رواية أعشق أنانيتك عندما تتمناني لك وحدك الفصل الحادي عشر 11 - بقلم nona_A

اوقات تلقاني.. احاكيك بسكات
يوم الكلام يموت ...داخل سكوتي
يوم الحناجرتحتضر..فيها الآهات
واعجز عن الشكوى ولو طال صوتي

غلا طالعته فيها غيض الدنيا .. والي ذابحها أكثر مايحس ..وبس مبسوط ودها تعرف ليه. ...قالت بغيض
: ضحكت بلا سنون ان شاءالله

سامي بضحكه : تخيلي بس شكلي وانا بلا سنون
اااه وسامتي اللي كل البنات طايحين عندها تروح ي الظالمه

غلا ميلت شفتها بستهزاء: ايه والدليل البنات مطيحين عندك وموافقين عليك يوم تخطب تروح فيهن آه ي حظي بس
سامي برفعة حاجب : ايه بس انا ارفض وهو يغمز لها أنتظرك ياقلبي

غلا.. ااخ يقهر هو كلامه ذآ قالت بحده :أنتظرتني ولا تنشات من
عند الباب

سامي وهو يغمز لها بخبث :انتظرسس
وقف وسحبها بيدها وجلسها على السريرر مقابله له قال بأبتسامه : ليه تحبي النكد ي غلاي

غلا بعصبيه من قربه منها قلت بصرخه: لاتفكر تقرب مني من اليوم ورايح والله مارضى

سامي ناظرها بستخفاف للي تقوله وبجديه :كذا عاصيه وناشزة لحق زوجك

غلا بقهر: ماصرت عاصيه على قولك إلا لسبب وربي يدري وشهوو

سامي بقهر: السبب رفضك لي ورفضك لعيشتك معي ي غبيه هذا نصيبك خلاص ارضي منكده علينا ليه
خذي الامور ببساطة وشهوله هالتعقيد كله

غلا بعصبيه: لا مافكرت يعني وش بتفرق عيشتي عندك عن عيشتي عند ابوي كلكم نفس الطينه بس اللي معصبني أكثر
صلاتك اللي ماتدري فيها وين حتى مفروض ماجلس على ذمتك ..مدام ماتصلي

سامي أبتعد بضيق مايحب احد يقول له كذا هو يدري أنه غلطان ومضيع بعض صلاته ....قال بضيق: ربي قادر يهديني
وبعدين انا اصلي

غلا بقهر: وين تصلي قولي مره اومريتن اللي شفتك تصلي فيها وياليتك في المسجد لا هنا طيب هذي صلاه شوف الآية هذي ""فويل للمصلين الذين هم عن صلاتهم ساهون ""
تدبر معني الآية هذي
كل شيء اتهاون فيه ي سامي إلا موضوع الصلاة

سامي بضيق : اللي ينصح مو كذا مفروض تجي بلطافه ماهوو صراخ ومسويه نفسك انتي الصح وغيرك الغلط وخلاص حكمتي عليه ونفذتي وبدل هالتذمر كله ادعي ربي يهديني قادر

غلا بقهر منه جالس يبرر لنفسه : والله عاد كيفك آه الحجه ماهي عليك الحجه على ابوي اللي مفروض مايزوج بنته واحد مايعرف طريق ربه ولا يدل بيته

سامي بصرخه عصبيه: ترا ابوك ماهو بعيد عني وعاد انا أحسن منه ماشرب وبعدين لا تحكمي علي تقولي كافر
غلا بصدق : افهم إن الصلاه هي الصله بين العبد وربه
فاهم يعني ايش هي الصله يعني هي اهم العبادات والله ي سامي ماتربح شيء ... وانت ماتصلي ولاتضمن عمرك يمكن تتطلع تموت وانت ماتصلي والله لاتندم وبعدين وش عذرك يوم تسأل في قبرك وبغصه
وتفتكر اني مبسوطه وانا اشوف ابوي كذا متدهور بالسم اللي يشربه وصلاته اللي مضيعهااا

سامي
حس انه مخنوق كلامه ...كل صدق في صدق ..ماقدر يرد عليها .....طلع وهو يقفل الباب بقوه وراه
شاف امه جالسه تأكل حب على الفرشه الي بجنب النخله الي
في حوش بيتهم قال بضيق: يمه تمطر وجالسه هنا

