رواية أعشق أنانيتك عندما تتمناني لك وحدك الفصل الخامس عشر 15 - بقلم nona_A

مافيني حاجه ي دكتور
لا تكشف الجرح مشكور
عندي لجرحه مناعة
ي قوها من مناعه

مشى ناحيته.. بعصبيه بس تذكر امه ...حاول يمسك نفسه لآخر شيء ..
عشان بس ما تحس ...تقرب منه وسلم عليه وهو ..ناوي عليه
همس له : حسابك عسير صدقني

رائد بهمس مثل همسه: بيكون اهون اني ابتلش في الزواجه
ليتك ي خوي ما استعجلت

اسامه ..حس بغيض ...وعصبيه أكثر من قبل بس تعوذ من ابليس ..و ابتعد مايبي يدفنه في مكانه ناظر...عيونه بتهديد
وبسرعه طلع غرفته ..وهوو حده معصب ... دق رقم رائد
يبيه يطلع له ..ويعرف يصفي حسابه معه .. بس لسى مقفل .ايه أكيد الجبان ولا راح يفتحه ...آه ليت امه ماهي ...موجوده كان برد قلبه شوي فيه ...مثل مابرد قلبه في الخايسة تبعه ...جلس على ...السريرر بتعب وهو يزفرر بعصبيه ... حط يده على ... راسه وهو محتار مايدري وش يسوي ...لو عليه كان طلقها ورجعها لاخوها ...بس قطع على نفسه وعد .... وهذا طبعه دايم مستحيل يتراجع في كلمه... لو على قطع رقبته ....بس اللي يتحمله كثير ومافي .. أحد يقدر عليه ...رفع راسه وهو يدعي يارب الصبر من عندك ....
شوفة رائد حرقة قلبه ازود عن قبل ...بس هين والله ...لايعرف ..كيف يخليه ...يتربى .....إذا الحين .. فلت من يده مصيره يطيح في يده ...صك على سنونه بغيض ....حسابك عندي ولا ماكون اسامه ........
::
::
::

في الصاله

رائد
حمد الله وامه كان موجوده آه كان اليوم من اعداد الأموات ..
ام اسامه بجمود: مدري وش فيه له فتره متغير ...ونفسه في خشمه قلت لابوك قال يمكن ضروف شغله اطلع شوف اخوك ايش فيه

رائد وقف وقال : ضيعته شهامته

ام اسامه بدون فهم:اشلون

رائد ابتعد :راح اقولك بس مو الحين

ام اسامه بحده:ولد وقف وتكلم عدل وبعدين ايه لاتضيع السالفه ...قولي وين كنت هايت قسم بالله ...ي رائد لاتفتكر ابوك مايدري بعلومك وبصياعتك ذي... اللي بتدوديك في دهايه
رائد : ابوي وينه بس هاج عند إبله .. صرت اشك انه يغليها أكثر منا

ام اسامه بقهر منه: صدق عرفت اربي اسامه بس
اماا انت ولطيفه آه منكم كل واحد لسانه اطول من الثاني

رائد وهو يتلفت:الا على طاري لطيفه وينها ماشوفها ولايكون لسى مسويه فيها اعتكاف بسبب الزفت وليد

ام اسامه بحده اقوى :ولد عيب تقول عن رجل اختك كذا
وابشرك بعد وافقت تتمم الزواج

رائد بصدمه: كيف..... صدق مافيها عقل لو وافقت
وبسرعه طلع لفوق لغرفتها
شاف باب غرفته مقفل دق الباب بقهر
لطيفه اللي نايمه
حست بصوت الطق ...فتحت عيونها ..ناظرت حولها ..
وقفت وهي تتافف ..فتحت الباب ... بعين مفتوح وعين مقفله قالت بقهر ليه ازعجها : هذا انت

رائد دفها من كتفها بقوه ودخل وقال بعصبيه: اشلون يالغبيه توافقي عليه بعد ما حط على راسك وحده

لطيفه ناظرته بقهر:الحين جاي ومزعجني عشان كذا
رائد بقهر:قولي ليه وافقتي
لطيفه مشت ناحية السرير وتمددت وهي ترجع تسحب المفرش قالت بكل برود : بعد ماتكمل حكيك اطلع

رائد بصرخه: لطيفه وين حكيك قبل وش اللي تغير بس اسافر شوي ارجع اشوف كل شيء متغير

صدقيني بتندمي يوم تشوفي ...صديقتك اللي خانتك قدامك ومشاركتك زوجك.....

