رواية أعشق أنانيتك عندما تتمناني لك وحدك الفصل الرابع وستون 64 - بقلم nona_A

لوتبي عمري قليل بيـن يـدك
وش تبي اكثر اطلب وأنا حاضـر

((منقوله ))

@
@
@
بسخرية ميلت فمها : قلت لي شوق الي سوته ماهو أنت وبعدين ي رجآل آخر وأحد يتكلم عن النذاله أنت لأنه مهما وصلت نذالة أخوي ماتوصل لنذالتك ي وليد على ان الي سواه مايرضيني ولا يرضي اي أحد بس نقطة في بحر من فعايلك وليتة برد كبدي في غير هالشيء بس دايم حنا الي نروح فيها بينكم ...بس الحجة ماهي عليك ولا عليه الحجة علي عمي وأبوي هم الي أعطونا لرجآل مايستاهلون وكل وأحد يقال يذوق الثاني بنفس الكاس

وليد جلس جنبها وهو عاض على شفته ..غبي ليه قال شوق طنش كلامها الأخير مالة وجهه يرد من أصلة وبعد صادقة بكل كلمة تقولها غلط بحقها كثير ولا هو قادر يبررر : انا الي قايل لها وكنت بس ابي ذوقها تعرفي هالشغلات تبي......

ريتآج رفعت يده وقاطعتة: أنت ولا شوق ماتفرق
عندي وابيك بس تفهم إني راجعة لك عشان احمي أخوي من تهوره الغبي
وليد هز رأسه وهو مبتسم بخبث :تكذبين ر يتاج راجعة لي عشان نفسك مستحيل تقدري تعيشي مع أحد غيري خلينا صرحين مع بعض ماراح يضرك شيء

ريتاج وقفت وهي متوترة أشلون يقدر يفهم الي داخلها من غير
ماتوضح وقفت بعصبيه من نفسها لهالدرجة مكشوفة قدامه وصرخت بعصبية : اي أكذب وصدق كذبك مثل العادة ماهو انت طول عمرك كذا أسلوبك تموت لو ماتكذب طبع فيك الله يكفينا الشر

وليد رفع حاجب : أولاً العصبية هذي مالها داعي وثانياً الفرحة بعيوينك ماتقدريها تخبيها عني ...

ريتآج حست بقهر أعطته ظهرها وبتوتر واضح بصوتها :عيش على هالخيال وكثر بعد اوك

وليد وقف وقابلها وببحه بانت بصوته :تكفين معاد فيني على هالصد والله ارتجي شوفتك وجلستي معك تكفين ي ريتآج خلاص يكفي الي مر من حياتنا لنا مقارب السنتين مع بعض وحنا في ردح ...ماتعبتي بالله

ريتآج طالعت عيونه لأول مرة تشوف الصدق بعيونه
بهمس:لو ترتجي على قولك كان سويت شيء تحركت أثبت لي مرة وحدة بس سويت شيء عشاني
وليد بصدق : والله كنت ابي رضاك ويوم ترجعي لي تكوني مبسوطه ماهو غصب وكنت بعطيك فرصة بس ماامداني طلع لي الي مايتسمى وقلب كل شي قالها بقهر وضحت بصوته

ريتاج بسخرية ميلت فمها:وآلحين رجعت لك غصب وطول
عمري بكون مغصوبه على حياتي معك وليد للأبد هذا حنا وهذي حياتنا على طول ...

وليد بضيق: هذا الي مابيه والله كان ودي ترجعي لي بخاطرك بس عندي أمل كبير ان لي مكانه بقلبك على الاقل شوي وراح تقدري تسامحني اناعارف نفسي أخطيت ثم أخطيت بس قلبك كبير عآرف وبيحصل لي عذر

ريتآج آه لك مكانه شوي ي شيخ أنت مالكه كله ماقدرت ارد عليه ...فعلاً قلبي معطيك أكثر من عذر الله يسامحه ماغيرة بهذلني معك ....

وليد بهمس: لك الي تبي بس تكفين لا تقولي ابي فرقاك او حياتي مغصوبه عليك ..والله انها توجع واجد

ريتآج ابتسمت بألم :صدق توجع هماك قلتها لي قبل
ولا أنت تحس وانا لا وش ذي الأنانية الي فيك

وليد مسك يدها وباسف: تكفين لا تذكريني والله اني متحسف بس وش نقول طول عمري غبي
ريتآج ابتسمت :في ذي صادق غبي وبقوه بعد

وليد ابتسم: اشوف الابتسامة ارتسمت على محياك يوم بديت اسب نفسي ي عزتي أجل على بتعطيني فرصة ثانية

ريتآج : أكيد بموت من وناستي بعد والفرصة ماراح تطولها أبد

وليد: حلالك خذي راحتك بالي تقوليه ومثل ماقلت لك قلبك كبير
ورفع يدة يأشر على الغرفة بالله وش رأيك بالغرفة تعبت تعب فيها وانا أحاول أختار شيء يليك با أميرتي

ريتآج رفعت حاجب ي النصاب أميرة مرة وحدة ماهو قلت لكم لسانة يخلي الواحد يسامحة غصب قلت وانا اذكرة :ي شيخ من توو تقول شوق

وليد عض شفته: اخخ منك قلت استعنت بس بذوقها

ريتآج طالعت الغرفة شافته متحمس يبي يعرف رأيها قلت بنذالة : اممم عشان شوق بقول حلوة إلا لو جيت على الصراحة ماعجبتني أبد ومستغربة أشلون ذوق شوق كذآ والله انها طول عمرها اتكيت وتفهم في الذوق الراقي ماهو مثل كذا مافي شمعه ولا وردة إلاهي موجودة بالغرفة ...صراحة طالعة أوفر مرة

وليد بقهر : افاااا آلحين دافع شقى عمري فيها ولي يومين من وقت ماخوك رفع الرشاش بوجهي وسمعنا الموافقه منك وانا
اجهز ومكروف كرف وفي النهاية جايه تقولي كذا أوفر عاد حرام والله

ريتآج ماسكه ضحكتها غصب على تحلطمة: من حقك تزعل لأن شكلك جد جد تعبت فيها ي شيخ والله مرة زحمة الغرفة صايرة

وليد ابتسم مبسوط وهي تأخذ وتعطي معه في الكلام : ماعلينا حلوة او ماهي حلوة أهم شيء أنتِ رجعتي لي وبس هذا الي يهمني وحطي هالشيء في بالك أنتِ مكتوبه لي من زمان
بتقولي أناني نصاب كذاب قولي الي تبينه أنتِ لي وحدي خليك هالشيء في بالك

ريتآج بسخرية ابتسمت : تصدق المصيبة وش هي من كثر الكذب الي كنت معيشني فيه صايرة ماقدر اصدقك

وليد بضيق: ريتآج ماعهدتك كذا إلي أعرفه عنك انك عاقلة
وللحين أقولك عندي أمل قلبك يسامح

ريتآج بهمس : يسامح ...

وليد بسرعة مسك يدها بفرحة : مابغينا
ي ريتآج أخيراً قلتيها ...والله قايل انك ب تسامحيني بس ماتوقعتها بهالسرعة

ريتآج سحبت يدي وصرخت بقهر: علامك كذآ مين قالك اني
سامحتك

وليد عقد حواجبه وبزعل من صرختها بوجهه : توك قايله ولا تسوي فيها تذلين

ريتآج : ماعطيتني فرصه أكمل كلامي وبعدين اسامحك على وشهوو بالضبط انا كلي جروح منك وبسرعة قربت من باقة الورد ورميتها بالأرض قدام عيونه وقربب منه وبهمس الشمع خليته لك طفة بعد ماتكمل احتفالك مع نفسك ..ليلة سعيدة وطلعت لصاله وجلست على الكنبه ...وهي تزفر بضيق ......مسحت دموعها الي نزلت غصب عنها ...تحسها كسرت قلبه ...حطت يدها على قلبها... وبغصه تكفى لا تضعف له ..ياما كسرك واوجعك حسيت بريقي ناشف ..طالعت الثلاجة الي بالزاوية
وقفت وأخذت مويا شفته طلع من الغرفة رجعت جلست على الكنبه بضيق ...
وليد بهدوء: بطلب عشاء ياليت تتعشي معي وبعد لو فيه شي ودك قولي عشان اطلبة لك

ريتآج :بتعشى معك واطلب على ذوقك

وليد استغرب من ردها توقع بعد الكلام الي سمعته ترفض تأكل معه : مشكورة

ريتآج صغرت عيوني بقهر ..يمه على الأدب الي نزل فجأة أبد ماهو لايق عليه ...
بس طنشت وسويت حالي مشغوله بجوالي ...
وليد بعد ماطلب رجع للصالة ...وجلس مقابلها على الكنبه وقال بصدق: ريتآج بعيد لك شي واحد ماكان ودي ترجعي لي بهالطريقة ابي رضاك وعشان كذا اعتبرني ماهو موجود أبد
ويوم قلبك يرضى عني وودك تسامحيني تراي منتظرك على نار وبعد اعتبريني ماهو موجود بحياتك أبد لو تبي أهم شيء لا تحسي بالغصيبه مرتن ثانية معي والله ماودي فيها بس فيه الي حدني مثل مانتي عآرفة .....

ريتآج : من جدك تحكي وليد ان عندك أمل ارضى واعتبر حالي راجعه لك بطيبة خاطر ...مقدر أبد سكت غصب عني من نظرته الي طالعني فيها .. حسيت قلبي اوجعني عليه ...تذكرت سالفة البيت خليني أقوله عشان أغير هالموضوع كله : امم وليد بكلمك بشيء

وليد : تفضلي

ريتآج خايفة لا يردها : تكفى مابي أرجع لبيت أهلك شوف لي شقه مافيني اتحمل كلام عمي والله المشاكل بتزيد ماراح تنتهي

وليد بضيق : من حقك البيت بس والله يعز عليه فارق أمي

ريتآج : امك ماعليها خلاف وماراح نقطعها وبعدين لا تنسى حسام راح يكبر وبتغطى منه ماراح أخذ راحتي بالبيت .

وليد ابتسم بفرحة:لمست من كلامك أنك بتعيشي معي على طول
ابشري بسعدك لك بيت تختارية بنفسك بعد ..

ريتآج زفرت بتمثيل : آه ي قلة الحيله ..الي تحدك على الي
ماتبيه وسكتت يوم دق الباب

وليد وقف بضيق من ردها كل مايحاول ترجع ترمي عليه كلام تذكرة إنها بتعيش معه غصب .......أخذ العشاء وقفل الباب ..
ريتاج ...وقفت وانا أشوف الزعل والضيق بوجهه . أخذت العشاء منه وحضرته على الأرض ....
وجلسنا نتعشى ...بس حسيت وليد مأكل ي دوب لقمه وشرب العصير ...وقف بضيق:من بكرة بدور شقه ولا يهمك وخذي راحتك بالغرفة بنام بالصالة ...هزيت رأسي
وكملت أكلي ...حسيت نفسي مفتوحه للأكل ...معقول فرحانه اني بردت خاطري بوليد ...ولا فرحتي برجوعي له الأناني ...طالعت الكنبه. ..الي بينام عليها. ..نام حبيبي نام ياما نيمتني عليها ...وآلحين جا دورك ...رفعت الأكل وغسلت يدي ...
ودخلت الغرفة ....وهو على طول طلع ....ياولي آلحين يقال مايبي يفرض حالة....والله عآرفتة غثيت بيرجع وبيعيد الكلام ولا يمل ...

@
@
@
@
@
@
@
@
في الديرة

::
أول مادخل الغرفة رد السلام ماردت عليه
لطيفه طالعته بغيض : هاا ان شاءالله انقضى مشوارك بس

شهاب عقد حواجبه مستغرب من نبرة الصوت الحادة نزل شماغة وبجمود: ايه الحمدلله والله يكتب الأجر

لطيفه بقهر وقفت وقابلته و بعصبيه : شهاب رفضت رجلي الأول عشان الضرة وانت جاي تعيد لي الي صار معي قبل من آلحين أقولك والله ماهومستعدة اعيش معك وأنت بترجع مرتك الي حنيت لها فجأة ورايح جاي من عندها ...

شهاب بحده : شوفي أولاً طليقك لو عاد جبتي سيرته مرة ثانيه قدامي بيكون تصرفي شيء يزعللك حيل لا تخلين وجههي الثاني يطلع صدقيني وقتها ماراح يرضيك أبد وثانياً تأكدي وخلي والواحد يفهمك قبل تأخذينا بالصوت العالي وكلامك الأخير راح تثمنيه ....

لطيفه وهي ماسكه دموعها :تبيني اتأكد أكثر بعد وتبي تفهمني
ي رجآل رايح تردها ولا تقول عشان ابوها ومدري آيش من هالكلام الي طلع تراي عارفتك وصاحت منهارة ليه كلكم
توجعوني ليه

شهاب عض شفته بقهر : لطيفه مية مرة اقولك لاتجمعيني مع
طليقك وممكن أفهم وش الي تقوليه وايش الي تبي توصلي له

لطيفه جلست على السرير و بحسرة تنهدت وهي تمسح دموعها : آه تفهم وشهوو بالله كل شيء مفهوم واضح وأنت أكثر واحد عآرف آيش الي اقصده

شهاب جلس جنبها وهو ضايق من تصرفاتها :آلحين الشي كله عشان زيارتي لعمي صاوي ...

لطيفه طالعته والدموع بعيونها:متى بترجعها

شهاب فتح عينه بصدمه:وش ارجعها ي مجنونه

لطيفه مسحت دموعها وقفت بشموخ : لاتخبي مصيري أدري

شهاب مسكها ورجع جلسها يبيها تفهمه آيش الي سمعته : ماراح تروحي قبل ما أفهم ايش الي صار بالضبط وايش الي قلب حالك كذا طالع من هنا وحالنا مافي أحلى منه

لطيفه والله ماتقوله له وتذل روحها زود : ماصار شيء ولا يهمني ولا تفتكر اني بموت عليك لو رجعتها بعد وسحبت يدها منه بقوه
شهاب وقف : آلحين بفهم السالفة كلها وبرجع لي كلام ثاني معك ومع أسلوبك الزفت هذا
وطلع من الغرفة وهو معصب ...مايمشي معه أبد أسلوب
لطيفه...مايطيق المرة الي تطول لسانها ..وليته غلطان بشيء
راح لعمته صيته دخل الغرفة بعد مادق الباب رد السلام بصوت واطي وهو يشوف ميمته نايمه
:اشلونها ميمه

صيته : الحمدلله الدواء يخفف عنها شوي مير صحتها ماهي الأولى ماغير تهذي بأبوها

شهاب بضيق: الله يشفيها ان شاءالله سلم فوق رأسها بحزن أبد ماتعود يشوف جدته بهالضعف ...

صيته وقفت :ابيك توديني لبيتي ضاعن داق علي يقول بيسري والعيال لحالهم وقليل الخاتمه رفض يمر فيهم يقول مافيه يتأخر زود

شهاب طالع ميمته ....

صيته : تطمن ماعليها خلاف ان شاءالله والفجر بكون هنا بإذن الله وآلحين لطيفه بتجلس عندهااا معطيتها خبر ..من قبل

شهاب : أبشري انتظرك بالسيارة ....
صيته : والله ان قلبي مأكلني عليها بس عيالي خايفه عليهم لحالهم بس من بكرة بجيبهن معي مدام سفرية ابوهم بتطول آلحين بجيبهم بس نايمين ونومتهم صعبه حيل الواحد يرفض يتحرك عناد أعوذ بالله يقهر ...

شهاب :خليهم نايمين ومن بكرة الصبح امر عليك وأخذك واخذهم

صيته بقلق وهي تطالع أمها :من الفجر بدق عليك تجي لنا خلي جوالك جنبك
شهاب :ابشري ولا تقلقي عليها انا موجود ولطيفه بعد يالله مشينا
أول ماطلعوا وركبوا السيارة ..

صيته بعتب : يالصقر وش الي سمعته تراه ضيق خاطري حيل

شهاب توه بيسألها الحمدلله هي فتحت السالفة قال بستفسار : وش الي سمعتيه عن الصقر وضاق خاطرك وخاطر ناس غيرك بعد

صيته بحده :بترد الجوهرة

شهاب عقد حواجبه رافض الفكرة بعد من فين جايبن هالحكي : وشهوو ارد الجوهرة

صيته قاطعته بزعل : ام صالح جت اليوم وقايله انها شايفتك عند باب بيتهم قولي وش عندك رايح لهم
شهاب تنهد بضيق: زيارة المريض واجب يمه

صيته : زيارة ولا ابوها طالبك قدام الرجاجيل عشان ترد بنته
الي مالها حد غيرة

شهاب بصدمه من حكيها : وش الي تقوليه وبعدين لها الله قبل كل شيء ...

صيته بحده: وبالنعم بالله ي شهاب ولاتلف وتدور قول كلام ام مفلح في مكانه اولا والله اني حمدت ربي يوم قايله ولطيفه ماهي فيه

شهاب أشلون درت أجل لطيفه عمتي تقول ماهي فيه يوم فهم السالفة زين ....خليه يبرد قلبه شوي في عمته ولطيفه باقي دورها جاي عشان ثاني مرة مايظلمونه وهم ماهو متأكدين قال وهو مبتسم : مدام قايله شهاب عز الله ان قلبك مليان مني حيل ..وبعدين ام مفلح هذي اشلون خطر في بالها هالشيء و لو فعلاً هالشيء صار مارده وهو طالبني قدام الرجاجيل يبشر بعزة
ماينرد وماطلب غير السهل ....

صيته ضربت على صدرها :وعزتي لبنت أخييي هذا ردك
ي مسود الوجهه ي قليل الخاتمه ..الحمدلله وهي لا سمعت ولا موجودة آلحين وتسمع حكيك الغبر ...

شهاب ابتسم بسفزاز :افااا ي عمه تبيني افشل الرجآل وهو طالبني والله هذي عيبه بحقي وانا ولد أبوي
صيته حطت يدها على راسها : لا اقهر بنت خالك ي قلبي المحروق عليها ...

شهاب :بنت خالي معززة مكرمة وسلامة قلبتس من الحرقة والله الي يشوف حالتس يقول مسوي مصيبه الله يكفينا الشر ...

صيته بقهر : شهاب انكتم لا اسمع لك منطوق وليتني رحت لبيتي كعابي ولا ركبت معك ي الهامل ....

شهاب وهو يأشر على خشمه :على هالخشم بسكت عشان ماتزودي بالكلام الزين الي يطلع من فمس ...

وصلها البيت وهو يسمعها تحلطم ...يقال ميت لها وأحد الله المستعان ... ...
رجع للبيت .وعلى طول .اتجهه لغرفة جدته عصب يوم ماحصلها ..راح لغرفتهم و فتح الباب بقوة شافها قدامه مشغوله بجوالها قال بحده : ثاني مرة اي حكي تسمعيه تأكدي منه قبل تطولي لسانتس وام صالح أبد الخبر الي قايلته ماهو صحيح وحطي شيء وأحد في بالتس لوفعلاً الرجال طالب مني بسويها مايرد الرجآل إلا قليل مرجله.. ي بنت منصور

لطيفه عقدت حواجبها : يعني تكذب وبعدين الحين جاي تبين لي انك مظلوم والله ماغير زادت الطين بله على قولهم بكلامك

شهاب قرب منها وبحده لأول مرة يحس حاله ضايق منها
بهالطريقة:تصدقي وش الي أكره بالمرة لسانها الطويل تكفين لاتخليني اضيق منتس أكثر من تسذا أعطاها ظهره وطلع من
الغرفة وهو معصب ....