ام سامي : لسى ماهو كثيرر وبعدين الجو مايتعوض

سامي انسدح وسند راسه على رجول أمه اللي جالسه قال بتعب: يمه ضايق حيل

ام سامي بسخريه وهي تناظر وجههه: وش مسويتن فيك بنت ابوها العوبه

سامي قال بقهر وبصوت عالي عشان غلا تسمع لأنه شافها فتحت الدريشه ماهي ناويه على خير هالبنت :آه يمه ليتني
ماتزوجت كنت عايش حياتي محد يحاسبني عليها

غلا سمعته وهو يشكي لامه من الدريشه اللي مفتوحه على الحوش يوم فتحتها تهوي الغرفه بسرعه طلعت وقالت بقهر: عايش حياتك في المعاصي ويوم قلت لك تمنيت ماتزوجت وتشكي عند امك ترا لا تفتكر اني ميته علي هالزواجه ترا أكثر وحده متحسفه ومقهوره أنا

ام سامي بعصبيه : قص لهالسان يالعوبه

غلا بقهر :تقص لسانك

سامي
من أول ماسك نفسه غصب ...عنه ... مايبي يكفرر فيها ..بس تصل المواصيل ترد على امه وكمان بدعوه لا .. والله مايسكت وماهورجال لو سكت وقف بسرعه... واعطاها كف قوي ورماها ع الارض بقوه ونزل على ركبه ...وده شوي يبي يبرد خاطره مسكها من شعرها وهو يرفع راسها له وبصرخه عصبيه : مسبوطه كذا
غلا
حست شعرها بيطلع في يده

...قالت بصرخه قويه : آه فكتي ي ل*******
سامي بعصبيه أكثر ضربها على فمها :كم مرة قلت لك لا تسبي
ومن اول اقولك ي بنت اهجدي وفكينا من شرك
وبصرخه وهو يهزها بقوه :وشهوله طالعه وراي

غلا تحس انه بيغمى عليها من كثر..ماهو شاد على رأسها
وفمها عورها من الضربه اللي جت عليه

سامي وقف بسرعه يوم ماشاف اي رد منها . ....حس قلبه تقطع حيل .عليها..ناظر امه بعجزز مايدري ....كيف هو سوى فيها كذا
..ناظر كبر يده ..مع صغرر وجهااا اللي أخذ كف قوي وخدها أحمر. ..وشعرها اللي قطعه في ييده ...
بسرعه طلع ....وهوو متضايق ...وش الي مسويه في بنت ضعيفه. ..هو يعرف طقه قوي كان ...
مره ضرب وأحد من اخوياه جلس أسبوع يتعالج...وذي بنت ضعيفه مالها قدره ...وقوة عليه

وكمان اكثر شيء زعله امه ليه مآدفعت ..عنها اوفكتها من يده ...ليه امه كذا تكرهها ....بس تذكر كيف جالسه تتطلع عيوبه ..ومكفرته ..زود.. وهي اللي جنت على حالها ....حتى نصيحتها تنفرر ...حرك سيارته ..اللي يالله غصب صلحت ... واتصل بخويه عشان يمر له ......

عند غلا
اللي موقادر ترفع راسها من كثر ماشد عليها ...

ناظرت ام سامي اللي جالسه تناظرها ببرود وبتشفي
ام سامي وهو تفصفص الحب وترمي بطريقه تقهرر:يتنظرتس هالضرب من زمان وليته أعطاك ازود

غلا بألم وهي ماسكه على شعرها وهي تحاول تقوم: حسبي الله عليك وعلى ولدك اشوف فيكم يوم

ام سامي بقهر: يعني لسى ماتوبتي
خليه بس يجي سامي قسم اخليه يحوس الللي بقى فيك صاحي
انتي وهالكشه

غلا بغيض منها ودها تسطر البيت كله : ليته يجيك خبره يالعجوز وهي تلمس شفتها آه تحس بوجع فيها

ام سامي وقفت وبعصبيه : تدعي عليه بسبة كف

غلا وهي ترفع يدها لسماء :ايه ادعي وليته يقلب في هالتفحيط عشان حسرة في قلبك وعبرة لغيرة

ابو سامي طلع عليها وهي تتدعي: هييي أحترمي حالك ي بنت راجح واحمدي ربك ولدي ضفك
غلا ناظرته بقهرر : والله محترمته من قبل ماشوف خششكم
لكن ربي ينتقم منك انت ي الظالم اللي خربت ابوي والله مصيري أخذ حق ابوي وحقي منكم

ابو سامي عصب وجاا ناحيتها ..فضحتهم بصراخها . ..قال بصرخه:ي ل*******

غلا بسرعه يوم شافته جاي بسرعه ركضت لغرفة سامي وقفلت
على نفسها تهندت براحه وصرخت وهي تقفل الدريشه : مو اوادم عشان الوحد يقدر يعيش معاكم ي الظالمين

