رواية أعشق أنانيتك عندما تتمناني لك وحدك الفصل الثالث وستون 63 - بقلم nona_A

@
@
@
@
@
طالعتة وزفرت بضيق: أبعد شهاب بأخذ شور وبنام رأسي حده مصدع

شهاب ابتسم على جنب: تعبانه ولا زعلانه

لطيفه بسخرية : لا تطمن ماهو بزعلانه

شهاب : حقك تزعلي والله بس والله إني قلتها بدون قصد مدري أشلون طلعت مني صادقة عمتي صيته يوم تقول ماعرف أحكي

لطيفه طالعت عيونه وبحسرة:قلتها من قبل انا وأنت مانصلح لبعض بس وش اسوي لو الضغط جاك من كل صوب

شهاب رفع حاجب : افا ي بنت الخال وشلون مانصلح إلا نصلح وزود بعد ولتس الي يرضتس ي بنت منصور

لطيفه بستهزاء :بنت منصور شكلها بتخسرها كرامتها و...

شهاب قاطعها وهو يحط يده على فمها مايبها تكمل وبأسف:كرامتس محفوظه وانا ولد ابوي وحقك علي
لطيفه بلغت الغصه.. ماتبي تبين ضعفها ...ماتدري ليه تحس حالها ضعيفه حيل قدامه ...هزت رأسها بحسرة: توقعت راح تطيب جرحي ماهو تزيد على الجرح جرح

شهاب مسك يدها وجلسها على السرير : والله ي لطيفه ماهو بقصدي طلعت مني هالكلمه تسذا بدون حس تكفين لا تضيقي خاطري بزعلك والله ان لتس مكانه بقلبي وحنا مالنا مع بعص واجد ويوم زعلتي علي بسبة عمتى طول مانتي عند امتس وانا ضايق وحالتي حالة ويوم دقيت عليتس وقلت لتس تجهزي وعلى طول وافقتي فرحت بس غبي خربت على عمري تالي وآلحين العذر والسموحة منتس ي الغالية

لطيفه طالعت ... عيونه ادور الصدق بحكيه ..بس خايفة اصدقة يرجع يجرحني ...

شهاب ابتسم ورفع يده يحركها قدام عيونها:وين وين سحرتي

لطيفه نزلت عيونها للأرض من غير ماترد عليه

شهاب : وش افهم من هالسكوت انه خلاص طاح الحطب ولا باقي بالقلب زعل

لطيفه وقفت وقلت بغرور مدام يدور رضاي بثقل شوي :
رضاي صعب تطولة بهالكلمتين سطرتها لي
شهاب فز واقف مقابلها وبتحدي: وانا ولد أبوي صدقيني بطوله وانتي راضية بعد ...

لطيفه دريت ابتسامتي ...وفرحتي انه يدور رضاي
حاولت مابين له وطالعته بتحدي: نشوف ي الصقر بالاخير وش يحصل

شهاب ابتسم : الصقر ي زينها منك

لطيفه :قصدك انها من عمه صيته شينه

شهاب ضحك بقوه:ههههههه لا ماراح تقدري توقعيني بالحكي هذي صيته والله ماغير تحوسني حوس وبعد زعلها شين تذلك ذل عشان تطول رضاها

لطيفه رفعت حاجب : اتاريني طالعة لها وانا مدري

شهاب:والله يعين صقركم ماغير يدور رضاكم ..

لطيفه أعطتها ظهرها وبغرور :نستاهل من يدور رضانا

شهاب : بس الصقر لو جمح شين ي بنت الخال ماهو كل مرة بتضبط معك

لطيفه رجعت طالعتة بصدمه ماوتوقعت رده هاللون ...يكون
توقعت مدام يدور رضاها على قوله يكون ارق من كذآ رفعت راسها بشموخ : وبنت الخال ماهي بعيدة عنك نفس الطبع وراثه الله وكيلك

شهاب ابتسم لها :أقول يالله اجهزي وخلي المرادد عنتس ورانا طلعه

لطيفه عقدت حواجبها مستغربة من قبل يوصلون يقول وده ينام : وين فيه وانت فيك النوم وانا بعد

شهاب:كان فيني النوم بس آلحين راح خلاص ودي بسهرة
مدام الجوو قمرة هالليله مايتفوت ...

لطيفه :شهاب وين فيه آلحين بهالليل

شهاب:بالمرزعة واذوقك طبخي بعد

لطيفه فتحت عينها بصدمه: تطبخ انت

شهاب: ايه مين يطبخ بالكشتات غيري راح تذوقي الشوي على الفحم ماعمرتس ذقتي مثله

لطيفه : بعد المدح كله مافيني أعترض

شهاب:أجل بروح أخذ أغراض من المطبخ ...على بال ماتجهزي
لطيفه بسخرية : اوك يالشيف ...
شهاب صغر عيونه:ترا اهون وراح تنحرمي من الذ أكل

لطيفه بسرعة: لا لا تكفى ودي فيه والله

شهاب ابتسم يحس معاها بحياة ثانية غير غير عن حياته قبل
على ان الأمور بينهم بعض تكون ماهي تمام....بس يحس براحه معاها : أبشري والله ولا يكون بخاطرك بس انتي انجزي علينا وخلينا نسري ...

@
@
@
@
@
@

شقة غلا
تحس بذل ابوها ماقصر فيها أبد..آلحين يعني طول حياتها بتحس بهالاحساس الله يسامحك يبه .أشلون تكتب البيت كذا باسمها ...
طالعت بدرية الي مشغوله بجوالها زفرت بقهر:ودي أعرف كيف قنتعتي أبوي يكتبه باسمك ..

بدرية السالفة منتهيه وهي توها تسأل قالت وهي مقدرة حالتها: ي قلبي مثل ماقلت لك أعطاني هدية والله إني ماطببته هو
غلا بغصه: طيب وانا ليه مافكر فيني انا بنته مفروض يكتبه لي ماهو لك وانتي يالله ماكلمتي السنه معه ..آه بعض مرات أشك اني بنته أبوي ذبحني حيل ..وسكتت وهي تطالع سآمي الي متسند على باب الصالة ...نزلت رأسها ماتبي تشوف نظرة الشماته الي يناظرها فيها ....
....
بدرية بضيق : أخذني حقك ي غلا ليه آلحين هالحكي وبعدين أبوك عآرف انك في بيت رجلك إلا هو يحبك ويغليك حيل

سامي قرب وجلس على نفس الكنبه الي جالسة عليها غلا وطالعها بتهديد ...

غلا حست بتوتر يوم جلس قريب منها وزاد توترها يوم حذرها بعيونه ..طالعت بدرية الي منتظرة منها رد ..

سآمي : ماقصرتي ي بدرية بس هذي وسيعة وجهه
واقفلي هالسيرة معاد منها فايدة وطالع غلا ولأول مرة يشوف نظرة الضعف والذل بعيونها ...قال بقساوة : وإذا ماهو عاجبها
العيشه معنا تدل طريقها حنا مانغصب أحد على القعده معنا
ولا نحلس نبرر له ...في كل وقت

غلا بغصه: وشلون اقدر أطلع من هنا وأنت مأخذ الأول والتالي

بدرية بشك :سآمي أخذت حقها من بيت أبوها
سآمي طالع بدرية ببرود يقهر:ايه أخذته عندك مانع
وبعدين شيء بيني وبين زوجتي مالك فيه اوك

بدرية بقهر :سآمي وش هالتخريف الي تقوله

سآمي : أقول بدرية خليك من الحنيه على بنت راجح وجهزي عمرك للملكه ابو عمار ماعندة وقت ينتظر زود

غلا طالعت بدرية بصدمه ملكه. ...وقفت بقهر : حتى وأبوي كاتب لك البيت لك عين تتزوجي غيرة

سآمي مسك يدها وجلسها غصب وبهمس :مالك دخل فاهمه وإذا أبوك كتب البيت باسمها ترا قليل على العيشه الي كانت عايشتها معه يوم صاحي وعشرة لا