لطيفه آلحين هذا تبريره لها...رمت الجوال من يدها بعصبيه ..آلحين صار الحق والزعل له ...وبعدين متى طولت لساني عليه ...والله ماغير أدافع عن حقي
تذكرت ميمه وعمتي موصيتني عليها حطيت يدي على رأسي يمه والله نسيت ...بسرعة فزيت من مكاني وطلعت ..
ورحت لغرفتها انصدمت يوم شفت ...شهاب متمدد على الكنبه
جنبها قربت منهم وانا خجلانه من نفسي ...أشلون نسيت هي قايله لي بتروح على 10 وآلحين شوي وتجي 11 ...ليتها ذكرتني قبل تسري ...
قربت من ميمه وانا اتأكد إنها نايمه ..طالعت شهاب يطالعني بسخرية ...حسيت فعلاً إني مو قد المسؤولية أبد
جلست على طرف السريروبهمس: روح نام انا بجلس عندها لما عمه ترجع

شهاب بسخرية : والله ماهو مستعد اضحي بالغالية
واثق فيتس والكتاب باين من عنوانه ...

لطيفه رفعت حاجب:شهاب لا تكبرها تراي ساعة بس تأخرت

شهاب بعتب :وهذا وعمتي موصيتس عليها انصدمت يوم جيت ماحصلتس عندها
لطيفه بقهر : كله منك نسيتني حتى الواجب

شهاب بحده : روحي نامي والله الغني عن خدماتس لها مدام انا موجود وعمتي ان شاءالله ماتحتاج لأحد

لطيفه حست بزعل ....كلامه يقهر قاسي شهاب حيل إذا زعل
تذكرت شخصية أبوها مع أمها....وقفت وقربت منه وهمست : آلحين صدقت ان ثلثي الولد لخاله

شهاب ميل فمه بسخرية : مفروض هالشيء يسعدك وانا طالع لأبوك ولا مقولة كل فتاة بأبيها معجبه هذي ماهي في مكانها

لطيفه ابتسمت يردها لها :في مكانها ونص بعد الله يخليه لي تاج رأسي وروح نام شهاب واختصر السالفة لأن طلعه من هنا ماراح اطلع

شهاب رفع يده وحطها على عيونه :ولا انا طالع

لطيفه
زفرت بضيق. ..حركته يحسسها إنها ماهي قد المسؤولية أبد وانه ماهو واثق بالمرة فيها ....يالله الي عليها بتسويه بتجلس عند جدتها وهوو كيفه بيجلس يروح مع نفسه تمددت جنب جدتها وهي تدعي لها ربي يشفيها ... عيا يجيها النوم ...تحس بضيق وهم زعلانين من بعض كل ماتبدأ حياتها تزين عصبيتها تخرب
عليهم ...رفعت رأسها من على المخدة وطالعتة حست من نفسة المنتظم انه نايم ..زفرت بضيق ..بيمرض هالرجال
نايم بدون غطاء.بها البرد .وقفت و أخذت مفرش غطته فيه ...طالعته شوي ....تكذب لو تقول ماملك قلبها في فترة بسيطه تحس نفسها متعلقه فيه ..وتغار عليه بشكل جنوني همست : عساك ماتشوف غيري

في شقة رائد

: تفضل يبه والله ماغير الغالية تفرح بشوفتك
ابو أسامه بجمود: بلى كثرة حكي وقول لأمك انتظرها بالسيارة

رائد بضيق :يبه عشان خاطري ادخل وطيب خاطرها بكلمتين والله ماراح تخسر شيء وتستاهل امي يبه

ابو أسامه دخل وجلس وهو يناظر بالشقه :يعني قلة الشقق عشان تأخذ هالشقة الي شوي وتوصل الدمام من بعد مسافتها

رائد : طيب وش رأيك فيها بالله ذوق صح ..

ابو اسامه بحده : روح نادي امك وخلي الشقة على جنب

رائد بفرحه: أبشر ماطلبت
راح لأمه الغرفة ودق الباب ودخل يوم سمع صوتها
تقوله ادخل ...تقرب منها وبهمس : يمه فديتك ترا أبوي ينتظرك بالصالة

ام أسامه بصدمه فتحت عينها :أبوك هنا هنا متأكد
رائد وهو يضحك على شكل امه كرر كلمتها : هنا هنا والله من حقك تنصدمي انصدمت قبلك من قدك منصور يموت فيك قومي يمه لا تتأخرين عليه تراه ينتظرك
ام أسامه بثقل : قول له يرجع مابي اروح معه

رائد بضيق: يمه وش ذا الحكي الله يهديك

ام أسامه بحده :متضايق مني مستعدة أكلم آلحين السواق يروح فيني لبيت أسامه

رائد وقف بزعل : الله يسامحك يمه انا اضيق منك ي بعد رأسي قرب منها وسلم فوق رأسها أبشري بقوله روح قبل ماتطلع وتحش رجولك حش

ام أسامه بصدمه:عزالله تطلقت منه

رائد بضحكه : شوفوا أشلون ماهو من توو تقولي يرجع من مكان ماجاا ومابيه بشوف حياتي دونه يالله ي النسوان محدن يعرف لكم

ام أسامه ضربت على صدرها : متى قلت هالكلام ي الكذوب

رائد : من توو قلتيه وآلحين بقوله مستحيل اخبي عني شيء مثل كذا

ام أسامه بعناد :قول له ويالله فارق عن وجهيي

رائد طلع وهو مبتسم بخبث طالع أبوه الي يلعب بالسبحه بيده
قالت بتريقه:على هونك شوي وتطيرها

ابو أسامه بحده :طار رأس العدو وينها أمك

رائد بخبث : هوب هوي وش ذي الكشخه كلها عشان امي والله ماهي هينه لاعبة بحسبتك ولا تحاول تنكر التشخيصه اكبر دليل بس ماهو كأنك شديت حيلك شوي وتصير كوبرا ليتك نسفتها أفضل من كذا بسرعة قال يوم شاف ابوه يتلفت أكيد يدور شي يحذفة مثل العادة ..تفضل يبه منتظرتك بالغرفة تقول مسويه لك مفاجأة اخخ يبه اسلوله جالسة تعطيها كورس بالدلع معاد تقول لك الا منسورر

ابو أسامه بحده: منسور ماتستحي أنت رجال وتحكي كذآ

رائد حط يده على رأسه بخجل :اسف يبه بس راح تسمع اسمك بهاالون من امي .ولا تعتب عليها المدة الي جلستها مع حرمي المصوون ماهي قليلة المهم تنتظرك ام رائد يا ابو رائد كأني طولت عليك وعليها ...
جته ضحكه من نظرت ابوه الي كلها سخرية هاا يبه لايكون ماهو عاجبك إني قلت أبو رائد

ابو أسامه : كلك على بعضك ماهو عاحبني ويبي لك من يربيك من أول وجديد ...

رائد : اخخ الحين يبي لي تربيه بس ليه قلت لك ابو رائد ويوم
يقولون لك ابو أسامه تفك الكشرة وش عجبك فيه الغثيث ...الي
مايضحك إلا بالسنه مرة وبعد هالسنه ماضحك أبد شفت ضحكته شيء قولي مابي احطها بذمتي ...

ابو أسامه بعصبيه :اصغر عيالك شايفني بالله عشان تحكي معي كذآ ومن أول تهذر معي ومضيع وقتي على غير منفعه

رائد وقف وسلم فوق رأسه : اسف يبه بس والله فرحان بجيتك لبيتي وروح الماما تنتظرك

ابو أسامه راح لوين مأشر له .وهو ناقد عليه في كل وقت يستظرف أبد الجديه مايعرفها هالولد ....دخل الغرفة شافها قدامه تناظره مستغربة عقد حواجبه وقال بثقل :السلام عليكم

ام أسامه استغربت دخوله توقعت يروح :عليكم السلام

ابو أسامه قرب منها وجلس مقابلها: كيفك

ام أسامه بعتب : بخير آللهم لك الحمد وربي يخلي لي عيالي ويطول بعمرهم .

ابو أسامه فهم النغزة انها بخير بدونه ولا هي بحاجته : عاجبك الحين حالنا كلن في بيت أبد ماهي لنا هالسواليف ي ام أسامه قومي تزهبي انتظرك بالسيارة

ام أسامه بزعل صدت : روحه ماراح اروح معك يكفي الي جاني
منك
ابو أسامه :لنا بيت يضفنا وخذي حقك مني على راحتك يالله تفضلي قدامي وحقك بتأخذية كامل مني

ام أسامه وقفت وهي مترددة خايفة ترده تدري بزوجها والله معاد بشايفته ابد ..وجلستها هنا ماريحتها أبد تعودت على بيتها الي تعشقه أكثر من روحها لبست العباية وطلعت معه شافت رائدالي وقف يوم شافهم طالعين مع بعض ......

رائد بفرحة :عساه دوم هالرضى عليكم وقرب من امه والله يعز علي فرقاك يمه تعودت عليك حيل بهاليومين طالع أبوه رفع يده خلاص خلاص لا تزعل ماراح اخليها تجلس بتروح قدامك

ابو أسامه طالع زوجته وقال بحده:ليتك شديتي حيلك بتريبة هالخايس مثل ماربيتي اسامه إلا لا هرج هرج بمرجله
ماهو مثل ذا كلمه بمحلها وعشرة لا ..

رائد :يبه الله يهديك والله اني امزح معك

ام أسامه طالعت رائد بحب : فديتهم الاثنين كلهم ربيتهم واثمرت تربيتي فيهم يكفي محد مطيب خاطري مثله

رائد بصرخه: ايوه كذا خذي حقي من رجلك الي دايماً مايشوفني أبد

ابو أسامه :يالله ي مره معي مشوار ولو جلسنا مع هالفاضي
بيروح وقتي ...

ام أسامه بهمس :ولا راح تخلص مشاويرك

رائد قرب من أبوه وهمس له : تكفى ي الغالي طيب خاطرها بكلمتين
ابو هز رأسه وطالعها :يالله

بالغرفة ..
::
::
قامت من على السرير وهي تحس بألم ذبحها. ...حيل
تلفت ماشافت رائد بالغرفة .. مشت للحمام ...وهي خايفة من ألم بطنها وظهرها
بس اول ماتحركت حست بشيء حار نزل منها ..وألم بظهرها خلها تصرخ بلا شعور ...: رائد الحق علي ...

رائد ركض للغرفة وهو مفزوع من صوتها بسرعة دف الباب وراح لها فتح النور انصدم من كمية الدم الي يشوفه

أسيل بعد مصدومه وترجف وحالتها حالة قالت بخوف: بموت رائد
رائد بتوتر ليت امه موجودة باقي : لاتخافي ي قلبي آلحين بنروح المستشفى وان شاء الله خير
أسيل رفعت يدها : مقدر امشي رائد دق على ماما ..بسرعة

رائد بسرعة تحرك ولبسها العباية. ...وهو يرجف أكثر منها
: خلاص لا تصحين امك بدق عليها وبسرعة أخذها للمستشفى
وهو يسمع صوت صياحها الي قطع قلبه يدعي الله انه مايفقد ولده ...أول ماوصلوا المستشفى ...بسرعة نقلوها لغرفة الولادة
دق على امها وهو متوتر أول ماسمع صوتها قال : ي عمه حنا بالمستشفى واسيل تصيح تبيك .تراها تعبانه حيل
ام عصام وهي مفزوعة :يمه بنتي باي مستشفى بسرعة آلحين عصام يوصلني ...

رائد وهو يشوف الدكتورة طالعة بسرعة أعطاها اسم المستشفى وقفل وهو يناظر الدكتورة بقلق وخوف من الي بتقوله
: ربي يعوضك صار إجهاض للجنين وآلحين بنسوي لها عملية تنظيف

رائد بحزن الي خايف من صار هز رأسه وقال :الحمدلله أهم شيء صحتها

تحركت من عنده:ربي يعوضك

@
@

@
@

اليوم الثاني

في الفندق
::
::

دق على أمه يبي يطمن على شوق الي ماترد على جوالها طمنته عليها وقالت بعد ...ان أسيل سقطت وفي المستشفى مرقدة خبر زوجتك قفل من عند ...امه
ودخل الغرفة ..أستغرب من نومها باقي شوي ..ويأذن العصر
قرب منها وبهمس: ريتآج

ريتآج حست عليه على طول فتحت عينها وشافته واقف على رأسها بصوت ثقيل: صاحيه

وليد : قومي صلي وطالب بعد غداء آلحين بيوصل
اول ماتحركت تبي تقوم على طول طلع للصالة مايدري كيف يقولها عن أختها...كلها نص ساعة
وشافها طالعة من الغرفة طالع الغداء وقال:ان شاءالله باقي ساخن تأخرتي حيل
ريتآج ورأسها مصدع أخذت شور بدون فايدة تحس جسمها يعورها وتحس بحرارة بعد :كان تغديت ماهو ضروري تنتظرني
وليد زفر بضيق من ردها ماتوقع كذا بتقول توقع تعتذر على الأقل بس طنش : تفضلي سمي ..

ريتآج قربت وجلست مدت يدها بدون نفس. .حاولت تأكل .بس ماقدرت تأكل شيء أخذت العصير ويالله قدرت تشربة

وليد عقد حواجبه مستغرب : علامك ماتأكلي

ريتآج بتعب :مالي نفس

وليد هز رأسه : على راحتك رجع يحاول يكمل أكله بس ماقدر حتى هو انسدت نفسه طالعها وقفت وتمددت .. على الكنبه وقف وراح غسل يدة رجع شافها تلم الأكل قال بتردد : ريتآج

ريتآج طالعته بتعب : هلا

وليد مايدري اشلون يقولها : امم أسيل بالمستشفى والحمدلله هي بخيرلاتخافي عليها ...

ريتآج بخوف: طيحت الي في بطنها صح

وليد هز رأسه : ربي يعوضها

ريتآج :وليد تكفى ودني لها آلحين آه ي أسيل والله عارفة ماراح تتتحمل ودها بهالحمل يتم كان ...بس الحمدلله على كل شيء
وليد : يالله انتظرك تجهزي
ريتآج بسرعة لبست العباية وطلعنا ..طول الطريق وانا زعلانه من نفسي ليه مادقيت عليها وتطمنت آخر مرة من يومين عنها ولا تعرف وش أخبارها ....
أول ماوقف السيارة في مواقف المشتشفى نزلوا وراحت لغرفة الي مرقدة فيها دخلت وهي حزينه عليها.. قربت منها وسلمت على أسيل وهي نايمه وبهمس لأمها : يمه ليه ماقلتي لي وتوني ادري من خالتي دقت على وليد وخبرته

ام عصام بسخرية : خفنا نزعج ولد سلطان وتخرب ليلته

ريتآج تضايقت من رد أمها. ..تحسها فعلاً ماتطيق وليد أبد
طالعت أسيل الي فتحت عيونها بسرعة راحت يمها :ي قلبي اشلونك
أسيل بتعب :الحمدلله أحسن وبحزن همست شفتيه
رائد رفض يخليني اشوفه أخذه ودفنه وجعت تصيح

ريتآج قلبها تقطع عليها :ي قلبي ربي كريم وقادر يعوضك خلاص ي قلبي ماغير تتعبي حالك ...

ام عصام بضيق : ماغير تصيح وزعلانه على رجلها ليه ماخلاها تشوفه وبعد رافضه لا تشرب ولا تأكل شيء ودي بس كوب حليب تشربة يقويها شوي

أسيل :وماراح اسامحه ودي اشوفه ماهو من حقة يمنعني شوفته

ام عصام : وش تشوفي بالله باقي لا هو كامل
أسيل وهي تصيح : يمه كامل باقي أسبوع وأكمل السادس

ريتاج صبت لها كوب حليب : أشربي آلحين هالحليب وتصبري ي قلب اختك وربي يجبر قلبك ويعوضك ..
....

@
@
@
@
@
@
@
في الديرة
::
::
صيته :يمه لطيفه علامتس ضايقة من وقت ماجلستي
لطيفه بضيق : مافيني شيء ي عمه بقوم اسوي قهوة وبذوقك بالرطب الي جابه شهاب

صيته : يالله وانا بطل على ميمتي

لطيفه وقفت بس قبل اوصل للمطبخ الباب دق قربت منه وقلت
:مين
: فكي حنا الجيران

لطيفه فكيت الباب وقلت بترحيب :ي هلا تفضلن حياكن
: تسلمي يمه الا وينها راعية البيت

لطيفة :تفضلوا موجودة شفت عمه صيته طالعة من غرفة جدتي
أشرت لها
صيته وهي ترحب : ي هلا والله في ام عبدالله تفضلن
تفضلن طالعت الي فكت غطاها انصدمت طليقة شهاب وش جايبها ...حاولت ماتوضح للطيفه دخلتهم لغرفة الضيوف
بعد السلامات

ام عبدالله : كيفها امتس اليوم عساها أحسن

صيته : والله انها تعيبه شوي المرض هد حيلها وكل مارحنا بها لدختر قال كبر سن ومن هالحكي المأخوذ خيرة

ام عبدالله: سلامتها والله ماتشوف شر و الجوهرة جايه تسلم عليكم مانست العيش والملح الي بينكم وسالفة الطلاق بعيدة حيل عن هالظروف وزيارة المريض واجب

صيته بضيق وهي تطالع في لطيفه : بنت صاوي طول عمرها صاحبة واجب ...وكثر الله خيرها

الجوهرة : تسلمين ي عمة وان شاء الله تفرحي بقومتها
صيته : الله يسمع منتس وطالعت لطيفه بفخر وهذي مرة الصقر

الجوهرة حست بندم وغيض .. فرطت فيه ...ليتها إستفأدت شيء ماغير تجريح وكلام طالع نازل عليها من أبوها
حست بغيرة منها ....أكيد معاده يمها أبد ....فرحت حيل يوم درت بزيارته لأبوها امس وقالت إلا تردها اليوم لجدته تدري كيف متعلق فيها ويعتبرها أمه وكاد بعد يفتكرني ويحن...بس آلحين تأكدت انه خلاص المقارنه بينهم صعبه هذي أجمل منها بكثير يكفي بياض بشرتها .الثلجي ولبسها الي كشخه وتحلف انه اغلى الماركات بعد ..غير غير عنها هي بسيطة حيل بجمالها وبستأيلها بشكل عام ..حست بحرقة ليتها ماجت ولا اسرحت من الصبح لام عبدالله تخاويها صدق الصقر يوم طار من يدها ابد ماله رده قالها ابوها لها وهو صادق ماله رده أبد ...