ابو سامي بضحكه :يكلم زوجته تصدقي هالنتفه هي اللي بتربيكم واحد واحد
ام سامي بعصبيه: لاتنسى توك كان تبي تضربها

ابو سامي ببرود: لا مين قال بس ابي اخوفها صوتها فضحنا في الحاره ولا ذي حد يقدر يحط يده فيها اقسم بالله الشرطه تحصليها بعد دقائق عند الباب
ام سامي بخوف: يمه ولدي دوبه ممردغها ياخوفي تسويها العوبه وتتصل على الشرطه على قولتس
ابو سامي ببرود: والله توقعي اي شيء منها والله انها اقوى من ابوها
ام سامي ببرود: إلا على طاري ابوها اليوم دقت علي بدريه تقول مبسوطه في الشرقية
ابو سامي بخبث: الله يبسطهن أكثر وأكثر
عبد الرحمن بصرخه: سامي بتروحنا بهالسياقه ي خي خف شوي الجوو يمطر والسكه كلها زلق

سامي بصرخه : بتسكت ولا اشلون

عبد الرحمن: والله ماسكت هذي روح ومسؤول عنها حبيبي

سامي بقهر: أجل وش مطلعك معي
عبدالرحمن: وش اسوي مريت لي وقلت وحشتني الفرفره في المجنونه
سامي بدون نفس : مدام وحشتك مثل ماتقول أسكت أجل
وهو يسرع زيادة

عبد الرحمن بخوف: سامي الله يطول في عمرك اركن اركن

سامي ابتسم غصب عنه: وين بتنزل ي مجنون شوف المطر كيف يصب بقوه

عبد الرحمن :والله اصيرر مجنون صدق لو جلست دقيقه في هالسياره وبعدين وش بيضرني من المطر ولو مرضت بس زكام خفيف وانتهى ماهو مثل هالحديد اللي تروح الروح في غمضة عين

سامي ببرود : ي رجال لا تتفأول خلاص وهذا هدينا
عبد الرحمن : وش فيك طيب منفس

سامي بغيض: توك تسأل

عبد الرحمن : ماعطيتنا فرصه
قول وش فيك

سامي بضيق: مافي شيء بس كذا متضايق

عبد الرحمن : افاا متضايق وانت عريس ي رجآل في الاستراحه حاسدينك كلهن نفسهن يتزوجن بسرعه مثلك لا تعب ولا شيء جتك باردة مبردة

سامي
حس بضيق من كلامه ركن على جنب وقال بقهر:حبيبي من تو تبي تنزل صح
عبد الرحمن فتح عيونه بصدمه: ايه بس هونت

سامي بصرخه: انا ماهونت انزل ونزل نفسه شوي وفتح الباب ودفه انزل ي ل***وانا اقول ايش فينا اليوم اتاري هذي عيونك ي ******قال ايش باردة مبردة
حرك سيارته بسرعه وهو يناظر في المرايا كيف جالس ياشر يبيه يوقف طنشه وكمل سياقته

غلا
تمدتت على السرير وانا أرجف ...احس وجهي مولع ...بس ي دوب كف . وشد شعر ..وكذا انهرت منها .....أجل لو حط حيله كله ...وش يصير فيني اموت ...ياربي انا مو قده هو طول مع عرض ...وانا حيل ضعيفه ..بس هين والله لأخذ حقي منك
...آه يبه وين ارضيك نفسي اعرف بنت الذين وين راحت فيه ياربي حتى جوال ماعندي ادق عليه .... ...قلقانه عليه حدي .....ودي اطلع أسأل عجوز قريح ...عن مكانهم اكيد عندها خبرر عن بنتها ام شعر اصفر ....لا تبطي ماسألتها ...رجعت .. اصيح ابوي واصبح من الإهانة اللي حصلتها من توو آه ...انا نادراصيح ومن يوم جيت ...بيت الهم حالي قلب ...ابي ابوي ...ليته يحبني مثل ماانا احبه .. يبه والله انك أغلى شيء عندي يارب رجعه لي بالسلامه ..
::
::
::
::
::
ريتاج
ناظرته المكان حولي ....بطفش نايم ...
ومنفكه منه ياليته على طول نايم ...ولايسمعني كلامه ...اللي مثل السم ...وقفت لما سمعت صوت أذن العصرر..جلست اردد مع الاذان .وانا حاسه بتنأيب ضمير ليه ماصحيته ..لصلاة الظهر اللي فاتته ...توضيت وفرشت سجادتي وصليت ..وبعدها
جلست اسبح ...سمعت صوت من الغرفه آكيد صحي ...يالله الحمدلله صحي من حاله.. على الأقل يلحق وقت صلاة العصرر
قمت وجلست على الكنبه ..وانا ماسكه جوالي الي توني سحبته من الشاحن ..والله مقهوره من نفسي. .مفروض اروح اجلس عند شوق ...بدل جلستي هنا في جناحه ..بس والله اسحتي اجلس عندها على طول واذا نزلت تحت اشوف عمي وانا مابي اقابله لاني كل ماشوف وجهة احقد عليه ..والله وليد على الي يسويه فنيي ماحقدت عليه مثل ماحقدت على عمي ..سندت راسي على الكنبه وناظرت السقف ..تنهدت بحزن بندر تراني بدونك ...عايشه في عذاب .... وحشتني حيل ...عتبانه عليك حتى الحلم معاد تزروني فيه ....ماحسيت بحالي اني اتكلم بصوت إلا لما سمعت صوت وليد اللي كله سخريه

