رواية أعشق أنانيتك عندما تتمناني لك وحدك الفصل السادس عشر 16 - بقلم nona_A

مالي مزاج ومعجبتني الصده
وسكرت عن كل الكلام آذوني
ماني مع هذا ولاني ضده
انا مع نفسي ومع أحزاني

عند غلا
جالسه تتذكر ..مكالمة خالتها لها ...وهي تتطلب منها تحضر الزواج ...آه بكت يوم سمعت صوت خالتها تحبها .. وتدري بحبها لها ..وهي عارفه ايش اللي يمنعهاا ماتزوها ...وبعد
هالاسبوع كله وهي مخاصمه سامي ماتتكلم معه ابد...الا يوم قالت له انه خالتها عزمتها
شافته جالس على جواله يتفرج ...ويطقطق فيه..مثل عادته ..قالت بجمود: خالتي دقت علي وتقول تبيني احضر الزواج
سامي ناظرها : زواج مين
غلا وهي تعطيه ظهرها وتأخذ منشفه تبي تأخذ شور: زواج وليد
سامي ببرود: روحي مين ردك
غلا
ميلت فمها بسخريه ....مالت مسوي زعلان ...بدل ماتكون هي زعلانه ...
فاقت من تفكيرها على اتصال شوق تأكد عليها ...قفلت من عندها بعد ماوعدتها تحضر ....افف كيف تحضر وهذا حالها وبعد
و مستغربه من تتطنيشه .و.مايتكلم صاير ...تحس فيه شيء ..ماتدري ايش ...وبس ساكت ...حتى الاستهبال اللي يسويه دايم على راسها مايسويه ابد صاير.. ...و تحسه يفكر.. ماتدري في ايش. ...ودها ماتكسر بخاطر خالتها وتحضر الزواج بس ي حسره ...من وين لها ...وصعب تذل نفسها ..تطلب سامي ..بسخريه من وين ي حسره هو بعد يجيب ..حافي منتف ..اوف على هالحظ معي ...والله ماودي في الزواج ..ودي بس
اشوف خالتي ودي افهم.... ليه زوجها منعها مني ...كله ذا كره لابوي ماصارت صراحه ....ايه وتذكرت وظيفتي... فاديه قالت
يبدأ حضورك بعد يومين تباشري المحل ..المصيبه سامي مدري وش يقول يوم يشوفني رايحه ...لازم اكلمه قبلها عشان
مايفضحني منها لو مرت لي .....
ايه لازم اكلمه والله اني خايفه يوقف لي ..ويرفض بس والله مايقدر ...تنهدت بضيق ...اول خليني اشوف ايش رأيه وبعدها يصير خيرر وافكر كيف ادبرها اذا حاول يرفض

عند سامي

اللي جالس يفطر مع ابوه ...وامه ..

ام سامي بقهر: اقول وش فيها غلا ماصارت تساعدني
جالسه بس في غرفتها

ابو سامي بسخريه:والله ماحصلت الرجآل اللي يمردغها وتعرف ايش لها وايش عليها

سامي ناظرهم وهو مقهور مايدري ايش يسوي ..
يكفي رد الشركه عليه ... انه ماقبل ملفه غيره سبقه ... صدمه له كان عنده آمل فيها هالوظيفه ...بس يالله ينتظر ...خويه وعده يكلم ابوه ...ويوظفه في شركته ...بس بعد صاير.... يخاف لا ينصد مثل كل مره ...قال ببرود: وش اسوي فيها يعني اطقها لكم عشان ترتاحوا

ابو سامي بحده:تكلم عدل معي
سامي بقهر : يبه والله تعبان مافيني خلوني في حالي
هاليومين
ام سامي بقهر: ايه وانا شغل البيت كله علي ...عجبي والله بدل ماتريح امك تريح مرتك آه بس من شباب اليوم
كنا زمان الشغل علينا كله ونريح امهات رجاجيلنا وهذا ابوك يشهد
ابو سامي دخل القمه في فمه وهو يناظرها بسخريه: اقول اسكتي بس ولاتخلني اذكرك وش مهببهه
ام سامي بغيض: ايه هذا انت دايم ضدي ...

سامي بسرعه: تكفون لا تتهاوشن ماهو ناقص الي فيني يكفي
ابو سامي ابتسم بخبث: كله ذا زعل عشان وظيفه
ي شيخ سوى مثل ماقلت لك قسم بالله تكسب ذهب
ام سامي بسرعه: وش قصدك

ابو سامي
شاف سامي ساكت هذي فرصته غريبه دايم يقوم اذا فتح مع هالسيره وشكل اللعجيز ذي بتخرب عليه قال بحده: قومي فارقي لا اشوف خشتك اليوم بالمره
ام سامي بعصبيه: قولي اول ايش الشغله اللي بتورط سامي فيها

ابو سامي رماها بكأس الشاي وبعصبيه: فارقي احسن لك
ام سامي صدت عنه بالعافيه كان بيجي فيها

سامي فز واقف وهو معصب وقف مغطي على امه ومقهور ليه يسوي كذا في امه :يبه خلاص ترى مو كل مره اسكت لك اذا مديت يدك عليها
وبعدين حد يرمي بشي يعور مثل كذا

ابو سامي بقهر :لا تعال اضرب احسن
سامي تنهد بضيق : آسف يبه بس والله قهر يوم اشوفك تسوي في امي كذا
ام سامي وهي واقفه وراه : والله لا يضيعك ابوك يمه لا تفكر تتطاوعه
سامي لف لها ومشاها معه ودخلها الصاله وقال برجى: تكفين يمه خليك من ابوي ترى م يأكلها غيرك ولاتخافي انا اعرف اتفاهم معه
ام سامي مسكت في يده : يمه ابوك بيضيعك زيادة يكفي سربتك اللي انت فيها
سامي ابتسم غصب عنه : افاا ي خدوج وهذا وانا ادفع عنك
ام سامي :ماعلي من هالحكي بس تكفى لا تتطاوعه تراه مايفكر لا في ولد ولا غالي عليه
هز رأسه لها وطلع
رجع جلس عند ابوه وهو ساكت
ابو سامي قال بخبث : هاا وش رايك ...
سامي ناظره :وشهووو
ابو سامي ببرود: شوف لا تسوي نفسك ماهو فاهم
صدقني لو تجلس تكرف وتدور في وظيفه من اليوم لبكرة مارح تحصل

وانت الحين فاتح بيت ...وانا وامك ملينا وحنا نصرف عليك ..وحتى بنت راجح اشوفها شالت يدها من وقت ما جت هنا لا شغله ولا مشغله . مسنتره بس في ها لغرفه وصوتها الللي يلعلع
فضحنا في الحاره هذا اللي استفدنا منها ..شافه ساكت مايرد عليه زود عليه الجرعة
شوف انت جرب مره وحده وشوف... ايش تتطلع في يوم واحد
واذا ماحبيت انسحب وصدقني محد يقدر يتكلم عليك
وعلى ضمانتي وبخبث ترى ساحب الخبل راجح معي وشوفه كيف متنعم
سامي ناظره بصدمه : وبعد راجح صاير معك بدريه تدري
ابوسامي بخبث: ..ايه معي وبدريه ماتدري وهو. فكر صح وشاف انه مايقدر يكمل عيشته براتبه التقاعد ولا بنته اللي تمن عليه وانت بعد خلك مثله وشغل مخك. ..

سامي
وقف وهو يتعوذ من ابليس وش فيه ابوه كذا ...
صاير خايف من كثر زنه يوافق ...وأكثر شي مصدوم فيه راجح يعرفه انه يشرب بس ...بس انه يغامر ويروح يهرب ويمول لا هذي كبيرة واجد ايش يفكه من لسان غلا لو درت هي يالله الشرب ومحملته هو وأهله السبب بس ...والله حس بشفقه عليها ...فعلآ ابوه دمر ابوها وبقوه بعد ...آه ي غلا ...والله مابيدي
شي .....ليت بس تريحه عشان يقدر يقول لها اللي في خاطره ..ويقدر يتفاهم معاها ..الحين لو قال لها تنصح ابوها ..أكيد بتسوي فيها ...وبينحرم منها أكيد ..وبيورط ابوه بعد ...هز راسه
محتار..مايدري ايش يسوي .....
دخل الغرفه شافها متمدده و تكلم في الجوال وفهم انه احد من اهل خالتها ... تقرب منها وجلس
غلا قفلت من عند شوق اللي رجعت تدق عليها مره ثانيه ..
...وتعزمها تجي تسوي معاها... كوفير..اعتذرت منها وقالت وهي .. تصرفها انها حجزت ...وبعدها تدور عذر وتعتذر منهن ..وان شاء الله خالتها ماتزعل ....
سامي قال ببرود:لسى بتحضري عرس ولد خالتك
غلا صدت بوجها عنه بزعل ماتبي تكلمه
سامي مد يده ومسك يدها.... وشد عليها خفيف وقال بأسف: غلا ماهو وقت عنادك ودك تحضري قولي عشان ماترجعي تقولي اني حرمتك ومدري ايش ترى اقسم بالله احس بقهر يوم اسمع منك كذا شافها صاده عنه وسحبت يدها بحده
انحنى وقال بهمس :كفايه زعل
غلا :ابعد عني
سامي هز راسه: لا ويالله قولي تبي تحضري
غلا بسخريه: يهمك الحين
سامي ابتسم : ايه يهمني وبضحكه وبعد مابي نق على راسي كفايه ماهو سالم من لسانك بدون سبب
غلا ناظرته بقهر وضربته على صدره بقهر: ماهو طبعي ترى اجلس انق اوك

سامي فتح عيونه بصدمه : ايششش ماهو طبعك سلامات حبيبتي تتكلمي آكيد عن غيرك

غلا رجعت صدت عنه :لو سمحت سامي مابي اتكلم معك

سامي : غلا والله متحسف اني مديت يدي عليك بس انتي تتطلع الواحد من طوره
غلا كذاب .....جالس يتمسكن مدري وش عنده قلت بعناد: خلني

في حالي يرحم امك
سامي وهوو يخنقها على خفيف وبضحكه: اليوم ماراح افك عنك حتى تفكي هالخشه شوي اففف ي شينك وانتي زعلانه

غلا وهي مخنوقه : حتى وانت مسوي فيها تراضي ثقيل
دم

سامي تقرب منها وبأسها فوق راسها : وهذي عشان بس ترضي يالله مين قدك سامي جالسس يراضيك
غلا ميلت فمها بسخريهه:عشتوو تراك ولد خدوج

سامي هزر اسه بيأس منها :رجعنا وبعدين وش فيها خدوج تراها تاج فوق راسك وبحده
غلا اغلطي علي مثل ماتحبي بس امي لا
كم مره يعني اكررها طفشت من كثر ما اقولها ي غلا

غلا بطفش : خلاص سامي تكفى خلني في حالي لا اغلط عليك ولا على امك
سامي رجع كرر سؤاله وبجمود: طيب خلي زعلنا على جنب ...تبي تحضري الحين أولا
غلا رفعت نفسها شوي وهي تسند ظهرها على الكرسي : ودي بس ماعندي شيء يليق بالمناسبه وهم صراحه ناس هاي
وشبعانين ماشاءالله عليهن
سامي ناظرها بحزن ... ماقدر يدبر لزوجته فستان تحضر فيه
عرس ولد خالتها ....عض شفته بقهر ..وبتهور : لا تشيلي هم الحين نروح السوق وخذي الفستان الي تحبي

غلا هزت راسها برفض : لا مايمدي عاد خلاص اليوم عرسه

سامي وقف : ايش مايمدي لسى الصبح حنا ويمديك تروحي السوق وبعد تحجزي عند كوفيرا لو تحبي وغمز لها عروس اليوم ابيك تتطلعي ...

غلا بتردد معقول سامي يقدر يجيب اللي نفسها فيه ..قالت بتردد : لا سامي ..
سامي : شوي وراجع لك
خليك جاهزه
غلا وقفت في وجهه بسرعه وبتردد: سامي مابي اروح مولازم
سامي : ماتبي تروحي ليه

غلا رفعت عيونه وناظرته :من وين لك
سامي ابتسم : تتدبر وانا ابو وافي

غلا
ابتعدت عنه ....وع معاد إلا ....هي اسمي ولدي وافي
على اسم ابوك قالت بقهر :ليه مجنونه اسميه .."وافي "
سامي بأبتسامه :صدقيني لو ربي كتب اسمه وافي
غلا : والله لووتموت بعدها
سكتتت بقهر

من نفسها وش تقول جالسه هي ....لا لا ماتخيل تخلف من سامي ...ولا تبي بعد ..هي تبي الحين تتطلق...وراح تطلب الطلاق بعد الوظيفه يوم تستلمها ..لان آكيد ابوها بيكون في صفها ..قالت بنحاسه ونفسها انسدت بعد :لا تحرج حالك وتروح تتسلف مابي اروح
سامي
طنشها وطلع شاف ابوه جالس مكانه ...مشى ناحيته ...وهو مترددد جلس.... وسحب المسند ... تسند عليه قال وهو مغصوب :يبه اعطني مقدم للشغله اللي تبيني فيها
ابوسامي بنرفزه و سحب من الشيشه اللي توه ركب الحجر عليها قال وهو متضايق من الحجر اللي ماضبط معه :كان غيرك اشطر
سامي بقهر:يبه خذها كلمه مني ماراح اخون فيك
ابو سامي بجمود:المصيبه اني ماثق فيك
سامي برجى :تكفى يبه والله حدي مزنوق وخلك واثق فيني هالمره

ابو سامي قال بتهديد:صدقني لو لفيت بذيلك قسم بالله ارميك انت وزوجتك في الشارع واشوف ....مين يستقبلكم ...

