رواية أعشق أنانيتك عندما تتمناني لك وحدك الفصل الرابع وثلاثون 34 - بقلم nona_A

،،
،،

اسامه فز بعصبية وجلس وقال بصرخه : ليه شايفتني الخايس حقك ولا بعد شايفه اللي ابيها مثلك
ريوف بعدت لنهايه السرير ..وهي تناظره بخوف وجهه معصب بقوه
قالت وهي تبلع ريقها ..وترفع يدها تبرر له : لا لا مو قصدي
بس أنت توقعت يوم تكلمت عنها كذا يعني تدري بحبك وعشان قلت إنها ماراح توافق عليه افتكرت كذا
اسامه بعصبية :تدري بحبي لها وش ذا الحكي اللي جالسة تقوليه
ريوف صدق غبية الحين فعلا بيصدق فيني ..من اللي قلته قالت بحسرة وندم : مدري مدري ايش خلاص اسفه والله ماقصد... وسكتت من صرخته وهي شوي وتصيح
اسامه بصرخه :ايه متعودة أكيد على هالشيء الحين وش مستفيدة بالله من المكالمات المحرمة ..شوفي حالك لوين وصل
مستحقرة من أقرب شخص لك بعد ...
ريوف حاولت اقوم مابي اجلس وانا اسمع هالحكي السم
بس مقدر من قربه مني قفلت عيوني بخوف مابي اناظرة : خلاص آسفه ظلمتك وظلمتها معك
اسامه مد يده ومسك فكها بقوة : لا تفكري ان أخلاقي مثل أخلاق أخوي وبعد لا تفكري الي ابيها مثل أخلاقك ..بعيده كل البعد اللي أبيها شريفة ..
ريوف مديت يدي ابيه يبعد عني بس رفض
اسامه بقهر ...وهو يشد على فمها : صدق تبي كل البنات مثلك فكها وبقوة دف رأسها على ظهر السرير
وبصرخة انقلعي عن وجهيي ...لا اذبحك. .اليوم..
ريوف ..
وققت بسرعة وانا احس بألم في فكي ...بس مسكت حالي مابي ابكي .
صدق هي كلمتها مالها داعي ..بس بعد ماتستاهل هالعصبية كلها ..حست بخوف ..يوم شافته طالع من الغرفة وهو لابس ثوبه..وبسرعة طلع من الشقه ..صكرت عيوني يوم قفل الباب ..وتنهدت براحة ...يوم طلع ...فكه ليته يرجع يسكن عند أهله ..
واكون في هالشقه لحالي مثل قبل ...
،،
،،
،،
،،
،،
،،
شقة سامي
،،
،،
،،
شافته طلع من الغرفة معصب. وراح للمطبخ..طنشته ..بس والله تكذب لو تقول
إنها ماحزنت عليه ..وخمشه يصب دم ..رافض يوقف
طلع وفي يده علبة مويا باردة ...شافته وقف عند المغسله
ونزل رأسه ..وجلس يرش عليه ..وقفت غصب عنها وقربت منه وسحبت المويا من يده وقال بتهديد : ي ويلك تفتتح فمك
وجلست تصب على رأسه
سامي رفع رأسه وهو لسى يحس بدوار ..ناظر حاله في المرايا
وقال بقهر وهو عاض شفته: ولد ال****** ضربته كانت قويه
كسر لي خشمي
غلا بقهر: حسبي الله عليه اشلون ضربك كذآ
سامي تحرك بتعب وجلس على الكنبه ..وسند رأسه
وقال بتعب وهو مطنش سؤالها : فيه حبوب صداع هاتي ...
غلا تحركت ..وجابت له ..وقالت بتريقه: اليوم ممرضه صايرة
لكم
سامي ناظرها بحده . أخذها ..منها وشربها
غلا رفعت حاجب وجلست جنبه: يمه على هالنظره أقول اهجد
قبل ماعطيك بوكس ثاني انا بعد وبضحكه والله انه خذ حق ابو عدنان . ...
سامي مد يده ولف وجهاا بخفيف وبهمس: فارقي عن وجهي
غلا رفعت قارورة المويا على خشمه وصبتها بقوه ..عشان يعرف كيف يرد عليها
سامي فز بعصبية وهي مفزوع من المويا الباردة الي نزلت على وجهه قال بصرخة : صاحية أنت
غلا بضحكه : وش فيك بسم الله اجلس بس خلني اصب مره ثانيه وكاد يوقف هالدم
سامي صرخ بقهر :تقومي تدخلي المويا في خشمي عشان يوقف الدم صدق ممرمضه فاشله
غلا ناظرت خشمه الي رجع يصب حست بخوف صدق عليه : شوف كيف يوم تكلمت بقوه رجع يصب روح المستشفى صدقني خشمك به شيء ...هالدم ماهو طبيعي...
سامي سحب فاين وسكر خشمه و تمدد وهز رأسه : مافيني الا العافيه بس انت اسكتي شوي
خليني انام شوي
غلا جلست عنده ونزلت نفسها شوي وقالت بهمس : قبلها ودي اعرف ايش صار بالضيط
سامي فتح عينه وناظرها بعصبية ...
غلا بسرعة حطت يدها على فمه عشان مايصرخ عليها : خلاص توبه اسأل
بعد دقايق ..حست فيه نام ....من صوت نفسه المنتظم ...
سندت ظهرها على ظهر الكنبه بتعب ....وبعدها ناظرت وجهه ..وشافت عوارضه اللي بدت تطلع ..رفعت نظرها ..لشعره ...صغرت عيونها شكله الاخ بيرجع ..يكدش ..اخخ بس ودي اعرف وش أعجبه فيه والله وهو مخفف شعره أحلى بس وش يفهم ذا العنيد ....حست بطفش ..وماعندها نوم ...وبعد لو فتحت التلفاز آكيد بيصحى ...

وقفت تشوف خالتها احسن ...من وقت ماعطتها الحبوب ..ماتدري عنها .....دخلت الغرفة شافتها نايمه ..
......
،،
،،
،،
،،
،،
،،

عند وليد الي واقف عند باب بيت ابو اسامه
دق جوال يبيها تطلع ...اول مافتحت الخط قال ببحه : الو
لطيفه الي جالسه مع امها ...في الصاله : هلا وليد
وناظرت امها ...مافيها تبرد قلبها فيه ...وامها موجودة
وليد بجمود : يالله اطلعي انا عند الباب