بدرية وقفت بضيق وهي اسمع كلامه :سامي وش ملكه وانا حتى ماعطيتك رأي بعد علامك كذا صاير

سآمي بضيق: بدرية كم مرة أقولك هالزواج بيساعد في قضية أبوي ليه ماهو راضية تفهمي

بدرية بغصه: آلحين المهر الي بيدفعه بسوي شيء هماك البيت وبعته وأشوف ماتغير شيء سآمي

سآمي : البيت ماجاب قيمة تسوى والمحامي رافص عاد يسوي
شيء غير ان حقوقه تندفع قبل

بدرية بقهر: والله هالمحامي نصاب أخذ الأول ولاخيرة منا بدون فايدة

سآمي زفر بضيق: طيب وافقي عشان نستفيد من مهرك
ونقوم محامي ثاني بدرية تكفين آخر فرصة لنا والله ي جلسة ابوي بالسجن كاسرة ظهري

بدرية عضت شفتها وهي تحاول تمسك دموعها :سآمي مالي بالزواج مافي حد بيكون مثل راجح

سامي بحده: بدرية تكفين فكري في أبوي

بدرية بضيق : وبعدين تقول انتقل معه لمكه أشلون

سآمي : الرجآل بيرجع لأهله وعياله مافيه عاد يخليهم عند أخته الصغيرة مابقي شيء على زواجها وكل ولده على شركته الي هنا
بدرية قاطعته: طيب عياله صغار مرة

سآمي :ايه صغارو بتكسبي أجر فيهن امهم ميته
وزوجته الأولى ام عمار طلقها من زمان وبناته الكبار عندها
مافي أحد بينته لهم عشان بيرجع لمكه
وخليك من ذا كله فكري بس في أبوي قدم لك مهرة مية الف
أشلون نرده وانا أخوك وبعدين لو ماهو حابه السكن هناك حاولي
تتفاهمي معه بعدين ويأخذ عياله ويرجع الرياض أهم شيء آلحين وافقي وكل شيء مقدور عليه

بدرية وقفت بضيق:أجل حدد الملكه

سآمي ابتسم : ايه كذآ هذا العلم الزين وجهزي حالك من بكرة بروح فيك عشان التحليل

غلا كنت اسمع المهزلة الي صايرة قلت معترضه :اشلون وابوي الي ماكمل ثمنية شهور طيب وابوك بعد مسجون كيف لك نفس تتزوجي صدق مافيك خير

سآمي حط يده على فمها يمنعها تكمل وبحده : خلاص يكفي درر
وبعدين لي ساعة اقنع فيها مالها داعي تفتحي لسانك آلحين

بدرية طالعت غلا والدموع بعيونها :وش الي حدني على الزواج إلا أبوي ولا ماسمعتي سآمي ايش قال ي غلا مهري يقدر يسوي شي بقضيته ....

سآمي بصرخة: بدرية خلاص ...لاتجلسي تببرري لها هذي حياتك ومافي أحد يتدخل فيها

غلا أول مافك سامي يده عن فمي قلت بقهر :يعني طمع
صح وتبون تكوشوا على الرجآل عشان قضية ابوكم
هذي الي بتلفسوا الناس جيمع وهو ماراح يطلع ي ناس افهمو
عاد الرجآل مهرب برا الديرة بعقل مين يقدر يفلت منها وبعد لاتنسوا ضربه بالرصاص على رجآل الأمن

بدرية طنشت غلا وطالعت سآمي الي شكله ناوي عليها ...
اعطتهم ظهرها ودخلت غرفتها مافي على مشاكلهم ...رمت حالها على السرير تصيح. ..سآمي امس صدمها يوم قال لها بخطبة ابو خويه ...اعترضت على طول بس قال لها. ...فلوس البيت ماجابت شيء. ..ابو عمار غني ..
ويكفي المهر الي قدمه ...يخليه يقدر يوكل محامي ثاني غير هالمحامي الي ...أخذ الأولي و التالي عليهم بدون فايدة واستنئفوا الحكم ..آلحين وعندهم أمل انه يصير شيء يغير حكم القصاص

@
@
بالصالة

طالعت وهي باقي مصدومه وماهي مصدقه: من جدك انت واختك

سآمي بحده :وش فيها بالله أختي صغيرة حرام تضيع عمرها
كذا وكاد ربي يفرحها بدل الضنا الي فقدته ....

غلا : آلحين همك تعوض الضنا ولا تقلبوا الرجآل
سآمي صغر عيونه بقهر:نقلب الرجآل ها وش عندك بعد

غلا بقهر: آلحين انحرمت من بيت أبوي واختك تتزوج كذا وانا أجلس هنا مقابله خشتك

سآمي إبتسم بنتصار:شفتي مالك غيري وغير خشتي

غلا مدت يدها : طيب رجع لي فلوسي وبحاول اتحمل خشتك

سامي ضرب يدها بقوة :بتتحمليها بدون فلوس ويالله سوي لي شيء أكله خليني أستفيد من جلستك على قلبي الله يعني بس

غلا فتحت عينها بصدمه:بعد تبي عشاء

سآمي : ايه وبعد أحمدي ربك ماطلب إيجار
غلا فتحت عينها بصدمه:إيجار والله مابقي غيرها ي ال.. وسكتت ماقدرت تكمل وهي تشوف نظرة التهديد بعيونه

سآمي ميل فمه بأبتسامه تقهر:الحمدلله قدرت أخليك تسيطرتي على هاللسان عليك والله إنها أمنيه كانت والحمدلله أخيراً تحققت

غلا بسرخية : ي حرام اتاريك متعذب منها

سلمي صغر عيونه بقهر والله ماتتوب هذي : توي فرحان ي
الظالمة انها تحققت أمنيتي تكفين اقلبي وجهك وسوي لي شيء أكله
غلا وقفت وانا باقي ماهو مصدقة : آلحين دافع في أختك مهر مية الف وش دعوة

سآمي تمدد على الكنبه وسحب الريموت وبستفزاز عشان تعرف تحترم حالها :ايه دافع فيها تستاهل يندفع فيها ملاين بعد حسرة عليك انتي الي أبوك دافع مهرك هو عشان ينفك الله يغثك غثيتيه وهو الله يسامحه غثني فيك ودبسني آلحين زود يوم كتب البيت باسم بدرية بجلس مقابل خشتك طول عمري

غلا طالعتة بغيض صادق سامي أبوي رخصني حيل وهو حي وبعد مامات قضا علي على الآخر
أعطيته ظهري ...ودخلت المطبخ ..وانا مقهورة. ..ليته سم في بطنك الي بتدحرة آلحين
طلعت طماطم وبيض ...وخبزفيني قهر الحين باعت البيت ..وراح تتزوج كيف تقدر وش هالقلب عليها آه يبه ..شوف الي أعطيتها الأول والأخير ماكلمت السنة ...إلا هي تبي تعرس...ي قوة قلبها ....

: كل هالتحلطم عشانها تبي تتزوج

فزيت بخوف وطالعته بقهر: شكلك تبي تموتني ناقص عمر
فجعتني اففف

سآمي قرب منها وأخذ قطعه من الطماطم وأكلها طالعها بنظرة
مستفزة : فكه وكاد أقدر أخذ وحدة من خوات عمار

غلا رفعت السكين بوجهه وبتهديد :عشان تكونوا كوشتوا على الهامور وبنته وعصبت زود من ابتسامته المستفزة قفلت عيونه بصبر ورفعت يدها سامي أطلع قبل اذبحك

سآمي نزل السكين :آلحين الحركه هذي أخذني عليها آثم مايجوز ترفعيه بوجهه أخوك المسلم

غلا عضت شفتها وزفرت بضيق :ثواني ويجهزالاكل وبجيبه للصالة

سآمي : طالع الطاولة الحين ساعة عشان تجهزي بيضه

غلا بغيض : البركة فيك عطلتني

سآمي :آلحين انا الي عطلتك

غلا بطفش : سآمي خذ غرام وطس لعند أختك وكاد تذكروا شيء ناسينه وبعد فكروا بحيله تأخذوا أكثر من المهر فرصة وجتكم ي عيال وافي ..