سامي هز راسه غصب عنه :اوك سوي لللي تحب لو خونت
فيك
ابو سامي حاس انه يكذب عليه ... بس ماعليه راح يجربه ويشوف بعدها يطلعها من عيونه قال بجمود: كم تبي

سامي بسرعه: الفين
ابوسامي بصدمه: كم..... حدك 500 بس واقلب وجهك بعدها
سامس بقهر :يبه قلت لي مكسبها ذهب وشهوله بس 500
ابو سامي :مثل ماقلت لك تبييها اوك ماتبيها قوم ضبط لي هالحجر وانقلع

سامي وقف وهو عارف ان ابوه يبيه ...وراح يوافق ..بس لازم ...يثقل شوي
ابو سامي رافع راسه بقهر.... وطالعه خساره لو يفرط فيه ...متأكد من ولده لو اشتغل معه... بس في توصيل.... الطلبيه ...واثق محد يقدر يصيده ماهو مثل اللي يأجرهن .. ..كل يوم حد صيدينه ....ويجلس يدفع لهن ..عشان مايجيبوا .. سيرته في الشرطه ..قال بغيض : موافق بس حسك تخون فيني والله اقتلك ولا أفكر وتدري فيني ...

سامي لف له وبضيق مد يده : هاتي أجل
ابو سامي بقهر : ماهو الحين
سامي وهو كاره عمره : ذل هو
ابو سامي : هذا الي عندي
سامي بقهر: أجل يفتح الله

ابو سامي وقف وخبطه ع راسه بقوه: عناد في هالرأس مثل امك
طالع
ومشى دخل غرفته وطلع له المبلغ ..واعطاه وهو ماهو راضي وشاك فيه بس حسابه عسيرر لو فكر يلعب معه

سامي ناظر الفلوس في يده اول مره مايفرح فيها دايم يطير من الفرحه لو حصل على أقل من هالمبلغ ..هز راسه بتحسف ماعليه ي غلا بتلبسي بفلوس حرام بس والله غصب عني مو متخيل حاله يشتغل الشغلانه الزفت ذي تتدبر ان شاءالله وقتها وارجع له فلوسه.....
دخل عندها وشافها جالسه ...قال بسرعه : يالله ...تدبرت وناولها الفلوس خذي اللي تحبي

غلا مسكت الفلوس في يدها وقالت بصدمه : من وين لك هالمبلغ
سامي قال بدون نفس: بتحضري ولا اشلون ترى طلعت روحي عشان ادبر لك
غلا ماتدري ايش تسوي توافق تروح ..وتشوف خالتها ..وبعد تتطلع شوي وتفك على ....نفسها ...ايه تروح والكوفيرا امرها هين ...أكيد صديقتها فاديه بتكلم اختها و تروح المشغل وبتتوصى فيها آه تحس نفسها متردده توافق او ترفض تأخذ ... منه اي شي قالت بخوف :ي خوفي ي سامي سارقها

سامي هز راسه بحسرة جالس يغامر بنفسه عشانها وهي ماتفكر في الكلمه قبل ماتقولها .. : مره معدومه الثقه بينا
غلا رفعت حاجب وبتأكيد : و بعد فاقده الأمل فيك
سامي مسكها من عند كتوفها: آه بس

صد عنها وهو يتتافف انتظرك في السيارة وطلع ...
جلس في السياره وهو مقهور ...يكره في حياته السكر والخرابيط ذي على مصياعته كلها بس مايفكر ..انه يذوق من اللي يستخدمنه... بعض من شباب شلته . ....ويقوم يوافق انه يتعامل مع ابوه فيها ...هز راسه برفض ....مستحيل ....
شافها جايه ابتسم بحزن ..وهذي بعد ماتخلي فرصه الا توجعه بالحكي ...
غلا
طلعت وهي مقهوره و متنكده من نظرات ابوه اللي كان كلها حده ..خير سلامات وش فيه بعد هو منفس علي .. واليوم.جالس بدل زوجته على الفرشه ذي معاهن مايعجزن ...من جلسة ...الحوش افف يشين شوفته على.. هالصبح ...بسرعه طلعت وركبت السياره ...من غير ماتتكلم
سامي بجمود بعد مانزل الناظره الشمسيه على عيونه قال بجمود :سوق محدد ولا اي سوق عندك عادي
غلا بسخريه :أكبر مول فيك يالرياض
سامي عارف انها تتمسخر عليه قال بحده : اخلصي علي ماهو وقتك واحمدي ربك وانا طلعت لك هالمبلغ

غلا بفضول: اموت واعرف من وين
وبصرخه هييي من الحين اقولك اذا حرام مابيها اجلس في البيت ..ابرك ..وبكره يوم أخذ وظيفتي وأخذ راتبي ادلع نفسي باللي ابي ماوقفت على هالزواج يعني اموت لو ماحضرت
سامي
سبحان الله حاسه انها فلوس حرام ..ميل فمه بسخريه يوم سمعها تختم كلامها :لسى عندك أمل في الوظيفة
غلا بصرار : ان شاءالله يومين الا انا طابه فيها
سامي وقف بحركه متهوره عند الإشارة طلع صوت من قوة اللفرامل : وبعد يومين
غلا مسكت على بطنها حست بالم فيه قالت وهي معصبه: حسبي الله عليك انت وهالتهور ...

سامي : لا تتحسبي علي ..وبعد ..اشوف لسانك رجع يلعلع من اسبوع وينه ولا مصلحه الحين

غلا بقهر من نفسها انها وافقت تتكلم معه او تتطاوعه تروح مع السوق بس هين والله لا اخليه يندم على كلامه :هييي لا تجلس تمن وبعدين غصب عنك تتدبر لي وتصرف لي وتأخذ لي احسن فستان ولا رجآل كذا على الفاضي
سامي عض شفته بقهر: آه بس ودي ادخل مخك واشوف كيف مركب

غلا :صدقني مخك اللي مشكوك فيه و انفاصم في الشخصيه بعد .. مره استهبال ومره تقول حكي ودي اقتلك عليه ومره ساكت وو تفكر مدري في وشهوو إلا قولي في وشهوو تفكر ..وسارح هاليومين ...
سامي بغيض : غلا ممكن ترجعي تزعلي
غلا بقهر منه :هييي ترى زعلانه منك على طول ومستحيل
ارضى
ولا تفتكر جالسه ارطن لك كم كلمه يعني خلاص طاح الللي في راسي

سامي هز راسه بعجز : تسكتي ولا حولت ورميتك في البر
واخيلك تموتي في هالحر

غلا بتصغير لحكيه : لا ي شيخ شايفني بيبي عشان كل مره اركب معك تقول لي هالتهديد الي مثل وجهك
سامي بتحدي : والله
غلا بخوف منه لا يسويها صدق يوم حست في نبرة صوته انه معزم :اقول رجعني البيت احسن ولااابو ابوه من زواج احضره

سامي انبسط كثيربردها افضل من برودها معه وردودها اللي دايم ...تذبحه وبعد قالتها بطريقه ضحكته : :هههههههههه
آه على طول لسانك بس اخخخخخ سكتتت مايبي يقول اللي في خاطره وتشوف حالها زود عليه .....بس والله حالف لها ...لا يجننها مثل ماجننته ....اقول غلاوي : كم تعطيني من راتبك
غلا بسخريه : كله لك كم صايع عندنا حنا
سامي ابتسم : واحد ورجآ لا تبخلي عليه
غلا بقهر: هييي توني اقول وش فيه هاجد لا ترجع لحالتك مافيني ترى اتحمل ثقالة دمك
سامي عض شفته بقهر: افاا انا ثقيل دم اخخ صدمه
غلا صدت تناظر الشارع احسن من الكلام معه ...وبعد تفكر ايش تأخذ ..فستان ..شافته وقف عند مول ...
نزلوا ...وهي محتاره ايت محل تدخل
سامي أشر ع محل في الوجهه:وش رايك نجرب ذا
غلا صدت عنه بعناد:لا ذا
سامي هز راسه بقهر وقال بهمس: صدق تافههه
غلا سمعته ابتسمت انها قهرته ...
دخلت وهي محتاره ...مسكت فستان لونه اسود ....وجلست تناظره ...ناظرت سامي اللي يطالعها
قالت غصب عنها: ايش رأيك في ذا
سامي تقرب منها : امممم مدري
غلا بقهر وبصوت واطي :طيب قول ايش رايك حلو اولا
سامي سحب واحد ثاني بجنبه... لونه فيروزي ..وموديله ..قصير كان قال :هذا حلوو بيطلع عليك
غلا هزت راسها برفض وبهمس: لا ي شيخ البس قصيرر استغفرالله بس الله لا يبلانا ويسترنا دنيا وآخره ويهدي اللي يلبسنه ....
سامي ناظره زين فعلآ كان قصيرر قال :خلاص مانتبهت
شوفيه غيره
غلا بعدم رضى : امش نروح محل ثاني
سامي هز رأسه : اوك .......
غلا بهمس : ايه وبعد لا تتدخل ذوقك خايس
سامي عض على شفته بقهر وهو يناظر حوله تمنى محد موجود كان دفنها مكانها ..يعني اللي يسمعها يقول ماطلبت رأيه هي ...
رفع راسه وهو يكرر الصبر يارب ...مسك يدها بنرفزة
ومشاها معه ...للمحل الثاني ..الي حضرتها اختارته ...
غلا فكت يدها منه ...وجلست تقلب في الفساتين شافت ان المحل في حريم ....انبسطت تقربت من سامي اللي مانتبه ان اللي يبعن حريم ....قالت بهمس:برا مايصلح تدخل هنا
سامي ناظر وين تأشر
طلع وهو يتاففف...متى بتنتهي ذي
غلا تقربت من اللي واقفه : السلام عليكم
: هلا عليكم السلام
ايش اساعدك فيه شوفي هذا الفستان موديله جديدة توه نزل
غلا طنشت وش تقول بستفسار: كيف مرتاحه في هالشغله
قالت وهي مصدومه من سؤالها :ايوه بس ليه تسألي
غلا:لا بس ان شاءالله انا بعد بشتغل بهالشغله وحبيت اسأل
قالت برضى: ايه حبيبتي الحمدلله مدام يجي منها رزق وتحركت وهي تمسك فستان ثاني
وشوفي هذا الفستان بعد توه نزل
غلا
مقهوره منها ....ماعطتها زيادة معرفه .عن الشغله .بس طنشت وهي تناظر الفستان اللي تقول عنه اعجبها صراحه ..تقربت منه رفعت الاستكر الي عليه فتحت عيونها بصدمه من قيمتها .. ليه سلامات وش ذي القيمه والله لو انه ذهب ...وبعدين مايجي مع المبلغ الي دفعة لها سامي
سوت نفسها انها ماحبته عشان ماتتفشل :يمشي حاله مافي غيره
قالت وهي تحاول تساعدها: طيب تبي شكل معين في بالك وبعد كيف سعرة ترا فيه اغلا من ذا بعد
غلا
في عينك اغلا انا بطني وجعني من قيمة سعر ذا ...قالت بكذب :
مايهم الفلوس ...بس الموديل ماحبيته
ردت وهي مستغربه :غريبه مطلوب والله الكل حبه وهذا آخر واحد
غلا بكذب :عشان كذا ماحبيته احب أكون مميزه
هزت رأسها :اوك خوذي راحتك وشوفي عندك المحل وان شاء تحصلي اللي تحبي
غلا
ايوه احسن شي انتي ...اجلسي وفكينا ..قال ايش اغلا ...روحي زين مأخذه امير وانا مدري ....
مشت وهي تتدور بين الفساتين صارت ماتفكر في.. الشكل ...قبل ماتشوف موديله ...تشوف سعرة . آخر واحد حطت عينها عليه عجبها بذات لونه السكري ...حبته كثيرر ...تقربت منه وسحبت تشوف سعره قفلت عيونها قبل تشوفه ..وهي تدعي ربها يكون رخيص وقد فلوسها :بغت تنط من الفرحه يوم شافت سعرة 1500 حلو أجل يمديها تأخذ لها اكسسوار عليه بعد
أخذته وطلعت وراحت كملت اغراضها كلها

آه تنهدت بتعب يوم طلعت السيارة قالت وهي تتاففف: شغل التكيف على الآخر
سامي :ابشري اليوم حنا خدامين عند حضرتك
غلا :ي سعدك والله
سامي طنشها في نوم ماهو قادر يفتح عيونه ....
وصل البيت ونزلوا سامي فتح الباب وهو مأخذ الاغراض في يده ..
ام سامي سمعت باب الشارع يتقفل طلعت من الصاله .وهي تناظر سامي حامل الي في يده قالت وهي حايسه بوزها: وين من صباح الله خير حتى الظهر طالعتن بك بنت ابوها
سامي :كنا في السوق غلا تأخذ لها فستان لزواج ولد خالتها

ام سامي بقهر:ايشش في السوق ليه طيب ماتأخذ معي
غلا
كنت واقفه متملله من الاستجواب ....بس لا مقدر اسكت ايشش آخذ معاها ليه خبله ...قلت بقهر: ايششش
ام سامي بغيض:لا يكون ماهو عاجبتس بس بضاعتي والله اني عندي دراعات ازين من الأسواق
غلا فتحت عيونها بصدمه أكبر .... لا هذي كبيرة بقوه تبيني البس دراعه لزواج...ليه كم عمري ...
سامي وهو وده يضحك على صدمة غلا يوم ناظرته ورجعت ناظرت امه ...قال وهو يسايرها :خلاص يمه المرة الثانيه نأخذ معك ولايهمك
غلا :ليه مجنونه انت بعد
سامي بضحكه ويبي يتأكد :اقول يمه لايكون قصدك بالملابس اللي هذاك اليوم وديتك البسطه وأخذتيها
ام اسامي:ايه هيي ان شاءالله انت بعد ماهي عاجبتك

سامي ناظر غلا وهو يغمز لها :افااا كيف ماتعجبني وهي ذوق خوخه
خلاص يمه الحين ارد ذي ونأخذ لغلاي من عندك
غلا فتحت عيونها بصدمه :ايشششششش
سامي ناظرها على انه يسايرها
غلا بتريقه: اقول خدوج ابي احضر وانا شكلي زين ماهو ناقصه
يجلسن يتمسخرن علي انا والدراعه اللي ابي أخذها من عندك
ياللي ماتخافي ربك تبيني البس دراعه ....
ام اسامي بقهر: سامي عقل مرتك
سامي بعصبيه : خلاص يمه وناظرغلاااااا وبصرخه انقلعي الغرفه
غلا سحبت الكيس من يده وركضت لغرفتها وهي مقهورة ....

