : ماعليه مهما صبرتي على زوجك أكيد بيحطك فوق رأسه وترا الرجال يحب المره الصبور واللي ماتشكي عند أهلها حتى لو ذبحها بالطق وبقساوه وصدقيني وليد فرصه لك فاحاولي تكسبيه أفضل
ريتاج ناظرت ابوهاا بعجزز منه خلاص عرفت الحين ..ان مالها وجود في هالبيت ولا لها وجود في بيت وليد .....وين تروح أجل ... مسحت دمعتها اللي نزلت غصب عنها ....حرام عليهم كذا يسوون فيني ...
مشت معه وهي تجرر رجولها غصب عنها .. ماتبي تروح ..بس بعد المعامله الي ابوها عاملها فيها مستحيل تجلس هنا
ركبت السياره وهي ساكته ...ولا حتى ابوها ...نطق بكلمه ...غيرر انه قبل مايوصلوا البيت قال بحزن وحنان : يبه لا تزعلي مني والله عارف ان لو طاوعتك العيله بتتدمر من المشاكل اللي بتحصل
ومثل مانتي عارفه عمك الله يهديه أكيد م راح يرضى وخليك ذكيه وللمرة الثانيه اقولك ...اكسبي وليد ترا مايتعوض وصدقيني إذا ماحبك مثل لطيفه ف أكيد م راح يضيمك لانك بنته عمه
وسعادتك من ساعدته
ريتاج ،، بقهر من حكي ابوها وده تصرخ وتقول له أسكت خلاص ترا ه مايقصرفي الضيم ... ..بما فيه الكفايه . ... آآه من هالعم اللي لاعب ....في حسبتنا ...ومن المدح لواحد مايستاهل ....ودي كان اقوله وش اللي مايتعوض فيه ...بس لا مستحيل عاد أفتح فمي بكلمة لابوي إلا بعد ماعصام وشوق يتزوجون وبعدها اشوف والله مافي قوه تردني له تنهدت بضيق يوم شفت بوابة بيت عمي وصلنا
ونزل ابوي ...يسلم لما شاف عمي ينزل من السياره وكان واصل قبلنا
مشيت وانا مطنشه حتى عمي ....دخلت البيت وانا أحس بغربه ...طلعت الجناح اللي انطردت منه ..أكره هالبيت اللي مافيه حياة ...شوق بس في غرفتها ..ولا عند صديقاتها ...وخالتي بس جالسه في غرفتها هي بعد وقعدتها نادرة في الصاله ....ومايجلس يمكن في الصاله بكثرة غير عمي ...وي شين الجلسه معه ...أحس بحقد عليه هو السببب في العذاب إلا أنا فيه ...والله لوو ابوي ماهو خايف ....من مصالحه معه كان ....ماضحى فيني كذا أعرفه ابوي ...قلبه طيب ولا يعرف... يظلم أحد مثل عمي ...بس آه يوم ظلم ظلم بنته .مسكت مكان الكف اللي احسة مولع ....فكيت العبايه .وانا استغفر ابي هالضيق تروح عني ....جلست على الكنبه اللي دوم أنام عليها . .تمددت ..وانا أحس بغصه ....ياناس مافني طاقه والله
عاد اتحمل...وكمان مافنيي ارد على كلام وليد اللي يذبح
..ليت لساني طويل مثل لطيفه...ليت اني قويه مثل لطيفه ...والله احسدها ..على القوه اللي هي فيها ...لافكرت لا في ابوها ولا وليد ولا أحد مصممه على رأيها اللي يحسننني بتنأيب ضميررحسيت...... بصداع قفلت عيوني وغفيت .... ...
::
بيت ام محمد
وصولوا ... توهم وهي معصبه من تذمر... بنتها اللي من وقت ماطلعوا من ابها وهي تسب... في غلا ..قالت بعصبيه وهي تناظر سلمان : ليتك قبل ماترجع تأدب لي هذي الملسونه
سلمان جلس على الكنب بتعب : اخخ وأنا أخوك اصبري عليها وترا ذا كله بس لان باقي من موعد سفرنا يومين وانتي الله يهديك قطعتي رحلتنا وعجلتي علينا
ام محمد بضيق: قلتها يومين ماهو بذاك الزود عشان ذا كله وبعدين قلقانه على غلا ولازم أكون جنبها
سلمان وهو مبتسم : ي هالغلا جننتك البنت تزوجت يعني مااصار شيء كبير عشان تقلقي عليها كذا
ام محمد عضت شفتها بحسره : تزوجت عربجي حارتنا
سلمان بجمود: ماعلينا مدام ابوها رخصها له وماشاف مصلحتها وزوجها اي أحد كيفهم جميع
ام محمد بضيق : افاااا هذي علومك وانا ابيك تفزع معنا
سلمان فتح عيونه بصدمه : وشهو افزع وش لي فيها انا
ام محمد:ايه ودي ترميه كم يوم في السجن حتى يخيس
سلمان وقف وهو يضحك ع اخته : أرميه كذا ليه على كيفي هوو أقول
انا رايح انام أفضل واليل وراي سفره لسى للديره
ام محمد
بقهر وقفت
و رجعت لبست العبايه اللي تو فكتها ..وبسرعه اتجهت لبيت ام سامي وهي تدق الباب ....حاست بوزها يوم سمعت ام سامي وراء الباب تسأل مين
قالت بقهر: انا أم محمد
ام سامي فتحت الباب بفرحه أكيد جايه تأخذ معاها شيء : هلا والله اقلطي اقلطي
أم محمد بسرعه:وين غلا
ام سامي حاست بوزها و بدون نفس: قطع الله الطاري
أم محمد وهي تحاول تمسك نفسها لأنها شريه وراح تعلق معاها قالت : بسرعه ناديها لي بالله
ام سامي بمحاوله: طيب ادخلي عندي هذاك البخور والبضاعه
اللي يحبها قلبس
ام محمد دخلت ودها تشوف غلا باي طريقه قالت وهي
تسايرها: خلاص اشوفها بس بالله قبلها نادي غلا
ام سامي : تفضلي الصاله والحين تجيتس بنفسها
ام محمد مشت ناحية الصاله وجلست فيها وهي تنتظر دخول غلا عليها فديتها وحشتني
ام سامي بسرعه راحت لغرفة غلا ودقت الباب بدون استئذان
وبقهر: قومي ام محمد هنا
غلا كنت أناظرها بقهر كيف تدخل كذا اف ناس بدون ذوق صدق بس يوم قالت ام محمد فديت قلبها والله بسرعه فزيت من تحت الباطنية واناا أركض للصاله
آه شفتها حسيت روحي رجعت لي ضميتها من قلب بكيت غصب عني ....