ام عبدالله: ماشاءالله والله ودنا نجي نسلم عليها من يوم قالت لنا ام مفلح انه جاب مرته للديرة بس مثلتس عآرفة انا بعد امي طايحه بالفراش ويالله آلحين خليت عندها بنتي الكبيرة هي الي أطمن عليها عندها

صيته :حياكم الله في اي وقت قومي يمه لطيفه قربي القهوة
لطيفه
وقفت وانا باقي مصدومه وبعد قلبي عورني ...آلحين هذي طليقة شهاب ...هذي الي عافته على وشهوو ي حسرة مافيها هذاك الزود وشافت حالها عليه وليت على شيء على قول عمه صيته تبي العلام والطلعه من هالديرة ليته أطلعت بس ..حسيت بقهر وبعد حزن عليه ..هزيت رأسي صدق إني مفهيه .. عساها
تعوفه وماتشوفه بعد والصقر لي ماهو لغيري مع وجهيي انقد عليها ليه عافتة .آه من غيرتي مدري أشلون افكر ....سويت القهوة. ...وطعت الرطب الي اليوم جابه ...استخسرته عليها ...والله ماتستاهل تأكل شيء هو جابه ... دورت ابي شيء بديل اقدمه مع القهوة
ماحصلت تذكرت شنطتي فيها شوكلاته مشكله جايبتها معي .....بسرعة طرت لغرفتي وأخذتها .. وقدمتها لهم مع القهوة
ام عبدالله أخذت القهوة: سامحيني يمه مالي في هالاشياء

صيته وهي متفشله يوم رفضت ام عبدالله الشوكلاته : يمه لطيفه هذي كلنا مانحبها قدميها للجواهرة وحنا جيبي لنا من الرطب

لطيفه ابتسمت مجامله : معليش ي عمه خلص

صيته فتحت عينها بصدمه : هوومتى امده يخلص

لطيفه آه ماهو وقت غلاستك ي عمه قلت بتصريفه وهي تمد الجوهرة : خلص من مبطي تبيها تفهم بس الحمدلله أخيراً هجدت وماعلقت ...شافتها مامدت يدها رفعت حاجب : تفضلي

الجوهرة بدون نفس : مشكورة مابي

لطيفه بسخرية : حتى أنتِ مالك فيها

الجوهرة حست بقهر من ردها جالسة تنقص من قيمتها بطريقة
ملتويه : إلا لنا فيها الحمدلله الخير واجد عندنا وشايفين خير

لطيفه حطت تبسي الضيافة : الله يزيدكم من خيرة

الجوهرة :يالله ي عمه أبوي مقدر اخليه أكثر من تسذا

صيته :إلا على طاري أبوك أشلونه آلحين عساه أحسن

الجوهرة :ان شاءالله انه أحسن

ام عبد الله وهي توقف: يالله يمه

صيته بعتراض: وين ي ام عبدالله مابعد سولفت معتس

ام عبدالله :والله قلبي يأكلني على ميمتي إلا هالمرة تعالي وجيبي معتس مرة شهاب خلي بناتي يتعرفن عليها ..
الجوهرة حست بقهر ....من كلام ام عبدالله

صيته : ان شاءالله وأكيد بينبسطن مع لطيفه والله انها وناسه للي حولها وطالعت جوهرة وقلبها محروق منها ماتنسى سواتها في ولد اختها حرقت قلبهم عليه يوم عافته وخلت الي يسوى والي
مايسوى يتكلم عنه وان بنت صاوي عافت رجلها ...والسبب تافهه

لطيفه ابتسمت لعمتها :مشكورة ي عمه وابشري ي خاله لك زيارة ان شاءالله ..
ام عبدالله : حياتس يمه ...
لطيفه
سلمنا عليهم وطلعوا من عندنا ...تنهدت براحه يوم طلعت طليقة شهاب ....
صيته بضحكه : عساه قلبتس بس برا اللحين
لطيفه ابتسمت : على وشهوو

صيته بخبث :أقول يمه جيبي الرطب الي مخبيته وتعالي نتقهوى والله الغيرة لاعبتن بحسبتس ي كافي الشر

لطيفه بخجل :ي عمه

صيته :روحي بس هاتيه ودي فيه والله على هالقهوة الزينة

لطيفه رحت للمطبخ وأخذته وطلعت شفت شهاب داخل من باب الشارع حسيت بقهر ...آلحين أكيد شافته يوم وصل ....يعني ضروري توصل يوم هم يطلعون اففف ..حسيت بقهر ..عضيت شفتي يوم مر من عندي وماسلم ..بعد منفس علي ..آه منك ي الصقر اتاري زعلك شين .....

شهاب قرب من عمته وسلم عليها : والله مادريت ان عندكم حريم مسيرين انحرجت يوم قربت من الباب إلا هم طالعين ...
صيته قاطعته : لا تلوم حالك يمه مافي حد غريب ماغيرالجوهرة طليقتك وام عبدالله ...

شهاب يكذب لو يقول مانصدم من زيارة الجوهرة.

لطيفه يوم شافت وجهه انقلب قالت بسخرية : صاحبة واجب ردت الزيارة بسرعة امس هو زاير ابوها واليوم هي زايارة جدته ورفعت يدها بطريقة مستفزة اقضوها زيارات روحه ورده الله لا يعقوكم بشر .....

شهاب رفع حاجب ...عارفة قصدها قال ببرود ظاهري وهو مقهور من طريقة حكيها : الله يجزاها الخير ماتقصر بنت صاوي

لطيفه بقهر مدت الرطب وهمست :تفضلي ي عمه قبل اذبح ولد أختك

صيته ليتها سكتت ماقالت مين الي زايرهم قالت وهي تبي تخفف جوهم الي أبد مايبشر بخير : أخيراً بنذوقه والله يمه ملهوفه عليه الله يسامحتس بس

شهاب عقد حواجبه: عسا ماشر ليه هاللهفه وهو عندس موجود من مبطي

صيته : اسأل مرتك وش هي مسويه
لطيفه طالعت عمتها تبيها تسكت منحرجة حدها الله يسامحك ي عمه آلحين انا ماسوي حركاتي هذي إلا قدامها اخخ بس طالعت شهاب الي يطالعني بنظرة ماحبيتها ....بس قويت نفسي وقلت : ماسويت شيء بس حاجة لي مالهم فيها ولا يطولنها خير شر ...

صيته بخبث : والله ي بنت منصور ماهو بهينه أبد

شهاب بحده: هذا أكرم الضيف عندتس منقود والله بنشله من وراتس إلا الضيف تقدمي له الي موجود كله وزود

صيته :علامك يمه اشتطيت عليها ماقصرت فيهم واكرمتهم
مايطلع منها قصور بنت الغالي ....

لطيفه فهمها غلط هي قصدها شيء ثاني ... حاولت تكبر عقلها وتطنش أخذت فنجان قهوة وشربته وهي تحس بغصه بحلقها بذات يوم وقف وطلع برا البيت....طالعت عمه صيته بعتب

ريتآج
من وقت ماطلعت من المستشفى. ..وانا متضايقة حدي ودي اجلس معاها بس أمي رفضت ....طالعت الطريق أبد ماهو طريق الفندق حسيت بالضيق زاد علي والتعب بعد يوم دريت لوين وجهتنا .قلت بهمس:ليت توصلني للفندق وبعدين تروح لأهلك

وليد بهدوء: أبشري

ريتآج تنهدت براحة ...يوم غير مسار الطريق ...
قفلت عيوني بتعب والله السخونه لاعبه فيني حيل ...احس جسمي كلة يعورني ...طالعت وليد يوم رن جواله ..
وليد ابتسم وهو يشوف الرقم : ي هلا والله اني جاي يمك

شوق وهي تصيح : وليد بسرعة الحقني

وليدوهو مفزوع : وش فيه

ريتآج حسيت بقلق من كلمته

شوق :تكفى بسرعة أبوي ناوي علي اليوم بيرخصني ي وليد وأنت ماترضاها علي

وليد بعصبيه : والله لو يصير به دم اليوم مايرخصك وانا موجود
شوق :تعال بسرعة تكفى. ..
وليد : مسافة الطريق وانا عندك ان شاءالله
شوق :بقفل آلحين قبل أبوي يجي ...

وليد : آلحين جاي لا تقلقي ..قفل الجوال وزفر بقهر لوين بتوصل ..يايبه ..

ريتآج حسيت انه السالفة فيها عصام قلت بسرعة قبل يوصلني الفندق : بروح معك عند شوق ...

وليد بحده صرخ وهو يلف السيارة : نلعب حنا مرة ودني الفندق ومره بروح معك لشوق

ريتاج : لا تصرخ علي

وليد بغيض ضرب الدركسون : والله أخوك مايأخذها وانا موجود

ريتآج ابتسمت بسخرية.: ..نفس الموال من مده عصام يهدد والحين أنت يالله وانا وشوق ماعندنا شغله غيركم

وليد بقهر : انكتمي ريتآج

ريتآج سكتت وانا مقهورة ...ليتني ماقلت بروح معك
بس لو جلست ماراح ارتاح بجلس قلقانه على أخوي .أعرف حالي
..
أول ماوصلنا على طول وليد نزل ...نزلت بعد وانا امشي بسرعة ابي الحقه ...خايفة لو عصام موجود وتنعاد الهوشه الي قبل صارت ...
بس انصدمت الحوش فاضي مافي أحد وجهة المجلس بعد مافي أحد دخلت الصالة بعد وليد شفت عمي معصب ...
آلحين حسيت بندم فعلاً عشان جيتي قربت من شوق الي تصيح
في حضن خالتي ....وانا اسمع تهديد عمي : آلحين داقتن على أخوك وش بيسوي يعني لو قلت كلمتي بالله قومي وتعوذي من الشيطان وخلي الصياح ذا عنك رجلك جاي آلحين وبيأخذك

وليد بقهر: يبه الله يهديك وش يأخذها ناسي امس مطلقها

ابو وليد بسخرية :هماك طلقت مرتك ورجعت لها وآلحين هو جاي وبيرجعها وغصب عن خشمه وخشمها ماعندنا بنات يطلقن يالله ي ام وليد قومي بنتك وخليها تجهز وتروح مع رجلها مالها غير بيت رجلها

شوق بصرخة وهي تصيح : يبه حرام عليك مايصير الي تسويه فيني

وليد :يبه مدام معترض على وجودها هنا بأخذها عندي
بس ماترجع له مغصوبه بهالشكل

ابو وليد بسخرية ضحك:آلحين انت معك بيت عشان تقول تأخذها عندك دبر عمرك وبعدين أحكي
وليد بسرعة :بستأجر شقة وبأخذها عندي

شوق وقفت وقربت من وليد وهي تبي تحتمي فيه :تكفى خذني معك

ابو وليد بعصبيه :والله ثم والله كلمه زيادة بعطيك الوجهه الثاني الي ماتعرفينه ...ويالله أنت خذ مرتك وانقلع عن وجهيي ..

وليد بعصبيه : يبه والله ماتطلع وانا موجود والا هياطه بالرشاش هالمرة بتجي براسه ...

ابو وليد قرب منه واعطاها كف وقال بعصبيه : يوم تفكر تمشي كلمتك علي هذاك الوقت احلف وتعال كثر من حكيك هذا وبصرخة انا الي كلمتي تمشي هنا فاهم عليكم كلكم ولا أحد يقدر يثنيها بعد

وليد انصدم من الكف الي جاه ...أبد ماتوقعه طالع امه الي صرخت بوجهه ابوه: عسا يدك الكسر ان شاءالله ي سلطان مثل مابهذلتنا وقهرتني على ولدي ....

ابو وليد بحده:أقول ي مرة اهجدي وتذكري صحتك على قدك
وخلي عنك الهرج الزايد وعقلي بنتك بدل المرادد

وليد بسرعة قرب من امه الي ترجف جالسه طالع شوق يبها
توافق وتختصر السالفة لأن أبوه صعب حيل وفعلاً كلامة يمشي على الكل و عشان أمي الي أبد حالتها ماتسر :يمه تكفين عشاني لاتضايقي حالك ريتآج خذيها وروحي فيها غرفتها ....

ريتآج
حزنت على وليد يوم عمي مد يده عليه. ...صراحه ماله داعي هالكف أبد. ...طول عمرة قاسي حيل أعوذ بالله الله لايقسي قلوبنا بهالطريقة ...مسكت يد خالتي وهمست له : تصبر مهما كان أبوك

وليد بضيق عض شفته ورفع كتوفه دليل انه ماله حيله قرب من شوق وضمها لصدرة بحنان : ي روح أخوك عشان الغالية بس
ولا والله ماتطلعي بهالشكل ...

شوق مسحت دموعها وطلعت غرفتها ولبست العبايه بدون ماتتكلم هين ي عصام بأخذ حقي منك. ..كله ....نزلت وهي تشوف الصالة فاضية
دخلت غرفة أمها شافت ريتآج تهدي على امها الي تصيح
قربت منها وقالت بضيق: يمه عشاني خلاص لاتصيحي
والله صحتك أبد ماتحمل وبعدين شوفيني خلاص رضيت وفعلاً مالي غير زوجي

ام وليد وهي بالها بعيد عن الي تقوله شوق : ودي اعرف ليه مد يده آلحين عليه علامه عليه على الكبيرة والصغيرة يمد يده

ريتآج : ماعليه ي خاله مهما كام ابوه ولازم يصبر
شوق قربت من امها وسلمت عليها تدري آلحين أبد ماهي معاها
ريتآج مسكت شوق وضمتها : ي قلبي حنا مكتوب لنا نضحي
طالعت وليد الي واقف جنب الباب وتحسه سمع كلامها ...
والله نظرته ذبحتها ......ليتها سكتت ماقالت كذآ وهو بهالحالة

وليد قرب منهم ومد يده وأخذ دواء امه وطالعها بحنان : أكيد مأخذتيه صح

ام وليد بحزن مدت يدها ومسكت يده وجلسته يمها :مابيه يمه هذي يخليني انام على طول ماحبه أبد وآلحين أجلس يمي بس وانا أطيب ..
وليد لازم تنام شوي ولا بتعبب ابتسم لها بحب :يمه فديتك انا يمك و لازم ترتاحي أعطاها وهو وناظر حسام الي دخل
مدرعم: يالله ي شوق عصام وصل والله ي ابوي شرشحه
وشوي ويكفخه مثل وليد ....شوق على طول طلعت وهي ودها تذبحه له وجهه بعد يجي .....

وليد ناظره بحقد وشرب امه الماي ...وقف على طول بيطلع

ام وليد بسرعة مسكت يده : حلفتك بربي ماتطلع من هنا آلحين إلا يوم يأخذ حرمته وشوق زين ابوك تصرف كذا لمصلحتها وعصام مافي مثله بس يقال يردها لك عآرفة مقصدة الله يهدية

ريتآج فرحت يوم خالتي دافعت عن أخوي صدق هذا الي
بخاطره عارفته عصام يموت في شي اسمه شوق .....

وليد تنهد بضيق ورجع جلس على السرير جنبها :ابشري لك ماطلبتي بجلس عندك ولا انا بطالع ... والله يسعدهم ....

ام وليد :خذ مرتك يمه وروح آلحين أبوك يرجع ومالي بالمشاكل يوم شافت الاعتراض بوجهه قالت بسرعة يمه حسام عندي لا تشغل بالك علي ..

حسام قرب منها من الناحيه الثانيه من السرير: ويا حليلي إذا جلست عندنا ماجيب المشاكل معي مثلك ياخي افهم والله لو انا مكانك ومأخذ هالكف والله معاد افتح فمي وكل ماأحد قال شيء بهالبيت أقول مالي دخل ....ياخي تعلم وفك نفسك ..ماغير تتكفخ أكثر من بنت ناصر ريماس ....

ريتآج انصدمت من كلام حسام هالمرة زودها حيل ..قليل أدب وبقوة بعد ...طالعت وليد الي وجهه أحمر من العصبية من حقه يكفيه الي فيه وهذا زودها همست له :طنشه هذا سفيهه ومايفهم أبد

وليد طالعه وهو ناوي عليه بس أبد ماهو وقته ..آلحين ليت أمه ماهي موجودة والله اليوم محدن كان بيفكه من يده ....

وقف ومشى متجهه للباب : يالله ريتاج اول ماطلعوا من الغرفة طالع حسام الي لحقهم وقف عند الباب .قال بحده : تعال ابيك

حسام حرك رأسه بلا ورفص يتحرك
وليد بقهر اشر بيدة : تعال هنا

حسام صلب عند الباب مجنون لو يطلع :قول هنا اسمعك ضروي اطلع يعني

وليد بقهر :جبان صدق

حسام وهو يالله يطلع جسمه من الباب يبي يقهرها ويرجع يحتمي بأمه بس رجع ناظر امه الي بدت تغفي ماهو من مصلحتة يطلع أبد رجع صلب مكانه وهو متشبث بالباب وقال : خلصني قول اسمعك

وليد ودمه يغلي منه بتهديد : ياويلك لو دقيت عليك ما ترد رد بطمن على أمي فاهم

حسام :يالله ي حبك للتعب دق على جوالها ولا ودك تسمع صوتي ...قول عادي والله ماحرمك منه ومد يدة بس هاتي حق تعبي ...وانا عيني على الجوال

وليد صك على سنونه وهو يأخذ نفس بقوه: يالزفت بلا هبال
ماهو وقتك أبد وتدري انها آلحين بتنام وماراح ترد على جوالها
وخلي جوالك ولا جوالها يمك فاهم
حسام فتح عينه بصدمه :أعطيتها المنوم ي الي ماتخاف ربك والله لاقول لابوي آلحين هو دايم يهاوش لو أخذته. ...
وليد عض شفته بقهر لازم يعطيها دواها عشان تنام ولا بترجع تتنكس : يالفاهم مين قالك منوم هذا دواء لحالتها بس يخليها تنام
كثير ...أفضل شيء راحة لها ....

حسام هزر راسه : طيب فارق ريتآج صارت صنم

ريتآج فتحت عيني بصدمه آلحين وشله فيني قلت بقهر : مالك دخل فيني ولا كلمت من أخوك جاا الدور علي ...

حسام :افاا ي ريتاج ناسيتني حتى سلام معاد تسلمي خلاص نساك وليد آه ي قهري على الاسكريم ابو نص والله ماتستاهليه هيلة ام كشه تستاهله أحسن منك

ريتآج ابتسمت له : كذاب باقي في ذمتك ماعطيتي هوو وهيله هذي ان شاءالله تكبر وتأخذهاا
حسام فتح عينه بصدمه : الله لايقولها معاد إلا هي أخذها وبعدين وش ذا الجحد بالله .. . آه بس عداك علومه الجاحد هذا لازم تصيري مثله ولا راح تموتي محدن يتحمله ...

ريتآج ضحكت غصب عني :هههههههههه

وليد ناظر ريتاج بعتب :حسام ماوصيك على أمي وانتي يالله قدامي وفري هالضحك
ريتآج هسمت له: خف علينا تراه صغيروكلامة كله هذرة على الفاضي
وليد بقهر :والله وده يتكفخ عشان يعرف يتكلم ...ويالله مشينا أول ماطلعوا شاف عصام وابوه واقفين جنب الباب باقي استغرب كل هالمدة وماراح ...طالع ريتآج الي مسكت بيدة همست لها أطمنها وعدي للغالية ...مايروح كذا مريت من عندهم بس وقفت يوم ابوي قال :وليد سلم على ولد عمك

وليد طالع ريتآج الي تترجاه بعيونها ....قرب منه وسلم بجمود وهمس له:خلك كفوووصونها ..وحقك خذه مني لو رجآل وابعد عنه وهو يأشر لريتاج تلحقه

ريتآج قربت من عصام سلمت عليه وهي عتبانه عليه وطلعت بسرعة
عصام حس بقهر من كلام وليد ...صادق ماهو كفوو يوم أخذ حقه من مرة مالها قوه ...طالع عمه الي يسمعه تهديدات خلته يعوف حاله بعد قال :أبشر ي عم ومالك إلا الي يرضيها ويرضيك

ابو وليد بتحذير: اعودها لك ثاني ي عصام هالمرة كبرت عقلي بالحيل وأعطيتك فرصة بس والله ان تفكر تعودها والله ماتشوف زولها الي من توو وانا حلفت ي عصام ولا مير وقتها تعرف .ويالله انقلع مرتك تنتظرك ....
عصام يكذب لو أنه مازعل من عمه سمعه كلامه قهره بس لازم يتحمل عشان شوقه و لا بنحرم منها وجميله بعد ماينساه يوم دق يعتذر ... عليه على طول قال له تعال.. من غير مايقول شيء او يتعرض ... ...أول ماركب السيارة وحركها قال بأسف :شوق

شوق بصرخة: مابي اسمع صوتك

عصام سكر على أذونه :آه طبلة اذني الله يرحم امك

شوق بقهر:انكتم عصام

عصام : افاا انكتم مرة وحدة عيب عيب عليك تقولي لرجلك ولد عمك كذا

شوق بعصبيه : حرام انك رجلي ولد عمي بعد قليل مرجلة حطيت حيلك علي وماقدرت عليه ...

عصام بضيق: طيب ممكن ننسى والي صار نعتبرة حلم وحلم شين بعد ..وننساه للأبد ..

شوق بصدمه : اعتبرة حلم هالي صار كله و حلم خاف ربك
ي رجآل واستح والله عيب الي تقوله
عصام عارف ومقدر وضعها وزين سمعته هالكلام توقع أكثر قال وهو يحاول يلطف الجو:هدوء لو سمحتي وقولي لي وش رأيك نروح نتعشى ونطلب شوربة السي فوود

شوق بعصبيه قاطعته:بعد تبي تطلب لي هالشوربة لأنك تدري اني ماحبها ..صدق مافيك خير

عصام ضحك : اووه صح نسيت والله انك ماتحبيها خلاص ولا تزعلي أطلب لك اندومي...

شوق دورت شيء ترميه فيه ماحصلت رفعت الشنطه الي بيدها وبتهديد :والله بذي لو ماتسكت قال ايش اندومي أعطي شغالتكم

عصام بضحكه :كذابه لو تقولي ماتحبيه مين الي كان بشهرالعسل ..وقدامها كل مالذ وطاب وهي ودها باندومي آه بس مسويه ناسيه صرخ بسرعة يوم شافها رفعت الشنطه : خلاص خلاص بسكت ....