لطيفه توه يتذكر من امس جاطلها كذا قالت بقهر: مقدر ارجع معك ابي اساعد امي مسويه استقبال لمرة اخوي يوم الخميس
وليد عقد حواجبه: الاستقبال يوم الخميس واليوم الثلاثاء
وشهوله تجلسي.. كذا ذا
لطيفه بزعل : قلت لك ابي أساعد امي وهاليومين الي حسابهم
علي يالله نقدر نكمل فيها تجهيز العزيمه. ..
وليد بحده: على كيفك
لطيفه بهمس وهي تناظر امها : الحين ي وليد جاي
وليد قفل عيونه وهو يتمنى ماتبدأ: أمس مافيني كان ...
يالله طلعوا نمت على طول
لطيفه بقهر: اوك يالله سلام وقفلت
وليد
تنهد بقهر ...من وين يحصلها ... كلن من عندها مسويه
زعل ....
،،
،،
،،
،،
،،
،،
بيت ابوعصام ....
شوق ناظرت ريتاج : طيب والله مايمدي بس يومين
ريتاج فتحت عينها بصدمه: الحين تقولي مايمدي
ولا امس كان من كل الفرحة مافيك تحكي ..
شوق بحيرة: لا ريتاج ضروري اليوم ادبر الفستان

عشان يمدي لو يبي له تعديل وبقهر صرخت افف من أخوك
ذا مايعرف يضبط مواعيده على طول ..ي إنه يغط ومايرجع ي إنه يجي ويقلقنا ..بستعجاله ..
ريتاج رفعت حاجب :عادي ترى يمدي أقول يأجلها
شوق بسرعة: لا يرحم أمك مصدقت وهو يقول ملكه
طقت نفسي وانا محيرة له
وسكتتت وهي متفشله وهي تشوف وليد الي أعطاها نظره
خلتها تنكتم...ماتدري اشلون ماحست فيه يوم دخل ...
وليد قال بحده وهو يناظر ..ريتآج : قومي سوي قهوة
راسي صاك علي ....
ريتاج هزت رأسها بدون صوت ورفعت صوتها وهي في مكانها : ميري سوي قهوة وجبيها الصاله. ..
وليد بعصبية: انا ماقلت ميري قلت لك أنتِ
ريتاج ببرود: عادي انا ولا ميري ...كلها وأحد أهم شيء تتقهوى
وبعد الحين هي تسوي لجميع هالوقت ...الكل يبي يتقهوى
وليد بصرخة: ريتاج ..ماقلت اعطيني شرح مفصل قلت لك قومي سوي لي و أنتِ ساكته
ريتاج فتحت عينها .بصدمه من صرخته .بس وقفت مافيها في مشاكل معاه وبذات الحين مع رجعة عمها من الصلاة ... راحت المطبخ ..وسوت القهوة .وبعدها بدقايق ..
طلعت وهي حامله الدله ..انصدمت من قوة الكف الي أكله
حسام ..
وليد بقوة اعطاه كف وصرخ :ثاني مره تعرف كيف تمسك لسانك

حسام الي صاح على طول من قوة الم الكف..وهو يناظر شوق وريتاج اللي صرخت :حرام عليك وش فيك عليه
وليد بعصبية :انكتمي أنتِ بعد لا يجيك واحد مثله
ترى دخلتك أمس لمجلس الرجآل قاهرتني
ريتاج بعصبية وقهر أشلون يقول لها كذآ قدام شوق اللي تناظرهم قالت وهي تحاول تهدي حالها : مادخلت إلا لما تأكدت ...كم مرة قلتها لك
وليد بغيض : مهما كان مفروض لما يجي هالنقال يقولك تتأكدي مني ماهو تدرعمي كذا
ريتاج وهي تناظر شوق اللي مو فاهمه شيء ولا تبيها تدري بعد ماتبي تكسر فرحتها ..قالت بقهر: وقته تشوفه الحين هالكلام
و قربت من حسام الي جالس يصيح : خلاص حبيبي

وليد بصرخه : ابعدي عنه ويالله انقلع أنت. ..وخلك رجال ماهو تجلس تصيح .كذآ
شوق
بقهر ...صح ماتدري ليه كذا ضربه ..بس مهما كان مفروض ما يعطيه كف قالت بحزن : حرام عليك وليد ليه كذا طقيته ماقال شيء ..عشان كذا تعصب عليه ..يدوبه نزل من غرفته ...
وليد بعصببة : يستاهل عشان شغل نقل الحكي هذا يسيبه ويصير رجآل ماهو بس كل كلمه يكذب فيها ويزيد ويعيد...
وينقلها للحريم ...وبسخرية ناظر ريتاج ماشاءالله الي قدامه
عقلها أصغر على طول تسوي فيها فازعة ...
حسام وهي يصيح : ماقلت لها شيء ..مو صح ي ريتاج
ريتاج عضيت شفتي من كذب هالنتفه .قلت بهمس:ايه ماقلت

وليد بعصبية قرب منه ومسكه من تيشرته وبصرخه:ومين الي داخل معاها ..
حسام وهو يرجف ..هز راسه مافيه يتكلم
ريتاج بقهر حاولت تفكه منه وهي تناظر شوق اللي شكلها خافت ولا قربت ...منهم قالت وهي تحاول فيه يفك عنه : ماقالي لي شي ..شفته في الحوش وقلت له ..امش معي المجلس
وليد فكه وبقهر : ايه بيمشي علي هالكلام وبصرخة انقلع عن وجهي ...
حسام بسرعة شرد طلع الدرج ...بس سمع صوت الباب فتح شاف ابوه جاي من صلاة العصر نزل بسرعة وهو يصيح وقرب من ابوه عشان يضمن وليد مايطول وقال بحقد وهو يناظر وليد : اقسم بالله يبه وليد هذاك اليوم طق ريتاج ..في المطبخ ....والله ودايم يهاوشها يوم تطلع ..والحين طقني عشان بس دايم ادافع على ريتاج. .
وليد انصدم ...ماقدر يتكلم
ريتاح ماهي أقل صدمه منه ..يعني شافه وهو يعطيها كف ..في المطبخ ...
قفلت عيونها من صرخة ...عمها قالت بهمس الله يستر
ابو وليد ناظر حسام بعصبية: تقولها صادق
ام وليد اللي طلعت من الغرفة وهي صاحيه توها من النوم مفزوعه من صرخة زوجها بسرعة قالت وهي ماهي فاهمه شيء : بسم الله ايش فيه
ابو وليد بصرخة : يقولها صادق حسام ي وليد انك تطق بنت عمك
ام وليد فهمت الحين السالغة سحبت حسام وبعصبية: انقلع غرفتك وأنت الله يهديك ي سلطان لا تصدق بزر دايم كذا يحب يسوي مشاكل ماهي أول مره ...
ابو وليد بصرخه : اهجدي ي مره خلني اتفاهم منه
اللي قاله حسام صادق فيه ي وليد ..اشوفك ساكت ماقدرت تتكلم
وليد ماهو عارف وش يقول. .....ناظر ريتاج ...بحيرة ..
ريتاج بسرعة تدخلت : لا طقني ولا شي ي عم الله يهديك تصدق هالبرز