ام محمد ضمتها بحنان وبعدها ناظرت وجهااا اللي تعبان حيل قالت بحزن : فديتها بنتي ليه تبكي وتشمتي فيك خدوج خليك قويه مثل ماعرفتك
غلا مسحت دموعي وجلست مقابله لها: تكفين دبريني ابي أنفك من هالبيت تعبت وطفشت ماقدرت أعيش فيه شوفي بس لي ثلاث ايام احس روحي طاقه ومريضه وحالتي حاله
ام محمد وهي تناظر وجها النحفان :ياقلبي ان شاءالله اقدر اساعدك وتنفكي منهن اللحين جايه أطمن عليك
ام سامي وهي في يدها كيس البضاعة جلست في الأرض غصب من سمنها ... وهي تمد علبة البخور : يالله هذا هو البخور ولا يفوتك هذي كمان عطور طلبيه من دبي
غلا بهمس : من دبي ي الظالمه والله من بسطة ام عادل
قالت بتريقه: اقول اشوف عطر دبي ذا
ام سامي بقهر: غالي ماهو لتس
ام محمد بغيض : مايغلى على زوجة ولدك
غلا بحسره: تكفين ماتقولي هالكلمه
ام محمد: هههههه ابشري رفعت العطر وهي تشمه رجعته وقالت مجامله حلو ماشاءالله
غلا بسرعه رفعته بعدها وشمته قالت بسخريه: قلتي لي من دبي
كم سعره ابي أهديه ولدك ولو فيه من باريس وكاد أحسن
ام سامي عرفت انها تتمسخر عليها ودها تذبحها بس هين خلي المره ذي تأخذ معي وبعدها اتفضى لك راح اربيتتس ولا ماكون خدوج : قلت ماهو لتس رجعيه
غلا رجعته بعد ماشمته: اي والله ماهو بلي يالله كان ابي انصرع من ريحته حشا ماهو عطر وهو ترفع الزحاجه من وشهوو مصنوع ذا
ام سامي بغيض ودها تقوم تمردغها: وش يعرفتس انتي في الزين خليك بس ي بنت راجح لللطبخ والكرف
غلا بقهر: يمه اللي الخدم حولها من كل مكان
ام سامي بتمثيل : الحشيمه ماهو لتس لام محمد وهي تناولها
العطر خذي لو اعجبتس والفلوس عادي لتس حتى السنه اللي بعد
ذي
غلا بهمس: بكرة من الصبح تتتدق بابك
ام سامي بقهر سمعتها هذي وش ناويه عليه تبيها تخسر تدري فيها خبيثه حسبي الله عليها وحسبي الله عليك ي وافي كله منتس انت بليتن فيها طنشت حكيها ابي هالعله تأخذ قالت بأبتسامه مصطنعه: هااا ي ام محمد عجبتس ان شاءالله
ام محمد ماقدرت تتعذرها قالت بمجامله : خلاص أخذه
ام سامي بفرحه: والله ماتندمي عاد ريحته تزين أكثر وأكثر
غلا بقهر منها : والله مابه زين حرام عليك نشبني في المره
ام سامي مطنشه : خذي بعد مدخلته كرتونه وقفت بسرعه انسحبت عشان تخاف تجلس وتقوم ترجعه بعد مالعوبه بنت راجح وكاد تغير رأيها
ام محمد بهمس بعد ماطلعت :غلا عيب عليك أحترميها هذي كبيره
غلا بقهر: آه لو تدري وش سوت فيني بس جالسه تشكك في اخلاقي بس ماعليك والله لا اطفشها هي ولدها الخايس
وبعدين تعالي انتي جايه تفزعي ولا تتقضي معاها
ام محمد بتعب: والله جايتن أطمن عليك وابي رقم خالتك
عشان ادق عليها عندي أمل فيها حيل
غلا بقهر: آخذ جوالي ال****** ورقمها ماهو حفظته ماعليه خلي ابوي يرجع بس وبعدها اعرف كيف اتفاهم معه
ام محمد: كيف تتفاهمي معه وهو إللي بلاك بهالبليه
غلا بقهر : واللي قاهرني مدري وين مختفي
ام محمد وهي مبتسمه : حركات الشايب يمشي مرته وانتي جالسه عند خدوج
غلا بغيض :اخخخ ليته يضيغها بس عشان تتوب من الزواج وتحس أن العنوسه ابرك لها
ام محمد ضحكت بصوت عالي: هههههههههه
غلا بقهر: تصدقي احسك بارده وين اللي في الجوال ودها تفزع
ام محمد: وشاسوي كل ماقلت لك شيء سكريته في وجهي
المهم ابي اقولك ترى فاديه ..دقت علي تقول الوظيفه اللي في السوق لسى تبيها لانها رشحتك للصاحب المحل ولازم تكلميها
غلا بفرحه: من جد متى طيب
ام محمد : مدري بس قالت تتدق علي ضروري لانها تدق عليك جوالك مقفل
غلا بغيض: مو اقولك أخذه مني ال******
ام محمد بقهر: حاولي تأخذيه منه وكلمي البنت
غلا : ماعليه والله آخذه منه وغصب عنه بعد
ام محمد وقفت وهي حزينه عليها ...ماتستاهل هالعيشه والله ...