سآمي قرب منها وقال بتهديد : ثاني مرة اسمع منك شيء يسد
النفس تقوليه لبدرية والله ي غلا بتشوفي ولد وافي وش يسوي

غلا بسخرية:أكثر من كذا وش بشوف بالله
سآمي بحده:تعرفيني ي غلا وش اسوي وهو يناظر غرام الي جالسة تلعب بدرج الدولاب
غلا حسيت جسمي رجف ...إلا بنتي ..نقطة ضعفي ومافي شيء مخليني اتحمل غيرها ....وايه لاانسي بعد آلحين ماعندي بيت ...قلت بغصه :مالي دخل في أختك تتزوج تنتحر كيفها ..

سآمي بقهر :والله انا الي بنتحر لو جلست أخذ وأعطي معك

غلا نزلت نفسي وحملت غرام وجلسها على الطاولة وبغصه:مايفرق بيني وبينك إلا الموت يمه
في بيت ناصر

بالصالة
منيرة حطت القهوة والحلا على الطاولة وسألت بستفسار : وش فيها خالتي داقه

ناصر بضيق:تبيني أروح لبيت عمي تقول ماهي مطمنه من ناحية وليد

منيرة :وآلحين بتروح

ناصر :لا اعتذرت منها وقلت مايصير وعمي ماعزمني
وبعدين فشله كل ماجا حد خطب ريتآج ارتزينا له بالمجلس والحين الله يستر وش بيصير

منيرة :مدام وليد مايبيها ماراح يصير شيء تطمن

ناصر بقهرمن أخوه : مين قالك مايبها إلا ميت فيها بس طول عمره غبي ومتسرع ومايعرف مصلحته

منيرة رفعت الفنجان وبدقه: سبحان الله اتاريك مارحت بعيد

ناصر صغر عيونه :وش افهم من هالنغزة ي ام سلطان

منيرة ابتسمت : سلامة عمرك ي ابو سلطان
ناصر وقف وهو قلقان : أقولك بروح لأمي خايف عليها والله
وشكلي بطيب خاطرها واروح لبيت عمي
منيرة : ثواني بروح معك لخالتي وبعدين روح لبيت عمك

ناصر : انتظرك بالسيارة ..
@
@
@
@
@

في بيت ابو عصام
بالتحديد بالمجلس
أول ماشاف وليد دخل ورد السلام. ...حس بقلق ...والله ناوي على شيء قرب منه وهو يسلم عليها بتهديد : أقسم برب العزة لو تسوي حركة وسخه راح تدفع ثمنها حياتك اليوم

وليد بسخرية : روق ي ولد العم واحكي شيء على قدك

عصام بغيض: سواها وفشلني قدام خويي وشوف آيش يحصل
وليد أبتعد عن عصام وهو مقهور ...منه يهدده الخايس قرب من عمه وسلم عليها وعلى ابو المعرس وأول ماقرب من المعرس مد يده وبنظرة كلها سخرية : انت العريس هلا والله وارحب عندنا

طلال عقد حواجبه مستغرب من أسلوبه بالحكي : هلا فيك

ابو عصام بتوتر: تفضل تفضل ي وليد
حياك آلحين المجلس نور

وليد رفع حاجب وابتسم بوقاحة:افا ي عم المجلس منور بطلال وابوه

طلال بضيق أبد ماهو مرتاح له : تسلم

عصام جالس على أعصابه ...خايف من عمه كان وآلحين خايف زود من جية وليد الي أبد ماتوقع يجي ...وده يعرف مين عزمه

بعد الترحيب والسلامات ...
ابو عصام طالع أخوه سلطان ...توقع يرفض يجي او يعترض بس ماغير ساكت من وقت مادخل ..همس الله يستروش وراه هالسكوت ... .......

وليد
كنت مقهور ..وحالتي حالة وانا اشوف ...عريس الغفله
مرتز وسط المجلس ...
آلحين ي ريتآج توافقي على هذا ...وترفضيني ...هين لو أخذتيه
والله على موتي طالع جهة عصام بحقد ...والله ماتنال الي تبيه
وبيطلع خويك منكس الرأس وانا ولدي أبوي. ...

عصام وهو يقدم الضيافة

ابو طلال : تسلم والله يعز قدركم وحنا اليوم جاين ي ابو عصام ودنا بالقرب منكم..وحنا ماجينا هنا إلا بعد ماسمعنا بموافقة البنت ...

ابو عصام : حياكم الله والله يكتب الي فيه الخير...وآلحين اقلطوا على العشاء وبعدها نتكلم

وليد بسرعة أعترض : نسبكم ينشرى يا ابو طلال بس مير البنت بنت عمي وانا اولى فيها وأنت اخبر بهالعلوم طلقيتي وبرجعها

طلال بحده وقف: وش اولى فيها قلتها طليقتك آلحين ومالك حق أبد تعترض

وليد طالعه بتصغير : كلمتي ماهي معك مع ابوك

عصام وقف بعصبيه : وليد أحترم المجلس الي أنت فيه وبعد لعمك
وليد طالع عمه وقال :والله كل الإحترام لعمي وآلحين انا كلمت
ابو طلال
ابو طلال طالع ابو عصام وبحده: مالنا كلام معك حنا كلامنا مع ابو البنت ...

ابو وليد وهو مبسوط من ولده : ابو البنت مايرد ولد أخوه عشان الغريب ولا ايش قولك ي جاسم

ابو عصام طالع أخوه بحيرة موقفة صعب حيل قال وهو يحاول يهدي الوضع : هدوا ي جماعة وماراح يصير إلا الخير آلحين تفضلوا على العشاء

ابو طلال بحده :اي عشاء وهذا معترض على الزواجه

ابو عصام طالع وليد وأخوه وهو متفشل مايدري وش يقول ..

عصام بعصبية : يبه تكفى ماترخصها يكفي ضيعوا نصيبها أول وآلحين والله على موتي مايقدرون يغيرون رأيك

ابووليد بحده ضرب الأرض بالعصا الي بيده : وش حنا مسوين آلحين عشان ولدك يسمعنا هالحكي ي جاسم

ابو عصام طالع عصام بتحذير: حقكم علي وبعد وليد غلطان

مايصير الي سواه وانا أخوك
ابو وليد :والله ماطلب الا حقه

ابوطلال : اختصرها ي ابو عصام وقول الي عندك

وليد بسرعة: بختصار خذ ولدك قبل مايصير فيها دم

ابو طلال طالع ولده وقال بحده:حيف على الرجآل الي دليتنا لهم

ابو عصام بعصبيه : وليد تراك زودتها حيل واجلس ي ابو طلال هو الي يطلع ماهو أنت

ابو وليد بحده:تطرد ولد عمك عشان الغريب

ابوعصام بعصبيه : عصام

وليد قرب من عمه وسلم فوق رأسه وبهمس: ماعليه ي عم خليه يسوي الي يبي وحقك علي بعد اذا اعترضت ...بس قلبي يبي بنتك وتكفى ماترده دخيلك ي عم ما تكسره
ابو عصام طالعه محتار ...حتى هو يبيه لبنته أبد ماهو مرتاح لخويي عصام . ولا لأبوه .وعارف بنته قالت موافقتها بهالسرعة عشان تنفك من هالسالفة ....

أبو طلال طالع ولده : بعدك واقف امش قدامي والله ماتأخذها
ابو وليد ببرود :تهمل ي رجآل العشاء زاهب

ابو طلال بعصبيه : عليكم بالعافية وطلع وهو معصب مع ولده الي معصب أكثر منه

وليد جلس جنب أبوه بعد ماطلع عمه وعصام وراء الضيوف
وهمس له: ودي اذبح هالعصام والله نشب لي حسبي الله عليه

ابو وليد بقهر: حسبي الله عليك انت مابغيت تتحرك إلا لما البنت بتطير من يدك ...