شوق
قهرها حيل تحسه...جاي ولا كأنه مسوي شيء طالعته وقالت بغصه: تذكر انك مطلقني عصام لاتسوي حالك انه مافيه شيء صار
عصام بندم:ليت لساني انقطع قبل ينطقها والله بغيت اقهر واذل أخوك مثل ماقهرني وحر قلبي في أختي مادريت انا الي بموت
بقهري يوم أفقدك شوق والله اني متحسف ونادمان حدي
شوق وهي تصيح : عصام اسكت خلاص
@
@
@
@

أول ماوصلوا الفندق فكت العباية وجلست على الكنبه بتعب ...
يوم شافت وليد دخل الغرفة ....ودها تدخل الغرفة وترمي حالها على السرير وتلحف تحس ببرد ذبحها بس ماتبي تحرجه ...تحسه ضايق ومتفشل عمي ماقصر فيه اليوم ...
بس الحمدلله روجوع شوق مصلحه لها ..وهي واثقه في أخوها ...بيجبر خاطرها ..تمددت على الكنبه يوم وليد طول ماطلع من الغرفة ....حست برجفه بجسمها ....آه الجوو بارد
أخذت عباتها وغطت جسمها ....

وليد أخذ شور .بارد وكاد يطفي الي بقلبه .
آه أبوه ذله حيل اليوم ..نزلت دموعه غصب عنه قهره حيل ..للمرة الثانية يصغرة قدامهم ويمد يده عليه
وبذات حرق قلبة دايماً يصغرة قدام زوجته غسل وجهه وطلع من الحمام الله يعز القارئ. ماشاف ريتآج قدامه طلع للصالة ... شاف ريتآج متمدده على الكبنه قرب منها وقال بضيق: روحي نامي داخل ماردت علية مد يده وحطها على كتفها بهمس :ريتاج عقد حواجبه يوم حس بحرارة جسمها
قرب بقلق: ريتآج وش تحسي فيه تعبانه شيء
ريتآج فتحت عينونها بتعب وهزت رأسها بلا
وليد جلس على ركبه قدامها : حرراتك مرتفعه حيل

ريتآج بتعب هسمت :أعطني مسكن تحصله بشطنتي وبشربة وان شاء الله أخف

وليد :يالله تعالي معي الغرفة

ريتاج جلست وهي تحاول تقوي نفسها هدتها بسرعة هالسخونه
وليد ساعدها توقف ومشى معاها لما الغرفة ....ساعدها تمددد وغطاها وناولها المسكن ....وجلس قريب من يقرا عليها ...فرح يوم شاف نفسها انتظم . وحرارتها نزلت زفر براحه ..الحمدلله خفت .. .قفل عيونه وهو مسند حاله على ظهر السرير كان يحس بصوتها مثل الحلم فتح عينه وهو مايدري أشلون نام قرب منها وهو يسمع صوت انينيها
خاف عليها حيل قال بهمس وهو يحط يده على جبهتها كانت مولعة همس لها : بسم الله عليك ريتآج .تسمعيني يالله لو فيك حيل قومي وبساعدك وبوديك المستشفى سخونتك رافضة تنزل

ريتآج
تحس بوجع غريب ذبحها حيل. ...حاولت تفتح عيونها
بس ماقدرت تسمعه يتكلم ... همست بتعب:مافيني والله حيل أقوم

وليد ابعد المفرش وساعدها تقوم ...ولبسها العباية : ي لله آلحين يعطونك مغذي وان شاءالله تتعافي
ريتآج تحركت وهي يالله قدرت تمشي معه .......
حسيت بقلق ...بعد آخر محادثة بينا لعاد دق ولعاد ارسل...
وبعد آخر ظهور له هذاك اليوم ...مسكت جوالي وطالعت رقمه بتردد ....ادق او لا .بس مافيني بموت من القلق على بعدي عن ..أسامه بس أبد رافضة.. عدم وجودة بحياتي ...عارفة حالتي غريبة بس مدري ليه أحس بأمان.. معه بعد والله أكثر من أخوي
يوم كنت في بيته ...سميت بالله ودقيت الرقم ...فرحت من قلب يوم رن ...وقف قلبي يوم سمعة بحة صوته : هلا

بلعت ريقي بتوتر : الوو

أسامه وهو باقي مصدوم تدق عليه لا لا كبيرة حيل لا يكون فيهم شي قال بقلق : فيك شي العيال فيهم شي

ريوف قفلت عيونها ماتدري ايش ترد عليه قوت نفسها وقالت بكذبه تافهه: بقولك عندك وصلة شاحن زيادة مخبيها لأني .قلبت غرفتك ماحصلت ... جوالي عيا يشحن وماعندي أحد يأخذلي انت وهجيت ومافي أحد موجود ...

اسامه سند ظهره على الكرسي وابتسم بخبث :أولاً حيا الله الي داقه على جوالي وثانياً وش جاب شاحن جوالك الجالكسي لشاحن جوالي الآيفون .. بالعقل ريوف ..

ريوف عضيت شفتي غبيه غبيه كشف كذبتي قلت بتوتر : اوك
نسيت يعني الواحد ماينسى
أسامه إبتسم على توتر صوتها ببتريقة : طيب بالله كيف حياتك بدوني شفتي أشلون ضايعة حتى سلك شاحن لجوالك ماحصلتي ..

ريوف بسرعة :ي زينها زيناه حياتي وبعدين خلاص لا يكبر رأسك علينا زود ..

أسامه ضحك بقوة : هههههه والله انك تكذبي وجالسة تحسبي بعد الشهر متى يكمل ...وارجع لكم ..

ريوف قفلت بوجهه ..ورميت الجوال بقهر ...غبيه وش الي خلاني أدق عليه هذا ابو سبع أرواح ...وبدون حس قلت بسم الله عليه الله يطول بعمرة ويخليه لي ولعيالي ...رجع دق رفضت أرد ...مابي اضعف ...وأقول الي بقلبي ...

....أرسل لي ((لا تردي على كيفك بس والله ي أتصالك غير مزاجي كله والله اني كنت بضيق مايعلم فيه غير الي خلقني
و يسعدك ي شيخه على انك ماعطيتني وجهه بس ماعليه العوض ولا القطيعه ))
طالعت كل حرف كتبه ...أسامه ليه تخليني اتعلق فيك وانت ماتستاهل. ...والله مافي حد خسران غيري آه ي قلبي ليه حبيت الي ذلك وعذبك وش ترتجي منه .من زود من العذاب ..بسرعة كتبت له وانا مابيه يستانس وينتصر علي بخبثه ((اي عوض لا ترتجي شيء ثاني ))
في ثواني جاني الرد ((مستبشر بالعوض لأني استاهل))
فتحت عيني بصدمه من رده تستاهل آه بس والله معاد أرسله
هذا قوي حيل وانا ماهو قده أبد ...
@@
@
@
@
@
@

في الديرة

طالعت عمتها صيته وهي منشغله في بنتها .تأكلها والبنت رافضه..شفقت عليها : ي عمه ارحميها خلاص ماتبي

صيته بقهر: دبلت تسبدي منها ماتبي تأكل شوفيها كيف معصقله

لطيفه : صدقيني يوم تحس بالجوع بتطلبه منك

صيته فكت بنتها وقالت بضيق: أقول يا الصقر وضع امي ماهو بعأجبني أبد ودي تجيب شيخ لها وكاد عين تعرفهن حريم ديرتنا الوحدة عينها والقبر

شهاب وهومشغول بشبة الحطب في المشب: ي عمه وش عين جدتي مريضة وكبر السن له دوره
لطيفه عين مرة وحدة ي عمه ..بس حسيتها زعلت من رد شهاب طالعته وقلت :طيب وش خسران جيب لها

شهاب رمى حطب زيادة بالمشب وهو متنرفز :الصبر يآرب

لطيفه مرة ماهو طايق شيء هاليومين مني معقول زعله شين كذا
طالعت عمتي صيته يوم وقفت وأخذت بنتها شكلها حيل زعلانه طالعت شهاب الي منشغل بالحيل بهالمشب له ساعة يحاول فيه يولع قلت :تبي قهوة اسوي لك على النار ماله داعي هالغلبه كلها

شهاب بجمود: مدام ماهو راعية كيف لا تهرجين وتقابلينه

لطيفه بلعت الطردة الغيرمباشرة ..قلت وانا مأخذة بخاطري منه :ازعل مني على كيفك بس عمتي صيته ماله ذنب تعصب عليها كذا

شهاب رفع حاجب :مين قالتس زعلان منتس وبعد متى عصبت على عمتي خلي شغل التبلي ذا عنتس

لطيفه فتحت عيني بصدمه : ايه مره واضح عليك انك ماهو
زعلان أقول والله ودك تحطني بدل هالحطب وتشب فيني

شهاب بجمود :على هاللسان الي ربي بلاتس فيها تستاهلي

لطيفه وقفت يوم شفت النار شبت وحط الدله :خليك من لساني آلحين ويالله ذوقني بقهوتك على بال ماجيب الحلى الي سويته
بسرعة رحت للمطبخ وطلعت صحن الحلى من الثلاجة. ..
وطلعت صحون ....وملاعق وطلعت وانا اوعد نفسي اني الليلة انهي كل شي يكدر علينا شهاب يستاهل من يدرو رضاه والله انه عطية لي من السماء ربي يخليه لي ...رجعت له طالعته .كان يناظر النار وهو باله بعيد ...قربت منه وجلست وحطيت الحلا : باقي قهوتك ماجهزت

شهاب ببرود من غير مايطالعها :مدي يدك وشوفيها بنفسك

لطيفه :لا مالي دخل هذي قهوتك وانت تصرف معاها

شهاب طالعها ورفع حاجب وميل فمه بسخرية وقرب شوي وطالعها :بدت تغلي ..

لطيفه :اوك على بال ماقطع الحلا يكون أجهزت
قطعته وأول مانزل الدله مديت له بصحن أخذه مني وحطه وأخذ الفنجان وبدا يتقهوى حسيت صده ذبحني والله طالعت الصحن عضيت شفتي بصبر وقلت بهمس :ماذقته
شهاب طالع الصحن ورجع طالعها : تسلمين مابيه
لطيفه :عشاني ذوقه

شهاب :مشكورة قلت لك مابي

لطيفه رفعت الملعقه بقطعة صغيرة :لو لي خاطر عندك ماتردني

شهاب قرب و أكلها من غير مايتكلم ...

لطيفه حطت الصحن وهي تناظره كيف رجع طنهشا وانشغل بجواله قالت بأسف: آسفه

شهاب رفع حاجب وطالعها : على وشهوو

لطيفه : على الي صار كله

شهاب عقد حواجبه :وش الي صار بالضبط

لطيفه زفرت بضيق :شهاب والله طبعي شين إذا غرت معاد اشوف قدامي ومعاد افكر بتصرفاتي

شهاب ميل فمه بسخرية : الي افهمه من كلامك يوم تغيري معاد تثمني الكلمه الي تقوليها

لطيفه : اي والله واخرب على عمري بعد دايم كذا وبعدها أندم
شهاب عض شفته بقهر :وش تقصدي انك تخرب على عمرتس
وبعد تندمين

لطيفه :أقصد اندم بعدين على الي قلته وسويته طول عمري كذآ

شهاب : ندمانه انتس غرتي على رجلك الأول وصار الطلاق وآلحين ماتبي هالشيء يصير معتس من ثاني

لطيفه انصدمت من تفكيرة ورده عليها آخر شيء توقعت يقول لها كذا لأنه ما عمرة جاب سيرة طليقها أبد وش الي طرا آلحين قلت بضيق : والله ماهو قصدي كذا وطليقي خلاص راح بخيرة وشرة وآلحين ماغيرك بحياتي والي قصدته اني زعلتك على شيء مظلوم فيه وسمعت كلام ام مفلح الله لا جابها من زيارة جت فيها يمنا ...

شهاب بجمود :مدام بتصدقي الي تسمعيه لطيفه ماراح نقدر نستمر وانا رجآل مافيني اتحمل ...ان حد يكذبني

لطيفه بأسف : طيب قلت لك آسفه ولا مالي خاطر عندك بعد

شهاب :خلاص قفلي هالسالفة ماتجيب غير وجع الرأس

لطيفه :والله ماقفلها اليوم إلا يوم ترضى علي وبنشب لك بعد

شهاب ابتسم : مدام فيها نشبه راضي خلاص
لطيفه بفرحة : ليت ماحد يرضى غيرك بعد

شهاب : وليت محد خذاك غيري

لطيفه انصدمت ايش فيه اليوم ..يلف ويدور ويرجع لنفس السالفة
شهاب شافها تطالعه بحيرة قال بصدق:ليتك من نصيبي من زمان وأكون انا الأول والأخير وإذا أنتي طبعك غيور انا وشهوو

لطيفه ابتسمت بحب:وانت الأول والأخير والله يعلم الي بقلبي لك

شهاب ابتسم واشر على الطبق :أعطيني هو

لطيفه بفرحة مدته له :يجعله هني وعافية ي بعد رأسي

شهاب بحب : آه ي بنت الخال والله انتس ماهو هينه جبتي رأس الصقر

لطيفه ابتسمت بحيا ...
شهاب :ابيك توعديني سيرة طليقتي وطل ..
لطيفه بسرعة قبل يكمل :توبه معاد أفتحها لطيفه لشهاب وشهاب للطيفه ..وبسس
@
@
@
@
@
@
في بيت ابو عصام
قالت بقهر: رائد حدي زعلانه منك

رائد بضيق : أسيل لاتزيدها علي وانا ماسويت كذآ إلا لمصلحتك ماراح تنسيه لو شفتيه وبعدين وش تشوفي كله قد كفي
هم مغطينه ودفناه على طول ....

أسيل بغصه: أخذت له أغراض واجد

رائد بحزن :ربي ماكتب له يعيش وربي يرزقنا ويعوضنا ان شاءالله أمشي آلحين معي والله ضايق لحالي بالشقه

أسيل :رائد باقي تعبانه بجلس شوي عند أمي على الأقل أسبوع زيادة

رائد : اوك بس أسبوع ياويلك ترجعي بكلامك رودي بيبي
بس أسبوع ثاني قالها وهو يقلد طريقة كلامها شاف ابتسامتها فرح من قلب انه غير مودها شوي ....

أسيل :ان شاءالله
@
@
@
@
@

وليد جلس على الكنبه بتعب : خويي يقول عند ابوه عمارة جديدة وفيها شقتين فاضية باقي ويبينا .. نروح نشوفها وان شاء الله تعجبك

ريتآج بفرحة :خلينا آلحين نروح ...بشوفها حدي متشوقه

وليد : لا باقي تعبانه خليها يومين ونروح نشوفها ان شاءالله ..

ريتآج وقفت وجلست على نفس الكنبه تكذب لو تقول قصر معاها مخليها على راحتها وقف جنبها بتعبها ..ولا فرض حالة عليها أبد .وموافقته لنقلهم لبيت لحالهم هذا أكبر شيء سواه لها .تحسه فعلاً يدور رضاها ...قالت بتردد: وليد مشكور توقعت ترفض فكرة البيت بالمرة

وليد: وشلون أرفض هذا حقك تبي تأخذي راحتك
بس لو قلبك القاسي يلين شوي بنكون مرتاحين أكثر

ريتآج ابتسمت له : مين قالك انه يقدر يقسى عليك أنت بذات

وليد حس بقلبه يدق بفرحة ماهو مصدق بس ترددد يبين فرحته يخاف تكسر خاطرة مثل قبل ....
.ريتآج شافته ساكت ابد ماتكلم حست بندم :وليد لا يكون رجعنا لحركات النذاله لا تخليني اندم

وليد بسرعة :وش تندمي ي شيخه مصدوم حدي آه مابغينا
بس كنت خايف اطب على وجهي مثل هذاك اليوم قلت خليني اثقل شوي ... آه يا قلبي انكسر وقتها مسك يدها وبهمس ريتآج نجي ننسى الماضي كله ونبدأ من جديد

ريتآج تحس قلبها يدق بسرعة ياناس تحبه حيل همست بخجل :نسيته من وقت مارجعت لك ي أجمل شيء حصل لي

وليد رفع يده وقال:عيدي وش قلتي تكفين

ريتآج بضحكه :لايكون سببت لك فوبيا كسرة قلبك هذاك اليوم ابد ماهي سهلة شكلها كانت قوية عليك الصدمه لدرجة صرت ماتصدق من أول شيء هههههههه

وليد عض شفته:آه يومها جلست ليلتي اطفي الشمع وانا مغبون

ريتآج بضحكه : مافي أحد قالك كثر بهاالشمع والله إني أخذت همها أشلون بتطفي بس خليت لك المهمه قلت ماعليه تتسلى عليها هههههههه

وليد بتملك مسك يدها:ريتآج للحين ماهو مصدق
ريتآج ابتسمت بخجل :خلاص وليد لا تحرجني كذا ويالله قوم ودني بشوف شقتي .
...وليد بضحكه :بعد صارت شقتك خلاص

ريتآج بفرحة ودها تقول الي بقلبها كله له بس خجلانه حيل منه : ايه شقتي وبتكون مملكتي بعد

وليد مد يده بحب :يالله ي نظر عيني .....
@
@
@
@
@
@
@
في شقة سآمي

صرخت بفرحة وهي تشوف بنتها الي توها تبدا تمشي
: سامي تعال بسرعة قبل توقف ....بسرعة ركضت للغرفة تناديه ..بسرعة شوف غرام بدت تمشي يالله فرحانه حيل شكلها يجنننن بسم الله على بنتي من عيني اليوم .. ...

سامي طلع من غرفة النوم ..وقرب بفرحه وهو يطالع غرام الي وقفت بخوف على الكنبه : يالله بابا خليني أشوفك بس غرام
رفضت سامي كشر العناد هذا وراثه
غلا جلست على الكنبه وأخذت صحن الحب قالت ببرود وهي تفصفص: في هذي صادق الوراثة لاعبة دورها حيل مرة طبق الأصل منك وليت في شيء زين إلا مأخذك طبعك الشين كله والله يعيني عليكم بس ويصبرني

سآمي رفع يده وعضها من قهره : يعينك ويصبرك علينا آه ودي أعرف طريقة تخيلك تبعدي هالثقة بنفسك كلامك بس انتي خلاص حالتك صعبة مافي شيء ينفع جربت كل الطرق ...

غلا ابتسمت بخبث : تموت فيني وهذا طبعي أشلون لو صرت مثل ماتبي والله لتنقز من فرحتك

سآمي الخايسة كاشفته وعارفة بحبه لها سحب صحن الحب من يدها وتمددد على الكبنه : ليت يركبك عفريت وتعرفي النقز وقتها ....

غلا بصدمه :بسم الله علي وش الحكي سآمي

سآمي بطفش : وش رأيك نطلع نتمشى ...

غلا : ليت والله ....اممم إلا بدرية اختفت بالمرة مع شايبها كل مادق عليها تقول مشغوله حدها مع بناته الصغار ودي اسافر لها وأخذ مرة وحدة عمرة

سآمي :خلي بكرة بس أشوف المحامي وايش الجديد بقضية
أبوي ونسافر ومرة وحدة اخطب من بنات رجلها ..

غلا بقهر رمته بالريموت : قلنا نأخذ عمرة ماهو نخطب لك

سآمي مسك على صدرة بألم :تقولين عني العربجي والله ماغيرك غلا : حبيبي من عاشر القوم

سآمي جلس وهو باقي ماسك على صدرة طالع غرام وده ابو يشوفها

غلا طالعته حسيت باله بعيد وبعد ماسك مكان الضربه عقدت
حواجبي: تألمك شيء والله ماتوقعتها قويه

سآمي زفر بضيق: آه ي غلا حدي خايف من المحامي لا يقطع آخر أمل عندي

غلا حزنت عليه ابد ماتوقعت نفسي مكانه صعب صعب تجلس تنتظر مصير شخص تحبه لأول مرة اتعاطف معه : ماعندك غير الدعاء وربك كريم قادر يفرج همكم ...ويالله خلنا نطلع .والله حدي طفشانة ....