: ماعليه حبيبتي ان شاءالله تزين أمورك
غلا وقفت معاها ومسكت يدها وقالت بقلق: تصدقي قلقانه على ابوي له يومين ماله أثر
ام محمد وهي تتطمنها : الشيايب مسوي شهر عسل من وشهو قلقانه
غلا بشك: ابوي من فين له بالله فلوس آه ي خوفي عليه
ام محمد حزينه عليها بعد اللي سواه فيها لسى قلبها عليه : صدقنيي بخير
غلا
هزت راسها وهي ودها تبكي ..قالت بغصه: ليتك تجلسي أكثر
ام محمد: والله حدي تعبانه توني واصله وجيت على طول بس اوعدك ماقطعك ورفعت الكيس الله يعين كل ماجيت عندك خسرت هههههه
غلا بقهر منها: ليه تأخذي منها كان خليتي بضاعتها تكدس عندها وكاد قلبي يبرد شوي
ام محمد: نشبت فيني هههههههه ويالله حبيبتي وهي تسلم عليها الله يحفظك وطلعت
عند سامي
اللي يضحك بقوه وهوو مطلع رأسه من الدريشه : مشكورين
ماقصرتووا
عبدالرحمن بجنبه ويصيح: كفووو الهجوله لها رجالها
سامي بسرعه سحب شاله ورجع تلطم وقال بصوت عالي هذي بس عشان تشجيعكم وبسرعه فحط .. ولفت السياره أكثر من مره
عبدالرحمن طلع جسمه كله من السياره وهو يصرخ: ياناس
خلاص لا تفشلن اعماركم مع الكنق
نصيحه اللي بعده ينسحب ...
سامي بتفاخر : فديت الخوي أنا
عبد الرحمن شاف سيارة رائد الكابرس الأسود .. مقبله لهم... رجع استوى على المقعده قال بتوتر اكيد بتقع بينهن الحين: امش يآرجال تراي متأخر على ابوي
سامي بأبتسامه :لسى ماطلعت اللي في خاطري وخلينا نشوف هجولة سمير أبي اطقق شوي عليه بكم حركة
عبد الرحمن وهو يبي يصرفه سرعه قبل مايشوفهم: من جدك انت بتشوف هجولة سميره وينه وين التفحيط راح تحرق
الموتر ابوي راح يذيحني والله
سامي جااا يرد عليه بس ...ناظر من المرايا شاف فهد ورائد نازلين قال بقهر: هذولا مين خبرهم وناظر عبد الرحمن
عبد الرحمن بسرعه : قسم بالله ماهو أنا كنت امزح معك يوم قلت لك اقول للرائد ..وامش الحين نمشي ماعلينا فيهن
سامي : ماهو برجآل لو هربت
عبد الرحمن مايحب المشاكل اللي سامي يوقعه فيها دايم قال وهو يمسك يده :طلبتك ي خوي امش
سامي دف يده ونزل بسرعه وقابلهم وهو يلف الشال على رقبته وبسخريه: افااا فهيدان جايب ولد خالتك تبيه يفزع تراه جربوه طول اصبعي وهوو يرفعه بغيض لهن
فهد بقهر : ماجيت عشان اتحدى ولا ابي اقابلك
سامي ميل شفته بسخريه : أجل وشهوله
رائد اللي تقرب وهو يمشي بغرور وبكره له: لا يكون المكان
مكانك بس
سامي سند نفسه على السياره وبتحدي: ايه مكاني يال ايش قلت أسمك
رئد بغيض : اقول ي ل***** نجي وقت مانحب وفوق خشمك عندك شيء واسمي عارفه مايحتاج اذكرك فيه
سامي تقرب منه بتحدي : لا ما اتشرف أعرفه وما عندي شيء غير احسوك هنا وأدفنك مكانك
عبد الرحمن تقرب بسرعه: سامي خلاص خلنا نتوكل
رائد: لا لا تكفى خليه نشوف ايش يسوي
سمير بسرعه جااا وتقرب من رائد وضرب على كتفه:خلك منه يالمسكت ..والساحه لك نتتظرك من أول
رأئد بطريقه تستفز وهو يناظر سامي: سمعت ايش قال أسمي يالله الساحه لي يعني اقلب وجهك لأن مابعد المسكت شيء
سامي ناظر سمير بتصغير: افاا وانا اللي انتظر وش تسوي اتاريك تنتظر ذا وهو يشير بتصغير له
رائد بقهر : نزل يدك افضل وشوف ورفع صوته ي شباب وش انا
اللي معه وبذات سميرر اللي رافع صوته بزياده: المسكت
رائد : أجل توكل اسمع ايش قالووا يعني مافي بعدي أفهم عاد
سامي ناظره بتصغير : انت قدها ورفع صوته للي يشجعونه ترا نصيحه لكم ارجعوا بيوتكم لانه مامنه فود ومد يده ضرب ع خده بطريقه تستفز يا رجآل خلى هالشغله لرجالها
رائد بعصبيه دف يده وبسرعه مسكه من بلوزته.. سامي بسرعه دفه ع ورا بس كان فهد وعبد الرحمن أسرع وكل واحد مسك الثاني عشان مايعلقوا في بعض ...زيادة
عبد الرحمن مسك سامي ومشاه غصب وهو مقهور من سمير ليته ماقال له انه جاي هو وسامي .... وال*** قال انه هو اللي
بيتحدى سامي ماهو يروح يفزع برائد..