وليد طالع عمه الي دخل وهو زعلان وقف بسرعة :اسف ي عم والله مابي احرجك معاهم بس مثل مانت خابر
ابو عصام بضيق: خير ان شاءالله بس تأكد وليد لو ريتآج رفضتك مرة ثانية والله ماتطلع مغصوبه

وليد بضيق : ان شاءالله توافق وهي راضيه بعد

ابو عصام : أجل يالله حياكم على العشاء

عصام بسرعة بعد ماطلع خويه وابوه دخل البيت ....وشاف قدامه شوق صرخ : شوفي لي الطريق
شوق بسرعة : دقايق عصام الحريم بالمجلس

عصام بصرخة : آلحين بدخل عليهم قلت لك شوفي لي الطريق

شوق طالعت الصاله : طيب طيب أدخل مافي احد قدامك

عصام بسرعة غرفة ابوه وأخذ الراشاش ..وصرخ: والله لا اخلي الدم الي تقوله ي وليد يصير ولا ماكون عصام

شوق
أول ماشافت عصام وهو داخل مدرعم لغرفة ابوه . عرفت انه في بلى صار بسرعة دخلت مجلس الحريم وهي تنادي ريتاج
: الحقي والله أخوك بيسوي مصيبه اليوم تكفين الحقي سوي شيء
دخل غرفة أبوك وهو حالتة حالة ...

ريتآج مشت بسرعة لصالة شافته طالع من الغرفة والرشاش بيده صرخت وهي توقف بطريقة: تكفى ي خوي تعوذ من ابليس

شوق صرخت مصدومه وهي تشوف الرشاش بيده. .بسرعة سكرت باب الصالة ..ماتبيه يطلع ..

عصام بصرخة دف ريتآج : ابعد عن طريقي
شوق بخوف : وش ناوي عليه ي عصام تعوذ من ابليس

عصام وهو معصب : ابعدي انتي بعد والله ماغير اطرش دم أخوك اليوم ولا ماكون ولد أبوي ودفها بقوة عن طريقة وفتح الباب ....

ريتآج بسرعة أخذت العباية حق الضيفة الي كانت معلقة على الشماعة ...بالصالة وطلعت ...وهي تركض تبي تسوي شيء قبل اخوها يضيع .....

ويالله قدرت تلحقه وتمسك فيه طاحت عند رجوله وهي تترجاه وتمنعه مايدخل المجلس .. : تكفى ي خوي وبصوتها كله يبه ...يبه تكفى لا تخلي وليد يطلع ...يبه

عصام بعصبيه : ريتآج انقلعي عن طريقي والا والله بفضيه براسك

ريتاج وهي تحاول تقوي حالها وتقدر تمنعه : ثور برأسي حلالك بس تكفى ماتدخل المجلس تكفى لا تضيع حالك

شوق بسرعة دخلت للمجلس وهي تصرخ: يبه الحق علينا

طلع ابووليد وابو عصام وليد بس ابو عصام بسرعة قدر يمنع
وليد الي هو بعد يتحلف ..ويهدد ....
ابو وليد قرب منه بعصبيه:مجنون تذبح ولد عمك عشان خويك

عصام بقهر : اذبحك قبله انت وبصرخة وش جابك انت ولدك
مايكفي ضيعتوها قبل وقفتوا بنصيبها وآلحين بعد لا والله إذا أبوي قدرت تمشي كلمتك عليه انت وال**** ولدك انا ماتقدرون علي
وليد صرخ بعصبيه وهو يحاول في عمه يفكه : ي ال***لو رجال ماتستقوي قدام الحريم

شوق بقهر : وليد تكفى لا تزيدها وانت عصام تعوذ من إبليس وخلي عنك هالبلى تكفى لا تدمرنا ...

ريتآج عينها على الباب لا يطلع وليد الي صوته واصل لهم..بس وقف قلبها يوم طلع وهو متحدي ..واقف صرخت بخوف وهي تقرب منه:تكفى ترجع تكفى لاتضيع حالك وتضيعه ..

عصام بسرعة رفع الرشاش ..صوبه وبصرخة: ريتآج ابعدي والله لاثور فيك بعد ابعدي

ريتآج وهي منهارة : والله مابعد ثور فيني قبله ...أجل

شوق بصرخة وهي واقفه بوجهه : تكفى ي عصام تعوذ من
ابليس يبه ي عم سووا شيء وهي تصيح بصوت عالي موقفهم
صعب حيل ..

ام عصام الي جايه تركض توها قايله لها الخدامه أول ماشافت الرشاش بيده صرخت : يمه عصام تعوذ من إبليس وهي تناظر ابو وليد وليد :كله منكم الله لايبارك فيك وفي ولدك
ابو عصام بصرخة: ي مره أدخلي

ريتآج كنت خايفة لا يطلق عصام عيني على يدة وخايفة من أبوي لا يسوي شيء لأمي ...

ام عصام بعصبيه : راح أحترم حالي إذا هذولا احترموا نفسهم

ناصر الي دخل يركض وهو يسمع الصوت واصل لبرا ...شاف عصام والرشاش بيده بسرعة تقرب وغافله ...وطيحه على الارض وبسرعة تدخل ..ابووليد و سحب الرشاش ...من يد عصام الي يصارخ معترض ...

فرحت من قلب وهي تشوف ناصر قدر يتصرف .الحمدلله يآرب ....طالعت أبوها الي شكله مقهور ومصدوم هي بيدها تقدر تنهي هالمهزلة كلها طالعت
وليد ورجعت طالعت عصام الي يصارخ ويهدد في الكل أبد ماهو طبيعي ردة فعله قويه حيل : عصام ريح حالك خويك مابيه وابي ولد عمي وطالعت وليد لو تقدر جيب مملك الليلة بعد
جيبه وفكنا من ذا كله
ام عصام بعصبيه : بنت أمشي قدامي
عصام وقف وهو معصب حده : ريتآج خلاص ماراح اسوي
شيء بس تكفين ماتضيعي حالك عشانا

ريتآج طالعت الرشاش الي بيد عمها تطمنت شوي وقالت وهي معطتهم ظهرها :شيء منتهي منه عصام ..

وبسرعة دخلت البيت ...شافت الحريم .بالصالة طالعين بسرعة فكت العباية ...ورجعتها مكانها ....وطلعت غرفتها
وهي مقهورة من نفسها ..لآخر شيء وهي تضحي ...بس هالمرة لو ماضحت بتصير جنازة ....طالعت امها الي داخله وهي معصبه : وش هالفشلة الي فشلنا فيها ولد عمك الحريم طلعوا زعلانين وبعد خافوا يوم شافوا الهوشه والله اني تفشلت ...

ريتآج : خلاص يمه مافي نصيب وبعدين ليه كذآ تقولي لعمي
والله الحين ابوي بيزعل وزعله شين

ام عصام بعصبيه: ماراح اسمح لك هالمرة ي ريتآج ورجوع له على جثتي ماراح ترجعي له وابوك مايهمني ماغير يحط حيله علينا بس ...

ريتآج ابتسمت بألم :برجع يمه برجع ...
ولو فعلاً قلبك علي الله يخليك ماتكلمي مع ابوي بهالسالفة وتسوي مشاكل تضيق خاطري تكفين يمه طلبتك ويكفي الي
بيصير آلحين ...
ام عصام بقهر : أبوك ذا شغله عندي وطلعت وهي معصبه حدها

ريتاج وقفت وقفلت الباب بالمفتاح مابي أشوف أحد
وكيفهم يسوون الي يبونه حدي تعبت منهم ....ومن هالمشاكل كلها آه وش هالحظ علي ....
::
::

في الحوش
ناصر مسك وليد وهو يبعده عن عصام : امش اطلع يالله

وليد دف ناصر ورجع قرب من عصام : ان شاءالله اردها واطلق من هاالرشاش الي تهايط به

عصام أعطاه بوكس على فمه وهو يصرخ :ال***** والله ماتطولها

وليد بسرعة رده له وهو معصب وماسك خشمه الي صب دم
ناصر طالع أبوه الي يناظرهم ببرود بسرعة سحب وليد
ومشاه للسيارة ...وهو يهاوش فيه ...