وليد يناظرها بسخريه:وبعد تبيه يجيك في الحلم لا يالخاينه بعد وشهوو بعد ماتزوجتي أخوة
ريتاج
طنشته ومارد يت عليه
وليد بقهر: ليه ماصحيتني لصلاه صدق مافيك خيرر
ريتاج طنشته ماراح ارد عليه خليه يقول الي يبي ....
قفلت عيوني من صرخته

وليد :عساكككككككك
ونزل تحت شاف امه وابوه
رد السلام وجلس
ام وليد : هلا يمه حبيبي لسى ماتغديت

عزلت لكم انت وريتاج والحين ارسل سوكيا تحضره لكم وتتطلعه

وليد مافيه يقابلها يرجع قال بكذب : ريتاج رفضت تقول شبعانه
خلي سوكيا تحط لي هنا
ابو وليد : من حقها تنسد نفسها ي خي اضحك شوي في وجهه البنت بس ساكت ومعصب
وليد : يبه مين قال معصب الحين بس توني اصحى
وبسرعه وقف وراح المطبخ يتغدا
وبعد الغداء
جلس قريب من امه وقال وبهمس: يمه ابي ابوي يروح معي ابيك تكلميه
امه ناظرت ابوه بخوف :كلمه انت
وليد بقهر: يمه انتي قولي له
ام وليد : قلت لك كلمه انت
ابووليد بشك من همسهن: وش فيه
وليد بسرعه: لا أسألها عشان الزواج وش جهزت له
ابو وليد بسخريه: لسى عندك آمل ان الزواج في موعده

وليد بقهر وهذا لسى يبي يقول له يروح معه: ان شاءالله

ابو وليد بقساوه: اقول انثبرر بس امس ابوها متصل علي ويقول ليت ولدك يعجل بموضوع الطلاق البنت عايفته
ومثل مادخلنا بالمعروف نطلع بالمعروف
وليد بعصبيه: يبه تقولها صادق
ابو وليد بعصبيه: وانا ولد ابوي تكذبني عشان مره

ام وليد بخوف : لا لا مايقصد كذا الله يهديك
وليد بقهر: يبه حاشاك اكذبك بس يبه تكفى ساعدني ولبى لي هالطلب أنك تروح معي لما يجي عمها ابراهيم لانه وعدني وكاد
ربي يفرجهااا
ابو وليد بعناد : روحه ماارح اورح
وليد بنكسار :تكفى يبه طلبتك وهو يوقف ويسلم فوق راسه يبه ابيها والله ومابي اطلق

ابو وليد بحده ابعده عنه :اقول خلك رجال واصطلب
مره بدلها مره من بكره ادور لك بدل

شوق بقهر من تفكير ابوها: عادي يبه تدور له بدل وتجيبها على ريتاج هالمره
وليد بصرخه من غير مايحس : ليت مابه ريتاج
ابو وليد بحده: شوف تحترم بنت عمك ابشرر بعزك تسوق العوج معاها ابشر بمن يوقف في جهك

وليد بقهر وهو يناظر امه اللي تترجاه بعيونها انه يسكت ...قال بقهر: ابشر يبه
اعطاهم ظهره يبي يطلع وقف يوم ابوه كمله
ابو وليد بجمود: اعطني خبر لو عمها جاا ونروح ونشوف ايش
يصيرر
وليد لف وطالع ابوه بفرحه : تسلم يالغالي وتقرب منه وسلم فوق راسه وطلع وهو يأكد لعمها ان ابوه وافق
ابو وليد بحده :ولدك ذا مدري كيف يفكر البنت ماتبيه وشهوله فارض نفسه عليها
ام وليد : زوجته
ابو وليد :لسى ملكه ماطبت بيته عشان يتعلق بها هز راسه بسخريه والله انه علومه شينه ينقاد ورا مره