حسام بسرعة تدخل وهو يمسح دموعه :والله يبه طقها تذكري ي ريتاج
يوم في المطبخ يوم كذبت عليه وبعد الحين أنتِ بسبتها زعلانه مني
ريتاج
ودي اذبحه ..ابيه يسكت ...وهذا جالس يثبت السالفة غصب قلت وانا أكذبه: بسم الله بعد زعلانة منك وش فيك ي حسام جالس تتبلى علي وعلى أخوك
وناظرت وليد ..الي وجهه معصب ..وشكله ماسك حاله غصب
قربت منه وقالت وهي تحط يدها على كتفه:لا تفكر ي عم ان وليد يضرني بشيء ...ترا غالي ولد غالي ..
وليد ناظرها وهو متحسف ..على انه مد يده عليها لو غيرها كانت قالت ايه سوى فيني ..وقالت كل شيء ..قربها منه .
قدامهن وسلم فوق رأسها وقرب منة وناظر أبوه :والله يبه زوجتني ..جوهرة ماتثمن بعد ..
ابو وليد حاول يهدي حاله وبشك : ليت فيه اللي يقدرها
وليد بسرعه : والله قدرها عالي

ريتاج حست بخجل ..وبعد فشله قدامهن ..ناظرت حسام اللي
معصب وجالس يعيد ويزيد ..في الكلام ... ويكرر عشان يبيهم يصدقونه ...ترجته يسكت بعيونها بس وين جالس ..يصيح بقهر ..ويبي ينتقم من وليد حرق قلبه ..حزنت عليه وانا اشوف وجهه مكان الكف
ابو وليد حط يده على رأس حسام وقال :وشهوله تصيح طيب
حسام بقهر ماصدقوه :يبه طقني شوف وجهي كيف
وهو يأشر على خده
ابو وليد ناظر وليد بعتاب

وليدبحده : يبه هذا يبي مين يربيه .. ماهو كل مرة يطلع كذبه او يوصل هرج ويسوي مشاكل مثل الحين ...
ريتاج ناظرت وليد ...ودها تقول له والله انت الكذوب حسام قال الصدق ...بس ماعليه ....مصيري ارتاح من ذا كله ...

في شقة ريوف
،،
،،

. اليوم الموعود للاستقبال ..تذكر امس لطيفه عصبت عليها ...ليه ماخلتها ...تحجز لها ..وتقول إنها تعرف مشاغل احلى من اللي حجزته ..آكيد بس لا والله إني ماذل نفسي خلاص. .مليت من كل شيء ...وبعد امه وتلطيشها بالحكي هذا لحاله يوجع ..تدري انها كذبت عليها يوم قالت ايه حجزت وهي والله لا حجزت ولا تعرف رقم المشغل ...هي وين وهالسواليف وين ..هي اللي عارفته ان فيه مشغل شافته عند مدخل الحي ..وبعد قريب من الشقه ...تبي تروح له وبس ...وهي وحظها ..وبعد ماهو لازم حجز ومدري ايش .وهالوقت ماهو وقت مناسبات يعني مافي زحمه أكيد ..رفعت نظرها
لاسامه ..اللي طلع من الغرفة ..وفي يده جواله يكلم ...
.بعد آخر موقف صار بينهم ماتكلم عليها ..وبعد ماصار يقرب منها ..أبد ...
الحمدلله. ....انفكت منه ..ومن نظرات الاشمزاز
اللي تشوفها ...عضت شفتها ..وهي تسمعه يقول للي يكلمه تفضل قدامك رائد وابوي ..وانا اللحين جاي وقفل ..وناظرها
: يالله ارميك بيت أهلي ...
ريوف بعد يرميني هزت راسها وقالت بسخرية :لا ارمني في المشغل
اسامه عقد حواجبه بستفسار : اي مشغل
ريوف توترت حيل فركت يدينها في بعض وقالت بصوت واطي
: عشان العزيمه الي أمك مسويتها لازم مشغل
اسامه ابتسم بسخريه : مصدق حالك أنتِ إنك تستاهلي هالشيء يسوونه لك ومغلبين حالهن عليه ..وبعدين ليه مشعل امي قايله جايه الكوفيرا عندهن
ريوف بقهر : ماهو سالفة مصدقه أولا بس تبيني اروح كذآ
وش يقولون عنك قبل مايتكلموا عني واما سالفة اروح البيت عندهن خاطري اروح عند الكوفيرا انا
اسامه رفع حاجب :هلا والله وش ذا الرد الحين أقول
امشي قدامي ساكته
ريوف
ابتسمت بنصر ..طيب اسامه شكل الي مايسكت عن حقه عندك تمشي معه ...راحت لبست العبايه ...وبسرعه أخذت أغراضها الي محتاجتها معاها ..و طلعت شافته لسى يناظر جواله. .استغربت ماهي بالعادة ...
طنشت .. وقالت بهمس : يالله جاهزة
اسامه ناظرها يوم رن جواله وقال : خذي تفاهمي مع لطيفه وبسرعة خلصوني الرجآل جاي ويبيني استقبله .....
ريوف عصبت ليه كذا جالسين يضغطوا عليها ..هي يالله
انفكت من مرة ابوها ومن تحكمها فيها ... سحبت الجوال من يده وقالت بهمس: الو
لطيفه وهي معصبة عليها : والنهاية ي ريوف حرام عليك الكوفيرا توها وصلت
ريوف .. من امس تصارخ عليها بس ماتقدر تزعل منها قالت بهدوء: ماعليه ي لطيفه ابي اروح عند الكوفيرا الي حجزتها تكفين لا تزعلي مني
لطيفه بزعل:اوك من امس وانا اقنع فيك بس أنتِ رافضه
يالله سلام وقفلت
ريوف ناظرت الجوال ...وناظرت اسامه الي يناظرها من أول وساكت قال ببحه: خليني اوديك للبيت أفضل
ريوف عضت شفتها بقهر
وطلعت وراه ساكتة بس ماتبي ..وش تسوي ..ايه لازم تقول له
أول ماركبت السيارة ..وبدا حرك قالت بتردد وخوف لا يعصب عليها : مابي اروح بيتكم
اسامه بقهر: غبيه أنتِ ولا اشلون امي تقول تبيك تروحي البيت وشهوله تروحي المشغل ذا اللي ماتدري كيف هو
ريوف بغصه: مابي اروح تكفى
اسامه بحده: ليه طيب
ريوف هزت رأسها : مابي أروح وبس
اسامه بعصبية: ماهو بكيفك فاهمه تروحي وغصب عنك خشمك وبعدين تعالي شايفه حالك على وشهو..والله أمثالك حقهن الشارع
ريوف بعصبية: لا تتكلم علي كذآ وأنت ماتدري بشيء
اسامه بصرخة : انكتمي وبتروحي وغصب عنك
ريوف ماقدرت تسكت أكثر : مابي أروح امك تجلس تقط علي حكي وانا خلاص مافيني أتحمل ..يكفي الوجع اللي يجيني منك ...
اسامه بعصبيه : أقول لا تتكلمي عن أمي فاهمه هذي تاج رأسك وغصب عنك تتحملي اي كلمه منها لانها على حق في كل كلمة تقولها في حقك وتستاهلي بعد ازود
ريوف وهي ودها تصيح : ليه أنت كذا ماتعرف للرحمه طريق
اسامه بحده :من قبل أنتم مارحمتوني فلا تتطالبي بشيء لك عندي
ريوف ..سكتت ماتكلمت ..خلاص يسوي الي يبي ..