قال بسرعه وهو يركب مكان السايق : مستحيل اخليك تسوق
عشان تصدمه ولا تسوي شيء لو استفزك ونروح فيها بتهورك انت ورائد ذا الي مايبي يجيبها للبر
سامي بقهر داور و ركب قدام وهو يصرخ : ودي اعرف مين اللي قال له انا متجمعين
عبد الرحمن سكت ماتكلم ..مستحيل يقول له آكيد سمير والله مراح يرحمه
::
::
::
غلا اللي رجعت غرفتها بعد ماراحت ام محمد ...
بسرعه ماتبي تتلاقى مع ام سامي ومافيها حيل تسمع لها كم كلمه ...تمددت وهي تفكر في ابوها ي ترا وينه مختفي ...وإذا سافر فعلاً ...من وين له فلوس ..أذكرالفلوس اللي معه دفعه مهر لست بدريه وانا تكبست بعدها .....والله فيني قلق عليه ..وحشني كثيرر طيب ساميوه والله لأخذ جوالي من فوق خشمك تعال انت بس .....
حسيت بطفش قمت وفتحت التي في ... وجلست اقلب ...بطفش وملل ي ناس مو متعوده أجلس كذا دايم اشتغل ...ايه صح
تذكرت الوظيفه ...آه أخيراً فرجت ..بس الخايس اللي معي ...اخاف ينكد علي ويأخذ راتبي كله هو جالس عاطل كذا واكيد بيفرح بهالوظيفه عشان راح تجيه فلوس كذا على البارد
...لا تعب ولا شيء ..بس لا في عينه يأخذ ريال واحد .. اول ماكنت اقدر اتكلم معاه بس اللحين والله لا اطلعها من عيونه
ليت مايرجع ي زين الغرفه بدونه صح غرفته شينه بس بدونه تتطلع ي زينها .....
حسيت بجوع لي ثلاث أيام مأكلت شيء مثل الناس ...
سمعت آذان المغرب ياذن جلست اردد وراه .وقفت رحت اتوضى وصليت وجلست اردد أذكار المساء..قمت من على السجاده ... ابي اروح اشوف شيء أكله واليوم السيد سامي ماجاب لي شيء ... امس مسوي نفسه مدلعني مالت عليه كل شوي يجيب شيء يقال خايف عليه والحين وقت اللي ابي ماحصلته صدق قليل ..منفعه ..اوف ي شين سيرته طلعت وانا ادعي مااااتصادف مع امه قليلة الخاتمه ....ايه وين مطبخهم هذولا مشيت .. وانا احس بضيق وبغربه بس والله مافيني على الجوع ..أكثر.دخلت الصاله وشفتها جالسه ترتب اغراضها ..
اف ي هذي البضاعه جننتها بس تحوس فيها
ام سامي بقهر: خير وش مطلعتس من غرفتس
غلا بغيض : ابي المطبخ
ام سامي : ايه وقت البلعه طلعتي شوفي عندتس المطبخ بس ماهو تتدحري الللي فيه كله
غلا بقهر عفريت اللي يدحرك ان شاءالله انتي وهالخشه قلت بقهر:ان شاءالله
دخلت المطبخ ...وفتحت الثلاجه شفت جبن وبيض ...والباقي تصفرهزيت راسي بضيق...احس مالي نفس في ها لأكل
ام سامي بصرخه: بسرعه خذي شيء وفارقي
غلا بغيض قفلت الثلاجه بقهر: وطلعت
قلت بقهر: مابي شيء خلاص
ام سامي وهي حايسه بوزها: عشتوووا
غلا
من جد شيء يسد النفس ليت عندي نسخه لبيتنا قسم بالله ماجلس
هنا واللي فيها فيها... رجعت وانا احس بملل وطفش
تمددت وانا احس الدنيا تدور فيني من الجوع ... سمعت صوت الباب ينفتح شفته جاي وشكله مقفله معه... أحسن ليتك ع طول متتكد كذا ...