شوق بيضق ناظرت ابوها :يبه تكفى ساعده يقدر يرجع لطيفه صدقني بيقدر يعدل بين لطيفه وريتاج
ابو وليد بسخريه: ايه مره بيعدل اقول اسكتي احسن
ابي اروح معه ... واذا وافقت طير شلوى خير وبركه رفضت في اللي مايردها وهذا اللي ابيه
ام وليد هزت راسها بضيق
::
في جناح ريتاج

حست بجوع قامت وأكلت ..وسوت لها قهوه وسحبت جوالها ..يوم سمعت رنته .
شافت رقم عصام فرحت من قلب بس مسويه نفسها ثقيله: الو
عصام : واحلى الوو سمعتها ياناس وش هالثقل ليه دقيت عليك قبل يومين ماتردي علي وزود ارسل لك واتس تردي كلمه وكلمه
لا
ريتاج ابتسمت بحب له : طيب اول سلم
عصام :سلام ي احلى عروس
ريتاج بدأت تتنرفز:عصام
عصام :هههههههههه
ريتاج بغيض : تضحك بعد
عصام :كيفك وكيف علوم الكاتبن معك
ريتاج بسخريه: الكابتن علومه زينه
عصام حس بكلامه فيها شيء : ي الغلا مضايقك شيء
قولي لي والله اقطع شغلي كله وانزل لعيونك
ريتاج
لا مستحيل تقول له شيء هي وعدت نفسها يتمم زواجه ...بعدها تعرف تتكلم قالت وهي تتطمنه: لا ي سندي مابه شيء
عصام بهدوء: ريتاج حبيبتي خلاص عودي نفسك انك لوليد وحاولي تسعديه وتسعدي نفسك
ريتاج ودها تصيح ي ناس البلى ماهو منها من وليد اللي مافي قلبه رحمه عليها : ان شاءالله ي خوي لا تفكر فيني
عصام بأبتسامه خبث:اقول ريتاج اخبار قلبي
ريتاج ابتسمت ناويه ترفع ضغطه : امممم قلبك عندك وش يدريني انا
عصام بنرفزه: ريتاجوه
ريتاج بضحكه : نعم
عصام بجديه: تكفين قولي لي أخبارها آه ودي املك واتزوج بسرعه
ريتاج : مستحيل اقولك شيء وهي لسى ماهي على ذمتك
ويالله كمل اللي في يدك بسرعه وتعال تزوج
عصام بقهر: ليه كذا نحيسه
ريتاج :هههههههههه
عصام : طيب فارقي وانا استاهل ادق عليك
ريتاج : بحفظ الله حبيبي
عصام ابتسم : الله يحفظك سلمي على الكابتن وقولي له ليه قاطع كان بس يدق والحين أبد مايدق
ريتاج ابتسمت بحزن :ابشر وقفلت ""الجوال ""
وتنهدت بضيق آه ي عصام وليد كره العائله كلها ...
حست فيه يوم دخل تعدلت في جلستي ...

وليد بضيق: يعني كل مادخل اشوفك قدامي

ريتاج بقهر: وين اروح طيب
وليد بجمود : دبري نفسك بس اهم شيء ماشوفك
ريتاج ناظرته بحقد
وصدت عنه ...هذا الرد عليه نقصان عقل
وليد جلس على الكنب وهو يتنهد بضيق قال وهو مايطالع فيها : تصدقي وش قال ابوي يوم نزلت العصر..ابواسامة اتصل يقول له ان لطيفه طالبه الطلاق
ريتاج بضيق وهي تتاطلعه : لسى موضوع الطلاق ليه طيب يعني مافهمت وش قلت لها
الله يهديك ي لطيفه دايم عصبيتها تخ..........
وليد بعصييه قاطعها :انتي من اصله قلتي لها شيء غير حرقتي
دمها بروحتك
وزودتي الطين بله بس انا أستاهل وثقت فيك

ريتاج بقهر :تصدق نفسي اعرف كيف بندر كان يمدحك والله كان مخليك ملاك قدامي ومافي احد يضاهيك في المرجله