لطيفه بقهر: والله حكيك يقهر ي خي وش تبي الحين

رائد بعصبيه: ابي اعرف وش اللي تغير

لطيفه رجعت جلست و بصدق: رائد مقدرت انسى وليد ولا اطلب الطلاق ...
رائد بقهر يكره وليد اللي شايف حاله عليه ...قال بغيض: عادي عندك تتممي زواجك وعندك ضره

لطيفه بقهر سحبت المخده ورمته بقوه : ضروري كل وقت تذكرني ....ي خي ليه انت كذا تحب الشرر
رائد بغيض وهو يرجع لهالمخده : في ستين داهيه بس من الحين اقولك ماتجي رائد افزع معي رائد خوون فيني

لطيفه بدلع : مو في حاجتك عندي سيد الرجآجيل
الكابتن وليد
رائد ناظرها بسخريه: اوك نشوف سيد الرجآجيل والكابتن تبعك وش يسوي معك
لطيفه بضحكه : اقول رائد وين هايت صراحه فقدتك كثيرر

وماحصلت أحد عاد يقرقر معي اسامه تعرفه بس ساكت وهاليومين منفس علينا مدري وش فيه

رائد
تذكر اسامه..ارتجف في مكانه اشلون اطلع فوق وهو توه . ..طلع غرفته بسرعه ...اعطاها ظهره ونزل...
آه اذا قدر الحين ينفذ من يده ..بعدها ماراح يقدر..حسبي الله عليك ياسمير انت وامك ...على اللي سويتوه معي ...
يعني يوم علقت اعلق مع اسامه ...

لطيفه
ابتسمت يوم طلع ...تحبه حيل. ..وهي عارفه يقول كذا ..من قهره عليها. .أكثر واحد زعل معاها هوو ..بس غصب عنها ...تحب وليد ومستحيل تقدر... تتبعد عنه ...تذكرت مكالمتها قبل امس له آه من وقت ماطلع من مجلس ابوها ...وهو ماسكر إلا قرب الفجر ..الله يسامحك ... ي رائد النوم طار ..سحبت جوالها ..بتشوف آخر ظهور له على الواتس متى ..شافته من ساعتين ..دقت عليه جلست تنتظر يرد عليها بس مارد عليها ...
رمت الجوال مكانه ...ابتسمت أكيد نايم .. .من الكرف اللي شافه اليوم ...فديته ماخلى في نفسي شيء. . كل ماطلبت شي لباه
.. ي.لبي قلبه قفلت عيونها وهي تتخيل حياتها اشلون بتصير
معاه .....

::
::

::
::
عند وليد
طلع من الحمام بعد مأخذ شور بارد يريح اعصابه شاف ..جواله ينور برقم لطيفه ماقدر.... يرد عليها بعد اللي صار ...يحس نفسه متحسف ..ومقهور ليه سوى كذا ...ايش ذنب لطيفه وايش ذنب ريتاج اللي متأكد انها ...ماتبي هالشي صار بينهن ...آه دايم يخرب على نفسه ..... تمدد ...وهو يلوم نفسه ......

::
::
اليوم الثاني الصبح
ريتاج فتحت عيونها.... وهي تشوف المكان غريب عليها ...تذكرت هي وين ....وقفت ..وراحت الحمام ...الله يكرم الجميع ...غسلت وجها ..لازم تروح جناح وليد ..عشان شنطتها هناك ..نست امس ماتأخذها معاها ..امس جت هنا وهي مصدومه من اللي حصل معاها. ...والحين ...لازم تأخذ شور ...وتغير ملابسها ..فتحت الباب ... بشويش وهي تشوف المرر فاضي بسرعه مشت ناحية.... جناح وليد وحمدت... ربها
ماحصلت الباب مقفل ....
تلفتتت في الصاله ماحصلت الشنطه قدامها ...يالله لسى في
الغرفه الكريهه ...ياربي كيف اطلعها ...اكيد الحين هو نايم ...ايه وماراح يحس فيني اذا دخلت بشويش .... وطلعتها ....
سمت بالله وفتحت الباب بشويش... وهي متوتره...
خايفه لو يصحى. ....شافت الغرفه فاضيه ....معقول عنده رحله ...الحمدلله وهو ماهو موجود... ويسوي لها سالفه ليه دخلت ..غرفته ...