قلت بسرعه : هاتي جوالي
سامي بغيض ناظرها كل مايتذكر يوم قالت له سارق يولع
وكمان شوفة رائد ذكره بكل شي فيه غيض منه... نكد عليه يومه كله قال بختصار لها: خلاص بعته
غلا بسرعه قعدت بقهر: وش اللي بعته
سامي ناظرها بسخريه: الجوال
غلا بعصبيه: عارفه انه الزفت الجوال بس ليه بعته ومين اعطاك الحق تتصرف في شيء ما هو لك
سامي جلس على طرف السريرر وقال ببرود : لا لي كل الحق
غلا فاتحه عيونها بقهر من كلامه ووبصرخه عاليه : لا ي شيخ وش ذي الانانيه فيك ومين قال لك كل الحق
سامي ببرود: عادي أناني ماهو أناني اهم شيء كل شيء يخصك ملكي انا وهو يغيضها
غلا بعصبيه وش ذا الكلام قالت بقهر: انا مو ملككك ولا ملك أحد انا حرة نفسي فاهم
سامي بستفزاز : لا كان زمان حرة نفسك بس اللحين كلك لي وحدي... يعني ملك سامي
غلا بصرخه أعلي : في أحلامك
سامي قفل على اذونه : بنت خلاص راسي اوجعني من صوتك ذا
غلا بعصبيه أكبر : والله مراح اسكت لما تعطيني جوالي
سامي بأبتسامه تقهر: من وين أطلعه لك افهمي عاد بعته
هالكسره بتموتي عليه تراه مافي قيمه غير ثلاث مية ريال
غلا بغيض رمته بالمخده : والله لأخذ جوالك
سامي مسك المخده اللي رمتها ..عليه و بسرعه دفها وخلاها على وجهااا
غلا بصرخه مكتومه: ي زفت فك عني
سامي بقهر: كمان تسبي آرخى يده شوي
غلا دفته عنها بعصبيه :الله ينتقم.. منك على اللي تسويه فيني
سامي ناظرهااا بحده اعتدل في جلسته وقال بقهر : اللحين وش سويت انا
غلا : قول وش ماسويت من اول وانا اعاني من آذيتك
سامي تمددد ببرود وهو يدفها شوي : وش رأيك بقيمة الجوال نروح كذا نفلها
واعزمك في مطعم اخخ ليته جاب أكثر كان رحنا الفندق اللي خاطري فيه
غلا بعصبيه: ي الظالم بتفلها بقيمة جوالي ولسى مصمم على موضوع الفنادق ذي وعلى حسابي بعد
سامي بأبتسامه : ماهو لوحدي حتى أنتي معي
غلا والله فيها جوع ماهو طبيعي ...ايوه ليه ماستفيد ...مدام باع جوالي .. تروح تخسره في المطعم وتتطلب بقيمة الفلوس تبع الجوال ..وزيادة بعد
قالت بمكر: موافقه
سامي بسرعه فز جالس وهو يناظرها ماهو مصدق ان العصلا بتطلع معه : صدق يآ ويل حالي امشي
أجل وواحلى مطعم لغلاي
وهو يقرص خدها
غلا بغيض وألم ضربته على كتفه بقوه : وع ي شين اسمي من فمك
سامي وقف وهو ماسكك مكان الضربه : ههههههههههه يالله انا اروح احاول في ابوي يعيطيني سيارته وطلع
وهو يفكر كيف يسحب من ابوه فلوس ...السيارة مقدور عليها بيعطيه هي بس الفلوس اخخخ.. بيطلع عيونه طلع الللي في جيبه
::شاف بس ميه ويخاف ماتكفي ..ويمكن تطلب شيء وينحرج
بسرعه دخل غرفة ابوه شافه نايم والمفتاح على الطاوله ابتسم بفرحة ايه حلوو آخذه وهو مايدري احسن مايذلني عليه
بسرعه سحبه وطلع بس رجع وفتح جوال ابوه وشاف كم فيه رصيد بسرعه حول له وطلع وهو يضحك .. وسمع صوت أمه في المطبخ دخل عليها
قال وهو يسلم فوق رأسها: فديت ام سامي
ام سامي بنفس شينه : اخلص علي
سامي رجع يحببب فيها : تكفين يمه خمسين بس
ام سامي فتحت عيونها من اللي طلبه بتموت آكيد قالت برفض: انقلع
سامي :تكفين يمه بس خمسين
ام سامي عارفه مراح يفك عنها وهي ماهي فاضيه له : آه ياسامي متى تتتوظف وارتاح
سامي بضيق : اوعدك يمه اتوظف ولك نسبه من راتبي بعد
ام سامي ناظرته بسخريه وراحت تجيب له
واعطته وطلع بسرعه
دخل شافها لابسه العبايه قال بأبتسامه: يالله تدبرت
غلا بغيض منه بس ي هي حالفه له طيب والله لا اطلع قيمة جوالي من عيونك ي***** مشت بغرور
سامي بصرخه عربجه وهو يناظرها بابتسامه : اموت انا في اللي شايف حاله يحق لك تدلعي ي قلب سامي
غلا هزت رأسه بعجزز وكلمت مشي وطلعت وهو تقدمها يشغل السيارة
اخخخ تكره هالونيت اول ماركبت قالت بتافف: اف حتى سيارة زينه مافي
سامي بسخريه: ايه مستحيل نجيب مثل الكزس حق ابوك
غلا عصبت جالس يتمسخر حضرته ....سكتت ماردت عليه
بعدها وصولوو مطعم ونزلووا
مشت معاه... وهي كاره تطلع معاه مكان ...بس تبي تربيه عشان مايفكر يأخذ شيء منها قال ايش كلي ملكه مالت عليه معاد إلا هي أكون ملك هالهايت
...حجز طاوله وبسرعه مشوا ناحيتهاااا
ناظرته شافته مبسوط قالت بقهر بعد ماجلست:ودي اعرف ليه
فاتح هالخشه كذا