وليد بعصبه:وغصبن عنك مافي أحد يضاهيني في المرجله

ريتاج بسخريه:وينهاا مرجلتك حتى ماعطفت على مره ضعيفه و مستقوي عليها

وليد بقهر : لو تسوي شيء عندي كان ماقصرت

رتياج بنكسار : هذي المرجله في نظرك
وليد بستفزاز : ايه
وطنشها مايبي يتنكد يكفي اتصال ابراهيم اللي معطيه أمل كبيرر
آه ليت يجي هالاسبوع ......
حمدت ربها تحسه ماهو بهذيك العصبيه ...وبسرعه هجد ماهو
مثل قبل يهاوش حتى ينام.. اليوم تحسه غيرر ماتدري ايش مهجده ...
قالت وهي خايفه لا يفكر يمنعها من جامعتها بتردد : ابي اروح مع شوق نقضي للجامعة
وليد وقف ببرود: روحي
ريتاج
فرحت من قلب افتكرت راح يعاند ويحرمها بس الحمدلله طلع فيه شوية خيرر

وليد
شاف الإبتسامة اللي انرسمت على ملامحها فجأة

طنشها ودخل المطبخ دور شيء ينأكل ماحصل ..طلع وقال بحده: ليت جولسك في الصاله يطلع بفايده شافها ماردت عليه بدا يعصب قال بصرخه: قومي سوي اي شي
أكله
ريتاج اخ توني امدح فيك الله يهديك بهدوء طالعته وهي توقف : ابشر
وليد بسخريه يوم مرت من عنده:اخس يالمؤدبه يالطيبه وحنا اللي شريرين
ريتاج طنشته وهي تمر من عنده بدون صوت ... بس رجعت ناظرته وش ودك فيه ....
وليد ناظرها من فوق لتحت : يقال كل الطبخات تعرفي لها

ريتاج ببرود: ان شاءالله ماقصر قول وبعدها اشوف اعرف او لا
وليد جلس يفكر في شيء صعب عشاه يتعبها من غير مايحس
جلس مفهي في وجهاااا ..
ريتاج بضيق من نظارته اللي مسلطها على وجهاا كل ذا تفكيرر اف قالت وهي تصد : مطول

وليد ...فاتنه بحق وحقيقه ..ربي عطاها من الجمال
....وجودها معه في الجناح خطر وبقوه بعد .صراحه مفروض اكثر شيء يسرع ب فيه موضوع المفتاح .. ايه ابوه شوي و ينام ويدخل مكتبه ويأخذه هو عارف ...انه فيه و متأكد بعد لانه..مستحيل يخبي في مكان ثاني غير مكتبه ...ويبعدها عنه لانه مهما كان رجال ...وله صبرر وينتهي ...سب نفسه من تفكيره فيها بهالطريقه .....
ابتعد عنها وجلس على الكنبه قال بنرفزه ومكابرة : سوي اللي تبي ومتأكده بيطلع شين مثل وجهك ذا

رتياج :نعمة ربي لا تقول عنها كذا
غيرك يتمناها

وليد :استغفر الله اقصد لانك ماتعرفي تتطبخي

ريتاج برفعة حاجب: وش يدريك يمكن تحبه طبخي
وبترجع تتطلبه ماراح اسويلك

وليد ناظرها كيف تتكلم ومأخذه راحتها قال بقساوه :هييي لا تنسي نفسك وتتعدي حدودك فاهمه
ريتاج أعطته ظهرها وهي مبتسمه بحزن صادق لا أنسى
نفسي....ريتاج من جدك تتكلمي معه عادي ...بس والله من الطفش إلا انا فيه ...صدق لطيفه هي اللي كان محركه قروبنا ...والحين بعد ماصار اللي صار...حسيت بفراغ ..كبيرر..
يكفي موت بندر سبب لي فراغ وحزن ...تنهدت وانا افتح الدولاب ابتسمت الله يعطيك العافيه ي خاله ماهي منقصه شيء دايم ترسل سوكيا تشيك ع المطبخ ...
..جلست افكر ايش اسوي له ايه باستا ودي فيها انا بعد وبسرعه
حضرتها ودخلتها الفرن قطعت بجنبها سلطه خضراء....وطلعت كولا ... طلعتها من الفرن وغرفت له واخذت الصحن الصاله وخليته قدامه على الطاوله من غيرر ماتكلم. ..
وليد اللي كان يناظر التلفاز وهو فكره بعيده
لما شاف قربت الأكل تقرب وسحب الملعقه وأكل بهدوء ..صراحه طباخه ..من غير مايحس على حاله أكل الصحن كله ....