آكيد لو فتحت فمها زيادة إحتمال يمد يده ...لأنها تحس
ماسك حالة. .غصب ...وبعد كلامها لا ينفع ولا شيء
اسامه
بعد ما هدي شوي ..ناظرها وحس بحزن عليها ..معقول امه تجلس تناظرها
انها أقل منهم مثل ماتقول ...قال بشفقه :وين المشغل اللي تبيه طيب
ريوف
ناظرته ..بصدمه معقول ...بيوديني ...لا لا مو مصدقه
قالت بفرحة :امش الحين اوصف لك دايم اشوفه
وقالت بصدق ... مبسوطه كثير اسامه
اسامه رفع حاجب وقال: كل ذي فرحة
ريوف هزت رأسها بقوه :ايه ومشكور
اسامه سكت .. كله عشان ماتروح عند امي..وبعد تشكر ..معقول حاجة بسيطة كذا تفرحها بعض مرات تحيرة بتصرفاتها ...البريئة

ريوف
حسيت بوناسه ..اول مرة يسوي شيء يونسها حيل ..كذا
ولسى بعد ماهي مصدقه أبد ...انه بيروح فيها ...
بس ليت على كذا شغلهم حلوو ...يارب شغلهم يطلع حلوو
وماتتفشل ويشمتوا فيني .. أول ماوقف عند المكان الي وصفت له
اسامه بجمود: طيب تأكدي ودقي رقمهم شوفيه قدامك في الوحه احسن ما ..تطبي كذآ
ريوف هزت رأسها ..وطلعت جوالها ..فتحته .
.
اسامه بملل: يالله اخلصي علي ساعه على بال ماتدقي
ريوق : ثواني بس يفتح الجوال وبسرعة رفعت رأسها ودقت الرقم ..عضت شفتها ..يوم أعطاها إنذار ان رصيدها مخلص
اسامه بطفش:يرن
ريوف هزت رأسها بلا: ماعندي رصيد
اسامه عصب : اشلون بس مسك حاله ...وأخذ جواله وناولها بحده :خذي دقي وخلصينا من هالزفت
ريوف أخذته منه بخوف ...ناظرته ..وهي ماتعرف شيء فيه. ماتتعرف إلا لجوالها بس هذا اللي يتسمى (( نوكيا ابو كشاف )) قالت بعدم معرفة له : اشلون يدقن الرقم ومن وين اطلعه
اسامه بعصبيه :ام التخلف ..اللي أنتِ فيه هاتي ...بسرعة رفع نظره للوحه وسجل الرقم ..انتظر دقايق ...ماردوا قال بحده :مافي حد يرد ....
ريوف : طيب خلني أنزل اطق الباب ..
واشوف
اسامه عقد حواجبه: لا صعب ..كذا تدرعمي عليهن
..
قالت وهي خايبه . : طيب فيه أكيد مشاغل ثانيه خلني اروح فيها
اسامه دق الرقم مره ثانيه وقال : أنتِ وحظك ولاالكوفيرا اللي عند امي تنتظرك
ريوف اففف بس فرحت يوم ناولها الجوال يعني ردوا قالت بسرعة: الوو
وبعدها حجزت وقالت وهي تناظر اسامه : خلاص ساعتين كذا وارجع لي طيب ..
اسامه هز رأسه : ان شاءالله والحين أرسل لك رصيد ..
نزلت وهي تناظره لسى واقف ماحرك ...
قربت من الباب طقته على طول فتحت لها ..واستقبلتها
رجعت ناظرت اسامه الي واقف أشرت له بيدها يروح ..
دخلت شافتهن قدامها ...وهي تحس حالها خايفه ..وبعد خجلانه
: هلا حبيبتي كيف حابه يكون مكياجك وهي تناظر ملامح وجهاا
ريوف ماتدري ايش تقول لها قال بخجل : اللي تشوفيه مناسب لو جهي .
: اوك راح اضبطك ان شاءالله
ريوف : ان شاءالله
وجلست وبدت تستشور ..وبعدها المكياج ...نخلي الحلوة تتضبط ونروح لمكان ثاني
،،

في بيت ام اسامه

قالت بصرخه: وقتك الحين تروحي بيت رجلك
لطيفه : يمه حرام عليك أقولك فستاني ذا ماحبيته
ابي الفستان الي أخذته وانا اجهز لعرسي ...
ام اسامه بقهر:اقولك أهل ابوك جاين يبي من يجلس معاهن
انا مو فاضيه وإذا جلسوا لحالهن
ماراح نسلم من لسان عمتك صيته
لطيفه بقهر :ودي اعرف ليه عازمة عمتي صيته

ام اسامه بحده:خلاص بسرعة لا تتأخري ....
لطيفه طلعت بسرعة ..
وهي تشوف رائد ينتظرها في السيارة
أول ماركبت ..قالت : بسرعة رائد امي حايسة لحالها
رائد قال وهو ناوي يعصبها :أقول وش رأيك تعزمي أسيل
لطيفه بقهر : ابي انفك من وجهه اختها في البيت
تبيني بعد أعزم أسيل
رائد :عشان تتعودوا عليها ..من الحين
لطيفه عضت شفتها وهي ودها تذبحه: بعد واثق الأخ انه بيخطب..
رائد: ايه أكيد رايح اخطبها الأسبوع الجاي الله لايعوق بشر....

لطيفه بصرخة:رائد سق ساكت
رائد ضحك بقوة: ههههههههههه ليه كذا شايلة عليها ودي اعرف
لطيفه لا هنا عصبت بجد قالت بصرخة: رائد وجع ان شاءالله

،،
،،
،،
..
،،
،،
بيت ابو وليد
في الصالة
شوق بقهر : ريتاج احس الفستان علي ماهو ضابط ..يبي
تضيق والله ..
ريتاج بطفش منها: شوق الملكه بكرة يعني انثبري عليه
شوق بقهر : والله كله من وليد هو اللي عند إلا هو يودينا
افف طفشنا ...لو راح فينا السواق كان عرفت أختار على رواق
ريتاج طنشتها ومارديت عليها وانا أكلم اسيل على الواتس

ارسلت امي تبيني ضروري اروح عندها البيت وقفت بسرعة : لازم اروح بيت أهلي ضروري. .
عشان امي . مدري ايش تبي مني شكلها تبي مساعدة في شيء
شوق بصرخة : هذا وقتك أنتِ بعد تخليني لحالي ..وش ذي القساوة في قلبك ليه كذا ماتحسي .
ريتاج بقهر ناظرتها: بعد قاسية افف منك والله ودي اطلع من البيت بسبتك حتى يوم الملكه واجي مع اخوي مره وحدة طفشتني افف
شوق فتحت عيونها بصدمه وصرخت بقهر: ريتاج ماهو وقت نذالتك أبد
ريتاج طنشتها ....