لفت شافت الشنطه... مكان منزلها امس ...مدت يدها وأخذت الشنطه وطلعت بسرعه ... انصدمت يوم شافته متكي... على باب المطبخ بسم الله ..هذا من وين طلع

وليد ناظرهاا بقهر: هالشنطه قلعيها مابي اشوفها ...هي اللي نكدت علينا
رتياج
قفلت عيونها آه والله حست .. انه بيسمعها كلامه .. اللي مثل السم ...والي يقهر في الموضوع... مثل اللي يقول لها انها ... هي الي سعت له وبغت هالشي ..يصير قالت بقهر : ترى انا زعلانه أكثر منك على اللي صار
وليد هز رأسه : صدقيني ماهو مثلي

ريتاج اعطته ... ظهرها وتبي تتطلع بس وقفتها كلمته وعصبتها بعد
وليد بجمود : صدقيني هي مره وحده ومستحيل اكررها
ريتاج قالت غصب عنها : ميته وراك يعني انا
وخلاص لاتسوي... فيها ترى عرفت حبك للطيفه ..كيف ...
وليد
عصب تقدمها و مسك يدها بقوه ولفها له وقال بحده :ماهو انت اللي تشككيي في حبي للطيفه فاهمه حبي لطيفه لو تموتي
ماوصلتي له

ريتاج بألم : مابي اصل له ولا اتمنى
خلاص وليد فكني يكفي ذل لي .. وبصرخه خلاص... الحين وش تبي مني يكفي ي وليد ...الي سويته فيني.. كسرني حيل ومافيني على كسور ثانيه ....

وليد بصوت تعبان : ليه طلعتي في حياتي ....ودايم تخربي علي

ريتاج
قفلت عيونها هي قالت ...من قبل نقصان... عقل لو ردت عليه
سحبت يدها بقوه منه وقالت ودموعها نزلت: خلاص وليد قلت ننسى اللي صار وانا اوعدك مافكر فيه بعد

وليد بعصبيه : اسكتي لا تذكريني كفايه كاره عمري الحين

ريتاج حست بجرح أكبر نزلت راسها وقالت بهمس: حسبي الله
ونعم الوكيل
انحنت مره ثانيه... أخذت شنطتها ....وطلعت من الجناح كله
وبسرعه دخلت غرفة بندر... رمت شنطة ملابسها ....وهي تبكي ...وش اللي يصير فيها ..كرهت الحين.... وليد من جد ....
كان اول تحس بتنأيب ضمير.... من ناحيته بس الحين لا والله ..كاره كل شيء فيه .....قاسي ومايرحم ...فتحت شنطتها وأخذت بجامه مريحه ...ودخلت أخذت شور ...وصلت الفجر اللي راح من وقته ...حول ساعتين ..جلست تستغفر ....رجعت
تمددت وهي تدفي حالها بالغطا ..آه كل ماتذكر كلام وليد ....حسسها انه مبسوطه باللي صار ...مايدري انها أكثر وجع منه ..بس اللي مريحها ان.الجامعه بتبدأ بعد اسبوع .... وترتاح وتنشغل فيها ... قفلت عيونها وهي تذكر اذكاره الصباح ....

::
::
::
::
بيت ابو سامي

غلا صحت الظهر ....وهي تحس بطفش ..وبعدين وينه سامي على هالظهر اخخخ ..ماعندها أحد تتهاوش معاه ...لبست عبايتها تروح... عند ابوها وتشوف ...ام كشه وش مسويه فيه ..
طلعت من الغرفه ماشافت.... أحد قدامها غريبه وينها خدوج
دايم مسنتره هنا الشمس.... أحرقت وجهاااا .. قال ايش هواء عليل والله إلا بخل عشان التكيف يصرف. ..بس فرحت وهي ماشافتها
قدامها كان سمتها بكم كلمه . قبل ماتطلع ... فتحت الباب وبسرعه اتجهت لبيت ابوها ....هزت الباب ....حصلته مقفل
والنهايه يعني ...ودي افهم ليه بس مقفلين الباب الخارجي ...من زين الخشه لو حرامي دخل .. والله بيهج ..من الصدمه اللي بيشوفها ...وبعدها بيتوب ....معاد يطب بيت أحد. .
دقت بقوه وهي تتتا ففف سمعت صوتها تقول مين قالت بقهر: انا
بدريه : مين انتي

غلا بعصبيه: يا ام الفضاوه على هالظهر ...ي بنت اقصد
ي عجوز افتحي انا صاحبة البيت

بدريه بقهر سمعتها قالت بعصبيه: معليش مانستقبل هالوقت

غلا بقهر رفست الباب :افتحي لا احوسك

بدريه فتحت لانها خافت ابوها يسمع ويمكن يسوي لها سالفه ...آه ليته مو موجود كان والله ....مافتحت لها على ...طول هالسان عليها قالت بغيض: ليه مافي احترام للوقت