سامي : والله الحياة حلوه ليه ماكون مبسوط
غلا بسخريه أكبر:مره عاجبتك حياتك
سامي وهو يلعب بحواحبه عشان يغيضها :ايه مره وبذات
بوجودك ارفعي غطاك خليني اشوف وجهكك
غلا
عصبت من قلب اوف غثا صدق ..قالت بغيض: مالك دخل ارفعه اولا
سامي : اوك
وقف رايح أطلب تبي شيء محددد
غلا بدون نفس رفعت الغطا وسحبت المنيو... وقالت بسخريه: هذا وش فايدته انثبر وانا اقولك ايش ابي
سامي تقرب منها ونزل نفسه شوي وهو يناظر ايش تبي
غلا تضايقت من وقفته كذا على راسها بس طنشت لانه عديم احساس ..وجلستت تاشر له وهوو .. ساكت يناظرها بس شافها زودتها وهوو يادوب معه ميه وخمسين ...يالله تكفي
قال بسخريه يوم شاف مفطح مصور: تكفين اطلبي ذا بعد
غلا رفعت راسها وناظرته من جد ودها كان تضحك بس مسكت نفسها غصب : اي ياليت تجيبه
سامي بقهر: اخخخ حقك طعمية ابو محمود اللي في الحاره
غلا رجعت تناظر المنيو ....وهي عينها على السعر تبي تطلب أغلى شيء قالت بأبتسامه. . مكر وتاشر باصبعها : خلاص قررت ايش ابي هذا وهذا وهذا
سامي يناظر اللي تاشر عليه كمل معاها :وهذا وهذا
غلا :ايه عادي جيبه زيادة الخير خير
سامي اعتدل في وقفته وسحبه من يدهااا بقوه : قلت انه ماهو حقك هالمطعم
غلا بسخريه : حقك انت ي وليد الوزير
سامي طنشها وطلع هو يطلب ع ذوقه
ورجع وهو فاك الخشه مبسوط قال بأبتسامه عريضه: طلبت لك كبسه يحبها قلبك
غلا بصدمه وقهر :كبسه
سامي شاف الاعتراض ع وجهااا:تبيها منتدي يمديني اغيرر
غلا بدون نفس: يقال تنوع اللحين جيب اي شيء مالت عليك و مالت علي انا اللي طلعت معك
سامي : اوعدك بتكون احلا طلعه ل....
غلا بقهر: قسم تتدلع اسم قتلتك
وهي تناظر الارض بسخريه :وحلفت على هالكبسه اللي طلبتها نأكل في الأرض
سامي وهو يناظر الأرض :اخخخ مافي مكان من هالطاوله بس هالمره اوعدك الجلسه ارضي
غلا
لا ي عالم ودها تصرخ وتلم المطعم كله عليه بس اخخخخ عضت شفتها بقهر منه ...ودها تعرف كيف يفهم هذا يرفع الضغط
سامي ناظرها بمكر يدري انها تتمسخر عليه بش ماعليه والله
لا اطفشهااا ناظر ملامح وجهها اللي أسرته من اول ماشافها ...
غلا ناظرته بستحقار وبضيق وقالت : خير وش هو مفهي فيه
سامي ابتسم بدون مايتكلم
.. غلا صدت عنه وهي تبي تشغل نفسها بس قهرها بنظراته اللي مسلطها عليها ايه تذكرت الوظيفه
ايه هذا وقته شافته يناظرها لسى . بأبتسامه غبيه مثل وجههه قالت بببرود: في وظيفه في سوق ال......
شافت الابتسامه تحولت بسرعه لمفاجاة و بيتكلم قالت بعتراض: لا تفكر تمننعني
سامي قال بقهر أسلوبها وقح بزياده وهو مطنش بكيفه ...بس ماعليه مايبي ينكد الليله عليه هين تتوظفي ..ميل شفته بسخريه : يصيرر خيرر
غلا بغيض: غصب عنك يصير خيرر
سامي عض ع شفته وهو يكور يده بعلامة بوكس: لو حنا موهنا كان على طول في وجهك اطيح سنونك ذي
غلا بقهرقربت وجهاا : يالله جرب اشوف
سامي مد يده ولمس خدها وبهمس : ليه شريه
غلا دفت يده وبعدت نفسها بسرعه وصدت ماتبي تشوف وجهههه ياناس مافيها تتقبله ..تحس فيه عيوب الدنيا ماعمرها
افتكرت انها كذا ترتبط في وآحد مثله مستهتتر ومايفكر وصايع
قبل كل شيء وكلامه عربجي بقوه ...كان تتمنى رجآل تعتمد عليه والكل يشهد بمرجلته وصلاحه رجعت ناظرته ....شافته مسرح ماتدري في وش يفكر تأملت ملامحه السمراء الحاده ....وشعره المكدش حاست بوزهاا بسخريه لا لا بعيد عن اللي تتمنى بواجد ..وكمان الخط اللي في حاجبه خلاها تحتقره أكثر .هذا مايخاف ربه من جد قلت بستحقار له: اقول ذا استايل مسويه ولا وشهووو وانا أشر على حاجبه
سامي رفع يده ولمس حاجبه قال بأبتسامه : لا والله وش استايله ذا.. إلا قولي خوخه اللي رميتها دايم تصيب آه يومها جاي من المدرسه ومسوي هوشه وهي عصبت ورمتني بس ربي ستر كان جت في وسط عيني ....
غلا بهمس:ليتها جت
سامي وقف يأخذ الطلب .. .
::
::
::
في جناح وليد
دخل ...وهو وده في نومه ...تريحه ...بس انصدم من اللي يشوفه قدامه ...هو بنفسه وصلها ..وش اللي .. رجعها لهنا ...صراحه ..ذي ماتحس ولا وش قصتها ...شك ان ابوه راح وجابها ...بس وش يعرف ابوي ..بالسالفه ...وآكيد كان بيدق ... وبينكد علي
وقف تأملها شوي وهي نايمه ولا حاسه فيه ..تنهد بحسره ..