سآمي وقف : يالله

غلا تجهزت بسرعة وجهزت بنتي ..وطلعنا ..وصلنا المطعم
طالعتة تذكرت. ...هذا جابني فيه وانا عروس ...نزلت معه وانا
ساكته ...أول ماحجز طاولة وجلسنا
طالعت المكان وقلت : تذكر

سآمي ببرود : وشهوو

غلا :أذكر يومها جينا لهنا ...وطلبت أكل كثير ورفضت آه حقدت يومها عليك من قلب

سآمي عض شفته بقهر :حرام عليك والله اني ماقصرت و كان باقي شوي وتطلبي مفطح

غلا صغرت عيونها: مطفح ي الظالم ماغير طلبت طبق سلطة وطبق مكرونة

سآمي كمل عنها :ايوه وطبق محشي وطبق شوربة وطبق ورق عنب وطبق مشاوي

غلا قاطعتها: هييي وش ذا التبلي وليت بعد جبته يومها عشيتني مندي

سآمي :وآلحين بعد بعشيك مندي

غلا وهي معترضة:لا لا تكفى والله دبلت كبدي به وبعدين غرام ماتحب الرز يرضيك بنتك تروح جيعانه
سآمي ابتسم : آلحين هالنتفه وش فهمها بالرز قولي انتي الي ماتبيه وبس وهذي خليها في شغلتها بهالمفرش

غلا وهي تتمسكن :وش اسوي صرت اتعذر في بنتي عشان تجيب لي الشي الي ابيه يالله زمان آه كان طيارة بس أبد بأول حرف يآربي الكلمه ماكلمها إلا الشي عندي

سآمي صغر عيونه : مارد وانامدري

غلا بضحكه :.:ايه بس خلاص تغير كل شيء

سآمي : .على الظلم الي معيشك فيه معقوله متحمله كل ذا ..

غلا ابتسمت بحب له : ايه بتحمل قربت نفسها شوي وبهمس سآمي مدري أشلون اقولها لك بس والله انك كل حياتي

سآمي انصدم ماتوقع ردها بيكون كذا حس بفرحة تغمر قلبه
بس خاف تلعب عليه وتتمسخر عليه مثل كل مرة قال بتوتر: أبد ماهو لايق عليك هالجوو

غلا نزلت دموعها:ليه مو لايق علي حرام عليك سامي تصدني كذا ماتعبت من حياتنا ودي أعيش معك بسلام

سآمي فتح عينه بصدمه وبعد تصيح لا لا والله انه مقلب منها يعرف حركاتها قال بقهر:أقول خلي شغل التمثيل ذا عنك
محدن عارفك مثلي انتي يالله تحبي نفسك ....

غلا مدت يدها ومسكت يده:ليه ماتبي تصدقني

سامي سحب يده بقهر : لأني عارفك زين آلحين ماعندك أحد ولا عندك مكان تروحي له قلتي خليني اطيح حب فيه وهو يصدق الغبي ..

غلا نزلت دموعها ...توقعت يوم تعترف له ..مايصدها كذا توقعت يفرح ويسوي حركاته الاستهبال المعتادة يوم يفرح
قالت بغصه: قصدك اني حبيتك مصلحة

سآمي هز رأسه : هذي الحقيقة غلا لا نكذب على بعضنا
وبعدين وش لك تحبي وأحد طلعك من زمان من قلبه
غلا انا متحملك عشان مالك أحد وحياتي بشوفها مع غيرك ولك بيتك وبنتك هذا الي عندي لك

غلا بغيض منه جالس يجرحها ويقهرها بالثانية:تكذب والله اني بقلبك غصب عنك .ودايم تغيضني بالثانية بس مستحيل تجيبها تدري ليه لأني مأخذه قلبك كله ولا تحاول تقهرني ماراح ينفع

سآمي معقول لهاالدرجه مفضوح قدامها ضحك بتوتر :ههههه الله المستعان يالله ي بنت الناس قولي وش تبي تأكلي وراي استراحه الشباب ينتظروني

غلا ماقدرت تصبر.. نزلت رأسها على الطاولة وصاحت بقهر
وجع

سآمي انصدم عض شفته خايف يسمعونهم الي بالطاولة الي جنبهم قال بحده :غلا تذكري حنا وين بس رفضت تسكت ماغير زاد صياحها وقف وسحب الكرسي.. وجلس جنبها وطالع بنته الي مشغوله بمفرش الطاولة من وقت ماوصلوا... مد يده وحاول يرفع رأسها ...رفضت ...قرب منها وهمس :غلا خلاص لا تفضحينا تكفين

غلا رفعت رأسها وطالعته وعيونها كلها دموع :ليه كذا كسرت قلبي سوي فيني الي تبي بس لا تقول مالي مكانه عندك وطلعتني من قلبك سآمي انا..اشوفك كل شيء آلحين مسكت يده تكفى لا تصد حبي لك وتوجعني أكثر...

سآمي شاف الصدق بعيونها ماقدر يقسي قلبه زود عليها دموعها تذبحه حيل :مجنون لو اصده وانا يالله نلته .وسكت يوم رجعت نزلت رأسها تصيح ...أقوى من قبل ..

سآمي فتح عينه بصدمه ومد يده ورجع رفع رأسها :آلحين وش قلت يخليك ترجعي تصيحي

غلا :من فرحتي آلحين اصيح شافته يناظرها وهو مبتسم مسحت دموعها تكفى لا تطلب مندي اطلب شيء غيره

سآمي فتح عينه بصدمه وبعدها فكها ضحك:هههههههه بعدك
تفكري بالمندي لا يكون هالصياح كله عشان ماتبي مندي ...

غلا هزت رأسها وهي تضحك ورفعت يدها بتهديد لو تقول مالي مكانه بقلبك ..والله لااسويك مندي وتعرف كيف وقتها ...والثانية ذي بعد لو اسمع سيرتها أطلع جنوني كله عليك

سآمي بستفزاز: الثانيه جايه جايه الله لايعوق بشر

غلا بثقه ابتسمت :قلت لك ماتقدر والسببب عآرفه زين

سآمي عض شفته وقف وحمل بنته :اخخخ لهاالدرجه واثقة

غلا : لوين

سآمي :بروح أطلب

غلا عفست وجهاا ورفعت المنيو: وهذا وش فايدته

سآمي :ذا خليه لك اجلسي قلبي فيه مثل العادة

غلا: سامي مووقت نذالتك مندي مابي ولا رجعت فكيتها صياح من جديد وشوف كيف تقدر تسكتني ....

سآمي رفع بنته لفوق وهو يضحك بنذاله : قولي لماما مع نفسك ...

بعد شهر
::
::
نزلت من الدرج ...وانا مقفله عين وفاتحه عين ...
آه ماشيكت على الزمزميه قبل انام ...دخلت المطبخ وغليت مويا ...وسكبته بالزمزمية ... وانا ادعي يرجعن يناموا أبد ماهو وقتهم حدي تعبانه ...بس سمعت صوت مشيه بالصالة وبعد الباب تففل ..وقفت بمكاني خايفة ومرعوبة تخبيت ورا باب المطبخ ...لايكون حد طب علينا ...بسرعة بشرد لعيالي بس اشلون بقدر اطلع وهو قدامي بالصالة طالعت الزمزميه بيدي ايه برمي ذي على وجهه لو تعرض لي ....تقدمت وانا ادعي الله اوصل لعيالي ...هذا الي يهمني آلحين ...بس وقفت يوم خطواته قربت للمطبخ أول ماشفت خيالة قرب حيل بسرعة تقدمت شوي وانا ارجف وقلبي يدق بسرعة تمنيت أسامه بهاللحظه بس لازم اتصرف ولا بروح فيها اول ماشفت انه قرب حيل كبيت المويا عليه بسرعة عشان يمديني اطلع لعيالي بس يوم سمعت صرخته الي كلها الم انصدمت من الصوت .

أسامه بألم مسك كتفه و صرخ مفزوع من قوة الشي الحار لي جاها فجأة ...طالعها وهي واقفه تناظره عض شفته بألم : ليه يا ريوف

طالعتة مصدومه : اسامه هذا أنت وقربت منه وانا مفزوعة
من كتفه الي ينفضه بألم هزيت رأسي بلااااا

أسامه مصدوم ... أبد ماتوقع توصل فيها لكذا ...انها تحرقة ..مرسل لها من ساعة انه بيوصل ...توقع استقبال غير كذا أبد ماتوقع يجي في بالها تحرقة بهالطريقة يحس كتفه يالمه كامل وكم ثوبة بعد يحسه لازق فيه ويحرقه زود ...قفل عيونه
بألم: انتقمي بس ماهو بالحرق ي ريوف مايحرق بالنار إلا رب النار ..

ريوف هزت رأسها وهي باقي مصدومه ان الي دخل عليها أسامه ماهو حرامي مثل ماتفكر :والله مافتكرت انت والله توقعت حرامي هذا الي جاا في بالي ...يوم سمعت صوت مشي بالصالة
على طول تخبيت يوم دخلت المطبخ معاد قدرت اتصرف إلا بهالطريقة أبد ماتوقعتك انت ....كانت تقول كلام ملخبط وهي باقي مصدومه تبييه يصدقها ....

اسامه بالم قاطعها :خلاص ريوف حاول يفسخ الثوب وهو يتألم بس ماقدر يحس الثوب علق فيه ...جسمه انزلخ هز رأسه وهو يتالم نار ي ريوف نار الله يسامحك بس ....

ريوف دموعها نزلت :والله العظيم ماهو قاصدتها أبد
وافتكرتك حرامي ليه مو راضي تصدق ..

أسامه بصرخة وهو يتألم :خلاص اسكتي ...وبعدين يعني ماراح يطب حرامي إلا يوم كلمتك على الواتس اني بالطريق
ريوف :والله مافتحت رسالتك ولا شفتها أبد كنت نايمه وشوف بعد عندك آخر ظهور لي ...

أسامه سمع صوت العيال يصيحوون : روحي لعيالك وخليني بحالي اشوف لي دبرة اشلون بفسخ هالثوب ...بدأ يحاول قفل عيونه بألم آه ماقدر كم الثوب عالق بجلدة

ريوف وهي ترجف ومتوترة ماتخيلت كذا يصير قالت بحزن عليه وهي تشوف وجهه كيف يتألم بس يكابر: طيب خلني اساعدك

أسامه هز رأسه بلاااا وهو يبيها تبعد عنه بذات هالوقت أبد مو متحمل ... وجودها جنبه مأخذ بخاطره حيل منها أبد ماتوقع يوصل بها الحقد لكذا ...رفع يده وبحده :روحي ريوف وانا بدبر عمري

ريوف هزت رأسه بلاااا وهي تطالع كم الثوب كيف لازق بكتفه : ماراح اخليك مدت يدها وهي تحاول تساعدة

أسامه دف يدها بيده السليمة وهو معصب :قلت لك ابعدي

ريوف ابتعدت شوي وجلست تطالعه وهو يحاول يفسخ الثوب
دموعها نزلت غصب عنها يوم شافت أشلون. ..الثوب لازق
بالحرق صرخت بخوف يوم سحبه بقوه:آآآآآآه سبحت الجلد معه
ليتك خليتني اسأعدك

أسامه قفل عيونه بألم يحس الدينا سودة بوجهة حرقه ماهو بسيط
مد يده السليمة ووطلع جواله فكر يدق على رائد يوديه المستشفى بس هون الوقت متأخر حيل ....وقف بيروح للصدليه القريبه من البيت وبيعطونه مسكن ...يخفف عنه

ريوف أول ماوقف قالت : وين رايح

أسامه بضيق: بروح البس شيء وبروح للصدليه ليتني صبرت ومافسخت ثوبي ...

ريوف : احسن شيء وان شاء الله يعطيك مهدي آلحين شافته صاد عنها عضت شفتها ودموعها تنزل على خدها والله موقصدي ولا ادري بجيتك أبد شوف بعد آخر ظهرو لي متى كان

اسامه رجع جلس وهو ندمان انه فسخ ثوبه ليته خلاه عليه : روحي جيبي لي ثوب ..

ريوف بصدمه :أشلون بترجع تلبس بتعب

اسامه بحده: وعادي كذا اروح بالله يآرب الصبرالعقل الي برأسك
ريوف رحت لغرفتة وأخذت ثوب له ورجعت له : عندي لك فكرة قص الكم عشان مايرجع يلزق

..أسامه بقهر : بعد تعطي أفكار على جريمتك أخذ منها الثوب
وقدر يلبسه بس حرقه يوم جاا على الحرق طلع بسرعة وهو يحاول يتصبر ألم فضيع ...ذبحة .....ان شاءالله يقدر يسوق بيد وحدة ...

ريوف
أول مطلع انهارت تصيح. ...كل ماتذكر صرخته تحس قلبها يتقطع ...هي ماتقدر تأذي نملة مابالك آدمي. ..والي قاهرها زود انه مصدق انها قاصدة ..تذكرت عيالها طلعت لهم ...
وجلست على السرير. ...وهي تسوي لهم رضعة ...أعطتهم
وقفت تمشي بالغرفة تحس بقلق ....عليه. ...أخذت جوالها ودقت علية مارد عليها .....فتحت الواتس عشان تشوف رسالته ...الي يقول عنها فعلاً أرسل لها ...قبل يوصل بنص ساعة ....عضت شفتها بقهر ليتها مافتحت الواتس عشان يشوف آخر ظهور لها قبل يرسل اخخخ آلحين ماراح يصدقها أبد.افف دايماً تصرفاتها غبيه ..وماغير تزيد عليها الهم .. ..رمت الجوال بقهر ...
حست بضيق ذبحها راحت توضت وفرشت السجادة وصلت لها ركعتين تدعي الله فيهم وتستغفر تحس بذنب ليتها تأكدت بس والله الخوف كان لاعب بحسبتها ....

: ايه اطلبي من ربنا يغفر لك تسببتي بحرقة إنسان والذنب عذابه كبير
انصدمت منه كيف دخل ماحست علية وقفت وهي تشوف كتفه كامل عليه ضماد ...قالت بصدق: ربي عالم ي اسامه بس هذا انت دايم ماتصدقني ...

أسامه قرب من عياله ..وسلم عليهم وطلع من غير مايرد عليها ..

ريوف
رفعت السجادة وابعدت الجلال عن رأسي. . وجلست على السرير محتارة ....وش تسوي
طالعت عيالها. ..الله يسامحكم عشانكم نزلت وصار الي صار .. وقفت ورحت لغرفتة ...سميت بالله وحطيت يدي على مقبض الباب وانا مترددة ومتوترة وحالتي حالة أخذت نفس عميق ودخلت ...
شفته نايم على جنبه ومعطي الباب ظهره ....تحركت يمه وانا اقدم خطوة وارجع خطوة خايفة من ردة فعلة ....اتهامه لي فضيع أحسه يبي يثبت اني الي حرقته. .بالقوة ...قلت بهمس وانا مبعده عني شوي مجنونه لو أقرب أكثر من كذآ : آيش قالوا لك بالمستشفى

اسامه وهو مقفل عيونه :يهمك آلحين

ريوف عضت شفتها : والله دقيت عليك بس انت مارديت أبي أطمن
أسامه فتح عيونه وطالعها بسخرية : تطمني جريمتك جت خفيفة وربي سترها معي الحمدلله ماجت في مكان خطير ...

ريوف صعب تجلس تبرر له أكثر من كذآ : يكفي ربي عالم بنيتي تصبح على خير
اسامه بسرعة اعتدل بنومته وقال :ريوف

ريوف وقفت ولفت له من غير ماتتكلم

أسامه : تعالي

ريوف استغربت من شوي ماهو طايقها والحين يقول لها تعالي
قربت منه : آيش اساعدك فيه

أسامه اشر لها تجلس ..
ريوف جلست وهي تطالعة

أسامه : بحاول اصدقك انك ماهو قاصدة

ريوف قاطعته بقهر : لا تحاول تصدقني ولوفعلاً قصدته تراه مايجي شيء بحرقة قلبي الي حرقتها ي اسامه

أسامه هذا الي مايبيه وده يحلمها الذنب عشان تشفق عليه ..
بس لا قلبت السالفة عليه : وآلحين يقال تأحذي حقك يعني بهالطريقة إلا أبد بعيدة عن الإنسانية. .
ريوف وقف بقهر :ليت عندي الجراءه واحرقك صدق ماهو حرق بسيط مثل كذآوتعرف وقتها أشلون يكون الإنتقام

أسامه عض شفته بقهر الألم الي حس فيه وتقول بسيط : حرام عليك كل ذا وبسيط ....بعصييه صرخ انتي ماراح ترتاحي إلا يوم أموت هذاك الوقت قلبك يطفي حقدة
ريوف أعطته ظهرها وهي ندمانه انها جت لغرفتة ...مايستاهل الي يشفق عليه ماغير يصارخ عليها ومايحترمها أبد .....

@
@
@
@
@
@
@
@
شقة سآمي
::
::

فزيت واقفه مفزوعة من دخلة سامي ...وهومنهار
قربت منه ...بس رفع يده يمنعني أوصل له ...وبسرعة دخل للمجلس وقفل على نفسه...بالمفتاح. ..قربت من الباب
وقلت بصوت كله قلق: سآمي وش فيه
ماسمعت منه اي رد غير صوت صياحة الي قطع قلبي ...
حسيت بخوف لايكون بدرية فيها شيء مدري ليه جت في بالي على طول : سآمي بدرية فيها شيء قول الله يخليك لا تخوفني كذا
مادر علي أبد. ..حسيت بتوتر أكثر. ...جلست ادق الباب عندي أمل وكاد يفتح....بس رفض يرد او يفتح ...انسحبت للصالة
وانا حدي خايفة..ومية فكرة جت برأسي. ..اوب اوب تذكرت اللحين أمس قايل عند أبوه جلسة بالمحكمه ...يالله أكيد الحكم الأخير قصاص اي والله ...هذا الي شكله صار ...مارتحت اشوفه كذا واسكت رجعت دقيت الباب ...بس نفس الحكاية لارد ولا فتح ماغير صوت صياحه ...يالله يوجع حيل ...والله أكره ماعلي اشوف رجآل يصيح ....صدق صدق تحسي وصل لحده من الغبن وقهر الرجآل . ..تخيلت نفسي مكانه ابوي يقصونه والله صعب موقفه ...آه ليت الواحد يفكر بأهله وعياله قبل يسوي شيء يخليهم يحزنون بهالطريقة قلت بمحاولة أخيرة

:سآمي تصبر مهما كان والله حاسة فيك وابوك ربك كريم قادر يحلها عشان خاطري افتح الله يخليك ...بس سكت يوم سمعت صرخته الي فزعتني
: غلا ابعدي عني مابي اشوف شماتك علي وعلى ابوي يكفي الي فيني ..

فتحت عيني بصدمه. ..اي شماته آلحين. ...بالله مجنون لو يفكر اني بشمت به آلحين وبذات بهالحزة مايدري ....ان قلبي متقطع على حالة قلت بصدق: والله انك ظلمتني تكفى افتح عشان خاطر أمك الله يرحمها ...فرحت يوم شفته فتح الباب ويناظرني بنظرة
قطعت قلبي قربت منه على طول ومسكت فيه وقلت بصدق: والله اني حاسة فيك والله ان دموعك تذبحني وتوجعني حيل

سآمي جلس على الأرض منهار : غلاااا أبوي بينفدوء حكم القصاص فيه المحامي قال قضيته صعبه والقاضي حكم خلاص آه ي غلا مافيني اتحمل اشوفه وهم آه مافيه يكمل شق وهو يصيح والله ودي اموت ولا اشوفه بهالمنظر ونزل راسه يصيح بحرقة

غلا جلست معه ورفعت رأسة وانا اصيح معه غصب عني :ي قلبي ربي يصبرك وتكفى عشاني وعشان بنتك بس تصبر
والله مافيني اشوفك كذا سآمي لا تخوفني عليك...