غلا دفتها من كتفها ودخلت فتحت العبايه ورمتها وجلست : وين ابوي
بدريه بقهر: مقيل هالوقت افف ناس ماتفهم

غلا : اقول بس قولي ايش غداكم ترى حدي جوعانه
بيت اهلك ..قحط الله وكيلك

بدريه جلست على الكنبه الثانيه قالت بقهر: قحط ولا انتي
مفجوعة أكل

غلا بسخريه :لا ي شيخه يقال تردي اقول اخلصي علي وش غداكم

بدريه وهي ترفع الخصله اللي نزلت على وجهااا:ماعندنا غداء

غلا طالعت شعرها وبسخريه: لا ي شيخه خفي علينا

بدريه برفعة حاجب : مقهورة ..تبي تسوي مثله ..صدقيني مراح يطلع عليك حلوو
غلا بأبتسامه : لا انا الحمدلله شعري ناعم رباني وجمالي رباني ماهو خلطات ..وهي تتقرب منها اقول اشوف خطوط طلعت لك عند عيونك سوي سوي لك شي يشدها قبل ابوي يشوفها ترى ابوي يحب الجمال ...لان متعود على الجمال ماما كان قمر بس يالله هذا الزمن ماله امان... مسكين حصل له عوض آه.. اسكت احسن ماحب اجرح أحد ...

بدريه بقهر : كل ذا وماتحبي تجرحي أحد وبعصبيه ليه انتي كذا قليلة أدب

غلا بببرود : معليش ابوي ماعرف يربيني وعشان كذا انصحك لا تجيبي عيال ..

بدريه: صدق مو متربيه وانا عارفه ان راجح ماقصر في تربيتك بس اشكالك ماينفع فيهن
غلا : اقول اشكالي يعرفووا يحوسوا هالخشه تقول ضفدع كامل
بدريه بصدمه وقفت: انا ضفدع كامل
غلا: اي والله اني صادقه يالله روحي هناك بس خليني اقيل شوي حتى ابوي يصحى وغداك يجهز ...

بدريه راحت معصبه
ودخلت الغرفه عند .. راجح وهي شوي وتبكي

هزته خفيف وبقهر: راجح قوم شوف بنتك جايه بشرها

راجح اللي راسه مصدع ناظرها بعين مفتوحه : ايش فيه
بدريه بدلع : مقدر عليها جايه تسوي مشاكل وتعايرر

راجح قام معصب وطلع شافها قدامه قال بحده: يعني مارتاح ياغلا

بدريه
ابتسمت ابتسامه عريضه وهي وراه واقفه وجلست ... تحرها يوم عصب عليها ...

غلا

طالعتها ....بقهر بس ماوضحت
وبسرعه بببأبتسامه مزيفه تقربت ...من ابوها وضمته: وحشتني
يبه صراحه عرفت قيمتك اكثر يوم.. تزوجت صدق مافي مثلك ربي مايحرمني منك يالغالي وتكون لي سند طول عمري

بدريه ولعت بذات يوم شافت راجح يضمها بحنان ..يعني اشلون اكلتها هي
راجح وهو مبتسم وضمها بحنان : ولا يحرمني منك اجلسي حياك ....ي بدريه روحي حطي غدانا اذا جهز وهالله وهالله بالغداء الزين لغلاوي

غلا ابتسمت تحس ابوها ..صاير معاها حنون ...أكثر عن قبل ..

بدريه بقهر : لسى باقي يبي له وقت

راجح : خلاص روحي جهزيه وخليني اجلس مع غلا وأخذ
علومها الزينه أكيد

غلا بأبتسامه وهي تغيضها: خلاص اسمعي كلام رجلك الله يهديك وروحي حضري غداه وخلينا نسولف بنت وابوها

ابو غلا : بنت
بدريه بقهر: هذا الللي ربي قدرك عليه الحين
غلا بستفزاز : يالله بسرعه ابو غلا جيعان وانا بعد ...

بدريه بعصبيه مشت
وهي تتحلف فيها بسرعه ....مسكت جوالها ودقت على سامي ...
انتظرت يرد عليها فرحت يوم رد: هلا سمسوم وينك

سامي :هلا فيك ... قريب ايش تبي

بدريه بخبث: تعال عازمتك على الغداء سرعه اوك لاتتأخر
وقفلت بعد مأخذت الموافقة ...منه فرحت انها بتحر غلا هي... عارفه انها تكره وبتضايق بوجوده.... احسن ان شاءالله تتوب اذا شافته لحقها هنا معاد تجي .....آه تقهر بشكل ..... واللي قاهرها راجح مره مايتكلم على بنته ....إذا غلطتت ...