ريتاج
اللي رجعت تنظف المطبخ وجلست ...على الكرسي اللي عند الكونترر ...تنتظره يكمل أكله ويدخل غرفته ... لان مستحيل تجلس معه حست بجوع ....بس تبيه يطلع ولا يروح غرفته وتغرف لها. ..تخاف تأكل قدامه يجلس يمن عليها ....ماهي ناقصه
وليد بصرخه: تعالي خذيه
ريتاج بسرعه طلعت وسحبت الصحن بهدوء بس انصدمت يوم شفت الصحن فاضي بالمره قلت بدون حس: تبي في زياده اغرف لك
وليد بقهر: هيي لا تصدقي حالك انه أعجبني بس كنت جيعان وغصب عني أكلته

ريتاج وهي ماسكه نفسها لا تضحك كان ودها تقوله ايه باين ماعجبك بالمره هزت راسها وقالت:بالعافيه ...

وليد بقهر وقف وغسل يده ورجع جلس مكانه
ريتاج
طفشت من الجلسه في المطبخ .....وذا شكله ماهو ناوي...يطلع من الصاله... الله يصبرني بس ....والله كل ماتذكر تبريره ليه أكل الصحن كله اموت ضحك ....
آه ظهري وجعني وانا جالسه ....وقفت بطفش ورحت لصاله واكيد هو بيشوفني بيروح مثل كل مره ...جلست على الكنبه
المنفرده ....بهدوء ...وناظرت وش يناظر كان مندمج مع فلم ...ناظرني ورجع يناظر التي في ....من غير ماحس بنفسي اندمجت معه ....يمه يخوف ...صرخت من غير حس ..لما شفت مصاص الدماء ...
شفت عيونه الي واضح عليها العصبيه ...قلت بخوف: آسفه
وليد بقهر: شوفي صراخ البنات ذا ماحبه وبذات إذا بدلع مثل صارخك وبعدين وش مجلسك هنا وانا موجود موقايل لك لما أكون موجودفي مكان تتطلعي منه

ريتاج بدون نفس: طيب ممكن اروح الغرفه شوي اتمدد ظهري يوجعني
وليد بقرف: معاد إلا هي تدخلي غرفتي
ريتاج بغيض: اشبع فيها
واتجهت للمطبخ وجلست مكانها سمعته يصارخ باسمهاا .. ..بس طنشت لوو يموت ...معاد كلمته ...شافته واقف عند بااب المطبخ.
متكتف ورافع حاجب : سمخه
ريتاج ناظرته وصدت

واليد بعصبيه: لا تصدي كذا قومي انقلعي سوي لي كوب كوفي

ريتاج : اللحين كوفي

وليد :ايه عندك مانع
ريتاج هزت راسها بلا وهي توقف تسوي له

حسته تقرب منها وقف وراهاا استغربت ....وقفته قريب منها كذا ...قفلت عيونها وبخوف قالت بهمس: روح وانا أجيبه لك
وليد وهويحط يده على شعرها قال بهمس: ليه ماتطوليه
ريتاج بتوتر من يده الللي حاطها على شعرها : كذا أحبه

وليد بقهر يحس انه منجذب لها اليوم...حاول يطلعها من تفكيره ...بس ماقدرر ..تقرب منها ازود ...وهمس عند اذنها : صدقيني لما يطول بيطلع عليك أحلى
ريتاج بخوف من كلامه بسرعه لفت له وقابلته صدمت في صدره مدت ...يدها وبعدته عنها بخوف ....
وليد رفع .. وجهاا بيده وبهمس : ليه خايفه

ريتاج لا لا ي ربي مابي كذا قلت وانا اذكره: وين اخلاصك "للطيفه "
وليد فكها بقوه وهو يدفها على الدولاب ....وهوو يسب فيها .....بسرعه اخذ مفتاحه وطلع ...من الجناح كله ...وش كان
بيسوي . ....كل مايتذكر كلمتها يوم تقول له وين اخلاصك للطيفه ..يعصب اكيد الحين ال***** بتشكككك في اخلاصه لها .... ..قفل عيونه بضيق وهو يتذكر لطيفه قال بحسرة متى توافقي نتمم هالزواج وارتاح ..من ذا كله

ريتاج تنفست براحه
يوم طلع ...حست برجفه ..وش كان ناوي عليه...آه الحمدلله ..وهو بعد عني ...بس صراحه..صار ماينضمن له بعد حركته اللحين. ..جلست في الأرض وانا رجولي ترجف .. بكيت بحزن تذكرت بندر. ..مستحيل احد يلمسني ...انا كنت لك وراح أكون لك للآخر ...حتى لوميت ...ان شاءالله في الآخرة ربي يجمعنا في جنات النعيم .... انا تعبانه بدونك ..