وطلعت الدرج ..ناظرت جناح وليد ...لازم اقول له ..
اني بروح ماهو ناقصه يسندر رأسي ليه ماقلتي وليه ماعندي خبر ..ي شينه لا بدأ. ..
وبعد خالتي تقول عنده رحله يعني ...يوصلني في طريقة ..
بدل روحتي مع السواق والخدامه الي اشغلتها معي ...بس
ماراح اطق جناحة ..ادق عليه جوال ....راحت لغرفتها بس وقفت يوم سمعت باب جناحه فتح لفت
تنهدت براحه يوم شافتة طالع ...
وفي يده شنطتة الصغيرة ...قلت بهمس :طلعت في وقتك
وليد عقد حواجبه وقال بجمود:ايش فيه
ريتاح : ابيك توديني بيت أهلي ...
وليد اعطاها ظهره:لا
ريتاج انصدمت ..آخر شيء توقعه يقول لا قالت بقهر :ممكن
اعرف ليه رافض
وليد ناظرها بحده ::يوم تصيري مره مثل الناس هذاك الوقت
تعالي واسالي هالسؤال الي مثل وجهك ..
ريتاج مصدومه من هجومه علي كذا فجأة قلت بحده:وليد فكر إني مو غلطانه
وليد قاطعها بصرخه: انا الي غلطان صح جالس كذا متزوج ثنيتن ولا وحدة فيها خير منكم ...منثبر في هالجناح اكلم نفسي
ريتاج كنت بفكها ضحك عليه ..مسكين حالة ينشفق عليه بس قلت وانا ماسكه حالي : شوف وليد اذا عندك مشكله مع لطيفه ..كيفك معاها بس لا تحط حرتك علي ...شوف انا كافية شري عنكم ولا ابي مشاكل لا معك ولا معاها ...
وليد بعصبية:الحين الي مسويته كله ..وتسمي حالك كافيه شرك
روحي زين قلبتي حياتي فوق تحت ...
ريتاج .بدت تعصب من جد : ..لا انت حالتك ميوس منها
وخلاص مابي أروح واعطته ظهرها وهي ناوي تدخل غرفتها
وليد بسرعة سحبها له وقربها :مين الي حالته ميوس منها
ريتاج وهي مقفله عيونها بصبر زفرت بضيق وهي تناظره معصب كبرت عقلها ماتبي تتهاوش معه ...
: خلاص روح الله يستر عليك وانا مابي أروح قلت لك
وامي بعتذر منها..
وليد بعصبية: الحين مسويه فيها العاقلة والي تتنازل فكري ي ريتاج في ايش فعلاً تكوني عاقلة ...وتتقي شري ..هذاك الوقت صدق
ريتاج عرفت لايش يرمي ...قلت بحده: قلتها لك للميلون مقدر احرمك من حق ربي اعطاك هو وانا مستعده اي وقت بس الاتفاق ماترجع فيه ي وليد

وليد بعزة نفس:مابي شيء منك خلاص روحي عند أهلك ..وبعد ليت ماترجعي ...والطلاق انا عند كلمتي لا تخافي..و.بكره مثل ماوعدتك
ريتاج بسرعة قربت منه ومسكت يده :لا وليد تكفى
مدام آخرت الزواج تحملني شوي ...حتى اختك تكون بيت اخوي
وليد نزل راسه وناظر يده الي ماسكتها بيدها قال بوجع:كل عشان اخوك بس انا ..ماتفكري فيني
ريتاج بغصة :مافكرت فيني أنت من قبل
وليد ابتسم بحزن مافكر فيك ..حرام عليك والله كل ذا وتقولي كذا ي قساوتك بس ...بدون حس منه قرب منها وقال بهمس :ممكن اتودعك ...
ريتاح انصدمت توقعت رده مايكون كذا توقعت مثل العادة ..بعصب ويرمي كم كلمه تغثها ...
حست بخجل من طلبه..اول مره يطلب كذا منها ..وهي دايم تحترم فيه هالشي ..مايفرض حاله عليها غصب.....
حتى لو رمى كم كلمه ..انه متذمر .. بس دايم يعطيها الحريه في قربه ..رفعت كتوفها بحيرة ..ماتدري وش تقول له
وليد سحبها لحضنه وهو ماهو قادر ينتظر موافقتها وقال بهمس: ليت الزمن يرجع لورا..شوي
ريتاج حسيت ..دموعي تنزل ..صوته أثر فيني ..مابي كذا والله.
حاولت اتبعدت عنه مابي اضعف ...له رفعت رأسي فتحت يعني بصدمه ..وانا أحس الدنيا تلف فيني
ابتعدت بسرعة وجسمي كله يرجف ...نزلت رأسي ماقدرت ارفعه واناظرها ...وش عذري ..الحين ..

لطيفه
اخر شي توقعته تشوفهم كذا ....هذا اللي يكذب ويقول ابوه غاصبه ..وبعد يقول مايقرب منه أبد. ..قلت وانا فيني غصة :احيكم صراحه على الجو الرمانسي الي مسوينه قدامي
ي حبيب عمري. .وي صديقة عمري ....
وليد انصدم بوجودها ....بس حاول يغطي على صدمته وقال : مثل مالك لها ..ي لطيفه ..
لطيفه بقهر :بعد صاير إلا لي لها ناظرت ريتاج بوجع برافووو عليك
وليد قرب منها وهو يبيها تهدى :خلاص لطيفه
لطيفه بقرف ناظرته ورفعت يدها وهي تصده: تكفى اسكت خلاص

وليد قال بحزن عليها : اوك على راحتك ..واعطاها ظهره وطلع
لطيفه حست بوجع من رده .. هزت رأسها ...انت لي لحالي
مقدر وليد ..حرام عليك ..بس سكتت وهي تشوفه ينزل من الدرج ...ناظرت ريتاج ...الي راحت لغرفتها هي بعد ...قالت بوجع:كيف قدر قلبك يسوي هالشي نزلت دموعها وقالت بوجع أكثر ...ليه ليه حرقتي قلبي ي ريتاج وش سويت لك
ريتاج حست بحزن عليها لطيفه تبكي قدامها ..وفعلاً اللي شافته صعب صح زوجته ..بس ..عي حاسة فيها ..قالت بصدق: والله ي لطيفه ماحرفت قلبك واصبري بس علي وعد مني وعد الحردين إني لانسحب من حياتكم ...بس اعطيني فرصه وكلها شهور اوعدك ..تكفين ي لطيفه لاتخسري وليد ..بسبب اللي شفتيه ..ومصيري اطلع من حياتك كلها ..
لطيفة مسحت دموعها وقالت بعصبية:باللي مايحفظك لا أنتِ
ولا هووو ...وبعصبيه أكثر قال ايش اخوي يبي اختك والله اذبحه قبلها ....
واعطتها ظهرها ..ودخلت الجناح وأخذت ...الفستان ..
ونزلت بسرعة . . .سمعت صراخ شوق عليها بس طنشت ..وطلعت..لرائد الي ينتظرها ...
،،
،،