ابو وليد قرب من عصام ورفع العصا : آلحين بتذبح ولد عمك
عشان خويك تف عليك وحيف على الرجآل الي شرواك ..
عصام حس بغل وغيض انتصروا عليه ...بسرعة دخل البيت وهو يشوف أبوه يهاوش امه بالصالة قرب منها وقال بقهر : انبسط يبه خليتهم يطلعون وهم رافعين الرأس

ابو عصام بصرخة : انقلع لا اشوفك وبسرعة طلع للمجلس
انصدم يوم حصل المجلس فاضي ....طلع وهو معصب ويصراخ :وينه ولدك الي مايستحي طرد عمه وعياله

ام عصام بقهر :ولدي طلع وهو مغبون حسبي الله عليك وعليهم

ريوف
طالعت عيالي ...وهم نامين وقفت وطلعت من الغرفة ..
نزلت تحت البيت هدوء ...يفزع صراحة. .صح ان انا وأسامه مانحكي ونجلس مع بعض كثير ...بس كان وجوده مسوي حس وحياة للبيت ...دخلت المطبخ سويت لي سندوتش جبن ...وسكبت لي عصير تفاح ..ورجعت الغرفة. كان جوالي يرن بس ..أول ماقربت بأخذة قفل ..حطيت الأكل ومديت يدي وسحبت الجوال ...إلا رجع يرن شفت رقم أسامه سبحان الله توني بسيرته سميت بالله ..وفتحت الخط :الو
اسامه بتعب : السلام عليكم

ريوف ببرود:عليكم السلام

أسامه : كيفك وكيف العيال

ريوف : الحمدلله كلنا بخير

أسامه : الحمدلله المهم لو احتجتي شيء أو صار شيء فجأة لواحد من العيال لا تنتظري دقي على مرة رائد اوك لا اوصيك

ريوف : ان شاءالله فيه شيء ثاني

أسامه عض شفته تكلمه ببرود يقهر بدون حس قال:لهالدرجة ماهو بطايقة تكلميني حتى وانا بعيد بعد قلبك ماحن شوي على الأقل اسألي كيف السفرية معي
ريوف تنهدت بضيق: يعني ايش يفرق أسامه قريب بعيد نفس الشيء والسفرية وش بيصير لك فيها صوتك مافيه إلا العافية

أسامه بعصبيه صرخ : وش فيك كذا عديمة إحساس

ريوف بعدت الجوال من صرخته : أسامه عيب تسأل هالسؤال وانت سبة كل شيء فيني انت ومرة ابوي خليتوني أكره حالي وأكره كل شيء وفي النهاية تقول عديمة إحساس

أسامه قفل عيونه بصبر: ي بنت الناس وش دخل آلحين مرة ابوك وبعدين مثل ماقلت لك كلنا مظلومين وللحين ي ريوف أقولك أعطيني فرصه والله لاعوضك ي بنت الناس متحسف حدي على الي سويته

ريوف بحسرة :تعوضني على وشهوو

أسامه تنهد بضيق مل من هالسالفة ماغير تعيد وتزيد فيها : آه لو تدري بغلاك بس

ريوف ابتسمت بستهزاء: أسامه لاتقول شيء أبد ماهو بلايق عليك

أسامه أخذ نفس قوي ..وهو يتعوذ من إبليس وقال وهو يغير السالفة : تصدقين جدة جوها حلوو ماهو مثل الرياض برد
ليتك خليتي العناد وجيتي معي ..كان مرة الجوو مناسب للعيال
وآلحين بعد عندكم مطر رائد يقولي

ريوف بضيق:وكاد خيره لنا ..وتبي شيء قبل اقفل

أسامه بهمس : ابيك تسامحيني وتخلينا نعيش حياتنا برواق وهدوء

ريوف : أسامه الي يسمعك يقول منغصه عليك عيشتي بطول لساني ولا بمشاكلي الي اسويها معك

أسامه طنش حكيها كله وقال : ابي أعيش حياتي معك ريوف وحنا راضين على بعض ممكن هالشيء واتوقع ماهو صعب لها الدرجة

ريوف بغصه : ماهو صعب عليك بس انا صعب علي وخلك من الحكي ومد اليد الي صار بس تذكرانك كنت ناوي تذبحني بالمسدس تذكر يوم رفعته بوجهي و آلحين جاي تقولي ممكن هالشيء لا لا مستحيل بعد .يوم سمعته بيتكلم قالت بغصه وجعه . والله ي أسامه كله بنساه بس يوم قلت أبوك مات بحسرته أكيد من شين فعولك وقتها بكيت وصحت وقلت لك أبوي مات وهو راضي عني وكان يشوفني كل شيء تذكر نظرتك لي وقتها إذا انت نسيتها انا مانساها يومها ودي أموت ولا اسمع حكيك ونظراتك لي كأني حشرة ولا شيء مقرف أسامه الي بيني وبينك شرخ كبير ومستحيل تقدر تجبرة ...

أسامه عض شفته مافيه يرد ...كل كلمة قالتها صدق هو قالها
والحين مافيه يبرر شيء زفر بضيق :آه ي ريوف لو تنسي
الماضي بس راح ترتاحي وانا معترف اني غلطان حدي ولك الي يرضيك أمري بس وتدللي والله ي ريوف من وقت ماشفتك وانتي لك مكانه بقلبي ورفعت المسدس بوجهكك من غيرتي عليك عليك

ريوف : كذاب ماهو غيرة إلا قلبك المريض صور لك شيء وسخ مثل قلبك ...

أسامه عض شفته بندم : ريوف تكفين لا تزيدها علي والله إني ضايق وحالتي حالة

ريوف مسحت دموعها : أسامه قفل خلاص مافيني والله
مابي اوجعك ولا توجعني ...

أسامه : اوك بقفل بس فكري تكفين عشان عيالنا ودي أرجع واشوف كل شيء تغير ودي اعيش حياتي معك

ريوف
قفلت بوجهه ..مابي اضعف من كلامه .. ..آلحين جاي يقولي ننسى. ..
آه أشلون بنسى بالله الي سواه اسامه قتل كل شيء حلو فيني خلاني أكره حالي واستحقرها من كثر مايسمعني حكي ...
ماهو فيني .بعض مرات اشك بعمري ...طالعت عيالي ...ربي يحفظكم لي وراح تعوضوني عن حياتي كلها يمه ...واثقة من هالشيء ان العوض فيكم ربي لا يحرمني منكم ...ابوكم مالة وجود بحياتي طالعت الأكل الي انسدت نفسي منه طالعت الجوال
يوم وصلني واتس فتحته شفته من أسامه (مالي عذربس عذري الوحيد انك ملكتي قلب أسامه )
فتحت عيني بصدمه افف المغرور تنازل عن غروره شوي
مره وحدة ي اسامه ملكت قلبك ي كبرها ...
رديت عليه (متى أمداني أملك قلبك ي رجآل تراك زودتها حبتين ي المغرور )
بسرعة جاني الرد (كيف ومتى مدري و حقك تتمسخري وزود بس انا لك إذا ماخليتك تهذي باسمي بعد ماهو بس املك قلبك )

ريوف فتحت عيني بصدمه من رده بسرعة كتبت له (ابوك بالجنه ان شاءالله )
أول ماشفت جاري الكاتبة رميته مابي اتمادى معه ويصدق نفسه
أخذت عشاي وبديت أكل ....بس الفضول ذبحني رجعت فتحت المحادثة شرقت بالأكل وانا اشوف صورته بعدها ابتسمت وكتبت له(وش مناسبة الصورة وفيس يضحك) انصدمت حيل من الي رده (تصدقين يوم نكلم بعض تبدي تسطري لي فعولي كلها بس يوم نكلم بعض على الواتس الحمدلله ربي يهجدك وليته دايم )
بسرعة كتبت له (ابشر هالمرة بعد بالواتس لاتفرح حيل )
ارتحت يوم قرأ الي أرسلته ومارجع رد الحمدلله أخيراً هجد مابغينا طالعت صورته الي مرسلها لي ....حسيت بقلبي حن عليه رميت الجوال وانا اتهرب من مشاعري صوبه ايه لأنه بعيد بس حسيت كذآ ...... طالعت الجوال مستغربه ليه طلع من الواتس معقول ردي زعله لهااالدرجة ...
@