قال ايش أخذ معاها

بيت ابو وليد

ريتاج اللي قفلت ....من عند امها وهي معصبه... يعني اشلون غصب هووو ...آه ياربي تعبت وهي تحاول فيها ...عشان تفكها من هاالروحه

قفلت عيونها بعجز .. يوم شافت رقم امها رجع يدق ردت وهي شوي وتبكي:وش بقي بعد يمه

ام عصام بسرعه: الحين ارسلت لك ابوك جاي فاهمه
بسرعه اطلعي له الكوفيرا هنا وانتي مأخرتنا حضرتس

ريتاج : يمه تكفين
ام عصام بعصبيه قاطعتها: اقسم بالله ي ريتاج لو ماتجي لاجي عندس واسحبتس من شعرس... خبله انا جالسه ارد لتس اعتبارس وانتي طول الوقت تتذمري ورافضه
ريتاج بقهر: يمه اي اعتبار بالله والله إلا فشله لي لو حضرت
وحاسه بتصير مشاكل بروحتي
ام عصام بغيض : ليته يخرب هالزواج كله ويبرد قلبي شوي
ريتاج بقهر من تفكير امها : يمه حرام وش ذنبهن ترى الغلط منا ماهو منهن
ام عصام بصرخه: اسيل هاتي عباتي وقولي لابوك يرجع لي بسرعه هذي ماتجي الا بسحب بشعرها ويالله تفهم
ريتاج بقهر من قساوة امها ..تكره المشاكل الي تسويها امها بس مابليد حيله:خلاص يمه جايه وماراح عاد افتح فمي بكلمه وسوي الي تبيه
وبقهر دايم كذا انا مسيرة للكل
وقفلت بقهر وهي تبكي رمت حالها على السرير وهي تدفن وجهاا في المخده وتبكي بقوه ...تذكرت ان ابوها جاي لها وقفت وهي تعوذ من ابليس وتمسح دموعها ...اللي هي زود معنده ماتوقف ....راحت ...أخذت شور ولبست
وأخذت اغراضها اللي امها وصت عليها ..ولبست العبايه ونزلت وهي تشوف الصاله فاضيه
غريبة توقعت الكل حايس ومعروف اجواء العرس غريبه كذا باردين تقول مافي عرس عندهن .... شافت حسام مدد على الارض مقابل التلفاز ويلعب بلاستيشن

تقربت منه بهدوء:غريبه هنا جالس تلعب

حسام بقهر: وين اجلس المجلس والمقلط فيه اصحاب وليد اللي جاين من بعيد كله عشان يحضرن عرسه وهو البخيل ما حجز لهن في فندق

ريتاج بصدمه :يعني عنده ضيوف غريبه ماعندي خبر ولا حتى خاله قالت لي قلت بستفسار: آكيد الحين طلب من خاله غداء صح
حسام :لا طلع عزمهن برا والخايس ماعزمني وبعد قالي اجي اشوفك .. هنا منسدح ذبحتك بقهر ...كيف متحملته ليته يطيرر معاد يرجع الا لما أكبر واكون معي بيت لحالي ...عشان العب على كيفي واتسدح في المكان اللي احبه
ريتاج ابتسمت على تفكيره وعلى أمنيته : حاقد وبقوة بعد

حسام :ايه من وقت ماجيت الصاله .. وانا مهزوم وماقدر ادخل اصحابي هنا اففف متعود على المقلط

ريتاج :عيب مفروض تقدر ان اخوك جاينه ضيوف ولازم تحترمنهن وتضيفهن بعد وتشوف ايش ناقصهن هذا كرم الضيافه عندنا ماهو جالس تتذمر وانا اقول عنك رجآل وتاري عذي علومك
حسام بغيض : اقول ريتاجوه طيري بعيد عني ي كرهي للي يسوي فيها محترم وفاهم كل شيء وبعدين ي شين أصحابه مثله ثقيلين دم
ريتاج فتحت عيونها بصدمه: يالنتفه قصدك اني مو محترمه
حسام وقف بقهر : تصدقي افضل شيء اروح انام احسن من جلستي معك ي زوجة الغثيث وليدوه اللي اليوم جايب على راسك مره وانتي مثل الخبله تعطي دروس كيف نكرم ضيوفنا

ريتاج عضت شفتها بقهر . . اخخ وش فيهن ..هذولا يعني يبونها تجلس تبكي ... حتى النتفه جالس يعاير ....قالت وهي قصدها تغيضه: ايه لانك مهزوم ..شردت
حسام :راح ارد عليك بس مو لحين لاني زعلان واخاف اغلط عليك
ريتاج ابتسمت له : يعني كله ذا وماغلطتتت
... تنهدت بحزن .. آه ي ليت ي حسام زعلي عشان لعبه ...
ولا عشان ...شيء مايسوي مثل زعلك .....
شافت شوق طالعه من المطبخ وهي مبوزة
ريتاج : علامك
شوق بكسل وهي ترمي حالها على الكنبه : فيني نوم
وراي مشوار لكوفيرا

ريتاج : تعالي معنا الكوفيرا جايه البيت
شوق : والله ودي بس البارح دقت علي لطيفه وعزمتني اروح معاها استحيت أعتذر
ريتاج بحزن :مثل اتفاقنا تذكري يوم قلنا اي وحده تعرس منا نروح مع بعض سبحان الله ... شوفي كيف الدنيا تفرق وكملت بحزن تكفين لا تقولي لها اني جايه مابيها تتنكد ....ولسى بعد عندي امل اقنع امي

شوق هزت راسها بدون صوت ...فعلاً بتكون صدمه لطيفه لو جت ريتاج ....وصعب زود إذا قلت لها ... لا تحضري
مدري ضايعه بينهن ...
ريتاج
وقفت يوم شافت رقم ابوها
عدلت ا لعبايه زين وطلعت ...وهي كاره عمرها ...ماتدري ايش بيحصل اليوم ...بروحتها للعرس ..
ركبت السيارة ...وهي ترد السلام
ابو عصام بحنان:هلا وعليكم السلام
وكمل وهي يبها تفرفش امك اليوم بتسوي لك عرس ثاني
سندرت روسنا لها اسبوع وبضحكه فلستيني وانا ابوك بس كله
لعيونك يهون
ريتاج ابتسمت بحزن: يبه تكفى اقنع امي مابي احضر
ابو عصام : تدري بعناد امك
وبعدين وش فيها روحي ونسي عمرك ولا عليك ولا تزعلي
نفسك بشي بنت جسام مايهزها شيء
ريتاج : لا ليه ازعل بالعكس انا فرحانه لهم
ابو عصام بأبتسامه : طول عمرك عاقله وانا ابوك
ليت تعطي امك من عقلك شوي

وصولو البيت
نزلوو شافت امها في استقبالها .... بسرعه ركضت فيها للغرفه دخلت عند الكوفيرا

تذكرت طقوس يوم زواجها من بندر آه ليت هذيك ...الايام تعود ...مسحت دمعه نزلت منها ...وهي تناظر ... امها تشرح للكوفيرا كيف التسرحيه بتكون... ابتسمت على امها ....مغربله عمرها بزياده ....قالت ببرود: يمه انتم الاول وانا في الأخير لاني احس الوقت بدري مره ..
ام عصام :تمام انا بجلس الحين وانتي روحي شوفي اسيل خليها تخلص علينا
ابتسمت لها ..ورحت لغرفة اسيل ...ودخلت حصلتها نايمه ..مت ضحك لو تدري امي راح تنجلط ...تقربت منها وانسدحت بجنبها قلت بهمس:نامي حبيبتي ...وانا ابي انام بعد معك
بعدها قفلت عيوني وفعلاً نمت من غير ماحس على عمري

ام عصام كملت وهي مقهورة
قالت بحده : كل ذا تروح تشوف اختها
بسرعه وقفت وهي تناظر عمرها في المرايا انبسطت من شكلها رجعت ناظرت الكوفيرا وابتسامة رضى على وجهاا:مثل المطلوب الله ...يطول في عمرتس ولا اوصيتس باللي جايه تجلس بدالي ابيك تتطلعيها قمر
الكوفيرا: مايحتاج توصيه وبعدين بنتك قمر ومايحتاج
ام عصام بسم الله من عينتس قالت بخوف:قولي ماشاءالله
الكوفيرا ابتسمت: ماشاءالله
ام عصام
اشوى وانا قلت لها ...كفايه بهذله لريتاج ماهي ناقصه عين ذي ..بعد ...طلعت وهي متجهه لغرفة اسيل فتحت عيونها بصدمه من الللي تشوفه قدامها الثنيتن مايدرن وين الله حاطهن قالت بصرخه وهي تسحب المفرش: حسبي الله عليكن من بنات قوموا وجعه ان شاءالله
اسيل فزت جالسه:بسم الله
ام عصام : هذي الي موصيتك عليه ي اسيل
اسيل وهي تفرك عيونها :اسفه ماما راحت علي نومه من غير ماحس
ريتاج سمعت صرخة امها
بس مقفله عيونها وكاد تشفق عليها وتقول له خلاص نامي ومولازم تروحي بس آه كله ذا حلم كان تتمناه يوم سمعت صرختها باسمها فزت جالسه
ام عصام : ريتاج وش قايله لتس انا
ريتاج قمت بدون صوت : سمعت صوت اذن العصر
رحت توضيت وصليت ...ورحت الغرفه ...شفت اسيل واقفه
تقول لها كيف تبي ...تنهدت براحه يعني امي سمعت كلامي وخلتني آخر وحده ....
قلت :يمه اروح اريح شوي حتى تكمل من اسيل
ام عصام جلست بجنبها:كيف شكلي بالله طلع ياللي مافيك خير من اول انتظرتس تمدحيني وانتي مو يمي ...
ريتاج ابتسمت غصب عنها وقالت بصدق: والله قمر وانصحك لايشوفك الشياب
ام عصام بخجل: بس ي بنت استحي وبهمس وش تحي بوه ي ريتاج مقهورة شيء قولي لا تخبي علي ترى محدن بيحس فيتس مثلي
ريتاج استغربت من امها معقول هالحنان كله ليه وليد تمم زواجه قالت بصدق:والله ماحس بشي يمه ولا تفتكري اني متضايقه
ام عصام بعدم تصديق:روحي زين لتس شهرين وأكثر عنده
أكيد بتغاري عليه وبشك ولا يكون كذا عايشين انتي وهووو
ترى ذي فيها علوم ومستحيل اسكت لو فعلاً كذا حياتكم ....
ريتاج عقدت حواجبها وش قصدها امها بحكيها يعني لو قالت ان مابينهن شيء بتنفك من هالزواجه وبتوقف معاها قالت بكذب وامل بعد في امها:ايه يمه مابينا شيء
ام عصام بقهر :صدز خبله ومافيتس رجى من الحين ورايح لا تسكتي عن حقتس مره وخليه بعد يعدل آخ وين كيد النساء عنتس غبيه من جد ..
ريتاج تحطمت بالحيل يعني هذا اللي ربي قدرها عليه
صدت بقهر وهي تناظر اسيل اللي طفشت الكوفيرا
رجعت قفلت عيونها ..بطفش ....حست بيد امها تمسك يدها : يالله يمه دورك
ريتاج هزت راسها بدون صوت ..وقفت وهي ناويه تأخرها
ماتبيها تبدا فيها :اسوي لك قهوه عشان تروقي وترتاحي شوي حبيبتي من وقت ما جيتي وانتي تشتغلي
ام عصام بحده : اجلسي بس وانا اطلب من الخدامه تجيب لها
ولا يهمها
جلست بيأس وستسلمت لها بدون اعتراض .. هذا هي نهايتها كل مره ...جالسين بس يطلبون منها وهي تنفذ ....
احس الكوفيرا طفشت من كثر ماامي تتطلب منها
الكوفيرا:ابشري راح تتطلع حلوة لا تخافي
ريتاج بهمس :خفيف لا هنتي
الكوفيرا : ايش بعد هالتوصيات كلها وتبيه خفيف بعدين لازم مثل ماقالت امك اليوم ليلتك ولازم مميزه في كل شيء
ريتاج بقهر وش ليليي ذي بعد افف حتى ذي فيها عناد هزيت راسي بدون صوت
وقفلت عيوني بستسلام .....