عند ريتاج
اللي تحس حالها مقهوره ..يعني ماجت إلا على كذا
آه ليتها جت قبل بدقايق ..كان شافت قد ايش كل معصب علي ....دايم حظي ضدي ..يالله لطفك بس. ..
وبعد قالت اخوها يبي اختي ليه مجنونه اسيل توافق على واحد متزوج ردت ناصر. ...تجي على اسامه ....
وبقهر وش ذا الحظ علينا كل الرجآل متزوجين الي يجون لنا...
أخذت جوالها وهي حزينه على لطيفه .لسى.والله ماتخيل حالها مكانها ..وبعد ندمت ..انها فكرت في يوم تأحذ حقها منها ..مهما كان هي قلبها مكسور ...بس والله لا ذنبي ولا ذنبها ...ذنب عمي اللي كسر قلوبنا ..ارسلت وانا ابي ضميري يرتاح (( وليد ليت تتصل بلطيفة وتطيب خاطرها تكفى لا تزودها عليها ))
ثواني وجاني رده ((لسى عايشه توقعت دفنتك في مكانك وفيس يضحك ))
عصبت صدق سامج ..ارسلت له وانا ابي استفزة (( تقدر لك أنت بس )) ثواني وجاني عارفة انه اكيد رد محترم بس انصدمت
منه((انا راكب الطيارة أول ماوصل عبرنيي كذا بتصال لو بالغلط ..لو مره وحده في حياتك )) ابتسمت ...ي ناس مثل كذبه وتضيعه لسالفة ماشفت ..ارسلت له (( إذا غلطت من حظك ))
ارسل بسرعة (( راح ادعي بهالغلطه الي بتسعدني حيل ))
ابتسمت وارسلت له ((ان شاءالله لان صراحه ينشقق على حالك))رميت الجوال ..صدق غبيه بعض مرات انسى عمري ...
معه ..خبيث احسه. .يعرف كيف يخليني الين معه ....
انتهيت من المكياج والتسريحة ...وقفت وناظرت شكلي
ابتسمت برضى ...الحمدلله ماتفشلت ..وبعد فرحت أكثر يوم مدحت الكوفيرا ..فستاني
طلعت جوالي ...وبسرعة شحنت الرصيد اللي ارسلة لي اسامه ..ودقيت عليه. .وكلها دقايق وطلعت له
أول ماركبت ...السيارة ...قلت بهمس : السلام
اسامه بجمود : عليكم السلام

طول الطريق ...كان ساكتين ....وبعدها بشوي وصلنا بيت أهله وقف السيارة وميل جسمه شوي .. فزيت
من قربه كذا ...وش يبي ..بس ارتحت يوم مد يده وفتح الدرج اللي قدامي وطلع جوال ...
اسامه وهو يناظرالجوال الي في يده فتحه وناولها
...وقال بتهديد: حسك عينك تغلطي بكلمه من هنا ولا من هنا قدام أمي فاهمه ..وجوالك الكسرة ذا اخفيه ...وذا بداله
ريوف ..ناظرته بقهر : جوالي هذا هديه من أبوي ..ومستحيل استعير منه وهو أعطاني ....وجهازك خله لك مابيه
اسامه هز رأسه بسخريه على هالشوفة النفس اللي فيها على الفاضي قال : يوم عطاك مايدري الضعيف في ايش راح تستخدمه أقول خذيهه وبلا هياط
ريوف فتحت الباب بس بسرعة مد يده ومسكني وقال بعصبيه : خذيه ولا تفشليني باللي معك
ريوف أخذته مجبرة ..فكيت يدي غصب منه ونزلت و ردي له سكرت بالباب بقوة عشان يتأدب ...
افف مايخلي وقت الا يسمني بكلامه الزفت
أول مادخلت الحوش حسيت انه مانزل وراي ....ناظرته ابيه ينزل من سيارته ....
صعب انزل لحالي ....بس وين حرك سيارته ..وطنشني ..
جلست انا ظر حولي ...كان الحوش فاضي بس فيه صوت جاي من الصالة ...قربت من باب الداخلي ..ودقيت خفيف...كان مفتوح ..بس خفت أدخل كذا على طول ..الله يسامحك ي اسامه ...على الي سويته فيني. ..فرحت يوم شفت ..الشغاله ...قلت بسرعة : لطيفه هنا
:ايوه مدام داخل بس انت وقف دقيقه هنا
ريوف ...جسمي كله يرجف ..وبعد ذي موقفتني ...افف
جلست اناظر مجلس الرجآل خايفه حد يطلع منه ....
وبذات خايفه من أخوه ...لفيت بسرعة على صوت لطيفه
: ي الظالمه تغلي ولا وش السالفه ريقنا نشف وحنا ندق عليك وعلى اسامه ....امشي بسرعة يالله نطلع لغرفتي قبل لا يطلعوا
أهل ابوي من المجلس ..كلهن مسنترين هنا ونبيك مفاجأة لهن
ريوف حسيت فيها تسحبني وبسرعة طلعت الدرج معاها ..وسيده لغرفتها ..وصلت وانا اتنفس بقوة من الركض ..
قلت بتعب: بشويش خربتي كشختي
لطيفه رفعت حاجب: اشوف ي المتغليه هالكشخه بس
ريوف فتحت الطرحه وفكت العبايه وهي خجلانه وبعد متوتره من رد فعل لطيفه خايفة..تكسر بخاطرها ...
لطيفه فتحت فمها وقالت وهي معجبه فيها :بسم الله ربي يحفظك اقسم بالله قمر طالعة اتاريك ماهو هينه تعرفي مشاغل كذا شغلها مضبوط وماتدلينا عليهم
ريوف حسيت براحه يوم سمعت حكيها ...قلت بثقه :ايه على بالك ايش
لطيفه وهي تناظر شكلها : والله على بالي خبله مثل يوم الزواج
افتكرت ماتعرفي شيء نسيرك حنا
ريوف بضيق من كلامها :لا ماعليك أعجبك ..

لطيفه خافت انها زعلت قالت بآسف : حبيبتي لا تزعلي مني ترى اليوم ضايقة ومدري وش اقول وسكتت .وهي ودها تصيح. .
ريوف ابتسمت لها وهي تناظر المرايا . وتضبط شكلها.قالت بهدوء:لا عادي حبيبتي والله يبعد عنك الضيقه
لطيفه هزت رأسها بدون صوت
ريوف حسيت فيها شيء ...بس استحيت اسأل واستفسر قلت وانا ابي اعرف : كثير المعازيم ..
لطيفه ابتسمت لها: لا ماهو كثير حول خمسين بس
ريوف بصدمه فتحت عينها: خمسين وماهو كثير ..وسكتت يوم شفت خالتي دخلت وهي تناظرني بتقيم قالت وهي مبهورة في شكلها وبعد مستغربه ..معقول ذوقها ذا بعد ماسلمت عليها قالت بدون حس وهي مو مصدقة إن ذا ذوقها .: حد ساعدك في إختيار الفستان والمكياج
ريوف هزت رأسها وهي كارها سؤالها بس قالت وهي تبي تثبت لهن : لا مااحتاج مساعدة الحمدلله اعرف أختار لنفسي ..
ام اسامه ناظرتها بتقييم مرة ثانيه وهي مو حابه ردها عليها بهالطريقة ..قالت بجمود : ..يالله لطيفه ..خلينا ننزلها ..الكل متواجد حالياً ..
ريوف حسيت انها ماحبت ردي أبد ..بس من حقي أرد على
سؤالها الي مدري كيف قايل ....يعني وشهو شايفتني ...
بس نزلت رأسي للأرض وانا ساكتة ....الله يستر لا هي مثل الامهات الي يوصلن الهرج لعيالهم ...أجل رحت فيها لو هي كذآ والله اسامه يذبحني ..بدون مايفكر بعد ...بس مهما كان لازم أثبت للكل إني أقدر أدافع عن حالي ....