@
@
@
@
في شقة رائد

طالعها وهي زعلانه :آلحين ماده البوز هذا كله عشان خطبة أختك ماحضرتيها

أسيل بقهر :افف رائد لا تذكرني

رائد :مدام قايله رائد زعلانه وبقوه بعد بس والله بيني وبينك ازعلي مدام تقولي رائد افضل من رودي الي ودي ازنطك يوم تقوليه

أسيل بقهر : انت وين والدلع وين بالله هذا وجهه يدلع

رائد بضحكه :رجآل طول بعرض تقولي رودي

أسيل ميلت فمها بسخرية: وين الطول والعرض بالله

رائد صغر عيونه بقهر: اوه الدلوعه صاير تعرف ترمي حكي
وقف بستهبال بالله هالطول كله والعرض ماهو مالي عينك

أسيل طالعته بقهر : رائد روح لأمك وفكني

رائد فتح عينه بصدمه: بعد تعرفي تطردي لا لا أبد ماهي شخصيتك اسول

أسيل بعصبيه: افف ودي اروح لبيت أهلي وأشوف ريتآج

رائد : عارف والله انك ضايقة بس لمصلحتك أسيل رفضت تحضري خايف على الي في بطنك الدكتورة تقول وضعه أبد مايطمن يبي لك راحه على طول

أسيل : طيب وش يصير لو خليتني بيت أهلي لما أولد

رائد :افاا وتخليني لحالي سكتت يوم جواله رن وقف وأخذه عقد حواجبه وهو يشوف رقم أبوه رد بسرعة : هلا يبه

ابو أسامه بحده : قول لأمك تعقل وترجع بيتها قبل مااسوي شيء يزعلها صدق

رائد بضيق :يبه تكفى هدي شوي تراها ضايقه منك
وآلحين تعال وسمعها كلمتين ترضيها وصدقني راح ترجع

ابو أسامه بعصبيه : ي الهامل اخلي الحلال عشانها قول لها بس
ترجع ولا والله بتندم وقفل بوجهه

رائد طالع أسيل : آه مدري أشلون اقنعها آلحين وبعدين أبوي مرة قاسي الله يهديه

أسيل : صعب رائد تقول لها أنت يمكن تحس انك ماتبيها تجلس عندنا أفضل شيء تدق على أبوك وتخليه يكلمها بنفسه
رائد : لو يبي يكلمها كان دق على جوالها اخخ زعل الشياب شين وينك ي أسامه ماغيرك تعرف لهم

أسيل : أفضل شيء تروح لأبوك وتحاول تقنعه يجي هنا .بس مدام مايبي يكلمها .

رائد وقف وهو متضايق حده : آلحين أقولك مايبي يكلمها تقولي خليه يجي هنا اسوله الحمل مأثر واجد عليك الله وكيلك

أسيل بدلع : رودي والله ازعل

رائد : خلينا آلحين من زعلك وادعي ان امي ترضى

اسيل رفعت يدها : يآرب

@
@
@
@
@

بعد يومين

طالعت بدرية وهي تلبس العباية
قلت بسخرية :افف لهالدرجة مستعجله ولا العريس الي مستعجل
ودي أعرف أشلون طلعت التحاليل كذا بسرعة

سامي بحده : ليه تبيها تجلس تقابل خشتك بعد الملكه أكيد عريسها مستعجل

غلا بقهر : مين كلمك آلحين أكلم بدرية جالسة

سآمي : أقول انكتمي بس

بدرية بقهر : تدرون ليه مستعجله ودي اطلع من هالشقة عشان بس انفك من المشاكل الي انتم عايشين فيها كرهتوني حالي والزواج كله أعوذ بالله ماتجتمعن إلا تتهاوشوا

سآمي بتريقه : لو حنا فعلاً كرهناك ماعرستي روحي والله طايرة بهالشايب

غلا :وبعد طالعة ومستعجله وتقول كرهتوني الله المستعان بس

بدربة ناظرت سآمي وغلا بقهر :آلحين علي اتفقتوا بس شيء
يخصكم تشبوا في بعض الله يثبت العقول

سآمي : أقول امشي الشايب حقك شوي وينام تراه آلحين سهر
عدت عشرة وهو صاحي يعتبر مواصل بعد

غلا ضحكت غصب عني عليه : هههههه يالله ي بدرية الله يعنيك والله انه بيغثك مدام هذا نظامه

بدرية : الله يعيني عليكم انتم وقربت من غرام وحملتها وباستها بحب والله بشتاق لك حيل

غلا
تكذب لو تقول مافرحت لها. ..صح أخذت بخاطرها في البداية بس حرام تحرم حالها وهي باقي صغيرة ..وبعدين بعد ما أعطتني نصيبي من بيت أبوي وهي ماهي ملزومه عرفت بطيبة قلبها ....قربت منها وبستها وهمست لها : آسفه على كل شيء صار مني واعتبريني أختك الصغيرة وغلطت

بدرية ضمتها لصدرها بحب :والله لك غلا بقلبي ي غلا ومابي افارقكم بس مثل انتي عارفة آيش الظروف

سآمي قرب منهم وسحب غلا وقال بتريقة: أقول والله مو متعود
على أشكالكم كذآ متعود طاخ طيخ

..

غلا مسحت دموعها وبقهر وهي تناظره : عرجبي وأكيد كنت تروق على الطاخ والطيخ

سآمي رفع حاجب :آلحين معتذرة من بدرية وانا بعد تراك غلطتي علي واجد وللحين قليلة حيا بعد ..

غلا طالعته بقهر : أنت آه ودي ابرد قلبي زود

سآمي طنشها وقرب من بدرية وسلم فوق راسه...وبهمس : عيشي حياتك وانسي الي صار كله ولا اوصيك في ابوعمار تراه حبيب ابتسم بس نظامي شوي وكرهني بعيشتي بالشغل ...بس الحمدلله آلحين انفكيت منه ومسك مكانه حبيب قلبي خويي

بدرية ابتسمت له .وهمست : ان شاءالله

سآمي حمل شنطتها ومد يده : يالله ي قلب أخوك

بدرية طالعت غلا تذكرت راجح على طول ...تعوذت من إبليس آلحين مايصير على ذمة رجآل ثاني ..طلعت بسرعة مع سآمي
أول ماشافت السيارة الفخمه الي تنتظرها ...طالعت سآمي وبهمس :غلا لا اوصيك فيها
سآمي ابتسم :آه من هالغلا لاعبة بحسبة أخوك مفروض
توصيها هي ماهوانا الله يسامحك بس ..مدري اشلون تشوفين

بدرية بترد عليه بس سكتت يوم شافته نزل ...وهو يرحب
:حيا الله العروس تفضلي تفضلي وهو يأشر للباب السيارة

سآمي : لا اوصيك ي ابوعمار تراها الغالية وماعطيتك هي إلا واثق فيك

ابو عمار : ان شاءالله ماتشوف إلا الي يرضيك ويرضيها ...
وهو يفتح لها الباب الي وراء

وركب جنبها ..وقفل الباب وقال بهمس : مبروك

بدرية طالعت سآمي الي واقف حست بحزن عليه ...ماتبي تفارقه ...نزلت رأسها وبهمس: الله يبارك فيك

ابو عمار بهمس:ان شاءالله ماتشوفي مني إلا الي يسعدك

بدرية طالعت السيارة الفخمه حيل ...وانا احس بضيق
خايفة حدي ومتوترة بهمس مابي السواق الهندي يسمعني :على طول مسافرين ولا بنجلس هنا كم يوم

ابو عمار:للمطار على طول وبنجلس بجدة يومين وبعدها ان شاء الله مكه
بدرية هزيت رأسي بدون ماتكلم ...كل شيء غريب علي
في الديرة
بعد صلاة المغرب
وهي ترحب :هلا هلا والله في ام صالح لطيفه يمه روحي سوي القهوة
لطيفه وقفت : ان شاءالله