::
::
::
اسيل تقربت منها بعد ماكلمت مكياجها قالت بنبهار: واو

امها خطبتها على كتفها:قولي ماشاءالله
الكوفيرا : يالله قومي البسي فستانك ي عروس عشان اسوي التسريحه ..
ريتاج قالت بطفش : لسى بدري يمه اكيد بيخرب شعري
ام عصام بحده: وين يخرب طفله انتي وبسرعه روحي البسي وخليها تكمل منك عشان على ثمينه نكون في القاعة ويالله
يمدي

وففت وراحت صلت المغرب وهي لسى على وضوء العصر...
لبست ورجعت وهي ماهي راضيه على مكياجها
قالت : ابي تعديل للمكياج احسه كثير صاير اوفر

ام عصام وهي مقهوره : قولي انك ناويه ترفعي ...لي الضغط اليوم
ريتاج صدت بزعل

الكوفيرا بفضول: اول مره اشوف عروس تلبس فستان لونه
احمر

ريتاج برود: مين قال عروس
الكوفيرا ناظرت ام عصام: ماهو قلتي مكياج عرايس تبيه
ام عصام بقهر من لقوفها : انت عليتس تاخذي فلوستس كامله صح
الكوفيرا هزات راسها
ام عصام :: اجل كملي شغلك ساكته
ريتاج
آه عجزت من تفكير امها ....ي ربي حتى الكوفيرا ماسلمت منها وبعد .... وليد ايش راح ....يقول لو يدري انها حضرت ....أكيد بيعصب ....وبعد لطيفه ..من حقهن صراحه ...ماتدري ليه تحس ..بشي غريب عليها ....يعني خلاص ماراح تشوف وليد ...أكيد ب ترتاح ...الحين منه ...كل ماتذكر يوم جااا يطلب من تعفيه من المهر ....تحس بذل ..
.
حرام عليهم حملوها .....فوق طاقتها ....وامها كملت عليها اليوم ...
ماهي راضيه على المكياج ..ولا على الفستان اللي سعره غالي ....وبزياه بعد أكيد الحين يفتكرن انها جايه تعيضها...وبتخرب عليها ....آه ي لطيفه ربي يعلم اني ماعمري .... فكرت يوم اضرك .....
::
::
::
::
::

شقة ناصر
منيرة
طلعت من الحمام الله يكرم الجميع وهي تنشف شعرها شافته ممدده على الكرسي غريبه جاا وماحست عليه
تحسه بارد صايرر.... بس ساكت خير سلامات... وش فيه متغير يمه لايكون شايف له شوفه جلست بجنبه وهي تمد يدها وتمسك يده بهدوء: اقول نصور ودي اعرف وش فيك متغير
ناصر ناظرها ببرود سحب يده منها : يهمك يعني الحين
منيرة عقدت حواجبها :ايه يهمني ليه مايهمني ومسكت يده مره ثانيه ...نصور والله مو متعوده على كذا قول ايش فيه

ناصر ناظرها ...وده يقول الي في خاطره...انه ناوي يتزوج
عليها ...وبعد معزم .. ومافي شي يغير رأيه ....حتى لو اسيل ماقبلت فيه مثل ماتقول شوق..يدور بنات الرجـآجيل كثيرر ...بس صعب الحين يقول لها شيء ...
بذات اليوم زواج وليد مايبي الليله تتنكد على أهله ...لانه عارفها ..بتسوي مشاكل وترد اللوم ع أهله ...مثل دايم ...ابوك وابوك.. ...
قال بحده وهو يوقف : مافي شيء ويالله تبيني اوديك المشغل ولا ان شاءالله ماتبي تحضري بعد
منيرة وقفت بسرعه: نعم ماحضر حرام عليك جالسه لي شهر ادور فستا ن ....اغيض فيه لطيفه وامها ..وع ي كرهي لهن
ناصر تتاففف بقهر وهو يطالع الساعه : يعنيي الحين ماحصلتي أحد غير العروس
منيرة : ايه ماهو بتصير سلفتي وأكيد الحين يجلسن يقارنن بين زوجة وليد وبين زوجة ناصر الا هو انا احم احم وهي ترفع
راسها بغرور
ناصر :طيب وريتاج بعد ماودك تقهريها
منيرة: ريتاج مسكينه ماهي قويه مثل لطيفوه وفي نفسها والله لو ايش ماقدرت تصل لجمال رتياج احسن شيء ماتحطها في راسها لانها خسارنه بتطلع ....
قفزت وهي تذكر موعدها مع الكوفيرا: هييي يالله مافي وقت باقي شوي وياذن العشاء وانا لسى مارحت عندها

ناصر
بعض مرات يشك في عقلها. ..اخخخ ضيعها غرورها ...
قال بجمود: غريبه متأخرة لما الحين
منيرة بثقه : قالت لي تعالي لما يخف الزبون اللي عندها عشان
تتطلعني قمر يعني تكون شوي فاضيه وتضبط لي المكياج
ناصر : صدق مخفه ..
منيرة : لا ي شيخ هذا ردك بدل ماتفرح انها بتطلع زوجتك قمر وتغطي على الكل
ناصر رافع حاجب: الجمال جمال النفس اول
منيرة بثقه : وي زين نفسي حبيبي الكل يحبني ويموت فيني
فديتني
ناصررابتسم غصب عنه بعض مرات يحسها خبله ...وبعض مرات شريه ..مايدري محتاره فيها ...وفي عقلها المركب شمال ... وقف وهو يقول : ام الثقه اللي ذبحتك اقول انتظرك في السيارة
منيرة : اوك بس هالله هالله ابي مبلغ محترم عشان تسوي لي كل شيء مميزز
ناصر ناظرها بستخفاف وقال بسخريه: اكيد كل شيء فيك مميز بلسانك اللي ينقط سكر
..وطلع ...صدق ان عقلها فاضي ..
منيرة
عصبت صدق صدق متغير عليها. ..طيب نويصر راح اعرف ايش فيك ...وراحت وهي تفكر كيف تبي تحر لطيفه
اففف ماتحبها من اول يوم تشوفها عند ...شوق ...غبي هالوليد والله ريتاج اجمل منها واحسن بعد ...بس وش نقول غباء في هالرجال ....

عند اسامه
اللي جالس يشوف العمال وهم يرتبوا اغراض الشقه الجديدة
..اللي بيخيلها تجلس فيها ..وافضل شيء بعد انها قريبه من
الحي اللي ساكنين فيه .....يكون عينه عليها ...اذا لفت يمين ولا شمال رفع ساعته شافها جايه على سبعه المغرب وباقي الاثاث نصه ماترتب ... بسرعه استعجلهن ..وقفل باب الشقه وطلع وقال في نفسه هي تجي تكمل باقي ترتيب الاغراض وش فايدة جلوسها كذآ
طلع
وهوو متجهههه للشقة اللي جالسه فيها
دخل العماره.... وقف عند الاستقبال ..واعاطاهم حسابهن ..يحس انه ...معصب ... ولسى ماطلع وشافها وتسممم بشوفتها ...
طلع الدرج بسرعه وهو يتعوذ من ابليس ... وفتح الباب ...شاف الصاله فاضيه
حس بضيق الحين هذي وين انقلعت تلفت يمين يسار مافي أحد
مشى ناحية غرفة النوم اللي في الزاويه
فتح الباب بقوه شافها قدامه نايمه ....زفر بضيق ...اوف كيف تصحى عشان يقولها تقوم تنقلع معه ....تقرب وهوو يرفع صوته الخشن والحاد : بنت
تاففف يوم ماشاف منها اي حركه صرخ بعصبيه : بنت قومي
ريوف فزت مفزوعه وهي تناظره ..بخوف ورعب ...يالله كيف ماحست يوم دخل ...قالت بخوف : ايش فيه
اسامه صد عنها بقهر: تحركي قدامي
ريوف بخوف:وين
اسامه بعصبيه : لما اقول تحركي تفزي ... بدون صوت
ومرادد
ريوف هزت راسه بخوف:بس الله يخليك لا تأذيني
اسامه قال بقرف منها : خايفه من بشر وماخفتي من ربك الي
خلقك

ريوف سكتت تخاف تتكلم ..يضربها مثل آخر مره
أسامه
اعطاها ظهر وقال بحده : انتظرك في الصاله .وبسرعه وراي اشغال ماهو فاضي لأشكالك...
ريوف وقفت ..
ورجولها ترجف تخاف ....منه بشكل غير طبيعي ...بشكل مايتصور ..آه ليت اخوها سمير.... يشفق عليها مثل.... قبل ويجي يأخذها ...آه بس مدام وراه العقرب امه مستحيل ...راح تجلس تزيد وتعيد ..في السالفه ويليت على حق لا ظلم ....يارب ..
انصفني واحرق قلبها ...مثل ماحرقت قلبي ...وخلتهن يشكون فيني ..و في شرفي ....دخلت الحمام الله يكرم القارئ ..وغسلت وتوضت وطلعت صلت المغرب ... تحس بصداع فضيع ...ذبحها لانها مانامت زين ي دوب ساعه ..وجاا فجاة وصحاها ...ي ترا ..وين راح يودينني ..ابتسمت بسخريه يعني وين يموتك مثلا ...عادي ايش الحياة اللي عايشتها عشان اخاف ..بس كذا إلا شعوريآ ....تحس بخوف اذا شافته ...يمه بذات عيونه الحادة تقول صقر .....ولا صوته المرعب ... حكآيه ثانيه خشن بشكل .. ....
تمنت انها ارتمت ... على هذاك الشاب ....اللي دخل عليها غرفتها وكاد يكون ارحم من هاللي ارتبطت فيه ..ايه اكيد بيكون اطيب ..تذكر كيف كان يبرر لهن ...وبعد مظلوم مثلها ..أكيد بيحس فيها ....
سمعت صرخته يمه ......شكلي اليوم مذبوحه ....
اسامه من برا : ساعه لما تجهزي اخلصي علي
اخخخ قفلت عيوني بخوف ...مشيت ناحية العبايه ولبستها وانا
ارجف ...بسرعه لفيت الطرحه وسويت النقاب ..وطلعت وانا بكمال حجابي ...ايوه هو كذا يبي ...ان شاءالله يروق اذا شافني طالعه له متغطيه ..
اسامه ناظر السواد اللي طلع قدامه قال بسخريه: آه الستر ذا كله منظر صدق ماتحت السواهي دواهي

ريوف
اففف قلنا يروق ..ماهو يقط خيط وخيط ..الله يصبرني ويأخذ اللي تسبب لي في ذا كله ...بس مستحيل ابرر خلاص يقول اللي يقول صح كلامه يوجع بس مو مثل اللي الوجع الي احسه إذا مد يده ....
اسامه وقف : وهو يأخذ الشنطه
وتقدمها
ريوف
مشت وراه.... ساكته
اسامه رجع طالعها ...وقال بحده: ناسيه شي
ريوف وقفت بسرعه يوم لف وطالعها ..هزت راسها بدون صوت
طلععوا وبعدها هي على طول
ركبت السياره وراء مثل آخر مره ...
اسامه رمى الشنطه بجنبها وقفل الباب بقوه ....فيه قهر ..ياناس جالس يتعب ويكرف... عشان وحدة حقيرة ماتسوى شي ...دافع الحين مبلغ في إيجار الشقه كامقدم لوحده مكانها مفروض
الشارع ...
تحرك بسرعه جنوونه للحي اللي استأجر فيه
بعدها وصل ونزل ...وقف ينتظرها تنزل شافها ماتحركت من
مكانها فتح الباب الي ورا من جهته .. وقال بحده: لايكون الاميرة تتنظر افتح لها الباب
ريوف قالت وهي تفرك يدينها في بعض : لا بس خايفه مدري وين موديني ..
اسامه بعصبيه وهو صاك على سنونه: انزلي بسرعه بلى دلع