ناظرت لطيفه الي وقفت وهي تقول: ان شاءالله يمه ..
ريوف بعد مانزلت ام اسامه قلت بهمس:والله خجلانه كثير
لطيفه قالت بهدوء:ماعليه انا معك وابتسمت وهي موجوعه كثير حاولت ..
تطرد ..صورة وليد وريتاج بس رفضت تروح عن بالها ..تنهدت بحسرة .وجع .وقالت بهمس : يالله حبيبتي ننزل قبل امي ماتعصب ....
ريوف
حسيت بتوتر ..اشلون يعني قصدهن زفه مثل العرس ولا وشهو .السالفه ..مشيت ساكته معاها..ودخلنا المجلس ..الكبير ...
ناظرت ام اسامه وهي ترحب فيني قدامهن وتعرفهن .. ارتحت ..توقعت حوسه وزفه ... الكل بدا يسلم علي .. وبعدها جلست
وانا متوترة وخجلانه ...
عمة اسامه ساسرت أمها ماشاءالله البنت قمر اسألي أكيد عندها خوات نزوج شهاب ...
الجدة : أقول وينهم أهلها ي ام اسامه عرفينا عليهم
ام اسامه بفشله من خالتها ام رجلها قالت بتوتر : خالتها ماهي موجودة مسافرة مع ولدها وامها وابوها ربي يرحمهم
ريوف يوم قالت امها وابوها آه حست بغصه ليتهم موجودين وكاد حالها أحسن .
الجدة : طيب خواتها وين
ام اسامه بضيق أبد ماهو وقت اسألتهن :ماعندها خوات ي خاله ..
لطيفه ناظرت حول جدتها وعمتها ..تحس بعد بقهر منهم
ماله داعي يسألوا كذا قدام الحريم البنت تفشلت وبعد امها

اللي وجهاا تغير ...تكره هاللقوف فيهن ...
ام اسامه طلعت وهي معصبة ..ماتمنت يسألون كذا قدام الكل
ارسلت الشغاله للطيفه ..وبسرعة جت لطيفه وهي تناظر امها: هلا يمه
ام اسامه بعصبية:ودي اعرف.. وش يبون بخواتها الحين الله يسامحك ي اسامه بس
لطيفه : ماعليك يمه طنشي ..والحين خلينا نفرش لحريم العشا عشان يلتهوا شوي ...وهي تناظر الخدامه قالت لها كل شيء يخص العشا وكيف تقديمه ...وبعد بنات خالتها ماقصروا ساعدوها
بعدها بدقايق قالت لطيفه :يمه يالله قومي ضيوفك العشا جاهز

ام اسامه قالت بجمود:خلاص كل شيء مضبوط وهي تناظر السفرة ... تأكدوا لو فيه شيء ناقص ماهو ناقصين كلام أهل أبوك ولا تنسى عمتك صيته الي مشرفتنا هالمرة ..
لطيفه زفرت بضيق وهي ودها تطلع عصبيتها في اي أحد قدامها ...اليوم الي شافته قهرها حيل هي عارفة ..انه قال يبي ..يعدل وافقت بس مهما كان ماقدرت تتحمل يوم شافتهم .قالت بعصبية .: عمتي صيته وش يعرفها بذي الحركات وبعد..مين جابهم من الديرة ودي اعرف ...ليت بس جدتي جت لحالها
وفكتنا من بنتها ذي الي مو عاحبها شيء
ام سامه بحده :خلاص اسكتي لا تسمعك الحين وتقلب هالليله علينا .. واتجهت للمجلس الحريم ..وقالت وهي ترحب فيهن : حياكم على العشا تفضلوا
ريوف

حسيت بفشله ..وانا جالسه لحالي ..وبعد لطيفه نستني مع بنات خالتها ...وبعد كل مارفعت ..نظري .شفت ..العجوز ذي اللي سألت عن أهلي مية مره ..تناظرني ...وام نظرات اللي جنبها هذي لحالها. .مسببه لها توتر .وبعد حصعب التقلم مع أهله. ..هي وين وهالجمعات وين ..حست براحه يوم بدأ يفضى المجلس ..شوي الكل راح يتعشى ..بس العجيز وبنتها جالسين ...
ليتهن قاموا وفكوني شوي ..

في الصالة
،،.
،،
...
لطيفه بهمس: يمه عمتي وجدتي ماجلسوا على العشا ..أكيد الحين تحقيق مع البنت ..ام سامه بسرعة رجعت المجلس ودخلت على سؤال عمة اسامه : مين بنته وكيف عرفتكم ام اسامه
ناظرت لطيفه اللي جايه وراها ..والله نك صادقه قالت بقهر من أخت رجلها ...: بنت ناس اجاويد ويالله تفضلوا على العشا
حياكم ...
الجدة : الله يكرم النعمه
صيته : وانا محب أكل المطاعم
لطيفه ودها تقول لها ..أنت وش يعرفك بأكل المطاعم ...
أم أسامه بجمود: على راحتكم وناظرت لطيفه تبيها تجلس عند ريوف ....وطلعت تشوف ضيوفها
صيته قالت : وش فيها امتس قايمه علينا كل ماسألنا البنت نطت لنا .
.لطيفه رفعت حاجب بس حاولت تمسك حالها :مانطت عليك ي عمه بس البنت مستحيه و أنتِ طايحه تحقيق ...فيها الله يهديك

صيته بحده: هوو انا وش قلت ولا الي يسأل اليوم خلاص صاير ملقوف عندكم ي المتحضرين
لطيفه بقهر الحين وش دخل الحضر وأهل الديرة ..قالت وهي تبي تهديها ماتبها تخرب هالليلة عليهن :حشاك مين قال عنك ملقوفه بالعكس مافيها شيء سؤالك واسألي اللي تبي وهذي مرة اخوي عندك ...راح تقولك هي بنت مين ومن فين واي حي ساكنه ..وابوها وامها من وين ماعليك خذي راحتك ...
صيته بقهر: صدق انتس عوبه جالسه تتمسخري علي
ريوف فتحت عيني بصدمه شكل ذي المره ماهي هينه أبد الله يستر بس..
لطيفه : لا ي عمه ماتمسخر عليك
صيته بحده : ايه لا تفكري أنتِ وامتس ان نحب نعرف كل شيء يخصكم لا حنا نتفكر عندها خوات نبي نزوج شهاب ولد أختي