في مكان ثاني
قال بأبتسامه : ي رجآل والله ودي في عشاء خالتي

رد عليه بنخوه: ابشر والله مايكون في خاطرك
بسرعه لف للبيت.... أهله وصلووا نزل وهو يرحب فيه

بفرحه وترحيب حار : تفضل تو نور بيتنا بالمسكت

رائد مشى بعربجه قدامه وهو يميل الطاقيه قال بضحكه : اركد فديتك

دخله مقلطهم المتواضع جدآ ...وهو مبتسم بفرحه
ايه هذا ولد العز اللي بيستفيد منه ماهو..سامي المنتف ...
قال بسرعه بعدما جلس: دقايق أكلم الولده تسوي لك احلى عشاء
وراجع لك
طلع ...ودخل الصاله الداخليه
شاف امه ماهي جالسه قدام التلفزيون مثل عادتها هالوقت ...
بسرعه دخل غرفتها شافها جالسه تترتب ملابس قال بسرعه: مبطي وانا ادورتس
ام سميرر بنفس شينه: وش تبي
سمير برجى: تكفين يمه ابي عشاء خويي عندي في المقلط
ام سمير : ماهو فاضيتن لتس انت وهوو تعبانه حيل
روح لاختس خلها هي تتطبخ لكم وش فايدتها أكل ومرعى وقلة صنعى
سمير بضيق : يمه طبخها ماينبلع وهذي وين والطبخ وين مفهيه ماتدري وين الله قاطهه فيه
ام سميرر بحقد ودها تذبحه... لما يدافع عنها ...قالت بعد ماطلعت الفكره في راسها بمكرر:
قلت لي كم واحد في المقلط
سمير بفرحه : واحد يمه تكفين شرفيني لا اتفشل

ام سميرر بخبث: يمه تعبانه ومثل ماقلت اختك ماتعرف وين الله
قاطها روح يمه يرضى عليتس خذ جاهز ومشى حالتس فيه
سمير
تنهد بقهر طلع

اتجههه للمقلط وهو يتعذر
رائد بضحكه : ماعليه خذ لنا جاهز وهالله وهالله لا اوصيك بالمطعم الزين ويالله نعوض بدل طبخ امك آه ي اني ودي في كبسة الضب اللي تسويها ....
سمير مقهور امه فشلته الله يهديها : ابشرهالمره ننقنص وتسوي لنا أحسن كبسة ضب..
وخذ راحتك مسافة السكة بس
رائد وهو يدف المسند ويتكي عليه :انتبه من الطريق يالغشيم
تراه زلق ...
فتح على مباراة وجلس يتفرج
::
::
::
في غرفتها وهي تفكر ...ايه اليوم لازم تتخلص منها...خلاص
مافيها حيل تتحملها لها سبعة عشر سنه متحمله ...وساكته ...خلاص جا اليوم اللي تأخذ حقهاا من زوجها .... سحبت جوالها ودقت رقمه لازم تشوفه اول وينه عشان تضبط خطتها بمكر : يمه وينك ابطيت
سميرر وهو يلف لحارتهم : قريب حيل من البيت
وقفت بسرعه وهي تسحب جلالها وتلبسه على السريع ...
وراحت متجههه للمقلط

...بمللل رفع ساعته وش فيه هالخبل بطى علي ...حس على الباب ينفتح قال بسرعه: ي رجآل سكتتت من اللي داخله عليه
ام سميرر بسرعه: فزعتك يمه
رائد وقف بسرعه وقال بنخوه: ابشري بعزك والله في هالرقبه قولي وش فيه يمه
ام سميرر بتمثيل :سرعه يمه دخل علينا حرامي
رائد: وانا ولد ابوي دخل وانا موجود وبسرعه ركض
لداخل البيت وهو يطمنهااا

ام سميرر وهي تلهث وراه من مكان لمكان بس تبي تضيعه حتى تضمن دخول سمير...وابتسمت بخبث يوم سمعت تقفيل الباب الخارجي ايه في وقتك يمه واكيد يجي مدرعم للصاله عشان اغرف له ناظرته وبخبث الدنيا كله :منا يمه منا حسيت عليه توني يوم دخلت انت المطبخ
رائد طلع بسرعه من المطبخ واتجههههه لوين تشيررر بسرعه وهووو مندفع يفك الباب
وقال بصرخه ابعدي ي خاله هناك ولا تدخلي وراي عشان ماتضرري
سميرر دخل عليه وهو يبعد امه ... ويدخل غرفة أخته ويقفل
الباب ...وامه تبكي بصوت عالي وهي تلطم في وجهاا ...نزل الأكياس
على الارض وهو مصدوم......من اللي يشوفه .....
خويه يخونه وفي وسط بيته ........لالا......