وش يسوي ...وتبعد عن حياته ...ياناس مايبيها ولا يبي وجودها في حياته...اعطاه ظهره ودخل غرفته ..والنوم اللي يحسه كان كله طار...من قهره يوم شافها ....دخل الحمام ..وأخذ دش يريح أعصابه شوي ..بعدها نشف جسمه ولبس بجامته وطلع لللصاله متجههه للمطبخ ...فتح الثلاجه ..وأخذ علبة عصيرر ..وهو
يناظرها من ورا الكونتر ......لا ماهي حاسه في شيء بالمره ....فكر بخبث عشان ثاني مره ..تعرف كيف تعانده هو قالها تنقلع من البيت ترجع ليه ...مشى ناحيتها وابتسامه خبث على وجههه ..رفع العصرر اللي في يده لفوق شوي ..وكبه دايركت على وجههههها..... وابتسم بنتصار.. يوم سمع شهقتها
ريتاج فزت وهي مفزوعه من الشي البارد اللي انكب عليها :آه
وناظرته واقف وهو مبسوط قالت بصدمه:معقول تصل فيك لهالدرجه
وليد بأبتسامه وقحه: ايه وأكثرر عشان ثاني مره ماتحطي راسك برأسي
ريتاج هزت راسه بعجز من حركاته اللي حتى المجنون مايسويها وبسخريه وهي تمد يدها وتسحب فاين من على الطاوله ...وتمسح وجهااا بيدها : الحمدلله والشكررر
وليد عصب وبصرخه: قولي ليه راجعة
ولا خلاص مابه كرامه عاد
ريتاج قفلت عيونها بغيض قالت وهي صاكه على سنونها ومن غير ماتحس لكلامها ...: من وين تجي الكرامه وابوك حي
وليد بعصبيه وهومصدوم انها تقول كذا عن عمها تقرب منها وهوو يمسكها من عند كتفهاا:أحترمي حالك وتذكري انك تتكلمي
على عمك يالخايسه
وبصرخه ليتك يبه تجي تشوف اللي بليتني فيهاا وملزقها فيني غصب وش تقول عنك
ريتاج بألم بس كابرت : لاتتبلى علي وانا ماقلت غير الصدق ابوك هو سبب تعاستنا الحين وماقلت كذا إلا خلاص لاني مافيني أحتمل
وليد بقهر: لا ماهو سبب تعاستنا وهذا كله يرجع عليك انتي وفك يدهاا وهو يدفها على الكنبه بقوه
ريتاج قفلت عيونها بألم تحس ظهرها طق عليها من الدفه الي جت فجأة قالت بقهر: معاد اقول غير حسبي الله عليك يالظالم
وليد عصب وجن جنونه وحده حثاله جالسه تتحسب عليه ومن تو تتفاول على ابوه
نزل نفسه شوي ويسحبها من شعرها الللي مبلول بالعصيرر : أنا تتحسبي علي ي بنت ابوك
ريتاج وهي تحاول تفك يده عن شعرها و بألم : فك عني وليد لا اصرخ والم عليك هلك اللحين
وليد شد زياده: يالله اصرخي يالله اشوف
و قرب وجهاا من وجها وبفحيح: يالله اصرخي وهو يناظر ملامح وجهااا الفتان
ريتاج حست بخوف أول مره يكون كذا قريب منها... حاولت تبعد راسها شوي بس ماقدرت شاد عليها بيده قالت بهمس: ارحمني تكفى انا موقدك ولا قد مشاكلك
وليد فكها وجلس مقابل لها على الكنبه وبصرخه:انثبري اجلسي
واسمعي اللي عندي وياليت تفهميه عدل عشان مااعصب ازود من كذا
ريتاج جلست بخوف ماهي متعوده على كذا ..او أحد يعاملها بها الطريقه
...هي كان في بيت ابوها معززرة مكرمه واللحين يصيرر فيها كذا ...فجأة ليه ..بسبب تقاليد وعادات مالها داعي ...قال ايشش ماتأخذ من غير ولد عمها ...طيب ولد العم ظالمني ليتني كنت لحاتم الغريب اللي رفضته بشده يمكن يكون أحسن من القريب
وليد بحده وهو يشوف الخوف في وجهااا : من بكرة لو ماحصلت مفتاح الجناح حق بندر..دبري حالك جناحي مابيك فيه وبصرخه خلاص عاد افهمي
ريتاج بنكسار:وش اسوي رحت عند ابوي قالي بيت رجلك اولى فيك جيت هنا انت طاردني طيب مالقيت المفتاح قولي وين اروح عند اختك شوق آكيد ماتبي احد يضايقها
وليد بصرخه:حتى أنا وجودك يضايقني وكان قلتي لابوك وليد مايبيني وكاد يحس هو بعد ....
ريتاج وهي تبكي : والله قلت له والله بس رفض تصدق ايش قال قال وليد عاقل ومستحيل يضيمك
وليد بدون مبالاه:ماهي مشكلتي
ريتاج مسحت دموعها بضعف : طيب ايش رايك تتطلقني ونخليهم في الأمر الواقع صدقني مصيرهن .. يرضون وبقهر من كلمته وبعدها وكاد ابوي صدق يحس
وليد فكر ايه فعلاً فكره ماهي بطاله بس لا والله ابوه راح يعصف
في البيت قال بعجز : ياليت اقدر اسوي هالشي كان من زمان بس ... ابوي راح يطردني ويحرمني من شوفة امي ويطلع جبروته كله عليها ...