ريوف استودعت الله نفسها و فكت الباب من جهتها ونزلت وهي تحس رجولها ....ماهي قادرة تسحبهاا من ثقلها .. ...يارب لطفك فيني.... ..مشت وراه وهي تقرا كل الآيات .. اللي حافظتها ...يارب خايفه لا يجرم فيني ..اليوم بس لا انا ماتكلمت ...ولا شيء ....ايه أكيد بيوصلني وبيطلع ...بسرعه
مثل العاده ...
وصلووا وفرحت كثير يوم ....شافته وقف ودخل المفتاح فيه باب الشقه اللي قدامه...في الدور الاول ...يعني مافي طلوع لان مافيها... حيل تطلع والله ...دخلت وراه بخوف
اسامه قفل الباب وناظرها بحده وهي معطيته ظهرها قال يتحذير وبقساوة : ياليت تحترمي المكان اللي انتي فيه ...وماتنجسيه ..بفعالك الشينه ...
ريوف
تقدمت شوي وهي تناظر الشقه الي أكبر..من هذيك بكثيرر ..وقفت ...و.قفلت عيونها من الكلام اللي يقوله .".انجسه " لا لا والله الكلمه حيل توجع ...وكبيرة بعد .....ودها تصرخ و تقول له انها محترمه أكثر منه واللي جالس تقوله ظلم في حقها ....بس
هيهات تقدر تقول له كذا ...صعب...حيل بعد ..انها. ترد عليه ... حاولت .. تمسك .. نفسها لا تبكي .. حست فيه بيطلع بسرعه لفت وطالعته... وهي ترجف ..... ودها تتطلب رقم جواله ...عشان لوأحتاجت شيء لانه الحين ماعندها غيره بعد ربي حتى لو قاسي يكفي
يأمن لها مكان تنستر فيه وهذا أكبر جميل يسويه لها ... حست بتردد بس لا زم تطلبه قالت بهمس : ممكن
اسامه اللي معطيها ظهره .ميل فمه بسخريه يوم سمعها تقول ممكن ... مد يده ومسك مقبض الباب قال بخشونه : لا
ريوف حست بخيبة آمل بس تشجعت و قالت : كمل جميلك واعطيني رقم جوالك
اسامه لف لها ناظرها لسى حتى بنقابها ... ركز على عيونها اللي نزلتها بسرعه يوم طالعها ....و بسخريه رفع حاجبه:رقم جوالي
ريوف بتوتر من نظرته لعيونها... قالت بخوف وهي منزلة رأسها للأرض : ايه اخاف لو يصير فيني شيء
اسامه بجمود: راح اعطيك على انه مايشرفني اعطي امثالك
بس مرجلتي تحكم علي
ريوف
ندمت انها طلبته ...وش بيصير عليها يعني ..ماهي عايشه لها اسبوعين ...ماصار فيها شيء ....قالت ونفسها مكسوره: خلاص ماهو لازم
اسامه بصوته الحاد : هاتي جوالك ومد يده
ريوف فتحت الشنطه اللي كان في يدها وطلعته ...وناولته بطرف اصابيعها ..... ...
اسامه أخذ الجوال منها ..شافه أقل نوع .....ومافي شيء يتفعل
فيه ... من خدمات.. التواصل الإجتماعي ..... قال بحده يوم شافه مقفلول: معطيتني هوو مقفول استهبال هوو
ريوف فركت يدينها بتوتر وهزت رأسها : لا ماعندي شاحن
اسامه بدون نفس: خلاص أجيب لك شاحن ورفعه يقلبه في يده وش نوعه هالكسرة معك سكت يوم ماشاف رد منها بعدها
. وسسوس ..يجيب لها شاحن بعد ويخلي عندها جوال ...أكيد بتسوي من وراه ..البلوي ...
تعوذ من ابليس يوم سمع جواله يرن بسرعه طلعه من جيبه وهو يشوف رقم امه عض شفته اخخخ أكيد تأخر عليهن : هلا يمه ورفع يده بعلامة" اوش "و ناولها جوالها ..: ايه يمه جاي الحين بس انشغلت شوي
ام اسامه بعصبيه : انت ناسي انه زواج اختك اليوم باقي شوي وياذن العشاء
اسامه زفر بضيق: عارف يمه انه زواج اختي طيب طيب جاي
الحين اصلي والبس بس واودي الاغراض للقاعه
ام اسامه بقهر: ودي اعرف وين رائد منقلع فيه
توني داقه عليه مايرد
اسامه آه ودنا كلنا نعرف وين رجع اختفى قال بقهر من سيرة رائد: خلاص يمه جاي الحين
قفل من عند امه وهو معصب ناظرها لسى واقفه وده يعرف وش تنتظر قال بقهر: جبت لك اغراض عندك في المطبخ
شوفيها
تكفيك لمدة وبسخريه وهو يأشر حوله تسلي في شي مفيد ورتبي هالعفش مكركب حولك .. ....

...ريوف هزت راسه وبتردد:لا تقفل علي من باب الشقه من
برا اخاف يحصل شي في الشقه ومقدر اطلع

اسامه وقف ورجع ناظرها وقال بحده: لا ي شيخه على مين هالكلام وليت يحصل لك شي تكوني ارتحتتي وريحتي
وطلع وهو يقفل عليها من برا
ريوف سمعت صوت المفتاح بكت بقهر ..كيف يقفل عليها كذا .. والله تحس بوسواس بعض مرات ....لو تنحرق الشقه او يحصل شيء لا سمح الله كيف تتطلع ...أكيد بتموت في مكانها محدن درى عنها ....كل ذا شك في أخلاقها ...آه ي حسرتي وجعي على نفسي ...شكل حياتي مع مرة ابوي تعبتر جنه مع حياتي مع هالادمي .....طالعت الشقه حولها كلها عفش وش تسوي فيه ...وكيف ترتبه ....ماتدري ايش تسوي ..

في القاعه

ريتاج دخلت القاعه ... وهي متوتره حدهاا ..ماتدري ايش تسوي
حست بيد امها تسحبها قالت بهمس: تعالي هنا نتعدل زين
مشت مع امها وهي تشوف المرايا قدامها
وقفت طالعت نفسها وهي تتأكد من مكياجها السموكي الناعم ..
مع عدستها الرماديه اللي مركبتها ......
والقلوس الأحمر الصارخ ..عدلت فستانها ..الاحمر المساك على جسمها ...احسن شيء اعجبها في ذا كله فستانها الهادئ.....صدق صدق امها تعرف في الموضه أحسن منهن بعد ....شافت امها تعدل نفسها ابتسمت وهي تناظرها ..صدق قمر ..ربي يطول في عمرها وبعد تبيها تفك شوي قالت مبتسمه. : يمه بعض مرات اغار من زينك
ام عصام ابتسمت لها بحنان حزينه عليها بقوه بعد : مايجي يم زينتس يمه
اسيل بقهر تحس ان مكياجها ماهو بذاك الزود: اقول بلى مدح في بعض شوفوا لي صرفه احس عيوني ماحبيتها كذا
واحس بضيق من العدسه بعد ..مدري وش فيها اليوم ...
ريتاج: بالعكس حلوو والعدسه مضيقتك غريبه ماهو دوم تركبيها

ام عصام مسكت يد ريتاج: امشي بس خلينا نطلع وهذي خليها تجلس تتذمر بكيفها
اسيل بقهر: يمه اشوفك بس مع ريتاج وناسيتني
ام عصام بحده ناظرتها
اسيل: خلاص روحوا وانا جايه بعدكم ع طول
:
:
.ام عصام ...وقفت بقهر وهي تناظر القاعه الفخمه :كله ذا جابه لها .طيب ليه يوم تزوجك ماسوى تسذا ولا حلال عليها وحرام عليتس

ريتاج : يمه خلاص وبعدين كله ذا مايهمني. ...

ام عصام بقهر : خبله طول عمرتس
وناظرت اسيل راح اتعوض فيتس يمه واسوي لك زواج احسن من كذا وخليها هذي حقها يروح وهي باردة تسذا
اسيل اللي طلعت ... وراهم وسمعت حكي امها قالت بضحكه: يمه انتي فاهمه غلط مفروض تواسي ريتاج اللي اليوم عرس رجلها ماهو انا
ام عصام بقهر :هذي مغسله يدي منها شوفي
صدت بزعل يوم شافت... ام وليد مقبله عليهن

ريتاج بهمس يوم شافت حركة امها : يمه هي مالها ذنب ترى
ام عصام بحده: ليه ماحاولت تغير رأيه وينثبر عليتس ضروي يجيب هالعله ...وصدقيني وليد يدور رضى امه وراح يوفق وكاد اذا كلمته ...
اسيل :انا قلت امي فاهمه غلط يمه ي قلبي هي الي جايه عليها
ام عصام بعصبيه: اسكتن منتس لها فيني قهر ودي اقوم احرق المكان باللي فيه غباء من جد وكملت بغرور ..إلا بنت شيخه ..
مايتزوج رجلها عليها .....
ريتاج

هزت راسها بعجز من امها .. سلمت ع خالتها يوم تقربت منهن حيل ...
ام وليد وهي تناظرها مبهورة توها طالعه من غرفة العروس لما سلمت عليها بس والله انها تحلف... لو وقفت ريتاج بجنبها لا تغطي عليها قالت بهمس : ربي يحفظك ان شاءالله ارقي نفسك يمه العين حق ولا اقولك انا ارقي عليك وجلست ترقيها ومسحت على راسها
ريتاج ابتسمت على حنان هالادميه ليت اعطت امها شوي من حنانها ..قالت بهمس: ربي مايحرمني منك يالغاليه
ام وليد : ولا منك يمه ..وناظرت ام عصام تفضلوا حياكم الله تو نور المكان بجيتكم
ام وعصام وهي مبوزة: الله يحيتس
ريتاج ماحبت طريقة حكي امها مع خالتها ...غريبه دايم ماترضى عليها.... وش فيها الحين ..قالت بسرعه وهي خايفه لا امها تقول كلمه يمكن خالتها تزعل :وين شوق

ام وليد :جالسه تجهز عمرها وبعد معصبه تقول الكوفيرا لعبت فيها ..
ريتاج رايحه لها هنا هي ياخاله وهي تشير لمكان غرفة أهل العريس ..
ام عصام :ايوه طلعت وهي في هالغرفه
ريتاج مشت مرت من عند ...طاوله وهي تسمع ثنتين يتكملن
وقفت وهي مسويه نفسها ...انها تنتظر أحد ....عندها فضول تعرف ايش يقولن ...

..الاولى :شوفي شوفي هذي بعد مرته
الثانيه : الجمال كله ذا ويتزوج
: وش يدريك يمكن اللي تزوجها أحسن من ذي

: روحي زين والله اني ماشفت في زينها آه ليتها ماهي متزوجه قسم بالله ازوجها اخوي مزيون وابي ليه مزيونه
: اخوك مزيون اسكتي بس
ردت بفخر : ايه مزيون غصب عنك ويكفي انه دكتور

ريتاج
هزيت راسي ومشيت صدق فاضين ..والله انها حست بتصير مقارنة. بينهن .....دخلت الغرفه الي مخصصه... لأهل. .العريس ...شافت شوق فعلاً مثل ..ماقالت لها خالتها معصبه تقربت منها وهي مبتسمه :وش فيها الحلوة زعلانه ..
شوق ناظرتها في المرايا ولفت قالت بعجاب :واو حرام عليك ريتاج
ريتاج رفعت حاجب بدون فهم
شوق كملت وهي من جد مبهورة :جايه وناويه تغطي على الكل
ريتاج : بسم الله فجعتني والله حسبت مسويه شيء

شوق : ايه مسويه آه ي لطيفه راحت عليها
ريتاج بضيق :حرام عليك والله اني جايه غصب عني
شوق بأبتسامه : واللي جاي غصب يكون كذا شوفي فستانك
ومكياجك مع تسريحة شعرك اقول رتوج كله ذا غيرة عشان الكابتن وليد

ريتاج قاطعتها : والله اني مو راضيه على اي شيء امي الله يهديها هي اللي غصبتني البس كذا وكله ذوقها ...هي
شوق : خالتي عليها ذوق ماشاءالله ابيها هي تختار لي فستان عرسي ومكياجي يوم أخوك المطنوخ يجي وبقهر الا ايش فيه
متاخر كله ذا دارسة وجع قولي لها شوق عجزت وهي تحتريك
ريتاج فتحت عيونها بصدمه : يمه وين خجل البنات اللي نسمع عنه
شوق : اخوك ماخلى خجل فيني خطبني وانا عمري عشر سنوات ودي اعرف وش ينتظر حضرته ولا ناوي انزف له وظهري منحني مالت عليه الغبي
ريتاج

آه غشيت ضحك عليها : هههههههههههههه اتخيلك بس وانتي منزفه وقتها ههههههههه اخخخ
شوق بأبتسامه خبث:اقول ادق على الكابتن ..يجي يشوفك لانه بعد شوي بيجي وبيجلس يحتري هنا لما تجهز.. لطيفه ويدخل عندها ...
ريتاج برفض: لا والله ازعل منك وبعدين انتي صايره ام وجيهن صح هاليومين اشوفك
شوق بضحكه:وش اسوي اخوي متزوج ثنتين كلهن صديقاتي لازم أكون. ...كذا والله اني حشيت فيك حش عند لطيفه

ريتاح طالعتها بقهر:داريه والله بس ماعليه تخفيف ذنوب
شوق تقربت منها وهي تبوسها وقالت بهمس:والله ان لك معزه
محدن وصل لها ي اخت خطيبي المفقود
ريتاج ابتسمت : ماعليك المفقود راح يتم ا لعثور عليه
شوق :اخخ ي خوفي لم يتم العثور عليه
ريتاج بخوف: بسم الله على اخوي
شوق : امشي بس ي فيني حرة منه الغبي جالس يضيع على عمره بنت مثل القمر