ام صالح وهي تطالع لطيفه يوم طلعت : أقول ولد أختك بيرد مرته الأولى

صيته :وش ذا الحكي ي ام صالح

ام صالح :والله اني شايفة سيارته واقفه جنب بيت ابو طليقته

صيته : رايح يزوره جته جلطه مافيها شيء يبي الأجر

ام صالح : وين يزوره ام مفلح تقول ارسل له مرسال يبيه يرد
بنته خايف عليها بعد الي صار له وخابرة اختها صغيرة مرة بعد
خايف عليهم بالحيل ومن حقه معه هذولا في ذمته ولو راح مالهن سند غيرة

صيته بحده: ام مفلح هذي علومها تسذب مثل العادة والرجال توه عارس على بنت خاله ومرتاح معاها واسكتي لا آلحين تسمع هرجتس وتضيق ..
ام صالح : اي والله وانا قلت تسذا الرجآل توه معرس بس والله وانا اختس لو الرجآل احرجه ماله وجهه يرده
لطيفه
سمعت كل الي قالته ..حسيت بقلبي يغلي ودي أدخل واسكتها بس ماقدرت
تحركت للمطبخ وانا ضايقه حدي شهاب بيرجع مرته الأولى
هذا هو مشوارك المهم ي شهاب ...من اليوم وهو مسندر رأسي بهالمشوار اتاري الرجآل حن لها هين والله مايصير هالشيء وانابنت أبوي
@
@
@
@
@

في بيت ابو عصام
،،
،،
ابو عصام : يالله ي بنتي رجلك ينتظرك

ريتآج بضيق طالعت أمي الي زعلانه وصادة عني ماتبي حتى تسلم علي

عصام بقهر :آلحين رخصتي عمرك ورجعتي له والله انه ما
يستاهلك
شوق بقهر : عصام بدل ماتبارك لها وتدعي ان ربي يسعدهم هذا ردك آلحين ودي أعرف ليه هالحقد كله

عصام بعصبيه : انكتمي لا تحشري حالك

شوق وقفت بزعل : بقوم أبارك لأخوي أفضل

عصام طالع ريتآج ....وهو متحسف ليته قدر يمسك أعصابه كان هالشيء كله ماصار بهمس: ليتك فكرتي بحالك بس
وخليتنا جميع نحرق في بعض

ريتآج زفرت بضيق يكفي أمي آلحين عصام بعد بيكمل الناقص
آه ي عصام مين قالك اني فرحانه وانا راجعة له ...بس في الي حدني على اقصاي ..قربت من وسلمت فوق رأسه وبهمس: تمنى لي السعادة هذا الي ابيه آلحين وتهورك تكفى لا تعيده هالمرة حصلت مين يرد الي بتسويه بس المرة الثانية بتضيع عمرك

عصام تنهد بضيق: والله أبد ماهو كذا بس قهروني كل مرة يطلعون رجآل لهم مكانه وسمعه طيبه من مجلسنا خايبين ويفشلونا معهم

ريتآج :نصيبي لوليد وخلاص انتهى الموضوع

عصام مد يده ومسك يدها : تعالي انا بطلعك له
ريتآج ودي مايطلع معي يكفي يوم المملك بالمجلس وانا وشوق جالسين على رأسه مانبيه يطلع و يرجعون يتصادمون هو وليد عآرفة وش بيصير لو شافوا بعض بذات آلحين قلت بسرعة : لا ي خوي مشكور انا بطلع

عصام بحده:أمشي ساكته ريتآج

ريتآج طلعت معه وانا ارجف خايفة حيل واتخيل المشكله الي من يومين ترجع تصير ...أول ماشفت ابوي وشوق واقفين جنب وليد حسيت براحه شوي

عصام قرب من وليد وبغيض وهو يناظر ابتسامته المستفزة : جاي تأخذ ريتآج معك خذ أختك بالمرة معك
وليد عقد حواجبه : وش قصدك

شوق فتحت عينها بصدمه من الي قاله ..

عصام بحرقة وهو يطالع شوق الي تطالعه : قصدي واضح شوق انتي ( طالق) خذها معك آلحين وخلي الفرحة تكتمل عندكم ...

وليد بعصبيه مسكه من ياقة ثوبه : صدق انك قليل مرجله

شوق شهقت بقوة ماتوقعت أبد ...طالعت عمها و أخوها
وريتاج وهي مصدوم بس قوت حالها وقالت وهي يالله تجمع
شوي من كرامتها وهي تحاول تسحب وليد : قلتها قليل مرجله ولا تزعل بروح معك ي سندي ربي يعطيك العافية
ومبروك رجوع مرتك لك

ابو عصام بعصبيه : يال******* وش الي سويته

عصام بسرعة دخل البيت ...وهو يسمع هواش أبوه

ريتآج كنت مصدومه حدي ..من الي سواه طالعت ابوي الي يهاوش عصام ....
وشوق الي تمثل القوة بس والله الصدمه واضحه عليها طالعت. ..وليد بعتب كله منك ليتك ماجيت كان هالشيء كله ماصار

ابو عصام بقهر :خذ مرتك ي وليد وخلي شوق وهو شوي ويهدا وراح يندم وبخليه يرجعها غصب عنه قبل يدري سلطان
والله وقتها المشكلة بتكبر

شوق بسرعة : ماترضاها لي ي عم

ريتآج مدت يدها ومسكت شوق بحزن :تكفين شوق اسمعي كلام ابوي والله ماغير يندم بس آلحين معصب ومايدري وش قال
وطالعت وليد تبيه يتكلم ويقول شيء هوو سبب الي صار كله

شوق بغصه: وليد ريتآج روحوا السيارة وانا جايه آلحين البس
عباتي بس

وليد بحزن عليها : نتظرك هنا ي قلبي

شوق عضت شفتها وهي ماهي مطمنه خايفة عصام يطلع ويسوي شيء أكثر من كذا :عشان خاطري خذ مرتك وروحوا السيارة لا تنتظروني هنا

وليد هز راسه ...ومسك يد ريتآج ومشاها للسيارة ...معه

ريتآج فكت يدها بقهر وفتحت الباب وركبت :آلحين ارتحت وصاحت بقهر آه وش ذا الحظ

وليد عض شفته بغيض : والله ماتوقعتها منه بس هين والله لا اخليه يدفع الثمن غالي وبعدين خلاص لا تصيحي

ريتآج وهي منهارة : يالله طيحوا في بعص أكثر وحنا نروح فيها والله أنا وشوق مظلومات معاكم حرام والله

وليد قفل عيونه بصبر : ريتآج لا تحطي خطأ أخوك علي آلحين

ريتآج : ذنبها أنت تتحمله وحدك

وليد بوجع :آه ي ريتآج والله ماودي بهالشي يصير بس أخوك متهور ومندفع
ريتآج قاطعته : الحين بتحمل اخوي كل الي يصير هزت راسها
بقهر وش بنتظر منك من يومك اناني وماتفكر إلا بحالك

وليد بزعل:آلحين هذي نظرتك لي

ريتآج :ولأخر يوم بعمري و زفرت بضيق طول عمري بضحي ...وياليت بعد جابت فايدة آلحين خرب حياته بسبتنا آه قلبي محروق والله
وليد سكت مايبي يزيد بالحكي وتكبر السالفة زود بينهم أبد ماتوقع بيصير كذا كان ..مخطط لشي ثاني آه خرب عليه فرحته ال***** ليت شوق وريتاج ماهو بحاضرين كان عرف كيف يتفاهم معه ...
@
@
@

في غرفة عصام وشوق
أخذت عبايتها ...وجوالها وهي تشوفه واقف عند باب الغرفة بسرعة تقدمت تبيه يبعد

عصام :آلحين قولي وش استفدتي يوم عاندتي وقفتي مع أخوك
خليه يفيدك آلحين

شوق وهي ماسكه دموعها بالقوه: أكيد بيفيدني هذا سندي
ابعد عني خلني أطلع

عصام ابعد عن الباب وهمس يوم قربت تطلع : آسف مابي اجرحك بس أخوك جنا عليك خليه يذوق الي ذقته

شوق طالعته بتصغير ..حيل صغر بنظرها : تصدق انت ماهو كفوا من البداية ...وطلعت بسرعة .. لبرا وهي حدها مخنوقه

وليد بحسرة وهو يشوفها طالعة :ليته ذبحني ولا انكسر قلب شوق وبسرعة نزل وفتح لها الباب وهو حزين عليها همس لها :والله لا يثمنها ...