ريتاج وهي ترفع الخصل اللي نازله على وجهاا وتحس بها بدت تلزق في بعض قالت بغصه: وانت اللي تسويه فيني ماهو جبروت
وليد بقهر:تساهلي الجبروت انتي اللي سعيتي له
ريتاج بصرخه: ليه ماتفهم اقولك انا مالي يد
وليد وقف وهو ينزل نفسها لها شوي وضرب خدها بحقاره : صوتك صوتك ي حلوه عشان
ماكفر فيك واطلع قهري كله
ريتاج ناظرته وهي تشوف القساوه في عيونه قالت بصدق :فيه
اللي اقوى مني ومنك ي وليد وهو قادر يأخذ لي حقي كله منكم
كلكم
وليد سكت .. ابتعد عنها ...وهو يستغفر الله ..هو مستغرب نفسه ..ليه يصير فيه كذا لما يشوفها معقوله..حبه للطيفه ...يخليه يسوي كذا ..ولا من قهره انه اقتحمت حياته بدون وجههه حق ...وخربت عليه تمدد وهو ضايق سحب جواله يبي يدق على عمها إبراهيم لان اسامة يحسه زعلان منه ومايرد عليه ورائد هذا شري ويسوي مشاكل جلس ينتظره يرد قال بتوتريوم سمع صوته : السلام عليكم
ابراهيم: وعليكم السلام
وليد :كيفك ي رجآل
ابراهيم : جالس نكرف في هالدوام وعاد انت اعرف بشغل السلاح
وليد بهدوء: الله يعنيك ويقويكم ان شاءالله وبتردد اقول ي ابو محمد وش صار مع لطيفه
إبراهيم بهدوء: ان شاءالله بس احصل إجازة في هالاسبوعين وجيب ابوك وصدقني بتنحل
وليد بفرحه: يعني بتوافق ان شاءالله
إبراهيم : ي رجآل قول يارب بس ابيك تخلي ابوك يجي وصدقني لما تشوف الكل جاي يطلب رضاها بتعرف انك تبيها وان الشي صار غصب عنك وانا راح احاول أقنعها لا تخاف
ومثل ماقلت لك موضوعك عندي
وليد بصدق: الله يسمع منك يارب وابشر ابوي راح يجي ان شاءالله ولو تبي جبت رجآل قبيلتنا كلهن معي بس ترضى علينا
إبراهيم بهدوء ابتسم: اوك راح اعطيك خبر متي أجي
وصدقني بتوافق خلك متفأل خيرر
وليد قفل وهو مبتسم اعطاه أمل وبقوه بعد ليته من أول كلمه
قفل عيونه وهو مبتسم قال بهمس راح اعوضك ي قلبي
::
::
::
في بيت ابو سامي
بعد يومين
غلا
ناظرته بقهر وهو جالس على جاهزة يتفرج لتفحيط مالت جالس كمان يتابع يكفي الواقع ...وجع ان شاءالله دايم مثل القرد يطلع منها...قلت وانا فيني طفش... خليني اطقطق عليه وكمان ودي اعرف ابوي وبدريه وين مختفين وكاد عنده علم...والعب عليه وأخذ جواله .قلت بسخريه: ماشاءالله جالس كمان تتعلم
سامي انصدم تتكلم معاه يذكر انها ماتترد عليه لها يومين من بعد روحة المطعم .. حلفت يمين ماتتكلم معه بالله حد يحصل له كبسه ويعترض ..اخ يالحريم ..صدق وجع راس قال بعد مارجع يناظر جواله:ايه ليه مانتعلم كم حركه تفيددني زود
واكسر فيها روس بعض ناس الي رافعين خشمهن ع الفاضي
وهو ...كله هياط
غلا بسخريه : والله ماغيرك مهايط
سامي قال بغمزه وهو يتحلف فيها : وش ريك أخذك واوريك كم حركه
غلا بسخريه:وين بونيت ابوك
سامي بأبتسامه :اخخخ وناسه احسن شيء بالتفحيط والتقحيص لما السياره ونيت وبذات غماره ااااه تعيشي أكشن بحق وحقيقه
غلا بقهر: والله مافي أكشن اكثر من حياتي معك
سامي : وش زينها حياتي الحمدلله كافي خيري شري
غلا بسخريه : قول كافي خيرك ومكثرر شرك
سامي بضيق : شوفي انتي تحبي البربره كثيرر وياليت في سنع خليني اتابع احسن مقهور كان وده توافق حالف لها بيجننها ويخليها تتربى
غلا بقهر: قوم شوف لك كم شغله تتبدر حياتك فيها ماهو بس جالس مسنتر عندي
سامي بسخريه :لا خلاص الوظيفه لك يالله اعتبري نفسك انتهت ايام العسل وكلمي صديقتك وقولي زوجي موافق
غلا عصبني كلامه..و بعصبيه: أيام عسل في عينك وبكذب
مراح اشتغل وفي النهايه فلوسي تروح لك ي السارق
ولا تفتكرني نسيت فلوسي اللي سرقتهن ترا والله تعبي مراح أسامحك عليه
سامي بأبتسامه تقهر : انا متى سرقتك بلا افترى آه يآبنت راجح ياحبك للظلم العبد الفقيرر اللي جيبه خالي من الريال الواحد
غلا بقهرو بصرخه: تصدق مايقهرني إلا تفاخرك بتفليسك .
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!