ومسكت يدها وطلعووا شافوا ام لطيفه
ريتاج حست بخجل آه الله يسامحك يمه ....
ام لطيفه سلمت ببرود على ريتاج وناظرت شوق :الحمدلله حصلتك جالسه ادورك من اول
شوق : هلا خالتي امري
في شي ناقص

ام لطيفه ناظرت ريتاج وهي مقهورة من شكلها :لا بس ابيك تقولي لاخوك يجي يتصور خلاص المصورة في الغرفه ..
شوق : اوك الحين ادق عليه
ناظرت ريتاح وهي تسحبها قالت بهمس:وش رايك ادق عليه ونتظره جميع في الغرفة الي مخصصه لنا ودي يشوفك" الحج متولي "

ريتاج ناظرتها بقهر :اقول فارقي وفكت يدها واتجهت وهي تدور لطاولة امهااا ...شافتها جالسه معصبه .. مشت ناحيتها وسحبت الكرسي و.جلست وهمست لها: يمه حبيبتي فكي شوي والله
واضح عليك وبتريقه :ماهو انتي خايفه برستيجك لا يطح قدام صديقاتك وانت كذا جالسه توضحي لهن

ام عصام بحره:يمه والله اني مقهورة عليتس كل شيء توفر لها انتي رحتي بس له بفستان وليلة .. كنها عزاء حتى جيه ماجا وزفك
ريتاج بضيق من تذمر امها ماهي ناقصه والله : يمه انا بعد كنت رافضه وصدقيني لو طلبنا كان أكيد ماراح يقصروا ...لا هو ولا عمي
ام عصام وهي صاكه عل سنونها::ريتاج اسكتي خلاص

اسيل : ماما خلاص لا تزعلي حالك وصدقيني لو نسوي اللي اتفقنا عليه بيكون حنا الربحنين
ريتاج بشك :ايش اللي اتفقتوا عليه
ام عصام بتصريفه : ايش يعني خليك منها هذي طول عمرها ماتعرف تحكي غمزت لاسيل وهي تتحلف فيها
رتياج : يمه تكفين لا تسوون شيء وتزعلي خالتي
او تخربوا الزواج حرام يمه ماترضي.. أحد يخرب عليك شيء

اسيل بقهر: ريتاج فارقي عند خالتك هذيك اللي مسويه محزنه وجالسه انتم مفروض ..ماتفارقون بعض سبحان الله نفس الطينه
ريتاج طالعت جهة الطاوله الي جالسه عليها خالتها وشكلها فعلاً حزين آه حاسه فيها ...هي بعد جايه غصب عنها. ...
وقفت وتقربت منها وجلست قريب منها ...مسكت يدها بحب :ليه ماتقومي مع ام العروس هذا عرس ولدك الكبير
ام وليد بحزن:مالي نفس يمه في شيء

ريتاح في نفسها كلنا فقدناه يمه ....
ام وليد : امك زعلانه شكلها
ريتاح :لا ي خاله ماهي زعلانه ...
ام وليد :من حقها يمه تزعل والله حتى انا زعلانه عليك ويشهد الله علي لو انه ماهو مملك على لطيفه لا اعترض مايتمم هالزواجة لانك جوهره ونادر وجودها
ريتاج نزلت نفسها شوي ومسكت يدها وباستها بحب : لا يمه والله اني مافي خاطري زعل لطيفه هي بعد جوهرة وومافي
احسن منها بعد
: :
::
::
::
في غرفة العروس

لطيفه
اللي جالسه متوتره وحالتها حاله ....شافت امها دخلت عليها وهي زعلانه : يمه ايش فيه
ام لطيفه
اللي مقهورة آخر شيء توقعته ان ريتاج تحضر هي وأهلها ..
بس قالت بكذب عشان ماتنكد على بنتها قبل الزفه: مقهورو من شوق لي ساعه ادور عليها
ابيه تقول لاخوها يجي يصور ويفكنا ...
لطيفه

ارتاحت تفتكر فيه شيء ....قالت بخجل:كيف شكلي
قبل مايدخل وليد راح يحب شكلي تتوقعي
ام لطيفه تقربت منها وهي تضمها: فديتك يمه والله ان اليوم محد قدي بالفرحه وشكلك يهبل ربي يحرسك وأكيد بيعجب وليد

شوق
دخلت بسرعه عليهن ... وهي تخبرهن ان وليد بيدخل
لطيفه
حست بتوتر وربكه ...سألت مره ثانيه امها :يمه كيف

ام وليد ابتسمت وهي تشوف وليد داخل عليها بالبشت ومتشخص على الأخر
وليد
دخل الغرفه وهو بعد متوتر ...ناظر أخته شوق
شوق :وهذي عروستك ي عريس
وليد تقرب مهن وسلم فوق راس ام لطيفه وناظر لطيفه ابتسم بحب انحنى وسلم فوق راسها .
شوق مسكت يد ام لطيفه: نطلع بكرمتنا افضل
ام لطيفه ابتسمت وطلعت معاها
وليد جلس قريب منها مد يده ومسك ..يدها بحب:مو مصدق عمري
لطيفه بخجل : ولا انا
وليد بهمس: الله يقدرني واسعدك
لطيفه بخجل: وجودك بجنبي أكبر سعاده
وليد بخبث: ضروري منها هالزفه

لطفيه: وليد بس
وليد بضحكه : هههه ياروح وليد والله اليوم مبسوط حيل مدري كيف اقدر اوصل لك فرحتي قطع عليه
دق الباب
قال بقهر : من ذا عديم الذوق
لطيفه :آكيد. .المصورة وفعلاً كانت هي
دخلت واخذت لهم أكثر من صورة ......
::
::
::

::
::
::

في سيارة سامي
غلا وهي تااففف:افف ساعه ع بال ماتجي
سامي : وش اسوي مشغل خويتك ذا بعيد
غلا
سكتت خايفه ..... شكلها ماهو حلو ..
او فستانها ... الللي أخذته مايكون حلوو ...بس الي مطمنها فاديه مدحته لها وهي ماشاءالله ذوق ..وتعرف الشياكه ماهو مثلها ....تعرف بس تحط قلوس .. ويالله يضبط معاها
.بعد.طول عمرها مكروفه ماهي حق شياكه ......

سامي : ولد خالتك ذا ماحجز إلا آخر الدنيا
غلا بدقه له:اسمنه حجز لها قاعة وفرحها فيها
سامي رفع حاجب و فهم الدقه قال وهي عارف انها تولع من هالكلمتن اللي دايم يكررها إذا تذمرت : والله انا قلت ابي اكون نفسي شوي بس ابوك كان مستعجل وعجل علينا الله يهديه حرمنا جيمع بس يالله انا ان شاءالله اقدر اعوضها ...بس راحت عليك انتي
غلا بعصبيه : تعوضها روح زين صدقني محدن بيقبل فيك وبعد هذا عذرك كل مره ابوك وابوك
سامي ابتسم : ليه مايقبلن والله اني وسيم ومطلوب بعد

غلا مدت يدها وضربته على كتفه بقهر : يمه ي الثقه مطلوب بعد
سامي بقهر منها :ي ربي اخذت بلطجيه انا
غلا : من عاشر القوم

سامي بخبث:افاا انا كذا بالعكس انت اللي دايم نارر شابه ..
غلا : اقول ساميوه ترة محد عارفك مثلي
سامي بصدق : لا والله انتي الوحيده اللي مو عارفتني ودايم ظالمتني
غلا :سامي مو لايق عليك هالدور
سامي تجاوز بطريقه متهورة
غلا صرخت من الخوف يوم شافت راعي السيارة الثانيه شوي
ويصدم فيهن وجهن لوجهه تنهدت براحه يوم شافته مره من عندها بسلامه قالت بعصبيه وهي تأخذ نفسها : مجنون بتضيعنا

سامي وهو يضحك بستفزاز :هههههههههه عشان تثمني حكيك هالمره
غلا لسى تحس نفسها مرعوبه : ان حكينا ماحبيت وان سكتنا عصبت وش ذا وبعدين وش هالحركات كل ماركبت معك وقلت كلمه ماحبيتها فجعتني بتهورك ذا مو كل مره ترى نسلم افهم عاد هذي الاشياء محد يمزح فيها
سامي برفعة حاجب : والله ماحكيتي معي الا يوم جيتي تسوي فيها تقهريني بأيش جاب ولد خالتك لزوجته
ومن اول مطنشه وماتردي علي
غلا بقهر : توبه اركب معك من ثاني وصدت عنه بزعل

دقائق
وصولوا القاعة
سامي طالعها: اول ماتخلصي دقي علي اوك
غلا بدون نفس : أكيد ادق عليك ولا تبيني اجي كعابي غباء اعوذ بالله و متمكن بعد
سامي زفر بعصبيه وهو يحاول يمسك نفسه : غلاااااااا
غلا ابتسمت بوناسه .. عرفت انه عصب مدام ... نطق اسمها كذا ....نزلت وقفلت الباب بقوه ...
سامي قفل عيونه
وش فيها هالبنت ..ضرب وضربها بدون فايده .....وش يسوي بعد مع لسانها الطويل ذا
....

...زفر بضيق وقهر ..و.كله كوم وابوه كوم ثاني ... تورط معه ... هز راسه وهو يواسي حاله انه بيلقى حل ان شاءالله ....
حرك سيارته ..ومشى ...يفرفر شوي حتى تدق عليه حضرتها ...آه ي بنت راجح صاير لك سواق بعد .......

::
::
::

غلا

دخلت وهي تحس ...بخجل من زمان... ماشافت خالتها ...آخر مره ماتذكر ...متى كانت ...دخلت وهي تسمي ...وتناظر حولها . فسخت العبايه ...ومشت شوي لجهة المرايا ..طالعت نفسها .برضى ماقصرت ...هيام .. وفاديه ....طلعت عطرها وتعطرت ....وهي تناظر حولها ....فرحت يوم..شافت شوق جايه من بعيد مشت ناحيتها بخجل ...
شوق شافتها فرحت. ..حيل تقربت منها وهي تسلم عليها :هلا والله ب بنت الخالة اللي ماتنشاف وبخبث اقول غلاوي محلوة اشوف مقعول هذا الزواج مسوي فيك كذا

غلا ابتسمت بخجل ..وسلمت عليها بحراره ..قالت بهمس: : هلا فيك حبيبتي ..من ذوقك ي قلبي
شوق : فديتك والله نور المكان
غلا:تسلمي والله والنور نورك وهي تتلفتتت وين خالتي فقدتها حيل
شوق مسكتها من يدها: امشي امشي امي اليوم بتطير من الفرحه
مشت معاها
وقفوا عند طاولة امها
شوق بأبتسامه : شوفي ايش جبت لك يمه
ام وليد رفعت راسها .. وشافت غلا قدامها مبتسمه وقفت بفرحه وهي تضمها بحنان لصدرها :آه ي ريحة هلي

غلا حست وودها تبكي : فقدتك كثير

ام وليد وهي ترجع تسلم عليها وبحب : ماهو كثري والله
كيفك يمه وكيف الزواج معك عساك مبسوطه
غلا وهي مبتسمه: بخير بشوفتك ي الغاليه وايه الحمدلله مبسوطه
ريتاج وقفت وهي تسلم عليها : كيفك ي غلا.. من زمان عنك والله

غلا ابتسمت وهي تسلم عليها : الحمدلله تمام كيفك انتي
منيرة للي جالسه تهاوش بنتها اللي خيست لها فستانها
تقربت منها: كيفك
منيرة رفعت راسها : هلا هلا وقامت سلمت عليها
وهي معصبه ع بنتها
قالت بقهر: شوق تكفين لو تقدري توصلي ذي لابوها ادق عليه مايرد حضرته
ام وليد : آكيد مشغول يمه
شوق بقهر منها:كيف بالله اوصلها يعني انا ادخل عند الرجآل عادي
منيرة حاست بوزها:خلاص لا تأكلينا اففف كلمه وانقالت
ام وليد جلست وهي عتبانه على شوق ..تحسها بالمره ماتحب زوجة اخوها ....: تعالي يمه ي غلا اجلسي جنبي

شوق : ايه مين قدك اليوم يمه بنت اختك وعندك
ام وليد بحنان: والله يشهد علي قد ايش فرحتي بشوفتها