سآمي رفع رأسه وطالعها وهي تصيح توقع رد فعل ثانية منها قال بغصه توجع : غلا عارفة ايش يقصون ابوك آه ي غلا مابيدي شي بعت الأول والأخير بس آه مانفع شي
معاد فيني ازوره وش أقوله وين وعدي له إني بساعده

غلا مسكت وجهه بيدي وقلت بحنان :سآمي لا تحمل نفسك فوق طاقتك سويت الي قدرت عليه وبعد زود وأحترم فيك هالشيء حيل وكبرك بنظري واثبت لي انك رجآل وآلحين خلك قد الشدايد هذا ابتلاء ولازم نصبر ...
وآلحين قوم عشاني غسل وجهك وريح شوي والي ربي كاتبه يصير ....
سآمي عض شفته وبغصه تذبح : ليت يوم يقص.... وسكت مايقدر يكلمها ..مايكون عندي خبر لأنه وقتها مستحيل اتحمل
..وسكت دموعه انزلت بحرقة ..مافية يتخيل بعد .هالموقف يصير لأبوه صعب حيل. .....

غلا ماقدرت عاد اقوي نفسه زود غصب عني صحت منهارة من كلامه اوجعني حيل بس قويت حالي يوم زاد بصياحه ....حطيت يدي على رأسة ورفعته : ربك كريم ورحيم قوم صل
لك ركعتين واقرأ لك قرآن صدقني بعدها بترتاح ان شاءالله

سآمي طالعها وهو عاض على شفته هز رأسه وهو يحاول يقدر يمسك نفسة ...اليوم كل شيء تسكر بوجهه ...
@
@
@
@
@
@
@
@

في الدمام
قال بقهر :والنهاية شوق لمتى وحالك كذآ معي

شوق طالعتة بقهر : ي رجآل استح على وجهك شوي لك عين تسأل بعد

عصام تنهد بتعب طفش منها ومن عنادها عايشة معه جماد
أبد ماهو متعود على كذآ: أدري بنفسي غلطان وبقوة بعد
بس وش اسوي خلاص شيء صار وانتهى

شوق بسخرية : ها شوف الحمدلله قلتها بنفسك شي و انتهي وانا معتبرتك منتهي من حياتي للأبد ....

عصام بضيق : افاا ي شوقي هذا ردك

شوق صرخت بقهر : وش منتظر رد بالله غيره رفعت يدها واشرت للباب اطلع من غرفتي قبل اذبحك ..

عصام بعناد :والله اليوم ماطلع لما ترضي والي فيها فيها
وتربع قدامها وهذي جلسة اشوف ي بنت أبوك وش يطلع منك

شوق طالعت حركاته وهي مصدومه من ثقته بنفسه ميلت فمها بستهزاء وهي تأشر للباب :بعد ماتنتهي تفاهتك أعطني عرض كتافك وأخذت جوالها

عصام سحب جوالها بقوه .. ...

شوق بعصبيه : عصام وبعدين يعني هاتي جوالي البنت تسولف مع الواتس ..

عصام رفع الجوال بستفزار : تبيه قولي مسامحتك
وبعد اعتذري مني تراك غلطانه علي بعد

شوق فتحت عينها بصدمه لا لا زودها حيل :أعتذر منك بعد

عصام هز رأسه : ايه تعتذري مني وبعد اعتذري بالنيابه عن أخوك وابوك تراهم بعد ما قصروا فيني

شوق بحسرة:أبوي آه من أبوي هوو الي ردني لك ذليله والله ماستاهل بس قالتها ريتآج بختا مايل وماراح يعتدل مدام انتم رجالنا. ...

عصام عض شفته بندم : والله ي شوق ندمان حدي تكفين لا تخربي حياتنا بسبب تهور مني شافها صاده عنه ويحس فعلاً كرهته ولا طايقتة أبد وقف وقال استاهل الي جاني ومن حقك تكرهيني فعلاً طلعت الرجآل الي خيب كل ظنونك وماينجبر قلب على قلب ولك مطلبك بس تأكدي اني ابيك بس مثل ماقلت إلا الغصيبه ولك الي تبي يالله تجهزي وبردك للرياض
وهالمرة عمي مايقدر يسوي لك شيء اوعدك ....

شوق ناظرته مصدومه غبي ذا وش ماينجبر قلب على قلب ..
هي زعلانه منه صح ...وفعلاً زودتها حيل طول هالشهر وهي بردت قلبها فيه سمعته شيء يستاهلة وزود بعد بس اذبحه لو يكمل وقفت وبقهر : هييي تبي الفكة انت . قال آيش ارجعك الرياض والله مالك فكه مني وهنا بجلس لك وهي تأشر على بلعومها ...
عصام عآرف انها بتطخ يعرفها ماينفع فيها إلا التهديد قال بثقل : خلاص ماينجبر قلب على قلب ي بنت العم ..

شوق بقهر ضربته على صدره:قلبوا رأسك ان شاءالله

عصام صغر عيونه بقهر: بعد تدعي علي وتبيني اخليها أمشي قدامي لبيت أبوك

شوق : تستاهل اذبحك بعد ....وبيت أبوي لو فيك خير رجعني له يكفي مدة الخطبة الي قضيت نص عمري وانا انتظر حضرتك وفي النهاية ارجع خايبة ......

عصام ماقدر يمسك نفسه فكها ضحك : هههههه وش ذا العنف والله بشكيك صراحة لحقوق الإنسان

شوق : اخخ والله مفروض انا وريتاج نروح نشكيكم لحقوق الإنسان من الاضطهاد الي معيشنا فيه...انت ولد عمك

عصام بستهبال :عادي نروح جيمع وان شاء الله حنا المنتصرين انا ولد عمي ....

شوق بغصه تذكرت وليد : خليت فيها ولد عمي ي عصام كنت بتذبحه الله يسامحك والله وليد يغليك

عصام بندم : ساعة شيطان وراحت بحالها وان شاء الله يرجع كل شيء مثل ماهو آلحين أخت وليد الي مفروض تكون راضيه
عنا بس ي شيخه والله فيني قهر كل مادقيت على ريتآج تقهرني وهي تمدح بوليد واشلون سعيدة معه وحنا الي مالنا ذنب بالسالفة حالنا مايسر أبد

شوق بشماته : تستاهل عشان تخلي شعل اللقافة الي مالها داعي يقال تردها له مالت بس ...

عصام بطفش :والنهاية طيب لوين بنوصل ...

شوق ابتسمت له طفشت حتى هي من النكد ..مر عليها هالشهر كأنه سنه شافته يناظرها بأبتسامه عبيطة رفعت يدها بتهديد عودها بس والله ياويلك ....
عصام بفرحه : ليه مجنون

شوق بقهر :والله لو شفت وليد بس مسوي شيء في أختك طحت فيني عارفتك دايم انتقامك غبي

عصام : توبه لو يعلقها هالمرة مالي دخل ...بعد قهرها لي ...تخيلي تقولي لعاد تفزع ....ولعاد تحشر حالك ...

شوق بضحكه :وهي صادقة .
....
عصام مد يده لها وبهمس : قدرك غالي عندي حيل ومستحيل اعيدها وريتاج ربي يسعدها مع وليد ...

شوق بهمس: اوعدني عصام مالنا دخل بحياتهم مافيني عاد والله
انجرح بدون سبب وذنب

عصام بهمس : اوعدك .....

بعد مرور سنه على ابطالنا ...
::
::

غلا
الحمدلله يآرب سآمي قدر يطلع من الي هو فيه ..والله ماتوقعت يطلع من الي صار عليه ...تعبت نفسيته حيل ..مانسى يوم رفض يطلع لأخوياه بعد ماأبوه تنفذ فيه حكم القصاص قبل ثلاثة أشهر كان .منهار حده ...بس الحمدلله ..زوج أسيل وخويه الثاني عبدالرحمن. .. قدروا يطلعونه من الي هو فيه ...لأني انا عجزت ...وانا اهدي فيه ...آه الله لا يعيد هذاك اليوم ..ولا بدرية بعد ..توقعت تكون أعقل من أخوها وتكون صابرة ..مثل يوم موت أمها بس لا كانت مرة منهارة .و حالتها صعبه حيل ...وضعهم موجع حيل .....الله لايحط احد مكانهم ....
...بس الحمدلله آلحين نفسيته ازين ماتخيل حياتي بدونه سامي صار كل شي بحياتي ...ماتوقعت بحبه هالكثر قربت منه وأخذت غرام من حضنه صحي على طول قلت بأبتسامه :افف على طول تصحى يوم أخذها منك ولدوامك تقهرني بالعافية تقوم

سآمي ابتسم وهو مقفل عيونه : هذي حبيبة أبوها

غلا : تصدق صايرة أغار منها حيل احسها مأخذها حقها وزود منك وانا لي الله

سآمي فتح عينه وطالعها : حقك انتي تنازلتي عنه وأخذته الي
تستاهله

غلا : مافي أحد يستاهله غيري
وحقي بأخذه من هالدلوعة ومنك كله ....

سآمي يحبها موت ...ماتوقع بتوقف معه ...طلعته من الي هوو فيه ...قال بصدق:الله لا يحرمني منك ولا منها انتم سعادتي بهالدنيا ومالي غيركم

غلا سآمي كل شيء بحياتها : وحنا بعد مالنا غيرك بعد الله
وبقدوم وافي ان شاءالله تسعد زود ....

سآمي طالعها بفرحة: حامل

غلا هزت رأسها : ايه كنت شاكه بس آلحين تأكدت والله يتممه ان شاءالله ويكسر رأس هالدلوعة وأخذ حقي منها .

سآمي ضم غرام :هذي حبيبة أبوها محدن يجي بغلاها لا انتي ولا ولدك ...يالله هناك ...قال آيش يكسر رأس الحب

غلا صغرت عيونها وقفت : قدها انا ولدي بنتصر عليكم أنت وهالدلوعة إلا بقولك سآمي
سآمي وهو مقفل عيونه بيرجع ينام : هلا
غلا :ودي ازور خالتي ابيك توديني
سآمي فتح عيونه وطالعها :مو كأن هالفترة صرتي كثير
تزوريها

غلا :كنت أكره اروح لها عشان رجلها انه يكره أبوي الله يرحمه بس بعد ما ماتت أبوي وهي مرضت معاد تقدر مثل أول تطل علي ...

سآمي : اوك شوفي اليوم الي يناسبك بوديك لها.

@
@
@

@
ريوف كنت اناظر سمير الي واقف جنب أسامه وهو مبتسم ..مو مصدقة انه خرج قلت بعديم تصديق: حلم صح

سمير ضحك وقرب منها وضمها لصدرة: لا يبعد أخوك
ماهو حلم الحمدلله طلعت ...
ريوف صاحت بحضنه ...ماهي قادرة تعبر عن فرحتها ي ناس عزوتها طلع ...واقف قدامها رفعت رأسها تطالعه وهي تتأكد ..

سمير باسها فوق رأسها وهمس لها:خلاص ي عمري والله قطعتي قلبي ..وبعدين مفروض تفرحين ماهو تصحي
أسامه بتريقة : لا أختك هذي دموعها مالها حل أكثر وحدة تبكي بهالعالم الله وكيلك

سمير رفع وجهاا وقال :خلاص ي ريوف

أسامه مد يده وسحبها من حضنه وقال :مستحيل تسكت لا تحاول .. وطالعها هاا وش رأيك بالمفأجاة

ريوف حاولت تمسك نفسها :أحلى مفاجأة والله وبقهر
كنت تدري بطلوعة ليه ماقلت لي كنت بسوي له أحسن إستقبال يستاهل الغالي هذا أبوي واخوي وكل شيء بحياتي

أسامه حس بضيق هو أبد ماله مكان عندها طول هالسنه الي مرت عليهم يحسها تحترمه بس صح مافي مشاكل وعايشين حياتهم طبيعي مثل اي زوجين بس هو أبد ماهو راضي بهالشي وده يكون كل شيء بحياتها مل من الإحترام الي بينهم حاول أكثر من مره يقول عن مشاعرة تصده ودايم ردها طلبت احترام لا تطلب زود ولا ابي منك زود : ولا تزعلي عاد حنا فيها نسوي له استقبال يليق فيه

سمير خجلان حيل من أسامه وماله وجهه بعد الي سواه في أخوه رد له الإساءة بإحسان وهو بنفسه جاا واستقبله : والله ي أسامه مدري كيف اجازيك والله انك وافي ولد وافي ...

اسامه إبتسم له: ماسويت إلا الواجب تفضل أختك من فرحتها موقفتنا عند الباب ساعة أول مادخلوا ...اسامه انسحب
يبيهم يأخذون راحتهم على فرحتة بطلوع اخوها ...بس خايف حده ...لو تبيه ينفذ الوعد ...لا عنده أمل فيها كبير ..
ان طول هالمدة غيرت أشياء ... متأمل ..خير .

في الصالة
مسكت يده :آه ي سمير فرحتي فيك غير

سمير :والله السنه والنص الي قضيتها بالسجن غيرت فيني أشياء واجد ي ريوف ندمت على كل شيء سويته

ريوف هزت رأسها : اففف سمير والله مو مصدقة عمري انك تحكي معي بعد آه وحشتني حيل وكنت فاقدتك واجد

سمير خذ شهاب الي قرب منه يمشي :آلحين هذا سميي ي حبي لك طول الطريق وأسامه يحكي عنه ..

ريوف بضحكه:هذا شهاب ي قلبي سمير هذا وهي تأشر عليه متخبي ورا... الكنبه ...

سمير وقف وحمله وهو خايف منه:علامك ي سمي خايف مني

ريوف : سمير طبعه غير عن شهاب يناكر الي مقد شافة

سمير بضحكه : أشلون تفرقي بينهم والله نسخه من بعض

ريوف :هههههه وكلهم نسخه ابوهم وانا طلعت منها شفت كيف
سمير : فعلاً مايشبهونك أبد أخذوا من أسامه كل الملامح وليت بعد يطلعون بمرجلة ابوهم والله يا ريوف سعدك يوم صرتي على ذمة هالرجال ..صدق هذا الي ينقال عنه سنافي ..وقت الشديد تلقاه ...

ريوف بعد هالمدح كله اشلون بقوله الي عندي ..وقفت : بسوي لك الغداء قول وش تبي تدلل ..

سمير مسك يدها :لا لا وين والله اخوياي مسوين لي عزيمه
ومنتظريني

ريوف بزعل:هذا انت دايم كذآ آلحين انا مشتاقة لك وتقول بتروح
مع اخوياك

سمير : الشله عازمين رائد ودي اروح أ عتذر منه هذي فرصتي ...وبعد سآمي بعزيه في أبوه .وبكرة بمر عليك وبسولف معك بعد

ريوف بصدمه : وش بكرة الليلة ترجع تنام هنا

سمير : ليه انام هنا وانا عندي شقة الحمدلله

ريوف بصدمه: أخذت شقة متى

سمير :ولد خالتي خالد ماقصر أعطاني شقة تمليك وقالي هذا
نصيب امك من البيت..

ريوف هزيت رأسي وانا اتذكر الحلم هذا بالحلم كان شرير اتاري الحلم ظلمه :والله وفيه خير بس انت ماأخذت نصيب امك من البيت قبل

سمير:لا قلت له ابي شقه منها ..وبفلوس امي الي في البنك مودعتها دخلت شريك معه بالعمارة وآلحين يالله مابقي غير العروس .....

ريوف
شقة وعمارة وفلوس وعروس.. طيب وانا ...كيف وضعي معك
ودي أقوله خذني معك بس ترددت ..بذات اليوم ماينفع وهو توه
طالع وانكد عليه...وقفت ودعته وطلع ...وانا أفكر وش أقوله. ..بعد هالمدح والتشكر في اسامه ...شفت أسامه نازل من الدرج
وطبعاً عياله على طول تعلقووا فيه ...يقهروني متعلقين فيه بالمرة كيف بقدر ابعدهم عنه بالله ...آه المصيبه ماهو لحالهم الي متعلقين فيه حتى انا ...بس كرامتي. ...تحكمني ....أول مجلس على الكنبه قال : وينه سمير

ريوف: راح لخوياه عازيمينه

اسامه بعتب:ليه ماحلفتي عليه يتغدا معنا

ريوف :رفض يجلس إلا ماقصرت حاولت فيه يقول فرصته يبي
يحصل رائد

أسامه :رائد قبل طيب ومسامحه من زمان ..

ريوف : الله يجزاه الخير جميله على راسنا

أسامه : بدق عليه واشوفه

ريوف : لا تحرجه خله وبكرة ان شاءالله نعزمه

اسامه :خير ان شاءالله

ريوف بهدوء: أسامه والله ماتدري قد آيش فرحتي يوم شفت
أخوي جاي معك

أسامه آه ياهوو قلقان من طلعة أخوها لو تبعدهم عن بعض: وفرحتك تسوا عندي الدينا ..

ريوف عضت شفتها بتردد:أخوي. عنده شقة وانا بروح معه

أسامه بصدمه ماتوقع بهاالسرعة تقولها قال بوجع:مسرع توه طالع ...

ريوف تعرف نفسها لو ماقالت له آلحين ماراح تقول له أبد
:وشهوله التأجيل مدام شقته جاهزة وأكيد بعد ماراح يقصر علي بشيء هذا سندي بالدنيا
اسامه بضيق: خلاص عرفنا انه سندك بالدينا...

ريوف :أسامه الوعد الي قطعته ....

أسامه إبتسم بألم :وانا عند وعدي لك مطلبك وقت ماتبي تروحي مع أخوك الله يستر عليك بس الطلاق تكفين أجليه شوي شافها بتعترض بهمس لا تضغطي علي زود ....يكفي علي فراقك

ريوف نزلت رأسها للأرض مافيها تطالعه ...زفرت بضيق يوم طلع من البيت ...........

@
@
@
@

في الديرة

: مبروك يمه والله اني فرحت لتس وأجد

لطيفه بخجل :الله يبارك فيك

صيته : آه يمه بعد موت أمي مافي شيء فرحني غير هالخبر
شهاب بحزن : الله يرحمها ..

صيته : لطيفه لا تحملي شيء ثقيل وسالفة النقل للبيت الجديد
أجلوها لبعد ماتولدي

لطيفه ابتسمت : لا تخافي ان شاءالله مايصير شيء والبيت ي عمه مصدقت وهو يكمل مافيني انتظر بعد ومنشوقة حدي له

صيته: أقول اهجدي بس هالفترة

شهاب :ي عمه الي يسمعك يقول بنهج تراه في نفس الحوش ومافيه عفش كثير كل شيء جديد ماغير أغراض لطيفه الخاصه بس

صيته وهي تناظر فلته الي مبناها واضح من الحوش الي جالسين فيه :جعلة سكن مبارك والله يوم اطلع من بيت أمي واشوفه مقفل ومحدن بيجلس به ....ان نفسي تضيق ...

شهاب : ان شاءالله مانخليه ونتجمع فيه مثل العادة

صيته بحزن: صدقني يمه مدام راحت الغالية مافي شيء بيرجع مثل ماهوو الله يرحمها

شهاب ولطيفه :آللهم آمين
@
@
@
@
@
@
ريوف
كانت محتارة وش ترسل له .لسمير..مرت يومين من طلوعه
و أسامه مستلم ...اليوم فرصتها لا بس شكلها بايخ تطلع وهو ماهو موجود بالعكس أحسن مافيها ..تتهاوش معه افضل شيء تدق بدل ماترسل له ... دقت رقم أخوها . وهي متوتره
أول ماسمعت صوته يرحب فيها ابتسمت : هلا فيك ي قلبي

سمير : والله توني يدق عليك ابيك تجي تشوفي شقتي
وبسولف معك وعندي لك خبر ان شاءالله يفرحك

ريوف زفرت براحه الحمدلله جت منه ...قالت بسرعة :تعال
انا جاهزة

سمير :مسافة الطريق ان شاءالله
ريوف :بحفظ الله
وقفت بسرعة بعد ماقفلت ...وجهزت عيالي ...وأخذت شنطة يد شوي واسعه ماراح يشك فيها سمير ويوم اوصل بخبره بكل شيء أهم شيء طلوعي من هنا ...رتبت فيها ملابس لعيالي
تكفيهم يومين بس لما افتح معه الخبر ....وبسرعة أخذت بعد لي كم غرض ...وهمست بألم دخلت حياة أسامه بسرعة وبدون موعد وبطلع ومن حياته بنفس الحكاية ...لبست عباتي وأخذت
عيالي ... وطلعت بسرعة
خايفة ...لا يوصل أسامه قبل ....يوصل ..فرحت يوم رن جوالي وشفت اسم سمير بالشاشة أكيد وصل...على طول طلعت وسمير نزل ساعدني بالعيال وركبت السيارة ..زفرت براحه..
وفي نفس الوقت أفكر وش بيسوي أسامه يوم يدري ....