شوق
ماتكلمت أبد. ...للحين ماهي مصدقة ...الي سواه ..
توقعت يوم طلع وراها للغرفة ...يقول لها شيء يبرر لها ليه سوا كذآ ..ماغير يناظر فيها ...ويوم تكلم ليته سكت افضل
.جرحها حيل يوم قال السبب أول ماوقف وليد السيارة جنب بيتهم نزلت بسرعة تبي تستفرد بحالها ماتبي تسمع اي شيء يوجعها زود بس وقفت بالحوش يوم نادى وليد بأسمها

وليد نزل بسرعة معاها وبحزن:شوق

شوق طالعته من غير ماتتكلم

وليد : آسف والله لو دريت رجوعي لريتاج .بيصير هالشيء كان ....
شوق قاطعته وهي تشوف ريتآج : لا تقول شيء ولا تلوم حالك والله اني فرحانه حيل برجوع ريتآج لك وعصام لو تحبني فعلاً لاتجيب لي سيرته خلاص طلقني آلحين انتهي الموضوع بعد والحين امش روح مع زوحتك

وليد بسرعة: والله ماهو برجال لو خليتك وانتي بهالحالة

شوق :عشاني وليد لاتخرب على عمرك خذ زوجتك وامش
لا يروح تعبي على الفاضي
وليد مسك يدها : أمشي ادخلي آلحين ويصير خير
أول مادخلو شوفوا امهم ترحب فيهم بس سكتت وهي تشوف شوق تقرب منها وهي منهارة تصيح رمت حالها على صدرها تصيح بحرقة مقدرت تمسك حالها زود خلاص يوم شافت الحنونه مافيها تكابر ...حست بحرقة قهرها حيل وكسرها

ام وليد وهي مفزوعة : بسم الله وش فيه

وليد بسرعة مسك شوق :مافيه شيء ي الغالية يالله تعالي لغرفتك ارتاحي وبهمس تكفين شوق عشان أمي بس

ام وليد بشك: رجلك صار فيه شيء تكلمي وناظرت ريتآج قولي لي أخوك فيه شيء
ريتآج نزلت رأسها مافيها ترد عليها متفشله حدها من الي سواه عصام .... بس انصدمت من الصوت الي جاي من وراها

: بصرخة: وش الي يقوله حسام

الكل التفت على صوته

وليد هذا الي مايبيه يصير : يبه الله يهديك لا تصدق هال***** وهو يناظرة بتهديد متى امداه يعرف

ابو وليد بعصبيه : آلحين صدق طلق أختك

شوق طالعت أبوها : ايه يبه طلقني ال******

ريتاج حست بضيق وهي تسمع سبة شوق لاخوها بس يستاهل
أوفرالموضوع مرة من يومين مسدس وذبح واليوم طلاق وش بلاه ودها تعرف ...

وليد بقهر :يبه والله خيره لها

ابووليد بعصبيه : خيره لها ي ال**** كله بسبتك وبسبة مرتك
ضيعتوا حياة شوق
وليد بضيق وهو يناظر ريتآج الي منزلة رأسها :زوجتي مالها دخل يبه

ام وليد :خلاص ي سلطان هدي عشان نفهم الموضوع
شوق بندم ليتها قدرت تمسك نفسها طالعت ريتآج وليد بس آه الي فيها يكفيها ...

ابو وليد بعصبيه : وش نفهم بالله آلحين انبسط ي يالله أختك رجعت مطلقه والسبه انت والله اني مسوي قدر لحالة امك إلا كان طردتك من هالبيت كله إلا مافي خراب به إلا انت سبه

شوق بسرعة تدخلت : يبه وليد ماله دخل مشكله بيني وبين
عصام من فترة وآلحين الجبان حط حيله ولقيها فرصه

ابو وليد طلع من الصالة وهو معصب

وليد نزل رأسه ابوه قاسي حيل عليه ...هو معترف انه هو السبب بس والله مايدري بهالشي بيصير ..

ام وليد بسرعة تقربت من وليد وهي خايفة لا يسويها ويطرده تدري بقلبه قاسي: وليد خذ مرتك وروح حتى أبوك يهجد شوي وبعدها تعال طيب خاطره

وليد طالع شوق : مافيني اروح واخليها لحالها يمه

ام وليد : انا موجودة وآلحين هي بتطلع غرفتها وبترتاح وبعدها يصير خير ان شاءالله
وليد قرب من امه وسلم عليها فوق راسها وبهمس : لا تشغلي بالك علي يمه وطالع شوق الي قربت منه وضمته وهمست له :لا تحمل نفسك الذنب وليد ضمها لصدره وهو متحسف سلم فوق راسها وهمس آسف

ومد يده ومسك يد ريتآج : يالله مشينا وهو يناظر حسام الي بسرعة طلع يوم شافه بيمشي ....

ريتآج مشت معه وهي ضايقة حدها آلحين ...وش دخلها عشان عمها يقول كذآ أحسن شيء انها بتطلع من هالبيت ....ودها على طول بعد .بتكلم وليد يأخذ لها شقه ...شافت حسام بالحوش حست بقهر منه .هي..شافته واقف جنب المقلط يوم دخلوا بس ماتوقعت يسمعهم ويروح ينقل الحكي بهالسرعة

وليد بتهديد : خلني بس ارجع البيت والله لا اربيك من أول وجديد ي ال******

حسام وهو يناظر جهة المقلط الي أبوه جالس فيه قال بتحدي وهو مستقوي انه جنب أبوه :وش بتسوي بالله روح
بسي ابو المشاكل

وليد وده يذبحه يقلد كلمة ابوه الي قالها من توو ناظر ريتآج واشر لها يمشوون بس عصبه يوم قال: هييي وين هديتي الي
وعدتني فيها يا البخيل

وليد صغر عيونه بقهر : بعد تبي هديه

حسام :اشهدي ي ريتآج والله انه قايل يوم ترجع لي ريتآج بعطيك هديه وتختارها بنفسك حام كبدي وانا ادعي انك ترجعي له وبعدها شوفي كيف سحب علي ...
ريتاج طالعت وليد .بدون ماترد

وليد على انه معصب عليه بس يوم قال كذا لريتاج انبسط حيل خليها تعرف انها غالية عليه ويرتجي رجعتها على نار:أبشر بالهدية الي وعدتك فيها

حسام : لا لا مابي هديه منك ابيها من أبوي حبيب قلبي
حرام عليك والله عصبته خذ مرتك وروح يالله ي حبك للمشاكل عوذه منك
ريتآج فتحت عيني بصدمه وطالعت وليد الي وده يذبحه ...
هالحسام مستفز بشكل ....وسبحان الله كلامه مثل عمي يقلده بكل شيء وآلحين ماسك على كلمة عمي لوليد هههههه

وليد بتهديد: برجع لك حسام وبخليك تتعوذ صدق وقتها
ريتآج

مشينا ...بعد القهر الي سببه له حسام بس والله على اني انتقد فعول حسام بس والله يبرد قلبي في ابو المشاكل الله يسامحك ي حسام صرت حتى انا ارددها معك
.....
أول ماوقف السيارة نزلت معه وانا اناظر اسم الفندق ...
دخلت معه ..استغربت من المكان الي كله شموع ورد همست وانا مبهوره من المنظر :حركات انت مسوي كل ذا

وليد هز رأسه وهو حزين: شوق طلبت منهم يسوون كل
هاااالأشياء كانت فرحانه حيل برجعتنا بس النذل قتل فرحتها وفرحتي ....

ريتآج ميلت فمي بسخرية وجلست على السرير:
::