غلا
ابتسمت لها وهي تدعي.. ربي مايحرمني منها ...حسيت دموعي الي ماسكتها غصب نزلت مسحتها بسرعه ...مابي انكد عليهن ..آه يمه ...شوفة خالتي ذكرتني فيك حيل ...سبحان الله نسخه من بعض ..في كل شيء ..حتى في حنانك يمه ...
ناظرت ريتاج .. والله ماتستاهل ...بس نصيبها كذا ....
وبعد هو متزوجها قبل ...ريتاج ...سبحان الله اللي ....يشوفها يقول ...اخت المعرس ماهي زوجته من شياكتها ...وابتسامتها ...اخخ انا لو يتزوج على الصايع ....قسم بالله احرق في الدنيا وفيه بعد ...حتى لو ماحبه ...بس قهر ماتخيل .....اقول غلاوي وش تحرقي الدنيا .....عشان ساميوه ليته يتجوز... وترتاح من خشته ..ومن رومانسيته اللي طايح فيها هاليومين ....ي انه
غثها الغثيث ....اففف وش فيني جالسه افكر فيه ...خليني انبسط ماراح تكرر هالجلسه الحلوه معاهم .....ناظرت اسيل ..أخت ريتاج ..وهي ترقص لا العايله ...هذي مشكوك فيهن عادي يعني تحضر زواج رجل اختها وبعد ترقص .....
آه حسيت.. بنغزة في بطني ...صراحه مدري وش فيني ....احس
بألم من فترة لفترة ..طنشت وقفت ارقص ...مع اسيل حمستني مع رقصهااا .....وزود ودي اتعرف عليها ....اكثر شكلها
مصرقعه ...ناظرت شوق :تخاويني انت والحلوه ذي
ريتاج ابتسمت : لا انا صعب ويكفيك اسيل شوفي كيف فشلتنا ..
شوق وقفت معاها وقالت بخبث:ريتاج الدق مايتعوض ...ويالله لايفوتك

ام وليد بحزن عليها :لا روحوا انتوا ارقصوا وانا وبنتي نرقص
بعدين
شوق ناظرت غلا: أخذت الغلى كله هالريتاج مفروض تقول ابي ارقص مع بنت اختي اللي مو شايفتها من زمان

غلا ضربتها على كتفها بخفيف: اقول الفتنه مو كذا اوك وبعدين انا راضيه مدام ريتاج أخذت مكاني وهذي بوسه لك ي ريتاج عشان تحر شوق
ريتاج ناظرت شوق برفعة حاجب :اقول ام وجهين فارقي ارقصي احسن لك
منيرة وهي تعطي بنتها ام وليد تكفين امسكيها حتى اطلع العفرايت اللي فيني
ام وليد : بسم الله يمه وش هالحكي
منيرة بضحكه :هههههههه بس متحمسه مع الدق
ريتاج :هاتيها عندي وانتي طلعي كل عفاريتك
منيرة قالت بدون حس منها : قسم بالله حرام يأخذ ا لطوف عليك
ام وليد بضيق: روحي يمه قبل مايوقف الدق
شوق وغلا راحوا يرقصوا..... وطبعاً اسيل وغلا ومنيرة ......مسوين هيصه عكس شوق.... اللي جنوننها وقفت رقص.... وجلست بس تشجع ...وبعد تحس اسيل ومنيرة ...ماهم ناوين على خيرر من حركاتهم ...بذات يوم تقربوا... من طاولة أهل
العروس ....
بنت خالتة لطيفه طلعت للكوشه وقالت بنفس خايسه:معليش ي ليت تكمل الدقه ذي وتنزلوا
منيرة بقهر :ليه كوشة ابوك وحنا ماندري

اريج وهي معصبه: لا بس الجايه هذي خاصه لنا أهل العروس
طالبينها ومانبي أحد غيرنا يرقص
اسيل وهي تغيضها بدلعها : قلتي لي خاصه
اريح رفعت حاجب بغيض: ايوه
اسيل بتصغير لها رفعت يدهاا : يالله يالله انزلي بس ولقد جت وقت "دقتك الخاصه "وهي تدلع صوتها ...تعالي وناظرت غلا :اللي يسمعهاا يقول العرس لهن بس

غلا بقهر من ذي اللي طنت عندهن فجأة ونفسها خايسه . : اي والله صادقه ي اسيل مأكنا أهل العريس بعد ولنا الحق

منيرة :اقول بنات لا تضيعن وقتكن معاها خلونا نرقص
شوق تقربت من منيرة وبحدة : هييي انتي حامل لا تنسي
منيرة بدون مبالاة : هذا ابو سبع اروح مثل ابوه مايصير فيه شيء
شوق : صدق ماتعرفي تحكي
اريج بقهر يوم جالسين مطنشينها ويحكوا مع بعض : صدق عالم غريبه وانتي من وين طالعه بالله وهي
تناظر غلا بتصغير

غلا طالعت اسيل :من وين طالعه انا
اسيل بستهبال:الله اعلم
منيرة طالعتها وهي ترفع كتوفها وبسخريه:سمعتي ايش قالت يالله اقلبي وجهك قبل افرك خشتك هنا

اريح بعصبيه:لا والله لا نادي خالتي اخليها تنزل هالاشكال من الكوشه

اسيل:يمه خفنا
غلا خافت لا تزيد المشكله اليوم وبعدين مدام فيها تنادي خالتها لا صعب ...ويمكن بعد خالتها تزعل قالت وهي تمسك يد اسيل : خلاص بنززل وفكينا من حنتك

اسيل : هييي وين ننزل ماما قالت لي مع كل دقه ارقصي

اريج بقهر:من اصله انتي وامك واختك وش جايبكم ودي افهم

منيرة بقهر : ليه محجوز لك بس
اريج لفت وناظرت شوق بقهر: شوفيهن ولا انادي خاله تعرف تتفاهم معهن
غلا مسكت يد شوق وبهمس:تصدقين عندنا في حارتنا اشكال مثل كذا وكثير بعد وعارفه وش ينفع فيهن التكفخ والله يجيب فايده تصدقي
اسيل سمعتها وماتت ضحك: يمه انتي وينك عني احب الي كذا فله وبدلع يالله كفخيهم خليني انبسط شوي
غلا بقهر منها :ي زينك.... بس لما تعوجي فمك كذا ودي احوسك انتي بدالها
شوق :اقول بنت الخاله صايره عربجيه ولا يتهيا لي
غلا
تذكرت سامي من كثر ماتقول ...له عربجي الظاهر... انتقلت لها الصفه :بسم الله علي من العربجه بس في ناس يطلعونك من طورك غصب عنك
منيرة وهي تناظر اسيل : اقول انتي ي الدلوعه من وين أخذتي فستانك وفستان اختك
اسيل : من المحل الي ماما دايم تتطلب منه بعدين اعطيك اسمه
بس مو تعطي أحد ثاني بس عشانك مرة ولد عمي اعطيتك
هوو بس سعره غالي ترا

منيرة :والله اني بصادقك اموت شيء اسمه موضه وكشخه
ومعليك في السعر نصور ابو خشم يدفع وغصب عنه
اسيل بدلع : مثلي

شوق
ناظرتهن الثثنين آه لو تدروا ايش يحصل من واركم
صدقوني معاد به كشخه......ابتسمت بسخريه ...

شافووا وحده تقربت منهن كلهم طالعوها :نبي نسألكم هذيك صدق زوجة العريس اللي جالسه هناك وهي تأشر على طاولة ريتاج وام وليد
غلا بقهر من للقوف هالحريم ...
اسيل حست بقهر ..يعني ايش بتستفيد لو عرفت انها هييي توها ندمت يوم وافقت امها عشان يغصبون... ريتاج تحضر والله انها
قالتها ريتاج ...بيتكلمن فيها ...وبيجلسن يتساسرن عنها ....
شوق ردت وهي تحاول تهدي نفسها من لقوفها : ماندري حنا مين تقصدي
وناظرت البنات
اسيل وغلا بصوت واحد:ايه ماندري واعطاوها نظره يعني لاتحاولي تسألي من ثاني ...
منيرة بسخريه: يالله ارجعي مكانك بدل نطتك هنا على الكوشه
شوق بقهر: مينرة ماهو كذا عيب
منيرة بقهر: الحين يوم تكلمت انا قلتي عيب
اففف اعطتهم ظهرها ونزلت عند خالتها ...
بعد نزلوا
وراحوا لطاوله وهم منقهرين .....
اسيل لفت شافتها لسى تتطالع فيهن رفعت يدها بخير وش عندك
قالت بقهر: عالم غريبه
غلا يوم شافت اريج تمشي من على الجسر :آه ودي اكسر
ضلوعها والله

ام وليد بصدمه: يمه تكسري ضلوع مين ي كافي الشر

اسيل وهي تمسك في يد غلا:من اليوم ورايح هذي صديقتي
ريتاج بأبتسامه : انصحك غلا لاتقببلي بهالصداقه
غلا ناظرت اسيل :راح اقبل فيها بس بشرط حوسة الفم اللي من تو والدلع في الحكي مابيه اوك
اسيل بدلع: هادي طبيعه
غلا بقهر: ام الطبيعه والله الللي تلوع الكبد
اقول اسطلبي وخليك مره ...تراني معقده من الدلع
اسيل :ليه
غلا وهي تذكر بدريه :والله عندنا عجوز خايسه يقال تتدلع بس مع دلعها سببتت عقد للكل من هالصفه وانتي لو تشوفيها قسم بالله معاد لك في الدلع كله

ريتاج ابتسمت لغلا.... صدق هالبنت تدخل.... القلب وتنحب ..بسرعه لفت وناظرت ....امها اللي جالسه مع صديقاتها ...حستها زعلانه ...قلبي يمه ..تفتكرني زعلانه ... لفت على صوت
المطربه : الزفه ي حريم تغطن العريس ييدخل ...
ناظرت ... جهة غرفة العروس ...عندي فضول اشوفهن مع
بعض ....تسكرت الانوار
وبدت اغنية الزفه .....
شفت امي جت وجلست على نفس الطاوله
ومسكت يدي قلت بهمس: يمه ايش فيه
ام عصام :والله فيني قهر وانا امس
جالسه احاول اجامل غصب عني
ريتاج بضيق وبهمس ماتبي غلا وام وليد يسمعوا: ليه يمه انا مو زعلانه
ام عصام :خلاص ريتاج خليني ساكته لااااقوم احوسهن واخرب زفتهن ...بعد الكلام الي وصلني من تو حسبي الله عليهن جالسين يتكلمن فينا ...
ريتاج :مين
ام عصام بقهر:مين يعني امها وخالتها
ريتاج : مين قالك
ام عصام : وحده من صديقاتي سمعتهن
ريتاج هزت راسها قالت : يمه لا تصدقي اي شيء وتعرفي انتي حكي الحريم كثير واذا تكلموا من حقهن
ام عصام شدت على يدها وبحده : اسكتي لا اذبحك انتي بعد
ريتاج سكتتتت .....وانا اشوفهن
طالعين من الغرفه . اعجبت بشكل وليد الي كان لابس البشت ومتشخص ...بالغترة البيضاء..حسيت بطلته فيها هيبه مع طوله وعرض أكتافه .....ماتوقعت يطلع كذا شخصيه ..نادر. تشوفه يلبس شماغ..كان .... ماسك في يديها ...وبسمته شاقه وجههه.....حسيت ..بشي مدري وشهوو..يمكن لاني..اول مره..... اشوفهن مع بعض ...
من غير ماحس ضغطت على يد امي.. ...ماتدري ليه تحس
بكتمه وبضيق ..امها ناظرتها بحزن ....مافي مره تقدر تتحمل تشوف رجلها ينزف قدام عيونها ....الله يعنيك يمه ...بش شدت على يدها وقالت بهمس وهي تتحلف قسم بالله الا اخليه يخق
عليك وقدام الخبله بعد الي ساحبها معه ....
ريتاج مع صوت الزفه ماتسمع ايش امها تقول: ماسمع يمه وش تقولي
ام عصام بخبث:أحسن

لطيفه
تمشي وهي متوترة .. تناظر الكل ...شافت شوق واقفه نص الجسر ... ابتسمت لها ..فعلآ .. اثبتت لها انها صديقه ماهو مثل الخيانه اللي أخذت رجلها بس الحمدلله ... رجع لها ..وهذا هي حاطه يدها بيده ...ناظرت وليد بأبتسامه تحسه متوتر أكثر منها
...
قالت بهمس :متوتر
وليد بهمس: حدي بس يالله هانت قربنا ...

فرحت يوم وصلووا ...آه تحس رجلوها ..ماهي شايلتها من اللي تحسه .. لفت وناظرت الكل وهي ترمي بوسه عليهن ومن الورد اللي في يدها ....
هنا ام عصام بغت تقوم تحرق الدنيا ...اخخ السالفه عناد والله. .
ريتاج بهمس: يمه هدي ومن حقها تسوي اللي تبيه في ليلتها
اسيل بقهر :والله تقهر مسويه تتدلع

غلا
ناظرت ريتاج ودي اعرف... وش تحس بوه.. وشكل لطيفه ماهي هينه ....وبعد وليد باين يحبها ..من ابتسامته اللي شاقه وجهه ..حسيت بشفقه على رتياج مدري ليه ...... بعدين صراحه
مافي مقارنه بين ريتاج ولطيفه لو تقوم ريتاج قسم بالله تأخذ الجو عليها ...