سمير صرخ :ريوف

ريوق فزيت بخوف:بسم الله و ش فيك

سمير : لي ساعة انادي عليك وانتي أبد ماهو معي

ريوف بتوتر:قول ايش تبي ..
.
سمير : هجدي عيالك خليني أسوق. ..

ريوف : حبايبي فرحانين فيك

سمير :هذي فرحة آلحين
ريوف
مسكت شهاب الي حركته زيادة عن أخوه وغصب جلس ...بالعافية بعد ماعطيته الجوال. ..
رجعت افكر في اسامه ...أول ماااوصل برسل له ...
على طول ...وصلنا لشقته دخلنا وانا اتفرج عليها ...:ياربي مافيها ولا قطعة اثاث
سمير حك رأسه محتار: تصدقين افكر مافرش الا المطبخ المقلط بس عشان لو جاني واحد من اخوياي ..

ريوف عقدت حواجبها : ليه طيب افرش الشقه كلها
وش تنتظر

سمير :لا

ريوف مستغربه : إذا ماعندك فلوس انتظر الإيجارات تجيك وبعدها أبد حبه حبه

سمير : السالفة ماهي فلوس ..إلا خالد ماقصر أعطاني نصيبي من المقدم الي دفعوها المستاجرين

ريوف :أجل وشهوو

سمير حك رأسه بخجل :امممم ودي اخطب أمل بنت خالتي وهي تجي تفرشها على كيفها أخاف اخسر وفي النهاية ماتحب ذوقي

ريوف انصدمت يخطب مرة وحدة : ريم اخت خالد. ...

سمير :ايه ريم اخت خالد وش فيك تقوليها كذا

ريوف تذكرتها يوم كانت صغيرة ياربي كانت شريرة حيل
مدري حسيت بقلق وخايفة لو بعدها مثل ماهي : ي خوي اش معني ريم..في غيرها

سمير: من زمان ابيها وبعد امي تبيها لي

ريوف هزيت رأسي مابي أدخل أكثر في حياته : الله يسعدك ...
حسيت بخيبه ..خايفة يتزوج ريم وماتتحملني انا وعيالي . ماعلي هو أخوي وهو مسؤول عني ...وبعد مصيره يتزوج ريم ولا غيرها وليته غيرها فعلاً ..بكون وقتها أفرح من قلبي
نبهني من سرحاني ضحكة سمير العالية

سمير ضحك بقوه يوم سمير زحلق في البلاط :ريوف شوفي

ولدك ماقدر يمشي في البلاط هههههههه

ريوف ضحكت معه :ي قلبي والشوز كمل عليه الله يكرم القارئ

سمير قرب منه وحمله:أحبه سمييي

ريوف : شوف نظرة شهاب حرام عليك تفرق بينهم

سمير نزل جسمه وحمله ورفعهم الإثنين جميع ....
: يالله نروح مع خالوو البقالة وطالع ريوف: وش ودك تتعشي

ريوف :جيب اي شيء ....بس انتبههه لعيالي والله لو يصير فيهم
شيء اذبحك

سمير :افاااا وش ذا التهديد كله

ريوف ابتسمت : ذولا كل حياتي

سمير :الله يخليهم لك ان شاءالله .وبعد جهزي حالك بكرة ان شاءالله نروح عشان تختاري لك غرفة نوم عشان بسوي لك غرفه خاصة وفي عيالك يوم يتجيوون ...تجلسوون هنا
ريوف
هسمت بفرحة مانساني : مشكور ي اعز مخلوق ابتسم لي وطلع ..وانا .أخذت جوالي وأخذت نفس عميق أشجع نفسي بس أحترت آيش أكتب ...وبعد يدي عرقت وترجف ...سميت بالله
وفتحت الواتس شفت آخر ظهور له من ساعيتن ..كتبت ((أسامه الوعد اليوم انقضى )) رميت الجوال ....بخوف وتوتر ...من رده الي راح يجيني يآرب يمشي
الموضوع بهدوء ...ومفروض يمشيه هذا وعد بينا ....
وقفت ورحت للمطبخ ...يآرب يصفر مافي شيء .....تمشيت بالشقة ....
ماشاءالله كبيرة حيل ..تذكرت بيتي وحشني والله ..وانا لي ساعة طالعة منه ...رفعت الجوال اتأكد فتح محادثتي او لا ..باقي مافتحها ...رجعت للصالة وجلست انتظر سمير ....
ي ترا وش بيكون ردك يوم تقراها
حسيت بمللل....تأخر سمير حيل دقيت عليه : وينك فيه

سمير بقهر: وش الي خلاني أخذهن بالله جننوني
لهم ساعة يصيحون في البقالة مافي شيء إلا خموه ومدري وش يبوون بعد
ريوف بضحكه :حرام عليك لا تظلمهن والله يرضون بأي شيء

سمير :والله انا المظلوم معاهم ويالله قريب قريب ..دقايق
وان شاء الله أكون عندك

ريوف أول ماقفلت شفت محادثة وصلتني فتحتها بخوف ...
((تم )) مدري ليه قهرني رده توقعت يعترض ..افف ماهو هذا الي اتمناه رجعت كتبت له ((وعيالك تعال شوفهم الوقت الي تبي وأخذهم معك وقت ماتمل منهم ردهم ))
عضيت شفتي بقلق يوم شفته جاري الكتابه ((اوك اتفقنا ))فتحت عيني بصدمه بعد رده بارد ...صغرت عيوني بقهر شكله يبي
الفكه ...كلها دقايق وسمير دخل ...وعيالي على طول قربوا مني .وطاحوا على حضني ..قلت بضحكه : وش مسوي فيكم حبايبي ....
سمير صغر عيونه بقهر: آلحين انا الي غلطان بحقهم

ريوف هزيت رأسي وانا اضحك
احس بسعادة واخوي جنبي ....واشوف قدامي ...الله لايخليني منك ....

سمير : دقي على أسامه وخليه يأخذ إذن ساعة لو يقدر بس يتعشى ويرجع

ريوف وقفت وأخذت منه العشاء : ماراح يعطونه فرصة عنده
مرابطه هاليومين

سمير : بجرب ادق عليه

ريوف هزيت رأسي وانا متأكدة انه ماراح يجي ....
سمير : ي هلا والله اقول ي رجآل لو تقدر تفرك لك ساعة بس
تجي تتعشى معنا زوجتك وعيالك كلهن هنا ...

أسامه :أبشر
سمير :حياك الله نتظرك

ريوف انصدمت توقعت يرفض .....
سمير : يالله أجل بحفظ الله وطالع ريوف خلي الأكل بالمطبخ لما يجي عشان مايبرد ...
ريوف هزيت رأسي ورحت للمطبخ ...وانا باقي ماهو مصدقة انه بيجي ...مابي اقابله ....أجل لازم أقول لسمير آلحين مافي
وقت قبل يجي ...لا لا صعب صعب بقوله بعدين آلحين راح يجي ..وإذا احرجني قدام اخوي عشان اروح معه بصرفه بأي عذركنت اطالع سمير وهو يلعب مع العيال ...الحمدلله عيالي مبسوطين معه وهو بعد شكله طاير فيهم ...فزيت يوم الجرس رن
سمير وقف:أكيد أسامه

ريوف عضيت شفتي ..وفركت يدي بتوتر ...أول ماسمعت سمير يرحب فيه ...طالعته يوم دخل بقامته الطويلة ...فز قلبي
يوم جت عيني بعينه ...شفت عياله.....طاروا له
متعلقين فيه ..حيل. والله مدري كيف بقدر ابعدهم عنه ..فزيت من صرخة سمير ...
. ...
سمير :ريوف وش فيك بس سرحانه من اليوم

ريوف طالعت أسامه حسيته أبد مايطالعني يكلم عياله ولا مفكر بوجودي حتى سلام ماسلم ..قلت وانا ناوية اقهره ادري فيه غيور وحيل بعد : أفكر في الريم أخت خالد
حسيت رفع رأسه طالعني يوم ذكرت أسم خالد

سمير وهو منحرج :وش في أخت خالد آلحين وقومي حضري الأكل

ريوف بتوتر :ان شاءالله جبت الأكل وحضرته .
وقلت وانا مابي اطالعه ...: حياكم تفضلووا
جلسنا نأكل بهدوء ...بعدها سمير قال :ريوف سوي لنا شاي

بجلس مع أسامه بأخذ حقي منه

أسامه إبتسم :ي رجآل بعدك حاقد

سمير بضحكه : ايه وعليها ابي أكيف بشاي وحب بعد

اسامه : ابشر بس آلحين والله تعبان حدي بروح انام مصدقت وانا أطلع من المركز ....
سمير: اوك نوم العافية بس بينا حساب

اسامه ضحك:هههه خذ حقك كله

سمير طالع ريوف الي تلم السفرة :خليها عنك انا بأخذها
وانتي تجهزي روحي مع رجلك مع شنقل ومنقل ....

ريوف طالعت أسامه متوتره.

أسامه ببرود : خليها اليوم عندك من زمان ماجلستوا مع بعض وخليني أخذ اجازة منها ومن عيالها ...

ريوف فتحت عيني بصدمه ...الرجآل أبد ماهو فارقة معه
قلت بقهر: اي والله انك صادق من زمان عنه ودي بالجلسة معك ي خويي
سمير :حقك تأخذ اجازة منهم ....انا اساعة وغصب متحملهم
بالله كيف متحملهم

ريوف عضت شفتها بقهر جالسين يتمسخرن علينا ....
أسامه :يالله بحفظ الله ولا اوصيك في شهاب وسمير

ريوف طيب اجمع امهن بالغلط لو كان ...مشيت بعصبيه للمطبخ غسلت وجهيي ...أكثر من مرة احس بشي يغلي ودي كان يحاول فيني ارجع له ...أو اشوف قراري أثر فيه ...والله ماشوف غير الوناسه ....والضحك مع سمير ...طلعت معصبة شفته ماهو موجود راح طالعت سمير الي حامل شهاب فوق
ظهره قلت بخوف : انتبهه لا يطيح

سمير نزله :يالله ي شنقل انزل وباقي منقل

ريوف بقهر: سمير والله اذبحك تسميهم كذآ

سمير : هههههههههه والله لايق عليهم حيل ...

في بيت ابووليد

ريتآج
متجمعين كلنا ...اليوم شوق وصلت من الدمام ....
ومسوين لها جمعه عند خالتي .وعازمين غلا بعد ..طالعت منيره سبحان الله متغيرة حيل عن أول ...بذات بعد زواج أسيل احسها رجعت طبيعي معي ....شوق صايرة دوبه حيل ...كل شيء فيها منتفخ ..قلت بأبتسامه : أقول شوق مره صايرة دوبه معقول كله ذا عشان الحمل

شوق بقهر: تكفين اسكتي يكفي اخوك والله ودي اذبحه
من قهري منه من وقت ماحملت وهو يعايرفيني يقول ريتآج أبد خشمها ماانتفخ مثلك وهي باقي شوي وتولد وانتي بعدك بالشهر الخامس وخشمك كذا أجل لووصلتي للتاسع ..الظاهر يصير أكبر من بطنك شوفي لك حل

ريتآج : هههههههههه صدق شوق والله انتفاخ خشمك ماهو طبيعي

أسيل :كل شيء فيها منتفخ

شوق:ليتك تسكتي بس ...

منيرة :تصدقين شوق انا لو منك معاد اوريه وجهي لما اولد

غلا :اي والله سلامات يتمسخر افف وضعك صعب صراحة
شوق بقهر : وش اسوي أقوله سافر بجلس عند امي يحلف مايمشي خطوة بدوني ..لزقة وعليها قليل أدب شغلته يتمسخر
فيني ويقارني مع هالدبه أخته

ريتآج : والله مادب غيرك انتي وهالخشم

غلا بهمس لريتاج:الغيرة ذابحتها منك ومن رشاقتك

شوق صغرت عيونها :ترا أسمعك ..

منيره بضحكه : والله اني شافقة عليك ي شوق كرهوك بخشمك

شوق بقهر:مدري ليه أحس بريحة شماته في الموضوع ي منيرة

منيره :لا افاااا لا شماته ولا شي وبعد لاتشيلي هم انا مثلك ينتفخ خشمي ....بس صراحة ماهو مثل خشمك

ريتاج بضحكه :ليتك ماكملتي ي منيرة شوفي كيف رجعت زعلت
شوق بقهر:اروح اجلس بالمجلس مع اخواني أحسن

ريتآج بضحكه :لا تنسي عصام هناك ...

منيره :وحنا ارحم من رجلك أجلسي قلبي وذوقي الحلا الي
مسويته مخصوص لك .وانسي معاناتك مع خشمك

شوق وقفت بقهر: أقوم أحسن

غلا وهي تضحك : هههههههههه حرام ي بنات والله لو انا محلك ي شوق ارجع الدمام وبقفل على نفسي بغرفة عشان اتجنب هالطقطقه ...

شوق بقهر طالعتها : طقوا راسك ي الخايسة ...

ريتآج مسكت يدها وهي تضحك: حلفت تجلسي وبنسكت ولا لا ي بنات
منيره وهي ماسكه ضحكتها حطت يدها على فمها: تم
غلا حطت رجل على رجل وهي تستفزها:ماوعدك فرصة وجتني

أسيل بدلع :خلاص بنات شوي وتسيح

شوق جلست وهي مقهورة طالعت : لا ي الدلوعه ماراح اسيح عما في عينك متى بتتعدل عندك الحروف

غلا بقهر: والله لو اجلس معاك شوي يا أسيل اخلي الحروف تطلع بطلاقه بعد
أسيل رفعت يدها وهي تشوف المناكير :اففف مافي انوثه أبد

غلا بقهر :أقول تلايطي ي ام الانوثة الي تقوطر ياي ومياعة
على الفاضي ...
أسيل : لأني أحبك ماراح ازعل منك خذي راحتك

غلا عضت شفتها بقهر: مشكورة ...

شوق : خليك من هالدلوعة وبقولك سبحان الله بنتك ماتأخذ منك أبد أحسها تشبهه ام رجلك أذكر يوم العزاء حق ابوك ..شفتها

غلا تذكرت خدوج فعلاً غرام نسخه منها تشبهها حيل وعشان كذا سآمي متعلق فيها بزيادة..يالله تذكرت أيامي معاها الله يسامحني ويرحمها يآرب ابتسمت بألم : اي والله الكل يقول الله يرحمها ..
@
@
@
بشقة سمير
::
:قلت بطفش:سمير خلاص صدقني بتوافق وشهوله هاللقلق كله

سمير :خايف ترفضني

ريوف : وليه ترفضك حبيبي سيد الرجآل وتكفى فارق عني خلني اتجهز ....

سمير نزل رأسه للأرض بضيق : عشاني خريج سجون

ريوف طالعته بحزن أكره هالسالفة : فديت قلبك والله هي
الخسرانة وتأمل خير مدام خالد ساعدك طول هالفترة أكيد بيقنع اخته عشان مايردك ومدام رحب فيك وقال تفضلوا أكيد عنده إحساس انك تبي أخته ...

سمير وقف :الله يسمع منك يالله بسرعة لا تأخرينا

ريوف صغرت عيونها بقهر :آلحين انا الي أخرتك روح الله يهدي بالك وبالله خذ العيال معك للصالة عشان أعرف اتجهز

بعد ماطلعوا ...تكشخت ولبست العباية ..وطلعت للصالة
وقفت بمكاني مصدومه وانا اشوف أسامه جالس قدامي .وهو متشخص بالشماغ ...وبكامل كشخته ...حسيت بتوتر وبعد.
استغربت ليه جاي ...طالعت سمير الي يطالعني احسه شاك ان بينا شيء لأني لي أسبوعين اصرفة واقوله بجلس عندك ايام وبرجع لبيتي ....قلت وانا متوترة :هلا أسامه جاي تأخذ العيال معك
أسامه رفع حاجب وهو يطالعها مبسوطه لهاالدرجة ريوف من بعدي حسافة على قلبي الي يتألم بفرقاك بزعل : لاااا

سمير :انا عزمته ابيه يروح معي ويوم وصل وانتي باقي ماجهزتي قلت له ينزل .....

ريوف ابتسمت متوتره:يالله لا نتأخر زود
مشينا .وطلعنا للشارع كان سيارة أسامه واقفه جنب الباب انصدمت يوم قرب سمير من الجيب حق أسامه وفتح الباب ..افتكرت بيطلب من خويه سيارته مثل العادة ...ماتوقعت انهم
متفقين هو واسامه ...صراحة كانت صدمة لي ...انا بنروح في سيارة وحدة
ركبت العيال وركبت معاهم ورا....وانا اسمع اسامه يحلف على سمير :ي رجآل اركب وسوق أنت انا مااادل بيتهم

سمير :سوق سيارتك أنت وانا بوصف لك ماهي غلبه ...

أسامه :والله لا ازعل منك

سمير ابتسم له : ولا زعلك ي الغالي يالله أجل بسوق انا

ريوف
حبيت العلاقة الي بين أخوي وأسامه ...احسهم كأنهم يعرفون بعض من زمان وآلحين سمير يقوله ((يالغالي )). تنهدت بضيق وش بتكون العلاقة بينهم لو أقول لسمير بكل شيء صار معي. ..كان.طول الطريق وأسامه وسمير ..يسولفون وانا وجود أسامه ...موترني ...ومسبب لي رعب غريب ....
همست لشهاب وسميرالي عارفة ماراح يفهمون مني وش أقول بس من كثر خوفي لا يفشلوني عليهم شطانه غريبه وبعد فيهم حركه زيادة بسم الله عليهم :ماما تكفون لا تفشلوني في الضيافة. ..
بحده :تطمني بوديهم معي للمجلس

ريوف انصدمت كيف سمعني

سمير : من جدك ريوف آلحين بيفهمون منك الي تقولينه لهم
ريوف طنشتهم ...وانا افكر باسامه أسلوبه ماله داعي معي
و الزعل آلحين صار له أول ماوصلنا كان خالد واقف في استقبالنا ...كشرت غصب عني ...يوم اسمع اسمه ولا أشوفه اذكر المعاناة الي عشتها بالحلم ....طالعت سمير يوم قال :وهذا خالد ي أسامه ... أسامه هز رأسه بدون مايتكلم ...حسيته معصب ...

أسامه
طالعت خالد هذا الي كان حالمة في ريوف وعرض عليها الزواج ..حسيت بقهر ودي اذبحه واذبحها تعوذت من إبليس حلم حلم ...ي أسامه ...وش فيك ....نزلت وانا عيني منها ......

ريوف
نزلت ..وانا خجلانه ...حدي منهم ...علاقتي كانت معاهم أبد ماهي طيبه ...عايلة سمير كلها ماتحبني وآلحين سمير احرجني وحلف علي ...أجي معه . ومابي ارده واكسر خاطرة وافقت غصب ..عني .....دخلت وكان ام خالد في استقبالي
جلست ترحب فيني ..انصدمت ..صراحة ..دخلتني المجلس ..
أخذت العباية ...وانا خجلانه حدي ..يوم شفت بنتين داخلين علي سلمت عليهم ..

ام خالد : حيا الله ريوف والله يوم قالي سمير انك جايه معه ماصدقت فرحت حيل..

ريوف للحين مو مصدقة :تسلمين ي خاله
ام خالد :اعرفك هذولا حريم خالد هذي الأولى وهذي الثانية
والثالثة مسافرة لأهلها ..
ريوف
انصدمت هذولا حريمه ..وداخلين مع بعض وجالسين جنب بعض بعد ....وش ذا أشلون يقدرن والله أموت لو في مكانهم حسيت بقهر اتاري الحلم ماظلمه صدق انه مزواج ...قلت بمجامله :ماشاءالله .طالعت ريم يوم دخلت تغيرت حيل
...احلوت صراحه قربت مني وسلمت ....