لطيفه
...مالت عليك على ولد اختك طايحين أسأله البنت وجها مخطوف وحالتها حالة عشان ولد أختك ذا. قالت.بقهر : ماهو خابرته متزوج ولا خلاص الرجآل كلهن ..صاير..موضه عندهم
..التعداد
الجدة بحده وزعل من كلام بنت ولدها على الصقر .: لو ثنى مابه شيء ..لا هو أول الرجال ولا أخرة
بس صقري مطلق .وابي له الزين مثل أخوك شوفي مرته ماشاءالله عليها ربي يحفظها
..
لطيفه بقهر بعد مطلق آه من هذولا الرجآل قالت بدون حس :اكيد هو الغلطان
الجدة ضربت بعصاها الأرض : وليدي ماهو بغلطان ولا يطلع منه الغلط ي بنت امس ...واسكتي أحسن لتس
صيته بحده :شهاب يغلط لا والله حشا مير بنت خاله عوبه ماتستاهل الصقر ..
ريوف بهمس : لطيفه خلاص اسكتي تراهم معصبين ..
لطيفه وقفت وهي تصب قهوة يوم شافت جدتها وجهاا محمر أكيد أبوها اليوم بيدبغها ..خلاص تحترم حالها ولا تغلط على صقرهم ولا تجي يمه أبد ...قالت بمجامله وقفت وهي تصب لهن قهوه : تفضلوا..
الجده حطتها بقوة على الطاوله : إذا شربتها سهرت وانا مالي فيه
لطيفه هزت رأسها بسكات ..وفرحت يوم دخلوا بنات خالتها ...اكيد فروشوا السفرة للبنات ..ساسرت ريوف يالله نتعشى وتتفكي من التحقيق شوي ... ....
،،
،،
،،
بعدها بساعتين البيت فضي
مابقي غير ...الأهل
ام اسامه بعد ماسلمت على خواتها ..وطلعتهم قالت بتعب وهي تنادي لطيفه ..: قولي للخدامه تجهز غرفة الضيوف الحين ابوك دق علي ويقول ..أخذ ولد عمتك وراح البر ..عندهم مشوار من الفجر ..ضروري
لطيفه بقهر : الله يهدي ابوي ماطلع مشوارة إلا الحين كان خلى صقرهن يروح فيهن وبعدها يروح المكان اللي يبي فيه
ام اسامه بحده : بنت عيب كذا تقولي عن أهل أبوك
لطيفه : ان شاءالله يمه والله يعنا على تذمرهن ..بس
وسكتت تحب دايم صبر أمها على الكلام الي جدتها وعمتها يرمونه بس ماترد عليهن ...او تسبب مشاكل معاهن كله عشان أبوي ..لانه أمه وخواته خط أحمر ...
مشت ناحية المجلس بعد ما اعطت الخدامه خبر ..
وجلست بهدوء جنب ريوف ...
الجدة بتعب :وينه وليدي ..ماجا سلم علي ...
ام اسامه :ماقدر يدخل ي خاله الحين ادق عليه يجي ...ولا يهمك ..
ودقت عليه وقال وشوي وجاي ...
ريوف
حسيت بضيق ..يوم عرفت قصدها من اسامه ماتبيه يجي
تخاف يحرجها مثل العادة ويقط عليها كم كلمه ..تقهرها ..
مثل دايم ..بس يوم سمعت صوته المرعب حست بتوتر أكثر ...
ناظرته ..يوم دخل لابس الشماغ . ومضبط عوارضه ومتكشخ ..أكثر من يوم العرس. ..
رد السلام بصوته الجهوري :السلام عليكم
الكل رد عليه
: الجدة :هلا يمه
اسامه قرب منها وسلم فوق راسها : هلا فيك ي الغالية كيفك عساك بخير يآرب
الجدة : نحمد الله ونشكره ومبروك يمه
قرب من عمته صيته وسلم عليها بعد :هلا والله ب الغالية
صيته بزعل: ايه الحين غالية بس ..يوم عرسك رفضت تنتظر تأجله حتى أجي من عندي بنتي ...
اسامه بخجل : والله ي عمه جا بسرعة وبعد ماعندي خبر كان أجلته لعيونك
صيته :ايه ادهن سيري الحين بعد ما أخذت مرتك وضمنت انها عندك
اسامه بأبتسامه : ماعليه قلتها للي يعاتب ان شاءالله في الثانيه معوض
ريوف
هاا شوفوا بدا الحين ...دايم يقهرني يوم يقول كذآ ...
احسه ينقص من قيمتي أكثر ...
ام اسامه بقهر من ولدها الحين وش يسكت عمته
صيته بصدمه فتحت عينها : هوو توك عريس وتقول كذآ أجل بعد السنه وش تقول ...اقول والله إنك ماتحصل مثل هالزين ....
اسامه ناظر ناحية ريوف وابتسم ..يكذب لو يقول ماهي عاجبته إلا أسرته من أول مادخل ..قال بصدق: والله في الزين هذي صادقة ماراح احصل مثلها ..
صيته بضحكه : ايه اعترف وانا خابرتك .. تكذب علي عشان اسكت
ام اسامه تنهدت براحه ...يوم سمعت رد اسامه وبعد رد صيته ...
ماتبي كثرة حكي. ..تبي سالفة زواج اسامه المفاجأة تنتهي
بسرعة ...وقفت : يالله ي خاله غرفتكم جاهزة حياكم ..
الجدة بحده : اي غرفة الحين ادق على وليدي
ام اسامه : بس والله ابو اسامه رفض قال بتباتوا عندنا
ماعليه ي خاله ناموا اليوم وبكرة وخير
...
صيته ناظرت امها :ايه يمه خلينا اليوم نبات هنا وبكرة نعين خير وأكيد الحين شهاب تعبان من الصبح صاحي ومشغول معنا أنت ِ خابرة
اسامه: شهاب وابوي مشو البر من بدري ... .
يقول لازم يناموا عشان عندهم .. شغلة لازم تكون الصبح جاهزة وشهاب وكلني ارجع فيكم .......إذا تأخر. .وانشغل

لطيفه بحقد على ذا الشهاب ...يعني لازم تطلع له هالشغله الحين مع ابوي. ..آكيد اليوم مافي نوم ..من الفجر صاحين ...
ولازم نفطر جميع ..ولا صار منقود علينا ....
الجدة : وكاد الحين ينشغل مع ابوك ولا عاد شايفته
ويتأخر... مثل عادته ...
اسامه : ماعليه يمه بكرة من الفجر ..تشوفيني قدام الباب و بنفسي اوصلكم وبعد وحشتني الديرة....وأيام قعدتي فيها ...
الجدة بأبتسامه : خلاص يمه بعد ماتوظفت ماطبيتها ولا نمت عندي مثل قبل ....
اسامه : ابشري أجلس عندك يومين ..ولا يهمك
صيته ناظرت ريوف :جيب معك مرتك نبي نوجبها هناك بعد

ريوف بصدمه ناظرته .........
،،
،،
،،