ام وليد تناظر وليد مبسوط ..ابتسمت له وهي تدعي له بالسعادة صح تحس قلبها وجعها على ريتاج وبذات من يوم ام لطيفه جت
وكلمتها ليه حضورا ...ريتاج وامها ... رجعت طالعت ام عصام
شافتها معصبه ...سبحان الله جالسه اشوف ريتاج هي تهدي في امها بدل مايكون العكس ..صدق من قال العقل زينة المره ...
وقفت يوم شافت شوق تأشر لها تجي ....عشان الأغنية لأهل العريس ....تقربت من ريتاج ومدت يدها
ريتاج ناظرتها بصدمه
ام وليد وهي ناويه ترد على الكلام اللي قالته ام لطيفه : يالله نبارك لوليد ونرقص شوي
ريتاج بصدمه أكثر من حكيها آخر شي تتوقعته خالتها تطلب منها كذا تعرف هي بجنون امها بس.... خالتها لا قالت وهي رافضه الفكره: لا خاله روحي انتي وباركي لولدك

ام عصام بقهر وقفت وسحبت يد ريتاج :روحي معاها ولا انا طلعت وبهمس وقتها صدقيني لا اقلب عليهن الليله
ريتاج
هزت راسها بالرفض وهي تهمس لهن: حرام عليكم كفايه وبعدين وش ذنب لطيفه انكد عليها
ام وليد
ماتدري ليه مصره ...عشان ترد شوي لا ريتاج اعتبارها من الكلام الي قالته عنها ام لطيفه ولا عشان ان ولدها اللي حاسه
بظلمه لها بس تكآبر دايم ...وتحاول ...انها تتدافع عنه عند ابوه ...كله عشان مايعلقن مع بعض ...وبعد شافت ام عصام زعلانه ...وأكيد اذا سوت كذا راح ترضى شوي وتعرف ان مثل ماللطيفه لهة قدر لريتاج بعد قدر وأكثر

قالت باصرار : مايضر نبارك ونزل جيمع

اسيل غمزت لغلا وقفت بسرعه هي وغلا وسحبوها
ريتاج اللي شوي وتبكي من هالثنيتن قالت بقهر:انتو وش دخلكم الحين
منيرة : ينت روحي ...وبردي خاطري من هالطيفه المليغه

غلا: ايه تكفين لا تضيعي على عمرك روحي وضحي لهن انك ماهو هامك وهذا الوليد اللي شايف عمره ومرتز حضرته ...في ستين داهيه في الي مايح..... ...قطعت حكيها يوم شافت وجه ...خالتها تغير ..سكتتت ورجعت مكانهااا ساكته وش دخلها هي افف فشله صدق ...
ام عصام بهمس : تصدقي فكرت اني انا اقوم بعد معاكم ونرقص جيمع ....وش رايك
ريتاج وقفت بضيق خايفه لا امها تقوم وتغصبها بعد ترقص
مشت مع خالتها ....مغصوبه ...:
شوق انصدمت يوم شافت ريتاج تمشي مع امها ..بتوتر : وش ناويه عليه الله يستر
....
لطيفه ناظرت بصدمه من اللي مقبل عليها مع خالتها
ناظرت وليد ورجعت ناظرت ريتاج تحس نفسها في حلم

وليد ناظرها . وبلون فستانها الأحمر يحسها مميزة ....مفروض لطيفه بلون فستنانها الأبيض هي اللي تكون مميزة .... بس يشهد لريتاج وطلتها ...غطت على الكل ....وبعد مستغرب آخر شيء توقعه انها تحضر ...وبعد تجي ..مع امه

ام واليد تقربت من وليد وهي تحضنه ...وتبارك له
وليد سلم ...فوق راسها ويدها ....وهو لسى مصدوم من الي واقفه وراها
ام وليد :مبروك يمه
وليد بتوتر: الله يبارك فيك وهو عينه في ريتاج غصب ماقدر يبعد نظره عنها .....هو يدري انها جميله وجميله بعد حيل ..بس مع هذا اليوم جمالها غيرر ...
ام وليد تقربت من لطيفه وسلمت عليها وباركت لها
ولفت شافت ريتاج ساكته قالت بأبتسامه وهي تحط يدها على كتوفها بحنان ...:جايه تبارك لكم
لطيفه ناظرت وليد وبهمس : مقصوده صح
وليد بهمس :ماعليه راح تبارك وتنزل اوعدك

ريتاج تقربت منهن وهي كاره عمرها. ...بس والله غصب.... عنها إلا ربي يدري وش في نيتها ....لا فكرت تقهر أحد ولا تغيض أحد ...ولا تبي تسوي مشاكل مع أحد ..اللي فيها يكفيها
...
مدت يدها للطيفه وهي مبتسمه ...:مبروك
لطيفه رفصت تمد يدهااا وصدت عنها وهي مقهورة

ريتاج نزلت يدها وهي متفشله بذات من الللي قريبين من الكوشه واكثر شيء عصبها الطاوله اللي جالسين ...عليها أهل العروس سمعت تصفير من جهتن بتهور .. تقربت من وليد ونزلت نفسها
شوي وبهمس : مبروك ي عريس

وليد بهت وجههه .. حس بربكه ماتوقع ..منها هالحركه تطلع وتبارك له قدام الحضور ... توتر زود.... مع تصفير الدقاقه ...والهيصه اللي صارت ...حس الليله بتنقلب ...لهوشه ...
.
قال بتوتر:الله يبارك فيك وبهمس وش مطلعك .. انزلي بسرعه

ريتاج ناظرته بتحدي قالت بهمس :افاا جاين نبارك ترا
لطيفه معصبه وهي تشوف وليد يساسرها وهي بعد ماتدري ايش يقولون ومع صوت الدقاقه...غطى زيادة
ام وليد بعتب وهي تناظر لطيفه....مقهورة ليه فشلتها كذآ ورفضت تمد يدها ....وش بيضرها يعني ....

ام عصام وقفت بعد حركة بنتها ي انها انبسطتتت مشت لناحيتها وهي تتميل بفستانها . ماتقول عمرها في الأربعين اللي يشوفها يشهد انها أقل .. تتقربت... من الدقاقه واعطتها مبلغ
محترم وقالت بصوت عالي وهي تسحب الميك : اعطيني الشي الزين لزين ...ولاهنتي اذكري اسمها بعد "" ريتاج بنت جسام """
الدقاقه بحماس : ابشري ماطلبتي والله ايه هذولا الناس الكريمين
ماهو مثل اول مادخلت محدن اكرمها بشي ..

اسيل وقفت وبصوت عالي تصفر من عند الطاوله ... وهي لابسه العبايه وغلا بعد ....
المطربه بحماس بدت تدق وهي تغني في ريتاج وباسم ريتاج
ام لطيفه تقربت من ام وليد : ناوين هذولا يخربون الليله والاايش

ام وليد بهدوء: لا بس فرحانين معنا

ام لطيفه بقهر: فرحانين معنا ولا فارحنين ببنتهن اشوف الزواج صار لهن
لطيفه بقهر وشوي وتبكي : وليد تصرف قبل ما انا اتصرف
وصدقني تصرفي ماراح يعجبك
وليد بقهر أكثر منها وبذات من حركة ...خالته شيخه عرف انها مكيده منها معقول... كذا ..ي ريتاج آخر شيء
... توقعه يصيرر منها ومن امها قال بحده: ماعليه طنشي بس عشان نفسك وتذكري انها ليلتك ي قلبي
لطيفه :صدقني الليله ماصارت لي
وليد بدأ فعلاً يتنرفز أكثر يوم كل الحاضرين ... يشجعن بصوت عالي ومسوين حماس عشان ريتاج ... ...قال بهمس وهو حاس فيها : خليك اعقل منهن ....
ام عصام

لفت وهي ترقص... وسحبت ام وليد .....معاها ترقص
وبعد سحبت شوق وبصوت عالي:عشانك ي وليد اليوم هذا كله وهاا شوف بعد بنت عمك ترقص لك ارقصي يمه وهي تسحب
ريتاج اللي كان الكل يرقصن حولها ....وهي ضايعه بينهن محتاره تناظر وليد ومره ...امها
وليد عصب حس فعلاً انها مقصوده حركتهن ...
ريتاج ماتدري ...ايش تسوي أخ من امها ...فشلتها ...بس والله فيها قهر من فشلتها يوم مدت يدها ورفضت.... تسلم عليها
ماتدري ليه انقهرت .... تمايلت غصب عنها يوم...
سمعت المطربه تقول باسمها .. والتصفيق الحماس

آه زادت في الرقص يوم شافت الكل يصفق بحراره ويصفر ودها
ترد شوي من اعتبارها ...وبذات يوم شافت نظرات وليد مصوبه عليها حبت تقهره شوي ..
وليد
...
.حس بقهر مايدري ليه ..وش قصدها من الحركة تبين للناس ..ماهمها شيء ......
وانه ماله وجود في حياتها ...وفتح عينه بصدمه... يوم شاف الدقاقه تقربت منها وهي لابسه العبايه....وبصوتها كله تغني
هلا ي فتنة الحفل هلا والفرحه اكتملت
هلا باللي سحرت كل العيون والزين كاسيها
هلا باللي القمر رحل يوم انها طلت
هلا بريتاج ومثل ريتاج بالدنيا اثنين مافيها
نويت اني اوصفها وحروفي بوصفها احتفلت
اشوف الشعر يسبقني ويكتب كل معانيها
عليها من الحسد ذكرت محمد وصلت
وعليها من الفرح شعري رقص باحلى لياليها
ان بوصفها ببدا بعيونها عيون حوريه ومن الحور احتلت
يعني بختصار كامله وجمال الكون بيديها
ريتاج بنت جسام اذا ارخت رموشها وسلت
تصيب اللي يحب الزين ويعشق غواليها
ريتاج مثل القمر عيوننا منها ماملت
عسى ربي من الحساد يحفظها ويحميها
وليد يوم رددت بيت الشعر عشان عيونها
قال من غير حس :الله يحميها. ..
بس حمد ربه انه صوته كان واطي

مسكت يدها . ..و ترقصها وهي تردد الاغنيه وريتاج تتمايل معاها ....
...لا اليوم لطيفه بتفجر في الدينا .وصراحة الدقاقه ذي زودتها
لطيفه بعصبيه: وليد تصرف لا اقوم واخسف عليهن الدنيا مع الدقاقه ال*****
وليد وقف بزعل ماتخيل ذا يصير ابدا.. وتقرب من امه :يمه

تفكين خليهن يوقفون وينزلن
ام عصام سحبت يد وليد وبأبتسامه وهي تكيد لطيفه وامها: عشان خاطري يمه ارقص وبخبث .... ليت فيه سيف بعد
وبصرخه قولي اسم وليد ....
وليد فتح عوينه بصدمه أكثر: بعد سيف
وش ذا الجنون قال بحده شوي : كفايه مهزله ولو سمحتي خذي بنتك وانزلي ..خلاص يكفي اللي صار

ريتاج سمعت كلمته عصبت كيف يقول كذا لامها صدق مايستاهل ...الي يقدره.......

ام عصام بزعل
مسكت يد ريتاج وقالت بأبتسامه وهي تغيضهن : مهزله في عينك
والله انها تسوى اللي جالس بجنبها
ام لطيفه بقهر: لو سمحتي بدون غلط
ام وليد :خلاص ي جماعه هدوا وماصار إلا كل خير وتكفين ي ام عصام لو لي غلا عندك انزلي وخليهن يكملن ... .

ام عصام عصبت بس مسكت نفسها عشان ماتعطيهم فرصه وتبين لهن قد ايش هي مقهورة....سحبت يدها
ونزولووا وبقهر :ذا شايف حاله بقوه هين والله لا اقول لابوك
غلا بضحكه: والله من حقه شوفوا ايش سويتوا وشوفوا كيف وجهه عروسته
شوق
ماتدري ايش تقول تحس انها هي تسببت في المشكله يوم ..قالت لامها تجي بس افتكرت تجي لحالها ماحسبت ريتاج تتطلع معاها ...وليد تعكر مزاجه :قال بهمس:لطيفه انا ابي انزل
لطيفه وهي شوي وتبكي :لا شوي لسى في حركات نبي نسويها محضرينها لنا بنات خالتي
وليد بهمس: تكفين لطيفه يالله
لطيفه بقهر: كله منهم نكدوا علينا
ام لطيفه تقربت منهن : وش فيه
وليد : خلاص كفايه نبي نزل ورانا سفر
ام لطيفه بجمود:خلى أهلك ينزلوك وحنا باقي مانتهينا
وليد هز رأسه بطفش : اوك
ونا ظر شوق أشر لها جت بسرعه

ريتاج حست ودها ترد أعتبار ....امها من وليد
شافته ينزل وتزفه اخته شوق لحاله
وقفت واستقبلته بعناد ...كذا ماتدري وش الي فيها مخلي عقلها
..اليوم صغير.. كذا . . . واللي قاهرها اكثر هالاحساس الي تحسه .
..وليد شافها قدامه واقفه قال بحده:ماكتفيني انتي وامك

ريتاج وهي تغيضه . عليها وهي ترمش بعيونها اللوزيه : وش مسوين دبكنا لك شوي هذا رد معروفنا ....
شوق بهمس:ريتاج فكي نفسك منهن علامك اليوم مستخفه ريتاج بسخريه وهي تمد يدها ومسكت يده :هاتي انا أكمل المشوار مع العريس الحلوو ذا

وليد شد على يدها بقوه
ومشى معاها وهو يتمنى لطيفة مانتبهت لهن ...
دخلها غرفة أهل العرييس اللي دخل منها ..... قفل الباب
وقابلها قال : ريتاج
ريتاج بتحدي سم