ريم :كيفك ريوف من زمان عنك تزوجتي فجأة والله انصدمنا يوم خالتي قالت انك حلفتي من الزواج وقالت عشان ضروف رجلك كانت صعبة وشفقتي عليه وقدرتي حالتة وماشاءالله يقولون عندك عيال بعد ...

ريوف كنت اسمع التأليف الي الفته لهم فيها الخير ماوسخت سمعتي بعد عندهم أكيد كانت خايفة على سمعة سمير ماهو علي : الحمدلله انا بخير ايه جاا كل شيء بسرعة و الحمدلله عندي توأم

ام خالد :ماشاءالله وينهم فيه ماهو معك ...

ريوف وانا مصدومه حدي منهم وش ذي الأخلاق الي نزلت فجأة وبعد يبوون يشوفون عيالي ..:مع ابوهم بالمجلس
انقضت الليلة وكانت كلها سواليف كنت في البداية خجلانه منهم
وبعد ماهو مأخذ راحتي معاهم ...بس بعدها انبسطت بذات مع
حريم خالد وناسه كانوا يتريقون على رجلهم وكيف يوم يتفقون عليه ..كنت اضحك من قلب ....وصراحة ظلمت ريم حيل البنت....كانت صغيرة قبل وانا حكمت عليها ... وبعد مرة ابوي كانت هي مخربه العلاقة بينا..وبعدها طلعنا وأول ماوصلنا اللبيت قال سمير:مشكور أسامه ماقصرت والله انك محزم مليان ...وصرت أكثر من أخ لي

أسامه :تستاهل ي بعدي ..وماسويت إلا الواجب
.
ريوف نزلت بسرعة قبل سمير يحرجني ...
ودخلت بسرعة ....جلست انتظر سمير قدام باب الشقة عشان يفتح لي شفته شايل عيالي الإثنين حزنت عليه قربت منه وحملت سمير عنه ..وفتح الباب ودخلنا ...بسرعة كنت أمشي بسرعة للغرفة مابيه يحرجني بشيء بس وقفت يوم قال :ريوف
طالعته وانا متوترة: هلا

سمير:ممكن افهم ايش بينك ويين أسامه

ريوف بلعت ريقي هذا الي مابيه :مابينا شيء

سمير بشك:متأكدة

ريوف: ايه ولو جلستي عندك مضايقتك اروح عادي

سمير بسرعة : لا والله ماهو كذا وانتي عارفة مكانتك عندي بس مستغرب صراحه لك مدة هنا
ريوف :متفقة معه اجلس عندك شهر بس وبرجع بيتي وبعدين تراه هوو مشغول هالفترة عنده مرابطه وانا اطفش لحالي وقالي اجلسي عنده عشان أكون مطمن عليكم ...

سمير : نشوف ايش نهايتك

..ريوف :سمير وش فيك
سمير: مافيني شيء بس بقولك شيء لو بينك وبينه شيء حاولي تحليه معه لأن رجلك مايتعوض صدقيني مثله نادر وانتي عآرفة قصدي زين مازين ...

ريوف بتوتر:الله يهديك تحب تكبر السالفة صدقني مابينا شيء حسيته يناظرني بشك ....قلت وانا ابي اغير السالفة : أقول ي الأخ مأسألتي عن ريم حسيته خجل احسن اخجل وفكني

سمير : ان شاءالله توافق بس خالد قال بيرد لي خبر بعدين أسبوع او أسبوعين

ريوف :تطمن حبيبي البنت شكلها موافقة ...

سمير :الله يسمع منك

ريوف :تصبح على خير رحت للغرفة وانا ازفر براحه اني انفكيت منه ومن اسألته ...آكيد بيشك ..مدام انا ساكته وماقلت شيء .و جالسة أجل الموضوع آه كل مابي أقوله يجلس يمدح
في اسامه يخليني انكتم.....

..
@
@
@
@
في الإستراحة

ضحك بقوة: قلت لي باقي صغير على الزواج تراك أكبر وأحد فينا ...

عبدالرحمن بقهر:ايه صغير تفتكرني مثلك مطيور وبعدين مين قالك اني أكبر منك

سآمي مد يده:هاتي البطاقة

رائد وهو يضحك :سآمي حرام زنقته

عبدالرحمن : الله يقلعكم جالسين تتطقطقون علي بدل مافي واحد فيكم يحلف انه يعطيني مهر أقدر اتزوج ولا وأحد يحلف انه يتكفل انه يفرش لي بيتي على حسابه وين الأخوة ضاع عمري معكم على الفاضي ....

سآمي بسخرية :وليه ذا نفرش لك وندفع عنك المهر
عبدالرحمن : عشان فرحتكم فيني ولا ماأستاهل وينك ي عمار والله كله من أختك بعد ماتزوجت أبوه راحت تخطب له ..
وش دخلها فيه بالله قال آيش مرة ابوي عوضتني عن أمي وآلحين بتخطب لي والرجال هاج لمكه

سآمي بقهر رماه بالريموت:وش دخل اختي آلحين يالهامل وخلك عاد تجيب سيرتها اذبحك فاهم
رائد : خله ي رجال تراه مقهور كلنا متزوجين وآلحين عمار
بيلحق ومايبقي إلا هوو ماغير ينظف بهالإستراحه

عبد الرحمن بقهر: كل تبن

رائد : سآمي تخاويني

عبدالرحمن بلقافه: وين

رائد :مالك دخل

سآمي عقد حواجبه : وين فيه ..

رائد: بقولك بالسيارة وهو يناظر عبدالرحمن عشان يقهره .
عبدالرحمن وقف قبل سآمي :يالله أجل مشينا

رائد :انثبر مكانك مانأخذ عزابي معنا ......

عبد الرحمن بقهر:والله اني قبلك وقبله وغصب عن خشمك
رائد فتح عينه: شوف هاللزفة

سآمي رفع كتوفه وهو يضحك:مالنا فكه منه

عبد الرحمن : يالله لا تأخرونا

رائد عض شفته بغيض: آلحين مين صاحب المشوار انا ولا أنت
عبدالرحمن وهو يضحك: كلنا وأحد
@
@
@
@
@

ريوف
الليلة ليلة رمضان باقي شوي وأكمل شهر بجلستي عندي أخوي ..وانا ماقلت له كل يوم ادور عذر بذات هالفترة حاولت أشغل سمير بالسوق كل يوم نروح نأخذ شيء لريم الي وافقت عليه
ومشغول حده بالهدايا ..حق الخطبه ...الي بتكون بعد العيد مباشرة ...مرينا تقضينا بعد للرمضان ....
وصلت البيت وانا مرهقة حطيت شهاب النايم على الكنبه ... وجلست على بتعب ..
سمير قرب منها وحط سمير جنب أخوه :بروح شوي مع الشباب وبعدها بروح خالتي عزمتني.. على السحور
..
ريوف :ربي يحفظك يوم طلع سمير ..رحت للحمام الله يعز القارئ وأخذت شور بارد ...آه الجوو حر موت ..رفعت شعري بطريقة عشوائيه ...رحت للمطبخ رتبت الأغراض ..بعدها قربت من عيالي وانا أحاول فيهم يصحوون عشان ينامون لي الصباح مايتعبوني...وانا صايمه .بوستهم وهمست لهم:ماما يالله اصحووا ..حاولت فيهم أكثر من مرة لما صحوا
. وليتني ماتسرعت صحيتهم كلن يصيح من عنده متنحس ليه ماشبع نوم ..جلست أحاول اسكت فيهم وابيهم يرجعون ينامون
بس رفضوا ...تذكرت ليلة رمضان هذيك السنه
هالوقت كان في السوق اناواسامه..آه .زعلانه حيل منه لا سأل ولا شيء آخر مرة شفته يوم رحنا نخطب لسمير...ماغير يرسل مصروف لعياله ...ويدق على سمير يطمن عليهم ..ويجي من فترة لفترة يشوفهم و طبعاً مايجي هنا ..يدق على سمير وينزلهم له ..وهو بالسيارة افف مني ليه أفكر فيه ....وش بعد ابي منه انا طلعت من حياته وانا مقتنعه الي سويته صح ...لا اجلس أعتب على تصرفاته
بعض مرات أحس ان سمير راح ينفجر من تصرفاتي وتصرفاته الغامضه له ...ان شاءالله بس يهجد آه الحين ملتهي بالخطبه بس بعدها وش أقول له ماعندي إلا أعترف له والليلة بعد .انا أعرف.. حالي لو أجلت ..الموضوع أجلس أجل فيه دهر ...من
كثر ترددي ..وراح اقنعه و ان شاءالله يفهمني
سمعت صوت الجرس ...استغربت سمير عنده مفتاح غريبة دق ..معقول طيحه بمكان ...قربت من الباب وقلت:مين
:انا
انصدمت من الصوت الخشن المختلف عن صوت سمير
.رفعت يدي وعدلت شعري .. وفتحت الباب وانا متوترة
أسامه ببرود ظاهري : السلام عليكم

ريوف بلعت ريقها :عليكم السلام

أسامه :كل عام وانتي بخير

ريوف نزلت رأسي مافيني اطالعة: وأنت بخير
أسامه :دقيت على سمير قالي مطول بالسهره وانا جاي بأخذ العيال وعدت امي أجيبهم لها ..

ريوف رفعت راسي وطالعته : آلحين أبدل لهم وخذهم .
.
أسامه إبتسم وهو يشوف عياله نازلين من الكنبه وهم يركضون يمه فتح يده لهم وجلس بالأرض على ركبه قربوا منه وهم يصيحوون ....ضمهم حيل .رفع راسه ..وهمس لها: الله يسامحك حرمتينا من بعض ....

ريوف انا ماراح يجيب أجلي إلا هذولا الإثنين شوفوا الصياح
الي يشوفهم يقول مسوين فيهم شيء مديت يدي :يالله قدامي أبدل لكم عشان مايتأخر أبوكم.

شهاب وسمير رفضوا وتمسكوا في ابوهم حيل ابتسم أسامه :
طيب خلاص بأخذهم وبخلي لطيفه تغير لهم . الكل متجمع هناك .اليوم ...عشان أمي عازمه اللكل على السحور
ريوف هزيت رأسي بلااا: مستحيل يروحون كذا يالله بلا دلع
عصبت من جدد يوم رفضوا ...

أسامه طالعها وقال بشماته وهو يشوف كيف معصبه على عيالها :بردوا قلبي فيك

ريوف صغرت عيوني :من جد

أسامه هز رأسه وهو مبتسم
ريوف حست بعجز ...وهي تناظرهم ....كيف صادين عنها ولازقين في أسامه ...صعب يروحون كذآ وبذات يقول عازمه العيله كلها قلت بعجز :طيب تعال معاهم الغرفة عشان يقتنعون انك ماراح تروح بدونهم

أسامه :اوك وحملهم ...وراحوا للغرفة

ريوف حسيت بتوتر بوجودة معنا ..حممتهم وهم يصيحون ...ويالله قدرت تلبسهم من صايحهم ....بقهر :جننووني والله

أسامه : تطمنوا ي الشيوخ ماراح اروح إلا انتم معي
طالع ريوف وبعد لو ام الشيوخ تبي تجي معنا حياها ..

ريوف طالعته وانا أبد ماتوقعت يعزمني ...ماهو طول هالفترة مطنش على الآخر قلت بهمس: لا تسلم ..
أسامه بضيق :الكل مجتمع اليوم وبكرة بعد على الفطور مثل العادة عند أمي ووكلن جاي مع زوجته معاد انا عاجبك حالنا

ريوف بستهزاء:بدري توك تفكر في حالنا

أسامه بضيق: وش اسوي مابي افرض حالي عليك بالغصب بس تعبت وانا اتهرب وأعطي امي عذر ليه ماتجي معي ..
وابوي بعد يسأل ...اللكل بدأ يشك ريوف حتى أخوك سألني صرفت الموضوع وانا مستغرب طول المدة ماقلتي له ..توقعت تقولين له على طول بس تصدقين كبرتي بنظري زود يوم خبيتي الموضوع ....

ريوف : يعني آلحين الي يهمك لا احد يدري ..

اسامه :أكيد يهمني ودي مشاكلنا نحلها من غير ماأحد يتدخل او يدري عنها بعد ....

ريوف قلت وانا انهي الموضوع :يالله جاهزين خذهم ...

أسامه عجز منها ...رافضة تفهمه أو تعطي نفسها وتعطيه فرصة مسك عياله .ومشى معاهم للباب ......
ريوف لحقتهم وهي توصيه عليهم ..
.
أسامه قبل يطلع قال بوجع:ليتك تغليني شوي من غلا عيالك
ريوف تحس قلبها عورها عليه بحة صوته كان كلها وجع ..قالت غصب عنها :.والله ي غلاك محد وصله بس هذا مجروح

أسامه فتح عينه ماهو مصدق الي سمعه أشر على نفسه وقال :انا الي تسببت بهالجروح بس والله ماهو لحالي كثيرظلموك وجرحوك وسامحتيهم ..إلا انا

ريوف عضت شفتها بوجع : جرحك وجعني حيل

أسامه هز رأسه بندم: عارف والله بس مالي حيله غير اني مستعد انسيك كل وجعك وجروحك تكفين ريوف لاترديني ترا حدي ضايقه فيني الوسيعه شافها ساكته وشكلها محتاره بعد ..حس بأمل...نزل نظره لعياله الي يضربون فيه عشان يطلع :اهجدوا ي عيال خلوني آلحين الين رأس أمكم طالعها بأمل هاااه
يا ام العيال وش ردك

ريوف أشرت على قلبها:مدام هذا متحكم وش حيلتي وش بيكون ردي غير مالي قوة على البعد عنك

أسامه استبشر من ردها وقال بفرحه : والله مأختار إلا الي بيسعدة مدام ربي انعم علي بالخبر ودي في شيء ابي اسويه من زمان معك ...وان شاءالله ربي يبارك بحياتنا ....
ريوف وقلبي يدق بقوة : وشهوو

اسامه : ودي بعمرة معك وآلحين بعتذر من أهلي ونمشي
ريوف فرحت من قلبي :عمره ليت والله ودي فيها من زمان
ودي أشوف الكعبه أسامه خاطري فيها من زمان

أسامه بأبتسامه : بحقق لك الأمنية وكل الأماني ان شاءالله
الله يقدرني واسعدك واعوضك عن كل شيء صار مني
تستاهلي ي ام شهاب من يحطك على رأسه والله من حظي يوم
صرتي من نصيبي ..نعمة وربي انعمها علي واشكره عليها آللهم لك الحمدوالشكر

ريوف نزلت دموعي فرحة .من كلامة : .كنت اسمع عكس هالكلام ...
أسامه قرب منها ومسح دموعها : قلتيها كان وآلحين
والله اني صادق بكل كلمه قلتها لك مالي غنا عنك ريوف حدي فرحان والله أخيراً حنيتي علي ..

ريوف مسحت دموعي اخذ قلبي ونساني كل شيء : الله يخليك لي وحدي

أسامه ابتسم بسعادة: وحدك وحدك ولا ابي غيرك

ريوف ابتسمت رآح أبد حياة جديدة معه بدون وجع بدون ألم ...
شفته يطالعني مبتسم أحس الفرحة واضحه عليه ..عكس يوم جاا كان الضيقه واضحه عليه....ابتسمت له من خاطري وقلت وانا اطالع عيالي الي لازقين في باب الشقه وهم معصبين : مشينا قبل
هذولا يفكونها صياح آلحين ..

أسامه صغر عيونه بقهر:عيالك نشبه أعوذ بالله ودي أعرف لمين طالعين

ريوف بضحكه : في هذي حتى انا عجزت مدري لمين

أسامه ابتسم : انا عآرف لمين لعمهم رائد فيهم حركه مفرطه مثله ...

ريوف.
سبحان الله كان ماينطق اسم رائد أبد. ...قدامي ..آلحين
اثبت لي انه ابعد الشك من قلبه ويستاهل. ..إني أعطيه فرصة ايه يستاهل أسامه مثل مافيه عيوب فيه مميزات ...وانا بعد مستحيل أعيش من غيرة....

أسامه بهمس:في وشهو تفكري

ريوف بهمس: في حياتنا

أسامه: بإذن الله السعادة قدامنا اشر علي عياله يالله مشينا ..وصل حدهم منا هههههه ....

@
@
@
وليد قال بفرحة :يبه ابشرك بندر جاا لهاالدينا ...
ابوليد بفرحه : أخيراً ي وليد الله يبشرك بالخير قفل من عنده وهو يحس بحزن يوم تذكر ولده طالع زوجته وقال افرحي ي ام وليد العوض في بندر الصغير ...يالله بنروح لهم المستشفى مافيني انتظر يوم يطلع ...ودي بشوفته سمي الغالي

ام وليد الي دموعها رافضة توقف ...فرحة وحزن ....
في نفس الوقت ...مشت مع رجلها ...وهي تدعي الله يرحم ولدها ويعافي سميه ...
@
@
@

في المستشفى
بلعت ريقها بتعب وبصوت مبحوح:وليد

وليد قرب بفرحة :ي عيون وليد أمري

ريتآج : وين أمي يوم نمت كانت هنا

وليد : راحت البيت تسوي لك شيء تأكليه وآلحين جاية

ريتآج أشرت على ولدها:قربه مني ..
وليد بخوف: لا أخاف اوقعه

ريتآج ابتسمت بالم ورفعت نفسها شوي ..: تكفى وليد عشان خاطري ..

وليد :المصيبه مقدر ارد لك شيء ...وأخذه وهو يرتجف خايف
عليه ...
ريتآج أخذته منه: شفت ماصار شيء

وليد زفر براحه:الحمدلله وسكت يوم جواله رن شاف رقم اخوه ناصر رد بفرحه: ي هلا

ناصر وهو يضحك:مبروك والله وصرت أبو ي الكاتبن
قولي كم رقم الغرفة عشان جايب الأهل
وليد : أعطاه رقم الغرفة وقفل ...وبعدها دق ابوه طلع
..
بسرعة واستقبلهم ودخلهم لعندها
بعد السلامات ....
ام وليد قربت من بندر حملته وقالت بغصه بانت بصوتها :لوهو عايش كان فرح بسميه

ابو وليد بحزن :الله يرحمه ويعوض شبابه بالجنه

وليد مسك أمه وبحزن:يمه ان شاءالله بالجنه وقال وهو يطلعها من الحزن الي فيها ..وآلحين بالله قولي كيف ولدي أكيد وانا صغير حلوو كذا مثله
ابوليد : وين حلوو والله ماغير ناصر كان مزيون شوي فيكم

وليد بصدمه: آلحين ناصر الي مزيون كان طيب وش الي غيرة بالله وقلب خشته فوق تحت

ابو وليد بضحكه : الدينا تغير الي مايتغير وانا أبوك
ام وليد بزعل: أقول انت ولدك لا تجلسون تتمسخرون بولدي
والله العظيم ان ناصر مزيون لما اليوم وأحسن منكم جميع ..

ريتآج كنت ماسكه ضحكتي ...غصب عني مابي. .خالتي تزعل بس ..حرام تحلف انه مزيون والله الزين ماجا يمه أبد طالعت وليد الزين فيه الله يخليه لي ولا يحرمني منه ....

وليد بعد ما طلعوا...أبوه وامه ...قرب منها وقال بحزن :أمي قطعت قلبي ..ليتني سميته غير هالاسم

ريتآج : المصيبه لو غيرنا آلحين راح تزعل هي على عمي

وليد بتردد :وانتي

ريتآج فتحت عينها بصدمه معقول باقي يتوقع ان بندر باقي بقلبها بعصبيه :لا مجنون وليد على هالسؤال ..وش تحس فيه

وليد ابتسم : غيور ماهو مجنون
ريتآج :مجنون وأناني بعد ..

وليد ابتسم بحب : بعد أناني

ريتآج بهمس قاطعته : أعشق أنآنيتك عندما تتمنآني لك وحدك .